منتدى استراحات زايد - لك ٌ فز ُ قلبي َ فزة ٍ تسبقّ الصوتٌ وأسرعٍ منَ الصاروخّ حزةٌ مطيرهً

البارت ال 7

‎أتركنے للذيابة ۆ إنثر قلبيۓ حطام
‎ۆ أنسے جروحن توالدت فينے بسبتگ

فطامي : نعععععععععم ؟ ماخبرونا ان بيسافرون
اليده: برايهم معاريس خلوهم يستانسون
محمد: انت شدراك ؟
احمد: انا موصلنهم
ميثه: مولت عليهم لو شلوني ويااهم
احمد*ابتسم بدون نفس* : ممـ انا بسير ارقد تعبان ’ تصبحون على خخير
*محمد لحقه و دخل و سكر الباب*
محمد: ماتقولي ليش انت مب ع بعضك
احمد *غمض عينه * : يعذبها حمود يعذبها
محمد: شدراك
احمد: تراااااني كنت عندهم فالشقه
محمد: استهدى بالله ي ريال , بو شهاب فديتك انساها
احمد :انساها ؟ ماقدر حمود ماقدر
محمد: بتقدر بس انت قول ان شاء الله
احمد: ان ششاء الله
.
.
.
بعد يومين
ف النمسا \ مدينه العشاق /
سالم : اممم تراني خست من المطر , مابتخشيني وياج تحت المظله ؟
نوف: امممـ خذها , ماباها
سالم: عافانا الله , شو بيستوي لو كنتي حذالي
نوف ماردت عليه
نوف: ابا ارد البيت بردانه
سالم فصخ جاكيته و عطاها ايياه
.
.
.
عمر: ياهووووو , طفشان ملان , قومو نطلع
ميثه: فديت اخويه الي بيطلعنا يمشينا شششوي
شما: عفيه بن عمي ., نبا نححوط
عمر نش من مكانه
عمر: خلو بن عروه يوديكن
طلع عمر , يلس فالحوش يتعبل فالفون
مبارك : مممم , انا بوديكن وين تبون ؟
منصور : هييه انا وياه بنوديكم
البنات : يسسسسسسسسس
مبارك : ها الريم , وين تبين تسيرين ؟
ريم : مممممم والله ي بروك , ماعرف اي مكككان تبونه
مبارك: اصصغر عيالج بروكك
ريم: ههاي كيفي
منصور : جب انتو , المييير فدييتج , وين تبين تسيرين ؟ اختاري انتي بس
ميره * احمر ويهها*: اي مكان تباه
منصور : ياا وييييييييييل حالي انا
فطامي : افففففف , بتودونا و له لاااا
منصور: بنودييج يالدفششه بنوديج
مبارك: يلاا سيرو تلبسو , و الي بتتأخر بنسير عنها
.
.
.
نرجع ٌ لمدينه ً العشاق ً
نوف ماسكه الكنترول و تقلب فالقنوات
سالم: نوف انا يايبنج هني عسب اخبرج ششي
نوف بإستغراب : قول اسمعك
*ودرت الكنترول و جابلته *
سالم: ماعرف كيف أبدأ , بس ... *نزل راسه*
نوف: شفيك ؟ كمل ؟
سالم: نوف انا احبها , مابا اظلمج وياي .. . يمكن تلقيين احسن مني , بس انا و انتي مانصلح لبعض
نوف انصصصدمت و تمت ساكته
نوف: زماني قد حكمني بالاتعاس ولي علي انسان ضايع ضميره
كنت احسبه طيب و قلبه من ألماس و اثره شبيهن للوحوش السعيره
*نششت من مكانها و هي تمسح دمعتها و طلعت من الفندق*
نزلت تحت تتمشى , سالم كانت يشوفها من الدريشه
سالم : آآآه ي نوف , حبيتج والله بس جد مابا اظلمج وياي , اححب العنود
و مابا اشوف غيرها , الله يهنيج , يمكن تلقين الي احسن عني ,
.
.
.
أحمد: عمور مارمست اختك , ما اطمنتو عليهم
عمر: لا ما رمسناهم , ماعندنا ارقامهم , المفروض هم يدقون
اليده: معاريس معاريس خلوهم يستانسون
ام منصور: معاريس بس هب ينسونا
بو منصور: قلبي مب مرتاح ,
أحمد غمض عينه بقوه
.
.
نوف راحت للبارك القريبه من الفندق و يلست تحت شيره (شجره) هـ’ع
نوف: ليييش سالم لييش , ليش جججي ؟ أنا في شو قصرت , تحملت كل شي عشانك
آخرتها ماتباني , >< لا تكككون اناني ي سسسسسسسالم >< ليش تفكر فيك و فيها بس لييييش ؟ كيف اكمل حياتي كييييييييف ؟ >< ><
.
.
.

نوف ردت الفندق
شافته يالس عالغنفه
مشت صوب الدريشه و هو يطالعها و ساكت
نوف: اناني ي سالم , عمرك مابتفكر فيني .. كيف اكمل حياتي كيف ؟
بتخليني علج في حلوج الناس , مطلقه , هه نوف مطلقه * و ترد تعيدها *
سالم غمض عينه و تنهد
نوف دمعت عينها
سالم: ي قلبي لا تبكي على ضيم حالي , انسسسى ترا مالك رجججا
نوف : سالم طلقني الحين
سالم: ... .. . .
نوف: الحححححين ! و سير للعنود انفذ لها , ماباك
نوف بإنهيييييار : عافككككك الخاطر سسالم عافك الخاطر , طططلقني
سالم *غمض عينه و تنهد * : بطلقج نوف بطلقج , بس خلينا نوصصل البلاد و يصير خخير
نوف خلته و راحت للغرفه و قفلت الباب
.
.
.
عمر : رقم من برا , يمككن المعاريس
عمر : يا مممرحب الساع
*كل العيون عليييه , و خصوصا احمد *
نوف: عمور فديتك لا تقول ان هاي انا , مابا ارمس حد
عمر* استغرب* : مرحب الساع بو عسكور , شو الاخبار ؟ وينك مب مبين ؟
احمد تنهد , يوم عرف ان مب نوف المتصله
احمد طلع الحوش و طلع عمر وراه و هو يرمس نوف
عمر: ششفيج ؟
نوف: آآه ي عمور , يعذبني عمر يعذبني
عمر: ليش سافرتو فجأه بدون ماتخبرونا ؟
نوف: هه , سافرنا عسب يخبرني ان هو مايياني و ان يباا يطلقني , عرفت لييش ؟
عمر انصدم و غمض عينه بقوه , ماقدر يرمسها فر الفون ع احمد الي كان يطالعه بنظرات حزينه
نوف: عمر حبيبي وياي ؟ لا تكدر عمرك , اذا انا الي بتطلق مب مكدره عمري هالكثر , عافه الخاطر و الله
احمد: شفيج يالقلب ؟ صوتج متغير , بيطلقج الحقييير ؟
نوف: أ أ أ . .. . أحمد ؟
احمد *يتنهد*: هيه احمد
تمو ساكتين
احمد: آآه ي نوف ,
نوف: صاير كلامك غير . . و احس بصوتك تعب , احس منته بخير , الظاهر انك تحب ! !
أحمد: خليها على االله , متى بتردون بالسلامه
نوف: لو بكيفي جان االحين انا فالبلاد ,
سالم يرمسها من ورا الباب: رتبي الاغراض ترانا باجر الصبح راادين البلاد
نوف غمضت عينها
نوف: احمد بسكر انا الحححين , ان شاء الله باجر نحن عندكم
احمد * حس براحه شوي * : اي وقت ؟
نوف: طيارتنا الصصبح , يعني قول عالعصر نحن هناك
احمد: ممم انزييين يوم تركبون الطياره طرشي مسج حق عمور
نوف: اوك
احمد: الله يحفظج
.
.
بالباجر
فالطياره
نوف يالسه صوب الدريشه و تطالع برا
سالم يالس حذاالها و راد راسه ع ورا و يطالع فوق و يفكر
كانو طول الوقت ساكتين و محد رمس الثاني
.
.
وصصصلو البلاد , عمر كان ياي يشلهم و وياه احمد
عمر جججدام و حذاله احمد و ورا سالم و نوف
محد رمس أبدا , غيير فالمطار الحمدالله ع السلامه الله يسلمكم و هيك
غير جججي مارمسسو
سالم استغرب الوضع و في خاطره يعني اكييد مخبرتنهم
وصصصلو البيت
وكانو كلهم فالخيمه متيمعين يتريونهم
دشو عليهم , نوف على طول سارت حظنت ابوها و صصصاحت
بينما سالم سلم ع يدته و امه و ابوه و تم موطي راسه
بو منصور : هاي سواه تسويها ي سالم , هي مب غريبه هي بنت عمك , و جي تسويبهاا لو كانت غريبه شو بتسسسوي
اليده: افا و الله افا , ماهقيتها يالهرم , سير عند الوصخه الي تحبها
بو منصور : نبا طلاق بنتنا الحين
كل الموجودين عيونهم على سالم
بو منصور : الحين !
سالم: نوف انتي ... طالق
بو منصور : بالثلاث
سسالم * بلع ريجه* : طالق .. . . . طالق
نوف طلعت تربع و دموعها تتطاير
*طلع بو منصور من الخيمه و وراه ام منصور و عمر و احمد*
اليده : لا حول و لا قوه الا بالله * نشت و مسحت ويهها بكفوفها *
فطامي طالعت اخوها بحقاره و طلعت ورا يدتها
البنات يالسسات و صصاخات محد يرمس
طلعو من الخيمه
منصور انهد ع الارض و غطى ويهه بكفوفه
عمر متساند عالايدار و موطي راسسه
احمد متبهدل ششكله ,
كلهم كانو يالسين فالميلس
ماعدا سالم و نوف
سالم للحين فاالخيمه
نوف في حجرتها
بو احمد : قضااء و قدر , قدر االله ما شاء فعل , ,اسستهدو
بو مبارك واايد متلوم من اخوه و بنته , مب قادر يحط عينه بعين اخوه
بو منصور : بو مبارك , لا تتلوم الغالي .. خيره خيره
حاله صمت احتلت الكل , احتلت تفكير الكل , كلهم حاسين بغصه و حرقه و دموعهم تذرف و يمسحونها و ترد تذرف

الله اكبر الله اكبر
الله اكبر الله اكبر
اشهد ان لا اله الا اللله
اشهد ان لا اله الا الله
اشهد ان محمدا رسول الله
اشهد ان محمدا رسول الله
حي على الصلاه
حي على الصلاه
حي على الفلاح
حي على الفلاح
الله اكبر الله اكبر
لا اله الا الله

كل واحد سار لبيته يصلي ,
نوف كانت في كل سجده تنهار
والبنات ينهارون معاها

خلصت صلاه و رفعت ايدها
نوف: يارب
مسحت ع ويهها
اللهم اني عبدك و ابن عبدك و ابن امتك ناصيتي بيدك ماضا في حكمك عدل في قضاؤك أسالك بكل اسم هو لك سميت به نفسك او انزلته في كتابك او علمته احدا من خلققك او استاثرت به في علم الغيب عندك ان تجعل القرأن الكريم ربيع قلبي و نور صدري و جلاء حزني و ذهاب همي
اللهم آمممين

‎ۆ بعثرنے بكلمة تغنے عن ڳل الكلام
‎ۆ قلے م̝نُ شأنے يعلنے مآ̲ أقصر عليچ