|
لييييييييييييييييش جيييييييييييييي ؟؟؟ حرااااااااااااام علييييييك لييييش تموت شووووووق ؟؟ بصرااااحهــ من اول ما الود كانت اتقوم شووووق عرفت انها سلمت اماانتهااا ومن هاللحظه وعيووونييي تنزل ددمووووووووووووعااااااااااااا .. اماااااااا عن الود ان شاالله ترجع حالتهااا الصحيهــ مثل اول واحسن .. |
السلام عليكم انا اخت غرشووب( التوم ) وصاني اني انزل الكم الباارات في بيت فطامي صديقه الود كانو قاعدين فطامي وهزاع وام فطامي ومريم مرت اخوهم العود 00وهزاع الي كان منشغل في تيلفونه وهب مهتم للكلام الي يقولونه ام هزاع : فطامي امايه مانشدتي عن الود فديتها في المستشفي هزاع يلتفت الهم وكمات فطامي : ليش شو فيها ماحد خبرني ام هزاع : حليلها تعبت عليهم ودوها المستشفي مريم : ماحد كاسر خاطريه غيرها يوم ريتها قبل فتره متغير شكلها فطامي وبحزن علي حال صديقتها : هيه وحتي ماقامت تسولف شرات قبل وكله سرحانه وحتي انقطعت عن بنات عمها وهي قبل ماتصبر عنهن هزاع وهو قامضتنه الود ام هزاع : الله يصبرها انا علي العشاء رايحتلهم بتخاووني مريم وفطامي : هيه فطامي : بتروحيلهم المستشفي ؟؟ ام هزاع : لا هيه العصر بتظهر من المستشفي وتمن يسولفن وهزاع وهو يكلم فطامي : فطامي تعالي بغيتج اشوي وراحت فطامي مع هزاع غرفته وهزاع قاعد علي السرير وفطامي قاعده عدداله وتترياه يرمس هزاع : اممممم فطامي انا في خاطريه رمسه واباج تسمعينها فطامي : كلي لك قول وانا اسمعك هزاع : امم ماعرف من وين ابدا فطامي : من وين ماتبا هزاع : امم فطامي انا قبل يوم كنت في المانيا جفت الود وكلمتها واصلن انا كنت اراقبها من اول ماوصلو المانيا وعيبتني البنت واايد وانا الصراحه حبيتها فطامي : هزاع فديتك بقولك شي عن الود هزاع : شوو ؟؟ فطامي : الي ماتعرفه ياحبيبي انه الود محيرينها حق حمدان وهي تحبه وهو يحبها واريدك الغالي تنساها لنها هب لك هزاع باسف : ما اقدر ما اقدر كم مره حاولت فطامي : مع الايام بتقدر صدقني هزاع : كيف وانا كل ما اقعد معاكم امايه تقعد تتكلم عن الود وتتمدحها وانا احبها كل يوم بزياده فطامي : حاول ماتفكر فيها هزاع وهو مضايق: خلااص بحاول بس ما اوعدج فطامي راحت باسته علي خده : يلاا انا بروح تحت احين بتي نوروه فديتها ( نوره اخت فطامي وهزاع وعايشه في العين ماخذه واحد من هل العين وعندها بنت ولد ) ****** حمد : يلا ودوووه اكلي هاي اخر خاشووقه الود وهي متنرفزه : حمد كل شوي تقولي اخر خاشوقه واخر خاشوقه مليت ياخي حمد : هههههه عسب تعوضين عن الي فقتيه في الاسابيع الي طافن يدوه شيخة : جوفي كيف ويهج غادي مصفر من قلة الاكل من اليوم وساير كل يوم بخلي حد ياكلج الود حرااااام يدوه بغدي درام متحرك حمدان : ههههههههههه حلوه حلوه درام متحرك ريم : دامها حلوه ليش مارقمتها حمدان : كركر كر ماتضحكين ام حمد : يلا امايه كلي فديتج الود بافف : اف هاي اخر خاشوقه حمد : اوكي يايبيلج شي انما ايييه الود : شوو شوو ؟؟ حمدان : اكلي اول وعقب بتعرفين وتاكل الود بسرعه : ها خلصت ريم : يااااا سلام بس اتيبون حق ودوه انا حمد وهو حاب يطفر في ريم : انتي ميود بيبلج اي شي تبينه حمدان والود وام حمد واليده يظحكون علي شكل ريم ريم غادي ويها احمر الود انضمت معاهم : يدووووووه يدوه شيخة : لبيه امايه الود : امااايه متي ملجة مايد وريم يدوه شيخة : امره متي مايبون حمدان وحمد خلاص بيموتون من الضحك حمد وهو يبا ينرفز الود اشوي: يدوتي حبيبتي يدوه شيخة : امر يعلني فداك حمد وهو يطالع الود شورايج الاسبوع الياي اتكون ملجة حمدان والود الود ماكانت متوقعه هل الهجوم حمدان يطاالع الود ويغمزلها وريم تظحك هيه وام حمد الي ارتاحت انه الود بدات تتغير يدوه شيخة : امره متى مايبون حمدان وهو متشقق شورايج احين يدووه الود : لا والله كيفك اخ حمدان انا الي بزوج ولا انت علي كيفك تحدد اذا مستعيل علي العرس عرس انت ابروحك انا هب معرسه احين بعدني صغيره ودلوعه ماماتي وباباتي االكل : هههههههههههههههه الود ليش تظحكون ام حمد : امايه احين الي يقول امره صدق احين بيملج الود : الموهكيشن ابسرعه شو يايبيلي حمدان ويقوم يفتح الثلاجه ويظهر الباسكن الود : واااااااو فديتك ياحمداااااااان من متى وانا اريد باسكن جافت انه الكل يطالعها شوفيكم انتبهت الود انه قالت فديتك غيرت السالفه وين ميود ومهو حمدان وهو متشقق من الوناسه انه الود قالت فديتك واشوي حدر بو حمد بوحمد : السلام عليكم الشيوخ الكل : علييييكم السلام الود : باااااا بااااااااتي حبيبي ولهت عليك ويروح بو حمد ويبوسها : انا بعد يلا بعد اشوي بي الدكتور وبيظهرج الود : اف واخيرن عقب يا الدكتور وكتبلها خروج ****** وراحت البيت وقعدن ويو مها ومايد وامل بوحمد : خلاص انا حجزت حق السفر الود : وين بنروح لا تقول المانيا << ماتبا تروح المانيا لانها بذكر شوق عسب اخر مره رايحين مع شوق بوحمد وهو حاس فيها : لا غناتي بنروح ايطاليا الود : ياااااااااااي مها : عمي كم يوم بنتم اهناك ؟؟ بوحمد : بنتم 3 اسابيع ريم : مهايه انتي بتبدين مدرستج الاسبوع الياي مها هيه بوحمد : ماعليج فديتج انا بكلم الدرسه وبقولهم مها وتروح تحظن عمها وتبوسه : فدييتك ياعمي الود : احم احم لوسمحتي لا تتعدين علي حدود غيرج حمد : انزين خليها عمها عنبو تبين الكل حقج << الحبيب مايرضي علي مها الود : اف كليتنا مايسوا علينا طبعن ماترضيعلي الخطيبه مها ويها غدا احمر مايد : حمود حمدان حمد وحمدان : همم مايد : اليوم الشباب بيتجمعون في بيتنا اليوم حمد : هيه ادري دقالي عبداللله بي هو وسعيد ريم علي طول صدت تطالعهم بس ماحد انتبهلها وخلاف راحو الشباب وتمن البنات وياتهم فطامي وام فطامي وقعدن عندهم ويوم الخميس بيسافرون نهايه البارت ريم هل هيه تحب عبدالله بعدها ؟؟؟؟ هل بيصير شي |
اليوم يوم الاربعاء في بيت بوحمدان الريم قاعده تكلم الود : لا هب جيه الود : كيف عيل الريم بتعرفين خلاف الود : انزين اليوم بتونا الريم : هيه بس عقب عسب امايه وابويه رقود الود : عيل حمدان وين الريم : مادري يمكن في غرفته الود : اها انزين اريد اخذلي كم حايه من السوق الريم : مي تو الود : شورايج انروح عقب المغرب المارينا ونشري الريم : اوكي بس من دون قوم حمدان الود : اكيد مافينا كل شوي يلا ويلا الريم : بنروح انا وانتي ومهو واملوه الود : اوك وبناخذ البشكاره معانا الريم : اوك يلا انا احين بسكر عنج بروح اظهر ملابسيه واحطهم في الشنطه الود : اوووه ذكرتيني انا بعد بروح احط ملابسيه الريم : اوكي جااااو الود : ببااي سكرت الود عن الريم وراحت غرفتها وسكرت الباب وقعده علي السرير وشله صوره شوق وحضنتها وتصيح : اول مره اسافر من دونج ياغناتي ماعرف كيف بستحمل فراقج يالغاليه وتتنهد اه ياشوق البيت من دونج ولاشي ولهت عليييييييج واايد واايد ياليتني رحت معاج يا ختيه وباسه الصوره وردتها مكانها ومشت دوعها وراحت الحمام وانتو بكرامه تتسبح وبعد ما اتسبحت ظهرت ولبستلها تنوره سوده مع بادي ابيض هاي نك وجاكيت اسود << جزراويه الحبيبه باقي الاحمر وجحلت اعيونها 000 الود : اممممم خل اغير اشوي من لوكي بحط جحال واي شدو خفيف وبلاش وقلوس وبلبس عدسات من زمان مالبست لبست الود عدسه لونها قريه وردت جحلت اعيونها مره ثانيه ورسمت اعيونها علي الخفيف وحطتلها بلاش بنكي وقلوس بنكي شرات لون الشفايف يعني ناجرل وتعطرت وعدلت شعرها وخلته كله علي صوب اليسار وظهر شكلها يغرم الصراحه الود وهي تفكر : امممم باجي الدهن عود وحطتلها دهن عود وراحت تحت حمد وام حمد قاعدين يطالعون التيلفزون وحدرت الود عليهم الود : مرحبااااا << شرات لبنانيين حمد وهو فاتح اعيونه : اوه ماي قاد انتي مين الود وهي تروح صوبه وهي تغني : معقبه ومغرمه مش حايزه الا انته حمد : قدمي اوراقج لسكرتيري الخاص وراجعينا عقب قرن من الزمان الود : امحق علي شو بنعجب ياحسره حمد وهو يحط ريل علي ريل ويرفع حياته ويطالعها بغرور : تتمنين الي عندي اصلن الود وهي ماحد اي صوبها في الغرور وتتطالعه بنظرتها الي كلها شموخ وغرور : ههاااااي ماتي عند جمالي الي الكل يمدحه ام حمد : عاد كلكم حلوين ولا تقعدون تتواقعون منو احلي عن منو حمد : اماااايه في ذمتج منو احلي انا ولا ودوه ام حمد : قلت كلكم والود ثرها تشابهك الود وهي تمد بوز : ماماتي احين انا اشابه حمود حمد : اصلن تتمنين نص جمالي يكفي البنات ميتات عليه ام حمد : امف عليك من ولد الود : ههههههه احسن ويووو حمد وهو يغير الموضوع : انزين خبيلوه ليش متكشخة وين رايحه الود : هب رايحه مكان ليش حمد : اجوفج متكشخة ومحطتيه ميكاب قلت اكيد ظاهره الود : اولن ياغبي انا يوم اظهر ما احط غير جحال وقلوس حمد : علي بالي بتظهرين جيه بعد ياويلج الود : ليش انشاء الله لو ظهرت جيه ياويلي حمد : ماتجوفين الي في ويهج الود : عادي بتغشي حمد : بعد بس ماتظهرين جيه الود : اف انزين انزين وراحت الود ادق حق مها وقعدت اتسولف معاها وقالتلها ايون هيه وامل عسب بيروحون المول علي الساعه 7 جهزن البنات والود مسحت الميكاب راحن يشرن في المول الود ومها رايحين محل لويس فيتون ياخذن لبسه وهن راحات واحد من الشباب 00 والله انكن غراشيب الثاني 00 شو غراشيب الا قمر ويمشي علي الارض يااويل حالي عليهم مابنام اليوم مها وهي تتحرطم : يعلك مانمت انشاء الله الود : مهو سكتي عنهم مها : ساكته ثرني بس يباله اشوي تادييب عسب يحرم واحد منهم : الشيخة انزين خذي الرقم ومسويلهم طاف الثاني 00 انا انعجبت فيج يام شنطه بيضا وكان قاصد الود الود : انعجبت فيك جنيه وشلتك من الدنيا قول امين مها : قربنا يلا ندخل المحل وحدرن المحل واشرن ويوم ظهرو جافوهم واقفين يتريونهم مها : ودوه خلي واحدمنهم يشل اجياسنا الصراحه تعبنا جان ماوراهم شغله تعرفين عاد ابويه ماطرش البودي قارد معانا واحنا هب متعودين نشل اكياسنا واحد منهم سمعهاوحس انهم مسخره وهم يمشون وراهم وقال حق ربعه : شو تبون فيهم خلهم يولون الثاني : لا الا هييل يبين عليهم بنات ناس وعرب وهب شرات هل البنات الاول : انزين يوم هم بنات ناس وعرب خلهم في حالهم استح علي ويهك الثاني : رووح ماتعرف شي الثالث : مايتفوتون هذيل الرابع : انا مايخصني فيكم زولو انا رايح الاول : اتريا انا ياي معاك وراحو هذيل الاثنين وتمو الثالث والثاني من مكان لمكان وراهن هزاع كان يمشي مع ربعه فجاف الود وجاف هذيل الاثنين وراهم وعصب وراح حق الاثنين هزاع وهو معصب منهم : لو سمحت شو تبا فيهم الثاني : انت شو لك تتدخل هزاع : اسمع انت مالك خص وهييل الاهل ان جفتك وراهم لاتلوم الا نفسك الثالث : اسمحنا الشيخ هزاع : بالحل محمد ولد عم هزاع : احسن ادبيتهم الود وهي تبا تعرف منو الي الي يا وقالهم هيل الاهل وفيوم صدت اطالعه انصدمت ماتوقعت هزاع وهزاع يوم جافها رجع مره ثانيه لذكري الود وابتسملها وراح الود في خاطرها : يالله كيف هل الانسان ماطيبه دايمن يظهرلي في المواقف الي الي اكون فيها محتايه لحد يوقف معايه الله يوفقه انشاء الله امل : يلا الساعه تسع ونص مايد يقول خل نرد الريم : اوكي يلا دقو حق الريول ايشل الاغراض الود تقت حق الدريول عسب يشل الاغراض وعطت البشاركه بعض الاغراض الود : اريد باسكن مها : انا بعد امل : يلا كلنا بنروح نشتري وراحن البنات باسكن وخلاف رجعن البيت في البيت اليده : عنبو مابغيتن تهظلن الود : شو انسوي يدوه ناخذ الي محتاييله ام حمدان : خلصتن كل شي البنات : هيه ام حمد : ثره باجر سفرنا الصبح خلصن من وقت البنات : اوكي الريم : اف اكره سفر الصبح يخرب عليه رقادي اليده : امف عليج لازم تقومين من الصبح ولا الريل مايباج دامج ترقدين الين الظهر يبا الحرمه الي تتطبخله وهب الي كله نايمه الريم : لا يوم بعرس شي ثاني وعلي الساعه 11 وصلو حمد وحمدان ومايد وقعدو وخلاف الكل راح بيتهم عسب سفرهم الصبح يوم الخميس الصبح الساعه 9 الكل كان ناش ويجهزون حق السفر بوحمد : يلا بنات هبانا نوصل الود : انشاء الله ابويه اتريا دقايق مهوووو يلااااا مها : هااااا خلصت يلا نروح وراحو المطار وعلي الساعه 10 وصلو المطار وحطو شنطهم وخلو كل شي وركبو الطياره وقعدو علي كراسيهم الود ومها قاعدين عن الجامه من الصوب اليمين وحمدان ومايد من الصوب اليسار يعني في نفس السايد والريم وامل قاعدين ورا الود ومها وصوب حمدان حمد قاعد مع ابوه وام حمدان مع ام حمد وبو حمدان بيلحكم خلاف الكل قاعد يسولف الود كانت تقرا المجله ومها تطالع فلم وحمدان ومايد قاعدين يسولفون هند وهي تمشي رايحه مكانها وجافت واحد هب غريب عليها وقفت يوم عرفت الشخص : اووه حمداانican beilievad حمدان وهو عرفها : هند هلا شحالج هند وهي تطالع حمدان بتمعن : بخير ربي يعافيك وينكم قالو خلاص رديتو الامارات يعني مابترد تدرس معانا حمدان وهو يبتسم من وراء خاطره : لا خلاص رجعنا دارنا وانتي شو امسويه في الدراسه هند : والله امشين حالنا حمدان : زين زين واعلوم الربع هناك هند : يسرك حالهم وذياب رجع الامارات واتزوج حمدان : الخاين ماخبرني هند : اصلن هو انقطع عن الشله كلها الود وهي بتموت من الغيره منو هاي الي يكلمها حمدان هند : انت رايح ايطاليا حمدان : هيه مع الاهل وانتي هند : حتي انا مع هليه انزين عيل بباي نجوفك انشاء الله رمه ثانيه حمد ويدعي في خاطره انشاء الله لا : انشاء الله وراحت هند عنه واستلمه مايد مايد : امنيه هاي الحلوه حمدان : هاي وحده كانت ويانا في الجامعه يوم كنا في لندن مايد : اماراتيه هيه صح حمدان : هيه بس امها اجنبيه مايد : حسيت حمدان : المهم خلنا عنها مايد : ليش ؟؟ حمدان : هاي الله يسلمك كانت تحبني وقصب تباني احبها مايد : ههه حبها انزين حمدان : لا والله والقمر الي قاعد اهناك وين مكانه مايد : اوه اوه مانروم حمدان وهو يبتسم : من نرجع بقولهم نملج ماقدر اصبر ازيد عن جيه مايد : جب جب جب اناالي خطبتك قبلك المفروض انا عقب انت اول يابويه نبا نغير نفسيتها عقب املج عليها حمدان : انشاء الله بتتغير وتمو قاعدين يسولفون وعند هند الي قاعده مع بنت عمها هند : ماجفتي شكله يانوروه خبال ياويل حالي عليه نوره وهي عارفه طبع بنت عمها : انزين خلاص الله يخليه لهله خليه لحاله هند : نو وي انا من متي وانا اتخبر عنه هو من رجع مارد مره ثانيه لندن ولا سال عنا نحن شلته نوره : انزين هب لازم هند وهي نضرتها كلها حقد : لا لازم نوره سكتت عن بنت عمها وهي تعرف انه في راسها شي وعقب كم ساعه وصلو ايطاليا وراحو ياخذون شنطهم ويات السياره تشلهم هند وهي تطالع حمدان الي واقف مع الود وكان يسولف هي منقهره منها وجافت ريم وقالت فرصه انه تسير صوبهم هند وهي تعطي نوره اغراضها : اندوج مسكي بروح اسلم وبرد راحت هند صوبهم وحمدان والود استغربو منها هند : الريم شحاااااااالج الريم وهي تلتفت صوبها : اووه هند هند : هيه الريم : شحالج هند وهي تطالع الود : يسرج الحال من صوبج ؟؟ الريم : تمام والله هند : وينكم انتي واخوج من رديتو الامارات خلاص انقطعتو عنا الريم : تدرين عاد مشاغل الدنيا هند وهي تستهبل : حمدان هاي حرمتك ؟؟ وهي تدعي لا الود وهي تطالع هند بنظرتها الي كلها غرور وكبرياء : لا بنت عمه حمدان وهو يكمل : وحرمته انشاء الله الود احمرت وهند انقهرت هند وهي تطالع ريم وهي منقهره في داخلها : انزين ريامي هذا رقمي خلينا علي اتصال ريم وهي تاخذ الرقم : اوكي هند وهي رايحه عند نوره وهيه مفوله وكاره الود نوره : ها سلمتي ؟؟ هند : هيه يلا نروح نوره : منو هاي الحلوه الي واقفه معاج الي كانت واقفه عدال حمدان هند : هاي حلوه الا ماجافت الحلاه نوره : اذا هاي مش حلوه منو الحلو عيل هند : انا اكيد نوره : يلا يلا خل نروح وراحن هند ونوره عند باقي اهلهم وراحو قوم الود الفندق وكانو ماخذين 4 غرف غرفه حق البنات وغرفه حق الشباب وغرفه حق بوحمد وام حمد وغرفه حق ام حمدان والكل راح ينام عقب هل السفر الطويل |
الساعه 9:12الصبح في ايطاليا الكل كان صاحي وقاعدين يتريقون الود : ياااااااي يا الجو خاري يجنن مها : هيه جنان الريم : شورايكن انروح الحديقه الي هنيه جريبه وايد الود : نعم نعم ام حمدان : اول اتريقن وعقب روحن وينشون الشباب بوحمد : توه الناس مابغيتو حمدان وهو يتثاوب : شو انسوي عمي الجو مايساعد انه ننش مايد ويروح ينسدح علي الكنفه : اف تعباااااان ارييييد انااااااااام كله من حمود السبال مايخلي الواحد يرقد حمد : انا ياحمار ام حمد : يلا تعالو تريقو راحو حمدان وحمد يقعدون علي الطاوله حمدان : الود صبيلي جاي حليب الود : كم خاشوقه شكر حمدان : ثنتين الود : شورايك احط صبعي وهذا احلي شكر احم احم حمد وهو حاب يستهبل : اوكي يلا حطي ايدج حمدان : هيه يلا الود اوبس شو هل البلشه مايد وهو طايح بعده : يلااااااا يالودود راويهم شجاعتج الود وهي بتتحدي : اوكي بوحمد : اتخبلتو حمدان : يلااااااااا امل : ودوه بتنحرقين الود : اوكي اتحدي مايد : عااااااشت وياب حمدان القلاص وحطه عدال الود حمدان : يلا الود وبتحدي وهي تطالعه : بشرط احط صبعي وتشرب الجاي حمد : حمدانوه قصن عنك تشرب حمدان وهو يمزح : اوكي الود وهي تغمض عيونها وتعظ شفايفها التحتيات: نبدا وتحط صبعها اشوي وتصرخ : ااااااااااييي شت يحرق الكل : هههههههه مايد : حبتيييييييييين لحلي الود الود وهي تحط ايدها علي خصرها : يلاااا ياحمدانوه احين تشربه حمدان : كاكاكا منو قال اني بشرب مايد وهو ينش من مكانه : ماشي حمدانوه احين تشربه ويرح يمسك حمدان حمدان وهو يضحك : ههه ماريد الود وتشل الكوب من الطاوله وتروح الود : مايد امسكه وانا بشربه مايد وهويمسك حمدان والود تشرب حمدان بالقصب الريم : عجيبه بنت العم الود وهي تطالعهم بنظرتها المعداته الي كلها غرور الود : احم احم مها : يلااااااا بسرعه نريد انروح حمد : يلا الشيخة مها قالت يلا يعني يلا مها وهي خدودها حمر من المستحي : احم احم وراحن البنات يتلبسن وكلهن تقريبن لبسن شرات بعض والشباب لابسين بناطلين حمدان لابس لبسه من ارمني ومايد وحمد بعد وظهرو كلهم وكانو مسكتين الصراحه الود : ها بتون معانا بوحمد : لا الغاليه استانسو وعلي الساعه 10 :10 راحو الحديقه وكان الجو عجيب وقعدوه يلعبون جنهم يهال وعقب راحو يشرون ايسكريم وبعدها راحو البيت الريم تيلفونها يرن : اوه هاي هند حمدان يحيس بوزه ويقول فيخاطره اللهم اكفينها من شرها الريم : هلا والله هنود هند : هلا فيج شحااااالج الريم : بخير يسرج الحال من صوبج هند : يسرج ولا يضرج الريم : دوم هب يوم هند : ها وين بتروحون اليوم الريم : مادري والله ماقرنا بس يمكن السوق هند : شورايج نتلاقي هناك الريم : اوكي هند : عيل بسكر عنج وسلمي عليهم كلهم الريم : الله يسلمج هند : يلا فداعت الله سكرت هند عن الريم ومليون فكره في راسها هند : احين اتقرب من الود عسب اكسب صداقتها واضمن بس خل اتاكد اذا هيه تحبه ولا لو كانت تحبه والله لا اراويها مش هي تسرق عني حمدان هند وتقوم من مكانها : بنبدا من اليوم والله لا اراويج ياودوه ان ظهرتي تحبينه لاخليج تندمين وتبتسم ابتسامه كلها حقد وغيره وناويه الشر |
الساعه 4:00 العصر في ايطاليا بوحمد : يلا مابتظهرون ؟؟؟ مها : بنظهر بس بنلبس اول ام حمد : اشعنه تغيرون ملابسكم هب لازم الود : اماااااايه ام حمد : شو امايه بلا هل المنكر الي مسوينه روحن في هل الباس الي لابسينه 000 هم كانو لابسين اللبس الي لابسينه الصبح الود : امايه فديتج لازم نغير احنا ظهرنا مساعه واحين بنروح نسبح وبنغير ملابسنا ام حمد : علي هواكن ام حمدان : ريم روحي طالعي اخوج وين الريم : انشاء الله راحت الريم غرفه الشباب طبعن هم فب غرفه منفصله يعني هم ماخذين ثلاث شقق وعدال بعض بس الشباب بعيد عنهم بكم شقه الريم تمشي وهي تفكر في هند وسبب تقربها منها فطنشت الموضوع وراحت ادق الباب مايد وهو يفتح الباب : اوه حرمتيه فديتج ولهتي عليه الريم وهي مفتشله ومفوله في نفس الوقت : ولهت عليك جنيه قول امين مايد وهو يتساند علي الباب : افا دام حرمتيه ماتتوله عليه منو يتوله عليه وسكت شوي وعقب كمل ( احـــبـــج ) ياخي افهمي ياعنز الريم وهي ذايبه من نظراته : لااااا وتسب بعد مايد وهو يبتسم : عسب افهم المعلومه بسرعه لوووول الريم : انزين ياولد عمي ويا ريلي المستقبلي ( مايد تشقق يوم سمع ريلي وقاطعها ) مايد : فديييييت هل الكلمه علي لسانج ياربي محلاها كلمت ريلي انزين قولي حـبـيـبــي ولا حــيـاتــــي اف كم بعلم خلاص يوم باخذج بعطيج كورس الريم وهي في خاطرها تضحك علي شكل مايد : اعلمك انا مايد : اوكي يلا رمسي الريم وهي تطالعه بغرور وتغني : تنتظر كلمه احـبـك شايفك مشغول فيها كل شي بوقته حلو ليش مستعجل عليها بكره هيه الي تجيك وتمرك اللحظه عليك انت بس طولي بالك وكل شي بوقته حلو ياحلو مايد : ياااااويل حالي على الصوت ماروم كم بعيش ياخي الريم : بتعيش ياخي ماعليك انت مايد : انشاء الله اعيش معاج العمر كله الريم وهي تبا تستهبل : انزين ياريلي يابو عيالي المستقبلين وين اخويه ؟؟ مايد وهو يسوي حق عمره مالت : علي بالي يايه تتخبرين عني اخر شي عن حمدانوه السبال الريم : هاا كله ولا حمدان شيخ الشباب مالك خص فيه ولا احين مابزوجك مايد : هب بكيفج علي بالج انا بشاورج قصبن عنج باخذج وحمدانوه تحت في الكوفي ويا حمود يلا باي وريم وهي فاتحه عيونها وبنفس الوقت فيها ظحكه : باااي ياحــياتــي وشردت مايد من سمع هاي الكلمه شرد وراها ومسكها من ايدها : شو قلتي عيدي ماسمعت الريم وهي حابه تستهبل عليه : ماقلت شي غير باي ورحت مايد : ريمو لا تنرفزيني لا امطج احين من كشتج ريم : ماشي وهد ايه وراحت ريم وهي تسكر الباب وراها وتظحك علي شكل مايد ام حمدان : شو فيج تظحكين الريم :هممم لا ماشي اضحك علي عمري ام حمد : باسم الله عليج شو ياج استخفيتي الريم : لا ماشي خالوه بوحمد : عيل وين اخوج ؟؟ الريم : في الكوفي مع حمد ام حمد : منو خبرج الريم : مايد وراحت غرفتهم عند البنات الي كانن يجهزن الود وهي تحط ايديها علي خصرها : يلا يا انسه ريم ان ماخلصتي لا انروح عنج ابسرررعه الريم : ههااي اصلن نو وي اتروحون من دوني ماترومون مها : واااايد مغتره في عمرج امل : ريموه يلا بسرعه ويهل الشيفه الريم : اوكي اوكي عنبو كلتني راحت ريم تغير ملابسها الساعه 5:00ظهرو راحو السوق بوحمد وام حمد وام حمدان راحو بروحم والبنات والشباب بروحم الشباب والبنات في الكوفي وجافتهم هند وراحت تسلم عليهم هند : مرحبا الكل : مرحبتين الريم : هلا هند شحالج وتوايها هند : بخير ربي يعافيج ومن صوبج الريم : يسرج الحال والريم وهي تصد اطالع الي قاعدين اعرفكم علي هند كانت مع حمدان في الجامعه هند و هي تطالع الود والود اطالعها بكل غرور هند : شحالك حمدان حمدان وهو لايعه جبدها : بخير الريم : حياج اقربي عدنا هند وهي تتمني من الله انه تقعد معاهم : لا انتو مع اهلكم اناشو دخلني الريم : يلا بلا عبط هند وهي تقعد عدال الريم الريم : اعرفج هند عليهم هذي مها بنت عمي وتاشر عليها وهذي امل وتاشر عليها وهاذي الود والود عطتها نتظره لانها هاي الانسانه هب داخله خاطرها وتحسها خبيثه وهاذا حمدان اكيد تعرفينه وحمد اخو الود وهذا مايد اخو امل ومها هند : يا هلا والله فيكم تشرفنا امل : احنا اكثر حمدان : حمد مايد يلا نروح نخلي البنات علي راحتهم حمد ومايد : اوكي وراحو الشباب وتمن البنات يسولفن امل : وين تدرسين هند هند : في لندن كنت مع حمدان في الجامعه امل : اها وشو تخصصج هند : هندسه مها : يااحيج قاعده في لندن هند : ليش عاد مها : احس احلي هند : انا عيل اتمني ارجع الامارات امل : ليش انتي هب كنتي في الامارات هند : لا بس يوم كنت صغيره وفي كل اجازه اروح الامارت عند اهمامي لانه امايه من لندن امل : اها الريم : عيل وين بنت عمج الي كانت معاج في المطار هند : راحت تتشري الود الي كانت ساكته طول الوقت وما ارمست هند وهي تبا تنفذ خطتها : الود انتي تدرسين الود : هيه احين بدخل الجامعه هند : اي جامعه ؟؟ الود : جامعه زايد هند : اها وردت سكتت مره ثانيه وبعد فتره هند : الود انتي وحيده امج ؟؟ البنات كلهن اسكتن مره وحده والود بدت تمع عينها وهند استغربت هند : ليش شو فيج الود الود وخلت عمرها عاديه : لا كانت عندي اخت وماتت عني واحين انا وحيده انايه وابويه وطبعن حمد معايه هند : اوبس سوري ماكان قصدي الود وهي تبتسم من وراء خاطرها : بالحل وقامت بتروح هند : ليش وين رايحه الود : مها تعالي معايه مليت من القعده مها : اوكي وراحن الود ومها يشرون ويوهم حمدان وحمد ومايد حمدان : بعدها هند عندكم الود وهي متنرفزه : هيه عندهم ليش ؟؟ حمدان : لا بس اتخبر وجافت الود انه البنات يايات جداهن وراحت الود عدال حمدان وحمدان استغرب منها الود وهي تبتسم : حمداان حمدان : عونج الود: وين رحتو حمدان : رحني نتمشي حمد : انا بروح اطالع قوم ابويه مايد: انا بروح معاك الود : حمدان بقولك نكته حمدان وهو مستغرب من الود : قولي الود : فيل خرطومه قصير واايد ليش؟؟ حمدان : امم ماعرف الود : انا اعرف لانه امه فلبينيه هههههههه حمدان : ههههههه وصلو قوم الريم وهند تشوف حمدان والود يضحكون وماتت قهر وراحت جداهم حمدان : ههه الله يقطع سوالفج يالود الود وهي تعطي هند نضره : ادري فديتني كل شي مني حلو صح حمدان وهو يبا يقهر هند : اكيييد دامج بتاخذين حمدان بن احمد ال000 هند وهي ترز ويها : حمدان حمدان وهو يصد يطالعها : نعم هند : بترد تدرس في لندن معانا مره ثانيه حمدان وهو يطالع الود : لا لاني احين ادرس في بوظبي وبعد اني بتزوج هند وهي بتموت :اووه مبروك منو سعيده الحظ حمدان وهو ياشر علي الود بكل فخر : الود شيخة البنات الود وهي تبتسم لانها حست انه هند خلاص بتنفجر هند : مبرووك تستاهل الود واحد شراتك حمدان وهو يطالعها بغرور : اعرف هند وهي تفور من داخلها : مني انشاء الله بيكون العرس الود وهي تتدخل : والله بعدنا ماقرننا حمدان وهو مستانس : اممم يوم بنقرر يعني بعدنا اشوي هند خلاص بتموت : اها الله يوفكم عاد اسمحولي بروح عنكم احين الود : لا مسموحه بالحل اكيد بنت عمج تترياج هند وفي خاطرها عافان الله مايقولون تمي يتمونونها من الله : هيه فديتها يلابباي حمدان والود : باي راحت هند عنهم الود : اف منها حمدان : ليش؟؟؟؟ الود : الصراحه هاي الانسانه هب داشه خاطريه احسها خبيثه ما اعرف ليش حمدان : سبحان الله نفس الشعور الود وهي تبتسم : اوكي خلنا نروح صوبهم هند وهي مع بنت عمها : اف بموت بياخذها والله براويج ياودوه ان ماخليتج تصيحين دم ما اكون انا هند نوره وهي هب عايبنها تصرف بنت عمها : خافي ربج ياهند حرام عليج الي تسوينه هند : لا مش حرام هيه حرام عليها تاخذ حمدان مني نوره : اوكي حمدان يحبها لو مايحبها مابياخذها هند : عادي بخليه يحبني نوره وهي خلاص بتموت من بنت عمها : والله حرام عليج الي تسوينه عدوج وحده منهم وجيه تسويبهم وراحت عنها وخلتها بروها هند : والله براويج يالود جايفه عمرج مادري علي شو وحتى حمدان واقف معاها اف نرمس اشوي عن نوره بنت عم هند نوره انسانه طيبه لابعد الحدود وهي الغلط ماترضابه ابدن عمرها 20 يعني اصغر عن هند الي يجوفها يقول هند اصغر عنها وماشاء الله عليها جميله عليها جمال رباني يعني يوم تظهر ماتحط شي علي ويها عكس هند الي كل الوان الطيف في ويها جنه لوحه فنيه ونوره تحب واحد من اهلم عسب جيه ماتحب اي حبيبين يفترقون لانها تحط نفسها في هل الوقف وشو بيكون شعورها امم جني رمست وايد عن نوره نرجع لقوم الود كانو يشرون وبعد ما اشرو علي الساعه 8:15 راحو يتعشون كلهم وبعدها راحو الحديقه يقعدون مها : حمد يلا ييب الكوره حمد وهو يفرها علي حمدان الود : اييه عاد مايد : ماحد قالكم تلعبون معانا امل : اف خلاص انا بروح عند قوم امايه الريم : مي تو وراحن قعدن عندهم وكانو يرمسون عن الود بوحمد وهو يطالع بنته : احسها بدت تتاقلم ام حمدان : الحمدالله علي كل حال وام حمد وهي تشوف الود تلعب وتظحك مع عيال عمها : الحمدالله يوم انها تغيرت امل : بس بعد ماتقدر نتساها ام حمد وهي تتنهد : اكيييييد يامايه هاي شوق الله يرحمها منو يقدر ينساها ام حمدان : الله يرحمها الود وهي تركض فجاه وقفت ليش؟؟؟؟؟ امم توقعاتكم |
| الساعة الآن 06:55 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir