المشاركة الأصلية كتبت بواسطة maroko0o (المشاركة 1044958526) يسلموو ع باارت • شمآ .. وآفقة ع محمد بتحدي .. ويمكن تكون زلة لسآن .. بترد فقرآرهآ ؟؟ لا ما اعتقد اترد في قرارهاا. شو تبآهآآ الكيسة ؟؟ وشوو محطوط حق أمون دآخلهآ ؟؟ اممم ما ادري منصور .. ودخوول خلود وشلته لـ حيآته من يد ويديد .. شو بيصير ؟؟ اكييد مصاايب • •

البآآرت { 72}





يَآزينْ جَويّ يَومْ أطِالَعڪ بـ سِڪآت ~
وَديْ بـ طِولْ العِمرّ [ سِآڪتّ ] وَ أطِآلَعڪ !
تِقطعْ عَيونيّ منَ عيَونِڪ مسِآفاتْ
وَ ألمِسْ عيوْنيْ فيْ يَدينڪ وَ أضِيعڪ
مَرآتْ تَبعدنيّ وَ أقِربڪ مِرآتْ
وَ مِرآتْ أحِسْ بـ لَذتِڪ وَ أتِجرعِڪ



/\
\/
/\
\/
/\
\/



شمآ تسآندت ع الكرسي : ههههههههههههههههههههه .. أقوولك أحمد طرش هالكيسة لامووون
أحمد : وشوفيهآ ؟
شمآ: عن اللقآفة
أحمد : أفآآآ
شمآ : مآشيء .. بس سخآفة
أحمد : عآد ضبطيني هب تنسيين
شمآ : توك تقول مآتبآآهآآ
أحمد : ههههههههه شو أسوي السمني متربعة فالقلب
شمآ : يآخي لا تحط عليهآ السمني
أحمد : خلاص الزبدي
شمآ: أحممممممد
أحمد : خلاص انزين اللبني
شمآآ : يآآآآآآرررربي
أحمد : هههههههههههههههههههههههههههههه
هزآع : ههههههههههههههههههههههههههه
أحمد و شمآ لفو يشوفون بعض .. وفجأة :ههههههههههههههههههههه
/\
\/
/\
\/
السآعه 11 الفلييل .. *
بيت بو حمدآن .. *
قسم حمدآن
شوييخ كآنت تسحي شعرهآ فالحجرة .. وحمدآآن يآلس ع الكرسي يلعب بالبيبي مآله .. *
شويخ تبآ تلفت أنتبآه بأي شيء بس هوه مب ملتفت صوبهآ أصلاً .. جآن تآخذ المشط وترقعبه بقوو على التوآلييت
حمدآن فز وشآفهآ : شو صآر ؟
شويخ بطنآزة : أنحرق البيييييت
حمدآن طآلعهآ بنظرة
شويخ : أنته لو نمووت مآبتحس فيينآ من هالفوون ألي مجآبلنه .. تقول محد عنده بيبي غييرك
حمدآن تم يشوفهآ دقيقتين ورد نكس رآسه ع الفون ..
شويخ شلت المشط : أفففففففففففففففففففففففففففف
حمدآن وطى الفون وسآر صوبهآ : شفييج ؟
شويخ : شوو الحركة ألي سويتهآ اليوم ؟؟
حمدآن وهوه مستغرب :شو سوييت ؟
شويخ : أووووونك مآآتعرف
حمدآن : لا ما أعرررف .. قولي شو سويت ؟
شويخ : من عرفت أنه شمآآ موجوده فالبلاااد
حمدآن يعد ع صبوعه : لا تقووولين أنه فز قلبي بشوفتهآآ .. ولا تجذبين بعد بقوولة حآآولت أسآآيس فأحمد عشآن أعرف علوم شمآآ .. ولا تنكريين أني مآيلست ويآكن ولا تقولين أني سرت من ورآآج أشووووفهآآ .. قوليلي شو ألي سويته اليوم ؟
شويخ : ما أدري حسييييت أنك فررحت من عرفت أنهآ فالبلااااد
حمدآن صدق عصب منهآ : أحساااسج هالسخيييييف ودرييييه
شويخ : أصلاً أنته كل شيء تشوفه فيني سخييييف .. حيآتنآ ويآ بعض سخيفة ليش نكمـ...
حمدآن حط إيده ع شفآيفهآ وهوه رآص ع ضروسه : أصص سكتي لا تعليين صووتج وتبآآتيين تلعلعيين نص الليييل .. النآآس رقووود تحسبينهم شرآتج تحآآسب ع شيء من سنييييين .. طآآف وفآآت زمانه ؟
شويخ خاازت عنه وعقت بعمرهآ ع الكرسي : كررررهتني عيشتيه ويآآك
حمدآن سآآر ووقف جدآآمهآآ .. نزل لمستوآهآ وقرب ويه صوب وييهآ : أناا أباا بس أعرف شو مضآآيقنج ؟؟ تعبت و أناا أسااااايس و أرضي فييج ..
شويخ و الدمعة فعينهآ : كرهتني ؟
حمدآن : أنتي ألي كرهتييييني
شويخ : هيييه كرررررهتك .. ( نشت عن الكرسي ) وما أحبببببك بعد
حمدآن يدقدق بصبوعه ع الكرسي : شيء غيير هالكلاام ؟
شويخ : وملييييتك ( تمش دموعهآ ) لو تطلع من حيآآتي برتآآح .. *
حمدآن : سمعي شوييخ .. أناا لو ما أباج و أعزج و أغليج .. جآن مآتخليت عن ذكريآتي و أيآآمي المآضية عشآآنج .. مآ أقوولج هالكلااام عشآآن أعذب قلبج .. و أجرح مشآعرج .. بس أنتي مب طآيعة تقتنعيين أني عقييت كل شيء ورى ظهريه عشآنج .. ذلييييت عمريه .. أخترتج أنتي .. بس ( أبتسم ) أنتي كرهتيني ومآتحبيني
شويخ قربت منه : حمدااااااان خلني فحآآآآآلي
حمدآن وقف : وأناا مب معترض طرييجج شوييخ .. وفنفس الوقت ما أباا اكوون أمعه أتبعج بالعمى .. و أمشي حيآآتي ع هوآآج .. بتم أناا الريآآل و ألي المفروض ينفرض قرآآره
شويخ : ولأنك ريآآآل .. تحب .. تطعن .. تخوون .. تعذب .. تجرررح .. ؟ لأنك ريآآل بتكرهني فييييك ؟؟
حمدآن : أرضييييييتج بكل شيء أقدر عليه بس ( أشر عليهآ ) أنتي مب طآآيعة تعفين .. كلهآ ع بعضهآ حب مرآآهقة .و أنتهى
شويخ : وبسهوووولة تقولي هالكلااااام .. و حركآآتك ألي مآ يتحملهآ قلب شو تقول عنهآ ؟ شو تسمييييهآ يآ ريآآل
حمدآن : أناا ما أبااج ترتبطيين فيييني بالغصب .. عندج فترة وفكري فييهآآ .. يا انه نعيش متهنيين شرآآ كل 2 مستآنسين فحيآآتهم .. يآ ...
شويخ قآطعته : ننفصل ؟؟ ( وهيه تشآهق )
حمدآن لف عنهآآ : ولا انج تعذبييين عمرج ويآآيه .. وتذكريني بمآآضيه كل يوم و الثآآني .. ( صد صوبهآ ) شووفي ألي ينآسبج شوييخ .. ( ظهر )
/\
\/
/\
\/
حمدآن وهوه ظآهر من قسمه .. و من البييت . ركب سيآآرته وشخطبهآآ وظهر من البيت وهوه يحآآوط فالشآرع .. ويتذكر كلامه ويآ محمد ..
( نرد لورى شوي . )*
حمدآن : تعبببت منهآآ. . مب طآيعه ترضى
محمد : تبآ رمستيه يآ حمدآآن .؟
حمدآن : أناا يآينك عشآن أسمعك
محمد : أسمعني عيل . خلهآ تسوي ألي تبآآه .. هيه فحآلة صدمة هالفترة .. منصدمة منك و من شمآآ .. لا تتصرف أي تصرف تخليهآ تكرهك وتكره شمآ فنفس الوقت .. خيرهآ بين 2 .. يآآ تبقى ويآآك وتعيشون مرتآآحيين .. أو تنفصلووون و كل وآآحد يتهنى فحيآته بعيد عن الثآني ..
حمدآن أستغرب : أطلقهآآ ؟
محمد : طبعاً لا .. بس أنته قولهآ هالكلاااام وعطهآآ فترة تفكر فالموضووع .. ولو تحبك صدقني بترضخ للوآقع وبترضى فيييك .. ولا تنسى أنه انته اخترتهآآ .. وألي تسويه حرمتك من الغييره بس
حمدآن : و إذآ أختآرت أنه ننفصل
محمد : سوو ألي تبآآه
حمدآن : أطلقهآآ ؟
محمد : شفيييك حمدآن .. ع كل سآعة قلتليه أطلقهآ ؟ و أطلقهآ ؟؟ فضنك هذآ حل .؟ أنته تبآآآآآآهآآآ .. وهيه يبين من تصرفآتهآ أنهآ تبآآك .. بس حآآول تحسسهآآ أنه ألي تسويه غلط .. حآآول تبينلهآآ من تصرفآآتك .. أنه حلوولهآآ ألي هيه تضن بتنفعهآآ ترآهآآ غلطاانة .. مب ع كل شيء تقوله لك عصبت منهآآ .. ومب ع كل شيء أنته تقووله لهآآ هيه تشل شلايلهآآ وتسيير بيت يدهآآ
حمدآن : ولوو قآلتلي أنهآ تبآ تسيير بيت يدهآآ .. وتبآني أطلقهآآ
محمد : إذآ قآلتلك تبآ تسير بيت يدهآآ .. ودهآآ روووحك .. قولهآآ أناا بشلج .. ومآضنتي بتطلب الطلاااق ألا فلحظة غضب .. ولا تخلون لحظآت الغضب هذي تندمكم أنته ويآآهآآ .. ولا تضيعون مستقبلكم فلحظة غضب .. ودهآ بيت يدهآ وخلهآ فترة . وعقب ردلهآآ وشووفهآآ شو قررت .. وصدقني مستحييييل تطلب الطلااااق لو كآآنت تحببببك .. و مآتصبر ع فرقآآك ..
حمدآن تنهد : الله يعيييييين ..
محمد : شوي شوي ع عمرك يآ بو سلطآآن ههههههههههههه هالكثر الحب يعذب
حمدآن : يمكن .. بس الرضووة مب سهله بعد ..
محمد : بالسيآآسة كل شيء بتييبه وبتكسبه لصآآلحك
حمدآن : بس شوييخ عنييده
محمد فخآطره " مب أعند عن شمآآ " : العنآآد ينكسر لو تحبك
((نرد للوآقع ))
خذله حمدآآن لفتيين ورد البييت .. بس مآسآآر قسمه .. دخل الميييلس و عق سفرته و أنسدح ع الكرسي ..
/\
\/
/\
\/
صوب أمون كآنت سهرآنة ع اللاب > بدت أجازة الفصل الثآني .. *
أمون مندمجة تشوف الفلم ألا شوي وتتذكر : شوو يآآيب أحمد فالكيييسة ؟؟ ( نشت وفجت الكبت ويآآبت الكيسة وحطتهآ ع الشبرية .. قربت إيدهآ منهآ ) أفتحهآآ ولا لا ؟؟ أمممم لا ماأأمن فأحمدووووه عن يكون خآشلي قطوة ولا فآآر .. يسويهآ هذآ مسوود الويه .. عليه علووم عوذ بالله منهآآ .. ( تمت تتحرقص تبآ تفجهآ بس زآآيغة > ع فكرة أحمد ماقاالهآ انه الكيسة من صوب شمآ ) خله بفجهآآ .. لالا بسيير اوعي منصور يفتحهآ حقي .. انزييين يمكن كآتبلي شيء و أسيير أناا و أفضح عمريه .. وهيه عآآد ألي مآدرى بيدري لو خبرت منصور ><" (تمت تشوف الكيسة ربع سآعة) .. لو فيهآ قطوة ولا فآر بتتحرك القرطآسه .. بس ماأسمع فيهآ نصخ .؟ أفففففففففففف من هالفضووووول .. ( مدت بإيدهآ وفجتهآآ وهيه تشووف وفجأة ) ههههههههههههههههههههههههههههههههههههههههههه .. ( أنسدحت ع الشبرية ) أوونه فاار وقطووة و آآخر شيء كوآآآفي هههههههههههههه ( جبتهآ كلهآ ع الشبرية .. شآفت ورقة وخذتهآآ .. كآن مكتوب فيهآ )
" هلاا أموونتي .. شحآلج .؟ من ييت البلاااد مآآحصلت طريقة أرمسج فييهآآ .. فالمهم .. نرد لمحور حديييثنآآ > ههههه تحيديين يوم نتطنز ع يدووه يوم عآآطينهآآ دوور وقلنآلهآ مثلي وبييبوولج جآآيزة .. توييس و جبش هههههههههههههه .. قآلت أنرد لموحر رمستنآآ .. أونه محور حديثنآآ ههههههههههههههههه .. المهم .. أباا أشآركج فررحة أنج خلصتي أمتحانات الفصل الثآآني .. تذكريين قبل يوم كنآ نخلص .. نخطف ع الدكآآن ونشتريلنآآ موونة أسبوووع كآآملة و أول يوم فالأاجازة أباات عندج .. هالمره عآد أطورنآآ و أشترينآ من بوآآدي .. ههه .. يلا موفقة أن شاء الله أمون فدرآستج .. و أن شآء الله تخلصيين الفصل الثآآلث بعد .. وتتخرجيين من الثآنوية بنسبة ترفع الرآآس .. وتحققييين أمنيتج وتعرسيييين ههههههههههههههههه .. ع طآري العرس .. خفي شوي ع أحمدووه والله حرآآم علييج وآآيد غآثتنه ترآج .. فبمآ انج أجزتي قلت أغثج نفس مآغثيتييه يالدبه .. كله ولا اخوويه ما أرضى ع أحمدوووه .. عآد هذآ الغآآلي تآج رآآسي .. وفنفس الوقت هب تتبطروون عليه أنتي و خطييبج يآلسه أمدحكم لـ بعض .. أتريااكم تردوونهآآ لي ههههههه .. وسووري ع المغثة .. بس عوضتج بدرآآزن كوآآفي .. كلي و بالعآآفيه .. بس لا تيووريين أعرف من تشووفين الكآفي تينيين .. شمآآ ر= )
أمون وهيه تقرأ و دموووعهآآ مآآوقفن .. : ليييييتج ماااخليتييني .. ليييت ألي صآر مآصآآر .. ليييتج مآآشفتي الأورآق ألي تثبت فيهآ أنج مب بنت خآآآلي .. وليييت .. وليييت .. ولييييت ( حطت رآسهآ ع المخده وهيه تتذكر سوآلفهآ ومقآلبهآ ويآ شمآآ وكيف كآآنن يخططن يطفرن بالكل .. ربع سآعه وغفت أمون .. *)
/\
\/
/\
\/
اليوم ألي بع‘ـــده .. *
السآعه 11 الضحى
الامارآت .. فالفندق .. *
شمآآ طآلعه من جنآحهآ متلبسه عبآآه بحرينية ويآ فيونكة برتقآلية ع حليبي صوب الإيديين وصوب الصدر .. *
نآدر : وين تبين تسيرين ؟
شمآ : بسيير أسلم عليهم قبل لا أسآفر
نآدر : عندج سآعتين بس .. مآشيء وقت
شمآ : اووووكي ..
(( ركبوو السيآآرة )*
نآدر : شمآآ
شمآآ : هلاا ؟
نآدر : أمممممممممممم
شمآ حطت فونهآ فشنطتهآ : شو مستوي ؟
نآدر : سمعت أنج أنخطبتي ؟؟
شمآ : هههههههه
نآدر : ووآفقتي بعد
شمآ :شوووو هههه ؟؟ منهو قآآل ؟
نآدر : عممج قآآل ..
شمآ : ومنهو هذآ ألي خطبني ؟
نآدر : من صدقج مآتعرفين ألي خطبج .. عيل هوه ع كيفة يقرر موآفقتج ؟
شمآ : تعني محمد ؟؟
نآدر : هييه
شمآ : اهااااااا
نآدر : أنآآ بقولج رآآيي .. أن كنتي موآفقة ع محمد ولا لا .. ترآه محمد ريآآل و النعم فيه ومآآيعيييبه شيء .. أخلااق .. مريله .. و هيبه يشهد لهآ الكل .. و فعله يسبق قووله .. ولا تنسيين أنه وقف ويآآنآآ وقفة ريآآل يوم يينآ البلاااد وطحتي فالمستشفى .. أنا مآ أقول رمستيه عشآآن أخلييج توآفقين عليه غصب .. بس مآفيه ريآل يستآهلج غيير محمد .. أنتي فآهمتنه وهوه فآهمنج .. لو أي ريآآل كآن مكآآن محمد وخآيف علييج جآن منعج من هالسفرآت و الغربة برآآ البلاااد .. بس هوه يسعى ويآآج عشآن تحققين طمووحج .. انا ادري أنتي بتقولين شدخله يمنعج من السفرآت و الغربة .. بس بقولج كلمة وحطيهآ فبآلج زيين .. مآآفيه ظهر فالدنيآآ من بعد الله تأمنيين فيه وتسنديين إيدج علييه وقت شدتج .. غيير ظهر مريلة محمد
شمآ توهآآ .. فاللحظة هذي تحس أنه كلاام عمهآ جد .. تحس انه صدق محمد طلب إيدهآ من عمهآآ .. توهآ تستوعب أنهآ قآآلت موآآفقتهاا ع محمد بس عشآآن تقلل من هيبة سعييييد .. مآكآآآن جوآبهآ من قلبهآآ .. بس موآفقتهآآ يت فلحظة عنآآد
نآدر : شو قلتي شمآ ؟
شمآ : ما أباا أتعب محمد ويآآيه
نآدر : محمد يبآ يشتري رآآحتج مآيبآ يتعبج
شمآ : خل رآحتيه ع صووب يآنآآدر .. أناا خآيفة ع محمد إذآ أرتبط فيني .. تتوقع شو بيصيرله .؟ إذآ أنا سآفرت عشآن شغليه .. بيسآفر ويآآيه ولا لا ؟
نآدر : أكييد بيسآفر ويآآج
شمآ : وهذآ الي اناا خآيفة منه
نآدر : مآفهمت علييج
شمآ : لو سآآفرت محمد بيظطر يخلي أمه و أخوآآنه روآآحهم فالبلااااد ويسآآفر عشآآني .. ما أباا أرتبآآطه فيييني يأثر ع حيآته .. تعرف انه أخوآنه و امه مآآيشوفوون من بعد الله ألا محمد .. كيف تبآآني أبعده عنهم بس عشآآن شغليييه .. لالا يآ نآدر فكرة أني أوآآفق ع محمد بتبني حسآآسيآآت بين شغلي و أهتمآآمه لامه و اخوآنه .. بعديين شوآآقي يوم يسآآفر عنهآآ محمد أتم تصييح .. نآآدر . شوآقي تشوف محمد أبوهآآ .. تخآآف عليييه مآتبآآه يبعد عنهآآ .. حآطة فبآلهآ لو سآآر مآآبيرد نفس عمي بو محمد
نآدر : بسم الله من هالفآآل
شمآ : بسم الله عليه .. بس أنا أقول الحقييقة .. هذآآ ألي فبآل شوآقي
نآدر : و أنتي بترفضيين محمد عشآآن أخته
شمآ نزلت رآسهآ : عشآن مآيبعد عنهم
نآدر : حطي رمستيه فبآلج زيين .. محمد لو مب حآسبنهآآ صحح ومدببر كل ألي انتي تفكريين فييه جآن مآيى وخطبج .. لو يدري بأنه أرتبآطه فييج بينبني فقلة أهتماامه فاخوآنة و امه جآن مآآيى وخطبج .. لا تفهميييني أنه محمد يحب أهله أكثر عن روووحه لاني أعرف هالشيء .. ألا مآيكون محمد مخططلهآ صحح .. و انتي تعرفين محمد بيبدي رآآحة أهله .. على مستقبله
شمآ سآندت رآسهآ ع الإيدآآر وتفكر فقرآرهآ المفآجئ ألي يى جدآم سعييد .. مآتدري تغيير قرآآرهآآ عشآآن رآحة محمد .؟ وفنفس الوقت خآيفة يكون عمهآآ خبر محمد بموآفقتهآآ .. وتنكسر هيبة عمهآآ جدآمه .. وفخآطرهآ " لالا ما بفشل عمي وهوه ألي وقف ويآآية وسآندني ع اني أفك عمريه من سعيد .. بس يآشمآآ لاتوثقين فيه زياادة عن اللزووووم يمكن عمج ألي وقف ويآآج هذآك اليوم .. أيي بآآجر ويطعنج ورى ظهرج .. >؛<" ولا اتم ع قرآآري .. .. بس خآيفة أعذبك يآآ محمد بمشآكليه .. ما انكر أني محتآيتنك هالفترة .. وفنفس الوقت مب محتآآية أي حد يشآآركني حيآآتي " تنهدت
نآدر : بيت منهو أوديج ؟
شمآ : ودني عند نوورة ..
نآدر : بيت زآيد الـ ... ( بو عزوز )
شمآ : هيه
/
شوي ووصلو بيت بو عزوز ..
نزلت شمآآ .. دقت البآآب وفتحتلهآ البشكآرة
شمآ : السلام عليكم
البشكآرة تهز رآسهآ
شمآ : ماما موجوده
البشكآرة تهز رآسهآآ وتتبسم
شمآ ضحكت ع شكلهآآ
أم عزوز نآزلة من فوق .. ويت صوب البآب : مرحبآآ مرحبآ شمآآ
شمآ وآيتهآ : الله يرحبج ع فضله .. شحآلج عموه ؟
أم عزوز : بخيير علج الخيير .. قربي قربي .. عآد سمحيلنآآ هآي البشكآرة يديده وتصبح وتمسي وهيه تهز هالرآآس لا نفهم عليهآ ولا تفهم علينآآ
شمآ : ههههه مآعليه بتضرى علييكم .. الزين فيهآ ألا تبسم مب مبووزة شرآت غيرهآ
أم عزوز : مآعليج يالله السوآهي تحتهآ دوآهي
شمآ فخآطرهآ تنقع ضحك عليهآآ . " شو سوآهي تحتهآ دوآهي ههههههههههه "
دخلت ويلست فالصآلة ..
شمآ : عيل نويير وينهآ ؟
أم عزوز : والله لو ييتي قبل خمس دقآيق جآن لحقتي علييهم
شمآ : أفاا جيه محد ؟
أم عزوز : لا والله ظهروو توهم هيه وعزووز .. مآعليه يلسي انتي .. منهآ تقصرين الدوب ويآآيه ومنهآ تتريينهآآ ..
شمآ : ودي والله بس بتأخر ع الطيآآرة
أم عزوز : جيه وين نآهيه ؟
شمآ : ههه برد لـ شغليه
أم عزوز : هيييه ربي يوفقج أماايه ..
شمآ نشت : أترخص عنج عيل .. وسلمي عليهم ..
أم عزوز : يبلغ ان شاء الله .. الله يحفظج ..
/\
\/
/\
\/
بيت بو أحمد ..
الصآلة .. *
( نورة .. اليده .. عزوز .. )*
نورة نشت : أنآآ بسيير أعآون اماايه > سآآرت عنهم . *
اليده : وشوو حآله أبوك و امك ؟
عزوز : يسسرج حآآلهم .. أنتي شو صحتج ؟ وشو عيونج ألحين ؟
اليده : بخيير بخيير
عزوز : عييل وينه أحمد ؟
اليده : طوول اللييييل أسمع صريخهم هوه وعموور و منصور هنيه يلعبووون بهذآ ألي يدقدقووبه ما ادري شو أسمه ( سوني تقصد ) والله مآتوآحي عيني تغفي ألا و هم يصرخون ما ادريبهم يتضآربوون ولا يلعبوون
عزوز : وعوج من رقآآدج عيل
اليده : ييت الفيييير لقيت أحمد مررررقد هنى ( أشرت ع الكرسي ألي عدآلهآ ) عنبووه البشكآرآآت يهبطن ينظفن وهوه متمردغ هنييه لا حيآآ و مستحى
عزوز : انزين محد غرريب أمه ويدته
اليده : والبشكآآرآآت ؟؟ هذيييلا مآورآآهن الا المصآآيب .. وهوه يصبح مرقد هنيه جدآم عيونهن
يت نوورة وهيه شآآلة سلة الفوآكة .. و آم أحمد شآلة دلة القوة و الجآهي
اليده : مآآيبتي الخيير يوم يبتي
أم أحمد : جييه ؟
اليده : آآلحيين حل الغدآء يآآيبه هالشيير تبينه يرض منهن
نورة : آي شيير .. فوآكة يدوه سمهن
اليده تمت تشووف نورة : و أنتي شو حآطة ؟؟
نورة : شوو ؟
اليده : هذآ فوق عيوونج .. يبيييييه يآبنت حميييييد لاخه من هالأحمر فوق عيونهآ
.> نورة كآنت متلبسه كندورة عنآآبية وحآآطة آآي شدو وردي .. وقلوس وردي
اليده : آآآآآآخيييج عليييج .. أمره ضيعتييه المذهب و السنع
عزوز يضحك عليهن
نورة كفخته بإيدهآ بدون مآينتبهن وبهمس : جب أنته
اليده خذت المخده وفرتهآ ع عزوز : و انته مآتستحي تشووفهآ لاخة من هالخآآيس وسآكتلهآآ
آم أحمد : يالله عووونك .. شوتبينه خآلتيه تحرضينه ع حرمته .. خليهم هيه ويآه ينيآزوون ..
عزوز : رووحهآ شآريتنه مب أنآآ هههههههههههههههههه
اليده : لو انته ريآآل جآآن خذتهآ هيه ويآآه وفرييتهم فرة . أخخخخخخ عليه من رييحة
أحمد نزل : شيآينكم ؟؟ > وآيه نورة وعزوز ..
اليده : شوف اختك شو لاخة فعيونهآ وريلهآ سآآكت
نورة : يدوه عن اليور وين روحتي ريحته أنتي
اليده : أرووووحه .. بعد وين روحته أمممف علييييج
أحمد يآلس عدآل نورة : رحتي فيهآ
نورة بهمس : الله يسآمحكم ليش تسوولهآ عمليه .. جآآن خليتو هالمآآي فعيوونهآآ .. ع الأقل شوي غآضه النظر
أحمد : هههههههههههههههههههههههههههه .. بووووج نويير أستقويتي من عرستي
عزوز : آآفآآ عليييك .. وترآآفس بعد
آم أحمد : وآآبوي نورة ؟
نورة : والله يجذب عليييييج .. ما أدري منهو يرقد و ريل فالشرق و ريل فالغرب
اليده : آآقوولج فصخت الحيآآ .. مآيقولوون شقآآيل يرقد الريآآل .؟
نورة حطت إيدهآ ع شفآيفهآ : أصلاً من الأسآآس مآيقوولوون شيء .. خلاص بسكت ولا برمس هآآ هآآ ( سكرت حلجهآ بإيدهآ )
أحمد خش رآسه ورى نورة عشآن يرمس عزوز : شفييهآ غآديه عصبيه هاليووميين ؟
عزوز غمزله : مآآ عليييييه زيوودي محررنهآ شووويه
أحمد : روووووووووووووح .. نويييييييير حآآآآآآمل ( ودحهآ ع ظهرهآ )
نورة : كححححححححححح كحححححححح كححححح
عزوز مسكه من إيده : إيييييه شيآآك عليهآ ؟
أحمد : ههههه مآآوحتي عنبوووه .. ألا من يوووميين رآآده من شهر البصل .. وحملتي .. شغآآآله مآوقفتي هزرج
آم أحمد : آآآآحممممد
عزوز : بعدين انته عن الجذب. . أكثر من أسبوعين و نحن رآدين من السفر ..
نورة نشت تشرب مآآي
عزوز : أناا قآآيل مآآبيييبهآآ عندكم .. ما أأمن فييييك بو شهآب
آحمد : أفآآ يآ بو زآآيد .. جآآني مربنهآآ و طآعمنهآآ لين كببرت و ييت حضرتك يالصعيدي وخطبتهآآ .. وتقول بعدك ما مأمن فيه
اليده : الله يخلي أبوهآ مآكله وشآربه من خييره .. ورآآبية تحت إيدييه
.. تغدو عزوز ونورة فبيت بو أحمد و تموو سآعتين ويآآهم ورووحوو ..
/\
\/
/\
\/
السآعه 5 العصر
شمآ أخرت طيآرتهآ لأنه يآهآ اجتمآع فـ شركة عمهآ .. *
بعد مآآظهرت من الشركة سآرت تبآ تسلم ع أموون ..
ودآهآآ نآآدر بيت بو حمدآآن بس ألي جذب نظهرهآ شلـ‘ه شبآآب وآآقفيين فالسكة ألي تفصل بين بيت بو حمدآن وبيت يييرآنهم . . *
شمآ : نآآآآدر لاتتحرررك
نآدر : شفييج ؟؟
شمآآ كآنت يآلسه فالسيآرة فالنص بس لزت الصوب اليسآر وتمت تشوف من الدريشة و أدقق فأشكآل الشبآآب
نآدر : مب جنه أخو حمدآن ويآهم ؟؟ ( وهوه يصغر عيونه )
شمآ : منـ..ننـصوور
نآدر : شو مآتبين تنزلين تسلمين ولا بتمين تمقلين فالشبآب
شمآ شهقت : هئئئئئئئئئئئئئئئئئئئئئئئئئ
نآدر لف صوبهآ : شيآآج ؟
شمآ : خ‘ـ..خخـخلوود ..ومـ..مم..ـميوود
/
صوب منصور كآنو ملصقينه فالإيدآآر
خلود كآن مآسك السجين الصغييرة وضغط عليهآ وفتحهآآ كآنت بعيده عن ويه منصور سم ولا 2 سم .. لو قربهآ شوي جآن نطرت السجين فويهه : كم مره قلتلك لا تخلي عمرك ريآآآآآآل عليييييه ..
منصور بلع ريجه .. صدق وهقه 3 محآوطيينه و أكبر عنه .. وكل وآآحد قآبض سجينه
نآدر كآن بيفج البآآب
شمآ : نآآآآدر أيلس لا تنزل
نآدر :بيذبحووووون الولد
شمآ تبآ تركز فكلامهم :أشششششش نآآدر أسكت شوي .. و أفتحليه الجآمه خلني أسمع
نآدر لف صوبهآ :شماااا أنتي بعقلللج .. بيذبحوووونه هاليعآرى
شمآ مسكت فونهآ و أتصلت ع رقم مآكآآن ودهآ انه تسمع صوت صآحب هالرقم .. بس مظطرة .. ومحتآآيتنه هالفترة .. من أول مره محد رد .. بس الدقة الثآنية ردو : آآلووو
..... : مرحبآآ
شمآ : هلا حصة .
حصة : منهو ويايه ؟
شمآ : أنآ..أنآآ شماا
حصة : هلا شمآ .. شحآلج ؟
شمآ : حصة بغييتج فحآآية
حصة : قبل لا تطلبين مني شيء .. شمآ أنا آآسـ..
شمآ قآطعتهآ : مب وقت طلبة العذر آآلحين .. حصة محتآآيه مسآعدتج
حصة تروعت : شو مستوي ؟
شمآ : ريلج وينه ؟
حصة أستغربت : عبوود ؟؟
شمآ: هيه وينه ؟؟
حصة : فــ..ففالشغل
شمآ : عطيني رقمه
حصة : شو تبينه ؟
شمآ : حصصصة مب وقققت أي سؤآآل آآلحيين .. طرشيلي رقمه بسرعه
حصة : محتآآيتنه فشغله .؟ ولا فسآآلفة خآآصة ؟
شمآ : لا فشغله
حصة : 055/..............
شمآ : مشكورة .. بآي > سكرت
/
شمآ : آآلوو .. مرحبآ عبدالله .. أنا شمآ .. أخت نورة بنت خآل حصة .. عبدالله بغيتك فحآآية .. كآن ضآآبط أسمه ذيآآب عندكم فالقسم .. حبس وآحد أسمه خآلد ويآ شلته .. بتهمة أختطآآف .. من شهووور هالسآآلفة .. لالا مب لاازم الضآبط ذيآب بس لو تقدر تييب ويآك دورية وتي عند بيت أبو...(سكتت ) بو أحمد .. هيه هوه بو نورة .. السآآلفة ضروووورية وفييهآ روووح .. دخييييلك لا تتأخر .. > سكررت
نآدر : أنتي من صدقج .. سآآلفة لين تي الدوووورية وتي الشرطة .. الولد رآآآيح فييهآ
شمآ مسكت فوونهآآ وخذت كم صورة لهم .. تخآآف مآآيلحقوون علييهم .. ومآآبيصدقونهآ فنفس الوقت بيقولوون أنه ألي تسوييه بس عشآن تآآخذ بحقهآ منهم أيآآم الأختطآآف .. و الصور خيير شآآهد .. شغلت ع الفيديوو .. وفرت الفون عدآل نآدر : حطه ع السيت عدآآلك .. *
نآدر خذ الفوون و حطه عدآله بحييث الكآم تكون مركزة علييهم
شمآآ فجت البآب بهدووء
نآدر : شمـ..
شمآ قآطعته : أششششششششش .. نآدر بتفضحنآآ
/
سآلم يمسك خلود : خلووود خله هاليآآهل لا ينفع ولا يضر . طبه منننك
منصور : رآآضي أكوون يآآهل ولا فآآصخ المريييلة شرآآتكم
خلود يمرر حد السجين ع صدره بس بدون مآيطعنه : شوو قلت ؟؟
منصور : ألي سمعته ..
خلود بعد إيده وبضييييجه : أسسسسحب كلاااامك يآ ولد الماما لا اندمك
منصور دزه : ع الأقل مقدر من ترربيتهآآ .. هب شرآآآتك يآآ الصآآيع ييالضآآيع يآ بو البـ..
خلود قآطعه يوم قرب السجن من منصور و غرزهآ فـ خصصصره : خلل ينفعك لسآآنك هالوووصخ .. عدل أسلوووووبك يوم بترمسني يآآ ولد الماماا
......... : خلووووووووووووووووووووووووووووود
خلود + ميود + سلوم + منصور لفوو للصووت
خلود يقرب من منصور : هه لالا ظهرت صدق تحبببببك .. شكلك ياليآآهل ورآآك ظهر .. يآآيب معآونييين حقققك ( لف لهآ وغمزلهآ ) ترآآه لييين آآلحيين نحن مآخذنآ حقنآ منج
منصور ومآسك خصره : لووـ..لوعندكك ..كـ..ك..كلاام .. قولـ..له لي
خلود دق بإيده ع جتف منصور : أقبض خآصرتك حبيبي وخلك فويعك بس .. ولا تسويلنآآ فيهآ ريآآل ما أدري من وين متعلمنهآ من سبيستون وروبن هووود
سلوم + ميود : ههههههههههههههههههههههههه
مآآحسوو ألااا بكف ينطبع ع خد خلووود يسدحه ع الدعنه ..
شمآ رفعت رآسهآ وشآآفت عبوووود .. ربعت صوووب منصور وسندته ع الإيدآآر : نآآآآآآآآآآآآآآدر
عبود قرب صوبهم : نطلبلكم الأسعآآف ؟؟؟
شمآ : لا مآله دآآعلي ( شآفت نآدر يآآي صوبهآ ) نآآدر بسسرررعه
/
السآع‘ـــ‘ه 8 ألا ربع ..
فالمستشفى . . *
( بو حمدآن .. ام حمدآن .. أمون .. حمدآن .. شويخ .. احمد .. عمور .. شمآ )*
شمآ كآنت وآقفة ع طرف و تشوفهم
أمون كآآنت عند ام حمدآآن .. شويخ ألي كآآنت عيونهآ بتآكل شمآ ..
حمدآن سآر صوب شمآ : شوألي صآر ؟
شمآ مسآنده بعمرهآ ع الإيدآر : حمدآن لين متى بتم لاهي عن أخوك .؟ لين متى بتم تشوفه يدمر عمرره بهالرفجة ؟؟
حمدآن : تحآآسبيني ؟؟
شمآ نزلت رآسهآ وهزته بـ لا : هه ومنهو اناا عشآن أحآآسبك .؟ ( يت عينهآ ع شويخ ألي كآنت صدق مقهوورة من وقفة حمدآآن ويآ شمآ )*
شمآ بعدت عن الإيدآآر بترووح
حمدآن وقف جدآمهآ : منهو ألي سوى بـ منصور جذيه ؟
شمآ : تعرف عبدالله ؟
حمدآن طآلعهآ بأستغرآب
شمآ : ريل حصة بنت خآلتك ؟
حمدآن : هييه شفييه ؟ ليكووون هوه أليـ.
شمآ : وين سآر تفكييرك ؟؟ هوه يشتغل فالشرطة .. دقله وتخببره .. يعرف بالسآلفة كلهآآ
حمدآن : عيل انتي شو يآآيبنج هنييه
شمآ تشوف سآعتهآ : تأخرت ( تخطته .. ووقفت جدآم أم حمدآن و بو حمدآن ) الحمدلله ع سلاامته ومآآيشوف شر .. و أن شاء الله مآفيه ألا كل خيير
بو حمدآن :الله يسلمج بنتي
شويخ فخآطرهآ " بنتي بعد ؟؟ لا مطيحيين الميآنة ويآآهآآ . ><" "
شمآ : أنآ أترخص عنكم عييل ( هوت ع رآس ام حمدآن بو حمدآآن ) شيء فخوآطركم ؟
أم حمدآن : سلاامتج فديتج .. ومشكوورة ع هالوقفة
شمآ : العفوو عمووه .. فدآعة الله ( مشت عنهم بس ألي وقفهآآ قبضه أمون
أمون :وين نآآهيه ؟
شمآ أبتسمت : برد لندن ؟؟
أمون : كرررهت لندن .. كرررهت كل ألي فرقني عنج
شمآ حضنتهآآ : ههه أمون مستوية حسآآسة هاليووميين .. كله عشآآن أحمدوه
أمون كفختهآ ع جتفهآ : لا مب عشآآنه
شمآ : خفي عليينآ ههههههههه .. يلا أنا تأخرت وآآآيد .. بطلعة الروح حصلت تأخيير حق الحجز
أمون : تمي لين بآجر
شمآ : ما أروووم .. برمسج يوم بوصل .. مع السلامة . . *
/\
\/
/\
\/
السآعه 12 ..
بيت بو حمدآن ..
قسم حمدآآن ..
شويخ لزت عنه ومتضييجه : ما أباااااا .. ودني بيت يدي
حمدآن بطنآزة : شو عندهآ ين اللييل رآكبآتنج اليووووووم ..
شويخ : والله الين مآيركبني ألا يوم أشووفك ترمس نآآآآس
حمدآن طآلعهآ بنظرة : كنت أسألهآ عن منصوووور .. وكيف أنطعن .. بس
شويخ : يعني تعرف منهو سآآس الين ألي رآكبآتني
حمدآن : ومآآآله دآآعي حتى تكمليين سآآلفتج ..
شويخ : بسييير بيت يدي
حمدآن يشوف السآعه : مآعليه بآآجر بوصلج
شويخ فجت عيونهآ ع وسعهن
حمدآن : شفيييج ؟؟
شويخ : مآآصدقت هآآ ؟ تبآ الفكآآك مني ؟؟
حمدآن : مآآعرفتلج يآآ شوييخ .. أبا أفهمج السآلفة مآتبين تسمعيني .. تبين تسيرين بيت يدج وقلتلج بوصلج فتنتي .. شو أسويبج ؟؟ أختآآري قرآآرج و انا بنفذه
شويخ تعد ع صبوعهآ : ودني بيت يدي
حمدآن :انزيين
شويخ تكمل : وما اباا أشووف رقعت ويهك
حمدآن بأسلوب يقهر :انزييين
شويخ : ولا ادق عليه ولا ترمسني
حمدآن :انزيين .. مآتبيني أطلقج مره وحده
شويخ بقهر : يفضل
حمدآن أشر ع خشمه : على هالخشم ( و أبتسم )


كآآآآآآآآآآآآآآآآآآآآآآآآآآآآآت

/

/

البآآرت { 73}





حَبيِتْ أذكِرڪ إذآ ڪنَتْ [ فآضِيْ ]
وَ أرجَوك تِفهَمهّا حِبيَبيْ عِلىْ طِووووْلّ
مُليتَ بُعِدڪ وّ أنتَ فَيْ البُعِد رآضِيّ
مًشِغوْلّ فيَ غيّريْ وَ أنِا فِيڪ مَشِغوْلّ



/\
\/
/\
\/
/\
\/



حمدآن : مآآعرفتلج يآآ شوييخ .. أبا أفهمج السآلفة مآتبين تسمعيني .. تبين تسيرين بيت يدج وقلتلج بوصلج فتنتي .. شو أسويبج ؟؟ أختآآري قرآآرج و انا بنفذه
شويخ تعد ع صبوعهآ : ودني بيت يدي
حمدآن :انزيين
شويخ تكمل : وما اباا أشووف رقعت ويهك
حمدآن بأسلوب يقهر :انزييين
شويخ : ولا ادق عليه ولا ترمسني
حمدآن :انزيين .. مآتبيني أطلقج مره وحده
شويخ بقهر : يفضل
حمدآن أشر ع خشمه : على هالخشم ( و أبتسم )
شويخ رضت بريلهآآ ع الدعنه بضييجه : مآآآآعليه حمدآآآن بنشووووف .. ( ظهرت عنه وخذت شنطة وتمت تحط ملااااابسهآآ )*
حمدآن : هههه مينووونة ( نش وبند الليييت و أنسدح ع الكرسي .. وفخآطره " أن شاء الله رآيك يآ محمد أييب نتييييجة .. " )
/
شويخ تمت تحووط فحجرتهآآ : هذآ من صدقة بيطلقني ؟؟ يعني بيتخلى عني ؟؟ معنآآته أناا رخصتبه حق شمآآ ؟؟ يعني برد بيت يدي .. و أبوويه بيتسلط علييه .. وبيوزني ألي يبآآه .. لاا لا لا يأ أبويه أقبض مينووني لا أييني أين منه ( وهيه سآيرة صوب حجرة التيفي ألي كآنو يآلسين فيهآ ) بس والله يقهر يقققهر .. ( فتحت البآب وشآفته غآفي .. ظهرت ويآبتله لحآآف و لحفته .. لفت عنه بس وقفهآ مسكت إيده..
حمدآن : تبيني أطلقج لانج عآيفتني ؟؟ ولا لانج تغآآرييين من شمآآ ؟
شويخ قربت صوبه ويلست ع ركبهآ وعقت بعمرهآ فحضنه : حمداااان لا تخلييني دخيييلك
حمدآن مسح ع ظهرهآ و أبتسم : بتسيرين بيت أهلج ؟؟
شويخ : لاا
حمدآن : أطلقج ؟؟
شويخ هزت برآسهآ بمعنى لاا وهيه دآفنتنه فحضنه
حمدآن فخآطره " غربلااات تفكييييرك يآآ محمد .. يآآبت نتيييجة .. هيه فآلح فالعلوم هذيلا هههه "
/\
\/
/\
\/
بع‘ــد أسبووع‘ ..
السآعه 12
مكتب حمد . . * ( بو حمد + حمد .. )*
حمد : متى قررررت ؟؟ ومتى خطبهآآ ؟؟ ومتى رديييت ع الريآآل ؟
بو حمد : من أسبووع .. بس هيه وآفقت علييه من أول مآآيتنآآ وسوينآ الاجتمآع ورمستهآآ
حمد : و ع طوول جذييه وآفقت علييه
بو حمد هز رآسه بـ هيه
حمد : أبوويه أصلاً لييش تيوزهآآ لـ محمد ؟؟
بو حمد وقف وعقد حوآيبه : أناا عمهآآ ولي الحق علييهآآ .. الريآل يى وطلبهآآ مني و أناا سألتهآ وردييت علييه
حمد : جذييه بالسآهل ؟؟
بو حمد : شو هو ألي بالسآآهل .؟ شفييك تخبص فرمستك انته ؟؟
حمد توتر : لا يعني .. بس كيف كيف توآفق علييه بدون مآتفكر .. بعديين أبويه مآآفكرت فالفلووس ؟؟ إذآ يآبت منه عيآآل كل الفلووس بتصيير من نصيبه ونصيب عيآله
بو حمد : محمد عنده خيير ومب خآطبنهآ عشآن طمع . ولا تنسى ترآآهم عشرة ويآ بعض ومتربيين ربآآعه .. و أنته تعرف محمد ربييعك مب هوه ألي بيخون فالعشره
حمد : هه أبويه ويين ألي مآيوآآطن طآآري حميييد و أهله .. آآلحيين أشووفك رديت تحن ع ولد آآخووه
بو حمد طآلعه بنظرة : انته هاليووووميين مب ع بعضك . . شو ألي تبآ تقووله ؟
حمد : موآآفقة شمآ ع محمد غللط
بو حمد وهوه مستغرب : هذآ رآي البنت
حمد : هه أبوية أنته قآآص ع عمرك .. من متى تسمعلهآآ رآي من الأسآآس
بو حمد قرب صوبه وصفعه طرآآآق : أناا أبوك يألي مآتستحي ع وييييهك .. ما اظن سوييت شيء غللط ولا ضرييت حد بالسآلفة هذي .. خطبوهآ مني ويوني من البآآب و البنت وآفقت برغبتهآآ محد غصبهآآ .. فهمني شو الغلط فالموضووع ؟
حمد : مآآ أبااااااا محمد يدخل فنص عآآيلتنآآ .. ما أباا يقص ع بنت عمي .. هذي يزآآتي خآيف ع مصلحتهآ و احآآتيييهآآ
بو حمد يلس ع الكرسي وتنهد : لو مآتعرف مصلحتهآآ جآآن رفضته .. بس بنت عمك عآرفة وفآهمة مصلحتهآآ زيين ووين تكووون .. ومحمد مآينعآآب .. ريآآل ووقت الشدآآيد تبآن أفعآآله
حمد : آآبويه ترآآه فيه نآآس تلعب دووورييين .. عشآآن مصلحتهآآ .. ولا منهو ألي بيآخذ شمآ وبيتحمل عنآآدهآ وغربتهآآ بالسآآهل
بو حمد : اناا صحح هالفترة مآوقفت مشآكليه ويآآهآآ . . وكل مآنحل سآآلفة تطلعلنآآ غييرهآآ .. بس محمد ألي مب عآآيبنك . . هوووه ألي ضف شمآآ وحآفظ علييهآآ يوم تغربت ومآآعرفت هيه منهوو .. هووه ألي يآآبلنآآ شمآآ .. و أنا ما انكر من البدآآية كرهت هالفكرة و شفت المصآآيب من شفت محمد يآآيبلي شمآآ .. بس بتم شمآ بنت أخوويه . . محمد ألي مفكرنه يبآهآ لمصلحة .. هوووه ألي خلصهآآ من أختطآآف ربعك ( جسووم وشلته ) .. محمد ألي يآلس تعدد عيووووبة هووه ألي يتطمن ع بنت عمك ألي أناا ويآآك هآملينهآ ومغربينهآ .. هوووه ألي يسآفرلهآ بين فترة و الثآنية ويتطمن علييهآآ .. يبآآ يحسسهآ بالاماان بووجوودنآآ
حمد فتح عيوونه ع وسعهن : هههه أبووية فييك شيء ؟؟ معقووولة أنته ألي ترمس عن شمآآآآ جذيييه ؟؟ شو صآآآر فييك ؟ لعبوو بعقلك هالـ 2 .. لعبو بعقلك عشآن كل وآآحد يحقق مطلبه ><"
بو حمد صرخ عليه : حمممممممممممد .. شو تشوفني يآآهل جدآآمك عشآن يلعبون بعقليه .. أناا أدري بالكلااام هذآ من زمآآن .. ومن فترة يدوور فرآآسي .. بس ما أباا أصدقة عشآن ما أرحمهآآآ و آآخلي فكرة أنهآ بنت أخوويه و أعطف عليهآ و عقب فتررة تعقنآ اناا ويآآك فالشآآرع .. تشل أسمنآ من السووق بأرآدتهآآ و أدوس عليه بريلهآآ
حمد : هذآ ألي بتسوييييه يوم أنته تقول هالكلااام . ( بترجي ) أبوية دخييييلك لا تجمع شمآآ و محمد ربآآعه .. لا تخلييييهم يجتمعوون فـ بيت وآآحد
بو حمد : حمد فكر زيين .. يمكن لو دخلت محمد فحيآآتهآآ أكسر طموحهآآ
حمد : بالعككس أبوووية بتقوي شوجتهآ علينآ .. بتلقآآلهآآ من تسند عمرهآآ علييه
بو حمد : إذآ يآبت عيآآل بتلهى عن طموح و عن شركآآت .. كللهآ فترة يآ حمد وبيصير عقلهآآ ويآ بيتهآآ وريلهآ وعيآآلهآ مآآبتفكر لا فطموووح ولا تحدي .. انا سويت هالشيء عشآآن مصلحتنآ نحن ..
حمد نزل رآسه
بو حمد : حرمتك وينهآ ؟
حمد دق قلبه من سمع هالطآآري .. مآآيمتنى شووفة يزووي هالفترة .. روحه بآآله بعييد عنهاا
بو حمد : لييش مخلي اليآزية فـ بيت اهلهآ ؟
حمد توتر : شسمه هيه روحها
بو حمد : شو روحهآ ؟
حمد : هيه روحها تبآ تسيير بيت أهلهآآ
بو حمد : ردهآ يآ حمد .. مآفيينآ ع المشآآكل
حمد : خللهآ يا أبوية فبيت أهلهآ أريحلهآ و أريحلي
بو حمد : ردهآآ وسآآفروو تعآآلجوو ؟
حمد : أبوية لا تسمعك وتقوى شوجتهآ علييه ..
بو حمد : حمد هذآ الصدق .. العييب منك .. بس الطب يتجدم يوم عن يوم .. سيرو تعآآلجوو .. فييه وآآيديين غييركم نفس حآآلتكم .. مآآيلسوو كل وآآحد فصووب ويطآلعون بعض .. تعآآلجووو وشآفو عمآرهم ويآآبو بدآل الولد ولديين
/\
\/
/\
\/
بيت بو عزووز . . *
الصآلة ( مهآ .. أم عزوز .. أم مهآ )
نورة توهآ دآآخله البييت : السلام عليكم
مهآ .. أم عزوز .. أم مهآ : وعليكم السلام
نورة سآرت توآآيه مهآ و أم مهآآ
أم مهآ : شحآآلج نورة ؟
نورة : بخيير وسهآلـ...
مهآ قآطعتهآ : أزييييييك يآ حرم البيه عزوووز
نورة : هههه بخييير
أم عزوز : من وين يآآيه ؟؟
نورة غمزلتهآآ
أم عزوز فهمت أنهآ كآنت فالمستشفى
مهآ تخصرت : آآآه عآآملتيلي بيهآآ أسرآآر بينك وبين حمآآتك يآآ ولييه
نورة : شو عنده عرج الصعآآيده اليوووم زآآيد ؟
مهآ : ميين ألي بيحكي مصري زيي ؟؟
نورة : أموون بنت خآآلي ههههههههههههه
مهآ : المهم تعآآلي بقولج .. شحآلج يالدووووبة .. شخبآآرج ؟
نورة : تماام .. أنتي علومج ؟
مهآ دزت بجتفهآآ جتف نورة : عآآملة إييييه مع الصعيدي عزووز
نورة كفختهآ : صعيييدي عييينج يآ مسودة الوييييييه .. هب تقولين عنه جذيه
مهآ : أخبآآرهآ بنت عمممممج الكتكووتة ؟؟
نورة : شوآآقي ؟؟
مهآ : ليش وعندج غييرهآ ؟
نورة : هيه ودوووم
مهآ : من هذي ؟
نورة : اختهآآ ..
مهآ : فذمتج .. وينهآ عيل مآرآويتوني أيااهاا .. كم عمرهآآ ؟ تشبه شوآقي
أم مهآ : كلتي البنت
نورة : هههههه خلييهآآ اليوم مستوية مصريه لازم تلعلع بدون مآتوجف
مهآ دحتهآ : جآآآآآآآوبي
أم عزوز : ويييه لا بركة .. شوي شوي ع البنت
أم مهآ : وكسر يكسر هالصبيعآآت لج .. كسرتي عظآمهآ يبووووووج
مهآ : يالله .. مآآآآآورى مآدحوووني فالمدرسة .. مآآورى مآآدحني رييييييلهآآ ودحبني لين قلت بس ..
نورة : مآآعليج أناا بخذ بثآآرج
مهآ غمزلتهآ : بدحيييينه ولاا .؟
نورة قرصتهآ : عن هالمصآآخة
أم عزوز : إييه أنتن هب تقوومن ع ولديه أدحبنه ويبآآت يكح .. ترآآه محد بيتحمله غييرج ( اتأشر ع نورة )
مهآ + نورة : هههههههههههههههههههههههههههههه
مهآ : تتحمل .. مآتتحملش ليييييه ؟
نورة : لا اليوم أنتي فآآصلة ..
مهآ : حلاتج أنتي يالنقطة
نورة : هب جنهآ طنآآزة ؟؟
مهآ : هههههههههههههههه أقوووولج نقطة وتقوليلي طنآآزة .. أكيييييد طنآآزة .. *
/\
\/
/\
\/
السآعه 4 العصر . . *
بيت محمد . .
شوآقي سآيرة صوب حجرة أم محمد وسمعتهم يرمسون
أم محمد : من بآآجر بنسير نخطبلك أياهاا رسمي
محمد : لالا أمايه عن العيلة
أم سيف : شو عيلته الله يهدييك .. من أسبووع وهم رآآديين عليينآآ . . شعنه نتريآآ أكثر ..
محمد فخآطره " ومن أكثثر من أسبووع و أنا مآسمعت طآآري لـ شمآآ " ؟
أم محمد : شووقلت ؟
محمد : سوو ألي تبوونه
أم سيف أبتسمت : ع خيير أن شآء الله ( لفت لأم محمد ) نسير بآجر وديمة ؟
أم محمد وعينهآ ع ولدهآ : أن شاء الله
شوآقي فجت البآب بدفآآشه وهيه أدوور : الله بآبآآ حمووود بيعرث ( وهيه تصفق ومستآنسه )
أم سيف : شوف هآآ .. الصغيير فرحآنلك قبل الكبييييير
محمد أكتفى بأبتسآآمة
/\
\/
/\
\/
بع‘ــد شهريين . . *
خطبوو شمآ رسمي ..
شمآ انحطت فموقف مآآتمنته طول حيآآتهآآ .. كيف بتفشل عمهآآ .. وتقول أنهآ غييرت رآآيهآآ فولد أغلى انسآنه عندهآ ( أم محمد ) صآرلهآ فترة وهيه تفكر فالموضووع .. تسألهم وتآخذ رآآيهم فالخطبة هذي .. سألت نآدر .. هآيدي .. نورة .. أمون .. أم أحمد .. بس بقى شخص وآآحد مآكآن ويآآهآ هالفترة .. شخص وآحد مآعطآهآآ رآآيه فقرآآرهآآ .. محمد .. ألي كآآن دووومه وآآقف ويآآهآآ .. مآيمر ع شمآ موقف الا محمد يدرييبه .. ولازم أول رآي تسمعه يكون من محمد .. لكن كيف بتسأله فالقرآآر هذآ .؟ تقوله اوآفق علييك ولا لا ؟؟ مب حلوه لا فحقهآ ولا فحق محمد .. بس أعتمدت ع نفسهآآ مثل كل مره .. مآتنكر أنهآ صلت أستخآآرة و الأمور كآنت طييبة ويآآهآآ . . بس ليين يومهآ هذآآ مب مقتنعه كييف محمد أخو دنيآهآآ ففترة بسييطة يستوي رييلهآآ ><"
أم محمد + أم سيف .. أتصآلاتهن مآآتوقف ويآآ شمآآ وتجهيزآآتهآآ للعرس ..
أم محمد .. صآآيرة الأم لشمآآ .. تقول بنتهآآ وتسآعدهآ فتجهييزهآآ للعرس .. مقدره ظروف شمآآ وظرووف شغلهآآ .. دوومهآ تتصل فييهآ وتذكرهآآ تخلص تجهيزآآت العرس .. أكثر عن مره عزرت ع شمآآ ترد الأمااراات .. لأنه أم محمد هيه ألي تبآآ تجهز شمآآ .. لولدهآآ .. وآآيد مرتآآحة من بعد ما خطبت شمآ رسمي لـ محمد . . ع كثر مآحست بالأهآآنة يوم سآآرت بيت بو حمد .. و أم حمد ألي كآآن يبين من شكلهآ تبآ الفكآآك من شمآآ .. ألا أنهآآ عدت شمآ بنتهآآ .. ومآآحكمت علييهآ من أسلووب حرمة عمهآآ . . لانهآ تعرف شمآآ .. متربيه جدآآم عيوونهآآ .. مآآتشك فأخلاقهآآ فيوم مهمآآ شآآفت ألي جدآآمهآآ ينوي يبني صفة مذمومة فـ شمآ . . *
محمد . . لو بنوصف أستغرآب أي شخص من هالعرس .. مآآينوصف شعور محمد . . مرتآآح من هالفكرة .. من نآحية أنه بيقدر يدآفع ويحمي شمآآ بدون مآآتطلع كلمة من النآآس وتقوول مآله حق فيهآ .. ومحرم عليهآ .. و ألي مضآيقبه .. من يوم مآخطبهآ مآرمسهآ .. يحس أنهآ زعلاانه .. ولا متضآيقة من هالقرآآر .. بس فنفس الوقت هوه حآط فبآله أنه هيه ألي قررت .. ووآفقت ومستحييل حد يغصبهآ ع محمد .. لأنه أمه سمعت موآفقة شمآ بأذنهآآ .. بس خلاص هوه أرتآآح وحقق مطلبه .. فأنه يحمي شمآآ وتكون له كلمة عليهآ أن كآنت برآ البلااد ولا غييره .. بيخفف من همهآآ .. بيشآركهآ كل لحظة فحيآتهآآ .. بيدآآفع عنهآآ .. بيوقف فويه عمهآ لو ضآيقهآ .. وآعد نفسه قبل لا يووعد ألي حووله .. أنه مآآبيخلي شمآآ تتألم فيوووم .. لا منه ولا من ألي حووله .. حتى لو كآآنت تعتبره أخووهآآ .. المهم يكون له رآآي عليهآ .. أبداً مآربط هالتفكيير بـ نورة .. ولا يآبهآ فبآآله .. لأنه متأكد مجرد تفكييره فنوورة ولو دقييقه وحده يعتبر خيآآنة .. ومآآيبآ يذووق عزووز من الكآآس ألي شربه .. خص أنه مآله ذنب .. وهوه من الأسآآس كآن لاغي التفكيير فنورة من أول وفآآة أبووه . . و آآلحيين بيدخل حيآآة يدييده ويآ شخص يديد ومآله دآآعي يطعن شمآ ويآ اغلى انسآنة عندهآآ .. مهمآ كآنت علاقتهم بعد العرس حتى لو أعتبرته أخوهآآ ولا لمسهآ مآبيقدر يخونهآ ..
عزوز .. هالفترة وآآيد مشغوول وعلييه ضغط .. أبووه محملنه مسؤولية الشركة كآآملة .. خصوصاً أنه شركتهم نزلت من أول مآآعرس عزووز .. سآآفر .. خلى الشركة شهر .. وبو عزووز مآيعرف بدون ولده .. سفرآته زآآدت الفترة الأخييره .. صحح بعد عن نوورة من كثر الشغل .. بس مظطر عشآآن مصلحتهآ ومصلحة ألي فبطنهآ . . من نآحية عرس محمد .. عزوووز فرحآن لهم من قلبه .. وصآآير عزووز أقرب شخص لـ محمد .. و من آآلحين متحلفله يغلس علييهم .. وبعد يومين عنده سفره لـ فرنسآآ عشآن الشغل . . *
نورة .. ع كثر ما عزوووز مبعد عنهآ هالفترة .. ألا انهآ مقدره ظرووفه ومآآتقدر تضغط علييه زوود وتحن عليه بأه هوه مخلنهآآ ومقصر ويآآهآآ . . وعآآرفه كل ألي يسويه عزوز عشآآن مصلحة ألي فبطنهآآ مب عشآن حد .. بس ألي مضآيقنهآآ سفرآت عزوز الزآآيدة .. آآلحين هيه حآآمل فالشهر الثآني وكم أسبوع . . و أنتشر الخبر للكل .. وفووق كل هذآآ نوورة أتم الأخت ألي مستحيييل تتخلى عن شمآ مهمآآ كآآن .. هيه بعد مب مقصره ويآآهآآ . . تعآآونهآآ ع العرس و ع تجهييزآآته . . بغض النظر عن أنه نورة تبآآ ترد الدين لـ شمآآ ألي مآآقصرت فعرس نوورة . . شمآ أتم أختهآ ألي مآلهآ غييرهآآ وفرحة شمآ من فرحتهآآ . . *
حمد + يزوي . . مسآآفريين آلمآنيآآ من شهر و 3 أسآآبيع . . بو حمد هو ألي ردهم لـ بعض .. وعصب عليهم بعد لانه مستويين يهآآل ع كل مشكلة ولو تآآفهه يكبروون السآآلفة و يوصلونهآ للطلاااق . . قآآلولهم فآلمآآنيآآ يستمروون فالعلاااج و الفحوصآت .. و الله المعطي . . *
/\
\/
/\
\/
بيت محمد . .
السآعه 8 العشآء . .
الصآلة ( أم محمد .. محمد .. أم سيف .. شوآقي .. ودوم ) *
أم محمد : هآآ محمد كل شيء جآآهز ؟؟
محمد : هييه
أم سيف : يلا عآد كلهآ كم أسبوع وتصيرون فـ بيت وآحد
محمد أبتسم من بآب المجآآملة
أم سيف : آآلحيين أنته عمرك 24 سنه ؟؟
محمد : تووني دآآخل 24
أم سيف : ههههههه وهيه كم عمرهآ ؟
أم محمد : هيه 17 .. بتدخل فالـ 18
أم سيف : يحليييييييلكم بعدكم صغآآر
أم محمد + أم سيف : هههههههههههههههههههههه
أم محمد : الصآآلة أخترتوهآ كيف بتكون ؟؟
محمد : شمآآ روحهآ مختآآرة
شوآقي يآلسه عدآل محمد : بآآبآآه حموووود
محمد : عيوون بآبآآتج أنتي ؟؟
شوآقي : خلاص بتعرث ؟
محمد : هييه بعرس
شوآقي : لا مآتعرث .. ما أبااك تعرث
أم محمد : وآآبوي شو هالحجي ؟؟
شوآقي : لو عرث بيرووح من البييت ومآآبيي منييه .. أناا ما أبااه يثيير عني
محمد حضنهآ : ومنهوووووو قآلج بسيير ؟
شوآقي : عيل ليييث لييث بآآبآآه يوم كآآن أيي بييتنآآ .. ما أييلس منااك وآآيد .. أيي ( تعد ع صبوعهآ ) 3 ولا 4 أيآآم منآك عندنآآ وبعديين يروووح .. مأأ أييلث وآيد ويآآنآ
محمد نزل رآسه
أم سيف و أم محمد تم يشوفن بعض
أم سيف : حبيبي شوآقي كآآن أبووج يسوي شغله ويوم يخلص أيينآآ
شوآقي : وآآيد وآآيد ثغل .. عيل لييييث ثهوودة بنت خآآلوو روضه أبوهآ أيلث عندهآ وآآيد .. هوه يودييهآ تثتري ألعآآب .. هوووه يثترييلهآ مآل الكيجي .. هووه يردد ويآآهآآ و يدولهآآ حكآآية .. لييييث أناا لا .. ليث مآكآآن عندي و أييلث ويآآيه .. لييث كله أييلث منااك دآآخل و يعدل ويثوي
محمد نش ويلس مجآبلنهآ : عشآن أييبلج فلووس .. ويكوون عندج ملااابس حلوه و ألعآب حلووووه
شوآقي : أناا ما أباا ألعآآب إذآ بابااه ما بييلث يلعب ويآآيه
محمد : و أنا منهووووو
شوآقي : أنته بآبآآ حمووود
محمد : ألعب ويآآج ؟؟
شوآقي هزت رآسهآ بـ هيه
محمد : عيييل لا أتميين مبوووزة .. نسييير نحط عصيير فالسيآآرة ؟؟
شوآقي نشت ولبست نعآلهآ : أثمهآآ ثيييثه يعني محطه .. أنته مآآترعف
محمد : ترررعف هههههههههه .. شو نسوي نحن مآنرعب
أم سيف : خلهآآ محمد بترقد ورآهآآ دوآآم بآآجر
محمد يشوف سآعته : توهآ 8 وربع .. بس ربع سآآعة وبني .. مآبنتأخر
/\
\/
/\
\/
بيت بو عزوز ..
الصآلة ( بو عزوز .. أم عزوز .. عزوز .. نورة ) *
بو عزوز : غد ريآآل أنته و عن هالصدعه
عزوز : ترآآني ريآآل أبوووويه
بو عزوز : عيل شو هالرمسه ..
عزوز : مآآقلت شيء .. بس لأني أبا أشل حرمتيه ويآآآيه
أم عزوز : نوووورة مآآبتظهر برآآ البلاااد و ضنآهآ فبطنهآآ
عزوز : بس أسبووووع وبنرد والله مآبنتأخر
بو عزوز : لالا .. نورة عندهآ جآمعه
أم عزوز : من غير الجآمعه .. هيه حآآمل .. والطيآآرة مآبتركبهآآ .. وهاا عآد يآ عزوز غد ريآآل و أصطلب
عزوز : عيل مآبسآآفر .. سيروو كملوو الشغل روآآحكم
بو عزوز : عزووووووووووز
عزوز : أبويه شو هذآ .. من كم يوم رآآد من آلمآآنيآآ .. و بعد يومين تبآني أسيير فرنسآ .. حشى الوآحد مآيرتآآح
بو عزوز : شقآآيل بتييك الرآحة وفلووسنآآ فخطر .. خلنآ نخلص شغلنآ أول بأول .. لا أيينآ خلاف كله فوق بعض .. وبنتشتت عقب أنته بتم فصووب و اناا فصووب و أمك وحرمتك فصووب .. سر انته آآلحين و توكل على الله
عزوز : آآبويـ...
بو عزوز : جآن مآبتسيير برآآيك .. أنا بسييييير
عزوز تنهد : خلااص بسيييير
( نش بو عزوز .. و ام عزوز وسآرو فوق . )*
عزوز : شفييييج غآآديه بلمى من أول مآآيلسنآآ و انتي مآنطقتي بشيء
نورة طآلعته بنظرة : هب جنهآ نقمة
عزوز سآر ويلس عدآلهآ : ههههههه
نورة : عزووووز بس من الشغل .. أناا مليييت والله .. كل يوم و الثآآني طآلعلي بسفرة .. بس عآآآد
عزوز : شو أسوي نوااري والله مظطر أسآآآفر غصب(ن) عني .. ولا فييه حد يحصله ويفآآرق ( قرصهآ فخدهآ ) هالويه
نورة أبتسمت : بس مب تعب علييييك ؟؟
عزوز : عشآن خآآطرج أنتي و زيووودي كل شيء يهوون
نورة : بعدنآ ترآنآ مآعرفنآ ولد ولا بنت ..
عزوز : المهم بيييبي .. يآآهل ينسمع صرييخه فالبييت
نورة : بلقآآآآآك رآآقد فالميييلس من بغييمه
عزوز صرخ : زخيييييييييتج
نورة فزت ونقزت الكرسي الثآني : يمه شوو ؟
عزوز : ههههههه لا قصدي يوم قلتي بغييمه .. معنآآته ولد
نورة : ههههههههههههههههههههههه و أناا ع بآلي شيء .. لا أنته معيش عمرك الدوور أنه ولد .. و أناا عآآد عشته ويآآآك
عزوز : شوفي عشرتيه محلااتهآآ .. الكل يدخل عرض فييهآآ
نورة : أنا دآخله عررض ؟؟
عزوز : لاااا حبيييبتي أنتي دآآخله بالطووووول
نورة بطنآزة : أحسبي مسآحة المستطييل التآآلي ؟؟
عزوز سآر من ورآهآآ وحضنهآ من ورى : فديييييت ألي ينكتووووون
نورة : علمتني الدم الثجييييل
عزوز تم يطآلعهآآ
نورة رفعت عيونهآ صوبه : فدييييييت المعصبييييييين ..
عزوز : قردني
نورة + عزوز : ههههههههههههههههههههههههههه
/\
\/
/\
\/
لندن ..
السآعه 11 الضحى . . *
شمآ وهآيدي سآيرآت صوب عيآآده الأسنآآن ..
هآيدي : وبدك تغيري التآوييم هلأ ؟؟
شمآ : لاا
هآيدي : وهآآيدي تعي وتعي وبدي روح للعيآآده .. شو بدك تعملي فيهآ أزآ مآآبدك تشوفي سنك ؟؟
شمآ : هههههههه بعق التقوييم خلااص
هآيدي : كم صآآرلك حآطتيه ؟؟
شمآ : من سنة وشيء
هآيدي شهقت : هئئئئئئئئئئئئئئ مده طويلة كتيير
شمآ : لأنه ضروسي مآكآآنن اووووكي قبل
هآيدي : طييب أمشي وأتركيينآ انفكه
شمآ : لييش مسمآآر
هآيدي : هه لا تضحكي ع حآآلك .. كلى ع بعضآ كوومة مسآآميير .. فكيتيآ أو كسرتيا مآهيآآ وحده
شمآ : انزيين من نخلص بنسيير الصآلون ..
هآيدي مسكتهآ من إيدهآ وهن يمشن : أنتي موآآفقئة ع محمد من آآلبك ؟؟
شمآ تنهدت : لاا
هآيدي شهقت
شمآ : وآفقت عليه بلسآآني
هآيدي بترجي : لالا مآتهزري معي .. هلأ حنآ بنحكي جد ..
شمآ : يلا احكي جد
هآيدي : أنتي بدك يآآه .. لأنووه ئلبك أختآآرووه ؟؟ أو ألك هدف من الجوآآزة دي ؟؟
شمآ : أختآآر الجوآب المنآآسب ولا شوو ؟؟
هآيدي : شو مآلك يآ شمآآ عم تهزري بحيآآتك ومستئبلك .؟ اناا بحآكيكي جد ..
شمآ غمزلتهآ : أنتي تدريين أنه محد يقدر يغصبني ( خذت نفس ) و محمد ريآآل ومآينعآآب .. لييش أرفضة ؟؟ أنتي شآيفة فيه شيء ؟
هآيدي : مش هآد الجوآب ألي بدي يآآه .. أنآ بئصدك انتي .؟ انتي بدك محمد من ئلبك ؟
شمآ : أناا وآفقت وخلااص .. يلا نحن وصلنآآ ( دخلن العيآآدة . . *)
/
شلو التقوييم عنهآآ .. عقب سآآرن يحآآوطن نص سآآعة
هآيدي : آمتى بدك تسآآفري ع الأمآآرآت ؟
شمآ : عقب يووميين
هآيدي : مآآتعملي شعرآتك هوون
شمآ : ليييش ؟؟
هآيدي : مآآبيفهموو فالمدرج ألي أنتي بدك يآآه .. روووحي لـ دبي لـ عند جوييل و أتركييهآ هيآ تعمل شعرآتك
شمآ : أممف هألي نآآقص
هآيدي : ههههه شو أمفف .. أنتي مآبتعآشريآآ ولا بتصآدئيآ كلى ع بعضآ سآعة زمن .. وبتئص شعرآآتك و خلاص
شمآ تفكر : أمممممممممممممم بفكر
هآيدي : أووووعك تعملي شعرآتك هووون
شمآ : اووكي اوووكي .. يوم برد بشآآور نويير
هآيدي : طييب
/\
\/
/\
\/
بيت بو حمدآن . . *
السآعه 7 الصبح ..
قسم حمدآن ..
شويخ : يلااا حمدآن قمم بسك من الرقآآد
حمدآن لف عنهآ الصوب الثآني
شويخ : أووووووووهووو علينآ .. لا تستوي يآآهل عآد ويلا نش .. بتتأخر ع دوآآمك
دخلت أم حمدآن عليهم : هآ مآطآع بنش
شويخ عينهآ ع حمدآن : لاا
أم حمدآن : قممم يلااااا .. مآتشبع رقآآد أنته ؟؟ أمس مب مدآوم وألي قبله مب مدآآوم
حمدآن : .........................
أم حمدآن : جآآنك مب قد الشغل ، لا تضييع ع محمد ولد خآآلك
حمدآن من تحت المخده : والله مآآمكلف يشغلني
أم حمدآن : وشعنه فديييتك شو تبآ تسوي فالبيت ؟؟ تطبخ وتنظف
شويخ : هههههههههههههههههه
حمدآن أنسدح ع ظهره : لا تضحكييين أنتي وييهج
شويخ : لا أرقد أحسسلك
أم حمدآن : وآآبويه شويخ .. بغييتج عون تظهريلي فرعووون
حمدآن : ويوووووووه يالفرعووووون ..
شويخ : بو الهوووول
حمدآن : حرمة أبوووووج
شويخ يلست ع الشبرية وهيه تضحك ..
أم حمدآن ظهرت عنهم : الحمدلله و الشكر .. مخببل
حمدآن دحهآ فظهرهآ : شفييييج ؟
شويخ : هههههههههههههه تذكرت أمون يوم تقوول لـ سلمووه أم الهوول .. والله كآآن يووم لا يووووصف ههههههههههههههههههههههههههههه
حمدآن : ههههههههههههههههه حليلهآ امون مستويه دحييحه هاليووميين
شويخ نشت : أن تنرقشت فيهآ يآآوييلك .. خلهآ فحآلهآ .. كلهآ فترة وبتبدأ امتحآنآتهآ لا تضيجبهآ
حمدآن : أن شاء الله عمووووتي طلبآآت ثآآنية ؟؟
شويخ : قمم نش تسبح وسر دوآآمك
حمدآن نش ومسك إيدهآآ وسدحهآ ع الشبرية : قلنآآ طلللبي مب تأأمري ويآآ هالويه
شويخ : آآآآآي فدعتليه إييييدي
حمدآن مسك إيدهآ وبآسهآ : فدييت إيدج والله
شويخ حمررت ونشت : لا تلهيينآ وقم يلااا
حمدآن : ههههههههههههههه ( وهوه سآير الحماام "كرمكم الله " ) مشكله ألي يستحووون بعد .
/\
\/
/\
\/
اليوم ألي بعده . . *
السآعه 9 العشاء . . *
بيت بو حمدآن . .
الصآلة ( حمدآن .. شويخ .. أم حمدآن .. بو حمدآن .. منصور )*
دخلت أمون وهيه شآلة كتبهآآ .. هوت ع رآس أمهآ و أبووهآآ
حمدآن نكس رآسه : و أنااااا
أمون حآست بوزهآ وسآرت تحبه ع رآسه : ترآه هالحبه مب ببلااااش .. تدعآآلي طووول الليييييل
حمدآن رفع إيدييه : أن شاء الله تعرسيييين
أمون فرته بكتآبهآ : أني أنجح .. شوووو أعرس ويآ هالويه
حمدآن : ههههههههههههههههههههه أحيييدج مستقطعه ع العرس
أم حمدآن : لالا حشى عليهآ بنتي مآآتقولهآ هالرمسه
حمدآن بنغزه : هييه مآآجنهآآ تبآآت تخطط لأسآآمي عيآآلهآآ .. ( ركز عيونه ع عيون أمون ) أم عنبر ( طلع لسآنه لـ أمون )
أمون شهقت : هئئئئئئئئئئئئئئئئ منهو قآلك بسمي ولديه عنبر .. شو الأسم الخآآيس
منصور : وآآيد متأثر بلعبة عنبر ألي كنآ نلعبهآآ هههههههههههههههههههه
حمدآن : ههههههههههههههههه
أمون : عيل أنته بو عنتر
شويخ : حشى عليييه مآبسمي ولديه عنتر
منصور : هههههههههههههههههههه الله حييه بو عنتر
بو حمدآن : عيل أنته بو بندر
حمدآن + أمون + شويخ : ههههههههههههههههههههههههههههههههه
منصور : ع الأقل بندر أبرك عن عنتر و عنبر هههههه
أم حمدآن : أمون شو سويتي اليوم فالمعهد ؟
أمون تنهدت و أنسدحت ع الكرسي : لقطت التعب و الهلاااااك وييتكم
بو حمدآن : مآآعليه يآبنتي كلهآ أسبووعيين
أمون ترمس شويخ : أقوولج شويخ خيطتي لـ عرس شمآآ
شويخ أبتسمت : هييه سرنآ أنا وغآآيوه ربآآعه .. ليش أنتي مآخيطتي ؟؟
أمون : عرس شمييييم وما أخييييط .. مستحيييل أصلاً
حمدآن : متى عرسهم ؟
شويخ أستغربت من سؤآلة كآنت حآآطه فبآآلهآآ أنه بيتنرفز من يآبو طآري شمآآ .. بس بالعكس كآآن عآدي ولا أثر فيه وفخآطرهآ " معقوولة يتصنع هالشيء عشآآن مآيبينلي أنه لين ألحين يحبهآآ ... > سآرت فوق
حمدآن تم ربع سآعه وسآآر فووق ..
/
شوييخ شآفت حمدآن وهوه يدخل القسم وسآرت صوبه : ليين ألحين تحبهآآ .. لا قول قوول بعد لين ألحين تحبهآ ؟


كآآآآآآآآآآآآآآآآآآآآآآآآآآآآآآآآآآآآآآآآآت


/


/

البآآرت { 74}




مَآ بقِىْ فَينيّ صِبرْ [ مِآتْ الغِلـآ ]
وَ العِتبّ مِآفِادْ يَآعِمريّ مِعاڪ
مِنّ تَجينيّ / تِلمحْ بـ عَيونِيّ هِلـآ
وَ مِنّ أجَيْلڪ / ألمَحْ بـ عَيوْنِڪ هِلـاڪ


/\
\/
/\
\/
/\
\/



أمون ترمس شويخ : أقوولج شويخ خيطتي لـ عرس شمآآ
شويخ أبتسمت : هييه سرنآ أنا وغآآيوه ربآآعه .. ليش أنتي مآخيطتي ؟؟
أمون : عرس شمييييم وما أخييييط .. مستحيييل أصلاً
حمدآن : متى عرسهم ؟
شويخ أستغربت من سؤآلة كآنت حآآطه فبآآلهآآ أنه بيتنرفز من يآبو طآري شمآآ .. بس بالعكس كآآن عآدي ولا أثر فيه وفخآطرهآ " معقوولة يتصنع هالشيء عشآآن مآيبينلي أنه لين ألحين يحبهآآ ... > سآرت فوق
حمدآن تم ربع سآعه وسآآر فووق ..
/
شوييخ شآفت حمدآن وهوه يدخل القسم وسآرت صوبه : ليين ألحين تحبهآآ .. لا قول قوول بعد لين ألحين تحبهآ ؟
حمدآن عقد حآيبة : أحب منهوو ؟
شويخ : شمااااااا ؟
حمدآن : وشو سويت أناا ثرني ؟؟
شويخ : أونك تحآآول تبينلي أنك مب مهتم فييهآآ وتتخبر متى موعد عرسهآآ
حمدآن : شوييخ أنتي شو تبييين ؟؟ لا أنه البنت كآآنت فبآآلي و أرتحت منج .. ولا أني نسيييتهآآ وشلييتهآآ من تفكيري وطلعتهآآ من حيآآتي .و أرتحت منج ..
شويخ بدلع قربت منه : يعني أنته سآآلت متى عرسهآآ .. لانك صدق نسيتهآ
حمدآآن فج البآآب وظهر عنهآآ وفخآطره " نسيييت شمآآ ؟؟ أكيييد نسييتهآآ .. نسييت مآضيه عشآآنج يآ شوييخ .. نسيييتهآآ عشآآن محمد .. ما أبا أخوونه مرتيين .. تسده رشفة السم ألي ذآآقهآآ مني فالبدآآية . . ما أبا اعذب أخو دنيآآية عشآآن بنت عقب كم أسبووع بتستوي حرمته .. حلاله .. نصييييبه .. تنهد و . . ( ركب سيآرته وهوه سآآير عند محمد .)
/\
\/
/\
\/
بيت بو عزوز ..
السآعه 11 الفلييل . . *
قسم عزوووز ..
عزوز دخل الحجرة وشآآفهآآ حآطه الأورآآق و الكتب ويآآلسه فنصهن تكتب : نوآري شو تسوين ؟؟
نورة تنهدت : بعد كم يوم بتبدأ الأمتحآآنآآت
عزوز سآر و أنسدح ع الشبرية : شو تبين بالدرآآسه ..؟ خلاص قطعييهآآ مب لازم تكمليين
نورة : لا والله و أصييير جآآهله ؟؟
عزوز : هذييه شمآآ .. ثآآنوية مآآعندهآآ و ماقاالت بتستوي جآآهله
نورة نشت وهيه سآيرة صوبه : يآآحبيبي شمآآ عليهآ مسؤولية .. وصية أبوهآ ؟؟ تبآآ تتحدآ النآآس كلهآآ و أولهم ربيعك ( تقصد حمد ) وبعديين شمآآ تعرف فـ شغل الشركآآت و هالسوآآلف .. جريييئة تقدر تيلس فنص الريآآييل ومآتهآب حد .. أناا ازيييييغ
عزوز حضنهآ من ورى : فدييت ألي يزييييغون .. أحسلج خلج جذييه .. أخآآفج عقب تقووميين تشآقحيين ما ترتديين عن الصفقآت و الشركآآت
نورة : أممم بسألك سؤآل ؟
عزوز : عيوووووني
نورة : شمآآ ..
عزوز : شفيهآ ؟
نورة : يوم عرفتو أنه عندهآ شركة .. وتسآآفر روحهآ وتشتغل .. وتشآرك فصفقآت ويآآ ريآآيل ( لفت صوبه ورصت ع عيونهآ وهيه تركزهن ع عيون عزوز ) شو كآنت نظرتكم لهآآ ؟
عزوز أبتسم : أطمني ما أستحقرنآآهآآ
نورة : خآآيفة من نظرة النآآس لهآآ
عزوز : النآآس بتقوول ألي تبآآه .. بس مآآيدروون شو ألي فقلبهآ من طموووح .. مآيدرون هيه بـ شوو مرت وكيف وصلت لهـ المكآآنة .. وكيييف أظطرت أنها تغررب عمرهآ عن الكل عشآآن سبب يجهلوونه .. مآآيعرفوون شو كآنت حيآآتهآ قبل لا توصل لـ هالموآآصيل ( حط إيده ع جتف نورة ) و فهمج كفآآية .. تدريين شو كآن يصيرلهآآ أكثر عن الكل
نورة نزلت رآسهآ
عزوز : أول شيء .. مثل مآعرفت منج أنه شمآ عمرهآآ مآآتهتم للي يرمس من ورآآهآآ .. وثآني شيء ( قرب منهآ وبآسهآ ع خدهآ ) يسلملي هالقلب الطيييييب وربي لا يحرمني منج
نورة : أدري أني طيييبه مآآيحتآآي
عزوز أنسدح ع الشبرية ومسكهآ من إيدهآآ وسدحهآ عدآله : نوآآري بسآآفر
نورة ضربته بالخفيف ع صدره : عزوز دخييييلك لا تيييييلس تذكرني
عزوز : ههههههههههه أونه .. بتتولهيين عليه ؟؟
نورة : لا
عزوز : أفااااااا
نورة : بفتك من حنتك
عزوز غير نبرة صوته : الله يسآآمحج
نورة حضنته و الدمعه فعيينهآآ .. دفنت رآسهآآ فصدره : دخييييلك عزوووز هآآي آآخر سفرررة .. لا تخلييييني أكثر عن جذييييه
عزوز يسمح ع شعرهآ : ترآج تقوولين بتفتكييييين
نورة : .....................
عزوز مسح دموعهآ بإيدييه : والله عشآن مستقبل ألي فبطنج ( أبتسم ) مآآبقووول مستقبله ولا مستقبلهآ عشآآن مآتسويلي سآآلفة وتقولين مآآعرفنآآ نوع الجنين
نورة أبتسمت : يعني عآرف الأسطوآآنة
عزوز : لا أعرف المربع
نورة : لانه مسآآحة المربع أسهل عن مسآحة الأسطوآآنة ؟
عزوز : ههههههههههه شو سآآلفتج أنتي ويآآ المسآآحة ؟؟
نورة : أشووفك كل مره تييبليه شكل هندسي
عزوز : انزين قووولي محيييط
نورة : عزووووز لا تتسيييخف
عزوز + نورة : هههههههههههههههههههههههههههههههه
/\
\/
/\
\/
اليوم ألي عقبـ‘ه . . *
السآعه 7 الصبح بتوقيت لندن . . *
شمآآ سآآيرة تشوف الشركة قبل لا تسآآفر . .
يلست فمكتبهآ ..
دخلت عليهآ جمآنة
شمآ رفعت رآسهآ لهآ : هلا جمآنة . صبآح الخير
جمآنة : آآهلين صبآح النوور . .
شمآ : شو توج مدآآومة ؟؟
جمآنة : أنتي مبكره > ترآه عآدي يآخذن ويعطن ويآآهآآ وتوآعدهن فالمطعم ويسهرن ربآعه ر=
شمآ : هههههههههههههه .. طيآرتيه عقب سآآعة وشيء ييت أشووف الشركة قبل لا أسآآفر
جمآنة : لالا مش حترووووحي
شمآ عقدت حوآيبهآ : ليش ؟
جمآنة : مش حتروحي ألا رجلي ع رجلك
شمآ : ولييش أن شاء الله ؟
جمآنة : بدك تتجووزي وما أحضر جوآآزك .. هاا بتحلمي مآآببتتجوزي دوني
شمآ : هههههههههههه وشوو رآآيج تعرسين بدآآلي مب أحسن ؟؟
جمآنة قربت منهآ وغمزتلهآ : جوووزك حلوو ؟؟
شمآ : ههههه ترآني ما أرخصبه هب أتميين تغزليين فييه
جمآنة : آآه أسم الله عليييكي .. بتغآآري كمآآن
شمآ : هههههههه والله تضحكيين .. أنتي وهآآيدي و كيتي نفس الطبع
جمآآنة : إييه مآ البلد وحده .. و الدم وآآحد .. المهم لا تئلبي فالموضووع .. أنا بدي روح معك
شمآ : يآآوييلي .. جووج حبيبتي أناا بسيير بس فترة وبرد .. مآآبطول .. وبعديين بعده العرس
جمآنة : يعني مش حتسآآفري لتتجوزي ؟؟
شمآ : لاا حسآآفر لأطلق
جمآنة : مآتئوولي هييك يبعتلك الهنآآء
شمآ : انزيين مآآعلينآ . انا اتأخرت ع الطيآآرة ( نشت ) شيء فخآآطرج ؟
جمآنة : أعمليك كم لفة ع دبي و يعني فهمك كفآية .. مآآركة و هآند بآآق
شمآ : ههه ع فكرة ترآآه حتى العييين حلووه وفييهآ مآركآآت .. أشووفكم وآآيد رآخصييبهآآ
جمآنة : لك يؤبرني الولاااااء ألي عندك .. وتؤبرني العيين ومن سكنى
شمآ : ههههه قردني أنتي .. مآآبتشوفيين حتى شغبه
جمآنة : شغبه ؟؟ مآآعرفتى والله
شمآ : يعني هآآي ألي مخبووقة فأذنج .. يلا يلا فدآعة الله محد بيلهيني غييرج انتي و تصفليقج وكشختج
/\
\/
/\
\/
بيت محمد
السآعه 2 الفليييل ..
محمد يآآلس فحجرته متوتر من المسج ألي وصله قبل دقآآيق .. وتم يدقق فالرقم ويدق عليه أكثر من مره بس محد يرد . . *
مد إيده للفون ألي مفروور ع الشبرية و فتح ع المسج وتم يقرأ
( مرحباا بو جسيم .. شحآآلك يالمعرس ؟؟ يقولوون يبت رآآسهآآ .. هههههههه بس شكلهآ هيه ألي يآآبت رآآسك .. خلهآ مستوورة بس . . قآآصين عليك يآآ ريآآل و غآآشينك بالبضآآعة .. هذي عآشقتلهآآ ولد عمهآآ . . و أتصآلاتهم مآآتوقف عن بعض . . وحتى التحدي ألي أستوآ بينهم كآآن خرآآفة ولعبة لعبوهآ هيه وولد عمهآآ .. عشآآن محد يشك فييهآآ لو سآآفرلهآ ولد عمهآآ بحجة .. شغل وصفقة .. أنته من صدقك بتضيع مستقبلك ويآآ وحده بآلهآ وقلبهآآ لـ أنسآن غييرك .. تشوف غييرك .. و ع أسآآس موآفقتهآآ . . ترآآه مآوآفقت علييك ألا لانه ولد عمهآآ خووون فييهآآ وسآر وخذله وحده من قرآآيبة .. بس لين آآلحيين يرمسوون بعض .. حتى ولد عمهآآ وحرمته مسآفريين بحجه خرآفيه من حمد .. ههههه والله قآصيين عليكم أنته وحرمته .. شمآآ وولد عمهآآ مخليينكم مقصه . . و شمآ وآفقت بس لأنه مقصدهآ تستغلك و تبني طمووحهآ علييك . . فتح عيوونك يآآ محمد .. لو مب خآآيفيين ع مصلحتك جآن مآورطنآ عمآآرنآآ ويآآ أكبر عآآيلة معرووفة ( عم شمآ ) وجآزففنآ برقآبنآ عشآآنك أنته و عشآآن مستقبل أخوآآنك .. بعد عنهم لا أييك اليوم ألي تندم فييه أنك فكرت مجرد تفكيير بأنك ترتبط بـ شمآ .. سلاااااام يالمعرس )*
محمد فر الفووون وبضييجة .. نش ولبس كندورته وتسفر بأهمآآل وشل فونه وظهر .. بس شآآف حد يآآلس فالصآآلة . : أماايه
أم محمد نشت : نشييت فدييتك
محمد يشوف سآعته : أماايه السآعه 2 وربع شو موعنج ؟
أم محمد : وآآبوية محمد قآيلتلك شمآآ بتي اليوم .. سرلهآآ المطآآر
محمد : اليوم بتي ؟
أم محمد : هييه اليوووم .. سرلهآ فديتك مآلهآآ غييرنآآ
محمد تذكر المسج .. كيف مآلهآآ غيرنآآ وولد عمهآآ .. " آآآآآه يآآ شمآآ صح مآكنت أبااج لأني أحبج بس مب جذيييه .. نحن بعدنآ مآبدينآ حيآتنآ "
أم محمد : يلا سر لا تبطي عليهآآ
محمد : أن شآء الله . ( ظهر عنهآآ وركب سيآآرته وهوه سآآير المطآآر .. و آآلف شيطآآن فوق رآآسه .. وآآلف فكرة تدوور فبآآله )*
/
ع السآعه 4 بتوقييت الأمارات ..
وصلت شمآآ لدآر بو سلطآآن . . *
محمد شآآفهآآ وهوه يسرع خطوآآته صووبهآآ
شمآآ كآآنت تحط جوآزهآ فالشنطة .. حست بوآآحد لابس كندوورة بييج وآآقف جدآآمهآآ .. رفعت رآسهآآ ..أبتسمت من وجوده : محمد ؟؟
محمد : الحمدلله ع السلامه
شمآ : الله يسلمك ..
محمد مسكهآ من إيدهآآ وهوه يمشي
شمآ : محممد شفييك ؟؟
نآدر يصرخ ع محمد : محمممممممد
محمد : شفييكم .. أبا أرمسهآ شوي ( وهوه يمشي ويآآهآآ .. ،| وقفوو وتم يشووفهآ خمس دقآآيق .. حط إيده فمخبآآه .. فتح ع المسجآآت .. بطل ع أول مسج وآآصلنه ورفع الفون لهآآ ) : أقري
شمآ مآكآآنت تقرأ زين لانه إييد محمد ترتجف ويبين عليهآ التوتر .. رفعت عيونهآ له بعديين خذت الفون من إييده .. أنصدمت من ألي مكتووب و هيه تبعد عن محمد .. سندت بعمرهآ ع الكرسي وهيه تقرأ الرسآآلة .. تقرآ الخرآفة ألي مكتووبة عنهآآ ..تقرآ المشكلة اليديده ألي بتحل ع حيآآتهآآ .. " لفت لـ محمد وهيه تشوف نظرآته ألي يبين من شكله أنه معصب " أستغربت منه كيف يشك فييهآآ : محمد أنتـ..تهـ..
محمد قآطعهآ : ولا فكررت .. ينقطع لسآآني إذآآ شكييت فييج فـ يوم .. ( قرب صووبهآآ وخذ الفون من إييدهآ ومسح المسج جدآآم عيوونهآ ) ما انكر أني أتنرفزت و ضآقت فيني الدنيآآ من أول مآآوصلني المسج .. بس والله يآ شمآآ لو أشووفج تسوين الزلة جدآآمي ما أصدق فييييج
شمآ أبتسمت وهيه تشووف ثقتهآ ألي تنبني فعيوون محمد .. تشووف ألي بعد أسبوع بيكون ريلهآ .. تشووف ألي وآآفقت علييه بزلة لسآآن وبتحدي .. يجذب كل النآآس ويصدقهآآ .. تشووف الأماان فعيوونه .. تشووف محمد كيييف مسلمنهآ الثقة بإيييدييه .. ولا شك فييهآآ .. و أهم شيء أنه مآآخآآن وعده يوم وعد نفسسه بأنه لا بيظن فـ شمآآ ولا بيصدق فييهآآ رمسة فلان وعلااان .. هوه وثق فيهآ .. وهيه قد الثقة
محمد أبتسملهآ : يلا خلينآ نرووح .. اماايه تتريآآ
شمآ ردتله الأبتسآآمة ألي كآآنت كلهآ ثقة فرآي محمد فيهآ : يلا
.> وهم سآآيريين ..
...... : أشووفكم نسيتوني
محمد وشمآ لفو صوبه : ههههههههههههههه
محمد : أسمحلنآآ
نآدر : عآآد قلنآ مخطوبين وبتعرسوون بس مب تنسوون ألي حوولكم
شمآ قفطت أول مره تنحط فالموقف هذآ : آفآآ عليك نآآدر ننسى عمآآرنآ ولا ننساك
نآدر غمزلهآ : هييييه بينت الجذبه
محمد : هههههههههه
نآدر : الله يوفقكم
محمد : ...........
شمآ: ...............
نآدر : لو معآآشرة شيآآطيين بعدهآآ .. قولو آآميين عوذ بالله
محمد : آآميين
نآدر عقد حوآيبه لـ شمآ
شمآ : هههه آآآميين .. ويخلييك وتكون يد لـ عيآلنـ.... ( زلة لسآآنهآ وسكتت )
محمد يلعب بسويج السيآآرة وهوه منزل رآسه
نآدر : شفييج صخيتي .. أن شآء الله بستوي هههههههههههههههه
.> ركبوو ويآآ محمد .. بس شمآ مآطآآعت تنزل ألا فالفندق .. قآلت بتخطف ع أم محمد بالبآآجر . . *
/\
\/
/\
\/
اليوم ألي بعده السآعه 8 وربع . . *
أحمد كآن طآلع من البيت لانه عنده أمتحاان ع السآعه 9 . . *
ركب سيآآرته ويت عينه ع بيت خآآله .. شآآف وحده ووآحد يآلس يصرخ عليهآآ .. سآر صووبهم ووقف سيآآرته ونزل
أحمد : حمدااااان ؟؟
حمدآن لف صوبه بضيجه : هااااه
أحمد يشوف ألي عدآله : شعندك تصرخ عليهآ ؟ فضحتوونآآ فالشآرع
حمدآن : حضرتهآآ مآطآآعت تسييير المدرسه السآعه 7 ونص يوم كآن الدرييول موجود .. و آآلحيين الدريول سآآر المزرعة ويآ أبووية وهـ ( ركز عيونه ع أمون وبعصبيه ) هالخسفة مب لاقية حد يوصلهآآ
أحمد : شو هالمشكلة الكبييييييرة ألي مآلهآ حل
حمدآن بضييجه : تطنز ؟؟
أحمد ردله بنفس النبرة : لا أستخف دمي .. من صدقك يآآلس تصرخ ع أختك فالشآآرع لأنه مآعندهآ حد يوصلهآ .. ( أشر ع حمدآن ) و انته شو خآنتك ؟
حمدآن سآر صوب سيآرته : شغليييه أولى عن مصخرتهآ هذي
أمون : عآآد ألي يقووول مهتم فشغلك .. مآآجنك يوم أدآآوم وعشره تغيييب
حمدآن صرخ عليهآ :أمووووووووووووون
أمون أنخشت ورى أحمد : لا تسويلنآآ فييهآآ رآآعي شغل ومب فآآضي
حمدآن شخط بسيآرته وسآآر
أحمد لف صوبهآ : مب لاقيه حد يوصلهآآ و تلعلع بعد
أمون دمعت : أحمدووووه مآبآآقي ألا عشر دقآآيق عن لا يبدأ الأمتحااااان . . *
أحمد يشوف فونه شآف السآآعه 8 و 20 دقييييقة .. سآر صوب سيآآرته : تعآآآلي قبل لا يحرمووونج من الأمتحاااان
أمون وآقفة مكآآنهآ : آآنآآ أركب ويآآك .. وروووحي بعد
أحمد نزل من سيآرته وسآر ومسكهآ من إيدهآ فتح بآآب السيآآرة من جدآم ودفرهآ : متفييييييجة أنتي تنتحطنييييين .. ( سآر وركب سيآآرته )
أمون : إيييييه يآآويييلي لو درى حمدآآن ( قربت إيدهآ من السكآآن ولفته ) ردني
أحمد خوز إييدهآآ ومسك السكآآن : إييييييه أنتي بتجتليييينآآ .. شفيييج جذيه؟
أمون تشوف السآعه وصرخت : هئئئئئئئئئئئئئئئئئئئئئئئئئئئئئئ
أحمد : شوووووووووووووو ؟؟
أمون : بآآقي دقيقتييييين .. بسرعه بسسسرعه
أحمد :رووووحج يآآلسه تتفنتحيييييين يالبقرة
أمون : مب وقتك آآلحيين
أحمد وصلهآآ ونزلت وهيه تربع صوب البآآب وهوه يضحك ع شكلهآآ .. حرك سيآآرته
أمون وصلت بآب المدرسة بس تذكرت شيء .. جآن تربع صوب السيآآرة
أحمد كآن موطي رآآسه يشوف الفون ويمشي السيآآرة شوي شوي
أمون دقت ع البآآب ألي من صوب أحمد بقوو ..
أحمد فز ولف صوبهآ : بسم الله ( فج الجآآمه ) شعندج تنآطبيييين ؟؟
أمون : أح‘ــم .. نسييت قلميه فالبييت
أحمد : هههههههههههههههههههههههههه عنبوووه حتى الأاولاااد أطوروو آآلحين ويشلوون أكثر عن قلم
أمون : جب مب وقتك
أحمد تنهد وهوه يدوور فالدرج ألي عدآله : مآآ أدري متى بيي وقتي ( عطآهآ القلم ) ترآآه سلف مب حقج
أمون سآرت عنه :شكريآآ بآآبوو
أحمد سكر الجآآمة وهوه سآآير صوب الجآمعه ..
/\
\/
/\
\/
ع السآآعه 2 الظهر ..
نورة كآآنت تووهآ رآآده البييت مخلصة من أمتحآآنهآآ . . *
دق فونهآ وسآآرت ترد بدون مآتشوف الرقم : آآلوو
شمآ : هلااااا والله نوآآآري حبييبتي
نورة : شمييييم ؟؟
شمآ : آآونج مآعرفتيني
نورة : حي الله العروووس
شمآ : ههه خليهآ ع ربج بس .. شفييج ؟
نورة شوو فيني ؟؟
شمآ : أحس صوتج تعبآآن
نورة : لا ولاشيء بس توني راده من الجامعه
شمآ : رييلج الغلس وينه ؟؟
نورة : حرآآم علييييج .. مسآفر فديته
شمآ : هييييييه مسآآفر ( وبمكر ) لا تتعلثيين بالجآمعه يآ أختي .. قولي تعبآنه من فرقآآه .. متوله عليه بصدق
نورة تنهدت : هيه والله شميييم قآآم وآآيد يسآآفر ويخليييني
شمآ : يآآويييلي
نورة : عرسي أنتي بس وخلااااف مآبترووميين ع مفآآرق محمد
شمآ سكتت
نورة : يؤبرني الخجلااان آآنآآ
شمآ : بس دخيييلج .. سآآلفة القبر هذي مب طآآيعة تودرني طوول حيآتي فـ لندن
نورة : هههههههه ليييييش ؟
شمآ : هآيدي و كيتي وجمآنة
نورة : آآآوووووب زآآدت الشلة بعد
شمآ : هههه انزين نويير أباا أخذ رآآييج
نورة : آآمري
شمآ : أمممم أناا أمبوني بقص شعريه فـ لندن بس هآيدي مب طآآيعه
نورة : وشعنه تقصييينه أمبوونه هوه لين الجتووف بعدج تزيديينه ؟؟
شمآ : أباا أرتبه شوي .. أحسه مبهدل
نورة : لأنج ضريتي ع المدرج
شمآ : انزيين و هآآيدي قآلتليه سييري عند جوييل .. ومب عآآرفة أقصه هنيه فالعين ولا أسيير دبي
نورة : أوووووونه جويييل مره وحده
شمآ : هيه هآآيدي قآلتليه
نورة : أمممم اووكي سيري يربيهآآ
شمآ : بتسيرين ويآآيه ؟
نورة : دبي ؟؟
شمآ : لا فبيتكم
نورة : هههه اممم اوووكي متى بتسيرين ؟؟
شمآ : آآلحيين ؟
نورة : لا دخييلج روحي متكسسره .. خليني أرييح وعقب بنسييير
شمآ : آووكي ع الساعه 4 كوني جآآهزة
نورة : اوكي برآيج عيل
شمآ : سلمي ع حمآآتج ههه فدآعة الله > سكرت
/\
\/
/\
\/
آآلمآآنيآ . .*
شقة حمد . . *
حمد كآن يرمس فالفون : خلييفة شو صآر ويآآك ؟؟
خليفة : مآصآآر شيء
حمد : كييف يعني ؟
خليفة : رسلتله المسج مثل مآطلبت بس لين آآلحيين أتريآآ ألي بيسوييه
حمد : مآآدقلك ولا طرشلك رسآآلة ؟؟
خليفة : من أول مآطرشت المسج والأتصآآلاات من صوبه مآوقفت
حمد أبتسم بخبث : إذآآ صآآر ألي فبآآآآآلي لك مني ألي تبآآه
خليفة : أن شاء الله يستوي ألي فبآآلك .. بس ع فكرة هيه فالإمآرآت آآلحيين
حمد أبتسم : حلوووووو .. عشآآن يطلقهآآ ويه بويه ويفكوونآ منهم
خليفة : هالكثر هآمنك هالعرس
حمد عصب : خليييييفة
خليفة : سم
حمد : لا تدخل فخصوصيآآتي
خليفة : أن شاء الله
حمد سكرر فويهه .. : أن شاء الله يستوي فبآآلي .. هههه وبنشووف يآآ محمد .. ( بنبرة أستهزآء ) يالمعررس .. شو بيستوي فليييلة عرسك .. تهني يآآ شمآ باليووم الشؤم .. هذآ أذآ ما أطلقتي هههههههههههههههههههههههههههه تستآآهلين . عشآن مره ثآآنية مآآتتجرأيين تحطين رآسج فرآآسي . . *
/\
\/
/\
\/
ع السآعه 7 المغرب . . *
بيت بو حمد . . *
فالميلس كآن بو حمد يآلس ويآآ وآآحد من الشركة
دخل علييهم عآمر : طآل عمرك .. محمد برآآ
بو حمد أستغرب : محمد ؟؟
عآمر : هييه
بو حمد : خله يدخل
دخل محمد : السلام عليكم
بو حمد و الريآل ألي ويآه نشوو وتوآآيهو ويآ محمد
بو حمد : شحآلك محمد ؟
محمد :بخيير الحمدلله
بو حمد تم يشوف محمد
محمد أشرله بأنه يبآ يرمسه
بو حمد : علي رووح أنته آآلحيين وبآجر فالشركة بنتفآآهم
علي : أن شآء الله > وطلع . . *
بو حمد : محتآآيين شيء ؟؟ نآآقصينكم فلوووس ؟؟
محمد : محتآآيين رآآحتنآآ بدوووونكم
بو حمد عصب : محمممممـ..
محمد قآطعه : أسمعني يآ الي مسوي نفسك عمهآآ ومسؤول عنهآآ .. أنا مآكد رمست ريآآل أكبر عني بالأسلووب هذآ .. ولا كد تفآآهمت فموضووع مستقبليه و أنا معصصب .. لكن من اليووم .. ومن اللحظة ألي بتبدوووون تبنووون الشك بيني وبيين شمآآآ .. بتشووفوون محمد الثآآني ( رفع حآآيبه )
بو حمد : شو مستوي ؟؟
محمد : فضنك شو ألي بيستوي .. يوم يوصلني مسج فنص الليييل .. نيتهم يشككوني فـ شمآآ .. ( قرب منه ) بو حممممد ترآآه تخطيييطآآتكم فآآآآشلة .. مآبيستوي بييني وبين شمآآ شيء .. مآآييت أبلغك بألي سوييته .. يآآي أقوولك بعد عن شمآآ لأني أنا آلحيين مسؤوول عنهآآ .. و إذآآ صآآر شيء لـ شمآآ والله .. و ألي خلقك و أعز عني وعنك .. لا تشووووفوون نيووووم اللييييل فعز القآآيلة ( ظهر عنه ورقع بالبآآب )
بو حمد وآآقف مكآنه مستغرب مب عآرف شو السآلفة : شفييه هذآ ين ؟؟ شو مستوي ؟؟ .> مسك فوونه ودق لـ حمد
/
حمد : آآلوو
بو حمد : الطيآآآآآرة بطرشهآآ لك اليوووم .. وترررد فأسرع وققت ..
حمد : أبويه شو مستويـ...
بو حمد : كللللمة وحده ومآآبرد أثنييييييهآآ .. تعاال اليوووم .. يعني تعااااال .> سكر فويهه
حمد .. مستغرب من هالمكآآلمة .. ليش أبوه يرمسه بهالأسلوب .. شو ألي أستوي ؟
بو حمد .. مستغرب من كلااام محمد له .. محمد الهآآدي .. ألي مقدر الصغيير قبل الكبيير .. كيف يدخل ع بييته ويكلمه بهالأسلوووب .. ويقوول كلااام بو حمد من الأسآآس مب فآهم عليه .؟ ><"
/\
\/
/\
\/
السآعه 10
شمآ ونوورة كآآنن توهن دآخلاات العين ورآدآآت من دبي
نورة : كشششخه صآآلونهآ صحح ؟؟
شمآ : حشى يبوووج فلة مب صآآلوون
نورة وهيه تحرك شعرهآ نفسهآ : بيجنن علييكي كتييير كتييير كتيييييير
شمآ : ههههههههههههههههههههههههه
.> نخبركم كيف تعدلن ..
نورة .. بغت تتعدل ويآآ شمآآ وبالمره عشآآن عرسهآآ لأنهآ تدري إذآ سآآفرت شمآ ورد عزوز مآبتفضى وآآيد . . قصت شعرهآ فرآآولة .. نفس المدرج من صوب رقبتهآآ أليين تحت ظهرهآآ .. كآآن طآآلع عليييهآآ كشخه .. خصوصاً يوم تفتحه يكون شكله غلييض ومتفتح .. صبغت خصل من شعرهآ بلوون كستنآآئي ..
شمآ .. نفس القصة القبلية .. مدرج أليين جتوفهآآ . . كآنت بتخلييه أسوود وبتصبغ خصل بالبني المحرووق بس نورة قآلتله أحلى تخليه بني محرووق كآآمل .. أكثر لايق ع وييهآآ . . وسوت خصل خفييفه من ورى بس بلون بني أفتح من لون شعرهآ . . قصتهآ .. نوورة كآنت تبآآهآآ تكووون طوييلة مثل مآهيه بس يسآآووبهآ .. بس شمآ مآطآآعت خلت طوييل ع الأطرآآف لين رقبتهآ ومن النص خففت من قصتهآ شوي وخلتهآ لين خشمهآ > نفس القصة القبلية بس طولت قصتهآ هالمره . . *
/
نورة : انزيين قبل العرس بأسبووع ردي الامااراات عندنآ شغل بعدنآآ
شمآ مسآندة رآسهآ ع الكرسي : شوو ورآنآ بعد ؟
نورة : ههههههههههه ورآنآ ( وتمت تخبرهآآ شو يسوون حق العرآيس )*
شمآ قآبضه رآسهآ : والخيييييييبه .. نوييير شدرآج بالعلوم هذي ؟؟
نورة : ههه تلعمت يا أبووج غصب(ن) عني
شمآ غمزتلهآ : غصب(ن) عنج ولا عشآآن بو زيوووود ؟؟
نورة تنهدت : فدييييييييييت بو زيووووووود وفدييت طآآريه
شمآ :يآآويييلي مآآنروووووم .. *
نورة : ههههههههههه
شمآ تهزهآ من جتفهآ : يلا مع السلامه فدييتج وصلنآآ البييت
نورة : بآآتي هنييه اليوم .. محد ألا أناا و أمايه و أبويه ( بو عزوز و أم عزوز )*
شمآ : لا بسييير الفندق ..
نورة مسكتهآ من إيدهآ : يلا شميييم دخييييلج
شمآ خوزت إيدهآ : عن الفضآآيح .. يلا بآآجر بشووفج
نورة نزلت : اووكي .. مع السلامه
شمآ : الله يحفظج . . *
/\
\/
/\
\/
السآعه 12 ونص . .*
بيت بو حمدآن . . *
أمون كآنت ترآآجع فالحجرة . .
بعد ربع سآآعه .. نشت وسآآرت صوب التوآآليييت ومسكت القلم الأزرق : فدييت أحمدووه والله . . هههه بس خيبه يالفضآآيح كيف ركبت ويآآه روووحي . . * اناا هبلة أونه مآكآآن هآمني الامتحآآن ويآآلسه أحن .. هئئئئئئئئئئئئئئئ أتخيييل حست السكآن وسويينآ حآآدث .. يآآويييييلي . . لالا بسم الله عليييه .. ( أبتسمت ) الله يخليييه حقي .. و ( تشوف القلم ) ويكثر خييييره هههههههههههه ( تمت تتذكر يوم يقولهآ ترآه سلف وهيه تضحك علييه . . )*
/\
\/
/\
\/
اليوم ألي بعده . . *
الساعه 9 الصبح
شركة بو حمد
بو حمد يآلس فمكتبه وهوه معصب .. دق بإييييده بقوو ع المكتب ..
دخل حمد عليه ألي كآآن توه رآد من آلمآنيآ وع طوول سآر الشركة : صباح الخير
بو حمد تم سآآكت وبعد خمس دقآيق .. رفع عيوونه لـ حمد وهوه معصب : كسسسسبتهاااااااا يا حمد .. كسبتهاااااااا
حمد مب فاهم شيء : شو كسبت ؟؟ منهو هذي ؟
بو حمد : شماااا كسبت الصففقة
حمد يشوفه بأستغرآب : مب جنه موعد أنتهآآء الصفقة بعده ؟؟
بو حمد : كسسبت الجزء الثآآني و الثآآلث من الصفقة ..
حمد أبتسم : وليش حآرق أعصآبك يا أبوية .؟ كسبت جزئين .. مآكسبت صفقة كآآملة .. و لا تنسى أنهآ خسرآنه أول جزء
بو حمد : بس عوضتهآ فجزئيييييين .. تدري أنه الخطوورة أنعدمت من شركة شمآآ .. تدري أنه شركتهآآ كآنت أول شركة مرشحه بانهآ تظهر من الصفقة .. لكن آآلحييين أختلت الموآآآآآزيييين .. لا بتظهر ولا شيء .. ولا بيفكروون أنهم يحطوون أسمهآآ ضمن المستبعديين
حمد : المهم أنه شركتنآ بأمآآن
بو حمد : ومنهووووووو قآآل ؟؟ نحن ألي ألحيين فخطر
حمد تم سآكت عشر دقآآيق : أمممم أبوية شو رآآيك نسوي تجآآرة ولعبة بسييطة بين شركتنآآ وشركة زآآيد الـ....
بو حمد طآلعه بأستغرآب : كيف ؟؟
حمد : بنقوولهم بنشترك فصفقة ربآآعه ومحتآآيين وجووودهم بمآ انه أسمهم عآلي فالسوووق وهم مب مشتركيين فالصفقة هذي .. بنستغل مبلغ بسيط من آآربآآحهم ألي كسبوهآ الفترة الآآخيير وبنضمنهآ لشركتنآآ .. وبجذيييه بندعم الصفقة من تحت لـ تحت ولا من شآف ولا من درى . .
بو حمد أبتسم ع خطط ولده ومسح ع جتفه : هذآآ ولديييييه .. هذآآ حمد آآلي الكل يعرفه . . *
حمد أبتسم
/\
\/
/\
\/
بيت بو أحمد . . *
السآعه 4 العصر
أحمد كآن توه رآآد من الأمتحآآن > آآخر يوم . . *
أم أحمد تلقتله : هآآ فديتك شو سوييت ؟
أحمد : امايه تحسسيني جني يآآهل .. وتسألينآ شو يآكم فالأمتحان
أم أحمد : ألا انته يآ احمد مآبتكبر فعيني
أحمد : لييش طآيح من عينكم
أم أحمد تموت ع تعليقآت ولدهآ ظآآهر شرآ خآله : هههههههه لا حشى لا طآآيح ولا هم(ن) يحزنون
أحمد : يلا عيل بسيير أفخهآ برقده منهد حييييلي
أم أحمد : ليش متى نآش
أحمد : 3 الفيير
عمور نآزل من فووق : يآجذبك يآآربي
أحمد : جب جب .. دحييييح وحيآتك مستوي زلموكآآ شدرك أنته
عمور : صدقتك
أم أحمد : انزين أحمد فديتك سر ود اخووك المعهد عنده أمتحان أنجليزي
آحمد : لالا حشى عليه أعفوني من هالسآآلفة اناا أبا أرقد .. زين مني وصلت للبييت عين مسكره وعين مفتحه
عمور : قآآلولك بس وصله مآقآآلولك شو أستوى فيوومك
أحمد رفع السويج : تشوفه هالسوييج .. بخشه فخشمك أن مآسكت
عمور : هااا ها .. جآنك ريآآل سوهآ
أحمد سآير صوبه
ام أحمد مسكته : يا أبووية أحمد خله عنك
أحمد : لا خليني أخشهآآ .. بوسع منخرته شوي أمبونهآ هيه مآتزدآآد
آم أحمد : يلا سر وصله .. مآفينآ بعده يزفت ويسقط فالأنجليزي هذآ ألي أذآنآ أذيه
آحمد : مب وصلنه ولا شيآآته
آم أحمد : يآآوييلي منكم و من أبووكم .. مآيبردووون ع جبد الوااحد .. من تطلبين منهم هذآآك ( بو أحمد ) بيبلم مره وحده ولا يطييع ينآغينآآ و ( تأشر ع آحمد ) مب طآيع يسمع رمستييه ويسير يوصل أخوووه ( سآرت لـ عمور ) نسيير عمور بلبس عبآتي وبنذل لـ غيري عشآن مستقبلكم .. محد ينفع فالدنيآآآ
آحمد : خلاص أماايه بودييه
آم أحمد : قمم عني .. لا تودييه ولا تتعنى
آحمد : أماايه شفييج اليوم .؟ خلاص أناا بودييه
آم أحمد : جآآنك تعبآآن ومآآبترووم تسووق سر أرقد
آحمد : لا مآعليه شر أن شاء الله ( سآر وحبهآ فوق رآسهآ ) يلا عموور نسيير
.> وظهروو عنهآآ . .
آم أحمد سآرت ويلست ع الكرسي : أنتو ألي مصبريني ع أبووكم .. ولا منهو يتحمل هالعذآآب ألي أنآآ عآآيشتنه ..
/\
\/
/\
\/
بيت بو حمد . . *
السآعه 7 المغرب
الصآلة ( يزووي .. حمدوه . )*
يزوي : حمدوه خلصتي أمتحاناات ؟
حمدوه لاهيه بالمجله : هممم
يزوي ترمس عمرهآ : شو هالبيت الممل يآآربي
حمدوه : مب عآآيبنج ( رفعت نظرهآ لـ يزوي وعقدت حآيبهآ ) أنبحصي بيتكم
يزوي : حمدووه أنا مآرمستج .. لاتحطيين دوبج من دووبي
حمدوه : صرطي نفسج
يزوي : ولييييش أن شآء الله .؟ مسؤوله عن نصخيه حضرتج ؟؟
حمدوه : ها ها .. دخييلج عن هالتنكييت البآآيخ
يزوي نشت : نآآآآس مآآتنطآآق وبيت مآينبلع .. أففففففففف
حمدوه سآرت ورآهآآ ومسكتهآ من إيدهآآ .. يزوي بسرعه أستجآآبت لقبضتهآآ ولفت صوبهآآ بس يت ريلهآ ع حآآفة الدري وتخطت 3 دريآآت وطآحت ع طرف السلم
حمدوه أستغربت منهآآ : عن حركآآآآت التمثييل هذي
يزوي مآسكة بطنهآآ وتلقط أنفآسهآ : تد..تتددرين أنه أنآآ و أخـ..أخوج نتعآلج للعيآآل .. و إذآآ فـ..فقدت ألي فبطني يمـ...مكن مأأ أييب غييره
حمدوه كآنت تمشي ع الدري بعدين نزلت وسآرت صوبهآ : صدق ؟؟
يزوي بلعت ريجهآآ ومسكت بطنهآ بقوة : حمدوووه دخيييلج سآآعديني ( عضت ع شفآيفهآآ )



كآآآآآآآآآآآآآآآآآآآآآآآآآآآآآآآآآآآت . . *

/\
\/
/\
\/
/\
\/

رآيكم .. فتصرف محمد فموضووع المسج ..؟!
يزوي شو بيصييرلهآ .؟؟
توقعآآتكم للبآرتآآت اليآآيه .؟