منتدى استراحات زايد - ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

البآآرت { 81}

وُشّ قِيّمَة " الكَلآم " الليّ يجِيّ ويرُوح ..
دَآم الشّمُوع الليّ ضِوَتْ بـِــ..أكثَر مسَآفَآتِيّ [ طُفَتْ ] ..

/\
\/
/\
\/
/\
\/

عزوز : والله ما أدري منهو ألي يحآآيل من العين لين سويحآن ودآقتنه الشمس ومستوي أسوود
آحمد : لو سمحت بو زآآيد .. أسمهآآ مريييلة .. مب أسووود .. فيه أختلاف عن الويه الحلط .. ألي شرآت ( حط إيده ع خد عزوز ) ويهك
عزوز شآوح بإيده يبعد إيد آحمد عنه : عن هالشذووووذ
آحمد : من زيييينك أشذ ويآآك و أغضب ربي ع سبة حلطتك
بو عزوز هزبهم : يلااااااا أنتو هبطووو المسيد .. من ظهرنآ وألا يسولفوون لو بعدكم بنآت
عمور : جييه ألا البنااات يسوولفن .. نحن مآنسولف يعني
حمدآن : قوم سبيستون و ام بي سي 3 لا يرمسون
آحمد : لا أطوووووور .. قآآم يشووف نيكلودين
الشبآب : ههههههههههههههههههههههههه
غآنم : بسسس عن هالصهيييييل
.> دخلوو يصلوون . . *
/\
\/
/\
\/
السآعة 4 العصر > بتوقيت لندن . . *
وصلو أم محمد .. أم سيف .. شوآقي .. ودوم .. سيف .> مطآر مآنشستر وكان ويآهم مهند ( مهند بوديقآرد خآص لـ محمد وعآيلته .. بس أم محمد مآكآنت تبآه فبيتهآآ وتقول انه الله الحآآمي ومآله دآعي بوديقآرد و غيره .. بس بعد ألي صآر بـ محمد ردوو مهند عندهم )*
وصلو مطآر مآنشستر .. > و ع طول سآرو لندن .. بيت محمد وشمآ *
/
فالمستشفى
محمد حآطينه فحجرة
شمآ دخلت عليه : الحمدلله ع السلامه
محمد أرتخن عيونه : الله يسلمج
شمآ قربت منه : يلا محمد شد حيلك كلهآ كم يوم وبنبدأ بالعلاج الطبيعي
محمد : مآظهرو الرصآصة صح ؟
شمآ أبتسمت : مآآفيك شيء أن شاء الله .. و أنا قلت السبب وليش ما أباهم يظهرونهآ ( غمزتله ) خلهآ ذكرى
محمد : هههههههه برصآآصة عآآد .. شو هالذكرى
شمآ : انزين مآعليينآآ .. يآيبتلك مفآجأة
محمد : شوو
شمآ قربت صوب البآب وفجته : قربووووو
دخلوو
محمد أنصدم يوم شآآفهم : أماااااايه
شوآقي ربعت صوبه ونقزت ع الشبرية وهيه حآضنتنه من رقبته : باااااابااااه حموووود حبييبي .. ثوو فييك .؟ منهو منهو ثوآآلك هذآك الثمخ ( وهيه تأشر ع الكدمآت ) لييث ضربوووك .. ( نزلت وهيه وآقفه و رآفعه صبعهآ بتهديد ) والله والله بييب ريلي الغول وبخثه فحلجه والله
أم محمد و أم سيف هون ع رآسه وحبنه
أم محمد : الحمدلله ع السلااامه فديييييتك .. شو يآآك جذآ أدقدقن ضلووعك
محمد : الله يسلمج يا امايه .. الحمدلله أناا بخير ولا فيني شيء
أم سيف : الحمدلله ع السلامه بو جسيم . ويآ عل إييده الكسر من نوآآبك هالنيه
محمد : ها ها لا أتمين تدعيين .. عنبووه أنتي و هآيدي مخلفتنكن أم وحده
شمآ : لا رآضعآآت ربآآعة
محمد : أشوفهن يبووووج
أم سيف : سوولك العمليه .؟
محمد هز رآسه بهيه وهوه يبوس ودووم : آحححححح فدييت ريحتج ( يرمس شمآ ) أقول شمآ .. حلوة صحح
شمآ سآرت صوبه وشلتهآ : فدييتها والله خطيبة هزآآعي
أم سيف : لا عآد هآآي بتسير صوب سويحآآن .. جآن تبون شوآقي خذوهآآ .. آهل سويحآن متبريين من لسآآنهآآ
محمد : هههههههههههههههه علني ما أخلى من أهل سويحآآن
شوآقي : ألا خآلي ثلووم .. عآد أنا أخلى منه
شمآ : ههههههههههه حلوه هذي أخلى منه
أم محمد : وظهرووهآ الزآآنة ؟ ( الرصآصة )
محمد لف بويه صوب شمآ
شمآ : لا أمايه مآظهرووهآآ
أم سيف : شعنه .؟
شمآ قآلتلهم السآآلفة
أم محمد أبتسمت لـ شمآ : زين سويتي يآ بنتي .. المهم أنهآ مآبتضره
آم سيف : شو مآبتضره .. زآآنه هذي مب شرّييع ( فتآآت الخشب و الزور )
أم محمد : بودييه عند وحده تقرأ .. و أن شاء الله مآبييه ألا كل خيير
شمآ + أم سيف : أن شاء الله
شوآقي أبتسمت : أن ثآء الله
محمد : ما أدري ليش شوآقي تذكرني بعصآبة الردآء الأبيض ألي فـ بيكيمون
شمآ : أنضمو أنضمو
محمد : ههههههههههههههههههههههههههههههههههههههه
/\
\/
/\
\/
ع السآآعه 7 المغرب . . *
الحريم فرشن فالحوي
نورة يآلسه عدآل يدتهآ .. وتبآ تنتقم من أمون ألي رآغتهآ من المطبخ وفشلتهآ جدآمهن .. يت بتنش
اليده : وين نآآهيه يلسي
نورة : خآطريه فـ برتقآآل
اليده ترمس أمون : أمنوووه هآتي لـ نورة برتقآآل
أمون بطنآزة : نععععممم
نورة تحرك رموشهآ : برتقآآل لو سمحتي
أمون :سووووووري .. ما اخدمج
أم حمدآن : وآآيه أموون عطييهآ
أمون مسكت برتقآله وفرتهآ ع نورة
نورة : شو عنز أكلهآآ جذييه .. قطعييهآ
أم احمد : نورة عن البزآ .. قطعييهآ رووحج
اليده خذت البرتقآله من إيد نورة وعطتهآ أمون : قطعييهآآ لهآآ .. حليلهآ نفسهآ فـ برتقآل .. ( ترمس نورة ) تتوحمييين عليه
أمون : النآس تتوحم ع شيء يسوى .. مب برتقآآل , ومآصيتنهآ ذيج المره يدووه وفآريتنهآ عليه ولين آآلحين لايعة جبدي منهآآ
نورة تذكرت السآلفة : هههههههههههههههههههه .. خلاص أنسدت نفسي ما أبا
أمون : لا كلييييهآآ عن لا يطلع ولدج ويهه برتقآآلة خلاف تأذيينآآ
نورة : خلااااص ما أباا يااخي
اليده خذت البرتقآل ألي قطعته أمون : يلا كلي
نورة تشوف أمون ألي ترقص حوآيبهآ : بس ما أشتهي لاعت جبدي
اليده خذت حبه وحطتهآ فحلجهآ : كليييي ( وهيه أدعسهآ برتقآآل )
أمون : يييييع عآآد أتخييلي يوم هذيج المره يدوه مصتهآآ .. نشفت عصييرهآ هالبرتقآآله وفرغت كل تفآلهآآ فيييه .. يييع كله فحلجج آآلحيين
نورة خوزت عن اليده وعقت ألي فحلجهآ كآمل عدآلهن : يعلللللج الطفآس يا أمون
أمون : تستآآهلين عيل أناا تطلبين مني أقطعلج
/
( عزوز .. آحمد .. حمدآن .. منصور .. عمور ) > كآنو يآلسين جدآم البآب
آحمد : أقوول خلونآ نلعب هذآآ مآل الشعر
عزوز : شوو هووه مآل الشعر .؟
آحمد : يعني أناا آقوول قصيده و ألي بعدي يرد بآخر حرف أناا نهيت فيه قصيدتيه يعني مب قصيده وتيوروون علينآ .. بس بيت شعر
حمدآن : أييييهآآ أيآم.. تذكر أحمدووه .. كآن محمد يمصعنآ
آحمد : هيييه والله .. مآنوآآحي نقول الحرف ألا هوه طآري البيت بكبره
عزوز : ههههههههههههههههه عيل أنا بمصعكم اليوووم . . *
آحمد :يلااا عيل
عزوز : بس ترآه مآفيينآ نسوي بالترتييب ونتريآآ لين يفكروون .. ألي يعرف يقوول .. مب يفهي سآعة كآملة وعقب يقول ما أعرفت . . *
عزوز : يلا أبدوووو
حمدآن : يلا مآنبدأ عنك بو زآيد .. أبدآبهآآ
عزوز : يلا بسم الله . .
بدو اللعبة . . *
عزوز :
هلا بك يا بعد عمري هلا بك
هلا بالحظ لي وفّا وجابك .
. هلا بك عَدْنسمات الليالي
وعددحب الرَّمُل لي في ترابك .
منصور : أنااا أناااااا
حمدآن ضربه ع رآسه : انزييين قوول
آحمد : ههههههه
منصور :
كل ذنب بتذنبه باستغفره
واحد مايعذركمافيه خير
دور بصدري وطن واستعمره
عندك من الضلع الاول للأخير
عزوز : أممممممممممممم
آحمد : أممممممممممممم
عمور : أنقوووووووووح .. شيآآكم
تمو صآخين خمس دقآيق يفكروون
حمدآن : شو يآآكم تنحتوو
عزوز : يلا يلا نغير الحرف
آحمد يعآيب ع عزوز : عيل أنا بمصعكم اليووم ( رد نبرة صوته ) وين تمصعنآ دخيلك
عمور : مآنبآ هاللعبه السخيييييييفه .. حد يشللنآآ
منصور : مآآفيينآ نشلل
عزوز يرمس حمدآن : حمدآآن عط أخووك بوآحد رآشدي نطره بيتكم .. شفيه مفهي اليوم .. مآيقوول بنشلك .. يقوول بنشل يعني نطرب
حمدآن : هههههه ما أدريييبه والله شيآآينه
منصور : هييييييه
آحمد يعآيب ع منصور : هييييييييييه
منصور : هذآ شفيه هوه و امون هاليوميين ألا يعآآيبوووون
حمدآن : يلا منهو بيشل .؟
عزوز : أحمد
آحمد : لالا أنته
عزوز : اوكي كلنآآ مره وحده .. بس خلنى نتفق ع شلة وحده
آحمد : أنا بيتيين و أنته بيتين .. ما أدااني أسوي دويتو ويآآك بس شو أسوي مظطر عشآن نآس ( لف لـ ورى وغمز )
/
أمون كآنت تصوخلهم يوم شآفته شهقت بصوت خفيف : هئئئئئئئئئئئ هالسآآحر شدرآه أني هنييه . ( ربعت تزقر نورة وشويخ يتسمعن ويآآهآآ )*
/
حمدآن : يلا أبدوو هههههههه
عزوز : انزين شوو أي وحده تبآ .؟
آحمد : عيون بدوية لـ حربي
عزوز :
أنا لي فالهوآ نيه
أحط الكوني في يديه
أغوص البحر و أخأطر
من أجل عيون بدويه . . *
أحمد :
عيون تملكت روحي
ومنهآ سبة جروحي
عليهآ أحن و انوحي
وليع عيون حورية . . *
آحمد + عزوز : وسلاااامتكم
/
نورة : وفديييييييت بو زآآآآآآآآآيد والله
غآيوه : أونه حركآآآآت .. والله صوته طرر .. بس صوت أحمد أحلى
أمون تعآيب عليهآ : صوت آحمد أحلى ( ردت نبرة صوتهآ ) طيري عنآ أنتي
غآيوه : جبببب أنتي شو قآهرنج ويآ هالشيفة
أمون وهيه رآصه ع ضروسهآ : و انتي منهو زقرج تتسمعيين .. أنا قلت نويير وشويخ .. شعنه رآزة بعسج .. مآتدريين أنه رزة الفييس من طبآآيع التييس ( أشرت ع غآيوه ) يالتييييييسه
نورة : بس بس حشى دومهن ألا يتنآقرن
أمون ترمس نورة : وبعديين أنتي ( تعآيب عيهآ ) فديييت بو زآآيد ( ردت نبرة صوتهآ العاديه ) منهوو قآل أنه الشلة لج .. أصلاً أحمدووه يشل عن ( ترمش بعيونهآ ) عيوني
نورة تقلدهآ : عيووني .. جب جب ويآ هالشييفة .. أنتي أميين عيونج عيون بدوية .. هالكبييروو
غآيوه : قوليلهآ صغآر بعد شعنه هالكبييرو
نورة : شوفي حبيبتي .. هالكبيرو تصغير لكلمة كبيير .. فانا ما أباا آحطم من معنويآتهآ و أقوولهآآ صغآآر .. فألكبييرو أحسن
غآيوه : لا حطمي من معنويآتهآ وكسري بعد .. عيووونج صغآر ( طلعت لسآنهآ لأمون ) أنننننننن
أمون صرخت : أوووووووووووووووووووووووووهوووووووووووو
الشبآآب لفو صووبهن
نورة : هئئئئئئئ يغربلج يا أمون
أمون مآشآآفن ألا غبرتهآآ .. وغآآيوه لحقتهآآ .. شوييخ أنسحبت
نورة مآتروم تربع شرآتهن : يالله يعلج النفآآآآآآد يآآ أمووون جآنج بلشتيينآ بحسج هالطول .. ( سمعت صووت من صوب الدروآزة )
عزوز : فديييييييييييييت رآآعية العيون البدوية
نورة قفطت وهيه هآبطه عندهن ومتحلفه لامون . . *
/\
\/
/\
\/
بع‘ــد يووميين . . *
السآعه 5 العصر > لندن . . *
محمد رخصووه من المستشفى بس بعده مستمر فالعلااج الطبيعي
فالصآآلة ( محمد .. أم سيف .. أم محمد )*
آم سيف : وين تبون تسيروون .؟
محمد : بنسيير الأسطبل مآل شمآآ
أم محمد : ههه مآودرتهن الخيوول .. لين هنيه يآيبتنهن .؟
محمد : هييه والله مآآتعرف بلااهن أونه
نزلن شوآقي و شمآآ .
شمآ كآنت متلبسه بنطلون أسوود وفيه حزآم أبيض وعليه قميص لونه أسود وفيه كتآآبة بالأبيض .. وبمآ أنهآ بتظهر فالشآرع لبست عليه جآآكييت طوييل وكآن ويآآه بوت .. وشيله
شوآقي مآخذه حريتهآآ ومتلبسه اللبس الخآص لتدريب الخيول .. قمييص أبيض ويآآ البنطلون كآآن رآآص علينآآ لووونه بييج وبووت أسوود .. ولبست الكآب مآآلتهآ البيج الصوف ( يعني ألا خيوط ومربطه فبعض وشعرهآ يظهر من بين خيوط الصوف ) وعليهآ فوينكة فالطرف بالبني . .
شوآقي : يلا نثييييير
أم محمد : شمآ انتي بآجر بتسآآفرين البلاااد .؟
شمآ أبتسمت : أن شاء الله
آم سيف : شو السآلفة سرّي مرّي . نحن ني وأنتي تسيرين ونحن فالبلاد و انتي فلندن .. مآتبينآ شو .؟
شمآ : لا حشى منهو يعآآفكم ويعآف يمعتكم .؟ بس والله عندي كم شغله لازم أسويهآآ .. مآآببطي ألاا يووم ( وهيه تزقر ع هآآيدي ) يلا هآيدي أتأخرنآآ
يت هآآيدي
محمد : هب اتميين تدعيين ونحن فالطريج لا يصيرلنآ شيء
هآيدي : أسم الله عليك يالسي محمد .. هلأ بتخآآف من دعآآوييه
آم سيف : يبوووكم أنتو بشآر الأسد جحتوووه ومآبغيتوووه ولا سلم منكم .. تبين تزولين ولدنا شعنه
هآيدي : أناا مآني معهم .. أناا جييت لحتى فل شغلي ونمي موهبتي
محمد : يالله ( لف لـ أم سيف ) خلينآآ من السيآآسة لا يعلقوونج مكآآنه
آم سيف : لا بسم الله علييه عندي عيآآل أناا
شمآ : ههه يلا نسيير
( ظهروو وهم سآآيريين الأسطبل . . *)
/\
\/
/\
\/
السآعه 6 المغرب > الأمااراات . . *
نورة كآآنت فالمول ويآآ آحمد . . *
آحمد : شو تبينه انزيين المول .. من متى حآشرتنآآ .. جان خليتي ريلج يوديج
نورة : إذآ خليته هوه ألي يودييني بيتم يحن يبآآ يعرف شو نوع الملابس ألي بشتريهن .. ولبنت ولا لـ ولد
آحمد :انزين خبرييه
نورة : لا أباا أخليهآ مفأجأة
آحمد : خفي علينآآ يـ مفآجآآت دبي .. يآآ عآلم مدهش .. يآآ جوآيز والكل فآآيز .. يآ صيف دبي
نورة : ههههههه شيآآك جلبت بلاك بيري
آحمد : أشووفج .. آلحين كل وحده تحمل يقولولهآ شو بتيبين تقوول مفأجأة .. ترآه هوه بنت ولا ولد .. مب مرسيدس ولا فتك .. ولا أن شاء الله ألي فبطنج بيكوون كآئن غير عن البنت و الولد . لا قوولي بعد بتيبين قرد قوولي
نورة عصبت : إيييييييييييييه شيآآآآك .. تقول مرتشف بآنزيين .. بسسسك هذره أرحم عمرك
آحمد : انزيين يلا سييري أشتري لين أدورليه كم بنت أقردنهآآ
نورة : ضآع المذهب يآ بو شهآب
آحمد : شو نسوي ألي فالقلب مب عآطنآ ويه
نورة : انزين سر اخطبهآآ
آحمد : ينيتي .. و أناا ألا توني مخلص من الأسآآسي
نورة : بس تشتغل .. وبعدين رآتبك ع ألي عندهم بيعآونونك ع العرس .. هم مآآلهم غييرك
آحمد : وين مآلهم غييري .. وشيء فحلييين فالبييت
نورة : و انته ثاالث فحل ههههههههههههههههههههههه
/\
\/
/\
\/
بيت بو حمدآن . . *
الصآلة ( أم حمدآن .. أمون .. شويخ )*
أم حمدآن : شيخه ..
شويخ لفت صوبه : هلا أماايه
أم حمدآن : مآفيه شيء فالطرييج
شويخ فخآطرهآ " شوفيهم كلهم يتخبرون عن الحمآل ><" أبتسمت : لا والله
أمون : شووهوو ألي فالطرييج .؟
أم حمدآن : مآآلج حآآيه سوآلف كبآآر
أمون : اونه وهـ( تأشر ع شويخ ) الديآآية يتسولف ويآآهآ سوآلف كبآآر و أنا لا
أم حمدآن : لا أتميييين تحنيييين أنتي بع‘ـــد
أمون : انزين أعرف .. تقصديين إذآآ هيه حآمل ولا لا ( طلعت لسآنهآ )
أم حمدآن : هيه مب منج ومن هالقصيص ألي تشوفينهن فالتيفزووون
أمون : أمايه أطوروو آآلحين يقولوون تيفي .. مب تيفزووون
أم حمدآن : شوو هآ .؟
أمون : تيييفي .. نفس هزآآعي يوم يبآ يقوول كيفي .. يقول تيفي
شويخ : لا بالله درجة العبط وآآصلة حدهآآ
أمون : جببب أنتي .. وبعديين إييه لا تحمليين مآآفيينآآ
أم حمدآن : وجيه أنتي بتشلينه فبطنج
أمون : لا يالذكيه يا مامااتي .. إذآ هيه حملت مآبتخلوني اكفخهآآ و أطفربهآ بتسوولهآ يآ دهينه لا تنكتيييين .. و انا بتغصص تبزوونهآ وأنا لا .. ومآ بلقى حد أطفربه إذآآ هيه شلت الصقو مآلهآ فجرشتهآآ
أم حمدآن : لا إله ألا الله من هالبنت .. والله يا امون أني تعآييتبج معيآآه .. كم مره أقولج قصري من لسآآنج قصري منه
أمون : لا أستطيييييع يا أماااااااااااه .. إن لسآني في حلقي كمآ السمكة في البحر
شويخ : هههههههههههههههههههه يرحم أياام التشبيه .. و الله أذكر يوم التعبير الأبلة تقولنآآ لازم تسون تشبيهآآت .. و انا أشبه ألا بالسمجة و البحر جنه محد غييرهم .. مثلاً يآيبيلنآ عن العلم .. أقوول أنه الأنسآن غير المتعلم مثل السمجة ألي بعيده عن المآي .. و أذكر يآيبيلنآ عن الريآضة .. أقوول الجسم محتآي للريآضة مثل مآ السمجة محتآية للمآي
أمون : هههههههههههههههههههههههههههههههه بخصوصج حرمة أخويه .. مآقلتلج قوليلي التعبيير ..
شويخ : ههههههههههههههههههههه
/\
\/
/\
\/
السآع‘ـــ‘ه 10 الفليل > بتوقيت لندن . . *
أم محمد .. أم سيف .. ودوم .. سيف .. شوآقي > سآآرو يرقدون بعد مآتعشو ( شوآقي حطوهآ ويآ أم محمد فالحجرة ألي كآنت ترقد فيهآ شمآ .. و أم سيف و ودوم و سيف يرقدون فالحجرة ألي كآن يرقد فيهآ محمد . . *
محمد نزل تحت لأنه مآبيقدروون كل سآعة ينزلونه و يشلونه فوق .. فنزل هوه و شمآ فالحجرة ألي عدآل حجرة الصوور . . *
/
فالحجرة
( شمآ .. محمد )
شمآ كآنت رآقده لأنه طيآرتهآ السآعه 3 الفير بتوقيت لندن
محمد كآن مسآند برآسه ع الشبرية وهوه يشوف شمآ .. تنهد وفخآطرهآ " ليش يوم قربنآ من بعض يت هالشغله وبعدتنآ .. سآمحيني شمآ وآعدنج بحمييج بس أنا آلحيين عآجز .. ما أقدر أحمي نفسي " مسح ع ريله .. قرب من شمآ وحط إيدهآ ع رآسهآآ وغرس صبوعه فشعرهآ وهوه يكشكشه .. أبتسم وهوه يشوفهآ رآقده تقول يآهل وشعرهآ ع وييهآ .. مد بإيد و أخر الشعر عن وييهآآ وهوه يحطه ورى أذنهآ .. قرب شفآيفه من أذنهآ وبصووت هآدي وبهمس : مآتوقعت شعوري بيتحرك صوبج بس .. ( خذ نفس ) أحبج ( قرب رآسه من ويهآ وتلامس خشمه بخدهآآ .. بعد عنهآ ورد لمكآنه .. لف عنهآ وعطآهآ ظهره وهوه يفكر )
شمآ من الصوب الثآني أول مآقآآلهآ أحبج وهيه قلبهآ يدق طبوول .. و يوم أخر عنهآ فجت عيوونهآ من الصدمه وفخآطرهآ " يحبني ؟.. لا يآ محمد لا تقوولهآآ .. أناا بتم فحيآآتك فترة بس و بنحسب منهآ .. ألي يآك مني مب شويه .. هذي بدآية حيآتنآآ و أستوت كل هالمشآآكل .. سآمحني محمد ما أقدر أتم ويآآك أكثر لأني بضرك .. وخآيفة هالمره بدآآل مآتروح ريلك من المشي .. ترووح روووحك الله لا يقووله وتحرق قلبي وقلب أمك .. أناا أحبك بس مآبقوولهآآ " ( نزلت دمعتهاا ع المخده و ع طول مستحهآ "
/\
\/
/\
\/
بيت بو حمد . . *
قسم حمد . . *
حمد يآلس فحجرة التيفي وهوه سرحآآن
يزوي سآرت صوبه ويلست عدآله : عندي موعد
حمد : ..................
يزوي : ولا لي نفس ع العيآدآت و الزحمة يبآلنآ سآآعة نتريآآ لين يعيفوونآآ حيآتنآ
حمد : ........................
يزوي أبتسمت : بس كل شيء يهون عشآن ولدنآآ
حمد : .....................
يزوي عقدت حوآيبهآ وصرخت عليه : حمممممد
حمد فز : هااا .. شعندج تبآغميين .؟
يزوي : أنا أبآآغم .؟ ولا أنته بآآلك شآآرد ومب ويآآيه
حمد : ويآآج ويآآج فكيينآ
يزوي بمكر : شو كنت أقوول. ؟
حمد : عن شسمه .. ( وقف ) ما أدري شدرآني أنتي شو تقوولين
يزوي : معنآته أنك صدق كنت سرحآن
حمد : أووووهووو يزوي .. شوفيج .؟
يزوي : أقوولك بآجر عندي موعد
حمد :انزين سيري
يزوي : بسس انزيين سييري .. وآيد عليك . مآفيه بودييج .. مآبخليج تسيرين رووحج
حمد : يزووي أنا شدرآني بموآعييد المرآآبي .. تبين تسيرين سيري
يزوي حآست بوزهآ
حمد نش
يزوي : ويين نآآهي .؟
حمد : بسيير أرقد
يزوي : من متى متفييزر هنيه ولا قلت بسيير أرقد .. ولا يوم ييت ويلست ويآآك ؟
حمد قرب صوبهآ وبتعب : يزووي ممكن تفهميني لو يووم وآآحد بس ( حط إيده ع إيدهآ ) ممكن مآتسوييلي مشآآكل وتخليني أتهنى فيوووم ( عقد حآيبه ) مآتيوزين مآتغصصيبي
يزوي : أنـ..
حمد قآطعهآ : دخييييلج يزوي قدريني شويه وقدري التعب ألي أتعبه . مآعمريه سمعت منج يعطييك العآآفيه .. طووول عمرج ألا مبوزة و أدوريين المشكله دوآرة
يزوي : خلاص اوكي بسكت عنك .. بس عندي سؤآآل
حمد بطولة بآل وهوه تنهد : قووولي
يزوي : رييل شمآآ .. أستوآله حآدث ؟
حمد : هييه
يزوي هزت رآسهآ بـ لا : مب هذآ الجوآب ألي أبااه
حمد : عيل شو تبين .؟ أقولج هيه ريل شمآ سوآ حآدث .. أطولهآ يعني
يزوي صغرت عيوونهآ وركزتهن فعيون حمد : سبب الحآآدث ( أشرت عليه ) أنته .؟
حمد نش : أوووووهوووو كل مآتستوي مشكله قآلولي منك يآ حمد . بسبتك أنته يآ حمد .. حمد حمد حمد .. كله أناا أسوي المشآآكل .. إذآ هووه سوآ حآدث انا شذنبي ؟
يزوي : أصصص انزين فضحتنآآ .. خلاص مب أنته مب أنته .. سر أرقد
حمد وهوه عآطنهآ مقفآآه .. شآوح بإيده صوبهآ بأنه سيري عني
/\
\/
/\
\/
حجرة حمدوه . . *
حمدوه كآنت يآلسه ع اللاب وعندهآ سآلفة من مده وهيه هآمتنهآآ : يآآربي آآلحين أنا مب فآآهمة .. صدق لو يزووي سقطت مآبتييب عيآل للأبد .؟ انزين العييب مب منهآآ .. هيه شدخلهآ مآتييب عيآآل أمره .. أصلاً هيه لو خذت غير حمد جآن يآآبت عيآل بدون علاج .. معنآته ألي يتعآآلج حمد .. وهيه لو سقطت عآآدي تهظل عشرة قرود مب ألا وآآآآآحد .. آيَ الخآيسه قصت عليه ويآلسه تتونن أونه ( تعآيب عليهآ ) آآه أنتي تدرين لو سقطت مآبييب عيآآل ( ردت نبرة صوتهآ ) مآتعولين لج عليه ><"
/\
\/
/\
\/
بيت بو عزوز . . *
قسم عزوز ..
كآنو رآقدين وفجأة
نورة : آآآآآآآآآآآآآآآآآآآآآآآآآآآي
عزوز فز وهوه ينش
نورة : إييييييييييه عزوووز لاتتحرك
عزوز يبآ يخوز إيده عنهآ
نورة :لاااا تمط إييييييدك إيييييييه .. يعوووور
( عزوز كآن رآآقد و السآآعه فإيده .. شبكت السآعة فـ شعر نوورة .. و عزوز يوم يى بيلف الصوب الثاني ( والحبيب رآقد طبعاً ) حرك إيده وجلع شعرهآآ عشآن جذييه عوورهآ .. بس مآآمط شعرهآ ألا شويه خشعه )
عزوز شآف إيده ألي شآبكة بشعر نورة وفجأة : ههههههههههههههههههههههههه
نورة : حماااااااار إيييييييه خووز شعريه قطعته
عزوز يرقص حوآيبه : أستوي قرعى انزيييين ( بطل سآآعته وتم الشعر شآبك بالسآعه .. عزوز لف عنهآ وتلحف )
نورة : إيييييييه .. طع الخسف ( مدت إيدهآ صوبه وضربته ع ظهره )
عزوز : يعلج ما أدحييييين .. شووو فييج خليني أرقد
نورة : يعني فكييييييت عمرك من السآعة .. ومخلنهآ لاصقة فشعريه
عزوز أبتسم : خلييييهآآ انزيين شبآآصه ..
نورة بتعب : عزوووز دخييلك فجهآ
عزوز : انزين فجيهآ أنتي ..
نورة : ويييين أفجهآآ وأنته ملصقنهآ فقمة رآآسي .. أجلعهآ يعني عشآن أستوي صلعى
عزوز : هههههههههه ( قرب صووبهآ ومطهآآ .. يآي بيفرهآ ع آآخر الشبرية بس طآحت )
نورة : إييه جآن مآتكسرت
عزوز تلحف : تزووووووول
نورة : مشكله البطره .. مب عآرف وين تعق فلووسك ألا ( تلحفت ورقدت )
/\
\/
/\
\/
ع السآعه 3 الفير بتوقيت لندن شمآآ سآرت صوب المطآآر ووجهتهآ صوب دآر بو سلطآن . .
وصلت ع الساعه 3 الفير بتوقيت الاأماارات . . و ع طوول سآرت الفندق هيه ونادر
شمآ حطت شنطتهآ وهيه تفكر بألي بيصيير اليووم .. سآرت صوب الدريشه وهيه تشوف الشآرع : متى بيي الصبببح متى .؟( وهيه تتنهد ) يمكن يآ عمي مآوثقت فيك فـ يوم .. حتى يووم وقفت فويه سعيييد .. كآنت نوآآيآآك كلهآ تخطط لمطلب وآحد ( رصت ع ضروسهآ وهيه مغمضه عيونهآ ) أدمر حيآآتي وتهني حيآآة محمد ألي كان دووومه وآقف فويهك ويعآآرضك فألي يضرني ..
/
ع السآعه 10 الضحى .. لبستلهآ كندوورة مخورة و عليهآآ عبآآة عآديه .. ومن صوب الجتف مآآخذه القمآآش الفوشي من الجتف اليميين لين الجتف اليسآآر .. ومن صوب الجتف اليسآآر مربوطة فيونكة ورديه بطريقة حلوه . . شلت شنطتهآآ و لبست نظآرآت تغطي ع الحمآر ألي موجوده ع حدود عيونهآآ .. لأنه تدري بـ نآدر بيتم يتسأل وهيه مآآلهآ بآرض ترد ع حد .. نزلت وبلغت نآدر و ع طوول سآآرو صوب شركة عمهآ . . *
وصلوو الشركة وشمآ نزلت .. سآرت صوب مكتب السكرتيرة
شمآ : خلاص نآدر مآله دآآعي تدخل ويآآيه أناا بكمل روووحي
نآدر : لا شمأ أنا بدخـ...
شمآ تقآطعه : نآدر و ألي يعآفيك خلني أسوي ألي يريحني .> دخلت عنه وتجآهلت وجود السكرتييرة مآتبآ تحتك ويآآهآآ لأنه متأكده لو رمستهآ بتعصب علييهآآ وهيه مآلهآ ذنب . . *
السكرتيرة : تعي لويين فآيته بدون أزن ..؟
شمآ تجآهلت ردهآ وفجت البآآب
/
حمد كآن يآلس يوقع ع الملفآت يوم سمع البآب أنفج بقوو رفع رآسه
شمآ نزلت نظآرتهآ وهيه تشوفه بنظرة تحدي .. نفس النظرة ألي كآنت فالمطآر .. وتبآ تعييدله نفس الموقف عشآن يعرف أنهآ مآبتنكسر من أول مره .. قربت صوب المكتب
السكرتيرة وهيه تصرخ : تعي لهوووون
حمد : ظهري وسكري البآب ورآآج
السكرتيرة : حآآظر أستآآز
شمآ لفت ورى وشآفت السكرتيرة تسكر البآب .. لفت صوبه وقربت منه : وييينه ؟
حمد بنظرة خبث : منهوو ألي تبينه .؟
شمآ : أبووووك
حمد أبتسم : أبوووويه .. يعني ألحيين مب عممممج
شمآ دقت بإيدهآ ع المكتب بقو . وصرخت فويه لأنه صدق مب طآيقة الوقفه ويآآه : ويييينه .؟ ( لفت عنه وعطته مقفآهآ ) هه قآل عمي قآل ( لفت صوبه ) لو يستآآهل كلمة عمي جآن قلتله .. جررح مره .. طعن مرتين .. خآن ثلاث .. و أناا أمشي ( شآوحت بإيدهآآ ) أقول يلا مآعليه عمي ويمووون .. لكن مب توصل فيكم الجرأة وتسوون ألي سويتووووه
حمد أبتسم بخبث : شمآ نحـ..
شمآ قآطعته : حمد انته تسكت وتلم ثمك ولا أبا أسمعلك نفس .. أنته ألي سوييته آكببر من كلمة ( بنبرة أستهزآء ) ولد عمي ويبآ مصلحتيه
حمد : انزين سمعـ..
شمآ قآطعته وهيه تركز عيونهآ فـ عيونه : حمد انته تسكت أمره وتقطع سوآلفك ويآآيه .. أنا مب يآآيه عشآآن أتنآآقش ويآآآآآك .. أبااااا أبووووك و..( سكتت يوم سمعت بآب المكتب ينفتح .. لفت ورآهآآ و بأبتسآآمه ) هلاا يآآ ( قربت منه ) شو أسمييييك .؟
بو حمد طآلعهآ بنظرة
شمآ : شو تبآني أقولك .. يآ شو .؟
بو حمد وصل حده وصطعهآ طرآآق ..و هذآ ألي خلى حمد يتشقق
شمآ ولا فكرت أنهآ تحط إيدهآ ع خدهآآ .. رفعت رآسهآ صوبه : هه أنا قاايلة كلمة عمي حرآآآآم عليييييييك ..
بو حمد دزهآ وسآر ووقف عدآل المكتب : شو ألي تبيينه ولخصي
شمآ سآرت ووقفت جدآمه : يآآيه أكمل كلاااامي ألي مآآقلته فـ لندن
بو حمد : أي كلاااام
شمآ : ربحك للصفقة و انته فحدوود الخطر
بو حمد بعد عنهآ ووقف عدآل ولده : كسبنآهآآ وخلااااص .. أنتي يوم مب قدهآ ليش تدخليييين
شمآ : حط عيينك فـ عيييني وقوول هالكلاااام .. أنا مآهمني كسب الصفقة .. لانهآ بكبرهآآ غش × غش . لكن صدقني بإيييدي أدلة أدممممممرك و أدمر ألي متآآمر ويآه
بو حمد وحمد تمو يتطآلعووون
شمآ كتفت إيدهآ : شو سآلفة الأختلااااس ..؟
بو حمد بجرأة : نحن مآ أختلسنآآ من شركتج شيء
شمآ : هه عيل شدرآك أني أرمس عن أختلاس شركتيه .؟
بو حمد : أنا قصدي نحن ما اختلسنآآ .. نحن خذنآ حقنآآ
شمآ سآرت صوبه : أي حق .؟ أي حق ألي ترمسه عنه ( أشرت عليه ) أنته مآلك حق عندي
بو حمد عقد حوآيبه : أنته .؟ من بعد عمج صرت أنته فنظرج
شمآ : لأنك يآآ ( بنبرة أستهزآء ) الكلمة ألي مآتستآآهلهآ مآبلفظهآآ جدآآمك و أنته مب قدهآآ .. مآوثقت فيك فـ يوم .. لأنك تخيب ظني دووم .. وكل يوم .. وفكل موقف و أنا ظني خآآيب فييييك .. لييين متى بتم أتنزل من قدرك .؟
بو حمد دزهآ من جتفهآ
شمآ : هه أنا مب يآآيه عشآن أعلمك الأاحترآآم ولا يآآيه أرمس بأسلووب يخليني أقلل من قيييمتيه .. ( بعدت عنهم وهيه عآطيتنهم مقفآهآ ) الفلووس ألي خذتهآ بتردهآآ
بو حمد : مآ برد شيء
شمآ تذكرت كلام نآآدر يوم قآلهآ أنه عنده شيء خآشنه من زمآن عنهآآ .. مآكآنت تبآ تقووله بس آآلحييين وقته .. ( لفت صوبهم و ظربت الكرسي ألي عدآلهآ بكل قوتهآ ) : عيل أسمعو الكلاااام ألي بيطربكم .. وبيخليييييكم تردووون حقي غصبن عن خشووومكم .. الفلوووس ألي فـ لندن كلهآ نصيييبي .. و ( أشرت ع بو حمد ) أنته وقعت ع هالكلاااام من أول مآآبغينآ نفصل بين فلووسي و فلووسك .. و الأورآق و الأدله لين آلحين موجووووده .. و إذآ ع بآآلكم بتستغلووون صلة القرآآبة بيني وبينكم وتسحبون من أربآآح الشركة كثر مآتبون ( أبتسمت بـ غرور ) شلوه الفكرة من بآآلكم . . ووقعنآآ نحن ع أنه نصيبي من الفلوس ألي فالأمارات 15 % .. بس ( شقت الأبتسآمة وهيه حآطه إيدهآ ع شفآيفهآ ) هههه ظهرنآ غلطآنين بالحسبه .. أنتو لكم 25% من الشركة و أنا لي 75% من الفلوس ألي فالأماراات
حمد عقد حآيبه : شوووووو .؟
شمآ : شو شوو ..؟ ( قربت من عمهآ ) أسأل أبوووك .. مب صحح هالكلااام ولا أنا غلطآنه
بو حمد بعد أنظآره عنهآ : أكييد غلطآنه
شمآ قربت من الكرآسي ويلست ع وآحد .. كآنت تبآ تحط ريل ع ريل عسب تقهرهم بس مب من بآآب الأحترآآم تسوي هالحركة .. و أشرتلهم ع أنهم أيلسون ع الكرآسي : خلووني أقولكم كيف التقسيمآآت.. و كيف طلع ويآآيه هالكلااااام و هالنسب
حمد وبو حمد قربوو ويلسوو ع الكرآسي
شمآ خذت ورقة وقلم من المكتب ورسمت دآآيرة : كآن يآمآكآآن .. قبل 17 سنه و أكثثر نقدر نقول أكثر من 20 سنه .. رسم هالداايرة كآملة .. و أسسهآ ( وهيه ترد تحدد ع الدآآيرة ) عمووود عموود .. تعب علييهآ .. وشقى .. وكد من عرق جبينه .. بدوون ( ركزت عيونهآ فـ عيون عمهآ ) مسآعدة أي شخص .. و أستوت هالدآيرة ملكه .. نصيييبه .. و يى اليوووم ألي الكل وقف ضده ( وهيه تستصغر الكلمه ) بس لأنه حب وحده فرنسيه .. وحملت ببنت وبعدوو عن الكل عشآن يحمون بنتهم .. وسآفروو .. وقبل لا تطلع هالبنت ع الدنيآآ يى أبووهآآ البلااد عشآن يضمن مستقبلهآ .. وحآن يوووومه .. وقربت سآعة ودآآعه من هالدنيآ .. قررربت روحه تطلع .. وقبل ( وهيه رآفعه صبعهآ السبآبة ) قبل لا يمووووت ( أشرت ع بو حمد ) وصى وآآحد وآآثق فيه و أمنه ع حرمته وبيييته .. لكن لاااااا منهو يقوووول أنه الحرمة الفرنسيه وبنتهآ بيآخذون الحلاال .. قآآآل نحن أولى منهن .. ( أبتسمت لـ حمد ) و البآقي يعرفه أبوووك و تعرفه أنته .. المهم كآنت هالدآيرة ملك لـ حمد حمدآن الـ... يعني نسبته كم .؟
حمد وبو حمد تمو سآكتين
شمآ أبتسمت : ههه شفيكم .؟ كم كآنت نسبته .. ( شآفت بو حمد ) قول كم كآنت
بو حمد حآس بوزه : 100%
شمآ : أيوآآآآآآ هيه هذي .. كآن نصيبه 100% .. فيوم مآآت .. المفروووض يكون لبنته ع الأقل 60 % والبآقي لأهله .. المهم فخذه حمدآن .. أبووه هوه ألي خذ الحلااال .. فيوم مآآت أبووه ( تقصد أبو حمد يعني يدهآ .. ) يكون الورث لعيآآله .. فبمآ أنه ولده حمد متوفي .. منهو يآخذ نصيبه .؟ بنته ( أشرت ع عمرهآ و بأبتسآمه ) ألي هيه أناا .. وبمآ انه كآن عنده ولدين فيكون الحلال بالنص .. كآن عنده الحلال كله بس المفروض يكون 40 % بمآ انه نحن متفقين من البدآية يكون نصيب بنته ع الأقل 60% .. فـ من الـ 40% بيتجآسمونهن عيآآله 20% .. و 20 % .. و حمد متوفي فبتآخذه البنت .. و آلحين كم صآر نصييييب البنت .؟
بو حمد : ..............
شمآ لفت عيونهآ لـ حمد : كم صآر. ؟
حمد : ...........................
شمآ : ليش مآتردون .. نحن نرمس بالحق
بو حمد : 80%
شمآ : عليييك نوور .. حق البنت .( رمشت بعيونهآ عسب تقهرهم ) ألي هيه أناا 80% من الشركة بعدنآ مآبديينآ بالحلااال و البيووت .. فتنآزلت .. و أنتو لكم 20 % ( وقفت ) وخلصنآ الحسبة .. بس أناا بتسآهل ويآآكم وبعطيكم من نصيييبي 5% .. و المفرووض ما أعطييكم لأنه ألي نهبتووه و كلتوه وآآيد .. فـ نصيبكم 25% .. صح ولا لا
حمد وقف : طبعاً لا .. ( لف لأبوه ) أبووويه شو هالكلاااام .؟
بو حمد وقف : بس الأورآق ألي أنتي وقعتيهن يقولن غيير عن هالكلاام .. ولا تنسين أنه نحن وقعنآ فالمحكمة ع أسآس أنتي لج 15% من الفلوس ألي فالبلاد
شمآ : هههههههههههههههههههههههه ( نزلت وخذت شنطتهآ وطلعت الأورآق ) بس هالأورآق تقوول غيير عن هالكلااام
بو حمد خذ الاورآق منهآ وهوه يقرآهن بعصبيه : بس..ال.ـ.الأورآق من زمان .. ونحن جددنا
شمآ تهز رآسهآ بلا : لالالا .. ( تعدد ع صبوعها ) تنهب مقبووله .. تخون ثقة مقبووله .. وتجذب بلعنآهآ .. بس مب تقص ع عمرك بشيء أنا شآيفتنه شوف عييييني ..
بو حمد طر االاورآق بالنص وفرهن عليهآ : هالأورآق حطيهن فـ كوب ورشفي منه
شمآ تشوف الأورآق المتنآثر حولهآ .. أبتسمت : ويمين بالله مابتوآطى عشآن آلقط وصآختكم .. أنته ألي بتي وبتشل الأورآآق وبترد تقرآهن كلمة كلمة عشآن تتأكد و ع فكرة ترآه هذيلا بس نسخ .. مب الأصل .. الأصل ( دقت ع صدرهآ ) محفووظ ( شلت شنطتهآ وظهرت عنهم )*
/\
\/
/\
\/
السآعه 12 > الظهر
بيت غآنم . . *
الصآلة ( غآنم ، آحمد ، غآيوه )*
آحمد نش : أناا أترخص عنكم آلحيين
غآنم : وين يآ ولديه أيلس تغدى ويآنآآ وقييل هنيه
آحمد هوى ع رآسه وحبه : أناا يآي أتطمن عليك .. العيوز أحتشرت هنآك قآلت ماتتخبرون عنه وهوه مصبح فالمستشفى
غآنم : ههههههههه سلم عليهآ .. والله أمبوني نآوي أخطف عليهآ اليوم ألا قدر ربك
آحمد أبتسم : والله اليمعه ويآك مآتنمل بس عندي شغل فـ سويحآآن
غآنم : الله يحفظك ولديه ويقوييك
آحمد : يلا فدآعة الله ( جفى عنهم )
غآنم : غآيوووه سيري وصليه لين البآب
غآيوه نشت
/
غآيوه وهيه توصله لين الدروآزة : شو تسوي فـ سويحآن .؟
آحمد : عندي شغل ( لبس نظآرته الشمسيه وتوه بيفج بآب الدروآزة ألا يشوفهن فويه ) وكل ما أيي مكآآن أحصلكن فويهي
شويخ : ههههههههه مآندريبك الشيخ ولا جآن مآيينآآ وعكرنآ مزآجك
آمون تشوفه وهوه وآقف ويآ غآآيووه
شويخ ترمس غآيوه : شو يدي آلحين .؟
غآيوه : بخيير ( مسكتهآ من إيدهآ ودخلن دآخل )
آمون وهيه تتخطى آحمد وحآيسه بوزهآ : أونه نآس مسويه فيهآ تعرف الوآجب ويآآيه تسلم
آحمد وهوه عآطنهآ مقفآآه .. عقد حوآيبه .. صرخ عليهآ لأنه طفر من نغزآتهآ : آمووون

كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت . . *

/\
\/
/\
\/
/\
\/

رآآيكم فـ
* أعترآف محمد بحبه لـ شمآ .؟!
* جرأة شمآ جدآم عمهآآ .. وتقسييم حلالهآ. ؟ !
* توقعآتكم للبآرتآت اليآيه . . * ؟