يسلملي مروركم .. وها الجزء مثل ما وعدتكم .. ^^

الجـــــــــــــزء العـــــــــاشر ..

قعد اصرخ : احممممممممد ..احمـــــــــــــد ..
حسيت بكففه على وجهي ..قمت شفت احمد واقف جداامي ..
صرخت وقمت اصيح : احمد والله انا ماسويت شي والله ..
احمد حظني وقال : حبيبيتي شفيـــج .. ؟ هذاا حلـــم حلــم حبيبتي ..
حلــــم ..آآآه ..الحمدالله ..الحمدالله انه حلم .. بس ليـــــش ؟ آآه يعني معقووله احمد يطردني ..
قلت له : احمد لا تصدقهم ..
احمد مستغرب : اصدق منو ؟
قلت : اي حد ..اي حد يقول لك شي ..لاتصدقه ..
احمد كأنه يواسيني قال : ان شالله .. بس انتي اهدي ..
قلت وانا لين الحين اصيح : لااا تتركني يا احمد ..لا تتركني ..احبــــك انا والله احبــــك ..
ضمني احمد بقوه لصدره وهو يقول : انا اهد العالم كله ولا اهدج انتي .. انتي حيـــــاتي انتي عمــــري الي ماقدر اعيـــش بدوونـــه .. يلا قومي حبيبتي لبسي ..بنروح السوق عشان تشترين حق ملجه مريم ..
هزيت راسي ورحت غسلت وجهي ولبست لي بنطلون وردي فااااتح وسيــــع .. وبدي اصفـر فااااتح .. ورفعت شعري بكليب .. لبست عبايتي وشيلتي وخذت شنطتي ..وشفت احمد حاط يده على رااسه ..
رحت له : حبيبي شفيك .؟
احمد رفع راسه ابتسم لي : ولا شي عمري .. نروح ؟
قلت : احمد انت مو طبيعــي.. شفيك ؟
احمد تنهد : شاقول لج ..
قلت : خير حبيبي ..قول ..
احمد : ماادري احــس ان حد قاعد ينهب الشركه ..
استغربت وطالعته ..
احمد : مباالغ كبيـــــره ..ماادري ..مادري يااعوش ..ماعرف من الي يااخذهم .." ورجع على وضعه حاط يده على راسه "
قلت : يعني عندك ضيقه ماليه ؟
احمد هزر راسه بالنفي ..
قلت : عندك ديوون ؟ متديـن من حد ؟
احمد هز راسه بالنفي ..
قلت : عيل ليش مكدر نفسك حبيبي ..
احمد : مااااحب اكووون بالشكــل المسبه .. قاعدين ينهبون الشركه وانا مو عارف من الي يااخذ الفلووس ..
قلت : رااجع الحسااباات ..راقب الشركه ..
احمد : رااقبتهاا .. بس ماايبــــين شي ..مايبيـــــن ..
قلت : ماارده كل شي بيبيــــن .. والي في الجدر يطلع الملاااس ..
طالعني احمد : هههههههه هاذي عوش الي اعرفهاا ..امثاالها كله غلط ..
ضحكت عليه وقلت : يلا قووووم اخرتني ..
قام احمد ولبس ثووبـــه وراح صوب المرايه يعدل غترته ..
جيت عنده وانا اسكر ازرة ثوبه الفوقيه : تدري اجلوا ملجه علي وبطي ..
احمد : اوف ليش ؟
قلت : ماادري .. معنى الكل جااهز ..
احمد : يعني متى خلوها ..
قلت : الخميس الجاي ..
احمد وهو يمسك يدي ويبوسها : تسلم لي الايديــن هاذي ..
ابتسمت وقلت : يلا ..
طلعنــــا ورحنـا المركز ..وقعدنـا نحووس ونحووس ..وظهري ذبحـــني من كثر الدوااره .. وبعد طلعه رووح لقــــيت لي فستــاان وردي فااااااااااااتح ..يهبـل بس عااري شوي ..
احمد : لااا عووش عااري ..
قلت : لااا احمد والله لاعت جبدي وانا ادوور ..
احمد : بس وايد عااري ..شووفي ..
شفت الفســــتان كان لين الركـــب .. ضيــق من عند الصدر ويووسع من تحت .. وصوب السدر ..شك بالون الوردي بس خفيـــف .. يعني كاان نااااعم ..
قلت : مو مشكله بلبس بووت ..
احمد : ويدج بشنو بتغطينها ؟
لانه الفستاان بدوون حمالات ..
قلت : احمـــــد بعد هذاااااا ..؟
احمد : خلااااص زيـــــن ..
ابتسمت وعطيته الفستاان ..راح حااسب ..وشريت لي بووت وردي وعليه وروود بيـضه من جداام ..وكان خباال يهـــبل .. وشريت لي اكسوسريز ورديه نااعمـــــــه .. وربطه حق رااسي ..
طلعت من المركز وفي السياره ..
احمد : انا بروح الشركه .. اوديج البيت ..ولا تروحين بيت ابوج ؟
قلت : لااا لاا بروح بيت ابوي ..
احمد : من عيوووووني ..
مــــــــرت الاياام علينـــاا عاااااديــــه .. بيسطـــه ماافيهاا شـــي ..
الكــل على حااله .. اقوم الصبح اتفطر ..مرات اطبخ واخرب الدنيا ومرات انثبر مكاني وارقد ..الظهر اقعد وياا شوق ومريم ولا اناام .. الليل مرات اكون عند اهلي ومراات اقعد في البيــــت .. ومريم ملجت وهلكناااااا انا وشوووق من كثر ما نوورح ونرجـع ..ونور متفيزره حالها حال الضيووف .. بصراحه رفعت ضغطي .. وراكاان نغزااته لي وكلااامه مااقـل بالعكس قاام يكثـر ..ويقوول جداام الكـل .. وانا الي اتووهق واغير الموضوع ..
بكـره ملجه علي .. كنت انا في بيت ابوي ..
علي : من قدي ..بكره انا معرررس ..
قلت : هههههههه ..بـــس سندرتنا محد معرس غيرك ..
بطي : ههههه مو مصـــــدق ..
علي : والله شحااارك انت ؟
بطي : ههههه مو محتر ولا شي ..انا بملج مثل مانت بتملج ..
علي بغرور : مادري شلون بنت عمي قبلت فيك .. وعع وعع شيـــفه ..
بطي : لاااا ارجووك يالي مقطـــــع بناات الدووحه ..
قلت : هههههههههههههه ..
علي : وي اسم الله علي .. اهـــــــبل .. صح يبه ؟
ابوي : هههههههههه ..سأل امك ..
امي : فديييييتك تهبـــل طالع على امك ..
قلت : هههههههههههههه ..القرد في عين امه غزاال ..
علي : شقصدج حرم احمد ؟
قلت : احم احم ..موقصدي شي .. بس الي على راسه بطحه يتحسسها ..
علي : اشووف لساانج طوول ..وقمتي تخوورينها بالامثــاال ..
قلت : ههههههههه ..هذا الشبل من هذا الاســـد ..
علي : بس بسج .. ماقلت مثليـــن على بعضهم رااكبيـن ..خربت الباااقي ..
الكل : هههههههههههههههههههههههههههه ..
قلت : اي اي عيبـــــوو .. بس محد يتحملني غير حمااده حبيبي ..
علي : اوووووه ..وينك يابوشهاب تعاال اسمع ..
قلت : ماااايخصك في ريلي ...
علي : بــل زعلت ؟
قمت اتدلع وصديت الصوب الثاني اطالع التلفزيون ..
علي قام وجا عندي ..
علي : سووري عويـــش ..
قلت وانا ادزه : قوووم عنـــي ..
بطي : عااااد تحمـــل دلعهاا ..
منيره وهي منسدحه تطالع الفلم : اكرموووونــــا بسكاااتكم .. علوي علوي بعد ربع ساعه بيحطون فلم يديد مال جاكي شاان ..
علي : والله !!!!
منيره : اي والله ..
علي : والله يبيلــــه سهـــــــــــــره ..
منيره : اي فديييييتك علووي ..روح جيب لنـا بوب كورن وبيبسي .. مافي في البيت ..
علي : بس عشاان الفلم ..ولا مو عشاان سواد عيونج .." والتفت علي "
عويشتي زعلااانه ..
ضحكت عليه : اووووه مغبــــر انت ..
علي : هههه ليش ؟
قلت : من وين مطلع هاذي عويشتي .. ؟ اخبر يوم كنت صغيره ازعل يوم تقولون لي هالاسم ..وكلهم اسكتوا ألا انت ..
علي : علشاان تعرفيــــن اني مااخضع لأواامرج ..
قلت وانا ادزه : قوم قوم عنـــــي .. شمقعدك ؟؟ رووووح .. مابي اشوفك ..
علي سو روحه زعلااان : اووكي ..يـــــــلااااا تبون شي ؟
امي : سلااامتك .
علي : يلاا اشهد ان لا اله لا الله واشهد ان محمد رسول الله ..
منيره : هههههههههههههههه شدعووه بتروح حرب ..
علي : هههههههه اي في معركه تنطرني برع ..
قلت : هيهيهيهي ..سخيييييييف حدك ..
علي جا صوبي وباسني على رااسي : الجميــــل زعلااان ؟
قلت : رووووووح زيييييين ..
علي : هههههههه زين يلااا .. " راح باس امي على راسها وباس ابوي ..
وصفق مهروه ومنور كـف ع الطااير وراح يركض ..
قلت : ههههههههههههههه احـــــــــــسن ..
امي وابوي راحوا غرفتهم ينامون ..
ظلينا انا ومنور وبطي ومهروه وفصول الي يحووس ويخرب .. نطالع التلفزيون ..
قلت : كأنه علي تأخر ..؟
بطي : الحين بيطب عليــــنا ..لاا تخاافين عليه قطو بو سبع اروااح ..
قلت : صل ع النبـــي ..
بطي : ههههه الف الصلاة والسلام عليه ..
شوي وامي طلعت : وين علي ؟
قلت : لين الحين مارجع .. ليش ؟
امي قعدت ع الكرسي وهي ماسكه قلبها : مادري قلبي مو مطمني ..
صادتني نفضه ..وخذت جوالي وبسرعه اتصلت على علي ..يرن يرن يرن ..محد يشيلـــــــــــه ..آآآه ..مستحيـــــل علي مايرد ع التلفوووون ..مستحيـــل .. حتى ولو صار شي ..بيرفع السماعه وبيسكرها في وجهي ..بس ماايرد ..مستحيـــل ..
امي : هاا رد ؟
قلت : مايرد ..
بطي : صلوا ع النبي ماافيه ألا الخير ..
ماقدرت امسك روحي وقعد اصيــــح ..
وامي شاافتني وقامت تصيح ويااي .. ومنور ومهروه شافنوا نصيح ..كملوا ويااناا ..
بطي : لحووووول .. الحين فتحتوا منااحه لنــــاا ..
قلت وانا اشهق : بطي تأخر ..تأخر .. الساعه 1 ونص .. مو معقوله .. اي دكاان فااتح ..؟ وليش ماارجع .. صار له ساعه برع ..
ورن تلفون وبسرعه رديت : الو علي
احمد : اي علي انا احمد ..
ماقدرا امسك روحي وصحت ازيــــــد ..
احمد خاف : عووووووووش شفييييييج ؟
قلت : علي تأخر .. واحناا خايفين عليه ..صار له ساعه برع ..
بطي يصرخ : لااااا تاخااااف بووشهاااب... حريم يكبروون الموضوع ..
احمد سمعه : صح كلااامه ..عووش لاا تصيحين ..انتوا مكبرين الموضوع ..
قلت : لااااا ..علي مستحيـل مايرد ع التلفوون مايقـــدر .. الحين مايرد علي ..
وشوي ودخل علينا عبدالعزيز وهو منزل راسه ..
قلت : احمد باي ..
وسكرت قبل لا يرد علي ..
طرت حق عبدالعزيز ..
قلت : شفت علي ..اتصل عليك ؟
عبدالعزيز رفع راسه وطالعنـــا كلــناا ..
صرخت : شفييييييك ..تكلم ..
عبدالعزيز : علي دعمته سياره وهو في المستشفى الحين ..
صرخنــــا انا وامـــي : لااااااااااااااااااااااااااا ..
رحنا كلنا نركض نجيب عبااياتنا ..وبطي راح يبدل .. وانا ماقدرت اوقف رحت وياا عزيز المستشفى ..
وصلـــنا وسألنا الرسبشن عن الغرفه ورحنـا بسرعه لـه ..
قعدنا ننطر الدكتــور لين مايطــــلع ..
طلع الدكتور ورحنا له ركض ...
الدكتور : للأسف حالته الصحيه سيئه .. وطالب يشووفكم ..
رحت الغرفه ركـض بدون ماعطي الدكتور مجال يتكلم ..
دخلت الغرفه ..
كان علي ع السـريـر ..كانت اجهزه كثيـــره على جسمه وعلى وجهه .. دمعت عيوني ورحت له ومسكت يده وقعدت ابوسها ..
قلت : علي .. عـــلي ..عليووي قووم .. انا عوش .. قوم ..والله مو زعلااانه قووم ..
فتح علي عـينه بتعب وطالعني ..ابتسم وقال : عوش ..
قلت : عيوووونها ..روووحها كلها فداااك ..آمــر يابعد طواايفي ..
علي مسك يدي ورص عليها وقال بتعب : عووش ..أ ..أنــااا ..احـس اني ..
قلت وانا اصيح : لااااااا علي ارجووووك لاا تقولهاا .. انت بتعيـــش ..بس بسك دلع ..والله مو زعلااانه ..
علي رص علي يدي رغم تعبه : وصيتي ياعوش ..حطي بالج على امـي..وا..ااابوووي .. امــااانـه .. ونـووره ..قولي لهـ ..ـاا ..تسامحني .." وتنهد بتعب " قولي لها تساامحــ ..ـني .. وقـــ..ولي اني احــ ..بها واايد ..
قلت وانا اصرخ عليه : بــــــس . انت بتقوم ان شالله وانت الي بتقول لهاا .. يلاا علوي قووم .. حراام عليـك .. بذمتك من الي في عرسه قال مابسوي ذبيحه .. ؟ بطلب لنـااس من ماكدونلز ؟ مــــن ؟ علووي قووم ..
علي ابتسم : آآه .. عووش ..قولي للكل اني احبـهم ..و ..و ..استسمحي منهم ..
صرخت عليه : لاااااااااا تتكلــم انت تعباااااان .. "وهديت يده بروح انادي له الدكتور ..بس هو مسك يدي ..بس هديتها بسرعه ورحت اركـض ..
بس وقفني صوت .. طوووط طوووط طوووط ..
التفت ودموعي على خدي شفت المؤشر : لااااااااااااااااااااااااااا علــي ..
رحت له اركـــض : علي ارجوووووك .. علي قوووم ..قوم رد علي ..." قعدت اهزه " قووووووووم ..
وفجاه دخلوا دكاتره وممرضاات شكثر وطلعووني ..
قعدت اصرخ عليهم : قوووووموووووووا .. قووووموا عنـــــي .. هذاا اخووي .. قومواااا .. شبتسووون فيه ؟؟ قوموا عنــــه ..هو ماايحب الممرضااات ولا الدكاااتره ..ماااااااااااااايحبـكم قووموااا ..
مسكني عمي وعيونه تلمع من الصياح : بس يااعوش .. بــــــس ..
قلت له اصرخ : شوووووفهم .. بيذبحوووونه ..عمي بيذبحوون علي ..عليووي .. بيذبحوونــــه ..
ضمني عمي وقعدت اصيـح في حظنـه ..وشوي وطلع الدكـــتور ..
رحت له انا وعمي ..
الدكتور بأسف : احـــنا اعملنـا الي علينـا .. بس الباائي على الله ..
عمي : يعني شنووووو ؟
الدكتور منزل راسه : الحي أبأه من الميــت .. عظم الله اجركم ..
دزيت الدكتور ورحت اركض الغرفه ..شفت الممرضه تغطي وجهه صرخت عليها : بيختــــــــــــــنق يااغبيـــــــه بيختـــنق ..
رحت لها ودزيتها وكشفت عن وجه علي ..آآآه ..وجهه ابيـــض ..ويبتسم ..قلت : علــي ..علــــي تسمعــــني ؟ " هزيته من كتفه " علي قووم ... انا عووش .. قووم يلاا ..اذا تبي تملج على نوره الحين ..مو مشكله عندي .. بقول لها ..هي مابترفض لك طلــب .. نوره تحبك ..والله تحبك .. هي قالت لي .. قووم علي .." قلت بهدووء وانا دموعي سيـل " قوم عشـان نطلب من ماكدونالز حق عرسك ..هههه ..كنت تبي عرسك سبيشل ..ههههه يلاا قوم عشـان يصير اكس سبيشـل ..ههه ..قووم عـــلي .. " هزيت بقوه .." يلااااا قووووم .. " قعدت اصيح " بســـك يااعلي بسك نووووووم .. قوم حراام عليك ..الصبــح طلــــع وانت لين الحين ناايم ..
وفجأني دخوول امي وابوي وخواتي وبطي وعمي ..
قلت لهم وانا امسح دموعي : شوي شوووووووي .. راااااقد .. قوومووه بهدووء .. علوي ماايحب الازعااااااااج ..
مسكني ابوي وحظني قمت عنه : شفيييييك ؟
رحت صوب علي .. امي كانت لاويه عليه وتصيـــح .. صرخت عليهم : لااااااا تصيحوووووووووووون .. لاااا تصيــــحوون علي ماايحـــــب الصيااااح .. لاا تصـــيـحووووووون ..
جو الدكاتره والممرضاات وخذووني وخذوا امي وطلعوونـــا ..
قعدت اصرخ واصيــــح .. بس شفت في اخر الممر احمد جااي هو وسعيد ..
رحت له اركـــض .. وحضنته وقلت : احمــــد ..ذبحووووووا علي ..ذبحوووووه ..
احمد بصوت مخنوق : بس عووش .. بس حبيبتي .. ادعي له ..ادعي له بالرحمه والمغفره ..
صرخت : هم ذبحووووووه ..دعموووووه .. من الي دعمـــــه من ؟؟؟؟؟؟ !!
احمد مسكني وقاام يطلعنــــي من المستشفى وانا اصيـــح واصــــرخ ..
وصلت البيـــت وكانت شوق قاعده تشوف التلفزيون ..
صرخت : ليـــــش جبتني هنيـــــــــــــه ..مااااااابي .. انا ابي اروح ويا علــــــــي ..ابي علــــــــــــي حرااااااام عليك .." وقعدت اضربه على سدره "
شوق خايفه : شفيـــــكم .؟
رحت لها : شوااقه .. ذبحوو اخووي ..ذبحوو علي .. ذبحووووه .. " وانفجر من الصيـااح ..
ضميت شووق وقعدت اصيح ويااهااا ..
شوق تطالع اخوانها : شفيهاا ؟ من الي مات ؟
علي بحزن : اخوها علي .
شوق شهقت وحطت يدها على حلجها ودمووعها تنزل على خدهااا ..
هديتهاا ورحت ركض الغرفه ..حذفت روحي ع السرير وقعد اصيـــــح بصـــمت .. اكتم شهقــااتي .. علي رااح .. يعني خلاااص ..الضحكه اختــفت .. البسمـــه رااحت .. الحيـــااه صاارت كئيبــه .. من الي بيضحكني ..من الي بينكد علي من الصبح ؟ من الي بيزعلنــــي .. مني الي بيتهااوش وياااااااااي ؟
دخل علي احمد : حبيبتي عووش ..
كأني ماصدقت اشوف كائن حي رحت له وحذفت روحي على صدره وقلت : احــــــمد ...ماات .. ماااات ياااحمد ماااااات .. الغــــالي راااح ..رااح اخووي راااااح رااح عزوووتـــي رااح ..
احمد يمسح على شعري : ادعي له ..محتااج لدعائج ..
قلت وانا اصيح : ماايصيـــر يمووت يااحمد ماايصيــر ..هو راح بيجيب لنـا بوب كورن وبيبسي ..بس مارجع .. يمكن نشووفه في الدكـااان ولا في الجمعيـه .. ولا راااح حق واحد من ربعه ...اي اكييييد رااح .. علي كله جي ..نسااي ..اي حد يتصل له يسولف ويااه ينسى الي ورااه والي دوونه .. خلنا ندوره عند ربعه ..
احمد مسكني من اكتفي وهزني : عوووووووش علي ماااات .. خلااااااااص ..
قلت له اصررررخ : لاااااااااااااا .. شلون يمووووت .. بكــــره عرســـه ..بكره ملجته .. بكره بيتزوووج نوره .. حبيبتــــه .. شلووون ؟
سدحني احمد ع السرير وقعد يقرى علي قرآن .. اما انا رحت في ساابع نومه ..

قمت احس برااسي ثقيــــل .. آآه رااسي يعوورني .. ابي بندوول ..
تعدلت في جلستي ..ودخل علي احمد ..يوم شافني جاا بسرعه صوبي ..
احمد : شلونج حبيبتي ؟
قلت له : ابي بندوول .
احمد : زين بس انتي اكلي شي .. وبعدين بجيب لج بندوول ..
قلت وانا لايعه جبدي : ماااابي .. ماابي آكـل ..راااسي يعوورني ..
آآآه .. شصاار امـــس ؟؟!! تذكـــرت .. علي !!
قلت : علـــــــي .. ويـــنه ؟
احمد مسك يدي : علي ان شالله في الجنـه .. ان شالله ..
نزلت دموعي وشهقت : يعني ماابجووفه ؟
احمد حضني : ان شالله بتشووفيـــنه يوم القيــاامه المؤمنيـن بيتجمعون .. وبيرووحون الجنــه .. وان شالله نكوون منهم ..
قلت : ان شالله ..
احمد : يلا الحين اخذي لج شور ريحي فيه اعصاابج ..ونزلي ..
دمعت عيـني ورحت الحمــاام ..تسبحت ع السريع ..
وفرشت السيجااده وصليت الفجر والظهـر ..ومسكت القرآن وقعدت أقرا على رووح علي ..
وبعد تقريبا ساعه دخل علي احمد ..
وانا كنت على نفس وضعي .. الليت مسكر وقاعده على السجاده واقرا قرآن ..ومكتفيه بنوور الشمـس ..
جا علي ومسح على راسي وابتسم ..
سكرت القرآن وقلت : كــــان يتمنى يتزووج .." دمعت عيوني وشهقت " كاان دووم يطري لي ..اذا تزووجت بسمي اول بزر يجيني عوش .. قلت له لو ولد ..قال لي ..عاش .. هههههه " دموعي قامت تنزل بغزاره " كاان كله يقول متى يجي اليووم الي اتزووج فيــه .. بس رااااااااح .. راااح قبـل لا يتزوج ..رااح قبل لا يحقق حلـــمــــــــه رااح .. حطيت راسي على صدر احمد وقعدت اصيح بهدووء .. آآه ياعلي .. رحت وماابقى للدنيـا حيااااه .. رحت وخليتنــاا .. رحت وخليت اهلك ..ربعك ..نااسك ..احباابك ..آآآه يااعلي ..
قمت لبست جلابيه سوده ..ولبست عبايتي وشيلتي خذت جوالي وطلعت لانه احمد بيوديني بيت ابوي ..
نزلت الصاله كانوا كلهم قاعدين ..
قلت : السلام عليكم ..
الكل : وعليكم السلام ..
عمي بواحمد : عظم الله اجرج يابنيتي ..
غصب عني نزلت دموعي : اجرنا واجرك ..
سعيد : عظم الله اجرج اختي ..
قلت : اجرنا واجرك ..
قعدت ع الكرسي وجاتني مريم وحظنتني وقعدت تبجي ويااي ..
قلت لـ مريم وانا اصيح : توه ياامريم ..توه في عز شبـــاابه ... ليـش يااربي ؟
مريم تصيح : خلي ايماانج بالله قوي .. والله ماياخذ الا الي يحبه .. والدنيا اختباار ..والله يختبرنــاا .. يشووف قووة ايماانا به ..
قلت : ونعم بالله ..
شوي ودخل راكان وقال وهو منزل راسه : عظم الله اجرج عايشه..
رفعت راسي وشفتـه ..آآه ..اكرهك ..مادري ليـش كان في خااطري اضربه ...مادري ..قلت : اجرنا واجرك ..
رفع راسه وطاحت عيني بعينـه .. وحسيته ارتبك ونزل عينه بسرعه وطلـع ..
استغربت من حركتـه . شفيه ؟ ليش جي كان يطاالعنـي ..
بس احمد جا وقال لي يلاا ..
قمت وجات وياي مريم وشوق ..لانهم بيروحون العزا وياي ..
طول الطريج كنت اكتم شهقااتي واحااول مااتذكر اي شي عن علي ... طول الطريج القرآن يشتغل ..والهدووء سيد الموقف ..
وصلنـا البيت نزلت ..آآه يابيتنـا .. مظلــم .. مظلـم بدوونك يالغاالي مظلــم ..
دخلــت الصاله وشفت امي ومنيره ومهره وخالاتي وحريم عمامي وعمتي ..ونااس بعد ماعرفهم ..
ماقدرت اوقف رحت ركض عند امي وارتميت بحظنها
امي تصيح : رااااااح الغاالي ياايمـــه ..رااح نور بيتنـــا رااح ..
قلت : آآه يايمـــه ..ليـــش ؟ ليش يرووح ويخلينـــا .. نبيـــه قولي له يمـه نبيـــــه ..
قامت منيره ومسكتني عن امي وخذتني فووق .. وقعدتني في غرفتهاا ..
منيره : بسج صيااح .. خلج قوويـــه .. وادعي لـ علي .. محتااج لدعوااتنا ..
قلت لها وانا اصيح : مااااااقدر ..مااقدر .. اشووفكم اتذكره .. هذا الغاالي ياامنور ..الغاااااااااااالي ..
منيره كأنها تتصنع القوه : قعدي هنيه ..ويوم بتهدين طلعي.. احنا ماصدقنا نسكت امي ..
وطلعت عني ..
طلعت وراها بفتره ..ودخلت غرفه علي ..آآآه ياعلي ..
ليش خليتنـــاا ؟ الحين اذا تضاايقت بقوول لـ من ؟ رحت فتحت كبــته وشفت اثواابه .. ضميــــتهم وقعدت ابجي وابجي .. آآآه يالغااالي ..انطفت شمعه البيت ..مسكت ثووبه وضميـــته بقووه .. خذت لي صووره من صووره وقعدت على سريـره ..آآه ليـش رحـــت عني ..ليش خليتنـــا ..محتااجيــن لك ..محتـاجين لحناانك ..رحت صوب الكومدينوا ورشيت لي عطر من عطووره .. آآه هااذي ريحــتك ...هذاا عطرك المفضل ..ضميت ثوبه وصورته وقعدت ابجي مره ثاانيه .. آآآه يالغـــالي .. الله يرحمك ويغمد رووحك الجنـــه ..
خذت كذا صووره من صوره ..وعطره .. وحطيتهم في كيس وطلعت من الغرفه ونزلت عند النـااس ..

مـــــرت عليـــناا ايــاام العزاا صعبــــه ..امـي انهــاار عليــنااا ودخلنـاها المستشفى وقعدت اسبووع ..وبعدين طلعـــت ..طوول الووقت وانا احااول اتقبـل الووضع الجديد .. الوضع الي بدون علي ..

دخـل احمد علي الغرفه وانا كنت ارتب الكبـــت ..
جا احمد وقعد ع الكرسي وحط يده على رااسه ..
لاحظت احمد متغير من اياام .. صااير مايااكل .. ضعفااان شوووي .. وكله سرحاان ..
رحت لـه وحطيت يدي على كتفه : عمري شفيك ؟
احمد تنهد وهو على حاله ..وبعد فتره رفع راسه وقال : عوش ..تحبيني ..؟
صدمني سؤاله .. شنو احبـه .. انا اعشـــــــقه مو احبـــه ..
قلت : انتي حيـاتي .. انت هوااي الي اتنفسه ..
حذف احمد راسه على صدري وحسيته انه حزييييييين لانه دمووعه كانت على وشك تنزل ..
مسحت على ظهره وانا دموعي على خدي .. لا تقولون ليش ؟ شفيج .؟ حبيب قلبي يصيـح ..حزيـــن ..ماعرف شفيــه ؟ ماتبووني اصيح ..
قلت له وانا يدي على راسه : حبيبي شفيك ؟
احمد رفع راسه وعيونه ملياانه دموع : عوش انتي ماحملتي ..
صدمــــني كلااامــــه .. شنو ماحملـــت ..
قلت وانا اصيح .. اكيد بيطلقني ... شيبي فيني ماقدر اجيب عياال : الله كريم ياحمد ..
احمد : عوش انتي مافيج شي .." ونزل راسه وقال " انا .. العله فيني انا ..
شهقت وحطيت يدي على حلجي ..
اكتم شهقتي .. احمد ررفع رااسه وشافني ..كانت نظرته مكسووره ..
قلت : احمد .. الله كريم ..وانا مو مستعيله .. اهم شي اني اعيش ويااك ..والعيال بيجوون اذا الله كتب لنـا ..
احمد : عوش انا مااقدر اعذبج ويااي .. ماقدر احرمج من اليهال .. اذا انتي رضيتي ..ابوج امج .. اهلج يبون يشووفون عيالج ..
قلت : اهلي مالهم خص في حيااتي .. انا ماعندي خلاااف ..
احمد : بـس .." نزل راسه " انا بطلقج ..


هااا .. رايكم و توقعااتكم؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟
؟؟؟؟
؟؟
؟