وعليكم السلام و الرحمه,,
علينا و عليكم
تسلمييييييييييين ع المروور

السلام عليكم
مبااارك عليكم الشهر<<بدررري

~|~الجــــ السادس ــــزء~|~

فهد و هويطالع مريوم:شو رايكم نطلع اليوم كلنا
بوخالد:انا ماعندي مشكله,,انتو شوفو وين تبون تروحون و انا جاهز
نورة:انا ابا اروح المول اكبر مول عندهم
اليازي:حتي انا
بوخالد:مريوم؟
مريوم:اوكي
بو خالد:خلاص الساعة 4 كل كو جاهزين
الكل:ان شالله

الساعه3 و نص,,
اليازي و هي تحس بصداع:يلا يابنات قومو
البنات:يلا
مريوم:صح شوفو اذا فطوم و موزوه يبون بروحون معانا
نوره:هيه والله رمسيهن يزوي
اليازي:اوكي
فطوم:الو,,هلا و الله
اليازي:اهلين,,شحالج؟
فطوم:بخير شحالج انتي و البنات؟
اليازي:يسرج حالهن,,اقول نحن سايرين المول حياكن معانا
فطوم و هي اطالع سالم و تغمزله:اي مول؟
اليازي بتعب:(......)مول
فطوم:خلاص بشوف موزوة بتي معايه ولا لا
اليازي:يلا مع السلامة
راحت اليازي تتلبس لبست بنطلون ابيض في من على الطرف شك اخضر لبست قميص اخضر فيه نفس الشك بس ابيض لبست كعب شو طويل لونه اخضر و عليه فيونكه بيضه لبست عباه فيها دانتيل على الأيدين اخضر و فصوص منثوره لونها ابيض اجحلت و خطت عيونها من تحت بالأخضر و حطتglossوردي كان شكلها ناعم
مريوم لبست بنطلون جينز سماوي و لبست قميص بني فيه رسومات بسماوي و لبست عباة نفس عباة يزوي بس الدانتيل بسماوي و الفصوص بنيه جحلت عيونها بجحال لونه ازرق و حطتglossلحمي
نورة كانت لابسه برمود سوده عند المخابي كان فيها كرستال احمر و قميص احمر فيه نفس الكرستال بس اسود كانن مطقمات في العبي الدانتيل كان اسود بس الفصوص حمر اجحلت بجحال اسود حطت مسكره و حطت روج احمر و فوقهgloss شفاف

عند فطوم,,

سالم:شو؟
فطوم:يبنا نروح المول معاهن,,انت تعال معايه و انا بحاول اضيع نورة و بقولك و ين و الباقي عليك
سالم مستانس:اوووووكي

حجز بوخالد مرسدس عوده و كانت من داخل نفس ستايل الليموزين بوخالد قدام و عداله عليا و ورى فهد و عداله خالد و محمد و حمد مقابل فهد مريوم و عدالها يزوي و نورة
فهديطالع مريوم و يغني:ياواحة العشاق ياملهم الحور,,حسنك تعدى كل و قت و مكاني,,مالوم قالبي ان غدى فيك مجبور,,الذوق و الأحساس و احلى معاني
مريوم استحت و نزلت راسها
نورة:اوب اوب ياولد عمي ظهرت التحب
فهد:ااااخ ياقلبي بس المشكله انهم مايعطوني ويه
نورة:افااا منو الي ماتستحي على ويها و ماتعطيك و يه,,قولى منو هذي و انا اسنعلك ايها
فهد: ماتهون عليه
نورة:اسفه ياولد عمي بس شكلها حالتك مستعصيه
فهد:ادري يابنت عمي ادري
اليازي الي ويع راسها مراح عنها بس مجاهلتنه:هههههههههه,,والله و ستويتي دكتوره يا نورة
نورة:ههههه,,شفتي عاد
اليازي:اقول يالعندليب غنلنا دام ان مزاجك اوكي اليوم
فهد:امري انتي شو تبين بس
اليازي:امممممم,,اشعل لكم\حمد العامري
فهد و هو يغمز حق مريوم:احم احم,,

اشعلكم ياخلي من عمري شموع
شموع قالبي و غيرك اطفي شموعه
قدرك بهام السحب عالي و مرفوع
مرفوع عالى و كلن اعلن خضوعه

حرام عينك يالغلا تذرف دموع
وانت الذي مغلىي بقالبي دموعه
مايصير حبل الودياصاح مقطوع
وتصير جياتك عليه قطوع

ادخل بباب القلب و الغير ممنوع
حرام غيرك ماسكن في ربوعه
اعلنة حبك للملا بصوت مسموع
اعلنتها بنفس بحبك قنوعه

امر تدلل سم في الأمر و الطوع
اصوت غيرك مالقن من شفوعه
هجررك صحى للقلب و نظرتك ينبوع
و اخصان ودك ازهرت به فروعه

اسمك بوسط القلب ثابت و مطبوع
مطبوع ثابت في حناي اضلوعي
ياكيف تزعل مني اكثر من اسبوع
و تتبع هوى قلبك بشورة و طوعه

نورة:ماااروووووم انا
بوخالد:هههه,,يلا و صلنا
داخل المول ,,
بوخالد:انا بروح اودي العيال فوق الألعاب
فهد:لا والله و انا موجود روح استريح انا بوديهم
بوخالد:لا تكفخهو عاد
فهد:هههههههههه,, لا ابويه,,بنات واحده منكن اتي معايه
نورة:انا بروح فطوم وصلت
اليازي:وانا معاهم
مريم توها بتنطق
بوخالد:خلاص عيل مريوم روحي معاه
مريوم بستلام:انشالله عميه
فهد متشقق
فهد ودى العيال الألعاب و قال حق حمدومحمد ينتبهون لختهم,,مسك يد مريوم و حس بفزتها ابتسم و سحبها وتمو يتحوطون
عند نورة ويزوي,,
نورة:انتي وين ؟
فطوم:انا عدال XOXO,,حد معاج ؟
نورة:هيه يزوي بس راحت تتحوط بروحها
فطوم:اوكي ارقبج
فطوم:الو سالم هي رايحه صوبك انا بروح احوط
سالم:اوكي,,مع السلامه
نورة:وينج؟؟
سالم:السلام عليكم
نورة و هي تحاول تذكر وين شايفه هذا الويه:وعليكم السلام
سالم:نورة ابا ارمسج في موضوع
نورة انصدمت:كيف تعرف اسمي؟
سالم:سالفه طويله,,عادي تروحين معايه نقعد في كوفي شوب ابا ارمسج في موضوع
نورة معصبه:شوجايفني صايعه اقعد معاك في كوفي شوب بروحنا اشهدنك هب صاحي روح دورلك على بنت شوارع تقعد معاك مش انا
سالم:هدي يانورة انا بس اريد ارمسج خمس دقايق و بقوم و اذا ماعيبتج رمستيه قومي و خليني قبل الخمس دقايق
نورة و الفضول ذابحنها:اوكي
في الكوفي شوب
سالم سرحان في ملامحها عيونها السود النعسات و رموشها الطوال و خشمها الناعم الطويل و ثمها المليان الاحمر اااااخ ياقلبي طحت ولا حد سم عليك
نورة بفضول:انت منوين تعرف اسمي و شوتبى منيه؟
سالم ابتسم على فضولها:انا اخو فطوم ومن اول ماشفتج في المستشفى و انا انا....
نورة:انت شو؟
سالم:انا احبج
نورة احمرت خدودها و طلع شكلها كيووووت,,هي معجبه فيه بس ماهقت انه هو معجب فيها فكيف يحبها زين مأغمى عليها بس
سالم:اسمحيليه اذا ضايقتج بس و الله كان لازم اقولج اني احبج و ان ماحد سكن قالبي غيرج انتي اول واحده واخر واحده و انا مش من الي يغازلون بس والله انج دخلتي قالبي
نورة بهمس:حتى انت
سالم سمع بس حب يتأكد:شو
نورة رفعةعيونها :و انت بعد دخلت قلبي
سالم:ااااااخ ياقالبي
نورة بخوف:سلامت قالبك
سالم:متروعه عليه
نورة استحت و حست انها مصختها فقامت:اسمحلي انا بروح اادب اختك
سالم ابتسم:و غلاتي عندج و ماتسويلها شي,,هي ماكانت تريد تدخل بس انا اصريت عليها بتأدبين حد انا قدامج استاهل التأدين
نوره سوت حركة بعيونها دوخت سالم و مشت عنه,,سالم لحقها
سالم:بطلب منج طلب بس يحقلج ترفضين
نورة رمشت بعيونها:شو؟
سالم:عادي اخذ رقمج؟
نورة:ترضاها على ختك
سالم:اكيييد لا
نورة:عيل كيف ترضها عليه؟
سالم:اسمحيليه و الله اسف
و مشت نورة عنه و كبرت في عينه على حركتها هذي
اليازي راحت فوق و هي كل ماتمشي يزيد ويع راسها دخلت كوفي شوب و قعدت على اقرب كرسي شافها فهد و و قف عدال طاولتها
فهد:هلا و الله,,انا اقول ليش المطعم منور ثرج انتي هني
اليازي بتعب:ا..ه..ل..ي..ن
فهد تروع على اخته:يزوي غناتي شي يعورج
اليازي بهمس:ودنيه المستشفى بس لا تخبر ابويه و لا تخبر حد
فهد قالبه طاح:يزوي فديتج شو فيج
اليازي تعبانه تهلوس بكلام مش مفهوم
فهد تروع ع اليازي و قال حق مريوم تروح عند العيال و اذا حد سال عنهم تقول انهم راحو البيت او اي شي
فهد:تعالي بودرج المستشفى
اليازي اغمى عليها ,,شلها فهد بسرعه و قف تاكسي و راح صوب المستشفى

احم,,انشالله عيبكم البارت,,المره الي طافت قالتلكم ابا اشوف توقعاتكم بس ماشفت الا غبرتكم عشان جي اليوم ابا اشوف توقعاتكم,,see you

من ذووقج,,مشكووره ع المرور

teslmeen ya el'3ala 3ala ha el part el wooooooooooow

netrya el new part ;)