|
الجزء الرابــ ع عشــر.. ••.•°¯`•.•• شمـــووووخي تعداااك ••.•°¯`•.•• يروح العمر ما تروح الجروح وتزول ،،، حبك بقلبــــي يزيد وتزيد الهموم وينك عني يا غالي غايب(ن)ومشغول،،،ابيع قلبي لاجل أكون معك يوم ●●••●● . . . "لحظة أمايه شو تقوول؟؟سيف..انا شوو اقوول..علي امتحااان..بس سيف...لالالا..مستحييل مستحييييل..هاذااك وحش..واللحينه اكيد ناش من الرقاد وهب فايج وبيلعن خيري..يا ويل حالي..انا اخاااااف من سيف..احس عمريه يمووت اذا شفته جدامي..شووو الحل؟؟شوو الحل؟؟؟هاذا سيف اذا قلت له كلمه رد علي بعشر..انا شو اللي خلاني ارقد متأخر..ليش ما قدت الساعه 10 ويا عنودي وعبودي..خلاص ما بمتحن براايه ينقع..شووو ينقع؟؟انا طالبه فالثنوية العاااامه..ومب بالشي السهل ايعيدوولي الإمتحااان.لاااااااا سيف لااااااااا..مااااريد ماااريد مااااريد ماااااااريد..هاذا بياااكلنــي..اووووف.. ااااااااااه ليتني سرت وياااهن ..اهئ اهئ اهئ والله والله بصيح.." . . ::::نرد للواقع بعيد عن تفكير روضه:::: . . أم محمد:الرووض بلاج تصنمتي..يلا ظهري جدامي اشووف.. روضه:لللللللااااا..اناا ببسير برقد..برقققد ماروووم ماااروووم أمتحن.. انا شو يالسه اقووول؟؟الا السيف..يلا يلا يمايه مع السلامه بسير بمتحن..القلم..وين القلم..ايوا صح حطيته في مخباي..امااااااااااااااايه دعععععععععععععععييييييييييييلي.. وطـــــــــــــــــــاااااااارت روووضه.. غمضت ام محمد اعيونها ويوم فجتها ما شافت الا طرف عباية روضه وهي ظاهره من الصاله..لووول.. لمحت روضه الرنــج السودا موقفه ..جان تربع وتفج الباب وتركب جداااام..ومن شافت سيف..انتفضت..بس سيف كان حاط راسه ع السكان..خخخخ..يمكن رااقـد ويمكن يفكر ويمكن ويمكن...الخ.. روضه"بهدووء":سيييف..سييف.. لا حيــاة لمن تاندي.. روضه"بهدووء"سييف.. سيف:....................................... روضه"اتصاارخ":السييييييييييييييييييييييييييييييييي ييـــــــــــــف.. فز سيف من مكانه وتم يطالع .. سيف:انتي شو ياابج...؟؟ روضه:انته اللي شو يابك..اووه..شو بلاني يالسه اخربط فالرمسه.. سيف:لأنــج عنننننـــز...انا شو اللي خلاني اركب موتريــه.. الموتر كان مشغــل..سار وشل السويج وظهر من الموتر مخلي الروض يالسه ارووحهــا..الرووض بغت اتين..شو بلاااه هاذاا..يستهبــل.. ظهرت من المووتر..وسارت صوبه.. روضه:حووه بلاك ياريال..يلا ودني المدرسه.. سيف"مغمض اعيونه":خذييهــا اجازة مني.. روضه:سييييف بلا استهبال..عندي امتحان..تفهم..؟؟امتحان.. سيف:انزين ..انزين انزين انزين..ع الموتر يلا.. سار سيف صوب موتره ورواضي تلحقــه.. روضه"في خاطره"..هييها الريال شكله هب صاحي اخاف يسوي حادث ولا شي.. روضه:شو بترقـــد..؟؟ سيف"يظهر ماي من الثلاجه":شو قالولج ؟؟شراتج؟؟ روضه:انزين اللحينه بتحرك ولا لأ..؟؟؟ سيف"ظاهر من الموتر":هيه بس خلييني اسير اشربلي ماااي.. روضه:وهاذا؟؟ سيف:هب بارد.. رواضي بغت اتفج ثمها..تبغي اتقوله بسسسسسسسرررررعه...بس هو رقع باب السياره..وسار للمطبــخ..اصلن هو كان ناش من ربع ساااعه..ويوم يته ام رواضي واتقوله..كان لابس..بس الريال من حدر موتره وشاف الهوى البارد ..ياه الرقاد مرة ثــانيه..ويوم ظهر من الموتر اول مرة كان يبغي ايسير للميلس يكمل رقاده عند حمــد..بس الروض ردته.. سيف اتأخر..شكله ما سار يشرب ماي..سار يتقهوى..قررت الروض تظهر صوبه وتزقره..لأنه اكيييد اكييد البنات ابتدن يمتحنن..بس شافت السيف ظاهر ويمشي بسرعه وحالته لله..شكله اللحينه العقل ردله.. اول ما حدر المووتر..كان متفيــج ويضحك..ع شووو؟؟؟ما نعرف.. روضه"اتصااارخ":بليييييييييييييييييييييييز بسسسسسسسسسسسسسسسسسسسسسسسسسسرعه.. سيف:امممرة ما طلبتي.. وظهروا من البيت..وطـــــــــــــار الرنج الأسووود بسرعه.. "سبق ووضحت ان النيسان مال العراقيب بس"الروض كانت مستااانسه لأنها اتحب السيارة يوم اتكون سريعه..اتذكرها بالعراقيب والسرقــات..وكانت خايفه من الإمتحان..ومن سيف..لأن الشي اللي تعرفه..سيف متقلب مزاجيــاً وتصرفياً..لووول.. وصلوا المدرسه..وظهر السيف ويا الرووض..وحدروا الإدارة..ودخلتهم اإخصائيه في مكتبهــا..وفصخت روضه عباتهــا وفرتها ع الكنبه وخلاف بتيي بتاخذها..لأن ممنوع تحدر أي لجنه وهي بالعباه..اونه غش وما غش.. وتم السيف يرمس الإخصائيـة..واعيونه ع الروض بلبس المدرســه..حركككـــات..وبكلمة وحده دخلوها اللجنه على طول..هاذا السيف هب أي حد..وقبل ما تدخل اللجنه..الا السيف يزقر روضه.. سيف:رووضه رووضه.. روضه:أووهووو..."واتي صوبه.."شو تبغي بسير بمتحــن..؟؟؟؟ سيف:هاج هاج يودي باتشي وعصير ومــاي.. روضه"تضحك وهي شاكه بسيف":من وين يبته؟؟ سيف"يضحك":من وين بعد...سرقته من مكتب الإخصائيه.. روضه"تبتسم":عنلااتك يالسبال..مستوي سرااق..بس تدري احسن..لأني ما تريقــت.. سيف:حتى انا ما تريقــت..اقول سيري امتحني وبلا عصير وبلا خرابطيشن.. روضه:أنته شربت ماي..بس انا لا..ييبه يلا.. سيف:لااا..ولا اقولــج..اشوف دموعج شوي وبتطيــح..هاج يودي.. شلته الروض بدون أي اعتراض..وفاللحظه اللي عيونهــا ع الماي والباتشي..وتاخذه من عند سيف..اعيون سيف كانت على اعيون روضه..متأمل هالجمال اللي يشوفــه..بس هالعيون..ذكرته في عيون وحده..لعبت بقلبــه..هالعيون ..ذكرته بشيخه اللي ما حطتله أي اعتبــار..اعيون روضه..هي عيون شيخه..طبق الأصل..وماشي فرق امبينهــن.. سيف حس باحساس غريييب..حس انه يكره روضه..لأنه تشبه شيخه..حس انه هاللي جدامه..هب روضه اللي كانت تسولف وتقول انها ما تريقت..بسبة الشبه..تخيلها شيخه..وبمجرد انها فكرة الشبه حلت ع عقليته..حس باشمئزاااز..حس باكتاب وضيجه..جان يعطي روضه الماي والباتشي..وينسحب بهدوووء..وهو مستغرب من تفكيره...؟؟؟!!!!!!! الروض طنشــت سيف..لأنه سيف ولا في يوم همهــا او استحل تفكيرها..بس كان يخوفهـا..شربت الماي وبسرعه صوب قاعة الإمتحان وامتحنــت.. كــانت مستااانسه لأن الإمتحااان كان سهـل بالنسبه لها..لأنها امس درست من الخــاطر..من ظهرت للســاحه ..شافت مريووم وسهيله.. مريوم:واايه رواضي وينج ما شفتج ويا قوم موزاااني الصبح.. روضه:ااااااخخخ..لا تذكريني اليوم كان رعععب من الخاطر.. سهيله:جيه شو مستوي لج..؟؟ روضه:خلووها على الله..خلاف بقولكن..هاه بشرن شو الإمتحااان..؟؟ سهيله:حلو الصراحه.. مريوم:يعني اوكيه حلينــا... روضه:زين والله.. مريوم:وانتي؟ روضه:الصراحه طر كسرتيييم.. مريوم:اونه... روضه:شوفي النسبه وبتتأكدين.. مريوم:اوكيه..بنشوف كم بتييبين.. روضه:هع هع هع ..اوووه صح..مبروووووووووووووك اليوم آخر يوووووم فالإمتحاااانااااااااااااااات..كل يوم بنشخطها صـوب عزبنــا... مريوم وسهيله:أفتكيينــا.. سهيله:لا تقلديني.. مريوم:انا قلت قبلج.. روضه:بببببببـــس..وينهي عواش ما شفتها.. سهيله:والله حتى احن ما شفناها.. مريوم:هكي يت ويا سلامي وموزاانــي.. وتأشرلهن بيداتها عسب ايين.. موزاة:مبرووووووووووووووك.. سلامي:واايه مستاااااانسه.. روضه:هاه شو سويتن.. عواش:الحمدالله حلينــا.. موزاني:اوكي الإمتحان.. سلامي:ما حليت واايد.. سهيله:طبيعي لأنج اكيد فكرتي في خلووووووووووووف.. سلامي:عيل حتى رواضي فكرت في سهيل.. الكل"ما عدا روضه":اوووووووووووووووووووووووووووووه حركااات يلا يلا.. رضه:جـــب ماالكن خص فاللي افكر فيه.. من قالت هالرمسه..ين عفرا وشمــا..وهاييل في الصف اللي عدال صف روضه وموزاني وسلامي وسيهله..وتمن ايسولفن فياهن.. شما:هيه تعالي روضه..امنو اللي بايج المدرسه اليوم..وكان واقف فالإدارة ويــاج.. موزاني:منو منو منو منو ؟؟ روضه:سيف ولد عموتي.. شما:هيه هاللي في سويحــان وبنات الرمــاح كلهن يرمســن عنه.. سلامي:هيه.. عفرا::اسمييييييه يخخخخخخخبل..صج عليه جمــااااااال.. روضه:وانتن وين شفتنه؟؟ مها:انا وعفرا وشلة غايه وشلة ظبيووه..كنا خاطفات..تقرريبن فوق العشر بنــات..وشفنــاه وهو يرمســج ويرمس الإخصائيــة.. شمــا:ياا ويل حاااااااااااااااااااااااااالي..ياحظ الللي بتظوي رااســه.. عفرا:انا سمعت ظبيه ترمس عنه..قالت شافته ويا شباب سويحــان عند عراقيب الرمــاح..وهو يقز بموتره.. شما:هيه وياه نيسانه الأسوود.. عفرا:قسسسم بالله ذبح.. عواش:سلامي لا يكون هاللي شفته جدام بيت قوم روضه.. عواش اتسوي عمره اونها ما تعرفهــا..وهي اصلن تخبرت عنه هااك اليوم.. سلامي:هيه..اخو فطامي وخلودي.. شما"تعرف فطامي":وانا اقوول فطامي ما يابت الرحامه الا من عند اخوها.. عفرا:هيه.. وشوي الا شلة غايوه وشلة ظبيه ين وتمن يتخبرن عن سيف..وماكلات روضه بالإسئلة.. ظبيه:ييتي وياه فالسيارة..وااااااااااااايه ووووواااييه يا حظــج.. روضه:حشى..الا هو سيف.. غايه:ماتدرين به هالسيف كيف شال عقول بنات شعبيتنــا..يوم يأ مرة يسير عند قوم بن حمد الــ......ـي.. ظبيه:ومرة انا وبنات عمومتيه وبنات ييرانــا..سرقنـا الفيديو مال الشباب وهم العراقيب..وشفنه فوق نيسانه اأسود..اسمييييييييييييييييييه غرم بنـا.. روضه:اووه..لا والله اول مرة اعرف ان سيف عنده قاعده جماهيريه قويه جداً..اقول يلا خلونا نتمصخر ع البنات اليوم كل وحده شاده حيلهــا.. وبجيـه..غيرن الموجه..ونشن يتمصخرن ع البنــات..اللي صابغه ويهها كله وردي..والثانيه أحمر..واللي حاطه ربط ع حلجها جنها عنز..والثانيه مسويه شكل دبدوب عند ظهرهــا..والثــانيه امسويه عمرهـا بويه قاصه شعرهــا ومادري شو..وتمشي ويا حبيبتهــا..وللا ذيج اللي يالسه وماده بوزهــا حبيبتها اتأخرت عليهــا ويوم اتزاعلن ما راضتهــا...وخراابيــط فووق ما تتصورن..وابدااااااااعااااااااات ايسونها بنااات المداااااارس...؟؟!؟!؟!؟!!!؟؟؟... . . . . . . . . . نفسي طابت منك يالجرح الكــبير.. عافك قليبي حبيبي ما يــــــــــباك.. بيــت بومحمــد.. حيرة شجوون.. الســاعه 7 المغرب.. وقف قلب شجون..اللي يستويلها شي هب طبيعي..هي ما صدقت انها تتغيــر ..وتكون شجون غيييييير عن شجون الأوليــة..يظهرلها خـالد ويا ويهه مرة ثــانيه..ويا حركاته القرعه..؟؟؟!!!!!! المسكين لازال ايفكر ان شجون اتحبه وميته في هواه..ولازال حاط في باله ان بينقــم من حمدان..والسبب ظراابــه..؟؟!!!؟؟!!؟!!؟!؟ مـا يعرف ان كل معتقدات شجون تغيرت..ولا يعرف ان تفكير شجون تغير..واستوت تظهر صوب هلها وتسولف وياهم..ومــا يعرف ان شجون اتغيرت بكبرهــا.. سوت اوف لاين من المســن..وسارت وظهرتلها كندورة غــاويــه..وجحلت اعيوناتها ولمت شعرها بشبااصه ع لون كندورتهــا..وتعطرت وظهــرت..سارت صوب حيرة غبوش..هالبنيه يا رقــاد يا دراسه..وبما ان اليوم كان اخر يوم فالإمتحانــات..وماشي دراسه..فالرقــاد أولــى.. فســارت صوب حيرة روضه ومن حدرت ما لقتهــا..الظاهر انها تتسبـــح..نزلــت تحت..ولقت عبودي وعنودي كالعاده يتضااربون.. عبودي:اقووولج يالعنز.. عنودي:انا هب ..عــ..عــ..عنز.. عبودي:ردي ع توم وجيري.. عنودي:لا ابا رسوم ع اسبي..اسبي..تو..تووون.. عبودي:اقوول درييييه. عنودي:ابغي ارسووم..مال ..مال...بنات.. شجون:خلاص عنودي تعالي ويايه بنسي المطبــخ.. عنودي:انزين. ونشت عنودي وسارت ويا شجون..ويوم سارت الحوي..ماااا لقن حد..جان ايسيرن المطبــخ..وشافت البشاكير ايعابلن وحالتهن لله.. شجون:هاه شو اتسون؟؟ البشكارة:سوي محاااسي"محاشي"..بتزا..قتاير"فطاير"...دونات"دونالت" .. شجون:حشششى..منو اقلج اتسوين هاه كله..؟؟ البشكاره:هاذا روضه يي من سكووول"مدرسه"..ايقول في خلاص صلاة مغرب سوي هازا كله وودي صوب موزاني.. شجون:انزين ماما هازا كوولش وين؟؟ البشكارة:هادا ايسير عند موزاني.. شجون:اهــا..يلا عنودي بنسير هناك صوب ماما.. عنودي:يلا.. ابتسمت شجون..وفجت الثلاجه وظهرتلهن عصير لاكنور"كوكتيل"..وظهرن للحوي..وخلاف ظهرن الشارع عسب ايسيرن صوب موزاانــي.. اول ما ظهرن..لقن سعيد في دربهن.. سعيد:السلااام عليكم.. شجون:وعليكم السلام.. سعيد:شو الإجتماع في بيت عمي..هاه؟؟ شجون:هيه بيتنــا فاضي محد فيه..كلهم اهناااك.. سعيد:حتى انا ما شفت حد في بيتنــا.. هيه صح مبرووك خلصتوا الإمتحانات.. شجون:الله يبااارك فيك..سعيد ما قلت لي شو سويت..ظهرتلي الأغاتي اللي اباهن.. سعيد:هيه..تعالي خلاف خذي السي دي.. شجون:زين بعد..انا ما عندي سي دي رايتر.. سعيد:افا عليــج بنت العم..احن في الخدمه.. شجون:مااا عليك قصور.. سعيد:شو سجلتي في المنتدى اللي قلت لج عليه؟؟ شجون:هيه اللي مال ربيعــك..؟؟ سعيد:هيه.. شجون:ياخي حدرته كل ابووه شباااب.. سعيد:خلاص عيل لا تشتركييييين.. شجون:بخبر ربيعاتي وبنشترك ارباااعه.. سعيد:لا انا ابغيـتج تشتركين لأن فيه قسم الصور..والفوتوشوب..ومرة انتي قلتي لي تبغين تتعلمين ع الفوتوشوب.. شجون:اوونــه؟؟خلاص عيل اليوم بسجل فيه.. سعيد:شفتي..انا سعيد اساعد الكل.. شجون:ماشاااالله مسويلك شعار بعد.. سعيد:خخخخخخخ..ولو..>>يابها ع اللهجه السوريه.. حدروا بيت عمهــم..ولقوا الكل يالسين ع القعده..وموزاني وسلامي يالسات افصوب..ووياهن شموس..وســارت شجون وقعدت عندهــم..مرت ربــع ساعه.. الا والروض يايتنهــم والبشاكير وياها..وميودات الأكل اللي مسوياتنه من اشويه.. الروووض:السلاااااااااااااااااااااااااااااااااااااا م عليــــكم.. الكل:وعليــــــــــــــــــــــــــكم السلام.. روضه:حووه الشووواب اهنه..قسم بالله اتولهت عليكم.. وسارت سلمــت على ابوها وعمهــا بوخليفه وعماه بوسهيل..وخلاف سارت صوب يدوتها ولوت عليها وباستها ع راسها وباست امها ع راسها و ووايهت حريم عمومتهــا.. بوسهيل:وشحــالج يالرووض ربج الا بخير؟؟ روضه:بخير وما نشكي باس..ومن صووووبــكم يالشيوووخ؟؟؟ بوسهيل:يسرج حــالنا..هاه بغيتي العزبه..؟؟؟ أم راشدد:ييها ما العزبه كلن يبغيها.. روضه:لالالا..هالمرة خلونــا انغير.. سعيد:خلونا انسير صوب بر محظــا.. "اممم..طولي بعماركم محظــا..منطقه من ورى البريمــي..غرااام وتصلح للبدو ..لووول.." سلامي:هيه والله..بنيلس لنا كمن ايوم اهنــاكي.. ام راشد:عيل غايته..بنشم هوى ربنــا وبنستاانس.. روضه"اتصاارخ":رقيييييييييص... ونشــت صوب البنــات ووايهتهن ويلست عندهــن..وخلت البشاكير ايوزعون الأكل ع اللي يالسيــن..ومحتشره وكله اتسولف ويا الشواب و يدوتها.. وأذن لصلاة العشاا..والرياييل نشوا عسب ايسيرون للصلاة..أما الحرمــات من بعد ما صلن..سارن يتحوطن فالشعبيــة..قالوقــت اللي سارن البنــات للصــاله.. روضه:أوووووف كيف مستــــانسه..هب مصدقه ان الإمتحانات خلصت.. شموس:شعور جميل.. موزاني:أقوول ليش ما نظهر خاااري..والله الجو كشخه والمهب بااارد.. روضه:صدق والله بالمرة بنخطــف ع عواش وسهيله.. شموس:لا ماافيني اتحوط..لو نسرق سيارة احسن.. روضه:لوووووووووول..فــاتج يوم سرقنــا النيسان الأسوود.. سلامي:بس انتي ما ترومين تسرفين سيارة سهيل.. روضه:والله ارووم اسرقهــا..هو اصلن ما بيعصب عليّــه.. موزاني:انزين انزين اللحينه بتم تحشرنا ع سهيل.. روضه:جب يالسخيفه.. شجون:خلاص خلاص بلا ظرااااابه..يلا بنظهر.. الكل:يلا.. من ظهرن للشــارع..جان ايشوفــن حمد..عاده موزاني ورواضي طالعن بعض.. موزاني:هاه رواضي اتفكرين شرات ما افكر.. روضه:هيه..ترانا من زمان ما سرنــا المووول.. موزاني:خشمج خشمج..تفكيرنا نفس الشي.. ويتواايهـــن.. موزاني وروضه:حمــــــــــــــــــد.. حمد:ابشرن بحمد.. موزاني:فديييييييييييييييت روووحــــــــك.. روضه:علني مااااااا ذوووق حزنـــــــــــك.. موزاني:الله يحفظـــــك.. روضه:ياااا ويل حااالي انا امووت فيك ياخي.. حمد:هاه شو تبن؟؟بلا مصالح موزاني:كاشفنا كاشفنا... حمد:وحافظ حركااااتكن صم.. روضه:ظهرنا المووول ادخيييييييييييييييييلك.. حمد:لا انا هب فاااظي.. روضه:شموس ويانا.. حمد:...............انزين لازم المول..؟؟ ..ممزور شباب اللحينه.. موزاني:يااعيني ياااعيني..كله عسب شموووووسه.. حمد:جب انتي.. موزاني:ااااخ ويهي احترق.. روضه:اوكيك خلاص ودنا المبزرة.. موزاني:هيه والله من زمان ما سرنــالها.. حمد:اوكيه موتريه ما بيشلكن كلكن.. موزاني:عادي خذ الإستيشين..وييب السويج من عند الدريول.. حمد:اوكيه خمس دقااااايق.. سارت موزاني تربــع عند البنوتــات..اللي طافن على بيت بوسلاميز.فاللحظه اللي دق تيلفون حمد..ورد عليه..خمس دقايق وبند.. روضه"تغمز له بعيونها":يااويل حالي..اكيييد وحده من بنوتااااتك.. حمد:حشى بسم الله عليــه..هاذا واحد متعامل وياه عسب يبني لي قســمي ويعدله.. روضه:قســـم؟؟؟ليييييييييييييش؟؟بتعرس.؟؟ حمد"يضحك":هههههههههههههااااااااي...ماااااااااالج خخخخص.. انقلعي لبسي عبااايتج.. ويسير حمــد واييب السويج مال سيارة البيت من عند الدريول..وشغلها ودقايييق الا البنات بعبيييهن وهجووم ع المبزرة.."يبل حفيت" |
علمتني الليالي..بعدك انته يا غالي.. أمشي بين البرايا..وأشعر اني لحالي.. نزلت دمع عيني..كرهتني سنيني.. بعد مـا رحت عنـي وانكسر شي فيني.. أبوظـــبي.. سكيــت بوظبــي.. الســاعه 8 ونــص.. علــى ألحــان هالغنيــه..وصوت عيضه المنهالي اللي يربش الواحــد..شيخاني كانت حاطه السماعات في اذونهــا ومعلقه الـــ mp3..بالحزام مال بنطلونــها الجنز..ولابســه بدي وردي وطالعه منه سلاااسل كشخه شكلهــا..يعني شيخاني شااده حيييلها امممرة..لووول..ورافعه عبايتها لين بطنهــا ورابطتنــها.. كان تتزلــج..ومبدعه فالتزليييج مشااالله عليــها...وحصوه اتراقبها من بعيد.. ميثــا:شيخــاني..>>هاي ربيعة حصوه وشيخاني.. شيخاني:شوو؟؟ ميثا:اتشوفين هاييج البنيه..؟؟ شيخاني"توقف ع صوب ويتها ميثا": تبغي تتعرف عليــج.. شيخاني:أي وحده؟؟ ميثــا:هاذيج البويــه؟؟اللي لابسه اسوود.. شيخاني:شوو ...بويه؟؟لاا لالالاطولي بعمرج انا هب مال بوويــات... ميثا:شو اقولها يعني ما بتتعرفين عليها.. شيخاني:قوليلها تجلب ويههــا.. ميثا:هههههههههاااي..باي بسيرلها.. وسارت ميثا صوب البنيه اللي تبغي تتعرف على شيخووه..فالوقــت اللي ظهرت شيخاني صوب حصه.. حصه:اوه يلا شيخاني..تحيرنا ابوويه بيذبحني.. شيخاني:اووف..توها الساعه ثمــان ونص.. حصه:اووه يلا.. شيخاني:لحظه لحظه..بشوف من ايدقلي اللحينه.. وظهرت تيلفونهــا..وسلطان هو المتصل..تأففت من الخاطر..وردت عليه.. شيخاني:نعم؟؟ سلطان:نعامة ترفسج يالعنز..وين سرتي؟؟ شيخاني:السكيييت... سلطان:لا والله..وامنوو سمحلــج؟؟ شيخاني:أنا سمحت لعمري.. سلطان:جيه انتي صايعه وما عندج أهل.. شيخاني:هب شرط اللي ما تستأذن من حد اتكون صايعه..شو هالمعتقدات السخيفه..ع بالي عندك سالفه.. سلطان:ردي البيت اللحينه..يلا ودواج عنديه يا مضيعة المذهب.. شيخاني:أووووف..حتى ما يخلون الواحد يستااانس..اقول بخطف ع المارينــا وبييكم.. سلطان:لا تخطفين ولا شي..يلا بسسرعه اللحينه اتيين... شيخاني:قلت لك بخطف ع المارينــا..ابغيلي حااايه..يااخي خلك Freeeee... سلطان:اقول شيخاني بلا فلسلفه وردي البيت اللحينه؟؟ شيخاني:شوف سلطان يوم أكون حرمتك ذيج الساعه اتحكم فيني.. سلطان:لا قولي والله انتي بس؟؟ شيخاني:اللحينه ثمان ونص..تسع وربع بكون فالبيت...يلا مع السلامه.. سلطان:شيخاني والله ان ما رديتي البيت اللحينه شوفي شو بيستوي بج.. وبند التيلفون في ويهها..خخخخ.. شيخاني:يلا حصوه بنسير المول.. حصه:اوه اخاف اتأخر.. شيخاني:اوكيه انا وميثاني بنسير المول..وبنخلــي دريولنــا ايوطيـج بيتنــا..وخلاف اايينــا.. حصه:اوكيــه..يلا بسرعه بسرعه زقري ميثــاني.. شيخاني:ههههه..انزين لا تصيحين علينــا.. وسارت شيخاني وزقرت ميثوه..وسارن كلهن ويا دريول قوم شيخه صوب المارينــا ونزلن ميثوه وشيخوه ..اما حصه ردت ويا الدريول..ووياهم بشكارة قوم شيخه..لأن شيخه من عادتها وين ما اتسير هالبشكاره اتكون وياها..يا حليلها البشكارة ايحوطونهــا...لووول.. × في مارينا مووول × هاللحظــه..شيخاني وميثوه من محــل لمحـل..خذن لهن نعول وتنانير نفس الشي..وميثوه اقرب لشيخاني من حصه..واتخبريها بكــل شي..حتى قالت لها السالفه يوم كشفها سيف..كركركركركر..وع الســاعه 9 وعشر دقايق..: شيخاني"ميودة تيلفونهـا":ميثووه بلاه دريولنــا ما يرد..؟؟ ميثا:اوووف..يلا بنرد البيت تأخرنــا.. شيخاني:شو تأخرنا توها ما يت عشر..بس قولي أهالينــا معقديــن جداً.. ميثا:والله يا ان شافني خويه خلفـان يااا ويلي بيذبحنــي.. شيخاني:عادي حبيبتي سويله طااف..الشباب يستانسون يردون ويروحون..يتحوطون وما يخلون بقعه ما يسيرون لهــا..واحن متفيزرات فالبيت..خلينا انغير جووو.. ميثا:هيه والله.. شيخاني:أخييرن رد مسود الويه.."وترمس الدريول"..اييه انته ويــنك للحينه ما ييت..؟؟..انزين انزين يلا تعال..يالسلي تتحوط ويا البشكارة..بسرعه تعال.. ميثا:هههههه..شو سوى دريولكم؟؟ شيخاني:بس عليه ايغازل السوده اللي وياه.. مرت عشر دقايق..واشوي الا الدريول ياهن..وركبن وسارن لشعبيتهتـم..بس طبعـا شيخوه ثالت يخطفون ع المحطه..اونه بتشتري جبس وعصاير ومادري شوو؟؟ جــان يوقف الدريول..ويعبي بترول..فالوقت اللي ظهرن شيخاني وميثوه صوب السوبر مــاركــت.. شيخوه:شو في خــاطرج؟؟ ميثـا:امممم..اي شي.. شيخاني:اوكيه خذي اللي تبينــه..انا بخملي حق اسبووع..بدقها اليوم سهره جدام تو..-->> قناة تو للأفلام.. ميثوه:اوكي.. سارن صوب قسم العصاير..وتمن ينقن اللي يبنــه..وخلاف سات ميثـاني وظهرت لهن حلويـات ومصاصات..أما شيخاني سارت وتدور شيتوس وانواع الجبس اللي تحبهــا..من خلصت ردت ع ورى..شافت واحد في ويهها على طوول.. الريال:اوووووف محلااااااااااااااااااااااااااااااج.. عادي هاي شيخوه وين ما اتسير."تقريبن"..ميكب كــامل..يعني تتعدل..؟؟!! عكــس قوم رواااضـي..ما عندهن هالسوالف.. اربيع هالريال:في ذمتيــه انها طر كسرتيـــــم.. شيخاني:اووف سخيفيــن.. الريال:انزين اقوول عطينا ويــه.. اشوي الا وظهر ربيعهم الثــالث..وزقرهــم..عاد شيخاني اشوي وبتذووب..لأنها شاقت هزااع..البنيه خلاص خلاص بترووح في خرايطـها.. هزاع:حووه انتوا هنيه وانا ادوركــم.. الريال:يايين ياايين... صد هزاع صوب شيخاني وعاطاه نظرة ..بس نظرة اشمئزاااااز..ان تعصب شيخوه وتجلب ويهها..كركرككركركركركر... خلصــن وحاسبــن وظهرن صوب السيارة..ونزلت ميثوه بيتهــم..اما شيخوه تمت اترمس حصه لين وصلت بيتهم..وبندت عنها وظهرت وخلت البشكارة اتودي اجياسها وأكلها فوق صوب حيرتهــا.. وكـانت تمشي فالحوي وهي مستانسه ع الحواطه الكشوخيــه.. شيخاني:انــا يللي بحبـك وحدي أنــا.. أنا يللي.."وفجــت باب الصاله..وسكتت".. لأن سلطان كان جدامها والدخان ظاهر من راســه.. سلطان:قلت لج لا تسيرين لا مول ولا هم يحزنون..قلتي بيي البيت ع الساعه 9 وربــع..واللحينه الساعه استوت 10 الا خمس.. شيخاني:انزين عادي..خطفت ع المول و المحطه.. ياها سلطان...ووو؟؟ . . ووو . . وووو؟؟ كــــــــــــــف ع الطـــاير..لوول..استاانستوا..صح..؟؟..واشوي الا مط شعرها ويصفعهـا..مرة كف ع خدها اليمين..ومرة كف ع خدها اليسار...ومرة يشد شعرها بقووه..خخخ.. سلطان:المشكله حتى ما استذنتي من حد..شو من بنيه انتي؟؟ما تحشمين ولا تخيلين..قلت لج لا تسيرين الموول..وسرتي؟؟حق شو العناد.. شيخاني:اووف انزين هدني عسب ارمس.. سلطان"يصفعها من الخاطر":ترمسين عن شو ولا عن شوو؟؟جــب اقولــج..اللي شرواتــج ينحبسون في البيت ولا يظهرون.. جـان اتيي ام سلطان..وتبعد سلطان عن شيخاني.. أم سلطان:ياا سلطان علني فدى رووحـك..ودرها ..شو تبابها؟؟ سلطان:هااي بنتــج ما تحشم..يمايه ظاهره من البيت هب مخبره حد..شو تتحرى عمرهــا..؟؟جيه ما عندها اهل وراها ..؟؟؟ شيخاني:سير سير مناك يلا..تستعرض قواتـك و عضلاتك عليه.. وتمسح بطرف اصبوعها الدم اللي ظــهر من ثمهــا... أم سلطان:الله يهداج يا شيحوه سيري فوووق.. شيخاني"اتشل شنطتها":بسير عيل بتم اجابلج انتي وولدج التيس.. صخــت ام سلطان وحست ان العبرة خانقتنهــا..لأن هالطفله اللي ربتهــا..وكبرتهــا..كل يوم والثاني تجرحهــا..تحس شي خانقنهــا..لأنها تسمع رمسه موول ما تعيبها من شيخاني..وكأن شيخوه هب بنتهــا..وما اتحب امها موول..؟؟ سلطان من سمع هالرمسه..طيراان صوب شيخه الي كانت ترقى الدري..وسحبهــــــــا...؟؟؟!!!..من نص الدري..يعني ريول شيخاني راحت في خرايطها وعضامها تفتت..تخيلوا عاد ع الدري يسحبها..تم يصفعها ويصفعها..هو يسبها وترد عليــه .. أمها تسكتهــا..تردعليى امها برد شرات السم..ويعصب سلطان ويرد يكفخ شيخوه مرة ثـانيه ..اقوولكم شوو..؟؟احسن تشبيه لوصف اللي يستوي في بيت بو سلطــان..؟؟ ان سلطان لعن خير شيخوه و "مسح بها الأرض".. خلاها بيزة ما تسوى..؟؟!! الدم يظهر من ثمها ومن خشمهــا..والكدمـات بانت افويههــا..واشوي الا بو سلطان بكبره..الإنســان..الكبير فالسن.المريض..ظهر من حيرته من سمـع هالصراخ كله..وهو اصلن حالته الصحيه ما تخليه يتحرك من شبريتــه.. سلطان تصنم من شاف شكل ابوه..هب خوف..بس احترامــاً لهل الإنسان اللي ربـاه وخلاه ريـال ينشد به الظهر ولا من طرووه في ميلس الرياييل فزوا وقالوا والنعم ..تصنم احترامـاً لهل الإنسـان اللي علمة كل المبادئ الأخلاقيـه..لهل الإنســان ..اللي مهما اوضح واشرح وافسر واقول وابيّن..تبقـى مكانته عزيزة..الأب..من سواه اللي يتعب على عياله ويشقـى عليهــم..ويوم طــاح مريض..اتخيلوا بنته استغنت عن وجوده..وما استوى يهمهــا..هل يستاهل هالأب هالمعامله...؟؟؟!!!لأنه مريض محد ييلس عنده..لأنه ما يروم يرمس الا بالشده محد يشوفه ويلسم عليــه.. بو سلطان"بالشده يرمس..وماد يده ضوب شيخوه":شيخوه..تعالي..تعالي عندي علني فدى روحــج..؟؟ شيخاني"اترد ع ورى وترقى الدري وتصارخ":ماااااااريد..لا انا ماااااااريد اسير عند حد..انتوا اصلن ما تحبونــــي.. سارت شيخاني..ومخليه يد ابوها ممدوده..كانت تنتظر اللحظه اللي بتي شيخوه وبتحظن ابوها وبتحط يدها ع يده.....بس حسافه..شيخه راحت لحيرتها..متجاهله ان هالشخص اللي رمسها من اشوي..هو ابوهــــــــــــا.. أبووووووهــــــــــــا...؟؟ هل الرحمــه اختفت من قلب هالبنيــه..؟ ولا المشاعر الطيبه مااتت..؟ معقوله نست ان هاذا ابوهــا..؟ معقوله هان عليه تبتعد عنـه..؟ تبتعد عن حظنه الدافي وحنانه ..؟؟ معقوله هان عليها ما اتشوف ابتسامتها؟ معقوله هان تبتعد عن يده الحانيــه..؟؟ معقوله هان عليها تنسى المواقف اللي جمعتها ويا ابوهـا..؟؟ يوم يشرب قهوته كل عصر فالحوي..؟؟ يوم يسيرون السوق ارباعه ..؟ يوم يحوطها فالشعبيه ويوديها الدكان تشتري مصاصه؟؟ يوم ينزلها للعزبه ويخليها تلعب بالرمــل..؟ يوم كان يمسح ع شعرها بكل حنيــه ..؟؟ يوم كانت في صف اول ابتدائي.. وكانت خايفه وتصيح.. وهو ما هانت عليه ادموعها..جان يحظنهــا..ويمسح دموعها وردها للبيت..؟؟ معقوله ما تتذكر هالموقف؟؟ ولو شي بسيط منه؟؟؟؟؟!!!!!! مــادري شو اقول..احس اني ان كتبت كلمة ..بطيح دمووعي..لجل مكانة هالإنسااان...!!! . . . . . . . آه ويلي ما أتحمل بعدك ثواني..خاف ربـك كان ودك ما تجيني.. عودلي وأرجع تراه الوصل حـاني..وش حياتي دون وصلك يا ظنيني.. العيــن داار الزيـــن.. قمــة جبــل حفيــت.. الساعه 10 ونــص.. واقفه على طرف..بعيد عن استهبال موزاني وصراخ غبوش وضحك شموس وخبال حمد وحركات شجون وأغاني سلامــي..ما تدري..اتحس عمرهــا تبغي تبتعد عنهم لحظــات..تبغي تسأل نفسهـا سؤااال..؟؟ ليته سؤاال..اسئله..معظمهم..مستحيل هي اتجاوب عليـــهم.. منظر مدينة العين من قمة جبل حفيت "غيير شكل"..خباااااااااااااااااااااااال..أحلى ما تطيح عليه العين من بعد شوفة المطر طبعاً..عاد انا اتخبل على شي اسمه مطر..هب شايفه خير..لا تلومونـــي..مناخ دولتنــا صحرااوي..دخلنا للجغرافيــا..لوول.. المووهيـــم.. اعيووون روضه ع المناظر التحفه تحت..بس عقلهــا وين..؟؟وين وين وين وين؟؟اكيد عن سهيــل ما غيره.. منـع عني حنــانه.. وهو غالي مكــانه.. مكانه في عيوني.. ولو يقسى زمــانه.. وهو أغلى الحبايب.. وقلبي فيه ذايب .. حرام انه يصدني.. بلا ذنب وسبايب.. ليش يصدهــا..ومبتعد عنها..مجافيهــا..معقوله ما يعرف ان روضه تعاني من بعده..ولا يعرف انه تذرف دموعها لجله..ولا يعرف انها تتمنى بس شوفـته..معقوله..ما يعرف ان روضه كل يوم تتخيل سهيل جدامها..مع انها تدري انه هاذا طيف سهيل..ومعقوله ما يعرف انها تســامر هالطيف طوول الليل.. جــامل واسأل يوم عنا.. وطسي خواطر ناس تغليـــك.. اتحس عمرها متضايجه..واتحس ان في شي ثجيل ع قلبهــا..محبة سهيل روتها الويل..شافت البلاوي من مكان..عاشت الجروح والآلام ..ومع هاذا رسمت ابتســامة أمل ع ويههــا.. دخيلك ردلي ترى قلبي من زود الهجران مات وأعلن رحيله..ألا ما تكفي غيبتك تتعبني وتتعب قلبي..وش من جرح ما جرحتني يا خلي ..أنا كلي على بعضي جروووح...بس تأكد يا نظر عيني ..لو تغيب..وترحل عني عيني..وتبقى عن دنيتي بعيد؟؟تبقى لروحي أقرب قريب...وقلبي ينبض لك محبه..وفــا..غــلا..حب..شووق..ولــه.. وكــل المشااعر الصادقه.. صدت روضه بعيونها الزينه صوب موزاني اللي تأشرلها عسب ايوون..وسارت صوبهم.. موزاني:سمعي سمعي حمد يهدي اهدااء لشموس.. صدت روضه صوب شموس..اللي كانت قاافطه من الخاطر..اتحس ان اجو حلو للإستهبال..والسوالف والعبط..وبوجود حمد تحلى هالأشياء كلهــا..بس سهيل دووم يخبر عليها..فعشان جيه..اكتفت بالإبتسامه.. الكل سكت..اتوقعوا روضه تصارخ تعلق..تتمصخر..؟؟؟هاذا وسهيل مبتعد عن نظرها كمن يوم..عيل لو فارقها..شو بيصير لهــا.. . . . . . . . لو ابغي تعرف كم بلقيــاك..كم أعشقـك موت وأحاتيــك.. خذ قلبي اللي موت يهواك..شو اشكثر راعيه يغليــك.. بيت بومحمد.. العصر.. حيرة شموس.. هالوقت شجون وشموس وروضه وغبوش يالسات ايسولفــن..وياكلن حلويــات..وشجون كل ساعه تغيرلهن السي دي..اشوي لا عبودي وعنودي يايين صوبهن وفرحانيـــن.. عبودي:هيي..بيستوي عندنــا عرس.. روضه:عرس منووو.. عبودي:توني اسمع يدي رلشد يرمس امايه العوده..ووياهم الشباب كلهم روضه:انزين عرس منووووووو؟؟ . . . . سووري.. . . بس البارت انتهــى.. . . أدري انه عاادي جداً..اول شي انا بالعماله ابغيه عاادي.. ولأني تعبانه وما روم أكمل.. . . . تحيــاتي.. |
يسلموووووووووووووووو .. *_^ |
تسلم ونترياا الياااي |
الجزء الــ خ ــامس عشــر.. ••.•°¯`•.•• لحظـــة وصـــال ••.•°¯`•.•• صادفتها صدفة بمستوعب القمة بالعين راعيتها لحظة وترعاني شميت انا عطرها ويابخت من شمه.. يذوب ويسكر ولو ماهو بشرباني.. كلهن فجن اعيونــاتهن واذووونهـــن ..عسب يشوفن ويسمعن زين ما زيـــن ..وشو بيقول عبودي.. عبودي:عرس حموود..قال انه يبا هاذي.. خخخخخخخخخ..وأشر على شموس..لووووووول.. تناقعن غبوش وشجون ضحك مع انهن منصدمــات..بس حركة عبدالله ضحكتهن..بالنسبه لشموووس صخت..وعجز لسانها انها اتظهر كلمــه وحده بس..حست بشعور غريب يحتوي قلبها لأول مرة..حست بفرح وبحزن..حست بألم وأمل..حست بدمعه وبسمه..حست باحاسييس متضاربه..وكلهن عكس بعض.. امــا الرووض..طيييرااااان تحـــت..تبغي الأخبـار بالضبـــط..وبالتفصيل الممل..والأخت حاطه شيلتها ع جتفها..لوول..والكشه الله لا يرويــكم..شي منها مرتب وشي منها ملعون خيره..هيهيهيييييييهيهيهيييييييي.. الموووهيم ويوم نزلــت ..كــانت بتطيح ع الدري.بس زين يودت عمرهــا..ولقــت امها ويدوتهــا وابوهــا وعمها بوخليفه"ابو حمد"..سلمت عليهم ويلست تتخبرهم شو السالفه بالضبط..وطبعاً امها العوده ما قصرت خبرتها كل شي.. وبعد مرور نص ساعه..نزلن كلهن تحت وشموس وياهن..وقالها عمها راشد السالفه جداام الكــل ..وهي مفتشله وويهها محترق..لووول.. وخلاف ظهروا الرياااييل..اما غبوش وشجون وشموس سارن صوب سلامي..ورواضي راحت وكشخت وخلاف نزلت وسارت للمطبــخ وهي حاطه في بالها اتسير لموزاني اروووحهــا..تحس شي في قلبها ولازم ترمس عنه..اللي هو سهيل..لأنها كل ما قالت لفطامي شي عن سهيل صارخت فطامي في ويهها واتم اتسب سهيل..واخر مرة اتنازعن وبندن عن بعض وهن معصباات .. × في المطبــخ عند رواضي × وقفت روضه وبحركــه سريعه شلت حبة بيتزا وهمممم.. روضه:الله كشخه طعمها..اقوول "للبشكارة"حطيلي حطيلي في صحن بسير صوب موزاني.. البشكارة:اوكيك.. وما حست روضه الا بقلااص مااااااي بااااارد ينجب عليها.. روضه:امااااااااااااااااااااااااااااااااااااااااااا ااااااااييييييييييييييه.. "خخخخخخ..انا جيه يوم اخاف اقول امااااااااااايه" وصدت ورى تبغي اتشوف منو اللي سوى هالجريمه الشنيعه وخرب كشختها وخييس شيلتا وكندورتهــا..منو اللي تجرأ وسوى هالشي كله؟؟عاد الروض كله ولا كشختها تخترب...لووول..خقاقه هالبنيه..لحد ايحبها..يعني تستاهل باللي يسويلها اياه سهيييييييلوه العقرب..خخخخخ.. ويوم صــــــدت ورى..جان اتشوف عمها ذياااب ومستانس وشااق الحلج بعـد.. روضه :عمي ذياااااااب...؟؟؟!! ذياب:انتي جيه اكشخ عن البيتزا اللي كلتيها من شوي..نيااهاهاهاهاهاهاهاهاها.. روضه:اهىء اهىء اهىء اهىء..والله بصيييييح..قسم بالله اردها لك.. ذياب:هع هع هع ..اقول سيري طالعي ويهج شقاايل وخلاف تعالي رمسي..انزين؟؟ ويودرها بس هي اتنط جدام ويهها.. ذياب:حشى ارنب سريييع..؟؟ روضه:هع هع ..لا وحياتك غززززززاااال.. ذياب:شو تبين..؟؟ روضه:الأسلوووب عدم عندك.. ذياب:كيفي عيناووي.. روضه:عيييش اشكر فنـــك والله..خشمك خشمك.. ويوايها.. ذياب:بس هاي المرة الأخيرة اللي اوايهج فااهمه.. روضه"معصبه":لييش ان شاااالله؟؟ ذياب:لأنج استويتي سخيفه..؟؟؟!! روضه"دخان يظهر من راسها":لاازين والله..اوكيك عمي العزيز مشكووور وايي منك الأكثر.تحياتي.. وتضرب له تحية ..جنها عسكري..وتعطيه ظهرها..بس هو يود شيلتها وظهر نص شعرها.. روضه:لااااا شعريه ظهـــر.. ذياب"يضحك ":ههههههه..محد محد الطباخ سفرنــاه.. روضه:لا والله ..ربك حد من عيال اخوانك المفلع يحدرون ..؟؟ ذياب:عاادي بطردهم على طول..يلسي يلسي..بنسولف فيــاج.. روضه:لا توك اتقول اني سخيفه..شو تبى بالسوالف ويا وحده سخيفه.. ذياب"ييلسها ع الكرسي":خخخخخخخخخخ..والله والله خاطريه اغلس على حد..وشفتــج جدام ويهي وطحت فيج.. روضه:مشكور بس مرة ثانيه اغلس على حد غيري.. ذياب:انزين خلاص اخر مرة.. روضه:............................"مععععصصصببببه".. ذياب:انزين وشو علوومـــج ؟؟ وشو اخبااارج..؟؟ روضه:............................................. .......... ذياب"ايصارخ":رمسي..؟؟ روضه:مابرمس..ما عندي لا اخبار ولا علووم..؟؟؟- ذياب:انزين عندج تاريخ ولا جغرافيا.. روضه"عيبتها السالفه":هههههههههههههههههههههههههههههااااي..حلووو ووووة...عندي عربي وحيااااتك.. ذياب:قسم بالله انــج سوالف..انزين وينهي موزاني.. روضه:اللحينه بسيرلها..اعديبه بيتهم من زماااان.. ذياب:هيه والله زين..روضه.. روضه:تبغي تتخبر عن مريووووم.. ذياب:هيييها فديت اللي يفهمون بسسرعه.. روضه:خخخخخ..تفدوني..جان استحي.. ذياب:ودري الخبال يا غبيه.. روضه:انزين انزين يا الذكي شو تبغي تعرف.. ذياب:خبرتج عن الموقف اللي استوى يوم كنتن عند قوم منصور..>>اخو سهيله.. روضه:لااا..أي موقف.. ذياب:خخخخخخخخ..خليها هي بتقولــج.. روضه:لا انته قولي... ذياب"يستهبل":لا استحي.. روضه:خخخخخخههههههههههههههههاااااااااااااااااااهههه هههههاااااااااا... حلوووووووة.. حمدان"يحدر عليهم":منو هي الحلوة..؟؟ ذياب:حبيبتي .. حمدان:والله وعندك حبااايــب.. ذياب:هيه اتطورنــا ويا هالراااس.. حمدان:يا عمي شو بلاك ميلس عند هااي القطوة.. ذياب:قطوة ولا صخله..خخخخخخخخ.. حمدان:ولا تزعــل عمي الغالي سباااااااااااالــه.. ذياب:سبــاله وكااشخه بعد.. حمدان:خخخخخخخ..طااع ويهها انته بس.. ذياب:شوف اعيونهــا..ليتات نيسان.. حمدان:هعهعهعهعهعهع..استيشن وحيااتك.. صاارخــت روضه عسب اتوقفهــم عند حدهــم.. روضه:شوو عيبتكم الساااالفه..لا تيلسون تتمصخروووووون.. شوي الا يسمعون صوت حمد يهود.. روضه:اووووهووو كملت الساالفع بوجود العرس..اهداا اهدااا محد غريب.. حمد"بابتسامه على خقه":احم احم..سلااامــن عليييهم.. روضه:مررححححبببببببـــا ملااااااااااييييييييييييين ولا يسدن افذمتيه..حيييييهم الشيووووووووووووووووووخ.. وتسير اتسلم عليه.. روضه:امبرووووووووووووك امبرووووووووووووك .. حمد:بقولــج الله يبارك فيج بس للحينه ما استوى شي.. حمدان:يمكن البنيه ما تبغيه.. روضه:اشو ما تبغيه..البنيه بتمووت عليه.. وحطت يدها ع ثمها يوم حست بعمرها قالت شي غلط جدام الشباب.. ذياب"ناقع ضحك":هههههههههههههههههههاااااااااااااااااااي..ماظ ن ي اتردك دام جيه السالفه.. حمد:ههههه.. حمدان:طااااااع كيف مستااانس..؟؟ حمد:يااخي احبها اموووت فيها ماارووم اعيش بدوونها.. حمدان:حتى انته ظهرت تحب ما قبل الزواج..عيل انا يااحليلي ما كانت عندي هالسوالف من بعد ما عرست استويت امووت في ريسوووه.. روضه:اووه ذكرتووونــي ليش ما اسير صوب ريسوه بسلم عليييهــا.. حمد:انا بوديكـــن.. روضه:انا وموزاني بنسير..هاييلاك منقعــات عند سلامي..السموحه اخويه شموس هب ويانا.. حمد:مااااالت وانا يالس اعرض خدمــاتي.. حمدان:ههههه..بلشت عمرك..ولا موزاني بعد اللع يعينك الصراحه.. ذياب:عيل ودهــن وخلاف تعال لنا فالمول.. حمد:غايته.. ظهروا حمدان وذياب فالوقــت الي يلس حمد ياكل بيتزا.. حمد:اووف بشاكير فنانات فالطبخ..والله وتعلمن من بعد اسمااعيلوووه.. روضه:تعال تعال يا مسود الويه وقولي شو السالفه؟؟اترك البشاكير ارووحهن.. حمد:وهيدي أعده..>>>وهاذي قعده الأخ صار يرمس سوري.. روضه:شوو السالفه؟؟ حمد:انوو؟؟>>>وااااااككككككك...اي وحده.. روضه:ليش في سوالف غير هالسالفه.. حمد:كتييير تأبري ألبي.. روضه:اووووه وليش ما تخبرنــا.. حمد:انسينا.. روضه:شوو هالحكي..؟؟ حمد:ماعم بمزح.. روضه:ولاااك تضرررب انت وسوالفيــك..اننننققققلع مسووود الويه؟؟ حمد:بلاااج نقعتي فالرمســـه؟؟يلا يلا هبابكن اتخلصن وراايــه شغل.. روضه انزين انزيييييييييييييييييييييين.. ونشــت الروض فالوقت اللي سار حمد يشغل موتره ويقول لموزاني تتزهــب عسب يسيرون صوب ريسه اللي من يابت بنوتتها يالسه عند اهلهــا.. . . . . . . . . . . إن رماني رمش عينك يالحبيب جرحك علاجي وانا ادوّر سبب إسأل مجرّب ولا تسأل طبيب العَرَب ما تفـــــــــــخر الاّ بالعَرب سويحـــــان.. الســاعه عشر ونص.. الصـــاله.. خلودي عند ربيعتهـــا..وام سيف تتحوط فالفريــج..وسيف ظهر ويا سهيل..وفطـامي ارووحهــا يالسه فالصــاله وتقرى قصايد توهن طبعتهن.. كانت قاعده ع المسن..ومحد اووون..ربايعها اللي سارت البر والثانيه راحت بني ياس والثالثه راحت السوق..واللي راحت واللي رااحــت..ويوم دقت لمهرووه بنت ييرانهم سارت دبي صوب قوم عمهـا..وشوي الا دق تيلفون البيت.. فطــامي:مرحباً معكم شركة الإتصالات الجديدة.. مهره:شحــــــــــــاااااالج فطاااااااااامي.. فطامي:من هذه فطـــامي؟؟ مهره:يالناااقوووه بلا استهباااال..شو علومــج؟؟ فطامي:ملل ضيجه ارف تعب قهر..كل شي كل شي.. مهره:جيه وينهن بنات سويحـــان؟؟ فطامي:سكتي محد يلست افبيتها كلهن شردن من سويحــان كأنه فيها انتشر وبــاء معدي.. مهره:هههههههه..عنلاااااتــج.. فطامي:وينــج اللحينه؟؟ مهره:والله في مول الإمارات اقووولــج ونااااااسه من الخاطر.. فطامي:هيه مستــانسه..شو عليـــج؟؟ مهره:هيه يلا حسديني اللحينه..بنركب السيارة وبيستوي لنا حاادث.. فطامي:خخخخخخخخخخخخخخخ..مب ساحره ويا راااســج.. مهره:انزين انزين بخليج يزقروني..باااي.. فطامي:بااي.. بندت فطامي عن مهره..وهي تتريــا باااجر..لأن بااجر الكل بيسير بر محظه ..وبيقعدون يوم كــامل وع الساعه 12 ونص ولا 1 بيردون لبيوتهـــم..مع انهــم كانوا بيقعدون اسبوعين ..بس غيروا راايهـم والسبب بتعرفونه بعدين..؟؟!!! ظهرت للحوي..وشافت الخدامه ووصتها اتييب لها Hot CHoclet...ويلســت في الحديقــه السريــة ع قولــت روضه.. كــانت اتفكر في الســالفه..اتحس عمرها عندها الشجــاعه الكافيــه انها بترمــس رواضي عن اللي في خاطرهــا..وبتكشف اوراق سهيل..وبتخلي لعبة سهيل تنتهي قبل لا تجرح الروض اكثر وأكثر.. في قرارة نفسهــا..تعـرف ان رواضي بتتعذب..وتعرف انها بتصيــح..وتعرف انها بتندم ..ويمكن ايخاويها الحزن طوول عمرهــا..بس ..؟؟؟!!..بس لازم اتخبرهــا..معقوله اتخلي اختها على عمــاها..؟؟!!وتعيش المحبــه ويا واااحــد ما يستــاهل.. سكتت..لحظه اتفكــر باللي يصير لروضه وسيف..حسيت في همزة وصل بينهــم..سيف..عااش المحبــه ويا شيخــاني..وكانت مذوبتنه في دباديب الغرااام..كان يمسي ويصبح ع صوتهــا..ويحس ان في شي ناقصنه اذا ابتعد عنها يوم وااحــد.. ونفس الشي ويا روضــه..اتمووت في شي اسمــه سهيل..ومن زوود حبها الجنونــي..استوت تتخيل سهيل في كل مكاااان..؟؟!!! الشي اللي يجمع روضه وسيف..ان شيخاني ما تحب سيف..وسهيل ما يحب روضه..؟؟!! انزين..ليش النااس جيه..؟؟!!ليش يحبون يلعبون بالمشاااعر..ويخلون الواحد يتعلق فيهــم..ويتعود عليــهم..وهو في الأسااس ما يهمهم..ووجوده مثل عدمه..؟؟!!يعني شو اللي يستفيده من اللي يسويه..راحه؟؟!!أي راحه وغيرك يعاني منك..ونااسه..؟؟أي وناسه وغيرك الحزن منه وفيه والسبه انت..؟؟!! لهالدرجه في ناس ما تهمهم مشاعر غيرهــم..وما يحسون..كل واحد يحط نفسه في مكــان روضه..أو في مكان سيف..هم ما خدعوك..خدعوا قلبك اللي عطاهم الوفا والحنان والحب والشوق ..وكل المشاعر الصادقه .. الإنسان شو يبى غير راحة قلبه..وراحة باله..شو يبى غير إنه يحس بالأمان ..؟؟ وانه يشوف الإبتسامه في ويوه اللي حوالييــه..ويشوف الفرحه حلت ع المكان اللي هو فيه.. ذيــج الساعه بيحس بالسعاده..السعاده عمرها ما بتحل في قلب واحد يلعب ويبين مهاراته على ناس يحبونه..؟؟!! أفكاري اللي كتبتهــا من اشوي..هي نفسهــا الأفكار اللي كانت اتدور في راس فطامي..في خاطرها بس تعرف شي واحد..شو اللي يستفيدونه سهيل وشيخه يوم انهم يسون هالسوايا..>>>>>اللي يعرف يخبرني..؟؟!! نشت فطامي من مكانها ويابت تيلفون امها وتمت تتسمــع إمارات FM.. . . . . . . . . . . أجيك يا ناعس الأهداب وانته ادرى.. لا والمسافه كبيرة بيني وبينك.. اجرح عسى كل جرح منك ما يبرى.. وتشيطن الله يحفظ لي شياطينــك.. بيت بوسهيــل.. الساعه 11 فليل.. الصــاله.. صدت سلامي صوب شموس.. سلامي:اقول شموس وينهن رواضي وموزاني.. شجون:هيه والله من ظهرنا من بيتنا رواضي ما شفناها.. شموس:مادري والله وين ساارن؟؟ سلامي:نشــن عيــل بنسير صوبهــن .. الكل:يلا.. ونشن شجون وغبوش وشموس وسلامي عســب يسيرن صوب رواضي وموانــي..من حدروا البيت..شافوا موقف راائــع جداً..هع هع هع ..حمد وموزاني كل واحد منهم ميود قرشتين ماي مسافي ويصبونها على رواضي..اللي كانت متسبحــه من الخاااطر..خخخخخ.. روضه:بـــــــــــــــــس عنلااااااتتتتتتتتكـــــــم.. موزاني:خلييج عسب مرة ثانيه ما تسبين حموودي .. حمد:هيه وعسب مرة ثانيه ما تتمصخرين علينا انا وشموس.. شموس من سمعت اسمها قفط شكلهــا.. غبوش:ههههههههههههههههههههههههههااااي.. حموود احشم عااااااده شموس ويييييييييييييااااااااانا.. وقف حمد عن الحركـه..وتم يطالع قوم غبوش..من لمح شموس وطى راسه.."من المستحى"..وعق قرشة الماي اللي عنده..وشل سفرته"غترته" اللي حاطها ع رقبته وحرك شعره على ورى وحاط سفرته وتسفر بطريقه سريعه.. الكل التزم الصمت..ويراقبون نظرات حمد..وشوي الا روضه تضحك.. روضه:ههههههههههههههههههههههههههههههههههه..بللللللل للااااااااكم..؟؟؟؟؟؟؟؟؟ شموس احترق ويهها جان تحدر البيت..أما روضه شلت قرشة الماي اللي عقها حمد وربعت المطبــخ ومزرتها ماي من يديد وراحت صوب حمد وسبحته من الخااطر..اشوي الا الكل ينضم معهم..وياهم خلوف وسعيد..سعيد مستلم موزاني..ماخلاها تتحرك من كثر ما يرشها بالماي..أما خلووف يدافع عن سلامي وما يخلي حد يمسها..حمد و روضه استووا فريق..ومستلمين شجون وغبوش..ومرت ربع ساعه وهم على هالحاله..الا والحرمات يحدرن الحوي ويقعدن على طــرف..ويشوفن الحرب المائيــه.. وبعد عشر دقايق وصلوا حمدان وذياب..وزااااد اللعب من الخاطر..والبنات اتحمسن الا يهزمون الشباب..يعني روضه وحمد تفرقوا وما استووا فريق وااحـد.. روضه:سلامي ييبي لنا قرشة مااي عووده.. سلامي:انزين خاطريه اسبح خلووفي كان يساعدني بس اللحينه لا.. غبوش:ربعي يلا..عمي ذياب لعن خيري.. ذياب:انا السوبرمااان ذياااب لا احد يستيطع ان يسبحني.. هل تسمعيني يا امي.؟؟>>ويصد صوب امه.. ام راشد:هيه اسمعك يالخبله.. سعيد:خخخخخخخ..سبووووووك.. حمد:عادي اللي يسبك يحبك.. روضه"اترش حمد":واللي يرشك.. خلوف"ايرش سلامي":ايمووت في حبــك.. قفط شكل سلامي بعد ما ضحكوا علييهــم..اشوي الا غبوش اتيي ومعها دفعه يديده من السلاح"الماي"..خخخ..وتوزعها على شجون وسلامي..اما موزاني ورواضي هن اللي يرشن الشباب بمساعدة غبوش.. بس ذياب وخلوف خاانوا سعيد وحمد..وساروا يابولهم مــاي ورشوا سعيد وحمد..بس سعيد وحمد عصبوا..وتموا يلحقونهم..خلوف اندس له في مكان..اما ذياب تم يربع فالحوي ..وروضه وحمد وسعيد وموزاني وراااه..وكل واحد فيه غيض من اذياب اكثر عن الثـاني.. وبحركة سريعه وقف جدااام أمه..يعني يدتهم..خخخ..ويوم رشوه هو تحرك خطوه وحده ع اليمين ويأ الماااااااااااي كللللله على يدتهـــم.. روضه:ووووووووووووووووووووووووووووووووووااا..الله يعينا.. حمد:الششششششرده نص المريييييييييله.. سعيد:العيوز يودت عيرتهــا.. موزاني:انسسسسسسسسسحاااااااااااااب.. وشردوا كلهم وتمت العيوز تتحرطم علييييهم..خخخخ.وذياب يهديها..اونه ويا رااسه..أخر شي قامت وضربت ذياب ع ظهره بالعيرة..ذيج الساعه شرد وراهم..خخخخخخخخ.. . . . . . . . . . . منابع دموع المحبين عينــــــــي .. تبكي على نفسي وتبكي على الغير وعن الغلا يا ســـاريه خبريـــني .. هل عاد له في قلوب الاحباب تأثير قلب الفراق اللي غدى له حنيني .. ظمـــيان والقصه ما هي جمة البير لكنها شوق يدفه ضنـــــــــــينـي .. يا الله عــــساها ما تطول المشاوير نوارتي .. تجمعي واجــــــمعيني .. وتغطــــــرسي على جميع النواوير مالي عذر حتى أقول اعذرينــــي .. بس احفظـــي تركيبة البيت الاخير أشرف مثل مقاصده تحتويـــــني .. قل الـــــــــعطا .. ولا كبار المعاذير خلي علامات الشقا في جبيـــني .. عطر وبساتين وورود وعصــــافير أبي أشـــــوف العيد في مقلتيني .. وآركب لقلــــــــــبي جناحين واطير وابي أعيش العمر ما عاد فيـني .. أصـــــــــــــــادم الأيام والا المقادير يا مشغلة خط الغرام اشغلــــيني .. تراي جوالن بلـــــــــــــــــــيا فواتير تمردي على النظر في وسط عيني .. وتــــــعددي على وجيه الجماهير لأن المنام اللي بغيه يـــــــــــجيني .. عيا يجــــــيني لين مسيت بالخير بيــت بو محمد.. الســاعه 8 ونــص.. الصــاله.. من زوود وناستها صبّحــت على صوت ميحد حمد..وعلى هالغنيه بالذات..و الــ MP3..ما خلــت غنيه وما حطتها فيه..وما ننســى كيمرتهــا الفيديو اللي معلقتنها عسب ما يفووتها شي.. روضه..اللي معلقــه آمال وآمال انها اتشوف سهيل اليوم..واللي قلبها ينبض بمحبـة سهيل..كــانت تتوقــع ان اليوم بيكون أحلــى يوم في حياتهــا..لأنها مرت فترة طوووويييله وما شافت سهيل ولا سمعت كلمه منه..ما تعرف كيف اتفسر حركاته ..اللي مالها سبب..؟؟؟ ولا تعرف كيف اتفسر شعور الفرحه اللي محتل قلبهـا.. هل البيت كلهم محتشرين..اللي يزهب العده..واللي سار العزبه اييب الذبايــح..واللي تعدل الصحون..والي اتطرش البشكاره لبيتهم اتييب الطحين..أما شجون وغبوش بعدهن راقدات للحينه..وسلامي للحينه راقده عند شجون..اما موزاني وشموس وروضه من صباح الله خير ناشات..شموس اتظهر النس كافيه..وموزاني اتظهر قلاصاتهن المتعودات يشربن بها..وروضه بس عليها تتسمــع وتصور الناس المحترشن..كرككرككركر.. وبعد نص ساعه بالضبط توجهت 12 سيارة صوب بر محظـــة..والكل متشوق لهالمنطقه..لأنها منطقة(أأككشششن).. . . . . أعزائي المشاهدين.. . . . أأسف اني بقولكم.. . . أنتهــىىىى البااارت.. بس صج انتهــى البــارت... . |
| الساعة الآن 07:41 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir