البآآرت { 78}





يا [ حزيّن ] .. قُوّم نَم ْ..
كَآفِيّ فُوقّ الهَم ْ
هَمْ ..!
كَآفِيّ نِقطّف مِنّ حَنيّن ..!
كَآفِيّ .. نّسّرِفّ
بِـ .. " الأنِيّنّ " ..!
وكُلّ مآفِيّنَآ سأمْ ..!
كَآفِيّ تَحرُثّ فِيّ خَيَآلِيّ ..
وكَآفِيّ نِبحَثّ ..
فـِ .. ( اللّيَآلِيّ ) ..
عَنّ دُوى يُشفِيّ ألّمْ ..!
خُذ تعَآلّ .. " التَعَبّ " ينّدَهلّك ..!!
تعَآلّ ..!
وإلآ سألّكّ ..
الصُبّح وآفِيّ ..!؟
قُولّ .. لآ ..!
وإلآ سألّكّ ..
اللّيَل جَآفِيّ ..!؟
قّل .. نعَمّ ..!
وعَلّم الدُنيآ مَرآسِيّم التعَبّ ..
وعَلّم العَآلّم وشَو [ أصّعَبّ صَعَبّ ] ..!!
إنتِكَآس الحُبّ كُله لـِ .. | العَدَمّ | ..!!
لمّلّم أشَوَآقِكّ وهَآتّ ..
وإلآ تِدريّ ..!
لـِ .. الجِهَآت ..
إنتِثّر كُلّك .. [ شَتَآتّ ] ..
ولّملمّ جرَآحِكّ ..


/\
\/
/\
\/
/\
\/



أمون : خليييهآ خليهآ .. والله أبرك عن ريلج هالدّعن .. طوول وعرض عنبووه بتآخذين بني آآآدم ولا شآحنه
شويخ : ههههههههههههههههههههههههههههههههههههه ( يآهآ فضول ونشت ويآهن تشوفه .. ) أمون حرآم عليج وين شآآحنه .. هذآآ تنكر شويه علييه
أمون تشققت وقفت فصفهآ : كفففففج كفففج
نورة نشت صوبهن
مهآ مسكتهآ من رقبتهآ : لو قلتي شرآ رمستهن بزنطج
نورة : ههههههههه وين تنكر .. هذآ السيآآرة الخنفس وآآيد عليييه .. ( بطنآزة ) صغيرووني
مهآ : إييييييييييييييييييييييييييييييييييه
شويخ + أمون + نورة : هههههههههههههههههههههههههههههههههههههه
/\
\/
/\
\/
صوب الشبآآب . . *
( عزوز .. أحمد .. حمدآن )* > ألي خآطب مهآ رووح عنهم *
عزوز : حمداان
حمدآن : لبييه
عزوز : لبييت فمنى .. ألا محمد مآيدقلك ؟
حمدآن : من يووميين مرمسنه كآنو ظآهرين من ألمآنيآآ وسآيرين لندن
آحمد : جييه بيستقرون هنااك خلاص ؟
عزوز : ما أظن .. جيه أخوآآنه و امه هنيه مآبيخلييهم
حمدآن : يبووك آآلحين الحرييم يروضن بدآل مآيترووضن .. جآن ما ادبته شمآ
آحمد : ههههههههه حلييلهآآ شمييم والله من زمآن عنهآآ
عزوز : عرست أفتكت منك
آحمد : منهو قآل ؟ توني قبل شوي مسكر عنها
حمدآن : صدق محشش و أونه ( يقلده ) من زمان عنها
آحمد : ههههههههههههه يقولكم محمد طآيح بحمآآه ( حمى )
عزوز : أفاا يآ بوجسييم أمره سلمهآآ
حمدآن : هههههههههههههههه
/\
\/
/\
\/
السآعه 9 الفليل > لندن . . *
شمآآ سآرت الشركة لانه يبونهآ فـ شغل . . *
دق فوونهآ ورفعته وهيه تسمع صوت كيتي
كيتي : هههههه محمد إييه لك زييح عني شوي .. و أناا بحبك لك تؤبرني ههههه
/
شمآ طآآح الفون من إيدهآ وهيه تسمعهآ تقول جذيه .. خذت شنطتهآآ وعقت فيه فوونهآ وهيه ظآآهره من الشركة
نآدر يرمسهآ : خلصتي شغلج ؟؟
شمآ مآآرمسته وفخآطرهآ " معقوووله محمد ؟؟ محمد وكيييتي ؟؟ لا يآآآربي لا تصدمني فهالــ 2 .. شمآ أهدي .. محمد يوم كآنت توصله شكوك عنج مآآصدق فيج .. حكم بعقل .. بس أناا سمعتها بأذنيييه تقوووله أحببك .. تحبببه ><" أنا أقوول ليش كيييتي هاليوووميين متغيره علييه .. أصلاً حتى لو تحبه تقدر تسوي ألي تبآه بدوون ما أدري .. لييش تبينلي حبهآ له .. ليييش تفضح عمرهآ " تنهدت وبصوت مسموووع : بذببببحج يآآكييييتي
نآدر سمعهآ : شو قلتي ؟
شمآآ تمت ساكته لين وصلو الفله .. نزلت من السيآآرة .
/
صوب كيتي ..
أول مآشآآفت شمآ يآآية .. ربعت تحت و أونهآ مستعييله .. شآفت محمد يشوف التيفي تحت .. سآرت صوبه
كيتي : محمد
محمد مآ لف صوبهآ : هلاا
كيتي قربت صوبه ووقفت جدآمه : بدي يآآك تسكرلي هالسلسآآل .. مش رآآضي يتسكر ( مدت إييدهآ لـ محمد عشآن يسكرلهآ السوآآرة )*
محمد تم مستغرب من حركتهآآ ..
كيتي وخت علييه عشآن تقرب إييدهآآ ( يعني محمد يآآلس ع الكرسي .. و كيتي وآقفه بس هآآويه عليه وبينهم مسآفة بسيطه )*
شمآ فجت البآآب .. جذبببت ألي سمعته اليوم الصبح من كيييتي .. وجذبت صوت ضحكآآت كييتي فالففوون وهيه تقول لـ محمد أحبببببك .. بس تجذب عيوونهآآ ؟؟ تجذب ألي تشووفه ؟؟ محمد يآلس وهيه هآآويه عليييه
محمد يوم شآف شمآآ نش : هآآ شمآ شو سويتي ؟؟
شمآ وهيه تشوف محمد .. وترد بعيونهآآ لـ كيتي
/
كيتي تبآ تبري عمرهآ بأي طريقة .. مع أنهآآ تدري بأنه شمآآ سمعتهآ اليوم .. بس تبآ تعق السآلفة كلهآ ع محمد .. سآرت صوب شمآ : هوآ كآن بيندهلي لحتى أعطيه دوآه و اعمله مسآج لـ رئبته ( رقبته )
شمآ تمت تشوفهآ 5 دقآآيق .. وردت بعيونهآ ع محمد
محمد عآقد حآيبه من هالكلااام : شمآ هيه ألي يآبت السلسـ...
شمآ قآطعته وهيه رآفعه إييدهآ .. سآرت صوب الكرسي وعقت شنطتهآ .. قربت صووبهم .. ( كآنو وآقفين عدآل بعض بس بينهم مسآآفة .. ) جدمت خطوآآتهآ جدآم كيييتي .. وطبعت فخدهآآ طرآآآآق .. طرآق طعنه فالظهر .. طرآق خيآآنه كيتي لـ شمآآ .. طرآق لوية ذرآآع شمآآ من كييييتي .. طرآآآق الثقة ألي جدمته شمآ لـ كيتي .. بس مآحآآفظت عليييه ولا صآآنته و لا قدرت من شمآآ
محمد أنصدم من شمآآ
كييتي سآآرت حجرتهآآ
شمآ عضت ع شفآآيفهآ .. حست بألم فـ كليتهآآ
محمد قرب صووبهآ وسندهآ عليه : شمآآ أنتي تعبآآنه .. لا تضيييقيين بعمرج على وحده مآتستآآآهل الثقة ألي عطيتييهآ أيااااهاا
/
صوب كيييتي ..
هآيدي : شوو عملتي يآآ كيييييتي .. شووو عملتي .؟
كيتي : هوآ ألي كآن عم يندهلي
هآيدي : هيدآ الحكي بتئوليه لـ شمآ مو لأئلي .. أناا كنت عم اطلع عليكي و انتي رآآيحة لـ عندووووه .. ليييه يآآكيييتي بدك أدمري حيآآتى للمخلووئة وهيآ مآآعملتلك شيء .؟ هيدي هديتك لئلى .؟ سلمتك السئة ( الثقة ) و أمنتك ع بيييتها وجووزآآ ( ريلهآ ) و انتي بتخوونيآ آآئدآم عيينآ ؟
كيتي صرخت فويهآ : ماااعملت شيـ...
هآيدي سكرت حلجهآ : أششششش .. فضحتييييييني يآآكييييتي .. حرئتي وجي ئدآمآآ .. أناا ألي أمدحك وبئلى رفيئتي وبتعمل.. و بينوسئ ( بينوثق ) بيهآ .. فضحتييييني يآ كيييتي .. بأي وج بدي أطلع عليىآ؟؟
كيتي عقت بعمرهآ ع الشبرية .. ومآينسمع ألا صوت شهقآتهآ : بعرف ألي عملتووو غلط واللهي بعررررف .. بس شو بدي أعمل ؟؟ كنت مزطره ( مضطرة )*
هآيدي سآرت صوبهآآ وتصفعهآ فظهرهآ : شو ألي بيخلييكي تزطري تخربي حيآآة مخلوئى مآآعملللتك شيء .. ولا ضرتك بحيآآتك كوليآآتى .. كآنت وآئفة بجنبك وبتسندك .. وعمرى مآرفزتلك طلللب. . لييييييه كيييتي بتعملي هييييك .. واللهي لو شفتي ألي شآفتو شمآ بحيآآتى مآآكونتي فكرتي بتخووني سئتآآ فييييكي
/
دخلت علييهن شمآ ومن عصبيتهآآ عيوونهآ مستوية حمممر ع الحدود : هآآآيدي خلييييهآآ ..
هآيدي بعدت عنهآآ
شمآ وعينهآ ع كييتي وبصوت مبحوح : مآآلج مكآآن عندي بعد اليوم .. سلمتج كل شيء بالسآآهل .. بييتي .. حتى حيآآتي الخآصة أمنتج عليييهآآ . . بس انتي رديتيهآ لي بالخيآآآنه .. ( جفت عنهن ) جهزي أغرآضج وخلي الدريول يوصلج وين مآتبين
هآيدي مسكت شمآ من إييدهآ : لئة يآآ شمآآ لا تعملي هيييك .. كبري ئلبك الله يخليييكي .. هيآ مآآ ئلى غيييري هووون
شمآ سحبت إيدهآ من إيد هآيدي بقووه : كبرررت قلللبي .. حطيييييتكم فأغلى مكآنة فقلللبي .. عزيييتكم .. حبيييتكم .. قلت بتعوضووني عن أم و أبووو .. بس أنتو ( صرخت بكل قوتهآآ صرخت عن نبرة خشتهآ فقلبهآآ سنييين عشآآن مآتجرح ألي حولهآآ ) طعنتوووني وين ما أناا مطعونه .. زدتوو ع جروووحي طعوووون بس عشآآن توصلوون لمطلبكم مني .. جهزيلهآ أغرآضهآآ ومع السلااامه ( ظهرت عنهم )
.
كيتي سآآرت لـ هآيدي وطآحت فحضنهآآ
هآيدي بنبرة حزن : شو ألي غيرك يآكيتي .؟ شو ألي جبرك لتعملي هيييك ؟
كيتي : ....
/\
\/
/\
\/
وصلوو بو حمد و حمد لـ بريطآنيآ وهم فمطآر مآنشستر ) .. سآرو لندن بالتحديد فندق سآآفووس .. حجزولهم جنآآح و ع طوول سآآرو يرييحون . )*
/
بعد نص سآآعة
كيتي ظهرت وهيه شآلة شنطتهآ وعدآلهآآ كيييتي . . *
شمآ كآنت يآلسه فالصآآلة .. بتفقد شخص من هالبيييت .. بس مآآبتصيحهآ مدآآم خآآنتهآآ عيني عينك . . *
هآيدي خلت كيتي وآقفه عند بدآية الصآلة وهيه قربت من شمآ : شمآ أسمعي من كيييتي و بعد مآتسمعي أعملي ألي بدك يآآآه
شمآ وقفت : مب ملزووومة أسمع كلمة من خوآآآآآآن
هآيدي : أنا بعرفك عآئلة ومآتتسرعي بئرآرآتك
شمآ : 3 أدلة شفتهآ فيوم وآآحد يآ هآآآآآيدي .. شو تبيني أتريآآ بعد ؟؟ لو كنتي مكآآني من أول مآتشووفينهآآ تسوي ألي سوته جآن مآتحملتي .. من أول ماييت لندن و أنا أقوولهآ ترآه محمد موجوود .. ستري عمرج .. عفي نفسج .. لا تطلعين شعرج .. بس طااااااااااااف ولاجني أرمسهاا .. ( تشوف كيييتي ) تدخل علييه الحجرة وتتفدآآآه .. فضحت عمرهآ و اتصلتلي وهيه تقووله أحبببك ( لفت لـ هآيدي وقربت منهآ وهيه تشآوح جدآم وييهآآ ) شوو تبين أكثر عن جذيييه .؟
هآيدي : أسمعـ...
شمآ قآطعتهآ : ما أبا أسمع شيء
هآيدي عصبت وصرخت : لاا بدك تسمعي .. ماعم دآآفع عنى لكن بدي يآآكي تعرفي ميين ألي عم يلعب من ورآآكي
شمآ تشوفهآ بعيون أستغرآآب : لا تحآوليين تشككيني فـ محمد
هآيدي تلف ويهآ يمين ويسآآر لانه شمآ مب فآهمة أي كلمة تقولهآ هآيدي .. تنهدت : أبن عمممممممممك
شمآ رصت ع عيوونهآ و إيييدييهآآ : شفييه ؟
هآيدي : لمن كنتي بـ آلمآآنيآآ .. أبن عمك أجآآ لهووون .. وكيتي ....
( نرد الأحدآث لورى )
الفليل
كيتي كآنت نآزلة تبآ ترمس الدريول أييبلهآ أغرآآض المطبخ ألي بتحتآآيهن لـ بآآجر .. ظهرت من البآآب ومآآحست ألا بإييد تسحبهآ و الإيد الثآآنية ع حلجهآ .. سحبوهآ لورى الفلة وهيه ترآقبهم بعيوونهآآ ومسكريين حلجهآ عسب ما أطلع صووت .. وقفووهآآ عند سيآآرة همر سوودآآ .. البآآب ألي ورى كآن مفتووح ووآحد يآآلس فييه .. حآط رييل ع الدعنة ورييل ع السيآآرة وهوه يآلس دآآخل .. شآفهم يآآيبين كيييتي رفع نظظرهآآ له و أبتسم بخبث ..
فيصل : هذي طآل عمرك ؟؟
حمد أبتسم : هيه هذي .. بعدوو أنتو شوي برمسهآآ
فيصل : بسـ...
حمد قآطعه : أنا آآمرك ما اطلب منك
بعد فييصل عنهم
حمد : أسمعيييني .. مآآبطوول عليييج .. بس عندي سآآلفة أبآآج تعرفينهآ .. ( و بعدم مبآآلااة ) سرت لبنآآن عند شقة أبووج ..و لقييت ولده ويآآه ( أشر عليهآ ) أخوووج .. خذتهم زيآآرة عندي كم يووم .. عآآد ما أدري كم بتستمر هالزيآآرة .. يوووم .. يووووميين .. 3 .. ألا مآآتكوون لهآ نهآية .. يآآ ( سآر ورآهآ ) يردوون شقتهم سآآلمين ولا ( وقف جدآآمهآ ومرر صبعه ع رقبته .. وسوى بصبوعة حركة تودييع ) يودعووووونج
كيتي بلعت ريجهآ .. طآحت ع ريوله : بدي أعمل ألي بدك يآآه .. مآآ رآآح أئصر معك .. بس دخيييييييلك .. يخليييلك أمك و أبووك مآتلمسوون
حمد أبتسم بخبث : أيوووه هي هآآي ألي أباااهاا ( مسكهآ من ذرآعهآ وقومهآ ) تسويين ألي أباااه
كيتي : ئلي و أنا رح أعمل
حمد : شمآ ومحمد شيء أكييد بييوون لندن عقب فترة .. سوآء يو عقب يووميين .. شهرييين .. سنتيين .. أبااااج تخووونيين شمآ ويآ رييلهآآ
كيتي تمت فآجه حلجهآ
حمد : مب تخوونيهآآ خيآنة ألي أنتي فآهمتنهآآ .. بس تتقربين من محمد .. وتستميلينه صوووبج .. و أهم ما فالسآآآلفة .. أباااااا السجيين ألي بتنغرس فظهرهآآ و الخيآآنة ألي بتنطبع فقلبهآآ .. تكووون من محمد مب منج .. أبا كل الأادله تووضح أنه محمد هوو ألي يخوون شمآآ ويآآآآآج مب أنتي ألي تخوونين شمآ ويآآه .. ( غمزلهآ ) فهمتيييني
كيتي فجت عيونهآ : كـ..ككـ.كيف بدك يآني اعمل هييك ؟ مآبئدر خونى
حمد جفى : كيييييييفج ..
كيتي مسكته : خلص خلص رح أعمل ألي بدك يآآه
حمد : ولا تسأليني كيييف .. أنتن حرييم وتعرفن كييف تخونن بعضكن . . * سلااام ( جفى عنهآ ) و إذآآ حد درى عن ألي صآآر .. ذحبج وذبح أهلللج بيكون بإيدييه )*
( نرد للوآقع )
هآيدي : وهيييدآ ألي صآآر كووليآآتوو
شمآ ما أستغربت من الكلااام .. تعودت ع طعون حمد .. ومن الأسآآس ملت من حركآآته .. قربت من كيتي تبآآ تشوفهآ : صدق هالكلااااام ؟
كيتي و الدموع فوييهآ : وحيآآآآتك يآ شمآ مآكزبت بكلمة وحده .. هوآ ألي هددني بأهلي و بيي ( أبوية ) و خيي( أخويه )
شمآ : قرآآري ألا هوووه مآآتغيير شيء
هآيدي وكيتي يتطآلعن
شمآ : أناا ما أستغربت من حمد .. لأني أدرييييبه وعآآرفه لـ شوو يخطط .. قرآآري مآبيتغيير لأني عرفت السآآلفة .. بس المشكلة أنج وثقتي فوآآآآآآآحد و عقيتي ثقتيه ودستي عليييهآآ .. وثقتي فيييه بأنه بيحمييييييج وبيحمي أهلللج .. مقآآبل تخوووونيني .. أهم شيء فالسآآلفة .. أنج رضيييتي تسمعيييينه ورضيتي تسوين ألي يرضييييه ويضرني .. وفالنهآآية خنتييييني .. مع السلاامه كيييتي .. مآعندي كلام غيير هذآآ .. ( لفت لـ هآآيدي ) ومب محتآآية أي حد يبررلي خطآآج يآ كيييتي .. الطعنه ألي هستهآآ فظهرييييه كآنت أقوى من أيي مبرر .. ( لفت لـ كيتي ) أقوى من أي عذر ..
كيتي شلت شنطتهآ وظهرت برآ الفلة . . *
هآيدي : أتركيني شمآ روح معى .. هيآ مآبتعرف حدآ هووون
شمآ تنهدت ولفت صوبهآ : أدري أنهآ مآآلهآآ غييرج .. وفظنج أناا بخلييهآآ تحووط فالشوآآرع ؟؟
هآيدي : شو رح تعملي ؟
شمآ مسكت إيد هآيدي وودتهآ صوب الدريشه : هذيج سيآرة جمآآنة .. بتسكن عند جمآآنة .. أدري أنه حمممد هألي مآيستحي هددهآ بأغلى 2 فحيآتهآ أبوهآ و أخوها لكن بعد ماكاانت سهله عليه أخلييهآآ اتم عندي .. *
هآيدي : بحبببببك وبحب طيييبة آآئلبك
محمد عرف السآآلفة كآملة بس مآآحب يدخل بييينهن .. لانه وآآثق فتصرف شمآ : إييييه هآيدي عن هالشذووذ .. خلي حرمتيه فحآآلهآآ
هآيدي : روووح نآآم و اتركنآآ حنآآ هوون
محمد سآر صوب شمآ وسحبهآ بإيدهآ : ما أعرف أرقد روووحي
هآيدي فآجة عيونهآآ .. وشمآآ شرآتهآآ
محمد سآآر وهوه سآحب شمآ ويآآه
شمآ : وين مسحبلني جذآآ تقول عنزز
محمد : ههههههههههه محشوومة . . *
شمآ أبتسمت من خآآطرهآآ .. أكثر شخص فآهمنهآآ محمد .. أكثر شخص وآثق فيهآآ محمد .. آآكثر شخص وآآثقة فييه ومتأكده لو عطته ظهرهآآ وسلمته أنوآع الطعووون .. بيحط ظهره بدآل ظهرهآ وبيطعن نفسه قبل لا يغرس أي جرح فيهآ .. محمد .. يمكن أأكثر شخص بتحبه ر=
/\
\/
/\
\/
الساعه 9 > الأماارات . . *
فالحآآر‘ة ..
( نورة .. شويخ .. غآيوه .. أمون ) كآآنن يتمشن فالحآآرة . . *
أمون : مآتحسووون بشيء ؟
غآيوه : يالله يآ أم الأحسآآس
أمون تعآيب عليهآ : أم الأحسآس
شويخ :بشو تبينا أنحس ؟؟
أمون بصوت مبحوح وفخآطرهآ " حتى مآفقدن وجودهآ " : مآحسييتن بشيء؟
نورة : نحن نآآقصييين
شويخ بعبط : ومحد كآآمل غير الله سبحآنه وتعآلى
نورة : و النعم بالله .. شمييييم
شويخ وغآيوه تمن يتطآلعن
أمون : أول مآآتعرفنآ ع شوييخ وغآآيووه كآنت شمييم هيه ألي جمعتنآ فالحارة و أقترحت نمشي ربآآعه ..
نورة : كل وحده قآآمت تووصف الثآآنية وتقول رآآيهآ فيهآآ
أمون : كنت توأم رووحهآ
نورة : كنت أختهآ وكل شيء فحيآتهآآ
أمون : أحبببهااا .. بس مقصرين فحق بعض من أول مآطلعت من عآيلتنآ
نورة : مآآتغيير شيء .. شمييم أختييه و أعز .. سوآلفنآ دومهآ عند بعض .. عمرنآ مآقطعنآآ بعض ..طلعتني من مشآآكل .. و أسعفتني فموآقف غيرت مجرى حيآتي
غآيوه تسوي التلحيين بصبوعهآ : وتررن تررن .. يالله ع الذكريآآت
شويخ : ههههههههههههههه .. خليهن يكملن ..خربتي علينآ الجوو
أمون مسكت إيد نورة : مآآلت عليييكن حتى ولا وحده تكلفت ترمس عنهآ ولا تذكرهآ .. قطعتن عليينآآ
غآيوه بأستهبآل : وترررن
أمون فصخت نعآلهآ (عزكم الله ) : والله بالنعآآآل هذآآ
خطفت سيآآرة و أنفجت الجآآمة : فدييييييت المعصبييين والله
أمون صدق أغتآضت : بتذللف أنته من هنييييه ولا بالنعآآل ع خدوودك هذيلا تقول تيربوو
شويخ : ههههههههههههههههههههههههههه
....1 : علني فدى هالضحكة بس ( خطفت السيآآرة )
نورة تعآيب ع شويخ : ههههههههههه .. مآتعرفيين تلميين حلللللجج .. هم يبوونهآ عآآد حد يضحكلهم و أنتي فآآجة لغبج تكركرييييين
أمون : دوآآني اخبر عليهآ حمدآآآآآن
.. ردت السيآآرة وخطفت عدآآلهن
نورة رآصه ع ضروسهآ : كللله منج شوييييخ
شويخ : أففففف حشى ما أستوت ألا ضحكة
نورة والعصبيه بآينه من عيونهآ وهيه ترمس شويخ : هذيلا المرغده محد يعطييهم مجآآل ويضحك جدآآمهم
غآيوه غمزتلهآ : ليش مجرررربه
نورة سكتت عنهن
تمت السيآآرة تسيير وترد علييهن
نورة وهيه تمشي وهن ورآآهآآ : أمشن ولا تررمسن ولا ترآآدنهم ..( تمن يمشن )
...2 : يالله 1 .. 2 .. 1 ..2 حلاتكن و أنتن ملتزمآآت وفسيد وآآحد تقول فـ عسكرية
....... : لو هالعسكريييية دآآهجتنك ومظهره العرق من جبيينك ومعلمتنك المريييلة و أصووولهآآ جآن مآآ تبعت خطى الحرييييم وثرآآهن
السيآآرة لفت صووب الصوووت .. ومآشآفو غيير دخآنهآآ
أمون بصوت همس : وفدييييييييت المنقذ
نورة :خفي علييينآآ
آحمد : يلاااااا أنتن هبطن البيييييت
غآيوه : شحآلك أحمد ؟
آحمد أبتسم : بخيير أنتي شحآآلج ؟
أمون ذآبت من أبتسآمته خص مبدل التقوييم من الذهبي وحآط أسوود .. بس مسرع ما تجمدت يوم سألهآ عن حآآلهآ
غآيوه : تماااام
أحمد : يلاا ردن بيووتكن ( يرمس أمون ) أنتي ردي ويآ حرمة أخوج و أنا بوصل غآيوه
أمون تخصرت : ياااا سلااااام .. وهيه ما أدله الطرييج عشآن توصلهآ
آحمد نآقع ضحك عليهآ بس مآآيبآ يضحك جدآمهآ : تشووفينهم هالمرغده مآزريين الشوآرع وين أخلييهآ تسيير روحهآ ؟
غآيوه أطلع لسآنهآ لـ أمون
أمون : وقصصص يقصص هاللسآن لج
نورة تصآصر أحمد : والله يا أحمدوووه عليييك حركاات هههههههههه
شويخ تسحب أمون : يالله أموون خلينآ نرد
أمون بعناد وهيه تحرك حوآجبهآ : أناا وشوييخ بنوصل غآآيووه وعقب بنروح .. أنته سر ويآ نووورة
غآيوه :انزين أنتن رووحن .. شعنه قآبضه رآسج بلا وييييع
أمون : جب
غآيوه : والله أروح روحي ولا اخلييج توصليني
أمون تأشر ع بيت غآنم : عيييل مع السلااامه .. يلا رووحي
غآيوه تجدمت
آحمد وقف جدآم غآيوه : لا مآبترووح رووحهآآ .. هيه ظآهره ويآآكن وترد تتمخطر روحهآ نص اللييل فالشآآرع ( لف لـ شويخ ) يلا رووحن
....... : شوو مسووووبهن يآ ريآآل مخشعنهن ؟؟
كلهم لفو للصوت
آحمد : عزوز ؟ متى ييت ؟
عزوز : شفتكم هنييه .. وقفت سيآآرتيه جدآم بآب بيتكم وييت مشي
آحمد لقى فرصه يقهر فيهآ أمون : نورة تسير ويآ ريلهآ و أمون وشيخه ربآعه .. و انا بوصل غآآيووووه
أمون : أفففففففففففففففففففففففففففف ( تجدمت عنهم )
نورة : أموووووون ويآ هالمقفى لج يالخآآيسه .. ردي يلااااا
أمون طآف ولا عليهآآ
آحمد سآر صوبهآ .. مسك إيدهآ ولفهآ
أمون خوزت إيدهآ عنه : سررر وصلللهآ وفكني من صدعتك
آحمد : ترخصيييبي لـ غييرج ؟
أمون : أنته تبآآآآهآآ
آحمد تنهد و أبتسم : ومآسكن ( أشر ع قلبه ) هالقلب غيييرج .. بس مب من بآآب معزتنآ لـ يدهآ و ألي عآدينه عمنآآ و أبوونآآ .. نخلييهآآ تحآآيل فالشوآرع رووحهآآ
أمون بأصرآر : عيل أنا وشوييخ بنسير ويآآكم وبنوصلهآ وعقب بنروح
آحمد : ههههههههههههه اوووكي ( وهوه يزآقر عليهم ) يلا بنآآت سلوم خلنآ نروح
سآرن شويخ وغآيوه صووبهم . . > بيوصلون غآيوه قبل وخلاف أمون وشويخ وبيسير آآحمد عند ربعه فالخييمة . . *
/
عزوز : يلا نوورة نرووح ؟
نورة : لا خلناا نمشي
عزوز : والخييييبه لين بيتنا ؟
نورة : لااا بنمشي وعقب بنرد البييت
عزوز وهم يمشون : انزيين . .اممممم يلا رمسي
نورة : عزوووز مليينا خلناا نساافر
عزوز : عشآن ألي فبطنج يدقة الهواء ويتم يترقص لين تربين
نورة طالعته باستغرآب : شدخل ؟
عزوز : الطياارة تخض الجبد
نورة : الجبد مب البيبي
عزوز :الجبد و الكروووش .. والبيبي ويين .. فكرشتج
نورة : عزوووز لا تتسييخف
عزوز : نوآآآآآري
نورة : هلاا
عزوز : قووليلي كلمة من قلبج
نورة : مثل ؟
عزوز : شوو مثل بعد هذي .. يعني أناا شدرآني شو الكلاام ألي فقلبج ..
نورة : أ .. أطفربي تعليقآآتك وحركآآتك وخص يوم تتسييخف .. ح .. حلووه .. كشخه كلمات سمعتهآآ منك بس ما اوآآحي أفرح بهن ألا علقت .. وجلبتني من ملكة جمآل فعيوونك .. لبقرة جدآم ثوور .. ب .. بآآرد .. ومآتهتم .. هذي صفآآتك يوم تقهر بالوآآحد ، يعني تعرف تتصرف لو كآن جدآآمك شخص ودك تقهره .. ك .. كلمة وحده ظآآهرة من كل قلبي ..
عزوز :شووووهي ؟
نورة : مَ أغبآآك .. خذ أول حرف من كل وصف
عزوز يستهبل : شو انزين
نورة غمضت عيونهآ و أبتسمت : أحبك
عزوز بطنآزة : لا بعد لو تسكتيين أحسن .. يآلسه تصآآصريين عمرج
نورة صدق عصبت .. تقوله أحبك وهوه يتطنز : أففففففففففففف
عزوز : انزين مآسمعت الكلمة قوولي
نورة لفت ويهآ الصوب الثاني : ما أباااااا .. خلاص عذرنآآ
عزوز : لا والله تقوولين ( سآر جدآمهآ وجآبلهآ )
نورة ملت وطفرة : أحببببك أحببببك أحببببك
عزوز يشوفهآ بمكر : ولييش تقولينآآ بالنبره هذي جنج كآرهه الكلمة ولا ظآهره بالغصب جنه حد غآصبنج تقولينهآ
نورة : لأنك أنته تطفر بالوآآآآآآآآآآحد .. أقوولك أحبك و أهآآمس و اتغزل و أنته يآلسلي ( تعآيب عليه ) لو تسكتيين أحسلج ( ردت نبرة صوتهآ ) عزووز والله مرآآت تييني صيييحه من أسلوووبك .. لا اتم تعلق وآآيد
عزوز يشوفهآ
نورة دمعت عينهآ : والله ما أحب هالأسلوووب .. دخيييلك عزوووز خف شوي .. أطفربي .. والله من القهر خآآطرييه أبااغم
عزوز : أمباااااااع ( حرك حآآيبه )
نورة بين دمعتهآ ضحكت ع شكله : هييه قم رقص حوآآيبك
عزوز + نورة : هههههههههههههههههههههههههههه
عزوز : عسى الله لا يحرمني منج
نورة مسكت إيده : ولا منننك .. ويآآ علني أصبح بآآجر و أشووفك معدل لسآنك ومودر التعلييقآآت
عزوز : لا أن شاء الله .. أناا رآس مآآلي لسآني وتعليقآآتي .. تبينهن يزوولن عني عشآن تطلع روووحي
نورة :بسم الله عليك ويآ هالويه لا أتم تفآآول
عزوز : انزين قوليلي .. صورتي كرشتج ؟
نورة تعرف شو قآلتلهآآ الدكتورة بس تبآ تخليهآ مفآجئة : خلنآ نرووووح أحس الجو برد
عزوز : يآآآآربي يآ مكر الحرييييم .. فالصييف نحن وتقولين برد
نورة :انزيين خلنآ نرووح .. نحآآيل فالشآآرع تقوول بوم
عزوز : جآن أنتي بومة يستوي أنا حشى عليه
نورة : ههههههههههههههههههههه
سآآرو بيت بو آآحمد .. نورة سآرت تلبس عبآآتهآآ .. وسلمو ع أم آحمد و اليده هيه وعزوز .. ركبو سيآآرة عزوز وروحو بيتهم . . *
/\
\/
/\
\/
بيت بو حمدآن . . *
حجرة أمون . . *
كآآنت ترمس شمآ ع المسن بس مآآترد عليهآ .> شمييم حآطة بالخآرج ودآخله من البيبي
أمون : عآد قلنآ عرست بس مب تخق .. جآآن ما أسيير أعرس و أتخقق عليهم .. أوني عندي ريل ههههههههههههههههههه شوفيني مستخفه هاليوميين .. شو بعد هذي أوني عندي ريل هههههههه ( فتحت السده وخذت القلم ألي عآطنهآ أيااه آآحمد يوم الأامتحآآنآآت ) أحببببك يالحمآآآر والله أحبببك .. هآي غآآيوه تقهر ويآ شيفتهآ ( تعآيب عليهآ ) شحآلك أحمد .؟ ( ردت نبرة صوتهآ العآديه ) فقت هالشيفة لج ولا لا يوم تقول ( تعآيب عليهآ ) شعنه قآبضه رآسج بلا ويع ( ردت نبرة صوتهآ العاديه ) كييييفي كيييييفي أقبض رآسي ولا أكسره شدخلج أفففف تقهر .. هئئئئئئ ليكوون أحمدوووه يحبهآ .؟ والله يويييله .. إذآآ خذني بطلقه . عيل الهرم يحبهآآ .. هههههههههه ع أسآآس بيآآخذني .. شو أطلقه .. لالا صدق أني متنحه .. ( ردت لـ لابهآآ ترمس ربيعتهآ عوآش )*
/
قسم حمدآن . . *
كآآنو منسدحين ع الشبرية
حمدآن : شويييخ
شويخ : هممم
حمدآن : رقدتي .؟
شويخ : ههه صدق أنك محشش .. شو هالسؤآل لو رقدت جآن مآردييت عليك أونـ...
حمدآن قآطعهآ يوم حط إيده ع حلجهآ : أشششششش صدق أنج حرمة .. أونه عآآيشيين جو رومنسي ومبندين الليييت ونشووف فوق .. أونه نجوووم وأنتي تصرخين .. قولي مآرقدت وخلااص
شويخ ترمس بس مب مفهوم
حمدآن : شو تقوولين .؟
شويخ أشرت ع إيده
حمدآن بعد إيده عنهآ
شويخ : يعني بخصووصك سكت وما أتكلمت وبعدك حآط إيدك ع حلجي
حمدآن : شوييخ
شويخ : مآآرقدت
حمدآن : هههه .. لا بقولج سآلفة
شويخ : قول
حمدآن : متى بيزييد النسل


كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآت


/\
\/
/\
\/
/\
\/

البآآرت { 79}



فجآأإھہْ بدۆنَ آﺳبآبَ
كنھہٌ ﺣللمٌ *
قآل آﻟۆداعَ ۆضآقَ بيَ
آﻟمكاأإنَ
ﺟسميَ نحَل ۆآﻟجلدَ
ﻟﻟعَظمٌ ﻟممَ
ۆآﻟمووتَ قہْڕببَ
ۆآﻟﻟهَ آﻟمَستعآنٌ

/\
\/
/\
\/
/\
\/



حمدآن : شويييخ
شويخ : هممم
حمدآن : رقدتي .؟
شويخ : ههه صدق أنك محشش .. شو هالسؤآل لو رقدت جآن مآردييت عليك أونـ...
حمدآن قآطعهآ يوم حط إيده ع حلجهآ : أشششششش صدق أنج حرمة .. أونه عآآيشيين جو رومنسي ومبندين الليييت ونشووف فوق .. أونه نجوووم وأنتي تصرخين .. قولي مآرقدت وخلااص
شويخ ترمس بس مب مفهوم
حمدآن : شو تقوولين .؟
شويخ أشرت ع إيده
حمدآن بعد إيده عنهآ
شويخ : يعني بخصووصك سكت وما أتكلمت وبعدك حآط إيدك ع حلجي
حمدآن : شوييخ
شويخ : مآآرقدت
حمدآن : هههه .. لا بقولج سآلفة
شويخ : قول
حمدآن : متى بيزييد النسل
شويخ لفت صوبه وهيه مستغربه
حمدآن : يعني لاازم نسوي أنتآآج حق العآآيلة مآآيصيير جذيه كل يوم نفس الموآل لازم أنطوور شوي
شويخ : شو نزيد الانتآآج .. بقر نحن ؟
حمدآن : و أنا ثوورج ( حوط إيده عليهآ )
شويخ نقعت ضحك عليهآ : هههههههههههههههههههههههههههههههههه
حمدآن : هههه شيآآج
شويخ مب طآيعه تسكت : ههههههههههههههههههههههههههههههههههه
حمدآن حط إيده ع حلجهآ
شويخ تكمل ضحك وخيست إيده تفآل
حمدآن بعد إيده ومسحبهآ ع بجآمتهآ : أعععععععععع الله يطفسج يالطفسه
شويخ : هههههههههههههههههه أونه و اناا ثووورج .. شو هالاهأأنة
حمدآن : يعني ضحكتي ع ثوورج .. ومآضحكتي ع البقر ( ركز عيونه عليهآ ) يالبقرة الضآآحكة ( طلع لسآنة )
شويخ صخت
حمدآن : هيه مآآعيبج
شويخ : بس بس
حمدآن : انزيين خلينآ نكمل سآلفتنآآ
شويخ : شوو تبآ .؟
حمدآن : يالبقررره .. مدآآم أنج بقرة و أناا ثوووور .. شو نييب .. خلينآ ننتج جبنه
شويخ : ههههه البقرة عآآدي تسوي جبنه رووحهآ بدون الثوور .. عآآآآشت البقره نصيير المرأة .. مب بعآزتكم يعني
حمدآن رفع حآيبه : انزيين بنييب عيييله .. فكيييني شوييخ أبا أستوي أبوو
شويخ : انزين
حمدآن ضربهآ ع جتفهآ : أباا ياااااااااهل
شويخ : سر انزين هآتلك يآآهل
حمدآن : و انتي شو خآنتج
شويخ : وآآبووويه حمدآن شفييك .؟ جيه شو مكينه .. أونه أبا عيآآل .. شو أسوي مب بيدي شيء ..
حمدآن : خلاص آسف انزيين
شويخ أبتسمت : ألي كآتبنه ربك بيصيير
حمدآن أبتسم : والنعم بالله
/\
\/
/\
\/
السآعه 2 الفليل > بتوقيت لندن
شقة جمآنـ‘ه ..
جمآنة كآنت رآقده لأنه عندهآ دوآم بالبآآجر . . *
كيتي يآلسه فالصآلة ترمس خليفة : شووو بدي أعمل يعني .؟ خلص تفركش كل شيء
خليفة : لا مب على كيفج يآآ كييييتي .. حمد عطى كلمة .. وقآل تخربين بينهم يعني تخربين بينهم
كيتي : و اناا شو طآلع بإيدي .. خلص يآ أخ خليفة أتركوني بحآآلي أناا عملت كل ألي ئدرت علييه و خيبت ظن شمآ فييه .. شو بدكم مني كمآآن
خليفة :اووكي بنخليج فحآآلج .. بس لا تحلمين تشوفين أبوج و أخوووج
كيتي : هيآ عرفت كل شيء .. وطردتني برآ الفلة .. وكماان عرفت أنوه ... ( سكتت )
خليفة : أنه شوو .؟
كيتي : ....................
خليفة صرخ : قووووووووووووولي
كيتي : انوه حمد أبن عمى هوآ ألي أسآآس المشكلة
خليفة : كيييييتي نآويه تحفريين قبرج بإيدييج شووووو .؟؟
كيتي بلعت ريجهآ : هيآ جبرتني أحكي
خليفة تنهد
كيتي : وئآآلت أنى كآنت من أول بتعرف بأبن عمى و خططوه .. وما تعجبت من ألي سمعته مني .. بمأ أنكووون أنتوو كآآشفيين خططكون لئلى أناا مآءلي علاائة
خليفة سكر الخط فوييهآ
كيتي فرت الفون ع الكرسي : دمممممرت حيآآآتي كرمآآلهوون وكمآآن بدوون يآآني رووح و شكك شمآآ فيييني .. لو مآني محتآآجة والله مآكآآن زلييت حآآلي و زلييت نفسي كرمآآل أي حدى . . *
/\
\/
/\
\/
الساعه 8 الصبح . . *
لندن . . *
شمآ ومحمد كآنو يتريقوون . . *
هآيدي وهيه ظآهره من حجرتهآ : آآه يآ سلاام صبآآحي كنآآري بيطلعو في بعض
شمآ فخآطرهآ " هاايدي و نادر ما أيوزون مايحطوني فالموآقف هذي "
محمد :يالله يآ هآآيدي كنآآري .. أناا صقر مب كنآري
هآيدي : صقر .؟ إييه الصقر دآ ؟
محمد : طيير
هآيدي : آآه مآهيآ وحده رييش و بتطيير .. خلص ولا تزعل أنته صئر وهيآ صئرة
شمآ : ههههههههههههه أستغفرالله .. شو صقرة بعد
هايدي ترمس شمآ : عم شوفآ حلتلك العئده في البيت ؟
شمآ : ههههههههههه لا بس اليوم مآبدآآوم
محمد لف صووبهآآ .. وهآيدي نفس الحااله
شمآ : شفيييكم .؟!
محمد : غريبه شمييم ماتبا تدااوم .؟
شمآ : بنسيير الهايد بآآرك
هآيدي : نيآآلك .. أنا نفسي رحلى كمان بس هيدي جولييت يبعتلى حمى ودآء السل شو بتكره الوآآحد بشغلوووه
محمد : ههههههههههه شو سوتبج بعد ؟
هآيدي : آآل شوووو .. بدى تعمل أجتمآآع .. أجتمعووو بجنآزتى أن شاء الله
محمد + شمآ : هههههههههههههههههههههههههههههه
محمد : شو أجتماعه بعد .. كلهآ ع بعضهآآ ورده ولصقتنهآ فقطعه و أنتهت السآلفة
هآيدي تشوفه بأستغرآب : ورررده ( سوت مآلت لـ شمآ ) الله يعييييينك .. آل ورده آآل
شمآ تشوفهآ بأستغرآب :ليييش طآآيح من عيييينج
هآيدي : لحتى هوآ فووق عيييني .. ليطيييح
محمد : توكلي هآآيدي مستويه مآذآآه
هآيدي : مآآفهمت
شمآ : أحسلج ههههههه . . لحقي ع جوولييت لا تدفنج وتسوي الأجتمااع ع قبرج
هآيدي : مآآفشرت عينى هي المفعووصه تدفني .. الله يآآخدى ( ظهرت عنهم )
محمد : حششششى مصبحه ع دعآآآوي
شمآ : هههه يلا قم خلنآ نسيير
محمد فخآطره " غريييبة شمآ وآآيد متغييره " : ويين ؟
شمآ : الحديقة
محمد : هب تقووولين الهآيد بآآرك .. من أول مآندخل وهالطويرآآت ألا يكآآكن
شمآ : يكآآكن ههههههههههه .. صدقهآ هآآيدي الله يعييني ع حظي
محمد : يآآبختج ألا
شمآ : هههههههههههه
/
بعد ربع سآآعة ظهرو من الفلة . . *
شمآ : محمد خلنآ نمشي مآنبآآ نسير بسيآآرة
محمد : خييييبه بعيييييد
شمآ : انزيين عاادي
محمد :لالا بتتعبيين عقب وبطيحيين علييه
شمآ طآلعته بأستغرآآب
محمد : بنخلييه يوصلنا لين الكوفي القرييب منهآ وخلاف بنمشي
شمآ : يلا رآضيه المهم نمشي . . *
/ وصلوو عند الكووفي ..
محمد : بسيير أطلب نسكآفيه .. أطلبلج ويآآيه .؟
شمآ : هييه .. أناا بتريآآك هنييه
محمد : اوكي > هبط يطلب
شمآ تحس سيآآرة تسيير وترد .. بس مآسوتلهآآ سآآلفة .. كآنت تشوف محمد وهوه يآآي
محمد : يلا نسيير ( عطاها كوبهآ )
كملوو طرييجهم وهم يمشوون
شمآ كآن فونهآ يدق : لحظة محمد ( بعدت عن محمد ألي كآن وآقف ع طرف الشآآرع وهيه تجدمت خطووتيين .. مآتسمع ألا صرررخه من ورآآهآآ
محمد :شماااااااااااااااااااااااااااااااااا
شمآ لفت صووبه وهيه تشوف عيوونه ع السيآآرة السوودآ ألي كل مآآلهآ وتقرب منهاا
محمد سآآر صووبهآآ ودزهآآ مآوآحى يأخر عن الطرييج ألا السيآآرة شآآحفة نص جسمه .. ( يعني دعمته ) ومن قو سرعة السيآآرة محمد نطر من نص الشآآرع للرصييف الثآني ( مب ألي كانو وآقفيين عليه )
شمآ وهيه تشووف الموقف .. كييف محمد يى ودزهآ .. كيف نقذهآ من الحآآدث ومآكلف نفسه يبعد .. ليييش السيآآرة كآنت تبآ تدعم شمآآ بالذآآآآآت ؟( جدمت خطوآتهآآ لمحمد ألي كآآن ينتفض يلست عدآله وحطت رآآسه ع ريولهآ .. وهيه تضرب خده ) محمد تسمعني .؟ دخيييييلك محمد لا تغمض عيووونك ( تشوف نآدر وصرخت عليييه ) الأسعاااااااااف بسسسرررررعه ( ردت عيونهآ لـ محمد ) لييش سوييييت جذيييه محمد ليييييش .؟ ( عيوونهآآ أستون حمر .. وتقآم دموعهآ عن تنزل )
محمد من صوب شفآآيفه كله دم .. قرب إييده من خد شمآ .. ويتنفس بصعوبه : وآ..وعدت نـ.ف ..نفسي أح‘ـ..مييج ممن كل شـ..ششيء
شمآ صرخت : نآآآآآآآآد...( بس ألي وقف صرختهآ الريآل ألي وقف جدآآمهم )
الريآل حط إيده بجييبه .. سحب المسدس وهوه يقربه من محمد
شمآ نشت ودزته : ماااااابخلييييكم تآخذوووووونه منننني ..
الريآل لف للدرآآجة ألي كآن رآكبنهآآ .. وصرخ عليه مره وحده : نآآآآآآآآآآآآر
ألي فالدرآجة فرغ رصآآصتيين صوب محمد .. الأاولى يت عدآآله بس الثآآنيه فـ ريييله
شمآ حطت إيدهآ ع شفآآيفهآ وربعت لـ محمد
محمد وهوه يزآآوع دم .. 5 ثوآني و أرتخن عيوووونه
شمآ صرخت بكل قوووتهآ .. صرخت تستنجد بحد : محمممممممممممممممد لااااااااااااااااااا .. ( وهيه تهزه ) لا تخليييييييييني محممممممد .. بعطييييك روحي لا تخليييني ( وهيه تشوف ألي حووولهآ ) تعاااالووو خذووووني أناا دعموووووني ذبحوووني .. ( حطت رآسهآ ع صدر محمد )
يت الأسعآآف وشلوو محمد
شمآ وقفت وكل الدم فملااااابسهآ .. تصييح بحرقة قلب وصووت مبحوووح ..
/
نآآدر يشووف الشيء ألي مآصدقته عييينه .. يشووف هالموقف ألي رييله مآقدرت تقرب صووبهم وتسآآعدهم .. وفجأة سمع صووت من ورآآه
...... : كللله منيي أناااااا
نآدر سآر صوبه وهوه يدقق فشكله : عآآآآآمر .؟
عآمر ودموعه سكآيب : كلللللله منييي أناا يآآآنآآآآدر .. كنت أدري أنه ودهم ينهووون حيآة محمد .. محمممد ألي عمره مآآضرني .. محمد ألي مآآشفت الشييينه تظهر منه
نآدر : منهوو هم .؟
عآمر : بـ..بو حمد و..وولده
شمآ وقفت جدآم نآدر وهيه منهآآرة من الصدمه : لييييييييييش يآآنآآآآدر مآوقفت فوويوهم .. لييييش خليييت محمممد يوووقف جدآآآآمي .. ليييييش مآآخلييييتوو السيآآآآرة تدعمني أناااااا .. ليييييييش نآآآآآدر مآآوقفتهم عن لايضربووونه بمسدس ليييش
عآمر وهوه يآلس ع الدعنه بأنهيآآآر : عمممممممممج ووولده هم ألي يبوون يينهون حيآآته .. هم ألي مخططيين ع جذيييييه .. أناا ييت من الامارات عشاان أخبرررركم بس .. بسس طآف وقته ( وصووت شهقته هيه سيد الموقف ) مآآآلحقت ع الريآل ألي عمره مآضرني فيوووم .. مآآلحقت ع محمد يآآ شمآآ
شمآ فجت عيوونهآآ أللي مستوية حممر من حبستهآ لدموعهآ .. سآرت صووبه وهيه تهززززه : ليييييش يبوووون يآآخذووووون مححمد مني .. ليييش مآآخبرتني يا عااامر. . حرآآآآآآم علييييييكم .. والله حرآآآآآآم
نآدر ودمعته فعينه .. سحب شمآ وسآر وللمستشفى . . *
/
بع‘ــد نص سآآعة فالمستشفى
( نآدر دق لـ هآآيدي عشآن اتم عند شمآآ . . *)
الدكتور طلع : Where Shama ?? ( وين شمآ .؟ )
شمآ قربت صوبه : Me ( أناا )
الدكتور مشى وهيه تمشي ورآآه ..
شمآآ دخلت وشآفت محمد .. غمضت عيوونهآ ورفعت رآآسهآ لفوووق ..
محمد كآن جسمه كله وآآيرآآت و الفرآش كله دم .. الكدمآت وآآضحه فويه
شمآ قربت صووبه .. يلست ع ركبهآآ وهيه مآسكه إييده
محمد يفج عيونه بالغصب .. بعد الأكسجين عنه : شـ..ششماا
شمآ ردت الأكسجين مكآنه : محمد لا تتكلم ..
محمد بأصرآر بعد الأاكسجين : لاـ..لااتصـ..لاتصيحين .. أد.أددري غثـ..ثييتج
شمآ : محمد لا تقوول هالكلاااام .. أن شاء الله مافييك ألا العآآفيه ( وهيه تشوف عيون محمد ألي تسكر وتفتح .. حطت رآسهآ فحضنه ولأول مره تدمع عينهآ جدآم شخص غير أمون ونوورة .. لاول مره تسمح لدمعتهآآ تنزل ) محمممد لا تخليييييني .. محمممد أناا أباااك .. متحآآيتنك .. مآآآآآلي غييييرك فالدنيآآ ( وهيه تهز رآسهآ ودآفنتنه فصدر محمد ) لا تخليييييني
محمد قرب إييده وحطهآ ع ظهرهآآ : أمـ..أماايه و أخـ..أخوآني أمآنتج ..أعتبري.ـ..أعتبريهم أهلج .. شـ..ششوآآقي لا تخلينهآ تتــ..يتم صيريلهآ انتي الأبو
شمآ وتصييح بصووت عآآآلي : محممممد لاتكسرني بفرآآآآآقك .. مآآآلي غيييرك .. ما أبااا شيء من الدنيآآ .. بس دخييييلك محمد لا تخليييييييني
محمد رفع رآسهآ ومسح دمعتهآ : لا يكــ...ـــسروونج .. أبااج ش..شمآ .. القــ..ويه ألي همــ...همها شغلهآ .. وطموحـ...ها
شمآ وقفت وهيه مغطيه ويهآ بإيدييهآ وتصيح بصوت مبحوووح : محممد أنته تكسرني بـهالكلاااااام ( شهقت بصوت عآآلي ) ماا أباا شغل .. ولا طموووح ( عقت بعمرهآآ ع محمد ) أبااااااااك أنته وبببس .. لا تخلييييني .. مب عشآآني .. عشآن أخوآآآنك و أممممك
محمد أرختن عيوونه : أشـ...شهد أن لا إلـه إلا الله .. و أن محمد رسول الله
طووووووووووط طوووووووووط طوووووووووووط > جهآآز القلب
يى الدكتوور وويآه السسترآآت
/
شمآ تصرخ :لااااا تخلييييييني محمممد .. ( لفت للدكتور ) خذ رووووووحي ورد محممممد .. لااا تآآخذوون محممممد من أمه
الدكتور : Out of the room .. Out ( برآآ الغرفة .. برآآآآ )
السسترآآت طلعنهآ برآ
/
شمآ أدق بآآب الغرفة بقووو : مببب ع كييييييفكم تآآخذوون محمد مني ( لف لـ نآدر وهآآيدي ألي يشوفوونهآآ .. قربت من هآآيدي وهيه تصيح ) محمممد مآآفيه شيء صح ؟
هآيدي : طووولي بآلك يآ شمآآ .. كل وآآحد فينآ و ألووه يووووومه
شمآ تهز راسها بلا وهيه تصرخ : محممممد مآفييييه شيء ( بعدت عن هآآيدي .. سآرت صوب طآولة كآن فيهآ قلامه وكلينكس .. شآوحت بإيدهآآ وطرحتهن وبصووت هز أركآآن المستشفى كله.. وبصوت كله شهقآآت ) والله والله إذآآ صآآر لـ محمد شيء ( شهقت بقوو و نظرتهآ كآآنت بإجرآم ) بذبببببببببببحهم كلللللهم .. ( دقت بإيدهآ ع الإيدآآر بقوووه ) بذبببحك يآ حمممد أنته وابوووووووك .. والله لو صآآآآآآرله شيء بيكووون آآخر يوووم فحيآآتهم ( طآآحت ع الدعنه وهيه تصييح )
هآيدي كآنت بتسيير صووبهآ بس ..
نآدر مسكهآ ووقفهآ : خلييهآ يآهآيدي تصييح .. وترييح ألي فقلبهآ من سنيييين .. خلييهآ تظهر ألي فخآآطرهآ بدآل ما اتم كآآبته
هآيدي وهيه تشووفهآآ تنهآآر من الصيآآح .. بس كلام نآدر صح .. يمكن مآتي فرصه مثل هذي تخلي شمآ تظهر ألي فخآطرهآ ..
/
بعد ربع سآآعة ظهر الدكتوور وهوه يهز رآسه بـ لا
شمآ قربت صوبه وتهز رآسهآ بمعنى شو أستوى
الدكتور : I could not do anything ( مااقدرت أسويله شيء )
شمآ دزته وبعصبيه : قلتلكم مآآبتآخذوووونه مني
هآيدي سآآرت صووبهآ ومسكتهآآ
شمآ ع طوول أستجآبت للمسكه .. بس مآلفتلهآ بقوتهآ .. لفتلهآآ وهيه منهآآرة .. طآآحت غشيآنه بين إييديين هآآيدي
هآيدي فجت عيونهآ ع وسعهن : نآآآآآدر ألحئ
نآدر سآر وزقر السستر ونقلووهآآ للغرفه . . *
/\
\/
/\
\/
ع السآعه 10 وصل الخبر فالأمااراات . . *
بيت بو أحمد
اليده يآلسه ع البآب وهيه تصييح : يآآآآآآآآغمي ع ولد حمممد .. يآآغمي عليييك يآآ محمد
آم أحمد وهيه تشووف اليده .. مآتقدر توآسيهآ لأنهآ من الأسآآس محتآآجة من يخفف عليهآآ .. حظنت هزآآع بقووووه : يآآآآآحرقة قلب أمك عليييك يا محمممد
آحمد مآقدر يشوف الموقف .. نزل رآآسه ودموعه تنزل من عيوونه ع الدعنه بدون مآيحس بهآآ .. ركب سيآآرته وظهر عنهم
/\
\/
/\
\/
بيت بو حمدآن . . *
الصآلة
حمدآن : أتمصخرووو بأي شيء .. ألا بحيآآة محمممممد
أمون فحضن أمهآ تصييح
حمدآن قرب صوبهن : أمااااايه شو يصييييحكن .؟ محمممد مآآفيه شيء .. محمد أخو دنيآآيه وآعدني مآآبيخلييييني
آم حمدآن مسحت ع ويه ولدهآ : حكمة ربك يآ حمدآآن .. ترحمله
حمدآن نش وعيوونه حمممر .. وبصووت هز البيت هز : أمااااااايه مآآآآآفيه شيء. . لييش ماتصدقوووني
شويخ : حمدآن الله يخلييك هد .. مب زين عليك تسوي جذيه بعمرك .. مب زين تعترضون ع حكمة ربكم
حمدآن وقف ع الدري و هز السلم بقو .. ولف صوبها : ههه ينيييتي شويييييخ .. محممممد مآآفيه شيء ( دز شويخ من جتفهآ ) مآآآفيه شيء فهموووووو ( تم ربع سآعه وآقف مكآآنه .. مآقدر يستحمل أأييلس فنصهن .. مآآقدر يصدق وفآآة أخووووه .. ربييييعه .. ولد خآآآآله ..) أنا بدقلله ألحييييين وبأكدلكم أنه مآفييه شيء > ظهر ورقع بالبآآب .. حتى قبضت البآب انكسرت . . *
ركب سيآآرته وهوه يدق ع محمد : رررد يآ محمممد .. رد خلني أهبط علييهم و أقوولهم أنه مآآآفييك شيء .. رررد يآآآمحممممممد .. سمع من الفون أنه فيه حد رد وهوه فرحآنه : قلتلهم يآآ محممد أنك مآبتخلييييني .. قلتلهم أنه مآآآآآفيك شيء .. والله قللللت .. بس جذبوووني وصدقوو وفآآتك .. أنا مآصدقت و...
سمع صوت مبحووح : ترحمله يآ حمدآآآآآآن
حمدآن : منهو أنته ؟
..... : أنا نآآدر
حمدآن : نااادر .. محمد مآآفيه شيء صححححح .. قول انه مآفيه شيء
نآدر : أستوآله حآدث .. البقية فحيآتكم
حمدآن فر الفون ع السيت ألي عدآله .. قبض السكآن بقو ورقع برآآسه : لااااا يآآربببببي .. لا يآآربي لا تآآخذه مني .. رجيييييييييييتك و أنته مآآترد دعوة عبآآدك .. لا تآآآخذ مني أخوووووووويه ( وهوه رآسه ع السكآن ) لاااااا يآآ محمممد لاا
/\
\/
/\
\/
بيت بو عزوز . . *
قسم عزوز . . *
عزوز توه دآآخل القسم ولقى نوورة فالحجرة
نورة ربعت صوبه : عزوووز صحح الكلاااام ألي سمعته .؟
عزوز وهيه يلف برآسه يميين ويسآآر
نورة مسكت ويهه ورفعته .. شآآفت عيووونه الحمر .. وبصوت صيآح : صدق ولالا ؟
عزوز مسكهآ من جتوفهآ : الله يرررررحمه
نورة حضنت عزووز بقوووو .. وصآآحت : لااااااا عزووووز جذب .. صحححح جذب ( بعدت عنه .. وفخآطرهآ " أناا وآيد غثييييتك يآآ محممممممد .. رفضضضتك وقلتهآ فوويهك أحب غييييرك .. ضآآيقتك وآآيد .. خننننتك ويآآ أعز أنسآآن فحيآتك .. فرررقت بينك وبين حمدآن .. بفعآيليه فقدت أبوووووك ويتمت أخوآآآآآآآنك .. تعبببتك وآآيد .. غثيييتك .. أذييييتك .. ضآآيقتك " رفعت رآسهآ لـ عزووز وشآآفته يآآلس ع طرف الشبرية .. سآآرت صووبه ويلست ع ركبهآآ .. وبصوت مبحوووح ) : عزوووز .. محممد زعلان مني
عزوز حضنهآآ وهوه يمسح دموعه و دموعهآ : لا يآآ نووورة أطمني .. أمس كنت مرمسنه قآآل أنه مب زعلان ع حد . ولا شآآل فخآآطره ع حد .. قآآلي أني أستسمح من الكل بدآآآله
نورة وهيه تصيييح من كل خآآآآطرهآآ
/\
\/
/\
\/
بيت محمد . . *
الصآلة
أم محمد يآآلسه ع الكرسي
آم سيف يآلسه ع الدعنه وتصيييح من خآآطرهآ تقوول ألي فآقدتنه وآآحد من عيآآلهآآ وشآآليتنه فبطنهآ 9 شهوور . . قربت من أم محمد ويلست عدآلهآ : وديمه
أم محمد رفعت رآسهآ لـ أم سيف : مآعندي حد أصييحه من عقب بو محمد
أم سيف أستغربت .. تقول حد جآب علييهآ مآي بآآرد : ولدج ؟؟
أم محمد : لييش أصيحه وهذآآ حكم الله . لييش أعترض علييه .. أنكسر ظهريه من سمعت بوفآآته .. بس ما أقوول غير أنأ لله وإنا إليه رآجعون
أم سيف وقفت جدآمهآ : مآتصيييحينه من زوود غلاته .؟ ولا نشفن دموووعج من الصيآح ع أبوووووه
أم محمد دمعت عينهآ : مآآتووووصف دمووعي غلاة محمممد .. هذآ ولديه .. ضنآآآيه مآآلي غييره من بعد الله . . ومآلي أعترآض ع حكمة الله .. ( وبصوت عآلي ) و أناا رآضيه عليييييك يآآ محممممد دنيآآ وآآآخرره ، ( ترمس أم سيف ) ماعمره ردلي شوور ألا لمصلحته ومصلحتنآآ .. مآعمره عق بيه . دوومه بآآر فينآ أناا و أبووووه .. مآآعمره زعل من حد ..
شوآقي سمعتهم وقربت من أم محمد وهيه تصيح وويهآ مستوي أحمر : ماااااماااه . .بااباااه حمووود ثآآآر نفث بآآبآآه
أم سيف عضت ع شفآآيفهآآ
شوآقي : لييييييييييث ليييييث يوم أحب وآحد و أدووله بأباااه يثيير عني ويخليييني ( سآآرت شوآقي تربع ع الدري وهيه تشآآهق )
آحمد دخل علييهم : السلام عليكم
آم محمد + أم سيف : وعليكم السلاااام
آحمد وهوه مصغر عيونه : شوآقي ويينهآ .؟ عرررفت
أم سيف هزت رآسهآ بـ هيه
آحمد بدون مآيسألهن .. ربع ع الدري وسآآ حجرتهآآ .. فج البآآب وحصلهآآ ..>>
شوآقي كآنت يآآيبه صوورة محمد وحآطتينهآ جدآآمهآآ وهيه تصييح : بآآبآآآآه حمووود لا تثييير الله يخلييييك .. أناا والله أحببببك أحبببك .. ليث يوم أحب وآحد يثيير عني ليث ..؟؟ انذيين خلاث مآبدوولك ودني الثييثه .. وبخلي ضروثي تطلع عثآآن ما أطلعلك تفآآل ( مسحت دموعهآ بظهر إيدهآ ) ولا بردد عندك انته وثمووه ..
آحمد سآآآآر صووووبهآآ وحضنهآآ بقووووه
شوآقي : آحمدووه بآآآبآآه حمـ...( وهيه تشآآهق )* ثآآر
آحمد : أناا هنيييه حبيبتي .. بسوييييلج كل ألي كآن يسويه لج بآآبآآه حمووود
شوآقي نشت عنه وهيه تصآآآرخ : لااااااا ما أبااااااا .. خلاااااااث مابدوول حد أي وآحد بآآبآآه .. كل ما احب وآآحد و أدووله بآآبآآه .. هوه يثيير عني مآيبآآني ..
آحمد : هوه يبآج يحبج
شوآقي طآحت فحضنه تصيح : خلااااث دوووله أيي ويثلني منيييه .. أباا أثيير ويآآه
آحمد وهوه مغمض عيونه : وتخليييييني .؟
/\
\/
/\
\/
( رآح محمد من الدنيآآ .. وبآآصم شهآآمته .. مريلته .. طيييبة قلبه .. ضحكته .. بسمته .. فكل قللللللب .. عمممره مآآغث حد .. ولاا ضآآيق بحد .. ولا سمح لأي شخص بأنه يزعل منه .. مآكآنت عييينه تغفي ألا يوم يستسمح من الكل .. عمره مآآقآلهم أنه محتآآي من حد شيء .. وعمره مآآكآآن يخلي أي شخص يحتآي شيء وهوه موجووود .. أستوى أبووو لـ 3 أيتآآم .. ويتم من بعده 3 أيتآآم .. يتم من بعده عيآآله ألي مآيآآبهم .. ريييحة مسك فآآحت فكل بيييت .. وطبعت بصمة طيبة قلبه فقلب كل أنسآآن . . محمد رآآح و الذكرى بآآقيـ‘ه )*

رحل منهو يسليني .. و صار اليوم في قبره
رحل عني و فارقني .. حزين و صرت في حسرة

ذكرته يوم يحاكيني .. و هالبسمات من ثغره
ذكرته يوم يواسيني .. اذا ما هلت العبره

ذكرته يوم يشكي لي .. عن همومن ملت صدره
ذكرت و هلت ادموعي .. و صار الفكر في اسره

حبيبك راح يا قلبي .. ولا حتى بتشم عطره
و ظلك مات يا ظلي .. سكن وياه في قبره

ألا وينك تسولف لي .. تحت انوار هالقمره
و تنشدني عن اخباري .. ترى عقبك غدت مره

الا يا غايبن عني .. ترى قلبي فقد صبره
و لكن الأمل عندي .. لقاك بجنتن نظرة
/\
\/
/\
\/
لندن
السآعه 2 الظهر
المستشفى
نآدر فالممر وشآف هآيدي طآلعه من غرفة شمآ : هآ هآيدي شو حآلهاا .؟
هآيدي منزله رآسهآ : بعدى مآفآئت
نآدر : ما أدري كيييف بتقدر تستووعب ألي صآآر
هآيدي : كل شيء كآآتبوو ربك بيصييييير
نآدر : هآآيدي أناا لين آآلحين مب مصدق
هآيدي : أناا رح شووفى ( سآرت عندهآ )
شمآ نشت وهيه تشآآآهق وتصرخ : محمممممد
هآيدي سآرت صوبهآ ومسحت ع رآسهآ : أسم الله عليكي .. طولي بآلك يآ شمآآ لا تعملي بحآلك هييك
شمآ طآحت فحضنهآ : رآآآآآآآآح يآآ هآآيدي .. رآآآآح ألي مآآتمنيييت أشووف فرقآآه
هآيدي : هييدي هيآآ الدنيآآ بنفئد نآآس وبتجي نآآس
شمآ تصيح : حرررقووو قلبي يآآ هآآآآآآآيدي ( وهيه تضرب صدرهآ ) حرقوووووه .. مآآخلوو فييني حيآآآة من بعده .. هـ..ه(تشآآهق من الصيآح ) هآيدي كييف بعييش بلااااه .. كييف بكمل حيآآتي دووووونه
هآيدي : وينى شمآآ الئوية .. الصآآبرة . .الصآآمدة .. ألي مآبتسمح لأي شخص كآآن بيطلع لـ دموعى وـ...
شمآ قآطعتهآآ وهيه تعق بعمرهآ ع الشبرية : كسروووووووووني .. عدمووووو حيآآتي من بعد فرقآآآآآآآآآه .. ( حطت إيديييهآ ع وييهآ ) ماكنت أحببببه .. عذببته وآآآآآيد .. غثييييته .. بنييت فوآآصل بيني وبيينه .. بس ( شهقت بقوو وقالت بأسمه بس بدون مآينفهم شو تقوول ) أحببببببببببه أحببببببببه أحببببه والله أحببببه .. ( لفت صوبهآ ) أناا آآمري هييين بس .. بس شوووو أقوووووول لأمه .. شو أقوول لأخوآآنه ( تركز عيونهآ ع هآآيدي ) وشوآآآآقي .. تيتمت المره الأولى .. وشآآفت حنآن الأبووه فييه .. هه ويييييت أنااا .. وربطته فيييييني .. قرررب مني وضحى بالكل عشآآآن يحميييني .. هه خسرررتهم ولدهم .. شو أقوول حق الأم ألي تتريآآآآه .. أقوولهآآ ولدج رآآح بسبتيه وبسبب تخطيييطآآت عممي ولده .. كييييف تبييني أشووف فـ عيون أختتته .. كييف تبيني أشووفهآ وهيه تتيتم للمره الثآآنيه بسبتييييه .. كسرووو قلبببي .. و حرقووووو قلب أم مآلهآآ من بعد الله ألا ضنآآآآآآهآآآ


كآآآآآآآآآآآآآآآآآآآآآآآآآآآآآآآآآآآآآآآآآآآآآآآت . . *

/\
\/
/\
\/
/\
\/

وفآة محمد أثرت ع الكل .. شمآ كيف بتكمل حيآتهآ بدونه .؟!
شمآ .. أعترفت أنهآ تحبه .. بس بعد فوآة الأوآن .؟ رآيكم فأعترآفهآ .؟
شوآقي .. تيتمت للمره الثآنيه .؟ كيف بيأثر ع نفسيتهآآ
آم محمد .. حرقة قلب أم ع ولدهآ .؟ ورآآيكم فحبسة دموعهآآ .؟