|
اااااااااختي هالمررررررررررررررررررررررة نبغييييييييييه طووووووووووووووووووووووووووووووويل وروووووووووووووووووووفي بحااااااااااااااااااااااااااااال سااااااااااااااااااااارة شوووووووووووووووووي |
نترياا البارت الحينه المغرب يلاا نبااهـ طوؤوييل ^^ |
ويييت حبايبي شوي علي ..... |
البارت القبل الاخيــــــر قعدت تلعب بذيلها الطويل الأشقر.. الفرس اليزابي من النوع اللي بسرعة يهيج وهذي المشكلة.. لأنها بين ما كانت سارة قاعدة تمسح على جسمها فجأة ظهر فار من تحت القش طبعا سارة ما كانت منتبهه حقه وأول ما لمحته اليزابيث على طول هاجت ورفعت ريلها في هاللحظة وقف قلب سارة.. ما كانت تعرف شو تسوي؟؟ تبست في مكانها وهي تشوف جسم اليزابيث الضخم فوقها وصرخت بأعلى صوتها حارب في هاللحظة كان توه راد أول ما سمع صرخة سارة وقف قلبه.. وعلى طول نزل من فوق الكاسر وربع بسرعة صوب الاسطبل أول ما دخل الاسطبل شاف سارة اللي أغمي عليها واليزابيث قاعدة تتحرك يمين ويسار زايغة ربع حارب بسرعة صوب سارة وقعد يحركها رفعها حارب وحطها على ريوله وكان قلبه يدق بقوووووووو خاف لا يكون صابها شي حارب وهو يحرك سارة: سارة.. سارة.. ردي عليه.. بس سارة من زود الصدمة اللي حاشتها أغمى عليها .. ولا جنها في الدنيا حارب كان بموت من الزيغة.. كان يهز سارة بطريقة هستيرية حارب وهو يصارخ: ردي.. علي.. ســــــــــــــــــــــارة.. شو اللي يابج هني؟ وبسرعة بسرعة رفع سارة من الأرض وشلها صوب المزرعة ... في جناح حارب وسارة... بعد ما سدح حارب سارة ع السرير ربع صوب المطبخ وياب كوب ماي وقعد يرش عليها وبعد شوي.. قدرت سارة تفتح عيونها شوي شوي أول ما انتبه حارب لها.. تشقق من الوناسة.. وعلى طول جرب منها ولوى عليها سارة اللي كانت للحينه مب بوعيها الكامل.. بس حست بقلق حارب الكبير عليها شوي ابتعد حارب عن سارة وصرخ في ويهها: انتي مينونة.. سارة وهي مرتبكة: ليش؟ شو سويت؟ حارب والشرار يطاير من عيونه: لا والله.. كل هذا وما سويتي شي.. وبعدين كيف تظهري من من دون شوري سارة: عادي شوفيها..؟؟ وبعدين أنت في المزرعة حارب: وفرضا أنا غيرت رايي وما سرت صوب المزرعة.. وصار لج الحادث.. بالله منو بكون وياج؟ سارة حست بكلام حارب وأنها صج غلطت حارب: وبعدين تعالي.. انتي نسيتي انج حامل؟؟؟ سارة: خلاص عاد.. لا تقعد تصارخ علي.. حارب: حــــــــــــــامل.. تعرفين شو يعني حامل.. فرضا.. صابج شي.. محد بتأذى غيرج وغير هذا اللي في بطنج سارة: أصلا أنت هذا بس اللي هامنك حارب وهو يصارخ: هذا اللي ترمسين عنه يا مدام.. ولدي.. تعرفين شو يعني ولدي؟ سارة انقهرت.. حست أن حارب كان كل خوفه لولده.. يعني هب عليها امتزرن عيونها دموع.. أصلا هي اللي فيها يكفيها.. كل ما تحاول تجرب من حارب.. تحس أنه يبعد ويبعد أكثررررررر حارب: انتي متى بتعقلين؟ عنى بوه.. باجر بتصيرين أم.. المفروض تكونين عاقلة.. قاطعته سارة ودموعها على خدها: خلاص.. بس عاد.. أصلا انت هب خايف علي.. ما همك غير ولدك وبسسسس حارب وهو معصب: هي نعم ولدي.. والا هذا مب من حقي؟ سارة تصارخ وهب واعية بالكلام اللي تقوله: تعرف شو..؟؟ أصلا أنا هذا الولد ما يهمني.. جان زين يموت.. عسب أفتك منك ومنه جرب منها حارب وبدون وعي صفعها بكل قوته... نسى أن سارة تعبانة وهب واعية بالكلام اللي قاعدة تقوله.. في هالوقت سارة تيبست.. حست أن الدنيا قاعدة تدور فيها.. وفعلا ما حست بعمرها ألا وهي طايحة ع الأرض .................................................. ... .. في المستشفى.. سارة مرقدة ع السرير جنها ميته صار لها 3 ساعات وهي على هالحالة.. وحارب ما خبر حد من أهله كان يطالع سارة ويحس أن روحه بتظهر مل من كثر ما وقف.. ربع صوب غرفة الدكتور عسب يطمن على حالتها حارب: شو الحينة يا دكتور؟ زوجتي للحينة ما نشت د. حسن: والله ما أعرف شو أقولك يا أخ حارب.. بس شكلها المريضة حاشها انهيار عصبي.. هذا غير الضعف اللي تعاني منه.. وفوق كل هذا الجنين اللي في بطنها حارب: عسى بس ما صابه شي؟ د. حسن: إن شاء الله.. ونحن بنحولها لمستشفى خليفة في بوظبي... حارب: وليش انزين؟ د. حسن: هناك رح تتلقى العناية ... لأنهم متخصصين في مثل هالحالات حارب: يعني تشوف أي لازم انقلها د. حسن: إذا تبي نصيحتي.. انقلها وبأسرع وقت ممكن .................................................. .............. كل شي تم بسرعة طبعا المستشفى تكفلت بنقل سارة عن طريق الاسعاف أما حارب فرجع البيت وزهب الثياب وظهر من غير ما يقول أي حد عن سالفة سارة وهو في الطريج اتصل بخالته ظبية وقال أنه ظاهر ويا سارة بو ظبي عسب شوية اشغال .................................................. . في العاصمة.. ابوظبي سارة بعد ما نقولها لمستشفى خليفة أما حارب فحجز له في الفندق وبدل ثيابه عقبها ظهر صوب المستشفى وبعد ما خلص الإجراءات سارة الحينه في حجرة خاصة بس للحينه ما استعادت وعيها حارب طول الوقت عندها يراكض من دكتور لدكتور وهو يحس بتأنيب الضمير.. ويعتقد بأنه السبب في كل اللي صار حق سارة شوي وتدخل عليهم الدكتورة وفاء د. وفاء: السلام عليكم.. حارب: وعليكم السلام.. هلا دكتورة د. وفاء: أنت ريلها؟ حارب: هي نعم د. وفاء: ممكن تتفضل وتنتظرنا برع شوي.. لين ما نخلص بعص الفحوصات ظهر حارب وعيونه على سارة ونطرهم برع وهو على أحر من الجمر.. يبي يعرف شو بتقول الدكتورة.. وبعد ربع ساعة.. ظهرت الدكتورة حارب: ها دكتورة.. بشري... د. وفاء: اسمحلي أنقل لك هالخبر .. بس لازم تكون عندك خلفية حارب وهو متوتر حيييييل وكلام الدكتورة بهالطريقة زيغه وايد: خير دكتورة؟ شو السالفة؟ سارة شو عندها بالضبط؟؟؟ د. وفاء: الحالة اللي تمر فيها زوجتك وايد صعبة.. وخاصة الضعف الشديد اللي تعاني منه.. هذا غير الانهيار العصبي اللي حاشها.. عسب جذه.. نحن لازم نسوي لها عملية قيصرية بأسرع وقت ممكن.. بس للأسف نحن ما نضمن حياة ولدك.. يعني احتمال كبير ...... بس الأمل موجود.. حارب وهو منصدمممم: شووووووووووو؟؟؟ عملية قيصرية؟ بس سارة للحينه في الشهر السابع د. وفاء: عسب جذه نحن بنسوي لها العملية.. وأي تأخير زيادة في خطر على حياتها.. حارب خلاص حس الدنيا تدور فيه.. هب عارف شو يسوي؟ حياة سارة والا ولده؟ لازم يقرر بسرعة د. وفاء: شو يا أخ حارب؟ الوقت يداهمنا حارب وحالته حاله: أوكي.. بس أبي أشوف سارة بالأول د. وفاء: تفضل.. تقدر تشوفها.. ونحن رح نجهز غرفة العمليات ................................................ جرب منها حارب ... وهو يحس بأن ريله هب قادرة تسنده قعد حذالها ومسك ايدها.. كانت دافيه كان يتأملها وجنه أول مرة يشوفها.. ولا إراديا نزلت دمعة من عيونه... جرب ايد سارة منه وحضنها... وشوي دخلت النيرس عسب يزهبون سارة حق غرفة العمليات ................................................ مرت ساعة ونص تقريبا وسارة للحينه في غرفة العمليات وحارب يحس أنه بمووووووووت خلاص هب قادر يتحمل زيادة كل تفكيره بسارة ولو صابها شي ما رح يسامح نفسه ابد وبعد ربع ساعة.. ظهرت الدكتورة وفاء من غرفة العمليات على طول ربع حارب صوبها...وهو متلهف يبي يسمع أي شي منها حارب: ها دكتورة... بشري؟؟؟؟؟؟؟؟؟ د. وفاء والابتسامة مرسومه على ويهها: مبروووووووك أخ حارب.. صرت أبو... سارة يابت لك بنوتة مثل القمر ما تتصورون شكثر وناسة حارب في هاللحظة.. كان وده يطييييييييير من زود الوناسة حارب: وســــــــــــــــــــــــــــــــــارة؟؟؟ د. وفاء: ............................ حارب: ردي عليه.. سارة بخير؟ د.وفاء: نحن الحينه بننقلها العناية المركزة وإن شاء الله تستقر حالتها.. وخاصة أنها وايد تعبت خلال العملية كثر ما كان حارب مستانس بخبر بنته كثر ما قطعته رمسة الدكتورة د. وفاء: أخ حارب.. تقدر تشوف بنتك.. وسار حارب ويا الدكتورة صوب الشيشة اللي كانت بنته مرقدة فيها رفع حارب عيونه اللي طاحت على بنته اللي كانت شرات القمر كانت آيه من الجمال مع أن للحينه ملامحها هب واضحة وخاصة أنها ما كملت 9 شهور جرب منها حارب وقعد يمسح على خدها الناعم بصبعه كان وده يضمها لصدره بس ما يروم لأنها في الشيشة.. بعدها سار حارب عسب يطمن على سارة.. دخل حاربِ غرفة العناية المركزة اللي كانت سارة فيها مرقدة كانت باهته للآخر مب هذي سارة اللي يعرفها حارب جرب منها وزخ ايدها.. وقعد يتأملها جرب منها وباسها على خدها حارب وهو يهمس: مبروك حبيبتي.. يبتي بنوتة شرات القمر.. على فكرة .. تعرفين منو تشبه؟ تشبهج.. عسب جذه هي قمر.. حبيبتي سارة.. يلا عاد نشي.. ما بيج تكونين ضعيفة.. دخييييلج.. ابيج تردين عليه.. دخييييلج.. كان وده يصرخ.. وده يصيح ما يعرف يفرح والا يحزن؟؟ .................................................. .................................................. . في الفندق رجع حارب بعد ما تطمن على بنته وسارة اللي الحمد الله عدت مرحلة الخطر وهي الحينة في جناحها الخاص.. بس للحينه ما نشت.. وخاصة أنها تعبت وايد خلال العملية شوي جان يرن موبايله وكان المتصل سهيل حارب: هلااااااا هلا والله بو حامد سهيل: هلا هلا حارب.. شحالك؟ وينك يا ريال؟ يقولون في بوظبي؟ حارب: هي والله.. من يومين تقريبا.. سهيل: وشحال سارة؟ حارب ارتبك وخاف يسأله عن سارة: ها.. كلنا بخير والحمد الله.. لا تحاتون سهيل: ومتى بتردون؟ حارب: والله ما ادري..اقول سهيل.. نحن نفكر نسافر سهيل: تسافرون؟ وين؟ حارب كان قاعد يقص على سهيل بس لأنه كان يحس أن علاج سارة رح يطول حارب: للحين ما قررنا.. كل اللي أبيه منك تخبر أمايا وعمتي سهيل: تسيرون وتردون بالسلامة.. عاد حارب ما اوصيك حارب: أفا يا سهيل حد يوصي حد على روحه سهيل: هههههههههههههه زين زين...ع العموم.. بخليك انا الحينه.. حارب: سلم سلم سهيل: يبلغ.. مع السلامة حارب: مع السلامة ارتاح حارب أن سهيل ما شك في الموضوع وبعد ما أخذ شور ع السريع بدل ورد ظهر مرة ثانية صوب المستشفى وطبعا لأنه مستحيل يقدر الحينه يخلي سارة وبنته لحالهم .................................................. ............ أول ما وصل المستشفى.. قابل الدكتورة واللي بشرته أن سارة استعادت وعيها حارب استانس من الخاطر وربع بسرررعة صوبها دخل حارب الغرفة اللي كانت سارة مرقدة فيها كانت سارة في هاللحظة واعية بس مغمضة عيونها جرب منها حارب وقعد حذالها بعد ما مسك ايدها أول ما زخ حارب سارة حست برعشة حتى حارب حس فيها.. حارب: سارة... فتحت سارة عيونها شوي شوي.. اللي انصدم حارب يوم شافها ممتزرة بالدموع جرب منها حارب وقعد يمسح دموعها بإيده سارة وهي تقرى نظرة الخوف في عينه: أنا وين؟ حارب: انتي في المستشفى.. سارة: ولدت؟ حارب: يبتي بنوتة شرااااات القمررررر صخت سارة.. يعني خلاص.. أنا الحينه أم... حارب: الياهل في الشيشة وبعد ما يكتمل نموها إن شاء الله بظهرونها سارة: وين أمي؟ حارب:.............................: سارة: وين أمي؟؟؟؟ حارب: نحن الحينه في بوظبي.. ومحد يدري انج ولدتي سارة: وجيه ما خبرتهم؟ حارب: الموضوع تم بسرعة وانا ما حبيت اقلقهم عليج.. ودام أن الموضوع خلاص انتهى بسلامة والحمد الله.. أنا قلت نتريا الين ما تظهرين من المستشفى إن شاء الله وعقب نخبرهم عسب نفاجأهم.. شو رايج؟ سارة:.................................... حارب: شو بتسمين بنتنا؟ سارة: كيفك حارب حس أن سارة هب مهتمة ووايد ضايقه هالشي..بس هو كان مقدر الحالة اللي تمر فيها سارة حارب: انزين شو رايج بملاك؟؟؟ سارة: قلت لك كيفك.. بنتك وأنت حر ضرخ حارب: بنتك؟ وجيه ؟ هب بنتج انتي بعد والا شو؟؟ سارة:............................ حارب قعد يطالعها بنظرة عتاب وكان واضح عليه التعب والضيج وخاصة أنه صار له يومين ما رقد مثل الناس قاعد يراكض من دكتور لدكتور ما رد عليها وظهر من الجناح أما سارة فقعدت تصيح.. وتلومت ليش رمست حارب بهالطريقة؟؟ ياناس أحبه.. والله أحبه.. بس.... ما أقدر .. ما أقدر. والله أقدر وشوي جان تذكر بنتها... هي صح بنتي.. أبي أشوفها... قامت سارة وضغطت ع الزر وجان تييها النيرس.. اللي ما رضت أن سارة تظهر وتشوف بنتها لأن سارة لحين عمليتها طريه ويمكن تتأذى قعدت سارة تصارخ عليها.. تبي تشوف بنتها حارب اللي كان قاعد برع سمع الحشرة ودخل عليهن.. حارب: شو السالفة؟ سارة بلاج؟ سارة: ابي أشوف بنتي.. حارب أشر للنيرس عسب تظهر جرب من سارة وقعد يهديها.. حارب: انزين شفيج تصارخين جذه؟ سارة وهي متوترة: هذي الغبية.. أون شو؟ ما أروم أشوف بنتي.. حارب: حبيبتي بنتنا الحينه مثل ما تعرفين في الشيشة ما يرومون يظهرونها لج.. وبعدين انتي ما ترومين تمشين عسب العملية.. فلازم تصبرين شوي وإن شاء الله بتشوفينها سارة: شو يعني؟ الين متى بصبر؟؟ حارب: ولا يهمج أنا برمس الدكتورة وبشوف شو الحل... ظهر حارب من عند سارة وسار صوب الدكتورة.. اللي شرح لها حالة سارة.. ويمكن إذا شافت بنتها تهدى طبعا الدكتورة ما عارضت.. وقالت أنها بتنقل سارة ع الكرسي المتحرك عسب تقدر تشوف بنتها.. وفعلا ودوا سارة حق بنتها.. أول ما شافت سارة بنتها دمعت عيونها.. يعني خلاص سارة الحينه أم عمرها ما تخيلت هاللحظة.. أنها تصير أم مسؤولة عن هذي البنت.. ومنو أبوها؟ حارب.. حارب اللي لو كان آخر ريال في الدنيا ما كانت بتتزوجه.. آاه يادنيا كيف تلعبين فينا.... جرب منها حارب وهمس: منو تشبه؟ سارة وهي تمسح دموعها: اكيد تشبهني حارب: مستانسة؟ رفعت سارة عيونها عسب تطالعه.. عقبها نزلت راسها وقالت: وأنت؟؟ حارب: حدي مستانس.. بطييييير من الوناسة.. آاه لو تعرفين شكثر مستانس سارة: تحبها؟؟ حارب وهو يبتسم: شو هالسؤال الغبي؟؟؟ سارة:............................ حارب جرب منها : أحبها.. وأعشق أمها تيبست سارة... وماتت من المستحى وهب عافة بشو ترد.. حارب: وانتي مستانسة عليها؟؟ ردت سارة بسرعة: وايد.. حارب: وأبوها؟؟؟ يا ربي... هذا هو حارب.. ما يتغير.. لازم يقفطني... حارب: شو؟؟ ابي أسمع ردت سارة بسرعة: ما احبه.. جرب حارب أكثر وباسها على خدها وهو يبتسم: يالجذابة.. .................................................. .................. مرت الأيام.. سارة ظهرت من المستشفى وهي الحينه قاعدة في بوظبي لأن بنتها للحينه في الشيشة واحتمال بعد أسبوع رح يظهرونها.. خلال هالأيام.. وايد صارت جريبة من حارب وصار ما في شي يشغل بالها غيره..وبنتها ملاك .................................................. ........ في مرة.. حارب كان راقد وسارة قاعدة في الصالة على اساس بعد ما ينش حارب بسيرون صوب المستشفى عسب يطمنون على بنتهم ملاك شوي جان اتيي حصه على بال سارة وعلى طول ربعت صوب التليفون وقامت عست تدق عليها.. حصه أول ما شافت رقم سارة استانست من الخاطر لأنها كانت ولهانه عليها حيييييييييل حصه وهي ترد بسرعة: ألووووووو سارة وهي تبتسم: ألو هلا حصه.. شحالج فديتج؟ حصه: أنا تمام انتي شحالج؟ وشحال البيبي.. إن شاء الله مب متعبنج؟ سارة تذكرت رمسة حارب وأنهم للحينه ما يدرون أنها ربت سارة: لا الحمد الله أنا بخير.. انتوا شحالكم؟ حصه: جيه يالظالمة.. تسافرون حتى من غير ما تخبرونا؟؟ سارة: والله كل شي تم بسرعة.. تصدقين حصه.. ولهاانه عليكم حييييييييييل حصه: حتى أنا يا قلبي.. ولهت عليج وايد.. بس تعالي .. وين انتوا الحين؟ سارة ارتبكت وردت بعد ما ألفت أي مكان: نحن الحينه في تايلاند.. وكانت بتضحك بس يودت عمرها.. حصه: زين زين.. الله يردكم بالسلامة.. وهالله هالله بعمرج سارة: من عيوني حبيبتي.. وما أوصيج على أمايا وزايد حصه: إن شاء الله يا قلبي.. .............................................. بعد شوي نش حارب وظهروا صوب المستشفى وبعد ما تطمنوا على ملاك.. وقالت لهم الدكتورة أنها جريب رح يظهرونها من المشستفى.. استانسوا من الخاطر.. وبعد ما ظهروا من المستشفى ساروا المول عسب يشترون ثياب حق البنوتة وفعلا بعد كم يوم ظهرت ملاك من المستشفى لأول مرة تظهر سارة ويا حارب ومعاهم شخص ثالث.. ألا هي ملاك ملاك كانت ولا أروع جميييلة طالعه على أمها في البداية كانت تشبه سارة وايد بس الحين قامت تشابه حارب وخاصة في عيونها.. المفروض خلال الأيام الأولى سارة تكون في بيت أمها عسب تعلمها أمها كيف يعتنون باليهال بس الوضع الحينه اختلف.. ولازم تعتمد سارة على نفسها بس ما شاء الله عليها.. كانت تعرف حق هالسوالف وطرق الاعتناء باليهال.. وخاصة أنها تعلمت من تجارب حصه .................................................. ................. في الفندق سارة قاعدة تبدل حق الياهلة وحارب دخل الحمام (عزكم الله ) عسب ياخذ له شور وبعد ما ظهر حارب لمح سارة قاعدة تلاعب الياهل ربع صوبهم حارب: شو تسووووون؟؟ سارة انتبهت حق حارب: اقول.. حارب؟؟ حارب وهو يبوس ملاك ويلاعبها: عيوونه سارة استحت: متى بنرد؟؟ حارب: وايد مستعيلة يعني؟؟ سارة: لا بس... وايد بطينا حارب: بس أنا مرتاح هني.. ابي أقعد زيادة.. وبصراحة يا سارة.. انا احس انج وايد تغيرتي.. فليش نحرم بعض من هالفرصة عسب نكون جراب من بعض.. سارة استحت من نظرات حارب وطريقة رمسته.. ونشت بعد ما تركت ملاك عنده حارب: تعالي.. وين سايرة؟ سارة: بسير آخذ لي شور حارب: وإذا صاحت ملوكة ؟ سارة: والله أنت أبوها.. تصرف .. ودخلت الحمام ( عزكم الله) وهي تضحك حارب وهو يرمس بنته: شوفي بابا.. من الحين اقولج إذا صحتي ما بشيلج.. في هالوقت ابتسمت ملاك .. وحارب ذاب يوم شاف ابتسامتها العذبة.. وجرب منها وقعد يبوسها .................................................. ........... ظهرت سارة من الحمام ( عزكم الله ) وبعد ما سرحت شعرها فاجأها الهدوء توا حارب كان يلاعب ملاك.. بس وينهم الحينه؟؟ ظهرت الصالة و............... شافت حارب راقد وحذاله ملاك اللي كانت راقدة هي الثانية قعدت تتأمل هالمنظر حارب ... معقوله هذا ريلي؟؟ وابو بنتي؟؟ آاااااااااه والله أحبه.. أحبببببببببببه... جربت سارة من بنتها عسب تشيلها وترقدها في سريرها وبعدها تناولت لحاف عسب تغطي فيه حارب وبعد ما غطته كانت بتسير بس حارب زخها.. سارة وهي متروعه: بسم الله.. حارب وهو يبتسم: زيغتج؟ سارة وهي تضربه على جتفه بدلع: لا والله حارب سحبها وقعدها حذاله: سارة.. سارة خلاص ميته من المستحى..: شو؟؟ حارب : هههه شفيج؟ سارة: ما فيني شي..وبعدين ليش تضحك؟ حارب: ما ادري عنج.. جنج بقرة شايفة حريجه سارة انقهرت وكانت بتنش بس حارب زخها حارب: تعالي يا بنت الناس.. اسولف.. سارة: اتحرى بعد حارب: امبييييه زيغتيني الصراحة سارة وهي تبتسم: حــــــــــــــــــارب.. حارب: قلبه.. عيونه... روووحه.. وكان بكمل بس سارة حطت ايدها على حلجه عسب يسكت... من غير ما تقصد طبعا سارة: اصصصصصصص ملاك راقدة.. بتوعيها.. حارب وهو يهمس: انزين جربي مني عسب أروم أرمسج سارة وهي قافطة: أنت للحينه ما قلت اللي تبيه؟؟ حارب جرب منها وهمس: ابيج انتي... عاد هني خلاص سارة ماتت من المستحى.. وابتعدت عنه حارب: تعالي... سارة وهي واقفة: مابي وقف حارب حذالها..: ليش وقفتي؟ سارة خلاص تتمنى الأرض تنشق وتبلعها: حارب.. انت صاحي؟ حارب: صاحي وبكامل قواي العقلية سارة: لا والله.. أنا أشوفك مينون... حارب وهو يبتسم: مينووووووووووون فييييييييييييييييييج سارة ابتسمت.. حارب ذاب يوم شاف ابتسامتها: احبج.. والله أحبج سارة وخدودها غاديات جمر من المستحى.. في هاللحظة سارة نست كل العالم وهي تشوف نظرات الحب في عيون حبيبها حارب.. .................................................. ............................. الساعة 4,7 الفير نشت سارة على صياح ملاك وبعد ما سكتت رقدت مرة ثانية بس سارة من النوع اللي ما يرقد بسرعة قعدت تتأمل حارب وهو راقد جربت منه وقعدت تلعب بشعره ولا إراديا جربت منه... و باسته على خده.... .................................................. ............... كــــااات هل ملاك بتقدر تولف بين حارب وساره؟؟ وشو رايكم بالبارت؟؟ |
هل ملاك بتقدر تولف بين حارب وساره؟؟ هيه طبعا .. وشو رايكم بالبارت؟؟ لالالا الصراحة البارت طررررر .. حتى طر شوية عليه .. .. تسلمين الغالية ونترقب البارت الياي عاحرمن اليمر .. طانكيووووو الغلا .. |
| الساعة الآن 06:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir