وَ أنآآ بـھا ... خَآلدٍ

البارت " 9 "

.
.
.
.
اليوم : الخميس . .
المكان : المول . .
الساعه : 7 المغغرب . .
.
( خالد ) . .


ضحك عيسى بصوت عالي . .
عيسى : ههههههههههههههههههه بذمتتتك ؟ . .
ضحكت بخفه وهو يحطها فذمتي ها السالفه . .
خالد : لا تحط شي فذمتي خس الله بلييسسك . . ههههه قم بس قم نظهر من ها المكاان . .
عيسى : ههههههههههههه لين الحين مب داخل عقلي اللي قلته . . ههههههههههه . .
ابتسمت له . . هههه ندمان لأني قلتله السالفه . . قلتله عن بنت ف الشغل حركاتها مول ما تعيبني و تتمايع ف الرمسه و تتمايل ف المشيه . . والدلع غصب اطلعه وما تسوي ها الحركات . . الا جدامي . .
عيسى : ماشي تفسير باللي تسويه الا شي واحد . .
خالد : يا ريـــــال !!! . . احلف انته بس ؟؟ . . والله انك متفيج . .
ضحك عيسى . . وبصوت عالي بعد . .
خالد : اقوولك بتقوم ويايه ولا شو ؟ . .
عيسى : وين انروح ؟ . .
خالد : مادري مليت من الكافيه . . شوفلنا مكان . .
عيسى : يهببي الملل . . قم انروح الكورنيش نتحوط هناك شوي . .
خالد : حلوو . . يلا قوم . .
مشينا نحن الاثنين متجهيين لسياره عيسى . . بما اني خليت سيارتي ف البيت و ركبت وياه . .
شغلنا الاف ام و مندمجين ف الاغنيه . . واثنينا ساكتين . .
لين ما رمس عيسى و كسر حاجز الصمت . .
عيسى : اقولك تراني قررت اطلع من قفص العزوبيه . .
ابتسمت . . لانه هاي مب اول مره يطري ها الشي . . دوم يقول ها الكلام و بالاخير . . ولاا شي . .
خالد : والله زيـــــن . .
تكلم بنبره تحمل كل معاني الجديه . .
عيسى : ترا صـــدق ما استعبط . .
لاحظت النبره اللي تغيرت . . ع طول قصرت ع المسجل وانا التفت صوبه وهو مركز ف الشارع . .
خالد : الحين ما عرفتك تتكلم صدق ولا ؟ . .
عيسى : صدق صدق . . باركلي . .
خالد : ههههه بعدك ما ظهرت من القفص . . توك مقرر عنبو . .
عيسى : رمست امايه و باجر بتروح تخطبها . .
لفيت كل جسمي صوب عيسى . .
خالد : لحظه . . لحظه . . ( واشرت بصبعي ) بتخطبها ؟ . .
استغرب عيسى من سؤالي وهز براسه . .
عيسى : عيل بتخطب ريال حقي ؟ . . هيه ابويه بتخطبها . .
غمضت عيوني وجني احاول ارتب الكلمات . . وبعد ثواني فتحتها وانا أأشر بأيدي بـ ( لــا ) . .
خالد : اقصد يا اهبل . . يعني انته مخطط من زمان . . وفوق كل هذا . . مب مخبرني يا الهرم ؟! . .
ضحك عيسى . .
خالد : اضحك . . اضحك . . شو وراك غير الفرح انته . . مختار البنت من زمان و ما بلغني . . ( بعد ثواني من الهدوء ) بس بذمتك منو سعيده الحظ هاي . . اللي ما يحصلها عيسى ولد سعيد خاطبنها و ترفض . .
عيسى : ههههههههه . . ضنك ؟ . .
خالد : ههههههههه . . من معارفنا ؟ . .
عيسى : هيه بووي تعرفها انته . . ومثل ما هي تقربلي تقربلك انته بعد . .
خالد : والله ؟ . . منو هي ؟ . .
عيسى : شيخه الحسن و الدلال من غيرها ؟ . . شويخ بنت عمك وبنت خالي . .
فجيت عيوني ع وسعها منصدم من اختياره . . وانا حاس انه جاس شي من ممتلكاتي . . شي كان لي و انسحب . . شي مكتوب انه يصير لي ويروح بغمضه عين . .
هيه نعـم . .
شيخه شي من ممتلكاتي . . ما اقول اني احبها . . اقول شي من ممتلكاتي . . في فرق . .
على الرغم من اني عمري ما فكرت فيها . . بس بنيت مستقبلي مع ها الانسانه . . خصوصن اني اعرف انه مصيري باخذها . .
شيخه . . قطعه غاليه من ممتلكاتي ومحـــــد يقدر يجيسها . . مثل ما جاسو موزه . .
<< للأسف يا خالد . . هذا تفكيرك بشيخه . . وهذي غلاتها بقلبك . . مجرد قطعه من ممتلكاته حالها من حال اي اثاث ف غرفته يخص . . خــالد . .
ليش ساكت يا خالد ؟؟ . . ارممسس . . انططق . . عارض زواجه منها . .
عيسى : هههه هاه اشوفك فاج عيونك . . لهدرجه الخبر يصدم ؟ . .
عدلت يلستيه بهدوء . . وانا احاول ارقع السالفه . .
خالد : ههههه انا انصدمت بس ؟ . . يابوووي شيخه اخر وحده توقعتها انك تختارها . .
عيسى : ههههه شو ما اناسب بعض ؟ . .
ابتسمت بضيج . .
خالد : تناسبون بعض . . مبرووك عواااس . .
عيسى : ههههه صدق ؟ . . الله يبارلكلك و عقبالك ان شالله . .
وسعت ابتسامتي بمجامله . .
كل شي ضاع مني . . و اولهم موزه . .
و الحين شيخه . .
وانا طول ها الفتره احاول اقنع نفسي بفكره الزواج . . وخصووصن من شيخه . .
و نسيت موزه . .
او خلنا نكون صريحين . . تناسيتها . . و تناسيت وجودها . .
موزه مهما يكون . . حرمه اخويه . .
عيب عليه . . اني افكر فيها مجرررد تفكيير بس . . انا عن نفسي . .
مارضى ريال ثاني يفكر باللي بتزوجها . . اكيد كل ريال مثلي . . ومثل تفكيري . .
.
.
.
اليوم : الخميس . .
المكان : بيت بو راشد . .
الساعه : 10 ونص المسا . .
.
( عزه ) . .


سلمت ع اخر بنت تمت ف العزيمه ووصلتتها لين الباب . . بس ما قدرت اظهر لاني مب لابسه الشيله . .
طالعت شيخه . . يالسه بهدوء ع كرسي فردي . . و سرحانه بعالمها . .
عالم شوقها . .
عالم خالدها اكيد . .
و موزه تكلم التلفون . . الظاهر راشد . .
نزلوو مهره و نوره وهن يتضاحكن . .
عزه : خير اللهم اجعله خير . . ضحكونا وياكم . .
عقدت مهره حياتها و هي تيلس ع الكرسي . .
مهره : ما يخصصصجج . .
قهرني اسلوبها ونرفزني . . بس شو اسوي هاي مهره . . وجيه دوم اسلوبها . .
التفتت نوره ع شيخه السرحانه . .
نوره : شييخه منو بيشلنا . .
انتبهت شيخه لنوره . . وعدلت يلستها . .
شيخه : توني دقيت ع الدريول الحين بيي . .
نوره : ناصر ما بيي ؟ ؟ . .
شيخه : لا ظاهر ويا حمد . .
سكرت موزه من التلفون و التفتت صوبي . .
موزه : اقولج عزه . . عمووه وين ؟ . .
عزه : امايه سارت فوق تبدل ثيابها . .
موزه : انا بسير عندها . . ابغيها ف شغله . .
و طلعت من الصاله متوجهه لغرفه امايه . . و امبين من ويهها انه الموضوع . . ما يسر . .
دخل ابويه البيت وهو يمسح ع ويهه و يستغفر . . ع طول كلنا نحن البنات قمنا و سلمنا عليه . . وكانت اخر وحده شيخه اللي تسلم عليه . . جان يحاوط ذراعه ع جتوفها و بطريقه عفويه حب راسها . .
ابو راشد : شحالج شيخه بنتي؟ . .
شيخه : الحمدالله عمي . . انته شحالك شو صحتك ؟ . .
تنهد ابويه بضيج وهو يبتسم . .
ابو راشد : الحمدالله ع كل حال . .
بدت غيره نوره . .
نوره : هيه الحب كله حق شيخه . . وانا وحليلي . .
ابو راشد : ههههه المره اليايه الحب كله حقج . . شو تبين بعد ؟ . .
ابتسمت وهي تهز راسها بتقبل . .
نوره : زيين المره اليايه بنشوف . .
ترخص ابويه بحجه انه تعبان . . و توجهه فوق حاله من حال الكل . .
رن تلفون مهره . . وكلنا طالعناها . .
عزه : منو متصل ؟ . .
زمّــت شفايفها وجنها منقهره من سؤالي . .
مهره : ربيعتي منو يعني بيتصل . .
طالعت شيخه . . اللي كانت تبادلني نظرات ما فهمتها . . بس فهمت نغزتها . .
هزيت راسها بـ ( شــو ؟ ) . .
عزه : شووه ؟؟ . . ما يخصني فيها . .
وابتعدت عنهم و يلست ع كرسي من الكراسي . . وانا اتابع مهره وهي تمشي يمين و يسار و تكلم التلفون . .
مهره : هلا غنااتي . . . بخير الحمدالله انتي شحالج ؟ . . . من زمان ما شفتج . . . شو باجر مينونه انتي ؟ . . . . .
واختفى صوتها لانها ظهرت برا البيت عشان تكمل رمستها ع قولتها ويا ربيعتها . .
رمسنا شويه انا و نوره و شيخه . . بس طبعا شيخه كانت مب ويانا . . ابغي اعرف شوفيها بس الوضع ما يسمح حاليا . .
وصل دريولهم و ظهرو ركبو السياره . . و ع طلعتهم دخلت سياره عيسى ونزل منها خالد . .
راح صوب باب عيسى و رمسه شوي . . وعقب التفتت صوبي و قال بصوت عالي . .
خالد : عزووه . . حد داخل ؟ . .
عزه : لاا محد . .
خالد : زيين جهزي عصير شاي قهوه اي شي . .
ابتسمت . .
عزه : ان شالله . .
وتوجهت للمطبخ الخارجي . . لانه الداخلي ماشي عصاير هناك . .
فجيت الثلاجه احترت من بين عصير مانجو و رمان . . ف قلت بحط من العصيرين حق عيسى و خالد وهم يختارون عاد . . شليت الصينيه و ظهرت من المطبخ بعد ما سكرت الليتات و الباب . .
وع طلعتيه . . طاحت عيني ع المرحانه و مهره يالسه عليها و تتكلم ف التلفون . . قلت بصوت عالي عنادا فيها . .
عزه : مهروووه يلا دشي داخل . . بنقفل البيبان . .
حلت ع ويهها تقطيبه . .
مهره : لحظه شوي . . ( كانت ترمس التلفون و عقب طالعتني ) راشد بعده ماوصل ليش تقفلون البيبان . .
و ع رمستها دخلت سياره راشد . . وراشد الظاهر شاف خالد و عيسى ف زر السياره . . وسوا صوت عالي . .
عزه : هذوووه راشد . .
تكلمت كلمتين ع التلفون و سكرت ع طول وهي تتقرب مني . .
مهره : شو هذا حق منو العصير ؟ . .
عزه : خالد و عيسى . .
سحبته مني و هي تبتسم . .
مهره : هاتي انا بوصله . . ما ترومين تشلين انتي ايدج تعورج اكيد . .
ووسعت ابتسامتها زياده و طافتني . . متوجهه صوب عيسى و خالد . . وراشد اللي سكر سيارته و انظم وياهم . .
هزيت راسي بأسى . . مستغربه من معاملتها اللي تتغير كل دقيقتين . . بس ماعليه بكبر عقلي . .
مهما يكون انا اختها العوده وهي اختي الصغيره . . ومهره تمر ف فتره مراهقه اكيد تصرفاتها مأثره ع ها الفتره . .
المهم تخطيت الكل و دشيت داخل البيت . . وع طول لغرفتيه . . اشيك تلفوني دام ما شيكته اليوم . .
مسكته و بديت اشيك ع اللي وصلني . . لين ما شفت كلام من راشد . . ابتسمت بمجرد فكره انه ما نساني اليوم . . وكان شاغل باله فيني بما اني ما رمسته اليوم . .
طبعا انا و راشد نتراسل بالمسجات . . و الكل ف البيت يدري . . يعني ابد ما فكرت اسوي شي من وراهم . .
طاحت عيني ع مسجه . . من دقايق مطرشنه . .
" عزه انا اســـف . . اســـف ماستاهلج " . .
اســف ؟!!!! . .
شو يقصصد ها المينون ؟ . . شو اسف . . شو ماستاهلج ؟ . . شو هاااا الكلاااام . .
حسيت ايدي عجزت عن الكتابه اول ما قريت المسج اللي طرشه من ثواني . .
" طلبت من ابوج فصخ الخطبه . . ووافق من غير اي مشاكل " . .
طاح تلفوني من ايدي . . حسيت دموعي تحجررت . . مافي اي دمعه نزلت . . بس مشااعري متخالطه ويا بعضها . .
تذكرت دخله ابويه وهو متضايج . . وموزه وهي ترمس راشد و رايحه عند امايه . .
اكيد كلهم دروو . . ومحد فيهم بغا يخبرني . .
بس هااه دريت من غيرهم . . شو بيصير يعني ؟ . . في الحالتين انجرحت . .
طحت ع الارض عاجزه عن الوقوف . . بسبب ريلي اللي حسيتها انشلت . . وحطيت ايدي ع السرير اللي عدالي وانا اخش ويههي بين كفوف ايدي الدافيه . . امنع دموعي من النزول و امنع قلبي انه ينجرح و يتخطى ها الفتره بكل راحه . . لكن محاال ها الشي . .
دخلت موزه وهي تزقرني . .
موزه : عـــــ ـ ـ . . .
ما قدرت تكمل اسمي حتى . . منصدمه من حالتي اللي ما تسر . . تقربت مني يلست ع السرير وسألت . .
موزه : عزه غناتي شوفيــج ؟ . .
رفعت راسي من ايدي . . وحسيتها انصدمت من دموعي اللي تنزل بهداوه . . وقلت بأنفعال . .
عزه: ليش يصيرلي جييه مووزه . . لييش يودتو عني ؟ . . ليش ما خبرتوني من اول ؟ . . ليش انا بذات يصيرلي جييه ؟ . .
مسحت ع راسي ووهي تهديني . .
موزه : اذكري الله يا عزه . . شو ها الكلام . .
عزه : هاااه الحين . . فصخ الخطبه و خلص وانا توني ادري . .
علت شهقااتي و بدا ينسمع ف كل البيت . . وموزه مالها غير تهديني و تذكرني . . بالنصـــيب . .
لين ما تعبت و قامت . . تبلغ اي حد عن حالتي . .
مسكت التلفون مره ثانيه اتأكد من الكلام اذا صحيح . . او حلــم . .
معنه كل شي امبين و جدام عيني . . و هذا الشي مستحيل يصير حلم . .
مسكت حلجي اخفي شهقاتي العاليه . .
رنت ع مسامعي صرخه امايه و هي تحط ايدها ع صدرها وتشهق . .
ام راشد : يا ويلي عليج يا بنتتتيي . . شفييها يا موزه ؟ . .
قالت موزه وهي منهد حيلها . . مني . .
موزه : شفيها يا عمتيه بعد ؟ . . وهو في غير هذيج السالفه متعبه حالها . .
تقربت امايه مني و ضمتني لصدرها . . و تطبطب ع ظهري بخفه . . و تهديني . .
تحاول تخفي الالم اللي فقلبي . . بس يا امايه . .
هو الجرح كيف يبرى اذا انجرحت من اغلى ناسي ؟ . .
هيه راشد كان اغلى ناسي . . صحيح ما حبيته . .
بس من كلامه ف المستشفى عطاني امل ف ها الحياه . . ولو كانت ذره امل . . !
ام راشد : بس يا امييه . . ما يصيير اللي تسوينه . . لا تصيحيــنه . . لا تصيحينه يا بنتي . . مب زين ع صحتج . .
موزه : والله يا عمتيه اني من ساعه احاول اهديها ومب راضيه . .
قالت امايه بصوت عالي . . وبلــوم . .
ام راشد : حسبــي الله عليــــك جانك سويت ببنتي جييه . . حسبــي الله عليييك لا بركتتن فيك . .
ويوم سمعتها تتحسب عليه . . زاد صياحي اكثر و اكثر . . بس ها المره ما قدرت اخفي . . شهقاتي . .
دخل راشد وهو لابس حتى وزار و فانيله . . ووراه ابويه وهو يركض . .
راشد : شفييها عزه تصيح ؟ . .
نزل ابويه راسه بأسى و قال بصوت واطي . . لكنــه ينسمع . .
ابو راشد : لاحول ولا قوه الا بالله . .
تقربت موزه من راشد و طلعته من الغرفه . . و ابويه تقرب منا وقال بهداوه . .
ابو راشد : اذكري ربج يا عزه . . و كل اللي صار نصيب ما كتبه ربج لج . .
قلت من بين صياحي . .
عزه : لا اله الا الله . .
التفتت امايه ع ابويه . . وقالت بصرامه . .
ام راشد : انا سمعت باللي صار . . بس ما فهمت شو اللي حده انه يفصخ الخطبه . . يبا يعذب بنتي ولا شوه ؟ . .
ابو راشد : يا شما خلينا من ها السالفه الحين و عقب بفهمج . . ( و كان موجهه لي الكلام ) قومي يا عزه ي بنتي قومي توضي و صلي ركعتين و اقري قرآن . . والله يريح قلبج و يريح قلوبنا كلنا . .
ظهرو من عندي مخليني مع افكاري . . و حزني . . اسوي اللي أمره عليه ابويه . .
بس ي ترى قلبي بيرتاح ولا ؟ . .


.
.
.

يتبع ، !