منتدى استراحات زايد - ﻤـڜـڪـلـنــي ﭼــﭔـڪ

البارت السادس

الساعة 8:30 المسا

اول ماسمعت الخبر سيدة شغلت سيارتي وطيران على المستشفى .. لان ابوي اتصل بي وقالي ان ميرة ياتها دوخة وطاحت والدكتور يقول ان فيها فقر دم حاد .. وهذا سببه كله قلة النوم والاكل من قبل عندها فقر دم .. والحين لازم بسرعة نلقى لها واحد يتبرع لها وتكون فصيلة دمه نفس فصيلت دمهاومحد من اولاد عمي وعمي وامها نفس فصيلة دمها .. وخبرني عن فصيلت دمها وانا قلت له ان فصيلت دمي نفس فصيلت دمها فقالي بسرعة تعال تبرع لبنت عمك .. وانا الحين وصلت المستشفى .. نزلت من السيارة ورحت ركييض وين ما كانت كل العايلة موجودة .. قالولي وين موجود الدكتور رحت له وسحب مني دم كيس واحد وقال يبا بعد متبرع عشان دمها وايد ناقص وتحتاي كيس واحد بعد من الدم .. قلت له خذ مني دمي ولوتبا مو تمزر كيس واحد بس ثلاثة بعد مب واحد بس اهم شي ميرة تكون بخير .. يلس الدكتور يقول مايستوي اونه لازم بس كيس واحد من شخص واحد وبتتعب وماندل شو لكني نازعته وقلت له مايخصك اسحب وخلاص .. سحب مني بعد كيس عقب قالي ارتاح لاتتحرك .. وراح الدكتور يحط الدم لمييرة اما انا ما استحملت اني اييلس جي .. قمت ورحت وين حجرة ميرة وشفتهم كلهم واقفين برع عند الباب والدكتور داخل عندها يحط لها الدم .. ابوية اول ما شافني قعدني وقالي ارتاح .. بس انا ما بيريحني غير شوفه مـــيرة بصحة وسلامة .. كان فيني فضول ليش سوت بعمرها جي .. زقرت حمدة وسلامة .. قلت لهم يخبرووني بالاول ماطاعو يقولولي .. عقب خبرووني كل شي .. الحين فهمت كل شي .. كله مني .. انا لو ماقلت جي ولا سويت جي كان هي الحين بخير وسهاله .. بس كله مني انا .. قعدت وانا متلوم وحاس بالذنب من اللي سويته .. صدق كرهت عمري .. بعد دقاق ظهر الدكتور ( وهو مصري )

عمي ذياب : هااا بشر دكتوور ؟

الدكتور : البت بخير بس لازم ترتاح شوية باين انها اتعبت نفسها كتيير .. تقدروا تشوفها .. بس بدون صوت .. البت لازم ترتاح شوية .. لين ما تقوم هيا بنفسها

عمي : ان شاء الله دكتور .. بس متى بتظهر بنتي من المستشفى

الدكتور : واللهي لازم هيا تقوم بلول .. بعد كدا نعملها فحوصات نطمن عليها ومن بعدها راح انحدد موعد خروجها

عمي : مشكور يا دكتور

وراح الدكتور .. عقب كلهم دخلوا الا انا .. احساسي بالذنب منعني من اني اروح لها .. الصراحة انا متلوم من عمي وحرمته .. وما اقدر اشوف ميرة .. قمت وظهرت من المستشفى .. وخصوصا اني اطمنت عليها خلاص .. ركبت سيارتي وانا احس بعمري هلكان وابا ارقد .. رحت الببحرر المكان اللي احب اروح له .. وحطيت تلفوني سايلنت ونمت فالسيارة وما حسييت بعمري ابد

الساعة 11:40 الصبح

نشيت من مكاني مستغرب المكان الليانا فيه .. عقب اتذكرت كل شي .. شيكت على فوووني .. شفت 46 اتصال .. واربع مسجات .. 20 اتصال من امي و10 اتصال من ابوي وثمان اتصالات من حمدة وثمان اتصالات من سعيد .. ومسجيين من حمدة ومسجين من سعيد

فتحت المسج الاول اللي مطرشنه سعيد وكان امس الساعة 9:50 المسا:

ويــنك يالهرم ؟! .. مختفي .. مب فالبيت ولا فالمستشفى شو هو ؟.. اكيد الجوااب علي هههههه .. بسرعة رد البيت او المستشفى الكل يحاتيك

هني انا نقعت من الضحك مب عشان اللي قاله ضحكني لا لانه متفيج ينكت نكت بايخة وهم يدورون علي

عقب فتحت المسج الثاني اللي منه وكان اليوم الساعة 10:00 الصبح :

ايــه انت ويين لايكوون مـــعرس وانا ما ادري .. هااا كشفتك .. المهم ودرحرمتك وتعال امك تحاتيك ومب راقدة تتريااك فالبيت تقول اكييد تعبان

هني ضحكت ضحكت سخرية .. معرس .. منو باخذ مثلا غير ميرة .. مافي وحدة بتترس عيني غيرها

فتحت المسج الاول اللي حمدة مطرشتنه لي امس الساعة 10:00 المسا :

ويــنك علاوي ؟! .. اعرف انــك متــلوم .. ياريت اني ما قلت لك .. انزين انت ويــنك الكل يسأل عــنك .. اذا شفت المسج طمني عليك بلييز

فتحت المسج الثاني الي منها اليوم الساعة 11:00 الصبح :

علاوي ترا مــيرة نشت وهي بخير وصحة وعافية ووباجر بيظهرونها .. وانت ويــنك الكل يدور عليك .. دخيلك رد علي لاتخوفني عليك .. ترا ميرة عرفت اني قلت لك وانك انت الي تبرع لها وانــك مختفي ويالسة تحاتيك وكل ساعة تتخبرني عنك .. اذا تخاف على صحة مــيرة رد علي او رد البيت

من قريت اسم ميرة ماعرف شو صار فيني .. مــيرة تحاتيني .. يعني مب زعلانة مني .. آآآآه منج يا ميرة .. خشعتيني تخشيع .. حركت السيارة ورحت البيت عند امية .. وحصلت هزبة من ابوية لانه هو وامية مار رقدوا يحاتوني .. عقب رحت اسبحت بماي دافي .. عقب لبست كندورة بيضة وسفرة بيضة وادخنت واتعطرت .. وشفت الساعة وكانت الساعة 12:20 .. سمعت صوت الاذان .. رحت نزلت تحت وشفت ابوية يدخن وعقب رحنا نصلي فالمسيد نلحق على الخطبة وصلاة الييمعة .. الساعة 1:30 اتغدينا انا وامي وابوي وفصول وحمدوه عند ميرة .. عقب قلنا بنروح عند مــيرة وانا كنت متردد ارووح ولا لا .. عقب اتذكرت شو كانت كاتبة لي حمدة انها تحاتيني .. فقررت اني اروح .. بعد ساعة ظهرنا من البيت ورحنا المستشفى دقايق وصلنا .. دخلنا المستشفى وسرنا الغرفة اللي محطين فيها ميرة .. اول شي ابوي دخل عقب امي وفصول عقب انا

انا وامية وابوية : السلام عليكم

حمده وميرة وسلامةوحرمت عمي (ام مــيرة ) وعمي: وعليكم السلام ورحمه الله وبركاته

امية وابوية سلمو على عمي وحرمته وسلامة و ميرة وهي قعدت فصول على ريولها

ابوية : شحالج مــيرة الحين ؟

مــيرة : الحمدلله عمي .. شحالك انته ؟

ابوية : الحمدلله

انا ببتسامة : علومج مــيرة ؟

ردت لي مــيرة الابتسامة بأحلى منها وانا ذبــــت : يسرك الحال ومن صوبك ؟

انا : حالي من حال الغناه

مـــيرة كالعادة احمرت اخدودها .. وانا نقعت من الضحك عليهااا .. وابوية وعمي نفس الشي يلسوا يضحكوون .. عقب يلسنا نسولف وانا فخاطري اكلمها بروحها .. وطرشت لحمدوه عشان اتساعدني قالت لي اصبر شوي .. اترييت لين ما اذن العصر كلنا رحنا انصلي ورديت انا بروحي لان عمي وابوي شافو لهم واحد ربيعهم من زمان ما شافوه وراحوا وياه .. ولما دخلت ما شفت حرمت عمي واميه

انا : عيل وين امية وحرمت عمي

حمدة :حرمت عمي راحت البيت تييب لمــيرةملابس وامية راحت تييب لي انا وسلامة ملابس لان احنا اليوم بنام عند مــيرة

انا: انزين اقول سلامي و حمدوش ظهرو برع شوي ابا اكلم مــيرة

سلامة : نعم نعم نعم تكلمها بروحكم .. يلا يلا مناك

انا : اقول حمدوه شلي سلامة وذلفوا برع بالطيب لا يصير لكم شي ما يسركم

حمدة : قومي سلامي قومي مافينا عليه

سلامة : شوف 5 دقايق بس وبدخل عليكم .. سمعت

انا : هيه هيه سمعت ظهري يلا

مــيرة بتوتر: ويين رايحيين

انا : بيظهروون برع يلا براااع

ظهروا هم اما انا اتقربت من مــيرة وعرفت انها متوترة وخايفة مني ماعرف ليش المهم قعدت على الكرسي اللي حذال سريرها وانا اقول : شحالج الحين ميراري حياتي ؟

ميرة وهي خايفةومتوترة ومستحية بنفس الوقت : ال حم د لل لله

انا ابتسمت لها : شبلاج خايفة مني ؟

ميرة : هــ..ــأ ل لااا مب خايفة

انا بجدية : مـــيرة زعلانة مني

ميرة : لااااء اممم ليش ؟ .. انت سويت شي يزعلني

انا : مــيرة ترى خبرووني انتي ليش سويتي بعمرج جي .. فمايحتاي اللف والدوران

ميرة : انزين انا ذيج الساعة كنت متضايجة وماكنت مشتهية الاكل من جي استوى فيني جي

انا : مــيرة لو قلنا نبا نعرف سبب ضيجتج اللي خلتج اتسوين بعمرج جي فهو كلامي وتصرفاتي ذاك اليوم

ميرة بجدية : عـــلي انا مب زعــلانة لا منك ولا من الكلام اللي قلته .. لاني بختصار مايخصني فحياتك وشريكة حياتك .. انت حر تختار اللي تبي .. مب ازعل واغصبك تاخذني .. انا مب من هـ النــوع من البـنــات .. وحتى مب انــك ولد عــمي يعــني غصب تاخذني .. هـ الشــي ما يعيبني وحتى انت لو كنت مكاني ماراح يعيبك الحال

انا : مــيرة والله اني متلوم فيج .. ذيــج الـســاعة والــكلام اللي قلته كـــنت بحالة غضب لانج عصبتي عـليه وانا كنت فرحان كنت بقول لج اني بخطبج

ميرة : خلاص ماعليه انســى السالفة وروح ازقر سلاامي وحمدوش قبل لا حد من اخواني يدخل ويشوفنا جي

انا : انا بعرف انتي ليش اتخافين من اخوانج امسويين لج رعب .. وانا ما بروح بيلس ارمس وياج خلهم يولوون .. انتي حرمتي مايخصهم هم

ميرة استحت ونزلت راسها من المستحى

عند حمدوش وسلامي .. حمدوش راحت تشتري لها ولسلامي ماي .. اما سلامي راحت تتمشى فالمستفى وهي ماسكة البيبي فإيدها ومب منتبها جدامها .. وشوي والا تدعم واحد

سلامة وهي منزلة راسها :اوووبس سوووري بدون قصد

....: لا عادي كل يوم تعالي ههه

سلامة وكأنها تعرف هالحس رفعت راسها كان تشوف ســيــف ولـد عمها : ســيـفوه ؟!!

سيف : عيون سيفوه قلببه وروحه فدوى لج

سلامة انحرجت واحمرت اخدودها : يالطففس شو هالكلام

سيف ابتسم : شبلاه كلامي ؟

سلامة عطته ظهرها وراحت عنه

وهو لحقها وسحبها من ايدها عشان اتجابله

سييف بعصبية : انا مب اصغر عيالج لما اكلمج تعطيني ظهرج وتمشين

سلامة ببرود قهر سسيف : انزيين سيف خلاص سسوري شبلاك محرج خلك ريلاكس

سيف بقهر : لاوالله .. كأنج ما سويتي شي .. يعني تتحسبين حركتج عادية .. اللي اكبر منج يكلمج وانتي تعطينه ظهرج وتمشين عندج عادية .. اذا تتحسبين انها عادية فبقولج با آنسسة سلامة حركتج بقمة قلة الادب

سلامة حرجت : ما اسمح لك تقول عني قليلة ادب انزيين .. الحمدلله انا مرباية عدل مب اتي انت وتقولي اني انا مب مرباية .. اذا شاك فتربيتي هذا شي ثاني .. الحمدلله امي وابوي عرفوا كييف يربوني عدل .. ولو سمحت ثمن رمستك قبل لا تقولها لا اخليك تندم واخبر عليك امية انك شاك فتربيتها ( واطالعته بنظرة كلها سممم .. وراحت عنه عند ميرة ودخلت وهي محرجة وبعد دقايق دخل سيف وهو مسوي طاأأف لسلامة وراح سلم على علي وميرة ويلس يسولف معاهم )

بعد يوميين كان بو خالد ( ذيااب ) مسوي عزيمة اهلية بمناسبة سلامة مــيرة وحمال اسـما حرمت خـالد .. وكانت شهد وامها من ظمن المعزوميين .. وكانوا كلهم الرياييل والحريم والبنات والشباب قاعديين مع بعض

اترقبوا اللي بيصير بين مــيرة وشهد

وسيف و سلامة

وميرة و علي
وام شهد و ام علي