منتدى استراحات زايد - ..{ ما هقيتے أכּ الهوى عذبے .[قلوبے الرجالے --« .. بقـلم [ فنون الغدر ]

][ البارت 13 ........]×

..
..

[ البارحه يوم الخلايق نياما ,, فيحت من كثر البكى كل مكنون ,, قمت اتوجد له وانثر علاما ,, من موق عيني دمعها كان مخزون ,, ولي ونة من سمعها ما يلاما ,, كني صويب(ن) بين الاضلاع مطعون ,, في ساعة قل الرجا والمحامى ,, في وقتها كل المخاليق يوقفون ]

فيوم الأربعاء وأول ايام العزا .. كل( ن) تايه بتفكيره .. كل(ن) تشتت بعقله .. كان حميد أكثر من تأثر بموته .. حتى انه ما قدر يتحمل لحظه وحده فالبيت .. فظهر واتوجه لمكانه المفضل .. للمكان اللي تعود فيه يفضفض همومه واحزانه .. اتوجه للبحر .....

حميد والهوى يداعب شعره اللي كان طايح ع عينه ودمووعه سابقة كلامه [ ليش يا يدي ؟!! لييش رحت وخليتني ؟!! هذا وانا بامس الحاجه لك !! ااه .. حرام عليك يدي .. ارجع .. ارجع وانا اوعدك انسى الهام وارضي علي واسوي اللي تبيه .. بس ارجع واوقف وياي .. ااااه يا قلبي .. ما بقالي شي يستاهل اني ابقى عشانه .. قلبي ووقفت نبضاته من فراق الغالي .. الهام .. واتخلت عني .. علي وهانت عليه العشره .. شو بقالي بدنيتي !! قهررررررر .. والله قهرررررررررر والله قهرررر ] وهني تم يزعق حميد بصوت عالي : ليييييييييييش ؟!!! ليييش حياتي كلها نكد فنكد .. ليييش كل اللي احبهم خلووني .. لييييييييييييش ؟!!!! .. وتم حميد يدق ايده بالصخره اللي كانت حذاله وهو يزاعق .. على امل انه يطلع كل حزنه وحرته فهالصخره .. بس بدون فايده .. وهني ما حس بعمره الا وايد حد على جتفه : اهدى يا حميد .. اهدى .. وش يفيد البكي الحين ! انت ادعيله الحين .. تراه بامس الحياه لدعواتكم ...!

حميد ( ويحاول يميز الصوت وبنفس الوقت منصدم ) : علي .......!!!!!!!!!!!!!!

علي : هي علي يا اخووووي .. علي

حميد ( اللي قام من مكانه وتم يحضن علي بقوه ) : راااح الغالي يا علي .. رااح ..

علي ( واللي نزلت دمعه من عينه .. لانه رابي ويا حميد .. ووايد يعز اليد ) : الله يررحمه .. ياخوي الحين مفروض تدعليه .. لا الكلام بيفيدك .. ولا الدمووع بتردلك الغالي .. هذاا يومه .. وهذا المكتوب .. ولا حد فينا يقدر يغير المكتووووب ...!

حميد ( زادت دموعه ) : انت وينك عني ياخوووي ؟!! كان كل همه اني ارضيك !

علي : هذا انا وياك يارفيق الصبا .. وماراح اخليك .. خذ هالكلام مني وعد ..

..
..

فبيت ابو سعود

الاصوات والصريخ من كل مكان .. جواهر والريم فحاله لا يرثى لها ..... اما فاطمه فهي كانت ساكته ما نطقت بولا كلمه من وفاته ... والشوق .. كانت تنووح وتصيح من غير صوت ..

فغرفة الريم كل البنات متيمعين ..

شوق ( اللي كانت تحاول تهدي الوضع ) : الله يهداكم .. خلاص مب زين اللي تسووونه .. (ووجهت نظرها لجواهر اللي من درت بالخبر وهي تصيح وتصارخ ) جواهر حبيبتي بسج صيااح .. لا تعورين قلبنا ..

جواهر : ما تبوني اعور قلووبكم ! .. وانا !! وقلبي !! انا قلبي خلاااص .. راااح وياه .. ويا يدي اللي خلاني برووحي .. محد فيكم كان يحبني .. محد ... هو الوحيد اللي كان يحبني .. وينصحني ويخاف عليه .. ولا انتو عمركم ما سألتو عني .. او اطمنتو علي !

شوق : انتي من لاعب بعقلج ؟!!

الريم ( اللي كانت تصيح ) : حرام عليج جواهر .. انتي تعرفين ان كلنا نحبج .. ونخاف عليج ..

جواهر : لا مااا اعرف .. ماااااااااعرف ( وتمت تصاارخ ) مااااااا اعرف شي .. انتو ما تحبووني .. ما تحبووني ( وما حست جواهر بعمرها ]..

شوق : جواااهر !! .. جواااهر .!! فاطمه سيري الحقي .. ازقري أي حد ..
فاطمه ( متصنمه فمكانها وفاجه عينها ع الاخر .. منصدمه من اللي صار توه )

الريم : اوووف انا بسيرر ..

بعد ما سارت الريم تمت شوق يالسه ويا جواهر تحاول تقومها .. بس ماشي فايده .. لين الكل تيمع .. الحريم كلهم يو فوق من خبرتهم الريم .. وودووو جواهر المستشفى .. اللي طلع فيها جفاف وفقر دم .... والكل من سمع الخبر في اللي يا المستشفى وفي اللي بروحه فحاله لا يرثى لها .. وبعد اسبوع تقريبا ظهرت جواهر من المستشى وعلى هالحالة مررت ثلاث شهور .. البعض قدر ينسى .. و اللي يحاول يتناسى .. وفي اللي ما قدر يشل اليد من باله لحظه ..... مثل جواهر وحميد .. وفاطمه اللي زادت فيها العقده .. في البدايه ابووها خلاها .. والحين ابوها الثاني ( يدها ) .. كانت صعبه عليها .. اما حميــد فهو اللي مافارق علي لين ملج على بنت عمه .. وجواهر ظلت تعاني بروحها هالمأساااة .. من وفاة يدها وهي دومها مكتئبه وزعلانه لين قررت فيووم انها تسير عند فاطمه اللي لين الحين الصدمه مأثره فيها ..

..
..

فبيت ابو صقر

صقر يالس ويا مرته فالصاله ووياهم ام صقر ..

ام صقر : انا تعبت يا صقر والله تعبت .. هالبنيه موول لا ترمس لاتااكل .. ولا تشرب ..

صقر : الله يرحمه .. كيف كان له معزه عندنا .. تعرفين بعد يا امييه مب شوي .. قبل ابويه والحين يدي

شوق ( تتنهد بحزن ) : لا حول ولا قوة إلا بالله

وهني يقطع ع سميتهم صوت الجرس ..

بس يعقوب يا يررركض عشان يفتح الباب : انا .. انا بفتح الباااب ....... لحظه ..

وبعد ما فتح الباب يعقوب تم متصنم فمكان !!

ام صقر : منوو عند الباب يا يعقوب ؟!

وبعد ما دخل : انا يالغاليه ... انا اخوج مرواان

صقر ( منصدم ) : مروااااان !!

ام صقر ( دمعت عينها لا إرادي ) : انت لك ويه ياي هني بعد

مروان ( اللي طنش اخته ) : عظم الله اجرك صقر .. انا من يومين بس عرفت ..

صقر ( منزل راسه ) : اجرنا واجرك .. يزاك الله خير

شوق (ما عرفت موقفها من الاعراب ) : انا استأذن ..

وبعد ما راحت شووق ع طول سار مروان صوب اخته وباسها على راسها وهي صاده عنه الصوب الثاني ..

صقر : اتفضل يا اخوي .. ليش واقف ؟!!

مروان : زاد فضلك .. فيك الخير .. بس ابغي اشوف فطيم ..

ام صقر ( بقسوة متصنعه ) : الباب على يميينك

صقر : امييييه !!!!!!

مروان : ماعليه يا صقر .. انا مالي مكان هنييه .. خلاص انا بظهر .. بس قولو لفطيم اني كنت هنيه .. وصلولها سلامي ..

صقر : الله يهداك يا اخوي .. وين رايح ؟!! تعال انت شوفها بنفسك ..

ام صقر : واللي يقول ما بتشوفها ؟!! ولا بييها منك سلام ولاشياته .. ويالله برررررررع .. ما ابي اشوفك مره ثانيه .. تسمع !

مروان : الله يسامحج على كثر ما ظلمتيني .. الله يسامحج

وهني جنه الكلمه هزت مشاعر ام صقر .. بس بعد داست ع مشاعرها .. وكتمت دموعها : الله وياااك !

طلع مروان من الباب وفنفس الوقت كانت جواهر يايه .. اللي اول ما شفته كانت ردة الفعل وحده .. انصدمت .. : أ.أأأ.. مروااان ؟!!

مروان ( اللي كان معصب ومفوول ع الاخر .. ما رد ع جواهر .. ولا حتى صد صوبها .. على طول كمل طريجه وركب سيارته .. وعطااه رييس ..

جواهر ( مستغربه ) : ويين يبااا ؟!!!

وبعد ما دخلت جواهر .. وسلمت ع الكل .. ع طول توجهت لفطيم اللي كانت فغرفتها كالعاده ..

جواهر : اشحالج فطوووم ؟؟

فاطمه تأشر براسها هيه يعني زينه ..

جواهر : تعالي بسألج .. شو كان يسوي عندكم مروانوووه ؟!!!

فاطمه( ولأول مره يطلع صوتها من بعد وفاة يدها ) مرواااااااااان ؟!!

جواهر : باسم الله عليج .. هيه مروان .. توه وانا يايه شفته طالع من بيتكم وهو مفووول ومحرج ع الاخر ..

فاطمه ( دمعت عينها ) اكييد ما خلوه يشوفني ؟! اكيد امي طردته !!!

جواهر ( مستغربه من فاطمه .. اللي صايره رقيقه زياده عن اللزووم ) : ما يندرى فيه والله ..

فاطمه : يايبه مبايلج وياج ؟!

..
..

كان حميد يحوط بسيارته .. تعود من وفاة يده ابد ما ييلس فالبيت لان كل ركن فالبيت يذكره فيه .. تم يحوط ويحوط .. ولا حس بعمره الا وهو جدام بيت علي .. تم واقف بعيد شوي يتأمل البيت .. يتذكر يوم وصل الريم ولمح وحده صوب الباب يوم لمح الهام صووب الباب .. وابتسم على هالذكرى .. وفجأة انتبه لبنتين يظهرون من البيت الهام وكانت وياها وحده( واقلبي .. اشتاقت عيني لشوفتج يا الهام وهذا انا قاعد اشوفج .. ] طرا على بال حميد انه يلحق وراهم ويعرف وين بيسيروون .. ع الاقل يملي عينه بشوفتها لو للمرة الاخيره .. بس على طوول اتذكر يده وكلامه .. واتذكر علي اللي بالزوور رضا عنه .. وعلى طول شغل سيارته وغير مساره ... حااول يبتعد .... يبتعد على قد ما يقدر .. بس مالقى مفر .. الهام دايم فباله .. ياما خدع عمره بانه نساها ولكنه يتناساها .. وعلى هالتفكير تم حميد داق خط لمدة ساعة ونص لساعتين تقريبا ولا حس بعمره الا ولافته جدامه ( رأس الخيمه ) : خييييييييبه انا شو وصلني راك !! الله يسامحج يالهام ..

..
..

فالمول كانت الهام تتمشى هي وبنت عمها مهره فالمول .. تمو يتشرون اغرااض وملابس ..

مهره : ياااي .. اقولج الهامي .. طوفي نتعشى هنيه ..

الهام : ابييه .. ما خبرت ابوويه ولا علي ..

مهره : سيري لااه .. عادي انتي ويايه الحين ..

الهام : برايج .. سرينا

وفجأة وهم يمشون ... الهام شقهت شهقه لدرجه ان في اثنين كانو طايفين حذالهم واحد منهم قال : وافديتها يا ربي .. والثاني : باسم الله عليى قلبي

مهره ( اللي سوت طاف ) : بلاج الهام ؟؟؟

الهام : راشد هنيييه

مهره : راشد منوووووووه ؟!!

الهام : هاللي يبي ياخذ مكان حميد فقلبي .. ها ربيع علي اللي خاطبني

مهره : اله يخسج .. حلوووو ..

الهام ( منقهره ) : صدق انج متفيجه .. تبيه ؟!.... حلال عليج ..

مهره : يا ربييه منج .. محد يسولف وياج !

الهام : زين طوفي .. ولا ما تبين تتعشين ..

مهره : شوفي شوفي راشد يطالعج ...

الهام : روووحي زييييين .. اوووووووووووف

مهره : والله انج ....

الهام ( اكتفت بنظراتها لمهره )

مهره ( تحاول تراضي الهام ) : وااافديت هالنظرات انا

الهام : هممم جان تبين تراضيني .. ابا منج خدمه ؟؟؟

مهره : ااامري الشيخه الهام ..

الهام : هممممم يايبه بطاقتج الثانيه ..

مهره : هيه شو تبين فيها ..

الهام ( وفيها غبنه ) : بسمع صوته بس .. دخيييلج .. ارحميني والله بمووت

مهره : انزين بس مووهني .. يوم بنروح البيت

الهام ( تحاول تخمي حزنها باتسماتها العذبه ) وافديت روحج انا ..

مهره : يا ربي شوفي هالبنيه .. سو كيووووت ..

الهام : وين ؟؟

مهره : هاييج اللي ياسه تصيح صوب محل زارا

الهام : اطاع المتفيجه .. اوونه سو كيووت .. هاي شكلها ضايعه عن اهلها ..

مهره : يا حرااام .. طوفي نروحلها ..

وبعد ما سارولها .. نزلت الهام لمستوى البنيه : شووفيج حبيتي ؟؟
البنيه تمت تصيح ما ردت عليهم

مهره اللي تدخلت فالموضوع : حبيبتي ويا منو يايه ؟؟؟

البنيه : منصور .. خلود

مهره (اللي سمعتها خلود يعني بنيه ) : انزين عطيني رقم خلود

البنيه : *******050 ..

مهره : الوووو السلام عليكم ..

وبصوت رجالي : وعليكم السلام والرحمه ..

مهره : هممم هذا مب تلفون الاخت خلود ..

وبنفس الصوت : هههههههههههههههههههههه .. الغاليه .. متأكده تبين خلود .. ولا خالد !

مهره ( اللي قفطت وتحاول تيغر الموضووع ) : هممم انتو عندكم بنيه ظايعه فالمول !

خالد : همممم اكيد وياكم نورة ..

مهره : اخوي نحن صوب محل زارا .. البنيه من متى وهي تصيييح ..

خالد : ثواني ونكون عندكم

مهره : الحقي الهام .. ويهي يعورني .. اهئ .. طلع واحد ..

الهام : هههههههههههههههههه

بعد لحظات وصل واحد غرشوب ووياه اخوه اللي اصغر عنه واول ما شافته نورة ع طول ركضت وتمت تحضنه .. وعقبها لاحظت مهره انه كان جنه يدور من بينهم اللي رمسته فالتلفون ..

خالد : هممم ااسمحولنا ع المغثه ..

مهره ( ما عطت الهام فرصه ترد ) : بالحل .. يالله نرووح ..

خالد : اووه عيل انتي اللي خليتيني الاخت خلود ها خخخخخخخخخخ

مهره ( متلومه ) : خير تفعل .. شر تلقى ..

خالد : اسمحيلنا الغاليه .. نسولف وياج بس هههه

الهام : يالله يا مهره .. تأخرنا ..

مهره : يالله ..

وبعد ما ساروا .. مهره والهام .. ما مداهم يتعشون فطلبو تيك اوي .. وفالبيت وهم ياكلون ..

الهام : يالله طلعي البطاقه .. بسرعه بس ابي اسمع صوته وبسكر ..
مهره : اووووف .. هاي اللي قبل اونه اكرهك وما ادري شو

الهام : بليييز مهاري ..

مهره ( وبعد ما طلعت البطاقه من شنطتها ) : ها خذي .. بس ها مب تتهورين ...

الهام : انزين

وع طوول دقت ع الرقم

حميد : الووه ..

الهام ( دمعت عينها ) ...............

حميد : الووووووه .. الوووووه ( وهني حرج ) اووووف .. حركات شباب عمان هذي ترا ما احبها .. وعلى طول سكر التلفون .

الهام : يا ربيييه .. يا ربي شكثر معذبني هالانسان ! اه ( وهني تمت تصيح ]

مهره : يا ربي منج .. انتي اللي يبتيها حق عمرج .. المهم يالله تعالي اتعشي

وعلى هالحال مررر اليوم

..
..

وعلى تغاريد العصافير فصباح اليوم الثاني قام حميد وهو مو مستوعب اللي يصير ( وابوويه .. وين انا ؟!! ليش انا راقد بالسيارة ) وهني تذكر كل اللي صار البارحه .. وبعد ما شاف مبايله قا 4 ميسيد كول من صقر و2 من محمد و1 من سعود ...... [ يا ربيه هاييل شو يبون .. خلني ادق لصقور .. )

صقر : انت ياللوتي .. جي ما ترد .. شو عندك هااه ؟!!

حميد : داقلي من صباح الله خير عشان تقولي هالرمسه ؟!! شو عندك ؟

صقر : خخخخخخ .. وينك يا ريال .. وحشتني سواليفك ..

حميد : شو هنيييه ؟! وحشتني سواليفك اونه ههه

صقر : رووح زين قولي وين انت .. عشان اييك ..

حميد ( يستنذل ) فرااك . يالله تعال ههههههههههههههه

صقر : الله .. حسيبك الله .. شو مودنك راك ..

حميد : نغير جووو .. يالله لاه .. تقول بتيني عيل ..

صقر : والله انا تمام .. العلووم صوبك ؟

حميد : خخخخخخخ لواته والله ..

صقر : بركاتك يا ولد العم .. افا عليك انت بس .. اعجبك ..

حميد : المهم يالله اجلب فيسك .. وراي دررب انا ..

صقر : ع وين ناوي بعد هالمره ؟ خخخخخخخ

حميد : هـ هـ هـ ع المريخ .. اجلب ويهك .. يالله ياي دار الحي انا ..

صقر : يالله عيل نترياك ..

حميد : فمان اللهـ

بعد ما سكر حميد عن صقر طرا عباله رقم امس .. هممم معقوله تكون الهام ؟!! لا لا مستحيل .. مستحيل تكون الهام ؟!! بس انا بعرف .. ولو طلعت الهام ! يعني هي تحبني .. يعني بعدها تحبني !!

..
..

][ البارت 14 ...........]×

[إن كـنــت تنشـــد يالمسـيكـــي ,,, عــن الحـــال مــالــي عــلـى ,,, كتمانــهـا عـنـك ,,, حيـلــه الصــبر عــن بـــوح الاحاسـيــس ,,, قتــال والـبوح فــي بعــض المــواقــف ,,، فشيــلـه لـــو كـل مايطـري علـى البـال ينقـال ماكـان شفـت ان الثقيــلـه ,,, ثقيـــلــه ابطيــت اكافــــح ضيـقـــة الـبـــال بالـبـــال وادفــــع بـــــلا ,,, هـــاجــوســـهـا كــــل ,,, ليلـــــه ]

بعد ما سكر حميد عن صقر طرا عباله رقم امس .. هممم معقوله تكون الهام ؟!! لا لا مستحيل .. مستحيل تكون الهام ؟!! بس انا بعرف .. ولو طلعت الهام ! يعني هي تحبني .. يعني بعدها تحبني !!وهالشي اكيـــــــــد

..
..
..

فبيت ابو سعود .. فالصاله .. كانت يالسه ميره ويا ولدها محمد اللي تسمى باسم اليد رحمة الله عليه .. وكانت يالسه الريم وجواهر .. وسعود اللي كان توه ياي من الدوام هو وابو سعود .... اما ام سعود فهي كانت تعابل الغدا ......

ميره ( تداعب ولدها ) : وافديت حمودي انا .. حبيبي .. قمر .. قمر ماشالله على امه

جواهر ( حايسة بوزها ) : قالوها القرد فعين امه غزال ..
سعود : اييه عن الغلط .. ولا لسانج هذا بقصه انا

الريم ( اللي اول مره توقف بصف جواهر ) : لا فديتكم .. ما قالت شي الجوهر .. اصلا ماشي احلا عني انا وجوهروه فالبيت ..

جواهر : ههههههههههههههههه تعجبيني يالخويه ..

ميره ( تضحك ع خبالهم ) : حرام عليكم .. فديته والله .. لا تعيبوون ع ولدي ..

سعود : ما عليج حبيبي ولدج هو الحلا كله .. ما عليج منهم

الريم : عن اقتنع بس .. جانه هو الحلا كله هههههههههههههههههههههههه

جوهر : كدينا خخخخخخ

فهاللحظه يدخل محمد ووياه يوسف البيت

وبعد السلام

محمد : ها اشحالكم ؟؟ اعلومكم ؟؟

جواهر : تعال حمود تعال اقرب .. بس غمض عينك ها عن تحسد ولد اخويه

محمد : قالت حمود قالت .. العب وياج فالسكه انا !

الريم ( حست بزعل ميره .... وابويه .. ميروه شكلها زعلت ) : مياري فديتج .. نسولف وياج ترا .. لا تحزين فخاطرج

جواهر : نسولف وياج اونه .. اطاعي ويهه اول خخخخخخخخخخخخخخ

يوسف ( وهو يأشر ع جواهر ) : هاي بعدها ع عبطها ! خخخخ

ميره ( قامت ) : عن اذنكم

سعود ( حرج ) : تعالي ميره .. يلسي .. وين رايحه !

ميرة : الظاهر انا مالي مكان هني ..

جواهر ( استانست ..... يس هذا المطلوب ) : كح كح .. جنه المكان بينور

يوسف ( يساسر جواهر ) : جوهر بلاج يالسوسة ؟! حرام عليج !

جواهر ( تساسر يوسف ) : مالك خص .. بخبرك عقب ..

سعود : هذا وقته انتو تتساسرون هنيه .. طوفي مهره خلنا نروح .. مالي قعده هنيه انا بعد :@

وهني وتوهم رايحين والا اتي ام سعود

ام سعود : ها فديتكم .. وين ؟!! تعالو بنجب الغدا ؟!!

سعود( لاحظه ان ميره مالها خلق ) : فديتج امي خل الشغاله اتيبلنا الاكل فوق ..

..
..

كانت مهرة يالسه ويا الهام فغرفتها اللي كانت بايته عندها .. كانو يسلفون حزتها بشتى المواضيع .. ما خلو شي ما رمسوا عنه .... لين قطع ع سوالفهم تلفون مهره ...!

مهره : ويدي .. الهامي .. رقم غريب ....!

الهام : ابيه .. لا تردين .. اتحملي بعد مافينا ..

مهره : سيري لاه .. اتشوفينها وحده من الربع .. خلني ارد

الهام : مهرووه .. لو وحده من ربيعاتج بتطرش مسج .. لا تردين احسن

مهر ه ( ما عبرت الهام ) : الووووه ..

***** : مرحبا بك ياللي شاغل(ن) قلبي وفكري عن الناس

مهره ( مستغربه وبنفس الواقت خايفه ) : .........!

***** : اشحالج مهاري ؟!!

مهره ( زادت بها الصدمه ) : أنت منوه ؟!!!!!!!!!

****** : أفا والله افاااا .. نسوونا نسووونا .. ما هقيتها منج ..

مهره : اقولك هالحركات انا ما احبها

***** : لا هي اللي تحبج فديتج ههههههههه

مهره : تباني اظحك يعني !! ما يظحك والله .......! ع العموم يالله باي ..

****** : لحظه .. لحظه .. ما تبين تعرفين منو انا .!

مهره : ................!

****** : وياج خالد يالغناهـ .. الاخت خلود هههه ..

ميره : أنت !

خالد : هيه انا !

ميره ( انقهرت ) : نعم اخ خالد ؟! في شي ....! ترا نوره مب ويانا !

خالد : لا فديت روحج انا .. انا مب داق لنوره .. انا داق لج انتي

ميره : اووووف .. انت شو تبي مني بالضبط !

خالد ( تنهد .... وبعدها شل ) : ابيك ابيك ابيك يا عمري ابيك .. اباك اباك يا روحي اباك ..

ميره : السموحه منك اخوي .. فمان الله ..

طوووط طوووط طووووط

..
..

فشارع الامارات .. كان حميد يسوق بسرعة 180 .. ما يدري شو ياه فجأة !! التفكير خذاه لدبي .. وين ما يبا يوصل بسرررعه !! ...... طرت ع باله قصيدة حامد زيد للحظه .. قصيدة غرام احباب .. اللي من فارق الهام وهو يسمعها .. يمكن لانها تنطبق عليه .. ويمكن لان مجرد القصيده تعيبه .. وعلى طريقه حط حميد السيدي اللي فيه القصيده وعلا الصوت ع الاخر .. وزاد بالسرعه لـ 220 من شدة انفعاله ....!

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب

حميد [ والله يا الهام .. احترت .. مدري شو نهاية هالحب ! مدري بيجمعنا القدر ولا بنظل مجرد لعبة للاقدار ..... لا ما اظن يجمعنا القدر لو انها تكرهني .. بس لو تحبني !!! هي لو تحبني .. والله لا تكون لي انا وبس .. لو على قص رقبتي ............ (فجأة طرا ع باله المرحوم .. الله يرحمك يا يدي الله يرحمك .. يا ربي صدق احترت .. بس يدي ما يباني اقرب لالهام .. ولا علي يبا هالشي .. انا شو موقعي من الاعراب يا رب .. ( هني تنهد حميد للحظه ... وخف السرعه لين وقف ع الجنب فالشارع ....... حس بقهر .. ودق باقوى ما عنده ع السكان ) شييييييييييييت .. ليش حظي دايم ردي جي لييش !! والله انه الموت اهون من هالعيشه .. ليتني انا اللي رحت يا يدي مب انت .. ليييت الزمن بس يرجع لورا وياخذني ويرجعك .... ااه يا ربي .. استغفر الله العظيم .. استغفر الله العظيم .. شقاعد اخربط انا !! ( وعلى هالحال ما حس حميد بعمره الا والدمعه تخونه وتنزل غصب عنه ) احبج يا الهام .. وبتم احبج .. بس ليتهم يروفوون بي وليتج ترحميني .. لو تدرين بس اكرهك هذي مك تذبحني ...!

وخى شوي حميد .. وسند راسه ع السكان .. وجنه يعطي عمره شوية راحه .. كان حاس بتعب فظييييييييييع ما مثله تعب .. والنفسية كانت زففففته ... ما كان يردد فباله غير الهام والهام .. وفجأة رن مبايل حميد ... وعلى وطل رد بدون ما يشوف الرقم ....

حميد : ألوووووه ..

بصوت انثوي : مرحبااااااا ..

..
..

فأرقى المطاعم كان صقر يالس هو ومرته الشوق فاحد الاركان .. يتبادلون الغزل .. واجمل شعور واحساس

شوق ( مستانسة ) : هممممم شالطاري اليوم ؟!! ممكن اعرف شو سر هالعزيمه ...!

صقر ( بكل برود ) : هممم ماشي .. بس جي من زمان ما ظهرت ويا مرتي حبيبتي ..

شوق : هيه هيه .. صح ..

صقر : هههههههههه .. بلاج ؟!! ولا انتي شاكه بشي يعني !

شوق ( برطمت ) : لا خلاااص .. وانا اقول اكيد يبي يفاجأني عشان اليوم عيدميلادي .. واثاريك ولا مفتكر ..

صقر ( يسيوي روحه مو مهتم .... ما عليه الا اطلعلج قروون ) : ويعني ؟!! الا هو يوم ميلاد .. لا يودي ولا ايييب ..

شوق : لا والله !! شو قالولك كل يوم عيد ميلادي انا .. الا هو يوم فالسنه .. ع الاقل لو قلت لي كل سنه وانتي طيبه بس .. تحسسني انك مهتم ..

صقر ( وهو ياكل وبعد وبكل برووود ) : اوكي .. كل عام وانتي بخير ... ارتحتي !

شوق ( وصلت حدها ) : اوووووووف .. يا كثر برودك .. خلاص خلاص ما نبي منك ولا شي ..

صقر ( وببرود ) اوكي .. عيل بسحب كلامي .. ( قصده .. كل عام وانتي طيبه )

شوق ( حطت بخاطرها ) : يجي منك اكثر ..

صقر : افا علييج .. بعدج ما شفتي شي خخخخخخخخخ

شوق اللي وخت تمت تطالع صحنها .. حطت بخاطرها .. يا ربي .. من وين له كل هالبرود .. حتى كل عام وانتي طيبه قالها بدون نفس .. اوووووف ..

صقر : جان ما تبين تاكلين لا اتمين تلعبين بالنعمه ..

شوق : اوووووووووووووووووووووووووووووووووووووووووووووف .. قوم وصلني البيت ..

صقر ( وبعد رد عليها بكل برود ) : اووكيه ..

وبعد ما دفع الحساب صقر .. ساروا السيارة .. وطبعا شوق سبقت صقر . وكانت بتموووت من القهر ..

فالسيارة .. البروود .. والهدوء كان كنه الحاجز بينهم ... لين وصل صقر صوب البيت .. وتوها شوق بتنزل من السيارة

صقر : خلج .. لا تنزلين !

شوق : نعم .. ع شو ناااوي هالمره ...!

صقر ( بجد ) : قلتلج لا تنزلين .. وما ابي اسمع منج ولا كلمه ..

شوق ( اللي ما قدرت تكتم دموعها ) : انت شفيك علي اليوم ! والله حرام عليك ..

صقر ( ما عبر شوق وتم يدق هررن .. لين طلعت الشغاله من البيت وبيدها شنظه .. حطت الشنطه فالدبه وردت البيت .. اما صقر .. فهو رد شغل السيارة وروووووح ..

..
..

فبيت ابو سعود .. وبالتحديد فغرفة جواهر اللي كانت تسولف ويا فاطمه ع المسن ..

جواهر بنك ~[ مدام قبري محتضن راس مرقاب ~ على قر ما تقدرونادفنوني :
فطوووم يالزولهـ .. الحين شسويتي بسالفة خالج مروانو !

فاطمه بنك ×× من يوم فراقك يالغالي ما خطف طرفي نعاس ]~ :
بتشوفين ياجواهر .. لا تستعيليين الاحداث .. وحزتها بتعرفين ان اني مب شهلة

~[ مدام قبري محتضن راس مرقاب ~ على قر ما تقدرون ادفنوني :
ابيهـ .. شو بتسويين ؟!!

×× من يوم فراقك يالغالي ما خطف طرفي نعاس ]~ :
مب لازم تعرفين الحين .. كل شي بوقته حلووو .. اوه تعال بخبرج ..

~[ مدام قبري محتضن راس مرقاب ~ على قر ما تقدرون ادفنوني :
هلاااا

×× من يوم فراقك يالغالي ما خطف طرفي نعاس ]~ :
يقولج حمدانووه توه حاشرني ما ادري وين يبا ! احبج واحبج !! والله ماعرف شسوي وياه هالانسان

~[ مدام راسي محتضن راس مرقاب ~ على قر ما تقدرون ادفنوني :
(جواهر حست بقهر ولا كان لها خلق ترد ع فاطمه ) اها .. زين زين

×× من يوم فراقك يالغالي ما خطف طرفي نعاس ]~ :
اووف .. مليت .. هي صح .. وانتي شو سويتي فسالفة ميرووه !

~[ مدام قبري محتضن راس مرقاب ~ على قر ما تقدرون ادفنوني :
هييه ههههههههههههههههه .. قطعتها .. ههاي .. كل اللي خططنا له صار ! والغريبه ريمو وقفت بصفي هههههه

×× من يوم فراقك يالغالي ما خطف طرفي نعاس ]~ :
ع فكره اصلا ريمو تدري بكل شي .. بس هي تسوي روحها ما تعرف

~[ مدام قبري محتض راس مرقاب ~ على قدر ما تقدرون ادفنوني :
معقولهـ !! من متى ؟

..