|
:21: :21: :21: |
يلـآ فديييتج عآآد ويييين التكملهـ :( |
بـآآآآآآآآك .. رجججعت .. اشتقتلكم واايد .. وثاانكس ع الردود الحلـوةة .. تبون التكملة ؟! هههه اكيد اتقولون هاي تسأل واتعرف ان نحن نبي التكملة .. هع هع يلاا نكممـــل .. . . . وش صآآر و وش جـرى معقووله رآحت ! رآحت بجفنهآ الأبيض لقبرهآ و لوحدهـآ ؟ وأنـدفنت تحت الترآب ومن الدنيآ ضآعت ! آآه يآ ليتني أقـدر أكـون ويـآهـآ أو لمحهآ الطيبـه و الحنيه و الشووق هي كـآآنت شهد هي و يشهد الله علي أني أحبهآ حمدان : يعني الحين هيه بخير ؟؟ الدكتور : ايوا الحمدلله مافيهاش حااجه ... بس لازم تااكول اووي .. لان عندها هبوط حاد ... حمدان : شكرا دكتور ..... . . ريمو : زين سويتي وودييتيهم ... هه خل تتحمل المسؤؤليه شويه .... مالت عليها وعليه .. . . عزوه : راشد .... راشد من غير ما يصد : اسمعج ... عزوه : بس يا راشد بس ... لا تعذب فوااد امايا وابويه اكثر ... انته عزوتنا .. مالنا غيرك .. راشد يطالعها جنه اول مره يشوفها ... أنـآآ يـآ نـآآس مش قـآآدر أستوعـب فقده هذآآ أخوي و وحيدي و سنـدي و حمآآي تركني لِحآلي ورآح مع غلآه وحبه وقلبه ثلآث أيآم الحين بدونه لمنو أوجه شكـآي لكــن آآآه شـو أقدر أقول غير الله يرحمه وأدعيه يرحم حآله وغربته فالقبر وحآلي عزوه : رد حس البيت شرات قبل ... رد رووحك الحلوه ... هاي حال الدنيا محد بيتم فيها !! " يرن تلفونه .. يطالع الرقم ويغلقه " ..... عزوه : الله يهديك ان شاء الله .... راشد : خليني بروحي شوي ..... عزوه : بس اظهر دخيلك ... رمس قوم امايا شوي ..... خل يرتااحون .... راشد : ماعليه .. بس خليني شوي ... عزوه : ان شاء الله ..... وتظهر من عنده ..... يتم حااير ويفكر .... تردد وايد بس فج التلفون ..... واتصل .... دنوه وقلبها يرقع : الوه ؟ راشد : امم انتي وين ؟ دنوه : انا برع البيت يوم بوصل بتصلبج .... راشد : حد وياج ؟؟ دنوه : هيه انا وحمدان موديين هنوف اخت مرت اخويه المستشفى ... راشد يتنهد : شفيها بعد هاي ؟ دنوه : هبوط حااد ... راشد : زين بتريا اتصالج لا تتاخرين علي .. دنوه : ان شاء الله .. راشد : ندى .. دنوه : بعدين ويا ويهج ... راشد : امم زين ... فمان الله ... < دنوه ... ليش هالحس الي يقطع القلب ليش .. ااخ يا راشد شكلك انته بعد بتتغير ... الله المستعان بس .. . . ام الود : سعييد .. سعيد : لبيه امايا ؟ ام الود : تعال ودني بسير بطالع بناتي ... سعيد وهو يتعصم .. : لا انتي ما بسيرين انا ماعرف جان ابوهم اهناك ولا لاء .. انا سايرلهم الحين .. ام الود : طمني عليهم .. سعيد مبتسم ويبوس راس امه : ان شاء الله ..... . . موتت شهد واحمد غيرت وايد اطباع ونفوس ..... سبحان الله ... قصه حب من الخااطر .. قصه حب صادقه وواضحه من الطرفين .. مافيها أي جذب او أي نفاق ... بس ما تمت ... ونااس ظالمه ... وناس جذابه .. تعيش وتتهنى وتخون وتسوي كل شي ما يصيبهم شي !! .... الدنيا غريبه والله ..... . . ام ذياب : فدييييييييييتهم اناااا .... سعيد ابويه شحاااالك ؟؟ " وهيه لاويه عليه " سعيد : لاااااع ... قووم قووووووم ... ام ذياب : وه ؟ شحقه اقوم بعد ... امايااا انا نسيتني ؟؟؟ ذياب مبتسم : سيري بوسي امايا ... غلا تسير وتبوس راس يدتها وتيلس فحظنها بدلع ...... ذياب يطالع مهاري : مكاره البنت .... " يقصر صوته " غناتي فيج شي ؟ مهاري ميوده روحها ومبتسمه غصب : لا مافيني شي ... بروح اتسبح انزين ... ذياب مبتسم ويهمس : بشتاقلج ... ابتسمت له وقامت : عموه اترخص عنج بروح اسبح .. ام ذياب : مرخوصه امايا سيري برايج .... عقب ماراحت بدقايق .. ام ذياب : شبلاها حرمتك ليكون مضايجه من عيالي ؟؟؟؟ ذياب يتنهد : بالعكس مستانسين عليها وايد وهيه اكثر ... ام ذياب : حمدان وندى مادري وين سايرين ؟؟ كل ما تصلبهم ما يردون علي .. ذياب : ماعليهم خوف ان شاء الله ... امايا خليهم شوي عندج بسير داخل شوي وبرجع .... ام ذياب : سير ابويه برايك ... فديتهم انا ... بخليهم يرقدون عندي الليله .... سعيد :لأااااع ماما مهول .. ذياب يبتسم : ماما مهره ... سعيد : مهووول .. غلا : انا بنام عند باااباااه ... ام ذياب : مافيكم خير انتو ... بترقدون عند اماايا ... وتنش بتوديهم تغسلهم وتلبسهم ... طق طق طق .... ذياب : حبيبي ؟؟ مهاري تربع صوب الباب فحظنه وتصييح ... ذياب : ليش حبيبي كل ها ؟ شوه فيج ؟ مهاري ترص عليه بالقو وماتسكت ....... ذياب يسحي شعره بكف ايدينه ويهديها : بس خلاص ... خلاص لاتقطعيني بدموعج ... مهاري تحاول تهدا شوي : ماتخيل اني ما بجوفها مره ثانيه ... ذياب : حبيبي خلاص .. هذي حكمت ربج .. ربج اختاارها .. وماتدرين .. يمكن هالموته اريح لها ... انتي تدرين انه ابوج حالف ما يزوجهم في يوم .. يعني بتم طول عمرها متعذبه ... ربج ريحها .. ادعيلها بالجنه ..بالمغفره .... " يخوزها من حظنه ويجاابلها يمسح دموعها " ذياب : فديت هالويه الاحمر انااا ... شوه ها من تصيحين جيه يتغير لونج ؟؟ يوم تعصبين شقايل عيل ؟ ماركزت تصدقين ؟ مهاري تبتسم : سخيف .. هههه .. ذياب : يااااااالله فديت هالضحكه انا يعلني ماااخلى منها ... مهور ماقلتلج اليوم .؟؟ مهاري تطالعه : ..... ذياب : قلتلج ولا ماقلتلج ... مهاري: قلت .. ذياب : احبج اموت فيج والله ..... غلا تفج البااب بالقو ويندق ع ظهر ذياب الي طلعت منه : آآآخ ... مهاري : غلوووووي شوي شوي حبيتي ... كسرتي ظهر باباه ... " تطالعه وقبضت ايدينه " استوالك شي ؟ ذياب : هيه ... مهاري بخوف : شووه ؟ ذياب : قلبي تزيد دقاته من قربج ... مهاري تبتعد عنه شوي : والله قلييييل ادب .. ذياب يضحك : ههههههه ليش .... غلا : باااااااااااااباه برقد عندكم ... ذياب : لا باباه بترقدين عند امايا اليوم .... باجر رقدي عندنا ... أنا اليوم بقول حق ماماه قصه وحش ... غلا متروعه : بنام عند اماايا ... وتربع عنهم .... مهاري تطالعه بلوم : حرام عليك ليش جي تسوي فيها .. ذياب بخبث : ................ . , , , |
. , , , دنوه : شوي شوي هنوف ... حمدان : دنوه .... خلينا شوي ..... دنوه تطالعه باستغراب ... هنوف عاقده حياته : مابا اجابلك .. بروح ارقد .. حمدان : ماعليه بترقدين برمسج شوي ... هنوف تطالعه وتصارخ : مااابا بالغصب شوه ..... وتدخل البيت ..... دنوه تطالعه : بدششها وبي ... حمدان ينزل راسه : ماعليه ... بترياج ... . . . عزوه : ماعرف شقولك ؟؟ اخاف اكلمهم فالموضوع والله ... عبدالله : تبيني اكلم رشود ... عزوه : لا خله انا بكلمه فالوقت المناسب ..... عبدالله : شو وقت مناسب الله يهدااج ... عقب اسبوعين ساير انا ... ماشي وقت ؟ عزوه : خلاص عطني بس هاليومين وبكلمه .. عبدلله : بنشوف يوميينج هااييل .. عزوه تبتسم : يالله انا بروح انام ... عبدالله : وانا ؟ عزوه : ارقد بعد شوو ... عبدالله : مافيني رقاد انزين ... عزوه : عد الخرفان الي ينطن ع راسك وبترقد .. عبدلله : خرفان عاد ؟ زين .. يالله تصبحين ع خير ... عزوه : وانته من اهله ... . . . الود : وين كنتو خوفتووني ؟؟ ليش ماتردين علي ؟؟ دنوه : يوم اتصلتي كنا عند الدكتور وعقب نسيت اتصلبج والله ..... الود : شو قالولها ؟ وشو استوا ؟؟ هنوف : انا بشم هوا شوي برع .... فصخت عباتها وشيلتها واكتشفت بشيله بيضا ... وظهرت الحوش .... كان مطلع مداوخ ويدوخ .... انتبه له بس كرامته وغروره الي مسيطر فيه منعه يسير .. مع انه كسر هالشي ويااها .... بس ماقدر يسير ... بس ما تحمل يجوف دموعها وانهيارها مره ثانيه ع الارض ... سار بسرعه ... حمدان : هنوف لا تسوين بعمرج جذيه ... والله الدكتور قال انج بتتخبلين تبين تخبلين بروحج انتي ؟ هنوف تصارخ : انته شوووه يخصك ؟؟ انا ابا اعرف انته شو لك خص .... حمدان يطالعها بصميم : لي خص ونص سمعتي .... بس عاااد عن حركات الدلع هذي ترا مول مش راكبه عليج .. انتي قويه وبتميين قويه ... وها اختبار من ربج .. لازم تتصبرين وتدعيله مش تسوي هالتصرفان الي مالها معنى ... هنوف عاقده حياتها : انته تعرف انك تلوع جبدي ؟ وكل مره اجوفك فيها اتغصص ؟. " تصارخ " انقلع عني .. وتدخل عنه دااخل ..... حمدان عقد حياته .... فر المدواخ ع الارض وكسره بريله ... مشى صوب السياره وخلاص حده مفوول ... تم يضرب هرنات لين ماظهرت له دنوه .. دنوه : شبلاااااااااك ... حمدان : فكييييني اركبي .... ركبت السياره وماعلقت ... جافت هنوف داشه منهاره وهوه معصب اكيد دار شي مبينهم ..... . . . كـآن ودي الأيـآم و الشهور تمر وأمسك بـأيدي بطـآقة فرحهم لكـن وين أحلآمي و وين القـدر هم رآحوآ و النـآس بعدهم بهم شهد يالغلآ يآ شبيهة ذآك القمر أحمد حبج وترك الكـل بقهرهـم و عآند الكل و حآرب حتى الدهـر يآمآ ويآ كثر ذآك عن بعض فرقهم لكن شوفـوآ أنتـوآ القضـآء و القدر مـآتوآ ويـآبعض و محد قدر يبعدهم هنوف : طلعي بررررررررع اقولج ... الود تصيح : هنوووف حرام عليج .... انا وانتي مالنا حد فهالبيت الحين ..... لازم نكون اييد وحده .. ليش تعامليني جييه ... هنوف تصارخ : مااااحبج ياخي مش بالغصب ؟؟ التعني اظهري بررررع ... انتي بعد مافيج قلب ولا فيج رحمه ؟؟ مااااا صحتي ع شهد اليوم ولا حتى ذكرتيها .... سعيد يدخل : ليش الصياح بيرد شهد ؟؟ ليش الصيااح يعني ان الود متعذبه ؟؟ الود عيل متعذبه اكثر عنج ... ع الي تسوينه انتي وهالحاله كلها يدل ان الود وسكوتها متحمله وصابره وحزنانه ع اختج اكثر منج ... انتي لو تحبينها ما بتعذبينها بصرااخج وخبالج هذا ؟ تتحرين هاي تصرفات وحده عوده ؟؟ انتي تراج يالسه تعذبينها بقبرها اكثر .. وهااه ما يتسمى حب ... اثقلي ... اركدي شوي ... فكري بعقلج ... انتي بعد بتموتين .. ماتدرين يا اليوم يا باجر يا الي بعده ... ليش ما طايعه تفهمين ان هاي حال الدنيا ؟ محد تااااام فيها ... بو الود معصب : انته شو تسوي اهني ؟؟ الود حطت ايدها ع حلجها ...... خايفه من الي بيستوي ... ع طول سارت هنوف جداام سعيد ومسحت دموعها : جوف .. ترا هذا الي باجلنا فالدنيا ؟ ريال واحد .. اذا ودك ترتكب جرايم ترا بعده عندك بنتين لين الحين ... مالك خص فاخونا ... بو الود مستغرب ,, الوحيده الي ما يقدر يمد ايده عليها .. تسكته دوم .... وتاخذ حقها لو شو ماكان ... سعيد يقبض ايدينها ويجابل بو الود : دامك مارمت تتحمل من خواتي... غصبن عليك بتتحمل وجودي اهني كل يوم ... لان محد بيتحمل منهم غيري الحين .. هم مسؤؤليه مني ... توقعنااك قد المسؤؤليه تروم تتحمل منهم .. اثاريك الا ناوي تنفدهن وحده ورا وحده ... بو الود الي اتفااااجآ من هالكلام .. نوره تدخل : السلام عليكم ورحمه ...." وتسكت " بو الود : ردي ظهري خلي هالبيت بكبره حقهم .... يلتعنون فيه من بناااات ... ويدفر نوره وياه برع البيت ..... تحظن هنوف سعيد وتصيح ...... ع رغم من صغر سنه ... لكن ماشاء الله عليه ريااال بمعنى الكلمه ... كبر في عين خوااته وايد ... لوت عليه الود بعد وصااحت ... اول مره يحسون ان وراهم ظهر يحميهم من جبروت ابوهم ... مستحيل يتغير في يوم .. حتى عقب وفاه بنته ماتغير ولا تأثر ... شوه من قلب هذا ؟؟ . . . دنوه : الوه ... راشد : هلا ... شحالج ؟ دنوه : بخير وانته شخبارك ؟؟ راشد يعض ع شفاته ويسير صوب الباب يقفله : تعباان ... تعبان وايد ... دنوه الي نزلت دمعتها عـ طول : فديتك والله ... يعل التعب فيني ولا فيك ... راشد : راح اخويه راااح ..... ماعندي حد يادنوه الحين العوزه ولا اطنز عليه ... " يبتسم " ويين الي بيتم يطفربي كل شوي ويحشرني اني ارمس ابويه عنه وعن حبه .. هلكت يا دنوه هلكت .... دنوه : ماعليه حبيبي .. لازم تتصبر ... اهلك محتااجيلك .. لازم توقف وياهم الحين .. راشد : اهلك واهلك .. واناا شوه ؟؟ انتي تتحرين الريال مافيه قلب ؟ مايتاثر ؟؟؟ والله يتاثر بالقو بس فالقل بما يظهره .. دنوه : اعرف يا رشود والله اعرف يالغالي..... اعرف انك تحب احمد واايد .. بس الله يرحمه ... ترحم عليه وادعيله ... راشد بحسره : الله يرحمه يارب ... عقب دقايق .. راشد : اسف جان لعوزتج وياي بس ماقدر اشكي لغيرج ... دنوه : شوه هالكلام فديتك ؟ مابينا هالشي .... الي في خاطرك قوله ... راشد : مافي شي اكثر ينقال .... تعباان والله تعباان ..... دنوه : اقولك شي بيريحك وبتسويه ؟؟ راشد : بسويه .. دنوه : قوم اتوضا الحين وصل لك ركعتيين ... وامسك المصحف وسير الصاله اقرا بصوت عالي ... اهلك بيرتااحون وانته بترتااح .... راشد : مش متعود .. دنوه : قلتلك بترتااح !! وبتريح اهلك وياك .؟ ماتبا ترتاح ؟؟ راشد : ماعليه بروح الحين . دنوه : خلاص حبيبي واذا احتجت أي شي اتصلبي اوكي ؟ راشد : مشكوره فديتج ... . . ام ذياب : الووه ؟؟ هلا والله .... اسمحيلي ع القطييعه .... لا والله كنا بنييكم ..... لا حرام عليج .. ماعليه حياااااكم الله في أي وقت .... امريني ؟؟؟ هيييه ...... ان شاااء الله ...... ماعليج فالج طيب .... حيااج حياج من غير مووووعد قديتج ..... ذيااب ؟؟ الهرم ولا قالي .... هههه ماعليه الغاليه ..... من عيوني ..... سلمي عليهم كلهم ...... الله يحفظج ..... . . . < حمدان .. حتى لو كانت الف عله وعله فيها ... ماكان المفروض ترمسني جيه ..... اعنبوه شو ماكل حلالها .... هيه للحين ما قالت لي اصلا جان ترتاحلي ولا لاء ... جان تعزني ولا لاء .... اصلا لو تفكر فيني ولا تحمل لي شويه بس من غلا ما قالت لي هالكلام ..... برااايها .. الي ياااابها ياب غيرها ...... تتحراني بموت عليها ؟؟ كييفج . والي تبينه سويه يعلج ما رتحتيلي ولاحبيتني في يوم .. ليش اعور راسي بج انا ... اخر عمري افكر في بنيه .... " انا بحيا حياتي لا احب لا احاتي ... دام هذي المحبه ليش انا اعور راسي ؟؟ رووح يا قلبي عنه ... دامها جتك منه ....... روح وقوول انه .. مثل هم وانزااح ....... " . . . ذياب بتعب : مهووور .. بتفطريني والله ... شفايفي بكبرها دم ... مهاري تفج عينها وتخوز ايدينها عنه ... انتبهت للساعه ., ذياب شل كلينكس ومسح الدم الي ع شفاته .... ويفج عينه بتعب : قصي اضافرج .. مهاري تبتسم ... ذياب جاف الساعه 6 ونص .... : صباح الخير ... مهاري تطالعه بحب : صباح النوور ... ذياب : ماتسحرنا ... مهاري : عموه نششتنا وقومتك ماطعت تقوم ... ذياب مبتسم : جان قمتي انتي تتسحرين .. مهاري : وانته ماتتسحر ؟؟ ما يستوي ... ذياب بخبث : لا والله .. ما يستوي .. مهاري امبوزه : بتسير عني ... ذياب يضحك : ههههههههههههههههههههههههه .. الي يسمع بسير عنج الصين الحين .. الا الدواام دقه حصاااه ... مهاري : انزين حتى ولو مااابا ... ذياب ييرها فحظنه : ماعليه حبيبتي برد من وقت ... خلي الشغالات يرتبون كل الثياب عسبت نوديها اليوم بيتنا انزين ؟؟ مهاري تطالعه : قلت حق عموه انته ؟؟ ذياب : هيه قايلها .. ماقالت شي .. مهاري بنص عين : ذيبووه ... ذياب مبتسم : ياروحه " يبوس خشمها " والله قلتلها ... مهاري : زيين .. ذياب : وديري بالج ع العياال انزين .... خليهم يتغدوون عدل لان بنعتفس فالبيت اليديد وترتيباته وما بنلحق نسير الجمعيه لين المغرب فشبعيهم .. مهاري : ههههه حرام عليك تبا تذبحهم انته ... ماعليه بشل اشياء خفيفه ويانا ... ذياب مبتسم : زين يالله فجي عني خليني اقوم اسير اسبح ... مهاري فاجه عينها : انته الي قااابضنيه ... ذياب : انااا ؟؟ انتي راصه ع ريولي ... مهاري : حشى والله لا تستهبل ... ذياب : يالله فجي فجي .. ياربي ع الي يتلصقون ..... مهاري تير خده وترص بالقو : بقرمشك ويييييهك ترا ... ذياب يضحك : ههههههههههههه والله كيفج بتسويلي لفت انتباه ... كل البنات ببطالعوني فالمستشفى . مهاري فجت عينها ... ضحك عليها من الخاطر ونش .... مهاري تقبضه : مااابا ما تروح ماتروح ... ذياب : شوه ماروح مهور ماشي وقت ... مهاري : بنات هااه .. ذياب يبتسم : والله عيني ماتنظر غيرج والله .. حتى لو اطالع وحده جداامي بجوفها انتي .. مهاري فاجه عينها : شوو ؟ ذياب : يالغبيه يعني .. " توهق " ياربي كيف اشرحلج .... " يطالع الساعه " قصي قصي علي انتي عشان ماارووح .. ماشي وقت ... ويخوز عنها يسير الحمام ... ردت طاحت ع السرير تتمدد ... يايه بتشرب ماي عقب تذكرت انها صايمه .. ابتسمت وقامت اطلع له ثياابه .. وتغير ملابسها لانها ما بترد ترقد وراها شغله ... . . . |
. . . دنوه : حمداان يالله قوم دواام ... حمدان يتنهد : ناش انا مش راقد ...... تدق الباب : ادخل ؟ حمدان : لاء طبعا ..... دنوه تدخل : بدش .... وتشغل الليت ..... حمدان : صدقيني بتندمين ع هالحركه .... دنوه سكرت الليت وسارت عنه ....... تنهد بضيج ...... وين رقدت انا ...... الله يلعن هالحاله ...... ان شاء الله تكون غنات القلب بخير .... فديتج يعله فييني ولا فيج .... بس روفي بحالي شوي .... شوي بس .... آآه بس ....... " لو اقول مليوون مره اني ما ابيك ... لا تصدق هالحكي ....... " دنوه تدخل : يلااااااااااااا دوام ........ حمدان يشل المخده ويفرها باقوى شي عنده ع طول سكرت الباب ...... حمدان : عنلااات هالشكل ..... . . . الود تشوف تلفونها " 6 مسد كول " ....... الود عاقده حياتها ...... < ها ما يفهم شووه ؟؟ ما سده الي امس استوا !! المفروض يحرم يتصل ....... دخلت الشعرتين الي كانت ظاهرات .... شلت بااقها وظهرت ..... دخلت غرفه الهنوف جافتها مقفوله .... قلبها وقف .... تمت ادق ادق ..... هنوف بطلت الباب : شفيج .؟ مافيني شي .... ابدل ثيابي الود : ليش وين بسيرين ؟؟ هنوف : كنت مسبحه ... الود : ليش مارقدتي انتي ؟؟ هنوف : رقدت بس شبعت رقاد .. الود بنص عين : انتي بخير ؟؟ هنوف تبتسم : وايد بخير .... الود تبتسم : زين بروح الدوام ااييبلج شي وانا يايه ؟؟؟؟ هنوف : لا ... الود : يالله تحملي ع روحج وجان بغيتي شي دقيلي ع طول ..... هنوف تبتسملها ...... باست خدها وسارت الدوام عنها ........ . . . ذياب : امايا متى العييد ؟؟ ام ذياب : بعده ليش مستعيل عليه ؟؟ ذياب : لان ثاني يوم العيد بحجز في شاليه ف الفجيره ... بنسير كلنا نغير جو ان شاء الله ... ام ذياب : خل منك الشاليه الحين ... شبلاه اخوك ؟؟ ذياب عاقد حياته : شبلاه ؟؟ ام ذياب : انا اسالك ! ولدي مش طبيعي اليووم .... دنوه تييهم : صباح الخير ..... ذياب مبتسم : فديت هالويوه الحلوه ..... دنوه تبوس راسه : ياااالله فديتك محد مدلعني غيرك ..... ذياب يقبض ايدينها : يلسي يلسي عدالي ...... " يغمز لامايا " .... ام ذياب عاقده حياتها : مش وقته ... صدق لك باااارض .... خبريني انتي .. شوه بلاه اخوج ؟؟ دنوه تطالع ذياب : شوه بلاه هكو جدامج اساليه .... ام ذياب : اطري حمداااان .... دنوه بارتباك : هااا حمداااان .... " تستهبل وامبين عليها " ليش شوه بلاه ؟؟ ذياب مبتسم : يلا اماايا بسير الدوام انا عن اتااأخر ..... لا تشغلون الدريوول ترا بيشل اغراضنا ... دنوه ماده البوز : حرام جيه اسيرون .... بيخلى البيت علي ....... ذياب : تعالي بيتنا !! متى ما تبييين .. ولا عيشي عندنا جان تبين ...... دنوه : واخلي اماايا الفقيره .... ام ذياب : انتي جي ولا جي بتخليني ... دنوه باستغراب : هاه ؟؟ ذياب : يالله امايا " يبوس راسها " دعواتج ........ ام ذياب بحب : الله يحفظك ياولديه ويحمييك يااارب ...... سار صوبها لانها ع طول دخلت تسبح عقب ما ظهر من الحمام .... دق عليها الباب وفجت له بسرعه بابتسامه عريضه ..... يطالعها من فوق لين تحت .... فوشي ... اللون الطر عليها ... يبرز كل شي فيها .. انوثتها وجمالها ودلعها ..... ذياب : زين ييت اجوف هالحسن قبل لا اسير ..... " مبتسم " مهاري ترد له الابتسامه : يالمكاار .... اسمع حسك شال الدنيا ولا ييت صووبي ... ذياب فاج عينه ويتقرب منها : فديتج الا توني ... وين ايلس وياهم كله وياج ..... مهاري سكتت ..... ذياب يطالع الساعه : يالله غناتيه بتأخر ...... " يبوس راسها " تامريني بشي ... مهاري : تحمل ع روحك ,,,,, " ترفع ايدها بتهديد " مش تطالع مني ولا مني ..... ذياب مبتسم : ماجوف غيرج فديتج انا .... يالله حبيبي .. بينا ألووه .... مهاري ابتسمت له : الله يحفظك ...... . . . . عزوه : راشد الغالي ؟؟ قووم سير الكليه ...... راشد : مش ساير خليني اناام مانمت امس ....... عزوه : راااااشد حرام عليك .... قووم عاد ..... راشد معصب : قلتلج مش ساير ظهري برع ....... تنهدت وضهرت برع ...... . . . الود : مشعل وين ؟؟ ..: الاستاذ مشعل قدم استقالته ورد الكويت ... الود بصدمه : شوووووه !!!! . . . مر اليوم بطيء وايد .... ذياب كرف فالشغل .... مهاري والعيال سارو البيت اليديد قبله ..... تخبلت ع البيت والاثاث وكل شي .... كان كل شي ذووق ... هنوف حالها مثل ماهوه ..... بس ام ذياب وايد تقربت منها .. يمكن لانها حبتها يوم جافتها ادش المطبخ وتعرف ان ولدها تعلق بها .... قامت تزورها وايد وتحسسها بالراحه ... وخلتها تتقرب من ربها اكثر واكثر ..... هنوف تتقبل مرور كل حد عندها ... الا امها ... للحين مش راضيه عليها ..... الود ... حليلها الود ...... خسرت اختها ... والحين خسرت حبيبها .... انقطع عنها مشعل .. تحااول توصل له ماقدرت .. كان قاطع عنها بالقو بكل شي ...... بو الود .. استقر ويا نوره فبوظبي .... يمكن يبتعد عن غلطته ؟؟ ما يبا يحسس روحه بالغلط والندم ؟؟ ولا يمكن يدس ويهه عن النااس وعن اهله اكثر شي .... وطبعا نوره حليلها الضحيه المنقاده وياه ..... متحمله كل شي ..... وهيه تتذكر وصيه شهد لها ..... لا تتطلقين يانوره ... ترا ماعندج حد ..... سعيد ....... الاخو الحنون ...... صح بعده كسوول وهييز .. لكن حنون ... ما يقصر في خواته مول ... كل يوم طاب عندهم .... حصوه ... مادري شو سالفتها ويا النت ؟؟؟ 24 ساعه عليه !! عينها بتطلع ..... اممم حزنت ع شهد فتره بس !! عاشت حياتها بسرعه .... وقدرت تتنااسى ..... ام الود ... اممم محد يتواصل وياها الا مهاري والود ..... لكن مهاري بزياده ... لان تسير لها البيت كل يومين ... تشتاقلها وايد وتحب قربها ... تعوض عن الحرمان .... وبو سعييد .... عمره ما علق ع شي بالعكس .. كان يحب السعاده الي بعيون ام الود .... بحكم انه يدري شكثر هيه تحب عيالها ...... راشد ..... وايد تغير .... مااعاد الولد الي كان كله يضحك ويسولف !! تغير وايد !! ... استوا انسان ثاني .. الحزين ..... المهموم ..... شال الدنيا ع راسه ..... حبه يزيد لندى كل يوم اكثر .... اقرب وحده له ... يقولها الي في خاطره بدون انحراج ولا تردد ... تفهم له وتنصحه .... واكثر وحده تقدر تريحه بكلامها ... بو احمد وام احمد .... حالهم مثل ماهو .. حزنهم ع ولدهم كبير واايد .. يحسون انهم خسرو اثنين .. واحد مات وماله رجعه ... ووااحد يموت جداام عينهم ولا رايمين يتصرفون وياه ..... عزه ... ملجت وعرست بسرعه .... لان ريلها بيسافر ... مع انه خلص دراسه !! لكن بيسير يكمل زياده ؟ مادري شو عنده مجتهد عبدالله واايد !! قلبها عند اهلها دوم ..... بس اسرها عبدالله الحين .... نساها كل حزن وهم .... ومرتاحه وياه وايد ..... خليفه ... تقدم لندى مرتين ورفضته !! محد اعترض ع رايها !! ... ولا حد ناقشها لان يعرفون انها كبيره .. وتعرف مصلحه نفسها .... اما رده فعل خليفه ؟؟ كانت عاادي ..... لان اصلا كان زواج اهل ..... وهو ما قرر فيه ... بس حز في خاطره انها ترده !! استغرب ليش ؟؟ شك في ربيعه .... شك ان ذياب قالها انه يشرب ... بس ع طول خوز هالشك ... لانه يعرف معدن ذياب شو ..... حمداان .... آآه يا حمدان .... يتريا وصل الاحبه .... متقطع حييل ... يحس هالحب غربله ... ماينسى للحين اخر مره شقاايل عاملته !! صرخت عليه وشرشحته ... كل مره يحاول يتجنب يشوفها .. بس من بدايه علاقتهم والصدفه لاعبه دورعندهم .... مايقدر يقاوم الوله ... ع طول يطالعها ويكلمها وهيه تعق عليه كلام مثل السم ... عمره ماتوقع ييه هاليوم ..... ندى ..... ماتدري ترضي امنو ولامنو ؟؟ امها ولا اخوانها ولا حالها ولا حبيبها ...... حبيبها الغالي .... ااخ يا راشد .... حبك عذاب ... الكل يحب ومش متهني ..... تتجنب رمستهم عن الخطبه قد ما تقدر ..... مشعل .... قرر يبتعد عن الامارات خلاص ...... شو يبا فيها وهو خسرها خلاص !! اخر لقاء بينهم كان كبير ... ... انت السبب في كل الي استوالي .... انت السبب ومابسامحك ..... دومك تعااند وماتسمع الرمسه .... هالمره ضيعتني وضيعت اختي وشتت كل شي ...... انا ما عدت احبك يا مشعل .... وعمري ما بنظر لك شرات قبل ... لاني بشوفك الانسان الي انا احقد عليه واشوف موتت اختي جدامي ..... روووووح خلني في حالي .,, كانت اقوى كلمات يسمعها في حياته ........ قرر يهدلها البلاد لان فقد الامل خلاص ... غلا وسعيد ....... روح مهاري وذياب ..... الزهره الحلوه الي في حياتهم ....... شافو الحناان والامومه كلها عند مهاري ..... ماقصرت عليهم ...... تشوف روحها فيهم ... تعوضهم عن كل شي ... وخاصه انها شاافت الحرمان ..... فتعوض هالحرمان .... مع ان يقولون .... الفاقد عمره ما يعطي .... بالعكس .... الفاقد الي يعطي دوم ....... لانه عاش الي محد عاشه من الم وحسره .... وما يحب يجوف الي يحبهم يعيشون هالشي .... مرت 8 شهور .... شراات السحابه في حياتهم ........ سحابه تمر بسرعه ....... فـ الصاله ....... غلا : مااااااماااه مااااااماه ........ مهاري تسكر شاشه اللاب : عيون مااماه ؟؟ غلا : منو هذي الي فالصوره ؟؟؟؟؟؟ مهاري : أي وحده راويني ؟؟ غلا تأشر .... ويحزن قلب مهاري وترد المواجع مره ثانيه ..... مهاري : من وين يبتي هالصوره ؟؟ غلا : شفته دااخل كتااابج ..... مهاري : اممم هاي ... هاي اختي ... هاي خالوه شهد ... ماتت الله يرحمها قولي الله يرحمها ... غلا : الله يرحمها .... ماعرف شي عنها قوليلي .... مهاري تشل غلا وتحطها في حظنها ...... : اممم ... غريبهـ حيل يآ دنيآ .. غريبهـ كيف تتغـير .!ّ غريبهـ نبتسمـ و احنـآ من الأحزآن نتآلمـ .!ّ .×. في ليلهـ ما بهـآ نجمهـ ولا حتـى قمـر ينور .!ّ تلاشت فيهـآ أروآحٍ و من منـآ بيتعلمـ ؟!ّ .×. محبهـ صآدقهـ واللهـ .. قلوبنـآ بها تتأثر ..!ّ و من فكرهـ سرى لبعيد مصيرهـ واللهـ يتندم .!ّ .×. بِنَتْهـآ ,شهـد, بأحلآمـٍ .. و إذا الأحلآم تِتْصَغّر .!ّ بدآيتهـآ ألمـ و فراق .. ولا حتــى البَصَر يسلمـ .!ّ .×. ظلآمـٍ حـل بعيونٍ صغيرهـ حلوهـ كالسكــر .!ّ حلآهـآ بس من برع .. و من دآخـل ملآهـآ الغمـ .!ّ .×. تمنّت تبصر بشوفهـ و لكن الفرآق أبكر .!ّ و كـآنت عينهـآ بعينهـ تنآظر منهو يتكلمـ .!ّ .×. و بكل إحسـآس قآلتهآ .أحبكـ . منية الخـآطر .!ّ و كآنت آخر الكلمـآت و شفآيفهآ تتْبَسّمـ .!ّ .×. ترآ الحلمـ الوحيد اللي تحقق اهوآ ذآ المنظـر .!ّ تموت بجنبهـ و يبآدلهـآ بموتهـ كـل قطرة دمـ .!ّ .×. حتـى دمهمـ يبكـي دموع بلونهـ الأحمر .!ّ خسـآرهـ مـآبقى إلا جروح و دمع ما ينلمـ .!ّ .×. و رآحـوا العـآشقين اللي عشقهمـ لـ كوننـآ يأسر .!ّ و ظلمـ هالكون من بعدهـ .. حقيقهـ آهـ لو تعلمـ .!ّ ذياب يبوس راسها : فديتج ...... مهاري تبتسم له ... ذياب يمسح دموعها : بس غنااتي ..... غلا تدمع : مااماه جيه اتصيح ؟؟؟؟؟؟؟ ذياب : تعالي باباه ... " ويحظن بنته وبايدينه ماسك ايدين مهاري " ...... مهاري : احس اني اليوم خسرتها مش من فتره ... بعاادها صعب ... ولا قادره اتاقلم عليه ... ذياب : ماعليه حبيبي ....."يحاول يغير السالفه " هااه زهبتي الاغراض ولا ؟.. مهاري تطالعه : زهبت ..... غلا : باباه وين بنروح ؟؟ ذياب : بنروح شاااليه الفجيره ...... غلا : شوه فيه دااخل ..... ذياب : امس ما راويتيني فالمجله صوره وقلتلج هذا شاليه ؟؟ غلا تذكر : هيه .. ذياب : هذا هوو وااايد بتستاانسون .. وبنلعب وايد ...... سعيد يركض : مااااااااااااااااااااااااماه " ويلوي ع مهاري " ذياب : وابووك يالهرم ؟؟؟ سعيد : ماااااااااماه ......... احبشششششش ..... مهاري تشله حظنها : حياااااااتي انته ... متى قمت من الرقاد ؟؟؟؟؟ سعيد : الحييييييين ..... مهاري : يالله قوم بنروح نتغسل ..... ذياب : مهور ماجفتج توني الا !! وين تغيبين عن عيني ؟؟ مهاري تبوسه ع الهوا : ماعليه حبيبي مابتاأخر .... ذياب : هيه ادلعيني بس يوم تقصين علي .... سيري سيري ماحبج ..... سعيد : ماماااه انا احبششش .... تضحك مهاري وتشل سعيد وياها تغسله وتبدله ......... . . |
| الساعة الآن 06:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir