|
الغاليه ترا نتريااج نبا بارت طويل |
ساره بتطلب الطلاق ولا لاء؟؟ لا .. هيه تموت فحاارب الي في بطن ساره شو مصيره؟؟ بيعيش ان شاء الله وشو موقف حارب اذا ساره طلبت الطلاق؟؟ مــا بيطلقهــا وهل بيدووم في بطنها ولا ساره بتنزله..؟؟ بيــدوووم و حصه شو مخططه لسعاد؟؟ اكــيد بتفهم كل السالفه ، و بتسوي الصح وبتحاول تصلح الامور ويمكن تهددها تخبر اخوها اذا ما ابتعدت وشو رايكم بالبارت؟ كشـــخه الصرااحه تسلمين الغاليه ما قصرتي فيه .."" وأبدعـــــــــتي ولا تحـرمينا من طلتــج الحلوه |
.................................................. ....................... : ألو.. : ألو.. : سعاد؟ سعاد: هي نعم سعاد..منو وياي؟ : مو مهم تعرفين.. الأهم تسمعين اللي رح أقولج إياه سعاد: قولي شو عندج؟ حصه: اسمعيني عدل.. أنا وحدة من طرف سارة.. واعتقد تعرفين سارة منو؟ سعاد: سارة؟ حصه: هي نعم سارة.. سارة زوجة حارب سعاد انقهرت من رمسة حصه اللي كانت قاصدة تأكد لها هالشي حصه: سارة كانت وبظل حرمة حارب.. والرمسة اللي وصلتيها لسارة تراها ولا شي.. تعرفين ليش؟ لأن سارة تحب حارب وحارب يموت على سارة.. ومستحيل يفرط بها.. وانصحج ابتعدي عن طريجهم.. و طريجه وإذا حارب درى باللي سويتيه.. صدقيني ما رح يعجبه هالشي.. حارب وأنا أعرفه.. سعاد: انتي.. قاطعتها حصه: لو سمحتي خليني أكمل.. ولا تقاطعيني.. إذا كنت صج تحبين حارب مثل ما تقولين.. تمنيله السعادة ويا سارة.. ولا تخربين عليه حياته.. والله يوفقج في حياتج سعاد خلاص تحس أن قلبها يتقطع وهي تسمع كل حرف تقوله حصه.. وزادت عليها حصه: على فكرة.. سارة الحينه حامل.. وهم الحينه ينتظرون الياهل اللي بيملي عليهم حياتهم شهقت سعاد: لأ... مستحيل.. انتي جذااااابه حصه: لو سمحــــــــــــــــتي.. عن الغلط.. سعاد: مستحيييييييل مستحيل اصدق هالشي حصه: وليش مستحيل حبيبتي؟ سعاد: سارة ما تحب حارب.. وأنا متأكدة من هالشي حصه: كـــــــــــــــــــانت.. تعرفين شو يعني كانت.. فعل ماضي.. ونحن عيال اليوم.. ارجو انج تحطين هالشي في بالج زيييين سعاد وهي تشهق من زود الصياح: انتي جذابه.. جذابه حصه وبنبرة حادة: شو جذابه؟ وبعدين استحي على ويهج.. اريال الحين متزوج وعنده حرمه.. فليش تخربين عليهم حياتهم؟ لو انتي كنت مكان سارة.. ويت وحدة وقالت لج الكلام اللي قلتيه لسارة.. ترضين بهالشي؟ سعاد: بس... بس.. أنا أحب حارب.. أنا كنت أحب حارب قبل لا يتزوج بسارة حصه: بس حارب الحينه خلاص تزوج باللي قلبه اختارها.. وما اعتقد أن حارب ياهل وينقص عليه.. ولو كان حارب يحبج.. جان عرس منج سعاد: صح كلامج.. بس هو ما حب يكسر كلمة خالته.. عسب جذه تزوج سارة.. حصه: ع العموم.. أنا قلت اللي عندي.. وانتي كيفج.. والا صدقيني بوصل هالموضوع لحارب وهو اللي بتفاهم وياج.. وسكرت عنها.. حتى قبل لا تسمع رد سعاد أما سعاد فقعدت تصيح بقهر وهي تذكر حارب.. حارب اللي حبته من كل قلبها.. بس بالأخير ظهر من حياتها .................................................. ..... بعد مرور فترة سارة كان عندها موعد في العيادة وخذت وياها حصه وبعد ما قابلت الدكتورة..اللي وصتها أنها لازم تهتم بأكلها وخاصة أن سارة وايد مضعفة في الفترة الأخيرة .. في السيارة.. سارة: أقول حصوه.. حصه: هلأ.. سارة: شو سويتي بموصوع سعاد؟ حصه: اتصلت فيها.. وقعدت ارمسها.. وإن شاء الله يفيد فيها سكتت سارة عقبها صدت الصوب الثاني وقعدت تفكر... عقبها قالت: خلاص .. حصه وهي عاقدة حياتها: شو اللي خلاص؟ سارة: بطلب الطلاق حصه وبنبرة حادة: انت مينونة؟ سارة وعيونها امتزرن دموع: واللع تعبت حصه جربت من سارة وقعدت تهديها حصه: حبيبتي سارة.. إذا مو عشانج.. عشان الياهل اللي ياي في الطريج.. ما تقولين بالله هذا شو ذنبه؟ سارة: وأنا شو ذنبي؟ شو ذنبي عشان اتمرمر واتعذب.. من خذيت حارب لليوم وأنا حياتي ما لها معنى حصه حست أن سارة وايد تعبانه فقررت أنهن يسيرن بيتها .. في بيت حصه.. أحمد للحينه في الدوام زايد في بيت ثاني وميسون لأن سارة قالت أنها بتسير العيادة عسب جذه تركته ويا ميسون سارة قعدت في الصاله.. أما حصه بعد ما فصخت العباة سارت المطبخ ويابت حق سارة عصير ليمون عسب تهدي أعصابها.. حصه: قلتي حق حارب انج بتيين هني؟ سارة: ما قلته.. ولا بقول له.. حصه وهي تمسك موبايل سارة: لأ بتقولين له... حارب ريلج والمفروض تخبرينه سارة: حصووووه.. حصه: سارة.. نحن شو قلنا؟ ومدت ايدها عسب تعطي سارة موبايلها عسب ترمس حارب حصه وهي واقفه: أنا بسير داخل وبتصل حق أحمد عسب يمر هو ياي واييب زايد بس حصه كانت قاصدة تدخل عسب تاخذ سارة راحتها وقفت سارة فترة.. وهي تفكر أدق والا ما ادق تذكرت حصه.. لا حرام.. مابي أخذلها.. ودقت له.. حارب في هالوقت كان قاعد في المكتب أول ما شاف الرقم رد بسرعة.. حارب: هلأ.. سارة ارتبكت.. هذي حالها كل ما تسمع صوته.. حارب: ألوووووووو سارة: ألو.. حارب: هلا سارة.. ها سرتي العيادة؟ سارة: همممم توني رادة حارب: وشو قالوا لج؟ سارة: عادي.. مثل كل يوم حارب: أهم شي.. كل شي تمام سارة: حارب.. حارب: لبيه سارة: أنا في بيت أحمد حارب: وشو تسوين؟ سارة: ترى حصه كانت ويايه ورديت وياها بيتهم حارب: أهاااااااا... خلاص أول ما أرد من الشغل بمر آخذج سارة:.......................... حارب: تبين شي ثاني؟ سارة انقهرت.. أونه تبين شي ثاني؟ شو يايه أطر منك؟ سارة: لأ.. باي حارب حس أن سارة انقهرت بس هو ما كان يقدر يرمسها لأن في شباب عنده حارب: مع السلامة وسكر عنها.. .................................................. .. بعد شوي يا أحمد ومعاه زايد أحمد: السلام عليكم حصه + سارة: عليكم السلام أحمد: وأنا أقول ليش البيت منور؟ سارة وهي تبتسم: منور بأصحابه أحمد: شحالج؟ وينج ما تنشافين؟ سارة: والله موجودة.. بس مثل ما تعرف مشاغل أحمد: مشاغل والا الروميو حارب ماخذ كل وقتج؟ قفطت سارة واحمرن خدودها حصه وهي تضلابه على جتفه: أحمدووووه.. صج ما تستحي أحمد وهو يضحك: بلاج؟ سارة وهي تحاول أنها تغير الموضوع.. نشت صوب زايد وشالته وقعدت تلاعبه أحمد: ساروووه.. حشى وايد ضعفانه حصه: حسيت؟ سارة: ما ادري أنا أحس بالعكس عادي أحمد: عادي أونه... انتي شوفي ويهج أول كيف غادي؟ والله حتى صايرة تخرعين.. لو سمحتي بعيد عن ولدي أخاف يزيغ والا شي سارة: حصووووه سكتي ريلج.. والا صدقيني الحين اظهر حصه: أحممممممممممممد.. خلاص عاد أحامد: ههههههههههههههه خلاص انزين.. بسكت ودخل عسب يبدل وحصه دخلت تزهب الغدا على أساس سارة بتتغدى بيتهم وسارة قعدت تلاعب زايد في الصاله وبعد ما تغدوا .. قعدوا يسولفون في الصاله أحمد: والله أيام.. اذكر يوم كنت في الصف السادس.. اقولكم الكتاب ما أجيسه.. شو داخله ما أعرف.. والله العظيم.. حصه+ سارة: ههههههههههه أحمد: والله... كل حياتي غش.. طول الليل أقعد ابرشم.. اقعد بالساعات الين ما اضبط البرشومة.. عاد لازم تكون صغيرة وواضحة.. والله كنت تحفه.. تصدقن.. لو قعدت اذاكر بخلص أسرع.. سارة: عاد انتوا الشباب مستحيل واحد فيكم ما يغش احمد: الله يخليج.. تعرفين الأستاذ شو يقول.. اللي عنده براشيم بسرعة يغش.. بس بهدوء حصه: والله؟ ههههههههههه أحمد: اصبري.. وبعد شو.. أحيانا اتيي لجنه تلف علينا وتفتش.. عاد اللي يحصلون عنده براشيم يظهرونها ويفرونها في الزباله.. وبعد ما تسير اللجنة يقول الأستاذ: يلا كل واحد يقوم ويسير اييب برشومته من الزباله سارة + حصه: هههههههههههههههههه سارة: قول والله؟ أحمد : والله حصه: وليش جي يسوي؟ غريبة؟ احمد: أقولج يزيغ منا ياحليله.. عاد الشباب قبل كل امتحان يذكرونه.. إذا ما خليتنا نغش.. ما بنيي صوبك.. على طول صوب سيارتك.. عاد الله والسيارة.. هههههههه ياحليله.. للحين اذكره.. شحاته حصه:ههههههههههههه دام اسمه شحاته وقعدوا يسولفون وسارة ميته من الضحك على سوالف أخوها.. وبعدها يا حارب وظهرت سارة مع أن ما كان ودها تظهر .................................................. ................. .. في سيارة حارب.. ركبت سارة السيارة وحارب كان يرمس في التليفون بعد شوي سكر وصد صوب سارة.. حارب: تغديتي عندهم؟ سارة: هي عقبها سكت وما رمس.. ألين ما وصلوا .................................................. .......... مرت الايام وحياة سارة وحارب للحينه على ما هي عليه كل ما كان حارب يحاول أنه يجرب من سارة ما يلاقي منها غير الصد طبعا حارب ما يعرف أن سبب تغير سارة هو سعاد خلال الفترة الأخيرة.. سعاد ما قامت تطرس مسجات.. شكلها خلاص غسلت ايدها.. .................................................. ........... .................................................. ........... في شقة سهيل وشيما شيما بتعـب وهي قابظه بطنها : سهييييييييييل... سهيل.. نش نش الله يخلييك ما أرووم أتحمل سهيييييل نش آآآآآآآآآآآآآآآآآخ آآآآآآآآآآآآآآآآآآآآآآآآآآآآآآآآآآآآآآآآآآآآآ آه ... سهيل وهو يفز من نومه متروع : هااااااه هاااه شيماااا حبيبتي شفييييج لا يكوون بتربييييييين ؟؟؟ شيما بتعب : هييييييييييييه سهيل الله يخلييييييك بسررررررعه ما أروووم أتحمل سهيل آآآآآآآآآي بطني آآآآآي بطني تعورني .. نش سهيل بسرعه وهو يبدل ثيابه وبطل الباب... لبست شيما عباتها بصعوبه ويا سهيل وسند شيما ونزلها وخلاها على القنفه اللي في الصالة اللين يقرب السيارة وسار بسرعه قرب السيارة وشل شيما وسدحها ورا طلع مســرع صوب المستشفى مطووف كل الأشايــر بس كل اللي يفكــر فييييييييه حرمته وولده أو بنته اللي يايين والله ستـر ووصلوا المستشفى بســـلااام يوو الممرضـات مسرعين وشلوا شيما اللي كانت تصــارخ من الألـم وأم سهيل اللي خبرها سهيل وأول ما درت يت بسرعة وهي تحاول تهديها أما سهيل سار ووقف سيارته بعيـد عن باب الطواري وتلاقى مع أبوه في الباركنات وساروا مسرعيــن صوب المستشفى ... أبوسهيل : أتصــلت في عمتـك ؟؟ سهيل وعيونه تدور في المكان : هاااااه لا للحين ما تفيجت أبلـغ حـد يوم بتربي إن شاء الله ببلغهم ماله داعي نسريبهم الحيييييين فليل .. أبو سهيل : لا يابوك.. هذي أمها ولازم تعرف وقام سهيل ودق حق أن أم حامد اللي تروعت أول ما سنعت بالخبر ويت بسرعة المستشفى تخبر سهيل عن حرمته وقالوله إنها فوق في غرفة الولادة ويوم وصل لقى أمـه واقفه بره وهي تدعي ربها إنه يقوم حرمة ولدها بالسلامه ويسهل أمورها تم سهيل يتريا وقلبه يدق طبوول وهو خايف على شيما وهو يعـرف إنه حرمته ما تتحمل شي كان متوتر بشكل كبيـر وتمنى لو كانت سارة ويــاه كانت قدرت على الأقل تخفف عليـه التوتر واستحى يدقلها في هالوقـت أكيــد راقده بعد شوي انتشر خبر شيما والكل درا وبعد ما درا حارب استانس حق سهيل وقام ودق عليه عسب يطمن على شيما سهيل وصوته تعبان:ألووووو .... حارب:أهليين سهيل.. .....علومك ... سهيل:ما شيء علوم ... حارب :ولدت حرمتك ولا بعدها ... سهيل:لا بعدها حتى الحين ما شفت حد علشان يخبرني .... حارب:الله كريم أن شاء الله ..... سهيل:وين أنت ...؟.؟..؟.؟.؟؟. حارب:والله في طريقي صوبكم .. سهيل:والله ما تي اذا ولدت راح أخبرك .... حارب:خلاص أول ما تولد أتصل عليه.,.,. سهيل:أن شاء الله .... نص ساعه وطلعـت الممرضة وهي تبتسم وسـارت على طووول لسهيل اللي نقز في ويها وهي تقووله مبرووك مبرووووووك ياك ولد مثل القمر فجأة رن التليفون.. ربعت حصه وردت بسرعة.. حصه وهي تشوف الرقم :هذا حارب أكيد عنده خبر....... العنود:ردي عليه بسرعة ........ حصه وهي ترد على حارب:ألوووووو حارب:أهليين حصه .,..,.,,. حصه:أخبارك حارب .... حارب:أخبار الخير أن شاء الله ....... حصه:هاه ولدت شيما ....... حارب:أيوه .؟؟؟ حصه وهي متحمسة :شو يابت سارة وهي تغمز لحصه :قولي شو يابت ؟؟؟... حارب: حطي على السبيكر حصه ........... حصه وهي تحط على السبيكر :هاه قول شو يابت .......... حارب:يابت....... حصه وهي متحفزة :يالله قول حارب ... حارب:يابت ...أنسان .. سارة:ندري أنه أنسان شو جنسه .... حارب بمكر :لحظة بشوف الورقة .... حصه خلاص طفرت منه:والله أنك رايق ....سكر بتصل على أمي علشان أتخبرها ... حارب:لحظة بخبرج ... حصه:هاه شو ... حارب وبصوت ناعم :يابت baby حصه:أوكية مع السلامة حارب ... حارب:يابت ولد .... حصه وهي تصارخ:صج .. حارب:والله العظيم ....ما أكذب البنات والصغاريه من سمعوا أنها يابت ولد تموا يصارخين........... حارب:ههههههههههه يالله مع السلامة..... .................................................. بعد ساعتين من ولادة شيما وبعد ما أطمئن سهيل على شيما و الولد ....... وتأكد أنهم راح يروحون للقسم الخاص علشان يريحون ... راح سهيل صوب راعي الحلوى وخذ 4 حرارات من الحلوى ...وبعدين راح لراعي الخضرة وخلهم يسووون سلة كبيرة فيها من كل شيء من الخضرة وسلة مكسرات وسلة حلاوة وسلة بقلاوة .........واشترى عطور من عند باريس غاليري وعطور دهنية من عبدالصمد القرشي وعود معطر ... ...واشترى ساعة من داماس 15 ألف درهم لشيما وأشترى لامه و عمته كل وحدة عقد ألماس .....وبعدين راح صوب المستشفى ....وراح صوب القسم الخاص .....وخل الهندي يدخل الاغراض في الصالة .. سهيل وهو يدخل القسم: حد هنيه ... أم سهيل:قرب يا بو حامد ... وراح سهيل وحصل أمه يالسه في الصالة أما شيما فكانت في الغرفة وعندها أمها والدكتورة ............ أم سهيل:لمن كل هذا .... سهيل:لأم حامد ....أقول أمايه وين شيما ..... أم سهيل:في الحجرة عندها الدكتورة ... سهيل:اها وحامد وينه ..... أم سهيل:عندها يعني أفداء عينه ..... سهيل:عني أفداه ....أقول أندوج هذي الهدية .......... أم سهيل:لمن ... سهيل:لج ... أم سهيل:ليش عاد ... سهيل:على سلامة شيما وعلى وصول ولي العهد ....... أم سهيل:عني أفداك ما أريد منك شيء ....... فهاللحظة دق الباب حارب ............وفتحه شوي ..... أم سهيل سمعت صوت حارب :قرب حارب؟.؟.؟؟. ودخل حارب وكان وراه الهندي اللي يشيل الاغراض ......وكان يايب حلاوة باتشي سلتين من الكبار ..... راح حارب وسلم على سهيل وعل عمته :مبروك الريال ... سهيل:الله يبارك فيك ...... وحط الهندي الحلويات وعطه حارب بخشيش [فلوس على المساعدة اللي سوها له .... وحارب وهو يقعد :وأخيرا صرت أبو ... أم سهيل:الفال لك يا حارب حارب:أن شاء الله ..... وقعدوا ربع ساعة وبعدين دخل سهيل على شيما اللي يالسه هي وأمها ... أما الدكتورة راحت عنهن بعد ما أطمنت على شيما و الـــ baby سهيل وهو يدخل الحجرة :السلام عليكم .... أم حامد:مرحبا بو حامد...... قرب .... راح سهيل ويلس في الكرسي اللي عدال السرير .....وحط الكيس فوق الطاولة .... سهيل:تستاهلين السلامة شيما... شيما:الله يسلمك .... سهيل :عطيني حامد ابا أشوفه ... شيما وشكلها تعبانه:خلاص سميته حامد ... سهيل وهو يشل الصبي : اها .... وتم سهيل يحب الصبي على راسه ...... وكانت فرحة شيما ما تنوصف وهي شاله ولدها في حظنها كانت تحـس بأحساس رووعـة وتمنت لو أخوها حامد كان موجود وياها ويشوف ولدها وإنه بنته الدلووعه كبرت الحيين وصار عندها ولد وما صارت هي نفسها الدلووعـه اللي كانت تتدلع عليــه وتتلصق فيـه سارة وحصه وباجي البنات كلهن كانوا متيمعين في بيت أم سهيل.. وناطرين أي خبر عن شيما وشوي تدخل أم سهيل و وراها حارب ...سلم حارب على شيما وبارك لها بالريال .... حارب وهو يأشر لسهيل :حوووووووه .............. سهيل وهي يلتفت صوب حارب:شعندك ؟؟ .... حارب:حرام عليك توه طايح ....تحب لحمه ....خله يكبر شوي سهيل:ما أقدر أصبر ....ألا تعالوا.. شو لون عيونه إن شاء الله خضرة؟ أم حامد: لا لونها سود.. طالع على أبوه حارب:ههههههههههه أفأ .......................................... بعد يومين ظهرت شيما من المستشفى وسهيل فرحته ما تنوصف بولده كان قمر ما شاء الله عليه وتقريبا هو نسخه مصغره من سهيل ................................................ والحين باجي عليا اللي دخلت الشهر السادس وسارة اللي في الشهر الرابع .................................................. ........ بعد مرور فترة من دخلت سارة الشهر الرابع وهي تحس بتعب وارهاق فظيع وأكثر الأوقات تقضيها في بيت أمها بس حارب ابد ما يخليها ترقد هناك طول الوقت سارة منسدحة ع السرير وما تظهر وايد وطبعا حارب مو مقصر اللي تبيه سارة على طول ينفذه.. صحيح أنه ما يرمس وياها وايد.. بس عسب مقدر الحالة اللي هي فيها تحت في الصاله كانت الخالة ظبية قاعدة شوي ويدخل حارب حارب: السلام عليكم.. ظبية: عليكم السلام.. هلا ولدي شحالك؟ حارب: الحمد الله.. وقعد حذالها ظبية: تعشيت؟ حارب: هي تعشيت برع ويا الربع ظبية: انزين يما.. سر شوف حرمتك إذا تعشت والا؟ مع اني ما اعتقد أنها تعشت.. لأني طرشت لها العشا داخل في حجرتها وأخاف ما تعشت.. حارب وهو يوقف: خلاص ما علي وسار الجناح أول ما دخل.. انتبه حارب حق صينية العشا اللي كانت سارة للحينه ما جاسته حتى أنه برد فر السويج ع الطاولة وربع صوب سارة اللي كانت منسدحة فوق السرير أول ما انتبهت سارة لحارب اعتدلت في يلستها قعد حارب على طرف السرير وقعد يطالعها سارة كانت ملانة حيييييييل اول ما رجع حارب استانست.. ما تدري ليش تحس أنها كانت ولهانه عليه حارب: جيه ما تعشيتي؟ سارة: مابي.. حارب: لا والله.. وليش إن شاء الله؟ سارة: مالي نفس حارب: انتي ما تبين كيفج.. بس أنا ما ارضى أن ولدي ما يتعشى سارة استحت من رمسته ونزلت راسها حارب نش صوب صينية العشا ويابها جدام سارة.. وتناول كوب الحليب وجربه من سارة .. على أساس أنه بشربها بنفسه سارة وهي تصد عنه: قلت لك مابي حارب: لا حبيبتي.. بتشربينه يعني بتشربينه سارة: غصب شو؟ حارب: هي غصب .. شو رايج؟ سارة: والله مالي نفس حارب وبنبرة حادة: يلا عاد.. بلا دلع سارة: قلت لم مابي حارب: يلا.. سارة: انزين.... بشرب لحالي حارب: يودي انزين تناولت سارة كوب الحليب وقعدت تشرب منه شوي شوي.. جنها ياهل ومغصوبه وحارب طول الوقت عندها.. شوي جان يرن تليفونه اللي كان في الصاله فنش عسب يرد عليه حارب وهو يرمس: لا لا .. باجر ما بداوم... هي والله... عندي شوية أشغال في المزرعة... ها؟ لا والله.. هههههههه.. يا ريال.. لا ترى باجر العمال عنهم إجازة عسب جذه... خلاص.. وبين ما كان حارب يرمس في التليفون استغلت سارة الفرصة بسرعة وجبت الحليب في الحنفية.. ويوم كانت بتظهر من الحمام ( عزكم الله) انصدمت يوم شافت حارب واقف وراها حارب: لا والله.. سارة قافطة هب عارفة بشو ترد حارب وهو يبتسم: والله العظيييييييييم انج تححححححححفه سارة: سخيييف حارب: أنا سخيف؟ سارة: ..................... حارب جرب منها وهمس: انتي شو مشكلتج؟ سارة كانت بتموت من زود ما كان حارب جريب منها.. سارة: وخر عني حارب وبنظرات خبث: وإذا ما وخرت؟ سارة : أفففففففففف حارب: ههههههههه سارة: ما قلت شي يضحك حارب: كييييييييفييييييي... سارة: ممكن توخر شوي؟ حارب: قلتلج طوفي ..ولا انتي تبين اتسولفين معاي... انقهرت سارة من رمسته.. وعسب تثبت له العكس.. تجدمت وطلعت بعد ما دزته بكل قوتها عسب تقدر أطوف .................................................. ... في اليوم الثاني حارب نش مبجر بعد ما صلى الفير .. ظهر صوب المزرعة حتى قبل ما تشرق الشمس سارة كانت ترقبه بس كانت تمثل أنها راقدة وبعد ما تأكدت أنه ظهر اعتدلت في يلستها كانت ملانة حيييييييييل ربعت صوب البلكون وقعدت تراقب حارب وهو يظهر من الفيله ومتجه صوب المزرعة وبعد ما اختفى عن نظرها.. قعدت تفكر أفففففففف.. والله ملل.. مع أنها كانت الساعة 5 بس سارة ما كان ودها ترقد فجأة.. خطرت على بالها فكرة.. ليش ما تسير صوب المزرعة.. هي سمعت من حارب أن المهندة في إجازة وحارب عسب جذه ساير صوب المزرعة عسب يطمن عالخيول سارة وهي واقفه: والله فكرة وبدون تردد.. نشت سارة بسرعة وبدلت ولبست جوتي رياضي عسب تقدر أنها تمشي بسهوله سارة في هاللحظة ما كانت تفكر في شي غير حارب.. حارب اللي خلاص سلب قلبها وروحها وكل شي فيها .. في المزرعة.. بدت أشعة الشمس تتسلل بين أوراق الشير كان الجو وايد حلو.. مائل للبرودة وصوت العصافير ولا أروع بعد ما وصلت سارة المزرعة قعدت تتأمل كل شي فيها جنها أول مرة تشوفها.. طبعا صار لها فترة ما طبت المزرعة عسب جذه تفاجأت من المنظر اللي شافته.. وايد تغيرت المزرعة.. لأنها كانت تحفــة بشكـل كبير وأكثر شي جذب سارة أستبطل الأحصنـة كان روووعة والمسبح الكبير كان شكـله يخبـل وكانت في حديـقة كبيرة أول المزرعة عقب ييك ممر في النص وعلى يمينه ويساره فلـة كبيرة كانت مبنيـة على الطريقة الإنجليزية الفخمـة وبينهم كان في خيـمة كبيرة شكلها تراثي بحـت والحديقة الورانية كان في ملعب كرة سلـة وعلى طرف كان في شبكـة طايرة كانت المزرعـة تخبل بشكـل كبير سارت صوب الحديقة الخلفية كان في هناك حديـقة صغيـرة للورود كان شكلها رووعه ذكرتها بالحديقـة اللي هي مسوتنها في بيتهم بس هاي كانت مختلفة راقيـة وأحلى شافت ملعب كرة السلة وعيبها وايد عقبها دخلت سارة حجرة أول مرة تشوفها.. كانت منزله عيونها في الأرض بس يوم رفعتها أنصدمت من اللي شافته كانت الحجرة رووووعه بألوانها الغريبــة وأثاثها الروووعة كان كل شي مختلف تمت تتأمل الحجرة منجذبــه لكل شي فيها جذبتها لووحه كبيرة ماخذه تقريبا نص الجدار كانت لوحة للكــاسر بس برسم الإيد كانت زيتيه وروووعه قعدت تتأملها فترة.. عقبها ظهرت استنشقت الهوا العليل اللي رد الها الروووح سارة فعلا كانت محتاجة لمثل هالجو عسب تقدر تطلع من الحالة اللي كانت فيها قعدت تتمشى في المزعة ولا هامنها شي بعد شوي تذكرت حارب.. وعلى طول ربعت صوب الاسطبل وفعلا دخلت الاسطبل.. بس مثل ما توقعت ما لقت الكاسر يعني حارب ظاهر وياه وقبل لا تظهر.. انتبهت للفرس إليزابيث.. كانت ولا أروع تجدمت سارة منها.. مع أنها كانت زايغة شوي بس حست بشجاعة وجرأة ما تعرف شو مصدرها.. قعدت تلعب بذيلها الطويل الأشقر.. الفرس اليزابي من النوع اللي بسرعة يهيج وهذي المشكلة.. لأنها بين ما كانت سارة قاعدة تمسح على جسمها فجأة ظهر فار من تحت القش طبعا سارة ما كانت منتبهه حقه وأول ما لمحته اليزابيث على طول هاجت ورفعت ريلها في هاللحظة وقف قلب سارة.. ما كانت تعرف شو تسوي؟؟ تبست في مكانها وهي تشوف جسم اليزابيث الضخم فوقها وصرخت بأعلى صوتها حارب في هاللحظة كان توه راد أول ما سمع صرخة سارة وقف قلبه.. وعلى طول نزل من فوق الكاسر وربع بسرعة صوب الاسطبل أول ما دخل الاسطبل شاف سارة اللي أغمي عليها واليزابيث قاعدة تتحرك يمين ويسار زايغة ........................ كـــــــآت شو تتوقعون يصير بساره؟؟ والي في بطنها بيتاثر ولا لاء..؟؟ وسعاد تابت ولا ناويه على شي ثاني؟؟ وشو رايكم بالبارت؟؟ |
السلام عليكم .. شو تتوقعون يصير بساره؟؟ اممممممم .. من كثر الزيغة انغمى عليهـا .. والي في بطنها بيتاثر ولا لاء..؟؟ لا .. ماظني بيتاثر .. وسعاد تابت ولا ناويه على شي ثاني؟؟ لا .. شكلها تابت .. وشو رايكم بالبارت؟؟ كلمة طر شوية عليهـ .. تسلمين الشيخة ونترقب البارت الياي .. وبيليز لا تبطين علينا .. |
شو تتوقعون يصير بساره؟؟ اعتقد انه من الخوف بس بيغمى عليها والي في بطنها بيتاثر ولا لاء..؟؟ يمكن يتاثر الانه الخوف ينزل الجنين بس ما اعتقد بينزل وسعاد تابت ولا ناويه على شي ثاني؟؟ مرات احس انها بتسوي شي هب زيــن وشو رايكم بالبارت؟؟ حــــــــلـــــــوووو وروووعــــــــه |
| الساعة الآن 06:02 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir