|
البـــارت الاخيــــر ...]... بعد اسبـــوع .. خليفه اتصل على ذياب .. خليفه : السلام عليكم .. ذياب : وعليكم السلام .. خليفه : شحااالك .. ذياب : تماااام ربي يعاافيك .. انت اخبارك خليفه : بخير يسرك الحال .. ذياب : وينك خلوووف .. اتصل بك طول هالاسبوع ما ترد .. شبلاك قاطعنااا خليفه : اسمحلي ذياب .. كنت بزي مرة .. ذياب : مسموح خلوووف .. زين خبرني اخباارك .. يديدك .. خليفه : آآ .. انا متصل بك .. ووو ذياب : قول .. شعندك .. في شئ خليفه : قررت اتزوج .. ذياب يضحك : صدق خلوووووف .. افا سويتها قبلي .. خليفه : احد ميودك انت .. ذياب : ان شاااء الله جريب .. زين خبرني .. حاط عيونك عمنووو خليفه : ذياب تحيد اول مرة جفتك فيها فمارينااا .. ذياب يفكر : همممم .. هي .. احيد .. اعتقد كنت ويا ربيعي حمدان .. خليفه : هي كان وياك ربيعك .. ويااكم .. آآ ذياب انصدم : هي ويااانااا خواتنا .. خليفه : ذياب .. انا حاط عيوني على وحده فيهم .. ذياب مستغرب : واي وحده فيهم .. !! خليفه تم يوصف [ سلامه ] .. وذياب مب قادر يرد .. مب عارف شو يقول .. مب قادر ينطق اسمها يدام خليفه .. خليفه : انت وياي ذياب ذياب بدا يتقطع قلبه .. حس بضيقه .. الي يرمس عنها خليفه اهي .. [ سلامه ] .. ذياب مب قادر يستوعب . ولا راضي يجبر روحه الي يرمس عنها سلامه .. : أأأ .. اقيـــن .. مرة ثانيه ,, عطني الماوصفات خليفه مبتسم .. وماخذتنه الدنيا .. : اكيـــد .. افا عليك .. [ وتم يوصف سلامه ] .. ذياب : خلاص خلاص .. خليفه : عرفتهااا .. زين شاسمها الي وصفتها لك .. وووواختك ولا .. اخت ربيعك .. ذياب مب قادر ينطق .. دارت فيه الدنيا : آآ [ وبعد نفس ] .. سلامه .. خليفه : اختك .. ذياب : اخت ربيعي .. حمدان .. خليفه حده مستانس .. وابد مب حاس بتغير صوت ذياب : وشلون اوصل لحمدان .. ذياب : هذا رقم حمدان .. [ وعطاه الرقم ] .. اتصل به .. وان شاء الله خير .. خليفه : تسلم حبيبي .. واخدمك بعرسك ان شاااء الله .. ذياب بنبرة حزن : ان شاء الله .. خليفه : عيل اخليك .. وارمسك وقت ثاني ان شااء الله . ذياب : ان شاااء الله .. خليفه : مع السلامه .. ذياب : مع السلامه ذياب .. روح للقلاده .. وتم ماسكها بيده .. ذياب قاعد على سريره وموخي ظهرة .. ويده على ويهه .. وسااااكت .. يتذكر شلون هداها القلاده .. والموقف الي صار لما هداها الهديه .. تذكر لما بطل عيونه بالمستشفى .. بعد الغيبوبه ولقا القلاده بيده ويد سلامه .. تذكر لما حصلها وهو رايح لخليفه[بالحوي ] .. يتذكر .. خليفه وهو يوصف سلامه .. لحظاااات ورقد .. فالبوم الثاني .. بعد اتصال خليفه لحمدان .. اتصل حمدان على ذياب .. يبغي يسأل عن خليفه .. ذياب عطاه كل شئ زين عن خليفه .. [ خليفه ] .. انسان جدي .. عملي .. وماعليه لعب وسوالف .. حمدان استانس عليه .. حمدان فغرفه سلامه .. حمدان : شو تسون سلامه .. سلامه : ارمس غزل .. حمدان : وين ترمسينها ما اجوفج زاخه الفون .. سلامه تضحك : صدق انك مال ايام العصر الحجري .. ارمسها مسن .. حمدان : اهااا .. وانتي عبالج ما اعرف المسن .. يالله مناااك .. سلامه : زين قول لي شلون يستخدومه [ تبغي تحرجه ] .. حمدان يبي يتشرد من السالفه : سلااامووو ياينج بسالفه .. سلامه : زين والمطلووووب حمدان : سكري المسن ..وتعالي يلسي اهني ابغي ارمسج .. سلامه سكرت المسن واقهدت حذاله : قولي شو السالفه .. حمدان : هدي شوي .. حبه حبه .. سلامه تتأفف : ايهي السالفه فيها حبه حبه .. حمدان يضحك : تعرفين سلامه فخاطري اجوفج عروس [ يبغي اييب لها السالفه بطريقه غير مباشرة ] .. سلامه : تصدق وانا خاطري اجوفك معرس .. حمدان : ان شاااء الله ليش لاااا .. بحقق امنيتج وبصير بعرس .. سلامه تتأفف : يا حسرة متى .. لما بيظهر الشعر الابيض براسك .. حمدان يضحك : لا بعد عرسج ان شااء الله بعرس .. سلامه : زين يمكن انا اطول .. حمدان : وانا بطول ويااااج .. سلامه : ما سوينا شئ عيل .. حمدان : عندي حل .. سلامه : قووووووووول اسمعك .. عل وعسى تعرس واطفر بحرمتك .. حمدان يضحك : اسمعيني .. سلامه تجرب : كلي اذاااان صاغيه .. قوووول .. حمدان : خليفه ..!!!! سلامه تطنز : هي هذا اعرفه .. كنت العب وياه قبل .. [ ترمس جد ] منو هذا بعد .. حمدان : خليفه تقدم لج سلامه .. سلامه اعتفس ملامح ويهااا : شلووووون !!! حمدان : افا حنا مو اتفقنا انتي تعرسين وانا وراااج .. وهاذووه معرس يباااج .. سلامه مب قادرة ترقد .. نزلت راسها بالارض .. فبالها ذياب .. حمدان : سلامه شفيج .. سلامه تسوي روحها طبيعيه : ماااشئ .. افكر بلي قلته .. حمدان : عيل اسمعيني .. [ وتم يوصف حمدان .. ويتكلم عنه .. ] .. سلامه فكري عدل .. وردي علي .. سلامه : ان شاء الله .. حمدان يضحك : سلااامووو لا تنسيين .. بعرس وراااج .. سلامه تبتسم : يصير خير .. حمدان : عيل فكري عدل .. سلامه : ان شاء الله .. حمدان ظهر من الغرفه .. سلامه مصدووومه .. اقعدت على فراشتها وتمت تصيح .. بعد يومين .. بعد ما تاكد بان خليفه اتصل لحمدان .. ووصل الكلام لسلامه .. اتصل ذياب على سلامه .. ذياب يتصل .. سلامه تناظر الرقم .. [فخاطرها ] هذاا ذيااااب .. ما اقدر ارد عليه .. وما ردت عليه .. ذياب طرش مسج .. [ سلامه ابغيج ضروري ] .. ورد اتصل .. سلامه : السلام عليكم .. ذياب : وعليكم السلام ورحمه الله .. شحااالج سلامه .. سلامه : بخير ... من صوبك ذياب : تمااام يسرج الحال .. سلامي ابغيج تسمعيني .. سلامه : اسمعك .. امر .. ذياب : سلااامي .. انتي عارفه الزواج قسمه ونصيب .. ومحد بيجبرج على انسان انتي ماودج فيه .. انسان مب مرتاحه له .. حبيبتي .. صدقيني ما بتلقين احسن عن خليفه .. ربيعي واعرفه زين . سلامه صلي استخارة .. واذا ارتحتي توكلي .. وشيليني من بالج سلامه .. [ سكت ] ... !!! سلامه ..!!!! سلامه : وياااك . ذياب قد ما يقدر يسوي روحه طبيعي : سلامه لو لي معزة عندج .. تسوين الي طلبته .. لو لي مكااانه عندج .. تلبين الي ابااااه .. سلامه : قدرك كبير ذياب .. ذياب : عفيه حبيبتي .. عيل .. توكلي سلامه .. والله يسعدج ويهنيج .. سلامه تامرين بشئ فديتج .. سلامه : سلامتك .. [ ودموعها عخدها ] .. ذياب حس بتغير صوتها .. لكن ما عبرهااا : سلامه .. انا اكثر انسان تمنالج السعاده .. وخليني اسعد بج سلامي .. وسعادتي اجوفج ويا انسان تمنااااج تكونين زوجه وام عيال له .. سلامه مب قادرة ترمس .. ذياب : سلامي ديري بالج عروحج .. ولا تنسين صلي استخارة .. سلامه : ان شااء الله .. ذياب : مع السلامه .. سلامه : مع السلامه .. ذيااااااااب طاح الفون من يده .. تم يصيح .. ويصيح .. وصرااااخ وصوت عالي .. قام وظهر من البيت .. غزل اسمعت الحشرة الي مسونها .. اظهرت من غرفتها وروحت تبغي تبطل باب غرفته .. الا وهو ظاهر مسرع .. غزل : ذياااااب .. ذيااااب .. صبر .. غزل اركضت على غرفه اخوها حمد .. روحت وخبرته ذياب ظهر من البيت يصيح .. وضايق خلقه .. حمد ظهر عند الباب .. يلف يمين ويسااار .. [ ذياب شل سيارته وروح ] .. حمد رد ودخل الصاله .. لقا ام ذياب وبو ذياب وغزل بالصاله .. بو ذياب : شفيكم حشرتكم واصله لين غرفتي .. ام ذياب : حمد شو صاير .. تكلم .. غزل : ذياااب وين رااااااااااح .. ذياب شفيه .. !! حمد مب عارف شو يرد .. بو ذياب يود حمد من كتفه : اخوووووك وين !! ام ذياب : حمد تكلم ذياب شفيه .. حمد بصوووووت عالي : مااا اعرف .. ما ادري .. بو ذياب : كيف ما تعرف وما تدري ,, شلي صار من بينكم .. حمد : ابوي .. انا ما جفته ولا صار اي شئ من بينا ,, يتني غزل تقول لي ذياب يصارخ بغرفته .. بو ذياب يصد على غزل : غزل ذياب شفيه .. غزل : ما اعرف ابوووي .. كل الي سمعته صراخ وصياح ..!! ام ذياب : وليــدي .. ايبولي وليدي .. حمد دور وليدي .. حمد شل فونه وسويجه وظهر يدور عليه .. غزل روحت غرفتها واتصلت على سلامه .. سلامه ردت على غزل .. : مرحبااا .. غزل تصيح : سلااااامه .. ذياااااب !! سلامه وقف قلبهاا : شفيه ذياااب .. غزل : ظهر من البيت يصارخ ويصيح .. صار شئ من بينكم ..!! سلامه دارت بها الدنيا واغمى عليها ... غزل : سلامه ردي علي .. سلامه شو صاير .. غزل : سلاااااااااااااامه .. سلاااامه .. غزل سكرت الفون واتصلت على موزة : الووو موزاني ..انتي وين موزة : شفيج .. ليش تصارخين ..!! غزل : روحي لغرفه اختج .. موزة مستغربه : ليش شو صاير زين .. غزل : قومي تحركي بسرعه ..! موزة روحت غرفه سلامه . لقت سلامه طايحه عالارض .. موزة وبصوت عالي : سلامه .. غزل حست صاير شئ : موزة شو صاير سلامه شفيهاا .. موزة ودرت الفون .. وتحاول تقعد سلامه .. غزل تسمع الي يصير .. حست بان سلامه لها خص بلي صار لذياب .. موزة شلت الفون وسكرت الخط وروحت تخبر حمدان .. حمدان دخل الغرفه ,, ورش عويهاا ماي .. واقعدت .. حمدان : شفيج سلامه .. قومي اشلج للمستشفى .. سلامه مدوخه .. موزة : ما يحتاي حمدان .. تلقاها من البارحه مب ماكله شئ .. مب اول مرة .. حمدان : سلامه شفيج .. بشو حاسه . سلامه تمت تصيح : مافي شئ . موزة : بلا فيج شئ .. ويهج من البارحه معتفس .. حمدان : سلامه شلي شاغل بااالج .. ترى المسئله ما يبالها كل الي تسوينه موزة مب فاهمه شئ : شووو . في شئ خاشينه عني .. حمدان ما عبرها وكمل كلامه : سلامه محد بيجبرج عشئ .. تبينه قوليلي ما تبينه خلاص .. موزة : في غير ذياب متقدم لج .. حمدان عصب : انت شفيج ملقووووفه .. شو ياب طاري الريال علسانج .. موزة عصبت : لان الريال استخف لما درى في شخص تقدم لسلامه [ واظهرت من الغرفه ] .. حمدان استغرب من الي تقوله : مووووووووووزووو تعالي .. موزة اوقفت : نعم شتبي مو توك محرج علي .. حمدان يود يدها بقوة ومطها برع من الغرفه : انتي منو وصل لج اخبار ذياب .. موزة : غزل .. غزل دقت لي واسالت عن سلامه .. وانا لما دخلت الغرفه لقيتها طايحه .. يعني ذياب لما درى بالسالفه استخف .. واتصلت تسال سلامه عن ذياب ,, ولا قالت لها ان ذياب صار به شئ طاحت اختك .. [ ودرت يده وروحت ] .. حمدان : هذي تفسر عكيفها .. بس يمكن .. خل اتصل على ذياب .. اتصل حمدان على ذياب .. فونه مسكر .. رد واتصل مرة ثانيه ,, نفس الحاله الفون مسكر ..رد ودخل عند سلامه .. حمدان : سلامه فهميني شفيج .. سلامه عرغم الي صار لذياب .. ورغم الحب الي جمعهم .. الا انها تفكر بكلامه ,, فجاه وبصوت حده تعبان : انا موافقه .. حمدان : بس انا ما ابيها بهالطريقه .. سلامه محد جابرج عالزوااج سلامه تحاول تبتسم : بس انا موافقه .. ومحد جبرني عشئ .. حمدان : عيل اكلم امي ,, سلامه تهز راسها : اوكيك .. حمدان ظهر من الغرفه ,, وروح لامه .. خبره وكلمها عن خليفه ,, ام حمدان استانست عليه ,, وبعد يومين .. غزل لما درت بانها وافقت على خليفه قاطعتهااا .. ولا تسال وتدق عليهاا .. ذياب 3 ايام ومحد يدري عنه شئ .. فونه مسكر .. ام ذياب وبو ذياب متخوفين على ذياب .. خايفين يسوي بروحه بشئ .. بعد ما درو طلعته من البيت بسبب سلامه .. خليفه اتفق ويا حمدان بليله الخميس يملجووون .. حمد يالس ويا ربيعه عبدالله .. حمد ضايق حده وشاغل عبدالله وياه وهم يدورون ذياب من مكان لمكااان .. عبدالله درى بالسالفه كلهاا .. عرف زعل وضيقه ذياب بسبه زواج سلامه من ربيع ذياب .. يوم الخميس .. فبيت بو حمدان .. موزة مستغربه شلون سلامه رضت بخليفه وهي تحب ذياب ولكن .. ما تحاول تظهر هالشئ يدام سلامه .. ومسويه روحها مستانسه ,, الرياييل فالميلس يتريوون الملاج يوصل .. خليفه مستانس حده .. روح لحمدان .: حمدان ياخي طول الملاج .. ابي اجوف حرمتي .. حمدان : عنبووو زين ليش مستعيل .. والله انها ما بطير .. خليفه يضحك : زين اتصل بالملاج جوفه وين ,, حمدان : ان شاااء الله .. الحين بتصل .. ثواني .. والملاج وصل .. حمد من جاف الملاج طاااض حيل .. ملامح ويه تغيرت .. ضايق على اخوه ذياب .. وحذاله ربيعه عبدالله .. الملاج قعد .. وحمدان وخليفه حذاله .. الملاج : خليفه توقيعك لو سمحت .. عبدالله حزتها رفع الفون وطرش مسج على فون خليفه .. [ ان كنت تعز ذياب .. ودر اوراقك .. سلامه لذياب ] .. خليفه : اسمحلي بس شوي .. رفع الفون وبطل المسج .. انصدم من المكتووب .. عبدالله طرش مسج غيرة : [ انت هدمت حب انبنا سنين .. وصدقني الحب لك لو سنين ماراح ينبي ] .. خليفه انصدم اكثر .. ودر القلم من يده .. وقف .. وتم يلف يمين ويسااار .. حمد وحمدان والربع مستغربين من الي يصير .. حمدان : خليفه شفيك اقعد .. خليفه يود كتف حمدان وبصوت عالي : انت كنت عارف .. حمدان مستغرب : شلي اعرفه .. شفيك فهمني .. خليفه : ذيااب وينه ابي اجوفه .. حمدان مب عارف شو يرد عليه .. : ما اعرف .. خليفه عصب وظهر من الميلس .. الكل مستغرب من الي يصير .. حمدان مفتشل .. الملاج شل اوراقه وظهر .. الشباب اظهرو من الميلس .. خليفه وهو طالع من بيت بو حمدان لقى ذياب بويهه .. ذياب والابتسامه عشفاته : مبرووووووووك خليفه .. الله يهنيك .. خليفه تم يطالعه بعيونه .. ما رد عليه .. ذياب : خليفه .. شفيك احمر على اخضر .. وعتفس .. خليفه ضم ذياب : سلاااامه لك .. انا مالي مكانه بحياه سلامه .. ذياب مستغرب : انتو ما ملجتووو .. خليفه مبتسم : شلووون املج على حبيبه ذيااااب .. ما يصير .. سلامه حلالك .. الله يسعدكم ويهنيكم .. خليفه روح .. ذياب مستغرب .. مب قادر يستوعب شلون وصل الكلام لخليفه .. حمدان سمع الي صار من بين خليفه وذياب : رغم اني كنت عارف بلي بينك وبين سلامه .. الا اني كنت خوان بحقك .. اسمحلي ذياب .. الغلط مني .. حمدان : تباها شلها من اليوم .. ذياب استانس ..: يعني نكتب العقد اليوم .. حمدان : ليش لاه اتصل عالملاج وبيرد الحين ,, ذياب : اتصل به .. وانا بخبر اهلي .. ذياب بطل فونه واتصل على ام ذياب : السلام عليكم ام ذياب تمت تصيح .. بو ذياب شل عنها الفون .. : هلا وليدي .. ذياب : ابوووي بملج اليوم .. بو ذياب وبعد ما درى بالسالفه : على منو ذياب : سلامه .. بو ذياب : سلامه .. املجت اليوم .. ذياب : ابوي تعال انت وامي وغزل .. وتعرفون كل شئ بالتفصيل .. بو ذياب : وين انيك ذياب .. ذياب : بيت بو حمدان .. نترياكم ابوي .. لا تتاخرون .. بو ذياب : ان شااء الله .. بو ذياب .. خبر ام ذياب بلي بيصير .. استانست حدها .. وام ذياب خبرت غزل .. وروحو بيت بو حمدان .. فبيت بو حمدان .. بو ذياب دخل الميلس .. لقى الملاج قاعد .. ذياب يالس حذال الملاج .. ويا وقت توقيع ذياب .. [ ووقع ذياب ] .. قام الكل يهني ذياب .. وحمدان مستانس ومفتشل بنفس الوقت .. عبدالله وهو يسلم على ذياب : مبرووووك .. الله يسعدك ويهنيك حبيبي .. ذياب : الله يبارك فيك .. عقبااالك . عبدالله : الله كريم .. خلينا الزواج لكم يا شياب .. حمدان : ذياب .. بنروح لسلامه وبنيك .. ذياب : لا تطول .. حمدان و الملاج ادخلو عند سلامه .. سلامه لحينها مب داريه بكل الي صااار .. الاوراق يدامها والقلم بيدها .. سلامه مركز عالاسم .. : ذيــــاااب .. حمدان : هي ذياب .. سلامه انزلت دموعها : متاكد .. حمدان : الاوراق شو تقول يدامج .. سلامه تصيح : ذيـآآآب .. ووقعت .. رد الملاج .. وقعد حمدان عند سلامه يعتر لهاا .. وخبرها بكل الي صار .. سلامه : مب قادره تسكت .. منصدمه ومستانسه بنفس الوقت .. : ابغي اجوفه .. حمدان شل الفون واتصل لذياب وخبره يدخل ميلس الحريم .. ذياب دخل الميلس .. : السلام عليكم .. سلامه : وعليكم السلام ورحمه الله .. ذياب : مبرووووك حبيبتي .. سلامه : الله يبارك فيج .. حمدان حس روحه مكااانه غلط .. : عيل انا استاذن .. مبروووووووك سلامه .. مبروووك ذياب .. [ يضحك ] .. عقبالي .. سلامه تضحك : ان شاااء الله .. ذياب : انا شيبت وتزوجت .. انت شكلك خير شر ما بتزوج .. حمدان : سلامه تحيد الوعد الي وعدتج اياااه .. سلامه تفكر : هي احيد .. حمدان : عيل دوريلي حرمه .. سلامه : من صدقك .. حمدان : عيل تحرين بس ذيابو يعرس .. والله اهو مب احسن عني ذياب : بدينا غيرة . قدق انك حسوود .. حمدان : جني طولت يالله مع السلامه .. سلامه وذياب : مع السلامه .. ذياب قرب من سلامه .. ويود يدهاا .. وباسها عراسها .. : صايرة ملااك اليوم .. سلامه مستحيه : تســـلم .. ذياب ودر يدها .. وضمها عصدره .. وبصووووووووووت هادئ .. : احبــج .. سلامه : آحبـــك .. كفـآيهـ يـ الغ ــلآ كفـآيهـ . كفـآيهـ منـك تعـذيبـي حبيبـي وانتهـ منـآيهـ .. عنـآتـي إنسي وطيبـي ودآدك سآكن حشآيهـ .. ونبضي باسمك يجيبي وقلبي وبآقي عضآيهـ .. بـ شوفك خلي الطيبي فـديتـــك خ ــلك ويـآيـهـ .. دوآيـهـ وانتـهـ طبيبـي فـ غيــرك مـآليـهـ ح ــآيـهـ .. أيآ سيــد محـآبيبـي أح ــبك لـ آخـر نهآيهـ .. عسآك تكـون فـ نصيبـي رفعـت لـ حبـك الرآيهـ .. مسلم لـ أمـرك مجيبـي بعد عشر سنين ,. سلامه وذياب ياهم ولدين وبنت .. غانم .. سعيــد .. غرام وحمدااااان .. تزوج بعد زواج سلامه وذياب بشهرين .. وكان من نصيب غلا .. ربيعه سلامه .. ريم وسالم ياهم ولدين وبنتين .. دانه ..شجــون .. سعود .. فهد .. غزل تزوجت عبدالله ربيع حمد .. وياهم ولد .. منصوووور .. ام حمدان توفت .. وولدها جاسم تزوج اجنبيه .. سنتين وطلقها .. نهيان دخل السجن .. بقضيه مخدرات .. وسيف تزوج موزة .. .. واخيرا .. انتهت الرواايه .. تحياتي لجميع متاابعيي |
جذبني عنووان القصه ان شااء الله لي رجعه بعد ما اقراا اللي طاافني ثاانكس ع جهوودج |
مشكوره ع القصه وتقبلي مروري |
رووووووووووووووووووووووعه القصه تسلمين قصيد على النهايه الغاااااااااااااااااويه يعطيج العافيه |
تسلميين غلااتي ع الروايه ننتظر ابداعاتج |
| الساعة الآن 04:23 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir