|
و يوم خلصـو من الاكل ,, سـارو بـاسكن روبنز البنـات و الاولاد سـارو يدورون فلم رومانسي لوول حق فطـوم ,, و يوم كانو فبـاسكن روبنز مريوم عليـا ما صدقو اللي يشوفونه تحيدون الولدين اللي كانو ويا مريوم و عليـا فـ المحطه ,, كانو هناكي (****)3 ,, (****)4 .. عليـا شهقت : وابويه انا هب سايره فطـوم : ايييه ليش مريوم : حتى انا ,, ايه فطوم هاييل الاولاد اللي شفناهم فالمحطـه سـاره : ههههه عادي عادي ,, طوفو ماعليه مابيستوي شي فطـوم اونها عاد دشت كـ الاميره : Hi (****)3 ,, (****)4 شافو البنـات و انصدمو من مريوم و عليـا ,, ومريوم و عليـا يالسين يشوفون بعض و يضحكون (****)3 : انـدوووكم انتو (****)4 : ياويل حاليه مال المحـطه فطـوم : هيه مال المحـطه ,, هممم خلصـتو ولا بعدكم (****)3 ,, (****)4 شافو فطـوم و سـاره بعد بغو يمووتون (****)4 : آآآخ يا قلبي شو هالغراشيــب جـاسم AL Body Guard وهوه يتقرب منهم : حســن الفاظك .. عاد هم شررررررده لووول مريوم : زين اتسـوي فيهم شـاطر فطـوم طلبت حقها و حق البنات و الاولاد و الـ AL Body Guards .. و يوم خلصـوا سـارو صوب الاولاد حمـدان : فطـامي فطـوم : لبيــه حمـدان : لبيـتي حـايه ,, اخترتلج فلم رومانسي يمحـونه و يديد بعد فطـوم : آآخ ياقلبيه ,, تسلم الغالي محمد : هاا مريوم شو السيـره ؟ مريوم : خبـاال حمـدان : ماتبـغون شي ثاني ؟ سـاره : لا ,, يلا خلونا نسيـر البيت نبا نشـوف الفلـم فطـوم : حووه انا ما بشوف الفلــم الا السـاعه 12 حمـدان : ياويل حاليه انا ,, محمد : ههههه يلا انزين خلـونا نسير مريوم : هيه صح حمـدان مشكور ع الهديه عليـا : هيييه مشـكور حلووه مووت حمـدان : العفــو ^_^ المهم و عقـب دشو السيـاره و فطوم عطت وليـد و جـاسم الاسكريم مالهم و ركبـو السيـاره و تحركـو اما فـ بيت بو حمـداااان ,, الصراحه الجـو وايد حلـو سوالف و ضحك و ربشــه و كل واحد يطلع فضـايح الثاني بو حمـدان : يا ريـال انته اللي رقمتها اول بو مريـم : حشـى حشـى ماسويت شي مادري منو اللي غمـزلها ام حمـدان : محمد اعترف !! ام مريـم : هههههه ماعليج شيخه عـلي يسوي سوالف بو حمـدان يتقرب منها : افا تشكيـن فينيه !! ام حمـدان : وانا اقـول ليش حمـدان طالع جيه ,, ثـراه طالع ع ابـوه الكـل : ههههههههههههههههههههه من بعيـد رشـود و عبدالرحمن كانو يتسـابقـون رشود من بعيد : هييييييييه انا أول عبدالرحمـن امبوز : لا انا ام حمـدان : انتو الثنين فزتـو فديتكم رشود يدو ايد عبدالحمن وتمو يناقزون : هيييه هيييه هيييه بو حمـدان : حيهم والله الشيـوخ ,, خشمك راشد >> عاد اونه يتخـاشم وياه راشد بو مريم : عبدالرحمن تعـال سلم عليه ماشفتك اليوم ,, خشمك . >> تخاشم وياه لول |
وعقب 10 دقـايق ,, الشلـه و صـلت و كانو فرحـانين وايد ,, و فطـوم كانت متشققه عشان تشوف الصوره و تسمع الصـوت و يوم يلسـو و تمو يسولفون ومره وحده فطـوم : هدوووووووووووووء ابا اقولكم شي الكـل : انزين فطـوم وقفت : احـم ,, الله يسلمك فـ المول يوم كنا نحوط كنت اغنيه آه من قلب الكـل فج عينه و البنات يضحكون فطـوم : ههههه ايه بسكم شكليه انا بتصفع حمـدان وهوه بدا يعصب : وبعديـن فطـوم : همممم جان واحد ايي و يقوليه حيه هالصوت ام حمـدان : و جـاسم وينه !! فطـوم : خالووووه الشـاااجي قاليه جيه رمسته و حربي كان وياه و سولفنا ويااااهم .. و هيه شاقه الحلـج بو حمـدان : ههههههههههههههههههههه ,, حلييييييييلج شفتي حبيبج ,, بو مريم : ههههههههه حييه الشـاجي والله فطـوم : حتى شو صورته ,, وهيه اتطلع الصوره : شوووف بو حمـدان : مزيـون فطـوم : ياويل حاليه فديته والله محمد : والله وين شفتيييه !! جان قلتيليه بسلم علييه و بقوله عنج و عن خبـالج .. بس تريي ماتستحين انتي ترمسين واحد ماتعرفينه جدام الخلــق فطـوم : اندووووكم انتـو جيه انا لا حبيته ولا رقمـته !!! بو حمـدان : بس فديتـج هاي آخر مره فطـوم و تشوف البنـات و هيه مقهـوره : انزين مريوم و سـاره و عليوه يشوفون حمـدان كيف ويهه متشكــل وخاطره يسكـت فطـوم باي طريقه الكـل لاحظ فطـوم : هيه صح قالي اسمعي شي طرشلي ع البلـوتوث حمـدان : والله احلفي انتي بس ,, وايد يعني ماخذه راحتج وياه فطـوم : هيه فديته ,, و جان تشغل الغنيه ’’ سمعت شلته وهوه يشل آآه من قلب ’’ و هوه يغني هالغنيه كامله فطـوم : يا لبيــــه عنيه افدا هالصوت محلاااااا وتصـااارخ ام حمـدان : ههههه جان عزمتيه عندنا فطـوم : ياويل حاليه شكليه انا اللي بأكله ولا مره وحـده حمـدان سـار فوق و هوه ع اعصـابه و من قـام الكل سكت و فطـوم قفطت بو حمـدان : ماعليه فطـامي ,, فطـوم : وااااابويه زعـــل !!! اييه انتو تعـالو فـوق >> ترمس البنـات وعقب خـذو اجيـاسهم و سـارو فـوق غرفة فطـوم فطـوم : اييه حد منكم يفج البلوتوث ,, مريوم : انا بفج ليش ؟ فطـوم : بطرشلج الغنيتيه و الصور و اونيه مستحتهم .. ولا اقول ,, سيرو فجـو الـلا و وطرشوهم باللوتوث بليز مريوم : هههه انزين ,, جان سـاره فجت اللاب و طرشتهم ,, و مسحت اللي فـ موبايلها عليـا : الحين شو بتسوين فطـوم : اسكتو والله اخافه يضربنيه خخخ ,, بسير عنده براضيه ,, يلا ادعولي سـاره : يالله حمـدان يتفنن فـ التغـلي ,, طلعت فطـوم و لفت شيلتها و دقت البـاب دق دق دق حمـدان : تعـــال فطـوم فجت الباب وهيه ترتجف ,, وكان حمـدان طايح ع الشبريه و يوم شـافها حمـدان : خيــر في شي ؟؟ فطـوم خلت البـاب شويه مفتـوح حمـدان استغرب من هالشي قربت من الشبريه وجان تيلس ,, وترمسه بكـل حنان : شوفيك ؟ حمـدان : ماشي فطـوم : حمـداني شوفيك ؟ حمـدان فخاطره : فديت هالحس بس تقهرين والله ,, : مافيني شي فطـوم قربت وجان تيلس عـدال ويهه بشويه وكان هوه طايح وهيه منزله راسها و ترمسه : حمـدااااااان حمـدان : هااااااااا فطـوم : شوفيييك ؟ حمـدان : أسالي عمرج فطـوم : مسـحت الصور اللي فـالفون حمـدان : عليـنا هالرمسه فطـوم : والله مسحت حتى شوف ماشي والله حمـدان : .......... فطـوم : تغـار حمـدان : وانتي شو رايج ؟ فطـوم ابتسمت : همممم ماعرف حمـدان جان يعتدل و يسوي عمره شبه يالس و طايح وجان يشل : عليك اغار من لمس الهبايب .. وجلاسك واهلك و القرايب .. وعليك اغار من عمري عليك .. واغار بسبة وبلا سبايب .. فطـوم : تسلملي هالصـوت ,, ( ترمسه شرات اليـهال ) امـدااان انتأ هب زلعـاان عليه حمـدان : فديت هالحــس والله ,, لا فديتج هب زعلان ,, بس اباج تعرفين ,, انيه اغـار عليج حتـى من كـل شي فطـامي فطـوم : ................... ( عضت شفايفها ونزلت راسها ) حمـدان حط ايده ع ويهه ومرر صبوعه ع شعره : آآآآآآآآآآآخ والله بتعذبينيه و تعرفينيه اني ما ايود عمريه فطـوم : عيل شرده .. قامت جان يمسكها من ايدها بالقو و اييرها ,, جان اطيح ع الشبريه قفطت حمـدان : متــى بـاخذج والله بتخبـل اذا ماخذتج فطـوم : بعدين خلنيه حمـدان : فطـوووم فطـوم : عيونيه حمـدان : احبـج فطـوم بحنـان : وانا امـوت فيك حمـدان ,, و جان تطلع و تسير الغرفه سكت الباب و اساندت عليه مريوم : اشوفج طولتي فطـوم : آآآخ احبــــه موت سـاره : شو استوا فطـوم : عيب سوالف حبايب عليـا : لا جد جد شو استوا ؟ فطـوم خبرتهم بـ السالفه : جان يقوليه احبـج ,, قلتله اموت فيك و عقب ييت اهنيه عليـا : ياويل حاليه انا ,, والله خاطريه اشوفج عـروس فطـوم فطـوم احمرت : بس عـاد عليـوه .. بسير اشوف صورت الشـاجي ماشفتها سارت صوب الجيس و فجت الظـرف و يوم شافته تخبلت فطـوم : ماشالله عليه يخبـــل مريوم و عليا : هيه والله سـاره : بخبـر عليج ترانيه فطـوم : انجعمي خخخخ سـاره : شو رايكم اتباتون عندنا ؟ فطـوم : هييييييييييييه ,, والله فكـره خبـال ,, سحبت مريوم و عليـا و ودتهم تحت صوب امهم و ابوهم فطـوم : عمييييييييييييييييه علي بو مريم : آمري فطـوم : ما يامر عليك عـدو ,, خلهم هاييل عندنا الله يخليك بو مريم : لا لا شو |
ام مريم : فشلـه وين بيتمون ؟ سـاره : خالوه والله غرفت فطـوم وسيعه تسدنا كلنا ,, خليهم عندنا بلييز والله فطـوم : هيه خالوه والله الله يخليييييج ,, عميييييه محمد قووول شي بو حمـدان : بينـور البيت لو تمو عندنا ام مريم و بو مريم يشوفون بعض بو مريم : خلاص خذوهم مانباهم فطـوم تصارخ و تناقز وياهم : الله كشخه تعالو بخلي حد اييب شنطكم من السيـاره بو حمـدان : خليهم يرقـدون عندج ,, و بخلي الخـدم ينظفـون غرفه حقـهم مريوم : عميه جي تحرجـنا والله بو حمـدان : افا عليج الريــم ,, انتي منا و فيـنا حيـاج فـ اي وكت ,, البيت بيـج عليـا و مريوم : تسلم والله عميــه ,, وعقب خبـرت الخدم اييبون الاغراض جان ايبونهم و يخلـونهم فـ غرفة فطـوم ,, و قال بو حمـدان حق الخـدم ينظفون غرفه حق عليـا و مريوم ,, و مر الوكــت بسرعه و بو مريم و ام مريم و راشد سـارو البيت .. بس قبل لا يروحون ,, مريوم سارت يابت هديتهم من حمـدان و استانسـو وايد و شكـروه .. و محمد خبر البنات انه عقب شويه بتستوي ساعه 12 و بيحطـون الفلم ,, و كان حمـدان يايب كمن فراش و مخداات والبنـات كانو لابسيـن نفس الشي بجـامه ,, بنطلـون ابيض و عليه غيـوم و القميص ايده طويله و هوه روحه طويل و فـ النص عليه 4 بقرات لووول كان شكله كيـوت و لفـو شيلة البيت و سـارو اييبون الاغراض اللي ماخذيها مريوم و عليا من المحطه و سـاره و فطـوم بعد يابو اغراضهم و عـقب غرفة اللي دوم يشوفون فيها الافلام ,, و و سكرو اللييتات و كل واحد عطا الثاني حلاوه وجبس و شي بارد يشربونه .. محمد : صدق انكم بقـر ههههههههه حمـدان : ههههه لا بس كيـوت بجامتهم ,, فطـوم مستعده احط الفلـم فطـوم : هييه هيييه .. بقولكم كيف الحجـر كانت ,, كانت شبهه صاله ,, التيلفزيون مال السينما و ع يمين و يسـاره كراسي بو 3 اشخاص و جدام التيلفزيـون فيه بعد كرسي بو 3 اشخـاص ,, و حمـدان كان يايب كرسيه المفضــل اللي ايلس و يمد ريله ,, فطـوم كان ع الكرسي اللي مجابل التيلفزيـون و حمـدان عدال راسها ميلس لوول ,, يعني محطي الكرسي عـدالها و تحت الـ 3 مريوم و ساره و عليـا و ع جهة اليمين محمد .. و بدا الفلـم و كانت البدايه حلـوه موت ,, و فطـوم مندمجه فـ الفلـم و فنص الفلم طلعت لقـطه رومانسيه من الخـاطر ,, حمـدان تم يشوف فطـوم وهيه تشووف وتعض شفـايفها محمد : ششششت يخــرب بيتك حظـك فطـوم : آآخ ياويل حاليه كشخه ابا اعرس سـاره : هيه والله مريوم : آآه يا ألبي عليـا : الصراحه احلى فلم شفته فطـوم شافت حمـدان حست انه تم يشوفها بصوت واطي : شوفيك ؟ حمـدان : لو انتي حرمتيه الحين جان ماهديتج ثانيه .. عاد اهنيه هيه استحت وتمـو يشوفون الفلــم لين ما خلص طبعـا في لقطات اتصيح و فطـوم كل دقيقه ادمع لوول وحمـدان يشوفها ,, الصراحه وايد تندمج يوم تشوف هالافلام و يوم خلــص عليـا : ياحظـــهم والله عـرسو و ريحو عمارهم من المشـاكل فطـوم سرحـااااااااااااااااااااانه محمد : خيبه الساعه 3 هب فلـم ها ,, انا بسير ارقد تصبـحون ع خـير الكـل ماعادا فطـوم : وانته من اهله ,, سـار محمد يرقد و حمـدان سار يشربله مـاي ,, مريوم : فطـوم فطـوم : .......... عليـا : ايه فطـوم فطـوم وتوها تستوعب : هاا ها شو استوا ؟ سـاره : سرحـااانه هاا فـ منوه فطـوم قفطت : ها لا ماشي ,, شوفيكم ؟ مريوم : نحنا بنسير نفرش و بنسـولف تعالي فطـوم : الحين يايه انتو سيرو عليـا : اوكيه ظهـرو البنـات من الغرفه و سـارو غرفة فطـوم ,, وفطـوم كانت طايحه و تشـوف الصقف و حاطه ريل ع ريل و كـانت سرحانه من الخـاطر و جان حمـدان يخطف ع الغرفه و شاف ريل حد ,, جان يدخل و يشـوف فطـوم سرحانه وكمن خصله من شعرها ع ويها .. حمـدان فخاطره : بلاها ؟؟ فـ اشوه سرحـانه والله خاطريه اعرف ,, فطـوم فخـاطرها تقول : ياويليه كشخه الفلم خلاني اعيش الاحـدااث من الخـاطر يوم ترقص ويا حبيبها كان فستانهـا خبـال و عقب تمت تتخيـل كيف بيكون شكلها يوم بتعرس بـ الفسـتان و شو بيقولها حمـدان و شو بيستـوي و و و و و ,, و تم حمـدان يراقب فطـوم و سـار اتسبح و رد و شاف فطـوم راقده ,, رقـدت الحبيبه لوول ,, حمـدان ماعرف شو يستوي قال بيوعيها حمـدان : فطـامي فطـامي : هممممم حمـدان : قومي ارقدي فـ غرفتـج فطـامي : اووووش لاتقـوم فديتك خلنيه فـ حظنك حمـدان يضحك بصوت خفيف : هههههه ,, ليش ؟ فطـامي : بس جي خلنيه فـ حظنك الدافي حمـدااان ,, ألوي عليه بردااانه حمـدان فخاطره : فديتها ياربيه ,, جان يشلها و جي هيه تتقرب عند صدره ,, عايشه الحلـم صدق ,, كان شكلهـا شرات اليهـال دش الغرفه و شـاف سـاره فارشه عـدال شبريه فطـوم و الصوب الثاني عند الستـاره في 2 طايحين بس متغطيين دش عليهم الحجره و خلا فطـوم ع الشبريه و شل الشيله و حباها ع راسها و روح و سكر البـاب و سـار صلا و رقـد لانه كان مأذن ,, و تم يفـكر فـ فطـوم طول الوكـت و فخـاطره يكـون عدالها دوووم ,, وتم يفـكر و يا ع بـاله عيد ميـلاد فطـوم فخاطره يقوله : متى عيد ميلادها ؟؟ بـاجر اول ما انش سيده بشوف جوازها ,, و بخـبر البنـات انه بنسويلها مفـاجأه و حفله تم يفـكر شو يسـوي بسويلها و شو بييبلها لين ما رقد |
الصبـــح .. الثـلااااثـااء ,, سـاعـة : 7:45 .. بـ التحديــد بيت بو حمـدان ,, فـ الصـاله ام حمـدان كان موجوده تتريـا بو حمـدان ينزل عشـان يتريق وياها و يوم نـزل بو حمـدان : صبـاح الخيـر فديـتج ام حمـدان : صبـاح النـور فديـتك بو حمـدان : كيف اصبحتي ؟ ام حمـدان : والله يسـرك الحـاااال ,, يلا قوم نتريق وجـان يسيرون صـوب طاولة الريـوق ,, و يلسـوا يتريقـون ولا مره وحده ام حمـدان : محمد بو حمـدان : لبيـــه ام حمـدان : لبيت حايه ,, مابنودي فطـوم برع عشـان يسولهـا عمليه حق ايدها ؟ بو حمـدان : هممم والله عادي عنديه ,, جان تبغـونيه باخذ حجز من الحيـن ام حمـدان : بس وين ؟ بو حمـدان : يمدحـون تايلند ام حمـدان : خلاص عييل ,, بنرمسهـا يوم بتنش وعقب دقايق جان ينش عبدالرحمن ,, و جان تيبه البشكـاره صوب ام حمـدان ام حمـدان : فديتك والله ,, عبدالرحمن : ماما وين لشـووود >> رشود ام حمـدان : حبيبي رشودي فـ بيتهم ويا ماما و بابا عبدالرحمن : ابي ألعب وياااه ام حمـدان : حبيبي الحين انته اكل و عقب ان شاء الله بيي ,, و جـااان تستوي السـاعه 10 ,, صـوب حجرة البنـات سـاره نشـت و سـارت الحمـام و تغسلت و صلت و و عدت فطـوم و مريوم و عليـا ,, عقب يوم خلصـو لبسـو مخوره وكانو هب متفيجين يتجحـلون حد لوول ,, لفو شيلة الصـلاه و عقب نزلـو تحت البنـات : السـلام عليكم و الرحمه بو حمـدان ام حمـدان : وعليكم الســلااام البنـاات : شحـااالكم ؟؟ بو حمـدان ام حمـدان : يسركم الحـال و من صوبكم ؟ البنـات : تماااام ام حمـدان : تريقتـو فطـوم : انا ماليه نفـــس بس ابا عصيـر مريوم : حتى انا عليـا : وانا بعد سـاره : وانا ,, بسير اصبلكم البنـات الـ 3 : تسوين خيـر ,, ام حمـدان : مريومه و علايه ,, ترا الغرفه جاهـزه عليـا و مريوم : والله !! ,, الله ونـاسه ,, بس اي وحده ؟ ام حمـدان بتشـوفونها ع الينـب صوب غرف فطـوم و سـاره مريوم : هايج اللي مخشـوشه ام حمـدان : عليــج نووور وعقب دقايق .. بو حمـدان : فطامي ,, شحال ايدج ؟ فطـوم : عميه ساعات تعـورنيه يوم احركهـااا بو حمـدان : تاخذين الدوا ؟ فطـوم : هيه يوم يعورنيه آخد بس بعد يعورنيه بو حمـدان : والحين تعورج ولا لا ؟ فطـوم : هممم لا ,, بس جي سـاعات تعورنيه ,, بو حمـدان : عيـل بنسيـر تايلند جان تيي سـاره : لييش !! بو حمـدان : عشان تسوي فطـوم العمليه فطـوم : عميه مابا اسويها !!! ام حمـدان عصبت : شو ماتبغين تسوينها ,, واذا اسوا فايدج شي وعقب شو الفايده فطـوم : .............. بو حمـدان : انا الحين بتصـل باخذ تذكره حقيه و حقج فطـوم : جيه والبـاااااااااجي !!!! بو حمـدان : فطـوم نحنا سايريـن حق علاااج هب لعب فطـوم فخاطرها تصيـح من الخـاطر : انزين ليش ترمسنيه جيه ماقلت شي الحين انا !!! بو حمـدان : ................... ام حمـدان قامت و سـارت عند فطـوم يلست عدالها : لاتضايقين فديتج اسبوعين او اكثر شويه و بتردين و بتستوي احسن فطـوم : خالوه اذا استواليه شي مابا اموت هنـاكي بو حمـدان : فطـوم شو هالرمســه !! مريوم بعصبيه : فطـوم ,, انا قلتلج لاتيبين طاري المـووووت جداميه انا و عليـا ,, انا شو ارمس مافهمين فطـوم : انزين انزين افففففف ,, متى السيـره ان شاء الله ؟؟ بو حمـدان : اليوم بقولج فليل فطـوم وهيه ماده بوز : افففف حتى ويا ربعيه ماتهنيت وياهم .. جان تسيـر عنهم فـوق عليـا : حراااااااااااااااااااااام بو حمـدان : ماعليه فديتج الا هيه كمن يوم و بنرد سـاره : يعني مايستوي نسير وياها ؟؟؟؟ بو حمـدان : خيبه انا شخص واحد كيف بتحملكم !! مريوم : ماناكل تراه ام حمـدان : ههههههههه ,, فديتج هب جي ,, يمكن مايحلصـون حجز حقكم ,, صدقـونيه الايام بتمر بسـرعه و بترد فطـوم بسلااامه اما صـوب فطـوم ... توها بدش الغرفه بس حمـدان زقرها ,, حمـدان : فطـامي فطـوم وهيه اموزه : هلااا حمـدان : ياويليه ع البـوز ,, بلاج امبـوزه فطـوم و الدموع فـ عينها : بسـافر حمـدان انصدم من الخـاطر : ويييييييين !!! فطـوم : تايلند بسوي عمليه حق ايديه حمـدان : منو بيسير ؟؟؟ فطـوم : انا و عميه بس ,, اونه مايبا حد ومادري شو نحنا سايرين حق علاج هب حق لعب حمـدان وعلامات الحسـره فويهه فطـوم : حمـداااااان لاتم تتطالعنيه جيه ,, انا حتى امنبونيه مابا اسير احس ملل ابا حد يسير ويانا حمـدان : الله كريـم خلاها و نـزل تحت و فطـوم فخاطرها تضرب حد من القهر ,, صرخت بصـوت عادي : يااااااااااااااااااااااااربييييييييييييييييييييييي ييييييييييييه !!!! كـــــــــــــ ــــــــــــــت همممم تتوقعـون بو حمـدان بيـتم ع رايه انه محد يسير وياهم ؟ |
البااارت 21 .. تحـــت فالصـاله بو حمـدان : شو سويتبـها !! حمـدان : ابويه يعني الحين اذا صرخت يعني انا سويتلها جي !! اسال عمرك شو قايلها بو حمـدان : انا احيد البنات يوم يقولولهم بنسـافر يستانسـون ليش هاي لا !! ( يوم كان بو حمـدان يقول جي محمد نـزل ) محمد : منو بيسـافر ؟ سـاره : فطوم و ابويه محمد مصدوم :لييييييش ! بو حمـدان : حق ايد فطـيم ,, حرام عليكم والله يعني الحين اذا تميتو تطلعون هناكي بتم هيه عاد كل يوم ماتعرفون فطـوم موتها و حيـاتها تسوي ع قولتها shopping مريوم و عليـا : ههههههههه عليـا : عميه البـركه فينـا و ضحك ويا ضروسها خخخ بو حمـدان : هههههههه شطـار ,, انزين عيل ,, انا الحين بخلي حد ياخذلنا حجــز ,, شيـخه فديتج سيري ييبي جوازي و جـواز فطـيم بخليهم فـ السيـاره ,, ام حمـدان : فطيـم عندها جوازها ,, خلاص ماعليه انا بيبله لك وعقب ام حمـدان سرت غرفتهم و طلعت جواز بو حمـدان ,, و دقت ع حجرة فطيـم كمن مره و عقب فـجت فطـوم و الحسـره و القهر فـ عيونها و فويها .. ام حمـدان : وي وي وي بسم الله ع هالبـوز شوفيج فديتج تعالي خبرينيه ,, دخلت و سكت البـاب يلسها ع الشبريه ام حمـدان بحـنان : شوفيج فديتج ؟ فطـوم : فينيه غصــه ,, احس هناكي بتخبــل و محد بيكون ويايه !! ام حمـدان : انا بقولج شي عن محمد ,, مسولفجي لدرجه فضيعه طالع ع حمـدان ,, والله بتكونين فرحـانه و بتنسين الايام و بتمر شرا المـاي ,, واي شي تبينه بيسويلج ياه ,, وعقب الshopping ذوقه طـر والله ,, ماعليج هوه يقول هب سايرين حق لعب بتشوفينه يوديج الالعـاب و الحـدايق ماعليج فديتج انا بقوله ,, بس اهم شي تردين لنـا بالسـلامه و بنظهرج و اي مكان تبغين تسيرينه بنـوديج ,, واذا بعد كنتــي تبغين تظهرين ويا حد "معيـن" >> ركزت ع هالكلمـه .. بنخليج تظهريـن وياه فطـوم من طرف عينها : خـالووووه شو قصدج بـ حد معيـن ,, والله انج حركـات ,, ام حمـدان : فطـامي حمـدان يحبج والله شوي شوي عليه اتصلي علينا كل يوم فطـوم بحسـره : يا لبيـــه ,, بمـوت لو ما شفته ,, هيه خالوه براويج شي هع ام حمـدان : شو ؟؟ فطـوم سارت و يـابت صورت الشـاجي وراوتها : شو رايج ؟ ام حمـدان : منو ها الشـاجي !! فطـوم : هيه امس عطاني هالصوره ,, حلو صح ام حمـدان : هههههههه مسكيــن حالج بسير اخبر حمـدان فطـوم : لا امس روحيه راضيته لاتخربين بليز ام حمـدان : هاا كيف راضيتيه ؟ فطـوم : عيب عيب مانقـول حق المعرسيـن عن يستخفـون و يسون شراتنا خلاص انتو كبـرتو >> اللي يقول عاد جنه سوو شي خخخ .. ام حمـدان : يلا انزين بسرعه بسرعه ييبيلي جـوازج فطـوم وهيه اموزه : انزين وعقب سـارت فطيـم تيب جوازها و عطته ام حمـدان ,, وعقب نزلت وخلت فطـوم بروحـها ,, سـارت ام حمـدان عطت بو حمـدان الجواز ,, بس قبل لا تعطيـه حمـدان قـام و سحبه بو حمـدان : يا الهــرم شو عندك ؟؟ حمـدان شاف تاريخ ميلاد فطـوم كـان : 5/7 .. قال فخاطره زين بعد وهم كـانو فـ تاريخ 18_6 ,, وعقب عطاه الجواز وعقب روح ,, اما فالصـاله حمـدان رد يـلس و شاف البنـات الـ3 مريوم : شوفيك تشوفنا .. فينا شي غلـط !! حمـدان : شو رايكم نسوي حق فطـوم حفله عليـا : حق شو ؟؟ حمـدان : عيد ميلاد فطـوم 5/7 .. خلال الأيـام يوم بتكـون مسـافره ,, بنسويلهـا بـارتي كبيــره سـاره : الله بتتخبـل محمد : شكلها تحـب البـارتي وايد مريوم : ههههه الا تعـشق حمـدان : عيـل بنسوي اجتـمااع هع سـاره : هههههه حشى بنسوي جريمة قتل نحنا حمـدان : لا صدق بنسوي ,, و كل واحد يحطـ كل الافكـار اللي فـ راسه البنـات + محمد : خلاص اوكيه سـاره : بنخـبر امايه عندهـا افكرا جهنميه حمـدان : فديت امايه والله .. بس والله ان درت فطـوم لا اجتلكم كلكم البنـات : خيبه تخيب العـدو !! مريوم : ايه خلونا نسير عندها (فطوم قصدها) شكلها تتحرطم ,, المهم وعقب سـارو فوق شافوها اطلع الشنطه وجي مريوم : خيبه وايد مشتطـه هيه تبغين الفكــه فطـوم : الله يغربلكم انجبـوا سـاره : البيت بيكون هب حلـو ,, انا برمس عميه علي بقوله مريوم و عليـا مايسيـرون من عندنا شهـر ,, هب انتو بتمون شهـر مريوم : جيه تخبلتي ,, لا لا فشلـه ,, اللي فالبيت مابيـاخذون راحتهم سـاره : بالعكـس بيستـانستون فطـوم : يلا قولوليه شو آخد من اللبس هنـاكي عليـا : هيه ترا هنـاكي حر موت وخاصـه فالصيـف فطـوم : عيل باخذليه اشيـاء خفيفه ,, بس مابلبس عبـاااه البنـات : ههههههههههههههههههه وعقـب ,, البنـات ساعـدو فطـوم عشـان تحط ثيـابها والاشيـاء اللي تباها و يلزمونها حق السفـر ,, و حطت البنـاطلين و القمصـان اليـداد اللي ماخذتنهم يوم سـارو المـووول ,, و العطـور و المكيـاج لووول لازم ,, اما عند بو حمـدان ,, رمس ربيعه عشـان ياخذلهم حجــز بـأقرب وكت قاله ماشي حجـز كله فول بس فيه فـالدرجه الاول فـ وافق بو حمـدان قال انزين حقيه و حق بنت اخويه ,, انا بيبلك الحين الجوازات وانته اتصـرف ,, المهم خـذا حجـز تاريخ 20/6 ,, قريب الموعد يومين بس ,, و مر الوكــت بسـرعه ,, وقرب مـوعد الغـدا و يا بو حمـدان و وياه التذاكر و كـانو ع طاولة الطعـام يتريونه عشان يتغدون و يوم يلس ... فطـوم : ماشالله شغل بسرعه بسرعه هاا الشيـخ محمد شو ها اللي فـ ايدك ,, وهيه تشوف فالجوازات شي جي ورقه طويله جان تمط الورقه و يوم عرفت شو السـالفه .. فطـوم : يخـــرب بيت الواســطه !! ناس يتريـون من شهـور وانته تي ع الجـاهز وتاخذ حجـز بسرعه بو حمـدان يعدل كـلر كندورته : احـم احـم وعقب تشـافت متى السفـر : قفــعه ( و تيود راسها ) قفــعه قفــعه الخميـس !!!! الكـل ماعادا بو حمـدان و ام حمـدان : شوووو !!! فطـوم بحسـره : آآآخ يا قلبيه كيف مقهـور .. هالخمـيس السـفر ولاخليتنيه اتهنـى وياربيعـاتيه حرام عليك .. وبعـد الرده 4/7 بو حمـدان : فديت قلبج انا ,, ماعليج بونسج صدقينيه محمد : يخـرب بيـت الواسطه والله !!! الكـل : خخخخخخخخخخ فطـوم شويه و بتصـيح ,, وترمس بو حمـدان شرات اليهـال : خلاص ماحبـــك تخلنيه اسـافر وياك بروحنا ابا حد يونسـنيه بو حمـدان : عنتلاتج جيه وانا وين ,, بهدج بروحج هنـاكي فطـوم اموزه و يلست تـاكل حمـدان : حرام عليك ابويه بتحرمـنا منها بو حمـدان :لا اله الا الله مريوم : محمد رسـول الله >> فخاطرها تضحك خخخخ بو حمـدان : عنبـو انا ساير وياها اجتلها هنـاكي ,, خيبه مايسوا عليه والله ,, لاتمـون تحـون وعقب يستويلنا شي ام حمـدان : الله لا يقـول غانتيه ,, ان شاء الله تسيرون و تردون بالسـلامه مريوم ترمس سـاره و تصاصرها : الله ع الحب سـاره : خخخخ عادي كل يوم هم جيه بو حمـدان يبا يقهربها : الشيخه فـاطمه فطـوم : خيـــر بو حمـدان : زهبي ثيـابج ترا ماباجي شي فطـوم : اصلا بدون ما تقـول زهبت و طلعت الشنطه و حطيت ثيـابييييييه و تصارخ الكـل : هههههههههههههههههه ام حمـدان : واعليه عليج ,, و ع هـ الحـااال ,, تم بو حمـدان يقهر بـ فطـوم عن السـفر ,, و العصـر بو مريم و ام مريم يو عندهم لين فليل ,, وطبعا محد له نـفس يطلـع و خاصه البنـات ,, و حـااان وقـت الليل لوول ,, و روحو ام مريم و بو مريم ,, و استوت سـاعه 10 فليل محمد فـ غرفة حمـدان ,, اما البنـات مجتمعيـن فـ غرفة فطـوم ,, خلوني اسيـر عند الشبـاب |
| الساعة الآن 09:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir