|
:walla::walla::walla::walla::30::30::30::169::169: :169: |
اللهــــ بارتين مره وحده يا سلااااااااااااااااااام :169: |
يسلموووووووووووووووو ونتريه البارت |
:169::169::169::169: |
صــــوب الرياييل : الخيمة كانت ما شاءالله ممزورة شواب وشباب والبقعه محتشره كانوا معارفهم وايد وهم ما قصروا ما خلوا احد ما عزموه الشواب كانوا يالسين على صوب والشباب على صوب ومحتشرين وكل شوي واحد قام وييول وكل واحد كان يتحدا الثاني في اليوله بس حارب كان صدق مسكت خاصه إنه كان مميز بكندورته البيج وسفرته البيج كان طــالع عذااااب صدق تموا الشباب على حشرتهم وسوالفهم وكل شوي يغصصون بعلي اللي كان متوتر حيل كان صدق فرحــان ومن الفرحــه حس إنه الأرض هب واسعتنه من الفرحــه كان كل شوي ييول ويسولف ويضحك كل اللي شافه عرف قد شو هالإنسان مستاانس وتمنوله السعاده والخير .. وهزاع ربيعه طول الوقت عنده ,, هذا غير حارب وأحمد وسهيل ونادر أخو العروس طبعا هـزاع وهو شكله تعبان ولايعة جبده : سيــــــــــــــــــف.. ياااااخي سيير وتشووف هالهنود خسهم الله أنا موصيهم إنه القهوة ما توقف ييلسون يدورن بدلالي القهوه كل شوي وين ساروا الحين .. سيف كان أكثر واحد تعبان من كثر ما يطرشونه ما قر في مكان حتى ربعه للحين ما شافهم ولا يلس وياهم بس مع هذا الابتسامة ما فارقت ويهه : خلاااااااااص ما يخاااالف الحين بشوفهم .. حارب وهو يحط إيده على جتف سيف : هااااااه بو هناد.. شو الأخباااار ؟؟؟ سيف وهو يضحك : ههههههههههه لا ما علييييييك رقيييييص بس إنت ( ويغمزله ) لا تتعب عمرك واييد للحين بييون الشيووخ وبنيلس نيوول جدامهم بس أترياني إنت .. حارب : ههههههههههههه وييييييييين أتريااك أنا ظنتيه رقعة ويهـك ما بشوفها الا على آخـر العرس أنا صارلي ساعه هنيه ويالس عند ربعـك وهم منقهرين يبون ييلسون عندك وش رايك أساعدك عسب نخلص بسررررعه ... سيف وهو يحلف : لااااااااا والله علي رفجـة ما تحط إيـدك في شي بعدين أنا خلاص رتبت كل شي الحين بسير بشووف هالمهنـده وبسير أتسبــح لأني والله كرهت ريحتي وببدل ثيابي وبــرد .. حارب : لو ما تحلــف يا رياااااال بس فكيتني من الصدعـه... بس دخييييلك طالع هنااااااااااك .. صد سيف يدور بعيونه وشاف ثاني وسهيل وهم ييولون في السـاحه وكانوا الشواب متخبليييييين على يولتهم أبتسـم سيف وقال لحارب : خلهم الشوواب يستانسوون ما علييييك بنسكتهم بس أترياني إنت بس وسلم على عبووووود وقوووله سيف يقوولك زهب نفسك الربشة بتبدي من يرد وتعذر من الشباب بس شو أسوي غصبن عني .. حارب : لا ما عليــك ما يخالف يالله سير شووف شغلك إنت .. سار سيف وشاف المهنـده وهزبهم ورد مره ثانيه الخيمـة يشيـك على كم شغله عقب طلع وسار بيتهم عشان يتسبح ويرد يبدل ثيـابه صوب سهيل وثاني.. ثاني : يااااااااله يعلني فداه ميحد والله إنه ما فيه حيله .. سهيل اللي كان واقف وياه : ههههههههههههه اسميك اليوم يلت اللين قلت بس .. أحمد : ههههههههههااي ثره هو بس اللي يال ترى حتى إنت تميت تيول ولا رقاصين عنبووه هزيتوا هز حارب : هههههههههههههههههههههههااااي حلوه حلوه بوشهاااااب .. سهيل وهو يطالع أحمد من فوق لتحت أونه خجاج عااد : هه هذيلا اللي يغارون لأنه سكتناهم يا بابا إحن رواعي اليوله صح لا تنسى إنيه سهيل الكتبي .. حارب وهو يضحك : ههههههههههههاااي ياخي هذا أنا شاك فيه طول اليوم وهو يقول أسمه سهيل حبيبي لا يكون شاك في اسمك ولا خايف تنساه عسب جي كل شوي تقوله عشان تذكر عمرك فيه .. الكل : هههههههههههههههههههههااااااااي .. تموا الشباب على هالسوالف وارتبشوا وربعهم يولهم وتموا يسولفون وييولون ورابشين بالبقعه وحارب وأحمد وسهيل وثاني وطبعا المعرس علي كانوا شالين بالبقعه ويوم يت أغنية حبكم وسط الحشا سادي قاموا الشباب ويالوا وتموا على هالحال اللين العشا .. .................................................. ...... في خيـــمة الحريم : الســاعه تسع ونص بعد ماتعشوا الحريم : بدت الاستعدادات عسب عليا بتنزل وتحــدر عالحريم كانوا كل البنــات يتريونها تحت كانت الليتات مسكره والدخااان بدا يتصاعـد عروسنا كل الحسن يكسيها ... والبدر يخجل لويطالع فيها ... هى رايده الشعر ومايوفيها لو فيها غنيت وابدعت الالحانى ... سبحانه للى بالحلا حلاها ... وللى بطيبه اخلاقها رباها ... ربى عطاها الزين لين ارضاها ... بنت الحسب و النسب و الشانى ... هالدره المصيونه المكنونه يحرسها ربى من الحسد ... وعيون مامثلها شفنا ابد مزيونه ... و الحسن فيها و الحلا ربانى... شمووه وشهوده كانوا واقفين عند الباب وهم ماسكين الشموع وكانوا لابسات نفس الفساتين وبدت الأغنييييه تعلن عن وصول نجمـة الحفـل وفعلا دخلـت وكانت فعلا مثل الأميرة بفساتنها الأبيض الملائكي كان فستانها طويييييييييل بشكــل بس كان شكله طالع يخبل والكل انصدم يوم شافوا عليا كانت طالعه روعــه صدق هب الا روعـــه بس كانت عـــذااب كانت باختصــار صورة من الجمــال كان جمالها ما ينوصف والكل كان يرد الشهاده عليا كانت مبينه هاديه وطبيعيه أو هذا الشي اللي كانت تحاول تحسسه الكل يلس يسولف ويتأمل العروس اللي كانت مسكته كانت توزع أبتساماتها المرتبكة في كل مكان وهي تحاول على قد ما تقدر إنها تكون هاديـه وبعد ما وصلت الاستيج.. ارتاحت واشتغلت الأغناني الربيشة وميسون صعدت الها عسب تبارك لها.. ميسون ( كانت لابسة فستاااااان أسووود ويتخلله لون أحمـر بس الأسـود سائد كان هاي نـك ومن دون أكمام وشعرها مرفوووع بس حتى ما كان ينفع ينرفع وايـد فكان واصل لتحت جتفوها بشوي وميكبها أسووووود بس كااااااان صدق رووعة ) سارت صوب عليا وعيونه مليانات دمووع حبتها على خدها برقه عسب ما تخرب مكيبها عقبها يو البنات سارة وحصة وشيما عسب يباركن لعليا وقعدن يتصورن حذالها.. البنات ساروا صوبها عسب يباركن الها.. .. ميسون : مبرووووووووك علايه ما شاءالله عليج عيني عليج بارده طالعه قمــر غناتي .. عليا وهي تبتسم : الله يبراك فيج حبيبتي .. سارة وهي تبوس عليا على خدها وتبارك لها: ألف ألف مبروك ياا حبيبتي.. عليا: الله يبارك فيج غناتي شيما: مبروك علايه.. عليا: الله يبارك فيج حبيبتي شيما ميسون وهي تيلس حذال عليا : هههههههههههههههه ياويلي والله انج عذاب يا عليا .. سارة : ميسون.. وين تبين يالسه قومي قومي هذا مكان المعرس .. ميسون وهي تاخذ راحتها في الكرسي وتحط ريل على ريل : لا لا براايه المعرس يدورله كرسي ثاني خلاص هذا محــجوز ما يخصنيه أنا يلست أول .. الكل : ههههههههههههههههههههههههههههههههههاااااااي .. حصة : والله تذكريني أيام أول يوم نحجز نص كراسي الباص أونه محجوز هههههههههههه والله سالفه .. ................................................ وتموا كلهم يالسين ومرتبشين اللين تسكرت الاضــواء مره ثانيه ودخل المعرس وأبوه وأخو العروس نادر.. وقف علي حذال عليا وهو هب قادر يرفع عينه عسب يشوفها كان مرتبك حيييل وهب رايم غير إنه يبتسم سلم عليه أبوه ووايه وسلم على عليا ووايها وهي حبت عمها على راسه ومن عقبه أخوها وتوأم روحها نادر اللي كان اخر واحد حتى ما سلم على علي من بعيد فتــح إيده لأخته على رغبه إنها يضمها في حضنه وهي فعلا ما قصرت على طول طاحت في حضن أخوها وتمت تصيح بلا حاسيه الحين حست بس إنها صدق قريب بتفارق هالبيت وبتبتعد عن أخوها وحبيبها نادر وأمها الغالية.. كانت طول الوقت تحاول إنها تتماسك حتى يوم يابولها الدفتر عسب توقع كانت هب خايفه كثر الحين ما حست غير بنادر يبعدها عن صدره شوي ويبتسم برقه : فديتج يالغلا والله إنج طاالعـــه ســــــــــــــــــــــــــــــــــــــاحره ههههههههه عليووه شو هالصبغ اللي حاطتنه على ويهج؟؟ ههههههههه تزيغين عنلاتج .. عليا اللي ضحكت غصبن عنها هي تعرف نادر زين وتعرف إنه يحاول يغير موودها بس رمسته صدق خلتها تنقع ضحك : هههههههههههااي يالدب شو صبغ انت شدراااك اسكت اسكت بس بنشوف حرمتك شو بتحط .. نادر وهو يهمس لها : فديـــــــتها أنا حرمتيه علي اللي كان مغيظ من نادر لأنه يالس يسولف مع عليا وماخذ راحته وهو ريلها للحين ما سلم عليها :نادر شو نااااوي تسولف وااااايد قم قم اللحق قوم ابويه ساروا وخلوك هنيه اروحك .. نادر وهو يبتسم : هههه شو ياهل أنا خايف أضيع برايه الشيبه دام يبا يروح أنا حالف إنيه أيول اليوم ولا تحاول تراني بيول يعني بيول .. علي اللي أونه مفوول : لا لا لا تيول ولا يكون عندك خــبر بره بره يلا .. عليا بصوت واطي يااله يااله ينسمع : حرررام خله ييول عن خاطره .. علي اللي سمع رمستها وذاااب يوم سمعها ورفع عينه وكانت هاي أول مره يرفع عينه عليها وانصدم من اللي شافه ما صدق إنه هاي اللي جدامه حرمته عليا حبيبته وروحه كان يحسها ملاك ونازل من السما كانت عذااااااااااااااااااااااااااااااااااااااب حلوووه بشكل ما ينوصف كان وده يصرخ من الفرحه ما قدر إنه ينزل عينه عنها وقال : إنتي تامرين أمر والله لو تبين تسيرين المريخ لأوديج.. نادر.. قم قم ييول .. نادر : هههههههههههههههاااي عنلاتك يالهرم تقول طباخك ويالس تامر عليه بس ما عليه بس لأنك المعرس هب رامس فديتك يا علي والله .. قام ييول وياه والبنات ماتوا يوم شافوا نادر وعلي وهم ييولون وطبعا أنظار البنات كلها على نادر بما إنه علي المعرس يعني خلاص تزوج هههه سوالف بنات الين ما خلصت الأغنيه وطلع نادر وتمت المصوره تصورهم والبنات ترخصوا وطلعوا وكل وحده سارت بيتها والمعاريس دخلوا الميلس الصغير عسب ياخذون راحتهم ويكملون تصوير .. علي وهو مغيظ من المصوره متى متى تظهر.. وعليا اللي كانت ميته من المسحتى خاصه إنه حركات المصوره جريئة شوي وبعد ما ظهرت المصورة.. علي جرب من عليا وقعد مجابلنها.. وهو يبتسم علي : أحبج أمووت فيج يالغلا الله لا يحرمنيه منج ولا من شوفتج لي عليا إنتي الحين حرمتيه ووعد على إنيه ما أخليج لو شو ما يصير وبتمين دووم ويايه وانشالله الله ما يكتب لحظة فراق وأقدر أسعدج وأريحج يا قلبي.. عليا اللي كانت عيونها فعيون علي كانت ميته من الفرح كانت فرحااانه فرح ما تقدر توصفه وهي تسمع رمسة علي كان خاطرها تعق عمرها فحضنه وتقوله وأنا بعد أحبــك وأموووت فيك والله لا يرحمنيه منك ويخليك دووم لي علي: عليا.. عليا رفعت راسها وطالعته علي: ألف مبروك يا قلبي عليا: مبروك عليا نحن الاثنين علي: مستانسة؟ عليا هزت راسها بالإيجاب بعد ما ابتسمت علي: بس أنا أبي اسمعها منج.. عليا وهي ميته من المستحى: طبعا مستانسة.. علي: احبج.. والله اني هب مصدق عليا وهي ميته من المستحى: علي.. علي:آااااااااااه تصدقين؟؟ عليا: شو؟ علي: أول مرة أحس أن اسمي حلو جذيه عليا وهي قافطه: يلا عااد علي ذاب على دلع عليا: عليا.. قومي بدلي بسرعة عليا وبغباء: جيه؟ وين بنسير؟ علي وبمكر: بخطفج وكمل : بصراحه انا كنت ابى اقولج اني ابى آخذج ونطلع شو رايج ..؟ عليا : وين بنسير ؟ غيث : بوظبي .. وباجر حاجز طيران على ايطاليا بنيلس اسبوعين عقب بنرد اهنيه نسلم على الاهل وبنسافر عقب لستراليا وقفت عليا تطالعه وهو يتكلم ومش مستوعبه الي يقوله شغلها ويهه وصوته عن التركيز في كلامه ويوم خلص قالها : شو رايج قالت وهي ماسمعت شي من الي قاله : .. زين علي : اغراضج زاهبه والا ..؟ عليا: زاهبه .. بس بنسير دون مانخبر امايه..!! ابتسم علي : بعدج بتشاورين امج.. وانا ..!! احمرن خدود عليا ونزلت راسها.. ما رامت تتحمل نظرات علي الذباحة استحت عليا ونزلت عينها وقالت : لا اقصد نخبرهم عقبها ظهر علي عسب تقدر عليا تبدل وتاخذ راحتها بعد ما يتها ميسون وقعدت تساعدها ودخلت ميسون معاها غرفة الملابس عشان تساعدها تبدل وغيرت ولبست تايور .. وخفت مكياجها وجهزت الها ميسون عباتها والشيله وخبرت علي بالشنط الي بتاخذهن عليا معاها الحين وقالت له : هذيلا الشنطتين بس والباقي ان شاء الله بعد ماتردون وتسافرون استراليا .. بنطرشهن في الشحن علي : اوكي انا بنزل الشنط في السياره وراح علي ودخلت ميسون تستعيل عليا ولقتها مخلصه وخذت شنطة يدها وطالعت ميسون الي ارتسم الحزن في ويها مره وحده من شافت عليا خلاص بتروح وقالت عليا : ميسون ما اوصيج على امي ميسون وهي تبى تصيح وتبتسم نفس الوقت لوت على عليا وقالت : ما يهمج .. بس انتي اتصلي وطمنينا عليج .. عليا : ان شاء الله وبس خلاص لا تصيحين وخازت عنها وبدت دموع عليا تنزل معاها . ويا علي ومشت عليا صوبه وعلي واقف عند الباب يطالعها.. ويبتسم لها وميسون تطالعهم والدموع في ويها وعليا توصيها على نفسها وامها كانت وبتبقى هذي احلى ذكريـــات علي وعليا فبالهم .. ما رح ينسونها أبد.. ودامت دياركم بالأفراح والمسرات .. عقبها الكل سار بيته وظلت سارة تنطر حارب اللي للحينه ما وصل سارة: أففففففففففففف هذا وينه؟ وبعد ما ملت من كثر ما تنطر قامت ودقت له مع أن هذا كان آخر شي تفكر فيه من صوب ثاني.. حارب كان في هالوقت على وصول أول ما شاف رقم سارة رد بسرعة حارب: هلأ.. سارة: وينك؟ شفيك تأخرت؟ كل الناس روحوا... جيه ما خليتني أرد ويا أحمد والا سهيل؟ حارب: ........................... سارة: ألــــــــووووووو حارب: خلصتي كلامج؟ سارة:........................... حارب: اظهري أنا برع.. وسكر عنها انقهرت سارة منه.. دايما يغيض بها.. أففففففففف آاااااااااااااااه منك يا حارب.. وبعد ما لبست الغشوة عدل ظهرت.. ركبت السيارة السكوت سيد الموقف وسارة حمدت ربها أن حارب كان صاخ وما رمس ولا كلمة ياحليلها ما كانت تعرف أن هذا هو الهدوء اللي يسبق العاصفة .................................................. . أول ما وصلوا نزلت سارة وبعدها حارب دخلت سارة الجناح كانت ميته من زود التعب بدلت بسرعة.. وقعدت تمسح مكياجها فجأة انفتح باب الحجرة.. وقعدت تطالع انعكاس صورة حارب في مراية التسريحة ما تعرف ليش قلبها قام يدق بقووووو من زود خرعتها .. وقفت وقف حارب لبرهه يطالعها فجأة انتبه لعمره.. وقعد يلعب بشعره من زود القفطه حارب وأونه يغير السالفة: ليش وقفتي؟ سارة الغبية من زود ما كانت زايغة قعدت.. جنها ياهل حارب كانت فيه ضحكه بس يود عمره جرب صوبها.. حارب: حسافة .. ما لحقت أشوف فستانج.. عاد الله يعلم هالمرة شو كنت لابسة؟ سارة حرجت وفي نفس الوقت غرغرت عيونها بالدموع حارب بلاه؟ ليش يرمسني بهالطريقة؟ سارة: أنت مينون؟ حارب: لا والله.. صاحي حست سارة أن الكلام ضايع معاه.. وصدت عنه هالحركة ذبحت حارب.. يموت ولا أحد يطنشه أو يعطيه ظهره جرب من سارة وزخها من كتفها حارب وبنبرة حادة: يوم ارمسج.. جابليني سارة وخلاص تحس أن جتفها بنجلع من زود ضغط حارب عليه سارة: هد ني.. حارب حس بقوة صغط ايده عليها.. فخفف من مسكته بس للحينه كان ميودنها سارة ودموعها على خدها: ليش تسوي فيني جذيه؟ ليش يحلالك تعذيبي؟ حارب: جــــــــــــــــــــــــــب.. ولا كلمة سارة رغم خوفها من نبرة صوته ألا أنه رفضت تستسلم وكملت: ما بسكت.. شو بتسوي يعني؟ بتذبحني؟ حارب: ............................. سارة: أكرهكككككككككك يالحيوااااااااااااااااااااااااااااان.. حارب:.............................. سارة: أنت ولا شي.. تعرف.. أنت مجرد حثااااااااالة لا غيييييييير حارب:............................. كانت سارة بكل كلمة تقولها تبرد فيها غليلها في نفس الوقت سكوت حارب كان يذبحها سارة: هد ايدي .. أقولك هدها.. كانت سارة تتألم.. وحارب لا حياة لمن تنادي سارة:.. يالـــــ.... صرخ حارب: لحــــــــــــــــــــــــــــظـــــــــــــــــــ ـة... سارة: نعم.. شو بتسوي الحينة بعد؟ بطقني؟ عادي.. ما يهمني؟ حارب: تبين تعرفين شو اللي بسويه؟ سكتت سارة .. جنها تقوله شو؟ جرب منها حارب .. وتخيـــــــــــــــــــــــــــــــــــــــــــلوا شو سوا.. باسها على خدها... من أشوفج يجف القلم.. ويعيا انه يكتب اسمك على اوراقي.. نعم أحبج واعشقج.. وبكل أيامي اتمنى قربج.. تغمض عيونج واسهر انا لجل حبج.. اسهر افكر ياترى بكون جنبج ولا راح اعيش بعيد عنج.. لا لا .. مب قادر على البعد يا حبي اسمحي لي.. راح امنعج راح اسحبج جنبي للأبد.. صدقيني ما أجمال.. صدقيني ما أبالغ... هذا الصدق.. هذا الشعور الي لي ممتلك.. هالعيون الي اسرني غلاها.. هالصوت الي شوقني أذوق شذاها.. كلامي مختلط.. شعوري مرتبك.. ما يدري كيف يسطر على الورق.. كيف يحكي حكايه عاشق صار في بحر الهوى غرقان.. وتايه وولهان.. حارب: هذا اللي كنت بسويه.. ارتحتي الحينة.. تذكرين يوم صفعتيني وقلت لج مردودة.. كل شي بوقته حلو.. أعتقد أن هذا أنسب وقت عسب تهدين ههههههههههههههههههههههههههههه تخيلوا موقف سارة.. قافطة مستحية معصبة مقهورة كانت خليط من الأحاسيس هب عارفة تفسرها حارب كان يطالعها ويبتسم يحس أنه قدر ينتصر عليها بس سارة ما سكتت عنه... نشعت ايدها بقو ودزته.. جنها مشمأزه منه سارة: يالنذل حارب يطالعها وهو مجتف ايده سارة: اطلع برع شوي وتتغير ملامح حارب وتصير جديه اصطلب في وقفته وجابل سارة عدل حارب: هني وحدج.. من اليوم وساير.. هذي بتكون حجرتنا.. تعرفين شو يعني؟ والا أفهمج؟ سارة بهتت.. ما عرفت بشو ترد؟ هذا اللي كانت خايفة منه طول هالمدة وحارب كان راضي باللي تسويه بس الحينه حارب تغير.. تغير..تغير سارة وهي متلخبطة: مستحييييل مستحيل أرقد وياك في نفس الحجرة حارب: لا يا قلبي.. ما في شي اسمه مستحيل. .. باجر تتعودين جرب منها حارب بس سارة كل شوي تبتعد عنه.. بس حارب كان أسرع وقدر أنه يزخها سارة وهي تصارخ مثل المينونه: هدني.. هدني يالمجرم.. هدني حارب وهو يبتسم: مجرم مرة وحدة؟ محاولات سارة في أنها تفلت من حارب باءت بالفشل.. وخاصة أنها تعبانة من العرس فما حست بعمرها ألا وهي مستسلمة.. حارب: جذي انتي شاطرة سارة وعيونها ممتزرات دموع: هدني.. حارب: ما بهدج سارة: شفيك؟ مينون حارب: مينون عاقل.. اللي تبينه سارة: شو تبا مني؟ حارب: انتي شو تبين؟ سارة: أنا؟ أنا ما ابييييييييييك خير شر حارب: بس أنا ابيج سارة: انت تبي تعذبني وبس حارب: يمكن.. قعدت سارة تحاول أنها تبعد عنه.. وبعد ما تأكد حارب أنه قفل الحجرة هدها.. وطبعا سارة تتحرى أن الباب مفتوح عسب جذه ربعت صوبه.. وبعد ما اكتشفت أنه مقفول تيبست في مكانها.. وقعدت تصيح بصمت ودموعها شلال على خدها.. بعد فترة.. تفاجأت سبب هالهدوء حارب وينه؟ أقصد هالحيوان وينه؟ وين ذلف؟ وقفت على حيلها وقامت تمشي على أصابع ريلها.. دخلت الحجرة شوي شوي وانصدمت من اللي شافته كان حارب راقد ع الأرض ياحليله كان يعرف أن سارة مستحيل ترقد وياه ع السرير عسب جذه رقد ع الأرض وطبعا سارة من زود ما كانت تعبانه وبعد هذي المعركة الحامية ويا حارب ما قدرت أنها تقاوم السرير.. على طول ربعت صوبه وتغطت عدل بالكامل كلها ثواني.. ألا سارة غاطة في سابع نومه.. ........................................... في اليوم الثاني فتحت عيونها شوي شوي وبعد ما اعتدلت في يلستها انصعقت من اللي شافته سارة وهي تصارخ: أنت شو تسوي هني؟ حارب وهو يفج عيونه بتثاقل.. أول ما سمع صراخ سارة اخترع ياحليله حارب: شفيج؟ سارة: البارحة كنت تحت.. شو اللي يابك فوق حارب: أصصصصص ترى أنا أكره شي عندي واحد يصارخ وأنا توني ناش وكمل رقاده قعدت سارة مبهته هب عارفة شي ترى البارحة أول ما رقدت سارة.. حارب كان واعي وبعد ما تأكد أنها غطت قام ورقد حذالها خخخخخخخخخخخخخخ وقفت سارة .. مع أنها كانت ناوية تكمل رقادها والساعة للحينة 7 الصبح بس بعد ما شافت حارب راقد حذالها طاااااااار رقادها ياحليلها.. ........................................ تحت في الصالة الخالة ظبية: سارة.. سارة.. سارة اللي كانت منسدحة فوق القنفة .. أونها كانت قاعدة تطالع التلفزيون وما حست بعمرها ألا وهي منسدحة ظبية: يما سارة شفيج راقدة هني؟ سارة وهي تعتدل في يلستها: لا خالوه.. أنا توني ناشة ظبية: أحسج للحينة ما شبعتي رقاد.. قومي ارتاحي في غرفتج سارة وهي تقول في خاطرها.. وين أرقد والعلة منسدح فوق السرير بكبره سارة: لا ما علي خالوه.. خلاص الحين بسير المطبخ وبسوي لي قهوة عسب أصحصح .............................................. الساعة 8,9 .. بوزايد في الدوام.. طول الوقت ماسك التليفون ودق سوالف ويا حصة أحمد: حصه.. تسمحين لي اقولج كلمه.. ؟؟ حصه: قول.. أحمد: والله أحبج.. حصة: ما اسمع؟؟ أحمد وهو يبتسم: تستهبلين.. .. أ.. ح.. بج.. حصه: شو؟؟ ما اسمع؟؟ أحمد وهو يعلي صوته: أحبــــــج.. حصه: عن يسمعك احد خف صوتك.. أحمد: خلهم يسمعون.. تراني ما قلت شي غلط.. قلت اني احبج.. حصه وهي تحاول أنها تتهرب من زود مستحيه: انزين انزين.. انا برقد احين تدري ..طول الليل زايد خبل فيه.. بسير أرقد لي كم ساعة عن ينش أحمد: حصوه.. صدقيني أطنش الشغل واييييج الحينة.. حصة: هههههه... فديتك خلك مكانك وخلني مكاني.. عشان نشتاق لبعض؟؟ أحمد: شو قلتي.. فديتك.. آآآآه.. كم بعيش.. لا لا .. بس ماروم اتحمل.. حصه: عيل بند.. أحمد: فديتج والله.. تغطي عدل.. ماباج تبردين.. تراني اغار عليج من نسمه الهوا.. حصه وخدودها غاديات جمر: ان شاء الله أحمد: حصه حصه: عيونها؟؟ أحمد: احبج.. حصه: هههههه... مع السلامه.. أحمد: انزين يالبخيله .. يالزطيه.. قوليها لي..؟ حصه: ههههه.. انا زطية؟.. عناد ما بقولها.. أحمد: لا افا... انا الزطي انا كل شي.. دخيل الي يابوج قوليها.. حصه: احبك.. أحمد: لا انا اليوم ما بشتغل.. الحينه أشرد من الشغل وايج حصه: هههههه.. يلا مع السلامه أحمد: طاعوا هاي.. تبا اتبند.. بس ما علي.. أراويج بعدين..يلا مع السلامه فديتج.. تصبحين على خير.. حصه: ههههههههه ...مع السلامة وتموا ساكتين شوي.. كل واحد يتريا الثاني يصك الخط.. حصه: وبعدين يعني.. شكلي ما برقد اليوم.. أحمد: ماودي ابند.. حصه: لا بند.. أحمد: هههههههه.. مع السلامة يا قلبي حصه: مع السلامة .............................................. في نفس الوقت بايطاليا عصافير الحب كانوا من الصبح يدورون بالسوق الصيني اللي كانت فيه بضايع روعه عليا ماخلت شي ماشرته لاهل علي ولاهلها وبعد 3 ساعات من التبضع قرروا يروحون أحد المطاعم أول مادخلوا كانوا يوزعون ورد حمر للقادمين وعطوا علي وعليا ورد وكانت الأضاء ة حمرا يعني جو شاعري وقبل لا يوصل الأكل اللي طلبوه علي: عليا شرايج بيوم الحب؟ عليا تفا جأت من السؤال : صراحة أنا ما أيد الفكرة ولا أعارضها ما أيدها من ناحية ان يكون يوم واحد فقط ومحدد للكل .. وايدها من ناحية ان احنا نهدي اللي نحبه علي أبتسم لها وطلع من مخباه علبة حمرا ومعاها وردة روز بس كانت وردية شراهم من السوق علي: تفضلي.... ان شاءالله تعجبج عليا بعد مافتحتها وشافت سويرة ناعمة من الفضة مكتوب عليها My AnGLe كانت بسيطة لكن روعة عليا: واو ... علي ليش مكلف على روحك؟ علي : لا كلافه ولا شي عليا بخجل: وايد حلوة ولبستها على إيدها وقعدت تتأملها وخذت الوردة وحطتها يمها على الكرسي وطلعت من الأكياس علبه على شكل قلب هي كانت مخططه أنه اذا علي عطاها هدية راح تعطيه بهالمناسبة أوراح تخبيها لبعدين رفعت العلبة وقدمتها كانت عبارة عن ساعة جنااااااااان علي بعد مافتح الهدية تفاجأ منها : حبيبتي ليش متعبه عمرج مو مهم انتي تهديني انا اللي لازم اهديج عليا: كيف مو مهم انت مب زوجي؟ علي بألم : أنا صح زوجج.. بس.. بس ما أقدر املي عليج الدار يهال ..انتي تعرفين يا عليا شكثر أتألم لما اشوفج ماسكه ياهل والفرحه بويهج .. اوتسولفين عن حصه وولدها زايد.. عليا حست قلبها انعصر وبينت على ملامحها نظرة زعل: علي..... انا رضيت بك لأن لقيتك الزوج المناسب لي اللي أقدر أعيش معاه طول حياتي والأهم اني أحبك.. علي ابتسم لها وكأن اجابتها طيرته فرح : والله أحس اني بحلم يا عليا..... ان شاءالله عمري مااصحى منه ومسك أيدها عليا شعورها ما ينوصف الله وفقها وخلاها تتخذ القرار الصحيح علي هو الزوج المناسب ولها وهو الوحيد اللي تحس بالسعادة معاه ........................................... كـــــــــــــااات هذي بدايهـ حياة عليا و علي في شي بيخرب عليهم..؟؟ و ساره و حارب كيف بجتمعون في غرفه وحده..؟؟ وسعاد وينها مختفيه ..؟؟ شو رايكم بالبارت..؟؟ |
| الساعة الآن 06:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir