|
البارت (57) ريم : لا لا يعني لا ولييد " يزخ ايدها و يلسها " : ما بيستووي شي كبير .. بنسلم و بنررد ريم " ترد تووقف " : لااااااااااااااااااااااااااااااااااااااا ولييد " يوقف " : الله يصبرج يا رووح .. ريموه .. ريم " قاطعته " : ولييييد ما ابغي اسسير ... سير انته .. والله يوم بيجوفونك رووحك بدووني .. بيفرحون اكثررر و بيستانسوون ... عشاني وليد : ريمم حبيبي .. أنا والله ما اقدر اطوول و انا عايش بهالحاله .. إذا خلييتج و سررت هناك .. قلبي بيتم ويااج و بحااتييج .. و إذا تمييت هنييه .. بمووت من الوللهه علييهم .. رييم و الله مشتاقلهم .. كووني وياي الله يخليج .. ريم : وليد انا ابغي احفظ كرامتي .. ما ابغي انذل و لا انهان .. و الله بموت وليد : ما عاش .. بس لاازم نتحمل اللي بيي منهم .. لان الحق وياهم بكل اللي بيسونة ريم " تعقد حياتها و بعين اطالعه بتدقيق .. و ابتسامه صدمه ع طررف شفايفها " : احيين هم راديني و الحق وياهم .. صح !!.. بيكون الحق وياهم إذا خذتني و انته هب مشاورنهم .. " و تفتح عينها " .. و لكن انته مخبرنهم ... ولييد انته ليش تبى اتعذبني؟؟.. خلااص رووح لهمم رووووووووووووح ... ولييد : بروح ولكن ايدي بيدج ريم " تمشي عنه سايره الحجره .. و بعصبيه خفيفه " : قتلك انا هب ساايرة .. وليد " يلحقها قبل ما تقفل الباب .. و يمسكها من ايدها " : وقفي .. ريم " جابلته " وليد " بعيون مكسوره " : انتي ما تبينا انعيش براحه ؟؟ ما تبيين كل ويكند انرووح انزور اهاليينــآ .. حالنا حال الناس .. ما تبيين ام ريلج تمدحج يوم اسوين شي عيبها .. ترمس عنج بالخير جدام ربعها .. ما تبيين ولدج يلعب ويا اهله و عياال عمومه ... ويناقز حذالهم و يلعب و هوه مستانس .. ما تبيين هالعايلة تكبرر و تستوي عوده .. ما تبيين الكل يلتم ع سفره وحده .. وكل واحد يرمس عن سوالفه ونيلس نضحك و نستانس ويا بعض .. ما تبيينا انكوون وياهم بالعيييد .. نسير و نسولف وياهمم برمضااان .. و انكوون شمل واحد .. شوو تبيين احلى من جييييه .. هالشي هب عايبنج ؟؟ ريم " ترفع عينها " : أحين انا ما باه .. و انته تدري اني فقدت هالشي .. و الله اني ابغي ... شو بيدي اسووي .. و انا بهالحاال .. ولييد" يمسك ويهها " : انسسيرلهم .. و نستسمح منهم .. صح ما سوينا شي غلط .. و لكن انحاول وياهم .. و صدقييني بيحبوونج إذا عرفووج عدل و يلسوو يسولفون وياج .. دخييلج انا متمسك ع هالامل .. الله يخليج لا تقطعين عني هالامل .. ريم " اطالعه بصرامه " : متآكد .. وليييد : و اكثرررررر ... ريم : و اذا مارضوا فيني .. و راغووني وليد " فج عيونه " : لا لا .. ما تووصل انهم يرووغوونج .. اهلي هب جييه ... اعرفهم عدل .. ريم " اطالعه بشك " ولييد " يرص من مسكت ايده " : اووعدج ما خلييييج روحج .. ووعد ريم " تغمض عيونها " وليد " يرد ويها ع صدرره و يبوس راسها " . . . نووروه : يعني ما بتردون برايكم ... " نزلته عن اذنها " مايد : ويت ويت ويييييييييييت نووروه " سمعته وردته ع اذنها " : نعم ... منووه ؟؟ مايد : احم .. شحاالج ؟؟ نوروه " عقدت حياتها " : منوه انته ؟ مايد : معقووله ما عررفتييني نووروه " تبى تذكر صوت منو ها " : صووتك مآلوف .. بس والله بعدني ما عرفتك .. " فجآه عصبت " ... وبعدييييين انته من ووين اتعرفني ؟؟ و شدراك فييني ؟؟ .. قووول بسسرعه شو تبى .. و لا والله لبند مايد " شووي و بينقع من الضحك " : اعصااااابـــــج نوروه : اييه انته .. داقلي منييه و الدرب ... و تبى اتعررف احواالي .. و تبااني اخبررررك .. يلا منااك .. فكني احيين انته منوه وشوه تبى ؟؟ مايد : نووروه بلـــآج ؟؟ عنبووو جبرييت نوورووه " فجت عينها " : انته شدراك بسسمي ؟؟ مايد : ههههههه .. تراني ريلج شقايل ما تبيني اعرف اسمج نوروه : علــــــــــــى اي أسـ............. " يوم استوعبت اتصنمت مره وحده .. و مارامت تنطق بحرف .. " عقب صمت مايد : ههههههههههه وووين سررتي نوروه " اتحس انها ما بتقدر ترمسس .. لانها اتحس انه يسمع طبوول قلبها .. و عطوول بندت " طووووووووووووووووووووووووووووووووط ماايد : ههههه عنبووو شيااها ههه . . . " كانت راكبه فوق الكرسي و ادوور بسدات الكبت اللي فوق " مهور : اووووووووووف وويين سااار " عييززت و نزلت .. و هيه نازله .. طاح العقد اللي معلق ع رقبتها .. حست بشي طااح منها فانتبهتلة و انصدمت شاافته هووه اللي طااح .. تلمست رقبتها .. شاافته محد .. و هييه عينها بعدها على العقد .. نززلت بكل هدووء و شلته و يست ع الشبريه .. و هييه حاضنه العقد بكف ايدها و تتلمس عليه و الطالعه .. / / / يبووووس خدها من وورى .. و يرتب شعرها .. و يخليها اتجابله خليفه : هاا عااد ما تفصخيينه مهور " لمست العقد .. و عقب شافته " : لييش ما افصخه ؟؟ خلفيه " عقد حياته " : تبين تفصخين هديتي ؟ مهور : لا هب جيه .. بس انته ما تباني افصخة خلفيه : هييه ماباج تفصخيه .. لاني ابااه يذكررج فيييني .. و تذكررين هالايام الحلوه .. لو وان شااء الله عقب مليووون سننه مهوور : ووول ...آكييد بنكوون ميتيين عقب مليون سنه خليفة " يلمس خدها بكل حنان " : يعل يومي قبل يومج .. لا تيبين هالطاري .. زيين غناتية مهور > الله لا يقوووله .. بسم الله عليك : إن شاء الله خلفيه " يبوس خشمها " : مهووور .. متى بتعترفيين و بتقوليين انج اتحبيني ؟ مهور " قففففففففطت منه .. نززلت عيونها " : هب لاازم اقوول خليفة : لا لاازم اتقووولييين .. حبيبي ابا اعررف غلااتي عندج مهوور " اطالعه بهدووء " : كل ها و ما تعرف غلاتك عندي خليفة : انا اعررف .. ولكن ما ثبتيلي .." بخبث " يااخي حسسي فييني ووولوو شووي ... انتي اتعررفيين شكثر احبج و دوومي اقوولج مقدار غلاتج عندي .. ولكن انتي اببــــد ما تخبرريييني " نزل عينها " مهور " و هيييه مرتبكة اتجدمت اكثرر جدام ويهه و باااسته ع خده وجابلته .. بهمس " : احبــك خلفية " كل شعرر يمبه وووقف .. بلع ريجه .. بعده مصدووم من الحركه اللي سوتها .. تم يطالع عيونها " مهوور " افتششلت واايد من نظراته .. ساارت ويلست ع الغنفة " خليفة " ساار عندهاا ... و يلس حذالها .. و هووه بعده الحركه مآثره فييه وـآيد " مهور " اتصد صوبه ... اتشوفه يطالع جدام و سرحان " : ممم اصبلك عصير ؟؟ خليفة : ...... مهوور " جدمت راسها صووبه " : خليفة خليفة " انتبهلها .. و صدالها " : هاااه .. هلاا حبيبي مهور : اصبلك عصير خلييفة : هييه الله يخلييج مهور " اتصبله " خليفه " يطالعها و هييه اتصبله " مهور " تمد له " : تفضل خليفة " يآخذ من ايدها و ع طووول يششربة بيقمه ووحده " مهوور " فجت عينها " : ههههههه شوي شووي خليفة " يووطي الكووب ع الطاولة " : ريجي نااشف مهوور : هههههه / / / مهوور غمضت عيونها .. بحرررقه ... و تنهدت تنهييييييييده طووووووووووووووووووووووووووووويلة .. مهوور " اتحط ايدها ع قلبها " : آآآآآآآآخ يا مقووى عوارك .... ليشش هب رااضي تنسى و تممحي هالحب .. لييش متمسك فيه لين احين .. معنه في شخص بحياتي يستاهل هالمشاعر .. ليشش مصر انك اتعذب عمررك و اتعذبني وياك .. ليين متى بتيلس ع ذكرها و ذكرى كل موقف حلوو .. " تنزل دمعه ع خدها " .. ليين متى بتمنى انه يكون ويايه كل ما افررح او اضايج .. و اتمناه يكون قربي .. " تررص ع عووينها بقوووو " طق طق طق " ويدخل " حمداان : مهرووه مهوور " تصد الصوب الثاني و تمسح دمعتها " : هلااا حمداان " يتقرب صوبها " : شو سوين ؟ مهور " اتخش العقد وراها " : شسووي بعد ؟ .. ماشي ياسه حمدان " يلس حذالها " : كنتي اتصيحين ؟ مهور " تهز راسها بالرفض .. و تنزل عينها " حمدان " يرفع ذقنها .. و خلاها اتجووفة " : امبلى .. ليش تنكرين ؟؟ شو بلاج ؟؟ من شوه مضايجة ؟؟ مهور " طلعت العقد من وراها .. و بخنقه " : انقطع حمدان " عقد حياته " : احيين عسبت عقد .. مضاايجه عمررج ... هههههه مهور " اطالعه بلوم .. و صووتها يبين انها بتصيح " : لاااانــك ما تعررف قيمته .. ما تعررف غلاااه بقلبي .. و ما تعرررف انه صااحبـــه غالــي ع قلبي .. غالي وايد وايد .. حمدان " شك بآنه .. من خليفة .. مد ايده عسبت ياخذه منها " مهوور " رصت علييه " : خله حمدان : بشوفه بس .. يمكن ما يكون منقطع مهور " اتراويه .. و بكل عصبيه " : هاا شوووف شوووف .. منقطع ولاا .. حمداان : انزين معاليه بيبلج سلسله ثانيه و ركبيه .. مهور : لا انا اباه هووه ما بى غيره حمدان : انزين عطيني بشوف السلسلة بس مهوور " مدتله اياه " حمدان " يشوفه .. " : ممم يتركب ها مهور " فجت عينها " : والله حمدان " شاف الفرحه بعيونها " : هييه بس يباله رص " و يررصه شووي .. و يركبه " .. خلاص اتركب مهوور " ابد هب مصدقه انه اتصلح بهسولة " : اوويه مسستحيل " تآخذه من ايده " ... مشكوور والله حمدان : انتي مكبره السالفة .. مهور " يايه بتلبسه " حمدان : عطييني انا بلبسج مهور " بصرامه " : لااااا .. بلبس روحي حمدان " نزل عينه " . . . نووروه : والله .. والله يا يزوووووي .. ان ما صطلبتي ياوييلج يزوي : هههههههههه اآإآإخ يا بطني .. هههههه نووروه : بـــــــــــــــــــآآآآس قلنا يزوي : وربي انتي تحفه .. احيين من صدقج رمستيه جيه نوروه : آإفففف .. روحيه كارهه عمريه .. وربي هبله .. و لا بعد ياسه احييد صوت منوه ها .. و اقوله بعد هييه والله صوتك مآلووف .. غبيييييييييه وربي يزووي : الله يعينك يا ماايد نوروه : شسووي احيين ؟ يزوي : لييش انتي مارمستيه عقب نوروه : لاا يزوي : حلفي ههههههههههههههههههههههه نوروه " عصبت " : يزوووي .. ووويييييييييييييييييييهد ان شااء الله يزوي : ههه انتي من صدقج احيين ما رمستيه .. اوويه انتي شي هب طبيعي نوروه : يعني بذمه شوو من الجرـــــــــآئه اللي عندي اتخليني اسير ادقلة .. لا تستهبليين يزوي : هييه صح .. بس غريبة ما خبرني نوروه : اوهوه دراني انا .. المهم احين اخليييج يزوي : اوجيييج .. لا تنسين دقيله .. هههههه نوروه : جب جب جب باي يزوي : هههه بايو . . . وليد يمسك أيدها " ويشوفها " : نننزل ريم " اتشوف جدام " وليد " يرص عليها " : شووه ريم " اتشل ايده و تحطها ع قلبها " : شوووفه شقى يدق .. ووربي ميته خووف وليد : حبيبي انا وياج و ما بخليج .. ماله داعي الخوف .. زين ريم " تغمض عيونها .. و تبلع ريجها " : خاايفه وايد وليد : عييل ماشي نزله إلا لين تهديين .. اهدي شوي حبيبي ريم : يلا يلا يلا ماله داعي انطوول ... يلا خلنا ننززل وليد : متآكده ريم : هييه يلا وينزلون من السياره .. و دخلو البيت .. و جدام الباب الرئيسي وقفوو ريم : ما بيستوي إلا الخير صح ؟؟ وليد " يمسك ايدها " : و بتم وياج .. ما بخليييج ريم : رااح يستانسوون ولييد : و يقربوونا بعد ريم : و بنيلس وياهم طول اليوم و نحن مستانسين وليد : و نبات بعد إذا تبيين ريم " آطالع فوق " : آميين يارب ... إن شاء الله كل ها يتحقق و ينفتح البـــــــــــآب .. ريم و ليد " ارتبكواا و صدواا صوب الباب اللي انفتح " عمور " يشوف ولييد " : ولييييد و اخيررا ييت ويتخااشمون وليد : بالنهاية هذا بيتي و اكيد بردله عمور " بابتسامه " : اكيييد .. و خلااص عاد مالك طلعه منه وليد " يطالع ريم .. و حااس فيها " : ممم عموور .. " يـآشر ع ريم " .. هذي رييم .. حرمتيه عمور " يشووف ريم " : شووووه ؟؟؟ حررمتك ؟ وليد " يمسك ايدها " : هييه حرمتية عمور " مصدومه " : كـ كيف حررمتك ؟؟ من متى ؟؟ وليد : من زمان ... المهم بتخليينا ووقووف جييه عمور " انتبه " : اووه السمووحه منكم .. حدروو عموور اتجدمهم وهووه هب عاارف شي عن السالفه .. ولييد بعده زاخ ايدها و يمشون وراه . . . مهور : ممم متى بنررد راك حمدان : ليش مليتي ؟ مهور : تبى الصدق وايد .. يعني هناك يوم كنا عند اهلك .. كان لمه و الكل ويا بعض .. اما هنيه .. انا هنييه وانته هناك حمدان : ترااني انا موجود .. بس انتي إلا منخشه بحجرتج .. و ما تظهرين إلا يوم انا اظهرج مهور " بابتسامه " : عسبت اتعود حمدان " عقد حياته " : اتعوود .. ع شوو ؟؟ مهور : انك اتكون هنيه بدوني حمدان : لييش اتعود ؟؟ مهور : ناسي انك قايلي بتعررس حمدان : اعررررررررررررررررسس مهور : هيه تعرس .. هب انته قايلي انك موافق حمدان : صح بس ما كنت جاد مهور " عقدت حياتها " : ما كنت جااد .. لييش حضررتك كنت تلعب حمدان : لاا بسس كنت ابغي اشووف ردت فعلج .. مهور " تنهدت " : لا ردت فعليه و لا شي .. خلااص هالسالفه تنتهي بزواجك من غلااا حمدان : هب ع كييفج مهوور " بآإصرار " : امبلـــــــــى كييفي ... كييفي يوم اتمنالك شي انا ما اقدر اعطيك اياه .. اتمنالك الراحه .. اتمنالك اتكوون مستانس ويا اللي تحبهاا .. و لكن و يا اللي ما تحبها .. ما بتحصل إلا وويعه الرااس ... و بضيع سنيين عمرك وياها ع الفاضي حمدان : مهوور الله يخلييج .. فكرري بعقلج .. لا تفكررين برغباتج .. فكرري بعقلاانيه .. و خذي السالفه بجد .. عبالج اهلج بيسكتووون لو انا عررست و حطييت ع رااسج وحده ما بيرضوون .. و لاا حتى اهلي بيوافقون اني ما كملت شهر من عررست و اسير اعررس مرره ثاني .. و منووه بنت خالتييه .. و خاالوووه بتواااافقق مسستحييل .. مسسستحيل هذيييل كلهم يواافقوووون مهوور : مافي شي مستحييل إذا انا طلبت ووافقت حمدان : لا انتي اكييد هب صاحيه مهور : هييه هب صاحيه .. قتلك طلقني و خذهااا و الله بترتااح حمدان : طلــــــــــــــآق هب مطلق .. انسسسسسي ... انسسسي بيوووم اني اخليييييييييييج . شلي هالفكرره من باااالج مهور : يعني بتآخذها و انا ع ذمتك ؟ حمدان " بعصبيه " : مـــــــــــــــــــآبى آخذها خلااص ريحيني مهوور " وقفت " : عييل إذا جييه مابا .. طلقني حمدان : احيين انتي تبيين تطلقيين .. عشان ما خذتها عليج مهور : هييه حمدان .. طلقني يمكن جييه بتسهل السالفه و بتاخذها حمدان : .. مهور " تيلس حذاله " : حمدان انته اتحبها .. و هيه تحبك .. الفرراق ابد هب حلوو .. انا مجرربتنه .. واايد يعذب واايد .. انتوو عندكم امل انكم تتقربون مره ثانيه .. ولكن انا افترقت وياه فرااق مايرررد .. ياريتني مفترقه شراتكم .. ع الاقل بتفاءل اني اقدر التقي وياه يوم من الايام .. دخيلك حمدان والله قلبي يتقطع يووم اشووف حالتكم جييه .. عشااني .. اوو عشاانها حراام هييه متعلقه فيييك واايد .. و اكييد احيين ما بترضى بحد لانها ليين احيين تحبك .. و انته اللي سويته شي وايد عوود .. تخلييت عن حبيبتك ... عسبت امانه .. امنها عليك ربيعك ... و فييت بهالامانة .. و الدلييل اني عندك احيين بيين ايدك " حمداان يطالعها " .. انته ما قصررت باللي سوويته .. سوويت واجبك و اكثرر .. و لكن انا اللي قصررت .. و اقوولك احيين خذها .. و المره المليوون انا موافقه " تبتسم " .. و الله يوفقكم حمدان : بس مهرا اسمحيلي ما اقدرر اطلقج مهور : لا لاازم اطلقني .. ما في حرمه اتشووف ريلها ويا غيرها و تسكت وما اتمووت غيررره .. و انا ما ابغي هالشي لغلااا .. ارتاحوا بحياتكم بدووني حمدان : لاا مهرا .. انا ها شررطي مهور : بس انا ما ابغي حمدان : ما تبيين بنسكر السالفه عيل مهور : لاا ما بنسكرها حمدان : عييل وافقي ع شرررطي مهور " بترردد " : ممم ع شررط .. اذا هييه وافقت بتمم حمدان : ما يخصنني .. وافقت ما وافقت .. انتي بتمين ع ذمتي .. و مستحيل اطلقج مهور " تبتسم " : عشااني لاني مهرا .. و لا عشان المرحوم حمدان : الاثنيــــن .. صح بالاوول عسبته .. و لكن يووم احيين يوم عرفتج .. مستحيل اخليج مهور : يلا ان شاء الله خيرر حمدان : يعني انتي هب غيرانه مهور : اغار من شوه حمدان : اني وافقت .. مهور " تبتسم بتعب " : تراني انا اللي طالبه منك شقايل بغار حمدان : هييه بس غصبن عنج ... و توج قايله ما في حرمه ما تغار ع ريلها مهوور : صح ولكن انا غيرر حمدان : ههه . . . ريم و وليد : السلـآم عليكم الكل و قف يوم جافهم ماسكين ايد بعض و حادرين ( ام حمد .. و نورا .. و نوروه .. ورشوود و عموور ) ام حمد " ع طوول سارت عند ولدها " : ولييييد الغاالي وليد " باس راسها " : اشحالج الغاليه ؟؟ ام حمد : هب بخيرر .. هذي سواات اتسوويهها اتخلييينا و تبتعد عنا وليد : انتي اللي اجبرتييني امايه ام حمد : من اليوم وساير ماشي ظهره من الباب .. " تمسك ايده الثانيه عسبت اتيلسه حذالها " ريم " قلبها انقبض " ولييد " رص ع ايد امه " : امايه .. ام حمد " اطالعه " وليد : امايه .. ريم تبى اسلم علييج ريم " منزله عينها و رفعتها بشويش اتشوف ردها " ام حمد " تمت اطالعها " وليد " يغمز لريم عسبت اتسلم عليها " ريم " سارت و باست راسها " : عمووه شحالج ؟؟ ام حمد : انا بخيير .. شحالج انتي ؟؟ ريم " ابتسمت " : زينه ام حمد : قرربو تعاالوو حيااكم اتجدموواا و طبعا سلموا ع الكل .. و الكل طبعااا هب عااررف شوو الساالفه .. و منووه هذي ريم نووروه " بفضول يذبحها تنقز عمور اللي يالس حذالها " عموور : كسسحتي ايديه الله يغربلج .. شعندج ؟ نووروه : هذذي منووه ؟؟ عموور " بندمج بالسوالف " : حررمته نووروه " بصوت مسموع " : شوووووه ؟؟ " خفت ع صوتها " .. شووه .. شقى حررمته ؟؟ عموور : وانا شدراني ؟ هووه جييه قالي يوم عند الباب نووره : متى ؟؟ و كييف ؟؟ و لييش ما خبررررنا ؟؟ عموور : انطبي .. سمعي و انتي صااخه نووروه : فهمنييييييييي اوول عموور : خلييني انا اول افهم .. عسبت افهمج نووره : انززين احيين لييش ما يفهموونا و يخلصوون رشوود " يسمعها و هيه تحررطم " : يعلج ... انطبي .... ووذى نووروه " تلز صووبه " : رشوود .. شو السالفه ؟؟ رشود : وانا شدرااني ؟؟ نووروه " تسويله مالت " : مالت بس شووي يرن فونها .. نشت و سارت فوق .. مايد : ما بترمسين ؟ نووره " هب عارفه شو تقول " : ممم ... من ووين يبت رقميه ؟ مايد : ههههه هاللي طلع ويااج نووروه : هب انته قلت رمسسي ؟؟ مايد : آوكيه .. شحالج ؟ نووروه " تيلس ع الشبريه .. و هييه بتموت من الربكه " : بخيرر .. و انته ؟ مايد :انا بعد بخير نووروه : اها .. دوم مايد : .. نوروه : ... مايد : .. نووروه : .. مايد : شوو سووين ؟؟ نوروه : ولا شي .. كنت ياسه تحت وياهم .. وووووو " اتذكررت سالفه ولييد " .. شششششششششششششت .. ماايد : شووه نووروه : برمسك عقب .. باي باي " فجت باب حجرتها و طلعت منها " ماييد : شو بلااج ؟؟ نووروه : ماشي ولكن اذكرت شي .. مع السلامه " و سكرت ع وييهه ونزلت .. و شافتهم بعدهم يرمسون عادي " . . . فارس : ليييييييييييييييييييييييييييييييييش ... هاي خبييل شووه حمداان : لا ولكن تبى راحتي فارس : راحتك .. و يا غيرها حمدان : لانها تدرري اني احب غلا .. واتمنى قربها فاارس : يعني انته موافق حمدان " متردد " : موافق .. بس اخاف اقصر بحق مهرا فارس " فج عينه " : يعني بتآخذها حمدان : فارس .. هذي فرصه ما تعووض .. تدرري اني اموت فيها فارس : الله لاااااااااااااااا يحطني بهالمووقف .. الله يعيينك خيووا والله حمدان : هههه تدرري بحياتي ما اتخيلت اني بيكوون عندي حرمتين فارس : منووو قدك والله .. يووم اتمل من هااي سيير لهاذييج .. يووم بتمل من هاييج رد لهااي حمدان : ههههه لعبان هووه .. بس تدرري احسس شي عادي فارس : شقى يعني؟ حمدان : يعني هب مستانس و لا فرحاان فاارس : ليييش ؟ حمداان : مادرري والله .. بس يمكن يوم يستووي صدق بستاانس اكثرر فارس : لاااا حمدان : شو لا فارس : انا اعرف ليش حمدان : ليش ؟ فارس : لانك .. حمدان : لاني شوه فارس : لانك حمدان : هييه فارس : تحب حمدان : ادرري اني احب عييل شوه فارس : بس ما سآلتني اتحب منوه حمدان : منوه ؟؟ فارس : مهووووووووووووووووووووووووووووووووووووووووووووور حمدان " انصدمممممممممممممممممم " فارس : ابصملك انك اتحبها .. لو ما تحبها .. جآن ما بتيلس ترمس عنها كل ما ارمسسك .. و اتسوولفي عن مواقفكم .. و عن سوالفكم .. عن ضرايبكم .. و عن كل شي يستووي بينك و بينها لو حتى ادق شي .. اتخبررني عنه حمدان : بـــــــــــــــــــــــــــــــــــــــــــــــــ ـــــآآآآآس ... شوا حبها ما احبها اتخبلت انته ... انا بقلبي وحده و هييه غلاا و ما في غيررها .. و لوو كنت صدق ما حبها جان ما وافقت ع اللي قالته مهرااا .. فارس : اوكية .. و من متى انته اترمسني عن مهراا .. و تخلي غلاا .. حمداان " بغييض " : فاااارسس اسسكت .. قتلك انا ما احبهاا .. بسس تكسسر خاطرري فهمت فاارس : اووكييه .. بيي اليووم اللي بتييني فيه و بتقوولي " يقلد صوته " فاارس و الله انا احبهاا حمداان : آإآإآإآإآه .. غييرر السالفه فاارس : ماشي سالفه اهم عن هااي حمداان : اقوولك خلااص يلا بااي فاارس : بيسير عند الحب ... سيير فدييتك .. تتهنى وياها حمداان : اففففف .. مع السلامه . . . ولييد : ههههههههه نووروه : صددق والله ولييد : عييل من متى انا اقوولج و انتي هب طاايعه نووروه : شسووي " اطالع عموور " .. هووه غصبني .. هب اييد علييه والله كان بيكسر عظاامي ولييد : دواااج احسسن ام حمد : يلاا خللووو عنكم هالرمسة .. و قووموا بجهز العشاء .. و تعالووا اتعشوا ولييد : إن شااء الله ريم " وقفت " : عموو عادي ايي ويااج ام حمد : هييه تعاالي رييم " شافت ولييد .. و ليد غمزلها " و لحقتها فالمطبخ رييم " اتشووف عمتها اتجهز العشاء و جييه .. و هييه تبى اترمسها و لكن ما تعرف كييف .. فتشجعت " ريم : ممم عمووووه ام حمد : هممم ريم " تسير صوبها .. تبوس راسها " : عمووه انا ادرري انج هب متقبلتني .. و انج هب رااضية .. بس والله عمووه انا ما ابغي غيرره .. و لا هووه يبى غيرري .. حااولت وياه واايد انه يخلييني .. ولكن والله مارضى .. هووه يحبكم و ما يبى فرااقكم .. ودوومه كان يقوول يشتااقلكم واايد .. و شفتييه شقى ياالس مستاانس وهووه يسوولف ... بس قبل كان شاايل همكم .. ما كان يبى يخسرركم .. انتو اهله .. الله يخلييج عمووه .. لا تقسسين قلبج اكثررر .. حني علينا دخييلج عمووه .. نحن ما نبى شي ثاني غير رضاكم .. و انا اعتبررج شرات المرحوومه .. انا افتقد حنانها و لكن اكييد بحصله عندج و ما بتخليينه علييه .. ام حمد " كسررت خاطرها واايد " : تدررين قبل ما اشووفج بس من سوالف وليد عنج .. ما كنت ارتاحلج وايد ... و كنت اتدرري انه يحبج واايد .. ويبااج من كل خاطرره .. و لكن كنت احااول انه يخلييج ولكن ما شي فايده ..و ما حبييت اضغط علييه .. وخصووصا انه ابتعد عنا عشاانج .. عررفت غلااتج عنده .. و يووم شفتكم اليووم ماسكيين ايد بعض ارتحت واايد .. و ان شااء الله .. الله لا يغير علييكم رييم " استااااانسسست حيييييييييييييييييل .. مسحت دمعتهاا " : تدررين عمووه و الله كنت متوقعه انج بتردييني .. و الله والله انج فررحتييني .. " و اطييح بحضنهاا " . . . |
مشكوووورة الغلا والله البارت طر استانست لوليد وريم واااايد وحمدان ومهره انا ويه فارس فكلامه مايد و نوروه الله يوفجهم نوذوه نقعتني ضحك تقبلي مروري |
تسلم اناملج الحلوة على هيييك بارت الحمد الله انه ام وليييد حبت ريم و رضت عنهم . . . و ماعرف شو اعلق على مهووور بس اقولها عيدي احساباتج و حمدان لا توااااافق و خلك مع مهوور.. . . . و نتريا البارتاليبعدة على احر من الجمر :77::77: |
ناااايس رووعه البارت تسلميين |
والله مهرووووه تكسر خاطري لما تتذكر خليفه :( نتريااااج خيتو :( |
| الساعة الآن 03:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir