منتدى استراحات زايد - (يَ أمَانِينَا مَا عَادينْفّعْنَا صَبرْر .. تعبْنَا ندَوّر لـِ بكْرَا عذرْ ! ,)

البارت ال 17.,
عطيتني أمل اني لك ., دخيلك لا تحقق آمالي لغيري .,
فجيت عيني ., ما شليت اللحاف من على ويهي ., المكان كان برد ., طلعت ايدي من اللحاف ادور على فوني ., افف وينه بعد ., نشيت , و تميت اطالع الحجرة , و شهقت .,
: اناااااا شسوي ف حجرة عمور ., ( و حطيت ايدي على خدي .,)
جفت الساعة ., : باااااااال الساعة 4 ., عفنت انا ., شكثر رقدت ., و محد وعاني .,
تميت العب ب شعري و انا ناشة ., ووقفت دقيقة ., و ر
ديت اطالع عمري ف المنظرة ,: الحين من صدقي انا دشيت و طلعت من الحجرة جي ., ( و رفعت خصلات من شعري فوق ., و تميت اطالعهم ..,,
دشيت الحمام و غسلت ويهي ., و قبل ما اطلع ., تميت اطالع حجرة عمور ., ياي شحياة هالانسان ., كنادير عالكنبة و تيشرتات طايحة ., شليت ورقة من عالارض .,
و تميت اقراها ,, و تميت اضحك .,: خبل ها مب صاحي .,
كان كاتب فيها ( انا عمور غبي مينون ما افهم ., هاهاهاها .,)
طلعت من الحجرة و انا مببتسمة و تميت اتثاوب ., عفان الله بلاي مستوية ارقد وايد .,
قبل ما اطلع للصالة تلفت يمين و يسار ., ما جفت حد ., جان اربع بسرعة صوب حجرتي ,
توني دشيت صالة قسمي ., و ياية ب سكر الباب ., انتبهت لمخلوق فضائي راقد على كنبتي .,
عقدت حياتي ., و سرت جدام الكنبة ., و اتخصرت ., : نعم يعني ,, ايي بابا ,, حو نشش ., كنبتي ما تستحمل .,
عمور راقد مب حاس ب شي .,
شوق تمت تلعب بشعره ., و مطت خشمه ., : هههه .,( اويه بلاي استخفيت .,)
عمور حج خشمه و رد رقد ., : افف ., همم
شوق يابت له لحاف و حطته عليه و دشت الحجرة ., قفلت الباب ., و سارت تاخلها شور .,
.,
.
.
يوسف يالس ., : هاهاها .,
مترف عاقد حياته ., : شو ه الضحكة بعد .,
يوسف : بكيفي .,
ميثا تعدل الاوراق اللي عندها ., : هيه صح بكيفه يسووف ما يخصك .,
يوسف : فديتج .. اكيد كيفي .,
ميثا استحت بس سوت عمرها طبيعية ..: انزين انزين .. يلا العبوا .,
مترف : بفوووز .,
ميثا تلعب ب قصتها : ههههاي .. منجوف ..
يوسف كان يطالعها و هي تضحك ., و كان يراقب كل حركاتها .,
ميثا حست بنظراته ., و صدت عنده : حووه ., شكلك مليت من اللعبة .,
يوسف : ها .. همم هي .,
ميثا :ا انزين يلا بنلعب لعبة الاغاني .,
مترف فر الاوارق ب ويه ميثا : خلونا نلعب لعبة الاغاني .. مابا .,
ميثا معصبة : مالت ... محد قالك العب ويانا .,
جاسم يا من بعيد .. : بلعب .,
ميثا ابتسمت ويا جاسم .,
جاسم يلس صوب ميثا .,
ميثا : يلااا ., يوسف ابدا .,
يوسف : ها .. صووتي مب شي .,
ميثا : اونك عاد ., تححسنا يعني ., نحن نجوم الخليج .,
جاسم : انا انا ببدا .,
ميثا : اوكيك يلا .,
جاسم : احم احم ., كح كح ., احححححم
مترف يضربه على راسه ": قلنا غن ., مب تتحمحم .. ذبحتنا ., خلصنا .,
جاسم: اوهوو يعني الواحد ما يستعد.,
مترف : عدال اسمعوا صوته بس ., البقرة اللي ف العزبة حالها حالك .,
جاسم يعفد على مترف و يزغته : بذبحك .,
مترف ويهه غدا ااحمر : بل بل .. شوه الجاموس .. شلوووه ., كسرلي عظامي .,
ميثا تمت تضحك .. يوسف شل جسوم عنه .,
يوسف : هههههههههه بلاكم انتوا ., يهال .,
جسوم اونه بينقز على يوسف : ياهل ف عينك .,
مترف : هد اعصابك يا ريال ., كرشتك ب تنهي حياتنا .,
ميثا : ههههههه ., ( و تقول بدلع *) فديتني رشيقة .,
مترف : انتي سكتي ام كشة .,
يوسف صفع مترف .,
مترف يطالعه بنص عين : هاذا وانتوا بتلعبون و جي شوي و بتدافنون ., و اذا قلنالكم اضاربوا شو بتسون ., انقول مقبرة تايم على طول .,
ميثا : اوهووو صخوا ., خلاص دوري .,
يوسف تم يسكتهم ., : احم يلا ..,
ميثا : احم احم ., _( مترف مط شعرها .) : بلا احم ولا شي ..
ميثا تسحب شعرها : اخ انزين انزين ., كح كح .,
مترف يمط شعرها : اقولج جب .,
ميثا : اوووف انزين ,.
مترف : يلا .,
ميثا .,تاخذ نفس اونها .,: علمونا هواهم و من هوينا انكرونا ., ما عرفنا اشبلاهم و ليش هم ابعدونا ., كم سهرنا انتريا والامل ما تهيأ., لا خبر ولا رسالة و الفجر بان ضيه .,
يوسف تم فاج عينه .,( صوتها حلوووووووو ., )
مترف اونه يصفق ..: تف عليج تف عليج ., فشلتينا ., (ويسوي عمره يصيح .,) نحن اصواتنا تزيغ .,
ميثا تقرصه : تف عليك انته .,
جاسم : انزين دوري ., عرف الهاء ., امممم هي ., و يلف عند ميثا ., اهداء لناس .,( هذا حالك يا عنيد دايم بهجرك تزيد و انا داري يا حبيبي راح ترجع من جديد .,) و بس .,,خخ .,
مترف : ههههه انا ما سمعت الاا .. امباع امباع امباع .,
جاسم توه بضارب ويا مترف ., جان يزخه يوسف .,: ههه هد اعصابك يا ريال ..
مترف : يلا دوري ., اسكتوا الحين .. فديته صوتي بيطربكم ..حرف الدال ., ايه شو ها ., ماعرف ..,
ميثا : اممم انزين حرف الياء ., الحرف اللي قبله .,
مترف : ايوااا ., اوكيك يلا.. احم احم ., احححححححححححححم .,ههه و نقول احححم .,
يوسف و جاسم تموا يطالعونه ب نظرة .. جاسم ماسك اعصابه و يوسف شوي و بيعطيه بكس يكسر له ضرسه .,
مترف زاغ : بسم الله ., بغني والله العظيم ., اعوذ بالله ., : احححححححححححححححححم ., ( يردووون قلت لازم يردون و ين مني يروحون ., هذا طبع اللي يحبون يردون ., الفراق ويل منك يالفراق تخلي الدمع حراق بالعيون ., يردون ., )
يوسف صفر : ( لانه صوت مترف معروف انه حلو ., ) هههه فديتك بن خالتي ,, تعيبني .,
مترف : احم احم ., عيضة في المستقبل .,
جاسم : ههههههه صدقني يعني ..
يسوف : انزين جب يلا ., دوري ., حرف النون .. ( نآديت وينك وانت قدام عيني و مع كل رمشة عين اناديك وينك .. اسمك كانه كاتبه في جبيني و اسمي كانه كاتبة في جبينك .. و الشوق عندك يشبه الشووق فيني ولا البشر ما في احد مثل زينك .. )
ميثا ابتسمت له .. و نشت من مكانها يوم رن فونها .,
.,
.
.
.
شوق كانت تحط اللمسات الاخيرة .. هه ( كانت لابسة تنورة و قميص ., و رسمت عينها و حطت لها روج .,) طلعت برع ., لبست شيلتها ., جافت عمور مكانه ,. (سارت عنده ) ": عمووور يالدب ., عموووري ., حووو., ياااااسخيف ., عمرررررر .,
عمور فج عينه ., مب مستوعب شي : فديتج ., و رد سكر عينه ورقد .,
شوق ضحكت عليه : يالله نشش ., يلاااااا .., ( و تمت تمط شعره ) .,
عمور فج عينه : انزين .. الساعة كم .,
شوق طالعت ساعتها : 5 ماما ., يلا .,
عمور : هااااااا .. ما اتغديت .,
شوق : طااع ... يفكر ف بطنه .,
عمور يغمز لها : افكر ب شي ثاني بعد .,
شوق ابتسمت ب حيا : انزين يلا نش .,
عمور نش من مكانه : اخخ انزين .. سيري لبسي عباتج .. منطلع نتغدى برع .,
شوق : هههه اونه .,
عمور يصفعهاا كف عالخفيف : والله .. قومي بسرعة اخافج تاكليني ., اسمع بطنج يطلع اصوات .,
شوق : ههههه مادري منو اللي بياكل الثاني .,
عمور : ههههه انزين يلا اشوفج تحت .,
شوق : اوكي .,
.,
شوق نشت تلبس عباتها ,, شلت شنطتها و لبست كعبها و نزلت .,
جافته يترياها ., : بااال مسرع .,
عمور : يالله سرينا .,
شوق ركبت السيارة ., و عمور وياها ., حط لها اغنية ., و يوم وصلوا المطعم .,
دشوا .,
يلست شوق جدام عمور ., و ابتسمت .,
يوم طلبوا و خلصوا ., و تموا يتريون ., يت بنت عندهم ., فاصخة شيلتها و لابسة عباة ., و حاطة فل مي كاب ., : اووه عمووري .,
عمور فج عينه ., : ندىى .,
ندى تسوي حركات ., و تضحك ب دلع : اوييه ., انت وينك ., انا اتصل فيك ما ترد ., يعني شو حصلت غيرنا ., ( وتطالع شوق من فوق لين تحت ) و ترد تطالع عمور .,
عمور : ندى احترمي نفسج ,,
ندي زخت ايده .,: ههه يلا عاد ., عموري ., بتبيعني جي برخيص .,
عمور سحب ايده .,: ندىىىى ارجووج .,
ندى : عموري بلآك .,
شوق كانت يالسة مكانها شوي و بتصييح ., كانت تبغي تنش و تصفع هاي اللي تتسمى ندى ., (كيف تتجرأ ., ) لا مستحيل انا اغار على عمر ., لا .,
ندى سحبت كرسي و يلست عدا

م ل عمور : سوري عالمغثة ., بس يعني ابغي افهم 3 ليش جييه تخليني عموري.,
عمور ماسك اعصابه : ندىىى ., مب وقققته ., و بعدين ( يطالعها بنظرة ) اظن الشباب اللي عندج موفينج حقج صح .,
ندى : عموري انا اباك انته ., ( و تحط صبعها على خشمه ) .,
شوق مرة وحدة نشت ., : انتتتتتي ما تستحين .. افف افهمي يعني هوو ما يباج., قليلة ادب .,
ندى نشت و تمت تطالعها ..: هه .. واي االحين حبيبتي شوق ., ما يخصج ف عموري هو حبيبي و كيفي .. اوكي بيبي ..
شووق ضحكت : ههه على شو انشاءالله .. بيحبج على سواد ويهج .. و يكون ف علمج حبيبتي .. عموور ما يحبج .. ما يحبببج ..
ندى تضحك ب دلع : ههه .. وااي اذا ما حبني انا بيحب منو.. انتي مثلا .,
تلاذ
شوق : هيه انا .. عمور يحبني انا .. واانا احبببههه ..
عموور مب مصدق اللي تقوله شوق ., قال يمكن هي تقول جي عسب تغايض ندى .,
ندى اونه برطمت و صدت عند عمور : عموووري صج اللي تقوله ..
عمور ابتسم : هيه صدقق ., و ابشرج ترا خطوبتنا جريب ..
ندى تمت واقفة و هي معصبة ...: مببب ندىىى اللي تسوي فيها جي يا عمور ... والله براويكم والله ,,( و تسير عنهم بسرعة ,,)
يوم سارت ندى شوق يلست .. و خذت نفس ., ما كانت مستوعبة اللي قالته,, ( شت ..انا شسويييت ., اعترفت ., ) و حطت ايدها على ويها .,
عمور يلس : اسمحيلي شووق .,
شوق شلت ايدها و ابتسمت : ما عليه ., حصل خير ,,
عمور : مادري شو اقولج .,
شوق : لا تقول شي ., انت ما يخصك ., بعدين انت قلت انك ما يخصك ف حد الحين ., ف اتس اوكي يعني .,
عمور ابتسم .,: الحين يعني صدق اللي قلتيه .,
شوق : هههه يمكن .,
عمور ضحك .,: هه
بعدين يابو الاكل ., ., تموا ياكلون ., شووق كانت طول الوقت ساكتة ., ماكانت تعرف شو تقول حست انها تمادت باللي سوته ., بالنسبة ل عمور .. كان وايد فرحان ., و مب مصدق ., و كان حاط ف باله انه راح يخطب شوق .,
.,
.
.,
.
بعد مرور شهرين تقريبا .,
ابطالنا كانوا عايشين حياتهم ف احسن ما يكون .,,
حصة و راشد اتزوجوا ., و زايد خطب علية .,
عمور و شوق حبهم كبر و مازال يكبر مع الايام .,
يوسف و ميثا ., ما استوا بينهم شي ., من يوم ما ميثا طلعت من بيتها يدتها ما ردت ., لانها سافرت ., ف هالشي احزن يوسف وايد ., ( ويوسف رد بريطانيا لابوه ,, )
عارف و مريم ., علاقتهم مثل ما هي ., ما تغيرت .,
.,
.
.
كنت طالعة من حجرتي ., جان اجوف عمور يالس ف الصالة .,
سرت و يلست عنده ., : شتسوي .,
عمور ابتسم لي : ماشي ., يالس اوقع اوراق الشركة .,
هزيت راسه : اهاا ., زين ., ( و نشيت من مكاني ., ) عمور انا بظهر .,
عمور : وين بتروحين ...
طالعته ., : امم بيت ربيعتي امم مهرة ., ( ..
عمور : انزين اتريي انا بوصلج .,
هزيت راسي ., و ارتبكت ., : ها لا .. انا قلت بسير ويا الدريويل ., ما بتأخر .,
عمور : امم اوكي ., سويلي رنة يوم توصلين .,
ابتسمت : انشاءالله ., (
دشيت حجرتي .,و لبست عباتي .,
ركبت السيارة و توجهت للمستشفى الكندي ., ( كنت لازم اجذب ., ما بيخلوني ., )
دشيت المسشتفى ., كنت شالة وياية وردة .,
دقيت باب الحجرة و فجيته بهدووء ., كانت يالسة اهناك ., ابتسمت يوم شافتني .,
كان غالبنها الضعف و التعب ., و مبين عليها آثار المرض .,
سرت عندها و بست راسها .. سحبت الكرس ويلست عندالها ., : مساااء الخيررر ,, فدييت شوفت الحلوين انا .,
ضحكت ., و زخت ايدي ., : مساءالنور غنآتي ., يفدونج و فداج الكون كله .,
ابتسمت .. :انزين .. اهم شي ., شو صحتج الحين ., انشاءالله احسن .,
تنهدت : والله بخير ., الحمدالله على كل حال .,
طالعتها و قلتلها ..: عمو شو قلتي عن موضوع العملية .. انتيه لازم تسوينها ., قبل ما ينتشر ..انتي الحين ف بداية المرض الحقي على عمرج .,
طالعتني و بانت بويها نظرة حزن : مادري .., انا قلت لهم موافقة ., ولا جان انتي ما اقنعتييني ما رضيت .,
زخيت ايدها : انزين ., دام جي ريحتيني ., بعدين اانا بتم وياج اليوم ., ربيعتي مهرة بتغطي عليه ,,
مزنة تنهدت : ماله داعي .. انا بخير فديتج ., بعدين ., انا للحين ماعرف كيف اشكرج .,
ابتسمت لها : مهما استوا عمو ,, ترا الانسان يغلط و الشيطان موجود ., و دام اني انا بخير وانتي بعدج عايشة ., نقدر نغير كل شي .,
مزنة رصت على ايد شووق ., و تمت تصيح .,
شوق حضنتها ., و شلت صصينية الاكل عسب تأكلها .,
.,
.,