|
شو تتوقعون نيه سعاد لسارة..؟؟ طبعـا ناويه على شر بس ما بتقدر تخرب من بينهم وبتبتعد عن حارب و ثاني و مييسون كيف بتكون حياتهم..؟؟ سعاده وحب وروماسيه وحنان وشو رايكم في البارت..؟؟ البارت ما عليه كلام كلمة حلو شوي عليه ونترياج فبارت اطول واحلى |
هي صح الحين تذكرتها... هذي.............. حست سعاد وشوي بتموت من القهر.. توها تعرف أن هذي سارة.. قعدت تطالعها وتراقب حركاتها وسارة هب منتبهة لها.. أم سعاد: يلا يما.. بنظهر سعاد:...................... أم سعاد: سعـــــــــــــــــــــاد.. سعاد وتوها تنتبه: هلأ.. أم سعاد: يلا يما مشينا سعاد وهي للحينة عيونها على سارة: يلا يلا وفي خاطرها تقول.. والله أنها قمر.. عسب جذه حارب للحينة متمسك بها... آاااااااااااه والله أني بموت من القهر .................................................. ................ وبعد شوي بدوا الحرمات يظهرن من الصالة .. عليا: يلا بنات أخليكن الحينة.. سارة: وين خليج قاعدة؟ عليا: لا ما علي نادر برع حصة: خلاص عيل وسلمت عليهن وعقبها ظهرت وسارن البنات بيطلعن لانها كانت الساعه 12 ونص وكانت اخر وحده طالعه عليا أما حصة وسارة وباجي الأهل فللحينة قاعدات... وهيه تمشي صوب باب الصالة كانت اتحس بحد يمشي وراها من صوت كندورته لانها تسوي حس وهو يمشي بس ما تجرأت انها تصد ورى ...خافت يكون حد من خوال بنت عمها العروس...ويوم وصلت عند الباب اللي قبل الصالة الصغيره اتخرطفت بحد الباب لانها كانت متغشيه بغشوه ثجيله ومدبله من شافها اتخرطفت قالها :سلمتي... عليا من سمعت هالحس اتخبلت....قالت هذا علي ما غيره ..على طول صدت صوبه. ومن زود الربكة ما انتبهت أنها بليا غشوة أول ما شافها علي تخبل عليها وعلى طول عرف أنها عليا علي وهو يبتسم: عليا صح؟ عليا وتوها تنتبه أنها بليا غشوة وعلى طول تغشت عليا وهي مرتبكة: هي.. عليا علي: عسى ما تعورتي بس؟ عليا وهي قافطة: لا لا علي من زود ما تخبل عليها هب منتبه أنه أحرجها بنظراته عليا: السموحة الشيخ.. علي: عليا... عليا تيبست في مكانها.. علي وبدون وعي: عليا....بغيت ارمسج في سالفه.. واتمنى هالسالفه تكون بيني وبينج وما حد يعلم بها لين غايته... عليا كان قلبها يدق بقو و صاخة ما تعرف شو تقوله علي: بس شكلج مستعيلة .. ع العموم هذا رقمي.. عليا : لو سمحت.. قاطعها علي: اسمعيني الله يخليج.. هذا رقمي وأنا بدق عليج .. ما بي منج شي وحتى لا ترمسين بس اسمعيني وإن شاء الله أنا بفهمج كل شي شوي ويدق نادر حق عليا عسب أنها وايد تأخرت وما حست بعمرها ألا وهي ماخذه الرقم وظاهرة علي طار من الوناسة.. وأخيرا رح يفهما ويقولها كل اللي في خاطره .................................................. ..................................... واخر شي في تمام الساعه 1 بالضبط شل ثاني ميسون وسافروا طبعا عقب ما بدلت ميسون ثيابها وساروا المطار وسافروا بلجيكا على طول وعقبها على طول سويسرا... ميسون: حبيبي نظر عيني والله اني احبك... ثاني: الحمدالله يا غناتي اللي ربي جمع امبينا وكتب النا ربعه... لا تلوموني في حبه ..من زمان القلب مولع به اعشقه واهواه من قلبي ولو يعذبني راضبه...هوه دوايه وسبة جروحي..وهوه ياللي في وسط روحي..له انا افضيت بالصوحي ..صاحبن قلبي تعلق به... لو جفاني ولو يعذبني ولو على موتي يطالبني ولو ببحر الحب غرقني ....له غلا لعروق سارت به..خبر المظنون ع حالي دايم روياه ع بالي يشهد الله يا عرب غالي..والليالي حيل غلت به... والله جمع بين احلى قلبين وعاشوا مرتاحين وفي سعاده... والله يهني الجميع... .................................................. ................ حصة: يلا سارة.. أنا بظهر الحينة أحمد برع.. نوصلج؟ سارة: لا أنا حارب قالي انطريني حصة: خلاص عيل.. مع السلامة وظهرت شوي ويدق حارب حق سارة يقولها تظهر ................................................. بعد مرور فترة على الأحداث السابقة بعد الموقف اللي تعرضت له عليا مع علي آخر مرة ، قررت أنها أدق عليه.. وفي هاليوم علي كان قاعد ويا ربعه.. بس عليا أول ما سمعت صوته ماتت من الزيغة وعلى طول صكت في ويهه.. بس علي عرف أنها عليا واستانس وايد أنها دقت عليه.. بس عليا حلفت أنها ما تعيدها وحتى لو دق عليها ما رح ترمسه.. وفي يوم كانت عليا توها ظاهرة من الحمام ( تكرمون) وصلها مسج وكان... "شحالج عليا.. أنا علي.. مثل ما قلت لج أبي أرمسج بس خبريني أي وقت يناسبج عسب أدق عليج.." تيبست عليا.. هي للحينه هب مستوعبة أنها خذت الرقم عليا: يا ربي... أنا اللي أسويه صح والا غلط؟ آه.. والله ما ادري شوي ويدخل نادر أول ما شافته عليا نقزت من الخوف حتى أن الموبايل طاح من ايدها نادر استغرب: عليوه؟ شفيج؟ عليا: هـــــــــــــا؟؟؟ مـــ...مــــا....فـــــ....ـــــيـــــــ...ـــني ... شـــــــ...ــــي نادر شك في الموضوع ومن طريقة رمستها وعلى طول سار صوب موبايلها اول ما زخ الموبايل.. شهقت عليا عليا: نادر.. بس نادر ما سوالها سالفة وقام وقرى المسج أول ما صد نادر صوب عليا اللي كانن عيونها ممتزرات دموع.. نادر وهو عاقد حياته: علي منو؟ عليا ودموعها على خدها: مـ...ــــا... أ..عـــ...ـــر...فــــ..ــــه نادر وهو يطنز وللحينة ماسك أعصابه: لا والله.. بس غريبة هو يعرف اسمج عليا وهي ميته من الزيغة: والله ما يخصني.. صرخ نادر في ويهه عليا: منو هذا يالحيوانة ردي عليه؟ عليا خلاص وبدت تشهق بالصياح بس نادر ما سوالها سالفة تجدم منها وصفعها صفعة حست وجن خدها احترق من زود قوتها.. عليا وهي متيبسة: قلت لك ما أعرفه.. والله ما يخصني نادر: عليوه.. بترمسين والا شو؟ عليا: ارمس شو اقولك؟ والله ما أعرف شي.. نادر: وهو شدراه باسمج؟ عليا: هـــ....ــــا.؟؟؟.ما ادري ..ما ادري شوي وتدخل عليهم أم نادر اللي سمعت صراخهم ويت تربع تشوف شو السالفة.. أول ما شافتها عليا ارتاحت وعلى طول ربعت صوبها من زود ما كانت زايغة من نادر أم نادر: شفيكم؟ صراخكم واصل لين تحت.. عليا يما شفيج؟ شو السالفة يا نادر؟ نادر وهو يصارخ: خلي بنتج تخبرج؟ مسودة الويه أم نادر: استح على ويهك.. شو هالرمسة بعد؟ نادر: ما ادري عنها.. وجرب منها بس أمه منعته وصرخت في ويهه أم نادر: نـــــــــــــــــــــــادر.. احشمني ع الأقل نادر خلاص جنه وحش كاسر ما يشوف أي أحد جدامه نادر: أنا أراويج.. يصير خير وظهر من الحجرة بعد ما سكر الباب بكل قوته.. وأخذ موبايل عليا أم نادر وهي تحاول تهدي بنتها عليا اللي تحس بأنها في عالم ثاني من زود ما عورها نادر أم نادر: يما عليا شفيج؟ شو السالفة؟ عليا وصوتها متقطع من زود الصياح: و..و..الـــــ...ــــلــــ...ـــه...مـــــ...ـــا .. سو...يــــت.. شي أم نادر: عيل بلاه أخوج يزاعق؟ يما علميني شو السالفة؟ بس عليا ما رامت تقول لأمها أي شي واكتفت بالصياح وأم نادر عورها قلبها على بنتها وقعدت تهديها .................................................. ... في هالوقت علي كان توه ظاهر من البيت.. شوي جان يرن موبايله أول ما شاف علي الرقم.. شهق من الوناسة.. هذا رقم عليا.. معقولة هي اللي داقة؟ وعلى طول رد عليها وهو متشقق علي: هلا والله نادر شوي وبموت من زود الغيظ:................ علي: عليا.. نادر: لا وأنت الصاج.. أخوها يالحيوان ما تتخيلون صدمة علي في هاللحظة.. تيبس في مكانه وما عرف بشو يرد.. على طول يت على باله عليا.. ياحليلها أكيد أخوها زخها والله يعلم شو سوا بها نادر: جيه ما ترمس؟ علي: هلا أخوي نادر: أخوي فعينك.. أنت ما تستحي قاطعه علي: لو سمحت أخوي.. عن الغلط..أنت فاهم المسألة غلط نادر وهو يطنز: لا والله... تقوم تطرش مسجات كل هذا وفاهم المسألة غلط علي: أرجوك.. نادر وهو يصارخ: اسمعني ولا تقاطعني.. أنت ترضى على خواتك علي: تخسي ألا أنت نادر: والله زين.. فيك الخير.. وبنات الناس لعبة ؟ علي: يا أخي والله قصدي شريف نادر: شريف؟ تسمي اللي تسويه هذا شريف؟ علي: أخوي.. ممكن نشوف بعض عسب نتفاهم؟ نادر: ولك ويه؟ قاطعه علي: نـــــــــــادر.. انصدم نادر شلون عرف علي اسمه؟؟؟ علي: أكيد متفاجأ.. بس نشوف بعض رح أفهمك على كل شي و حددوا المكان اللي رح يلتقون فيه .................................................. ............ في العين مول علي قاعد في أحد المقاهي ينطر نادر عسب يتفاهم معاه شوي ويوصل نادر.. أول ما لمحه علي سار صوبه طبعا نادر ما يعرف ان علي هو اللي مواعدنه نادر: هلااااااا شحالك علي؟ علي: مرحبا هلا نادر .. أنا بخير.. يعلك الخير نادر: وينك يا ريال ما تنشاف؟ علي: والله مشاغل نادر: صدقت يا أخوي الله يعينك ويعينا علي: تفضل.. اقعد نادر: والله ودي.. بس انا مواعد واحد من الربع ابتسم علي: تقصد الحيوان اللي كان يطرش مسجات حق أختك؟ انصعق نادر.. علي شو عرفه بهالسالفة؟؟؟؟؟ نادر: شـــــــــــــــو؟ يعنــــــــــــــــــــــي؟ علي: هي نعم.. أنا هوه.. الحين ممكن تقعد عسب نتفاهم نادر كان متيبس .. بعمره ما كان متوقع أنه ينحط في مثل هالموقف.. وويا منو؟ علي؟ علي اللي معروف بأخلاقه العالية؟ علي: نادر.. تفضل .. أنا بفهمك كل شيء قعد نادر وهو للحينه هب مستوعب شي نادر: أنت يا علي؟ أنت؟ علي: والله ما أعرف شو اقولك يا نادر؟؟ بصراحة مالي ويه أشوفك عقب اللي صار.. بس لازم نتفاهم نادر: وهذا المفروض علي: شوف نادر.. أول شي يمكن أنا غلطت يوم طرشت مسجات حق أختك.. والله الشاهد أنها ما طرشت لي ولا مسج.. كل السالفة اني انعجبت بأختك بعد ما شفتها مرة في بيتنا نادر: بس يا علي أنت فعلا غلطت.. وأنت ريال عاقل وخايف ربك.. تعرف أن البنت لها رياييل وأهل.. ودام هي عيبتك مثل ما تقول شله كل هذا.. وخصوصا انك تعرفني.. كان بإمكانك تيي أنت وأهلك وتخطبونها علي: كلامك على عيني وراسي.. وأنا فعلا غلطت.. وأعترف وأتمنى انك تسامحني نادر: أخو وعزيز يا علي.. بس مثل ما قلت لك هذا عرضنا ونحن ما نرضى فيه.. وإذا كنت فعلا جاد برمستك.. خلاص هات أهلك وتعالوا وإن شاء الله ما رح يصير ألا اللي كاتبنه الله علي: حقك عليه.. بس.. نادر: شو السالفة يا علي؟ أحسك مهموم جنه شي كابت عليك.. فضفض لي يا أخوك.. شو السالفة؟ علي: بصراحة يا نادر.. أنا لي الشرف بأني أتقدم وأخطب ايد أختك على سنة الله ورسوله.. بس.. نادر وهو عاقد حياته: بس شو؟ علي: بس في شي لازم تعرفه.. أنا... أنا.. نادر: شو السالفة يا علي؟ تحجى؟ علي وهو يبلع ريجه: أنا عقيم.. ما اييب عيال انصعق نادر.. وفي نفس الوقت استهم على أخوه علي.. وما عرف بشو يرد عليه علي وهو يبتسم: أكيد تفاجأت نادر: والله ما أعرف شو أقولك؟؟ علي: عسب جذه أنا كنت أطرش لها مسجات.. كنت أبي أرمسها في هالموضوع عسب آخذ رايها بعد ما أخبرها بالسالفة.. كنت أبي أشوف ردة فعلها عقب ما تعرف هالشي نادر: والله ما أعرف شو أقولك.. ع العموم.. اللي كاتبه ربك رح يصير علي: أنا آسف يا نادر ع اللي صار.. ودام أنك في الصورة أنا الحينة مرتاح نادر وهو يبتسم: فديتك والله.. ومثل ما قلت لك اللي كاتبه ربك رح يصير.. انزين لحظة.. أنت ما فكرت تتعالج؟ علي: سرت لوايد دكاترة وكلهم قالوا لي في أمل بس وايد ضعيف نادر وهو يبتسم: ضعيف والا غير.. أهم شي في أمل.. صح والا؟ علي:................. نادر: يا ريال.. خل إيمانك بالله قوي.. وبإذن الله رح تتزوج وتترس البيت عيال علي وهو يبتسم: الله يسمع منك نادر: ع العموم.. حصل خير.. وأنا رح أرمس عليا وأفهمها السالفة..عاد الحينة هالشي بإيدها.. علي: على خير إن شاء الله .................................................. ........... في بيت أم سهيل أم سهيل عازمة سهيل وشيما ع الغدى.. وحصة وأحمد.. وسارة وحارب .. وثاني وميسون صوب الرياييل أحمد / حارب/ سهيل/ علي/ سيف/ ثاني في هالوقت وبين ما كان الكل مشغول بالسوالف.. فجأة وصل حارب مسج.. (تقول الناس عينك وش بلاها...على خدك تنثر كل ماها صحيح الناس مايدرون عني ولا حسوا دموعي وش وراها...ولا يدرون حالي وش بلاها...ولا عاشوا دقيقة في عذابي لأن "< حــبـــيـــبي >" غايب عن نظرها) حارب عقد حياته وبعد ما أتأكد من الرقم ابتسم ابتسامة مطنزة واللي لاحظها سهيل وقام وربع صوبه سهيل: ها الحبيب.. منو مطرش لك؟ أعترف؟.. أكيد سارة.. مسرع ما ولهت عليك حارب : تستخف دمك حضرتك.. سارة عمرها ما فكرت أطرش مسج.. والا أقولك لحظة تذكرت.. في مرة طرشت لي هالمسج .. لحظة بخليك تقراه.. وبعد ما حصله.. حارب: أندوك.. أقرى مسجات ليلى لقيس ضحك سهيل على سوالف حارب وتناول الموبايل وقعد يقرى المسج.. اللي كان.. ( اقول.. وينك؟ تأخرت عليه؟ ) حارب: طرشت لي هالمسج عسب مرة كانت في بيتكم وتأخرت عليها.. جان أطرش لها.. بالعمالة..( انزين وشله المسج.. جيه ما ادقين؟) جان أطرش لي..( أفففف خيستني .. وينك؟) نقع سهيل بعد ما قرى المسج حارب: هي اضحك.. شعليك أنت.. والله مقهور سهيل: ما قلت لي.. منو اللي طرش لك توه؟ حارب وهو يناوله الموبايل عسب يقراه.. سهيل: هذي الحيوانة؟ حارب: والله هذي مصخرة سهيل: أقول حارب.. حارب: هلأ.. سهيل: تعتقد لو سارة درت بهالمسجات.. شو بتكون ردة فعلها؟ حارب: الله لا يقول.. هي من الله ما أطيقني بس تتريا أي زلة مني عسب تعلن الحرب عليه سهيل: بس أنا أعتقد غير جذي.. يمكن تغار عليك حارب: شوف... سالفة تغار عليه.. مليون بالميه هي تغار عليه.. ألا تموت عليه.. بس الخامة تكابر.. أففففففف سهيل: ههههههههههه والله أنكم تحف حارب: تحف فعينك سهيل: هههههههه اندوك موبايلك .. أقول.. الله يعينك على ما بلاك.. ع العموم أنا قلت لك رايي وأنت كيفك وقام سهيل من عنده حارب : بوشهاب .. طلبتك .. احمد : تم .. حارب : شله .. احمد : امره فالك طيب .. حارب: فالك ما يخيب يابوشهاب .. أحمد : {{{ياويل يا من زاد بالهم بات ليله بعسرات...بايت سهير والليل خيم والعين تذرف بعبراتي.....حب الحبيب سمني سم يا حمد العمر باقي ...محلاه لي من تبسم حلو المحيا والصفات ...أنا بحبه صرت ملزم و ون ونات المماتي وين الذي بي ثيب مغرم و يشفي جروح داميتي ...خلي بحالي ما ترحم ظالم ويسعى في شتاتي ...ياليت مع الشمل يلتم واهنا بقربه في حياتي}}}من سمع علي الشلة سكت ..تذكر علاية طبعا و احمد يطالعه و يضحك .. ويسوي حركات حق ثاني ويطالعون علي ويضحكون علي وتوه ينتبه : نذل .. احمد :+ ثاني هههههههههههههههههههههه ههههههههههه .. سهيل : مافيك حيله يا بوشهاب .. صوتك غرام ..... احمد : ترى القصيده .. لعرب ما عرفنا سبب حزنهم هالاسبوع .. وشفته الحبيب كاتبها في ورقة وعديتها... حارب : و انا اقو وول .. يعني هذي قصيدة علوي ثاني: و انت امره .. سرقتها .. احمد : شفت علي اول امس بايت .. قلت اكيد يكتب شيء .. وبعد ما خلص كتابة الحبيب نسى الورقة عاد أنا ربعت و شليتها .. أكتبها ... علي : عنلالاتك سهيل : الله ياولي عليك ياعلي ثرك متخشع .. ... أحمد : يظرب الحب شو بيزل .. هههههههههههههههههههههه .. علي : قسم بالله انكم جلااااب.. .. من صوب البنات... أم سهيل: حيا الله البنات شيما: الله يحييج عموه حصة: والله من زمان ما تيمعنا مثل هاليمعة الحلوة سارة: صدقتي والله ميسون: محد ناقصنا غير عموه سارة: هي فديتها وأنا بعد من زمان ما شفت شهودة وشميم حصة: وبعد في وحدة ناقصتنا.. شيما: منو؟؟؟ حصة: علاية فديت روحها سارة: هي والله.. أففففف هذا علي صج يقهر ميسون: الله يهديهم بس وبعد ما انحط الغدى أم سهيل: بلاج يما شيما ما تاكلين؟ شيما: لا عموه عادي آكل أم سهيل: وانتي ميسون.. يما كلوا لا تستحن ميسون: أفا عليج عموه.. شله بعد نستحي سارة: انزين أمي.. الحين دوري.. جيه ما تقولين لي كلي؟ أم سهيل: يا ربي منج يا سارووه.. كلي الكل: ههههههههههههههه حصة: والله انج... سارة: جب جب.. بعدين سيري حق ولدج.. جنه نش من رقاده أم سهيل: خليج يما.. أنا بسير له وبعد ما تغدوا وخلصوا.. دق ثاني حق ميسون عسب تظهر له لأنهم كانوا متفقين يظهرون وظلن سارة وحصة وشيما يسولفن شوي ويسمعون صوت سهيل.. سهيل وهو واقف عند الباب: هود هود وبعد ما تحجبت حصة.. دخل سهيل سهيل: السلام عليكم البنات: وعليكم السلام.. سهيل: شحالكن يا بنات؟ سارة شحالج؟ سارة: بخير وسهالة.. أنت شحالك؟ سهيل: تمام.. ويصد صوب حصة اللي كانت شايلة زايد.. ربع صوبها وشله من عندها.. وقعد يبوسه سهيل: هذا للحين دقمة..ما يكبر حصة: ههههههه ياحليله بعدنه ما كمل 6 شهور سهيل وهو يلاعب زايد صد صوب شيما: شيوم.. يلا قومي بنسير شيما: أوكي لحظة بسير أييب تليفوني ع الجارج.. وربعت داخل ولحقتها حصة سهيل: عيل أمايه وينها؟ سارة: قبل شوي سارت داخل عسب ترتاح وبين ما كانوا سارة وسهيل يرمسون .. فجأة.. شيما طاحت من طولها ..أول ما شافتها حصة خافت ويلست تصارخ عسب تزقر سهيل وسارة وبعد ما سمع سهيل صار يركض كانه مينون .................................................. كـــــــــــــــااات شو تتوقعون يصير لشيما..؟؟ و شو رده فعل عليا يوم بتعرف بالموضوع..؟؟ و علي وين بيكون مصيره..؟؟ وهل اهل عليا بيرفضون علي اذا تقدم لخطبتها..؟؟ وشو رايكم في البارت..؟؟ |
شو تتوقعون يصير لشيما..؟؟ أكيييييييييييييييييييييييييييييد حااااااااااااااااااااااااامل و شو رده فعل عليا يوم بتعرف بالموضوع..؟؟ بتواااااااااااااااااافق و بتساااااااااااااعده و علي وين بيكون مصيره..؟؟ ان شاء اله بيصح وهل اهل عليا بيرفضون علي اذا تقدم لخطبتها..؟؟ محد بيدري غير نادر وبيشااااااااااااااااااااااارورها واهي أكيييييييييييييد بتواااااااااااافق و بتساااااااااااااااااااعده بالعلاج وشو رايكم في البارت..؟؟ حلووووووووووووووووووووووووووووو ملاااااحظة : القصة تشبه قصة قبل أنا قارينها ( عيون فارس ) وتوقعااااااتي لنهاااااااااااااااااااية القصة 1 - ساااااااااااااارة بتحمل و بتحب حاااااااااااااارب 2- [color=000000]بدق باااااااااااااااااب الخيااااانة على باب الحب إلي اهي ( سعاااااااااااااااد ) عشااان تخرب حيااااااااااااااااتهم بس راح يتصااااااااااااااالحو واااااااااااااااااااااااحد من أبطااااااااااااااااااااااااااااااااال القصة راااااااااااااااااح يموووووووووووووووووووووووت يمكن (( علي )) و بتبقى عليا مستهمة عليه 4- أما الباقيين بعيشوا حياتهم بسعااااااااااااااااادة بس مع تداخل شوووووووووووووووية ضرااااااااابة من بينهم 5- القصة راح تنهي حزن و فررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررح |
تسلميين ع البااارت النااايس واتوقع انه شيما حاامل :78650: |
تسلميــن ع البــآرت ., يعطيج العــآفية .," نترقب البــآرت اللي بعده .," |
| الساعة الآن 11:35 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir