|
. . . < مهاري .. ابا افتح عينها بس ماقادره .... احس اني شبعانه رقاااد ... ويوعانه من الخاطر .... متكااااسله انش .. ومتكااسله ارد ارقد !! ياربي بس لو اقدر افج عيني ؟؟ مهاري تكح ... وشوي شوي تبطل عينها .... الود تمسح ع راسها : مهوور .. الحمدلله ع السلامه .... مهاري تفج عينها : الله يسلمج ... يطالعها ذياب مبتسم : شحالج الحين ؟ مهاري تطالعه بتشكك : بخير ... ام الود زاخه ايدها من الصوب الثاني : خوفتينا عليج ... مهاري : مافيني شي ... بس متكسله ... دنوه تي صوب السرير : لازم بتتكاسلين ... كملتي يومين راقده ... مهاري : شووو !! الود : هيه ... يومين ونص بعد .... مهاري : ....... تدخل ام ذياب ...... : السلام عليكم .... الكل : عليكم السلام والرحمه ...... ام الود : الود انا لازم اسير الحين ... تحملي من اختج انزين ... الود : ان شاء الله .... وتبوس راس بنتها : ماتجوفين شر ياربي .... وترد ع تلفونها الي يرن وتظهر من عقب ما سلمت ع ام ذياب . .... ام ذياب : انتو كلكم لين الحين اهنه ع راس البنت !!! " تطالع مهاري باستغراب " فديتج الحمدلله عالسلامه ... نشيتيي ؟؟؟؟ مهاري مبتسمه : هيه ... ام ذياب : فديتج اولله ... عورتي قلووبنا ... ماعليه معوضه ان شاء الله .. بعدج صغيره والعمر جداامج وبتييبين غيره .... ذياب يطالعها : امايا !! < مهاري .... اييب غيره ؟!! شسالفه ؟؟ شو تقول .... ام ذياب : ماباجي ع اذان المغرب الا نص ساعه ... يالله سيرن البيت عسبت تفطررن .. وانا بفطر اهنه عند مهاري ... " تطالع ذياب " وانته بعد سير وانا بتم وياها .. مهاري تطالعه ويرد يطالعها يطمنها بابتسامه انه ما بيسير ....... ذياب : لا امايا .. كلكم سيروو وانا برخص حرمتييه وبفطر بررع ... مهاري : انا ماصمت ... الود تمسح ع شعرها : عندج عذرج حبيبتي .... مريضه ... وان شاء الله عقب رمضان صوميهم ... مهاري : ان شاء الله ... الود بتعب : دنوه يالله بسج من الصبح انتي اهني سيري ... ذياب : حتى انتي من امس ماراقده بتسيرين وياها .... مخلين هنوف روحها حليلها ... " يرمس دنوه " سيري عندهم البيت ... يلسو وياهم ... دنوه : ان شاء الله ... ذياب : بتصل حق حمداان ييكم ... الود : لالا انا اروم اسوق ..... ام ذياب : لاوين ترومين وانتي روحج تعبااانه .... الود : ماعليه عمووه ... انتي تعالي افطري عندنا واباج ترمسين هنووف شوي ... يمكن تقتنع لج .. ام ذياب تحس باهميتها .... تستانس ع الود وتحبها اكثر يوم تحسسها انها مهمه .. ام ذياب : ان شاء الله فديتج من عيووني ... الود : يالله عيل " تبوس مهاري " تبين شي حبيبتي ؟؟ مهاري تهز راسها بمعنى لا ... ذياب يطالعها بنظرات خبيثه ... ابتسمت .. دنوه : هيه قول عندك شي وتبا اظهرنا ... ذياب : هيه عندي .... يالله روحي .. دنوه تبتسم : معاافااايه مهوور .... يالله عن الدلع نشي وحشيتينا ... مهاري تبتسملها ..... ام ذيا ب تي عند مهاري : يالله الغاليه .... " تحب راسها " الله يعافيج ان شاء الله ... " ترمس ذياب " كل ابويه انزيين مش ما تفطر !! ذياب : بفطر امايا بفطر ... ام ذياب : يالله في وداعه الله ....... وتلحق الباقي وتظهر وياهم .... تقرب منها وهيه تطالعه .. قبض ايديينها الهنتين ورص عليهن ... ذياب : ماخلوني اتهنى بج !! ولا خلوني حتى اجوفج او اقبضج او حتى ارمسج ؟! مهاري تبتسم : ليش ؟ ذياب : ماشفتيهم ؟؟ واحد لاوي عليج اهني " ياشر ع يمنيها " والثاني اهني " ياشرع يسارها " وانا فاريني اهنااك " ياشر ع الكرسي البعيد شوي " ولا جنها حرمتيييه ... حارميني منج هالكثر !! مهاري : بس عااد متفيج تغازل بالمستشفى ... ذياب : واغازلج كل مكان بعد شوه تبين اكثر ... مهاري تطالعه : اممم ... ذياب ..؟ ذياب : عيوونه ..... هالنبره فيها كآآبه لو سمحتي لو عندج شي يعكر المزاج سكتي مابا اعرفه .... مهاري : يلا عاد خبرني ... ذياب وجنه يعرف شوه تبا تقول : اسف .... انا مشتاق لحرمتي وابا اتغزل فيها ... بسير ارمس الدكتور جان بيظهرج ... يندق الباب .... تدخل الدكتوره ...... طلع وياها ذياب من غير ما يخليها تقول شي ...!!! تنهدت مهاري ... وهيه تفكر .. الله يرحمج يا شهود ... الله يرحمج ويغفر لج .... نزلت دمعه حرقت القلب قبل العين ..... " مرحوم الي مات .... توه في اول شبابه .... توه صغير السن ... ما عاش دنياه " ذياب : غنااتي .. جي الصيااح " ويمسح دمعتها " .... مهاري : ذيااب قول لي ... انا شوه فيني ؟؟ ذياب : ماافيج شي .... مهاري : قول عااادي ... شو بيستويلي اكثر .... ذياب : شوه هالكلام ؟!! مهاري : يالله خبرني شو فيني ..؟ ذياب : والله مافيج شي ..... انتي بخير حيببي ..... مهاري بتردد : انا حامل صح ؟ ذياب يتنهد وسكت ........ مهاري : يعني حاامل ؟؟ ذياب : وعقيتي .... مهاري بصدمه : عقيييت !!! ذياب يرفع راسها ويمسكها : بس عادي حبيبي ... بتييبن غيره .. الحمدلله ماصارلج شي ها اهم شي .... والولد بيتعووض ان شاااء الله " يغمز لها " لااحقيين .. تغمض عينها وهيه تذرف دموع من القلب .... مجروح خااطرها ومكسوور كل شي فيها ..... برع الغرفه ... ياي ذياب بيدخل بس رن تلفونه .... ابتسم .... ذياب : هلا .. خليفه : لا هلا ولا مسهلا .... ذياب : افا .! خليفه : شوه الي افا ؟ ماقلتلك اعزم خالووه ندى ؟ اليوم امك عندنا وتقول لامي والله محد عزمنا ولا شي .. ذياب : اووووووووه والله نسيت ياريال ... خليفه : نسيت وين اصرفها ؟؟ والله مافيك خير .. ذياب : يا خلوف والله تدري الي يستويلي .... خليفه : شوه يستويلك يعني ؟؟ هااه !! ذياب : اخت حرمتيه توفت .. خليفه وهو يذكر مهاري وحلاتها : اخت مهره !!! ذياب : هيه ... خليفه : لا حول ولا قوه الله الا بالله ... السموحه والله مادريت ... وانت ماخبرتني ... ذياب : وولد عمها بعد .. خليفه : انا لله وانا اليه رااااجعوون .. شصابهم ؟ ذياب : حادث .. خليفه : الله يكفينا شر هالحوادث ..... ذياب : امين ... خليفه : والله ضيجتبي .. الله يعيينها حرمتك واهلها ان شاء الله .. ذياب : امييين ان شاء الله .. هه لا وعقت بعد .. مادري من وين ارقعها انا ... خليفه بعتااب : ذياب !! شو هالرمسه ... استغفر ربك ماحيدك تقول هالرمسه ... ذياب : من متى اتريا الياهل الي بي منها ... يالله ماشي نصيب .. خليفه : وين انته الحين بييك ؟ ذياب : فالمستشفى توا الدكتور يرمسني .... خليفه : وشو قال ؟ ذياب : شو بيقول يعني ؟ قال بخير بس اشك فرمسته .. المهم انا بدخللها الحين لان تاخرت عليها وايد وبرد ارمسك مره ثانيه .. والسموحه ترا نسيت والله سالفه العزيمه وعقبها استوت .......... يقاطعه : ماعليك خلا ص....بتعوضها مره ثانيه ان شاء الله ... ذياب : فمان الله .... خليفه يتنهد : الله يحفظك .... < خليفه .. الله يعينك يا ولد الخال ... والله يعينج يامهاري ... ماتستاهلين وررربي ... " يعض ع شفاته بحسره " ويتعوذ من الشيطان .... . . |
. . مهاري : وين هالكثر ؟ ذياب : ارمس فون .. مهاري عقدت حياتها .. ذياب : خليفه .... تنهدت .... : شوه قال الدكتور ؟؟ ذياب مبتسم : كل خير .. والله مافيج شي ... يلا بيااذن قومي غنااتي بنظهر ... . . . الود تصيح : هنوف ارحميني دخيلج الي تسوينه فنفسج حراااام حرراااام ....... كلنا حزنااانين عليها بس ما نسوي جييه ... ارفقي بحالي دخيلج ..... هنوف تضحك وتلعب بالمخده ..... : نامي نامي يا شهوده ..... الود : لا تخبلين بروحج !! والله يا هنوف مش زين .... هنوف تطالعها : متى بنطلع ؟؟ الود تصيح : تبين تطلعين ؟ هنوف : لاء شهووود تبا تطلع .... " ترمس الهوا " مش صح تبين تظهرين ؟؟؟؟؟ " ترد تطاع الود " جفتي يلا طلعينا .... دنوه تمسح دموعها : الله يعينج يا هنوفي .... ويصبرررررج ياربي ... هنوف : ويصبر شهود " وتبتسم تطالع السقف وتطالع تحت " الود تطالع دنوه بحسره ..... دنوه : لازم نوديها المستشفى .... الود : انا لازم اظهر الحين .... عندي كم شي لازم اخلصه ..... تحملي منها شوي بس انزين ... دنوه : افا عليج شو هالكلام اكيد في عيوني هيه ..... الود : خذي راحتج البيت بيتج ... ابويه من خلص العزا شل نوره وسار العين ... دنوه : حلفي ؟ الود : ولله نوره طرشتلي مسج ولا هوه ماكلف يقول ! دنوه :الله يعين خلاص سيري برايج خلصي شغلج .... ظهرت الود من الحجره .... زعقت عليها دنوه .... الود : هلا ؟؟ دنوه : افطري عقب ظهري ..... باجي 5 دقايق ع الاذان ؟ الود تطالع الساعه : هيه والله زين نزلي ويايه يلا ... هنوف نشي حبيبتي ... هنوف : لا شهد شبعاااااانه وانا بعد شراتها ..... دنوه تسحب هنوف وياها ...ز هنوف تصارخ : وخرررري عني .... لا تلمسيييييني !! مابا ابلع ..... شبعااااانه ... دنوه : حرام عليج انتي صااااايمه ومش ماكله شي من يوميين دخيلج !!! عشان خااطر شهد .. هنوف : ترا عشان خااطرها ما باكل .... الود تتنهد : تعالي دنوه ...... دنوه : حرام تزعلين الود وانا ادريبج ماتحبين زعلها ..... هنوف بدون اهتمام : مش يوعانه قلتلج خلاص عاد ...... دنوه تظهر ويا الود ..... . . الله واكبر الله واكبر ................. . . . عبدالله : يالله اكلي .. يعني افطر روحي ... ؟؟ عزوه مبتسمه : يالسه اكل .... عبدالله : وين تاااااكلين !! تمرتين سميتهم فطور ؟؟ يالله اكلي ... عزوه تنزل دمعها ... عبدالله ينزل قلاص اللبن الصفره ويقبض ايدينها : خلاص ... ترحمي عليه .!! عزوه : الله يرحمه ... عبدالله : بس عااد مابا هالعيون تذرف دموع .. ترا بسير عنج ... عزوه تطالعه : وين تسير بعد .. عبدالله : بكمل دراااسه برع ومابرجع لج .... عزوه : لا بتشلني وياك ماخليك روووحك .... عبدالله يضحك : افا عليج بس اكلي يالله ... . . . ذياب : هيه امايا كلت الحمدلله ..... والله كلت عيش لذيذ بعد ....... هيه فالمطعم انا ..... هيه هكيه حذاالي ... هههه ان شاء الله ... يووصل ....... فمان الله ...... مهاري : ..... ذياب : نمشي ؟؟ مهاري : هيه ؟ ذياب : وين نسير ؟ مهاري : البيت نصلي بعد وين ! ذياب يقبضها ويمشي وياها : لااء ... بنصلي فهالمسيد " ياشر " وعقب عندي لج مفاجاه ... مهاري تطالعه : شو ؟ ذياب : ما بخبرج .... مهاري: خبرني .. ذياب : لاتحنيين .... " يقرص خدها " فديت هالخدود انا ..... مهاري : ذيااب ... ذياب : عيونه ؟ مهاري : زعلان ... ؟ ذياب : لا حبيبي ... ليش ازعل مهاري : لاني عقيت .... ذياب : غناااتيه العمر جدااامنا ...... ما بجذب عليج انا زعلت طشوونه .. بس هذي قسمت ربج ... هالشي الله كااتبنه واانا راااضي به ... بس عاد حبيبي ؟ ننسا المووضوع انزين ؟ مهاري : لو حملت .... بسمي بجري شهد ..... يصد لها .... يمسح الدموع الي مازره عينها ويبتنهد ..: ان شاء الله ... . . . عقب الصلاه .... . . ذياب : هااه وينك ..؟؟ يالله ياخي .... هييه المكان الي قلتلك عليه ... اوكي .... فمان الله ... مهاري : منو ها ؟؟ ذياب : حمدان اخويه يايبلي اشياء ... وايد بتستانسين عليها ... مهاري : شوه هالاشياء .... ؟؟ ذياب : مفاجاه ... مهاري : الجو بدا يبرد .... ذياب : برداانه ؟ مهاري : شويه .. ذياب : نركب السياره ؟ مهاري : لا حلو المكاان ... دقايق ووصل حمدان .... حمدان مبتسم : وهاي الامااانه ..... غلا وسعيد يحظنون ابووووهم : بااااااااااااااااابااااه ....... حمدان : شحالج مهره ؟ مهاري مبتسمه : بخير الله يعافيك .... حمدان : يالله ذياب تبا شي ؟ ذياب : تسلم .. غلا : عميييييييي ... " تقبض كندوره حمدان " لااع ... ماايروووح ... ذياب : اغراضهم وين ؟؟ حمدان يشل غلا : فالسياره ..... ويدتهم قالت بطرش الباقي ويالدريول .... حمدان : بروح الجمعيه اشتريلج حلااو وبرجع انزين ؟؟ غلا تاشر باصبوعها : حلاو وايييييد . حمدان : وايد وايد .... وترضا غلا وتنزل يبووس خدها المتيين .. ويركب سيارته ..... Al3nz call u دنوه : الوووه انته وين ؟؟؟؟ حمدان : خييير ؟؟ دنوه : تعال بسرعه بسرعه ...... حمدان : شو مستوي ؟؟ دنوه : تعااااااااااال الحيييين بيت قوم مهاري ... حمدان : شعندج رمسي ؟ .... دنوه : الود محد وهنوف طاحت علي !!! حمدان : شوووو ؟ الحين ياااااي ...... . . . مهاري تلعب بشعره ... سعيد يخوز ايدها ... : خوووذي مهاري : ليش حبيبي ؟!! سعيد يصيح ..... ذياب : ليش بابا .... هذي ماامااه سولها بوسه ... غلا تلعب بشيله مهاري ... : ماما قالت انتي مو حلوه ...... مهاري تبتسم : بس انتي واايد حلوه .... غلا ترد شعرها لورها : وااااايد ثح ؟؟ مهاري : هيه صح .... سعيد : انا حلووو .. مهاري تبتسم : منو احلى ؟؟ انته ولا غلا .... سعيد ياشر ع روحه : انته انته .. ذياب يضحك : هههههههه قول سعيد ... سعيد : ثعيييد .... مهاري : يغار عيل .... ذياب يمسك ايدينها : يحق له ... مهاري: اقصد من غلا .. ذياب يطالعها بحب : وانا اقصد عمري .... ابتسمت له ودزت ويهه : عيب جدام اليهال... غلا تير شيله مهاري : لاااااا تذربين بااااااباه ..... ذياب ينزل ايدها : لا تيرين شيله مااماه عيييب .... مهور خلينا نسير الحديقه .... اريح من اهنه .. مهاري تطالعه : مافيني .. ابا ارقد ارتاح ... غلا : لالا بااااااباه نثير حديقه ..... سعيد : حديقه حديقه .. ذياب يطالعها : عشانهم ؟؟ مهاري : امم زيين .... سعيد يلوي ع مهاري بحب : احبببببببببششششش ..... مهاري تضحك : ههههه فدييييييييييتك انا .... مهاري تطالع ذياب : وايد يشبهك .... ذياب : ولدي ترا ... غلا : لااااااع انا اشبه باباااااه .. مهاري تبتسم وتنش وينش ذياب وشال بحظنه سعيد و غلا قابضه ايده الثانيه ... حست مهاري انها ضايعه وياه .. اول مره تنحرم منه .... وتحس ان في حد يشااركها فيه ... كتمتها في خاطرها وظهرت ابتسامه .. سعيد : باااباه ابا مااااااماه .... ذياب يطالع مهاري : بنروح الحديقه ... سعيد يراافس ويصيح : اباااا مااااااااااااااااااااماه .... ذياب بحيره : بس باابا بس .. مهاري بضيج : يبا امه ... ذياب يطالعها بس ماعلق ... : بااااابا خل العقاااال .... غلا تمسك عبايا مهاري خافت من ابوها يوم صارخ .. سعيد يصارخ ويصيح : ماااااااااماه .... غمضت مهاري عينها بتعب تكتم الدموع الي ودهاا تنزل ....... ذياب معصب : الحين بوديييك البيت عند امك ..... " أنا أمكـ أنآآ امك ........ ليتك تحس الآآآهـ ..... ولهآآنهـ على ضمك ...... الله عليك اللهـ ..... وإذا مليت مني ..... على ذا الحال خلني ... وكيفك لا تجيني ....." |
سعيد يصيح زياده : لااااااااااااع ابا مااااااااماه ..... غلا : باااااباه يبااا مااااااامااااااه عطها خل تثله " تاشر ع مهاري " ذياب الي ابتسم وشق حلجه من الخاطر ...... ومهاري اني انصب الدم كله بويها ... مستحيل يقصدني ..... شلته .... وبالفعل وقف صياح ... شعور حلووووو وايد ..... مستااانسه من الخاطر ...... يلست تحظنه وهو لااااوي عليها وخااش ايده داخل الشيله يلعب برقبتها ........ ذياب استاانس اكثر عنها .. ماتوقع بهالسرعه ممكن يتعودون عليها ؟؟ اثاريكم يا عيال ظاهرين ع ابوكم ... ذياب : انتي تعالي انا بشلج ... غلا تضحك :لاااااع انا بعد ابا ماااااماه ..... وتررص ع ريوول مهاري و متشربكه فيها .. ذياب : افاا وانا الحين محد يبااااني ... مهاري تطالعه مبتسمه : فديت روحك انا اباك .... ذياب : هااااااااه ؟؟ شو قلتي ...؟؟ غلووه بااباه تعالي اضربيني .... مهوور ؟ يعني الومج جداام العيال ... مهاري برعب : لااااااااا يويييلك ... وتسرع من مشيتها .... يركبون السياره .... سعيد مش راضي يفج عن رقبه مهاري ... يحس بالامان ... شعور الحناان .. امه ماربته ولا حتى عطته شوي من حظنها ..... . . دنوه : تعاااال هيه فالحجره فووق طايحه .... حمدان يصعد بسرعه ويدخل عليها الحجره ..... حمدان معصب : شحقه مش ملبستنها للحين !!!! دنوه تصارخ : شوه البسها انت بعد متفيج ؟؟ البنت طايحه علي من متى .. حمداان : زين أي شي يغطي جسمها شوه بتمشي جدام الخلق فالمستشفى كاااشفه جي ببجااما كت .. دنوه : مش وقت غييييييرتك حمداااااانوووو ... حمدان يزااعج : لااء هاتي شي يسترها ماتظهر جييييه .... دنوه يلست تدور عبايا ع المعلاق وحصلت ..... ساعدها حمدان ولبسوها عبايا مسكره بسرعه . غطا شعرها بالشيله وشلها بسرعه ونزلو تحت يودونها المستشفى .... حمدان : رمسي الشغاله الغبيه لا تسوي سوات قبل ... دنوه : اذا ماما الود يييجي قولي خل يسوي تلفون لا تقوليلها هنوف يطيح سمعتي .... . . . عزوه : توا الناس ... عبدالله : الساعه 10 !! أي توا الناس ؟ طق طق طق راشد : السلام عليكم .... عبدالله يسلم ع راشد : وعليكم السلام والرحمه ..... راشد مبتسم : اخبارك ؟ عبدالله : بخير ربي يعافيك ... انت شخبارك .. راشد : الحمدلله عايشين .... " يرمس عززوه " هااه ارتحتي الحينه ؟ عبدالله : لازم بترتااح " ويبتسملها " زيين جفتك يا ريال ... راشد : هيه انا بعد بغيتك ... عزوه : اخليكم .؟ راشد : لا انتي اساس الموضوع ..... وييلسون .... راشد : شوه عن العرس الحين ؟!! وين وصلتو ؟ عبدالله : الي تشوفونه !! شو الي تباه العروس انا بسويه ... راشد : انت تعرف ان ابويه الحين مايروم ينش من ع السرير من صدمته للحين مش قاادر يمشي .. وانا ماودي اخليكم تتريون لان ادريبك بتخلص اجازتك بسرعه .... عرس ودق مانبا ... عبدالله : ولا انا ابا هالشي ... راشد : تم ... عيل انتو حددو يوم مناسب لكم .... نسير المحكمه بس بدون حفله .... بس لازم تشاور اهلك ... عبدالله : انا مستعيل ... انا اابغي عزه بسرعه " يطالعها " ادري في خاطرج العرس ... تقاطعه : لا .... عقب الي صار مابا لا عرس ولا ابا شي ..... ولا حتى حفله صغيره .. عبدالله مبتسم : الي تبينه ...... راشد : الله يوفجكم ان شاء الله ..... . . . مهاري تربع وراه : زخيييييييييييتك .... سعيد يضحك : لاااااااع ... ذياب يحظن مهاري من ورا : احبج احبج احبج احبج احبج احبج ....... اموت فيج ...... تدرين ولا لاء .. مهاري الي ارتجفت .. لانه كان بعيد يلعب غلا وياها فجاه .... مهاري بحيا : ذيااااب ناس اهني ....... ذياب مغمض عينه : مااااايهمني .... مهاري: انزييييين بس جدام العيال عيييب .... " وتضربه ع ايديينه الي ع خصرها بشويش " غلا مبتسمه : مااااماه مالي .... سعيد : مااااالي اناااااا ..... ذياب يفج عينه : مالي انا وبس .... محد يشاركها فيني حتى انتو ....... مهاري : فج بس عييب ... ذياب يدخل راسه فالشيله صوب اذنها ويعضها ..... صرخت صرخه شلت الحديقه شل ...... سعيد يضرب ابوه : لاااااع ... لااااااع ..... ذياب : وانته ماعندك الا لاع .... جي تضربني هااه .. سعيد يصيح : لااااع .... مااااماه " ويرفع ايدينه عسبت تشله " تشله وتحظنه تداري خاطره : هاااا حبيبي مافيني شي ..... يحطي سعيد ايده الصغيرونه ع اذنها ويبوسها ..... مهاري تبوس خده : حيااااتي انتته ... ذياب يفج عنها واونه زعلان ...... : انزين انزين .... غلا تي عنده تحظنه : انااا احبك ..... ذياب : تعالي بقولج شي في اذونج ...... " ويصاصرها " غلا ناقعه من الضحك وتطالع سعيد ومهاري وتضحك بزياده ....... سعيد يضرب الهوا صوب غلا : لاااع ........ مهاري تيلس ع الارض وياهم ... ومبتسمه .. وايد عاايبنها الوضع .... وهو يتااملها ... ذياب : فديت هالحلو انا ... والله ماجافت عيني اجمل عنج ... بالله عليج ما تناأكلين ؟؟ والله لو تناكلين جاان اكلتج ... ضحكت ع اسلوبه ....... تثااوب سعيد .... مهاري : بيتمون عندنا ..؟؟ ذياب مبتسم : وين عندنا ؟؟ مهاري: في بيتكم ... ذياب : لاء ... في بيتنا .... مهاري : بيتنا ؟ ذياب : هيه بيتنا .... لين متى ودج نيلس عند قوم اميه . ؟؟ انا ماقدر ياخي اطلع حرتي بس فالحجره .. مهاري استحت : ايييييه .... ذياب : شوه فيج ؟ ابا العب وياج غميضه .... مهاري تضحك : خوش ... سعيد وغلا تمللو وزااد تثويبهم .... ذياب : اليوم بس بيبااتون اهنه .... وبالباااجر اغراضهم كلها بتسير بيتنا اليديد .. ابتسمت له .. ذياب : قربي قربي ... مهاري فاجه عينها ع وسعهن : شووووو ؟ ذياب : قربي اقولج ولا بهجم عليج ...... مهاري تبتسم اكثر : ذيبووووه .. والله عيب جدام اليهال لا تسوي جي ... ذياب : يعني ماتسمعين الكلام ..... " يتقرب منها " اوكي ..................... احمممممممممممم ...... . . عطني قليل الغلا .. واعطيك قلبي ... اففففف تعععبت هههههههههه .. خلاص ماروم اكمـل .. يلا عاد بلا دلع .. حطيت لكم وااايد بارتات 4 صفحاااااات كلها بارتاااات .. لين ما ارد من السعودية وانتوا مخلصين هالبارتات .. سمحوولي .. انتوا ادرى بالظرووف .. باااي |
يسلموووووووووووووووووووووووووووووووووو نترياااا ... =) |
وااااااااايد حلوة القصة مشكوووووورة |
| الساعة الآن 02:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir