|
1. خرآفةة 1995مَ * @_5rafa37 د السلام عليكم ورحمه الله وبركاته اعتذر من قلب بس والله الشي خارج عن ارادتي .. *يتبع* 1. خرآفةة 1995مَ * @_5rafa37 د ادري وعدتكم ان البارت ينزل اليوم وهو فعلا بينزل اليوم لكن اعتذر عن تأخير الوقت . . *يتبع٢* 1. خرآفةة 1995مَ * @_5rafa37 د انا مسافرة الحين ، من أوصل هناك وأريح شوي ع طول بشبك النت وينزل لكم البارت ! السموحه / ترقبوني استودعكم الله الذي لا تضيع ودائعه ^كلام الكاتبة في تويتر =) |
اقتباس:
شكرآ فديتج شموخي غير وشكرآ لآثر منسي و شوقه طوقني و سعآد لتوصيلهم كلآمي اللي طرشته على تويتر . . . وشكرآ للمشرفة مس جرينيش للمتآبعه المستمرة و آنج حذفتي الردود وحطيتي هالرد آلجآمد يآ كبيره :77: خلصت نص تصحيح الآخطآء والحين قآعده آكمل , آول مآخلصه على طول بنزله , فلآحد يرد خلآص من آخلص البآرت ع طول بنزله ! *اسهروآ آنتوآ فآجآزه* يلآ كلهآ شويآت وآنزله - ترقبوني :mornincoffee: |
آلبآرت الـ29 .. فآلويك آند طبعآ ظبيه وآفقت على الشي اللي تبآه آليده عشان لآ تحرجهآ وعشآن بعد لا تشل في خآطرهآ من ظبيه آو تزعل عليهآ , فكآنت الترتيبآت كبيرة في المزرعه واليده كآنت وآقفه على راس العمآل وكآنت هي اللي مرتبه كل شي مع حريم عيآلهآ اللي كآنوآ ويآهآ ويسآعدونهآ في كل خطوه تسويهآ .. دخلت سيآرة غريبة المزرعه لما كنت انا وغايه نسوي الورود ونرتبهآ , نزل ريآل وحرمه منهآ ويدوه من شافتهم كانها شافت حد ماشافته من زمآن وطآرت صوبهم , وبفرحه حضنتهم ورحبت فيهم , استغربت ؟ آول مرة اشوف هالناس وبعدين الحرمه مايبين عليها انها كبيرة وآيد ! يدوه : وينكم يا عيآل ؟ متى يتوآ ذيآب مآخبرني ! عذآري : وآلله وآصلين قبل فترة وقلنآ بنمر نسلم يدوه : شو تسلمون بتيون فليل صح عذاري ابتسمت وآطآلعت حمد مآعرفت شو ترد حمد : هي ان شاء الله ياين هو نحن نقدر مآني ونشوفج ؟ يدوه : فديتكم وآلله عذاري : عموه ابي اشوف حرمه ذياب يدوه : تفضلي حياج حمد : عذاري بترياج في السيارة انزين عذاري : آوك تمآم حمد رآح ركب سيآرته وعذآري تمت تتمشى وتشوف البنآت ووقفت صوب لطيفة تتحراها هي خطيبه ذيآب لآن اليده خلت عذاري وراحت عشان تكمل شغلهآ .. عذاري : لو سمحتي لطيفة لفت : هلآ حبيبتي عذاري : آنتتي آممم " نست اسم حرمه ذياب " وآلله " استحت " نسيت اسم البنت اللي ابا اشوفها لطيفة : ههههه انتي من طرف منو ؟ عذاري : ذيآب لطيفة : هييي , آنتي عمته ؟ عذاري : هي لطيفة : نورتينآ وآلله , آكيد تبين تشوفين الهنوف حرمه ذيآب ! عذآري : هي لطيفة زآعقت : هنوووووووووووووووووووووووووووووووففف غايه : خيبه , شو مستوي هنآك ؟ قومي شوفي شو صاير لطوف تنآديج : تعبت مآروم اقوم غايه يودت ضحكتهآ : تعبتي ؟ آوك " قآمت ورآحت عنهآ " : آوف منهآ بعد ردت رآحت كنت قاعده آكمل واوزع الورود عشان يوم ايون العمال يلمون كل حزمه مع بعضها ويعدلونهآ , شوي آسمع نبآح كلبت غايه هني خفففت , آنآ صح مآخآف من كلبتها لكن تخوف يوم تكون قريبه ماعرف كيف جي غايه معاها , لفيت وشفت غايه يايبتنهآ هني خففففت حسيت قلبي بيوقف ماحسيت بعمري الا اركضضضض وغايه الحماره فتحت كلبتها وتمت تركض وراااي لين سرت صوب لطوف وصررخخخخت ويدوهه عصبببت وعذاري تضحك ! : آهه خآآآآآآآآصرتتتتتتتتتتتتتتتتتي خلآصصصص لطوووففففففففففف غايه غمزت للطوف وشلت كلبتها ورآحت .. صرخت : اقسسسم بالله " قبل لآ اكمل صرخت غايه " غايه تعيب علي : قسم بالله بخبر ذياب " ورآحت " عذاري : ههههههههههههههههه : غاييييه بخببببر علييييييييييييج آبويه مآعلييييييييييييه غايه طنشتها .. اعتدلت وسلمت على اللي واقفه حذال لطوف : هلآ وآلله , نورتينآ عذاري : منور فيج المكآن , آنتي الهنوف صح ؟ استغربت : هي عذاري : آيوآآ , انا عذاري عمه ذياب ذبت فمكاني , شهالموقف الخايس اللي تشوفني فيه عمه ذياب , عآد وانا اراكض وخيفآنه ؟ آلحمدآلله مآسبييت ويودت لسسآني ! عذآري : ههههه عادي عادي ماله داعي تستحين ويهي استوى احمر : تفضلي داخل لان برع حشرة من الترتيبات دخلت انا وعذاري داخل وصبيت لها شاي وقعدنا في الميلس نسولف , مثل مآتوقعتها حبوبة وسوآلف . . عذآري : لآ وين انا عقب فترة خلآص برد لندن : لو يت هناك بزورج المستشفى عذاري : حيآجج حبيبتي , اذا يتي بعرفج على مريضه عندي , حبوبة وكيوت لكن وآيد تنسى قلت بآهتمآم : ليش شفيهآ ؟ عذاري : فيهآ فقدآن ذاكرة لكن من اي نوع مآقدر آحدد , بالبدآية قلت آنه فقدآن ذاكرة مؤقت لكن احس انه الحين فقدان ذاكرة مابعد صدمه لآنها تتذكر اشياء لكن بطريقة غير مباشرة وتزيد اشياء وتشوف اشياء ماصارت ولا استوت , فاباها تتعرف على ناس وتشوف الدنيآ لان بصراحه مب عاجبني وضعها حتى وانا هني احاتيها .. : وآلله احس شغلج ماشاء الله وآيد حلو , الله يقويج عذاري : آممين , هي حلو وممتع خاصه اذا لقيتي حد يدعمج و يسآندج في كل خطوه من شغلج : يآآآي حمستيني عقب اشتغل واثبت وجودي في هالدنيا عذاري : آن شاء الله بتثبتين ليش لآ : اليوم بتين فليل ؟ عذاري : آن شاء الله : حلو , عذاري : بس مافهمت منو بيعرس ؟ : عمي نااصصر عذآري : آيووه يحليله الله يتمم له على خير دخلت مهره وفي حظنهآ جرآح حطته وياي وسلمت على عذاري وقالت انها مستعيله بتروح مع ظبيه الصالون فلازم حد يوده ف خلته ورآحت . . عذآري : يالبيييه على الجمممال , فديته ماشاء الله عليه ولد منو هذا ؟ : هذآ ولد حرمه ناصر اللي الحين بياخذها عذاري ابتسمت : والله انه ريال دام بيستر على حرمه وبيربي ولدهآ : هي لآه , آلحمدآلله آن تفكيرج مب نفس الناس اونه شو ياخذ مطلقة وهو بعده صغير عذاري : الله يعينآ من النآس , خلينآ منهم , شو بتلبسين اليوم ؟ : تعآلي وياي فوق برآويج " قمت وشليت جرآح " عذاري : اقدر اشله ؟ : آكيد تفضلي " وعطيتهآ جرآح " وصعدنآ آنآ وهي فوق وكملنآ سوالف وفصخت الشيلة لآن جد حر وشغلت المكيف , رآويتها الفستآن وحبته عقب طآلعتني بنظره عذاري : كآنه قصير زيآده عن اللزوم ؟ : يآ حرممه خلينآ نعيش الجججو , عذاري : هههههههههههههههه فيها قص رقاب وانتي تقولين تعيشين الجو , لو درى عنج ذياب رحتي وطي جرآح ضحك وعذاري يلست تلآعبه . . عذاري : متآكده آن مآبيون ناس غرب هني ؟ : مآعرف تصدقين ؟ عذاري : انا احس لو عندج فستآن ثاني تلبسينه بيكون آحلى : عندي وآحد بالبيت لو حد رضى يروح ايبه بلبسه عذاري : هي يكون احسن , عيل بنشوفج فليل هآ : هي ان شاء الله عذاري عطتها جرآح : ريلي من متى يترياني بالسيارة بطيت عليه يلآ , ديري بالج على نفسج " وآيهتهآ " نشوفج يا عروس ابتسمت : ونشوفج يآ آم الرومآننسسسية يا دكتورتننآ عذاري : هههه ان شاء الله " ونزلت عذاري وروحت " شوي شوي كل البنآت لبسوآ مخور وتحجبوآ عدل وهم يكملون الترتيبات عشان الشباب والعمال بيدخلون , البنآت دخلوآ دآخل الخيمه اللي برع عشان يكملون الشغل والشباب وآلعمآل برع صوب اليده , كنآ ملتهين بالسوالف ونخطط كيف الترتيبات لين سمعنآ زعقه من دآخل البيت , هني انا تيبسسست , ركضت داخل البيت انا وغايه ولطيفة وسمعنآ حد يصيح صعدنآ فوق شفنآ روضة متكورة على نفسهآ وميته صيآح .. رحت صوبها وحضنتهآ .. روضة : الهنوف امانه حلفتج بالله خليه لآ يقرب , خليه يروح رصيت عليها بخوف : منو هذا , استهدي بالله روضة روضة تصارخ وتيود اذونهآ : عبدالرحمن في كل مكان , مامخلننننني ارتاااااحح , اممممانه لو تحبيينييي خلييييه يروووحح بستها على راسهآ وآهديهآ : بخليه يروح ومآيرجع بس انتي اهدي الله يخليج آهدي غايه ولطيفة من شافوآ الوضع نزلوآ تحت وخلوني معآهآ , ومن نزلوآ تحت شافوآ الكل متجمع . . يدوه : شو مستوي , منو اللي تصيح وتزآعق ؟ لطيفة هزت راسها بيأس : روضة , شكلهآ حلمت ف عبدالرحمن ونشت خيفآنه غآيه تمت تطآلع عيون خآلد عقب راحت وهو لحقهآ .. غايه : خلود خلآص البنت بخير لآ تخآف خآلد طآلعهآ وقال بعصبيه : لآ تجذبين , من زعيقها يبين انها تعبانه غايه لفت وحطت ايدهآ على خدود خآلد : خآلد حبيبي لآ آتفكر في هالسوالف روضة من نصيبك ريح بآلك , آلبنت جي نفسيتها من اللي صار وهالشي طبيعي ماعليك كلها كم يوم وبترد طبيعي وبعدين الهنوف معاها فوق وتهديها .. شوي وبتشوف روضة طبيعيه تمام ؟ بعد لو تبا تتاكد بيبها لك عشان تشوفها بس عقب مب الحين خآلد تنهد بتعب : توعديني ؟ غايه : هي آوعدك , بس ريح لي بالك شوي وفرفش ورتب المكان زين خآلد نزل ايدهآ ورآح . . غايه حطت ايدهآ على خدهآ : يخرب بيت الحب اذا جي يسوي " طآلعت كلبتها وصفرت لها وقآلت " آوليفرآآآآآآآآآآآ " يآت لها ركض وحضنتهآ " يآخي فديت اللي يعطيني حنآنن . . . . . حمد : هآ شفتيهآ ؟ عذآري : هيي , ماشاء الله عليها جمال وادب واخلاق , ياحظ ذياب فيها حمد : هي مثل ما ياحظي فيج عذاري انحرجت : حمممد لآ تقعد تقول جي جدام اهلك ترى وآلله تحرجني حمد : ترى هم بيون اليوم لان هاك اليوم مآيوآ عذاري بضيج لفت : احس اني مابا اشوفهم مب مستعده حمد : عذآري , آنآ مآبجبرج على شي مآتبينه وانتي تعرفين هالشي عدل , فلو ماحبيتي انج تتواجدين اليوم فالتجمع بوديج بيت اخوج عادي .. عذآري ساندت الكرسي وتنهدت وغمضت عينهآ ويلست تفكر اتم وياهم ولآلآ . . حمد وصله آتصآل ورد كآن من ابراهيم : آلو آبرآهيم : حمد ترى قوم يدوه غيروآ مكآن قعدتهم , اونه بيروحون البر ويتريونا هناك الكل متجمع الا نحن حمد يود ضحكته من الله عذاري ماتبا تروح شكلها الحين بتهون مول , ماتحب البر اببد تخاف من هالاماكن : انا دقايق وبكون بالبيت انت وين ؟ ابراهيم : بالبيت نجهز آغراضنآ عشان نتحرك ! حمد : آوك تمآم , يلآ الحين ياين " وبند عنه " عذآري عذآري : هممم حمد : عذآري ترى التجمع بالبر عذاري اعتدلت وطالعت بعين حمد : الححححين !!!! مابا اروح عيل حمد : ههههههههههههههه يا حبيبتي مابيستوي فيج شي ليش انتي خوافه هالكثر عذآري تتعلث : حمد هناك حرر وبعدين انا مب ويا اهلك مع منو تباني اقعد , لالالا وبعدين لا تنسى نحن معزومين على العرس ! حمد رفع حيآته : عذاري لا تتعلثين بهالسوالف , العرس وبنروحه لان التجمع بس للمغرب , وبعدين عندج هاجر تقعدين معاها عذاري : ححمد مابا حمد تنهد : لي يريحج , تبين تبدلين واوديج بيت اخوج رآشد ؟ عذاري : هي بروح هنآك حمد : آوك وصلوآ البيت ونزلوآ , عذآري دخلت تسبح وحمد قعد يشوف شو يلبس عقب طلع له شورت وقميص نص كم وبعد ماطلعت عذاري على طول دخل يسبح , عذاري قعدت ونشفت شعرها عقب سوت شوي جحال من داخل عيونها وحطت روج بسيط لونه بطيخي , عشان يتناسب مع لون تنورتها , ابتسمت برضى عن شكلها , لمت شعرها على فوق وتعطرت وتمت قاعده تترياه يطلع اول ماطلع تمت تطلعه من فوق لتحت . . حمد : شفيج ؟ عذاري : من زمآن مآلبست شورت , حتى في لندن تلبس طويل حمد يعلق عليها : ترى البر حر انتي قلتي عذاري : ههههههههههههه حمد ابتسم : متآكده آنج مآتبي تروحي عذآري يلست تطالعه : انا مابا اواجههم , يكفي اللي صار قبل انا يت هني عشانك حمد : خلآص لي يريحج " نشف شعره بمجفف عذاري وبطل كل شي منه وعذاري تصارخ عليه وهو طابنها ويضحك " عذاري : حححمد خرببببته يالحممممار حمد : لآ يستوي صبري بركبه عقب عذاري : يالله طوله البال " سحبت شيلتها العودة وطلعت من الغرفه قبل لا تنجلط باللي قاعد يسويه حمد , راحت ودقت الباب على هاجر " هجور هاجر بطلت الباب : هلآ , حيآج عذاري دخلت : آخوج بيجلطني هآجر : هههههههههههههههههههههه شو سوالج ؟ عذاري : آوف خرب سشواريي الحين ماعرف كيف بنشف شعري , بخليه ياخذ لي واحد يديد نفسه من لندن , ولو مخلص يا ويله هاجر : عذاري كاشخه كل هذا عشان البر عذاري رفعت حياتها : لا انا مب رايحه هناك بروح بيت اخويه هآجر : هممم بليز عذاري عمري ماطلبت منج طلب لكن تعالي ويانا اكيد حمد محتآجج عذاري : ماعرف , بفكرر هآجر : أنزييين طلعي خليني اتجههزز يلا روحي عند ريلج عن سوا شي ثاني باغراضج بعد عذاري : زين يلا كشخي ماوصييييج " وطلعت عنهآ وتدق الباب على حمد " حممد حمد راح وبطل عنها الباب عذاري دخلت : شو سويت اعتترف ! حمد سكر الباب عقب قرب منهآ وحضنهآ من ورى : يعني شو بسسسسوي ماسويييت شي عذاري انحرجت ولفت وجآبلت ويه : حمد من يت وانت جرعه الرومانسية زايده عندك ولآ انا اتوهم ؟ حمد : لآ بس انتي صايرة تستحين اكثر من اللزوم عذاري تشم ريحته : ليش راش عطر هالكثثر ! حمد : ههههههههههههههههه " هدهآ من الحضن وقال بعناد " بشوف الحب هناك عذاري رفعت حياتها : حمد عن العبط , حمد : يعني مثل كل مرة عذاري : لآ مب مثل كل مرة هالمرة متعطر بمليون عطر مابس واحد !! حمد : قلت لج بشوف الحب هناك عذاري قالت بقهر وبدون لا تفكر : انا بسير هناك وبشوف منو هاي الحب مالك " شلت عبايتها وطلعت من الغرفه " حمد : مآبغغغت , تستآهل مايمشي وياها غير جي عذاري راحت غرفه رقية وشافتها تتعدل لبست عبايتها وتحجبت وطلعت من عندها بدون لا تتكلم ونزلت .. ام ابراهيم : السلآم عليكم عذاري بهدوء : وعليكم السلآم آم آبرآهيم : بتروحين بيت اخوج ؟ عذاري : لآ عموه بي وياكم ام ابراهيم فرحت : بتنورينا والله عذاري ابتسمت ابتسآمه مصطنعه وهي من داخلهآ تحترق , تعرف ان بنت عم حمد تعشق شي اسمه حمد ومن تشوفه بتتلزق , وتعرف ان حمد مب مال هالحركات لكن تبا تشوف بعيونها شو بيستوي , يوم الكل نزل وخلاص حملوا الاغراض السيايير صعدت عذاري يابت شنطتها وتلفوناتها وراحت السيارة وكان حمد اوردي هناك , ركبت ورآحوآ بهدوء , وآول مآوصلوآ . . . . . حمد : السلآم عليكم ورحمة الله وبركآته يدته من شافته ركضت صوبه وقعدت ترحب فيه وتسلم عليه , عذاري نزلت وسلمت على اليده ومن شافوهآ الكل صخ .. اليده بلوم : نورتينا بنتي عذاري : نورج سابق يدوه " رن تلفونهآ " عن اذنكم دقيقه " وردت " آلو هلآ راشد راشد : انتي وينج ؟ العيال متخبلين يبون يشوفونج ! عذاري : حبايبي والله , والله ياخوي شو آقولك , يت مع حمد عند اهله راشد : اذا ازعجوج خبريني , وترى ذياب مصدعني يقول شفتي حرمته ؟ عذاري : شفتها اخوي شفتها قوله قمر مثله , بعدين بكلمكم لان تونا واصلين راشد : مب مشكله , ديري بالج على حالج وانا اخوج ولا تسمعين لكلامهم كوني مع ريلج وبس عذاري : آن شاء الله , مع السلآمة " بندت ورآحت صوبهم وسلمت على الباقين وقعدت على طرف صوب رقية وهاجر " منى بمصخره : يتي عيل عذاري طابتنهآ منى : شدعوه عاد مكبره راسج علينآ .. عذاري : لآن عقلج صغير عرفتي ليش ؟ منى سكتت عذاري قعدت تسولف مع هاجر ورقية شآركتهم السوالف والضحك عقب رقية راحت عند بنات عمها وعذاري قعدت مع هاجر .. لجين : شرفت ست الحسن , مآبغت تينآ عذاري لاحت بويهها وشافتها وسكتت عنهآ لجين : ماشاء الله حمد محلو وحرمته مخسفه منى همست : اي مخسفه وهي صايره احلى لجين دزتها بخفيف وقالت : شو القطوه حد مآكل لسآنهآ ؟ عذاري قآمت تبا تروح عشان لا تتلاسن معاها لكن لجين قامت ويودت ايدههآ .. لجين : على وين ؟ عذاري تحاول تفلت ايدههآ لجين همست لها : يتي عشان خيفانه اني اخذ حمد منج , حبيت اعلمج اني للحين ابيه واترياه واحبه وباخذه منج عذاري لفت وعطتها طراق محتتتترممم خلى الكل يلف صوبهم ورصت على اسنآنهآ : اقسم بالله كلمه زيادة وادفنج هني اليده يودت قلبهآ : بنتي شوفيج ؟ عذاري زآعقت : لا تسسسون نفسكم نسيتوآ اللي سويتوه فيني وياين تصلحون اللي كسرتوه , دامني يت بالطيب خلوني بطيبي هني وبآحتتترآممممي , ومثل ماكل وحده قاعده هني ملسونه ترى اقسم بالله اقدر اوصخ لساني اكثر عنكم " لفت على لجين " وانتي بالذات , لو قربتي مني مرة ثانية بتشوفين شي عمرج مآشفتيه بحيآتج .. يآيه بترررد لكن ياها رد سكتهآ .. حمد بتهديد : لججججين , ان قربتي من حرمتي مرة ثانية بيج شي مايعيببجج! عمي : حمد ؟ حمد لف : سمعت حرمتي شو قالت , فبعد بنتك عنهآ ابرآهيم راح صوب حمد : حمد هد اعصابك .. حمد هد ايد آخوه : اي اهدي اعصابي , بما انكم تبوها جمعه , خلوهآ جمعه على الاصول واعتذروآ على اللي سويتوه , خلوآ عندكم ذريه احترام وهيبه " طآلع لجين والشر يطلع من عينه " كله منج , انا يبتها هني عشان تقعد معاكم وتنسى وانتي عميتيها , ولو مآعتذرتي منها لا انتي بنت عمي ولا اعرفج فآهمه .. هآجر رآحت تدور عذاري ومالقتها راحت صوب حمد : حمد ماشوف عذاري حمد ركب وحده من الدراجات الموجوده وراح يدورهآ لقاها يالسه بعيييد استغرب كيف وصلت لهنآك وقرب منها ونزل لها : عذاري عذاري حاضنه نفسهآ وتصيح : مابا اكون عندهم , انا يت عشانك " عصبت عليه " كله منك لو ماقلت انك بتشوف الحب هني جان انا مايت ولا صار اللي صار , كله منك خليتني اشتعل من داخلي وايني فضول شو بتسوي لجين وخليتني اي هني حمد نزل لها ومسح دموعهآ : لآ تصيحين , لجين مآتسوآج .. كيف تشكين بغلآتج ؟ عذآري تعلقت برقبته وصاحت : الله يخليك حمد مابا اشوفها , ماشك بغلآتي لكن انا تعبت , اللي بداخلي مابرى والله العظيم مابرى انا يت عشانك حمد يمسح على ظهرهآ : خلآص هدي اعصابج , الحين بنروح " قومهآ " يلآ تعالي عذاري تطالعه باحراج : تباني اركب درآججججه !!!! حمد : لا تستوي خوافه , يلآ تعألي عذاري تطلع لبسها : بسس !! حمد : قعدي على طرف عذاري : حمد لو طيحتني ؟ حمد يحاول يهدي عذاري ويخلفها تضحك : هههههههههههههههههههههههه احسن جي بسوي جو وآكشن ! عذاري ركبت وهي ميوده قميص حمد بقوه واول ماتحرك صرخت .. حمد لف عليها خاف شي استوى عذاري انحرجت : لآ بس خفت حمد بعناد زود السرعه وكل ساعه يروح صوب عرقوب وعذاري تصارخ وحمد يزيد . . عذاري بتعب : يخرب بيت العدو , حمممد خفف والله تعبببت , قلبي وصل للقاع الله يهديك , شو ها تهور على كبر ؟ حمد : هي تهور على كبر عذاري : خس الله عدوك نزلننننننننننننننننني حمد قرب من اهله ونزل عذاري وهمس لهآ : جهزي نفسج شوي وبنروح عذاري قالت : آوك عذاري نزلت وقعدت عند هاجر وهاجر ميته ضحك على شكل عذاري اللي ميته خوف وتتنفس بقوه ! . . بعد مآهدت روضة ردت غفت وانا نزلت تحت , لمحت ان غايه يالسه تلعب مع اوليفيرا حقدت شوي عليها على الموقف اللي صار بس طوفته لها ورحنا كلنا نتساعد عشان نخلص , تعببنا بس طلع المكان روووعهه , طبعآ ردينآ البيت وانا اللي كان وياي جرآح , سبحنا ولبسنا لبس عادي عقب كلنا رحنا الصالون وسوينآ عمآرنآ , طبعآ ظبيه اوردي موجوده بالمزرعه هناك بيون يعدلونها ويكشخونهآ , تعدلنآ كلنآ على الخفيف سوينا شعرنآ ومكيآج عقب من ردينآ بدلت على السريع فستاني وشلوني لان طبعا الكل محطين فساتينهم فالمزرعه الا انا غيرته لعيون عمه ذيآآب . . مهره : آقولج وين موزة من الصبح مآشفتهآ ؟ يودت جرآح زين من الصبح يلعب بشعري : ماعرف ماشفتها يمكن مع مايد الحين بسير اكلمهم بالتلفون " عطيتهآ جرآح " خليه عندج شوي بروح بكلمهم وبي مهره : لآ تبطييين رحت دورت تلفوني ونكلت الدنيا في الغرفه مآلقيته , رحت غرفه غايوه فالمزرعه ولقيته مفرور هناك استغربت شو يابه هني ؟ آكيد غايوه شلته عشان تتصل ف حد واتصلت على طول على مآيد , تم يرن كم رنه عقب رد . . مآيد بصوت متضآيج : آهلين الهنوف خفت : ميود حبيبي شي فيك ؟ شي يعورك ! وينك انت وحرمتك من الصبح مآشفت حد منكم ؟ مآيد طلع عن موزة : الهنوف نحن بالمستشفى بس مابا حد يعرف لا امي ولا اي حد خلي عرس ناصر يمر على خير : شووهه ؟ مستشفى !!! اي مستشفى ميييود شو مسسستويي ؟ " شهقت بصوت متقطع " سو..يتو..ا حآد..ث !! مآيد : الهنوف استهدي بالله , ماسوينآ حآدث لكن . . . : لكن شوووههه " زعقت " لا تخوفني مآيد بضيج : بخببرج لكن خليه بيني وبينج لين عقب , يعني خلي يوم ناصر يعدي على خير عقب انا بخبرهم : قول , ترى خوفتني , موزة فيهآ شي ؟ مآيد : موزة سقطت ! تضضضضآيجججت : كككيف ؟ شخبارها انزين الحين ان شاء الله احسن ؟ مآيد : احسن من حيث اي ناحية وهي حتى دموعها مارايمه تنزلها ويبين انها تعبآنه , انتي قولي لامي اني طلعت وياها اي مكان جذببي لين عقب , آوك ؟[1] يلآ انا بدخل عندهآ : امانه حطها في عينك مآيد : لاتوصين , يلآ مع السلآمة الهنوف : مع السلآمة " وبندت " مآيد دخل عند موزة واول مادخل هي رفعت عيونها وتمت تطالعه , تم سآكت ماناقشها حتى . . موزة : ليش مآتنآزعني " صرخت وهي ادمع " ليشش سآكككت !! مآيد قآل بتعب : لآني تعبت وانا اكلمج بهالموضوع موزة صآحت : مآكنت اعرف مآيد عصب عليها : شو مآكنتي تعرفي , انا مب مهددنج ماتروحي بيت ابوج بروحج " زعق " الحين ارتحتي باللي سواه ابوج !!! موزة تصيح وهي تتذكر اللي صار * موزة : آبويه ابي اشوف امي ضروري , ابوهآ سحبهآ وقال : وينه مآيد ؟ موزة : مب موجود , يت بروحي مع الدريول , وينهآ آمي ؟ آبوهآ صفعهآ : يتي بروحج , وينه ريلج , تتحسبين بنآدي لج آمممج ! انا مانسيييت كيف كنتي تعآندين فيني قبل وكله بسبب ريلج والحين يوم يتي بريولج وبروحج تتوقعين بخليج ؟ موزة بخوف : آبويه شوفيك في شو عاندت فيك ؟ آبوهآ ضربهآ وبعد مآبرد حرته فيهآ : الحين دقي حق ريلج , آلحين بشوف كيف ريلج بيحترق من الداخل موزة كآنت تصآرخ وتنزف , ولما نزلت حرمه ابوهم انصدمت وخافت وخذت تلفون موزة واتصلت في مآيد وعلى طول يا وخذاها المستشفى . . * موزة صآحت : ماككن.. مآيد : آدددري , " قال بعصبيه تآمه " بشو كنتي تفكرين وققققتهاااا يوم رححتتتتتتي , ليييش رحتتتتي برووحججج , لليييييش انا ماعععنندددييي عللمممم انج بتروحيييي لييش !!! موزة : مآيد الله يخليك خلآص مآيد : خلآصصصص !!! هذا اللي تبييينه خلاصصص بس تبين تسكتينييي ماتبييينيي اتكككلم !! على آمرررججج آنسه موزة " وطلع من عندهآ ورآح سيآرته وقعد يتمشى , بطل ازرار كندورته اللي فوق كامله , يحس انه مخنوق " . . نزلت بضيج وانا اشوف الكل جاهز , كان الكل مستآنس الا آنآ , آفكر شو بيصير فيهآ , رحت ورى البيت وانا كابته دموعي , قعدت بعيد عن انظارهم ودقيت لذيآب واول مآرد صححت ومآكآن يسمع الا شهقآتي . . ذيآب بخوف : الهنوف شوفيج ؟ شي يعووورجج !! : انا متضايييجههه , ماحححد حااسسس ذيآب : حبيبي شوفيج ؟ ليش تصيحين !! : ذيآب موزة عقت وهي وميود بالمستشفى ونحن هني وماحد يعرف عنهم غيري , احس بكتمه . . مابا احضضضر ذيآب تنهد : لآ حول ولا قوة الا بالله , حبيبي , استغفري ربج شهقت وقلت : استغفر الله ذيآب : حبيبي , الحين انتي لو رحتي المستشفى شو بتسوين ؟ مآغير بتصيحين مع موزة , خليها مع ريلها هو يمكن يهديهآ , انتي تمي معاهم وحاولي تبيني لهم ان ماشي صار , وانا بكون معاج : وين بتكون وياي ؟ ذيآب : بي العرس , بكون يمج واذا احتجتي اي شي كلميني قلت بضيج : توعدني تكون موجود وتسآعدني ذيآب : وعد , انا دوم معآج ! ارتحت : خلآص اوكيه , يلا عيل اشوفك بعدين ذيآب : يلآ ديري بالج على نفسج حيآتي , مع السلآمة : مع السلآمة " وبندت " قمت ورحت عند مهور ويوم سالت عنهم , مآرمت اجذب قلت لها عقب بخبرها لان الحين الجو مآيسمح اخبرهآ وهي ماعاندتني , شليت جرآح وصعدت فوق ومن دخلت عند ظبيه كآنت قمممر , بمعنى الكلمه ملآك , كآنت جميلة بشكل فضيع .. لفت علي وقالت بخوف . . ظبيه : طآلعه اخرع " ترتجف " المكياج وايد والتسريحه مب اوكيه ؟ : ههههههههههههههههههههههه ها من خوفج ولا من توترج ولا انتي تشوفي شي انا ماشوفه ؟ ظبيه : آوف هنوف لا تضحكين , بنشوف في ليله عرسج شو بتسوين ؟ الحين صدق شكلي اوكيه ! : هي هي والله وايد اوك ظبيه يتها الصيحه : ابا ظاهر , مابا انزل خلاص قولي لعمج اني ماباه : آوك الحين بقوله " يودت تلفوني وسويت عمري اتصل يات سرعه وسحبت التلفون " ظبيه بخجل : تخبلتتتي : انتي تقولي ماتبيه ظبيه : آوفففف هنوف لا تستهبلي علي يعني اباه لكن خيفانه : هههههههههههههههههههه والله انججج , الحين بخليهم يصعدون عندج ظاهر " شليت جرآح ونزلت " روضة : الهنوف لفيت صوبها شفتها كانت بسيطه , بس حلييوة وبريئه : قلبهآ روضة : في حد تحت ؟ : هي لبسي شيلتج وعبايتج ونزلي روضة : آوك " لبست شيلتها وعبآيتهآ " : اقول دام بتطلعين نادي عبدالله وقوليله ان ظبيه تبا تشوف ظاهر ضروري روضة : آوك طلعت روضة ويلست تدورهم وشافتها غايه . . روضة : غآية غايه لفت : آوه روآض شو تسوين هني ؟ روضة : وين عبدالله ماشوفه ؟ غايه : هنآك روضة : آوك " رآحت صوبه " عبدالله , عبدالله لف : روآض , محلوووه " صفر " يخرب يخرب عقبال ماشوفج بدون عبايه روضة انحرجت وقربت منه لان صالح ويوسف وخالد ومحمد كانوا موجودين وهمست : عبدالله , ظبيه تبا تشوف ظاهر ضروري طرشوه داخل البيت ! عبدالله : آنزين بنطرشه يلآ روحي انتي روضة رآحت وزختها غايه : شتبين ؟ غايه : ابيج تعآلي شوي ويآي .. " طرشت مسج لخآلد ان اي ورى البيت ضروري " روضة : غآيه وين رايحه ؟ غايه : بيب سماعتي بسمعج شي شوي وبي تريني هني " ورآحت " روضة : آوف آكرهه حركاتها الغبيه . . شوي ويا خآلد وتحمحم : غآيه ؟ روضة فزت , عضت شفايفها وعرفت موضوع غايه السخيف . . خآلد : غآية روضة بخوف : غايه مب موجودهه !! خآلد قرب من روضة وتم يطآلع ويههآ وتم سآكت وهي تمت تطآلع ويهه وهي سآكته ! خآلد : آخبآرج الحين ان شاء الله احسن ؟ |
روضة نزلت راسها : آلحمدآلله خآلد : غايه وعدتني ونفذت وعدهآ , وآلحين دآم آطمنت عليج خلاص تقدرين تروحين .. روضة مشت شوي جدام وخآلد كآن ورآهآ وقال . . خآلد : لو تقدمت لج بتوآفقين ؟ روضة قالت بتعب : خآلد خآلد غمض عيونه وقال في خآطرهه " يآ قلب وروح وكل خآلد " روضة لفت تطالعه وهو بطل عيونه وتم يطآلعهآ , مشت على ورى صوب آلظلام : خآلد آحسن حل انك تنسآني لآني وايد تعبتك وياي وبعد لآني مآستآهلك ! خآلد : على آمرج , عيل آنسيني من الحين . . " ورآح " روضة دمعت عينها وراحت , ويوم شافت غايه لفت ويها وغيرت دربها كامل . . . غايه عضت شفايفها وركضت ورى روضة : رواض روضة عصبت : لآ تكلميني غايه : شو سويت ؟ روضة : لا ابدا ماسويتي شي ! غايه تشوف تلفونها خالد يتصل وردت عليه وروضة تتنازع وخالد سمع كل شي .. روضة تصيح : كيف تحطيني في موقف محرج مثل هذا , كيف تخليني معاه بروحننننآ , شو صصصار الخلوة حرام بيني وبين ولد عمي بروحنننننآ " زعقت عليها " انا ااححححب اخخخوججج لكن ماقدررررر اخذذذذه مابا اظلمممممه وياااايي كيف ياخذ وحده مطلققققة ممثثثليييي , خلاااصصصص لااااا تكلمممميننننني " قالت بتعب وصوتها يملآه الصيآح " اكرهكم كلكم " ورآحت " غايه تضآيجت من نفسهآ وآييييد ورفعت التلفون وشافت ان خالد مسسكر : آوفففففف ! . . صوب الريآيل .. يوسف راح وشاف واحد غريب ياي بيدخل : الحبيب على وين ؟ هو : انا معزوم على العرس يوسف رفع حياته : من طرف منو ؟ هو : من طرف ظبيه يوسف : عفوآ بس منو انت ! هو : انا سليمآن يوسف : تريآ هني دقيقه " دق لظآهر " آقول انتوا عازمين واحد اسمه سليمآن ظآهر كان عند ظبيه فوق : شووهههه ؟؟ الحقققير يااايي يوسف بند ف ويهه ظاهر : عفوآ بس الظاهر انك مب من المعزومين ف لو تتفضل وتروح بادب يكون احسن سليمآن دز يوسف ودخل شوي يوسف على طول دزه وبدت الضرابه وعاد خالد اول ماشاف الضرابه راح صوبهم .. يوسف يوده من رقبته : الحين تطلع من هالبيت ولا جثتك على ايدي ظآهر دز يوسف بقوه ويود سليمآن من كندورته وسحبببه برع البيت خآلد لف يوسف : شو مستوي ؟ يوسف : هذآ شكله يبا يخرب العرسس خآلد رآح المطبخ وياب ثلج وفوطه وحط الثلج بالفوطه وعطاه ليوسف : عطه على ويهك عن ينتفخ ولا يستوي شي يوسف يتنفس بقوه : مشكور خآلد خآلد : آلعفو سهيل : ظهوووور ظآهر ضربه ضربه وحده بس في بطنه وقاله بتهديد : المرة اليايه ادفنك هني " ياشر على المكان " في هالمقطعه , روح من هني ! سهيل : ظآآهر هده خلاص سليمآن : ابا ولدي , ابا اشوفه سهيل : ولدك ؟ سليمآن : ابي جرآح سهيل سكت . . ظآهر : ماعندنا عيال لك , توكل على الله سليمآن : انا راجع يا ظاهر وبتشوف , ان مآخذت جرآح من ظبيه وعذبتها لا تسميني سليمآن " ورآح " ظآهر يطآلعه والشرار يطلع من عيونه يوده سهيل وقعد يهديه .. ظاهر حس بتعب مش طبيعي ف راح ميلس الريايل عشان يريح بدل الحشرة اللي برع .. لطيفة : اففففففففففففف الغبية ماشافت تحط مكياجها الا هناك " ودخلت ميلس الريايل بعد ماعطتها يدتها التصريح " وينه ! ظآهر : على شو تدورين ؟ لطيفة لفت وتيبست لما جافته اما هو بطل عينه , كانت لطيفة صح بشيلتها وعبايتها لكن انيقة بشكل مب طبيعي .. لطيفة : آآ .. آآ انااا ادور .. " لفت يمين ويسار يتها الصيحه " ادور ظآهر قام وطلع منه كلمه " آخ " وقبل لآ يروح لطيفة لفت بخوف : شوفيك ؟ ظآهر : ولآ شي لطيفة تطالعه ميود ظهره وحطت ايدهآ على حلجهآ : شو آستوى !!! ظآهر : ولآ شي روحي داخل " وطلع " لطيفة : آوفففففففففففف الله يهديه ابببد ابد مب مهتم في صحته " وشلت شنطه المكيآج ورآحت " . . برع البلآد .. فطآمي : تعالي انزين دآمج ملآنه ! ترفة : تخبلتي ؟ وين اي بهالوقت فطآمي : عآدي . . ترفة : آخآف فطآمي : امي مابتخليني اطلع , اطرش لج فارس ؟ ترفة : لآلآ مابا , خلاص خليها يوم ثاني فآرس زعق : فطططآممي فطآمي : صبري خليج على الخط " رآحت صوبه " خير فآرس : وين النوت اللي كانت على الطاولة فطآمي : في غرفتي فآرس متنرفز : وليش في غرفتج ؟ فطآمي تدور جذبه عشان مايهزبها : ترفة تباها ترفه شهقت بالتلفون : آيييييييييييييييييييييييه لا تجذبييييييييييييييييييييييييييين فارس رفع حياته : ليش شو تبا في النوت ؟ ترفة يتها الصيحة : فطآمي عن الجذذذذذذذذذذب قوليله الصدققق قولي انج صرقتيييها لانها عيبتج يالبويه فطآمي : تقول تبا تتاكد لو سارة كتبت لك شي مني مناك فارس بصدمه : شوه ؟ ترفة : شتتتتتتتتتتتتتتتتت فطآممممممممممممممممممممممممممممممممممممممممممممممم مي فارس انتبه على التلفون والزعيق اللي فيه واشر لها تحط سبيكككررر فطامي هني توهققققت وحطت سبيكررر . . فطآمي تكمل : ترى هي قالت يوم تشوف سارة تحس انها تغار ترفة بلعت ريجهآ : الله وآكككببببر , كيف عرفتتتي ؟ " غيرت الموضوع وزعقت " فطططآمي خبريييه انج شاله النوت لانج حبيتيها مب لاني قلت هالكلاممم يالجذابببببببببببببببببببببه انا ماححححب افتششش اشياء ماتخصصصصصني فطاااااامي والله بزعل يالبويه يالخايسه اعتتتترففففي , آوف تبين اطيح من عينه شوهه .. فآرس خذا تلفون فطامي واشر لها تطلع وهي يلست تضحك وطلعت وهو شل السبيكر وكلمهآ : ليش آطيحين من عيني ؟ ترفة بلعت ريجهآ : فف..آآ..ر..س فآرس : قلبه ترفة يدق قلبها بقوه وبس يسمع نفسها فآرس: آنتي بخير . . . ترفة : ل..آ , اق..صد ه..هي وا..يد آو..كيه فآرس : ههههه انزين ليش جي شوي وبتموتين من المستحى ترفة يودت خدودها " يآ ويلللللللللللييييييييي عاد صدق بموت لو تميت اكلمه جي" فآرس : آلووو " يطآلع التلفون بعدههآ على الخط " ترفة : آ..لو فآرس : ليش جي تسوين ؟ مآتثقين ترفة يتها الصيحة : والله مايخصني فارس : انزين ليش بتصيحين ؟ ترفة عضت شفايفها : مايخصني والله هاي فطامي عيبتها النوتس وخذتها لا تظلمني " وبندت وقعدت تصيح ماتوقعت بيشك فيها " فارس طرش لها مسج " ليش سكرتي ؟ " ترفة " لانك تشك فيني " فآرس " انا ماشك فيج وادري انج تثقين بس ماتوقعتج جي حساسه , يالصيآحه " ترفة ردت عليه " آكرهك " فآرس " أدري حتتى انا احبج " . . طبعآ من بدت الآغآني تحت عرفنآ آن العرس بدآ , رحنآ كلنآ الا غايه طبعآ اللي مختفية عن الانظآر اما صوب عروستنا ظبيه اللي كانت تصيح ولطيفة ومهره هزبوهآ هزآبب . . مهره : جيه ريلج ميت ؟ تراه تحت عن هالمنكر ظبيه : خيفانه مهره : وااه ترى والله مآبيآكلج يلآ اصطلبي وآغدي حرمه ظبيه تمسح دموعهآ : بنشوف شو بتسوي يوم عرسج .. آمي تدق الباب : ظبيه يلآ نزلي ظبيه وقفت : آويه شو اسوي ! لطيفة مستغربه : آنتي لآيكون جي سويتي بعد آول مرة عرستي فيهآ ؟ ظبيه : كنت آلعن لآن محد وياي طبعآ لطيفة : ههههههههه آتخيل شكلج مهره : مب وقت السوآلف يلآ نزلي آمي تدق الباب : وانتي بعد الهنوف نزلي تحت عمه ريلج تبيج : يلآ آمي يايه " طآلعتهم " يلآ عيل اشوفكم تحت " وطلعت عنهم " نزلت تحت واستغربت ان وآيدين يآين , عساس يدوه بس بتعزم كم وحده بس شكلها عازمه الفريج كله فاضطريت اسلم على كل الحضور وبعيوني ادور عمه ذياب لكن مالقيتها يوم طلعت وسكرت الباب لقيت غايه داخله ومب كاشخه وويها محمر يودتهآ من ايدهآ بقوه .. : شفيج ؟ غايه : سويت مشكلة سحبتها المطبخ : شسويتي ؟ غايه خبرتني عن كل اللي صار وعيونهآ آدمع : والله العظيم نيتي صافية : آدري آن نيتج صافيه لكن روضة جرحها مابرى خليها مع الايام , سيري كشخي مب حلوة نصور يعرس وانتي بهالحآله غايه : بسير الحين و, آنتي وين رآيحه ؟ : آدور عمه ذياب غايه آطآلعتني : آوك , " دققت " محلوة يالحب : من يومي حلوة " دزيتها بخفيف " يلآ روحي حبيبتي كشخي اشوفج عقب .. طلعت يلست ادورها لقيتها واقفه بروحها عند الباب رحت سلمت عليها ودخلتها دآخل . . عذآري همست لي : هي هاللبس آلحلو ولآ بلآش : مب مقتنعه فيه عذاري : يوم بيشوفج ذياب بنشوف شو رآيه : شووهه ؟ لآ مستحيل اخليه يشوفني عذاري : ليش قمرر ماشاءالله عليجج , متى بتنزل العروس ؟ وليش كل الناس قاعدين هني احس اجواء برع احلى : هي والله بوآيد , قومي بنروح برع عذاري : محد ريايل صح ؟ : لآ , الريايل خيمه ف الطرف مب هني عذاري : هي اشوه . . وقعدت انا وياها برع وقعدنآ نسولف ونضحك وقعدت تخبرني عن زوآجهآ من حمد وكيف هي مرتاحه معاه وفي شغلهآ وكيف عيشة لندن , : بعد فترة بنت عمي بتروح هنآك ف جآمعه آنجلترآ , نسيت آسمهآ وآلله عذآري : جآمعآتهم حلوة وقوية بس الغربه صعبه , بس الله يقويها ان شاء الله تقدر تستمر : ان شاء الله عذآري : وانتي مآتبين تروحين لندن ؟ : يآليت ياحظي بس منو بيخليني ؟ بيقولون لي درآستج وعرسج ومآدري شو ؟ آصلآ مآظن ذيآب يرضى لآن شغله هني .. عذآري : ايوآ , صح هني ذياب ميود شركة آخوي فماظن يرضى يخلي كل شي وراه ويروح لندن : هي لآه , اصلا عآدي بني زيآرة هنآك عذآري : ههههه بتنورونآ وآلله شوي نزلت ظبيه كآنت قمر لكن يبين انها خيفانه ومتوترة وبعد مآقعدت وبدت الاغاني, وكآنت اغنية هندية طبعآ الكل كآن يسولف وكنت انا ملتهيه مع عذاري , لكن يوم شفت فجاه الكل صخ رفعت راسي وانصدمت ان غايه يالسه ترقص ع الكوشه ومهره ولطيفة ف طرف نآقعآت من الضحك ويدوه معصصصصصصصصبه ودهآ تدفن غايه مكانها , طبعآ غايه ماقصرت هزت لين ماتعبت ونزلت , وقبل لا تزخها يدوه يات وقعدت وياي , سلمت على عذاري وقعدنا نسولف نحن الثلآث . . بعد ساعه من دخول ظبيه ومن توزيع العشا طبعا , دخل ناصر بهيبته وكان يبتسم لكن يبين انه من ورى خآطره , مآكآن مستآنس مثل كل معرس وهالشي كان وآيد مخوفني , آنه يحول حياة ظبيه لتعآسة , احس يكفي اللي عاشته من زمآن مآبيهآ تعيش هالشي مرة 2 . . غايه : يآآآآآآآآآآآآآآآ : شفيييييييييييييج غايه : بشو تفكرييييييين ؟ : مآيخصج حتى فالتفكير منآشبتني عذاري : وين الياهل اللي كان ويآج ؟ : مآدري منو شله تصدقين ؟ غايه : شفته عند ايمان مساعه , برايه شتبيه خليه عنج لآه : هي خلصت مصلحتج غايه : والله ياخوفي يدوه تدفني عذاري ابتسمت : يا ويلج , هذي ها يايه صوبنآ غايه قامت بخوف وتطالع يمين ويسار : وين , وين ؟ عذاري : هههههههههههههه اتمصخر غايه يودت قلبها : آووههه طيحتتتتتي قلبببي " يايه بتفصها عقب سحبت ايدهآ " اوه زين ماتهورت عذاري : اشوفففج : طيحت الميآنه الحبيبه خلاص ! عذآري : آشوفهآ .. غايه رفعت ايدهآ : آلله يرزقني ريل ويرزق كل محرومه وياي , وللي في خاطرهآ شي عسى ربي يحققه آنآ وعذآري : آمييييييييييييييييييييييييييييييييييييين .. مهره ولطيفة قاعدين ف طرف ويتمصخرون على ناصر وظبيه , لين يت خآلوه آم مشاعل وهزبتهم ف سكتوآ ! نآصر همس لها باذنهآ : مبروك ظبيه بمستحى : الله يبارك فيك وانت بعد مبروك نآصر : الله يبارك فيج وبعد السوآلف والضحك بدوآ الناس ينسحبون شوي شوي من العرس والكل روح بس تموآ آلآهل كلهم , الشباب تيمعوآ بالميلس العود اللي برع والبنآت فميلس الحريم , الا انآ كنت فالصآله اتريا ذياب لانه طلب يشوفني وطبعآ الاهل ولآ حد منهم عآرض .. ذيآب دخل بعد مآهود , رفعت راسي وشفته كآن كآششخ ولآبس غتره وعقال وحالته حآله افتشلت , لآن ابوي بعد مآوصى ذياب علي طلع وخلانا بروحنآ , وآفشلتآهه ! ذيآب يآ وحبني على راسي : حي هالشوف انا خلاص حسيت لساني هني انقص لآقآدره ارد عليه ولآ قادره اقول شي زيآدة ذيآب يا وقعد حذآلي ويود ايدي : حبيبي لآيكون متضايجه عشان هاك الموضوع ترى كل شي يصير حكمه من رب العآلمين وقدر مكتوب مآنقدر نغيره نحن . . رفعت راسي وتذكرت , كنت ناسيه اصلآ قلت : لآ مآيخصه بس شوي اوني مستحيه منك ذيآب : ههههههههههههههههههههههههه اونج يعني , زين شخبارج ؟ : آلحمدآلله وانت شخبارك ؟ ذيآب : آلحمدآلله , شهالحلآه من ورآنآ ؟ : هههه لآ وآلله عساس ماتعرفني يعني ذياب : هالجميله آول مرة اشوفهآ , يعني كل مرة اشوفتج خسفة : عن العياره عاد ذيآب : سمعت انج كنتي بتلبسين قصير ؟ : هي ذياب : قصورج تلبسين جدام الحريم شي قصير بحش ريلج حش : ههههه ليش عآد ؟ ذيآب قال بجديه : بدون ليش , مآتلبسين قصير جدام حد رصيت على ايده وهو لف يطآلعني : من عيوني , آنت تآمر آمر ذياب قآم : ع وين ؟ ذياب غمز لي : لو تميت هني اكثر بتهور وببوسج خل اطلع تيبسسست جد آنه مآصصصصصصخ لا ويقولهآ ف ويهي , هو شاف لون ويهي شقى تغير ومات من الضحك وعلى طول طلع ! بعد مآطلع ذياب بفترة صعدت ظبيه فوق عشان تبدل لبسهآ ويوم خلصت تبديل ولبست عبايتها يا الكل وسلم عليها . . ظبيه : وين جرآح ؟ يدوه : شو تبينه ؟ ظبيه سالت بآحرآج : مآبنشله ويآنآ ! يدوه قالت لها بحنيه : لآ فديتج , انتوا روحوا واستانسوآ وغيروآ جو وردوآ جرآح بالحفظ والصون ظبيه : مآتقصرون آمآية " وحبت على راسها " ديري بالج عليه وعلى نفسج يدوه : الله يحفظكم ظبيه شافتنا بخوف وقالت : مع السلآمة بنآت آلكل : مع السلآمة واللي يطرش لها بوسة واللي واللي وطبعآ هي طبتنآ كلنآ ونزلت برجفه مع آمي وام خآلد وصلوهآ لظآهر اللي وصآهآ على نفسهآ وحضنها وقالها ان بيشتاق لها وخلآهآ ورآح عند الشباب وهي ركبت سيارة ناصر وتوكلوآ . . . . سهيل يود ظآهر : منو هاي اللي تباها ؟ ظآهر : شو يخصك ! سهيل : بخطب لك اياها لاه ظآهر : سير منآك , آنآ بخبر ام مآيد تخطب لي ادريبها مابتقصر سهيل : وشحقه مب اممي ؟ ظآهر توهق : هآآآ آممم مآعرف سهيل : ظهووووووووووور ظآهر : شفييييك ؟ سهيل : سرعه قول منو هاي اللي تباها وحاط عينك عليهآ ؟ ظآهر : مآبقولك سهيل : وحده من آهلنآ صح ؟ ظآهر : هي صح فكنآ سهيل ضربه : يخخخخخخخخخخرب عدوووك , منو ههآآآآآآآآآآآآآي , لآيكون تكلمهآ ظآهر : لآ مآكلمهآ , ولآ اي شي بس انا اباها سهيل : خبرني ياخي انا اخوك بدآفع عنك ظآهر : آشك سهيل قعد يطآلع : انت شو سالفتك اليوم , تقول تشك آني بدآفع عنك وماتبا امي اللي تخطب لك ؟ ظآهر : ياخي انت شو فيك ماكل قرصك وهو ني , ترى ماقصد شي باللي قلته لا تزعل سهيل بفضول : لآ الحين جد بزعل لو مآخبرتني منو هاي اللي تباها ! ظآهر : سهيل استهدى بالله لآ تستوي ياهل سهيل : آنآ يآهل ؟ ظآهر : هي ورضيع جآن تبا سهيل : آوك يآ ظهور مآعليه ظآهر : اللي اباها هي لطيفة آختك سهيل لف بصدمه و و . . . . . |
برع البلآد .. سيف : حمدآنن حمدآن : خير سيف : مليت ابا اتعشى خل نطلع حمدآن : وين تبانا نروح انا متعايز بصرآحه آطلع مكآن سيف : نروح آي مكآن يآلله , لآني جد يوعان ومب قادر اركز بشي حمدآن ياكل تفاحه : سيف مب وقتك , كمل الشغل سيف : ياخي لو مابتنزل بروح بيب لنا عشا وبي حمدان : يكون احسن لان عندي شغل اكثر عنك ومب قادر اخلص شي سيف شل بوكه وقام : خلآص رايح وراد حمدآن : لآ تتآخر سيف رآح آلمطعم وطلب له وطلب لحمدآن شاف منار قاعده في طرف بروحها وتلعب بآلآكل رآح وقعد مجآبلنهآ بجرآه .. سيف ابتسم : مسا الخير منآر يوم تذكرته رفعت حياتها باستغراب : مسا النور سيف : شخبارج ؟ منآر نزلت حياتها : بخير مثل ماتشوف , خير في شي ياي تيلس وياي جدام العآلم جي ؟ جيه مطيحين الميانه مع بعض اشوف سيف : هههه آوه جبريت طلعتي , يت بسلم بس منآر : مآتقصر , تقدر تتفضل سسييف ابتسم وقام عنها وراح خذا اكله وطلع , رد الشقة وحط الاكل مجآبل حمدآن : كل , آنآ ضاق خاطري حمدآن يبطل الاكل ويطالع سيف : من وين طالعه الشمس ؟ شو صاير لك الحب مزعلتك ! سيف : آصلآ الحب ميبسه راسها مب راضيه تلين حمدآن : ههههههههههههههه سيفو اشوف ترمس عن الحب لآيكون من صدقك حبيت سيف : لآ وين حبيت لكن في بنت ابا استجوبها حمدآن : تحسسني انك مآل مخابرات وحركات , يآ عمي طير وكل اكلك ويلا على شغلك سيف : آحسك تقول بيت شعر , ههههه يلآ كل كل وبدوآ يآكلوآ وبعد مآخلصوآ آكلهم على طول ردوآ يكملون شغلهم . . . . ذيآب صفق والكل لف عليه : شباب ترى انا مسافر واللي يبا يخاويني حيااهه ظآهر : على وين الذيب ؟ ذياب : على البحرين , بروح اشوف الفورميلآ ثلاث ايام ورآد ظآهر : ويآك سهيل : ويآك عبدالله : وانا بعد وصالح : وياكم لين مآ الكل وآفق , الا يوسف كآن سآكت . . ذيآب : يوسف مآبتروح ؟ يوسف : لآ ذيآب : يآريآل يوسف سكت , والكل بدآ يقنع فيه عقب رضى ! محمد : خلآص عيل شغله الفندق خلوهآ علي ظآهر : مآنبا فندق احجزوآ شقه ونفك عمآرنآ من الحشرة ذيآب : لآلآ بنحجز سويت ف روتانا ماجستيك هنآك بنكون كل 4 فسويت , ف بنحجز سويتين وخلآص . . سهيل مآتكلم آبببد من بعد مآوآفق وظآهر لآحظ هالشي , ظآهر همس له : سهيل سهيل لف عليه : نعم ؟ ظآهر : شفيك عصبت ؟ انت اللي طلبت مني اصارحك سهيل : خلنآ نرمس برع بهالموضوع " وطلع من الميلس ولحقه ظآهر " من متى وآنت تكلمهآ ؟ ظآهر ياشر على عقله : تخبلت انت تخبلت شو اكلم اختك واخون ثقتك , لآ فعلآ انت ينيت سهيل : ليش مآقلت لي من قبل ؟ ظآهر : شو آقولك , يعني شو آستوى يوم قلت لك الحين ؟ سهيل : ولو قلت لك آني رآفض ؟ ظآهر : سهيل انت تخبلت صح ؟ سهيل : يعني تحبها ظآهر : استغفر الله , في شي في فالدنيا اسمه قسمه ونصيب وانا راضي حتى لو كنت رافض في وايد بنات في هالدنيا بس لا تقعد تشك فيني وفي اختك بالسوء " على طول روح " سهيل لحقه ويودهه : ظآهر ظآهر بدون لآيلف : فآهمنك لآ تقعد تبرر الحين لآزم ارجع الشقه مابي اسهر اليوم تعبان شوي " ورآح الشقه " سهيل مسح ويهه ورد دخل عند الشباب دآخل . . . . مشآعل وصلهآ مسج وآنصدمت كآن مكتوب فيه ( مبروك لنآصر , وعقبآلنآ ) آم مشآعل : مشششآعل مشآعل : هلآ آمممي آم مشآعل : تعآلي شوي , مشاعل راحت صوب آمهآ : شفيج ؟ آم مشآعل : في حرمه يات كلمتني عنج مشاعل : منو هاي بعد ؟ آم مشآعل : مآعرف نسيت اسمها جنها قالت انها ام حامد ؟ مشآعل تيبست : شو تبا ؟ آم مشاعل : شآفتج , وتقول حبتج وتباج لولدهآ حآمد مشاعل : امي انا مابا انا صغيره ماباه ام مشاعل : آنزين آميه نحن مآبنغصبج على حد مآتبيه مشاعل ارتآحت : آوك انا رايحه عند خوآتي " وشردت " رآحت قعدت بروحهآ برع وطرشت له مسج ( عن هالحركآت لو شو مآسويت مآبوآفق عليك ) حآمد ( ليش عآد ؟ ) مشآعل ( لآني آكرهك ) حآمد ( من قلبج هالكره !! ) مشآعل ( من شراين قلبي بعد ) حآمد ( سبحآن الله يوم كرهتيني حبيتج ) مشاعل ( مع نفسك , حب من اليوم لبآجر انا ماعدت ابيك ) حآمد ( بآجر لا خذتج بتتغير مشاعرج ) مشاعل ( نجم سهيل اقرب لك من آحلآمك الوآسعه هاي ) حآمد ( نجم سهيل بلآمسه يوم بتزوجج ) مشاعل ( آحلآمك السخيفة خل نطاقها بعيد عني وعن حيآتي لآني خلآص ماعدت آبيك ) حآمد ( تعرفين آن ذيآب ربيعي ؟ ) مشاعل ( مآعدت اخاف واللي تبيه سويه انا ما ابيك افهم هالكلمتين , ولآ عآد ترآسلني لا اخبر ذياب ) حآمد ( على العموم , آحبج ) مشاعل ( حبك برص , بآي ) حآمد يوم قرى مسجهآ ضحك : هههههههه الله يرحم ايام كنتي تخافي منها يا مشاعل ! . . يدوه : رويض شفيج ؟ روضه : مافيني إلا العافية يدوه : شحقه مآتطآلعين بنآت عمج وتسولفين معاهم ؟ شحقه تطآلعين الباب روضة : آتريآه اي يدوه : منو هو ؟ روضة : آبوي يدوه : ليش ؟ شو تبين ابوج روضة : اباه ينسيني اللي صار , اباه يرجع لي انوثتي اللي سلبها عبدالرحمن , اباه يرجع نظرتي الجميلة للحياه .. يدوه : تغطي اسمع حد يهود برع روضة لبست عبايتها وشيلتها وردت قعدت , دخل يوسف ويطآلع روضه كيف تطالع الباب , باس يدته وقعد وياها شوي .. يوسف : روضة شفيج ؟ روضة سآكته يوسف : السموحه على اللي بدر مني قبل يدوه تمت سآكته , خلت كل شي يصير مثل مآيبون , كآنت بس اذانهآ تسمع بس مآتتكلم .. روضة : مسموح يا يوسف يوسف : ليش تطآلعين الباب ؟ روضة : اترياه اي يوسف استغرب : منو هو تترين خآلد ؟ روضة تمت عينهآ معلقه على الباب : اتريا آبوي يوسف : ترى خآلد يحبج , لآ تخسريه روضة : يوسف لآ تتدخل يوسف : تراه مب ويانا فآلميلس . . روضة سوت له طآف يوسف : اذا تقدم لج وآفقي عليه يدوه تدخلت هني : آكيد بتوآفق عليه وين بتلآقي مثل خآلد يوسف قآم وهو مبتسم : زين انا اترخص عيل يدوه : ناد لي علي اباه يقعد مع هالبنت عل وعسى الله يهديها من بعد مآتسمع كلآمه يوسف : آن شاء الله " وطلع " نزلت من تحت بسرعه ويوم شفت يدوه : يدوه وين مهره ؟ يدوه : بسم الله شتبينهآ ؟ : وينها سسسسرعه يدوه : شعرفنننني وين راحححت , آكيد ورآكن مصيبه طلعت بسرعه وانا متحجبه شفت ذياب يرمس بالفون طبيته ورحت ادور مهره , لقيتها ورى قاعده بروحهآ .. : شو تسوين هني ؟ مهره : ابا اكلم محمد : والله ناس فاضيه عطيني مفتاح سيارتج ضروري مهره : وين تبين تروحين تخبلتي ؟ مآتعرفين تسوقين قلت بعصبيه : بتوديني ولا اروح مع ذياب ؟ مهره : لآ فعلآ آنتي تخببلتتتتتي رحت عند ذياب واول ماشافني بند التلفون ! ذيآب : شفيج ؟ قلت له بترجي : ودني المستشفى ابا اروح عند موزة ذيآب رفع حياته : بعدين بيعصبون عليج لآنه محد ويانا .. : خل يولون ودني الله يخليك مهره ذالتني ذيآب : الهنوف آستهدي بالله : بتوديني ولآ اروح اسرق مفتاح حد واروح بروحي ذياب قال بجمود : تخبلتي صح ؟ : هي تخبلت ذيآب يودني من ايدي بعصبيه ووداني صوب سيارته : ركبي بوصلج ركبت وانا معصبه , وهو موصلني وهو معصب بعد على الخبال اللي رآكبني !! ذيآب قال بعصبيه : آنآ اشوف خبالج زايد هاليومين , بس اذا فكرتي آطبقين اللي فراسج مآتلومين الا نفسج : يصير خير ذيآب دق السكآن وقال بعصبيه وهو يسرع شوي : الهنوف : نعم ذيآب وصلهآ المستشفى ويحاول يكتم غيضه : نزلي : مآبتنزل وياي ذيآب : لآ مآبنزل كنت خيفانه انزل بروحي فقلت : ترى داخل فيه شباب وآيد كيف تباني انزل جي بنت بروحي وانا متبرجه ؟ ذيآب بند السيارة ونزل , نزلت انا وراه وصلني للغرفه وقبل لآ يروح : آنآ اسفه ! ذيآب خلآني ورآح , سبيت نفسي سب , انغضت من مآيد لمآ عرفت آنه خلآ موزة بروحهآ , صح انا ماعرف شو السبب اللي خلا موزة تسقط لكن مب حلوة حركه مآيد آن يخليهآ بروحهآ , والحين ذياب زعل علي ؟ جد تضآيجت , دخلت دآخل عند موزة لقيتها تصيح وميوده بطنهآ , عورني قلببببي وآيد ! دخلت عندهآ وقعدت اواسيهآ . . . . . . |
| الساعة الآن 07:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir