|
ღ الحلقه الثالثه عشرღ ميره : خلاص بدور مب باجي شي بنوصل .. بدور : الغدا ببيت عمي حمد والعشا ببيت عمي سعود والريوق باجر الله يعلم ببيت منو ميره : استحي على ويهج بدوروووه معضد : بدور ليييش انتي فالسنه كم مره بتيين عندهم بدور : بس بيت عمي حمد واااع مو حلو معضد : وليييش يعني ..؟؟ بدور : ما عندهم بنات كلهم متزوجات معضد : أفا عليج الحين بنروح بيت عمي سعود كله بنات ومخبل شراتج بدور تطالع الجامه : خل نشووووف حمدان يطالع من الدريشه : ماما ماما ميره : هلا حبيبي حمدان : الحين بابا حمد يقول الرياييل اللي يسمعون كلام باباتهم ميره : هي صح انزين حمدان : انزين ليييش لما بابا حمد قال حق فيصل يصكر تلفونه فيصل طلع وكمل كلامه برع وما سمع كلام باباته ميره تضحك : الحق معضد بيحط على أخوك معضد : حبيبي بابا حمد ما قال له جذي قال له عشان يتغدا وبس حمدان : انزين هو ما صكره راح برع يتكلم معضد : عشان عنده شغل بدور تأفأف : متى بنوصل ......؟؟ معضد : خلاص مب باجي شي بدور : والعين كلها دواوير ترا والله راسي دار معضد : بدور ما خلت شي بالدنيا الا وحشرت روحها فيه حمدان يضحك : ههههههههههههههههه بدور : انت فهمت شي عشان تضحك حمدان ابتسم : عمي فيصل يقول بيوديني قطر بدور : لا والله وانت مصدق حمدان : هي أنا قلت له بدور تروح قطر ما توديني بدور : وافضيحتاه ...! حمدان ابتسم : بروح ما بوديج بدور : روح انزين روح بس فكنا من شرك ميره : خلاااص وصلنا بدور : وه الحمدلله معضد : بدور لما ننزل اهني تغشي بدور تبوز : ولييييييييش .. ترا والله أطيح جدام الخلق كله ويضحكون معضد : لا بس عيال عمامي كلهم موجودين بدور : انشالله وبعدين ليييش ما تقول لمرتك ميره : أعوذ بالله من أخت مفضحتني يدام ريلي بدور : معضد أخوي يما معضد يضحك : لأنه حرمتي تتنقب مب بس تتغشى ويا راسج .. يلا انزلو تأخرنا ع الجماعه حمدان : أنا بروح مع بدور .. بدور : لا والله حمدان : حرااام بس بمسك ايدج بدور : ماشي يلا مناك عند أمك .. / . / أريج حطت راسها على ريل أمها .. ابتسمت لها خالو أمينه وقالت : الله يحفظج بنتي أريج : فديتج أمي .. ما تبين تطلعين ..؟؟ خالو أمينه : لا وين فيني شده يابنتي أريج : يلا انشالله تتحسن صحتج وتتطلعين خالو أمينه : انشالله أريج : تبين شي ..؟؟ تاكلين شي ..؟؟ خالو أمينه : لا بنتي .. شبعانه أريج : على راحتج خالو أمينه : وينهم البنات عنج اليوم أريج : ماشي كل وحده بروحها خالو أمينه: مستوي شي بينكن لا سمح الله ....؟؟ أريج : لا الحمدلله كل شي تمام .. وبعدين الحمدلله ما نزعلي يما .. خالو أمينه : الحمدلله يما عسى دوووم هالحال أريج : أمين يارب .. خالو أمينه : غيري هالقناه يما أريج : لا حلو الفلم ماماتي خالو : قناة العفاسي أحلى خلينا نسمع هالأدعيه والأناشيد أبرك .. أريج : ههههه انشالله ماماتي خالو أمينه : ترا عمج ومرته بيجون الأسبوع الجاي اريج : صج والله خالو أمينه : اي انشالله اريج : الله يجيبهم بالسلامه يارب .. خالو أمينه : عاد هالله هالله فيهم .. عليج الضيافه أريج : انشالله يما خالو أمينه : والله كنت بروحي بسوي كل شي .. بس ريلي ما تسمح لي اريج : لا يمه لا تقولين جذي .. انتي ايلسي وياهم وارتاحي وأنا بسوي كل شي .. خالو أمينه : الله يحفظج يابنتي من كل شي ويرزقج بالزوج الصالح اللي يسعدج يارب أريج : لا تقولين جذي أمي خالو أمينه : وليييش يمه ترا دعاء الأم مستجاب أريج : تو الناس أمي وبعدين أستحي ههههه خالو أمينه : وليييش تستحين صرتي بنيه كبيره ههههه على وش جواز على قولتهم .. أريج : هههههه يلا عاد أنا بروح بقعد ع اللاب شوي .. وبحضر لأني أدري باجر ما بفضى .. من اتصالات البنات خالو أمينه : ههههه الله يوفقكم ويخليكم لبعض .. أريج : أميييين يارب .. / . / روان دخلت الحمامات .. وطلعت فونها واتصلت بمروان على طول .. مروان رد : هلا وران .. روان : هلا مروان اشلونك ..؟؟ مروان : لوني بني انتي اش لونج ههههههه ..؟؟ روان ابتسمت : تتطنز حضرتك يعني مروان : هههههه لا بس أبي أرفع ضغط روانتي روان تبتسم : تمون يايبا تمووون ههههه انزين أنا بعشاء العمل تدري مروان ابتسم : غريبه رحتي روان : اي مو قايلة لك من قبل مروان : أدري بس ما توقعت انج ترضين انج تروحين روان : لالا ابشرك حضرت ههههه مروان : عسا مستانسه روان : أي مستانسه الله يخليك خلني ساكته بس مروان : له له وليييش أحد مضايقج .. روان : لا بس ما تأقلمت مع الموجودين مروان : وانتي اش لج بالشغل ههههه لج بالابر وبس روان : اي والله صدقك مدري اش حقه يابوني معاهم مروان : وين أمج وأبوج روان : بالحفل مع الناس مروان : وانتي مب وياهم روان : لأ انا بالتواليت وبعدين بلا عليك كيف أكلمك وهم معاي مروان : ههههههه لا بس سؤال روان : البنات اليوم كل وحده بحال مروان : أحسن روان : حرام عليك مروان : هههههه تخيلي أنا وين ..؟؟ روان : وين .......؟؟ مروان : في العاصمه روان : يالدب مروان : ليييش انزين ههههه لهالدرجه حاقده روان : اي ليييييش ما خذيتني معاك مروان : اش دراني انتي اللي رايحه لعشا العمل مو أنا روان : والله غصب مروان مالي بهالسوالف والله مروان : أدري تعلميني عن قلبي يعني ..؟؟ روان : ما أدري عنك انت تقول جذي مروان ابتسم : دبه لا تفهمين كل شي غلط روان : انشالله .. ما قلت لي اش حقه رايج العاصمه يعني ........؟؟ مروان : كشته مع الربع روان : أها .. ترجع بالسلامه يارب مروان : وانتي كلي في الحفله عدل هههههه روان : اي أفا عليك هههههههه .. أقول مروان مروان : هلأ .. روان : مجبوره أصكر الحين أوكي مروان : وليييش ..؟؟ روان : يمكن أمي ولا ابوي يفتقدوني مافي ع الهواش مروان : أوكي روان : يلا باي .. مروان : ديري بالج على روحج .. روان : انشالله وانت بعد .. مروان : انشالله .. يلا مع السلامه روان : مع السلامه .. ابتسمت روان وطالعت شكلها في المرايه ,, وطلعت .. ابتسمت لكل اللي موجودين وراحت لأمها .. صوفيا : وين كنتي ...؟؟ روان : بالتواليت مام .. صوفيا : أوكي روحي لأابوكي .. روان : أوكي بروح الحين .. روان تجدمت عن أبوها .. ابتسم لها وقال : هلا رواني روان ابتسمت : هلا يبا .. أبو روان : وينج من ساعه ..؟؟ روان : لا يبا بس ثواني رحت التواليت أرتب شكلي بو روان : تعالي تعالي روان مسكت يد ابوها ومشت معاه .. الين وصلو عند جماعه من الناس .. ابتسم لهم ابو روان .. أبو روان : مرحبا .. الكل : مرحبا .. ابو روان : كيف الحال ..؟؟ انشالله مستانسين واحد من الجماعه : اي والله ما تقصر بو روان .. روان بخاطرها .. زين انه للحين يعرف انه بو روان .. وحده من الجماعه : ما عرفتنا بالحلوه اللي معاك ..؟؟ ابو روان : اي صح هذي روان بنتي المره : ماشالله عليها الله يحفظها لك .. روان تمد يدها عشان تسلم عليهم .. وتقول : اتشرفت بمعرفتكم .. ابو روان يزيد كبريائه .. لأنه بنته تعرف لسوالف الضيافه والبرستيج .. ويبتسم لروان ويفتخر فيها .. / . / ملاك : ميود غيييييييييييير مايد : مابا ملاك : شو هالبرنامج السخيف مايد يضحك : منو قال انه سخيف .. بالعكس يعلمج عن الحيوانات يالدبه ملاك تبتسم : مابا شكرا كافي علي أتعرف على جسم الانسان هههه مايد : صح أمي فاطمه فاطمه : هلا ولدي مايد : رشود اتصل بي .. خلاص بيي جريب انشالله فاطمه : هي انشالله مايد : يلا الله ييبه بالسلامه فاطمه : أميييين مايد : خلاااص عاد عندنا دكتور بالعايله يعني فاطمه : الله يوفقكم كلكم يارب مايد : أمييييين ملاك : يعني الممرضه مب تارسه عينكم مايد : لا ولاشي بعد هههه فاطمه : لا تارسه عيننا ونص بعد مايد : وين أمي قاصه عليج بس تعطي ابر هذا اللي فالحه فيه ملاك تبوز : لا والله ميووووود فاطمه تبتسم : أمي خليييييييه تراه يغار منج ملاك تبتسم : سووووووووووو له هههههه مايد : خارطه ع روحج ملاكووو ملاك ابتسمت : ما علي منك يكفي شهادة أمايه هههههه فاطمه : هي أمي مايد .. ترا راشد أول ما بيي وين بيشتغل ........؟؟ مايد : أمي ترا أول ما بيشتغل دكتور على طول .. في البدايه ياخذ ليسن الدكتوراه وعقب بيكون مساعد طبيب عاد يبي له لما يمارس الشغله فاطمه : توسط له وأنا أمك .. حرام كل ها دارس وأخر شي يكرف لين ما يحصل شغل .. مايد : ما عليج أمي رشود روحه معارفه تارسه البلاد فاطمه : الله يوفقه يارب مايد : أمين .. ملاك : اشوفكم قمتو تتوسطون هالأيام مايد ابتسم : خربتها هههههههه ملاك : اوي أمي تسمعينه يقول خربج فاطمه : راسي قام يعورني والسبب حشرتكم ملاك : ياربي والله أيام نحن صغار فاطمه : كل واحد يشد بشعر الثاني مايد : ههههه وأنا فديتني اللي أفوز دوم فاطمه : لازم تراك الولد .. ملاك : هههههه ميود ما أدري شو ياينها أمايه عليك اليوم مايد : محد تارس راسها غيرج يالدبه .. / . / أم عبدالعزيز : بسرررعه يما تأخرنا ع المره شوق : اي خلاااص يما خلصنا نور تبتسم : خالتي وين الهنوف .. شوق : ليييش الهنوف ما بتيي يما ؟؟ أم عبدالعزيز : تقول عليها امتحانات الأسبوع الياي شوق : أها .. يلا عاد نروح نركب السياره قبل لا يعصب علينا عبدالعزيز .. تجدمو عن السياره .. أم عبدالعزيز ركبت جدام وشوق ورا أمها ونور ورا عبدالعزيز .. عبدالعزيز : ها خلاااص نمشي ..؟؟ أم عبدالعزيز : اي يمه خلاااص عبدالعزيز رفع راسه يطالع ورا .. ولا عينه تطيح بعين نور .. نور نزلت عينها بسرررعه .. شوق لاحظت .. بغت تزيد الطين بله وقالت .. شوق : يما مو ناويه تزوجين عزوز عبدالعزيز : عزوز أصغر عيالج شوق ابتسمت : آسفين بس ندلعك عاد من الحب ههههه نور ارتبكت من بعد سؤال شوق .. حست باحساس غريب ... أم عبدالعزيز : تعبت يايما وأنا اقول له تزوج مب راضي .. عبدالعزيز يبتسم : اي يما توني صغير ههههههه أم عبدالعزيز تضحك : أبوك لما كان بعمرك انت كنت بصف أول عبدالعزيز يبتسم : مب لهالدرجه عاد يما هههههههههه شوق : اي يمه زوجيه الحين بسرررعه أم عبدالعزيز لفت وطالعت ورا وقالت : والله البنات تارسين الديره بس انت أشر .. مو جذي يما شوق ونور .. محد رد ... أم عبدالعزيز : هو أنا أكلم السياره .. شوق ... ونور بارتباك : صح ... نور اقتربت من شوق وقالت : اقول معاك القلوس .. انمسح القلوس حقي ..؟؟ شوق : اي تراج يالسه من الصبح تعضين بشفايفج لازم ينوكل نور : شوق معاك ولا ....؟؟ شوق : اي معاي خذيه نور : لا بعد ما ننزل بحط منه شوي شوق : على راحتج .. / . / بدور : يلا خلود .. خلود : أوكي أوكي اتريي شوي بدور : أوكي في أحد برع خلود : لالا محد كلهم في الميلس بدور : أوكي أنا بطلع مع حمودي وبنطرج أوكي خلود : أوكي .. بييج بعد ثواني بدور : يلا حمود ميره : على وين ..؟؟ بدور : بنروح نتمشى في الحديقه ميره متخرعه : أي حديقه بنص الليل ..؟؟ بدور ابتسمت : لا الحوي قصدي ميره : أوكي خلاص شلي وياج حمودي وخلود سيري وياها خلود : أوكي بس بوزع السويت أم معضد : أمي بدور يلسي حلي بدور ابتسمت : مشكوره خالتي .. أم معضد : ما يصير جذي الا تاكلين شي بدور : مشكوره خالتي والله كليت الين شبعت أم معضد ابتسمت : انزين روحو تمشو يما بدور : أترياج خلود خلود : أوكي حمدان مسك يد بدور وقال : يلا بدور تعالي بدور ابتسمت له : يلا .. مشو حمدان وبدور الين وصلون لباب الصاله وطلعو .. راحو صوب الزرع .. بدور ابتسمت لحمدان وقالت : ما في مريحانه اهني ..؟؟ حمدان : لأ بس في بيت بابا عود فيه اهني ما فيييه بدور ابتسمت : يلا نيلس ع الحشيش حمدان : لا صرصور يعضنا بدور ابتسمت : شو صرصوره بعد يلا اقعد يالدلوع .. حمدان : مابا بدور تغايضه : تيلس ولا أقول للصرصوره اتيي حمدان : أصلا لو يلست بتعضني بدور : اقول لك ايلس يلا حمدان بعناد : مابا مابا مابا .. بدور بأسلوبها لأنها دوم تتضارب وياه : أقول لك حمداني ايلس ولا بيلسك غصب حمدان يصارخ بصوت محد داخل يسمعه : مابا بدور تتجدم عنه وتيلسه غصب وحمدان يبدا يتضارب وياها .. حمدان : غبييييييييييييييييييه مابا قلت لج مابا بدور تتركه وتضحك : انزين انزين خلااااص هههههه حمدان معصب : بخبر عليج ماماتي .. بدور : ماشي يلا تم وياي لما خلود اتييي حمدان : غبيه بدور : محد غيييييرررررك يالهرم تأدب حمدان : ما أحبج بدور : حبك برص يالياهل حمدان يسوي روحه زعلان : بروح داخل خلاااااااااااااص بدور تمسكه : ماشي شو تبا تتركني بروحي حمدان : هي انتي تلعوزيني بدور ضحكت : خلاص ما بلعوزك انزين تم وياي .... أوووووووف هذي خلود بعد تأخرت .. حمدان : عمو خلود أحلى منج بدور : مالت عليك يالدب حمدان : كل يوم تعطيني حلاوه مب انتي تنازعيني بدور تمسكه : ترا حمود ان ما سكت بفرك ع الشيره وبخلي الينيه تاكلك .......................... : بـــــــــــــــــــــــــــــــــــــــــــــــــ ــــــــــــــــــــــــــــــاو .......... بدور لفت وهي متخرعه عن خـــــــــــــــــــــــــاطر : Oh my God ابتسم : الناس لما تتخرع تقول بسم الله الرحمن الرحيم .. بدور ارتبكت وفخاطرها .. اشتغل الأخو محاضره دينيه .. والله حاله .. شو يخلصنا الحين .. فيصل ابتسم : اش حالج بدور ..؟؟ بدور منزله راسها وماسكه حمودي : الحمدلله بخير .. حمودي ودر بدور وراح لـ فيصل .. بدور بهمس : حمود تعال فيصل ابتسم : لا خليه عادي .. حمدان خايف : عمي بدور بتوديني عند الينيه فيصل ابتسم وقال بسخريه : تخوفك وهي روحها الحين ماتت خوف ههههههههه بدور حمرت .. مب وقتك انت الثاني الحين .. فيصل : شو تسوين في الحوي روحج .. بدور تمتمت : أتريا خلود فيصل ابتسم : أوكي يلا فرصه سعيده .. مع السلامه .. بدور شوي وتقول له انطر وعطني حمود أخاف أقعد بروحي ... بس ما مداها تقول أي شي لأن فيصل راح صوب الميلس .. بدور : أوووووف مالت عليك خلود : بدوووور بدوووووور بدور : لا رد .. خلود : بدوووروووووووه بدور استوعبت ورفعت راسها : هلا خلود خلود : اللي ماخذ عقلج يتهنا به بدور ابتسمت : انتي اللي ماخذه عقلي خلود بسخريه : هي مبين بدور : نادي البنات مو حلو بروحنا خلود : أوكي اصلا هم الحين بروحهم بييون بدور : اي زين خلود : وينج ياحرمه من زمان ما تبينين ولا شي بدور ابتسمت : دراسه عاد تدرين نكرف عدل خلود : الله يوفقج بدور : آمييين ويوفقج خلود : زين ييتي والله الكل متوله عليج بدور : وأنا أكثر والله خلود : متى ناويه تردين قطر بدور : أول ما أخلص انشالله خلود : انشالله حتى نحن بنروح قطر بس ما أدري متى بدور : نروح سوا خلود : انشالله بدور : اي صح اش صار على خطبتج ..؟؟ خلود ابتسمت : أحم أحم .. بدور ابتسمت وباستها : يلا مبرووووك خلود حمرت : الله يبارك في حياتج يارب بدور : متى العرس ...؟؟ خلود : تو الناااس ع العرس ههههه بدور : اي والله تو الناس بعدنا صغار ههههه خلود : تعالي ميرووووه حامل بدور : أدري خلود : هههههه أنا توني أدري تصدقين بدور : بس ميره خبرت خالتي خلود : وأنا حليلي محد خبرني .. يلا بس أحمل ما بخبركم الا لما أولد هههههه بدور : وي وي البنيه صارت حرمه .. اقول لا تخربينا بس خلود ابتسمت : لا تخافين حياتي أدري تعرفين أكثر عني ولا اش له ممرضه بدور ابتسمت : عاد روحج قلتيها ممرضه مب دكتوره ههههه خلود : هه البنات وصلو .. بدور : وأخيرا .. هذي ميروووه وياهم .. خلود : قولي أم حمدان شو أصغر عيالج ميروووه أونج بدور ابتسمت : لا تقولين لي جذي ترا عادي أرجع بيتنا خلود ابتسمت : لالا خلاص بسكت هههههه بنات عمام معضد يو ويلسو مع البنات ع الزرع .. وميره وياهن .. ميره ابتسمت لخلود وقالت : الله يعينج الصراحه خلود : هي والله الله يعينني بدور بوزت : الحين ليييض يايبيني مدام تضحون علي ميثا : ما عليج ما عليج منهم يغارون بدور : واي فديتج هههههه باب الميلس ينفتح .. ومعضد يطلع ويتجدم عنهم .. : السلام عليكم البنات : وعليكم السلام معضد : اش حالكن بنات عمي ..؟؟ البنات : بخير الحمدلله خلود : سأل عن بنات عمه بس ما سأل عن أخته معضد ابتسم : تراني شفتج الظهر يالدبه خلود بوزت : زعليييييت ع قولة حمودي معضد ابتسم : بدور مستانسه ..؟؟ بدور : هي الحمدلله ميره : ترا عادي باجر بنات عمك بيتخبلون بدور : تنكت علي حرمتك .. معضد امسكها لا اذبحها هههههه وفاء تضحك : يالدبه استحي ع ويهج ميره : ارمسكم عنها بس ما تصدقوني هههههههه حمودي ياي ركض من الميلس .. : مـــــــــا مــــــــــــا ميره : قلب ماماتك انته ههههههه معضد ابتسم : الريال ناسني اليوم .. كله مع فيصل ميره : مع عمه يعني مع منو بعد ههههه فيصل ياي من بعيد معضد : وقف وقف مكانك فيصل يبتسم وهو ياي صوبهم : لييييش أوقف بعد هههههه معضد : ما يستوي العزابيه اييون اهني فيصل يضحك : حلال عليك حرام علينا خلود : خواني الكرام ترا فضحتوني جدام بنات عمي هههههه معضد : لا أنا ياي حق حرمتي الصراحه انته حق منو يعني ..؟؟ فيصل : حق حرمتي بعد شراتك .. البنات كلهن بدو يطالعون بعض وكل وحده متفشله شرات الثانيه .. خلود : أمي منك جرئ أعوذ بالله عاد ممكن تخبرنا منو عسب لا يفرح الكل يعني فيصل يضحك : عن صدقتو بس .. ترا كل وحده فيكن أخسف عن الثانيه ما أباكن هههههه بدور طلع لسانها هالحزه وقالت بهمس .. بس الكل سمعها : من حلاتك انت يعني ...! فيصل علق بمكانه وبدا يضحك : ههههههه قويه أختج ميرووووه بدور تفشلت ونزلت راسها .. ميره : لسانها متبري منها هههههههه معضد : ههههههه يلا عاد أنا بروح جريب اهني وبرد ميره : مطول ..............؟؟ معضد : لا دقايق .. فيصل بتيي ..؟؟ فيصل : لا بتم مع عيال عمي .. معضد : انزين يلا دش داخل .. فيصل يبتسم : ولييش أدش داخل .. معضد : قلت بتتم مع عيال عمك هب بنات عمك .. فيصل : لا بسولف وياهن شوي وبدخل معضد يبتسم : يلا ماشي حرمتي اهني دش داخل فيصل توه يرمس .. معضد قال : ميروووه جان قال شي خبريني ميره : انشالله ههههههه >>>>> أريج حطت راسها ع المخده .. <<<< والله اليوم ممل .. وقمه في الملل لا شفت البنات ولا سمعت حسهن غير انه حياتي راكده ومثل ماهي لا أحداث جديده ولا تطورات .. غير اني اشتقت لحبايب قلبي .. ღღღ ملاك <<<< اليوم استانست مع مايد وأمي فاطمه هم عايلتي وأهلي وكل شي بحياتي .. بس افتقدت ربيعاتي وايد .. واشتقت لهن أكثر .. اشتقت لـ راشد وصوته وكل شي .. يلا هانت مب باجي شي ويرجع .. ما أصدق ان صوت راشد سوا كل هذا فيني لو أشوفه اش بيستوي بي !! .. ما يدري انه في قلبي .. وكل هالسنين اللي كان غايب عنا وبعيد ما تغير غلاه بقلبي .. بالعكس زاد وزاااااد لدرجة الجنون .. ღღღ نور <<<< اشتقت للبنات اليوم كثير .. افتقدتهن .. وقاعده أفكر بملاك ومشكله أخوها .. الله يساعدهم يارب .. معقوله ..! معقوله اني بيوم من الأيام راح أكون زوجة عبدالعزيز .. معقوله ..! لا ما اصدق .. عبدالعزيز الف بنيه تتمناه .. بس استغربت من كلام خالتي اليوم .. وغير ان عبدالعزيز من بعد ما شافني طول الوقت وهو مو على بعضه متغير .. يلا الله يستر ويكتب لي اللي فيه الخير .. ღღღ شوق <<<< اشتقت للبنات وخبال بدوووروووه .. غريبه ما اتصلت فيني اليوم .. يلا يمكن عندها ظروف ..!! ياربي .. أحس ان بقلب عبدالعزيز في شي .. عبدالعزيز من بعد كلام أمي اليوم مو على بعضه .. أكيييد بدا يفكر بنور .. يلا انشالله تكون من نصيبه لأن ما في بنيه مثل نور .. ما أصدق لو نور بتصير مرة أخوي اش كثر بستانس لأن رفيجتي وبنت خالتي بتصير مرة أخوي .. الله يسعدها يارب .. آهـــ .. اشتقت لهل الكويت كلهم .. عيال عمي وعمامي وعماتي .. وأكثر شي نواف .. متى اييون عندنا .. لأأ ..! متى حنا نروح لهم .. من زمان عنهم والله ودي أشوفهم .. ღღღ روان <<<< وأخيرا رجعت البيت .. والله مليت وأنا متقيده بالنظام والتفاهات اللي يتكلمون عنها .. اشتقت للبنات وايد .. ولمرواني أكثر .. ودي أكلمه بس هو مع ربعه ما يصير أكلمه الحين .. يلا باجر انشالله أول ما اصحى بكلمه .. وبقول له عن كل شي صار .. قهروني بعض الناس بس بعد أنا بنت صاحب عشا العمل .. هه بنته المدللـــه على قولتهم .. حليلهم ما درو اني ناقصني أشيا كثيرررره .. ღღღ بدور <<<< خلود قاعده تكلمني عن موقف صار لها بس أنا معاها ولكن بالي مو معاها .. بالي عند حبايب قلبي .. ما أدري شخبارهم .. أه لو درو اني ييت العين بيذبحوني ههههه لأنهم يدرون اني ما أحب ايي العين والسبب اني أنحرج بسرررررعه من الموجودين .. أكيييد بيضحكون علي وبيخلوني أحكي لهم مواقفي اللي صارت .. وفيصل هذا انسان يغث الواحد أوووف منه .. دايم يحرجني ودي أذبحه .. غير ان ميروووه بصفه ههههه .. حمداني تحفه قام يعلق ويسوي حركات يقلد عمه فيصل .. ღღღ الأحد 19-9-2010, 12:19 AM إڷـےٍ آڷلْقٍــآءْ فٍـےٍٍٍ آڷحًـڷقْهٍـ آڷقًــآدٍمْـهٍـ .. |
ღ الحلقه الرابعه عشرღ لآآآ عآد مو صج ...!!! تراكم والله تحطمون الوآحد ع الأقل شجعو شوي ... ماشاء الله مشاهدات اش كثر وردود تنعد ع الأصابع للأســـــــــف ..!! أتمنى أشوف ردود أكثر .. مب أمر والله مجرد طلب أعزائي ...!! نور تهز شوق : شوق أنا عطشانه شوق : يعني شسوي لج ..؟؟ نور ابتسمت : بروح بشرب مويه تعالي معي شوق : مابي روحي بروحج نور : يلا شوق عشان خاطري تعالي معاي شوق : وي نورو ترا البيت ما فيه ينانوه اش له تخافين ؟ نور : مابي يلا تعالي شوق تفر اللحاف من عليها بعصبيه :بس هالمره المره اليايه ان بطلتي حلجج بتاكلين كف سنع من يدي سمعتي نور : اي سمعت بس تعالي دخيلك شوق : يــــــــــــــــالله .. نور تلبس شيلتها وتمشي مع شوق .. شوق : وبعدين انتي ليش مب حاطه يمب راسج ماي نور تقلدها : ما جا على بالي المـــــــــــــــــــاي شوق ابتسمت : يلا لأني يعت تصدقين نور كشت عليها : لما قلت اني عطشانه كلتني بس لما جاعت ولا كأنو صار شي شوق : يلا يلا نورو امشي مستويه عيوز نور : دبـــــــــــــــه شوق : بعينج نور تفتح دبة الماي .. شوق : صبي لي ماي نور : انشالله شوق : سوي لي عصير .. دخيييييييييلج نونو نور : أدري الدلع ما يجي الا للمصلحه شوق ابتسمت : يلا يلا فديتج نور : اكلي بسرررعه عشان نروح فوق .. مالي خلق نقعد هنا واجد شوق : واش حقه يعني نور : جتني النومه شوق : اي أقول بعد .. ................. بــــــــــــــــــــــــــــــــــــــــاو ......... نور تخرعت : بسم الله الرحمن الرحيم .. شوق وهي تاكله : ويه خرعت البنيه يالدب ضاري يضحك : هذي الانسانه خوااافه نور : اي انت اللي تخرعني ضاري يبتسم : ها رحتو البارتي شوق : اي رحنا واستانسنا ضاري : يلا زين كان على بالي ما بتستانسون لأن حسب علمي روحتكم غصب ههههه شوق ابتسمت : اي والله كانت غصب عنا نور : تعال انت من وين راجع بهالوقت ..؟؟ ضاري : كنت مع الربع شوق تطالع الساعه : الين هالحزه ومع الربع ضاري : اي هو اش فيها يعني ..؟؟ شوق : تدري لو أبوي درا اش بيسوي ضاري يطالعهن بنص عين : ما بيدري اذا محد قال له شوق ابتسمت : ويا هالراس ..! نور : خلصيني يلا فيني نووووم شوق : أوكي أوكي عن أغص بس يالدبه نور : محد غيرك ضاري يضحك : بروح بنام أحسن لي من هواشكم شوق : اي روح الله معااااك ضاري يغني : وبخليك أنا بهوااااااك نور : استغفر الله استغفر الله ضاري يبتسم : يلا تصحبون على خير أيتها البقرتان الجميلتان شوق تعقد حياتها : انطر ان ما علمت ابوي عن جيتك متأخر ضاري يضحك : هو أمزح يالبقره ههههههه نور : خلاص أجل أنا بعلمه يالدب ضاري : لا اسمحولي عاد الا تعلمون ابوي ههههه تصبحون على خير خواتي القمرات نور : وانت من أهله شوق : اي هذا الحجي السنع ..! / . / خلود : بدووور يا بدووور ..! بدور : لا رد ...................... خلود : بدوووروووه وصمخ ..! بدور استوعبت : هلأ .. خلود تأشر لها بمعنى : وينج ..؟؟ بدور : معاج معاج خلود : انزين أنا توني شو كنت اقول ..؟؟ بدور ابتسمت : اي كنتي تتكلمين عن رفيجتج خلود بسخريه : لا والله بدور ابتسمت : ههههههه خلود : يالدبه شكلج سرحانه بدور : لا وين سرحانه معاج كملي خلود : كيف معاي ولا تعرفين أنا عن شو أتكلم .. بدور ابتسمت : ههههه لا معاج خلاااص بكون معاج بس كملي .. خلود : هههه أقول بدوورووه شكلج ديايه .. بدور تضحك : ديايه بعينج خلودووه خلود : اي ديايه شكله فيج رقاد اقول رقدي والصباح رباح بدور تبتسم : زين عرفتي هههههه خلود : تراني أقول لج ديايه ما تعترفين بدور تبتسم : اي هين ادواااج عندي باجر الصبح خلود : يلا تصبحين على خير بدور : لحظه لحظه خلود : خير تبين شي ..؟؟ بدور : أبا أشرب ماي خلود : والله حاله البنات الحين ما تعطشين الا قبل الرقاد بدور : ترانا نشتغل لق لق لق قبل الرقاد لازم نعطش هههههه خلود : وانتي الصاجه هههه يلا نروح نشرب بدور : لحظه بس ألبس شيلتي .. خلود : وانا بعد لأنه عيال عمي اهني بدور : والله مغثه هالأولاد خلود : اي والله ههههه ما عدا .................. بدور تقاطعها : أعرف أعرف ههههه خلود : بس صدقج مغثه ما يستحون يقطون نغزات ههههه بدور : ليييش يعني ما سوو لهم بيت بروحهم هههه خلود : فكه منهم صدقج .. بدور : يلا لأني بموت عطش .. خلود : اللي يسمع كأنج انتي اللي قاعده تتكلمين من ساعه مب أنا هههههه بدور : هههههه اي والله خلود : يلا بسررررعه بدور وهي تمشي : ماي بارد أوكي خلود : أكيييد في حد في الامارات يشرب ماي ساخن ..! بدور : هههههه قولي في العالم خلود : دافي أوكي .. عسب تحافظين ع الصحه بدور : شكلج انتي اللي تدرسين تمريض مو أنا ههههه خلود وهي تغسل الأكواب : ههههه شفتي كيف بدور : أنا قبلج ..! خلود : هم كوبين يالدبه بدور : أدري بس لقافه ................ : منو الملقوفه من بنات عمي واعيه لهالحزه .............؟؟ بدور وخلود يلفون متخرعات ...!! بدور بسرررعه تنخش ورا الثلاجه خلود : خليفه اظهر ..!! خليفه مستغرب : جيييه منو اهنيييه خلود : خلوف اظهر في بنيه اهني خليفه بسخريه : أدري يعني اللي سمعته بلا عليج صوت ولد ههههه..!! منو هاي أكيييد مروه ولا وفاء ..! خلود : خليفه هذي بدور أخت ميره خليفه يبتسم : هيييييييه القطريه هههههه خلود ترص على أسنانها : عنلاتك فضحتنا جدام البنيه اظهر يلا خليفه وهو يطلع : قلت بس بنات عمي ملقوفات طلعن حتى القطريات هههههه خلود بعد ما طلع خليفه : اطلعي بدور بدور تيي صوب خلود : والله هو أكبر ملقوف بالدنيا خليفه من برع المطبخ : تراني سمعتج .. خلود تروح صوب الباب ولا ما تشوف غير غبرته !! خلود تضحك : ما عليج منه بعده مراهق هههههه بدور تبتسم : شكله صج صج ملقوف خلود : هي وااايد .. سن مراهقه تعرفين عاد بدور : هههه الله يهديه يلا نروح نرقد خلود : يلا / . / يوم السبت الضحى .. روان تنش على صوت الموبايل وهو يرن ..! روان بصوت كله كسل : آلــــو ....... مروان يبتسم : للحين الحلوه راقده ..؟؟ روان : اي أمس رجعت متأخر ونمت متأخر مروان : آها .. يلا عاد بودرج كملي رقادج روان : لالا خلاااص طار النوم مروان : خربتج رقادج ..؟؟ روان تبتسم : لا بالعكس والله اليوم أحلى يوم لأني أصبحت على صوتك ههههه مروان : لا لا ما نقدر عاد .. شكله الرقاد طار الحين ههههه روان : اي خلاااص مروان : شو كان عشاء العمل ..؟؟ روان : زفت مـــره مروان : وليييش ..؟؟ روان : كلهم رسميين وفي بعضهم مغرورين مروان : هذا عالم التجاره في المتواضع وفي المغرور روان تبتسم : وأبوي المغرور ههههه مروان : عيب رواني روان : آسفه .. مروان : لا عادي روان : ما خبرتني اش صار بطلعتك انت والشباب ..؟ مروان : روووعه الصراحه واستانسنا الحمدلله روان : الحمدلله مروان : البحر حلو روان : اي عشاء العمل كان بالبوم هذا مدري شسمه ..! مروان يضحك : انتي حتى اسامي الأشياء ما تعرفينها محد يصدق انج روان الـ ................ روان : اي والله لأني ما أهتم بالرسميات وايد وبعدين اهيه مو شي أساسي بحياتي مروان يبتسم : عفيه عليج يالشاطره ههههه روان : ياليتني طلعت معاكم أمس مروان تظاهر بالعصبيه : شووووو ............؟؟ روان : أنا اش قلت ...؟؟ مروان : عيدي عيدي روان : لا خلاااص انسى مروان يضحك : اونج بتظهرين ويانا روان ابتسمت : اي خلك جذي .. خرعتني مروان يضحك : تحلمين انج تتطلعين ويانا روان بزعل : وليييش يعني ..؟؟ مروان : هبله انتي تبين تطلعين مع ربعي روان : اي .. ولييش تراك انت معاهم مروان : ماشي أغاااار روان : اي عـــاد قـــــــــول جذي .. فهمني وأنا من ساعه ولا فاهمه ههههههه مروان : يالدبه وبعدين كيف بنيه تطلع مع شباب روان : اي أدري ما يستوي ههههه بس أمزح مروان : امزحي على قدج يالدبه روان : مرواني تراني بزعل مروان : ما ترومين .. بعد ثواني بتصالحيني روان : يعرف نقطة ضعفي ويغثني الدب .. مروان : حبيبتي وعلى كيفي .. روان : ههههه .. اقول مرواني بصكر الحين بروح بتسبح وبنزل لأن ابوي بيسافر اليوم مروان : أوكي .. روان : يلا مع السلامه مروان : مع السلامه .. سلمي ع أبوج روان تضحك : اي تبيه يذبحني ..؟؟ مروان يضحك : يلا يالدبه روحي تسبحي وتريقي .. روان : انشالله .. يلا باي .. / . / خالو أمينه : يما أريج أريج : لا رد .. خالو أمينه : يما أروج قومي .. بيأذن الظهر وانتي بعدج أريج تتحرك ع السرير : انشالله انشالله امي خالو أمينه : يلا يما قومي بسج نوم مو زين هالكثر تنامين أريج : أوكي ماما ثواني خالو أمينه : أنا رايحه اشوف من يتصل وبجي لج يلا بسرررعه قومي أريج : أوكي ... .... بعد ثواني .. خالو أمينه من الصاله : أريج يا أريـــــج ..! أريج : نعم أمي ..؟؟ خالو أمينه : تعالي يما تلفون أريج : مـــن ..؟؟ خالو أمينه : مــــلاك أريج : طيب طيب جايه الحين تتجدم اريج عن التلفون .. وترفع السماعه : السلام عليكم ملاك : وعليكم السلام اريج : هلا ملوكه ملاك : اهلين .. اش حالج ..؟؟ أريج : بخير الحمدلله .. انتي شخبارج ..؟؟ ملاك : تمام .. شو الاجازه ..؟؟ اريج : تلوع الكبد ملاك تضحك : اي والله تلوع الجبد اريج : يلا هانت اليوم أخر يوم .. ملاك : اي والله متى ايي باجر ونفتك اريج تبتسم : توني قمت من النوم ملاك : هههههه وأنا بعد بس تريقت وخلصت أريج : وه شهتيني ملاك : ههههه صح ما تعرفين شي عن بدور ..؟ أريج : لاأ ملاك : آها ..! اريج : ليييش ..؟؟ ملاك : اتصلت بها أمسات بس ما ترد علي أريج : تشوفينها مشغوله ملاك : بس قالت ما بتطلع ..! اريج : ما أعرف بتصل فيها وبرد لج خبر ملاك : أوكي أترياااج أريج : ثواني بس ملاك : لا لا أنا بصكر عاد وانتي تسبحي وتريقي وعقب اتصلي بها .. أريج : أوكي عاد بصكر بس بتصل فيها الحين ما اقدر أصبر ملاك : أوكي يالدبه .. يلا مع السلامه أريج : مع السلامه .. خالو أمينه : خير يما ..؟؟ اريج : ماشي أمي بس ملاك تسأل عن بدور خالو أمينه : اش فيها بدور ..؟؟ اريج : ما فيها بس ترد بتصل فيها وبشوف .. خالو أمينه : انزين .. يلا عشان تتريقين .. أريج راحت صوب الحجره .. وشالت الموبايل .. واتصلت ببدور .. ما ردت في البدايه بدور .. بس أخر شي ردت .. بدور : السلام عليكم أريج : وعليكم السلام بدور : هلا أريج أريج : اهلين .. شخبارج ..؟ بدور : بخير انتي شخبارج ..؟؟ اريج : وينج ما تردين على تلفوناتنا ..؟؟ بدور : ماشي بعدين برمسج اريج : خير صاير شي ..! بدور : لا مب صاير شي .. بس أنا كنت في العين اريج ودها تموت ضحك : يعني سحبوج معاهم هالمره بدور : اي وانتي الصاجه هههه اريج : وأنا أقول اش فيها بدوووروووه ما ترد بدور : بس أوصل بتصل فيكم اريج : لييش انتي وين ..؟؟ بدور : نحن في الخط .. رادين دبي اريج : اها يعني في السياره .. يلا عاد بس توصلين اتصلي بدور : أوكي .. يلا مع السلامه اريج : مع السلامه .. .. ردت أريج اتصلت بملاك .. ملاك : السلام عليكم اريج : وعليكم السلام ملاك : ها طمنيني ..؟؟ اريج : كانت في العين ..؟؟ ملاك تضحك : هههههه ما أصدق اريج : هههه اي والحين راجعين في الدرب ملاك تضحك : غصبوها ..! اريج : اكيييد ملاك : يلا عاد انتي سيري تريقي وأنا برمسها عقب اريج : أوكي يلا باي .. ملاك : باي .. / . / ميره : منو متصل ..؟؟ بدور : هذي اريج ميره تبتسم : أكيد تحاتيج ..! بدور : اي ههههه مستغربه كيف ييت العين ميره تبتسم : ما تنلام والله معضد : استانستي بدور ..؟؟ بدور : اي وايد معضد : خلاص المره اليايه بنييبج معانا مره ثانيه بدور : لا لا دخيلك معضد يبتسم : ودي أعرف لييش تكرهين العين بدور : مزاج هههههه حمدان : باباتي اشتر لي نفس موبايل عمي فيصل معضد مستغرب : لييش ..؟؟ حمدان : راواني فيه صور سيارات بدور تضحك : اي حتى تلفوني يدخل فيه صور سيارات حمدان : لا لأاااا انتي مالج مو حلو معضد يضحك : حمدااانوه يالدب ميره : خلاااص يما بشتري لك حمدان يبتسم : هي هي معضد : ويا ضروسك يالفار ميره : معضـــــــــــــــــــد معضد يبتسم : عيونه ميره : ترا بدور موجوده معضد يبتسم : هلأ ميره : لا تتكلم عن ولدي معضد : تراه ولدي بعد وبعدين أدلعه ميره : الحين يوم تشبهه بالفار يعني تدلعه معضد : هي هههههههه ميره : زعلانه معضد : ميرووووه بلاج ميره تبتسم : لا ترمس ع ولدي معضد : هههههه يلا قربنا نوصل المحطه .. تجهزو عسب ننزل نصلي ميره : أوكي .. / . / وقت الغدا .. أم عبدالعزيز : شوق يما صبي لي ماي شوق : انشالله يما نور : شوق وأنا كمان .. ضاري : يقولون وأنا بعد نور تقلده : وأنا بعد بو عبدالعزيز يضحك : خلو البنيه بحالها الهنوف : شوق عندي امتحان رياضيات باجر شوق : والمطلوب ..؟ الهنوف : تشرحين لي .. شوق : يما ترا أنا كلش مو شاطره بالرياضيات خلي نور تشرح لج الهنوف : لا شكرا مابي شوق : بكيفج انيت الخسرانه عبدالله : نور شرحي لي أنا نور تبتسم : انشالله أم عبدالعزيز : وينهم ضاري وعبدالعزيز شوق : نازلين يما عبدالعزيز ييلس ويقول : السلام عليكم الكل : وعليكم السلام أم عبدالعزيز : وينه أخوك ضاري ..؟؟ عبدالعزيز : ياي يما ضاري يوصل تحت .. ويقول : صباح الخير شوق تضحك : اي صباحه ونحن الظهر ضاري يبتسم : وأنا اش دراني هههههه بو عبدالعزيز : لييش الساعه كم نمت ..؟ ضاري : اثنعش يبا بو عبدالعزيز : اي تراني مابي سهر .. وانت أخر سنه وتتخرج انشالله ضاري : انشالله يبا نور تطالع شوق ويبتسمون لبعض .. ضاري يعض شفاته بمعنى لو بطلتو حلجكم بكلمه يا ويلكم .. أم عبدالعزيز : وانتو بنات الساعه كم نمتو ..؟؟ عبدالله : تحقيق اليوم ههههه شوق : الساعه ثلاث الفير عبدالعزيز : الهنوف صبي لي ماي الهنوف : انشالله عبدالعزيز : شوق جهزي أوراقج وأوراق نور شوق ونور مستغربين ..! شوق : لييش ..؟؟ عبدالعزيز يطالع أمه وابوه ويقول : ما كلمتوهم ..؟؟ بو عبدالعزيز : لا بعدني يبا .. أم عبدالعزيز : خلاص دامك فتحت السالفه قول لهم عبدالعزيز : الصيف بعد ما تخلصون دراسه بيرسلني أبوي المانيا لشغل .. قلت منها اخلص شغل وأخذ دورة هناك .. وباخذكم معاي لأن الأهل بيروحون الكويت نور منصدمه : بس أنا خلاص مابي البعثه ..! عبدالعزيز : اي مو بعثه .. بس هذيل الشهرين نروح نستفيد ونرجع وبس نور : أوكي دام انه مو للأبد موافقه .. بس مدري شتقول خالتي عبدالعزيز : اي هذي فكرة الوالده وهي موافقه أم عبدالعزيز : اي يما أنا موافقه روحو استفيدو .. عبدالعزيز : وانتي شوق ..؟؟ شوق مستغربه : أنا شنو ..؟؟ عبدالعزيز : اش فيج ساكته ..؟؟ شوق : ماكو بس بعدني مو مستوعبه الفكره عبدالعزيز : يعني بتروحين معانا ..؟؟ شوق : بس أنا ابي اروح الكويت عبدالعزيز : ما يصير شوق : اي ابي اروح الكويت اشوف عيال عمنا صار لنا سنتين مو شايفينهم عبدالعزيز : ما يصير نور تروح بروحها معاي شوق : نور تييي معاي عبدالعزيز : والله مدري الوالد شو يقول بو عبدالعزيز : شوق بتروحين معاهم ما يصير هالسنه تيين الكويت بس ترجعون انشالله روحي لهم عبدالعزيز : خلاص بنروح انشالله شوق : بس أنا مابي أم عبدالعزيز : يمكن ما تروحين يما لا تسبقين الأحداث .. وبعدين وقتها يحلها ربج انشالله ... نور طالعت خالتها مستغربه .. شو تقصد بيحلها ربج وقتها ...! معقوله تقصد شي .. لا لا مستحيل يمكن خالتي قصدها ع السفره .. الله يستر بس كان مو شي كايد .. / . / روان : الله يسلمك يبا بو روان : تبين شي ..؟؟ روان : لا يبا سلامتك بو روان : الله يسلمج روان : يبا وينها أمي ..؟؟ بو روان : طلعت من ساعه روان : آها بو روان : استانستي أمس ..؟؟ روان : اي يبا بو روان : يلا انشالله بس أفضا بسوي عشا ثاني وبوديج معاي روان ابتسمت من دون خاطر : انشالله بو روان : يلا عاد مع السلامه روان : مع السلامه يبا .. روان تمت تطالع ابوها وهو طالع .. ابتسمت وبعد ما طلع .. نزلت دمعه حاره على خذها .. الله يهديك يايبا الله يهديك .. رن تلفونها .. شافت الرقم مسحت دموعها وردت .. : هلا والله مروان : اهلين وسهلين روان : دوم تتصل بالوقت اللي أحتاج لك فيه مروان ابتسم : زين طلعت أعرف لج روان ابتسمت : اي والله أكثر واحد يعرف لي مروان : ها ابوج ظهر ..؟ روان : اي توه طلع مروان : يروح ويرد بالسلامه روان ابتسمت : آمييين ويهديه مروان : آمين روان : شكله بيطول بالسفره هالمره مروان مستغرب : كيف عرفتي ؟؟ روان : مدري بس كلمني وايد قبل لا يطلع مروان : آها عسب جذي يعني ..! روان : اي عشان جذي مروان : يلا يرجع بالسلامه يارب روان : أمييين .. صحيح اش صار ع السفره مروان : والله ماشي بس تدرين الفتره الأخيره خذيت اجازه .. تعبت وأنا أكرف روان : هههههههه مروان : خلاااص ما بسافر هالفتره روان ابتسمت : اي أحسن خلك معايه مروان : من عيوني والله روان تبسم : تسلم لي عيونك والله ههههههه مروان : متى تخلصون دراسه روان : وليييش انشالله ..؟؟ مروان : عشان يتحقق اللي ببالي روان استحت : ويا راسك .. تراك تحرجني جذي مروان يضحك : ما قلت شي غلط تراني .. بخطبج هههههه روان : وقتها يصير خير مروان : ماشي تشتغلين ترا روان : كلي تحت أمرك والله .. تبيني اشتغل خدامه بعد عشان عيونك بشتغل مروان : حاشاااج ههههه روان ابتسمت : هذا يعني عشان تعرف غلاتك مروان : غاليه بدون ما تتغلين روان : تخربني جذي مروان يضحك : عاد بسكت خلاااص .. روان : ههههه اقول مروان حبيبي ياييني خط ثاني مروان : يلا عاد أنا بصكر لأني بروح برقد روان : نوم العوافي مروان : الله يعافيج روان : مع السلامه مروان : مع السلامه حبيبتي روان بعد ما صكرت .. ردت على أريج .. روان : السلام عليكم أريج : وعليكم السلام روان : اش لونج يالدبه ..؟؟ اريج : تمام انتي شخبارج ..؟؟ روان : تمام اريج : يوم أمس .............؟؟ روان : مو حلو اريج : أدري روان : لييش تسألين عاد ..؟؟ ههههه اريج : أتأكد بس من نسبة ذكائي روان : هههههه وانتي ..؟؟ اريج : ملل في ملل روان : الله يعينج بس أهون من المكان اللي كنت فيه اريج تضحك : هههه بالعكس شفتي ناس روان : بس كلش مو برستيج ..! اريج : تجار ومو برستيج ..؟؟ روان : اي تراني آنا اللي مو برستيج ههههههه اريج : دبه .. انزين تدرين بدور راحت العين روان بطلت عيونها مو مصدقه : له له له .. راحت العين ..؟؟ اريج : هههههه اي توني كلمتها وراجعين دبي روان : ههههه ياحظها والله اريج : شو ياحظها .. غصبوها هههه روان : بس بعد شافت أحباب قلبها اريج : اي هههههه روان : يلا عاد اروج بصكر بروح بتغدى اريج : بالعافيه روان : الله يعافيج غلاي اريج : يلا مع السلامه روان : مع السلامه حبيبتي .. / . / بليل ...... ملاك فيها رقاد : منــــــــــــــــــو ...؟؟ مايد ع الباب : أنا مايد ملاك ملاك : شو تبا ..؟؟ مايد : فتحي شوي ملاك ملاك : أنا راقده مايد جان تبا شي باجر الصبح مايد : افتحي ملاك بسرررعه ملاك تخرعت وفتحت الباب بسرررعه : خيـــر اش صاااااااير ..؟؟ مايد : ماشي .. عندج بنادول ..؟؟ ملاك مستغربه : اش حقه ..؟؟ مايد : راسي يعورني اشوي .. عندج ولا ..؟؟ ملاك : في فـ المطبخ مايد : دورت وما حصلت ..! ملاك : اي تعال بعطيك مايد مشى مع ملاك .. وملاك طلعت من السده البنادول وصبت له ماي .. عطته حبة البندول .. بس لما احتكت يد ملاك بيد مايد .. حست برجفه .. ملاك : ميـــــود ...! مايد وهو تعبان : هلأ ملاك : انت مسخن وايد مايد : لا بس راسي يعورني ملاك تلمس جبهته : امبلا حراراتك مرتفعه وايد مايد : عادي بتنزل الحين ملاك : ميود مب زين .. ارقد بييب لك كمادات مايد : ملاك بروح برقد وبتنزل الحراره .. ملاك : مايد شوف عيونك كيف .. مايد حس بدوخه ويلس ع السرير وما رد عليها .. ملاك حطت راسه ع المخده وقالت .. : ميود خلك اهني الحين بيي مايد : ملاك ييبي لي لحافين .. وخفي ع التكييف / . / شوق تطالع نور وتقول : والله روحي ما فهمت عليهم نور : غريبه كيف اتخذو القرار فجأه شوق : اي والله غريبه .. جذي بيوم واحد خططو وسوو كل شي نور : يمكن اليوم الصبح لما حنا نايمين .. شوق : اي يمكن كل شي جايز .. نور : بس روحة المانيا مو داشه مزاجي شوق : ولا أنا نور : يلا انشالله خير شوق : انشالله نور : تدرين السالفه الا فيها انه شوق : اي أنا بعد اقول جذي نور : بنعرف أكيييد الخبر اليوم بفلوس وببكره ببلاش شوق تضحك : نواري مستويه مصريه هههههه نور تضحك : أخوك هذا أثر على عقلي مع خشته شوق : اي اش فيها خشته مافي أحلى من أخوي بالكون نور : روحي اغسلي وجهك انتي مع أخوك شوق تضحك : والله انج دبه .. يلا نامي بسنا سهر نور : اي والله عيوني وجعتني من السهر شوق : هههههه أكيد نور : تدرين فاجئني أخوك بالقرار هذا شوق : اي وأنا بعد .. بس تدرين منها بنروح سياحه نور : اي فكره ههههههه شوق تبتسم : تدرين ....................... نور تقاطعها : اقول نامي بكره ورانا كليه .. وأعرفك ما تقومين بدري شوق تضحك : يلا هههههه نور : تصبحين على خير شوق : وانتي من أهله .. / . / بدور : يلا ميره حراااام ميره : مافي معضد يطلع من الحجره ويقول : شو سالفتكم ..؟؟ بدور : هذي ميروه ما تبي اتيي قطر بشهر سته معانا معضد : كيف ما بتيين ..؟؟ ميره : أخاف اربي في الطريج معضد : ههههههه ضحكتيني ميره : اي والله ما أمزح معضد : يمكن تربين قبل ميره : اي لو جذي زين بدور : خلاص بدعي كل يوم تربين بشهر خمسه ميره : أمين عشان افتك بسرررعه معضد : يلا عاد بنفر هالياهل ع بدور تخيل عليه بدور : لا والله !! معضد : هي صدق بدور : اصلا أنا بكون في قطر ههههه حمدان : وديني وياج بدور تبتسم : انشالله هههههه معضد : ميره متى أخر مره كلمتي الوالد والوالده ..؟؟ ميره : من يومين تقريبا معضد : هي صح لأنه عمي طلب عني أكلم ابوج عن شغله .. بدور طاح قلبها في بطنها .... وطالعت ميره ... ميره : خير ...؟؟ معضد : ماشي بس شغله جذي ميره : أوكي خلاص بس اليوم اللي بتصل فيهم بخبرك معضد : أوكي لا تنسين ضروري بدور ما رامت تتريا وقالت : خير اش صاير ..؟ معضد : عمي يبي يسأله عن السوق هناك وتعرفين عاد بدور ارتاحت وقالت : آها .. ابوي اش دراه اسأل أخوي أحسن معضد : هي صدقج روحه الوالد شيبه بدور : اتصل بـ عبدالرحمن معضد : يصير خير .. بدور : يلا عاد أنا بروح برقد ميره : ونحن بعد .. بدور : تصبحون على خير الكل : وانتي من أهله .. بدور : حمودي تجهز باجر الصبح بنروح قطر عن يدي ويدوووه أوكي قلبي .. حمدان : أوكي بقوم الصبح .. ماما جهزي شنطتي .. ميره : اي انتي صيحي الولد كل يوم بدور تضحك : ههههه أحب أطفر هالانسان ميره : يلا روحي نامي عن تتأخرين باجر بدور : هههههه انشالله الأربعاء 22-09-2010, 02:20 pm إڷـےٍ آڷلْقٍــآءْ فٍـےٍٍٍ آڷحًـڷقْهٍـ آڷقًــآدٍمْـهٍـ .. |
السلامـ عليكم والرحمة اسمحيييييييلي ادري قطعت الرواية بس صارت لي ظرووف بس الصراحة ابدعتي في البارتات ونتريا البارت الياااااااااااي بكل شووق هع ويعطيج العافية |
اسعدني مرورج عزيزتي لا عادي فديتج كل انسان ينشغل وله ظرووف ولا عدمت هـ الطله الحلوه |
ღ الحلقه الخامسه عشرღ ملاك وهي تغير الكماده .. بدت تقرا على مايد .. ملاك : مايد .. مــــايد مايد : لا رد ............... ملاك : ميود رد علي دخيلك مايد بدا يون وبس .. ومن كثر ما الحراره مرتفعه ما تكلم رد غمض عيونه .. ملاك ردت غيرت الكماده .. الين حست ان الحراره بدت تنزل وترجع طبيعيه .. تجدمت ملاك عن الكبت وطلعت لها فراش .. وفرشته ع الأرض ورقدت عشان لو حرارة مايد ترتفع ترد تغير له الكماده .. , , الساعه عشره الصبح .. مايد فتح عيونه على ضوء الشمس وشاف روحه بحجره ملاك .. بدا يتسوعب اش صار بليل .. مسك راسه حس راسه يعوره .. رجع حط راسه ع المخده وغمض عينه .. رد فتح عيونه وهو يسمع صوت موبايل يرن بالحجره .. يلس .. شاف ملاك راقده ع الأرض .. قام من ع السرير .. روح صوب ملاك .. مايد : ملاك .. ملاك ملاك : لا رد مايد : ملاك قومي ملاك لفت ويهها الجهه الثانيه مايد : ملاكك تراج تأخرتي ع الكليه ملاك : ما بروح مايد : انزين نشي ارقدي فوق انا قمت ملاك : مابا خل يغيرون الفراش مافيني أمرض مايد مشى وقال : برايج .. شكلها المكسينه كانت سهرانه طول الليل .. الله يهديها جان توعيني واروح المستشفى أحسن لي .. بس صدقها وين كان فيني حيل .. أنا روحي ما اتذكر شو صار لي ..! ................ : مــــايد مايد لف شاف أمي فاطمه : صباح الخير أمي أمي فاطمه : صباح النور مايد : هلا أمي اش فيج متروعه أمي فاطمه : وانا يايه اوعيك الصبح ما شفتك في حجرتك .. رحت حجرة ملاك شفت الماي والكلينكس .. تروعت قلت ليكون مستوي بك شي مايد ابتسم : لا أمي ما فيني الا كل خير أمي فاطمه ابتسمت : أكيد ياامي مايد : هي أمي خلاص صرت أحسن .. بس ملاك حليلها تعنت معاي بليل أمي فاطمه : جان توعيني مايد : وانا اش دراني عنها .. ما كنت أعرف عن روحي أم فاطمه : عيل ملاك شكلها ما بتداوم اليوم مايد : وين فيها شده أمي فاطمه : يلا عيل روح تسبح بماي بارد عسب الحراره تطلع من جسمك .. وتعال تريق معاي مايد : انشالله أمي أمي فاطمه : يلا أترياك / . / بدور : وينها ملاك ..؟ أريج : ما أدري ما ترد عليه روان : ولا علي ..! شوق : غريبه اش فيها عاد نور : والله ما أدري ما كلمتها بعدني روان : ليكون صاير ببيتهم شي نور : لالا مستحيل تشوفون عندها ظروف من كذا ما جت اريج : يلا انشالله تكون بخير .. وتتصل عقب شوي نتطمن عليها نور : انشالله شوق : والله الكليه ما تسوى بدونها شي اريج : اي والله بدور : يلا انشالله ما فيها الا كل خير شوق : انشالله نور : طيب اتصلو على تلفون البيت اريج : اي أنا أعرف رقم بيتهم نور : اجل اتصلي اريج : أوكي .. البنات تيمعو حوالين اريج .. واريج اتصلت على بيت ملاك .. مايد رد عليها : السلام عليكم .. اريج : وعليكم السلام مايد : هلا أختي .. بغيتي شي ...؟؟ اريج : ملاك موجوده مايد : راقده .. اريج : خير فيها شي مب مداومه مايد : لا ما فيها شي .. اتصلي بها عقب اريج : اوكي شكرا .. مايد : العفو .. بعد ما صكرت التلفون .. نور : طمنينا ..؟؟ اريج : الظاهر اخوها اللي رد ويقول انها نايمه شوق : خير ..؟؟ اريج : يقول ما فيها شي نور : يلا الحمدلله بدور : بعدني مب متطمنه اريج : بتتصل بروحها لما تقوم نور : الله يستر ... / . / يوم الاثنين الصبح .. البنات ملتمين حوالين ملاك .. دخلت بدور .. وقالت : يا مرحبــــــــــــــــا يا مرحبا ملاك ابتسمت : هلا بدور بدور : اسفرت وانورت واستهلت وأمطرت ملاك تضحك : غبت يوم وجذي ههههههه شوق : اي والله لو أكثر جان صدق تجننا ملاك تبتسم : زين زين عرفت بغلاتي عندكم .. نور : فديتك انتي غاليه من غير ما تتغلين هههههه ملاك : فديتكم أنا اريج : طمنينا على مايد ملاك : اشوفج مهتمه فيه هههه اريج : يالدبه يلا قولي شخباره ملاك : تمام بس البارحه بليل كان مسخن وايد نور : عنده أخته ممرضه ههههه ملاك : اي ههههههه بدور : يلا زين عرف قدرج ملاك : ههههه اي عرف قدري بس هاليوم رقدت ع الأرض .. ظهري تكسر روان : يالمسكيييييييييييينه هههههه ملاك : تريي بييلج يوم شوق : اي صح نسيت أخبركم .. البنات : خير شوق : تخيلو من بيزورنا ع الخميس نور : أدري ههههه شوق : ادري انج تتدرين بس الباجي ههههه روان : منو ..؟؟ شوق : عيال عمي سعود من الكويت بدور : احلفي بس شوق : والله بدور : ياحظكم شوق تبتسم : لأنهم باجازه نص السنه .. اريج : اهني المدارس بعدهم أمس بدو امتحانات نص السنه وع الأسبوع الياي بيخلصون شوق : المهم انهم اييون ههههه نور : الله يعيني ملاك : اي انتي جذي محبوسه عاد الله يستر جان يو عيال عمهم نور ما بتظهر من الحجره هههههه نور تضحك : اي والله ههههههه ملاك : وأنا بعد عندي خبر حلو ..!! البنات : خير ...؟؟ ملاك : تخيلو شو ..؟؟ نور : ليكون انتي الثانيه عيال عمك بيجون ..؟؟ ملاك تضحك : نحن وين وعيال عمي وين الله يخليج .. ههههه روان : عآد ..! ملاك : راشد ولد أمي فاطمه بيي يوم الأربعا بليل بدور : له له ملاك : اي والله اريج : خلص دراسه ..؟؟ ملاك : هي ومعاه الشهاده بدور : خلاص يفتح مستشفى ونشتغل عنده ممرضات ههههه ملاك : يبيله تصدقين هههههه نور : أكيد أمه فرحانه ملاك : فوق ما تتصورين وبعدين متغرب كل هالسنين لازم تفرح أمه بشوفته بدور : ع قولتهم قرت عينها بشوفته شوق : فديت الصواريخ اللي تطلقها بدور ههههههه اريج : ونحن عمي بيي بس يقعد يوم نور : ماشالله تطورات اليوم وأخبار جديده ,,, مرت الأيام .. الين يا يوم الأربعاء .. يوم وصول راشد للبلاد .. تغرب كل هالسنين في الخارج بس رجع وهو رافع راية بلاده وطبيب .. أمه أكثر وحده بتفرح بوصوله .. ولدها الوحيد مايد شاف راشد في المطار وأشر له .. راشد ابتسم لـ مايد وتقدم عنه وتخاشمو .. وحضن راشد صديق الطفوله .. مايد : نورت البلاد راشد : منوره بأهلها مايد : اش حالك ..؟؟ طمني عنك انشالله كنت مرتاح راشد يبتسم : أنا بخير .. بس خلاص من اليوم بكون مرتاح انشالله دامني رجعت للدار مايد ابتسم : دوم يارب .. راشد : انت اش حالك ..؟؟ واش حالك الوالده وملاك وموزه ..؟؟؟ مايد : بخير كلنا بخير ياخوي راشد : البلاد تغيرت وايد مايد : عشر سنين ياخوي مو شويه راشد ابتسم : هي والله مب شويه .. مايد : يلا نروح نخلص اجراءات ونرد البيت عسب تشوف الأهل وتريح راشد : هي لأني من أسبوع مب راقد عدل مايد : الله يعينك ياريال .. / . / شوق : نواري أمانه قولي هذا حلو ولا هذا ..؟؟ نور : ولا واحد شوق : يلا قولي ...؟؟ نور : قلت لك ولا واحد والله شوق تبتسم : انزين شو البس ..؟؟ نور : التنوره البنيه مع القميص البرتقالي شوق : حلو ..؟؟ نور : اي والله أحلى من هذيل شوق : بشوفه عاد نور : لييييه هم متى بيجون ..؟؟ شوق : باجر الساعه اثنعش الظهر بيوصلون مطار دبي نور : بيجون بدري شوق : اي ما بييون بليل نور : بنكون في الكليه شوق : لا باجر محد مداوم نور : لييييه من قال ..؟؟ شوق : يالذكيه ناسيه ان باجر ماكو جدول ولاشي نور : اي زين ذكرتيني شوق : تهقين راشد وصل ..؟؟ نور : أكيييد صارت الساعه تسعه بليل شوق : ملاكوه اش بتسوي ..؟؟؟ نور : ولاشي .. هم مثل الأخوان ربو مع بعض شوق : هبله وطول عمرج بتظلين هبله نور : وليييه يعني ..؟؟ شوق : مو كل اللي ربو مع بعض تفكيرهم جذي .. فكري شوي نواري فكري .. وافهمي قصدي نور : يقولون اللبيب بالاشارة يفهم .. بس أنا شكلي فهمتها شوق : أشك الصراحه هههههه نور : اخلصي يلا اختاري لك لبس حلو شوق : خلاص التنوره الجنز والقميص التركواز مع الككاوي نور : حلو .. بس البسي شيلة سوده شوق : أوكي .. اصلا ما عندي شيلة تركواز مع ككاوي نور : طيب مو لازم تخلطين يالهبله ترا لون واحد عادي مو لازم الوان الدنيا بالشيله شوق تبتسم : أوكي أوكي خلاااص أكلتيني .. / . / مايد يبتسم : روووح ريح شوي بو سنيده راشد يبتسم له ويقول : بقعد مع الوالده شوي أمي فاطمه تشوفه وتقول : فديتك ولدي .. الله يحفظك مايد يبتسم : تراني أغااار راشد : ياريال اسكت لاذبحك انا صار لي سنين محد يدلعني خلني اليوم اتدلع ع كيفي مايد : ههههه اليوم وبس راشد يبتسم : أمي صح موزي متى بتيي ..؟؟ أمي فاطمه : اليمعه انشالله راشد : انشالله أمي فاطمه : عاد عيالها كبرو راشد يبتسم : بنشوفهم انشالله مايد : يشبهونك ههههه راشد : أكيييد حلوين .. صح ملاك وينها ..؟؟ أمي فاطمه : ملاك صارت حرمه خلااااص راشد يبتسم : كبرت ههههههه مايد : هي هي خلاااص الحين ماشي توديها الدكان وياك ههههه هذاك أول راشد : عادي بنوديها الجمعيه هههه مايد : عسب أدفنك جدام البيت ههههه أمي فاطمه : بلاكم يا عيال راشد : استحملي امي صار عندج ولدين لازم يتفاتنون أربع وعشرين ساعه مايد : ههههه دافعي عني أمي أوكي أمي فاطمه : الله يهديكم بس راشد : يلا عاد أنا بروح بريح شوي مايد : نوم العوافي راشد : الله يعافيك أمي فاطمه : راواك حجرتك مايد راشد يبتسم : أمي ترا نحن ربينا في هالبيت وين بننساه ههههه مايد : روح ارقد يلا بسولف مع أمي شوي راشد : تصبحون على خير مايد وأمي فاطمه : وانت من أهله .. / . / . / مر يوم الخميس بسرعه ... الكل يتريا يوم الجمعه يوم اليمعه .. اللي أهله بيزورونه واللي ناطر ناس ما شافهم مده .. واللي واللي واللي .. وكلن له حكايه .. وبحر من المفاجئات تنتظره .. / . / . / يوم الجمعه الساعه عشره الصبح .. أم عبدالعزيز : شوق .. يمـــا شوق شوق يايه ركض من المطبخ : هلا يما أم عبدالعزيز : اش صار ع الأكل ..؟؟ شوق : العيش بروحج سويه بس السوالف الثانيه أنا ونور قاعدين نسويها أم عبدالعزيز : انزين انتي روحي ساعدي نور وبييكم بعد شوي شوق : انزين يما نور وهي تقطع السلطه : خير اش تبي خالتي ..؟ شوق : ماكو بس تسأل عن الأكل نور : شوق تعالي ساعديني شوي شوق : يما منج .. الحين مو انتي اللي قايله ما أحب أحد يساعدني نور : اي بالدراسه مو بالمطبخ شوق : كله واحد نور : لأ مو واحد شوق تبتسم : لا واحد يلا روحي مناك نور تضحك : يالعياره تتحججين شوق : اي اتحجج ههههه نور : الله يراويج هههههه شوق تطلع لسانها : اقول انجبي وكملي شغلج الهنوف تدخل المطبخ .. شوق : الهنوف وين أمي ..؟ الهنوف : وأنا اش دراني روحي شوفيها بروحج شوق : أعوذ بالله بس سألنا الهنوف تروح تشرب ماي : وجاوبتج شوق تطالع نور وتأشر لها بمعنى مينونه .. نور تبتسم لها وتقول اسكتي .. أم عبدالعزيز تدخل المطبخ : ها اش سويتو بنات ..؟؟ شوق تبتسم : الله يابج أم عبدالعزيز : خير ..؟ شوق : الحين ارش عليه الكزبره ولا ..؟ أم عبدالعزيز : لا لا انطري قبل لا نقدمه أحسن عشان شكله يطلع مرتب شوق : أوكي أم عبدالعزيز : وانتي نور ..؟؟ نور : خالتو بعدني ع السلطه أم عبدالعزيز : ويه ع ايامنا نحن كنا نخلص الطباخ بهالمده نور تضحك : ترا ايامكم ما كان فيه سلطه أم عبدالعزيز تضحك : مو لهالدرجه عاد ههههههه شوق : بسكم حجي يلا خلصو عشان نلحق على صلاة الظهر أم عبدالعزيز : شوق اتركي اللي بيدج وروحي قومي ضاري خل يتسبح عشان يروح المسيد شوق : مابي .. الهنوف روحي قوميه الهنوف : مابي أنا بروح داري .. امتحانات نص العام بدت شوق : أوف .. تسمعينها كأنها دافوره وهناك طل أعوذ بالله أم عبدالعزيز : بلا حجي زايد يلا روحي قومي أخوج خل يروح المسيد شوق : انشالله ماميتو تامرين أمر انتآآآآي أم عبدالعزيز : يقطع بليسج يلا روحي بسررررعه هههههه شوق تمشي .. وتروح حجرة ضاري عسب توعيه من الرقاد .. الين وصلت فوق .. أول ما وصلت طالعت حجره عبدالعزيز ابتسمت .. الحين نواف راقد بعده والله لو بيدي اروح أقومه بس خساره .. اي صح نواف نايم بغرفة عزوز وعمي وولد عمي الثاني وينهم ..؟؟ يلا خل اروح اقوم ضاري وبرجع بسأل أمي .. دقت باب حجرة ضاري ودخلت .. تجدمت شوق عن السرير .. شوق : ضاري .. ضاري قوم بسك نوم ضاري : لا رد .... شوق : ضاري قوم ولا بخبر أمك ضاري : لا رد .... شوق : ضــــــــــــــــاري قوم ولا بييب سطل ماي وأجبه عليه .. وبعدين اليوم يوم الجمعه و ............. قاطعها وهو يرفع اللحاف عنه ويقول وهو معصب وفيه رقاد : زين رهام لعنبو ابليسج حشرتينا .. شوق تنصدم يوم تطالعه وترجع ورا .. : آسفــــه ع بالي ضاري .. نواف يطالعه منصدم ومستغرب ويبي يضحك : شــــــوق شوق تنزل راسها مستحيه تبي تمشي .. نواف وقفها وهو يقول : أعوذ بالله طبق الأصل من رهاموووه أختي .. اسلوب ماكو كللللللللللش شوق .. أنا اللي ميته عليك واليوم ياي أول كلمه أسمعها منك اسلوب ماكو .. نزلت راسها .. نواف : سمحي لي ما عرفتج كان فيني نوم تدرين عقب السفر ارهاق .. شوق : لا عادي نواف : اشلونج ..؟؟ انشالله جينه باباتي شوق تذكرت اسلوبه الدفش والمضحك وابتسمت : جينه وجبنه وقشطه .. انت اش لونك ..؟؟ نواف : تمام الحمدلله .. شوق : شخبار أهل الكويت ..؟؟ نواف : كلهم بخير الحمدلله يسلمون عليكم شوق : الله يسلمهم يارب .. يلا عاد قوم عشان تروح المسجد نواف : انشالله .. وتعملي ترا هذا مو أسلوب تقومين فيه الناس .. باجر لو زوجج بيكره حياته هههههه شوق نزلت راسها واستحت : يلا عن اذنك .. نواف : اذنج معاج شوكه شوق لفت وتذكرت هذا لقبها اللي تكرهه وهي صغيره وابتسمت : نونو نواف : اقول اطلعي مو كافي خربتي نومتي .. شوق ابتسمت وطلعت .. يالله هذا نواف .. ياربي سنتين وتغير جذي .. والله ما اصدق ياربي عليه بعد أهبل ويجنن .. والله ان خوووش طفل .. هع لو سمعني بس ..! بس بعده حبوب واجتماعي .. يا ربي .... موقف لا أحسد عليه .. نور وهي تقطع : شوووق شوق : لا رد نور : شوق يا شـــــوق ..! شوق لفت تطالع نور : هلأا .. نور ابتسمت : اللي ماخذ عقلج يتهنا به شوق ابتسمت : ماكو أحد غيرج نور : اي اي علينا والحبايب موجودين شوق : ملييييييييقه نوووروووه اسكتي ترا اللي فيني مكفيني نور تبتسم : له له له خير اش صاير شوق : اش صاير بعد نور : ليكون لعنتي حلت عليك شوق تبتسم : اي الظاهر هذي حوبتج ههههههه نور : اش صار ..؟؟ شوق : بدال لا اقوم ضاري قومت نواف نور تبتسم : نــــــــــواف شوق : ايه نواف فيه أحد غيره يعني نور تضحك : لا احلفي بس يا شيخه شوق : والله نور : ويو ويو ويو .. تفشلت المسكينه شوق : نور اسكتي لا افر عليج اليدر نور : اش صار انزين شوق : بعدين بخبرج الوضع الحين ما يسمح .. .................. : شاللي ما يسمح ...؟؟ شوق ونور يلفون مصدومات .. شوق تتأتأ : ماكووو ...! عبدالعزيز يفتح الثلاجه : انتي اللي تقولين ..! شوق : اي سوالف بنات نور : انت من متى هنا ..؟؟ عبدالعزيز : يهمج ..؟؟ نور استحت من أمس وهو طايح عليها الا يبي يكلمها .. نور : لا بس أسأل .. عبدالعزيز : عاد خلاااص ما بجاوب .. شوق طلعي لي ريوق شوق : انشالله عبدالعزيز : نواف هم بيتريق معاي شوق : وعمي وولده براك ..؟ عبدالعزيز : لا لا تريقو خلاص شوق : أوكي ثواني طلع عبدالعزيز .. شوق : كنا بنروح فيها نور ابتسمت : يلا طلعي لهم فطور أم عبدالعزيز تدخل المطبخ وتقول : بنت انتي معاها يلا كملي اللي بيدج .. نور تبتسم : انشالله خالتو .. / . / . / أريج : انزين كيف بنحط الأكل جدامهم خالو أمينه : مثل العالم والناس كيف بعد ..؟؟ أريج : لا بس أقصد انه مرته لبنانيه يمكن غير خالو أمينه : ما عليج تعودت على عمج أريج : كم بيتمون عندنا ..؟؟ خالو أمينه : للعصر وبيروحون أريج : ولييييييييييش ..؟؟ خالو أمينه : عنده شغل أريج : آها .. انزين خل يترك مرته عندنا خالو أمينه : هي عشانج ..! أريج تضحك : خلااص انزين ما قلنا شي خالو أمينه : خلصي بسرعه عشان تروحين تتسبحين وتجلسين مع الضيوف لما يوصلون أريج : انشالله خالو أمينه : كلميهم عدل أريج : انشالله خالو أمينه : و عـ ............... أريج : أمـــي ترا والله أعرف ههههه خالو أمينه تبتسم : بس أبي أتأكد يعني أريج : أبي أِشوفهم .. من زمان عنهم خالو أمينه : اي والله من زمان .. أريج : كم صار لهم ..؟؟ خالو أمينه : مب وقت طويل قريب .. بس عمج فيه الخير أريج : اي والله فيه الخير خالو أمينه : لولاه مدري اش كنا بنسوي ..؟ أريج : أكيد طايحين بالشوارع خالو أمينه : لا تفاولين علينا بعيد الشر عنا أريج تضحك : لا بس أوضح لج الصوره يعني خالو أمينه : شكرا مايبي ههههه اريج : أمي بسألج ما تعصبين خالو أمينه : سؤال ما يعصب ما بعصب أكيييد أريج : لا عاد خلاااص خالو أمينه : قولي يلا اريج : بتعصبين ..؟؟ خالو أمينه : لا ما بعصب اريج : اليوم انتي ليييش مستانسه ...؟؟ خالو أمينه : عشانج .. اريج مستغربه : عشاني ..؟؟ خالو أمين : ايوا اريج : ولييش ..؟؟ خالو أمينه : لأنج بتشوفين عمج اللي هو سندج اريج تضحك : اها وأنا اقووول شالسالفه خالو أمينه تبتسم : الله يحفظج أريج : آمييين .. بس لو عمي عنده ولد بعمري كان زين خالو أمينه : ليييش ..؟؟ اريج : أظمن اني ما بعنس خالو أمينه تعقد حياتها : اسكتي لا أكسر راسج بهالشاطور اريج تضحك : ههههههههه أمي اش فيج أمزح انزين خالو أمينه : مابي هالمزح أريج بهمس : لو تدرين عن سوالفي جان ذبحتيني خالو أمينه : اش قلتي أريج : ماشي خالو أمينه : بلا انتي قاعده تتحرطمين أريج : ماشي بس أقول ان الوقت مب قاعد يمر خالو أمينه : هي بس اييون بيمر الوقت بسرعه انشالله أريج تبتسم : انشالله خالو أمينه : أنا رايحه أقرا سورة الكهف كملي شغل انزين أريج : انشالله أمي .. خالو أمينه : وحاسبي ع الأكل عن يحترق أريج : من عيوني والله تامرين أمر خالو أمينه : يلا عاد بروح بقرا سورة الكهف .. / . / . / ميره : تعالي ساعديني انزين بدور حاطه ريل على ريل : مابي ميره : لا والله بدور : اي والله ميره : وليييش انشالله ..! بدور : كل رفيجاتي أهلهم بيزورونهم اليوم ونحن ما عندنا أحد ميره : ما يكفيج حمداانوه بدور : حتى ولو ..! ميره : السبوع اللي طاف كنا بالعين بدور : أدري بس اليوم اهمه كلهم متيمعين ميره : انشالله انتي بعد .. خلاص هانت مب باجي الا كم شهر وترجعين قطر بدور ابتسمت : تدرين اشتقت لقطر وأهلها .. وكل شي بس ما ودي أرجع ميره : وليييش انشالله ..؟؟ بدور : الصراحه ودي أقعد مع رفيجاتي ميره : كلهم بتفرقون محد يتم مع أحد هذي سنة الحياه بدور : ومو ذابحني غير هالفراق ميره : يقول لج الشاعر .. ما تقبلت الفراق وما ليدي فيه حيله .. بدور تضحك : انتي وين وحامد زيد وين ههههههه ميره : اسولف هههههههه بدور : خلاص من الملل بقطع لج السلطه .. ميره : الحين البنات لا قطعت السلطه جنها سوت ذبيحه ههههه بدور : اي والله وبعدين اش عرفنا بالطباخ نحن ميره : تخيلي باجر لو خذيتي لج واحد ما يجب غير أكل البيت بدور : يسطفل ههههه ميره : دبــــه لا تقولين جذي .. يلا اشوووف اشتغلي بدور : ان شاء الله أختي العزيزه ميره : والله انج ملقوفه بدوروه بدور : أدري ميره : يلا خلصيني بسررررعه قبل لا يرجع معضد من الصلاه بدور : أوكي أوكي بس لا تعصبين هههههه ميره : جم باجي ع الدراسه بدور : الله يسلمج شهر خمسه أخر شهر ميره : يلا متى شهر خمسه يييي بدور : جريب جريب وبتفتكوني مني ميره : كل شي تفهمه غلط .. يما ترا قصدي بربي وبنروح قطر انشالله بدور : لا أدري قصدج أرجع قطر أدري لا تحاولين ميره تضحك : دبه أدري قلبج أبيض بدور : لا أحمر ها ها هاي ميره : بدورووه خلصي قبل لا اييي ريلي من الصلاه بدور : انشالله انشالله ميره : وين ناويه تشتغلين في قطر بدور : والله ما فكرت بعدني ميره : ورفيجاتج ..؟؟ بدور : هم ما يعرفون .. ميره : تدرين لو بتشتغلين في قطر .. اشتغلي بالمستشفى اللي يشتغل فيها عبدالرحمن دكتور .. بدور : لا والله تبين يحاسبني على كل شي ميره : بالعكس ..! بدور : مابي مكان مع عبدالرحمن مابي ميره : ههههه انزين انزين على كيفج كليتيني .. بدور : يلا يلا خلصي قبل لا ايي ريلج ميره : ههههه انشالله .. / . / . / روان طالعه من حجرتها .. وهي تتكلم بالتلفون .. مروان : أوكي اترياج روان : انزين بس اسمعني تراني ما بقعد وايد مروان : أوكي بس نتغدا روان : انزين وين ..؟؟ ما خبرتني مروان : مفاجأه روان : أوكي أنا نازله .. مروان : بسرعه ترا صارت الساعه وحده ونص .. وأنا ما تريقت بعد روان تضحك : لهالدرجه مروانوووه ههههه مروان : هي والله ما مداني روان : أوكي خلاااص وصلت عند الباب .. يلا صكر .. بطلع لك مروان : تريي روان وهي طالعه تشوف سيارته : هلأ مروان : محد يشوفنا ..! روان : لأ أبوي محد وأمي نايمه .. رجعت من برع الفير مروان : آها يلا بسرعه قاعد اشوفج روان : أوكي مشت روان الين السياره وركبت .. : السلام عليكم مروان : وعليكم السلام روان ابتسمت : خواف مروان : مب بايع روحي هههه مشينا ..؟؟ روان : مشينا !! مروان : وين تبين تروحين ..؟؟ روان : اي مكان مروان : بوديج مكان يعجبني وايد روان : شرط !! مروان : أدري روان : شو هو ..؟ مروان : مكان عام !! روان : صح ههههه مروان : أدري بج .. ما تثقين فيني .. روان : حرام عليك مرواني بس والله الدنيا مالها أمان مروان : أدري ههههه أصلا روحي ما ارضى نكون روحنا روان : ويا راسك يلا بسرعه لأني يوعانه مروان : أوكي هههه بس مب أكثر عني روان : أشوفك ياي من مجاعه مروان : اسكتي لافرج برع روان تضحك : ما تقدر مروان : اقدر روان : لأأأ ههههه مروان : تبين تشوفين ..؟؟ روان : لا لا شكرا هههههههه مروان : أشغل المسجل روان : لأا أنا بروحي بشغله مروان : يلا سمعينا على ذوقج روان بدت تغير بالاف ام .. وقالت : ما عندك سيديات .. مروان : امبلى بس أكثر شي قرآن تدرين الوالده ما تحب الأغاني روان : آها .. مروان ابتسم : عقبال ما تصيرين شراتها روان : هههه آمين .. بس تخيل يوم انك تبي تخطبني أمك بتنصدم يوم تعرف ان أمي أجنبيه وكافره هههه مروان : وهي شو يخصها بأمج .. عليها منج وبس روان ابتسمت : واي فووديت اللي يفهمون مروان : استحي على ويهج يابنيه روان : خلاااص استحيت هههه / . / . / ملاك : موزي يالدبه بسج موزه : تراني ما بخلصه ههههه ملاك : مو زين وايد تراه سكر .. لا سمح الله ييب لج السكري موزه : احبه زياده ملاك تبتسم : لا حول ولا قوة الا بالله أمي طالعي موزي أمي فاطمه فيها رقاد : أنا بروح برقد ملاك تضحك : أمي ولا تدري عن الدنيا .. روحي فديتج ارقدي أمي فاطمه : وعيني صلاة العصر ملاك : انشالله موزي : وينه رشود بعدني ما شفته وأنا يايه عشانه ملاك : ربعه معاه في الميلس موزه : هيييييه .. بس أنا أخته أولى .. لازم أشوفه قبل ملاك تضحك : فهميه عاد موزه : شفتيه ..؟؟ ملاك : لأأ بعدني موزه : ابي أعرف متن ولا ضعف .. ولا طول هههههه ملاك : لا ابشرج توقف نموه ههههه موزه : يلا بتصل به خل ايي جرب يأذن العصر وهو بعده ملاك تبتسم : اي والله جرب يأذن العصر وبعده مايااا .. موزه : خلاااص بتصل فيه الحين .. ملاك : يلا بسررررعه ................. : هود هود موزه : هدا هدا .............. : تتصلين بـ منو ...؟؟ موزه توقف وتبتسم عن خاطر : راشـــــــــــــــــــــــــد راشد يبتسم لها ويقول : يا مرحبا موزه تتجدم عنه وتحضنه وتقول : منو البلاد والله راشد يبتسم : أدري هههه موزه تضربه ع الخفيف : فديتك .. مستوي ضعيف جييييه راشد : افكر فيج ههههه موزه تبتسم : ماشالله ماشالله يلا مبروووك ع الشهاده راشد : الله يبارك في حياتج موزه : طمنني عنك وعن أحوالك ..؟؟ راشد : بخير الحمدلله موزه : دوم يارب راشد : وينهم عيالج ما اشوفهم موزه : رقود راشد : بسير بوعيهم موزه : لا لا دخيلك راشد ابتسم : يلا عيل بروح بقعد مع الرياييل بس يروحون بيييلج .. موزه : أوكي راشد يلف عسب يروح .. يطالع ملاك يالسه يدامه .. يبتسم ويطالعها باستغراب .. ملاك منزله راسها .. راشد ابتسم وقال : ملاك ....؟؟ ملاك رفعت راسها شوي وقالت : نعم راشد : اش حالج ..؟؟ ملاك : بخير الحمدلله .. منور البلاد راشد : منوره بأهلها ملاك : تسلم .. موزه تنغزه وتقول : جيه تطالع جذي ..؟؟ راشد بهمس : من الدراسه نظري روح فيها موزه تضحك : يلا يلا روح قبل لا ايي مايد ويقول انك تأخرت ع الرياييل راشد : عن اذنكم .. موزه وملاك : اذنك وياك بعد ما راح راشد .. موزه تجدمت عن ملاك وابتسمت .. : تغير وايد ملاك : هي وايد متغير موزه : بس ضعفان وصاير شيبه ههههه ملاك : حرام عليج وين شيبه ههههههههه موزه : مستغرب يشوفج هههه ملاك .. ابتسمت وما ردت ... يارب .. يــــارب يطلع راشد بعده متذكرني وما نساني .. والله اموت لو انه ناسني .. اش كثر أحبه ياربي .. أموت ع التراب اللي يمشي عليها راشد .. تغير وايد .. بس انشالله مشاعره تجاهي ما تكون تغيرت ..!! / . / . / بعد ما تغدو .. طلعو من المطعم .. مروان : روان بقول لج شي بس رجاءا ما تزعلين روان : آمر مروان : ما يامر عليج عدو روان : ولا عليك مروان : بس حبيت أقول لج لازم نخفف من مكالماتنا شوي وما يكون في طلعات روان مستغربه : ليييش ..؟؟ مروان : لأنج خلاااص بتخلصين وانتي مهمله روحج وايد روان : بالعكس مروان ..! مروان : روان اسمعي الكلام .. مو تقولين انتي تسمعين كلامي روان : اي مروان : عاد خلاص .. نبتعد عن بعض شوي روان : مروان لأأأأ حرام عليك مروان : روان ما أمزح معاج روان : صاير شي مروان ..؟؟ مروان : لأأ روان مب صاير شي بس هذي أخر طلعه لنا مع بعض روان : مروااان انت شو تقول مروان : مب قصدي جذي ياروان .. بس عشان دراستج روان : وبعد الدراسه مروان : يحلها الف حلال روان مستغربه : مروان انت اش قصدك مروان : مب قصدي شي روان بس أبي مصلحتج روان : واش دخل مصلحتي بحبنا مروان : روان رجاءا افهميني .. بس هالفتره نبتعد شوي عن بعض روان : يعني ما أكلمك مروان : اي روان .. هالفتره ما بكلمج روان : ليييش ..؟؟ مروان : بسافر ..! روان مستغربه : تسافر ..؟؟ مروان : هي بسافر روان : مو انت تقول انك ما بتسافر هالفتره مروان : وغيرت رايي خلاص روان عقدت حياتها : مروان انت جذي تدمرني مروان : هالفتره وبس يا روان روان نزلت دموعها ... مروان سفط السياره بجنب الرصيف وطالع روان .. نزلت راسها .. رفع راسها وطالعها .. مروان : دموعج غاليه علي روان : لا تجذب مروان .. أدري دموعي مب غاليه عليك مروان : يشهد الله علي انها غاليه روان : عاد ليييش تسوي جذي مروان : عشان مصلحتنا .. روان : لأ مروان صاير شي مروان : قلت لج يا روان مب صاير شي .. شو ما تفهمين روان : مروان ما تدري كيف بعيش من بعدك أنا مروان : اذكري ربج وصلي وكل شي يهون روان : بس أنا تعودت عليك يا مروان مروان : حتى ولو ..!! كملي حياتج الحين ويصير خير عقب روان : أحبك مروان .. مروان عيونه امتلت دموع .. بس مسك دمعته تنزل وقال : روان أحبج .. بس خلاص بنفترق .. روان تصيح : مروان انت فيك شي ..؟؟ صاير لك شي .. هلك جبروك على شي ..؟؟ مروان : لا يا روان محد جبرني بس أنا لازم أبتعد عن البلاد هالفتره روان : سويت شي ..؟؟ مروان : روان كافي أسئله قلت لج مب صاير شي روان تصيح : مروان رجعني البيت مروان : زعلتي ..؟؟ روان : على بالك اللي قلته ما يزعل ..! مروان : روان بسج صياح مب زين اللي تسوينه وبعدين يصير خير ما تعرفين ربج شو كاتب لنا ..! روان :خلاص مروان ما أقـــدر اسمع منك أي كلمه زياده رجعني البيت ... مروان : روان روان تقاطعه : مروان قلت لك رجعني .. الاثنين 27-9-2010, 11:05 am إڷـےٍ آڷلْقٍــآءْ فٍـےٍٍٍ آڷحًـڷقْهٍـ آڷقًــآدٍمْـهٍـ .. |
| الساعة الآن 04:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir