منتدى استراحات زايد - رواية حلم سرآب في رحلة عناء بقلمي : أسرار قلب =)

التكلمة ،،

((22 ))

وتستمر الحكاية " ..

ربما هنالك أمور قد تبدو سهله وهي في الواقع مليئة بالصعوبات ،

وبعضهم يجيدون الكذب واستخدام الكلام الخادع لإرضائنا .. !!

أمون : الله حلووو المنظررر .. آآخ يالقهر

عنود : لآ جد يبالناا نساافر شرايكن ؟؟

شوق : عااد منو بياخذناا !!

أنا : هيه واتم انا بروحي الله يسامحكم ..

شوق : هههههههه لا لآ افا عليج ناخذج ويانا ..

رديت : سكتي لاتعورين قلبي ..

مرر الوققت بدوون ما احس استانس معاهم وايد ..

ليتني دووم معاهم ، سلمت على الكل وييه الوقت الي ارد البيت

مافيني اتاخر ، " شغلت سيارتي ورجعت البيت ماطولت وصلت على اذان المغرب "

دخلت البيت سرت الصااله انصدمت يوم شفت ام سيف ودانه وسيف موجودين !!

انا ومنصدمه : س سلام ع عليكم !!

دانه : هذي وصلت ..

سيف كان منزل راسه أونه مايطالعني !!

أم سيف : روحي حجرتج .. " بصوت يبين أنها مصره أني أتحرك وأن يتكلمون في شي مهم او يخصني "

أنا : عن شو تتكلمون ؟؟

أم سيف ومصدومه من سؤالي : سيييف !!

سيف ويطالعني : ميثه سمعي الرمسه ..

أنا ومنقهره لان دوم جيه يعاملوني : أنااا برووووح بيت أبوي .. " ويايه بتحرك بظهر "

بس أم سيف وقفت جدامي ومدت ايدها علي وضربتني : ماااعندناا حريم يرفعن صوتهن ..

أنا انجرحت منها ليش جي تسوي وبعد جداام سيف ودانه ..

دانه يت حذالي : عموه حرام عليج ..

أم سيف : خلييهاا عسب تتعلم ماترفع صووتهاا ..

سيف ولاتحركككككككك من مكاانه بيذبحني برووده !!!

.. أم سيف واطالعني بنظره مب حلوه : ماعرفوا يعلموونج الأدب ،

تميت واقفه مكاني معرف شو ارد عليها بس الي اعرفه ان دانه واقفه حذالي وماسكه ايدي ..

دانه : عموه خلاص مب حلوه منج شو بيقولون اهلها اذا عرفوا ..

أم سيف وبعصبيه : يقوولوون الي بخااطرهم وانا بقول الي بخااطري هالبنت من يوم يت البيت وشايفه نفسها علينا ما بزييد على كلامي في اماان الله " وظهرت من البيت " ..

سيف وأخيرا تكلم : ميثه الحقيني للحجره " وتحرك "

أنا وأحاول أمسك عمري ..

دانه : السموحه منج ..

رديت : انتي آخر وحده تكلميني .. "وتحرك رحت الحجره عند سيف " ..

\

/

\

/

\

(( في حجرة سيف))

طالعته وقلت : شوو الي يصيير ؟؟؟ شيفهاا امكك جيييه حااقده علي

سيف : ما ألوم أميه اذا عاملتج جيه ..

تنفزت : والله أنا مب مجبروه أستحمل كلامها وكلامك ..

سيف : ههه أعصابج يالمعصبه ..

رديت : مب وقته تستهبل ..

سيف : أستهبل ؟

أنا : هييه مب حاس بعمرك أنك تستهبل بدال ماتدافع عني ..

سيف : وليش إن شاء الله ؟؟ ولا نسيتي !! قولي أنج نسيتي عسب أذذكررج ؟؟

يلست عالشبريه وانا أتافف ..

سيف تم يضحك .. أنا في داخلي براااكيين من القههررر ..

شوي ويرمس سيف : سعود خبرني أن راد بعد يومييين ..

أنا : صصصصصج!! لييش مااااكلمني ؟؟

سيف ويطالعني ببرود : ليش متحمسه ؟؟ والله كيفه يمكن مايبي يرمسج ..

قلت : شووه !! ليش مايبي يرمسني ؟

سيف ويسوي عمره يفكر ..

أنا أنتظر رد !!!!

سيف : ما أدري ..

أنا قمت من مكاني فصخت العبايه والشيله ورحت المطبخ ..

كااانت الآآآنننسسه دانه موجوووده !!!

أنا وأطالعهاا بنص عين : شو الي ميلسنج لين ألحينه ؟؟

دانه : نوره ..

شوي وظهرت نوره يايه معاها رشود ..

أنا رجعت الحجره كان سيف يالس مدري شوي سوي فالفون ..

قلت : بو راشد ...

إلتفت علي وكان متنرفز : مييثه !!

قلت : شوو مب عايبنك وبعديين ولو هذاا ولدك كيف جيه انت !!

سيف : شي مايخصصصج ..

رديييت بعنااد : لآ يخصصني عيل هيه ربت قبل يوم زواجناا بكم يووم ؟؟

سيف : قلللللللللللت ماايخصصصج ماتفهميين ؟؟

كملت كلامي : أمك ونوره يبونك ترد لهاا ..

سيف : إنتي خبلة ولا كيف !! أنا طلقتها خلاص مافي شي اسمه اني ارد لها ؟؟

أنا توني استوعبت ككيف فكررت جيه هو مايروم يردها .. !!!!

سيف ويكمل كلامه : نوره واميه يحاولون ياخذون الياهل فهمتي ليش هم مع دانه وضدي ؟؟

أول مره أحس ان سيف يوضح لي الي قاعد يصير ماكن أفكر جيه كيف راح عن بالي ..

سيف : وبعدين حطي ف بالج هم يكرهوني لاني طلقتها وتخليت عن ولدي ..

انا كان بخاطري اسمع اكثر يمكن أفهم الي يصير في هالبيت بس ..

سيف وابتسامه : ماتحسين أنج وايد مندمجه في كلامي ؟؟

حرك راسي بمعنى لا ..

سيف : واضح عيل لاتسإلين واييد ..

أنا في قلبي ليش ما يكمل كلامه .. يمكن أفهم شو الي يصير أنا أدري ان سبب من أسباب

تغير معاملة أمه ونوره بأن صار عاجز وهو حاطين أن سيف بيكون ثقل عليهم والحينه مايشتغل ..

وغير هذا علشان ان طلق دانه زين ليش في البداية ماتكلم عن زواجه السابق وان عنده ولد وكيف قدر يتخلى عن ولده ب هالسهولة !!! .. أحيانا أحسه هو واهله ضدي وأحيانا أحس أهله ضده ومعاي !!
>

<

>

اليوم الثاني :

[ في بيت خوله ؛ إلي وصلتها آخر مره بيتهم وماكان عندها حد يوصلها ..

قرردت أزورها لأنها أصصرت علي أن أمر بيتهم ونيلس مع بعض مدري بس ارتحت لها ..

خوله : هههه لآ عادي يعني ماتفرق معاي ..

قلت بإستغرار : ألحينه مافي مجال تروحين الجامعه وتكملين دراستج ؟..

خوله : ما أظن يرضون حاولت معاهم وايد يالله الله كريم ..

رديت : والنعم بالله .. بس صج حسافه ..

خوله : زين خبريني عنج تعيشين مع منو كيف حياتج ؟؟

قلت : متزوجه ..

خوله ومنصدمه : مااكننت أتووقع هالشي تصدقيين ..

ضحكت : ههههه ليش ؟؟

خوله : مدري بس ماتوقعت تعيشين مع اهل ريلج ولا بروحكم ..

رديت ومبين اني مضايجه : لا مع اهله ف نفس البيت ..

خوله : عيل الله يعيينج ..

قلت : آمييين .. شو بسوي الله كريم لو تعرفين الي مريت فيه جان قلتي انتي كيف جيه صابره ..

خوله : يالله كلنا نمر بأمور صعبه إن شاء الله ربي يفرجها ..

قلت : إن شاء الله .. تصدقين أنا اذا فكرت اطلع من البيت لازم آخذ راي اخته وأمه وهو وعقب أظهر ..

خوله وبصدمه : ليش جييه !!

ضحكت : هههههه حسيتي متزوجه الكل .. واليديد أن كان متزوج قبلي وأنا ما أدري ..

خوله ومصدومه : أووونه !!

قلت : ماكنت ادري عنده حد غير امه واخته فجأه ظهروا لي عماته وبنت عمته ..

خوله : غريبه والله يمكن هم مب وايد مع بعض عسب جيه او شكلهم وايد مشاكل بينهم ..

رديت : هيه تقريبا تقدرين اتقولين جيه مشاكل وعوار راس .. وعنده ولد بعد ..

خوله : لآ حوله ولا قوة الا بالله الله يعيينج اذا جيه تحملي من المشاكل الي بتصير معاج ..

قلت بحزن : بداية كان كل شي مختلف والحين بديت بحياة مختلفة تماما الموضوع مب سهل ..

خولة : وأهلج يدرون ..

رديت : تصدقين ما أدري يمكن يدرون بس ماحبو يخبروني .. لو تعرفين كيف كانت حياتي قبل وألحينه كيف ..

خوله : يالله ماعي صبري الصبر زين ..

أنا في بالي اقولها سيف عاجز ومايروم يمشي ولا ..

خوله : بشو تفكرين ..

رديت : ماشي عيل وينها أمج ؟؟

خوله : ظهرت بيت خالتي ..

أنا : أهاا عيل سلمي عليها وايد إذا رجعت ..
>

<

>

<

(( بيت بو حمد )) فالصاله شوق ترمس مها فالسكايبي ..

شوق : لااااااا وييييييين أصلا أدري انتوو فييكم نذاااله والله ..

مها وتضحك : هههههه بنرد والله عقب بااجر..

شوق : جبببب جببب خراااطههه أشووف راوييني غرفتكم ...

مهاا : هههههههههههه زيين " حمد داخل عرض "

حمد ويجدم ويه على الكام : شووو بعدكم تسوولفوون بسس خلاص عقب كملوا سوالف ..

شوق : خييييبه من ويين طلعت قوووم بشووف غرفتكمم ..

مها : هههههههه

حمد : بداال مااتقوولييين حممممدد اشتقتلك اخبااارك ..

شوق وتضحك : ههههه اشتقت حق العروس انت محد يشتاقلك ..

حمد : هييه ادري منقهره حضرتج عسب ماخذناج معاناا ...

شوق وبعصبيه : والله بسسسسسسسكر مهووه سكتي ريلج ..

مها وحمد : ههههههههههههههه

شوق : باااي " وصج سكرت "

فطوم : ههههههه بلاج شواقه ؟؟

شوق وبقهرر : يضحكوون علي لو يرومون جان هنيه جدامي ضحكوا ..

فطوم : هههههه يالقويه ..

شوق : وييينهاا عنووودووه تأخرررررررت !!

فطوم عرفت ان شوق تغير السالفه : والله ما أدري وينها للحين ماوصلت ..

شوق : وميثوووه ؟؟

فطوم : أظن مشغوله ..

شوق ومستغربه : مشغوله بشووو !!

فطوم وتيلس : والله ما ادري وين رموت التلفزيون ..

شوق وتعطيها : هذاا عيلل انا برووح أتصل بعنوودد ..

تحرك شوق وخذت فون البيت تتصل بعنوود ..

>

<

>

<

عنود ردت عالتلفون : الووو ؟؟

شوق وتصاارخ : عنوووووودووه وييييييييينججج ..

عنود : بسم الله الرحمن الرحيييم بلالالالالالاج والله أسسسسسمع ..

شوق وتضحك : ههههه زييييييين ويييييييينججج ..

عنود : شووقووه رمسي عدل .. شوي وبظهر من البيت ..

شوق : زين شكلها ميثه مابتمر عندناا ..

عنود : اتحصليين ريلهاا مب طايع يخليهاا تظهر ..

شوق : لا ما اظني سيف مب جيه ..

عنود ومستغربه : لآ والله وانتي شعرفج ..

شوق : شوو الي عرفني ميثه دووم ترمسني عنه ..

عنود وتضحك : هههههه ميثوه مسكينه خليها على صوب .. زين عيل تامرين بشي ؟

شوق : لا سلامتج لااا تتأخريين ,..

عنود : أوكييييه دقاايق و اوصل ..

شوق : باااي ..

\

/

\

(( في بيت سيف )) ..

دخلت البيت محد موجود رحت الحجره أبدل ثيابي ..

ويلست عاللاب اشوف مسلسل مر الوقت وأذن المغرب صليت وعقبها رحت أسوي شي آكله ..

سويت لي معكرونه بشميل ريحتي صارت أكل رجعت خذيت شور سريع وبدلت ..

وعقبها حطيت لي معكرونه بشميل وعصير وظهرت الصاله آكل ، كان سيف يالس ،

سيف يطالعني : حقي صح ؟

رديت : لآا حقي أنا .. "حطيت الصينيه ويلست عالغنفه "

سيف : وأنا يعني أموت يوع ؟ برايه ما أريد خبريني مريتي صوب ربيعتج ؟

قلت : هيه وماحبيت أطول واتسوون لي سالفه تأخرتي وتأخرتي ..

سيف : أها زين عيل.. و بالعافيه " عقب تحرك راح حجرته "

أنا سويت طاف ويلست آكل وأطالع برنامج ..

شوي ودخلت نوره مع أمها ؛

ماعبروني وراحوا حجرة سيف ..

أنا في بالي شو يبوون هذييييله بععدد جنه عصاابه يدخلون ويطلعون ..

ضحكت على التشبيه .. شليت صحني ورحت أغسل فالمطبخ نظفت كل شي وعقب ظهرت ..

كنت أسمع اصواتهم شكله في نقاش مهم هالايام .. مادخلت عندهم أدري أم سييف حاطه عينها علي

تتريا أي زله مني ، رجعت الصالة واتصلت على شوق أخبرها أني انشغلت اليوم عس بجيه مامريت صوبها ..

وبعدها كلمت أميه أن سعود بيرد باجر .. استانست وايد وقالت بخليج أروح أشوف أبوج ..

سكرت الفون والتفت أراقب الباب اترياهم متى يظهرون من عند سيف ..

مرت دقاايق وأذن العشاا رحت اتوضأ وبعدها خطفت من الحجره شفت سيف بروحه ..

دخلت : شو السالفه ..

سيف : أي سالفه ؟؟

قلت : شكله كان حوار طويل بينكم ..

سيف : أها قصدج أميه ونوره ؟

رديت : يعني في غيييرهم .. " حسيته بيعصب علي " أنا بصلي " وشرده ..

صليت وعقب رحت انخمد عالشبريه فيني رقااااددد تعببببب خذيت الدواا

وشغلت قرآن عساني ارقد .. سيف شكله في الغرفه الثانيه مكان مكتبه ،

يلست أدرر مع القارىء بس ماقدرت ارقد تعوذت من الشيطان ..

حسيت في اصوات شو تسوي نووره الحينه !! شفت الساعه 11:24 ..

شليت اللحاف وظهرت من الغرفه حسيت في صوت في الصالة مشيت خطوتين ثلاث

المكان ظلام فجأه حسيت بحركه وراي لما التفت لمحت شي ابيض خطف !!!!!!

أنا انصصصصصدمت شي ريااال في البيييييت !!! لا مب معقووله يمكن أتخيل ..

بس شفت متأكده شفت حد خطف عالسريع .. !!

رحت ركككككضضض لين الغرفه الي سيف يكون فيها دقيت البااب : سسيف سييف ..

سمعت صوته من داخل : الباب مفتوح ..

دخلت كان يالس ومدري شوي سوي عاللاب ..

أنا كان شكليييي غللللللط ..

سيف : ههه ميثه بلاج ؟

عدلت شعري : في حدددد فالبيييت ..

سيف وباستغراب : حد في البيت كيف يعني ؟؟

قلت : في ريااال يحووط في البييت شفته خطف من وراي ..

سيف : هههه لا صج ؟

رديت : سييييفففف ما استهبل اقولك خطف من وراي !!!

سيف : الدنيا ظلام شكلك توهمتي ..

كملت كلامي وانا خايفه : سييف صصج ما اززح ..

سيف : محد هنيه غيري ...

رديييت وانا مصرره : لا مببب انت اقوولك يمشيي يعني لو انت بععرفف هو خطف مدري ويين رااح ..

سيف ويضحك : ههههه انزين ؟؟

كملت كلامي : تعاال معااي ندور في البييت يمكن حراامي ولا شي ولا حد داخل بيتنا بدون ماندري ..

سيف ويتأفف : ميثه الباب مقفول الا اذا انتي يايبه حد وياج ؟

أنا ومنصدمه : شوووو !!!!!! أنا ..

سيف : زين عيل سكتي عسب لا أشك فيج ..

انا انصدمت مب ل هدرجه : سيف !!!!

سيف : روحي رقدي شكلج تعبانه ..

أنا ومتنرفزه : شو يعني تشك فيني وبعديين ليش ماشكييت بنوره ؟؟

سيف وعصب : خلاصصص جب ولا كلمه زياده انا غلطان لاني تكلم وبعديت انتي خبله شو انا امزح وياج ..

انا : زين لاتمزح جيه حرام عليك ..

سيف ويكمل شغله عاللاب : زين ميثه محد في البيت يمكن تخيلتي ..

أنا وافكر معقوله تخيلتي ميثه !! صح بالنطق كيف بيدخل حد فالبيت ،

سيف : انزين ؟ ..

أنا يلست عالكرسي الموجود : بتم هنيه ..

سيف : خلي عنج وروحي رقدي ..

أنا : مافيني رقااد بتم لين الصبح ..

سيف ويطالعني بنص عين : ميثه روحي رقدي ماحب اسوي شي وحد يراقب ..

انا صديت ويهي الجهه الثانيه : هاا جيه مابشوفك ..

سيف ويكمل شغله : برايج ..

مررر الوققت كنت احاول ما ارقد والله مب مصدقه اني تخيل ..

شفيني معقوله التعب اثر فيني .. وبديت اخاف جيه ،

تضايقت من الكرسي قمت من مكاني ويلست تحت ..

يلست اطالعها ههه صج خبله زين ماتنام عالارض : ميثه ؟؟؟

ميثه : والله مب قصدي خلاص مابتحرك بتم ثابته مكاني ..

رديت عليها : وبعديين يعني خلاص ارقدي فالشبريه ..

ميثه : عادي ؟

رديت : هييه خلصيينهاا أخاف ترقديين عالارض جيه والدنيا بردد ..

شفتها قامت ورقدت فالشبريه وبعدين تلحفت ..

كملت شغلي شفت سعود اتصل أخاف ارد وتسمع ..

رديت : هلا ؟

سعود : أهليييينن شو الاخباار ؟؟

قلت : تمام والله شحالك إنت وينك الحينه ؟

سعود : والله ماشي يالست اضبط اموري تدري اليوم برد ..

قلت : هيه أقولك كيف المستشفى عندهم ..

سعود : والله الحمدلله احس صحتي الحينه بخير وقالوا تقدر تسافر ..

رديت : ماتشوف شر يالله شي بسيط

سعود : الحمدلله ..

قلت : شو الحينه من بعد العملية تحس بعوار ؟

سعود : هيه لما اتنفس بقو شوي احس بعوار بس ماعلي الدكتور طمني قال شهر او اقل وحالتي بترد طبيعيه ..

انا : الحمدلله عيل تحمل بروحك ..

سعود : عيل شخبارها ميثووه بعدها عنيده واطفر فيك ؟؟

رديت وانا اطالعها : هههه مدري شكلها راقده ..

سعود ويضحك : ههههه شو صار ؟

قلت : عقب بخبرك الحينه ارتاح وراك سفره طويلة ..

سعود : هيه والله عيل يالله عيل اخليك ..

رديت : الله وياك .. " وسكرت "

>

<

>

>

اليوم الثاني (( الصبح )) عالساعه ست ..

شفتها بعدها رااقده !!!!!!!! مب ناويه تصلي هذي : مييثثثثه ؟؟ ميييثههه ؟؟

قامت وهي تتحرطم : ززززززززيننن قلت زيين اوف شو هااي تعباانه ..

قلت : صلاه ..

ردت : بصلللي والله بصلي بس لاني مارقدت عدل ..

" عقب تحركت وظهرت من الحجره "

أنا : زييييين عالاقل رتبي الفراش ..

من بعيد : صلالاه بالاول ..

ضحكت : ههه اوك ..

,,

بعد ساعتين ،

رديت حجرت سيف الثانيه ارتب الفراش بس شفته متربت ..

طالعت سيف : منو رتبه ؟

سيف : دانه ..

أنا ومنصدمه : هييييه هنييييييه ..

سيف ويضحك : يوم اقولج انج مب صاحيه الله يهديج بس ..

رديت : لا صج رتبته بروحك ..

سيف : ليش يعني كل يوم بروحي ارتب ولا انتي مافيج خيرر ..

طنشت كلامه : سعوود راد اليووم ؟؟؟

سيف : هيه ان شاء الله عالمغرب بيوصل ..

انا ومستانسه : واخيييييييييررررررا ..

سيف : هيه .. اقولج اظن اميه ونوره بالصاله اذا سالوا عني قولي اني راقد ..

رديت : اوك " وعقب ظهرت الصاله شفتهم يالسين وشالين راشد"

سلمت : السلام عليكم ..

نوره : وعليكم السلام غريبه ..

رديت بضيقه : شو الغريب ؟

ام سيف : انا راده بيت يدوتج خلج هنيه مع الياهل ..

نوره : اوك مب مشكله .

ام سيف : اذا بتمرين كلميني عسب اخبر الدريوله تمرعندج..

نوره : ان شاء الله "وعقب ظهرت كانت اطالعني بنظارت مب حلوه "

نوره :فديييييييته انااا فدييت رووح عمووه نوره ..

يلست قريب منها : نوره ليش ماخبرتيني ان سيف كان متزوج ؟

نوره : بالمنطق لو قلتج بتوافقين ع سيف ؟

رديت بقهر : مشكوره ..

لما عرفت نوره اول مره كنت حاطه أمل اكون معاها علاقة حلوه واخوه وتكون سند لي وتوقف معاي ..

بس الواقع شي ثانيه كانت تستغلني حسافه اني وثقت فيها واعتبرتها شرات اختي لين الحينه وانا اتحسف ،

نوره : ليش اطالعيني جيه ؟

رديت : ولا شي عيل دانه عادي عنها تاخذون ولدها ..

نوره وبعصبيه : غصبنن عنهاا أصلا ..

كملت كلامي : شكلهم تحاولون تاخذونه منها " شفت الياهل المسكين مايدري عن شي وابوه الي اشك ان حطاه بحضنه لو مره أو مسكه "

نوره : أقولج خلي عنج بروح اتسبح وبرد ..

حطت الياهل بحضني وتحركت " حسيت بشعوور غرييب "

نوره : تحملي منه " وراحت حجرتها "

يلست اطالعه وهو راقد فدييته كتكووت يشبه ابوه شوي بس ماخذ من دانه اكثر ..

خطر على بالي اخذه لسيف ..

رحت حجرت سيف ودخلت كان على الشبريه وماسك فونه ..

قلت : سيف شوف منو عندي ..

سيف أول مارفع راسه انصدم يو شافني شاله رشود ..

رحت صوبه ويلست حذاله عطيته رشود : هذووه بابا ..

سيف ويطالعني : ميثه !!!!

انا : ولدك ماتبي تشله ؟؟

سيف : لا مابي قوومي ..

قلت : انزين لاتصرخ راقد "وقفت " .. زين شله شوي

سيف اونه طااف . . !!!

قلت : سييف هذاا ولدك زيين ..

سيف ويطالعني : لآ حول ادري ولدي غصب اشله وبعدين منو يابه .. اكيد نوروه ..

رديت : هيه راحت تتسبح وخبرتني اتحمل منه حليله راقد شوف شكله ..

سيف ويطالعه : ميثوه يشبهني ؟

رديت : مب وايد هههه

سيف : زين فكييناا برررع ..

حسيت انه صج ماله خاطر يشل الياهل يمكن لان انحرم منه من يوم كان صغير ..

بس ولو هو ابوه في النهايه ،

قلت : زيييين كيفك انا برقد معاه ،

رحت الصوب الثاني من الشبريه وحطيت الياهل ورقدت عنده ..

سيف : شو هالياهل الي هنيه !!

رديت : انا مب ياهههل ..

سيف : زيين رقددي بس تحملي من اليهال عن ترقدين وماتحسين بعمرج وتضبرينه ..

لحفت عمري وحطيت رشود عندي فديته والله احس بشعور حلو جيه مدري كيف اوصفه ،

غمضت عيوني ورقد .. بدون ما احس ،

التفت هذي شكلها رقدت !! يلست اطالع رشود فديت قلب باباته ،

مر الووقت كان بخاطري اشله بس خفت لاينش ويصييح مب متعود اشل يهال ..

دخلت نوره بهدوء : شو ميثوه رقدت ؟

اشرت على ميثه : هذي راقد مع رشود ..

نوره وتضحك : ههه مستانسه شكلها طلعت تحب اليهال ..

رديت : خخخ انزين ..

نوره : برايه انا برد حجرتي " وطلعت "

شوي وقوم رشود ..

طالعت : فديتك " مسكت ايده "

ميثوه بطلت عيونها ..

أنا : بسم الله !!

ضحكت عليه خاف مني : هههه ماحسيت بعمري رقدت .. رشووود حبييبي شكله يوعان ألحين شو بأكله !!

سيف ويطالعني : شعرفتني انا تساليني ..

رديت : باخذه لنوره عيل ..

سيف : كيفج ..!

أنا اباه يقول لي لا خليه بلعب معاه شوي مالت عليه شليت رشود : يالله رشود باخذه لعموه نوره ..

سيف لآتعليق ..

قمت من مكاني وخذيته لنوره ..

>
<

(( 23 ))

>

<

>

<

<

>

<

(( العصر )) بيت بو سعود ،

يلست مع ابوي واميه وحمود فالصاله ..

أميه : يالله منو قده سعود كلنا يالسين نترياه ..

انا : للحينه هو قريب المغرب ..

أميه : مابقى شي الوقت يركض ..

طالعت ابوي كان هادي وايدد حبيبي والله ربي يحفظه لي ..

أميه : عيل مرت عمج الله يرحمه مرت عندنا امس ..

رديت : صصج !!

أميه : هيه هي وعيالهاا راشد وسلطان يلسوا مع بو سعود ..

قلت : هيه حليهاا هالحرمه ..

أميه : تسال عنج وايد ،

ضحكت : هههههه اميه دخيلج فهميها اني متزوجه كل مره تشوفني تقول بزوجج ولدي ..

أميه وتضحك : هههه ماعلي الكبر شين ..

رديت : والله اميه فهميها دخيلج هههه مرات تقول لي بزوجج ومرات تقول انتي حرمت ولدي ..

أميه : ماعليج تعرف يمكن تسولف معاج حليلها ..

أبوي كان يسمع ومبتسم شكله يضحك هههه

حمود : ميثووه اريد اشوف سيف ..

طالعته : حموود شو تبي بسيف ؟

حمود بعناد طفولي : ميخصني بروح معاج ..

طالعت اميه ومستغربه : شو السالفه لي شيبي يشوف سيف ؟

اميه : ههه ترا يشوف سيف لما يمر هنيه يسلم علينا ويلس يسولف معاه ويلعبون..

انا مستغربه : متى هذا ؟؟؟

اميه : شو الي متى اميه بسم الله بلاج جيه ماتدرين سيف يمر عندنا مرات ..

رديت : لا مايخبرني شي ..

اميه وتضحك : ههه لا اميه يمر عندنا ويسولف مع ابوج بعد ..

يلست افكر ماتوقع سيف يمر عند اهلي ويسلم عليهم ،

حمود : زين مثوه ..

رديت : عقب مب اليوم ..

حمود وزعلان : مابي اليييوممم ..

قلت : حمووددد عقب اليوم سعود بييه ..

حمود : زيين ..

يلست اسولف معاهم لين ما اذن المغرب قمت اصلي ..

بعد ماخلصت صلاه شليت السياده وحطيتها على السرير تحركت اعدل شعري

شوي ولا اسمع صوت : ميييثووووووووه ..

التفت : سعووووووووود !!!!!!

دخل علي : هلا والله ..

ماصدددقققت سعوووووود !!

رحت حضنته : سعووووود اشتتقتلكك ..

سعود : ههه وأنا شوي شوي ..

أنا : ليييش ماكنت تتصل لي ..

سعود : ماعلي انشغلت شوي شحالج وشو الاخبار ..

أنا ومستانسه : الحمدلله بخيير انتتتت شحاالكك الحمددلله على السلالامه ..

سعود ومبتسم : ربي يسلمج ..

ابتعدت عنه حسيته مضايج : شفيك تعبان ؟

سعود : لا لا مافيني شي بس تدرين سفر وطياره ..

رديت : خلااص عيل ارتااح عقب نسولف ..

سعود : اوك فديتج أنا بروح حجرتي شوي وراد لكم ..

أنا : لا ارتااح ماعليك نحن موجوديين عققب بنسولف ..

سعود ويضحك : هههه فديت االي يحاتوني أوك ..

رديت : يالله تعال ..

عقب ظهرنا وسعود راح حجرته واميه راحت عنده تعبال فالحجره ..

ردييت عند أبوي وسلمت عليهم وقلت باجر برد لهم لازم ارد البيت ،

>

<

>

<

>

قبل ما أرد البيت مريت عند شوق ..

دخلت البيت فتحت لي الباب شوقوه ،

شوق وبحمااس : ميثووووووووووووههه لججج وحححشششه يالدووبه ..

أنا واسلم عليها : هههه شحالج ؟؟

شوق : الحمدلله حيااج ..

" عقب دخلت الصاله "

محد فالبيت !!

طالعت شوق : عيل ويينهم ؟؟

شوق : فطووم فالدواام اميه رااقده وابوي نفس الشي وانا وحيده في دنيتي ..

ضحكت : ههههه اهم شي وحيده في دنيتي ..

شوق : ههههه " وعقب صبت لي عصير " تفضلي ..

رديت : تسلمين .. وشو الاخبار ..؟

شوق : والله ماشي ملالاااانه ومشتااقه .. انتي شحالج وكيف عسى مرتاحه ..

أنا : سكتي لو تدرين شو صااار بتنصدميين ..

شوق وتعدل يلستهاا : قولي .. قولي ..

ضحكت : ههههه بيني بينج ..

قلت : سيف طلع متزوج قلبي ..

شوق ومنصدمه : حللللللللفففييي !!!

رديت : والله ماتتصورين كيف انصدمت ..

شوق : الشي يصصصصصدم كيي فجيه محد خبرج !! شو بتسويين الحينه ..

رديت : هو مطلقنها قبل لايتزوجني ..

شوق : حسبي الله لي شجيه حرام عليهم يعني كافي ان عاجز وبعد طلع متزوج قبل ..

أنا هنيه تميت ساكته حسيت بضيقه ..

شوي ودخلت فطوم ..

شوق : فطووووم تعااالي سمعي ..

فطوم : مييثه هنيه شحالج " ويت تسلم "

رديت : والله الحمدلله..

شوق : فطوم تخيلي سيف متزوج قبل ميثه ..

فطوم ما انصدمت ..

شوق ومستغربه : حووو فطووم !! سمعتي شو قلت ..

فطوم : هاا هيه صج ؟

رديت : تخيلي ومحد يدري ..

شوق واطالع فطوم بشك : فطوم شو معنى انج ما انصدمتي !!!!!

فطوم : هاا شوو اكيد منصدمه ..

إستغربت !!!

شوق وبشك : فطوووووووم انتي كنتي تعرفييين !!!

أنا هنيه انصدمممت كيف يعني هيه تعرف ..

فطوم ومتوتره : شو ادري ..

شوق وباصرار : لاتسوين عمرج ماتدريين قوولي الصج انا اعرف ملامحج تقول انج كنتي تعرفين ليش ما انصدمتي ؟

أنا هنيه انصدمت من كلام شوق : فطوم ؟؟؟!!! كنتي تعرفين ..

فطوم ومتوتره : والله كنت ارييد اقولج بس مارمت ..

أنا وشوق !!!
رديت : كنتي تعرفييين وماخبرتييينييي!! من متى فطووم ؟؟؟

فطوم وحسيتها خايفة : من زمان ..

وقفت : كيف يعنيييي !!!

فطوم ومتوتره : لما سيف كان يتعالج كنت انا المشرفة عليه في المستشفى والي اسوي له الفحوصات وخبرني انا متزوج ومن بعد الحادث صارت له مشاكل وكانت حرمته تزوره قبل لايطلقها ..

أنا هنيه انصدمت كيف فطوم ماقالت لي هالكلام من قبل حسيت بحزن ..

فطوم : والله كنت اريد اقولج بس ماقدرت ..

شوق وبعصبيه : تسسسستهبليييين صححح ؟؟؟ اناا والله كنت حااسه انج تعرفين شي من ذاك اليوم يوم قلنا لج ان الي ياه يخطب ميثه سيف ..

أنا : فطوم ليييش مااقلتي لي من قبلللل !!!

فطوم : والله آسسسفه لاتضايقين مني ..

شوق : الله يسامحج بس ..

أنا : برد البيت ..

شوق : ميثووه ..

فطوم وماسكه ايدي : ليكون متضايقه مني ..

رديت : كان المفروض تخبريني من قبل هالكلام الحين مابيفيدني كلامج .. يالله اسمحلوني تاخرت

فطوم : والله آسفه خفت تفهميني غلط أو ماتصدقيني ..

رديت : خلاص عادي الي صار صار .. يالله في آمان الله ..

فطوم : براحتج ميثه ..

تحركت وظهرت من البيت وانا منصدمه الحينه عرفت ليش في البداية كان ردت فعل فطوم غريبه ولما كنت امر المستشفى واشوفها ..

شوق : زيييييييييييييين جييه..

فطوم : شووق والله مارمت اقول لكم ..

شوق وبعصبيه : لوو عالاقل قلتي جان ميثه مااتورطت معاهم والله حراام عليج ..

فطوم : شو اسوي الحينه توقعت ان بيخبرونها قبل ..

شوق : شوو تتوقعيين منهم هذيله نااس مايهمهم غيير نفسسهمم .. بس والله اني قلبي كان حاس ان في شي تعرفينه ..

فطوم وبحزن : اخاف تضايقت مني ..

<

>

<

>

(( في بيت بو عبدلله ))

في الصالة ..

ناصر : شوو بلاج ساارووه ؟؟

ساره : ماشي بس ملانه وماعندي حد اسولف معاه .. أو يونسني ..

ناصر : وأناا ..

ساره وتضحك : هههه الا اخوي طبعا ..

ناصر : شرايج نسافر ؟؟

ساره : ويين ؟؟

ناصر : نروح تايلند ونزور الاماكن الي زرناهاا قبل والله كانت ايام حلوه ..

ساره بابتسامه : هيه بس الحين وايد اشياء تغيرت عن قبل ..

ناصر : ماعلي المهم نروح نستانس تحيدين يوم كنا انا وانتي وميثوه وسعود هناك وناسه كان هههه

ساره : هيه للحينه اذكر يوم رحنا المكتبه والحديقة ..

ناصر ويضحك : هههه هيه انا كنت مع سعود والله الحينه سعود ولايعبرني نساني ..

ساره : وميثه نستني .. وتزوجت الانسان الي شفناه في المكتبه هههههه صصج دنيا غريبه..

ناصر : ههههههه شفتي كيف ، بس صج شرايج انا ماعندي مانع ..

ساره وتفكر : ممم اوك وانا ماعندي مانع اول اشوف الوقت المناسب وأخبرك ..

ناصر : أوك تمم ..

دخل عبدلله : فييي ناااس يتآمرون ويخططون من وراناا جنه سمعت سفره ؟

ناصر : هههه بو زيود انت ماشاء الله مايطوفك شي هيه ناويين على سفره ..

عبدلله : عيل معااكم هههههه

ناصر وساره : هههههههه

بو عبدلله : عيالي يضحكون عسى ضحكه مديمه ..

ناصر : أبوي شرايك نسافر ؟؟

بو عبدلله : والله انا ريال مافيني حيل كبرنا انتو بخاطركم سيروا واستانسوا ..

ناصر : هيه والله بخاطرناا ..

بو زيود : وأنا باخذ حرمتي وزيود معاي ..

ساره : حلوووو أم زيوود ونااسه ههههه

بو زيود : هيه طالعه على ريلها ههههههههههه

نااصر : ثقه بعد ..

بو زيود " عبدلله " : هييه شوو بعددد ثقه أكيييد ..

>

<

>

>

>

<

(( بيت سيف )) ، بعد مارجعت ميثه وبدلت ثيابها صلت العشا وراحت تطبخ ..

دخل سيف : ميثه شو تسوين ؟

رديت : اطبخ بعد شو يسوون ,..

سيف : أوه معصبه !!

رديت : انت تعرف فاطمه ؟؟

سيف ويفكر : ممممممم أي فاطمه ؟

كملت كلامي : الي تشتغل في المستشفى بنت عمي ..

سيف وشاك : هيه نيرس ؟؟؟

رديت : هيه ..

سيف : أظن اعرفهاا بلاها ؟

رديت بنرفزه : ماااشي ..

سيف ويضحك : ههه زين يوعان ..

قلت : اصبر للحين ماخلت يوم بخلص بخبرك ..

سيف : أحس انج مضايجه زين عيل بظهر " وظهر من المطبخ "

خلصت طباخ وحطيت الاكل وسويت العصير ورتبت كل شي وظهرت ..

رحت بالاول غرفة نوره دقيت الباب : نوره العشاا جاهز ..

عقب خطفت الصاله : عموه العشاا جاهز ..

وبعدهاا رجعت الغرفه : سيف روح تعشى ،

سيف : زين تسلم ايدج ..

خذيت شور سريع ورحت اتعشى معاهم ،

>

<

<

>

وبعد العشا " ..

أم سيف : يالله انا بروح ارقد تصبحون على خير " وراحت حجرتها "

يلست اغسل المواعين .. ونوره راحت حجرتهاا ، أما سيف يطالعني ..

شفتها تغسل وكانها معصبه هههه : ميثه ؟؟

ميثه : شووو !!

انا : شوو قولي نعم ..

ميثه : نعمممم ..

رديت : بعد تكلميني بدون نفس شو سويت لج اناا ؟؟

ميثه : قول شو ماسوييت .. اووف لاتكلمني والله مزاجي زفت وتنرفزوني ..

قلت : اها اوك يالي مزاجج زفت .. متى تتعلمين ترمسين عدل ؟

شلت الصحو نوهيه معصبه وشوي ويطيح من ايدها الصحن !!!

أناا : شوي شوووي !!!!

ميثه وتلم الي تكسر : لاتكلمنييي زييين جييه ..

ضحكت : هههههه خلاص بظهر عن تكسرين كل الي بالمطبخ " وظهر "

\

/

\

/

\

طالعتها بإستغراب !!

وقلت : شيمااء !! وبعديين توني راد من السفر بلاج جيه معصبه ..

شيماء : كييييييف ماتبيني اعصصب وانت ولافكرت تتصل أو تسأل عني ؟؟؟

ردديت : انشغلت السموحه منج .. وينها عيل عموه ؟

شيماء : راقده .. قوولي بشوو انشغلت !!!

قلت : ماشي اشغال الدوام ..

شيماء : تتحرى بصدددقكك !!

رديت : لآ حوول شيمااء لاتصيرين جيه عنيده ..

شيماء : قوول الصج لييش ساافرت ؟؟

تنرفزت : اوووووووووف ساافرت اسوي عملية زيين جييه ؟؟

شيماء ومنصدمه : عمليييييييةةة !!!

رديت : هيه ممكن تخليني بحالي تراني انسان تعبان ومافيني اتهاوش معاج ..

شيماء وبخوف : سعود من شو ؟؟ وعملية شوه ..؟؟

قلت : شي بسيط المهم عادي انام عندكم تعبان مافيني اسوق وارد البيت ؟

شيماء أول مره جيه تعاملني : خلاص آسفه والله تعال باخذك للغرفة ترتاح ..

دريت : تسوين خير ..

وعقب خذتني للغرفة وشغلت المكيف وعدلت الفراش ..

أنا : ماتقصرين ..

شيماء : ارقد هنيه ارتاح لين باجر ..

ابتسمت : ان شاء الله ..

شيماء وكانها حاسه بتأنيب الضمير : سعود سامحني ادري اسلوبي مب حلو ..

قلت : عادي مسموحه ..

شيماء : خلاص نرمس باجر تصبح على خير ..

رديت : وانتي من هله " وعقب بندت الليت وظهرت "
>

>

<

>

<

بعد اسبوع ، في بيت سيف ( الصاله )

قريت الي مكتوب في القروب ..

ساره : بنات أنا مسافره اليوم ..

آمنه : الله حظظظظجججج

شوق : شو السالفة ليش انتو جيه حد يرد وحد يسافر وانا مكاني ولاحد داري عني ..

مها : جنه هالكلام موجة لي !!

شوق : زين تعرفين * فيس معصب *

آمنه : على وين .. ؟

ساره : تايلند ..

شوق : اوووووووف كله تروحون هنالك ما مليتوو ..

ساره : والله مشتاقه للأماكن الي كنت اروحها هناك ..

" يوم قريت هالكلام تذكرت قبل في تايلند "

>

<

>

<

>
قلت ساااااااروووه !!

ساره : سبراااااايييييزززززززز

حضنتها بقو : فديييييييييييييييتج ماكنت متوقعه بتقنعين عمي عسب إتين تايلند ..

ساره : هههه بس بتجتليني ..

سلمت عليها : شحااالج ومع منو ييتي ؟؟

ساره : الحمدلله مع أخوي أحمد ..

مسكت إيدهاا : أها عيل تعاالي حيااااااج والله ماتصورين كيف مضاايجه بروحي ..

ساره وتضحك : فديتج حااسه فيييج ..

يلسنآ نسولف ونضحك ..

ساره : تخيلي أناا طول الوقت نايمه ههههه قمت من النوم و وصلنااااا !! إنصدمت ههه

ضحكت : هههه المهم الحمدلله على سلآمتكم ..

<

<

>

شوق : ههههههه هيه والله ..

عنود : صحح ميثووه قبل كانت تروح وياج ..

ساره : هيه ..

عنود : احيد قلتو لي انكم شفتو ريل ميثه هنالك قبل صح ؟

ساره : هههههههههههه هيه ..

" هنيه ضحكت ههههههه تذكرت موقف "

<

>

<

>

شفت ساره يايه صوبي كأنها تركض فضحتنآ ههههه سويت عمري مآ أعرفهاا ..

يت ويلست : شششششششششفته ..

قلت : خيبه بلآااج؟ ..

ساره : يعني مآكنت أتخيل صج موجود وقال حقي خير إختي أخااف شافني وأنا كنت بصوره ..

رديت بصدمه : إتصورييييييييييينه !! ساروه من صجج إنتي خبله شوو ! يعني زين جيه ألحين بيقول ..!!!
ساره وتتنهد : زين مب مشكله بقول كنت مشبه فيه ..

رجعت حطيت إيدي على خدي : لو طلع إربيع سعود ..

ساره وتسحب إيدي : أووووووووونه !!

الذكيه كانت بتخليني أضرب راسي بالطاوله : بلاج شوي شوي ..

ساره وتسكت فجأه ..

طالعتها : شوو !!

ساره وتهمس بصوت خفيف : ..

مآسمعت عدل : شو ؟؟

ساره وتأشر : وراج ..

إلتفت !!!!!!!!!! هيه هذاا رجعت طالعت ساره : قووومي يالله نظهر من هنيه ..

ساره وحاطه الكتاب في ويها : سكتي مآ أقدر بيشوفني وعقب إذا عرف سعود أني كنت بصوره بنروح فيهاا ..

كنت أفكررر بسرررعه كييف نطلع من هل الموووقفففف .. !!!!!!!!!!!

" ههههه يوم صورت سيف وخفناا يخبر سعود "

وبعدهاا ..

>

<

>

قاطع على أفكاري صوت : احم احم ..

إلتفت !!!! إربيع سعود حسيت بخوف ..

قال ببرود : صدفه يعني ولآ أخوج طرشج ترآقبيني إنتي وإلي معآج ؟؟

إنصدمتتتت !!!! هذاا كييف عرف أني ساره وياي يعني شافنا .. توهقت مآ أعرف شو أقول ..

بس ليش يقول أن سعود طرشنا نراقبه !!!

رد علي : يعني مآعندج جوآب "سكت عقب قال " بس مب غريبه أنكم تراقبوني !!!

كللله منج يا سارووه الله يهديييج بس : لآ أخوي إنت فاهم الموضوع غلط ، بنت عمي عبالهآ أنك أخوهاا ..

مآ أعرف أخرط عدل .. حسيت سكت يعني صدق !!

رد علي : أهآ أخوها ومقعد مآيقدر يمشي ؟؟

رديت وإمبين أني متوتره :لآ أخوي هيه مآ كآنت منتبه هيه .. تراها مآتشوف من بعيد..

الله يسامج ساره خليتيني أجذب ..

" بعدهاا يت سااره وبين جذبي "

سمعت صوت ساره وراي وكأنها منصدمه : ميثه !!! ..

سيف ويطالع ساره : هلآ إختي .. شخبار عيونج ليش مآتروحين تفصلين لج نظاره ولا عدسات ؟؟

ساره وإبستغراب : عيوني ليش ؟؟

لحظها فعلا حبل الجذب قصييير وساااااره محد يعتمد عليها إبتسمت : عسب نظرج ضعيف ..

ساره وبستغراب : بلآكم إنتوا عيوني مآفيها شي !!!!

شفت سيف إلي إبتسم على طرف .. وعرف أني جذبت ..

ساره وتهمس حقي : ميثه شو السالفه ؟؟

مسكت إيد ساره بقوو : يالله ساره خليناا نروح ، في أمان الله أخوي ..

>

<

>

<

هههههه ذكرياات ما اتخيل سيف يتذكر ..

كتبت في القروب : تروحون وتردون بالسلامه ..

ساره : ربي يسلمج ..

عنود : ميثوووووووووووووووه ويينج مختفيه ..

رديت : شفيكم كله تقولون اني مختفيه هنيه موجوده ..

عنود : هههه لا بس هالاسبوع ماشفتج ..

رديت : ان شاء الله بمر عقب ، برب ،

" سمعت صوت سيف " : ميييييييييثهههه !!!!!!!!!

كات :)
رايكم يهمني وشكرا على الانتظار ،،