منتدى استراحات زايد - [ عـرفـنا الـحـب واسـراره .. وكـتـبـنـا أجـمـل أشـعـاره]

مــرحبا هذا البارت وفالليل بنزل بعد بآآرت وباجر بعد بنزل بارت :)

آآه يـامن بـاح به عــوقه واشتبك غـزلي على المـغزل .
ومنصور والريم ومريم وسلطان سافرو لندن اسبوع وبعدها ماليزيا
وع الساعة 3 ونص الكل رد بيته (فـبيت ام مايد >> خالة مهاري )
وتحديدا فـغرفة علاية بد مابدلت ملابسها وخذت لها شور راحت
تشوف T.V وسمعت دق الباب دق دق
علاية : امنو
عبدالله : انا عبدالله
علاية : اتفضل عبدالله الباب مفتوح
حدر عبدالل الغرفة ويلس حذال علاية
علاية : بلاك ؟ بغيت شيي ؟
عبدالله .: اممممم بغيت اسألج عن البنت اللي كانت معاج
علاية : امممم أي وحدة وايد بنات كانو معاي
عبد : اممم اللي كانت مليانة شووي وطولها اوك يعني لاقصيرة ولاطولية
شكلها صغيرة
علاية : هيييييييه عرفتها ، بلاها
عبدالله : احم ’ على فكرة ترى عبدالله وايد مع علاية يعني يخبرها كل شيي حتى هي نفس الشي
علاية وتشوفه بنص عين : عبود ، ليييش تسأل ؟؟
عبدالله : هاا لابس بغيت اعرف اسمها واخت منو هي
علاية : اها وإذا ماقلت لك ؟؟ هع
عبدالله : افا والله افا هذا وانا اخوج ويسوي عمره زعلان
علاية : هههه انزين بخبرك بس بشرط
عبداللله : انتي تامرين
علاية : حق المصلحة هههه
عبدالله : افا انا مصلحجي ؟
علاية : هههها نزين باجر توديني ستي دبي
عبدالله : اووكي خلاص تم الساع يلا خبريني
علاية : شكلل متخشع هع
عبد الله شافها بنظرة
علاية احم انزين اسمها ميثو وهي اخت حارب
عبدالله : اها علاية شو رايج ناخذ معانا مهرة وبنات عمها
علاية : عبدالله اصطلب
عبدالله : ههه انزين كيفج بس انا حبيت اعرض عليج الفكرة ععسب ماتملين بروحج فالستي
عليا يحليلها صدق : هاا هيه والله خلاص انا باجر بتصل فمهرة وبتخبرها
عبد : اوك عيل انا بروح ارقد يلا تصبحين على خير
علاية : وانت من اهله وظهر عنها وراح رقد
يازين خلك بليلي بدر سماري مدام خدك يجنن يانع ازهاره
الصبح الساعو 11 وخمس دقايق فبيت مهرة
الكل كان يالس فالصالة وفجآة رن مبايل مهرة المتصل ‘ علايتي ‘
مهرة ردت : ألوو
علاية : هلا والله
مهرة : اهليين شحالج ؟؟
علاية : تمام انتي شحالج ؟
مهرة : بخير ونعمة
علاية : دوووم ، انزين مهاري انا اليوم بروح الستي شو رايج انتي وينات عمج اتون معايه
مهرة : خووش راي خلاص انا بتخبر اماية وابويه وبسأل البنات وبرد عليج بس منو اللي بيودينا ؟؟
علاية : عبد الله ، خلاص عيل اترياج يلا مع السلامة
مهرة : مع السلامة
مهاري : ابويه ^^
بو منصور : هلا
مهاري : بروح الستي مع علاية بنت خالو
بو منصور : منو بيوديكم ؟؟
مهاري : عبدالله ، انا وبنات عمي وعلاية بنروح
بو منصور : انزين روحي بس لازم بعد حد يروح معكم عبد الله وين يروم عليكم
مهاري ك اممم خلاص حميد تعال ويانا
حميد : اوكي ليش لا ههه
مهاري : خلاص عيل انا بروح بتخبر البنات وراحت دقت حق الشلة
وسألتهم وكلهم وافقو لكن حمد مارضى فطامي تروح إلا وسيف معاها
وبما انه سيف وحميد بيروحون فسهيل وحمدان وحارب بعد بيروحون وع الساعة 4 : 5
وصلو البنات راحو يتمشون والأولاد راحو ستار بكس
ليتني عرفتك بأول العمر بدري وشبعت عيني بالنظر من محياك ..
فـ ستار بكس
الأولاد شافو بنتين يتمشن وكل وحدة تقولون لاعبين فويها من كثر الميكب والله يخلي العطر اللي ريحته واصله آآخر الستي
سييف : وابويه شكلي مابرقد اليوم
حميد : افا لييش .؟
سيف : توني شايف ارقوز وام الدويس ههه
الكل : ضحك البنات شافو سيف بنظرة احتقار
سيف : اخاف والله مالقيت اخا إلا من لووث يلا مناك
البنت : مالت عليكم ماشي اسلوب موليه
البنت 2 : ماعندنا سالفة واقفين عندهم
حمدان : يلا عطونا مقفاكم
تفشلو البنات وراحو ..... عند الشله
كانو رايحات aldo وفي شلة شباب كانو يلاحقونهم من مكان لين مكان
علاية : اففففف هااييل مابيروحون
هنودة : اخاف الأولاد يشوفونا ويعصبون علينا
رواضي علت صوتها عسب شلة الشباب يسمعونها : عاد تعرفون اللوث يوم يلصقون
الولد (1) : نحن لوث اوك انا براويج ،، راح الولد وسحب ايد رواضي ولفها صوبه
رواضي : انت ايه يالملوثة شو تبون
الولد (2) : فديت اللي معصبة
الولد (3) : حمود ، شوووف هاي مغواتها وهو يأشر على علاية
علاية : صدق ما تستحي
فطامي ترمس الولد (1) : انت ترضى حد يسوي جه فخواتك ؟؟؟
الولد (1) : ماعندي خوات هع
ميثاني من الزيغة على طوول دقت على حارب
ميثة : الوو
حارب : بسم الله بلاج ؟؟
ميثة : حارب ألحق في شله شباب يلعوزونا ووو...
حارب ماعطاها فرصة تكمل : ويين انتو ؟؟
ميثة : عند aldo
وحاب على طول سكر فويها
حارب : شباب
الكل : هلا
حارب : ميثة توه دقت علي وقالت في شباب يلعوزنهم
عبد الله من سمع طاري ميثة قال : هاا عيل يلا بسررعة نروح
وراحو عند aldoوشافو شلة الشباب اللي ماسك ايد روضة واللي يضارب مع مع فطامي
ومهاري واللي يغازل عليا
حمدان من شاف رواضي والولد ماسكنها على طوول راح وظرب الولد (1)
وسهيل وحارب وحميد وسيف وعبدالله راحو يضاربون مع الولدين (2) و(3)
وبعدين يو شباب وفجوهم عن بعض والبنات يصيحون وبعدها رواضي راحت عند حمدان وسهيل ومشت الدم اللي من خشمهم وفطامي راحت عند سيف وهنودة وميثة عند حارب ومهرة عند حميد وعلايه عند عبدالله
مهاري وهي تصيح : حميد فيك شي ،، شي يعورك اهئ ؟؟
حميد : لا لا ماشي وانتي ليش تصيحين ؟؟ مهاري حظنت حميد وتمت تصيح
حمدان : بس خلاص جلبتوها مناحة حشى ، رواضي وفطامي ومهاري وهنودة وعلاية وميثة بس لاتصيحون مافينا شي
رواضي وهي تصيح : حمدان اوديك المستشفى شوف ويهك كيف منتفخ اهئ
سهيل : هههه ماعليه ظارب بوتكس
الكل ضحك عليه : ههههههههه
عبدالله : مرة ثانية ماتمشون بروحكم
ميثة وهي تمسح دموعها اف منهم والله عكروا مزاجنا كنت ابي اروح اشتري لي اكسسوارات
هنوده : احسن يستاهلون مالت عليهم
فطامي : انزين نحن بعد نبي نتشرى هع
حارب : جشى توكم تصيحون والحنيه تبون تتشرون والله حاله
مهاري : انزين نحن بندش المحل بس انتو تمو معانا
حميد : ليش شو شايفينا مطارزيتكم ؟؟
فطامي : لا بس اخاف بعدين يستوي لنا شي
عبدالله : خلاص انتو دشو ونحن معاكم
البنات: اوكي
ودشو aldo واشترو لهم اكسسوارات وظهرو وراحو كمن محل واشترو لهم بدل وع
واللهـ احبكـ احبكـ ويشهد اللهـ عليـ لما اشوفكـ ابتسمـ صدقنيـ ماهو بديـ
السااعة 9:00 راحو وتعشو في coocoos
وبعدها تمو يتمشون فالستي البنات جدام والأولاد وراهم وبعدها راحو باسكن روبنز وطبو لهم آيس كريم وعبدالله طول الوقت يشوف ميثة وسهيل لاحظ نظرات عبدالله بس ماعلق ميثة حست بنظرات تراقبها رفعت راسها شافت عبدالله يشوفها ومن طاحت عينها فعينه استحت ونزلت راسها علاية شافت نظرات عبدالله لميثه فطرشت له مسج " عبدالله خف عالبنيه شوي حشى شوي وبتاكلها بنظراتك " عبدالله قرا المسج وشافها وابتسم وطرش لها " عليو ذبحتني هالبنت " علاية شافت المسج وردت عليه " هههه تباني اخبرها" عبدالله " لا لا مع الأيم بنشوف شو بيصير " علاية " خلاص بكيفك"
وتمو يسولفون
ميثة : حارب
حارب: هلا
ميثة: ابي اروح الحمام "الله يعزكم"
حارب: منو بيروح معاج ؟
عبدالله : امم انا بروح الحمام بغسل كندورتي تخيست بوصلها إذا تبي
حارب: ها ميثة بتروحين ؟
ميثة: ها لا لا خلاص ماله داعي
عبدالله : لا عادي انا بوصلج وبروح الحمام وان خلصتي بشلج ويايه وانا راد
حارب: خلاص عيل روحي
ميثة وعبدالله راحو الحمام "الله يعزكم" وسهيل ماشل عيونه عنهم

كـــــــــــــــــــــــــــــــــــــــــــــــت

شو رايكم بالبارت ؟؟
شو تتوقعون يصير بين ميثة وعبدالله ؟؟
وهل تتوقعون انه بيحبها ؟؟
وسهيل : شو بتكون ردة فعله؟؟