|
البآآآرت يجنن العنوود<<< حلييلهاا حبيييبتيي كيف متحمله؟؟ سيف<<< ههههههههههه يكسر الخآآآطر ريم<<< ما أحبهااا أحسهاا سخييفه و دمهااا ثقييل و ف انتظاار البآآآرت اليااي ع أحر من الجمر |
يسلمووو ع البارتاات الطررر.." يعطيييج العافية خيتو.." ان شاء الله من ألاقي وقت بكتب عن كل شخصية .." نتريا الي بععده بفارغ الصبر.." |
البارت الـ17... . . . . احبك من الألف لـ الياء ♥♥~ ثمانية و عشرين حرف ابد ما توفيك ♥♥~ . . . . انا نزلت تحت و سويت معكرونة و جينا ساعدتني سوت عصير كوكتيل فرش .. رتبنا الطاوله و حطيت الاكل ف الصحون .. يلسوا ياكلون و انا سرت ارتب المطبخ لانه مجلوب فوق تحت .. سيف حب خدي : ياااي شوو هالرييحه .. انا ابتسمت : سير كل .. سيف ابتسم لي و سحبني وياه .. روضه تآكل : ياااي عنووود تسسلم ايدج .. انا : اححم .. لا تحسسوني اني منال العالم .. سيف : لا بصراحه حلو الاكل .. ريم : تسلم ايدج العنود .. انا ابتسمت .. تمينا نآكل و نسسولف لين ما اتصل نهيان .. انا : الوو .. نهيان : وييينج يااا القااطعه هاا ؟ انا : ف بيت ريلي .. سيف يهمس : منو ؟ انا : نهيان .. نهيان : الا ثره مسولج غسسيل مخ .. انا : هههههه حرام عليك .. نهيان : انزين شو تسوين ليش هب راقده ؟ انا : يالسين نتعشى .. نهيان : افاا ما تعزموني ؟ انا : اذا تبغي تعال .. نهيان : هههه استهبل ما ابا متعشي الحمدلله .. انا : و شحالك بعد ؟ نهيان : بخير .. سيف : سلمي سلمي .. نهيان : عطيني ارمسسه هالماصخ .. انا عطيته الفون .. سيف ابتسم : شو تبغي متصل حق حرمتي ؟ نهيان : ياا ريال تسدك الثانيه .. سيف : لا لا الثانيه ما اباها ابغي هاي انا .. نهيان : اونه طلعت حركات .. سيف : ما تروم عليه .. نهيان : يالله بسير ارقد انا .. سيف : و حق شوه متصل ؟ نهيان : اتطمن ع اختيه .. سيف : ايواا .. نهيان : يالله تصبح ع خير .. سيف : و انته من اهله ..(سكر) روضه : منو ؟ انا : اخويا نهيان .. ريم نشت : الحمدلله .. سرت شليت الصحون ف حطيتهم ف المطبخ .. سيف دخل المطبخ : فاار فااار .. انا اناقز : وييين ؟ روضه ميته ضحك .. و سيف يضحك وياها .. انا : والله انك جلللب و حقييير .. سيف يصيح من الضحك : ههههههههه . روضه : ههههههه عنود فاتج شكلج .. شت ماا صورتج .. انا : حيوانييين .. "سرت فوق" .. سيف يمسح دموعه : هههههه اسميها موتتني ضحك .. روضه : حرام عليك سير عندها .. حامل هي يمكن تروعت صدق .. سيف وقف : بسير لها .. سيري رقدي انتي .. روضه نشت : بسير .. . . فوق ف حجرتي انا متكوره على عمري و اصيح .. سيف دش و سكر الباب : حبيبي .. انا اصيييح .. سيف خوز اللحاف و حظنني : حيااتي ليش تصيحين ؟ انا اشهق : انته خليتني اترووع .. سيف ابتسم : فديتهم اناا .. والله كنت اسسولف .. ماشي فار .. انا مسحت دموعي : حيوان .. سيف : افا تسبين ريلج ؟ انا دزيته : و اكسسر راسك بعد .. سيف تقرب مني : صدق والله ؟ انا شردت : ها ؟ سيف يربع وراي و انا اركض .. دشيت الحجره اللي جدامي و هي حجرة ريم و اتساندت ع الباب القط انفااسسي .. سيف : حبيبي فجي الباب .. انا ابتسمت : مابا .. سيف : عنووود عااد . . انا فجيته ابتسم لي و تقرب مني لين ما لصق فيني .. ريم : لو سمحتوا ابا ارقد .. انا احترررق ويههي .. سيف يحج راسه : اووه انتي هني .. انا : اممم .. بسير ارقد انا .. تصبح ع خير .. سيف حب خدي و عقب نزل لوى على بطني : تصبحين ع خير .. "ابتسم" بييج الفير .. انا ابتسمت : انزين .. "ظهرت" ريم قفلت الباب و تقربت من سيف .. سيف شل لحافه و رقد ع الكرسي الطويل : أنا برقد هني .. ريم : ليش ؟ سيف : بس جيه .. ريم : انزين الشبريه عوده .. سيف : هي ادري .. ريم : تعال ارقد ويايه . . سيف تنهد و شل قشه و رقد عدالها .. ريم ف خاطرها > حبيته .. و لكن هو مستحيل يحبني .. لازم اكسسبه و اييره صوبي .. . . . . . . منصور : عليييووه .. عليا : عيوني ؟ منصور : ما شفتج اليوم .. عليا : عقب عقب .. منصور : لاا ما يصيير .. عليا : ماعليه بتشوفني قريب . . منصور : ما اروم اصبر .. عليا ابتسمت : ياويل حالي .. منصور : اخخ يا قلبي متعذذب .. عليا : بسم اللہ عليه .. منو معذبنه ؟ منصور : ناس ما يحسسون .. عليا ابتسمت : انا ما احسس .. حليلي انا احس فيك .. منصور : اقولج ابا اشوفج تقولين عقب .. عليا تثاوب : حرام عليك ابغي ارقد .. منصور : انا بعد .. يالله تصبحين على خير .. عليا : و انته من اهله.. . . . . . . شيخه تدق الباب : قوووووم نشش صلااااااه .. دشت داخل و و شافته ملحف جسمه كامل بس ريوله برع .. و الغررررفه باارده ثلللج .. شيخه ترمس عمرها : ها ما يتنفس ؟ ولا يتنفس من ريوله .. "ضحكت" هههههههه .. نهيان نش : عنبووج ترمسين السكني اللي فيج .. شيخه : وي بسم اللہ .. ارمس عمري بلاك؟ نهيان : ايوا .. شو تبين ؟ شيخه : ابويا يقولج نشش صلاه .. يترياك ف المسيد .. نهيان : و حمود سار وياه ؟ شيخه : هييه . . يالله نش استعيل .. نهيان : انزين .. شيخه : يالله نشش .. نهيان : انزين .. شيخه تصارخ : قووووم نشش .. نهيان فر عليها مخده : زوولي .. ظهرت شيخه و نزلت تحت .. شيخه حب راسها : تقبل اللہ .. اميه : منا و منكم . شوي و نزل نهيان .. سار المسيد .. و سارت شيخه فووق .. سمعت صوت تيلفونه يرن .. "ابتسمت ب خبث" و دخلت غرفته .. مكتوب "بو الشباب يتصل بك" ردت عليه .. ..... : ألووو .. نهيااانوو .. شيخه ساكته و تتنصخ .. يعني ينسمع حسسها يوم تتنفس .. ..... : ألووو ياا نهيان ي الهيس . . شعنه ما ترد لايكون قصووه لسسانك ؟ شيخه ابتسمت .. ..... : لا ترد انزين و عقب قول سععود تعال نظهر نسير مردف نترغد .. شيخه ف خاطرها > سعود ؟ يعني سعيد ربيعه .. بندت فـ ويهه وسارت حجرتها .. . . . . . . سيف دخل علي الغرفه فصخ كندورته لانه ياي من المسيد .. انا نشيت : تقبل اللہ .. سيف حب راسي : منا و منكم . . انت ابتسمت .. سيف : فديت هالويه .. انا انسدحت .. سيف لحفني و بند الليت و رد يرقد حذالي .. . . . . نشت شيخوه الصبح تمكيجت ب الخفيف بس جحال و روج .. و لبست عباتها .. شلت لابها و فونها .. و اتصلت ل رويض .. روضه توها ناشه من الرقاد : الوو .. شيخه : الوو روضوه .. ما بتخطفين علي ؟ روضه : اووو نسيت سالفتها الجامعه بععد .. شيخه : هاا شو قلتي .. روضه : عطيني خمس دقايق بتزهب و بمر عليج .. شيخه : يالله باي .. روضه : باي فديتج .. دخلت روضه حجرتي اللي انا راقده فيها .. و ظهرت لها ليقنز ازرق و قميص اصفر .. و عباه قياسها .. شلت قلوس و جحال و عطر و سارت غرفتها .. اتجهزت و سارت بيت ابوها عسب تشل مفتاح السياره .. بو سيف : روضوه ؟ من ويين يايه؟ روضه حبت راسه : صباح الخير .. امس رقدت ف بيت سيفوه .. بو سيف : اييوا .. روضه شلت المفتاح و سارت فوق شلت شنطه الاب و يت تبا تظهر .. بو سيف : محتايه شي ؟ روضه : لا مشكور ابويا .. بو سيف : شوي شوي ف الدرب .. روضه : ان شاء الله .. سارت بيت ابويا و ركبت شيخوه وياها .. تريقوا فـ كوفي من الكوفيهات .. و دخلوا محاظراتهم .. . . . . . . . . . |
البآآآرت وآآآيد حلوو و ف انتظاار ابدااعاااتج |
البارت الـ18 .. . . . . . . . اهواك وانته الرجا فيك معقود لا تبتعد خلّ النظر فيك شاتي ما انساك لو طال المدى بين لحدود وما انسى غرامك لو دنت لي وفاتي . . . . . . عقب ثلاث سنين .. انا و سيف عايشين أحلى حياه و يا التوأم مريم و سالم .. ريم و سيف علاقتهم سيييئه جدداااً .. و سيف دوم يعصب عليها .. احمد و روضه عرسسوا و ساروا شهر العسسل ماليزيا .. شما و حمد عايشين أحلى حياه .. منصور و عليا عرسسوا ويا روضه و احمد سافروا ألمانيا .. و حياتهم ولا احلى .. نهيان بعده ما عرس بس وايد متعلق ف عيالي .. سالم و مريم .. . . . انا منسدحه و حاطه راسي ع صدره و راقده .. سيف حب راسي : حبيبي .. نشي .. أنا : هممم .. سيف : قلبي نشي .. أنا رفعت راسي اطالعه : شو بلاك ؟ سييف ابتسم : صباح الخير .. انا : صباح النوور .. سيف لوى علي ب قوو : بسسج رقاد .. انا : حرام عليك ما خلوني ارقد عيالك .. سيف : خلاص رقدي انا بسير الدوام .. انا : لا .. سيف : شو لا ؟ انا طالعته : لا تسير .. سيف : حبيبي لازم اسير .. مريوم و سلوم دشوا علينا و تموا يناقزون ع الشبريه .. سيف : حبيبي لازم اسير .. انا : لا تسير .. عششاني ؟ سيف باسني بسرعه عسب اليهال ما يشوفون : ما اقدر حياتي ما اقدر .. مريووم : باااباااا .. سيف شلها : عييون بابااا ؟ مريووم تضحك : لاااووه .. سيف : شو لاوه ؟ أنا ابتسمت : حلاوه حلاوه .. سييف : تبين حلاوه ؟ استويلج حلاوه ياا الجمييله آنتيَ .. انا : فديتها شرات أمها :$ سيف ابتسم : وأنا اشهد .. انا ابتسمت .. سيف حب خد مريوم : يالله بسير . . انا : سواف لا تسير دخيلك .. سيف تلوم : والله عندي ششغل .. انزين بسير اخذ أجازه و برد .. أنا : اوكيه .. سيف وقف و سالم تعلق ف ريله : بااابااا .. سيف ابتسم : شو ياينكم آليوم علي ؟ لهدرجه تحبوني ؟ انا سرت جابلته : نموت فيك .. سيف لوى علي : آحبببج .. أنا ابتسمت : اعششقك .. سيف حب يبهتي : بسج عاد .. يالله بسير .. انا : أنزين .. سار سيف الحمام عسب يتسبج .. و انا تميت العب ويا سلوم و مريوم . . مريوم : ماماااا .. انا : عيوني ؟ مريم : ابا لاااوه .. انا ابتسمت : بعد شوي بنسير الجمعيه و بنشتري لاااوه .. سالم : انااا بعد .. ابااا لبببه > يعني لعبه لول .. انا : من عيوني بشتريلك لبه .. ظهر سيف. وأنا سرت الحمام تسبحت و لبست جلابيه زرقا ويا شيله صفوه زرقا .. و شليت سلوم و نزلت .. و سيف شل مريم و نزل .. ريم : صباح الخير .. أنا و سيف : صباح النور .. انا : جيييناا .. جينا يت : يس مدام ؟ انا : ديد ذااي اييت ؟ جينا : نو .. أنا : فيد ذيم بلييز .. جينا : اوكيه .. سيف : حبيبي سيري عند جينا .. مريم ابتسمت : ذيينا < جينا . . ريم : أمم العنود .. في واحد يباج .. دخلته الخدامه الميلس . سيف : منو ؟ ريم : مادري .. أنا نشيت و سرت الميلس ويا سيف .. سيف يتخاشم وياه : هلااا .. صباح الخير .. نهيان : صباح النور .. ها شحالك النسيب .. سيف ابتسم : بخير .. نهيان حب خدي : شخبارج ؟ انا : بخير دام شفت ويهك .. نهيان : فديتج والله .. سيف ابتسم : ها ؟ ياي تتريق عندنا ؟ نهيان : مالت عليك .. ياي عشان عيال اختيه .. سيف : تباهم ؟ شلهم . . انا : ششو شلهم عيالي اباهم .. نهيان : صدق والله .. بشلهم وياي الألعاب .. سيف : برايه شلهم .. و شل الخدامه عسب تدير بالها عليهم . . انا : طالعهم زين .. و انتبه لهم .. مريم دخلت : خااااالللي .. نهيان لوى عليها : قلب خالج؟ مريم : نثير الدكان ؟ نثتري لاوه .. نهيان يأشر على عيونه : من هالعين .. . . . اميه : شمووه اتصلي ل عنود و خليها تيي .. شما : ان شاء اللہ عمتيه .. اميه : البيت غدى فاضي يوم سسارت عنوود .. شما : افا عليج عموه .. نحن موجودين . . انا و حمد و نهيان و عميه و شيخه .. شيخه : امايا زعلتيني .. ترا انا هني .. اميه : بس وجودها غيير .. عايشه يايه تربع : اميه العوده .. ابغي اسير المول و يا الدريول .. اميه : شاوري امج أنا مالي خص .. عايشه تطالع شما : أنزين ماما شو قلتي ؟ شما : يوم بيي عمج نهيان خليه يظهرج .. عايشه : افففف اففف شو هالعييشه ؟ اميه : والله و كبرتي و سويتي لج راسس .. يرحم اللہ ايام الشيشه .. عايشه طالعت اميه : يدوه انا كبرت .. يعني اناا بنووته مب ياهل شرات مريوم و سلوم عيال عموه عنوود .. اميه : عنبببووه من لسساان مطوله .. "طالعت شما" قصيييه لسسان بنتج لا اقصصه قص .. شما اتصلت لي .. أنا : الوو شما .. شما : الو عنود شحالج الغاليه ؟ انا : بخير فديتج .. شما : دوم ي الغاليه .. عمتيه تقول تعالي عندنا .. اميه : ناوليني التيلفون .. شما عطتها . . اميه : وينج غنااااتي ؟ انا : موجوده امايا .. اميه : جيه ما تسألين و لاا تخيلين .. انا ابتسمت : مشغوله امايا .. اميه : شحالهم الصغاريه ؟ انا : طيبين طاب حالج .. اميه : تعالي تغدي عندنا اليوم .. متولهه ع اليهال فديت روحههم .. انا ابتسمت : و حتى نحن متولهين عليج .. اميه : فمان اللہ سلمي ع اليهال و بوسيهم لي .. انا : يوصل .. فمان الكريم .. . . . . . نهيان ظاهر ويا ربيعه حارب و الصغاريه . . و يتمششون ف المول .. مريم زاخه ايد حارب و تمشي وياه : لااااوه لااااوه .. حارب : اقول نهيااان .. تعال ندخل جوكليت بار .. نهيان ابتسم : بس على حسابك هااا ؟ حارب ابتسم : عنلاتك ع حسابك انته طوووف جدامي يالله طووف .. دخلوا جوكليت بار و كلوا كم سويت .. و عقب ظهروا ساروا يلعبون سلووم ف الألعاب .. و خذوا حق كل واحد لعبه و تحوطوا ف السياره شوي و ردوا البيت .. . . . . . روضه يالسه و يا احمد على كرسي و مجابلتنهم ام احمد .. - معلومه : ام احمد تغيرت على روضه وااايد .. انجلبت 180 درجه .. استوت تعق عليها رمسسات و تسبها و احمد واقف ف سيد امه و يعصب على اتفه الاسباب .. ام احمد : سيري طبخي الغدا اليوم .. انا تعبانه رويلاتي تعورني .. روضه ف خاطرها > ان شاء اللہ دوم يا عيوز اليييهد . . : ان شاء اللہ عموه .. "طالعت أحمد و نشت" ام احمد : حرمتك صددق ما تستحي "علت صوتها" ماااا فيييهاااا حييااا .. احمد : أمايا شو بلاج ع البنت ؟ ام احمد : ما تششوفها كيف ترمسني ب نفس خايسه .. احمد : امايا هي جي ترمس .. و مب الا انتي ترمسج جي .. حتى انا ترمسني ب نفس الأسلوب .. ام احمد : هاا تراك قلتها .. اسلووب .. المششكله هي ما عندها اسسلوب .. يبالها تربيه من اول و يديد .. احمد : امايا هاي حرمتيه و ما أرضى انج تقولين عنها جي .. ام احمد : مووول مب متربيه الا تحب تراددني .. أهلها مااا ربووها .. احمد وقف : بس امايا .. روضه كانت تسمعهم و تصيح .. احمد سار المطبخ شافها واقفه ع الباب و تصيح .. تلوم لانها سمعت امه شو تقول من وراها .. احمد تقرب صوبها و مسح دموعها : خلاص حبيبي .. روضه : وخرر عني .. ما اباا اعييش هالعييشه الأرف .. احمد : ليش شو فيها عيشتنا ؟ روضه : ما فيها شي .. موووول تصدق ؟ أمك ع الساايره و الراآده تعق علي كلااام وأنا مااا سوويت شي .. تكرهني لان ف بالها فكررره غلللطط عننني !!!!!! احمد تنهد : ماعرف شو اسوي ؟ ما اعرف كيف أتصرف .. روضه : عقب الغدى بسير بيت امايا .. "تصارخ" و ماااااا برررررد هني .. احمد : اقصري الشر يا روضهه .. روضه : لو ما بتوديني .. بسييير برووحي ب سيااارتي .. ولا بتصل ل اخويا عسب ايي و يشلني .. يفكني من هالعييييشه .. احمد حط صبعه ع شفايفها : تسمعج ما يحتاي تزاعجين .. تبين تسيرين بيت ابوج سيري و انا بييج كل فتره "ابتسم" ما تهون علي حرمتيه تنذل جدام عيني وأنا سااكت .. روضه ابتسمت غصب .. . . . . . . فجيت ايدي ب معنى تعالوا .. يــــوو يتراكضون .. نهيان : ها ردينا لج عيالج اللي ذابحتنا عليهم .. مريم تبتسم : ماماه حالي نهيياانوه استرالنا لاوه و لبه > ماماه خالي نهيان اشترالنا حلاوه و لعبه .. أنا ابتسمت : والله صدق ؟ قلتواله شكرا ؟ مريم هزت راسها يعني لاء .. انا : قوليله .. نهيان ابتسم : تراني مسجل خساير عيالج ف دفتر و آخر الشهر بحاسبج .. حارب : ههههه لا تحسسني انك راعي دكان على غفله .. انا : ههههه افا عليك ما طلبت شي . . نهيان : فديتهم والله ما يغلى عليهم شي .. حارب يطالع مريوم : يالله مريومة وين بوستي ؟ أنا ابتسمت : عنبو هالسسنع .. عيب لا تعلم عيالي .. بتخربهم و هم صغار .. نهيان : ذليتي ام امنا عيالي و عيالي بفرهم عيالج ف الطوي .. انا : بفرك انته و ربيعك .. حارب يطالع ساعته : يالله انا بسير مستعيل .. أنا : فمان الله .. نهيان : سير انا بتغدى هني عند اختيه .. حارب ابتسم : ب العافيه .. أنا : مع السلامه .. سلوم يسوي له بااي : ثلامه ثلامه > يعني مع السلامه لوووول .. سار حارب .. أنا و نهيان : ههههههههه .. سلوم : ثووو ؟ أنا حبيت خده : ماشي سلامت راسك الشيخ .. نهيان : شو غداكم ؟ أنا : تو الناس .. الساعه 11 .. نهيان : ماعليه سامحيني يوعان .. انا : الا ع طاري الغدا امايا عازمتني اليوم .. نهيان : صدق والله ؟ أنا : هيه .. بسير البس العيال و أتلبس و انته بتوصلني صح حبيبي ؟ نهيان ابتسم : صح.. انا سرت فوق و خليت جينا و "أوليفيا" الخدامه اليديده يلبسون العيال .. و سرت لبست مخوره حمرا و فيها اسود .. حطيت لي روج احمر و خففته و سويت آيلآينر .. تعطرت .. لبست عباتي و يوم ظهرت شفتها .. ريم : انتي ما تستحييين ع ويههج ؟ انا : نعم ؟ انتي اللي ما تستحين ع ويهج ليش ترمسيني جيه ؟ ريم : يايبه شباب البيت ؟ لا ويوم يكون ريلج برع .. "ابتسمت بخبث" عسب تآخذين راحتج وياهم انا عطيتها طرااق : هاايييل مب لوث ي اللوث انتي .. يااا قليله الأدب .. اخويا وٰ ربيعه .. ريم نزلت راسها .. انا : صدق قليله ادب .. ما فيج مذهب .. نزلت تحت و شفتهم جاهزين .. نهيان : بسم اللہ شو فيج لابببقه جنج جبريت ؟ أنا : حرمته الثانيه تييب المرض .. نهيان : ماعليج منها .. قومي بنسير .. انا تنهدت : استغفر اللہ .. . . . . ام منصور : شووقوه سيري زقري اخوج و خليه ينزل عنبووه من عرس وهو طايح فـ حجرته ما يظهر الا وقت الاكل .. شوق : ان شاء اللہ أمايا .. "سارت فوق" عليا لوت عليه : احببك انزين.. منصور : اناا اكثر .. عليا : انا اكثر .. منصور : انا اكثر .. عليا حطت صبعها صوب شفايفه : انا . . منصور ابتسم : فديت القصيره .. عليا : والله انته طووييل .. منصور : قصيره وحده .. عليا : عادي اصلا القصار حلويين .. منصور : مب حلوين .. عليا : جب حلوين .. شوق تدق الباب : خل عنك سوالفكم السخيفه و انزل تحت اميه تبغيك انته و عليا .. منصور : بسم اللہ .. عليا طالعته : من شو ! منصور ابتسم : كيف عرفت ان سوالفنا سخيفه ؟ عليا : غبببببييييي .. . . . . . . انا طرشت له مسج : *وينك حبيبي ؟ ترا انا سرت بيت امايا ويا الصغاريه لا تتأخر .. احبك* سيف قرا المسج و ابتسم : اللہ لا يحرمني منج ي الغاليه .. . . . . . شيخه تسلم علي : مرحبا .. انا ابتسمت : مرحبتين .. اميه تشوف الصغاريه : هلا والله هلا بالغاليين عيال الغاليييه .. انا حبيت راسها : شحالج اميه .. عساج بخير .. اميه : بخير دام شفتكم والله بخييير .. مريم مدت ايدها تسلم ع اميه .. اميه سلمت عليها : فديت شيخخخه الحريم مرررريم .. عايشه يايه هي و أمها و ميثة .. يلسنا نسولف وٰ عقب تغدينا و قيلت شوي .. . . . . . . روضه : السلام عليكم .. ام سيف : روضه ؟؟ روضه : ها امايا .. اذا ما تبيني ؟؟ بسير أحجز لي ف فندق .. ام سيف تسلم عليها : الحين انا قلت جيه ؟ شحالج فديتج ؟ روضه : حالج ما يسرني اببببدد امايا .. ام سيف : ليش شو بلاج ؟ روضه : اماااايااا أنا تعبت والله تعبت .. ام سيف :بسم اللہ عليج من شووه تعبانه ؟ روضه : من عمتيه ام احمد .. امايا ما أتحمل هالعييشه خلاص .. ام سيف : أهدي و فهميني .. روضه : الأسبوع اللي طاف قالتلي دشي المطبخ و طبخي بييون عرب .. طبخت و انتي تعرفيني احب اغني انجليزي .. يت عندي و قالت لا تغنين .. طوفتها و سكتت .. قالتلي جدام العرب سيري نظفي المطبخ وٰ غسلي الصحون . . سرت و غسلت و كل شي .. ام سيف : عادي فديتج .. لازم تأمرج .. هاي بحسبه امج .. روضه : بس مب لهدرجه اميه .. تيي تسبني و تعق علي كلام .. و تقول انتي مب مرباايه .. هلج مب مربيينج .. قليله إدب "دمعت عينها" ترضين يقولون عن بنتج جي ؟ ام سيف : لاااا والله مااا ارررضضى و الحييين برمسها جليله الحييياا .. روضه : امايا مابا مششاكل .. دخيييلج . . ام سيف تنهدت .. روضه : لو مب عششان احمد ولو مب حاشمتنه جان انا سابتنها و مسسفله فيها .. ام سيف : انا برمسها اليوم .. روضه : بس بأسلوب عادي .. لا تعصبين عليها .. ام سيف : خير ان شاء اللہ . روضه : خير .. ام سيف : تغديتي ؟ روضه هزت راسها : لا .. ام سيف : شي غدى سيري تغدي حياتي .. روضه حبت راسها : بسير .. . . . . . . شيخه دشت علي الغرفه : حووووو قووومي ريلج تحت يباج .. انا فزيت : بسم الله .. شيخه : أححم .. الشيخ سيف تحت يقول "تقلده" وين عنودي حياتي .. انا ابتسمت : عن الجذب .. شيخه : والله . . انا غسلت ويههي و تعطرت .. لفيت شيلتي و نزلت .. اميه : عنبووج كل ها رقااد .. خستي يابوج .. أنا ابتسمت : تعبانه .. سيف ابتسم : سلامتج من التعب .. عايشه : عموه عنود . . عمي سيف بيوديني االموول .. شما : لا استريحي .. ماشي ناقص غير المول و بيتفرمت مخج ع الآخر .. سيف ؛ كمبيوتر على غفله ؟ شيخه : عادي سوو له فوورمات .. شما : ههههه تنكتين حظرتج ؟ انا : تحاول .. اميه : يلسي ليش واقفه ؟ انا يلست عدال سيف .. شما : أنا بسير عند ميثوة .. شيخه : بسير وياج .. نشوا و ساروا .. اميه : السموحه عن إذنكم .. بسير اييب الفواله .. سيف ابتسم : مسموحه عمتيه .. سارت اميه .. اول ما سارت انا حطيت رااسي ع صدره : وين اللي قالي باخذ اجازه و برد ؟ سيف : ما خلوني .. اول ما شافوني طرشولي الملفات .. انا : عادي سامحتك .. سيف مسك ايدي : وين الصغاريه ؟ أنا : مريوم راقده فوق ف حجرتي .. و سلوم عند خاله نهيان .. سيف ابتسم : ايوا .. و وين حبيبه قلبي ؟ انا ابتسمت له : هني .. سيف حب يبهتي : احبج احبج .. انا ابتسمت : مشكور .. سيف يسوي ب ايده مالت : مالت عليج .. الناس يقولون انا بعد .. اموت فيك .. أنا غمضت عيني : احببببك و اموووووت فيك . سيف : ارتحت الحين .. انا : صدق ؟ سيف : هيه صدق .. "وقف" يالله الحين بسير .. أنا : وين ؟ سيف : بيتنا .. ابغي ارقد .. ولا ترقديني هني "غمز لي" أنا : تبغي ترقد هني ارقد .. سيف حب خدي : مشكوره غناتي .. بس برتاح ب بيتنا اكثر .. أنا : براحتك .. سيف : راحتي انتي .. انا ابتسمت ب حيا : ببات عند امايه .. سيف : اوكيه .. مسك ايدي و وصلته لين الباب .. حب راسي و حب ايدي .. انا : شو فيك ؟ سيف ابتسم : ماشي .. أنا : اول ما توصل رمسني .. و شوي شوي ف الدرب .. سيف أبتسم اكثر : تخافين علي ؟ انا : هيه .. لو ما خفت عليك بخاف ع منو ؟ سيف مسك ايدي وٰ لوى علي .. أنا : احبك انزين .. سيف ابتسم : انزين .. انا : يالله مع السلامه .. سيف : فمان اللہ .. . . . . . |
| الساعة الآن 07:45 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir