منتدى استراحات زايد - قلبي رفض يحب غيرك وٰ صرت أنا مجنونك♥..

البآرت الـ12 . .
.
.
.
.
لو نفترض اني تركتك ؟ ما يعوضك عني اي احد </3 . .
.
.
.
انا اول ما دخلت البيت فصخت شيلتي و عباتي ..
روضه : بللللللل عنووود مب جسم عليج ..
سيف : قولي ماشاءالله ..
روضه : ماشاءالله تف تف تف عن الحسد ..
انا ابتسمت : خيستينا ب تفالج ..
روضه : عسسسل ..
سيف : امحق ..
يلست على واحد من هالكراسي اللي ف المطبخ التحضيري .. سيف يا يلس عدالي ..
روضه : يالله انا بشل قششي و بسير بيت ابويااا جااااو ..
انا : بااااي ..
سارت روضه ..
سيف حط ايدينه على جتوفي : خااايف عليج والله العظيم ..
انا : من شوو ؟
سيف : اخاف يحسدونج ..
انا ابتسمت : محد بيحسدني ..
سيف : كيف محد بيحسدج .. و انتي لابسه جيه .. تخيلي وحده من الخدامات شافتج ؟ قومي سيري فووق ..
انا : عادي حبيبي ما فيها شي ..
سيف اشر ب صبعه على جتفي : ها الأزرق يبين ..
انا انحرجت ما توقعته بيبن و بيكوون وااضح !!!!
سيف ابتسم : يالله كلي عسب تريحين شوي ..
أنا : اوكيه ..
كليت شوي و حطيت الباقي ف الثلاجه .. يوم كنت بصعد الدري دعمت ف ها مال الدري و طحت ع الارض ..
سيف ربع صوبي : عنووود .. بسم الله شيااج ؟
انا غمضت عيني : رااسي يعورني ..
سيف يزاعج : مااايااا ..
مايا يت : يس ؟
سيف : تيك ذا فود ..
مايا : أوكيه .،
سيف شلني فوق و حطني على الشبريه : شي يعورج ؟
انا : لاء ..
سيف : متأكده .،
انا ابتسمت : هيه . .
سيف : بغسل ايدي و بييج .. لا ترقدين ترييني ..
انا : اوكيه ..
تغسل و يا صوبي .. فصخ كندورته و لوى علي و رقد ..
.
.
.
.
.
.
عليا : حبيبي بسك رقاد ..
منصور : حرام عليج والله ابا ارقد ..
عليا : مب ملاحظ انك ف هالفتره صاير وايد ترقد .. و مهملني وايد ..
منصور : سامحيني حبيبي بس تعبان ..
عليا : سلامتك من التعب ..
منصور : ربي يسلمج حياتي ..
عليا ابتسمت : متى بشوفك ؟
منصور : اليوم مشغول حبيبي بوصل اميه بيت أهل ريـِل اختيه ..
عليا : امممم خلاص ماعليه يوم بتفضى رمسني ..
منصور : بيننا الو ..
عليا ابتسمت : بيننا الو ..
منصور : يالله مع السلامه ..
عليا : فمان الله ..
.
.
.
.
.
انا نشيت من رقادي مفزووعه .. اول ما شفته راقد حذالي صححت ..
سيف نش : بسم اللہ حبيبي شو ياج ؟
انا اصيح ..
سيف حطني ف حظنه : رمسي خوفتيني عليج ..
انا مسحت دمـوعي و طالعته : حلمت حلم مب زين ..
سيف ابتسم : و تصيحين عشان حلم ؟
انا : مب زين يعني شيين و يصيح ..
سيف : أنزين قوليلي شو حلمتي ؟
انا : ما بقول .. أخافه يستوي صدق . .
سيف مسك ايدي : قولي حبيبي .. ان شاء الله ما بيستوي الا الخير ..
انا بلعت ريجي ب غصه : حلمت انك عرست علي ..
سيف : و جيه تصيحين عشان هالسبب ؟
انا صديت الصوب الثاني : كيفي اصيح ..
سيف : طالعيني .. شو اللي يصيح فـ السالفه ؟
انت طالعته و عيني ف عينه : حلمت انك عقبها توفيت ..
سيف مسك ايدي بقووو : ما يفرقنا لا الموت ..
انا : انزين والله تروعت .. "بصوت مبحوح" خفتك تسير عني ..
سيف : ما بسير مكان .. بس بسير عند الحرمه الثانيه ."ابتسم"
انا ضربت جتفه : ماباا حد يأخذك مني ..
سيف ابتسم : قوليها ..
انا : اقول شوو ؟
سيف : قولي انج تغارين علي ..
أنا : هيه اغاار ..
سيف قرص خدي : فديتهم اناا ..
انا انسدحت : ارقد ارقد ..
سيف : برقد حبيبي ..
انا ابتسمت و رققدت ..
.
.
.
.
.
.
آميه : شيخخووه نشي فاازعي .. سيري قولي للبشاكير اييبون الفواله اهنه ..
شيخه نشت : تآمرين اماياا ..
آميه : بسرعه الحين العرب بيوصلون ..
شيخه : يالله سايره ..
آميه : و سوي دخون فديتج دخني البيت ..
شيخه : اوكيه ..
آميه : و زيدي دله قهوه . . خلي خيريه >الخدامه< تسويها ..
شيخه : ان شاء الله ..
سارت شويخ خبرت البشاكير يودون الفواله الصاله و هي سارت تسوي دخون .. سوت و تمت تدخن البيت ..
آميه : شيخووه سيري قولي ل شما تزهب . . العرب و العربان يايين يشوفون بنتها و يشوفونها ..
شيخه : انزين امايا ..
نهيان دخل البيت : السلآم عليكم ..
آميه : وعليكم السلام ..
نهيان : ها امايه ليش كل هالفواله و التعديل ..
آميه : بييون ناس عسب يشوفون بنت أخوك ..
نهيان : انزين امايا بيي ربيعي الحينه بدخله الميلس ..
آميه : و انا شو اسويلك ؟
نهيان : عسب تخبرين الخدامات يجهزون له فواله بعد ما ايوز ما نقرب له ..
آميه : هييييه قول جيه من مسااعه يالس تهذرب ولا فهمت ..
نهيان حب راسها : انزين خبريهم لا تنسين بسير اتسبح و بيي ..
آميه : سير لا تخاف بخبرهم ..
.
ف حجرة شما ..
حمد : حياتي انا بظهر ويا الربع ..
شيخه : الرب الحافظ ..
حمد حب يبهتها : مع السلامه .
عايشه : بابا انته ليش تبوث ماماه و ما تبوثني ؟.
حمد حب يبهت عايشه : ارتحتي حبيبتي ؟
عايشه : هييييه ..
حمد : شو تبين اييب لج يوم ارد ؟
عايشه تسوي رقم 10 ب صبوعها : وااايد حلاوات ..
حمد : من عيوني .. "طالع شما" يالله مع السلامه حبيبي . .
شما : مع السلآآمه ..
و ظهر ..
شيخه حصلته ف ويهها : هلا الشيخ حمد .. وين ساير ؟
حمد : هههههه حرمتي على غفله شووه ؟
شيخه : هههههه حق شوه كاشخ ؟
حمد بعبط : موااعد ..
شيخه : الا شكلك ساير تضبط الحرمه الثانيه ..
حمد دق راسها ب خفيف : سيري ونسي شما حليلها يالسه ف الحجرة بروحها ..
شيخه غمزت له : بسير ..
حمد : هههههه هبله ..
سار حمد و شيخه دخلت عند شما ..
شيخه شلت ميثا : فديييييييتهاااا انا حبيبه عمتها .. واااايه فديت روحها ..
شما : شوي شوي ع بنتي ..
شيخه ابتسمت : من زين بنتج لا تخليني اتهور و اذبحها ..
شما : بزوااالج ..
شيخه : انزين حبيبتي يصير خير .. تقولج امايا سيري تزهبي بييون العرب بعد شوي ..
شما : ما اوصيج على مييثووة ..
شيخه : لا توصين حرييص ..
شما : الا اتخبرج اميه بتي ؟
شيخه : شدراني امي ولا آمج ؟
شما تسوي ب أيدها مالت ..
شيخه : ههههههه
.
.
.
.
.
.
منصور : يالله آمايا الحين بتلاقين كل العرب وصلوا الا انتي و بنتج ..
ام منصور : ويديييييه اصبر محد يربع وراك ..
منصور زخ راسه : شووو اباهاا انا طلعت الحريم .. تطلع الرووح وياها ..
ام منصور : سير شوف اختك اذا خلصت ولا لاء ..
منصور : بسير ..
سار منصور صوب حجرة شوق .. و شافها يالسه تتعدل ..
منصور : بسج بسسج من هالعدوول ..
شوق : ياخي كيفي ..
منصور : خافي ربج .. كيلو طحين حاطه ف ويههج شووو ؟
شوق طالعته : لا تحط ف ذمتك ..
منصور غمز لها : بس غاديه حللوووه ..
شوق : آححم ..
منصور : خلصي انزين ..
شوق : خلصت بس بلبس العبآه ..
منصور : يالله ..
خلصت شوق و لبست عباتها و خلصت ام منصور بعد .. و ركبوا سياره منصور متوجهين لـ بيت ابويا عسب يشوفون شماا ..
.
.
.
.
.
سيف : مننصوور قووم انجلع عن وييهي ..
منصور : خلاص بنجلع مب منك من اللي يخبرك ..
سيف : منصور .. حبيبي .. عندي شغل قد شعر راسسي .. يعني لو سمحت خلني ف حالي ..
منصور : خلوني خلوني ب حااالي .. محبوب قلبي على بالي ..
سيف : آه فديت محبوب قلبي انا ..
منصور : جب جب .. كمل شغلك ..
سيف : بصصفعععك ي الهرم ..
منصور : هرررم اللي ياي لين عندك يبغي يسولف وياكـ ..
سيف : بسألك انته ما عندك شغل ؟
منصور : عندي بس اللہ يخليلنا السكرتيره اليديده ..
سيف : حلووه ؟
منصوور : طااع ويهك .. أونك معرس ..
سيف ابتسم : ههههه استهبل والله شو أبا بـ النجوم و انا عندي القمر ؟
منصور : شتت يالخققااااق ..
سيف : ههههه ..
منصور وقف : اسير ارمس الحب احسن لي ..
سيف : و انته طالع قول ل ميار تييب لي كل الملفات ..
منصور حط ايده على خصره : اشتغل عند ابوك أنا ؟
سيف : لا عند امي ..
منصور ظهر و سار عند ميار يقولها تودي كل الملفات عند سيف .. شلت الملفات و سارت مكتب سيف . .
سيف : ادخل ..
ميار دخلت و حطت الملفات جدامه ..
سيف : كم ملف ؟
ميار : 40 ملف .. و شي 2 عندي ف المكتب ..
سيف زخ راسسه : يااا ربي من وين طلع لي كل هالششغل ..
ميار : اممم لا تكدر حالك أستاذ سيف .. اللي ما تقدر عليه عطني إياه و انا براجع كل الملفات و بنقل البيانات على الكومبيوتر ..
سيف ابتسم : مادري بدونج انا شو بسوي ..
ميار : احم .. انته هيك تحرجني استاز سيف ..
سيف : ههههه ..
ميار ابتسمت ..
سيف : طلبيلي قهوة اللہ يرضى عليج .. احس راسسيي مصدع ..
ميار : بطلب لك كمان ماي و بجيب لك بندول ..
سيف : تسلمين ميار ..
ميار ابتسمت مرة ثانيه ..
.
.
.
.
.
.
انا نشيت شفته محد حذالي .. لبست لي مخورة بنيه و شيله بنيه .. تعطرت و تعدلت ب الخفيف بس جحال و روج .. و نزلت تحت ..
انا : جيينااا ..
جينا : يس مدام ؟
انا : وير از سيف ؟
جينا : مستر سيف قيڤ مي ذس ..
عطتني ورقه مكتوب فيها : "حبيبي انا ظهرت لانه عندي شغل ، اذا مليتي سيري بيت ابويا يلسي ويا روضوه .. ان شاء الله ما بتأخر"
انا ابتسمت : ثانكس جينا ..
سرت بيت عميه حصلتهم يالسين يتزهبون لانهم بيتيمعون ف بيت آميه عسب شما و انا آخر من يعلم ..
روضه تتمكيج و انا يالسه ع شبريتها ..
روضه : عنوووود سيري لبسي عبااااتج ..
انا : ما بسير ..
روضه طالعتني : عن العبط .. بتيلسين هني ويا منو ؟
انا سكت ..
روضه : يالله عنووووود ..
أنا : انزين انزين ..
سرت بيتنا مرة 2 و لبست عباتي و شليت فوني و شنطتي و ركبت وياهم ..
آميه : هلا هلا ب النسايب ..
ام سيف : هلا فيج .. شحالج الغاليه ؟
آميه : بخير ..
انا سلمت على اميه و عقب يلست ويا الحريم ..
وحده من الحرمات : وينها بنت حمد ؟
شوق : هيه وينها نبغي نشوفها ..
آميه : عنود آذانا ما عليج أمر سيري زقري شما و شويخ و ييبي بنت اخوج ..
انا نشيت : ان شاء اللہ ..
سرت فوق ..
شيخه تطالع من الدريشه و هي فاجه عيونها ..
ميثا صاحت ..
شيخه تمت تسكتها و عينها على اللي نازل من سيارته ..
شيخه ترمس عمرها : سكتي حبيبتي ميثووة .. صخي شوي خليني اشووف القمر اللي هنيه .. وين هو و وين القمر .. يقول للقمر قوم ايلس مكانك .. انا الحين احبه ؟ ها يسمونه حب من اول نظره ؟ يا شيخووه يا غبيه خل نشوف منو ها اصلا ؟ و ولد منو .. حبيته من عرفته صراحه انا حبيته من اول ما لمحته ..
انا : منو ها اللي حبيتيه من اول نظره ؟
شيخه فزت : واااي عنووود .. تعالي شوفي شووو جمييل شووو بيآخذ العقققل ..
أنا : اطالع منو ؟
شيخه تأشر على الدريشه .. سرت طالعته و هو مب انه جميل هاك الجمال .. يعني عادي..
شيخه : حلوو صح ؟
انا : عادي ..
شيخه : شوو عادي والله انه حلووو ..
انا بخقه لعبت ب قصتي : ما ايي صوب سوافي ..
شيخه : من زين سوافج عاااد ..
انا : والله انه أحلى من ها اللي مادري شو اسمه ..
شيخه عطتني ميثوة : صخي خليني اشووف ..
انا : انزين ترا نحن يينا .. خبري شمووه تنزل ..
شيخه لصقت ف الدريشه : حبيييييبي !!!!
أنا : اناا لااا بالله تخبلت هالبنت ..
شليت ميثوة و نزلت تحت ..
الحرمه : اللہ اللہ .. بنت حمد هاي شيخه الحريم مييثثه ..
انا ابتسمت لها و حطيت ميثه ف حظنها ..
تموا الحرمات يقرون عليها و يحطون بيزات ف قماطها ..
آميه ب صوت واطي : عنيييد ..
انا : هلآ آمايا ؟
آميه : ما حملتي ؟
انا استغربت : لـآ ..
اميه مسكت ايدي : قريب حبيبتي بتكبرين و بتستوي عنج مسؤولياات ..
انا ابتسمت ..
ام سيف ف خاطرها > كيف افاتحج ف الموضوع يا عنود و كيف افتح الموضوع جدام امج !!! آه يا عبدالله الله يسامحك لأنك خليتني ف موقف صعب مثل هاذا ..
آميه تقرب الفواله ل ام سيف : مهرة !!! قربي قربي فديتج ..
آم سيف ابتسمت : تسلمين ام عنود ..
آميه : ربي يسلمج ..
نزلت شما و يلست ويا امها و اختها ..
شوق : شموووه بنتج كيوت .. بنتج شو ؟ كييوووت .. فديت ويهها اناا ..
ام منصور : قولي ما شاء الله ..
شوق : ماشاءالله .. تف تف ..
شما : هههههه ..
بعد ساعه ساروا الحرمات و تموا ام سيف و اميه و انا و روضه و شوق ما سارت ويا امها بترد ويانا .. و شما و شيخه ..
ام سيف : ام عنود والله عندي لج خبر .. "سكتت"
آميه : شبلاج ي مهرة ؟ نطقي خوفتيني . .
ام سيف : بو سيف حلف على سيف يعرس و يآخذ الثانيه ..
آميه انصدمت .. ما توقعت ام سيف و بو سيف بيكونون بـ هالوقااحه ..
آنا بعد انصدمت وين يبا يأخذ الثانيه ؟ و انا مب تارسه عينه ؟
روضه : شوو امايا ؟ شو السالفه ؟
ام سيف : والله بو سيف حلف عليه و قاله اذا ما خذت وحده من بنات ربيعات أمك لا انته ولدي ولا أعرفك ..
انا : كيف ؟ و انا مب تارسه عينكم ؟
ام سيف : لا والله تارستنها و انتي حاطتنج معلى راسي من فوق .. بس بو سيف ماله حل ..
اميه طالعتني : شو رايج ف السالفه ؟
انا تنهدت : خل يسوي اللي يباه ..
ام سيف : فديتج والله ي العنود عاقل من يوم ما عرفتج ..
اميه : و منو هاي اللي بتيوزينها سيف ؟
ام سيف : ريم بنت وضحه ..
روووضه + شووق : ووووووععععععع ..
الكل طالعهم : بلاكم ..
روضه : اممم. ماشي ..
شوق : ريييموه ما غيرها ؟؟ هي وين و عنووود وين ..
روضه : والله مااا تي صوووبها مؤول ..
شيخه : ليش بلاها الريم ؟
شوق : رابيه ويانا و ما عليها كلام .. بس هي مب حلووه ما فيها جمال ..
انا طالعتهم ..
روضه : شبلاج تطالعيني جييه .. صدق نرمس نحن ..
ام سيف : المهم ان البنت نحن نعرفها وأنا مربتنها .. عسب جيه اخترتها ل سيف ..
آميه تنهدت : ما بتندمين ي العنود ؟
انا ابتسمت : لا امايا انا قايلتله من قبل .. خل يختار اللي يباها .. و يسوي اللي يباه .
ام سيف : والله انا مب قصدي اغثكم ولا شي .. بس شسوي انتوا ما تدرون عبدالله كيف ..
شيخه مسكت جتفي : الله يعينج حبيبتي ..
.
.
.
.
.