منتدى استراحات زايد - انتـِﮧ تقول انآ آخر انسآن تغليـِـِﮧ ۈانآ اقول انتـِـِﮧ اۈل انسآن احبـِـِـﮧ ~*

لعيـونكـم . .

Part 16

شموه : ميروه اتصلي لميود قوليله خلصنا انا فوني ما فيه جرج ..
مياري : اوكيه ويت ,, وظهرت فونها من الشنطه ودقتله ,,

ميود يوم شاف رقم مياري .. قال حق ربعه انه بيروح ..
ومشى عنهم ورد عليها ..
ميود ( غير صوته وخلاه شرات البناات خخ ) : آلووووه
مياري ( تقلده ) : آلووووه
ميود : هآآه فديتج ؟
مياري : ميوود خلصناا .. وين انته ؟
ميود : اناا يااينكم .. شوفي ورااج ..
مياري صدت وراها و شافته .. ومشى وياهم لين ما وصلو السياره
و ردو البيت ..

مياري سارت وطاحت ع الكرسي وفرفرت الاكياس حولها
مياري : اففف تعب ,,
شمامي : هييه والله ..
مياري : اممم شمووه ؟
شمامي : هلا؟
مياري : قوومي نسير الغرفه احسن ..
ميود كان توه حادر الصاله وسمع مياري يوم قالت لشموه
(قوومي نسير الغرفه احسن ) ..
جان يقول ..
لاااااااا والله .. وانا ايلس بروحي .. ماشي قرو مكانكم ..
ملان ابا اسوولف وياكمـ ..
مياري : هههه اوكيه بس بسير اغير ثيابي وبيي ..
ميود : لا ماشي تمي هنيه ..
مياري : ميوود عااد .. بغير بسرعه وبيي ..
ميود : اوكيه لا تتأخرين .. امم وين خالو ؟
شموه : مادريبها يمكن ويا اميه فـ الغرفه .!!
ميود : اهاا ..
شموه : انا بعد بسير بغير ثيابي ..
ميود : شمووه عااد ... والا اقولج سيري غيري ثيابج
حتى انا بسير اغير ,, بس ردو الصاله اوجيه ..
شموه : لا تعال الصاله اللي فوق ..
ميود : اوجيه ..
وكل واحد منهم سار يغير ثيابه وميروه خلصت قبلهم وسارت
المطبخ .. تيبلها ماي وحلاوه وهالسوالف ,,
ميود كان فـ الغرفه ( افف عطشان بسير اييبلي ماي )
ونزل وسار المطبخ .. وشاف مياري راكبه ع الكرسي
تبا تيب الجبس كان محطاي فوق .. والارضيه كان فيها
ماي وتزحلق الكرسي وطااحت ..
مياري صارخت : آآآآآآآآوؤوؤوؤووؤوؤوججج ,,
ميود سيده ركض صوبها
وشلها ويلسها ع الكرسي ..
ميود : سلامات .. شو يعورج ؟
مياري ( ودموعها فـ عينها ) : يعووووووور
ميود : حبيبي قولي شو يعورج .. اوديج المستشفى ؟
مياري صاحت من الالم : لااأأ ماباا ..ظهري يعورنيي ..
مااقدر امشي ..
ميود شلها ووداها الصاله وطيحها هناك ..
مياري : اييه ليش تشلني ؟؟
ميود : يعني شو تبيني اسويبج .. اخليج هناك ..
ويت بزقرلج شموه ..
مياري قاافطهـ لانها طاحت جدامه وشلها بعد ..
ميود سار زقر شموه وقالها السالفه ..
شموه : ميااري فدييتج شو فييج ؟
مياري : طحت وظهري يعورني..
ميود : قتلها بوديج المستشفى ما طاعت ..
شموه : لاا عاادي ليش مستشفى الحين بتستوي بخير
لانها شافتني ههه ..
مياري : لا والله ههه
ميود : فدييت هالضحكه .. هيه جيه اضحكي ,,
( ميود حب يغير الجوو وقالهم ) : امم وين الافلام .. بنشوف فيلم
شو رايكم ؟؟
مياري : هناك بتلقااهم .. ( وتأشرله ع المكان اللي فيه السيديات ) ..
شموه : هيه بنشوف افلام بروحه ملل ..
وتمو يسولفون ويضحكون ..
مياري كانت متسانده ع الكرسي لانه ظهرها كان يعورها ..
وشمامي كانت طايحه حذا مياري بس تحت وحاطتلها مخدات .. وميود ع الكرسي
اللي مجابل مياري ..
ميود : آقوول شموه ؟
شموه : هممم
ميود : بتحلفين انه اللي حذاج هب قمر ؟؟
( يقصد مياري ) ..
وشموه صدت تشوف ميروه جان تقول : هيه حبتيين ..
مياري كانت تسمعهم بس ما صدت صوبهم كانت قافطه ..
ميود : هيه قمر يمشي ع الارض ..
شموه : هيه خخ ..
مياري استحت من كلامه ..: ميووووود بس عااد
ميود : يآ عيوون ميوود ..
مياري : ميود اسكت بس استحي اناا .. بخبر ماماتي تره ..
شموه : اطااع اليااهل تقول ماماتي ههه
ميود : اييه لا تعيبين على حبيبتي ماارضى عليها!! خليها تدّلع ..
مياري : هيه ثووفها تغاايض .. كيفي خليني ادّلع ..
شمووه : انزين كليتووني بقشوري ..
ميود ومياري : هههه ..
مياري : امم وينها شيخووه ؟..ما شفتها ؟
شموه : اشعرفني فيها .. يمكن رقدت ..
مياري : اهاا ..

( انزين نخليهم يتابعون الفيلم ع راحتهم )

.....................................
...................
.........

فطوم : آميييييييييييييييييييييييييييييه
عبدالله : هههههههه يبالج صوره اصدقين ( امييييييييييييييه ) اونه ههه
فطوم : جب جب والله قلبي طاااااح ..
عبدالله : شليه انزين ههههه
فطوم : اييييه عاااااد ..
عبدالله : فديتج اسوولف .. تعالي نسير داخل ..
شو ما تحسين بالبرد انتي !!
فطوم تنتفض من البرد : شوو مب بررد .. ثلللججج ...
عبدالله ضمها لصدره وتم يمشي وياها لين ما حدرو
الفيلا ...
فطوم : خآلييه ممكن سؤآل ؟..
عبدالله : ممكنيين .. آمري ؟؟
فطوم : انا اميه من عرست ما سألت عني ؟
عبدالله تغيرت ملامحه : هاا .. امبلا تسألني عنج ..
فطوم : والله خااطري اشووفها .. تولهت عليها ..
خاطري يوم اضايج اصيح فـ حضنها .. والله فخاطري واايد اشيااء
.. اباا ارمسها !!..
عبدالله : فطاامي حبيبي شوفي الساعه كم الحين ..
الوقت متأخر .. ان شا الله مره ثانيه بخليج ترمسينها ..
فطوم : قوول والله ..
عبدالله : ان شا الله ..

...................................
.................
........

حمده وحمدان يالسين يلعبون فـ غرفة الالعاب وسمعو
صوت التيلفزيون يشتغل .. تحت ..
حمده : حموود منو يثوف التيفزون تحت ؟
التيفزون = التيلفزيون ..
حمدان : مااعرف .. نثير نثوف ..!!
حمده : هيه .. يلا قوم .. بث لا تثوي حثره
عثان ما يثمعونا ..
حمدان : انذيين ..

ونزلو حمدان وحمدهـ تحت وشافو ميود ومياري وشمامي ..
يالسين يشوفون فيلم .. وحمده من شاافت ميود
سارت صووبه ركيييييييض .. لانها وايد تحبه ..
حمده : ميوووووودي
ميود صد شاف حمده تركض يايتنه .. وشلها ويلسها فـ حضنه ..
ميود : هاا حبيبي .. وينج انتي ما شفتج
( وعطاها بوسه ) ..
حمده : انته متى ييت ؟
ميود : انا من متى هنييه .. بتسيرين وياي الالعاب باجر؟؟..
حمده : مااباا اثيير ..
شمامي : قوليله بسيير ..
حمده تشوف شمامي : مااباا اثيير ..
ميود شاف حمدان واقف مكانه ويطالعهم وجان يزقره ..
ميود : حموود تعاال .. ايلس هنيه ليش واقف ..
جان يسير حمدان وبكل براءه يلس حذاه ..
حمده ادز حمدان بعيد : قوووووم ميوودي ماالييه انااا
مياري + شمامي + ميود : هههه
حمدان : مااباا .. ميوود مالي اناا ..
مياري :ما شا الله يضااربوون عليك .. ههه
ميود : هيه فديتهم يحبوني ..
ميود شل حمدان ويلساه ع ريله وحمده متغايضه منه خخ
وكل شوي تدز حمدان بعيد .. وكلهم يضحكون عليهم ..
ميود : حمدهـ حبيبي .. بس خلاص .. انا احبكم كلكم ..
لا تدزينه عيب ..
وحمدان والدموع فعينه : ابا مامااا ..
شمامي : اوييه بيصييييح .. حموودي تعاال عندي ..
باجر بوديك الدكان بنشتريلك حلاوه ..
حمدان من سمع السالفه فيها حلاوه سار ويلس حذا
شمامي .. << مصلحجي خخ
مياري : آآآهـ ظهرييه ..
ميود : يااالبي ع العيووووز
مياري : جب جب ههههه
ميود : لا تقولين جب ..
مياري تغايض : جب كيفي
ميود : جب انتي ..
مياري : جب يجبك ..
ميود سكت اونه زعل
مياري : ميووووود؟
ميوود سااكت مايرد عليها ..
مياري : حبيبي عااد ...
شمامي دزت ميود عشان يرد عليها ..
ميود : هاا ؟؟
مياري : شوو هاا ؟؟ الناس يقولون هلا والا آمري؟؟
ميود : هاا ؟ شوو ؟؟ آآمري خيير ..
مياري تضايجت من اسلوبه وسكتت وهو بعد سكت..
لين ما خلص الفيلم وقامت شمامي بتسير ترقد
وشلت ويااها حمدان وحمده وتمو ميود ومياري فـ الصاله
وتمو ساكتين يمكن جيه 5 منتس ..
ميود : مياااري ..
مياري : هممم
ميود : حبيبي زعلانه ؟
مياري : هييييييه ..
ميود : افا لييش ؟؟
مياري : لييش مساعه يوم ارمسك ترد علي بدون نفس ..
ميود : انزين آنآ آسف ..
مياري : لا عادي ..
ميود : والله انتي الواحد ما يروم يزعلج .. تخلينه يحس بالذنب
وتأنيب الضمير ..
مياري : احسن هه ..
ميود : آنزين سووري والله انا اسف ..
مياري : دوونت ووري ..
ميود : يعني هب زعلانه .؟..
مياري : لاا ..
ميود : فدييت رووحج والله ..
مياري سااكتهـ .. بس اكتفت بابتسامه ..
ميود : انزين جامليني قولي شي .. قولي فديتك ..
والا بس ع الفون؟؟ ..
مياري قفطت : ميووودي عااد .. استحي
ميود : ههه فدييت اسمي ع لسانج .. توني ادري انه اسمي حلو تصدقين خخ ..
مياري مستحيه وتباه يروح عنها عشان تقوم لانه ظهرها يعورها : جب انزيين ..
ميود : رديييييينااا .!!
مياري : ههه اسووولف ..
ميود : شو بتمين هنيه انتي .. قومي سيري غرفتج .. ارقدي ..
مياري قفطت : انزين بسير .. بس انته اول ..
ميود بخبث : من عنووني ..
ميود سار اونه بيركب الدري .. بس عقب رد ويا من وراها ..
وحط ايده على عينها :.
مياري بخووف :اميييييييه منوووووه ؟
ميود : اليني ..
مياري يوم سمعت الصوت عرفت انه ميود : ههه لا والله.. خوز ايدك عن اتي خالو .. والا اميه ويشوفونك ..
ميود : كيفي والله .. حرمتي ..
مياري : بعدني ما استويت حرمتك ههه
ميود : هب ع كيفج انتي ..
وباسها ع راسها وقالها : يلا حبيبي سويت دريمز ^^
مياري قفطت ويا كثر ما تقفط هالبنت ^^": يوو 2 ..
ميود : يلاا بااااااااااي سي يوو 2 مورو ميمي ..
مياري : باياات .. يووو 2 ..^^
وكل واحد سار غرفته .. وخمدهاا هع ..

في اليوم الثآني الظهر .. بعد الغدى ,, ميود قرر يفتح سالفة الملجه ويا خالته ( ام حمدان ) .. فسارلها غرفتها ..
ويلس ع الكرسي اللي مجابل السرير ..
ميود : امم خالوو بغيت اكلمج بسالفه ؟
ام حمدان : آمر ولدي ..؟؟
ميود : خآلو آبا املج على ميرهـ ,,
ام حمدان : مايد انته بعدك صغير .. ع الاقل خلص الثنويه وبعدين يصير خير ..!!
ميود : انزين خالو انا هب ناقصني شي .. وبعدين الثنويه بخلصها تراني... هب باقي شي .. بس شهر ..
ام حمدان : انزين انا ما قلت ناقصنك شي لا تفهمني غلط ..
وانته بروحك قلت باقي شهر وبتخلص .. وعقبها بتدخل كلية الشرطه تراك .. وبتتخرج .. وبعدين يصير خير ..
ميود : ول ول ول .. تبيني اترياا 4 سنين و6 شهوور .. وعقب اخذها!! ..
ام حمدان : انزين يمكن البنيه تبا تكمل دراستها !؟
ميود : انزين انا عادي عندي بخليها تكمل دراستها ..
وبعدين هي هب باقلها شي .. غير سنتين ..
وبتخلص ..
ام حمدان : والله مادري يا ولدي .. كلم ابوها ..
ميود ( تعبت انا والله من هالحاله افف ) : امم ان شا الله ..

بو حمدان : اوكيه بعد شهرين جيه يوم بتخلص دراستك ..
ميود استانس : اوكيييييييييييييه افا علييك انته بس ..
بو حمدان : هههه اسميك انته ..بس شد حيلك هاا ,,تراك
آخر سنه ..
ميود : من عيؤووني والله .. كل شي بيصير بس عشان
مياري خخ..
بو حمدان : حليلك يا ميود .. ربي يوفقك فـ دراستك وحياتك ان شا الله ..
ميود : آآآميييييييين ..
بو حمدان : انزين انته يوم بتملج عليها تره تعرف شو شرطي ..!!
ميود : هيه انها تكمل دراستها ويوم بتخلص الثنويه بيكون العرس
.. يعني الملجه بتكون مدتها سنتين جيه ..
بو حمدان : هيه .. بس ما تحس انه سنتين واايد ..على ملجه ..
ميود : لا عأإأدي .. بس انته شاإأورها اذا هي موافقه ..
خلاص شو بعد ..
بو حمدان : ههه اوكيه .. يلا عيل .. بخليك انا الحين .. لانه
عندي اجتماع ..
ميود : اوكيه .. يلا عيل فداعة الله ..
بو حمدان : ربي يحفظك .. مع السلامهـ

ميود سكر عن بوحمدان وهو مستااااااانس ويعرف انه مياري بتوافق ..
وسـييده دقلها ..

مياري : آلووو
ميود : هلإأ والله بحرمتييييه فديت روحج اناا ..
مياري : ههه اهليين والله .. شو السالفه ؟..
ميود : ههه حبيبي كلمت ابوج ..!!
مياري : عن شو كلمته ؟؟
ميود : عن سالفة الملجه ..!!
مياري : شوووو؟. حبيبي انا قتلك يوم بخلص دراستي ..
ميود تضايج : امم انزين شوفي .. الملجه بتكون بعد شهرين
يعني يوم بخلص الدراسه .. والعرس بعد سنتين يعني يوم
بتخلصين انتي دراستج .. جيه اوكيه ؟
مياري فكرت : اممم اوكيه جيه .. ميودي تضايجت ؟
ميود : لا عادي ..
مياري : حيااتي عااااااد .. انزين بقولك شي وبخليك تنسى
انك مضايج ؟..
ميود : قولي ؟..
مياري وهي مستحيه: انزين أإنآ موآآآآآفقهـ بس لجل عنوؤوونكـ ..
ميود حس عمره بيطير من الفرحه : قوووولي والله ؟
مياري مستحيه : والله
ميود : فددددييييييييييييييت روووووووحج والله ..احبببببج ..
مياري : وانا بعد ..
ميود : انتي شوووو ؟
مياري : آإآحـــــبـــــكـ ..
ميود : وآناا آمؤووووت فييج .. واااااو وبتستوين حرمتييه هع
مياري : ههه وبتستوي ريلييه خخخ
ميود : هيه فديتج ..
مياري : انته وين ؟.. يوم نزلت تحت ما شفتك ؟
ميود : الحين بيي البيت .. بقول حق اميه وخالو .. نسير كشته ..
بنظهرهم من البيت .. شو رايج ؟
مياري : يااااااي وناااااااااسه .. وين بنسير ؟
ميود : ههه اممم اي مكان تبونه ..
مياري : كششخه والله ... انزين اظن اميه و خالو محد !!
ميود فخاطره ( جان زين محد عشان اظهرج انتي وشموه بس ):
احم ليش وين سارو ؟..
مياري : اممم جني سمعتهم يقولون معزومين ..
ميود : عيل منو فالبيت الحين ؟
مياري : انا وشموه لانه شيخوه محد ظهرت سارت السوق
وشلت حمده وحمدان وياها ويا الخدامه ..
ميود : اهاااااا زيين والله .. عشان نحااوط ع كيفنا هع ..
مياري : يس يس .. يعني نتلبس لين ما توصل ؟
ميود : هيه يلا تلبسو وقولي حق شموه ..
مياري : اووكيه يلا جاااااااااو
ميود : جااواات ..

وسارت مياري ركيييض عند شموه اللي كانت يالسه
فالصآله تعابل فـي فؤونها ..
مياري مرتبشه :شمووه قوووووووووومي ..
شموه : بسم الله .. وين اقوووم ؟
مياري : قومي تلبسي .. بنسير نتحوط ..
شموه : ويا منوو ؟
مياري : ميووود بيحوطناا .. قال تلبسو .. مدام محد فالبيت
بحوطكم ..
شموه : وااااااااو كشششخه .. يلا نسير نتلبس ..
مياري : يلا .. تراني اقولج من الحين .. بنطقم ..
شموه : ههه اوكييه ..

ووصل ميود البيت ودقلهم وقالهم ينزلون لانه هو تحت يترياهم ..
وسارو وركبو السيارهـ .. شموه ركبت جدام ومياري ورا..

ميود : هآآ وين تبون تسيروون ؟
مياري : اممم اي مكان .. حوطنا ..
شمامي : هيه اي مكان ..
ميود : اوكيه .. شؤو رآيكم .. نسير آلقرية العالميه ؟
مياري وشمامي : وااااااااااااااااو ازقررررت .. نبا نسيييير ..
ميود : هههه اوكيه بوديكم .. بس شو لابسين انتو ..
لا تقولون تنانير؟؟ ..
مياري : لا انا لابسه بنطلون بس لانه العبايه مسكره ما يبين ..
شمامي : مي 2
ميود : هيه زين جيه .. عسبت بنلعب هنآآك ..
مياري : شكله اليوم بيكوون ازقرررت .. ميود والله انك حبتين ههه
ميود : هههه تسلميلي والله ..
شمامي : ميوود حطلنا اغنية راعي الدلع ..
ميود : من عنؤوني ..
شغل الاغنيه وشعط المسجل .. و ايبس وحالته لله .. مرتبش الريال ..
شمامي تضحك عليه : ميوود يلا يااابس ياابس ..
وهو يسوي .. عاايش حياته ومياري تضحك على حركاته
بس كشخه يوم ايبس هع ..
ميود : ميرووه ما تعرفين تيبسين ؟
مياري : سيير لااه .. ايبس اونه .. ماعرف ماعرف ..
ميود : اسمع الخررط عااد .. سوي يلا اشووف ..
مياري: ماااااااعرف ..
ميود ايبس وقال حق مياري : ميااري يلا عطيني رقبه هه
مياري وشمامي : هههههههه
مياري :شو بعد عطيني رقبه ههه
ميود : يعني يلا يبسي ويااي .. هلا هلا يابس
مياري : ميوود عااد لا تيلس تستهبل .. سوق انته زين
شوف جدامك ..
ميود : ههه .. اقولكم حد يبا شي .. من أدنوك ..
شمامي : هيه ييبلي اورنامين سي ..
ميود : ومياري شو تبين ؟
مياري : ماابا شي ..
ميود : افاا .. تبين لبان اكسترا ..؟
مياري : ههه هيه اباا خخ .. ابا مال البطيخ احلى شي ..
ميود : اوكيه ..
ونزل واشترالهم ورد .. وتم واقف عند الباب مال السياره
وعطا شموه الاكياس .. وتم واقف برع ..
شمامي : ميوود شو تسوي واقف .. يلا اركب !!
ميود حب انه يغايضهم ويطفربهم قبل لا يوديهم القريه هع :
هب متفيج ..
مياري استغربت شو هب متفيج : ميووود يلا اركب .. متى بنسير يعني ؟
ميود : متعاآآيز .. هب متفيج اركب السياره ..
وهو بعده واقف عند الباب .. ويطالعهم ..
شمامي : ميووود شوو هاا .. يلا ارركب ..
ميود : تعبآآن مااقدر..
مياري : اوهوو .. ميود عااااد .. يلااا ..
ميود مسوي عمره تعبااااااااان .. وسار حط ريل وحده فالسياره
والريل الثانيه برع .. وتم حاظن السكان .. والريل الثانيه بعدها برع ..

شمامي : اييييييييييه شوو هاااااا.. دخل ريلك الثانيه شو مخلنها برع ..
ميود فخاطره ينقع من الضحك بس ماسك عمره عشان يكمل استهباله ..
ميود وهو بعده حاظن السكان : خليها برع .. تعبان انا ماقدر ارفعها واركبها السياره ..
مياري : ميوودي حبيبي انته .. يلا خلنا نرووح ..
ميود : اقوولج تعبان ..
ومسوي عمره تعبااااااااان ويسحب ريله الثانيه شوي شوي
لين ما ركبها السياره وسكر الباب .. وبعده حاظن السكان ..
شمامي : هههه ميوود جنك فاقد حنان .. خخخ
ميود : جب جب انزين .. ( واعتدل في يلسته ) ..
مياري : هيه صدقها .. خخخ
شمامي : والله اليوم مستوي سخيييييييييييييف ..
مياري : هيييه ههه
ميود : لا والله جب جب اسكتوو .
مياري و شمامي : ههه ان شا الله خخخ
ميود : ميروووه ؟
مياري : هلا ..
ميود : ميلوووووووووووتي ( ميرووتي ) ؟؟
مياري : هلاا ؟؟
ميود : قولي عمييه مايد ههه
مياري : لا والله .. ما بقوول ..
ميود : قووووولي ..؟
مياري : مااابااا ...
ميود اونه عصب : اقوووولج قوووووووووووووووووولي
مياري : بسم الله شو بالغصب !!
ميود : هيه قولي عمييه ماايد ؟
شمامي : ميوود شو ها بعد ..
ميود : اسكتي انتي شوي .. خليني اتفاهم وياها ..
ميروه اذا ما قلتي عميه مايد .. ما بوديج القريه بردج البيت ..
مياري ( كله ولا القريه ) : لا لا خلاص .. عمييييه مااااايد ..
ميود : هههه فديتج والله ..
مياري : هيه عيبتك السالفه ..
ميود : هيه ههه ..

.......................................
......................

بو ناصر رايح راد هب قادر ايلس ..
ناصر : ابوييه انزين ايلس بلاك جيه ساير راد ؟..
بو ناصر : تأخرو واايد بالعمليه .. هم قالو ما بتطول ..
ناصر سكت وعقد حياته .. اخته من صوب واخوه من صوب ..
الله يصبرهم بس ..

....................................
...........

ام سيف : سيف يا ولدي انا مول هب مرتاحه وينه عزوز ؟
سيف : امييه ما يرد علي .. بسير ادوره ..
ام سيف وكاتمه صيحتها : سير دور اخووك .. قلبي مقبوض ..
احس انه في شي صاير ..
سيف : اميه لا تيلسين تتفاولين عليه .. الحين ساير ادوره ..
وشل سيف بعمره وظهر وشغل سيارته و رقعها ريييييييس
من الخااااااااااطرر ..
سيف فخاطرهـ ( اوهوو .. ها وينه اختفى .. كل ما ادقله ما يرد ..
وين ذلف .. اففف .. الله يعين بس .. )

....................................
...................

فطوم يالسه ويا خالها عبدالله يسولفون ..
فطوم : اممم خالييه دق حق اميه ابا ارمسها ؟..
عبدالله توهق ماعرف شو يقولها : امم اوكيه .. بعدين انزين ..
فطوم لاحظت انه خالها كله يتهرب من هالسالفه : امم
اوكييه .. بس ابا ارمسها دخييلك ..
عبدالله غمضته فطوم : ان شا الله ..
وقام وسار شغله وخلا فطوم فالبيت ويا الخدامهـ ..

عزوز كان واقف برع البيت يتريا خالها يظهر .. عسبت ياخذ
راحته وياها .. لانه يدري انه محد فالبيت غير فطوم والخدامه..
يوم لاحظ عزوز انه خالها رووح .. سار وقف سيارته برع البيت
بس ع طرف الشارع .. ونزل .. وسار جدا البيت ..
عزوز فخاطره ( بتشؤوفين شو بسوي يا فطييم ههه ..
قسسم بالله بتندميين .. بس شو يفيد الندم !! )
وسار وشاف باب المطبخ مفتوح ( لانه المطبخ له باب برع )
ودخل عزوز .. وكله امل الخدامه تكون محد ..
وتم يمشي لين وصل الصاله وشاف فطوم يالسه وماسكه
كتاب فـ ايدها ومندمجه ..
يا من وراها ويرها من شعرها ولفها صووبه :
فطوم منصددمممه : عزووووووووووووووووووووووووووووز !!

stoooooooooooooooooooooooooooop..

توقعـآتكم . .