|
. . . مهاري تحظن سعيد : حيااااااااااتي انته .... سعيد ببرود : زين قطعييتنا .... " يرمس ذياب " ماتحظنها انته ؟ ذياب يضحك : ههههههه لا ابدن ماخليها تقرب صوبي ... سعيد : امبين ماطايعه تفج .... بس جتلتيني .... مهاري تخوز عنه : مالت عليك وااااحشني .... سعيد : ماتشوفين وحش .... شحالج .... ؟ مهاري : بخير والله .. سعيد : زين وفرتي علينا بدال ما اييب حصوه ييتي لعندها من متى حاشرتني تبا تجوفج ... مهاري: ياااااالله انته بعدك شيبه .. سعيد : اف الله لا يراويج واخس عن ما تتوقعين ... حصو تدش توها يايه من المدرسه : السلام عليـ " وماكملت يلست تصااارخ " مهووووووووووووووور .. مهاري تسير لها صوب الباب ويتحااظنون ويدووورون ومستاانسين حتى طااحت شيله حصو ماحست بها بس نزل ذياب راسه وهو مبتسم .... حصوه : والله وحلويييييتي متى بعرس متتتتتتى ..... مهاري تضحك : هههههههه ياينج الدرب ان شاء الله خلصي دراسه قبل ... شو اخبارج وشو مسويه .. ام الود مبتسمه : تعالو ع الصفره انزين ....... " يا أمي يا غلا الدنيا ..... واصدق عاطفهـ بالكون ..... وادفا حظن يحظني ..... واكبر قلب يحويني .... انا بج دنيتي جنه .... وبسماتج مطر ومزون ... وضحكاتج ربيع اخضر زهوره انفتحت فيني ..... " . . . . حمدان يبتسم : باجر بصومون هااه ... دنوه : شرايك انته ؟؟ حمدان : مادري عنج ... دنوه : شوه مش مسلمين !! بنصوم ان شا ء الله ... حمدان يبتسم : امايا " ويطالع هنوف " يستوي الواحد يخطب فرمضان ؟؟ هنوف غصت ... الود : سلمتي الغاليه ..... شهد : شوي شوي هنوف لا تستعيلين ..... هنوف : ماستعيلت والله ...... كح كح كح " وتكح من الخاطر " حمدان يزعج ع دنوه : عطييييييها ماي انزين .... دنوه تصارخ ع الشغاله : هاااااتي ماااااي بسرعه حمدان يصرخ : وانتي بتترينها لين تيب الماي ....... ويربع صوب المطبخ ..... ام ذياب ودنوه يطالعون بعض مستغربين !!!!!!!!!! هاااا حمدااااان ييب ماي حق حد لااااااا وبنت بعد ... ابتسمت ام ذياب ....... ويابلها الماي بسرعه وحطااه جداامها ...... شربته وارتااحت ..... هنوف ووييهها محمر من الخاطر : الحمدلله ... تسلم حمدان .... حمدان : ارتحتي الحين ؟ هنوف وهيه قافطه لانه امبين اهتمامه : هيه الحمدلله .... حمدان : متاكده ما تبيني اوديج المستشفى .... الود : مستشفى شحقه الا غصت .. حمدان : ردي ارمسج .... هنوف منزله راسها : لا مايحتاي .... نعمه دايمه ..... وقامت .... ابتسمت ام ذياب وتمت تطالع ولدها وتدعيله في خاطرها.... حمدان يطالع الساعه : يالله انا بروح الدواام اخاف اتاخر .... دنوه : مااااا وحالك ! حمدان : سكتي انتي .... " يبوس راس امه " يالله مع السلامه .... ام ذياب : الله يحفظك يااربي وييسر لك امرك وان شا ءالله افرح فيك قريب.... حمدان وهو مبتسم جنه عرف انه امه تدري بلي فخاطره : امين امين ... يالله استودعكم الله .... . . . يامالك قلبي وعقلي وفكري ..... يالغالي يلي في وسط روحي تسكن ..... حيرتني مابين ادري ومدري ...... كل ماسالتك قلتلي مادري يمكن !! .. . . . . بو الود : خير من معاي ؟؟ .. : لو تسمح اجوفك اليووم .... عندي موضوع وودي ازورك ...... بو الود : ما تقدر تقوله بالتلفون ! ... : ما ينفع .... بو الود : خلاص مرني ع المغرب .... ... : ما ينفع العصر .؟ بكون مشغول المغرب .... بو الود : خلاص بترياك العصر .... ... . . . . |
... . . . . ذياب : هاا بتمين ؟ مهاري تطالعه : بتسير انته ؟ ذياب : هيه بسير ... الساعه بتي ع الـ 5 لين متى ناويه اتم ... تبين تيلسين ويا اهلج شوي ؟ مهاري : لا بتم وياااك ... ابا اجوف خواتي بعد .... بس تيبني مره ثانيه ...... ذياب ياشر ع عيونه الهنتين ..... ابتسمت له ..... ويت امها يايبه الكيك .... ام الود : وهاي الكيكه زااهبه .... ذياب يهمس : بناكلها عقب بنسير .... مهاري ضحكت : هههههههه ...... ام الود : شبلاج بنتي ؟؟ مهاري: ماشي امايا ذياب فخاطره الكيكه ......... ذياب تلوم ... قصت له ام الود شووي وحطته صوبه ... مهاري : انا ماحب الكيك اامايا لاتحطيلي ... ام الود : من ايد امج ذووقي ما تتفوت .... ذياب ياكل : والله تسلم ايدج الصراحه ... الغدا وهالكيك الحين يخليني ما اكل اسبوع .. ام الود : هههههههه بالعافيه عليك .... . . . بو الود : جاااان ما رديتو بعد ؟؟ الود : قلنا لك ترا ابويه حلفو علينا الا نتغدا ونقييل شوي .. بو الود : زين روحن زهبن الميلس ريال يايني ... هنوف : ان شا ءالله ابويه .... بو الود : انتيي اييه .... ارمسج ردي ... الود تهمس : شهد يرمسج... شهد : هلا ابويه .... بو الود : ليش ماتردين يوم ازقرررررج .. اوه عميا ماتدرين جان ارمسج ولا ... اسمعيني .. ليكون رمستي هالحيوااان اهناك .؟ شهد عاقده حياتها : أي حيوان ... اسمه احمد ماله داعي تسبه ... بو الود يتقرب منها بيضربها بس تقبضه هنوف بقوه ... هنوف : مارمسته والله مارمسته ... بو الود فاتح عينه ع وسعهن: تمسكين ايد ابوج !!!!!!! هنوف تخوز ايدها : اسفه ابويه ... بس ماله داعي تمد ايدك عليها .... وتقبض شهد وتسحبها وتوديها فوق ... بو الود : حسبي الله عليكن من بنات جان ماعرفت اربيكن .... الشغاله : بابا في نفر بررع ... بو الود: خليه بدش الميلس .... وقولي حق الود تظهر منه .... الشغاله : جيين ... وتربع صوب الود تقولها الي قاله ابوها تمت توايق تبا تعرف منو بس ماعرفت وظهرت من الميلس بسرعه .. سارت المطبخ تسوي شي خفيف يااكله ... دزت الشاي والقهوه قبل ... وعقب دزت الفواله ...... . . نوره : بعدين بقولج ... شهد : لا قولي الحين خوفتيني عليج شفيج ؟؟ نوره : مضااايجه وايد ... امس طول الوقت يسبني ويسب اهلي .. يحسسني اني مول طايحه من عينه .. شهد : تعرفييينه ابويه انتي .. نحن عياله ما يرحمنا ... نوره : بس طفربي والله ... خلاص انا قررت اطلق .... شهد : شووووووو انتي شو تقولين ؟؟؟ نوره : صدق ... " تنزل دمعتها " تخيلي مظهرني يباني اغير جو وياه ماتتصورين كيف استااانست بس الكلام الي يعقه فالسياااره وفالمطعم كرهني عيشتي ..... شهد : بس تحملي .. ع الاقل العيشه عند ابويه اهون ... اهم شي يصرف علييج والبيزاات عندج .. فكري فيها منوو عندج انتي لو تطلقتي ؟؟ نوره انتي غاليه عليه .. ما بالج المذله عند حد ..... نوره تصيح : ...... شهد : فديت روحج والله .... جان ودج بالطلاق برايج .... سوي الشي الي يريحج ... نوره : لا صدقج وين بسير انا جان اطلقت ...... !! اتحمل شقا ابوج احسن .... شهد : الله يريحج ان شاء الله ويعوضج خيير يارب .... . . |
. . بو الود : خير ان شاء الله .... .. : امم عمي انا كان ودي فهاللحظه يوم اييك ... اييب الوالد والوالده معاي ... بس ..... بو الود : تكلم قول ... .... : انا الصراحه في خاطري ومنى عيني اتزوج بنتك .... الود ..... بو الود يقوم : نعم !! وييين تعرفها بنتي ؟؟؟ .... : ماعرفها ... اشوفها فالدوام وماشاء الله عليها حشيم .... وانا ودي تكون من نصيبي ... بو الود : انته شو اصلك ؟ ... : كويتي .... انا مشعل .... بو الود : وعثره تعثرك وتقولها بقوه عيين !!! انا ازوج بنتي واحد غير عن اصلها ... التعن اظهر برررع ... مشعل : بس عمي الريال باخلاقه وسمعته مش باصله ! بو الود : بتظهررررررر ولا شووه ..... مشعل منزل راسه : مشكور ...... بو الود : فاااااااااااارج اشوف فارج ..... يطلع مشعل مكسور الخاطر من البيت .... ومتحسف لانه ماسمع شور الود .. الحين لو رد خطبها مره ثانيه مستحيل يوافق .... افففف الله يلعن هالحاله ...... انا ليش استعيلت ليش ..... بو الود يصرخ : الود ......... الووووووووود ..... ودوه ... نوره تنزل بسرعه : بو الود شفيك ؟؟ شو صاير !! الود طالعه من المطبخ : ها ابويه امر ؟؟؟ بو الود يزخها من شعرها : من وين يبتييييه ..... من وين يبتي هالريال هاااه اعترفي بسرعه ... الود تصيح وتبي تفجج ايد ابوها ماقدرت .... ويضربها بالقو .... شاف قب جداامه ويشله ويضربها به من الخاطر ....... نزلت هنوف من فووق ..... وتطالع الموقف .... تمت منصدمه ماتعرف شوه تسوي ..... بو الود : تبين تسودين ويهي ..... يالحقيره .... الله يلعنكن من بناااات .... ما يبت بنات .... والله ما يبت بنات .. الود تصااارخ : اااااااااااااااااااااااخ بس بس جتلتني ..... هنوف تي ع اخر لحظه وتحاول تدفر ابوها بس ماتقدر .... معصب ويضرب بالقو .... لين ما وقفت صرااخ .......!! هنوف ادز ابوها : قوووووووووم .... اطيح ع الارض .... تخوز الدم عن ويهها وجسمها .... في نصخ بس خفيف .... هنوف : نشي ...... ودااااااااوي نشي .... نشي حياتي نشي ..... " تطالع نوره " شوه تتريييين اتصلي بالاسعاف اتصرفي سووووي شي ........ " تطالع ابوها " الله ياخذك ان شاء الله ... الله لا يوفقك في يوم .. الله يحرق قلبك شرااات ما تحرق قلوبنا دوم ...... " يابوي ليهـ تطعن قلوبنا ليه ؟؟ كفاايا جروح خلنا نعيش باقي ما بقالنا ؟! نحن يتام معاك وبلياك بس ليه ؟ ليه ما ترحمنا وتخلينا في حالنا !! " ربعت نوره صوب التلفون واتصلت ..... اما بو الود ظهر من البيت ... ربع ساعه ويت الاسعاف .... وبسرعه ركبو وياها وساارن .... شهد : هنوووف ....... الود ..... نووووووره ..... وينكن ؟؟؟ تحاول تنزل من الدري ...... يتها الشغاله تربع : ها ماماااه ..... شوه يبا ؟؟ شهد : وين خواتي ؟؟ الشغااله : بابا يضرب ماما الود كتير كتير ... ماما الود كلله دم ... بعديين يجي سياره ازعاف ودي مستشفى .. شهد تصرخ : شوووووه ..... شوه تقولين !!!! هاااااتي عباتي ربعي بسرعه ... تركض الشغاله فوق تيب عباتها وتنزل تلبسها .... وتطلع شهد من البيت وهيه تصيييح ... ماتعرف شوه تسوي ..... تمشي وتمشي .... تسمع صوت سيااايير .... تحس ان السياره قريبه منها ..... < شهد ... ان شاء الله تدعمني سياااااره يارب وارتاح من كل هم وكل شي ..... ... : هيه تصدق ... ويه ويه ..... اقولك تصدق بنت تمشي فالشارع وحالتها حاله ؟؟ : انزين اطاع شو بلاها ركبها وياك ههههههه .... ... : استح ع ويهك عندك اخت ... بند بند بطالعها يالله باي .... : باي .. ينزل الدريشه : اختي بغيتي شي ؟؟ شهد وهيه تصيح : هيه دخيلك اخوي ودني ........ ودني " وتشاهق ماتروم ترمس " ... : اهدي اختي وركبي بوديييج المكان الي تبينه .... تمت تتلمس السياره .. ادور أي باب تدخل منه ..... ركبت جدام وهيه منهاره صياح ... .. : انتي قوليلي وين تبين تسيرين عسبت اتلاحق عليج واريحج واوديج ؟؟؟؟ شهد : المستشفى دخيلك ..... بسرعه اسرررع اختي بتموت عني بتموووووت ... .. : لاحول ولا قوه ان شاء الله ان شاء الله ..... ويطيييييير فيها بسرعه جدا المستشفى ...... كاان يسرع باعلى سرعه .. معوره قلبه وكاسرتنه مايدري ليش ؟؟ يرتجف وحالته حاله .. يباها توقف صياح دموعها تقطعه ....... كان يمشي بسرعه ومش مفتكر غير انه يوصل بسرعه ويريحها وتجوف اختها .... خطف الاشااااااره الحمرا .... طاااااااااخ .............!!!!!!!!!!!!!!!!!!!!!!! . . . . . ::: لا حول ولا قوه شو استوا ؟؟؟ ....: واحد معاه وحده فالسيااااره حاولو اطلعووووونهم .... بسرعه قبل ماتنفجر ... ::: مانقدر قبل ما يووون الشرطه ..... == فالسياره == :: فيج شي ؟؟ " ويطالعها يخوز الغشوه عنها " بكبرها دم ما تبين ..... كاان يتالم ... ويتالم يحس روحه بتطلع .... تم يدفر البااب بقوه يبا يبطللها الباب بس مش قادر ... مسح الدم الي ع ويهها بشيلتها وقلبه شوي شوي بدا يدق من الخاطر ..... " تعال واحظني قبل سكره الموت ..... تعال انا بعطيك باقي حناني " احمد : شهد !!!!! شهد حيااااتي ...... شهد قوووووووومي ....... تم يدفر البااااب بريله يبا يكسره بس ماشي فايده .... شهد تفج عينها بتعب : احمد ! احمد يصييح : يا نور عينه .... حيااتي حاولي اتبطلين الباب حاااولي .... شهد تبتسم : احمدا انا اشوفك ... رد لي بصري ... انته اخر شي " تشهق وتتالم " اخر ما بتشوفه عيني .. احمد يرص ع شفاته : غنااااااااتيه فديت روحج اناا ..... حااااااولي تفجين الباااااب عشااني حااااولي شهد ترتجف : ماقدر ما يفيد ... خلاص ...........تذكر ...... تذكر يا احمد .... هالامنيه تمنييناها انا وانته ... تمنييينا نموت ....... " وتشهق " نموت ويا بعض .... احمد يصارخ : لا تقولين انمووووت ..... ما بنموت بعدنا .... بنعرس وبنيب عيااال وبنستاانس ... شهد تبتسم : لا حبيبي خلاص راحت علينا .......... احمد : ماااااااراحت علينا انتي بس خلي عندج امل .... بنقووووم وبتشوفين .... شهد تطالعه : احبك موووت .. " يايه بتحط ايدينها ع ويهه بس تراجعت .. تذكرت انه محرم عليها .. كان ودها تلمسه بس نزلت ايدينها وهيه تتلوى من العوار والدم يزييد فجسمها " احمد الي دموعه تنزل : انا الي احبج موت .... يحاول يدور شي يكسر فيه الدريشه بس مش قاادر ... شهد : احمد خلني اجوفك اثبت .... احمد يصرخ عليها : بتشبعييييين من شوفتي سمعتي بتشبعيييين .... شهد مبتسمه : ياااااااالله كم تمنييت هاللحظه ..... بس نكون بمكان ثاني .... " وتنزل دمعه حارقه " ... احمد يقبض ايديينها : حبيبي ... حبيبي انتي ... بس ارحمينيي بلا هالكلام .... شهد : انا ما بعيش وانته ما بتعيش ... احمد ها مصيرنا .... هاي نهايه العشق !! احمد يمسح دموعها ويصرخ : كم مره اقولج بنعيش خلااااااااص عااد خلاص ... شهد تصيح : بشتاقلك وايد .... احمد يصيح : وانا بشتاقلج اكثر ...... " جنه يأس وعرف ان خلاص ماشي امل " شهد تطالع فوق وترفع صبعها : اشهد ان لا اله الا الله .... واشهد ان محمد رسول الله :........ احمد يدزها : نشيييي ...... لااااااااء شهد لاااا ..... ماتروحين عني ماتروحيييين .... حق امنوه تخليني انا عشيييييييقج .... انتي نصخ عيني انتي روووحي ..... نشي الله يخلييج نشي ..... شهد تسمعييييني صح ؟.؟ تسمعيني بس تسويلي مقلب ؟؟؟ شهد .... شهووووود ..... لاااااااااااااااا ... مارااااااحت عني والله ماراحت .... فداااج الرووح بس قومي .... اموت ولا اجوف هاليوم غناااتي قومي قومي دخيلج قومي ..... 5 ثوااني .... احمد وهو يتساند ع السيت المكسور : آآخ قلبي .!!!! قلبي ............ وترتفع روح شهد و احمد للباري ......................... ::: حراااام انفجرت السياره والحين الشرطه يت !!! ..... : للاسف محد عايش ..... ماتو .... ما لحقنا عليهم !! ...... . . " راحو حبايب قلوبنا راحو ...... راحو وهذا العشق انتهى .... " . . |
. . الدكتور : اصابات عنييفه ... بس الحمدلله هي اكويسه دلوآتي .... بس خلوها ترتاح هنا ... ولازم بلاغ .. نوره ترمس هنوف : وييه شوفي شوفي شكله حادث مستوي..... هنوف تطالع : افف حليله شكله محترق !!! نوره : لاحول ولا قوه الله يعين اهله .... هنوف : حرااام اطاعي وحده بعد ....... " وماتكمل كلامها " وتربببببع صوب البنت تجوفها : شهد !!! هااااااي اختيييييي ..... اختي هااااااااي " نوره لحقيييني " يدزونها الدكاتره وتدخل غرفه العمليات ..... سارت صوب الريال تبا تكشف ملامحه !!! ماشي ماعرفته .... دقاايق ويا راشد ...... راشد : انتو شو تسوون اهني ....... هنوف تصيح : ااااخ شهد اختي فغرفه العمليات والود في حاله صعبه ... راشد عاقد حياته : واحمد مسوي حادث !! ماجفتوه ؟؟ هنوف تصيح بزياده : يعني هاااااا احمد !!!!!!! لا تقووووول لاااااااااء .......... نوره تصيح : استهدي بالله ........ راشد : يعني احمد كااان يووصل شهد !! احمد كان يكلمني بالفون وقالي شاف وحده تصارخ فالشارع اكيد هاي شهد .... هنوف تصيح : اكيد كله مناااا ... نحن ما قلنااااااااااالها انا ظاهرين ....... نوره : بس بس اذكري الله ... راشد يسير صوب الدكاااتره يبا يرمس أي حد بس الكل لاهي محد يرد عليه !! راشد تم يدعي ويدعي .... انه اخوه وبنت عمه ينشوووون !! بس للاسف طلع الدكتور وويهه ما يبشر بخير ... الدكتور : عظم الله اجركم .... الريال واصلنا متوفي بسكته قلبيه قبل لا يحترق ... والبنت متوفيه بدقايق... الله يصبركم ... هنوف تصااااااااارخ باقوى حس عندها واطيح ع الارض : لاااااااااااااااااااااااااااءءء ...... ماااااااامااااااااتت اختي ماااااااااامممماااااااااااااتتتتت ........ . . . وش حيلتي أنــآ لآآ رآحــوآ عنــي الحبـآيب في دنيتي تركوني و بــسرعه ارحلوآ عنهآ مـآآآ كنت أتوقع أبــد هآآلحدث و المصآآيب مآدري أنآ يا نآس كيف الحآدثه ومنو سببهآ أنعمت وقبل موتهآ أبصرت شوفوا العجآيب كـآآن ودهـآآ تجوفه وكـآآن شوقهـآ و أملهآ هـوو كـآن فـي الاثنين من أهـم السبـآآيب كـآآن في عمآآهآ لـه دور و في رد بصرهـآ حبهم حب صآفي بدآء وانتهى قبل المشآيب ودي أحكـي لكن مآآدري وين الكلمآت ودربهآ لكـن أدعي في النهـآيه ربي خـآلق الـعجآيب يرحمهم و بالجنه يسكنهم ويعطيهم من نعيمهآ . . . راشد يعض ع شفاته ويصد ويهه الصوب الثاني مايبا حد يجوف دموعه الي نزلت ....... : استغفر الله ... فهاللحظه تلفون الود يرن وكان عند نوره .... ردت نوره وهيه تصيح .... : الوه ؟ دنوه : انتو ويين اتصلبكم ماتردون ؟؟ الوووه ؟؟ شو هالحشره ؟؟ انتي منو ؟؟؟ نوره تصيح : هلا ندى ... انا نوره ....... انا فالمستشفى ... دنوه تصارخ : شووووووه ؟؟ شوه مستوي ؟؟؟؟؟؟ يدخلون ذياب ومهاري البيت مبتسمين ....... دنوه : شوو مستوي ارمسي ؟؟ ذياب : شبلاج انتي تصارخين ؟؟!!! دنوه : الوووووو نوره وينج ....... مهاري : نوره !!!! شو صاااااير ؟؟؟؟؟ " تربع عند دنوه وتير التلفون عنها " الووه ؟؟ نوره ؟ نوره تصيح: مهاااااااااااري شهد مااااااااتت ماااااااااتت مااااتت ...... مهاري بهدوء فظيع : شوو ؟ شو تقولين ؟ نوره : شهد مااااااتت بحااااادث مع احمد مااااااتت ....... وهنوف حالتها زفته بعد ...... مهاري يطييح منها التلفون واطيح غشيانه ..... ذياب ودنوه : مهوووووووور !!!!!!!!! دنوه : الو نوره خبريني شو مستوي ....... نوره تصيح : تعالو المستشفى الحين ماقادره ع هنوف ..... شهد مااتت ماااااتت ... دنوه قبضت روحها وسكرت التلفون .... تمت ع الغنفه تصيح وتصيح .. ذياب : مش وقتج قومي لبسي عبااااااتج بودي مهور المستشفى ...... حمدان يدخل : شو بلاكم صوتكم واصل ......................... " ويسكت " دنوه تربع صوب حمدان وتحظنه ........ حمدان : شبلاج شووووو فيج تصييحييييييين ؟؟؟ دنوه : شهد شهد " وتشاااهق " شهد مااااتت ........ حمدان منصدم .: شوووووه ؟؟؟ توهم عندنا ....... شلا ذياب مهاري وظهر فيها برررع بيركبها السياره ...... حمدان : انتي هدي الحين لا تصيحييين .. خليني افهم شو السالفه ...... . . . مهاري تصااارخ : لااااااااء اختي مااافيها شي ماااااافيها شي اقووولك ... ذياب : حبيبي اهدي اهدي .... مافيها شي بس انتي اهدي .... مهاري تضرب ع ويهها : راااحت اختي راااااااحت .... ماتهنت بحيااااتها والله ماتهنت ... ااخ يا حشااشه يووفي يا توام روووحي ليش ليش .... ليش ياااااربي ماخذت روحي وخليتها ..... ذياب يلوي عليها: خلاص مهوور خلاص حبيبي ..... مهاري : وييين ياااااااايبني ودني المستشفى ..... ذياب : نحن عند باب المستشفى بس مابتنزلين لين تهدين سمعتي ولا... لو تميتي تصارخين ما بنزلج .. مهاري تمسح دموعها : ما بصيح يلا نزلني .... رد شربها ماي ورش ع ويهها شوي ...... تم قاابضها من خصرها ومن ايديينها وهو يدعي ان يوم يدخل يكون كل شي عكس الي سمعه .. دشو الطواري .... الوضع زفت ... كل الناس يطالعون ..... اول ماجافت هنوف مهاري ربعت صوبها وحظنتها بقوووو ..... هنوف : رااااااااااااحن خوااتنا رااااااااحن ........ خلاااااص مابجالنا حد ........ مهاري ترتجف : شوه مستوي دخيلج رمسي .... هنوف تصيح بانهيار ماتسكت ....... شوي دخلو حمدان ودنوه ...... حمدان يوم جاف هنوف بهالوضع حز في خاطره ... < حمدان .. فديتج قبل ساعات مافيج شي والحين جي يستويلج ... الله يصبرج .... دنوه تلوي عليها .:: شهد وييييييين ؟؟ هنوف تصيح : مااااااااتت راااااااااحت ......... تمنت تموت ويا احمد وماااااااتت وياااااه مااااتت .... راشد طلع من المستشفى ماقادر يتحمل ........ سار البيت ع طول ...... اما مهاري تحس الدنيا ادور فيها ...... بس ميوده عمرها قد ما تقدر ..... دموعها تنهار ..... طلعو شهد بيودونها الثلاجه والصياح زااااد والصراخ ..... مهاري : شهد قووووووومي انا مهور .... انا حبيييييبتج ماتستغنيين عني ..... ليش تروحين ليش ... ذياب : غنااتيه ترحمي عليها ... مهاري : لااااااء ماااا مااااتت اختي حيه والله حييييه ... مهاري ادزها بكل قوه : قوووووووووومي .......... " تضرب النرسات " وين مودييييين اختي ويييييين ؟؟ اختي حييييييه ليش تموتووووووونها غصب ليش ....... هنوف بصوب منصدمه ودموعها تسيل .. يرت القلاده الي ع رقبتها وخذتها ... حبت راس اختها وسررعو النيرس حركتهم ومهاري تلحقهم .... مهاري : لااااااا ..... شهوووود .... ويييين ما تبين تجوفين عيااااالي ؟؟؟ قلتي لي تبين اسمي البجر ع اسمج .... وقلتلج لاااء .. الحين بسميييها والله بسميييها ... بس قوومي يالله ...... يلا عن الدلع ... تدز ذياب : ذياااااااب قولها لا تسوي فيييييني جييي ..... ذياااااب انا وهيييه تواااام بالقووو ... نرقد ويا بعض وكل شي كل شي " تشاااهق " ذياااب لا تخليهم يودووونها .... ذياب يحطها ع صدره : بس غناااتيه بس .... اذكري الله .... ترحمي عليها ... تضربه ع صدره : اختييييي حييه لا تقول ترحمي عليها .... " دخلو النرس ودخلو شهد وسكرو الباب " مهاري تضرب الباب : شهد !!! شهـــــــــــــــــــــــــــد .... " وتصااارخ " دخيلج شهد .... دخييييلج فجي الباااااااااب وتعالي احظنييييييني .... قوليلي ها مقلب منج .... انا اناااااا انا بقول حق ذياب يخليج تعيشششين عندي وبخليج ترمسين احمد ع كييييييفج وبنعرس بكم وكل شي ..... بس انتي ظهرررري ... ذياب يرص ع ايدينها :مهوور ..... غناااتيه خلاص .... دخيلج روفي بحالج ..... مهاري تصيييح وتنزل ع الارض : لاااااا يا شهود لاء .... اااااااخ ياربي ...... راااحت اختي راااااحت بعدها ف عز شباااااابها راااااحت .......... حمدان : دنوو بسج صيااح خلاص سيري وااسيهم محتااجيلج الحين ... ابتعد شوي ذياب اتصل حق سعيد .... سعيد : هلا النسيب ... ذياب : شحالك سعيد ؟ سعيد : تمام بس خربت علي رقادي مش مشكله .. ذياب يتنهد " كيف اقوله الحين " : سعيد تعال مستشفى صقر الحين .. سعيد : خير شوه مهور بتربي ... اوه ماحملت عيل شو السالفه ؟؟ ذياب : تعال وبتعرف سعيد : ذياب شو مستوي ؟؟؟؟ ذياب : شهد اختك توفت ... سعيد : ................ ذياب : اييب خالوه وتعال .... سعيد : ذياب هالسوالف مافيها مزح ..؟ ذياب : وانامامزح وياك .. يالله استعيل خواتك محتااييلك .... سعيد : يالله فمان الله ... . . . بو احمد : شبلااااااااك اتكلم ؟؟؟!!!! ام احمد : ارمس يا وليييييدي طيحت قلووووبنا ..... بلاه شكلك جيييي ارمس !!!!! راشد كان مكتفي انه يالس ع الغنقفه ويطالع جدام ...... عزوه : راااااااااااشد اتكلم ذبحتنا .......... راشد يطالعها : مات .......... ام احمد : ويييييه قلبي ...... منو الي مااااااااااات تكلم ..... راشد يطالعها بتعجب : ولدج بعد منووو ....... احمد ..... ماات ويا عشيقته في السياره .... ام احمد : شووووووووووووووووووووووو ............ !!!!َ عزوه تصااارخ : راشد شوووو تقوووووووووول ؟؟؟؟؟!!!!!!! احمد ويييييييين ارمس ... راشد يطالعها ومبتسم : والله مااات ..... عزوه تطيح ع الارض وتصييييييح :واااااااي اخوييييييييييييييييييي ....... راااااااااااااااااح اخوييييييييييييي .... بو احمد يمسك راشد من رقبته ويقومه : اخوووووووك ويييييييين ...... فاي مستشفى ..... . . . سعيد يحظن مهاري : يعني صدق ماااتت !! مهاري : رااااااااااحت اختي راااااااحت ...... آآآخ يا شهد حياااااااااتي اخ ياروحي انتي .... تنزل دموعها بحرررقه .... ام الود تدخل ودموعها سيلان ..... هنوف بانهيار : ع شووووو تصيييحييين ابا اعرف ع شوووه ؟؟؟ وين تعرفينها شهد عشان تصيييحييينها هااااه ؟؟؟ اونج عاااااد الام المثااالييييه .!!! الحين ياااييه ... ماجفناااج لا فافراحنا ولا فاحزااانا ...... وينج يوم ابويه يكفخناااا ويعذبنا .... الحيين يوم فقدتي وحده من بنااتج حسيتي اونج .... ليش تصيحييين تراج بتعرسين وبتيييبين غيرنااا ان شاء الله .... متى افتكرتي انتي ؟؟ انا اكرررررهج من قلبي .... واعق اللوم كله علييج ... لو كنتي موجووده في حياتنا ماستوى كل هاااااا .... لو تحملتي ابويه شرات كل الحريم عشااانا نحن جاان ماصار بس انتي همتج نفسج اكثر ...... اطلعيييييي بررررع ..... حصو تلوي ع هنوف : شهد مااااتت خلاص ما بجووووفها ؟؟؟؟ ما بجوووفها !!! هنوف تصيح : رااحت اختي رااااحت .... اااخ ليتني مت بدالج يا شهد .... ليش انتي الطيبه ليش .. والله ماشافت السعااااده في دنياها والله ولا ذاااقته .... ذياب : هنوف استهدي بالله ...... " يتلفت يمين ويسار " مهره وين ؟ ام الود تمسح دموعها وتتشهد : سعيد وداها برع .... نوره تصييح وهييه تتذكر شهد الي كانت دووم تيلس وياها .... الي كانت تسمعها .... اكثر وحده كانت نوره تشكيلها .... . . |
. . حمداان بطرف يالس ويطالع هنوف ...... ويترحم ع شهد .. ماشاف منها شي امبينه انها هاديه صوتها ما يظهر ...... الله يرحمها ويصبرهم ان شا ء الله ....... مهاري تشمخ ويهه بانهيار : ارتحت الحييييييين ؟؟؟؟؟؟؟ جتلت اختيييييييي ......... شهد ماااااتت مااااتت .... بو الود ساكت ويطالعها ومخلنها تضربه بكل عنف رقيق ......... مهاري تصيح : ليش جي سويت ليش ....... ليش جيه تسوي بخواااااتي ؟؟ ... انا اكثر وحده استحملت ... ضربببك ما يااثر فييييييينا كثر نفسيتنا....... الله لا يساااااااامحك .... نحن عيااااااالك ولا جفنا الخير منك مووول .... راحت شهد والود حالتها حاااااااله ....... شو سويت فينا انته شو سوييييت ... والحين ليش يااااي لييييييش ؟؟؟؟؟ ياي تتشمت ؟؟ ولا يااي تشوف نهايه المسرحييييه !!!!!!! خلااااااااصصصصصصص .. " تدزه بعيد " : ماااااافي داعي تي تدخل حياتنا مره ثانيه ...... ذياب يطلعها ويزخها : مهره عيييييب !!!!! استحي ع ويهج ...... " ويقبضها من ايدها " تمدين ايدج ع ابوج ... مهاري تصيح : هذا ابووووو ! هذا الي جتل اختييييييي هذاااااا ...... بو الود يرمس ذياب : وينها الحين ؟ ذياب : منو عمي .؟؟ بو الود : الي مااتت ! منو الي مات الحين ... سعيد : انته ماشي بقلبك رحمه !! وتقولها جيييه !ّ! عادي عندك ... ما ينلامون فيك ع الكره الي يكرهونك والله .... " تعالي مهور وياي " .... ويسحبها من ذياب ما يباها تسمع الحوار وقلب الابو الجاسي ..... منو الي مااتت !! ولا حتى الحزن امبين عليه .... مالت عليه من ابو ..... . . حمدان : دنوه نشي حرام عليج البنت محتااجه حد يواسيها .... دنوه تصيييح ومش مفتكره بشي .... حمدان يسير لها : هنوف بس الغاليه .. ترحمي ع اختج .. محتااجه لدعوااتج الحين ... مش محتااجه لهالصياح كله ارحمييها ..... هنوف بكل قوه تطالعه : انته ما يخصك .. ما يخصك فينا .... حمدان: زين ما يخصني فيج .. بس انتي تبين راحه اختج ؟؟ صح ولا لا ء ..... ادعيلها .... ادعيلها بالرحمه والمغفره ...... == ظهرو احمد == وينفس الوقت وصلو اهله .... ام احمد تصيح : ولدي حشااااااااااشه يوفي !!!! ماتهنيييت بشوفتك يالغااااااااااالي رحت عني ..... بو احمد يحاول يتماسك روحه .... بس سرعاان ما طااح ..... ام احمد تصييح : رااااشد الحق ابوووك الحق ....... حمدان يطالعهم : لاحول ولا قوووه الا بالله ...... ويسير صوب راشد يساعده يودوونه اقرب مكاان فيه دكتور .... . . حصوه تمسح دموعها : اماايا ... خلاص ما بنشوف شهد مره ثانيه ؟؟؟ هنوف تطالعها : امج وايد كاااانت مهتمه عااد ومشتطه تبا تجوفها ... ام الود : بس بس يا هنوف ارحميييني بس " وتغطي ويها بالشيله وتصيح " .. هنوف بكل حقد ودموعها تسيل : صيحي ... يمكن تحسين بغلطتج ... صيحي وروح شهد فرقبتج انتي وابويه .. صيحي ولا ظنتي بترتاحين في يوم علي سويتييه فينا ... الدكتور : الود صحت تبا تجوف حد ... حااولو تخبرونها باسلوب زين ... البنت روحها تعبانه ... == دخل سعيد وقابض مهاري == سعيد : انا بدخل برمسها ... مهاري : بدش وياك ..... هنوف تمسح دموعها : انا بعد ... نوره تمسك هنوف من ايدها : دخيلكم شوي شوي عليها ..... دخلو عليها الغرفه .. كانت متعوره واايد ... عينها متورمه ... وايدها مجبسه .... وراسها ملفووف بلف ابيض مخرس بدم .... غير ريولها !! الود مبتسمه : جيه هالصياح كله انا بخير ... سعيد مبتسم : تستاهلين السلامه .. الود تطالع مهاري وهنوف : الله يسلمكم ... اييه بلاكم انا بخييييير .... مهاري تنهار وتربع ف حظن الود ...... امهم الي بتحس بفقدان بنتها الحين ......... مهاري بصراخ : مااااتت شهد ماااااااتتت ...... الود كاانت تحظن مهاري وتمسح ع شعرها ومش مستوعبه شي .... هنوف تصييح وتسير في حظن الود الصوب الثاني ويلوون عليها .... سعيد : لحقتكم بتي المستشفى .. وركبت ويا احمد وسوو حاادث ... الود تحاول تخوزهم عن حظنها بس مش رايمه لانهم راصين عليها .. الود : عن المصخره شهد ويييين .؟؟؟؟ مهاري :مااااااتت شهد خلاااااص .... استوينا 3 الحييين .... راااااااحت الحنونه الطيبه رااااحت ... راحت العااااشقه الحزييييينه رااااحت ..... الود تصييح : شهد وييين ؟؟؟ هنوف : شهد تحت رحمت الله الحييييين ..... ااااالله يرحمج يا شهد ويغفر لج يااااارب ... الود تنزل دموعها وديااااان ع خدها : كيف ظهرت ويا احمد كييييف !!! وينكم انتووو ليش لحقتووووني ليش مااااتميتو ويااااها " تصارخ " ماتدرووون انها عميا ماتجووووووف ...... نوره وييين وانتو وين كنتوووووو ؟؟؟؟؟؟ هنوف : كنا بنيج المستشفى ... ترص مهاري ع حظن الود والود ترص عليها اكثر وتصيح بصوت عالي .... سعيد : بس يا بنات ...... بس دخيلكن لاتـقطعن قلبي ... ترحمن عليها ... حرام الي تسووونه ... . . . يعني خلآآآص رآآحوآ أكيد وقريب بيندفنون آآآه ويـل حـآآلي بـلآآ شووفهم وملقـآآهم كيـف أصدق وأقتنـع و أجـووفهم يتجفنون دآمهم اليوم قبل سآعآت كآنوآ وكنآ ويآهم . . . مرت اصعب اللحظات عليهم .... الصياح كان شال المكان .... في الغرفه .. في الممر .... وزاد يوم قال الدكتور ان بو احمد يته جلطه . !! يالله كييف جيه صاار كيف ...... استغفر الله ........ . . . . . . . ثالث ايام العزا ...... الصياح يزيد في كل جهة من البيت ....... مهاري حاطه راسها ع ريل امها وتصيح بهدوء ....... وهنوف يالسه في زاويه ومغطيه ويها بايدينها ...... ومتكوره ع روحها ...... اماا الود فمتامسكه نفسها جدام الناس ..... تترحم على اختها وتدعيلها في كل وقت ........ عزا الريااييل مش اخف عن عزا الحريم ..... راشد كان منهاار مش متخيل انه ما بيجوف اخووه ... اخوه الوحيد ! كان يسكت يوم يجوف ابوه ومن يهدا المكان يتخبل .... مايتحمل .. يتذكر ضحكه اخووه ... عذااب احمد وقلبه وعشقه لشهد ... ومصيرهم .... يموتون فنفس اليوم !! وفنفس المكاان ... لا ومع بعض ... صعبه ياخويه صعبه .. الله يرحمك ويغفر لك ويغمد روحك الجنه .... . الود : روحي لحقي هنوف اخاف تسوي شي ... دنوه : ان شاء الله... " تطالع مهاري الي لاويه ع امها وقابضتنها بحييل ... وامها تلعب بشعرها وتصيح " صعدت دنوه فوق تطالع هنوف ... دخلت الحجره ماحصلت ... تنهدت عرفت وين بتكون ... سمعت صوت صياح من حجره شهد ... دقت الباب ودخلت .... كان ويه هنوف متعذب ..... فيه غموض وشي غريب ... كره ؟ او حقد ! او مادري شو اوصفه ؟! دنوه : هنـ ـ ـ .... هنوف : اششش .... اسكتي شوي .... عقب هدوووء .. هنوف : تسمعين ؟؟؟ دنوه باستغراب : اسمع شوه ؟؟ هنوف تبتسم : شهود ؟؟ حياااااااااااااااااااااتي والله ياقلبي ليش جيه تسوييييين فينا كنت حااااااسه انه مقلب .. دنوه فاجه عينها وتصيييح : هنوووووف استهدي بالله ... اترحمي ع اختج مش زين الي تسوينه .. هنوف : شو اترحم عليها ..... " تمسك الهوا بحناان وتحظنه " دنوه تسيرلها : هنوووووف بتتخبلين بتستوين خبله .... خلاص عقلي .. أختج ماااتت مااااتت .. شهد ماااتت مابترررد .. هنوف تصارخ : وهاااااااي منووه ؟؟ ماتشوفييينها .. هااايي ترمسج .... هاتي ايدج ... وتااخذ ايدها وتحطه ع الهوا : هااا هذا راسها ماتشوفينه ... هاي خدودها ... شهوود رمسي .. قوليلها شي عشان تتاكد انج حيه مش طايعه تصدق ... دنوه تصفعها كف : قووومي انتي مش في وعيج .... بليييززز الود مش ناقصه تخبلينها اكثر .. هنوف الي تنزل دموعها وتمسك دنوه من جتوفها وتصارخ : ليش وعيتيني ليش ... خلينيييي كنت يالسه اجوووفها جداااام عييييني ..... " وتصيح " ردي يا شهد رديييييي ..... لااااااااا ماتخيل ماراح اجوووفج ... مع منو برقد انا الحييين ... ويا منو خليتيييني ليش ..... منو بيسهر وياااااااايه منو بيقولي بسج افلااام منو بينصحني منووووو ..... يزيد الصياح ف عزا الحريم لان صوت هنوف عالي والكل سمعه .... مهاري حاطه ايدها ع راسها : امايا ..... ام الود تمسخ دموعها : ها امايا ..؟ مهاري : راسي ......... راسي يدور ..... ام الود : مهووره ... حبيبتي ؟؟؟ تسمعيني ..... < مهاري .. اسمعج ... بس ماقدر ارد ... اه راسي ... مارايمه ارتااح احس الدنيا ادور فيني .... مهاري :ذياااااااااب ..... الود تقوم من ع الغنفه بتعب وهيه تعرري شوي : مهوور حبيبتي شصاارلج بعد .. شنااااوين تسوون فيني ؟!!! . . . |
| الساعة الآن 07:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir