|
البارت السابع عشر . . . قرت الأوراق حرف حرف هيه بعادتها دقيقه بكل شي إنصدمت بلمت من الصدمه خلاص ماعاد عندها حيل تحس الهواا كله إنعدم من حولها ردت تقرا مرة ومرتين وثلاث كانت تظن أنها لو عادت القراية بتغير شي ولا انها قاريه غلط بس مثل كل مرة الكلام صحيح 100% قعدت ع السرير تحس خلاص قواها كلها راحت دمعت عيونها تمت تصيح وتصيح بس عقب حست ان الروح ردت لها رجعت قويـه ما كانت تبا تضعف أكثر مني جذه لفت الاوراق وردتها مثل قبل ورجعت الجوازات والهويه والجنسيه لمكانها بالضبط ومثل ماهي دقيقه ردت كل شي لمكانه ما يبين أبد أن حد غير شي قفلت التجوري و رجعت المفتاح لمكانه بكبت ابوها تحت الغتر وقفت جدام المنظرة ومسحت دموعها حاولت تهدي عمرها شويه وطلعت برع . . قاعده بحضنها فواغي تلاعبها ويرن فونها فجر:"توترت حيل لما جافت اللي متصل وليد" ألو وليد: حياتي فجر:"تحاول تخلي نبرتها عاديه" هلا آمر بغيت شي وليد: فجوور عمري شفيج فجر:" تدمع عيونها" مافيني شي وليد خلاص خلني بحالي انا اليوم بنام إهنيه "تجوف فطامي يايه صوبها ومسحت دمعتها بخفه" وليد: ليش فجر تعرفيني ماصبر عنج فجر: جان تكلمت يوم أمك جي سوت وليد: فجر تعرفيني ماروم أتكلم ويا امي لازمم احترمها فجر:"تعلي صوتها" بس الاحترام له حدود والي صارت تسويه امك صعب وايد علي اتحمله ياتوقفها عند حدها ولا درب السلامة وليد:"مصدوم" فجر مب من صدق فجر: والله هذا اللي عندي تباني خذ لي بيت روحي تباني إحترمي وإفرض إحترامي ع أمك أنا ما اقول لك إعصصاها بس الاحترام له حدود ويوم بتوقف بصف زوجتك هذا ابد ما يعتبر عقوق لها لان انا عمري ما برضى انك تقطعها ولا تعلي صوتك عليها بس وليد أنا تعبت والله تعبت وليد: بيي آخذج فجر: وليد خلني اليوم اهنيه وانت فكر بكلامي وليد:"بخيبه أمل" آحبج فجر: " إبتسمت له" وانا بعد يلا مع السلامة سكرت عنه فطامي: وليد فجر: هيه فطامي: ع شو ناويه فجر: برقد إهنيه اليوم وهو خله يراجع حساباته انا ما كل مرة برضى وأقص ع عمري فطامي: إللي تجوفينه حبيبتي فجر: شو تسوون برع فطامي: ماشي توه قاعدين ويا مثايل بعد شوي بتي فجر: خاطري بكيكه ما بتطلبون من برع فطامي: مممم شو رايج أنخلي مثووول تسوي ترا سويتاتها لذيذه وايد فجر: صج فطامي: هيه يلا بسير بقولها فجر: أخاف ما تبا فطامي: لا ما عليج بترضى ما بخلي شي بخاطرج ههه فجر: فديتج فطامي:"تتطالع فواغي اللي رقدت" فديت هالعيون أنا فجر: إشش عن تنش فطامي: زين يلا انا بسير عقب بييج رقدي يم بنتج فجر: ههه زين . . طلعت من الغرفه وباين عليها التعب حمدت ربها ان محد قاعد بالصاله اللي فووق مرت ع غرفه سلطان ومهره و إبتسمت من القلب لما سمعت مهره وهيه تسمع لسلطان صايرة الابلة وهو التلميذ وصايرة تغريه بأشياء عشان يجاوب صح ما شا الله صوتهم وين واصل . . مهره: سلطان يلا ذاكر سلطان: مهووور بنااام تعبان مهره: مافيك شي يلا كمل سلطان: زين نسيت الجواااااب شو الواحد ما ينسى مهره: لو مذاكر ما بتنسى سلطان: مهوووووووووور مهره: ترا لو ما ذاكرت عدل ما بنام عندك بسير بنام عند أختك ولا اقولك بحضن بابا سلطان:"فاج حلجه" بابا مهره: هيه من زمان من نمت بحضنه "تغايضه" شكثر مشتاقه له سلطان: "بصدمه" وانا مهره:"تقلده" أنا " تتدلع" ليش أنت شو فيك ؟!! سلطان:"يطالعها بنظره جديه" مهوور قدها مهره:"تبادله النظره" قدها أنا ابا ريلي الكل يفتخر به ابا باجر يقولوون جوفو ريل مهره كيف سلطان: مو من صدق مهره: بلا يلا كمل سلطان: زين ممم أبا أممم مهره: ماكوو سلطان: ولا نص بوووسه حراااااااااام عليج تحرميني مهره: ممم بلا في سلطان:"شاق الحلج" والله "يقرب منها" يلاا بووسيييني مهره:" تقرب من خده بس ما باسته عضته" سلطان: آآآآآآآآآآآآآآه "يمسك خده" مهووور كيف هنت عليج مهره: تبا بوسه ذاكر سلطان :"تافف" زين بذاكر بذاكر بجوف آخرتها . . مثايل:"بدعوه صادقه" ربي يحميكم عقب مرت ع غرفه عمها بو مهره لان غرفته قبل الدري ع طول باللحظة اللي يات تنزل منه طلع هو بو مهره:مثايل مثايل:"صدت له" هلا عمي بو مهره: شحالج أبويه مثايل:"ابتسمت ابتسامه باهته بدون اي معنى" الحمدلله عمي إنتا شحالك بو مهره: الحمدلله يابوي الحمدلله مثايل: يلا انا بخليك بنزل تحت تامرني ع شي بو مهره: سلامتج الغلا روحي مثايل: " إبتسمت له ونزلت" . . بحكم انها نازله بالدري لازم أتمر بجناح الشباب جافت فلاح توه راكب من تحت مثايل:"بحيره" انت وين كنت ؟!! فلاح: كنت عند ربيعي ليش شوفيج تبين شي مثايل:"تحاول تكون طبيعيه" أنا بخير مافيني شي فلاح:"بخوف" شوفيج خوفتيني جوفي كيف ويههج كيف مصفر مثايل:"تمت تصيح وعقت عمرها ع فلاح" تم حاضننها وهيه تصيح مب عارف شو فيها . " بعض آلآحيآن ‘ لآ قلت : ( أنا بِخِير ) ! وديُي بشخصٍ : يتأمل | نظرة عيوٍني ثمِ يضمني , لصدرههُ "ب أقوٍى حنآنهَه " وهوً يقُول : [ وربكُ , ادريُ انكِ مو بخير " . بنفس اللحظه مر أحمد اللي توه ياي من دوامه أحمد: بسم الله شو فيكم فلاح: مادري شوفيها مساعه ما فيها شي "يبعدها عنه" فلاح: مثايل شفيج تكلمي "مسحت دمووعها وتحركت عنه " كانو يراقبون حركتها كانت تمشي مثل السكارى وهم مب قادرين يتكلمون إلين ما طاحت جدام عيونهم فلاح:"صرخ" مثاااااااااااااااااااااااااااااااااااااااااااااااا ااااااااااااااااااااااااااااااااااااايل . . شلاها ع طول وهو يسمع أحمد يقول: يلا خل نوديها المستشفى . . طالعه تدور مثايل وأنصدمت لما جافت فلاح شالنها وأحمد وراه فطامي: "بخوف" شوفيها أحمد: مادري طاحت علينا بنوديها المستشفى فطامي: أيي وياكم فلاح: خلج ولا تخبرين حد لا تخوفينهم فطامي: زين . . . قاعده بالصاله متوترة تتريا حد يطمنها ع مثايل بس ماكو صار لهم نص ساعه من طلعو فارس: فطييييييييييييييييييييم هااا مسلسلج بداااااااااااااا فطامي:"بلا مبالاه" وشو اسوي"تقوم" فارس: ما بجوفيـه بس هيه ما عبرته ونزلت تحت رايحه لغرفتها فارس:"بملامح صدمه" غريبه بس ما يهم الاهم من جي اني يجووف المباراه زين يات منها ولا بتناقع وياها إيـييه فهد فهد: بلاااك مينووون قاعد ترمس روحك فارس: خل عنك الينووووووووووون تعال بدت المباراه فهد: صدق ويقعد وياه . . . بالمستشفى فلاح: "يقووم" وايد طولوو أحمد: إهدا انا بدخل بجوفهم شوي ويطلع الدكتور فلاح:"يسيرله" هاا دكتور شوفيها اختي الدكتور: المريضة تعرضت لصدمه قويه وياها انهيار عصبي في شي صار لها فلاح: لااا ما صار شي هيه كانت عادي الدكتور: انا عطيتها ابره مهدئة ونامت أحمد: دكتور من شوو ياها الانهيار الدكتور: دكتور أحمد هيه متعرضة لصدمه قويه أنا ماقدر أحدد السبب لازم تسألونها ولا تعرفون شو صار لها هيه ما على لسانها إلا كلهم جذابين كلهم خواانين وكلهم خداااااااااااااعين فلاح:"بخوف" شو !!!! الدكتور: لا تخاف عليها خلها كم يوم عندنا ونا بطرش للدكتور النفسي ايي يجوفها هذا احسن حل عشان نفسيتها أحمد: إن شا الله "يمسك فلاح" خل الدكتور بحاله "يكلم الدكتور" يوم بتكلم الدكتور النفسي خبرني الدكتور: إن شا لله . . . بعد يومين كانت قاعده ع سرير المستشفى الابيض ووو صار لها يومين لو حد ياها ما تتكلم ولا تقول شو اللي صارلها إمها وأبوها يووها وما رضت تتكلم أبد لين عيزو منها وطلعو فلاح: مثايل تكلمي فضفضي قولي اللي بخاطرج مثايل:...... أحمد: خلها فلاح مثايل: "تطالعهم بنظره" ليش مخليني اهنيه ابا ارد البيت فلاح: مثايل حبيبي شو رايج انردج البيت وتقولين لنا شو صابج حراام عليج مثايل:"تكتف ايدها وتصد عنه" فلاح: مثايل انا وراي إمتحان بعد نص ساعه مثايل:" بعصبيه" سير إنزين أحمد: "يعطيـه مفتاح سيارته" خذ السيارة رووح الكلية ويوم بتخلص تعال لي انا بتم إهنيه فلاح: "يمسك إيد مثايل" مثايل ترا الدكتور النفسي بيي اليوم أوكي مثايل:" هزت راسها" أحمد: يلا روووووووووووح . . . بو حمدان: "يكلم زوجته" ما بتروحين لمثايل أم حمدان: شفتها امسات شو سوت !!!! بعد تباني اسير لها والله ما اسير بوحمدان: " إطالعها بنظره" أم حمدان: لا تتطالعني ججي ما بسير يعني ما بسير بو حمدان: الله يهديج "وقام عنها" . . . صار لهم يومين ينامون بغرفه مثايل كلهم علايه وفطامي وخلود وخوله خلود: صح اني ما عرفتها عدل بس ولهت عليها خوله: ونا بعد صح اني ما قعدت معاها ولا سولفت وياها ع اساس انها بنت عمي بس والله كسرت خاطري فطامي: مادري شو صار لها !! علايه: متى بيطلعونها فطامي: سـألت فلاح أخوها قال يمكن اليوم خلود: شو رايكم نسوي لها شي يغيير نفسيتها علايه: هيه نسوي عزيمه فطامي: لااا نسوي اي شي خفيف يغير نفسيتها خلود: مممممم زين كل وحده تفكر بطريقتها الخاصه وتسوي فطامي: مممممممم تدرون الخميس يوم ميلادها بتكمل 18 شو رايكم نسوي لها حفله صغيرونه خوله: فكره فطامي: خلاص نحن بنخبر كل العايله عن السالفه وبنقولهم يسووون خوله: زين والشباب ويانا فطامي: هيه أكيد ولو بشي بسيط يساعدوننا خلود: أوكي . . . يوم الخميس .. قاعده بغرفتها من يوم ظهرت من المستشفى ما تطلع ابد " الدكتور النفسي عيز وياها ابد ما كانت تتكلم ولا تقول شي " اييبون لها اكلها للغرفه مرات تاكل ومرات لاا إبتسمت لما تذكرت يدتها كيف ياتها امس . . . يدووه:"بخوف" مثاااااااايل شوبلاج يا اميــه مثايل:"تبتسم لها" ماشي يدووه يدووه: شوفي عااد كل اللي برع غيرانين منج مثايل: ههه ليش يدووه: لاني تعنيت لج للتحت وركبت هاا الدري وريولاتي تعورني "يدخل يديه" يديـه: لا تصدقينها جذووووب مثايل: ههههه يديـه: إلا نازله بهاا اللي يصعدون به وينزلون وين لها حيل درااايه بعد مثايل: ههههه يدووه:عاد انت يا الشيبه لازم تفشلني يديـه: إصدقي ما بفشلج أونه تعنيت لج بالدري يدووه: "بصوت واطي" شيبه ويتفلسف عليي مثايل: ههههههههههههههههه " بخاطرها" يدووه طلعت تعرف الفلسفه بعد هههههههه يدووه: أنا قايمه عنكم وطلعت يديـه: "يمسك إيد مثايل بقوه" مثايل مثايل: يديـه كلهم جذابين يديـه:"بجديه" وانا بعد مثايل:"ما سمعته او يمكن سمعته وطنشت" ما يدرون ان دعوه المظلوم ما بيننها وبين الله حجاب يديـه: الله فوق مثايل:"تحضن يدها" عمري ما حسيت بحنانها إميـه موزة هيه اللي كانت تحن علي هيه اللي كانت أوكي وياي هيه اللي حبتني من صدق هيه اللي رضعتني هيه اللي سوت كل شي لي يديـه: موزه أم غلا اللي ياتنا امس مثايل:هيه يديـه: مثايل مثايل: لبيـه يديـه: صدق انا شيبة شرا ما قالت يدتج مثايل: ههههه لا يديـه انت شباب بعدك يديـه: ما بتزوجيني غلا مثايل:ههههههههههههه يديـه تبا اختيه يديـه: هيه ليش ما يايزة لي مثايل: ممم يديـه لو يبتو عيال بيقولون لي خالو ولا انا اقولهم عميـه وعموووه يديـه: هههههه فديتج الغاليه سوالف سوالف مثايل: بعدين يدووه بتغااار منها يديـه: هههههههه هيه صادقه مثايل: تدري غلا تحب يديـه: تحب مثايل: فلاح يديـه:وفلاح مثايل: فلاح مادريبه يديـه: خلاص ع ايدي إن شا الله مثايل: كلهم ع ايدك يديـه: هيه حتى انتي مثايل: لا يديـه انا لا يديـه: ههههه مثايل: ههههههه يديـه: بخليج عيل ترتاحين مثايل: راحتي بوجودك . . . إبتسامتها شاقه حلجها عقب هالموقف اللي مر ع بالها دورت إي فونها صار لها جم يوم مطنشتنه بطلت السده ولقته شلته جافته مغلق مثايل:"وهيه تبطله" أكيد مفضي كامل بس طلع مب مفضي مثايل: أكيد فطامي ولا حد من البنات غالقينه . . بطلته جافت كم مسج ياينها كان واحد منهم من حمدان يقولها:" حظها بنتي دامها سميتج" مثايل: ههههه مب صاحي الريااااااال !!! . . إحتارت شو تسوي بطلت المسن واول ما فتحته جافت محادثه إنفتحت لها من " سيف" سيف: مثااااااااااااااااااااااايل مثايل: "ابتسمت ولا ارادي كتبت" عيووووووني سيف: تسلم هالعيون وراعيتها مثايل: :) سيف: بطلبج طلبه لا ترديني مثايل: آمرني سيف: أباج تبدلين ثيابج و تطلعين للحديقه الحينه مثايل:"استغربت طلبه" ليش سيف: بس جي اباج تغيرين جو بدال جو الغرفه الكئيب اللي أييب المرض مثايل: من عيووووني سيف: كشخي كشخي مثايل: ليش بعد ليكون انت بالحديقه سيف: هههههههه لا بس قلت لازم تكشخين عشان نفسيتج تتغير مثايل: زين سيف: خلي المسن مفتوح وسوي اللي قلتلج عليه ويوم بطلعي خبريني مثايل: أوكي . . ما تدري ليش نفذت اللي قالتها اياه يمكن هيه كانت محتاجه حد يدفعها شراته ولا لانها تحبه نفذت لبست قميص طويل يوصل للركب و كمه طويل لونه بني وفي حزاام بالوسط وتحته مخبايين طواااال ولبست تحته سكيني بيج مشطت شعرها وخلته مفتوح و يابت تاج بني ورفعت شعرها من جداام ممم هو قالها كشخي فلازم تكشخ عدل دورت عدساتها بس ما حصلت ما تدريبهم وين ومالها خلق تدور فشلت نظارتها ولبستهم و حطت قلوس شفاف يلمع ع شفايفها جافت نعال بنيه لبستها وشلت فونها وطلعت مثايل:"ع المسن" سيف انا بطلع الحينه سيف: خلاص عيوني بخليج عيل مثايل: :) . . كانت متفاجأه ان البيت صخه ماكو ولا صوووت بس قالت يمكن لان الحينه العصر كل واحد يا