منتدى استراحات زايد - يـآ قآبـض ٱلخَط ۆ {مرَوّح} يحفَظڳ ربيـَۓ ۆيصۆنـڳ . .`بَطلبڳ بَس لآ {تسـرع لآ ترۆع قَلب ، مَضنۆنڳ .. ڕوآيـ؍ امآڕآټيـ؍ مڼ ټأليفـي

الجزء الخامس بارت -1-

عواش : خلووود شفييك انته قلتلك مابا انا احب رشوود انته ليش جي .. !
خالد : انتي ما تفهمين ولا شو يووم اقوللج شي اسمعي الكلام !
عواش : انزين قولي ليش شفيه رشوود ؟!
خالد : ....
دشت البشاكرة : the dinner is ready
خالد : oky we will come
البشكارة ظهرت .. عواش : يلا قوللي
خالد : عقب عقب ..
عواش باستغراب : اوكي !
سارو عالعشى كلهم يالسين ..
و رشود ما حط ولا لقمة وحده و طوول الوقت يطالع عواش و هي تطالعه ..
رشوود فباله (( فدييت هالويه و الله الله لا يحرمني منج و الله بس خله ترد الوالد بخطبج و الله ))
عواش (( افف يا ربي ليش انزين ليش ياخي احبك خلوود شفييه بعد !! ))
عبود انتبه : اييه رشوود ليش ما تاكل ؟
رشوود نش : مب يوعان و ظهر في الحوي ..
عواش : الحمدلله ..
ام عبدالله : وين ؟
عواش : شبعت يا امي ..
ام عبدالله : بس ما كلتي شي .ز
عواش : لا الحمدلله ..
و ظهرت سارت صوب رشوود تمشي ويااه .. : مم فييك شي ؟
رشوود : لاا ..
عواش : متأكد ؟
رشوود : هيه ليش يعني ؟؟
عواش : مادري جيه حسيت ..
رشود لا تخافين ما فيني شي ..
عواش وقفت : انزين ليش ما كلته ؟
رشوود جرب منها و باسها ع يبهتها : واللي يشوفج يقدر ياكل شي ..
عوااش : ليش وحش انا هههههههه
رشوود : هههههههه الحين انا اسوي جوو رومانسي و انتي تخربينه ..
عواش استحت : انزين ..
رشود : جنه برد هني .. سيري داخل ..
عواش : و انته ؟
رشوود : بلحقج عقب ..
عوااش : اوكي و سارت داخل تمت يالسة وياهم ..
اما رشوود خالد ظهر له و تمو يسولفون ..
خالد فجأة : ابتعد عن اختي ..
رشوود : عن شوه ترمس انته ؟
خالد : انته تدري .. اختي برع السالفة دخيلك لا تدخلها ..
رشوود : و منو قالك انها بالسالفة ؟!
خالد : رشوود لا تستهبل ..
رشوود : انا ما استهبل ، دخيلك خالد لا تدخل في حياتي الشخصية ..
خالد ما رد عليه و دش داخل عقب خمس دقايق رشوود دش ..
و تممو يسولفون و جيه لين آخر شي كل واحد سار يرقد ..
اليوم الثاني بعد العصر ..
الكل كان يالس يسولف و مرة وحده رن تيلفون عواش ..
جان رشود يطالعها انه منو ..
عواش متعمده : اووه هاي حمدوو برد عليهاا ..
عواش بصوت واطي : الو ..
حمده : يالحيوانة يالكلبة انتي ويييينج ليييش ما داومتي ..
عواش : اقوولج صوتج ظاهر من الفون تريي بشرح لج كل شي ..
حمده : انزين حد عندج ؟
عواش : هيه
حمده : منو
عواش : هههه الكل ..
حمده : منو يعني ؟
عواش : انا في راك ..
حمده : اونه متى سرتو ؟!
عواش : البارحة امي قالت و بعد الغدا ظهرنا ..
حمده : ايواا عند قووم منصوور ..
عواش : هييه افف
حمده : هههههه حلييله ..
عواش : قطيييييييعة ..
ام عبدالله : عواش !
عواش بصوت واطي : سوري
و ردت حق حمدوو : ها شو سويتو اليوم ..
حمده : ماشي والله كان ملل ..
عوااش : ايوا طبعن طبعن دامني محد ..
حمده : لا تصدقين عمرج ..
عواش : افاااا ..
حمده : هههههه اتمصخر ..
عواش : هيه اتحرة بعد ..
حمده : تدرين اني مارووم اعيش بدوونج ..
عواش : هييه ادري حتى انا ..
حمده : انزين ..
عواش : ممم انا ببند الحين و بردلج عقب ..
حمده : اوكي غناتي تيك كير و شوي شوي ع منصور ..
عواش : قصدج الثاني ..
حمده : منو
عواش : لا تستهبلين هههه
حمده : هيييييييه رشووود هههههههههه
عواش : حمدوووو !
حمده : اوكي اوكي خلااااص
عواش : هههه يلا باااي
حمده : لا لا ..
عواش : شووو بعد
حمده : احبج ..
عواش : هههه باااي
حمده : انزين احبج
عواش : ياخي باي ههههه
حمده : انا اقوول ما منج فايده يلا باي باي ..
عواش :هههه باي ..
و بندت ..
خالد : شو رايكم نظهر اليوم ..
عبود : وين نسير ..
خالد : عبوود رااك الناس وين يسيرون يعني ؟
عبود : احلى مكاان
عوااش : البررر كششششخخخخة بيي ويااكم ..
رشوود : انا بعد ..
خالد : خلاص كلنا بنسير ..
بو عبدالله : نحن ما بنيي سيرو بروحكم ..
بو منصور : هيه خلكم انتو ويا بعض ..
عبود : اوكي ..
خالد : يلا عيل سيرو بدلو ..
سارة و عواش سارو يبدلون كل وحده لبست جينز و تيشيرت و عباه مفتوحة ..
و الشبااب بعد لبسو جينز و قمصان .. محمد و راشد و خالد و عبدالله و منصور ..
نزلو تحت ..
بو منصور : ماشاءلله على بناتي جمال رباااني ..
بو عبدالله هييه ماشاءلله .. عبدالله ديير بالك عليهم ..
عبود : من عيووني ..
بو منصوور : و انتو بعد لا تسيرون مني مناك ..
سارة : ابويه ممم عادي انسوق دراجات ..
بو منصوور هيه عادي بس تتمون جرييب منهم ..
عواش : اوكييييه ..
ساره : ههههه
خالد : هاييل اكييد مخططين حق شي ..
سارة + عواش : ويا بعض لاااا هههههههههههه
عقب سلمو عالاهل و كلهم سارو البر و تمو يلعبون بالدراجات و كان حوهم عجييب ..
و بعد فترة تمو يالسين عالحصير و يسولفون و يلعبون ورقة ..
خالد : عواش تعالي برمسج شوي ..
عواش : اوكي
راشد حس بالسالفة بس ما حب يرز ويهه ..
خالد : عواش اسمعي كل كلمة بقووللها ..
عواش : اسمعك ..
خالد : نحن يوم كنا في امريكا تراهننا انه اذا رشوود حصل قلب وحده بس من الامارات نحن الربع كلنا بناخذ له موتر هدية كنا نسولف و تمينا نتحدى بعض ، فعشان جيه ما اباج تحبين رشود ..
عواش : يعني رشود يقص علي ؟
خالد : ماعرف بس اكييد لأنه نحن متراهنيين و رشوود مسونها من قبل ..
عواش و الدموع في عينها : ما اصدق ..
ركضت صوبهم و هي تصيح جان يوقف رشود .. : قولي انه جذب دخييلك رشوود قولي انك تحبني ..
الكل و من ضمنهم منصور يالسين و مبطلين عينهم و مب مصدقين اللي يسمعونه
و رشوود بارتباك : عواش احبج انا !
عواش : عيل شو سالفة الرهان هاا قوللي الحين انا صرت لعبة عشاان مووتر ..
رشوود : عواش لا تصيحين انا ما قلت هالكلام انتي اسـ ..
عواش قاطعته : لا تقوول خلااص كل شي وااضح و انا ما عاد قلبي يتحمل زياده ..