|
البآإرط الـ / 66 . . ] وعليا وامينه بعدهن عند نايف ونوف ،، يالسين يغنون حقهم ^^" شاطر شاطر هع عليا: اللي بيسمع كلمة خالتو شو بنئول لووو ؟؟ امينة: شاطر شاطر 77 عليا: واللي بيسمع كلمة عمتوو شو بنئووول لوو ؟؟ امينة: مالت مالت ^^" عليا: جب انتي جان اتييهم فطوم فاطمة: هااااا ،، شو علمتوو عيالي ؟ 77 عالمقالب والحش 77 ولا بعدكم 77؟ امينه: طع هاااااي ،، وايد طايحين من عينج نحن >< فاطمة: لا حشى والله ،، فـ عيوني انتووو عليا : فطييييم ؟؟ فاطمة: خير؟ عليا: واذا ما نش حامد من الغيبوبه ؟ امينه وفاطمة يالسين يطالعون بعض مستغربين !! فاطمة: فال الله ولا فالج !! ،، ان شاء الله بينش ^^" ،، بس انتي خلي ايمانج بالله قوي وعدت الايام وهم رايح راد عالستشفى ،، وحامد حالته ما تغيرت وكل يوم على هالحال لين ما صار اسبوعين ^^ كل يوم يسيرون المستشفى وحامد بعده فـ غيبوبه ،، وبعد هالاسبوعين ابتسام راحت المستشفى بس ما خبرت حد ولا حتى اهلها فـ سارت لغرفة حامد وهي متردده اشوي دخلت الغرفه ،، ويابت كرسي ويلست حذاله ،، تذكرت المواقف اللي صارت بينهم لما كانت عنده فالمستشفى ولما كانت تروح بيتهم ، الوروود والرسايل عالمنتدى والاغاني والقصايد 77 ولما رمسته من فون عليا ،، والانفايت وغيره .... جان تضحك ،، ابتسام: هههه صدق ان كنا يهال ^^" حامد يفتح عيونه اشوي اشوي ويحس بدووخه وابتسام من شافته ،، استانست وايد وسارت تزقر الدكتور حامد ( بصوت متقطع ) : ابتســااام ،،، ابتســــااام صوته ذكرها بيوم العمليه ،، لانه كان يزقرها فـ وقفت .. حامد: نجحت العمليه ؟ ابتسام: انت ارتاح الحين ،، الرمسه هب زينه لك ^^ حامد: قلت لج نجحت ولا لاء ؟ ابتسام سكتت حامد: جاوبي ،، ليش ساكته ؟!! ابتسام: حامد دخيلك ارتاح ،، اخاف يستوي بك شي حامد: يعني شو بيستوي لي اكثر عن اللي استوى بي ابتسام: الله يخليك لا ترمس وايد ،، والله هب زين لك حامد: انا كنت حاس ،،،،، انها ما بتنجح ابتسام: تطمن ،، نجحت ،، بس الدكتور قال انك محتاي لعلاج طبيعي برع البلاد بتعود تمشي ان شاء الله ^^ حامد: ماشي فايده ،، انا تعوقت وما بمشي مرة ثانيه ابتسام: انا حاسه انك اذا سافرت وخذيت العلاج بتمشي ان شاء الله ^^ حامد: هه ،، حاسه !! ابتسام: ليش ،، مب واثق من احساسي ؟ حامد: قبل لا أجاوب ،، بسألج سؤال ،، وابغيج اتجاوبيني بصراحه ابتسام: اسأل .. ؟! حامد: بذمتج ........ انتي ما حسيتي فيني ؟ ابتسام: شو قصدك اني ما حسيت فيك ؟ حامد: عن الغشامه انتي فاهمه قصدي عدل ابتسام: لا صدق ،، ما فهمت !! حامد: باختصار انا ][ أ _ْ ح _ْ ب _ْ ج ][ واذا جمعتيهم يكونون كلمة }{ أحبج }{ ومن زمااان كنت اريد اطلب ايدج بس حبيت اعرف رايج اذا موافقه ولا لاء؟ انا مستعد احوط على مستشفيات العالم كله واتعالج عشانج ،، اشقلتي ؟ ابتسام حدث ولا حرج ،، ما تدري تفرح ولا تزعل ،، تضحك ولا تصيح وكان باين عليها انها مصدومه من جرأته حامد: ابتسام ،، ما ابيج تزعلين ،، بس انتي لما كنتي تزوريني كنت اسمع صوتج وكنت اتمنى اشوفج ،، دخليج ريحيني ابتسام حدها مصدومه ،، وما كانت امصدقه اللي تسمعه جان تظهر من الغرفه ،، وردت البيت وقفلت الحجرة ويلست تفكر باللي قاله حامد اما حامد بروحه ما كان امصدق انه قال هالكلام ،، ويلس يرمس عمره حامد: انا اشسويييت !!! سواد ويه والله !!! يعني كان لازم اقول احبج !!! انا ليش تسرعت !!!! جان يرن الجرس واتيي له الممرضه ،، وقال لها تزقر له اي حد من الموجودين و حمد كان فالطريج وراح له حمد: السلام عليكم حامد: وعليكم السلام حمد: ما شاء الله ،، تحرينا انك ما بتنش 77 حامد: ليش انا كنت راقد الدهر كله ؟ حمد: هذا اللي ناقص ،، انت غيبوبتك تمت اسبوعين واهلك ماتو عليك وتقول لي دهر !! حامد: صدق والله !! الحين انا راقد من اسبوعين ولا حسيت بعمري؟! حمد: احمد ربك ،، في ناس يتمون شهر واكثر بعد حامد: الحمدلله على كل حال حمد: اخليك ترتاح الحين ،، بتصل بحميد عسب يخبر أهلك ويجهزون ملابسك حامد: ليش؟ حمد: اسمعني يا حامد ،، انت من البدايه تدري ممكن ما تنجح مع هذا وافقت اتسوي العمليه وانت ......... حامد: ادري ،، نجحت العمليه ،، وانا محتاي علاج طبيعي حمد: شو دراك ؟! أساساً من خبرك حامد: تحيد يوم اقول لك اني احب وحدة حمد: هيه حامد: من اشوي سارت ،، هي اللي خبرتني حمد: حشى !! مب حبيبه ،، هاذي ساحرة !! حامد: ههههههه ماسمح لك 77 حمد: عيل الحبيبه كانت عندك 77 حامد: شكلها زعلت حمد: انت ارتاح ،، وخبرني شو استوى وراح حمد واتصل بحميد وخبره عسب يزهبون كل شي لانه باجر راح يسافر حامد للعلاج ويلسو عاد يتناقشون فالبيت ام عادل: انا بسافر معاه عادل: الله يهداج يامي ،، والبيت ؟!،، انتي عبالج حامد بيروح يومين وبيرد عالاقل بيتم هناك 7 شهور ،، وهذا اقل شي حميد: خلاص انا ما وراي شي عادل: كيف ما وراك شي .. يا ريال انت صار لك كم اسبوع ولا تدري عن شغلك فهد: صدق عادل عليا: يعني مايصير انا اروح ؟^^" عادل: لا والله ..ومدرستج ؟! امينه: خل تولي .. مستغنين انا وعليا ^^" عادل: انثبرن مكانكن ام عادل: عيل امنو بيروح معاه ، انت دوامك ما يسمح لك ،، واصلا ما بخليك تهد حرمتك وعيالك وتروح عادل: بس .. ام عادل: لا بس ولا غيره .. صارلك كم اسبوع لا تسأل عنهم ولا تدري عن اخبارهم راح اتم ام فهد: عيل منو بيروح مع حامد ؟ عادل: مممم ,, الأفضل على الاطلاق لهذه المهمات الصعبه 77 اربيعه حمد امينه + عليا : اوووه ..عمود الكهربا ام فهد: شو ؟ امينه + عليا: ههههههههههه 77 والمغرب الكل كان عند حامد .. يودعونه ..لانه باجر راح يروح بطيارة خاصه وما بيقدرون يشوفونه .. وعادل برع يوصي حمد ^^" << ما خلو الريال يروح خخخخخخ عادل: ماوصيك يا حمد .. طمني اول بأول حمد: افا عليك يا عادل .. لا توصي حريص عادل: واهتم بحامد حمد: بعيوني عادل: يزاك الله خير حمد: ولو هذا واجب وعند حامد داخل .. اللي يضحك واللي يبجي واللي يوصي عالهدايا <<اكيد امينة بلا شك خخخ امينه: شو بتييب حقي من لندن ؟ حامد: طل ^^" 77 امينه: حامدو تراك مريض لا تخليني ادعي عليك ام عادل: امينو حميد وعليا: ههههههههه امينه: مافي شي يضحك وفي وسط السوالف والضرابة والضحك .. حامد غمز لعليا ^_* .. عاد عليا فهمت اخوها وراحت ويلست عنده وبدو الهمس 77 حامد: طلبتج عليا: تم تم تم حامد: الله يستر من هالطيبة عليا: لا تستانس 77 .. بس عشانك مريض عقولت امينو حامد: انزين عليا .. شي بوكس احمر في درجي اللي فالكبت عليا: اي بوكس واي كبت ؟ حامد: في البيت ..كبت ملابسي عليا: هيه ..انزين انزين حامد: اباج تشلينه وتاخذينه لابتسام .. اوكي عليا: افا عليك ما طلبت .. بس عادي اشوفه ؟ 77 حامد: وقعي على شهادة وفاتج حزتها 77 عليا: هههههههه الله يغربل ابليسك .. حامد: مب على ابليسي .. يحليله مايسوي لكم شي وانتو كله طايحين فيه >< جان تقاطعهم امينه << حشريه >< امينه : شنو يالسين يسوون 77 ؟ عليا: يالسين يغازلون 77 امينه + عليا: هههههههههههه حامد : الحمدلله والشكر ... الله يعطيكم امينه + عليا: ويعطيك قبلنا خخخخخخخ والمنحرفات الباجيات مسويات انفايت عالمسن77 ( ابتسام و وداد ومي وفرح ومها وشما وريم ) وداد(تكتب) : بنات .. ملل .. من زمان ما تيمعنا وظهرنا مكان >< مها(تكتب) : صدقج والله ريم(تكتب) : شرايكم نروح حديقة المشرف 77 شما(تكتب) : خوووش راي .. الحديقة مستورة مافيها رياييل ..يعني بناخذ راحتنا هع 77 فرح(تكتب) : خخخخخخخ نسيتي البويات 77 ؟ شما(تكتب) : بعد يكون احسن عسب نتسلى 77 مي(تكتب) : استغفر الله استغفر الله .. انا حرمه متزوجه 77 وداد(تكتب) : تصدقون بنات .. حنيت على ايام شيول >< المنحرفات كلهن يلسن يضحكن وكل ضحكة اطول عن الثانية خخخخخ مي(تكتب) : انتي اللي بعتيه 77 مها(تكتب) : هيه والله >< بعتيه عشان بدور هالهيلق 77 وداد(تكتب) : ريلي هيلق يا هبلة يا طويلة فرح(تكتب) : نحن كنا نبي نتفق عالنزهة وانتن تدخلن بسين وجيم ؟!! وداد(تكتب) : خلاص خلاص باجر العصر موعدنا فالمشرف مها(تكتب) : ها شرايكم ؟ ريم(تكتب) : موافقين ^^ شما(تكتب) : وانا بعد ما عندي مانع فرح(تكتب) : وانا بعد ما عندي دواس ^^" مي(تكتب) : وانا بعد ما عندي فتون ^^" وداد(تكتب) : الحمدلله والشكر .. بس وحدة منكن تخبر عليا ريم(تكتب) : انا بخبرها وداد(تكتب) : بسوم وينج ما يسمع لج حس مها(تكتب) : سرحانه بالحبيب .. باجر بيسافر 77 المنحرفات(يكتبن) : اهااااااا 77 ابتسام(تكتب) : خخخخ بشوف عليا اذا بتيي ولا لا .. مع انه مالي نفس والله مها(تكتب) : هيه اكيد مالج نفس .. حبيبة القلب عليا ما تمشين بدونها 77 ريم(تكتب) : قصدج اخت حبيب القلب فرح(تكتب) : ههههههههههه قوية قوية ابتسام(تكتب) : جب انتي وياها زين .. صدق ما عندكن سالفه ! وفي اليوم الثاني راح حامد وخاواه حمد .. طبعا كان الوداع ألـيمـ .. وعالظهر دقت فرح على عليا فرح : السلام عليكم عليا : وعليكم السلام والرحمه فرح : اشحالج 77 ؟ عليا : تمام .. غريبة مخسرة رصيد وداقه 77 .. خير ؟ فرح : عيب الواحد يشتاق لج .. بس تصدقين .. انتي مب كفو اصلا عليا : ههههههه فرح .. علي انا 77 ..قولي شعندج ؟ فرح : محد كاشفني غيرج ^^" المهم عليا : هيه قولي فرح : موعدنا اليوم العصر في المشرف اوكي عليا : اسمحيلي ما اواعد 77 فرح : لا حوول .. مب متفيجه لنكتج الخايسه .. بتيين ولا شو ؟ عليا : بسم الله الرحمن الرحيم .. انتي شعبالج الناس كلها مثلج .. ماعندهم اهل يحاسبونهم .. صبري خل اشاور ابوي وامي واخوي فرح : و مرت اخوج وعيالهم والجيران والخدامه وبعدين يصير خير عليا : هيه .. عسب اروح وانا مرتاحه فرح : مو منج .. مني انا العبيطه اللي مخسرة رصيد ومضيعه وقتي الثمين ويايه ادق لج عليا : عدااااااااااااال 77 فرح : يالله يالله باي عليا : فروحه حبيبتي .. مسوين ورق عنب اليوم 77 فرح : الله ^^ يبيه معاج الحديقة عليا : ههههههه قولي لي بالأول ليش رايحين الحديقة اليوم ؟ فرح : ولا شي ملل .. فاتفقنا ان نتيمع في حديقة المشرف نتسلى شوي عليا: اهاااا الحين يعني من زين الجو ؟ فرح : لا اله الا الله .. عيل لا اتيين خلاص خلاص حبيبتي بيي 77 .. لاني عندي امانه لبسوم فرح : امانه !!!!! عليا : يس فرح : شو هاي ؟ عليا : يقولون وعلى حد علمي ان رزة الفيس .... وكل شي زاد عن حده ....اكمل؟ فرح : لا حووول ..المهم انجعمي وتعالي .. ولا تنسين ورق العنب ...باي خلصت عليا من فرح .. ونطت عند عادل اخوها اللي كان يالس ويا حرمته وعيالهم فالصاله عليا : عدووووووووول عادل : نعم .. خير .. شتبين ؟ عليا : لا اسمحلي .. ما اقدر اتفاهم معاك جي عادل : ياكرهج .. خلصيني اشتبين ؟ عليا : بسم الله ..اشفيك اليوم علي >< فاطمة : لانه يدري بج ما تنطين هالنطه الا وتبين شي عليا : اكيد ..يعني شو مثلا .. بسولف معاه وانا مابي منه شي..شو هو استهبال ولا استعباط ولا استخبال ؟ عادل : قلت لج شتبين ؟ عليا : احم توصلني اليوم حديقة المشرف عادل: السبب ؟ عليا : ولا شي متيمعات انا وربيعاتي نتسلى شوي عادل: لا والله ..انتو الحين مرحلة جادة ..مرحلة اهتمام .. ثانوية عامة .. اتركو لعب اليهال وادرسو وذاكرو وجدوا واجتهدوا عليا ( تصفق له ) : عااااش عاااش بو نايف عاااش .. عاش المنافق .. وادرسو وذاكرو وجدوا واجتهدوا هاااااا :78650: ومن اللي ياب 4 دواويح في الثانوية العامة ..يدي ولا يدتي ولا ولد الجيران ؟ عادل( حده قافط ) : طيش شباب عليا : بعد نحن طيش بنات فاطمة : ههههههههههه ما عليه ودها ساعتين بالكثير ورجعها عليا : انتي حد طلب واسطتج ؟؟ فاطمة : مالت عليج مب كفو حد يساعدج عليا : حبيبتي مب محاتجة مساعده ..بيوديني ولا بقول فضيحه ثانية بعد عادل : خوفتيني .. بوديج بس لاني مابي احط راسي من راسج عليا : اترياك بعد صلاة العصر 77 cut و آإتريآإ تعليقآإتكون ع آإلبآإرط :13: |
تسلمين حبوبه ع البارت ونتريا البارت الياي متى بينزل؟؟؟؟؟؟؟؟؟؟؟؟ |
^ ^ لوول من شوي منزلة البآإرط هع يعني يوم بالكثير .. وبنزل البآإرط اليااي ^^" وحيآإج الله :13: |
نااااااااااايس .. يسلمووووووووو صراحه ../ ابتسام و حامد .. بروحهم قصه .. حليليهم .. الله يعينهم .. الله يعين ابتسام كم بتصبر ..؟! الله يرده لها بالسلامه >> هع هع عايشين الدور .. يسلموووو .. ونتريا البارت .. |
اختي كلي دفاشه .. بغيت اسال كم بارت القصة ؟؟! |
| الساعة الآن 05:59 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir