|
يسلمــــــــــوو غــــــلاي القصـــــــــه عـــــــذآب وعــــــــــدمــنآكــ |
--------------------------------------------------------------------------------------------------------------- مر اليوم ولا سيف ولا عوشه عرفوا يرقدوون وعوشه ما كانت تعرف شي عن محمد ليين الساعه 1 فليل ما طلعت من الحجره كاانت يوعاااااااانه .. شويه وسمعت صوت محمد يضحك بصوت عالي ويا سبستياان وبدى قلبها يدق .. محمد ركب فوق وبخطوااات ثجيييله اول ما فتح البااب حصله مقفوول وكان يرمس بالايطالي ويسب وعوشه زاااايغه ما تعرف شو تسوي .. اول مره تشوف ريلها سكرااان عوشه : ياربي شو اسوي نشت وفتحت الباب ولصقت على الكبت .. محمد يطالعها بعيونه الحمر وعوشه قلبها يدق : شووووو فييج هذي حياتهم الحلوه وانا عايبتني لا تقولييين لي شي.. تراني اعصب والله محمد مشى لييين السريير وعق عمره علييه عوشه تحس انه قلبها بينفجر من كثر مب هي زايغه ودموعها كانت واقفه ولا نزلت .. ركضت وصكت الباب وقفلته و تمت مختنقه من ريحت محمد عوشه : بس خلالاص ملييت انا لازم استوي قويه جدام هاي المواقف لازم سحبت المخده وحطتها تحت وخذت الفراش اللي تحت اللحاف وحطته تحت بعد وبطلت جوتي محمد ودلاغاته ويرت اللحاف بقو من تحته ولحفته .. عوشه : هذا ابتلاء ولازم اصبر علييه والصياح ما يعالج مثل هالاموور .. شلت اللحاف والمخده وحطتهن على الغنفه .. وطاحت .. تطالع محمد وتفكر في سيف .. شو خلاه يسوي جييه .. كيف القدر ساقه ليي ؟؟ كان متعمد يضربني ولا كيف ؟ عوشه تحس بغصه في قلبها : وليش تظهر لي يا سيييييييف تبا تجدد حبي لك .. و ليييييييييييييييش قلت هاك الكلام كله ليش .. وليش نطقت هذيج الحروف اللي سمت فوادي سم ...ورقتك وكلامك ونظراتك كلها محتفضه فيها بصندووق قلبي .. ومستحييل تجدم .. يا سيف سيف في هالوقت كان تعباان من كثر الظييج اللي فاح في فواده .. و الليل كله ما رقده ومايد بعد كان يتجلب ومب عارف يرقد من حركه سيف .. نش مايد وشغل الابجوره مايد بويه معصب : شو فيك سيف بعده متلحف وملحف ويهه مايد : سيفوه انته راقد سيف : لا مايد : شو فييك ما رقدت وما رقدتني ويااك استوت الساعه 2 وانا ما ياني رقاد سيف : وانا ما فيني رقاد مايد : باجر ورانا نشه بنسير صوب السفاره سيف : ان شاء الله بنسير انته لا تحاتي مايد : من يومين وحالك مب عايبني والله سيف حس انه يبا يفضفض : لو اقولك ما بتصدقني مايد : ليش قد يوم رمست لي بشي وما صدقتك سيف : لا مايد : عيل تكلم سيف : شفت اللي ........ وسكت ويا ريلها هنيه مايد انصدم وتم ساكت سيف : ولحقت ريلها لين مكان سكنهم وتميت اترصد لها مايد منصدم من سيف : سيف انته شو تقول تلحق وحده معرسه سيف متضايق : لا تقولي شي .... شفتها في الحديقه اللي جدام مكان السكن وفي لحظه اعترفت لها بكل شي كانت يالسه كافيه خيرها وشرها شفتها بصدفه يا ميود صدفه مايد متفاجا: كيف ومتى ؟ سيف : مب البارحه تمينا ننتمشى مايد : هي سيف : انته سرت ترمس ويا ولد خالة امك وانا سرت عند البيت بس ما شفت حد لعبت ويا الاولاد الصغار ويت الكره على ويها لانه هي كانت يالسه عند الشيره وانا كنت ما ادري يا ميود ؟ مايد : كيف مب فاهم انا شي سيف : يوم ضربتها الكره صرخت فزغت انا وسرت اشوفها ما كنت ادري انها هي .. شفتها بس كانت متغشيه عني عرفتها من الجبس اللي في ايدها لاني كنت شايفنها في المستشفى يوم مودي خليفه للعياده مايد مب مصدق اللي سمعه كله : سبحان الله سيف متضايق : يا مايد ما ادري شو خلاني الحقها لين هنااك .. كنت اتناسا وتذكرتها مايد : ما اعرف شو اقولك ياخويه بس مب زيين ياسيف هذي حرمه معرسه والمفروض ما كنت تقولها هالكلالام الحين بتم تفكر في اللي قلته لها سيف متضايق : خلها تفكر مب انا بس اللي اتعذب من فراقها مايد : لا تقول جييه اكيد هي مستانسه ويا ريلها والحين تي انته وتخرب عليهم فرحتهم سيف دموع في عينه : ميود انا متأكد انه هي مب مستانسه ويا ريلها لانه كلامها وايدها والكلمه اللي قالتها خلتني اتأكد انه معاملة ريلها لها مب زينه مايد : شو قالت ؟ سيف : قالت كلمه ما كملتها وهي كانت تقصد يضربها .. مايد : لا لا مستحيل سيف : مايد هذا ما ينقال عنه مستحيل انساان خماااار تعرف شو خمااار مايد منصدم في ربيعه : وانته شدراك ؟ سيف : سألت عنه يوم خطبها مايد : وليش يزوجونها خمار سيف معصب .. : خلاص مايد ما بتكلم في هالسالفه اكثر مايد حس بسيف : اوكي اوكي بس عندي نصيحه لك ابعد عنها عشان ما تسوي لها مشاكل سيف : مستحيل .. مستحيل اخليها وهي في امس الحاجه لي مايد : انته تخبلت سيفوووه .. هاي حرمه معرسه وبعدين انته ما يخصك يضربها ولا يجتلها خلالالالالالالالاص اسحب ايدك منها هي متززوووجه تعرف شو متزوجه , ويمكن ريلها اذا شافك يسويلك مشاكل وويع راس انته ما لك غنى عنها., سيف معصب : هذا يزاتي اني قلتلك المفروض توقف ويايه ما تعاتبني مايد معصب : يا سيف فكر بعقلانيه .. حبك لها وقربك منها بيسويلها هي مشاكل بعد وبتدخل في سين وجيم ويا اهلها وممكن توصل في الفضيحه والمحاكم سوالف ثانيه غناكم الله عنهااا سيف يطالعه بحزن : بسسس مايد معصب : انا قلتلك الصح واذا ما تبا تسمع كلامي كيفك وبند الابجوره وطاح يرقد سيف تم يفكر في كلام مايد بس هو كان يحس انه عوشه محتاجه له في هالوقت بالذاات وهو اقرب شخص لها .. ------------------------------------------------------------------------------------- مر اسبوع غيره عليهم وهم في لندن .. محمد كان يرمس عوشه بس عوشه ما ترمسه الا من بعيد لبعييد كان يطلعها ويا سبستياان ربيعه ويوديهم لمكانات حلوه كانت تطالع بس بدون صووت ولا كلالام وفي هالوقت كله تفكر في سيف وفي الكلام اللي قاله لها وسيف كان هالايام كلها يمر صوب البيت اللي فيه عوشه بس ما يشوف شي حس انه عوشه غادرت البلاد ولا غيروا البيت .. في هالوقت كان سيف واقف عند الحديقه ويطالع من بعييد في وقت الظهر شاف سيارة سبستيان ظهرت من البيت وفيها سبستيان ومحمد وعوشه ما كانت وياهم سيف زاغ : ويينيه وين سارت شويه وطلعت من البلكونه .. وتمت واقفه عوشه تطالع الحديقه ومجتفه ايدها وتتنهد .. : وينك يا سيف .. اقول اشتقتلك وانا ما يحقلي .. اقول احبك وانا ما يحقلي ... اقول أنت ملكي وما يحقلي شقول يا سيف علقتني يا سيف عمري ما حبيت انسان مثلك .. سيف شافها وما صدق عينه كان يبا يكلمها تم يفكر : اطلع جدامها ولا كيف ,, ابا اكلمها .. أبها تحس فيني عوشه قررت تطلع صوب الحديقه يمكن تشوف سيف تحس انها تبا تشوفه .. كانت تحس بالغربه وهي في الغربه ويا محمد .. كانت تبا تفضفض لسيف عن محمد كانت تبا تبوح اسرارها له .. اول ما شافها سيف دخلت أكتأب .. : ياربييييي شو اسوي الحين .. حط في راسه الف خيار وبعدها شاف عوشه طلعت من البيت سيف وقف مكانه متسمر : يايه صوبي .. عوشه كان قلبها يدق بسرعه شافت سيف واقف عند باب الحديقه .. تمشي وتطالع تحت .. تخطت الشارع وصلت صوب الحديقه قالت في خاطرها انا بتجاهله وبشوف شو يسوي مشت عوشه وهي مب مباليه في سيف وخطفت عنه ودخلت الحديقه .. سيف تم يطالعها .. ومتفاجا من الحركه اللي سوتها .. عوشه تمت تمشي وقلبها يدق بسرررعه سيف صد ورى يطالعها وعقب مشى وراها بخطوات سريعه لين وصل صوبها ... عوشه لفت صوبه : نعم سيف معصب : جيه تسوين فيني عوشه : انا ما سويت لك شي سيف : عوشه اسمعيني زين عوشه : نعم سيف تم يفكر في كلام مايد ربيعه انه هي حرمه معرسه والمفروض ما يقولها هالكلام مره ثانيه عوشه خانقتنها العبره بس تكابر : نعم آمر شو بغيت سيف يحرك شفايفه يبا يرمس بس مب قادر عوشه : ليش موقفني مدام ما عندك رمسه , ولا طابتلك السالفه وقلت برمس وياها كل ما ييت سيف متفاجا : استويتي قاسيه يا عوشه عوشه صدت الصوب الثاني : انا مب قاسيه سيف : امبلا عوشه : انته تدري انا ليش اتكلم وياك جييه سيف : ليش ؟ عوشه : لاني انسانه متزوجه وعندي ريل وبنت ناس وعرب ومستحييل ارمس ويا أي حد سيف : أنا أي حد يا عوشه عوشه : انته تطري اسمي كانه وحده من هلك سيف وايد منصدم وعصب : هيه نعم بطري اسمج لانه يحق لي عوشه ألتفتت صوب سيف وتبينه انها معصبه : نعم جني ما سمعت سيف : بذكر اسمج لين ما تنتهي حياتي لين ما امووت وانا أطري اسمج عوشه حست انها بتصييييح : اففف كلام يهال سيف : كلام يهال؟؟؟؟!!!!! عوشه عصبت : انته شو سالفتك بالضبط كرهتني عيشتي يا ولد االناس سيف تم معصب وسااكت وبعدها قال : انا عمري ما انذليت لحد وعمري ما كلمت حد وقلتله انا احبك وهو لانسان ثاني .. اسمعي يا عوشه انا من هاللحظه اسحب كلامي واقولج الله يوفقج واعتبري الكلام اللي قلته لعب يهال مثل ما تقولين حبي لج ما اتغير حتى يوم اني خطبتج وردوني .. وحتى يوم انج عرستي وابتعدتي .. لكن من هاللحظه اقولج اني انا مب سيف اللي تعنى عشانج .. وتارك ربيعه في المستشفى وربيعه اللي نصحه يولوون ...... أسمحيلي اقولج انه قلبي ما يستاهل قلبج وصد عنها وساااار يمشي برع الحديقه عوشه في هالحظه حست انه الدنيا اظلمت في ويها .. وقلبها وقف عن النبض .. تمت ترتجف وهي واقفه مكانها .. الدموع طاحت من عينها بدون احساس وعيونها تمت تتابع سيف ليييييين غاب عن ناظرها سيف انسان حسااس بشكل فظيع نزلت دموعه لحبه حس انه هو زاد الطين بله .. لو تميت احبها وانا محروم منها احسلي من ما تقطع قلبي مرتيين .. تنهد ودموعه تنزل .. حس انه هالموقف اكثر موقف مر بحياته نزلت له دموعه .. كاني سويت شي غلط .. يعني هي شو بيدها تسوي ..؟! اانا ما خطبتها من الاول .. ويوم الحين خذت قدرها عاتبتها آآآآآآآآآآه ألا يبكييك ما اصابني ألا يكفيك ما حل بي .. تعذبت بسببك عدة مرات .. واهنت قلبي لحد الممات .. وركضت وراك وضعت في دروب الشات .. كلمات وكلمات وكلمات .. لا تعبر عن ما اصاب الفواد من آفات .. ---------------------------------------------------------------------------------------------------------- |
وبعد مرور7 شهور من حياتهم .... سيف : خليفه بتسير ويايه خليفه : وين سيف مبتسم : بشتري حق مايد هديه خليفه : هيه والله ما شتريناله هديه سيف : قم قم بنسير طلع سيف وتم يطالع خليفه وهو يمشي من على الدري بالعكازين خليفه مبتسم يقول في خاطره والله محد يسواك يالغالي خليفه يطالع سيف : وانا متى بتسيروون تشترولي هديه سيف : افا علييك انته آشر ونحن بنخطبلك خليفه : منو بياخذ انسان معااق ؟ سيف : لا حول ولا قوة الا بالله العلي العظيم انته اشر بس وانا بخطبلك دين ويميين لسير ويااك واودي اخواني كلهم يخطبولك .. خليفه : فديتك والله ما عليك زود سيف : متى ناوي خليفه : هههههههههههه بعدني انزين لين ادور الحرمه اللي تناسبني سيف تضايق : اقولك خل الوالده تدورلك احسلك خليفه : هيه اكيد بس اذا خطرت في بالي وحده احسن سيف تنهد : الله يوفقك يالغالي خليفه : شرايك نعرس رباعه شرات ما عرسوا اهلك سيف : لا لا انا بعدني مطول .. خليفه : بس عااااد يالله بنخليهم يدورولنا رباعه سيف : على خييير خلنا نسير الحين --------------------------------------------------------------------------------------------------- دشت عوشه الحجره وكانت يايه منظفه الصاله وتعبانه وبطنها يعورها دشت وحصلت محمد يرمس في التيلفون .. ويالس ع الكمبيوتر ما شافها يوم تدش محمد : هههههه والله ما ادري ع حسب المود يا الغلا عوشه تنهدت محمد : اسمعي ما يطاوعني قلبي تقولين عن عمرج جيه . عوشه ضربتها غبنه حست انها ملالالانه من هالروتين .. خلاص تعودت على هالسالفه . محمد : لا والله قلبي وعقلي وياج انتي بس عوشه حست بويع فضيع في قلبها وكتمتها في خاطرها .. فتحت كبتها وهلت دموعها من عينها .. كانت تكلم نفيها اباك تهدني تخليني في حالي .. تعبت يا محمد تعبت والله تعبت ما حصلت منك الا العذااب وما حصلت منك الا الضرب والاهانات .. وما حصلت منك الا شرب ومخدراات بعد ما ردوا محمد وعوشه من الرحله التعيسه اللي كانت تسميها عوشه .. محمد رجع لخرابييطه ولسوالف البنات اللي كانت شاغلتنه قبل العرس وعوشه كانت بالنسبه له ولا شي في البيت .. بو محمد وام محمد كانوا يشوفون العلاقه الجافه اللي بين عوشه ومحمد بس ساكتين عن السالفه ويدعون لولدهم بالهدايه ..و فطيم حامل وتعبانه من سالفه عوشه ومن السوالف اللي تسمعها عن محمد وساكته محمد أخيرا انتبه لعوشه : اقول انا الحين بخليك وبتصل بعدين . عوشه خذت ثيابها وسارت صوب الحمام .. ومحمد سمعها يوم تصيح محمد : ايه عوشه تسوي عمرها ما سمعت .. محمد عصب : ايه انتي .. اكلمج انا . عوشه صدت صوب محمد وعيونها كلها دموع . محمد : شو فيج ؟ عوشه : وليش يهمك محمد تم ساكت وعوشه كملت صوب الحمام . محمد عصب : انا بعدني ما خلصت كلامي . عوشه حست تبا ترد عليه بس ما تقدر عوشه وبعصبيه وهي تصيح : ولين متى تباني اوقفلك .. محمد تغايض : شووووو من متى انتي تكلميني بهالطريقه . ؟ عوشه : من اليوم وساير محمد نش عن الكرسي ويا صوبها .. محمد : اسمعي يا عوّوووش انا محمد اللي رمسته تهز جبال ما حد يوقف في ويهي ويتعالى على رمستي عوشه ما حبت تزيد الطين بله : ان شاء الله حقك عليه وتلف تبا الحمام محمد تغايض ما يداني يرمس وحدي يقفيبه عوشه لفت ومحمد حس انه يبا يضربها عشان يخف غيضه .. في هالوقت عوشه كانت ناشله شعرها يرها من شعرها وسحبها على ورى وطاحت وضربت الطاوله راسها.. شهقت عوشه وتمت طايحه تحت مغمى عليها محمد تم منصدم وفاتح عينه ويطالع عوشه وهيه طايحه على الارض وثيابها عدالها .. محمد بصوت واطي : ايه ويرفسها بريوله رفسه خفيفه عوشه مغمى عليها وما تدري بالدنيا محمد ما عرف شو يسوي نزل تحت ويطالعها .. وتدور في باله وايد أشياء محمد : عوشه قومي نشي وعوشه مب وياه مغمى عليها محمد ضربته حيره وما عرف شو يسوي حط ايده على نبظها وشافه ينبض .. ركض تحت وياب الموتر صوب الباب وفتحه .. وشلها .. كانت خفيفه لدرجة انه ما درابها يوم شلها وسيده وداهاا صوب الموتر .. وحطها ورى .. وفي ما هو يحطها في السياره تذكر انه ما ياب لها عباه .. محمد صك الباب وسار يركض ياب لها عباه وشيله نزل من الطابق اللي فوق ولاقف ابوه في ويهه .. بو محمد : ها وين ابها محمد ارتبك وما عرف شو يقول : والله اااا ساير انا وعوشه صوب دبي ويمكن ما ني الليله بو محمد مستغرب : شوووو ؟ محمد : ليش مب مصدق بو محمد : مب ع عاداتك محمد : لا ان شاء الله فاتحه خير علينا بو محمد : ان شاء الله . بو محمد : سلم على امك وانته ناهي محمد : ان شاء الله . بو محمد : هيد ؟ وين عوشه ؟ محمد : عوشه امممممم هيه عوشه سبقتني في الموتر بو محمد : يالسه في الموتر؟ هيه سلم عليها اليوم ما شفناها محمد : اوكي اوكي .. وسار يربع وعقب ما سار محمد بو محمد انتبه للعباه اللي في ايد محمد وتم مستغرب .؟! سار محمد ركض صوب الموتر ع السريع سار صوب المستشفى .. ------------------------------------------------------------------------------------ سيف : يعلكم الا مستانسين مريم : الحمد لله مايد : بوجودك والله يالغالي سيف : هالهديه مني انا لكم انتوا الثنين وهاي من خليفه لمايد مايد :شحقه معبلين على عماركم ما نبا عليكم هدايا نحن سيف : لا تقول الكلالام .. هذا واجب مايد : الله يوفقك يالغالي ونشوفك معرس ان شاء الله سيف تنهد : ان شاء الله يالله انا اترخص تامروني بشي ؟ مايد : ما يامر عليك عدو مريم : انزين ايلس تغدى ويانا سيف : لا والله بسير اميه وسلمووه يالسين في البيت روحهم مريم : يالله عيل سلم عليهم طلع سيف من بيت اخته اللي توها معرسه وتم يحووط بالموتر ويتذكر عوشه .. وحاط في اذنه السماعه ويسمع شلة عبدالله الرميثي .. حبيبي ليش ما تسأل ... انا مشتاق لعيونك نعم مشتاق ياعمري .. وروف بحال مضنونك دخيلك بس لا تقسى .. على منهم يحبونك انا اللي عاشق ومغرم .. وانا والله مجنونك يا اروع ما خلق ربي .. يغار الورد من لونك سحر عينك سلب عقلي .. يا بدر ضاوي بكونك عسى يا خل تذكريني .. وعسى ما خابت ضنونك تراني ع العهد باقي ,, اداري الحب واصونك حبيبي والله ما يسوى .. اعيش العمر من دونك لانك مالك حساسي .. محال انساك وآخونك حبيبي ليش ما تسأل .. انا مشتاق لعيونك |
يسلمو على القصه |
تسلم غرشوووووووووووووووووووووووب |
| الساعة الآن 05:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir