:3096.gif:

بعد اسبوع
فتح علي عيونه ببطء ...ولمح عليا يمه ..مد ايده ولمس ايدها
عليا : صباح النور الحمدالله على السلامه
علي: الله يسلمج
--امس باليلل كان مقرر أجراء العملية لعلي ..الي راح تحدد مستقبله .. ماخبروا احد ..غير ام علي وحصه واحمد ... عليا طول الليل تمت ترفع معنوياته وتحمسه ..وتخبره ان مهما صار اهي راح تكون سعيده به لأن اهو الوحيد الي حبته وتمنته زوج...ولا عمرها راح تندم على قرارها مهما حصل ... علي بعد ماسمع كلام عليا المشجع حس بالراحة وكأن هم وانزاح ..بس همه الأكبر كان في نتيجة العملية ولهاالسبب أول ماصحى سأل عليا
علي: شقال لج الدكتور
عليا بابتسامة امل: ماقال شي لحد الحين ..قال ان النتيجة ماتظهر بهالوقت .. هالنوع من العمليات يبغي وقت ... وماتظهر النتايج الا بعد مدة و...
قاطعها علي بألم : يعني تبغين تقنعني ان انتي مافهمتي قصدهم أهم قالو جذي بس عشان مايخلونا نتألم ..تقدرين تسمينها مجامله ..انا اعتدت على هالكلام ...كله من باب التصريف
عليا :لاأحنا املنا بالله كبير..انت خل ايماناك قوي ..وانشالله راح نحصل على كثر ايمانا واملنا
علي: انا تعبت من الأمل
عليا تفاجأت بهبوط معنوياته لهالدرجة : علي شفيك الدكتور أكد لي ان مستحيل يخبرنا بالنتيجة احين لأن هالشي مو بمقدوره ...و بصم لي ان الأستجابات كانت ناجحة تقريبا ..بس
علي: بس شنو ... انا قايل لج ان في شي
عليا :لا والله مافي شي اهو قال ان علينا مانيأس بسرعة
علي : امي وين
عليا : امك امس سهرت معاي في الليل وراحت اليوم الفجر تنام ..وبتيي العصر مع حصه أختك
وفجأة..
أحمد: هود.. هود
عليا: حياك أحمد.. تفضل
دخل احمد حامل باقة كبيرة
سلم على علي وتحمد له بالسلامة ....وظهر بسرعة ..ورجع بعدها حامل باقة ورد أكبر
علي: ليش باقة ثانية بعد ؟؟؟؟
أحمد: هاذي مو مني ...هذي من زايد.
ابتسم علي ابتسامه باهته
الكل يحاول يخفف عنه ويرفع معنوياته
عليا: فديته.. انزين حصه وينها؟
أحمد: توني مرمسنها وتقول أنها يايه في الطريج
ويصد أحمد صوب علي: انت شخبارك أحين ..
علي : أنا تمام.... بس أنطر النتايج .. عاد أذا بتطلع
احمد: شنو أذا بتطلع ... لازم تطلع وأن شاءالله تكون زينه
علي: والله أشك أن في نتايج أصلا عشان تصير زينة
احمد وهو معصب : شتخربط أنت ... بلاك يائس جذي
عليا: علمه يا أحمد ذبحني ولد عمك..
أحمد: خل إيمانك بالله قوي ... وأن شاءالله النتايج تبشر بالخير
عليا: إن شاءالله..... إلا أحمد وين عموه ؟
أحمد أحين باروح أيبهم ... يله مع السلامة ... وأنت يا علي لا تخرب فرحة زوجتك ... خل الأمل بقلبك
علي ألتفت على عليا وأبتسم: إن شاءالله عمي
أحمد : ههه يله باي
عليا تأملت ويه علي ..كان باين عليه الخوف أكثر من أي شعور أخر ...ملامحه متقلصه .. ودافن جسمه في السرير ..ولأول مره تكتشف عليا من شنو يخاف علي .......
توها مكتشفه خوف علي..علي لما كانو بشهر العسل كان يتحدها انه مايخاف من شي وهي تحدته ان مردها راح تعرف من شنو يخاف ..واليوم بس اكتشفت خوف علي ...علي كان يخاف من الفشل.. يخاف ان تفشل عمليته ومايحقق حلمه
.................................................. .....
انحدرت دمووع عليا بعد سمعت كلام الدكتوره .. وجذبت اذنها بالبدايه ... وضمت ايدينها ببعض .. وردددت بمايشبه البلاهة :ها..شقلتي يادكتوره؟؟؟؟؟؟؟؟؟
اهي للحين مو مصدقة الي سمعته ..وتبي تتأكد مره ثانيه ..يعني خلاااص ..خلااص ..
الدكتوره : أقولج مبرووووك ...انتي حامل
أهي خلاص صارت حامل الحين..كل المشاعر تجمعت بها بهاللحضه ..موعارفه شتسوي
..تصارخ ..تفرح ولا تبجي .. ولو ما الخوف ان تقول عنها الدكتورة ..انها مينونه جان راحت باستها
عليا: اانتي متأكده ؟؟؟؟؟؟؟؟؟؟
الدكتوره :..التقرير واصلني بهالحظه .. وهو ايجابي .
عليا : عفيه دكتوره تأكدي اخاف الجهاز خربان .. او التحاليل فيها عله
ضحكت الدكتوره على كلام عليا: لاكل شي اوكي ومتأكده منه ..بس انتي الله يهداج ..مادري شفيج مو مصدقه
عليا كان ودها تقول ( مو مصدقة ..اه لوتدرين اليأس الي كنت عايشه فيه .. اه لوتدرين عن سهر الليالي الي كنت فيه ..لوبس تعرف شكثر ذرفت دمووع ... بس كل الي سوته بهالحظه انها لملمت اغراضها وقامت)
عليا: مشكوره مشكوره دكتوره ماتدرين شكثر فرحتيني ..عسى الله يسعدج انشالله
ابتسمت الدكتوره وعطتها التقرير.. خذت عليا التقرير برفق وكانه زجاج خايفه ينكسر .. اوكأنه ولدها خايفه لا تألمه
وبالبيت كان الكل ينتظر ..ام علي .. وحصه .... وعلي...............
ام علي هي الي الحت على عليا انها تروح للمستوصف ... وكان عندها بصيص أمل ان عليا تكون حامل لما شافتها ترجع وحاسه بدوار ...
اما علي فكان غاسل ايده من الموضوع .. ومتأكد ان عليا ماهي حامل ولاشي والي تحس به مجرد أرهاق وتعب لكن هذا مامنعه أن ينتظر النتايج مع امه .
وحصه كانت ضايعه بين نارين بين امل امها ورفض اخوها ..
دخلت عليا وبايدها الورقة وحاولت بكل جهدها أن ترسم ملامح الألم على ويها ..عشان مايكتشفون النتيجه ..بس من دخلت البيت وشافت نظراتهم المترقبة ..اصرخت بشوق : حــــــــــــــــــــــــااااااااااااااااااااااااا اااامـــــــــــــــــــــــل
حصه راحت لها ولمتها ... وتمت تبجي معاها ...
اما علي الي من شاف عليا مقبله لف راجع الغرفه مايبغي يسمع شتقول ..بس من سمعها تقول (حامل) ... خر على الأرض ساجد ...
وام علي ماقدرت هي الثانية تسيطر على دموعها وتمت تبجي وهي تقول بارتياح : الحمدالله يارب...شفت ياولدي لما قلت لك كل شي بيدينه سبحانه ..شفت شلون كنت يائس وفاقد الأمل من رحمة ربك ..الله كريم ..يايمه
حصه مسحت دموعها : مبروك مبروك حبيبتي
عليا : اللله يبارك فيج ...
راح علي لعند مرته ومسكها بحنان وضمها لصدره ودموعه الفرح واضحه على خده ..
.........................................
الكل سعيد ومرتاح
حصه وأحمد وولدهم زايد
حياتهم ولا أروع
مبنيه على الحب والتفاهم
ميسون وثاني
حياة رومانسية دافية
شيما وسهيل
واللي قاعدين ينتظرون الياهل
علي وعليا
الثنائي اللي عانى الكثير
بس الله عوض صبرهم خير
وعليا الحينة حامل وفي الشهر الثاني
وأخــــــــــــــــــــــيــــــــــراً
حارب وسارة
اللي كل واحد فيهم هب راضي يعترف للثاني بمشاعره
وللحينة كل واحد فيهم قاعد يكابر بحبه للثاني
بس إلى متى؟؟؟

ودي أبكي
لين ما يبقى دموع
ودي أشكي
لين ما يبقى كلام
من جروح صارت في قلبي تلوع
من هموم حرمت عيني المنام
انطفت في دنيتي كل الشموع
والهنا ما يوم في دنياي دام
غربتي طالت متى وقت الرجوع
كل عام أمني أحلامي بعام
إن شكيت الحال ماحد لي سموع
وان سكت الناس زادوني ملام
طال صبري والزمن عيا يطوع
والرجا بالي عيونه ما تنام
...........................................

في فيلة حارب
كالعادة حارب في الشغل وسارة للحينه راقده
شوي ويرن التليفون
سارة بالأول طنشته.. بس بعد ما أزعجها ما رامت تتحمل وقامت وردت عليه
سارة وبصوت راااااااااااااااقد: ألوووووووو
:............................
سارة وهي تعتدل في يلستها: ألوووو.. منو؟؟؟
: أنت منو؟
سارة: أنت منو؟ انتي الي داقه
: أنا... أنا..سعاد
...........................................
سارة وهي عاقدة حياتها: سعااااااد؟؟؟؟
سعاد: هي نعم سعاد.. ممكن أسألج سؤال؟
سارة وهي هب فاهمة شي: أسألي
سعاد: انتي تحبين حارب..؟؟؟
تخيلوا موقف سارة في هاللحظة... انصعقت.. الحنيه شو دخل حارب في السالفة
سارة: انتوا منووووو؟ وبصفتج منو تسأليني هالسؤال؟
سعاد: جاوبيني بالأول
سارة: لا والله.. حلوة هذي
سعاد: اسمعي يا سارة..أنا سعاد مثل ما قلت لج.. واسمحيلي اني أقولج هالكلام.. بس والله غصبا عني.. سارة.. أكيد الحينه انتي مستغربة كيف أعرف اسمج.. أنا أحب حارب قبل ما تتزوجينه حتى.. وهو وعدني بالزواج بس طلع خاين.. وطول هالفترة حاولت أنساه بس ما رمت.. والله ما رمت..
وما قدرت تكمل وقعدت تصيييييييييح
سارة طول ما ماكانت سعاد ترمس وهي هب مستوعبه شي من اللي قالته
سارة وهي مخنوقة: والمطلوب؟؟؟
سعاد: حارب..
سارة: حارب؟؟؟؟؟ شو يعني؟
سعاد: يا سارة افهميني.. انج تحبين واحد وهو هب مفتكر ولا حاس فيج.. شو بتكون حياتج؟ والله الموت ارحم لي
سارة:....................................
سعاد: دخيلج يا سارة.. أنا أعرف انج ما تحبين حارب.. فليش توقفين في طريجي.. بليز اطلب الطلاق منه..
انصعقت سارة.. الطلااااااااااااااق؟؟؟؟؟؟؟ صحيح انها هب مرتاحة ويا حارب بس عمرها ما فكرت بالطلاااااااق
لااااااااااااااااااااااااااااااااااااااااااااااااا اا
فجأة نش حارب من الحلم
كان يموت ولا أنه يكون صج
فج عيونه.. وحامد ربه أنه مجرد كابوس
تلفت حواليه.. انصدم يوم شاف سارة مو موجودة في الحجرة
كانت الساعة 5,4 الفير
وقف على حيله وظهر من الجناح
حارب: هذي وينها؟
نزل الصالة بس ما كانت موجودة.. تلفت يمين يسار بس ما لقاها
قعد يحاتيها..
حارب: هي صح.. يمكن في الحمام.. أنا ما دورت عليها
ورجع مرة ثانية الجناح
حارب وهو يدق باب الحمام (عزكم الله): سارة.. سارة؟؟؟؟
بس لا حياة لمن تنادي..
وفتح باب الحمام ( عزكم الله ) عسب يتأكد.. وفعلا كانت هب موجودة
حارب: هذي وينها؟ افففففف.. توتر حارب . ما عرف بشو كان يفكر؟ وخاصة بعد هالكابوس اللي شافه
وقبل لا يظهر من الجناح.. لمح سارة
تخيلوا.. كانت راقدة.. ع الأرض
أول ما شافها حارب تشقق من زود الوناسة
جنها كانت ضايعة
وربع صوبها
قعد فترة يتأمل ويهها الملائكي وهي راقدة
قعد ع الأرض.. ومسك ايدها الباردة
حارب: أفا يا سارة.. لهالدرجة ما تطيقيني؟
سارة اللي حست بإيده الدافية وفتحت عيونها شوي شوي.. وانصدمت يوم شافت حارب وطاحت عيونها في عيونه..
حارب: صباح الخير..
سارة:......................... اعتدلت في يلستها وقعدت ترتب شعرها المبعثر من زود ما كانت قافطة
حارب ابتسم وجرب منها وقعد يبعثر شعرها مرة ثانية
كان واضح على سارة أنها مقهورة من حركته بس سكتت عنه وسوت لها طاااااااااااف
حارب: ليش راقدة هني؟
ردت سارة بسرعة: ظهري يعورني
حارب: الحييييييييين طول هالمدة كنت ترقدين وما صابج شي.. يوم أنا قمت أرقد
ع السرير قام يعورج ظهرج.. والله حالة
كانت سارة بتنش عنه بس حارب زخها
حارب: يوم أرمسج جابليني..
سارة: لو سمحت والله هب فايجة
حارب: لا والله
سارة كانت بتموت وتعرف شو اللي غير حارب عليها.. بالأول كانت هي اللي تتغلى عليه.. والحين بس اكتشفت أنها ما تحبه وبس.. ألا تعشقه وتموت عليه.. بس حارب وايد تغير.. واااااااااااااااااااايد. هذا هب حارب الأولي
قطع تفكيرها حارب: ليش ما تردين؟
سارة: أرد؟ على شو؟
حارب وهو يوقف: انتي الحشي وياج ضايع.. بس اسمعي... من اليوم وساير لو شفتج تعيدين هالحركة البايخة ما تلومين غير نفسج
وظهر من الجناح عسب يصلي.
في هاللحظة تغرغرت عيون سارة بالدموع
يالله.. شو الشالفة؟ حارب بلاه؟
بعد ما خلاني أعشقه يهد فيني.. آاااااااااااه يا حارب... والله حرام.. حرااام عليك
.....................................
بعد الصلاة
سارة ماقدرت ترقد مرة ثانية
نزلت تحت.. ما تعرف ليش يا حارب على بالها... تمنت لو ايي الحينه
مع أن هذا مستحيل.. لأن حارب متعود بعد الصلاة يظهر صوب المزرعة.
والمزرعة ممزورة مهندة
صحيح أنه تغير.. بس قامت توله عليه
انسدحت ع القفنة وهي تحس أن الدنيا وما فيها ولا شي بعد حارب
آااااااااااااااااااااااااااااااااااااااااااااااه
ومن زود الملل غفلت.. وهي هب عارفة أن حارب يا.. لأنه نسى موبايله.. عسب جذه رجع ياخذه
وهو صاعد الدري.. شاف سارة اللي كانت منسدحة ع القنفة
رجع مرة ثانية
حارب جرب منها وهمس: نشي..
أول ما سمعت صوته تيبست.. معقـــــــــــــــــــــــــــــــــــــــــــــــ ـــــــــــــــــــــــــولة؟؟؟؟؟؟
فتحت عيونها شوي شوي.. واول ما شافت حارب فوق راسها نقزت من الخوف
حارب: شو منزلنج من فوق؟ غريبة بالعادة ما تنشين قبل الساعة 12
سارة اعتدلت في يلستها: لا بس ما ياني رقاد
حارب حط سويجه على الطاولة وقعد حذال سارة ع القنفة.. وقعد يطالع السقف
استغربت منه سارة.. هذا شو يابه؟
بس كانت حيييييييييل مستانسة.. وما كان ودها يروح
حارب وللحينه عيونه معلقة بالسقف: تعرفين تسوين حليب؟
سارة: وفي أحد ما يعرف يسوي حليب؟
نزل حارب عيونه وصد صوبها يطالعها وقال لها وهو يبتسم: يعني بتسوين لي؟
سارة: إذا تبا بسويلك..
حارب يطالعها وابتسامة خبث مرسومة على شفايفه.. وفي خاطره يقول: خاطري أفهمج..
نشت سارة صوب المطبخ.. وبدت تحظر الحليب
بعد ما خلصت.. بدت تحظر السفرة.. لأنها كانت تبي تفاجأ حارب.. ورح يفطرون سوا..ويمكن تقدر تتفاهم وياه
وربعت صوب الثلاجة عسب تفتحها وبعد ما صكتها انصدمت يوم شافت حارب واقف عند الباب ومتساند عليه.. كان طول الوقت يراقبها وهي هب حاسة
حارب: خلصتي؟
سارة: أ..أ.. تقريبا..
حارب: وين الحليب؟
سارة أشرت صوب الدلة
ربع حارب صوبها وخذ له كوب وظهر.. ظهر من غير ما يسوي لها سالفة.. مع أن كان يراقب سارة ويعرف أنها حضرت الفطور بس هو كان قاصد أن يطنشها..
سارة سحبت كرسي وقعدت عليه.. كانت بتموووووووت من القهر
كانت تبي تصيح وتصرخ وتضحك في نفس الوقت
كانت حيييييل تعبانة وحارب ولا هامنه.. أو بالأحرى كان يحاول يقهرها
فجــــــــــــــــــــــــــــــــــــــــــــأة..
حارب: اقووووول.. مرة ثانية قللي من الشكر.. والا اقولج..لا تحطين شكر موليه.. كفاية العسل مسونه..
وظهر مرة ثانية
رمسة حارب خلت سارة متيبسة في مكانها
وبعد فترة استوعبت اللي صار
وقعدت تبتسم
................................................
في بيت أم سهيل
الكل متيمع
صوب الحريم
أم سهيل/ أم علي/ أم ثاني/حصة/ ميسون/ عليا/ شيما/ سارة/ شهودة+ شميم+ زايد
أم سهيل: شيما يما.. ما بيج تتحركين.. هالله هالله بعمرج.. ولا تنسين انج بين روحين
شيما وهي تبتسم وفي نفس الوقت مستحيه: إن شاء الله عموه
حصه: هي بعد ما فينا قيس ياكلنا.. لو صابج شي
أم علي: الله وأكبر.. انتي شفيج تفاولين ع البنية؟
حصة: هههه شفيكن.. أسولف
ميسون: أقول شيما.. ما عرفتوا إذا بنت والا ولد؟؟؟
شيما: امبلى... من أسبوع تقريبا عرفنا
عليا وهي داشة عرض: انزييييييين.. شووووو؟؟
شيما: surprise
ميسون: أوووهووو.. كيفج انتي الخسرانة.. أنا بس حبيت أسألج عسب أزهب الهدية
شيما: ههههه حلوة هذي.. ع العموم كل شي بوقته حلو
ميسون وهي تصد صوب عليا: وانتي علاية؟ بتخبرينا.. والا بعد surprise؟؟؟
عليا وهي تحط ايدها على بطنها: وين حرام عليج.. توا الناس عليه.. بعدني في الشهر الثالث
أم ثاني: سارة..
سارة اللي كانت سرحانة ولا في الدنيا
حصة : ساروووه..
سارة وتوها تنتبه: هلأ..
حصة: اللي ماخذ عقلج.. خالوه أم ثاني تزقرج
سارة: هلا خالوه
أم ثاني: لا بس بغيت أسألج.. انتي للحينة ما حملتي؟
سارة تلون ويهها بألوان قوس قزح..
الكل كان صاخ وجنه يبي يسمع ردها
سارة وهي تطالعهم وهي ميته من المستحى: لابس... للحينه الله ما كتب
حصة وهي داشة عرض تحاول تنقذ سارة: أونهم للحينة شباب.. يبون يتهنون... لاحقين حق عوار الراس
الكل: ههههههههههههههههه
سارة قفطت من الخاطر وضربت حصه على جتفها: تستهبلين حضرتج؟
حصه وهي تساسرها: يزاتي يالدبه اني كنت احاول أنقذج من هالسؤال؟
سارة: لو لو كنت صاخة كان أحسن
حصة: جب جب..انزين لو ما رمست شو كنت بتقولين؟
سارة وهي مترددة: هــــ...ــــ...ـــا؟؟؟ ما ادري ما ادري.. بقول للحينه الله ما كتب
حصة: يا حافظ..
في هالوقت وصل ميسون مسج من ثاني
(شحالج قلبي...أقول هاتيلي زايد أبي أشوفه.. ولهت عليه..أنا برع في السيارة)
أول ما قرت ميسون المسج.. ربعت بسرعة وودت زايد صوب ثاني
في السيارة
ثاني أول ما شاف زايد ابتسم وقعد يبوسه
وميسون سرحانة تطالعه وكيف كان مستانس أول ما شافه
ثاني: ألوووووو
ميسون اللي كانت سرحانه توها تنتبه: شو؟
ثاني: بلاج؟ كنت أقولج.. يشبهني صح؟؟
ميسون: لأ.. يشبهني أنا
ثاني لبرهة سرح .. ضيعه دلع ميسون
في هالوقت قعد زايد يصيح وثاني هب منتبه قاعد يطالع ميسون
بس ميسون جربت منه وشلت زايد منه
ميسون: خلااااص حبيبي خلاص
ثاني: بلااااااه؟
ميسون: ههههه شو يعني بلاه؟ عادي.. اليهال دايما يصيحون
ثاني: أخاف صابه شي؟
ميسون: ثــــــــــــــــــاني.. مشكلة اللي ما يخصهم في اليهال.. وقعدت تهدي زايد ألين ما سكت
ميسون: يلا أنا بسير داخل الحينة..
ثاني: أقوووووول.. ترى أنا ابيهم يزقروني بوديمه..
ميسون وهي مستحيه: وشمعنى؟ وإذا كان ولد؟
ثاني: لأ.. أنا مابي ولد..أبي بنوتة حلوة شراتج.. وغمز لها
ميسون: اللي ايي من الله حياه الله
ثاني: أحبج...
.................................................. .............
بعد ما الكل سار بيته
سارة كانت للحينة في بيت أمها
عسب حارب كان عنده شغل
وبعد ما ملت لحالها.. دقت حق أحامد ويا عسب يوصلها بيتهم..
في جناح حارب وسارة
كانت سارة حييييييل تعبانة
فصخت العباة بسرعة وبعد ما بدلت وصلت العشا... انسدحت على السرير
مع أنها للحينة كانت 8,9
شوي جان يرن التليفون
نشت سارة وهي تحس أن الدنيا تدور فيها
وبعد ما رفعت السماعة..
سارة وبصوت تعبااااان: ألووو
: ألو...
سارة: منوووو؟؟؟
: أنا سعاد
( هالمرة صج مب حلم)
سارة وهي عاقدة حياتها: سعاد؟؟؟ منو سعاد؟


.................................................. .........


كــــآآآآآآت

شو تتوقعون رده فعل ساره..؟؟

و شو تتوقعون يكون موقف حارب من سعاد..؟؟

وسعاد بتقدر اترجع حارب لها بهالطريقه..؟؟

وشو رايكم بالبارت

كــــآآآآآآت

شو تتوقعون رده فعل ساره..؟؟

أكيد بتنصد ..خخخ

و شو تتوقعون يكون موقف حارب من سعاد..؟؟

أعتقد بيدمر حياتها وبيخبر أخوها ..خخخخخ

وسعاد بتقدر اترجع حارب لها بهالطريقه..؟؟

لا مابتقدر ..

وشو رايكم بالبارت

روووووعه ويجنن ..

تسلمين ياحبوبه على البارت الرووعه ..

ونتريا التكمله بفارغ الصبر ..

شو تتوقعون رده فعل ساره..؟؟

ماعرف يمكن تتخلى عن حارب .. ويمكن لا ..

و شو تتوقعون يكون موقف حارب من سعاد..؟؟

مادري به ..

وسعاد بتقدر اترجع حارب لها بهالطريقه..؟؟

بالعكس بنخسره ..

تسلمين الغلا عل البارت ..

ونتريا البارت الياي ..{

السلام عليكمـ..
احم.. انا اختـ غرشوووب التوم منهـ..
تسلمينـعـ البارتااات..الـ اكثــــــــر منـ رووووووعهـ....:861::861:
اليوم راح اطرش البارتاات حقـ غرشووب عـ اليميل ...:6500.gif:
لا تتحيرينـ علينــــــــــــا...:30::30:
وسموحهـ..:10.gif: