لوول تصلمين دلبوتي ع التعليق ^^ و المرور النآإيص ^^"

لوول وبخصووص البآإرطآإت هع

تبين الصقد ههههـ مآإدري لوول ^.^

تريي البآإرط الاخير وبتعرفين هيهي ^.*

ويآإ مرحبآإ بج :13:

يسلموووو ع البارت


نتريا البارت الثاني

يسلموووو ع البارت


نتريا البارت الثاني

سوري اختي .. كلي دفاشه ..
بنزل عنج البارت

عادل: حشا مب لسان عليها

فاطمة: هههههههههههه
عادل: وانتي ليش تضحكين ؟
فاطمة: عيل طلعت يايب 4 دواويح هههههههه
عادل: لا والله .. الحين ها اللي مضحكج
فاطمة: هههههههه
عادل: جب بس جب
فاطمة: ههههههههههه



وداد تكلم بدر << اونها تستأذن منه .. بنات آخر زمن 77 ،، وفطوم أختها الصغيرة يالسه وتسمعها من ورا الباب 77 ..
بدر: زين عيل بوصلج
وداد: شوو ؟؟ .. لا تسلم فديتك .. سامي بيوصلني
بدر: شوفيها يعني اذا وصلتج .. بليز خليني اوصلج ..
وداد: نووو ويي .. مستحيل
بدر: ترا بزعل 77
وداد: عادي بترضى 77
بدر: بطلقج 77
وداد: هههه ما تروم
بدر: اسويها ترا
وداد: طلقني وشوف شو بيصير فيك 77


فطوم من سمعت جي .. سيدة سارت لأمهــا في المطبـخ


فاطمة: أمــي أمــي
أم سامي: بسم الله الرحمن الرحيم .. خير شفيج ؟
فاطمة: وداد كانت تكلم بدر ولد خالي
أم سامي: شفيها .. خطيبها .. مافيها شي


جان يدخل سامي عليهم .. وسيدة سار صوب الثلاجة << هع 77


فاطمة: كانت تقوله طلقني وشوف شو بيصير فيك


سامي وأمــه !!! انصدموا وانذهلوا !!!سامي: طلقني مرة وحدة !
أم سامي: حسبي الله عليج يا وداد .. شو مسوية ؟ وش قايلة لولد خالها ؟!
سامي: انا قايل بنتج هاي هالخريشه مب مال زواج ،، هاي مال يلسه فالبيت واكل ونوم
أم سامي: تعال خلـ نروح لها ونشوف اشسالفتها


وداد بعدها ترمس بدر


وداد: هههههه خلاص خلاص ماعليه المرة اليايه انشاء الله ،، بس لاني خبرت سامي
وما أقدر بعد اروح اقوله اسمح لي اخوي بدر بيوصلني ،، أستحي
بدر: هالمرة بقبل عذرج ،، المرة اليايه يا ويلج 77
وداد: هههههههه خلاص اوكي ،، يالله انا لازم اسكر بروح أعطي البشكارة عباتي عسب تكويها
بدر: لا تكشخين وايد
وداد: انزين 77 ،، يالله ،، فداعة الله
بدر: فداعة الرحمن


وصلو أم سامي و سامي ،، ودخلو الحجرة عـ وداد ،، وحدهم كانو مرتبكين
وداد اطالعهم مستغربه

وداد: خير ؟!!!!!
أم سامي: شسالفه ؟؟ اشمستوي ؟؟
وداد: أي سالفة ؟؟ زيغتوني !! شو مستوي !؟!!
أم سامي: سامي حبيبي اظهر وخلني مع اختك بروحنا
سامي: اوكي ،، بس قولي لها مب وقته هااا ،، عرسي جرب
أم سامي: لا حوووووول الله ،،انزين انزين اظهر انت ..


وظهر سامي وراحت أم سامي لوداد


وداد: أمي اشفيج ؟؟ شو مستوي ؟؟
أم سامي: تهاوشتي مع بدر ؟؟
وداد: تهاوشت ؟!!!! لا !!!
أم سامي: عيل كيف يقول بيطلقج ؟!
وداد: وييييييييه اسم الله علــــــــــي ،، متى ؟!!!
أم سامي: فطيم يتني تقول انها سمعتج تقولين لبدر طلقني وشوف شو بيصير لك


وداد من سمعت جي ،، نزلت ضحك ،، وامها مستغربه


أم سامي: انتي ليش تضحكين الحين ؟؟
وداد: ههههههههههههههه انزين وبعد اشقالت ؟؟
أم سامي: بس هذا اللي قالته !!
وداد: ههههههههههه حسبي الله عليج يا فطيم


ويلست وداد تفهم امها السالفه


وصوب دار الحي 77 ، عبدالرحمن متردد يبا يكلم اخته مريوم بموضوع ومستحي وخايف ومتردد
جان يروح لها حجرتها وهي أونها مجتهدة ويالسه تحل واجب الرياضيات <<من متى77
عاد من شافت عبدالرحمن مسكته على طول


مريم: الله يابك تعال ساعدني في حل هالمسألة
عبدالرحمن: أي مسألة ؟!
مريم: هاي مال الرياضيات
عبدالرحمن: سيري ولي متفيج حقج
مريم: موو كفوو حد يطلب منك مساعده .. مالت علي وعلى حظي ،، حتى اخوان مثل العالم والناس ما عندي ><
اتصدق فالمدرسة كل بنت تيلس تمدح في خواتها واخوانها ،، وانا عادتنك ريااااال بعد وامدحك ،، مادريت انك ،،،،،،
عبدالرحمن: رياااااال وغصباً عنج
مريم: انزين ممكن تتفضل وتطلع برع ........ أبي أجواء هاديه ورومانسيه عسب أقدر أحل المسألة
عبدالرحمن: ألحين هاديه ومعروفه ليش ،، لكن رومانسيه حق شوو بعد ؟!!!!!!
مريم: عسب اتغزل فالمسألة 77
عبدالرحمن: الله يعطيج ... المهم
مريم: المهم الحين .. انك تظهر برع ..تفااارق .. ابي اركز في المسألة لو سمحت
عبدالرحمن: لا حول ولا قوة الا بالله .. شفيج انتي خليني ارمس يا بنت الحلال ..
جنه محد عليه واجب وحل مسائل غيرج
مريم: اوف .. خلصني شتبي ؟
عبدالرحمن(ارتبك): ها؟!
مريم: تتمصخر حظرتك ؟! قول شعندك ؟
عبدالرحمن: كنت بسأل عن وحدة
مريم: أخبــار الوحدة تلاقيها على دبي ولا بوظبي الرياضية ..انا مو مال هالسوالف
عبدالرحمن: هاي اللي برتكب فيها جريمة اليوم
مريم: لان ما عندي أخبــار الوحدة ؟
عبدالرحمن: مريوم عن الاستهبال واسمعيني عدل
مريم: ياصبر أيوب على بلواااااااه ،، قول ياحظي اشعندك ؟
عبدالرحمن: كنت بسألج عن .................
مريم: منووووو
عبدالرحمن: ربيعتــج ^^"
مريم: أي ربيعه ؟
عبدالرحمن: هاذي اللي يسمونها أمينه ^^"
مريم: هييييييييييييه اموووون ،، خير بلاها
عبدالرحمن: بقولج شي بس لا تضحكين علي
مريم: ههههههههه قول قول
عبدالرحمن: طع من الحين تضحك ؟!!!
مريم: حاسه ان السالفه تضحك خخخخخخخخخخخخخخخ
عبدالرحمن: لا حبيبتي السالفة مستقبيله وحدها جادة ،، فـ رجاءً بلا هبل وعبط وينون واسمعيني عدل
مريم: امــــــي زيغتني !! بلاها أموووون ؟!!!!
عبدالرحمن: أباااهاااا
مريم ( عقدت حوايبها ) : شووو شووو شووو !!!!!
عبدالرحمن: قلت لج أباااااهاااا
مريم: تباهااا ؟!!!!!
عبدالرحمن: هيه أباااهااااا
مريم: و شو تبي فيهااا؟
عبدالرحمن: يعني شو أبا منها مثلاً ؟.... بعلب وياها ولا بيلس أقول لها نكته ،، أباها يعني احبها
مريم: استغفر الله ،،، معاذ الله ،،، انت اشيالس تقول اليوم ؟ لالا انت مب عبدالرحمن ،
مستحيل مستحيل ،، نو ويـــــــــــييي
عبدالرحمن: مريوم تراني جاد ،، لا تيلسين اتشغلين أفلامج الهنديه علينا
مريم: من صدقك انت !؟!!!
عبدالرحمن: عيل صار لي ساعه امجابل شيفتج لييييييييييييش ؟ هيه من صدقي
مريم: شوف بخبرك ،، انت يا استخفيت ،، ولا ينيييييت ،، ولا يالس تستعبط ، ولا يالس تستهبل .. اختار ؟!!
عبدالرحمن: ولا وحدة ،، أقولج انا احب البنيه
مريم: حبك برص ،، تعرف انت الحين كم عمرك؟؟ انت الحين بتدخل في 22 ،، وهي بتدخل بالـ16
وتقول لي أحبهاااا !! ،، جيه الحب مصخرة وكلمة تنقال ؟!! ايه ايه شغل مخك وفتحه عدل ولا تسمعك
الوالدة بس ،، صج صج بتنقع ضحك عليك
عبدالرحمن: الحب ما يعرف صغير وكبير
مريم: بس انت ،، من تحبوون واحد أصغر عنكم بوايد ولا وحدة اكبر عنكم بوايد تقولون هالرمسه
وعاد حزتها تتبرون من هالرمسه وتنسونها ،، لا حبيبي ،،لا عيوني ،، لا روحي ،، ربيعتي هاي مب مال حب
ولا انت تناسبها ،، ورجاءً رجاءً ،، شيل هالفكرة البايخه من راسك
عبدالرحمن: الحين انا بغيتج عون !! صرتي لي فرعون !!!
مريم: فرعوووون ويده بعد


وعليا يالسه تتزهب وتلبس عبايتها وشيلتها لان عادل يترياها فالسيارة بيوصلها للحديقة
وكانت بتظهر بس تذكرت شي ،، اللي هو الصندوق الأحمر اللي وصاها حامد انها تعطيه لابتسام
فحطته بكيس وخذته معاها ،، ولما ظهرت شافت حميد وفهد جواهر وفطوم وعيالها وامون كلهم يالسين فالصاله


عليا: انتو من متى اهني ؟!!!!!
جواهر: اووووب اوووب علياااا على وييين ؟77
عليا: رايحه للحديقه
امينه: أي حديقة ؟؟؟ اخذيني معاج ^^
عليا: يلا نشي
حميد: وانا ؟
عليا: استريح مكانك ،، حديقة للنساء فقط
حميد: عادي بصير حرمه 77
عليا: قدرك ويا راسك ،، يالله نحن رايحين ،، توصون على شي؟
فاطمة: يبي شي حق عيالي
عليا: ماعندي بيزات
حميد: حشى اشهالزط اللي انتي عايشه فيه ؟!!! تبين ريالات ترا عندي
عليا: الله يغنيني عنك ،، يلا امون سرينا 77


وجان يظهرن امون وعليا والبقية يضحكون على حميد


حميد: ياربي من هالبنت ،، انا ما اذكر سويت بها شي ،، ليش جذي تعاملني
فهد: هههههههه بعد ،، نصيبك 77
جواهر: أقول حميد ،،
حميد: هلا
جواهر: انت ليش ما تكسر غرورها وتخطبها وتاخذها غصباً عنها ،، حزتها مجبورة تحبك وتحترمك
فاطمة: هيه والله فكرة 77
حميد: من صجكم انتوو ؟!! تبوني اسير للجحيم بريولي ،، لا واللي يعافيكم ،، انا بطريج وهالبنت بطريج ثاني
فاطمة وجواهر : هههههههههههههههههههههههههههه


وفي السيارة مع عادل عليا يالسه يدام ومعاها الكيس اللي داخله الصندوق واموان ورا يالسه تلعب بالموبايل


عادل: اقول علياا ،،
عليا: خير ؟
عادل: اشفيه هالكيس ؟؟
امينه: وااااااااااااااااي يا حبك للتنشد
عادل: وانتي من رمسج
عليا: صدقها امون ،، ياحبك للتنشد والترزز ،، انت وحرمتك ياخوفي عيالكم يظهرون شراتكم
عادل: وانا كل خوفي يظهرون على عمتهم ولا خالتهم النسرة هاذي
امينه: انا نسرة !!!!! شوف شوف طريجك


وفي الحديقه المنحرفااات كلهن يالسات بس ناقصتهم عليا ،، فارشات الحصير ويزطن ويسولفن


ريم: هااا وداد 77 كيف راح يكون فستانج ؟ 77
وداد: احم احم فستان عرسي راح يكون من ذوق ريلي ،، نحن جذيه اتفقنا
فرح: ويييييييييييييييع عاد وذوق الشباب
وداد: حبيبتي ريلي انا غيييييييير ،، ريلي كله ذوق واتيكيت
فرح: بنشوفج فـ عرسج 77
مها: وانتي مي ؟
مي: والله مدري ما حددت ^^" ،، ولا عندي تصميم امحدد في بالي ^^"
شما: عندج حرمة اخو عليا ،، تصاميمها حدها غاويه
مي: قصدج فطوووم 77
شما: هيه فطوم ما غيرها ،، أحيد عليا راوتني فساتين عرس اخواها و ولد خالتها وفستان عرس فطوم
بالصور ،، كانو رهيبين الصراحه ،، لما سألتها من تشترون هالفساتين قالت ،، ان حرمة اخوها تصممهم وتوديهم للمحلات وهم يشوفون شغلهم
ابتسام: هييييييه حتى انا رسمت لي كم فستان ،، ما شاء الله عليها
مي: خلاص عيل ،، نشوف ذوق فطوم
ابتسام: يعني ماشفتي فستان عرسها كيف كان حلووو 77
مي: شفته ،، بس الحين طاح سوقه ،،أبا شي يديد ،، نيو و سبيشل 77
فرح: ها وداد 77 بعدج مصرة على فستان العرس يكون من ذوق الحبيب 77
وداد: ولاني متراجعه عن قراري


جان يوصلون أمون وعليا ،،

عليا: السلام عليكم
الكل: وعلكم السلام والرحمه
وداد ( تقصد امون ) : الرزة شو يايبنج 77
امينه: كيفي برتز ،، انتي لييش محترة !!!
وداد: لاااا بس ،، لان اليلسه للكباريه ،، أقول عليا ما قلت لج ممنوع اصطحاب الأطفال ؟!
عليا: يعني ما تعرفين الاطفال لين لزقووو
الكل: ههههههههههههههههه
ابتسام: ايلسي ايلسي اموون ،، ولا عليج من حد 77 ،، ايلسي يا مرسال الغرااااام 77
امينه: انا قايله من قبل ،، محد عاقل و رزين في هالشله غير بسووم 77
فرح: آآآآخ منج يالعقربه


ويلسو يسولفون ويضحكون ويزطوون ،، وبعدين سارو يتمشوون ، وكل اثنين صارو يمشون بروحهم
وداد & مي ، ريم & شما ، فرح & مها ، ابتسام & عليا & امينه


cut