بغرفته ولا طالع بطلت الباب عشان تطلع للحديقه تفاجأت بحد يصرررخ : سربراااااااااااااااااااااااااااااااااااااايز تصنمت مكانها مب عارفه شو تسوي أصلا من الصريخ ما ركزت شو انقال حاولت تركز بس ماكو تركيز هدو حيلها أول وحده تتقرب منها علايه علايه: "تبوسها بس مثايل ما بادلتها البوسه مصدوومة هه " كل عااام ونتي حبيبتي اتيها فطامي فطامي: "تبوسها" إحـم لا كل عام ونتي حبيبتي انا أتيها غلا غلا: وخرو وخرو "تبوسها" كل عام ونتي أختي الغاليه مثايل: ههههههههههههههههه ايييها أحمد أحمد: لو ادري ان هم بيضحكونج وبيطلعونج من جووج الكئيب من زمان مسوين لج حفله "يطالع البنات" ونتن ما تستحن اونه" يعايب ع صوت البنات" كل عام ونتي حبيبتي "يرد لصوته الطبيعي" أأأخ عليكن ما تستحن ع وييهكن الكل : ههههههههههههههههههه إتي خلود: أحمد الغالي سوالف بنااات ما عليك انت "تتطالع مثايل" انا بقولج كل عام ونتي بنت عمي الغاليه اللي الكل يحبها والكل يهتم فيها والكل يرتاح لها والكل "تقاطعها خوله" : بسج بسج ما خليتي لي شي "تبوس مثايل" كل عام ونتي لله أقرب أحمد: أونها عاد مثايل: ونتي بعد حبيبتي وااو فديتني لهدرجه تحبوني أيي سلطان ومهره سلطان: وخرو عنااا مثااااااااايل ولهت عليج واااايد "ياشر ع مهره" هاااي ماذتني ما خلت فيني شي صاحي "يسوي روحه مسكين" وأنا الفقير ما عندي حد اشكيله لو رحت لأبوها بيحايز لها بنته محد غيرج بيحايز لي مثايل: ههههه حرام عليك كله ولا مهره سلطان:"يمثل الصدمه" حتى انتي انحزتي لها منوو عندي انا مهره: انا عندك فلاح: أحـم مثايل الغاليه حبيبتي انتي كل عام ونتي بخير وصحه وسلامه عقبال 100 سنه أحمد: دينااااااااااصووووووووووور مب مثااااااااااااااااااايل مثايل: هههههه فطاااااامي: مثوووووووووووول"تمسك إيدها" تعالي للحديقه اهناك يديـه ويدووه وكلهم مناك يلا تعالي مثايل: زين . . بالحديقه أول ما وصلو يديـه:"قام" عاد أنا ماحب هالسوالف بس دامنها حقج أنا رضيت يدووه:"بوصت واطي بس سمعووه" خل عنك مادري من وين !! مثايل: يدووه شوفيج يدووه: مافيني شي يديـه: غيرانه منج لان سوينا لج وما سوينا لها الكل : هههههههههههه يتقرب بو حمدان بو حمدان: كل عام ونتي بخير بالغاليه مثايل:" بلا مبالاه" ونت بخير وسلمو عليها أم خالد وبو خالد و أم فهد وبو فهد وبو مهره وباركولها أخر شي . . أم غلا: كل عام ونتي بخير مثايل:"حضنتها" ونتي بخير ماماه غلا: أحـم نحن هنا ونغاااااااار أم غلا: هههه مثايل:"تبتعد عن حضن أم غلا" حيواانه ميرة: أحـم مثايل "تقرب منها" كل عام ونتي بخير مثايل: وااااو شنو حظي اليوم الشيخه ميرة يايه تسلم علي وتبارك لي من وين نازل حظي اليوم !!!! ميره: هههههه غلا: غريبه صح صح مثايل: الصراحه هيه العاده تضاربني تنازعني بس تبارك لي شوي غريبه ميره: ههههه مثايل: ههههه " تلتفت" باباه مايا أتي أم حمدان أم حمدان: أحيد أبوج أهنيه وبارك لج مثايل: قصدي أبوي بو غلا أم حمدان: "تصد عنها" غلا:"تهمس لها" أمج شو فيها مثايل: شدراني شو لي خص انا!!! . . أتيها فجر ماسكه فواغي فجر: مثايل كل عام ونتي بخير مثايل:ونتي بخير أحـم شحالها بنتج فجر: بخير "تاشر ع وليد" تعال بارك لها وليد:"بإحراج" شحالج عشاج بخير مثايل: بخير الحمدلله أنت شحالك وليد: يسرج الحال مثايل: دوووووم " تمسكها علايه" علايه: تعالي خلووووووووووووود أخوي بيسلم عليج وتوديها صوب الشباب ما قاعدين علايه: هذيييييه سلم عليها مثايل:" فاجه حلجها" خالد: حسبي الله ع ابليسج من بنت علايه: شوفيك فهد: " يصد الصوب الثاني وقابض ضحكته" أحمد: هههههههههههههههه علايه: شو فيكم " عااااد علايه يوم اتزيد عندها التنااااااااحه تصير فضيعه " خالد: "يقوم " كل عام ونتي بخير يا بنت عمي فهد: "يطالعها " أنتي كم كملتي مثايل: 18 ليش فهد: صدق ما يبين مثايل:" أنحرجت " علايه: بسكم منها تعالي بنقص الكيكه مثايل: يلا علايه: " تصرخ"يلا بنقص الكيييييييييييييييييييييييييك مثايل: " تطالع غلا جافتها يايبه كام وتصور" غلوووووووووووووووووي صوووووووووري وعطيني الصور عقب غلا: كله بحسااااااااااااااابه أختيــــــــه مثايل: خس الله بلييييييييييييسج يا اختيييييييييييييييه غلا: وبلييييييييييييييسج "طبعاً هاا كله بصريخ لانهم شوي بعااد " والكل ضحك . . فطامي: "ماسكه السجين" يلا اتقربوووووووو فارس: وييييييييييييييييت ما بتولعون الشموووووووع !!!! علايه: هيه والله نسيت انا اقوووووووووول شو ابااااااااا !!!!! خالد: من عقلج " يطلع ولاعه من جيبه" هاااكم ولعو الشموووووع مثايل: أويييييييييه انت تدخن خالد: لااا يايبنها من المطبخ مثايل: حسبالي أحمد: جي ريلج ولا شوو !!! مثايل:"تطالعه بنظره" ولدعمي وخايفه عليه سلطان: مثاااااااااااااااايل لو ببطن مهره بنت بسميها عليج مهره: لو ولد مثايل: لو ولد حمدااااااااااااااااااااان سلطان: حمدااااااااااااااان أم حمدان: ليش ما عبدلله بو حمدان: ولدهم وكيفهم انتي شيخصج خلود: أويييييييييه قصيتو ولا بعدكم فهد: "يولع الشمعه برقم 18" الحمدلله انها شمعه وحده ولا ابتليت 18 شمعه بولع خوله: ههههههه . . يطالعهم من بعيد يجوف بسمتها وياهم كيف تغيرت نفسيتها يجوفهم يسولفون من اول ما يات لين الحينه وهو عينه ما فارقتها "آحسدهم عِندمآ يرونك كُل يوم ، يتنفسون هوآءك ، يسمعُون حديثـك . . يأكلون معك آيديهم تُلآمس يدك . . وآنآ أتمنى لو ألمحك فقط ! لكني مُتيقن بأنههّ سيأتي يومُ وألتقي معكي ، سآخذك بعيدآ عٌنهم فَ يكفي مآ أخذوهه منك ," . . ياه فلاح فلاح: سيف لهدرجه سيف: واكثر والله بدون احساس مني فلاح: " تمسك إيده" يلا تعال خل تاكل كيكتها وانا بخليها تحبك سيف: هههه . . جافتهم يتقربون منهم وقلبها بداا يدق بدت تسمع نبضاتها باذنها ماسكه السجين صارلها فتره فطامي: مثاااااااااااااااااااااااااايل يلااااا مثايل: " فزت " زين زين خرعتيني "يايه تقص" علايه: ويييييييييييييييت أحمد: بلااااااااااااج طيرتي حماامه فوادي علايه: هههه حمامه فوادك أحمد: هيه علايه: هههههههه خالد: شوفيج شو كنتي بتقولي ؟! علايه: كنت بقول لمثايل تتمنى امنيه عقب تنفخ الشمعه وعقب تقص خلود: " تسوي لها مالت" خالد: ههههههههههه فجر: يعني شوو !! يلاا فطامي: هههه شوي شوي خلوها تتمنى مثايل: "تتطالع سيف بنظره وابتسمت" خلاص تمنيت" تنفخ ع الشمعه اللي انطفت بأول نفخه " وقصت الكيكه فطامي: يااااااااااااااارب تتحقق أمانييييييييييج كلها مثايل: وامانيكم كلكم مثايل: حممممممممووووووود مايا سلطان: لااا عقب بيي الحينه رااااااااااقد مثايل:"مدت بوزها" كنت ابا الميث فلاح: هههه بتيج عقب خلود: يلا " تقص الكيك" سيرو قعدو وبنزوع عليكم الكيك أحمد: ابا 2 مش 1 علايه: زطي عافاني الله أحمد:"يأشر ع راسه ب كيفي " وراحو كلهم وتمو خلود وخوله وفطامي وعلايه ومثايل يقصون . . فطامي: مثاااااايل أنتي المفروض تقعدين مثايل: عادي والله . . قطعو الكيك وتقاسمووه البنات كل وحده بتودي لحد فطامي:"تعطي يدووه ويديـه" بالعافيه يدووه: أدريبج تبيني اموووت يايبه لي شيرة عشان ترفع السكري وامووت تبيني اموتت صح فطامي:"بطالعها بصدمه" يدووه يديـه: خلها عنج عطيني انا هااي مكارة اول مرة اجوف عيوز مكارة يدووه: أنا عيوز يا االشيبه فطامي:"حطت الكيك لهم ع الطاوله وسارت وهيه قابضه ضحكتها تودي الكيك لفجر وريلها وسيف وفلاح لانهم قاعدين قريب من بعض" . . عطت خالد وسلطان ومهره وياا دوور أحمد علايه: أحمدوووه وحده بسك جووفها كبيرة أحمد: مالي خص قلت 2 يعني 2 ما تفهمين علايه: أحمدووووووووووووه علي: عليووه عطيني انا خليه عنج علايه:"تعطيه الكيكه اللي كانت لأحمد" بالعافيه أحمد:" يشل الصحن عنها " مالتي هذيي ييبي له وحده ثانيه علايه: "تصرخ" ااااااااااااااااا خبلت فيني تراااك علي: "يشل الصحن الثاني اللي كان عندها" أحمد: شو تترييين بيزات ما عندي علايه:"تسير عنه وهيه تتحلطم" فطامي: بلاج علايه: أحمدووه رفع ضغطي فطامي: هههههه حتى يدووه ويديـه ههههه . . خلود راحت تودي بأمها وأبوها وأعمامها وحريم اعمامها ووياها خوله وعطو بعد قووم أم غلا . . |
تابع البارت السابع عشر . . فطامي: يلااا المفاجأه الثانيه مثايل: بعد !! علايه: هيه " تتقرب منها غلا " غلا:" تعطيها شي مغلف " هذي هديتي انا وميره ميرة: هيه انا وياها سويناه مع بعض مثايل:"مستغربه" متاكدين ميرة: يب يب انا وياها سويناه مع بعض مثايل: سبحان مغير الاحوال أتيها أم غلا وعطتها باقه ورد حمرااااا أم غلا: عني وعن بو غلا مثايل: فديتكم كلفتو ع روحكم أم غلا: أدريبج تعشقين الورد عاد ان شا الله ما تسبب لج حساسيه لصدرج يبت لج وحده ريحتها خفيفه مثايل: ههههه تتقرب منها خلود خلود: " تعطيها شي" هذي هديتي وهديه خوله مثايل: شو سالفه الثنائيات اليوووم فطامي: ههه مادري أنا هديتي أحـم بتوصلج عقب لانها ما جهزت للحين سلطان: انا هديتي ويا مهره رحله ل دبي أسبوع تباتين و تسوين اللي تبينه ومع اللي تبينه يعني انتي تحددي المرافق أحم ترا بس الفندق ع حسابنا مهره: ههههه خالد: ترا أنا وفهد وياهم مشتركين الرحله كامل ع حسابنا مثايل: " مصدوومه أول مرة حد يسوي جي لها " أحمد: أما هديتي انا بتوصلج لباب غرفتج عقب ههههه مثايل: ليكون انت وفطامي ثنااائي أحمد: "ياي يقول شي" بس فطامي قالت قبله: لاااا انا روحي وهو روحه مثايل: ههههه بو حمدان: أنا احترت شو اييب لج هديه "يمد لها ظرف " هااج سوي بالملبغ اللي فيه اللي تبينه علايه: عمي انت ثنائي ويا مرتك فطامي: هاها ها ظريفه خلود: ماما وبابا يايبين لج باتشي بنحطها بغرفتج عقب مثايل: كلفتو عروحكم بو مهره: انا هديتي مب الحينه بالاجازة العووده سفره لإيطاليا لكم كلكم مهره: واااااااااااو باباه صج بو مهره: هيه الغاليه بس عاد هديه مثايل لو هيه ما تباج تسيري ما بقول لا حرام بنتي خليها تسير مثايل: ههههههههههه مرت اخووي هذي أول وحده تسير فجر : السموحه انا وريلي ما يبنا شي ما لحقنا مثايل: وجودكم يكفي فلاح: أنا هديتي اني يبت لج " كان يأشر ع سيف بس محد منتبه بس قال عكس اشارته " يبتلج غلا مثايل: " إبتسمت له وهيه تجوف سيف" مشكور اخووي فطامي: مممم يلا شرايكم نلعب علايه: شوو !!! فطامي: الصراحه مثايل: فطااااااااااامي لاااااا خلود: بلا بلا نلعب يلا خوله: هيه نلعب "يااا فلاح" شل عنها الهدايا فلاح: بوديهم غرفتج فطامي: تسوي خير غلا:" تتطالع فطامي بنظره فهمتها ع طول هههه " خالد: بنلعب وياكم أحمد: هيه بنلعب وياكم مثايل:"تهمس ل فطامي"جفتي فطامي: عاادي ما بيصير شي . . . قعدو ع حصير كبيير بالحديقه الشباب كان ترتيبهم أحمد .. فهد .. سلطان .. فلاح .. سيف .. خالد .. يم خالد خوله .. خلود .. فطامي .. غلا .. مثايل .. علايه كانت علايه يم أحمد وقاعدين بشكل دائرة . . سيف ما كان بيلعب خاصه مع البنات بس أصرو عليه الشباب وكان شكله محرج . . فارس وعلاوي دخلو داخل البيت يلعبو بلي ستيشن . . الأعمام وحريمهم قاعدين يسولفون ع طرف أم غلا وميرة سارو بينتهم بس تمت غلا يدووه سارت تجوف الخدامه عشان العشا " مادري بلاها مشتطه هههه " يديـه سار يجوف الزرع وعقب رد يقعد ويا عياله . . مكان الاهل بعيد شوي عن العياال . . فلاح: يبت لكم دبه ماااي منو بيشربها مثايل: خلها جي بنفرها جي لو فاضيه بطير فطامي: هيه صح فلاح:"يحطها" زين يلا لفوووها أحمد:"يلفها" علايه تسأل خالد علايـه: مممممم تباا جرأة ولا صراحه خالد: صراحه ما يندرى شو تبطلبين مني ما بختار جرأة علايه: ههههه " تناظره بخبث" ليش للحين عزااابي ؟؟!! خالد:"بأحراج" هاا سؤال ويا ويهج أحمد: مالنا خص جاوب يلا بصراحه خالد:" جاوب بسرعه كأنه يبا يتخلص بسرعه من السؤال" ما لقيت وحده اتدش بالي أحمد: بس خالد: هيه بس كااا جاوبت يلا لفوووه أحمد: " يلفه" طلع غلا تسأل فلاح غلا: "بخاطرها ">< ما لقيت الا فلاح مثايل:"حست فيها" أنا أسال أحمد: لا اللي يمج قريب لها مثايل:"تهمس لغلا" المكتوب ما منه مفر غلا: أنا أسأل ولا أحمد:"يقاطعها" هيه سألي علايه: بلاك انت دفش بنيه غريبه جي تسوي فيها أحمد: عاادي ما غريب إلا الشيطان سلطان: غلوووووي عليج فيـه طلعي فضايحه غلا: مممم " هيه متعوده ع فلاح وسلطان وايد وهيه اوفر مرات وياهم بس مب جدام ناس اول مرة تجوفهم " فلاح: شو رايج انا اللي اسأل مثايل: هيه يلا عادي بادلو غلا: هيه اوكي فلاح: دام رضيتي نبدل انا اباها جرأه غلا:"تتطالعه بصدمه ههااا ع شو ناوي !!!!" فلاح:"إبتسم لها" اباج ترسميني غلا: بس فلاح: هيه بس غلا: من عيوني بتوصلك الرسمه باجر أحمد: ليش مب الحينه يمكن تقصين علينا غلا: لا ما اقص بس لازم أرسم والون وجي أباها رمسه عجيبه خبااال مثايل: داام غلووي راسمتنها اكيد بتكون خبال غلا: خلاص فلاااح باجر بتوصلك بقعد عليها الليوم بالليل فلاح: خليها ورا باجر حرام هالعيون تسهر اليوم عشاني بتتعب غلا: " بخاطرها">< تفداااك مثايل:"تهمس لها" أدري شو قلتي غلا:هاا مثايل: تفدااك غلا: هههه أحمد: يلا نلف مثايل: هيييييييه لفوو " سلطان يسال مثايل ولا يطلب منها" سلطان:"يبتسم لخبث" جاهزه مثايل: "تبادله الابتسامه" جاهزه سلطان: أنا بعد اباها جرأة مثايل: جراة جرأه سلطان: اباج تغني مثايل: مممم أغني أحمد: هيه غني بعد شو 1!! مثايل: ببالك اغنيه ولا ع كيفي سلطان: لا عكيفج مثايل: أوكي يلا " وهيه مبتسمه وتناظر سلطان" " فديتك ياهوى نفسي مع الشدات خاويني فديتك لا قسى وقتي علي وناحت أشجاني "نزلت عيونها ولمت ايديها" أبيك في لحظة الفزعه تحط يديك بيديني وأبيك ليا شكيت الياس تكون بساحة أوطاني طلبتك يابعد ذاتي أماااااااااانه لاتخليني تراني لو رحلت أبقى ضحية كيد عدواني سألتك بالله الواااالي سألتك لاتجافيني لأني أمووووت بغيابك ياروحي وجثماني معي واصل مشاويرك أواسيك وتواسيني معي إبقى مثل ظلي حذااااري لاتعداني " رفعت عيونها وطاحت عيونها بعين سيف" أبي منك الوعد إنك على غيري تبديني وأنا هذا وعد مني ماأبيعك وأشري الثاني " إبتسمت له ونزلت عيونها" وإذا بلسانك الصادق نطقت وقلت تغليني أنا بأعلن خبر عاااااجل تعالوا إقروا إعلاني أبكتب داخل الإعلان إلى من صار يغليني إلى قلبي إلى عمري إلى من صار يهواني إليك أهدي نغم شعري وكل عرق نبض فيني وإليك أهدي شذى عطري وياسميني وريحاني وأبكتب داخل الإعلان وصيه كان شاريني معي بالطيب عاملني ولاتجرح بهجراني ومهما " تقسي الدنيا " علينا لاتعاديني ولاتسعى أبد في يوم في عندي وعصياني أبيك دكتور لآلامي من أحزاني تداويني وأبي لاكفت أبصاري تكون النور لأعياني " تدمع عيونها" وأبي لافاضت أنفاسي تكون أول معزيني وأبيك بيدينك الثنتين تلف الجسم بأكفاني وبعد ماأكون في قبري تذكرني وتبكيني وأكون حزن على بالك ماتغفل وتنساني أبي لاقالوا العذال وش اللي بينك وبيني ؟ تبسم وتدمع عيونك من الحسره وفقداني وتجاوبهم إني حي وبالأضلاع تخفيني وإني سلوة الخاطر معك لاصرت وحداني أبيك تقول هو مامات أحاكيه ويحاكيني أبيك تقول هو موجود وخبيته بوجداني "تأشر ع عروق إيدها" أبيك تقول هو دمي اللي في شراييني لأنك دمي اللي كان يضخه عرق شرياني "تنزل إيدها" وأبي لازادت جراحك تخيلني وتناديني وتفتش داخل شعورك وتهمسلي وتلقاني وإذا طال السفر إقرا كتاباتي ودواويني وقل ياكثر ماخلي كتب لي شعر و أهداني ترى لو للقصيد عيووون والله ماتقديني لأني للقصيد عيون وإسمك رمز ديواني وترى لو للحروف أهداب تعجز لاتغطيني لأني للحروف إيحا ووحيك سر لإذعاني تداركت الزمن يمك الا ياليت يمديني أخاف أجيك متأخر وسيف الوقت ياطاني نسيت من أجلك الصادق اللي الروح يعطيني ونسيت الأول والآخر والقاصي مع الداني وجاري المسح للباقي وأنت اللي تكفيني حرام أحط معك غيرك وأحبك وأظلم الثاني "خانتها دمعه طاحت ع إيدها" كفايه أنت في دنياي أمل باقي يسليني آمل صوته إذا ضاع الأمل ألقاه بأركاني كفايه همسك الحاني إذا جاني يدفيني ويبدد وحشة ظروفي وتشرق فرحة أكواني تراك بعالمي شمعه تبدد ظلمة سنيني وتراك بدنيتي دنيا لها لون وشكل ثاني "ترفع عيونها و تعمدت تطالع سيف" أنا سميتك الدنيا وانته وش تسميني؟ ودنيا ,, مابها حسك ماأبيها وعمرنا فاني " . . خلصت وقامت تركض لداخل سيف كان يلاحظ إنها كنت تتطالعه بس هو كان منزل الكاب ع عيونه فلاح كان مبتسم سلطان بعد مبتسم من زمان ما سمع صوتها تغني . . |
نااااااايس باااااارتت نتريااااااااا التكمللللللله |
البارت الثامن عشر دخلت غرفتها وهيه مستحيه أمبيييه كيف جي غنت جدام سيف !!! لا وقاعده تتطالعه بعد . . عند اللي يلعبون أحمد: هااااي وين سارت غلا:"تقوم" انا بسير أجوفها "وسارت لداخل البيت وراها" خالد: مثايل تحب علايه: وأنت شو لك أحمد: صدق ممم كأنها تحب سيف كل شوي عيونها تتطالعه سيف:"منزل الكاب ع عيونه ومطنش كلامهم وقام عنهم بدون أي كلمه " فلاح:"يقوم يتبعه" سلطان: هههههههههههههه "يقوم" أنا بسير عند مرتي أنتو كملو !!! أحمد:"يقوم" أنتو ما منكم فايده شوي وتخربون كل شي انا بسير برقد فطامي: لا تنسوون عقب العشا خالد:"يقوم" يلا فهد بنسير علايه: وين بتسيرون خالد: سوالف شباب ونتي شو لج؟!! علايه: بسير وياكم خالد:" تبين ويانا عند الشباب "يقومها بإيده" يلا يلا جدامي سيري ويانا !!! علايه:"تتطالعه متنحهه هههه " فهد:"قابض ضحكته ويتحرك" خالد بييب مفتاح السيارة وبيي خالد: بترياك برع " ويسير عنهم" خلود: خولووه فطامي يلا داخل فطامي: هيه والله محد تم علاااااااااااااايه علايه: هاااه فطامي: عيل تبين تسيرين عند الشباب هااااااااااه علايه: سكتي عني انتي بعد . . حدرت عليها الغرفه غلا: للحين تحبينه مثايل: موو بيدي غلا: بس اللي اعرفه انه "تقاطعها" : هيه انا قطعته بس بدون إحساس رمسته بدون حاسية رجعت المشاعر له والله بدون تفكير غلا: هههههههه انفضحتي مثوووووووول غلا: عرفو صح " تنزل راسها بحيا" غلا: أكيد ونتي يالسه كل شوي تتطالعينه مثايل: ههههههه شو اسوي "تحدر عليها فطامي والبنات" فطامي: لا تسويين شي مثايل: أنا ما سويت اي شي غلط فطامي: أبد تحبين وتغلطين وكل هذا مب غلط!!!!!!!!!!!!!! مثايل: هيه انا ما سويت شي غلط أبد ما صار بيننا اي شي غلط بس سوالف خلود: فطامي بسج شو تبينها ما صار شي إنزين . . سلطان:" يهمس بإذنها" إشتقت لك مهره: سلطان بس عاد موو جدامهم سلطان: كيفي مرتي وكيفي مهره: عييييييييب سلطان:"يرمس عمه بو مهره" عمي تدري بنتك شو تقولي مهره:سلطاااااااان بو مهره: شو تقول مهرتي سلطان: أقولها انتي مرتي كيفي تقوووووولي عيييييييييييييب مهره: سللللللللللللطاااااااااااااااااااان الكل: هههههه وليد:"يقوم" يلا انا بترخص فجر: وين وليد: بروح أنتي قعدي ويا اهلج عقب بييج باخذج فجر: نروح بيتنا صح وليد:"يبتسم لها" صح بنروح بيتنا بيتنا انا وانتي فجر: " إبتسمت له"أوكي أم فهد: بس عقب لازم تتعشى عندنا ولا بزعل وليد: أفا عليج عمووه إن شالله بتعشى عندكم " وقام" أم فهد:" تتطالع فواغي بنت فجر راقده بحضن امها" فجر شلي بنتج داخل عن تبرد مب زين فجر:" تقوم" إن شا الله إميـه . . فطامي: مثايل أنا اسفه مب قصدي بس تدرين "تقاطعها" مثايل: هيه ادري تخافين علي فديتج فطامي: ههههه خلود:"تحط لها صينيه باتشي كبيرة " هذي هديه ماما وباباه مثايل: "تبتسم لها " كلفو عروحكم خوله:" تقعد ع السرير" ترانا إلا بناكل منها تتحسبين هذي بتم حقج كلها لا كل يووم شو كل يوم كل دقيقه نحن طابين حجرتج وماكلين منها مثايل: ههههه عليكم بالعافيه علايه: هيه الحينه بصدقج وباكل ولا قبل أخاف اتم بخاطرج بعدين بطننا بيعورنا مثايل: ههههههههه "تدخل فجر" فجر: أنتو اهنيه فطامي: هيه اهنيه ليش تبين شي "تحط فواغي ع السرير" فجر: هيه كنت اباج تتجوفين بنتي مثايل: فديتها الرااقده فجر: هيه رقدت فطامي: بتسيرين مكان ويا ريلج فجر:"تتطالها بحيا" هههه لا فطامي: اها مثايل: إنتي شو لج !! فطامي: أسولف بلاكم فجر: بس تدرون زااااااد حبي له لما أكدلي انه يحبني ويحترمني وخذا لي بيت روحي فطامي: اصلا وليد مامنه 2 علايه: عنده اخوووه خذيه مثايل: علااااااااايه غلا: هههههه نست نست بلاج كلتيها فجر:"مب فاهمه شو السالفه" شو فيكم فطامي: نقولج ونا تخبرين حد فجر: قووولو شو مسوياااات ؟!! فطامي: مب نحن بنت عمج المصووون تحب أخو ريلج فجر: منوو بنت عمي !! خلود: مثايل فجر: صج من وين تعرفينه احيد ولا مرة يااا اهنيه الا جم مرة بس مثايل: مممم هو ربيع فلاح أخوي واعرفه من زمان :) فجر: اها "تغمز لها" تحبينه تحبينه مثايل: ههههه غلا: مثااااايل بنام عندج مثايل: إحـم حياااج الغلا فطامي: عيل الليوم السهره مثايل: هيه اليوم السهره فجر: خساارة ما بسهر وياكم فطامي: أحسن نحن سهرتنا بس للصغار اللي معرسات برعع فجر: ما عليه . . فلاح: تحبك صدقني سيف:"يبتسم له" أول مرة ادري انها جريئه جي فضحت روحها فلاح: ههههههه سيف: تحبني فلاح: تحبك بس تكابر سيف: متى بتصير ملكي فلاح: ههههههه لا الريال نايم بالعسل ههههههههههه . . بعد العشا عند البنات بغرفه مثايل فطامي: أحـم هديتي تأجلت لباجر ههههه مثايل: فديتج ما يحتاااااي فطامي: بلا يحتااااااااااااي مثايل: ع هواااج غلا: "تصرخ"ااااااااااااااااااا مثايل: شو فيج حبيبتي غلا: نسيت اييب ثيااااااااااااااابي مثايل: ههههههه "تعطيها فونها" دقي لماما خليها اتطرش غلا: ما اتوقع اتي الحينه وبابا بعد اوووووف مثايل: زين خليها تزهبهم لج وانا بخبر سلطان اييبهم غلا: سلطاااااان بيخلي مرته وبيسير مثايل: هيه يلا انا بسير اقوله "وطلعت" فطامي: احس نفسيتها وايد تغيرت صح خلود: هيه ما شا الله عليها اصلا هيه ما تشيل بخاطرها ابد قلبها كبير مهما اتضايجت اي شي يوخر الضيج من قلبها خوله: هيه لاحظت . . سلطان: مهرتي مهره: أسكت انا زعلانه منك "تمد بوزها" سلطان: أفا انا سلطاان تزعلين مني مهره: عيل انا مهره تتمصخر علي جدامهم سلطان: ههههه اسولف وياج عادي مهره: "تمد بوزها زياده" سلطان: مهااااااااااااري مهره: سلطان سلطان: قلبه رووحه فداج آمريني مهره: أحبك سلطان: وانا امووت فيج "يمسك إيدها" ما تتخيلين شو يصير فيني بليااااااااج أموت والله مهره: بسم الله عليك سلطان: "يغمز لها" خ ننام مهره: سخيييييييييف سلطان: جوفي انتي روحج فهمتي غلط مالي خص مهره: هيه هيه الحينه ردها علي انا سلطان: ولا يهمج تبيني اراضيج "يتقرب منها " "يهمس" أحبج " ويلمها" وووو بس عاااد خخخخ . . ركبت فووق تبا تروح لسلطان بس جافت الشباب قاعدين بالصاله بجناحهم يلعبون بلي ستيشن فلاح: هااااه الغاليه تبين شي مثايل: هيه كنت ابا سلطان يمر بيت غلا ايي بشي أحمد: أبوووووووي سلطان تلاقينه ويا مرته الحينه مب فاضيلج خالد:"يدزه" أنت شو فيك برايه ريال ومرته شو عليك منه استحى استحى أبد ماكو مستحى أحمد: بلاك انزين انا ماقلت شي فهد: حاشاااك ما قلت شي ما ناقص إلا تقول أنهم " ياي يقول شي بس انتبه ان مثايل وفارس وو علي قاعدين " أحم خالد: هههههه شو فيك فهد: ماشي فلاح: تبين شي ضروري من بيت غلا مثايل: هيه غلوووي بتنام عندي وما يايبه لها ملابس أحمد: ليش هيه كيف يايبه " ياي يقول شي قاطعه خالد" خالد: أحمدوووووووووووووووه بلاااااااااااااك اليوم أحمد:"يقوم" كله منكم ما رقدت فلاح: ليش انت يوم ما ترقد تفقد تركيزك أحمد: هيه والله فهد: الله يعين مرضاااك بس أحمد:"يقووم" بسير برقد عنكم فهد: ديااااااااااااااااايه أحمد: حرمتك فهد: ههههههههههههههه مثايل: " تنهدت " فلاح: ههههه مثايل ويت "يكلم خالد" تقدر اتودينااا انا بروح بييب شو يبوون خالد: يلا قوووم مثايل: ثانكس خالد والله خالد: "يبتسم لها" العفو انا بسير بترياك بالسيارة "يقوم فلاح": لا ياي وراااك فهد: صبروووووووووني بتخلوني اهنيه مع اليهااااااالوووووه شووو !!! خالد: يلا تعال نترياك "ونزلو ركييييييض ع الدري" يايه تنزل وراهم بس جذبها صووت فارس: الحمدلله انهم قااااااااامو ما بغو علي: هيه والله يلاا خل نلعب قبل لا ايووون "ويركضون يشلون القيييييييير مال اللعبه ويلعبون" نزلت تحت للبنات مثايل: فلاااااااح وخالد وفهد بيسيرون "تكلم غلا" أتصلتي بمااما غلا: هيه قلتلها تحط كل الاغراااااااااض بجيس مثايل: زين " تحط راسها ع المخده" وينها فواغي توه اهنيه فطامي: راحت بيتهم مثايل: اها خسااارة ما ودعتهم علايه: لاحقه لاحقه مثايل:"تروح للتسريحه اللي بغرفتها تجوف الهدايا عليها" "تشل الورد وتشمه" :صدقها ماماه ماكو ريحه غلا: أنتي روحج صدرج فيه الربو وحساسيه مثايل: عاااااادي أمممم بخلي الخدامه تحطيها بمزهريه خلود:"تقوم" عطيني انا بوديه لها مثايل: لا عادي عقب خلود: لا والله بوديه الحينه "تشل الورد" عادي والله "وتطلع" مثايل: فديتكم " تتطالع هديه غلا وميرة" ممممم شو يايبين لي غلا: هههه سبراااااااااااايز مثايل: ههههه علايه: بطليه بطليه بجووووووووف ياني فضوووووووول خوله: عاد تدرون ان الفضول قتل نمله علايه"تشهق": تبيني اموووووووووت فطااامي: ياميييييييييييييييه مثل مثل علايه: هيه اشواا حسبالي صدق تبيني امووت خوله: أنتي الله يعين اللي بياخذج علايه: هههههه مثايل: واااااااااااااااااااااو "تتطالع الألبوم وتفتحه" تجوف صورها هيه ميراا وغلا يوم صغار بصورة ميرا قابضه شعر مثايل مادري شو مسويه لها ومرة تضربهم ومره بالحديقه يلعبون ومرة لابساات فستان ورووج و متعدلات وأخر شي تحت نعااال زنووووووووبه فطااااامي: هههههههههههههههههههههههه هااااااااي حلووووووووووه هههههههههههههههههه خوله: هههه مثايل: هههههه حركه حلوه غلا: هههه سرنا غرفه ماما وبابا وسرقنا صور وسوينا لها كوبي مثايل: فديتكم " تتطالع هديه خوله وخلود" مثايل: أبطلها علايه: هيه بطليها ابا اجوف شو ذوق خواتي "تبطلها وجافت كتاب" مثايل: هههه حلو والله كنت ابا هالكتاب من زمان خوله: يعني ياا بوقته مثايل: بوقته "تدخل خلود" خلود: حطيت المزهريه بالصاله فووق مثايل: زين سويتي خلود:"تجوف الكتاب بيد مثايل" ليكون انتي مب من هواة القراءة مثايل: لا انا احب القراءة خلود: هيه احسب علايه: ممممم مثايل: شو فيج علايه: ما بتنامووون "يرن فون مثايل" علايه: فوووووونج مثايل: أكيد فلاحووه وطلع صدق هو . . مثايل: الوو فلاح: انا عند البيت شو اسوي مثايل: دق الباب وقول تبا اغراض غلا فلاح: زين مثايل: أوكي بترياااااك . . علايه:"تتثاوب" ياني رقااد مثايل: سيري رقدي فطامي: أحيد قلنا اليوم سهره خلود: هااي سهرتها بس لين 10 والصبح تنش أخر وحده ولا وش تقول امس مسهريني وما رقدت مثايل: ههههههه غلا: مثايل سااار البيت مثايل: هيه بعد شوي بيردو غلا: اها خلود: أحـم يعني بس مثايل اللي تحب بيننا مثايل: لا خوله: ليش منو بعد غلا: أحـم قصدها انا احب فلاح بس "تسوي مالت" حظي الردي مادري يحبني ولا لا خلود: ههههه خوله: مممم مثايل: شوفيج ؟! خوله: شو تعرفون من فضايح خوانكم مثايل: هههه انا اسرار خواني كلها عندي علايه:"تقوم" انا بسير برقد عنكم تصبحون ع خير "وتطلع" مثايل: هذي كل يوم جي بتسوي خلود: هيه كل يوم خوله: تعرفون اني اعرف سبب عزوبيه خالد مثايل:"بفضول" شو السببّ!!! خوله: مره سمعت انه يبا وحده حبها بس الحينه ما يدري وينها ما قدر يوصل لها مثايل: ممم يعني تفارقو خوله: هيه هااا اللي فهمته خلود: ههههههههه وطلع يحب فطامي: هههههه مثايل: اممم انا كنت ادري ان سلطان يحب مهره ومتزوجنها من زمان فطامي: عاد مثايل اسرار عندها مثايل: هيه فطامي: شو السر اللي خلاج تتعبين امس مثايل:"تغيرت ابتسامتها" خلود: فطامي خليها مثايل: مممم انا عرفت شي بس ابا اجمع كذا شي و لازم اتاكد وبخبركم تأكدو انكم اول ناس بتعرف قبل لا اطلع الشي لبرع انتو اول الناس فطامي:"ابتسمت لها" "يندق الباب" مثايل: ممممم أكيد فلاح "تبطل الباب بطريقه ما يبين منو داخل وطلعت برع جافت أحمد وفلاح فلاح: " يعطيها جيس" هااج وأم غلا تقولج ديري بالج ع بنتها ترا عطتني ألوان وعفيس ولوحه بعطيها لها باجر بغرفتي بخليهم لاني قلتلها اليوم ترتاح من التلوين باجر ترسمني مثايل: هههههه زين "تبوسه ع خده" تصبح ع خير يالغالي أحمد: أحم نحن هنا "يسوي عمره مستحي" مب جدامنا عاد مثايل: هههه "يمد إيده يعطيها بوكس" مثايل: شو هااا !!! أحمد: هديتج مثايل:"تشله من عنده" مشكور أحمد: العفو مثايل: يلا تصبحون ع خير و مرة ثانيه لا تنزلون تحت ترا يديـه راقد مب معناته تاخذون راحتكم أحمد: هههههه زين فلاح:"يهمس بإذنها" سلمي عليها أحمد: شو قلتلها فلاح: سر "يمشي عنه" يلا تعال أحمد: مياانين "دشت داخل وهيه تضحك" مثايل: هااااااج جيسج يلا بدلي عشان ننام غلا: وين باجي الأغراض مثايل:بغرفته يقولج هو قايل ما تسهرين ترسمين لازم ترتاحين باجر بيعطيج فطامي: أووووه أووووه ههههه خايف عليها الاخ غلا: أحم أحم "تقوم" ببدل وبييكم فطامي: شو هالبوكس مثايل: هديه أحمد "تبطلها طلعت عدسات للكاميرا متطورة و تصور قريب وايد " فطامي: أحمدوه كيف يعرف انج تصورين مثايل: مادري !!! "تقوم" : يلا بتنامون ولا بتسهرون خوله: مممم لا بنام باجر بنكمل توه تذكرت ان باجر الجمعه وصلاه لازم انش من وقت خلود: هيه صح "تقوم" يلا خوله خوله وخلود: تصبحون ع خير مثايل وفطامي: ونتو من اهله . . تطلع غلا لابسه بجامة نوووم غلا: وين ساروو مثايل: يرقدوون غلا: فطامي بتنامين اهنه فطامي: لااا "تقوم" يلا تصبحون ع خير غلا: " تطرش لها بوسه بالهوا" ونتي من اهله يا عسل فطامي: ههههه مثايل: لو جافج احمد بينازعج بيقولج شو هالقله الادب غلا: ههههههه . . يوم الجمعه قايمه من الصبح أبتسمت لما جافت سلطان راقد بعمق يمها ملامحه بعدها بيبي خاصه انه حالق لحيته وطالع منها شي خفيف مههره:"بخاطرها" يلا بعده صغير وبيصير ابوو باسته ع خده وبدلت ثيابها وتغسلت وطلعت برع نزلت تحت تتريق . . مثايل بعد ناشه من الصبح متضايجه من شي جافت غلوووي راقده ومحطيه ريلها ع بطنها مثايل: "ابتسمت وهيه تقوم" بالعاده ميثاان ترقد يمها وابد ما تسوي كل هاااه أمس كله شوي تنش تجوف رفسه ولا ايد ولا ريل عليها بدلت ملابسها و تغسلت وطلعت بالصاله اللي تحت ما طلعت فوق قالت بتتريا حد من البنات ينش وبتركب وياه . . نزلت تحت جافت ام حمدان توها يايه بتركب من عع الدري أم حمدان: واخيراً جفتج يا مرت ولدي بروحنا مهره:"ابتسمت لها" شحالج عمووه أم حمدان: لا تقولين لي عمووه مهره: شو فيج !! ما قلت شي انا أم حمدان: دامج بنت شما وين بيكون لج أدب مهره: لين اميـه وبس ما رح اسمح لحد يهينها وانا موجوده أم حمدان: سمعي اني سكتت ان سلطان خذاج مب معناته اني اباج زوجه لها لا أنا ابا له أحسن البنات "يايه بتخليها تولي وتروح عنها" بس سبحتها لورا وزلت إيدها وطاحت مهره ع الدري ل تحت . . |
البارت التاسع عشر . . نزلت تحت جافت ام حمدان توها يايه بتركب من عع الدري أم حمدان: واخيراً جفتج يا مرت ولدي بروحنا مهره:"ابتسمت لها" شحالج عمووه أم حمدان: لا تقولين لي عمووه مهره: شو فيج !! ما قلت شي انا أم حمدان: دامج بنت شما وين بيكون لج أدب مهره: لين اميـه وبس ما رح اسمح لحد يهينها وانا موجوده أم حمدان: سمعي اني سكتت ان سلطان خذاج مب معناته اني اباج زوجه لها لا أنا ابا له أحسن البنات "يايه بتخليها تولي وتروح عنها" بس سبحتها لورا وزلت إيدها وطاحت مهره ع الدري ل تحت مهره: اااااااااااااااااااااااااااااااااااااااااااااااااا ااااااااااااه "كانت بالمنطقه اللي . . قاعده بالصاله اللي تحت وسمعت صووت صريخ مهره وركضت مثايل: مهره " تجوفها بالمساحه المربعه اللي يلفون فيها " مهاااااااااااااااري شوفيج " تروح لها ترفعها تحط راسها ع ريولها" مهره تكلمني قوووولي شي مهره "كانت مغمضه عيونها وراصه عليها وماسكه بطنها": اااااااااه يعوووورني مثايل:"بخوف" مهره شوفيج " تنتبه للدم اللي ملا الدري مهااااااااااااري "بهاللحظه يطلعون خلود وخوله" خوله:"يايه ركض" شوفيكم "تجوف مهره" أويييييييييييييه شوفيها مثايل:"بتوتر" مادري مادري شكلها طاحت وتنزف بعد مهره: اااااااااااااااااااااااه زقرو سلطاااااان بمووووووووووووووووت "كانت تتألم من الخاطر" خلود: مثايل سيري زقري سلطان سيري بسرعه مثايل: زين يوديها خوله: ييبي عباتها بعد يلااااااااااااا قومي "تخلي مهره عند خوله وخلود" . . نش من الرقاد ما جافها يمه فدخل تسبح وبدل ثيابه بسرعه ونزل تحت جاف أمه واقفه ع طرف الدري إستغرب إنها كانت تتطالع تحت !!! ياي يتكلم بس إطالع تحت ما كان يروم يجوف لانه بعده ع الدري يمشي . . مثايل:"جافت سلطان يتقرب " سلطااااااااااااااااان إلحق مهااااااااااري سلطان:"بخوف" شوفيها ؟!!!! مثايل: مادري طاحت "تتطالع إمها" أنتي دزيتيها أم حمدان:"بكل برود" محد قالها ترمسني سلطان: إماااااااااااااااااااااياااااااااااااا "ياي مادري شو يسوي" بس قاطعته مثايل مثايل: سلطان دخيلك إلحق مهره تنزف شكلها ركض بسرعه ع الدري لتحت وجاف خوله لامه مهره وشكلها يكسر الخاطر تعبااانه طنش الكل و شلاهااا خوله: صبر صبر بنغطيها بعباه خلوووووووود ييبي عباتي وييبي أي عباه داخل خلود: أوكي . . خلود يابت عباه وعقتها عليها بحيث تغطي جسمها وسلطان كان شالنها . . كان يمشي فيها مثل المينووون بسرعه مثايل وخوله وراه رقدها ورا ع ريل خوله ومثايل ركبت جدام يم سلطان . . ساااق بسرعه رهيبه يتجاوز كل السيايير وهو يسمع ونااااااات مهره وصياحها . . بالبيت طلع من غرفته ع الصوت يديـه: خلود شو صاير؟! خلود: مادري يديـه جفنا مهره طايحه تحت ع الدري شلاها سلطان ووياه خوله ومثايل يدووه: "تحط إيدها ع قلبها" الله يستر يديـه: خلود سيري زقري أبوج خله ايي اودينا وزقري عمج بو مهره "إطالع أم حمدان" ونتي ليش ما سرتي وياهم أم حمدان:"بكل برود " ترا انا اللي عاقتنها "تخليه وتروح" خلود: "تتطالعها مصدووومه يديـه: خلووووووووووود خلود: هاي يديـه آمر يديـه: زقري أمج وأبوج ووبومهره خبريه يلا سرعه خلود: إنزين . . سارت خبرت ابوها وأمها وبومهره . بو مهره: شو !؟!!! كيف تعقها مينوووووووووونه هذي بو حمدان: سالم حقك علي أكيد ما كانت قاصده بو مهره: كييييف ما قاصده كيف؟!!! يديـه: خلنا نروح لها يلا بو خالد: أزقر حرمتي اتي يديـه: أكيد لازم حرمه تكون وياها . . بالمستشفى واقف قابض دمعته بالقوو !!! وفجأه نزل بسرعه ع الارض و وحطا راسه ع ريوووله مثايل: "تتقرب منه" سلطان دخيلك لا تسوي جي بروحك سلطان" يرفع راسه" : مثايل والله لو صار لها شي بموووووووت بمووووووووت مثايل: ما بيصير لها شي ما بيصير إن شا الله توكل ع ربك سلطان وكل أمرك لربك سلطان: لا إله إلا الله "يطالعها" تدرين لو صار فيها شي عمري ما بسامح إميـه مثايل: إدعالها سلطان سلطان:"يقوم" بدخل عندها مثايل: خوله عندها لا تحاتي "بهاللحظه دخلو اليد واليده وبو خالد وأم خالد وبومهره" . . بو مهره: وينها بنتي وينها مثايل: عمي داخل أم خالد: روحها مثايل: لا خوله داخل أم خالد: انا بدخل عندها "سلطان خلاهم وسار ع طرف روحه" يديـه: سيري يابووي عندها "بهاللحظه طلعت الدكتورة" الدكتوره: وينه زوج المريضه سلطان: أنا انا زوجها الدكتوره: تفضل معاي توقع ع العمليه سلطان:"بصدمه" عمليه الدكتورة : إيـه عمليه هيه نزفت كثير ولازم عمليه ولا حياتها وحياه الجنين بخطر سلطان: إن شا الله دكتورة "سار وياها يوقع" . . بالبيت خلود خبرت فطامي السالفه فطامي: حليلها والله خلود: والله ما جفتيها كيف طايحه وو ماعرف كسرت خاطري والله فطامي: صدق مرت عمي عقتها خلود: والله الموقف يقول جي وهيه بروحها إعترفت فطامي: زين مممم منو بيطمنا عليها خلود: خوله وياها ومثايل وتوه يديـه ويدوه وماما وبابا وابوها ساروو فطامي: الله يقومها بالسلامة خلود: آمين . . بو حمدان: ليش جي سويتي أم حمدان : أنت تعرفني ابد ما اواطنها بعيشه ربي نرفزتني بو حمدان: "إنقهر منها" تدرين شو !! لو صار فيها شي ولا بالياهل يا ويلج أم حمدان: فكه منها أنا بزوج ولدي أحسن البنات بو حمدان:" طلع عنها" أبد ما بتعقلين أبد . . بعد ساعتين ونص طلعت خوله تقرب منها سلطان خوله: مبروك يابت لك بنت مثايل: صدق "تتطالع سلطان" مبروك سلطان: "طنشها " مهره خوله: مهره بخير إن شا الله بخير بس هيه تعبانه "تطلع الدكتورة" الدكتورة: مبروك إن شا الله سلطان: أنا مابا مبروك ابا اعرف شو صحه مهره الدكتورة: هيه تعرضت لنزيف سبب وفاه الجنين بس هيه كانت حامل بتوأم فظل الجنين الثاني لان الضربه كانت خفيفه عليـه هيه تحت تأثير البنج حالياً بنحطها تحت الملاحظه لمده 48 ساعه حتى نقرر شو صحتها بس حالياً هيه بخير سلطان:"يتنهد " الدكتورة:"إبتسمت له" تربى البنيه بعزك يارب سلطان: " إبتسم لها" مشكورة الدكتورة: العفو . . قامت من رقادها جافت الغرفه صخه دورت مثايل ما جافتها غلا:"أكيد هيه برع " بدلت ثيابها وتغسلت ع السريع ولبست شيلتها وطلعت برع جافت الصاله اللي تحت صخه طلعت ع الدري جافت الخدامه توها مخلصه غسيل غلا:"بخاطرها" الحينه الناس تغسل الظهر جاافت الصاله اللي فوق بعد صخه غلا: وين الناااس ليكون طلعو برع وانا بعدني راقده تسمع صوت وياها : أنتي دوم جي تكلمين روحج هبله شوو !!!! غلا تلتفت وراها جافته فلاح غلا: فلاحوووووووووه خرعتني فلاح: ههههههه غلا: صدق وينهم محد اهنه فلاح: مادري انا بعد توني قايم محد اهنه ماعرفهم وين غلا: عندك فونك دق ع مثايل فلاح: أوكي . . فلاح: مثااااااااااايل وينج مثايل: بالمستشفى فلاح:"بخوف" مستشفى ليش فلاح: صدق مثايل: مهره ربت فلاح: صدق !!! مثايل: هيه صرت عم فلاح: يالله بالبركه شو يابت مثايل: بنووتة فلاح:"يطالع غلا اللي متحرقصه تبا تعرف شو السالفه" زين انتو كلكم عندها مثايل: هيه كلنا هههه طبعاً انت محد والشباب ههههه فلاح: ما نسيت يشي مثايل: أمممممم لا ما نسيت هههه شو نسيت فلاح: أختج مثايل:"تشهق" هههههههههههههه اويه نسيتها فلاح: هههه ما تنلامين دام السالفه فيها ياهل ههه يطير عقلج مثاييل: ما عليه كله شوي وبنرد فلاح: أوكي تيك كير مثايل: الله يحفظك . . سكر عنها فلاح: نسووووووووووووووووووج غلا: دووم ينسوووووووني أصلا "مدت بوزها" فلاح: أحـم وانا غلا: ونت شو !!! فلاح: أنسااااااااج غلا: هههه كيفك ههـع فلاح: تدرين مهره ربت غلا: هيه توه سمعت فلاح:"بخبث " عقبالج غلا:" إنحرجت ههه" وقامت . . وليد: فجوووور فجر: "راقده" تعباانه بناام وليد:"يرقد ع طرف السرير" بتقومين ولا اسير لأمي فجر:"قامت" ولييييييييييد وليد: ههههههههههههههههههههههه "سمعت صوت بنتها تصيح" فجر:وعييييتها حرااااااام عليك وليد: هههههههههههههه . . بو حمدان: والله لو ما سرتي الحينه بطلقج أم حمدان: بتطلقني الحينه اتطلقني هيه يوم إطمنت ع عيالك الحينه بتطلقني لكن والله بخبرهم كل شي والله ولا انتبهو ع اللي كان يسمع كلامهم |
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir