|
اقتباس:
عالعموم انا بنزل الحين البارت وانشالله اتكما ويانا القصه قبل السفر...:30: |
........................................... في ايطاليا ..وبعيد عن اجواء الشحنه ... كانت احلى واصفى قصة حب ... فتحت عليا عيونها شوي شوي قعدت تتأمل حولها تذكرت أنها الحينة في ايطاليا لبرهة نست هالشي عقبها صدت صوب علي اللي للحينة كان راقد كان شكله كيييييوت شرات اليهال جربت منه وباسته ع الخفيف عسب ما يحس ربعت صوب الحمام ( عزكم الله) بعد ما خذت شور وتيددت وصلت وبعد الأعمال الروتينية وطلب الفطور ... خذت لها كوب نس كافيه ... ويلست عند البلكون ... الجو اليوم ماكان بارد .. كان مايل للدفا ... عشان جذي لأول مرة كانت تلاحظ ناس موجودين ببركة السباحة الي تحتها بالضبط...... ماتعرف شنو جذبها ان تتأمل البركة ومياهها ... بهالوقت صحى علي على صوت الروم سيرفر وهم يدخلون بطاولة الأكل... راح للصالة وشاف عليا يالسة عند الدريشة علي:. الحلو بشو سرحان؟.. عليا نقزت أول ما سمعت صوت علي علي وهو يبتسم: صبااااااااااح الخيييييييير عليا وهي مستحيه : صبااااااااااح النووور علي: زيقتج؟ عليا: لا عادي علي: من متى ناشة؟ عليا: قبلك بشوي علي: وجيه ما وعيتيني؟ عليا: جفتك راقد.. قلت حرام أزعجك... وبعد سير غسل بسرعة عسب نفطر سوا.. علي بخبث: وإذا ما غسلت بسرعة؟ عليا اللي تاهت في عيونه.. بس تجأت وقالت له: ما بنطرك.. بسبقك وبفطر قبلك علي: أنتي قدها؟ عليا: وليش لأ..؟؟ علي جرب منها وعلى ويهه ارتسمت ابتسامة خبث.. عليا اللي ماتت من المستحى ومن نظرات علي عليا: علووووووووووي بس عاد لا تطالعني جيه.. ترى والله استحي علي: ويييييييييييييل حالي ع اللي يستحوون والله عليا ابتسمت ونزلت راسها علي: عليا.. عليا: عوووونك علي: تحبيني؟ عليا: وهذا سؤال؟ علي: عفيه.. ابي اسمعها منج عليا:........................ علي: شو؟ ما سمعت.. عليا: لأ.. علي بهت وفج عيونه بس عليا كملت: ههههههههههه حبيبي شفيك؟ أنا قصدي ما أحبك وبس.. ألا أمووووووووووووووت علييييييييييييييييييييك علي جرب منها: ادري انزين... وباسها على خدها عليا اللي قفطت: يالمغروووووووور علي: ههههههههههههههه أنا مغرور؟ عليا: مغرور وتقهررررررر بعد علي:. شلون ما اغتر وعندي من يموت فيني..؟؟ عليا اللي ماتت من المستحى من رمسة علي.. وغيرت السالفة.. عسب تتهرب وراحت لعند طاولة الطعام...: ها علي على .. وين بنسير اليوم؟ علي: الصبح راح نتجول بالمدينة ...بس الظهر اوقبل العصر...ابغيج تجهزين شنطة اكبر من المرة الماضية لأنا بنروح جزيرة غير... عليا: أي جزيرة .... علي: اوبالأحرى بنمر على جزيرتين .... عليا: واي جزيرتين ؟ علي: لنكاوي.... وبيانغ عليا: لنكاوي عجبني اسمها علي: بس دام عجبج ..احنا بنروح بيانغ قبل عليا ضحكت على علي اهو يحب يغيظها دوم ... وبعد الفطور ..صارت عليا جاهزه ... وعلي بعد..وكالعاده انتظروا ثواني الين ما يا التاكسي ... علي ماعلق على وجهته ..اكتفا بقول " باتو كيف "... وبعد دقايق ..وقف التاكسي..انزلت عليا وبهدوء رفعت نظرها ..شافت جبل كبير ..اوكهف بالأحرى .. وقدامها سلالم طويلة ماتشوف نهايتها تدخل الكهف..وعند بداية الكهف ...كان مدخل مقوس معلق به تماثيل غريبة وملونه .... علي: هذا اهو المعبد الهندي..باتو كيف ..(علي بحكم دراسته ..العادات والمعتقدات وعلاقاتها بالجغرافيا السكانية ..كانت هالأمور تستهويه ... وتعجبه ..عليا ميولها مشابهه لعلي..وتحب الأشياء الغريبة ولها السبب ماخبت حماستها ... من شوفة هالمكان .. عليا: وهذا كيف ادخله عالي ....؟ علي: اهو عالي شوي بس يستاهل اتجوفينه.... عليا: انا ماشوف نهايته.. علي: فيه كهوف صغيره اهني بس موحلوه نفس الي فوق مرت عليا مع علي على الكهوف الصغيرة ..الي كانت شبه خاليه ... وبعد جهد تشجعت تصعد... بس الي ماعرفته ان في مفاجأه بانتظارها .. كان الممر او الدرج ..شاق طريقه بين الأشجار وفجأة وعليا تتكلم ..مع علي ..لمحت ثلاث قرود .. على الدرج ... اول شي سوته انها مسكت علي ..وتخبت وراه بخوف .... عليا والخوف مسيطر عليها : علي شنو هذا ؟؟ علي: قرود عليا: هي..ا..ادري..بس ..ليش ماخبرتني...ٌ..قبل لا ..ا..اصعد... علي: والله شوفيهم طيبين ومايسون شي ... عليا الي تخبت ورى ظهر علي و هي ماسكته من قميصه ..طلت براسها ..وشافت القرود يايه باتجاهها ... كانت جدامهم بنت صغيرة وولد بعمرها او اصغر منها بسنتين وباين عليهم انهم اوربين ..امهم تاركتهم وتمشي قدامهم . ولا هي بملتفته لهم ... القرود راحو ا للبنت والولد..قام الولد يمسك القرد ويلعب معاه علي: شوفي هذا صغيرون ولايخاف..وانتي كملتي العشرين وتخافين وقبل لايكمل جملته ... كان عند الولد الصغير .... سندويتش ..والتموا القرود عليه ..وخطفوا السندويش من ايده ..البنت خافت على اخوها وقامت تبعد القرد عنها . .طبعا القرود خافوا وراحوا...اما الولد الصغير فبدا يبجي .. عليا اكثر شي يضيق خلقها دموع اليهال ..راحت لعند الولد... وكلمته بالأنجلينزي أخته ردت عليها ... كانو بريطانين مثل ماتوقعت ... عليا فتحت شنطتها وطلعت .. كاكاو..وعطته اياه ..عليا تحب تملي حقيبتها شوكلت وحلويات ... عشان تاكلهم وقت الفراغ تقبل الولد الهدية ومسح دموعه وابتسم ..عليا مسحت بايدها على راسه ورجعت لعلي.. علي ..اثر به الموقف .. شاف حب عليا للأطفال... تضايق اكثر من مافرح... لأن اهو بدل لايسعدها ..يحرمها...يحرم الأنسانه الي يحبها ... من شي هي تتمناه وتحبه ...بس اهي تدري بالموضوع وماخبى عليها... اهي وافقت بدون ضغط منه عليا: يلا علي عفيه ..قبل لايطلعون لنا قرود مرة ثانية ... وبعد جهد وسرعة من عليا ....لما دخلوا الكهف وقربوا الوصول للقمة ..حست عليا بطعم غريب من الأثارة والمتعة .. كان الكهف كالعاده ظلام .. وبه انوار صناعية ضاربه على البرتقالي . .وراسمة خطوط وظلال غريب ... وبعد كم خطوة صادفوا تجويفات يدخل منها نور الشمس... طبيعة غريبة .. اول مرة تشوفها عليا.. واخيرا وصلوا للمعبد..... طبعا كانت التماثيل الملونه والمختلفه محيطه بالمكان .... وبوسط المعبد ..ردهة واسعه ... علي: اهم اهني يشعلون النار .... عليا: والله من صجهم هذولا هالمجوس..شعوب متخلفه علي: اصصصص ..والله لو سمعوج.. جان رحنا وطي .. عليا: لا والله ..انا ابي اعرف هذولا عندهم عقل.؟.يعني النار اهم الي يشعلونها ويطفونها ...يعبدونها ..اللهم لك الحمد علي: اقول امشي نرجع.. قبل لايدخل واحد يعرف عربي وتودينا ورا الشمس ... رجعوا علي وعليا بعد ماخذوا حوالي عشرين صورة .. وطبعا طريج العوده ماكان خالي ..من صرخات عليا خوفا من القرود ... ولا تخبيها ورا ظهر علي..ولما نزلوا عليا كانت تتنفس بصعوبة ..بعد ماركبت حوالي ثلاث مئة درجة : اف ..تعبت ...وبعدين هذي آخر مرة توديني مكان فيه قرود.. علي: أقولج بتشبعين من زود ما تشوفينهم وإن شاء الله ما رح ترجعين البلاد ألا وانتي مكونة صداقات وياهم.. ههههههههه عليا: علووووي.. والله أزيغ منهم علي:هههههههه المفروض تواجهين خوفج عليا: اواجه خوفي؟ ..هههه ..تصدق امنيتي اعرف انت من شنو تخاف؟ لا من حيوانات ولا من اماكن مرتفعه.. علي: قلت لج ماخاف من شي ..والا ترا راح تتعبين وانتي تدورين على شي اخاف منه عليا: بنشوف وبعد هالحوار ..رجعوا الفندق..عشان ياخذون قسط من الراحة ..قبل لايتوجهون لجزيرة .. بيانغ .................................. نرجع لدار بو خليفة..( الله يرحمه) الساعة 11 في الشركة مر أسبوع سريع على الكل ... كل واحد كان مشغول في حياته واليوم هو أول يوم دوام في الأسبوووع في مكتب سلطان سلطان اليوم صايبنه حفوز مب طبيعي أول واحد مدااوم.. ويحس أنه نشيييييط شوي ويدخل عليه حارب.. حارب: السلام عليييييكم سلطان: عليكم السلام هلأ حارب وهو يبتسم: غريبة؟ سلطان: وشو الغريب؟ حارب: مبجر اليوم.. شو السالفة؟ مب من عوايدك سلطان: تصدق حتى أنا أحس بنشاط فظييييييييع حارب: أعترف شو السالفة؟ سلطان: هههههههههه يا ريال لا يروح فكرك لبعيد .. كل السالفة اني مليت من اليلسه أبا أحلل المعـاش اللي باخذه .. حارب: لااااااااااااااا سلطان: هههههههههه وبعدها طلبوا قهوة وكل واحد التهى بشغله وقرر حارب أنه يقعد في نفس مكتب سلطان منها يسولفون ويشتغلون في نفس الوقت فجأة... وصل حارب مسج... أنا قلبي على الفرقى عصاني يحبك ما يحب إنسان ثاني تولع فيك في يوم وليله ورسم لك داخلي كل الأماني أحبك حب ما يخطر ببالك ويعجز عن تواصيفه لساني أحبك حب يسوى العمر كله فداك العمر دام العمر فاني ما عرف حارب من منو المسج.. وبعد ما تأكد من الرقم.. على طول حذفه.. ورجع يكمل شغله بعد دقايق..مسج ثاني. . قلبي قسمته يا هوى البال بالنص نصه بوفي وأنت بهديك نصه أرفق عليه ولا تنيه وأحرص دامه يخصك بصادق الحب خصه لا غبت عني يبتدي الحال ينقص وأسهر وتبدالي مع الحزن قصه ياليتني في لجنة العلم مختص والله لحط لمنهج الحب حصة ومسج ثالث.. روحي يا رساله لحبيبي وزوريه ولو كان نائم أرجوك لا تزعجيه وإن مل صبرك من الإنتظار صحيه وعن لهفتيه في غيابه خبريه وقولي له صاحب الرساله يحبك وانت ما فكرت فيه وإن ما جاوبك خليه يفكر لا تحرجيه.,. .................................................. .... عاد هني حارب فول..وكان واضح عليه حارب: أفففففففففففففف سلطان: عسى ما شر.. حارب وهو يوقف: لا...بس.. أقول أنا بظهر الحينة سلطان: وأنا بخلص اللي بإيدي وبلحقك حارب: على خير.. يلا حياااك .................................................. ...... مرت الأيام ورجع علي وعليا وبرجوعهم البيت صار له حس أكثر واللمة صارت أحلى مع عليا اللي كانت تفرض حبها على الجميع بطيبتها وخاصة ويا أم علي اللي تحب حرمة ولدها وايد وكانوا اللي في البيت يشوفون التقدير والأحترام والحب اللي مابين علي وعليا من اسبوعين تقريبا بدأ علي بمراجعة الدكاترة عسب موضوع الإنجاب وعليا واقفه وياه تسانده وطبعا عليا رح تسكن وياهم في البيت بما أن البيت كبير وما فيه غير بو علي وأم علي .. في جناح علي وعليا.. دخلت عليا الجناح بعد ما سار الكل كانت حيل تعبانة بعد ما بدلت.. ورتب الأغرض وعقبها قعدت تنطر علي اللي للحينه قاعد ويا الشباب في الميلس فجأة.. دخل علي اللي ما حست عليا بوجوده لأنها كانت سرحااانه علي: الحلو بشوو يفكر؟؟ عليا: هاه ..ولاشي علي كان يتضايق لما يشوف عليا تبتعد عنه بتفكيرها ... واللي ايضايقه أكثر ان اهو عارف بشنو تفكر وحاس بالي ودها تقوله ... بس منحرج يفتح الموضوع بهالوقت !!... عليا : علي علي: عيونه عليا بتردد: الدكتور الي رحت له امس شو قال لك؟ علي سكت بدون اجابه عليا: علي انا أكلمك علي جسمه تعب من التحاليل والعمليات : ياعليا الي يكتبه الله احنا راضين به ... عليا: احنا راضين به بس هذا ترا مايمانع انك تسعى علي بصوت مرتفع : وين اسعي... انتي على بالج انا ماودي في العيال ..انا ودي أكثر منج ..انتي ماتدرين اشكثر انا اتعذب لما اشوف أي ابو مع ولده ..اواشوفج تحملين زايد أواي ياهل عليا خافت ان اتضايقه أكثر وسكتت بدون لاترد علي: انا ادري اني قطعت لج وعد اني احاول ... واليوم اقطع لج وعد ان أي عمليه او أي خطوه ينصحني بها الدكتور راح اسويها ...وانشالله الله يرزقنا عليا أرتاحت نسبيا لكلام علي ..ً ,وباقي كثير من العمليات جدامه.. الا انها كانت تلاحظ نظرات الشك واليأس بعيون علي ..وكانت تحاول بأقصى الطرق انها تزيد من حماسته .. عليا كانت مشتاقة لكلمة انتي حامل أكثر من أي شي في الدنيا وتدري ان الحرمان الي احتل نسبه كبيره اهو السبب في زيادة شوقها ورغبتها لهالكلمة . .................................................. .......... صحت عليا متأخرة اليوم على غير عادتها ..علي ماصحاها اليوم ..لأن ماكان موجود بالأساس من الفجر وهو طالع يقضي بعض أموره قبل لا يروح للشغل ... وام علي ماحبت تزعجها وتركتها نايمة صحت عليا على ضربات الباب عليا بصوت مليان نوم : منوو ...؟ أم علي: أنا .. فديتج عليا نقزت من على السرير وقامت وفتحت الباب عليا: هلا هلا عمووه أم علي: هلا يما.. شفتج تأخرتي .. ما نشيتي قلت أسير أطل عيها عليا: السموحة عموه بس كنت تعبانة شوي أم علي: ما علي يمي كملي رقادج ومانتبهوا الا لما دخل علي الغرفه ..كان واضح عليه التعب ...ولمحت عليا بملامحه نبره غريبه ..وعيون خاطبتها قبل حتى لاينطق باي كلمه .. أم علي بعد ما يا علي ظهرت من الجناح عسب تخليهم على راحتهم وبعد مده من صمت انطقت عليا بصوت خافت: وين ..كنت؟ ولأول مره من تاريخ زواجهم زجر علي وصرخ بعليا : يعني وين كنت ...وين؟؟؟ بالمستشفى اركض لفحوصاتج وفحوصاتي الغبيه .. في اول ثواني وقفت عليا جامده مومستوعبه ان هالشخص الي يصرخ جدامها ماهو الازوجها علي.. بس ليش يصارخ بهالشكل ..رغم ان من بداية زواجهم لحد الأن مافتحت موضوع مرضه الا مرة وحده علي عرف انه تسرع بكلامه وقسى على زوجته الي رغم الهم الي معيشها فيه مانطقت ولاتكلمت ..كانت صابره ومحتسبه علي جرب منها : انا آسف ياعمري بس كنت متضايق شوي علياوهي تحبس الدمعه: أنا..انا ماقلت شي ... علي : انا ادري انج ماقلتي شي وانا الغلطان عليا رغم المها انتبهت لكلمة متضايق الي قالها قبل شوي وسألته بفضول طفولي : من شنو متضايق وردت ملامح وتعابير الألم تزدحم على ويهه ومد ايده داخل مغلف كبير كان معاه وسحب منه عدد من الأوراق علي: هذا هو تقرير الفحوصات ..انا لازم اسوي عملية بهاالأسبوع ..وهالعملية سواء كانت ناجحة اوفاشلة راح تكون أخر عملية لي ... عليا بفزع : أخر عمليه ؟؟؟ علي: اخر عمليه يقدر جسمي يتحملها أويستجيب لها عليا : يعني بعدها ماشي أمل علي:الأمل بالله وبهالجملة الي مليانه تفائل ..والي ظهرت من إنسان احساسه معتوم ومابه أي بصيص من الأمل .. انتهى الكلام بينهم ...بستار من الظلام يتخلله نور ضعيف. .................................................. .......... كــــآآآآآآتـــ. هل تتوقعون علي يوصل لشي..؟؟ وهل عمليهـ علي بتنجح ولا لاء..؟ وعليا بتقدر تسمع كلمه انتي حامل..؟؟ وشو رايكم في البارت..؟؟ |
هذي بدايهـ حياة عليا و علي في شي بيخرب عليهم..؟؟ لاا ان شاء اللهــ و ساره و حارب كيف بجتمعون في غرفه وحده..؟؟ بيتعودون ع بعض وسعاد وينها مختفيه ..؟؟ ماتت ان شاء اللهــ شو رايكم بالبارت..؟؟ روووووعه |
هل تتوقعون علي يوصل لشي..؟؟ هيه وهل عمليهـ علي بتنجح ولا لاء..؟ بتنجح وعليا بتقدر تسمع كلمه انتي حامل..؟؟ هيه وشو رايكم في البارت..؟؟ روووووووووووووووعه نتريا البارت الياي |
كــــآآآآآآتـــ. هل تتوقعون علي يوصل لشي..؟؟ اتوقع هييه وهل عمليهـ علي بتنجح ولا لاء..؟ ان شاءالله بتنجح وعليا بتقدر تسمع كلمه انتي حامل..؟؟ هييه ان شاءالله وشو رايكم في البارت..؟؟ روؤوؤوؤوعة بس مب جنج مايبتي طاري سارة فـ هالباارت هع ع العمووم تسلميين ونترقب البارت اليااي لا تبطيين عليينا |
| الساعة الآن 10:51 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir