|
اقتباس:
وماعليه حياتي انا ابي انزل هالفتره يووم اني ف اجازه لان يوم انزل يوميا احسن بوايد ومانسي الاحداث بس يوم اقطع اظطر ارد اقرا ومرات اقطع لان ماعندي وقت ارد اقرا القصه فهمتي عليي البارت ان شاااء الله تريووه بالليل بنزله =) :987: |
زيود : مامليت انت تصور من ييت هني منصور: مليت بس مستمر ماعندي شي اسويه زيود : اقولك كم الساعه الحين منصور: هممم الساعه الله يسلمك اللحين تقدر تقول زيود : خلصنا لا ايي اظرب براسك الطوفه منصور: زيييييييييين زين الساعه 8 بالليل زيود : اقولك قوم بنطلع بعشيك من ماك ع حسابي منصور: ابا بق ماك موو هابي ميل شرات هاذيج المره زيود : متى ماحيد وايد سويتها فيك منصور: لا هاذيج المره حتى ظحكت الفلبينيه عليي زيود : انت اي سالفه فيها فلبينيه ماتنساها ربعك هاذيل منصور: هههههه هيه بس اقولك هاك اليوم كنا سايرين نطلب زيود : بس بس مالي خلق اسمع سوالفك منصور: ههههه يا حمار لا تقفطني زيود : تعال تعال الدرب مني منصور: هههههه اوك خطف ابو زيود جدامهم ابو زيود : السلام عليكم منصور وزيود : وعليكم السلام ابو زيود : اشحالكن بناتي منصور: حمد الله ابو زيود : وين طالعين ؟ زيود : بنسير نتعشى وبنرد ابو زيود : لا تتاخرين الساعه 10 تكونين في البيت زيود : ان شا الله سار منصور وزيود منصور: طيب ابوك زيود : طيب هيه بس متشددد شوي علي منصور : طبيعي ياخي الاب دومه متشدد ويخاف والام تحس جي كله طيبه وتحاتي زيود : زين خلاص لاتتفلسف وايد منصور: ايييييه تراك طايح فيني اليوم بس حرام عليك زيود كان شوي مسرع منصور: ياخي خففففففف زيود : لا تخاف ياخي بلاك مستوي بنوته منصور: ماخاااااااااااف بس خف زيود يزيد ع السرعه منصور: واللله ترا اطلع زيود : هههههههه كيف بتطلع يا اهبل والسياره طايره من السرعه بيندق راسك ترا بعمود لو نزلت منصور: هههههه والله انك مابكمل زيود : لالا ارجوووك كمل منصور: لا خلاص مافينا تزيد وتسرع زيود : خلاص وصلنا منصور: حمد الله طلع زيود ومنصور يطلبون وخذوه تيك اوي وسارو صوب البحر يتعشون منصور:روووعه البحر بالليل زيود : هيه ادري اقولك لو يبت الكام مو احسن هههه منصور: برقد هني لو يبت الكام زين مايبناها زيود : ممكن ياخي تييب لي الايباد من السياره نسيته منصور: اشتغل عندك انا سير ييبه بروحه زيود : طلبتك لاتردني منصور: ان شا الله تامر بشي ثاني عمي زيود : هههه وهات الفون مالي نسيته منصور: ان شااالله زيود : هههه ليتك كل يوم جي منصور: لاتتعود برو ----------- عبود : مامليتو انتو ملاك : لا وناسه هني احسن من يلسه البيت عبود : اقولج ملاك ترا انتي مابتفكرين حتى تقولين يلا بنرد البيت طوفي جدامي انتي وساروه ع البيت بوصلكم ساره : لالالالا مانبي عايبتنا اليلسه هني عبود : اقول ملاك : قول عبود : انا بمشي اللي مابتي كيفها خل ترد ويا تاكسي ف هالوقت نشت ملاك وساروه عبود : هههههههه هيه ها الاسلوب ينفع ها ملاك : ملينا اصلا هههه ساروه : سبحان الله ملاك مسرع ههه عبود : الويك اند بطلعكم ان شا الله ملاك : اوك منصور:ادخل اقول التويتر مالي ولا الفيس بوك زيود : استوا مالك الموقع كامل مسجل باسمك وانا مادري ممنصور: ههههه ادخل ياخي بجوف زيود : جوف مستانس ممحد معبرنك ههههه منصور: اقول ادخل يوتيوب ابرك زيود : شو تبا تتجوف منصور: حط لنا مسرحيه طارق العلي زيود : اول جوف الساعه كم اللحين منصور: يالبزي انت زيود : اقولك اختصر منصور: الساعه هممم 9 والطويل عند 7 زيود : اسمه 9 و35 ياخي لين متى بعلم فيك منصور: اوك خلاص بحفظ زيود : قوم بنرد البيت وجوف المسرحيه بالسسياره ماشي وقت مافيني مشاكل ويا ابويه منصور: اوك منصور: ويت ويت بكتب شي ع الرمل حقنا زيود : والله بقوم بكسر الايباد ع راسك حلفت ترا منصور: امانه والله 5 دقايق لف ويهك مناك لاتشوف شو بكتب بنزله ع الفيس بوك ههههه وجوفه زيود : اوك بسرعه منصور كتب ع الرمل بخط كبيييييير منصور + زيود = فرند فور ايفر زيود : خلصت منصور: هيه ويت اصوره بالفون زيود : بسرعه منصور: خلاص خلصت لا تلف راسك لا اكسره هههه زيود : ماشي شغله الف راسي طوف جدامي يلا منصور: جب جب دق فون منصورر الريم : وينج انتي مصختيها اوت منصور: انزين برد بعد شوي شو تبين انتي الريم : مابا شي امايه تسال عنج منصور: قولي لها ربع ساعه ويايه الريم : اوك يلا باي منصور: باي ---------- في البيت ( في غرفه ملاك ) دق فون ملاك ملاك : هلا توين ساروه : اهلين ملاك : ها بلاج ساروه ماشي بس ملانه ملاك : شو اسوي يعني سارره : كملي لي قصتج ملاك : حلفي انتي بس ساره : والله صدق ملانه ماعندي شي اسويه ملاك : لاتكسرين خاطري انا تعبانه وابا ارقد ساره : لا ماكسر خاطرج قولي لي شوي بس ملاك : لا ساره : دخيلج والله بس شوي وبتلقيني رقدت ملاك : لا ساره : الله يخليج حرام ملاك: اوووووف خلاص لاطفريني ساره : شكرن تويني ملاك : وين وقفت انا نسيت ساره : يوم كانت ترمسج وجي من رديتي من الجامعه اظن ملاك : هممم انزين بقولج شو كنت اسوي لها في يوم ميلادها ساره : قولي ملاك : في كل مره لازم افاجأها بشي مره طرشت لها موفي ميكر صورت فيه وايد اشيا تخصنا وويا لحن اغنيه هديه لراشد الماجد كانت هاي اغنيتنا وايد نحبها وكل مره اهديها في يوم ميلادها وفي مره طرشت لها وهي اول مره طرشت هممم بوربوينت ههههه ساره : ههههه حلو الشي ملاك : ها كان اول مره وكتبت لها اشيا بخاطري واني احبها ومن هالكلام ساره : شو ردت فعلها ملاك : هي ف ردات افعالها ماتحب اني اعرف بس احيد قالت لي انها صاحت وكانت مستانسه اني اعترفت لها اني احبها وحسيت فيها انها وايد وااااااايد مستانسه وتقولي انتي اول حب لي تعرفين شو يعني اول حب ودوم يكون اقوى حب .. وصدق زيود حبيتها من الخاطر عمري ماحبيت وحده كثرها ساره : انزين وعقب شو صار ملاك : وفي مره طرشت لها ستوري اللي هي قصه حبنا من البدايه ويا صور وجي كانت وايد حلو الشي وايد عيبها ساره : كيف افترقتو ملاك : همم اول فراق كان وايد صعب عليي كنت انا احبها بس مانقدر نشوف بعض كل ما حاولنا ماقدرنا يستوي شي ساره : انزين عقب ملاك : عقب الله يسلمج هي تعبت من هالحال هي ماتتحمل تحب وحده من الخاطر وتكون بعيده عنها هو صح كلامها صعب بس انا كان عادي عندي صح تييني فترات اباها وابا احظنها من الخاطر يوم تكون مضايجه وجي بس وانقهر يوم ما اروم اوصل لها بس هي دوم جي مظايجه من هالحال ف قالت لي مره صعب انا ماتحمل هالشي بنكون ربع انا هني وايد وايد انصدمت ماتوقعتها ساره : مستحيييييل جي ملاك : انا كنت وايد واثقه فيها انها مستحيل ع هالحب تهدني وخلتني وانا ماقدرت اتحمل الشي ان بعد هالحب ,, ساره : كم استمريتو ويا بعض ملاك : قولي سنه يمكن بس تعرفين انا ماتوقعت انها بتيي تقولي جي وكانت تعاملني كربيعه بس ساعات تييها اوقات ماتتحمل وتقولي احبج بس ماتقدر تتحمل هالبعد ابدا ساره : في ناس جي صح اللي سوته ملاك : ممكن صح بس الشي اللي حز بخاطر تقريبا كملنا شهر او شهرين وهي استوت تيكن ساره : نووو وييي ملاك : انا هني تحطمت وايد واااااايد وفكرت اهدها خلاص واختفي من حياتها ولاتعرف شي ساره : انزين عقب شو صار ملاك : عقب قلت لها وكتبت لها كل شي بخاطري وطرشته لها وقلت لها لادقين ولا تسالين عني ولا شي خلاص ساره : وعقب شو ردت فعلها ملاك : حاولت تمنعني اسوي جي بس انا ماتحملت ,, كيف تبيني اتم ويا وحده احبها اجوفها ويا غيري والله وايد صعب ساره : انزين عقب ملاك : هديتها وابتعدت ولا تعرف شي عني ابببد ساره : او ماي قاد انزين بعدين ملاك : بس خلاص عقب بكمل لج تعبت من كثر ما ارمس والله ابا ارقد ساره : بس صدمه بصراحه ملاك : اعرف ساره : انزين خلاص يلا تلحفي عدل وتصبحين ع خير ملاك : اوك وانتي من اهله في بيت منصور الريم : انا ملانه شو اسوي منصور: روحي العبي بعيد الريم : لقيييتها منصور: شو الريم : قومي نلعب اكس بوكس او ويي منصور: هيه والله من زمااااااان مالعبت الريم : قومي والله وناسه منصور: اوك يلا روحي شبكي اللعبه وانا بييج الريم : اوك في بيت زيود زيود ع الشبريه تذكر الالبوم زيود بخاطره انا لازم احطي كل شي ببوكس واقفله وافره بعيد عني تم زيود يفكر بملاك ويبا يعرف اخبارها لان مب قادر يوصل لها وتم يفكر ويفكر لين رقد في بيت عبود عبود كان يرمس امه بالفون عبود : ها امايه شحالج ام عبود : حمد الله وانتي شحالج عساج بخير عبود : حمد الله شو صحتج امايه ام عبود : لاتحاتين حمد الله عبود : امايه ولهت عليج متى بتردين ام عبود : جريب جريب لاتحاتين العمليه بيحددون وقتها باجر عبود : امايه استخيري انزين لاتنسين ام عبود : ان شا الله بنتي وانتي شو صحتج خلصتي الامتحانات تاكلين عدل عبود : هههههه حبه حبه امايه انا خلصت الامتحانات ام عبود : حمد الله تاكلين عدل عبود : هيه امايه ام عبود : اكيد من المطاعم ها عبود : هيه عيل شو اسوي ام عبود : تعلمي اطبخي في البيت تسلي عبود : الله يهديج في حد يتسلى ويطبخ ام عبود : هيه في بنات جي عبود : انزين امايه احبج انا ام عبود : هههه فديت بنتي يارب عسى ربي يخليج لي وافرح فيج عبود : لا امايه مايردون جي قولي اموتج ههههه ام عبود : شو ها بعد شو تخربطين عبود : ماشي ماشي ام عبود : يلا بنتي تامريني ع شي عبود : لا امايه بس شو جوكم ام عبود : الا بتسولف اليوم جونا كله امطار عبود : الللللله حلو امايه ابا اسير ام عبود : ان شا الله من ارد بنسير انا وانتي عبود : ان شا الله ام عبود : يلا لازم ارقد اللحين باجر بكملج انزين ماما عبود : خلاص اوك لاتنسين امايه ام عبود : يلا اقري الاذكار وصلي ركعتين وارقدي وتلحفي عدل عبود : ان شا الله امايه ام عبود : ربي يحفظج يارب عبود : ويحفظج مع السلامه تعود عبود يسمع هالكلام من امه دوم بس مايسويه قام عبود وتوظى وصلى ركعتين وحس باحساس غريب بس تعوذ من الشيطان وسار يصلي وقرا شوي قران ودعى الله عبود حس انه منافق يوم انه يتقرب من الله عسب يستجاب دعائه وتنجح عمليه امه وترد له سالمه بس تذكر كلام امه يوم كانت تقول له ان هالاحساس دوم يكون من الشيطان عسب مانتقرب من الله وان الله دوووم يحب العبد يوم يدعي ويتقرب منه بالدعا بدا عبود يقرا سوره البقره ويدعي من الخاطر ان تنجح عمليه امه وكان يصيح ويدعي لها بعد ما صلى ارتاح وايد وسار ع شبريته وتم يفكر لين رقد ----------------- |
نآيسس آلببآرتَ , نتريآ آلتككمله .. |
عادي اخذ اجازه هههه عسب ارتب افكاري لان احس قمت اكتب اي شي وتلخبطت شو اسوي في النهايه ف عطوني يومين اكتب الافكار بس |
هههههههههههه شوجي توعدينا ما اطولين اخذي يومين ورتبي افكارج حرام تنكتب بسرعه الله يوفقج |
اقتباس:
|
خخذيَ رآححتج حبي .. :* |
ييب شوجي تييك يورر تايمـ << بس شوي =) البآآرت طرر حبيته بس أحس للحين ما بدا الحمآآس انشاء الله في البآرت الياي ..=) وو مبرووك روايتج في الصدآره ^^ |
ههههههههههههههه ترى بندخل السنه الجديده اليوم بعد كم ساعه والله لو ما كتبتيها لاكفخج هههههههه وطولتي |
يلا وييين البارت |
يا شوجي وينج |
وينج يا شوجي:00: |
وؤويينج خيتؤوؤ !! آنآ م آششترككت إلآ عسسب هآلآسسستوؤوؤري !* |
جاري الانتظار |
اجنان الروايه |
روايه خيااال |
القصصصصه روووعه التكمله بليييييييز |
نترياج لا طولين الغاليه |
تهبل الرواية في الانتظار |
تسلــم ايدج على هـ البارتات .. =) روايتج روعه نترياآآآج فالبارت الياي تقبلي مروري..=) |
تستهبلون آنتوآ آلحين عطيتوهآ آجآزه خخ آلـأخت آستغلت آلوضع و مآ بتحط بآرت شكلهآ .. ! هههه شوووجي وآلللله آحوووووبششش ححططي للنآ ببببآآآآرت ><" ! |
هااااي القصه وآآآيد روووعه تسلم إيدج ونتريا التكمــلــهـ |
السلام عليكم شحالج عساج بخير امممم الروايه وايد حلوه واتمنى انج تكملينها نتريااااااججج |
ياخي شو ها انا من صف ثامن يالسه اقرا الروايه و اتريا التكملة يوم دخلت تاسع قطعتها و رديت على امل الاقي التكملة بس وين يا حسرة لو بعدنا طالبين بيت شعبي جان ظهر .. و انا احين بسير عاشر و بعدني اتريا .. عاد انتو احسبو -.- و يا شوجي انتي كنتي المفروض تكتبينها كلها خلاف تنزلينها بارت بارت يعني ع حسب تفاعل الاعضاء معاج .. بتقولين ظروف و نحن مقدرين هالشي لكن هم انتي منزلة موضوع ولازم تلتزمين فيه .. اذا ما تبين تكملين عطينا خبر بس لا اتمين جي.. اول شي قلتي ف الاجازة بخلصها و قلنا اوك عقب قلتي بعد رمضان قلنا لج اوك و عقب قلتي بعد العيد و اوك و لا يوم تردين تقولين اصبرو علييه ششوي .. فديتج نحن صابرين بس انتي بعد قدري صبرنا و السموحه ختيه بس جد تعبنا لانه ويد تفاعلنا وذ القصه =) |
مرحبا الصراحة أنا وااايد حبيت الروايه وأمس بديت اقرأها والصراحة أنا متحمسه تكملينها تحياتي: mezo0 =) |
السلام عليكم ورحمه الله مبارك عليكم الشهر حبايبي سامحووني بليز ادري مصختها بس كنت بزي بالدراسه اليوم بحط بارت بالليل ^^ احبكم ولاتزعلون مني بليز |
خلاص نزلته اللحين لعيونكم وحبيت اقولكم بختم القصه في رمضان هذا ان شا الله وتوبه ارد اكتب ههه يننتوني لو بكتب بتم اكتبها واخلصها عقب انزلها بس ماظن ارد اكتب قربت الاجازة وكان زيود ومنصور متحمسين لان ناويين يسوون اشيا وايد في الاجازه ويفكرون يسافرون لندن منصور : خلاص زيود باجر اخر اكزام زيود : هيه حمد الله منصور : انزين شو بنسوي فيها زيود : شو رايك تسافر وياي لندن نفس ماتفقنا قبل بس ابا تأكدلي منصور: انزين المشكله لو سافرت منو بيتم ويا امايه واختي زيود: حاول وياهم اييون منصور: امايه ماتحب تسافر هالاماكن بس خاطرها عمره زيود: انزين ليش مانسير عمرة منصور: مادري بنحاول زيود : شو رايك نسير ع ايام رمضان لانها قربت منصور: هيه احلى زيود : انا بقترح ع خالتي وبقنعها منصور : هيه احسن منصور : انزين قوم بندرس شوي زيود: اوك يلا دق تليفون عبود عبود : الو : انتي بنت المريضه فاطمه عبود: هيه نعم :توفت يوم اجرينا العمليه عبود: شو اي عملية شو قاعد تخربط فر الفون عبود وتم يصارخ بشكل هستيري مو مصدق الخبر وطلع بالسيارة صوب المطار يبا يسافر عندها دق عليها اخوها الكبير (بنبرة حزينه ) : انتي وين عبود : في المطار الاخ : ردي عبود : مابي وبندت الخط سار اخوها المطار يدور عليها وكان زحمة في المطار لين تخلص الاجراءات ف لقا عبود كان يتريا زخه وحظنه وبدا عبود يصيح عبود : ليش ماخبرتنا انها بتسوي عمليه ليشش الاخ: خلاص اختي لاتمين جي تسوين ف نفسج مو زين عبود: مابي احد يقولي انها توفت والله بقص لسانه اللي يقول جي هي ويانا احس فيها حولنا في كل مكان تحس فيها اخوي ؟قولي هيه الاخ: كلنا نحس انها حولنا تعالي يلا بنرد البيت غاب عبود اليوم الاول وغاب اليوم الثاني فملاك وسارة كانو يدقون له تلفون مايرد فقرروا يسيرون البيت جافو سيارات وايد جدام البيت وفيه خيمه برع للرياييل دشت ملاك وسارة البيت وسمعو صوت القران كان عالي ملاك تتطاللع سارة ومصدوممه ملاك : ليكون توفت امه سارة : كيف ملاك : لانسمعت قالو انها مسافره عملية سارة والدموع بعينها : الله يرحمها ملاك : امين سارة : كيف بندش احس ماعرف اتم في اجوا العزا ملاك : حاولي تكونين قويه سارة : بحاول دشت ملاك وسارة سلمو ع الحرريم وسالو عن عبود ردت عليهم حررمه اخو عبود تقول انها في غرفة امها ودلتهم ع الغرفه قبل ماتدش ملاك وسارة ملاك : ندش ولا نخليها سارة : مادري دشت ملاك الغرفه كان عبود يالس ع الارض متلحف بلحاف امه ويجوف البوم الصور ودموعه ع خده ملاك سارت صوبها وحظنتها وتصيح عبود : شوفيج ليش تصيحين مافيني شي انا بخير لاتحاتين سارة : ليش ماخبرتيني ماكنا نعرف بشي عبود: مابي هالموضوع يتبطل لو سمحتو امايه وياي حتى الحين احس فيها ملاك (( لانها فقدت اخوها فتعرف هالاحساس اللي يمر فيه عبود فحاولت تغير الموضوع )) ملاك : انزين عبود عادي نشوف وياك الالبوم عبود : هيه عادي تشوفين هالصورة هاي امايه وها انا وها ااخوي العود ملاك : شوف كيف شكلك يضحك عبود: جب وبدا عبود شوي يغير جو ويخبرهم عن كل صوره وقصتها 0---00000000000000000000000000000000 آخر يوم امتحانات في قاعه الامتحان منصور: زيود شد حيلك زيود: انت بعد منصور: زيود لو ابا مساعده لا تقصر زيود: ان شا الله بعد الامتحان زيود: اشوفك ماسالتني عن شي ان شا الله سويت اوك منصور : هيه حمد الله زيود : يلا بنطلع منصور: بلاك مستعيل خل نسلم ع الربع والمعجبات ههه زيود: متفيج انت والله منصور : شوي بس تم منصور وزيود يحاوطون ومنصور بس اللي يسلم يت معجبه صوب منصور : ابا هق منصور : شو تبين المعجبه : هق ماتعرفه يعني منصور: لا ماوزعه انا هههه المعجبه بنص عين : باي باي منصور : والله مصخره هالبنات ههههه زيوديقلدها : ابا هق منصور : ههههه بس بس مايليق عليك زيود : انا بطلع وتم ويا هاذيل المهابيل منصور : لا خلاص بطلع وياك زيود: شوف الريم بتيي ويانا ولا لا منصور : اكيد ماتبا يلا بنطلع طلع زيود ومنصور للمول للسينما منصور : اي موفي نشوف زيود: مادري اختار عادي منصور : اوك بندش ها الموفي زيود: اوك -----------.......................................... عبود في الغرفه يالس صوب البلكونه عبود من الضيجه كان يفكر بالانتحار بس يتذكر ربه كان يحس بوحده رغم انه يعرف وايد بس محد قريب منه اوو بمعنى ثاني هو مايحب يكون كلوز من اي شخص ،، الوحده كانت تضايجه اكثر ععن قبل لان قبل كانت امه تعوضه بس اللحين وحيد بمعنى الكلمه بعد العزا اخوي عبود (خليفة ): اللحين قوليلي وين تبين تسيرين عندي ولا عند منو عبود: مابا اسير مكان بتم عني خليفه : مينونه اتمين بروحج بالبيت عبود: هيه عادي خليفه : اختي الله يهديج لمي اغراضج وحياج عند اي احد فينا عبود: مابسير خليفه : نحن بأجر البيت محد بيكون فيه ومابنخلي بنيه تعيش بروحها عبود: خلاص اطلع برع خليفه طلع ومعصب شوي عبود(( هذا الليي حريمكم وصوكم عليه ع طول نبيع البيت والله شي يقهر انا كيف بتحملهم هم وحريمهم الله يستر بس ،،)) سار عبود غرفه الوالده ولم اغراضها اللي تحبها وخذ قرآنها ولحافها ونظارتها الجديمه <<<<< منصور : الموفي طرررر زيود: والله نفس ويهك منصور: بلاها نفسيتك خرا زيود: عادي بس خل نروح نتمشى في المول شوي منصور: اوك تمشو في المول وعقب يلسو في ستار بوكس زيود: شوف شوف بس المياعه اللي مناك منصور: ياعمي ماعليك منهم زيود: قوم قوم سدو نفسي منصور . ههههه اوك قوم منصور : ردني بيتنا طفرت بنام شوي زيود: اوك في البيت منصور :اقولك اافرش لنا في الصاله زيود: شدراني وين قوم ييب ياخي منصور : تبا غدا زيود: لا مو يوعان منصور : تريي بسأل امايه وين حطت اللحاف منصور : اماااااااااايه ام منصور : ها ها شو عندج منصور : وين محطيه اللحاف والمخدات ام منصور : بتلقينها صوب الدرج منصور : مالقيت ام منصور : انتي في شي لقيتيه منصور : هههه لالاخلاص لقيته زيود : هات عنك منصور : هات الريموت حط لنا شي عدل زيود: اول قوم بند الليت دشت الريم البيت الريم : السلام عليكم زيود: وعليكم السلام الريم : شو تسوين زيود: ماشي بنرقد شوي بنريح زيود: انتي شو امتحانج الريم : حمد الله اوك سارت الريم عند امها تتغدى منصور: بس بس حط ع هالموفي زيود: ذبحتنا انت موفيات بسك لف راسه زيود وغفى منصور تم يتابع لين رقد .............................. سارة : قومي نسير لعبود ملاك : اوك يلا بنسير بس اخاف مايبي سارة : مادري بس حسيته غير جوو يوم ييناه ملاك : شو رايج ندق له ومن رده بنعرف ساره :. اوك ملاك دقت ع عبود ملاك : مايرد ساره : عيل خلاص خليه ملاك : خلاص اوك خل باجر نمر لها وبييب لها من ماك اكيد ماتاكل -------......................... خليفه : ها تجهزتي عبود: لا باجر بنسير برقد اليوم بغرفه امايه خليفه : خلاص ع راحتج باجر بشيلج عندي بمر الساعه 5 العصر عبود: خلاص اوك عبود تم يلم اغراضه فالشنطه وتم يفكر شو يسوي لها من صدقه جاريه واعمال خير ولها اجر فيه حط راسه ع المخده يتذكر موقف كان بينه وبينها تذكر يوم كانت تقوله تغدى عندي وهو دوم يتغدى برع ويا ربعه ويعتذر منها تذكر هاللحظات وندمان انه ضيعها وهالوقت كانت تستاهله امه تذكر يوم اي شي بخاطره من يقول لها دخليج ابا هالشي ترفض واليوم الثاني تييبه له هديه تم يتذكر مواقف كثيره ودموعه بعينه تلحف بلحافها ورقد ودموعه بعينه |
WB shogii*:183: نوورتي المنتددى و يقوولوون من طوول الغيبات ياب الغنآييم ;-) اقتباس:
لآ انشالله بتكتبيٍنَ مرهَ ثآنيهَ =) و بانتظآررجَ :az_flw: لآ اطولين علينآ |
اقتباس:
thnx b3d glbi :p |
الصراااحــه ابدعتي ... لا تحرميييينا من البارتااات الثانيييه ^_^ |
او يلا او يلا او يلا توكلنا على الله وين ما نروح وين ما انيي مشاكل و مشاكل اصعد فوق روح انزل مشاكل و مشاكل في السكا تلقا مشاكل البويات حاله بعد تسلمين ع الرواية غيبني البارت او يلا او يلا او يلا توكلنا على الله وين ما نروح وين ما انيي مشاكل و مشاكل اصعد فوق روح انزل مشاكل و مشاكل في السكا تلقا مشاكل |
نااايس الرواايه كملييها فاانتظااااررج =) |
وييييييييييييييييييييينج ما تحسين انج تأخرتي |
ناااااايس فاانتتظاااارج |
هه اونها شو , بتخلصها ف رمضان اصححححيي رمضان باقله اسبوع او اقل و انتي ما سويتي شي اتني كاتبه فاشلة , الكاتبه الناجحه ترد ع اعضائها و اهم شي توفي بوعودها دوووم اطلعين لج عذر هه , مره لابي خلص جرجه , مره خربان , مره كنت مريضه انزين و بعدين . . انا اقول انهيها و فكينا |
اييييييييههه وينج |
ـالسـلآلآم عليككم .., ـآلـصـرآآحهه ـأنـآ من ككم يووم بديت أقـرآهـآآ ووآيــد عيبتني .. بـس المشكـلةة ـآنـج وآآيـد تتـأخريين >> إذآ مـآتبيين تكـملينهـآآ عطينـآآ خبر لآ تخلينـآ نتـريـآآ وآآيد .. نـتـريـآآ البـآرت اليـآآي ><" ^ والـسمـوحةة منـج |
ياللي بتخلصينها ف رمضضضان حووه رمضان و خشبص العيد و خلص و احين بتبدي المداارس !!! ويننننججج !! ليككووون بس فراش التراب يحتويج !!!!!! |
ياللي بتخلصينها ف رمضضضان رمضان و خلص العيد و خلص و احين بتبدي المداارس !!! ويننننججج !! ليككووون بس فراش التراب يحتويج !!!!!! |
اقتباس:
|
| الساعة الآن 02:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir