![]() |
تسلمونـ عـ مـــــــــرور .. بعد ثوووانيـ.. البارت راح يكون زاهب .. |
البارت8 الساعه9الصبح...( بصبر على فراقكم مهما تمر سنين.... اتخيل محياكم ياحبيبين العين نوري وهي راقده :الوو ....: سلام نوري: وعليكم ....:بسم الله شو فيج ؟؟ نوري: هاا مافيني شي بس انته خربت عـ ارقادي ... .....: يلاه يلاه نشي في حد يرقد لهل حزه .... نوري: سلطوون والله حرام عليك امس مانمت ... سلطان: ليش انشالله هب راقده ؟ نوري: كنت اخطط ...(فزت من مكانها) اقول سلطوون ليش ماتشترك في العصابه معانه .. سلطان : اي خطه واي عصابه ... نوري: تره حرووب باجر عيد ميلاده ..و سلطان وهو يدخل الغرفه: ادري انه باجر عيد ميلاده عسب جي ياي ... نوري: ااااااسلطون وسارت تربع جده وتحضنه ... نوري: اتريا بسير اغسل ويهي وبدل ثيابي واخبرك شو هي الخطه بس شرط حارب وباجي الشباب مايعرفون شي ok سلطان: هههههههokشكلج مانسيتي الي سوه فيج يوم عيد ميلادج ههههه.. نوري وهي تربع صوب الحمام : هي مانسيت كيف تباني انسا..... سلطان:عمره 17 اربيع حارب وخال نوري ويحب نوري وايد هو يسكن في دبي مع اخته العوده... امه وابوه ماتو من سنتين عسب جي ترك بيت امه وبوه الي في بوظبي وسار دبي ماتو بسبت حادث من يوم ماتو وهو اتغير صار يحس بل وحده وانه هو وحيد في هل عالم بس حارب ماخلاه ونوري بعد كانو 24 ساعه يكلمونه عسب مايحس بل وحده هو طويل اعيونه عسليااات ابيضاني امعضل شعره امسونه اسبايكي لونه اسود ...وبس نوري بعد ماظهر من الحمام وخبرته بل خطه: ها شو رايكـ ؟ سلطان: اخخخخ الله يعينك ياحرووب ...حلوه بس انا ماعندي بدله سوده كل الي يايبنهم معايه كنادير وبناطلين جنس وقمصان املونه بس الاسود ماعندي .. نوري:اوكي اليوم العصر اروح انا ونته و هند وفطوم المارينه شو رايك ؟؟ و نتشره مره وحده اغراض حق الخطه ... سلطان: اوكي .... نوري:اتفقنا .... سلطان: اتفقنا ... سلطان: اووه نسيت ... نوري: شونسيت ..؟ سلطان : ماسلامة عـ حد عـ طول يت عندج يلاه انا نازل عسب اسلم عـ اختي وابوج واليد حمني والباجي نوري:اوكي وانا بكمل رقادي سلطان:شو؟؟؟ ماشي رقاد يلاه قومي نزلي معاي ....وزخه من ايدها نوري: ازين اتريا خلني ايب شيلتي ... سلطان: يلاه بسرعه ... نوري كانت لبس امخو ر وردي في اسود وشيله سوده فيها ورد اصغير لونه وردي ... سلطان : اقول اختي شيماء في شهر الخامس .؟؟ نوري :هي ..امممم عـ مااضن بعد اسبوعين راح ادش في السادس .. سلطان : شو تتوقعين ولد وله بنت ..؟ نوري: مـــــــــــــــادري يمكن ولد...لو تشوف حارب 24 مع امي وين ماتروح يروح معاها نص اغراض البيبي هو مختارنها وكله يقول ولد هب بنت ههههههه سلطان: الله يعين اختي عليه هههههههه.. ميروه وهي اتصارخ:كــــــــــــــــــــــــالي سلتان كالي سلتان ((خالي سلطان خالي سلطان )) سلطان وهو ينزل لمستوها :هلاوالله بل غلاه كله وينج انتي ماشفتج ...؟ ميروه:انا بعد ما ا تفتك ((انا بعد ما شفتك))!! راشد:انا اقول البيت ليش امنور اثاري سلطوون اهني سلطان : البيت امنور بوجودكم ...((وتخاشمو)) راشد: اعلومك ؟؟ عساك مرتاحه في دبي؟؟ سلطان: والله الحمد الله ... هي الحمدالله مرتاحه ... راشد: متى يت ما شفنااكـ ؟؟ سلطان: والله من ساعه واصل بس كنت عند نوري كنا نتكلم عن خطه و.. قطعته نوري: اا بابا انا وسلطون وفطوم وهند راح الروح المارينه اليوم عصر عادي ..؟؟ ميروه وهي تتناقز : انا بسيل انا ابه الله يكليت ((انا بسير انا ابه الله يخليج)) نوري: خلنه ناخذ الموفقه بل اول ....ها بابا شو قلت ؟ راشد: حق شو سايرين ؟؟ نوري: خالي يبه يتشره قمصان وبناطلين ... راشد:انزين هو رايح يتشراله انتو حق شو رايحين ..؟؟ نوري: نحن رايحين عسب نشتري هديه حق حارب بس هب اتخبر حداوكي راشد: هههههههه okانزين سيروه بس هب تتاخرون .. نوري:اوكيميروه: ياني بتيل ((يعني بسير )) سلطون: ههههه هي بتسيرين .... نوري: انا بسير اخبر هندووه وتجهز ... شيماء: سلطون حبيبي سير ارتاح توك ياي من دبي ساعه كم ناش اليوم ؟؟ سلطون: الساعه 7 ونص .. راشد: سير ريح اشوي وبعدين انا راح اي وصحيك عسب اروح المسيد حق خطبة اليمعه .. سلطون: انشالله ....وسار غرفته الخاصه به ... سلطان بعد ماتسبح وسحه شعره انسدح عـ سرير وتم يفكر ويقول في خاطره : اآآآآآآآآآآهـ صح اني فقت امي وبوي بس الله عوضني بغيرهم راشد نوري شيما امينه ((اخته العوده)) محمد((زوج امينه)) حارب اليد حمني ويدوه فاطمه الله يحفظهم ويخليهم لبعض بس بعد انا محتج حق ام تدعيلي ....حق ابوه ينصحني.... الله يرحمكم رحتو وخليتوني وحيد في هل دنيا آآآآآآآهـ يالتني مت معاكم ....ونـــــــــــــــــــــــــــام راح في عالم ثاني عالم الاحلام ....... صوب نوري بعد ماخبرت هند وهند استأذنت من امها وابوها ردت عـ نوري انها راح تي معهم وتمو يسولفون وبعدين هند خبرتها ان كل الشله راح اطقم في اللبس حق العزيمه وسكرو عن بعض ونوري راحت تسبح عسب تتجهز .... يوم خلصت سبوح قصة قصتها وبعد ما نشفت شعرها بسشور لبست ... كانت لبسه امخور احمر وعليه نقش بلون الاسود ورفعت شعرها بربطه وردة( الروز)لونها احمر ولبست قواشي حمر بس اصغر وتجحلت ولبست انعال لونه اسود وعليه ورده عـ ينب لونها احمر وساعه يلدها اسود وكرستالها ابيض ...>> ذوق اختي هذا انا ماعرف هل سوالفــ...اخخخخ راشد: انا ساير اوعي سلطون عسب انسير المسيد ميروه:لا انا بتيل ((لا انا بسير))...وربعت صوب غرفة سلطان عسب ابوها مايسبقها راشد:هههههههههه سلطان حس حد يلعب بشعره ويوم فج عينه حصل ميروه عداله سلطان: الحلوه شو تسوي اهني ..؟؟ ميروه: بابا قل انه هو لاح (راح)يقومك وانا قتله لا انا لاح(راح) اقومك وتميت البع(اربع) لين ما تبقته (سبقته)وصحيتك... سلطا:هههههههههه تبقتيه .. راشد وهو توه يحدر : اخخخخ سبقتيني وصحيتي لو صبرتي كنا انا وانتي بنزيقه ونخليه يصارخ شرات ما انتي اتصارخين ميروه: ادول... كالي سلتان نام مله تانيه عتب انا وبابا ان ديدك الله يكليك ((اقول خالي سلطان نام مره ثانيه عسب انا وبابا ان زيقك الله يخليك)) راشد سلطان: ههههههههههههههه نوري توه حادره :ضحكونه معاكم ..!! سلطان :نوري ميروه تترجاني انام عسب هي وراشد يزيقوني .. راشد: اشكره ان خطط يدامه بعد ههههه ميروه: نوري حلو لبتد انا ابه تلته ((لبسج انا ابه شراته )) نوري: اعيونج الحلوه يوم ماما اتروح اتفصلنه راح اقولها اتفصلج معانا ok ميروه:اوكي سلطان :مشالله عليج يا نوري قمر 14 حلو عليج اللون الاحمر ... نوري: صدق .. راشد وسلطان: هي نوري: فديت هندو هذا من ذوقها ...اتموت عـ شي اسمه احمر .. سلطان:اخخخ شراتي .. راشد: وانتي اي لون اتحبين ؟؟ نوري: احب الون التركوزي ...اموت فيه .. راشد: سلطون يالله بسرعه البس كندورتك وخلنا نلحق عـ خطبة اليمعه سلطون:انشاالله وظهرو راشد ونوري بس ميروه ما رضت تظهر سلطان سارالحمام وتيدد وبعدين لبس كندوره اكريميه وسفرته كرميه فيها خطووط حمر وتعطر ودهن.... وميروه بس تطالعه نوري حدرت عليه وفي ايدها المدخن عسب يدخن ميروه:نوري انا ابه ادكن((ادخن)) نوري: تعي عسب ادخنج ...وسارت ميروه جداها عسب تدخن سلطان: الا فطوم وين ؟؟ فطوم وهي توها تحدر : انا اهني نوري:صدق عمرج اطويل ..تونه بطاريج .. فطوم بعد ما ويهت سلطان :اعلومج ؟؟ فطوم:والله تمام وانت اخبارك؟؟ سلطان: ماشي الحال ... فطوم وهي تطالع ميروه وتبه اتغيضها : اونج عاد امطقمه مع ملكوه لا تحاولين لبسج هب حلو انا لبسي احل ... سلطان:هههههه خليها حلو لبسها ميروه وهي اطلع لسانه حق فطوم: تفتي لبتي حلوه ((شفتي لبسي حلوه)) ميروه كانت لبسع قميص بنفسجي عـ بنطلون اسود وبوت بنفسجي وفاله شعرها ولبسه طوق بنفسجي وملكوه شراتها .. ملكوه وهي توها حادره:خالي سلطان بابا يقول يالله بسرعه سلطان: اوكي يلاه باي الباجي: باي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ بعد ماسرو الريايل حق المسيعد وصلو والحريم اتيمعو في بيت غانم عسب يساعدون ام اسعيد بدو العرب ايون الريايل في الميلس والحريم في الصاله العوده والبنات في الصاله الي فطابق الثاني .. فطوم : اونكن امطقمات !! عفيش: تراج انتي معانه امطقمه ؟ نوري: اخخخخ قفطوها الباجي ماعده فطوم:هههههههه فطوم: ما يضحك ازين !! موزه : اساعه كم راح اتسيرون المارينه ؟؟ نوري: خمسه العصر .. عفيش:اخخخ الله يعينك يا حروووب سارووه: نوري صدق خالج يه ؟؟ نوري: هي اليوم الصبح موزه : انا سايره ايب فوني وبي الباجي: اوكي موزه نزلت ابليه شيله وكانت امسويه ذيل احصان حق شعرها.. ام سعيد وهي امحرجه: موزه؟؟ موزه لفت جداها وشعرها لف عليها : نعم خالوه؟ ام سعيد وهي امحرجه: حق شو فاجه سعرج بعدين راح يحسدونج عليه موزه:ههههههه انشالله خالوه مارح افله مره ثانيه .. ام سعيد: حبيبتي انتي لبسي وقايتج ونزلي وله لفي شعرج عن لا يحسدونج اكفايه انج عذب تبين يحسدونج عـ شعرج بعد .. موزه استحت من رمست خالتها :انشالله خالوه ...تامرين عـ حايه ؟؟ ام سعيد وهي تمسك راسها وتقرا المعوذات وموزه في داخلها ناقه ضحق عـ خالتها ابو سعيدوهو يزاعج : ام سعيد ام سعيد..!! ام سعيد: هاا تعل انا اهني ابو سعيد: سلام عليكم موزه وام اسعيد: وعليكم السلام ابو سعيد: اوه موزي اهني اشحالج بنتي؟؟ موزه وهي توايه عمها: الحمد الله يسرك حالي وانت عمي اخبارك ؟؟ ابو سعيد: واله بخير ونعمه ام سعيد: تعال يابو سعيد وشوف بنت اخوك ابو سعيد: جيه شو فيها ؟ ام سعيد: فله شعرها واخاف الحريم يحسدونها ماشالله علها غويه وشعرها غوي ابو اسعيد: صدقها خالتج حق شو هب لفه شعرج؟؟ موزه: اليوم نحن االبنات متفقين انه انطقم في كل شي عسب جي فله شعري ابوسعيد :هههههه والله انكن متفيجات ام سعيد : ابو سعيد تعال وقرا معي المعوذات عن لا يحسدونها موزه وابو سعيد:ههههههههه عند البنات هند: نوري انتي قاصه قصج ؟؟ نوري: هي قصيتها اليوم عفيش: حلوه القصه سارووه: تنفعين تفتحين صالون في المستقبل عند موزه بعد ما قرو عـليها المعوذات وتمو ينصحونها يالله فجت عنهم موزه: خالوه شيماء خليت الفون عندج وينه ..؟؟ شيماء: شفته امفضي فقلت اخي لج في الشحن موزه: تسلمين وين خليتيه لانه يمكن ابوي يسوي علي وانا مادري شيماء: تلقينه في الغرفه الي امعلقين فيها العبينا موزه: قصدج غرفة الكوي ؟؟ شيماء: هي موزه: اوكي تسلمين شيماء: موزه لفي شعرج عن لا يحسدونج ..وقري المعوذات عـ عمرج موزه:هههههه محاظره اطويله عريضه بس عسب فله شعري شيماء: منو الي رمسج ؟؟ موزه : خالوه ريم وعمي غانم وقرو علي المعوذات بعد ههههه شيماء:ههههه تستاهلين منو خبرج اتفلين شعرج ؟؟ موزه: الشله ..وبعدين انا هب فالتنه امسويه ذيل احصان رافعتنه .. شيماء: ولو بعد يعتبر فالتنه موزه:اوكي السموحه مره ثانيه ماعيدها... شيماء: هي جي اباج ههههه موزه راح الغرفه عسب اتشوف فونها اذا ابوها سوالها وله لا موزه وهي يالسه اطالع روحها في المنظره الي يدامها كانت المنظره طولها تمت اتشوف روحه من فوق لين تحت وتعدل شعرها وفي خاطرها اتقول : آآآآآآهـ وينج يامي لو كنتي الحين عيشه كنتي بتواجعيني شرات ماوجعوني وتخافين عليه... احس اني يتيمه من دونج صح انه ابوي ما قصر بس بعد انتي غير انتي الحنان... انتي ((اهني ادموع اتيمعت في عينها )) سعيد كان امحرج لانه ميود صب عليه بيبسي بل غلط ويوم سأل ياني ((خدامتهم)) اذا كندورته البنيه مكوايه وله لا قالت انه كندورته مكوايه وفي غرفة الكوي اول مادخل الغرفه انصدم وهي خاطره ((ياربي صدق انج عذب آآآآآهـ اموت فيج ماشالله شعرها طويل بس عن لا يحسدونها الحريم ))لحظ انها كانت اتصيح وسرحانه موزه وهي في مكانها متحركت حست بايد شخص يمسح دموعها الي هب راضيه توقف اول ما رفعت راسها عسب اتشوف منو هل شخص طاحت عينها في عينه كل واحد يطالع الثاني وله قدر ينطق بكلمه عند سعيد الي سرح في خياله ...في عالم ثاني عالم بس سعيد وموزه وتم يتأمل كل شي في ويها وتفاصيله واخيرا قرر احد فيهم ينطق سعيد: موزه ..انا تعبت خلاص ....موزه لزم تعرفين انه انا احبج وموت فيج وعشقج و موزه كنت تضن انه في حلام يوم سمعت فونها يرن ولفت حوليها عرفت انه هذا هب حلام هذا حقيقه وشخص واقف يدامها ماعرفت شو تسوي غيرانه اتهد المكان ابكبره وتروح عن هذه المكان سعيد: موزه موزه ..بس موزه سارت فوق من دون ما ترد عليه نوري: بسم الله شو فيج جنه حد صافعنج ؟؟ سارووه:حبيبي موزي شو فيج ؟؟ موزه في خاطرها :معقوله سعيد يحبني لا لا يتهيالي .... موزه: بنات وااين فوني ؟؟ نوري: عـ اساس انج اتروحين تيبينه وتين ؟ سارووه:جيه ماحصلتيه؟؟ موزه في خاطرها: يعني ما كان يتهيالي .. سعيد: احم احم البنات لبسن شيلهن ساروه: تعال سعيد حياك . سعيد وهو عينه عـ موزه : سلام عليكم .. الباجي : وعليكم السلام نوري: اشحالك؟؟ سعيد: حالي ما يسر الباجي ماعده موزه: افااااليش؟؟ سعيد: غروشوبتي يوم اعترفتلها اني احبها شردت عني .. نوري:ههههههههههه حلوه كيف يعني شردت عقت السماعه وشردت سعيد: لا شفتها ويوم خبريتها شردت الباجي ماعده موزه :هههههههههه سعيد: والله اخرتها بموت وسبه غرشووبتي موزه اهني تمت تطالعه بعتب الباجي : بعيد الشر عنك سعيد: الحين ابه اخبرها شي واحد بس نوري:شوو؟ سعيد وهو يطالع موزه : اذا تقدميتلها بتوافق عـ وله لا؟؟ سارووه: اكيد بتوافق هي تتمنا واحد شرات !! عفيش: ازين يمكن هي تحب واحد ثاني انتو اشدراكم ؟ سعيد وهو يطالع موزه: الله لا يقول نوري: سعيد من صباح الله خير وانته تطالع موزه ليكون هي ونحن ماندري ؟؟ سعيد قفط : هااا لا بس تشبها عفيش: هههههه حلوه بس لا تعيدها فديت موزي انا.. احل منها بمليوون مره سارووه: وانتي اشدراج ؟؟ عفيش: مادري بس جي عفيش: موزه؟ موزه:لبيه عفيش: والله لو كنت ولد واكبرمنج كنت خذيتج ..اخخخخ سعيد وهومحرج: عفيش صدق سخيفه هي انتي بنت. وخاله عينج عليها شو خليتي لشباب ؟ نوري وهي تهمس حق هند: هند هند: اهممم نوري: صدقين انه سعوود يحب موزه هند: اشدراج ؟؟ نوري: ماتشوفينه من صباح الله خير يطالع موزه ويوم موزه يت هو يه ورها هند: يمكن ..اصراحه يلقون حق بعض نوري: صدقج .. فطوم: اقول سعوود ليش كندورتك خايسه؟؟ سعود وهو محرج: ها ميود الجلب وهو يشرب البيبسي حرووب يه وزيغه من وراه وهو من خوفه عق البيبسي عليه ... الباجي: هههههه سعود وهو يطالعهن كلهن : اونكن عاد امطقمين احمر اليوم ... فطوم: مسكين توه يلحض الباجي:هههههههه سارووه رن فونها :ألوو ...متى ماسمعنا.؟؟..okالحين نازلين ...وين في الصاله ؟؟....انشاالله ...بع السلامه .. سارووه : بنات يلاه ننزل خلو الغده امي محتشره اتقول اناديكم بس محد يرد علي ... نوري: متى ماسمعنا ؟؟ ساروه: والله مادري ؟ وبعد مانزلن البنات عسب يتغدن وسعيد ساربدل كندورته قررو البنات يلعبون برع في الحوي لانه العرب من ريايل وحريم سارو نوري: افففف كله انا مايصير سارووه: يلاه دورج عدي لين العشره .. نوري: واحد .....اثنين ....ثـ كل وحده فيهن سارت تتخبه في مكان شهد: ياربي واين اروح افففف ... نوري: 9.....10 ...انا يايه شهد: اويه خلني اشرد ابركلي ... نوري سارت من الجه الثانيه من الحديقه ...وشهد سارت صوب المسبح .. شهد وهي تربع وتشوف ورها اذا نوري تلحقها وله لا وفجاء انصدمة بشخص طويل شهدوه عبالها حمدان لانه كان يشبه حمدان شهد وهي حضنه حمدان ومخبيه راسها بصدره : حمدانوه الله يخليك خبني عندك ما ابه نوري اتزخني ... ....:احم ..سلام عليكمـ شهد اول مارفعت ويها عسب اتشوف الشخص الي يدامها وطاحت عينها في عينه انصدمه ما قدرت اتقول شي .... نوري وهي تزاعج : وينكم؟؟ مايد يوم سمع صوت نوري سحب شهد صوب المسبح لانه كان اجرب شي نوري: سارووه ...شهدووه ... هندووه.. وينكم ...؟؟ نوري: افففف والله تعبت ..... شهد وهي متوتره :الـ سموحه منك عباليـ قطعها مايد: حمدان ..لا عادي حصل خير شهد في خاطرها : يارتني مت وله صار هل موقف ..يالفضيح الحين شو بـ قول عني ؟؟ مايدفي خاطره: فديت صوتك فديتك شفتك عشقتك هويتك ياليت تدري ياليتك غــــلاك ياكبـــر قدره.. مايد:آآآآآآآآآهـ شهد وهي تطالعه : مايد فيك شي ؟؟تعبان من شي ؟؟ مايد وهو يتأملها :لا سلامتج مافيني شي بس اشوي متضايق شهد: افااا ليش متضايق؟؟ اعتبرني هب موجوده وفضفض انا دايمن جي يوم ماحصل عفيش ايلس روحي وفضفض حتى مراات اصيح ..... مايد وهو يبتسم لها: اوكي راح افضفض بس هب اتقولين حق احد شهد:ههههه انشاالله وهي اتاشر عـ عيونها )من اعيوني .. مايد: تسلملي اعيونج .... راح اعبر عن داخلي بس عن طريق الشعر.. شهد: امووت بشعر ..يلاه سمعنا .. مايد وهو يلس عـ كرسيـ بعد ماخذه نفس : الحين ..الانسان لمه ينعج بانسان ....يمكن من اول نظره ينعجب بل انسان .هذا.... فا اشقايل هل انسان يوصل للانسان هذا يمكن يخاف انه ينجرج .... آآآآآآآهـ...كيف اجيك كيف اجيك و كيف انا ابدى في غرامك كيف قلي ابتدي لك بالكلام لك اسلم بس ما جاني سلامك يعني مستكثر علي كلمة سلام وش اسوي حتى انا استدعي اهتمامك و افتح الموضوع يا بدر التمام مايد وهو يطالع شهد:ابتسملك او اقاطع في كلامك او اجيك بكلمة فيها احترام ما قدرت ابعد مدام اني امامك ولا قدرت اشرح مفاهيم الغرام حرت بك و احترت بك خذني مدامك ما يهمك من غدا بحبك حطام ابتدي بك حب يا عمري علامك ما تحس احساس من صابه هيام كان عن كل الهوى صار اعتصامك ما طلبتك غير و عليك السلام نوري:واخيرا لقيتكن بس شهدوووه وينها ؟؟؟ عفيش: اويه حبيبتي وينها ليكون صابها شي ؟؟ سارووه: بسم الله انتيـ ليش اتفاولين عـ بنتـ.. هند: صدقها عفيش الحين نحن صارلنا ساعه ونحن نلعب ... نوري: تعالو اندور عليها... الباجيـ: يلاه.. نوري: تعالو انسير صوب الحوض يمكن اهناكـ.. ويوم وصلو سمعو حس مايد نوري اول ما فجت الباب ... سارووه وهي امحرجهـ: انتيـ يالسهـ اهنيـ ونحن اندور عليجـ خاريـ.. عفيش: انا قلت يمكن صابجـ شي ؟؟ سارووه وهي اتصارخ: كمن مره اخبرج لا تفاولين .عـ بنتـ.. شهد: ههههه الحين انتي ليش حارقه اعصابجـ .. سارووه: ماتسمعينها من صبح الله خير وهي تقول صابه شي وصابه شي.... نوري وهي اطالع ساعتها : او هندووه فطوم يلاه لزم انروح المارينه.. هندووه وفطوم: يلاه.. ميوود: ليش ان شالله ومع منوه ؟؟؟ نوري: متفقين اروح مع خالي سلطان عسب يشتريله بدل ونشتريلنا اغراض ..من المارينه مايد: استاذنتوه ؟؟ نوري وهندوو: اكيـــــــــد.. نوري: يلاه باي الباجيـ : باي عفيش: وانتي ليش يالسه اهني .. شهد: والله مليت من اللعب فقلت ايلس مع اخوجـ ... سارروه بخبث: عن شوو كنتوه ترمسوون؟؟ مايد: وانتي وشلجـ.. عفيش: اخخخ قفطوها.. سارووه: يلاه عاد ....شهدووو حبيبتي انتي ... شهد: ههههه الله يسلمج مايد كان يتكلم عن...((وهي تطالعه..)).. اربيعه .. عفيش وهي تيلس عـ الكرسي :شو سالفة اربيعهـ؟؟ شهد: والله انا الي فهمته من مايد انه اربيعه يحب انسانه.. سارووه: اكيد يحب انسانه عيل حيونه مثلا.... عفيش:ههههههه حلوه حلوه بس لاتعيدينها.. سارووه: ازين كملي .. شهد: اربيعه يحب انسانه بس هل انسانه ماحسه فيه ولافي شعوره اتجاها بسكين هل انسان .. مايد: هي والله مسكين هل انسان .. سارووه: يعني هل درجه متعذب وميت فيها .. مايد: متعذب وميت وشاغله كل فكره وقلبه وروحه و قطعته عفيش: بس بس بس حش هذا متصوب ورايح فيها بعد.. صوب نوري .. نوري: يابنت الحلال عن الحركات .. هند: لا لا مالي خص انا راح اتغشه ..فضيحه خالجـ معانه.. فطوم: نوري خليها عـ راحتها.. نوري: كيفجــ... واول ماركبو السياره سلطان : مابغيتن حشه ساعه لين ماتين ... نوري: السموحه منك بس هي هـ اهني هندوه صكت عـ ثمها .. فطوم:هههه خالي ميروه هي الي حيرتنا ... ميروه:والله انا مالي كس((خص)) هي هنـ فطوم صكت عـ ثم ميروه سلطان : انتوه شو سالفتكن .؟؟ ميروه عضت اصبع فطوم.. فطوم: اااي ياسخيفه.. ميرووه..:كالي هي هندووه هي الي اكلتنا ...((خالي هي هندووه هي الي اخرتنا)) سلطان: ههههههه ازين اعصابج ... نوري: اخخي زحمه .. سلطان: ها نحن بعدنا ماوصلنا الله يعين يوم نوصل .. هندووه وهي اتساسر نوري : اففف والله حر ... نوري وهي اتساسرها: ازين فصخي الغشوه ويوم ننزل لبسيها.. هندووه: اخاف خالج يشوفني تره انا وره اففف كله منكم خليتوني ايلس اهني .. نوري:والله نج متفيجه كيفجـ وبعدين هو متفيج يشوفج؟؟ راح اخبركم كيف يالسين طبعن سلطان يدام ودريول عداله ... فطوم وره الدريول وبعدين ميرووه عدالها وبعدين نوري وهندووه...)) هندوه في خاطرها :افففف راح افصخها ... سلطان وهو يعبل في fm سلطان: نوري: وووين السيديات الي فيهن اغاني؟؟؟ نوري : فج السده تحصلهن .. سلطان وهو يظهر السيديات : شو تبون اخليلكم.. نوري: ميحد.. فطوم: الجسمي نوري: لا ميحد ميرووه: ميهد((ميحد)) سلطان: خلص راح احطي عـ ذوقي...وحط.. القــلب سلم لك امـــره في حالتي انت ادرى يلي حنانك وطيبك تنحــط على الجرح يبــرد شفاف يانور عيني حظ وقلبك يبيني زهـــره شبابي وسينيني تفداك الفين مره... الله لمن تكلم كأنك تغني تغنى والورد منك تعلم والشاعر يطيع شعره.. حنون ربي يصونك في طيبتك في عيونك دنياك حبي وكونك ياطيب عمري وياعطره.. فديت صوتك فديتك شفتك عشقتك هويتك ياليت تدري ياليتك غــــلاك ياكبـــر قدره.. هندووه في خاطرها: سبحان الله توني كنت راح اقول حق نوري اتخبره يخليها ...صدق صدفه.. سلطان وهو يعدل غترته في المنظره الي يدامه لحظ وحده كانت تطالع خاري وجنها سرحانه وره .....كان عباله نوري بس لمن دقق ظهرت هب هي ..في خاطره : منوه هي الحلووه؟؟؟يمكن هند الي يقولون عنها ..ماشاالله عليها .. هندووه اول ما شلت عيونها من الشارع يوم لفت عينها طاحت في عينه ...اهني هندوووه رن فونها اول ماسمع صوت الفون الكل صخ عسب اترد ...هندووه اترددة ...اترد لانه الكل يطالعها بس الفون ماسكت... نوري: يلاه ردي هندووه في خاطرها : اففف شهدوووه وفقتج تتصلين الحين هندووه:ألوو..يسرج حالي ..لا بعدنا ما وصلنا ....ان شاالله ...تامرين عـ شي ...معـ سلامه نوري: منوه؟؟ هند: شهد اتقول وصلتوه وله لا .. نوري: اهااا هند رفعت اعيونها وشافته بعده يطالعها.. هندوه في خاطرها: اففف هذا شوفيه يطالعني صدق مايستحي عـ ويه...هندووه اتقشت عسب مايطالعها.. صوب الشواب .. اليد: ها اشرايكم ؟؟ اليده: والله راي من رايك وهم يليقون حق بعض .. محمد: وانا جي اقول بعد .. راشد: خلاص اتفقنا بس محد يعرف في هل سالفه وخاصتن هم الاثنين غانم: ههههه انتو فكرو بل اكبر بعدين هل اثنين .. اليد:انا يهموني هل اثنين وايد اكثر عن الباجين لانهم اصغار كـــــــــــــــــــــت.. سعوود جاد بكلمه ..وله لا؟؟ مايد صدق يحب شهدووه ..وله بس اعجااب؟؟ تتوقعون بصير شي في المارينه؟؟ ومنوه هل اثنيت الي يهمون اليد؟؟ ان شااله عيبكم البارت .. ولا تحرموني من ردودكمـ....الــــGـــــأويـــ.....] |
سعوود جاد بكلمه ..وله لا؟؟ اكيدددددددد مايد صدق يحب شهدووه ..وله بس اعجااب؟؟ يحبهااااااااا يعني منو بحبهاااا غيررره تتوقعون بصير شي في المارينه؟؟ هي حق سلطااان وهند ومنوه هل اثنيت الي يهمون اليد؟؟ موووزة وسعيددد |
تسلم أخويـــهـ .. ولا تبطي علينا |
نوري . . عيل نآويـه ع حروب . . حروب . . اللـه يعينـه :: Eh2:: . . وسعود . . هههههه ع كيفـه اونـه ريلهآ هآع . . موزآن . . حليلهآ رآحت فيهآ . . توقعآتـي . . سعوود راح يعترفـ حق موزه..؟؟ يب يب . . نوري راح اتنفذ خطتهاا وله راح تفشل ؟؟؟ يب يب رآح تنفذهآ . . منوه هذا سلطاان؟؟؟ وهل يستويلهمـ؟؟؟ امم ربيع حروب . . مآ اظن يصير لهـم . . وبث . . نرقب البآرت الـي عقبـه . . والسموحـه . . |
الساعة الآن 05:35 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir