|
يـلا يلا يلا يلا يلا يلا يلا يلا يلا يلا ... اليوم الخميس ... و نريدج تنزلين البارت اليوم باقرب وقت يلا يلا |
نتـريــآآج ضحييوووه .. |
البارت الـ 67 مهره : انتي وين كنتي ؟ عذاري تحاول تمسك ايدينها وتشربكهم ببعض عسب ما يبين انها ترجف : كنت فالمطبخ مهره مبتسمه : قلت حق سيفووو . . اكييييد فالمطبخ تبلع عذاري تبتسم بخوف : هيييه مهره باستغراب : ليش لابسه شيله ؟ عذاري : عششان الينانوه ما يشوفوني . . اتغطى عنهم .!! مهره : ههههههههههههه والله انج هبلا . . عذاري ارتاحت وقربت من مهره : شو صحتج الحين ؟ مهره : الحمدلله تمام . . انتي طمنيني خلصتي دراسه ولا ؟ عذاري : هيه . . برقد احين تعبانه وايد . . وبنش عقب كم ساعه براجع . . مهره تقوم وحاطه ايدها ع ظهرها . . بطنها بدى يكبر وبدت تحس ب ثقل : خلاص انا بروح عنج عيل . . الله يوفقج يارب . . عذاري : امييين . . مهره تطالعها : اقولج عرس حصيص هالليله صح ؟ عذاري : هيه . . مهره : وانتي كيف بتروحين وعليج امتحان ؟ عذاري : علي انجليزي وانتي تعرفين الانجلشش ما يباله دراسه . . مهره تبتسم : زييين . . عذاري : ما بتين وياي ؟ مهره : بلى بي وياج . . وعنود بعد بتي . . وانتي رمسي سلامه اقنعيها !! لان عنود رمستها وسلامه ميبسه راسسسها . . عذاري : ماعليج بحاول اقنعها . . يلاااا فارجي !! ابا ارقد . . مهره : مالت . . عذاري : صصصصصصصبري صبري مهره تصد لها : شو . . عذاري قربت من بطن مهره وباسته : تصبحييين ع خيييير يا روح خالوه . . مهره تبتسم : مش صاحيه . . عذاري : يالله برع . . وشوي شوي ع بنت اختي .! مهره : هههه ان شاءالله وطلعت . . عذاري حطت ايدها ع قلبها : اششششوا الحمدلله . . مسكت التلفون وطرشت مسج لـ سلطان " تحاتيني " سلطان ع طول رد " صار شي؟ " " لاء الحمدلله " " اااااااااااه " " سلامتك من الاه" " اشتقتلج" " توك شايفني !" " والله اششتقت لج ويالس احوط ف فريجكم ماقدر اروح . . قلبي ما يطاوعني " " لا تخليني اتهور وارد اطلع " " ححححححححلفي ؟" " ههههههههه يالله رووووووح رووح قبل لا اصفعك " " عدلي لسانج ورمسي عدل " " ان شاء الله " ابتسسم " يالله برد البيت الحين " " اوكي . . وانا برقد " " انتي ما تستحين بترقدين بدوني . . وبعدين ليش اطرشين مسجات ؟ وايد عايبتنج يعني ؟ ماترومين ادقين " لكن عذاري ما ردت . . كانت حييييييييل تعبانه ومسطله ونامت بسرعه ّ!! " يالهبله وينج ؟" ما ردت ! دق لها سلطان مرتين بس ماردت وحس انها رقدت . . رد البيت وتم يدرس ع السريع الي باقله وعقب فتح شنطه وحطا فيها نص ملابسه تقريبا واغراضه الي يحتاجها .. لان بالباجر بيروح بيسكن ف الشقه ! . . . الساعه 4 الفير . . فزت عذاري ع رنه المنبه . . شافت المسجين والمس كول . . اتصلت فيه بس ما رد عليها . . فتحت لها الكتاب الي باقلها ويلست تدرس ! على الساعه 7 الصبح خلصت الي باقلها وراجعت . . اتصل فيها . . سلطان : صباح الخيير . . عذاري تقفل الباب وعقب تنسدح عالسرير : صببباح الحب . . سلطان مبتسم ويثاوب : قايمه اشوفج . . عذاري : ماخلصت لاني وقمت الفير اخلص .. سوري البارحه رقدت ما حسيت ! سلطان : مسموحه الشيخه ! عذاري : ممم . . سلطان : يالله موفقه اليوم . . وطمنيني اول ماتردين . . مفهوم ؟ عذاري : ان شاء الله سلطان مبتسم " فديتها " : يالله جلبي فيسج . . عذاري : مول ماششي حناان ماشي اسلوب عافان الله . . سلطان : ههههههههههههههههههه . . شو تبيني اقولج من الصبح يعني عذاري : بعد ؟ تباني اعلمك شو تقول وشو ماتقوول . . سلطان : يلااا امتحااان فكينا من الصدعه من الصبح عذاري : انزييييين سلطان : لاتقولين انزين ! قولي ان شاء الله عذاري : ان شاء الله سلطان يرص ع قلبه " واي فديتها " : يالله مع السلامه عذاري : اف . . باي ! سلطان مبتسم : عذوور ! عذاري : هاه سلطان : احبج ! عذاري : ............. سلطان : باي . .! وبند . . عذاري تحط ايدها ع قلبها : واي ها الي ناوي يرسسسبني اليوم . . طرشت له مسج " فديييييييييييييييييييييييييييييييت روحك والله " ابتسم وقام يتغسل ويزهب ! . . . على الساعة 10 الصبح مهره تنش ع رنة الفون المزعجه : ألوو . . شوق : صباح الخير يالكسلانه مهره تبتسم : وانتي ما يحلالج الاتصال الا وانا راقده شوق : قومي قومي . يالله بنطلع مهره : اوكي . . يالله عطيني دقايق ازهب فيهم . . شوق : اوكي انا شوي وبوصل عندكم لا تتاخرين مهره : انزييين . . باي شوق : باي احتارت مهره تخبر سيف او لا ! اتذكرت الاتفاق والعناد الي بينهم ومنو القوي وماطرششت شي ! تغسسلت وزهبت . . حطت لها روج احمر وتجحلت ع الاطراف . . تعطرت بعطر شانيل . . وعقبه عطر بوس . . لبست لها عباه مسكره تطريزها خطوط حمرا ع اطراف العباه من فوق لين تحت . . وفيه ورده متفتحه ع اليمين . . اول ما طلعت كانت شوق توها واصله . . سلمت وركبت . . شوق : افف ما بغيت اطلع وياج !! مهره : شيخه لازمم ابطي عليج . . شوق : نزلي من السياره مهره : ووول امزح امزح . . شوق : فديتج . . شو صحتج الحين ؟ مهره : الحمدلله وايد احسن . . شوق : الحمدلله . . هاااه ويين نروح مهره تسمع فونها يرن : اتريي هاي عنود . . ألووو . . عنود : ناششه ؟ مهره : هيييه ناشه شفيج ؟ عنود : ماشي كنت بمر عليج البيت . . اميه بتي عند امج وقلت بي وياها . . مهره : انا توني ظهرررت ويا شوق عنود بوزت : افا .! مهره : بنمر علييج شرايج . . عنود : ووووووالله ؟ اوكي يالله بخبر امايا وبرد عليج . . مهره : لا تبطين . . عنود : اوكي باي . . مهره : بنسير بيت عمتي . . بنشل عنود ويانا . . منها تتعرفين عليها . . صديقت الروح هذي . . شوق : تممممام . . وايد حلو . . مهره وصلها مسج من عنود . . مهره : وافقت عمتي . . يالله خل نروحلها . . شوق : اوكي . . دلتها مهره البيت . . مهره : نزلي بتسلمين على عموه شوق :لالالا استحي مهره : مافيها حيا .. والله تنزلين . . يالله شوق : افف منج . . نزلت معاها . . دخلت مهره ووراها شوق . . محمد يطالع شوق بنظرة مركزه . . مهره فاجه عينها تطالع محمد عشان يحس ع دمه وينش . . محمد قام ع طول وطلع . . ام خالد : حي الله امي مهره .. تفضضضلووو مهره تبوس عمتها : شحالج عمووه ام خالد : بخير امي .. وانتي شو تآنسسين ؟؟ شو ياج البارحه . . مهره : انا بخير عمووه لا تحاتين . . بس جسوومي فديته لاكشني شوي . . ام خالد : حاسبي يا امايا حاسبي . . مهره تبتسم : ان شاء الله . . عموه هاي شوق ربيعتي . . ساكنه حذال شقتي وقايمه فيني قووم ام خالد هللت فيها ورحبت ويوم عرفت انها قايمه في حرمت ولدها حبتها بسرعه . . عنود تنزل : اووه وصلتو مهره : من زمان توا الناس ! سيف كان توه طالع من الغرفه وسمع صوت مهره . . حس انه يتهيأ له . . عنود تنزل من ع الدري : مهوووور امس شفتج بطنج مش مبين . . كيف اليوم باارززز ؟ سيف سمع واستغرب : مهور !!! مهره : ههه كنت لابسه فضفاض . . ما يبين . . ام خالد :صلي ع النبي . . مششش زين عنود عنود : اللهم صلي وسلم على سيدنا محمد . . لا اله الا الله ! . . جيه زين ام خالد : هيه زين سيف ينزل وشاف مهره ووراها شوق ووايد استغرب ! مهره شافت سيف وشعره متكشش وطالع ب فانيله و وزار ! ع طول فجت عينها عشان يصعد ! وصدت صوب شوق وحمدت ربها انه شوق ما شافت . . مهره : عنود تمي ويا شوق . . بسير وبرد . . عنود : اوكي . . صعدت مهره عشان تروح لـ سيف . . سيف كان يترياها فوق ع نار . . : انتي شو تسوين اهني ؟ مهره تبتسم : اول سلم عليه ! اطمن اذا انا بخير . . بووسني ع الاقل . . سيف بعصبيه سحبها من ايدها ودخلها الغرفه : شووووووووو تسوين اهني بدون شوري وبدون اذني . . كيف تطلعيييييييييييين من البيت وانا ماعرف كيف مهره : هد اعصابك . . " بخوف " شفيك محرج جييه !! سيف يغمض عينه ويبلع ريجه ويفتح عينه بعصبيه اكثر : جاوبيني . !!! مهره : يييت بمر ع عنود وبنطلع انا وهيه وشوق ! سيف بصدمه : وانا ؟؟؟ طرطوووووووور جدامج !!!!! ماتاخذين راييي ولا تستأذنين مني . . ولا ع الاقققققققققققققققل تعطييييني خبر مهره امتزرت عينها دموع : ترى احنا ما نكلم بعض سيف : ووووووووووووووووومسج ماترومين تسسسسسسسسستاذنين بممممسج مهره : قلت اكيد راقد . . ما يا عبااالي . . يا في بالي اتتتفاقنا بس . . سيف عاقد حياته : اتفاقنا ؟؟؟؟؟؟؟؟؟ نسيتي انه اتفاقنا فيه بينا مسجات مهره : بس بعد يعني ماخذين فتره ان ما نكلم بعض وايد ونبتعد عن بعض !! شفيك اهدى لا تصااارخ علي . . سيف : تشوفين الي سويته عادي ؟؟؟؟ يخلللللللللي الواحد يهدا !! اليوم قدرتي تطلعين عن شوري باجر مادري شو بتسسسوين بعد !! مهره فجت ايده عن جتفها وقعدت ع السرير سيف يرد يسير صوبها : ممممماخلصت كلامي . . " يطالعها من فوق لين تحت " وكاشخه بعععععععد مهره نزلت راسها وقعدت تلعب باصابعها : شوي شوي علي . . " تمسك بطنها " انا حامل . . لا تعاملني بقسوه . . سيف : حلوووو . . سوووووووي الغلط وعقب قوولي لا تعاملننني بقسسسوه . . تبيني اصفق لج واقولج برااافووو اطلعي حبيبتي كل يوم ولا تستاذنين . . مهره تمت تطالعه وماترد . . اما هو ارتفع ضغطه مليون . . شوي ودقت عنود الباب . . سيف سار وبطل الباب بعصبيه : شتبين ! عنود تطالع مهره : بنطلع ! سيف : قولي حق شوق مهره ما بتي! عنود تطالع مهره : كيف ما بتييييييييين !! لا تستهبلين انا بعدني مش ماخذه ع شوق ! سيف : كلممممميني انا !!! انا قلتلج ماااااشي ! مهره ما بتروح مكان !! سمعتي ولا اعيد ؟ سكر الباب فويهها . . . . . |
البارت الـ 68 عنود : شوق قومي نطلع . . مهور خونت ! شافها ريلها واستلمها عاده شوق : افا ! عنود : يالله يالله بنتونس وبنتعرف ع بعض اكثر . . شوق تبتسم : هههه اوكي . . اول ما طلعو محمد طلع . . صدفه ! محمد : وين رايحه ان شاء الله ؟ شوق من سمعت الحوار قالت : انا بترياج فالسياره عنود : اوكي .. " تطالع محمد " يوم بتستوي ريلي رسمي اسالني هالسؤال محمد : لا الله يخليج قولي عنود : تطنزززززز محمد يحرك السويج : انا طالع بعد . . عنود عاقده حياتها : وين ان شاء الله " تطالعه من فوق لين تحت " وهالكشخه وحالتك حاله ! محمد يبتسم : بعد ربج . . يالله روحي . . الغاويه تترياج عنود : منو الغاويه محمد : هاي ربيعت مهرو . . طررر ماشاء الله عليها عنود : والله انك ما تسسسسسسستحي . . ومشت عنه وركبت السيارة . . محمد يكلم روحه : احسن .. انقهري! عيل تقهريني وبتطلعين وانا ماعرف وين !!! يرد ع الفون : ها حمد . .الحين بييك حشرتني . . باي . . . عذاري : انزييين سلامه ليش !! سلامه : انا معوقه ! اقعد ع كرسي متحرك . كيف تبيني اروح العرس وانا بكرسي . . ليش تبيني اتفشششل ؟ عذاري : شو الفشله فالموضوع سلامه . ؟؟؟ هاي حكمت ربج ولازم ترضين وتتعايشين مع هالووضع مش تحححححححكرين روحج . .!!! دق الباب منصور ودش . . وعذاري اشرت له انه يسكت . . سلامه : انا رديييييييييييييت اخوج وانا قلبي فيه عششان ما ينظلم فييييييييني !! وتقوووولين لي عرسس فلانه وعلانه يا عذاري . . الله يووووووووفق حصيص ويسعدها . . هيه مش محتاجه اني اروحلها ابدا . . عذاري : حرام عليج واله انها بتستانس بشووووفتج . . سلامه : عذاري لا تضغطين علي . ! وقومي زهبي حالج وسيري صالون ترى يادوب يخلصونج قبل المغرب . . عذاري : اااه منج والله ماعرف شقولج . . عراااحتج . . سلامه تبتسم : فمان الله عذاري : الله وياج . . منصور : سلامه ؟ عذاري : هيه . . منصور وقلبه يدق : شفيها عذاري : اقنعها تحظر عرس حصيص . . منصور: عرس حصيص اليوم ؟ عذاري : هيه . . منصور : اهممم . . وشو قالتلج عذاري تبتسم : قالتلي انا رديت اخوج وقلبي فييه . . شو ابغي فطاري اعراس الناس . . وامور تافهة منصور : شووو قالتلج " منصدم " عذاري : قلبها فييييييك . . منصور : يعني شو فسريلي عذاري تاشر له بمالت : يعني تحبك وخاطرها تاخذك !! منصور يحس قلبه يدق : وليشششش ما قالتلي هالرمسسه ليششش . . عذاري : اونه عشان ما اظلمه . . منصور يمسك تلفونها : ردي دقييييييييييييييييييلها ردي . . عذاري اول ما مسك منصور تلفونها تمت بوسواس وخايفه . . وسحبت الفون عنه . . منصور : شفييج عذاري : بدقلها ترى . . " ودقت " سلامه : عذور اذا بتردين تحنين بندي احسن . . منصور لاصق ف اذن عذاري الي متلعوزه منه ماتسمع شي من كثر ما يسحب الفون ويقربه صوب اذنه . . سلامه : الوووو عذاري : هااه . . سلامه : شو هاه . .؟ شو تبين عذاري : آآآآآ . . منصور : شحالج سلامه ؟ سلامه سكتت . . عذاري تعض ع شفايفها وتسحب الفون وتكفخه ع راسه : تستهبلل اسسسسسكت سلامه ابتسمت غصب . منصور : شوه فيج يا حيوانه ليش تضررررررررررررربين . . سلامه : عذاري خلصيني " مبتسمه . . تحب يوم يقعدون مع بعض ويتناقرون " عذاري : اطلع برا والله ماخليك تقول شي ترى منصور: والله بقول . . ع كيف ابووووووج . . هاتي الفون عذاري : ما بعطيك . . سلامه : عذووووووووووووووور منصور : زين جي خليتيها تعصب . . عذاري : عاد يوم تعصب سلامه افف دخان يطلع من خشمها حتى منصور : ديناصور يعني عذاري + منصور : هههههههههههههههههههههههههههههههههههههههه سلامه : تتمصخرون عليه يالهرووووووم منصور بنبره تسحر : ماعاش الي يتمصخر عليج . . عذاري تقلد صوت سلامه ؛: قلبي فييييه منصور يكمل استهبال ويا عذاري : قلبج ف شو اختي خبريني عذاري : قلبي ف جلكككككسي ذايب لكن اخاف اظلمه وياي واكله بعنف سلامه تشهق : عذور يا حمممممماره منصور هالمره جد سحب الفون بكبره : ليش ؟ ما كنتي تبيني اعرف نواياج ؟ يلي ماتخيلين انتي ماتعرفين نفسيتي كيف صارت وانتي السبب !! سلامه : . .. منصور : شو هالكلام . . اظلمه ما اظلمه . . انا اختتترتج من بين الناس كلها وراضي بكل شي فيج . . ا سلامه : انته ماتعرف الناس بترمسس منصور : وشعلينا من الناس . . انتي بتاخذيني ولا باتاخذين الناس . . . سلامه : . . منصور : برمس امايا عشان ترمس امايتج ! دخيلج لا ترديني . . وخلي فرحتنا تكون وحده . . انتي واختج ف يوم واحد . . سلامه : . . . منصور : ريحي فؤداي دخيلج . . سلامه : بفكر . . منصور : أتفآئل ؟ سلامه : ماعرف . . منصور : مابضغط عليج . .بس فكري اني شارنج وراضي بكل شي فيج . . سلام تبتسم . . منصور : هاج ربيعتج . . تسحب عذاري الفون وارتاحت نفسيآ ان سلطان للحين ما تصل . . منصور : حني ع راسها شويه . . عذاري : تووووا ما بضغط عليج . . منصور بصوت واطي :ي هبلا !! اونه من نفسسج . . اوف كم بعلمج . . عذاري : يالله فارج فارج . . لاااا اصبر . . منصور : شووو عذاري : بتوديني الصالون بعد ساعه منصور سوا عمره ما سمع ومشى بيطلع عذاري : سلااااااااااامه . . تعرفين ان منصصصصور مش راضي يوديني الصالون . . لا تواافقين . . كيف عقب بتروحين الصالونات ؟ منصوووووووووور مول ما يحب هالسوالف منصور يطالعها وفاج عينه ويمشي بسرعه صوبها ويمط شعرها : انتي حماره . . عن تحطي الفكره براسها وترددددددني . . عذاري ماتحس بالمطه من كثر ما ايده خفيفه : اول قول بتوديني . . منصور : عناد فيج وفي سواياج ما بودييييييج . . عذاري : اقول سلامه بعد بخبرج سلبيه من سلبياته الي ما تخلص منصور يعض ع شفايفه : بووووووووووديج بوديج . . " يشعطها ع راسها بقوه " اف . . عذاري : هههههههههههه شفتي سلاموه كيف اتعامل وياه . . ما يووون الا بهالاسلوب سلامه : هههههه والله انتي تحفه . . عذاري : واخيرا شفناج تضحكين . . سلامه تبتسم : انتو مياانيين ترى . . اضحكون الي ما يضحك . . منصور يبتسم : اذا جي كل يوم بندقلها . . عذاري عاقده حياتها : عيبتك السالفه اشوفك . . يالله مناك . . ريياييل ما ينعطون ويه منصور : خلي ابوج يوديج الصالون عذاري تمسك ايده : اسسسسسسسسفه اسفه اسفه خلاص . . . . . |
واكككككككككككككككككككككك ...~ ياخي ابدااااااااااااع فيج ضحيووووووووووووه موفقه بأبداعاتج يا ربي ...~ |
| الساعة الآن 09:49 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir