منتدى استراحات زايد - مــقابلــــــــــــه مع المشــرفه المميــــــزة " خوية الشقا "

اقتباس:

المشاركة الأصلية كتبت بواسطة ઇ النورس ઇ (المشاركة 831678)

وعليك السلام ورحمة الله وبركاته

ويا مرحبابك يا غدير

وربي انك منور حبوب ^^

شهالطله الراقيه ^.^

..

يسرك الحال ولا يضرك حبوب

..

مبارك علينا وعليك

,,

ههههه الا ما قطعوني عيل

ياخوك على حد علمي انه الأسله خلصن هههه وما تم سوال وما انطرح هنه

واتفاجأ انه في اساله يديده خخ

,,,

كلك ذوق يالغالي ^^

وما عليك زود أبد وربي

..

ونجاوب

1/ اين تجد نفسك يالنورس ؟!!

ياخي الأسئله اللي باللغه العربيه تخليني أجاوب باختصار ,, يعني بكلمه ولا بكلمتين

لنه بكلمتين أروم أعبر عن كذا شي ^,^

فأنا أقولك :

أجد نفسي أحيانا .. تائهة ً في متاهات الزمان ..
أجد نفسي أحيانا .. متأملة ً في نجوم الليل ..

ولكني

أجد نفسي : في ذلك الهدوء الجميل .. في تلك الطبيعة الخلابه .. في تلك الصحراء الواسعه .. في ذلك البحر الغامض

2/ هل في نظرك ان ( سالك ) حلت الأزمة المرورية في دبي عدكم؟ ، واذا كانت نعم ممكن تعطينا نسبة ؟!!

يا ريال خلها على الله هههه .. دخل سالك يوميا ً ,, مليون درهم وأكثر ,, مليون وشي جنه ,,

هذا اذا ما زادت النسبه ..

شوف يالغالي .. الازمه باقيه .. ولكن سالك خفف منها .. بنسبه صغيره يعني

ويمكن تقوله انها بنسبة 30 %

بس اللي حل الأزمه صدق ,, انه الطرق توسعت ,, وانه تم بناء كذا جسر وكذا معبر جديد

يعني عندك الجسر العايم .. وعندك معبر الخليج .. وعندك توسعة جسر القرهود ..

الى غير ذالك من الشوارع اليديده والأنفاق ..

سلمك الله جسر القرهود بعد ما كان فيه حضيرتين جنه ,, وكانت أزمة الازدحام عنده كبيره

,, الحين ما شا الله ست حضاير اذا ما خاب ظني أو أكثر ,,

يعني مع هالجسور والشوارع اليديده .. ما يحتاي سالك

وفوق كل هذا ,, اللي ما عنده سالك يروم يخطف عالاماكن اللي فيها سالك

ولكن تكون عليه غرامه ... شوف بانكوك ,, مسوين شارع ما تخطف عليه الا وفي بداية الشارع كبينه

تدفع وبعدين تروم تخطف.. واذا ما دفعت ما تخطف .. يعني عسب يخفون من الزحمه ..

والمشكله انه الحينه يبون يضيفون مواقع يديده لسالك مالها معنى .. ومالها داعي

ويا مواطن خل معاشك حق سالك هههه

بطاقة سالك ما سوت شي .. تاخذ فلوس بس

3/ خبرنا شو ناوي تسوي بعد الزيادة اللي ياتكم يعني تبا تولف بيزاتك ولا شي حلم تبا تحققة ؟ لوووول ..

هههههه .. يا ريال ترا لا زاد المعاش زاد سعر الكندوره اللي نفصلها خخخخ

أقصد زاد البترول هههه

ان شا الله ما ترتفع الأسعار بعد الزياده

يمكن الزياده تكون من الشهر الياي ,, دون أثر رجعي ..

انا حاليا ما عندي شي عايلني ,, يعني يممكن أولف شويه خخخ

4/ عطنا بيتين قصيد لاهنت .. واذا ماعندك خاطره طيبة من صوبك ...

فالك الطا ,,,

حاضرين يالغالي ^^

وهالبيتين لك ,,

أقول :

أشوف النور فـــــي حضرة جنــــــابك يالنعيمي .. واشوف الحسـْـن في طلـّـتـْـك من طبـْـع الكراما

غلاك انته سكَـن في قلبي حتى في صميمي .. أســــاس الزين انتــــوا والكرامــــه يـــالنشـــاما

5/ المجلس الوطني الإتحادي مازال متقاعس في معالجة امور المواطنين
" هل انته مع هذا ام ضده " ؟ ولماذا ؟

والله يالغالي هو كان متقاعس .. ولك عليه يعني

اما لماذا . .. فالاجابه عند أعضاء المجلس نفسهم

بس الحين ,, تحس انه في نوع من الهمه شويه

ولكن بعده ,, يوجد هناك نوع من التقاعس

انا أشوفهم الا يهتمون في العلاقات الخارجيه مع مدري من ومدري من

هههه والشعب منسي وحليله

بس يالله ان شا الله خير

^^

6/ خبرني موقف مضحك استوى وياك فالدوام

ههههههههه ... والله لو أعدد لك المواقف ما بخلص

خلها على الله كككك .. عن الفضايح ههههه

وربي لا يهينك يالغالي ..

أسئلتك سلسه وانسيابيه ولها طابع خاص أيضا ^,^

كلك ذوق وربي يالنعيمي

كل الشكر لك على تواجدك ^^

لا عدمتك

لمرحب باجي ولاهان ، ياحييييييييييييييك

صح لسانك وعتلى شانك يالشامسي ( هب لنك كتبت الأبيات وبس لأني استانست يوم قريت اجوبتك
الطيبة ، ونحن فخورين بامثالك فالإستراحة ، ومن منطلق المقابلة نحن طمعانين في تواجدك معنا عبر استراحة الحوار والنقاش ، نبا نشوف مواضيعك الطيبة هنا فالقسم واتمنى انك ماتردني
التميز منك وفيك طال عمرك

تسلم وماعليك قصيرة يالشامسي والابيات مافيهن حيلة صراحة

واشكر ختيه زهور على متابعة الردود وسير الحوارات

اخوك/ غديّر النعيمي