منتدى استراحات زايد - معكرونة بالبشاميل بالضب ( هذا الاكل ولا بلاش )

منتدى استراحات زايد (http://vb.ma7room.com/index.php)

- فن المطبخ والطبخ (http://vb.ma7room.com/forumdisplay.php?f=12)

اقتباس:

المشاركة الأصلية كتبت بواسطة كويتي (المشاركة 560515)

أول شي حياج الله خيتو وأسعدنا مرورج الطيب زادنا هيبه

بدون حلف ايه لان اسلافنا البدو على كل الدول يأكلونه يعني جدي وجدك وجد غيرك ومازالو بالدوله من دولتكم الحبيبه الامارات وقطر نشوفهم بالمقانيص بالمغرب شيوخ ومواطنين نعزمهم عليه ويعزمونه عليه بكشتاتنا
وبالامارات بالصيف اللي طاف عزمني واحد من الاخوان بكشته عند اهله وأكلناه وطباخه أمه احلا من طباخي الاف مره

أنا كتبت قبل رأيي نفسهم جذيه يع أو يخ الله يديم النعمه

وقصو علي مره وكلونياه على أساس أنه من صيدنا أراني وكراوين وحمام مع دجاج قلت الشياب مسويك فليك منوع :) + صينية بطاط

يوم أكلت خبروني عفب مع العلم شكيت بس أخر مايطري ببالي أنه ضب

قالو شرايك فيه قلت يهبل

قالو تراه ضب ماراح أقولكم شسويت فيهم

لمن قريت عنه

من أيام ماقبل الاسلام كان يأكل وذكر بالطب النبوي مثل ماذكر الجمل

ومازال الضب حيوان نظيف ولا يأكل مثل غيره أجلكم الله قاذورات أو فطيس أو جيف

فجاز أكله

أيه الحين أتفنن بطباخه

صينية بطاط بالباشلميل أو مجبوس صب ومرقة مشكله أو باميا

حتى شوي جربناه مانفع ولا باجي الاكلات

ينطبخ عدل ويتبهر عدل ونخليه الغثى بالطباخ ياخذله ساعه الى ساعه ونص يالله يلين لحظه

يكفي ابيض ااااممممممممم

ولا فيه زفره امممممممممممم

وله فوائد طيبه للجنسين الرجال والنساء

وللعلم

دم الضب للاطفال وهذا طب شعبي ومتعارف عليه للاطفال بس والربو وحده بوحده اسبوعين كافي هالولد اللي متعود على الكمام ومزمن معاه بقدرة قادر ماراح يرد للكمام بعد دمه

الف شكر :)

بطرشلج بادية للغدا خيتو

دمتي بود

تسلم اخويه ع المعلومه المفيده

خلص اذا هو مفيد عن اربو راح اكله

عمري ماكلته لا مره في حياتي عشان خاطر اخيه الله يرحمه

تعرف البارح يوم رخعت البيت حصلت ابويه الله يطول عمره طابخ ضب ريحته تخنن وتهبل

وضحكت من الخاطر يوم تذكرت انك مسونه بشمل

ودمت بصحه وعافيه

اختك الحزينة

اقتباس:

المشاركة الأصلية كتبت بواسطة الحزينة ع زايد (المشاركة 564100)

هلا فيج

أول شي الله يرحم أخوج ومثواه الجنه

وثاني شي ياحي أبوج وحي طباخه ربي يخليه لكم

أكيد ماطبخ كل الضبان

عامتا أبديها بروحج كالاتي اذا كان مثلج (دائما نطبخ الضب الاصفر والسمين ) دلاله على نشاطه وطيب مذاقه

انما الاسود او الرمادي يكون طالع متأخر من بياته الشتوي ولحمه شوي مالح ولا يستوي شرات الضب الاصفر

أخذي ضب من الفريزر :)

وحطيه بصحن ونزليه بالثلاجه تحت وخليه قرابة ال 6 الى 9 ساعات بالثلاجه تحت عشان يفك عنه التجمد بدون لا يترك اثلا لروائج التجميه

بعدين هاتي جدي وترسيه ماء وكثري فيه البهارات لان ماتمسك بالضب عامه وحطي لوميه الى لوميتين معاه

وان حبيتي المسمار لا بأس

وأهم شي بهارات خليجيه ولا بهارات كالي العلبه الخضراء الهنديه

وحكمي تسكيرة الجدر وعطيه نار قويه ونسي الضب ساعه

افتحي كل ربع ساعه تأكدي بس أن الماء مانشف واذا قل زيديه

لكمل الساعه بدلي الماء وحطي بهارات عاديه وعليج بالكاري :) ولا تكثرين الملح لان ملوحة لحمه زينه

وبس يحتر الماء شيلي الضب وقطيه فيها وتركيه نص ساعه وطلعيه

عقبه المسي اللحم لصار ني مو شرات الدجاج

شرات اللحم

اكبسي عيشك وحطيله من ماء الضب ان حبيتي شوي

وقطي الصب فوقه وسكري على العيش

ومرقته كيفج عاد ان حبيتيها بماء الضب مال طبخته الثانيه يكون احسن

وأكليها هني وعافيه

اما الربو فهو مجرب للصغار اختي علاجه كالاتي

1/ نجيب ضب متعافي مايكون مريض ويفضل الاصفر والصفار يدل على نشاط الضب

2/ ننظف مكان نحر الضب بالماء (الحرص من الخوصه = السكين لان منطقة رقبته عرده قويه ممكن من قو النحر تكون قويه ووقت النحر من تحترق الرقبه تطلع بسرعه من وراء وتسبب جرح)

اول النحر نلقي الضب للقبله حسب السنه المتبعه

نذكيه بعد مانتشهد عليه

نحرص اول الدم الخارج من الرقبه نعبي مقدار 30 الى 50 ملج

مايعادل نص او ثلاث ارباع فنجال القهوه العربيه

نسقيه للطفل المصاب بالربو

لمدة أسبوعين كل أسبوع مره وبالاسبوع الاخير نشربه عن الشكه واحد

يكون مقدار 3 فناجيل وبقدرة قادر هالطفل اللي فيه ربو بيخف من هالربو واذا مدمن كمام بيتركه

وهالشي ماخوذ من مورثنا قبل ومتعارف عليه عند البدو

وبمكانكم الاطلاع على كتب ووصفات البدو أو سؤال كبار السن

لطبختي أغرفيلنا معاج أختي

تقبلي مروري

يسلمو على الطريقه ^^

اقتباس:

المشاركة الأصلية كتبت بواسطة بنت العرقوب (المشاركة 566315)

يسلمو على الطريقه ^^

ربي يسلمج من الشر خيتو

وأسعدنا مرورج

اقتباس:

المشاركة الأصلية كتبت بواسطة كويتي (المشاركة 564164)

يامرحب فيك

آمين ياربي

ماشاء الله عليك والله ان مافيك حيله عندك معلومات انا مكنت اعرفه عن صب

بس احل شي تاكل لحم الضب وهو فرش مايكون في الثلج :78650::78650:

فالك طيب بعزمك في الامارات تتغدا عندني وبخلي ابويه يطبخه

والله انه طباج ماهر في طبخ الصبان وانا بتعلم امنه المهنه

اسموحه ع الازعاج

اختك الحزينة

والله يعطيك طلت العمر والصحه والعافيه