|
^.^ ....~* :_21.g:الجزء الثاني عشر ....~* كلمة احبك ... تزيد الجد في صبري على هالبعد من عطرك كلمة احبك ... تبكيني وسط فرحي ابووووك من حب كذا كبرني كلمة احبك اني معناها احبك ... فالمدرسة قوم مزنه : كانت الحصه السادسه والكل يتريا الحصه السابعه بفارغ الصبر عشان يردون البيت مزنه كاانت ملااااااانه للآخر درجه شوي وبتصرخ فالويه الأبله كان عليهم ابله الجغرافيا (ابله ميثه ) اللي لها ماضي عريق عند مزنه مليئ بالمشاكل والكره الشديد مابين الطرفين .... ابله ميثه : مزنه قومي جاوبي ( ابله ميثه ماتخلي مزنه تجاوب ألا يوم تكون سرحانه عشان تقفطها يوم ماتعرف لا الإجابة ولا السؤال بس مزنه ذكيه وتعرف تجاوب عقب ماالأبله تخبرها السؤال ... مزنه : ابله شو السؤال ابله ميثه : يعني لاعارفه السؤال ولا الجواب حضرة مزنه مزنه : لاء ابله اعرفه بس يعني مافهمت كيف يعني ابله عيدي وشوي شوي عشان افهم ابله ميثه : ما المسطحات اللي تطل على شبه الجزيره العربيه ؟ مزنه : هيييييه ابله اعرفهن سهلاااات ابله ميثه : انزين جاوبي إذا سهلاااات مزنه : البحر الأحمر ، الخليج العربي وخليج عمان ، بحر العرب ، مضيق هرمز وخليج عدن وغيرها من المسطحات المائيه .... فاطمه ( وحده من الصف ) : يويلي ضاربه عندج اللغه العربيه الفصحه .. مزنه ابتسمت وسكتت وهي اصلن ماعيبها كلامها بس للأن مزنه ماتنازع البنات جدام ابله ميثه تحترمها على قولتها بس المعلمات الباقيات عادي بس هاي وابله العربي والرياضيات والتربيه الأسلاميه اما الباقيات ماخذه راحتها فالكلام عند البنات تشاتم تضارب تسب ماعندهن مشكله الأمور طيبه والدنيا بخيير..... دق الجرس يلسن البنات يترين الأبله تييهن بس الأبله مايت راحن بنات يسئلن عنها إذا هنيه لا راحت وطلعت محد وقامن البنات يزغرطن ويرقصن ويصارخن مزنه طارت من الفرحه يحتايلها حصة راحه ترقد فيها نص ساعه ويوم يدق الجرس يوعنها ربايعها ... مريم : مزنه دام ان الأبله محد خلينا نسير نحوووط ليش متسدحه مزنه : اباااااا اناااااام مريم : انزين قومي بودي مشروع العلوم وردي رقدي ( مزنه مسويه عمرها ماتسمع ) تسير مريم وتاخذ غرشة ماي كانت عدالها ولا تعرف مالت منوه مريم : مزنووووووووه مزنه : هاااااا مريم : فتحي عيونج وشوفي فتحت مزنه عيونها وشافت غرشة الماي شوي وبينزل الماي منها ... مزنه : لاااااااا كله ولا الماي خلااااااااص بروح عندج ونشت من مكانها وراحت هي ومريم صوب غرفة المعلمات اللي لازم يخطفن على صف ريم معجبت مزنه وهي وخاطفه من جدام صفهم طرشت لريم بوسه فالهوى وريم مااااااتت وخطفن ومريم كانت ناقعه ضحك على ريم يوم استحت وعلى حركة مزنه الماسخه ... وهن وخاطفات كانت شيخه يايه صوبهن شارده من الحصه ويايه تربع مزنه ماواحت ترد ولا تمشي عنها بسرعه عشان ماتكلمها للأنها إذا سوت شيخه بتلاحظ هالشي ومزنه ماتباها تلاحظ ... شيخه : مزنووووووه مزنه( بدون نفس ) : هلاااا شيخه : شحالج مزنه : يسرج حالي شيخه : اخبارج مزنه : بخييير ربي يسلمج شيخه : اخبارج مريم مريم : حمدلله بخيير شيخه انتي علومج شيخه : حمدلله مريم : وييييييين يالقاطعه آخر مره شايفتنج عند مزنه يوم مزنه متأخره ورايح عنها الباص فالفرصه عدها مره ماشفتج تييين صوبنا شالسالفه ماعيبناج شيخه : لاء لاتقولي جيه ترى بزعل انتو ماعيبتوني ألا ما شفت احسن عنكن بس تدرين مذاكر وحصص وانتن فالصف وانا فالصف صعبه مريم : وفالفرصه شيخه : انشاءالله اول وحده بتسلم عليج دووم هي انا مريم : بنشوف شيخه : على وييييييين مزنه : بنسير نودي مشروع مريم للأبله العلوم شيخه : انزين مايخالف مريم تروحين اروحج ابا مزنه فالكلمة راس مريم : اعتبره طرد شيخه : لا فديتج بس دقاااايق وبردها لج آمنه سالمه لا تخافين عليها مزنه كانت ساكته ودها تقولها مابا اسير وياج بس ماحبت تقفطها جدام مريم وبعدين مريم بتسألها ليش قلتيلها جيه وانتي ماتحبينها وليش وليش وليش وهي ماناقصه اسئلها .... عقب ماراحت مريم ....... شيخه : بعدج معصبه علي مزنه مزنه : لاااااء منوووه قال شيخه : مادري احسج مزنه : لا مب زعلانه ولا شي شيخه : عيل إذا انتي صدق مب زعلانه تيين اليوم بيتنا انا عازمتنج مزنه : اوكييييييه بشوف مريم ونوره وبقول لأميه وبييج بس متى؟؟؟ شيخه : عقب المغرب..... بس مزنه مزنه : آمري شيخه : انا كان ودي انا وانتي وبس للأني وانتي تعرفين مااخذ راحتي عند مريم ونوره عكسج مزنه : بس اخاف يزعلن شيخه : لا يزعلن ولا شي اصلن ليش المفروض يعرفن بهشي صح ؟؟ مزنه : صح ههههههههههه ( مزنه فرحت يوم مايابت طاري تكلم وماتكلم ) شيخه : عيل اشوفج بعد لمغرب مزنه : انشاء الله شيخه : يلا روحي عند مريم اشوفها معصبه مني لو انا عدالها بتاكلني مزنه : ههههههههههههههه حليلها لا عادي عندها بس هي طبيعة نظراتها جيه كره وحقد وشوية بطره حتى لي انا ... شيخه : الله يعييينج مزنه : هههههههه انشاء الله شيخه : يلا باي مز نه: باااااااي وراحت مزنه عند مريم ويوم سئلتها شو قالتلها قالت مزنه انها تباها تسويلها مشروع عشان الجغرافيا ومستحيه منج فالقالتلي اروحي مريم فرحت يوم عرفت ان في حد يستحي منها فالمدرسه... نروح لبيت" سالم "ابوخالد ( عم مزنه ) : عائشه كانت غايبه عن المدرسه للأنها مثل ماتقول الباص راح عنها ومتعوديلها ..... المهم كانت على الكمبيوتر وتقرا قصه في منتدى ألم الإمارات تموووووت على القصص واايد تندمج فيهم وتتأثر وعادي تصيح يوم تقرا قصه حزينه المهم كانت وايد مندمجه فالقصه وتبا تعرف شو بيصير وايي حمد من ورى ظهرها حمد: اووووووه عائشه : باسم الله من وين ييت حمد : من المريخ من حجرتيه بعد من وين تسويلي نفس مزنووه عائشه : من الخوف زيغتني انت تعرف ان قلبي رهيف ولا يتحمل جيه حمد : اووونه انزين سمعي عائشه : آااامر حمد : اباااااج ادقين لمزنه وتقوليلها انج تبين تسيرين السوق وانج بتمرين عليها بعد ربع ساعه اوكييييييييييه عائشه : لا مب اوكيييه حمد : كييييفج يلا قومي بالتطييب احسن عائشه : ياحمد البنت جيه بتعافك اتحمل ماتشوفها ولو يوم بعدين انا اعرف مزنه ماتحب هاللأسلوب اللي تعاملها به تحب ان الريال تكون له هيبته وحضوره مب نفسك يوم تشوفها تغيرت لشخص ثاني كلياً حمد : لييييش ؟؟ هي قالتلج عائشه ( طبعاً ماتبا تخبره انها مزنه قالتلها جيه تعرفه انه بين وعادي يسير يذبحها ) : اكيييييد لاااء بس هي قالتلي انها تحب هالشي فالريال وماتحب اللقافه حمد : يعني ماقالت شي يدل على انها ماتحبني عائشه : اكييييد لاااء حمد : عيل قومي دقيلها وخبريها اتجهز وانتي تجهزي خمس دقايق وإذا ماطلعتي بزخج من كشتج وبوديج السياره تفهمين عائشه : انزين هي ألحين فالمدرسه مداومه اليوم حمد : شو اسوي ماتحمل مااشوفها بتخبل شي بيستويلي بسبتها خلاص انزين بنشلها من المدرسه عائشه : هي ماتحب جيه لازم اتسبح وتلبس بعدين تسير حمد : عيل خلاص انتي دقيلها اول ماترد من المدرسه عشان اتجهز والعصر بنسير عائشه : اوكييييييه يلا ألحيييين اجلب ويهك حمد ماسمعها للأن عقله شرد فالمكان ثاني ويقول فالخاطره مااقدر اصبر للعصر متى بيمر الوقت سرعه واقدر اشوفج يامزنه متى ؟؟؟؟؟؟ ..... فالمدرسه مزنه : كانت الحصه السابعه وعليهم فن اللي البنات يعتبرنها حصه سوالف للأن الأبله تعطيهن اوراق يرسمن وتروح عنهن وهن داقات سوالف ... مزنه : مريوم اليوم بتيين عدنا مريم : لييييييش مزنه : للأنج حماره فالجيش مريم : ماااااااال اول مزنه : مااااااال ولاا فلوووس هههههههههههههههههههههه مريم : وياويهج هههههههههههههههههههههههه .... مااعرف إذا بيي ولا لاء للأني يمكن اسير السوق وياامي الحبيبه .. مزنه : يعني اليوم محد بيي يزورني ... حليييييلي اووووه صح اصلن انا اليوم معزومه اليازيه : ومنوه تعيس الحظ اللي عازمنج ... مزنه : عيل والله مااقول خلي تعيس الحظ يخبرج اليازيه : عااادي ميثه : هههههههه صدق والله الله يعينه اللي عازمنها بتخلص الأكل من المطبخ بيطرون يسيرون السوق يتشرون مره ثانيه ولا بيتمون بلا عيشه مزنه : تجب انتي الثانيه هذا بدال ماتوقفين عندي يالدبه ويييين نونو عنكن يالسبالات .. اليازيه :( تقلدها ) نونو ... جيه نحن بناكلج مزنه : هيييييييييييييه .... احسلي اسير عند قوم موزه ( موزه اكثر وحده تعرف ترسم فالصف ماشاء الله عليها وخطها فالكتابه وااااااايد حلوووووو وفالمرتبه الثانيه مرييووووم ربيعه مزنه وطبعاً مزنه راحت لموزه عشان ترسم لمزنه و مزنه ادق سوالف عند البنات الثانيات وربايعها فهمن هالشي عشان جيه ماتكرمن وزقرنها وقاللها ادخيلج لا تسيري نمزح ويااااج وهالشي زاااااد من عصبية مزنه هي صح راحت عنهن عشان موزه ترسملها لاكن مابيخسرن شي إذا قاللها نمزح وياج تعاااالي ) .... المهم مضت الحصه ومزنه ماراحت عند ربايعها للأنها وايد معصبه منهن وراحت عند نوره وقالتلها هي ليش معصبه وقالتلها يلا خلينا نسير ماابا اشوفهن وطبعاً ربايعها المكرمات ماتكرمن ولا درن انها معصبه شلن شنطهن وراحت كل وحده باصها ومزنه شوي وبتموووتمزنه تقول لنوره : لاااااا... معصباتبي وبعد طااااااااااف محترم والله قوياااات عين ... نوره : يمكن مادربج انج معصبه منهن مزنه : لا يعرفن انا قلتلهن اني ماابا ايلس عندهن وسرت ايلس عند موزه وكل هذا مادربي انا ارويهن نوره : مايسوووووى ...... المهم اقولج انتي وسايره الفن شفتج تكلميييين شيخه شو كنتن تقوووولن مزنه : ياااالفضووول سكتي لا تسمعج احييييدها عدالنا سكتي بالتفضحينا نوره : والله انا ماقلت شي غلط عشان افضحج مزنه : اعرف حبيبتي بس مالا داعي تسمعين البنت لو سمحت نوره : انززززييييييييييييييين مزنه : شطوووره انتي تعيبيني نوره : إااااه انا مب ياهل مزنه : ههههههههههههههه اعرف انتي شبيهة الياهل مب ياهل منوه قال ياهل؟؟ نوره : هههههههه الله ياخذ بليسج .. ............................. وسوالف ليييين ماوصلت نوره بيتهم ومزنه بيتهم.. على فكره شيخه يوم بغت تنزل بيتهم اكدت على مزنه انها تيي بيتهم ومزنه قالتلها انشاء الله .... مزنه وداخله من الباب الرئيسي للبيت : وييييييين غداااي تراني ميته من اليوعع ام سيف اللي كانت اتريا بناتها كل العاده : انزززين قولي السلام عليكم دووومج جييه ( مزنه ولا فالحياتها قالت السلام عليكم يوم تدخل على امها وابوها وهم يعصبون على هالشي لاكن هي طااااف ) .. مزنه : المهم ووين الغدى ام سيف : تريي اشوي .... آشي ييبي الغدى مال مزنه وشمه وحصه .. آشي : انزيين ماما اول ماحطوا الغدى هجمة مزنه عليه وماوقفت اكل ألا ليين ماعبرت مجبة الغدى .. ام سيف : باسم عليييج من متى ما كلييييتي مزنه لا يكووون رديتي عالخبالج اونج تبين تسوين رييجيييم مزنه :( واللقمه في ثمها ) ههههه هييييه ام سيف : عن لخبال الززاايد ترى والله اخلي سيفووه يزخج واييب اشيول ااكلج به واخلي وزنج يزييد خمسه كييلو في يوم واحد .. مزنه ( ناااقعه من الضحك ) : اهوووون ههههههههههههههههه ام سيف : بتشوووفين لا تاكلي وفالهلحظه دق تلفوون البيت راحت شمه وردت على التلفون .. شمه : حمد يباااج هههه قصدي عويييييييشه ام سيف : شمه يوزي عن هالحركات السخيفه اللي نفس ويهج شمه : اميه لا تغلطين على ويهي وقامت مزنه ترد عالتلفون طبعاً بعد ماراحت تغسل .. مزنه : هلاااااا والله عويش: اهلييين مزنه : شحالج شخبارج اعلومج عويش : وانتي دوومج جييه تولفيهن كلهن مره وحده مزنه : هههه ترىعشان اخلصهن بسرعه عويش: انزين انا الحمدلله بخيير انتي شحالج مزنه : بخييير ربي يسلمج عوويش : علوومج مزنه : حمدلله دخلي فالموضوع ليش داقه الظهر ماتعرفين ان الناس يتغدون ألحيين عويش : هبي هباج الرب لا تاكليني انزين خلاص مابدقلج وانتي تغدين آااااااسفين مزنه : ههههههههههههههههههههه لااا عادي بس آاااخرمره عويش : من عيوني .... انزين اقولج بتسيرين السوق عندي مزنه : مممممم لااااء عويش : وليش انشاء الله مزنه : اولن انا معزومه ثانين ظهري يعورني ومافيه على حواطة السوق وثالثن انتي اللي يروح عندج السوق يرد مافيه حييييل مره عويش : حليلي اهووون مزنه : لا فديتج ماتهونين بس مافيه اسير السووق تعبااانه عويش : انزين عند منوه معزومه على قولتج مزنه : عند وحده من ربايعي ماتعرفينها بعيييده عن بيتنا شووويه عويش : تعرفين لو يعرف حمد انج تسيرين عند ربايعج بيذبحج مزنه : لييش يعني حمدلله اهلي واثقييين فيه وانا ماهمني راي أي حد ثاني مدام عادي عندهم وهاذا حمد بصفته شو مايعيبه افففف عويش : خلاص خلاص انزين هدي المهم شو ألحين بتسيرين ولاشوه مزنه : قلت لاااااء عويش: عشان خاطري دخيلج ساعتين وبنرد مزنه : ممممممممممممم اوكيييه مدااام انه عشان خاطرج وساعتين بسير عويش : عيل خمس دقايق ونحن عندج مزنه : لا لا عيوني انا بسير اتسبح واتلبس واعين من الله خير عقب تيون تخطفون علي ( نست تسأل منوه بيشلهم ولوتعرف انه حمد ماسارت وعويش طبعاً مابتخبرها للأنها تعرفها مابتطيع تروح ) عويش: يسدج نص ساعه مزنه ( بدلع ) : هييييييه عويش: يلا عيل نص ساعه بالضبط ونحن عندج مزنه : اوكييييه يلاابااي عويش : بايااات مزنه : اقولج ... لاكن عويش سكرت التلفون قبل ماتقول مزنه منوه بيشلنا ... الله ياخذها سكرت احسن اسير اتسبح سرعه اعرفها عويش ربع ساعه واللي هي عند الباب .. فالبيت م مزنه ابو سالم ... حمد : هاااا شوقالت عويش : قالت بعد نص ساعه تخطفون علي حمد : وتعرف اني انا اللي بشلكم عويش : اكييييييييد لاااء ولا مابتطيع تروح حمدلله انها ماسئلتني حمد : ولييش اكيييد مابتطيييع عويش ( تبا تفرحله قلبه ولامزنه ماقالت جيه ) : تقول تستحي حمد : قولي والله عويش : وليش اقول بعد على هالكلمه حمد فالخاطره يعني تحبني للأنها تستحي آاااااااااااااه ياقلبك يحمد ......... المهم عقب ماخلصت مزنه متسبحه ومتكشخه من الخاطر ( متجحله خفيف وطبعاً رافعه القصه عشان ماتطلع فالسوق وماتحس فيها عشان جيه احسن ترفعها بس طالع شكلها بيبي للأنها اول مره تحط جحال خفيف ) دقت عواااش لمزنه وقالتلها تطلع مزنه خذت من امها فلوس طبعاً هي عندها ويكفن بس البخلللللللللل .... المهم يوم ركبت السياره سلمت على عواااش وماشافت حمد وتحسب الدريول ... مزنه : شحالك جعفر ( اسم الدريول ) حمد ماسك عمره عن لا يضحك يبا يشوف شو بتسوي وعواش بعد حبت تغلس عليها .. مزنه : شفيييه مايرد دريولكم ظربه الصمخ عواش: ( ماسكه الضحكه ) مررييض ماااله بارض لج خلييه يولي ( مزنه ماعرفته للأن دريول عوااش يلبس كندوره عشان جيه مافرقت ولاتعبت نفسها تسأل ) مزنه : اخبرج عواش: هااا خبري ( نست سالفة حمد للأنها متعوده تسوي فالمزنه هالحركات عشان جيه استوى عندها شي عادي صح ان الموقف يضحك بس بنسبه لعواااش شي عااادي ) مزنه : تعرفين اني اليوم زعلت على ربايعي وسولي طااااااف محترم عواش :ههههه تستاهلين وهن صدقهن ليش يدزن ويه لوحده مثلج ( حمد يتسمع بكل تمعن حرف حرف ) مزنه : ماااااالت عليج ( وبوزت ) عواش : فديييت بنت عميه انا اللي زعلت وبوزت فديييييتها والله زعلتي مزنوووووه مزنه ( بدلع ) : لاااااء عااادي حمد : لاااااا لهنيه وبس مااقدر اسمعج تدلعين على غيري واسكت مزنه انصدمت ويلست متيبسه فالمكانها وويها واااايد عورهااا قفط .. عائشه نقعت ضحك وحمد يلس يضحك ومزنه ساكته وبعدها تحت تأثير الصدمه .. حمد : مزنووووه حياااتي شفيج هههههههه مزنه ( يوم سمعته جيه عصبت اكثر ) : ردني البيت حمد : ويييين البيت ويييين نحن مزنه : بتردني البيت ولا شوه حمد :ولاشوه مزنه : تنكت بعد ويالويهك .. حمد : عصبتي مزنه : لاااا كل هذا وبعد تسألني إذا عصبت ولا لاء حمد ( يتكلم جد) : آاااسفييين الشيخه مزنه : ردني البيت ماابا اسير السوق حمد : افااااااا خلاص غلطنا عليج آاااااسفين بعد شوه تبين اكثر مزنه : ماابا شي ابا ارد البيت عواش: مزنه خلاص مايرزى مزنه واااصله حدهااا والدموووع في عينها للأن مزنه وااااايد حساسه ... مزنه : كل هذا وبعد مايرزى تنكون علي وانا ماخذه راحتيه فالكلام وآاااخر شي تضحكوون وحيااااتي ومادري شوه... ردني البيت يعني ردني البيت ( وتصيح ) حمد يسمع وقلبه يتقطع قطعه قطعه ووووواااااايد متلوم فيها وكانوا واصلين السوق .. حمد : عواش بنزلج هنيه وبردلج بعد ربع ساعه شوفي إذا تبين شي من هنيه اوكييه عائشه مستغربه من مزنه اول مره تسويلها مقلب وتاخذ فالخاطره منه تحيدها تيلس ناقعه ضحك على عمرها ويردن يتظاربن عااادي ... عائشه : انشاء الله نزلت عائشه من السياره ومزنه حاطه ايدها على عيونها وتصيح بخفيف .. حمد : مزنه مزنه : ................... حمد : مزنه شوفيج انتي اكيييد من قبل معصبه على شي ونحن زدناج صح ولا لاء مزنه : ابا ارد البيت حمد : عشان اني انا مودنكم ولا عشان المقلب الصغنوني اللي استوى ( فالهلحظه وقف جدام عماره محد فيها وظلمه جدامها ونزل وركب ورى عدال مزنه وهو مركب مخفي عشان جيه محد يشوف) حمد ( بالحنيه ) : حبيبي مزنه ( واااايد عصبت ) : شوه حبيبي انت شو شايفني جدامك وعلى اساس شوه تقولي حبيبي وراكب عدالي حمد ( وبكل عصبيه من كلامها اللي كله صح هو على اساس شوه يقولها حبيبي ) : على اساس اني احبج واموووت فيج وشاريييج .. هنيييه مزنه عورها ويها وااايد كانت مستحيه من كلامه وطريقه كلامه فالسكتت للأنها شافته واايد معصب حمد : مزنه انتي ليش ماتفهمين انا احبج احبج ماتعرفين شو معنى هالكلمه اعشقج اهوااج بشريج بحياتي شو تبين اكثر انتي ليش ماتحبيني وشاله هالحقد كله علي ( ومارام يمسك الدمعه ماتظهر فالعيونه بس مانزلها ) مزنه ( منصدمه من كلامه انها هي ماتحبه وفالنفس الوقن منصدمه شكثر هو يحبها ) : حمد انت شو تقول انا فالحياتي ماكرهتك بس بعد ماقلت احبك يعني اقصد الحب اللي انت تقصده .. فالهوقت حمد مسك ايد مزنه وحطها فالصدره وطبعاً هي ترتجف وخلااااص ميته اعتبروها من الأمواات فالهلحظه حمد ( حس انها خيفانه وحس انها ترتجف ) : حمد ليش ترتجفين مابسويبج شي بس اباج تحسين بدقات قلبي لما تكونين فالنفس المكان اللي انا فيه مب شرط تكونين عدالي نفس ألحين المهم فالنفس المكان وبتسمعين دقات قلبي لج مزنه قافط ويها ولسانها مب رايم يتكلم وكل اعضاء جسمها يرتجفن وتحس انها مب قادره انها تشيل ايدها من ايده تيبست ومب قادره تعرف إذا هي ميته ولا حيه وكانت منزله راسها .. حمد حس بأنها واااايد خيفانه عشان جيه بطل ايدها ورفع راسها بأيده وقالها : تحبيني ؟؟؟ مزنه : ...................... حمد : انا احبج ومتى ماحبيتيني ترى قلبي بيخبرني للأنه بيترياج ومستحيل يحب غيرج .... طااالعه خمس ثواني وبعدين قال : احبج .... ونزل وركب جدام شغل السياره وسار صوب عائشه ومزنه بعدها مب متأكده انه كل هذا اللي يستوي حقيقي مب حلم وبعدها كل جسمها يرتجف .... وحمد من داخله قلبه يصيح ومب قادر انه يوقف قلبه انه مايحب مزنه ويتقطع عشانها ميت مره فاليوم وهي مب حاسه وآاااخر شي تقوول احبك عاادي ... وقف جدام المحل اللي نزل عائشه فيه وانت عائشه مخلصه وتريا جدام المحل اول ماشافت السياره راحت صوبها ركبت وهي مستانسه الحبيبه تحسب مزنه رضت عائشه : هااااا الدلوووعه رضيتي مزنه وحمد ولا كلمه اثنيبتهم يفكروا فالنفس الشي .. عائشه شافت هالشي وفهمت انها مارضت وعرفت ان اخوها سوا لمزنه شي خلاها سرحانه هالكثر فالتمت ساكته طووول الدرب وحمد ومزنه نفس الشي وقالت انها متعرف شو استوى بالظبط بعدين عقب ماتهدى مزنه وتلقى الفرصه المناسبه ... حمد وصل مزنه بيتهم ومزنه نزلت بلا أي كلمه ولا حتى قالت مع السلامه اللي كان حمد فوده يسمعها قبل لاتنزل .. وعقب ماوصل مزنه رد البيت وعائشه ماتجرأت وسألته شو استوى للأنها شافت ويه عليه ميييت علامه وعلامه علامة استفهام تعجب نفي ... فالقالت اللي فيه كاافيه نزلت عائشه وحمد راح صوب المبزره اللي كل مايروح هالمكان تهدى نفسيته وترتاح ويلس ليييين الساعه هنتين الفليل طبعاً بعد ما مطر ربيعه سار عنده ويلسوا لين الساعه هنتين وحمد ماقال لمطر اللي اصار وحاول يكون طبيعي من ورى قلبه ... شو بيستوي بين حمد ومزنه من احداث وحمد هالبيوفي في وعده وبيتم يحبها ؟؟؟!!! مزنه بتسير لشيخه وببتظاهر ان مااستوى شي ولا بتتعذر منها ؟؟؟!!!! الجزء الثالث عشر ....~* كانت الساعه سبع ونص ومزنه كانت فالحجرته وتفكر فاللي قاله حمد ألها ودق الخدامه الباب عليها .. آشي : ما ما مزنه : ................. ( فالعالم ثاني ) آشي : مااااامااااااا مزنه : هااااااااااااا ( بعصبيه ) آشي : بنت يريد انتي سوي تلفون مزنه : انزين انزين ونزلت مزنه تحت اترد عالتلفون ... مزنه : هلاااا والله شيخه : مرحباااااا ملااااييين ولا يسدن مزنه : هههه شحالج شيخه : حمدلله ربي يسلمج مزنه : اخبارج علومج شيخه : هههههه شوي شوي .... ههههه انا الحمدلله بخيير .. مزنه : ياهلااا والله شيخه : انتي وينج من الصبح اترياج اتيين ولا ييتي وييييينج مزنه : ابسسسس سوووووري والله نسيت شيخه : منوووه هاذا اللي نساج يويل حاله مزنه : ( خذتها مزح ) ههههههههههه لا محد بس كنت تعبانه للأني توني راده من السوق شيخه : اهاااااا انزين يلا عندج خمس دقايق وشوفج جدام البيت اوكييييه مزنه : لااا مافيه خليها باجر شيخه : شو باجر والله اليوم تيين لو بعد راده من جوله حوول العالم .. مزنه : لاااوالله عيل ما بيي شيخه : فديتها انا مزووونه ماتحب تزعل ربيعتها عشان جيه ألحين بتيي بيتهم صح مزووونه مزنه : ههههههههههههه صح شيخه : فدييييييييتج انا ادريبج مابتزعليني مزنه : هييييه شفتي عاااااااااد شيخه : يلاااا عيل اترياج مزنه : يلاااااا بيبااااي شيخه : باااااي مزنه سارت وتكشخت وتلبست وطلعت ( كانت مغمجه لجحال وراسمه خط بلألاينر تحت العين وقلوس وردي خفيف ورافعه الخيمه اكيييد ( القباظ).. وطبعاُ ماسوت كل هذا ألا وهي عارفه ان شيخه محد عندها خواان بس هي الوحيده .. راحت بيتهم ولقت شيخه اترياها جدام الباب نزلت مزنه من السياره وطبعاً ماخذه دريول يدتها .. اول مانزلت تربع شيخه صووب مزنه وتسلم عليها وترحببها ذاااك الترحييب ...المهم ودخلن بيتهم وكان بيت شيخه واايد حلو ماشاء الله بس مب احلا عن بيت مزنه ... شيخه شلت مزنه عقب ماسلمت على امها وراحت فوووق هي وشيخه على فكره ام شيخه واااااااايد طيبه وحبوبه .. وهنييييييه تبدأ القصه .......... مزنه وشيخه من ساعه وشي يسولفن وااااايد مندمجاات فالسوالف وشيخه كانت مسويه اكلات يخبلن هي وامها مساعدتنها شوي .... مزنه : ااا ووووب وااايد تأخرت شيخوه يلا بخليج شيخه : امممممممم انزين انا اصلن عازمتنج عشان موضوع !!؟؟ مزنه : وشوووو هالموضوووع شيخه : بس توعديني ماتعصبين ولاتزعلين مزنه : اووووعدج شيخه : في واحد يبا يتعرف عليج ( وقالت هالجمله بسرعه ) مزنه : .................. شيخه : انا خبرته عنج وهو قال يبا يتعرف عليج مزنه : لااااا والله شيخوه انتي شو تقولين انا مستح... وقبل ماتكمل كلامها وتقول مستحيل اكلم قاطعتها شيخه .. شيخه : اوكيييه انتي لا تقوليين شي ألحيين ( وطلع ورقه مكتوب فيها رقم ) وخذي هاي الورقه وفكري فالموضوع ... طبعاً انتوا تعرفون ان احد اسباب الضياع هو الفضول والفضول عند مزنه زايد عن حده ماتتصورون شكثر هي فضووووليه بمعنى الكلمه واسبب الثاني الشيطان الرجيم وهو اللي كاان مصيطر على كيااان مزنه فهاذيج اللحظه وهو اللي خلاها تاخذ الورقه لاكن ايمان مزنه بربها كبير فأكيييد ان اللي خلاها تاخذ الورقه هو الفضووول الفظيييع للأنها ماكانت تعرف شي عن هلأمور بس تسمع بعض الأمور عنها فحبت تعرف اكثر واكثر عن هلأشياء عن طريق انها تأديهن المهم خذت مزنه الورقه بس طبعاً بعد تردد كبير كان داخلها يقولها لاتاخذي الورقه لاكنها خذتها .. شيخه : يلاااا باي ( وهي مستاااانسه من الخاطر ان مزنه بتخاويها فالهشغلات ماهتمت فشو بيستوي لمستقبل مزنه وانها ربيعتها وتحبها بس شو نقول بنات السوووء ماهمهن ألا انهن يرضن نفسهن ) مزنه طبعاً ماسوتلها سالفه وماردت عليها يوم قالت بااي .. وردت البيت وهي على وشك اتطيح فأكبر غلطه فالحياتها غلطه بتخلي مزنه تتغير وتنقلب 1000درجه مئويه عن مزنه القبليه يلست عالكرفايه وتطالع الورقه وتطالع الرقم ومن كثر ماتطالع الورقه حفظت الرقم فالدقيقه وكانت الساعه عشر ظبط وامها راقده وكل اللي فالبيت الباقين راقدين ابوها كالعاده يرد من السهره عند خوانه الفير ومرات مايرد ألا الصبح الساعه ثمان وتسع واخوها بعد شوي بيرد من عند ربعه ... وبيرقد ...مزنه بعد ما حارب الشيطان فالعقلها في معركة مصير مزنه حارب بالقوه واصر فالمعركته انه يكون الفائز بهل معركه لاكن هل فاااز ؟؟؟؟؟؟!!! نروح لراشد : كان هو وسلطان فالسيارة راشد ( ستيشن ) رايحين صوب الخيمه اللي يتولفون فيها سلطان مايشوف ربعه ألا خميس يمعه ويرد يداوم في كليه الشرطه باقي ايام الأسبوع .. المهم كانوا مشغلين ميـــــــــــحد ( ليتني غيمه فالسماكم دوم بمطر في حويكم ... بروي الأرض وفلاكم لا ولا ابا الشمس تيكم ..... ) ومطوليله آاااااخر شي وكان مار من جدام بيت خالته موزه وهو وخاطف عائشه كانت توايج من الدريشه االي فوق وشافته ويلست ساعه كامله تفداه وتفكر فيه وتفر فالشكله للأنه ماشاء الله وسييييييييييييييم احلا مافيه شخصيته كانت شخصيته رهيييييييييييييييييبه سوالف وضحك .. نرد لمزنه : منوووووه تتوقعوون فاز ؟؟!! الشيطان والفضول الفظيييع اللي فالمزنه خلوها تقوم من كرفايتها وتنزل تحت وتروح صوب التلفون وقفت جدامه ويلست اطالعه وهي ترتجف وميته من الخوف ولا عارفه ادق ولا لاء فالأخير قالت لا باجر بدق وراحت صوب الصاله بدلت على قناة امبيسي تو وتطالع فلم بس عيونها فالفلم وعقلها فالرقم ... وفالهلحظه كان سيف توه راد من عند ربعه سلم عليها يلس يسولف شوي وياها وعقب راح يرقد وقالها قومي نسير انا وانتي لاكنها قالتله انها تبا تكمل الفلم للأنه عيبها بس هي ماكان عايبنها الفلم بس ماكان لها خاطر تسير ترقد وفالهلحظه دق التلفون واول مادق التلفون مزنه ماااااااااااااااااااااااااتت من الخوف وتربع تشله عشان مايقيم الباقين واصلن هو ماينسمع التلفون من تحت بس من الخوف ... مزنه : ( بخووووف ) هلا عائشه : هلااااا والله مزنه : ( تحاول تتنفس زين ) اهلين يالسباله عائشه : شفيييج ؟؟ مزنه : بعد شفييج يالهبله فيه حد يدق الساعه 11ونص الفليل يالهبله عائشه : هييييييييه بعد اتحسب شي اصلن نحن كلنا اللي فالبيت نقوم الساعه سبع المغرب عشان جيه ألحين عدنا جنه الصبح يعني عاااادي مزنه : حمدلله وشكر عائشه : ههههههههه انزين اخبارج مزنه : ( بدون نفس ) بخييييييير ... ليش داقه خير شو تبين ولا تقولين اسولف للأني بسكر التلفون فالويهج .. عائشه : لا بس كنت ابا سيف يرد علي ( صح نسيت اخبركم عائشه تموووووت فالسيف اخو مزنه من يوم هي صغير ليين ألحين بس هو مادازله ويه وبنعرف بعدين إذا كان يبادل عائشه نفس الشعور ولا لاء ) مزنه : اهااااااا قولي جيه ..سيف فديتج من ربع ساعه طالع فوق تأخرتي حاولي مره أخرى ههههه والله انج نكته عائشه : ماااالت عليج وانا شو ابا اعور راسي واكلمج مزنه : مادربيج سألي عمرج عائشه : باااااااي مزنه ( وهي ناقعه ضحك على عائشه ) : بااااياااات عقب ماسكرت التلفون كانت يالسه تضحك وفجأه تذكرت وقفت ضحك يلست اطالع التلفون واخيراً قررت انها تدق طلعت الورقه من مخباها وشلت سماعة التلفون ودقت .... نرد لراشد : توه واصل الخيمه هو سلطان .. سلطان : راشد مابتنزل راشد : ألحين بنزل ابا انزل الشريط مال الكوره بس مامحصلنه ويين سلطان : شوفه فالسده انا بسبقك وبسير وياالشباب راشد : بالحقك ... وفالهلحظه دق تلفون راشد ... راشد شاف الرقم غريب بس هو ماستغرب للأنه متعود على الأرقام الغريبه الحبيب موزع ارقامه فالحاره كامله اللي يبا حايه منيه مناك يدق لراشد ...ههههههههههه .... المهم شاف الرقم وفالنفس الوقت شاف الشريط شل الشريط ورد عالتلفون بعد تأخير ... منووووه اللي داق لراشد وهو فالهوقت مايرمس ؟؟؟!!!! مزنه بتستمر فالهشي ولا بتتراجع قبل لا يفوت الأوان ؟؟!!!!!!!!! الجزء الرابع عشر ...~* راشد : هلاااااا والله ........ : ( بخوف وهي ترتجف بس تحاول انها ماتطلع هالشي جدامه ) اهلـــ .. ييـ..ن راشد : منووه وياي ؟؟ ......... : انا من صوب شيخه راشد فالهلحظه عرفها للأنه هو قايل لشيخه تعرفه على بنت راشد : ههييييييه مرحبا الساع ......... : ............. راشد : انزين شو اسمج منوووه تتوقعون ؟؟ .........: اسمي مزنه انت ؟ راشد : عاشت الأسامي (طبعاً مزنه ماسئلت عن الأسم للأن شيخه كاتبه اسمه عند الرقم ) مزنه : ................ مزنه كانت وااايد خيفانه وكان كل عضو فالجسمها يرتجف بس هي مابينت هالشي له عشان مايقول انها وحده ضعيفه ويروم يضحك عليها بس هي كانت صدق ضعيفه ... راشد : شحالج مزنه : بخير راشد : اخبارج مزنه : بخير راشد : علومج مزنه : حمدلله بخيير راشد : مزنه بخلييج دقي بعد خمس دقايق مزنه : انزين ( وفالخاطرها تقول الحمدلله ) سكرت مزنه عنه وخذت نفس عمييييق ويلست تستوعب اللي هي تسويه بس صوت راشد جذبها وضربها فضول اكبر فالهشي اللي تسويه وهذا اللي خلاها ادقله بعد خمس دقايق بالضبط .... مزنه : هلا راشد : اهلييين مزنه : ............. الريال ماعرف شو يقول للأن مزنه ماتكلم وبعدين لو تكلمت شو تقول هي ماتعرف فالهلأمور ماتعرف شو تقول .. راشد : مزنه مزنه : هااااا راشد : ( يقول فالخاطره عفانا الله... هاااا انزين قولي هلااا قولي عيونها مب هااا ) انتي من وين ؟ مزنه : من العين وطبعاً شيخه كانت مخبرتنه انها من العين وفأي منطقه بالضبط وانها ربيعتها بس هو حب يستهبل وللأنه كان مايعرف شو يقول للأنها هي تمت ساكته ولا نسخ .. راشد : اقول ليش العين دوووم منوره مزنه : ( بخفيف ) ههههه ( ولا قالت بوجودك ) .. ويتكلم سالم ربيع راشد اللي خبره عنها فالخمس دقايق اللي سكر فيهن عن مزنه ويدخل عررررض ... سالم : هلاااا هلااا والله بالمزايين مزنه : ( وفالخاطرها ضحكه ) اهليين سالم : شحالج الشيخه ؟ مزنه : الحمدلله سالم : علومج ؟ مزنه : زيينه ويرد راشد يتكلم وطبعاً يوم تكلم ربيعه ارتبش ... راشد : لا تكلمييينه هذا ترى مينووون محد يدزله ويه سالم : طالع عليك يالسباااال راشد : ههههههههه يالخاااام سالم : إاااييي الخنيث خلني ارمسها راشد : سير زق كانت مزنه وااايد مستحيه من الألفاظ اللي يتكلموبها وتقول فالخاطرها ماااالت عليهم مايستحون ولا كأني يالسه ارمسهم ... راشد : مزنوووه ( مزنه يوم قالها مزنوووه يلست فالخاطرها تقول فديييت مزنوووه )اخبرج عن هذا السبال سالم مزنه : ( اخيراً قالت شي ) حرااام راشد : انتي ماعليج منه مره انا وهالسبال سايرين السوق و... سالم : انشاء الله بتخبرها عن هاذيج السالفه يلي ماتستحي راشد : ويكمل السالفه ) وبعدييين ...... طبعاً مابخبركم السالفه للأنها ماتنقال ... وعقب ماخلص سالم : هههههههههههههه اااه عيب تقول جيه جدام البنت راشد : ههههههههههه يالخنيث مزنه حاولت انها تضحك وياهم ولو انه ماكانت يايتنها ضحكه يعني تجاملهم .... وعقب سوالف بين سالم وراشد وضحك ومزنه ولكأنها وياهم عالخط انزين سكرواعنها وسولفوا عالراحتكم المهم سكر عنها راشد ... وبعد دقيقتين تقريباً دق التلفون وتررربع مزنه تشله للأنها خافت يقيم اللي فوق .. مزنه : هلاا سالم ( وكان داق من تلفونه ) : اهليين مزنه : ......... سالم : شوفي مزنه اباج تسمعين اللي بقوله لج بس بدون زعل وعصبيه انزيين هنيه مزنه تروعت للأنها قالت اكييد ألحيين بيقول ان راشد مايباها للأنها ماتعرف تسولف و ممله بس هي ماتعرف ان راشد باغنها من الله يرمسها .. مزنه :انزين سالم : شوفي ترى راشد مايبا يسوي مشاكل وانتي ماعندج تلفون عشان جيه هو مابيدق انتي دقي للأنه يخاف امج ترد عالتلفون ولا ابوج ولاحد من خوانج مزنه تفهمت هالشي وبالعكس شافته احسن عشان محد يرد عليه من امها ابوها او اخوها اما اخوانها الباقيين عادي عندها للأنهم صغار مابيشكون ... مزنه : انزيين سالم : انا ماقلت هالشي عشان تعصبين ولا تزعلين بس عشان تفهمين اوكيييه مزنه : اوكيييه سالم : يلا عيل ألحين بخلييج تامريني بشي مزنه : لاااء ( المفروض تقول سلامتك ) سالم : يلا تصبحين على خييير مزنه : بيباي وتسكر التلفون وتسير تبند التلفزيون وكانت الساعه وحده ونص تقريباً وسارت حجرتها وتلحفت بالفراش ويلست اتذكر كل كلمه قالها سالم .....!!!!! هيه سالم مب راشد مزنه من سوالف راشد وسالم حبت سالم مب انها حبته حبته لاكن عيبها اكثر عن راشد ويلست تتذكر سوالفه وضحكته الشينه ضحكته كانت مب حلوه لاكن تناسب اسلوبه فالكلام ( ضحكه خبيثه ) اما راشد فالكانت ضحكته خباااااال كانت رهييييبه ومزنه كل مايضحك تقول فالخاطرها فدييييييييييييت هالضحكه وماكانت متوقعه انها تنام بعد هذا كله اول شي حمد وعقب راشد لاكنها ربع ساعه ألا وهي فالسابع نومه من التعب ماتنلام ... نروح لبيت بو سالم اللي الليل عندهم صبح : كانت عائشه وختها العوده ( اسماء ) وخالد اخوهن الصغير ( عمره 13) يالسين فالحوي اخوهن العود فهد راقد وحمد يهييت فالشوارع وطبعاً يفكر فالحبيبه الروح ... ( مزنه ) ... وامهن واخوهن الصغير مايد راقدين وابوهن سهران ويالشباب فالميلس وابو مزنه وياهم فالميلس والسهره مستمره ....... اسماء : ( ام الأفكار الخطيره ) اقوووووول عائشه وخالد مع بعض : قوووووولي اسماء : شو رايكم انسير نخبص فالمطبخ عائشه : ( ماصدقت على الله ) يلاااااااااااا خالد : انا انسحب شكلكن ادورن هزززبه محترمه من عند الوالده العزيزه ( العنود ) اسماء : يحليلك سير ارقد بابا خالد : والله احسلي عن مجابل ويوهكن يالعيايز عائشه : عيز حيلك جان اني انا عيوز خالد : حليلج مصدقه عمرج ههههههههههه وروح خالد عنهن وهو ناقع ضحك على عائشه للأنها كانت وااايد معصبه ماتحب حد يقولها عيوز .... المهم قامن اسماء وعائشه ينفذن الخطه وطبعاً يوم يقولن انخبص يعني يعدلن خلطات من عقلهن يعني يخبصن المطبخ ولا ينظفنه يعني يخبصن بكل معنى الكلمه ....ههههه اسماء : شو انسوي عائشه : شو رايج نسوي كيكه اسماء : تعجبيني عائشه : بنحط فيها بيض وحليب وقشطه وطحين وكاكاو ماي ونقطع فيها فواكه وشو رايج انحطلها سفن اب !! اسماء : اخاااف يطلع مب حلووو عائشه : لااا بيطلع حلووو للأني انا شفت الأجانب يحطون بيبسي فأكلاتهم ويطلع اكلهم حللو اسماء : ماااالت عليج مب بيبسي شي ماعرف شو اسمه هههههههههههههههههههههههه عائشه : انزين انتي جربي ترانا دوم انجرب شو بتفرق هالمره اسماء : اوكيه بنجرب عائشه : بسير اييب اسفن اب من الثلاجه اللي في حجرتنا وانتي خلطي هللأشياء كلها مع بعض .... ويلست اسووم تخلط المقادير لين ماتييب عائشه اسفن اب وهي ويالسه تخلط تحس بأيد على جتفها .....منوووه ؟؟!! اسماء : ( وهي مامنتبها تخلط ) عواااشه خوزي ايدج ماتروعت .... وتلف وراها .. اسماء : ااااااااااااااااااااااااه حمد : باسم الله شفيج سكتي لا يسمعونج اللي فالميلس بعد ليش اسكتج تراهم سمعوج اسماء : الله ياخذ بليسك شفيييييييييييك حمد :ههههههههههههههه مافيه شي انتي شفيج جنج شايفه يني مب جنج شايفه اخوج اسماء : اففففففف منك اطلع برى المطبخ ( بعدها تحت التأثير ) حمد : ههههه مابطلع شو تسويين اسماء : مايخصك بتطلع ولا شوه حمد : شووه اسماء : عيل تريا ألحين ازقرلك امي تروغك من المطبخ حمد : انزين اول خبريني شو تعدلين وبعدين يمكن افكر اطلع اسماء : اممممممم كيكه حمد : كيكه شوووه ؟ اسماء ( وهي واثقه انه بيقول وععع ) : سفن اب حمد : الله عيل سرعه خلصيها شفت الأجانب يسوون نفسها بس يحطون بيبسي بدال اسفن اب ييييممم اسماء : ههههههه البنت طالعه على اخوها حمد : شو قلتي اسماء : لا ماشي سلامتك الشيخ حمد : غصبن عنج شيخ .. وهنيه اتيي عائشه .. عائشه : وهالسبال شو مدخلنه هنيه اسماء : شرد من حديقه الحيواان حمد : ها ها ها بايخه نفس ويوهكن انتن الهنتين عائشه : مشكور ماتقصر عالمدح حمد : احسلي اطلع لا ارتكب جريمه فيكن بنات آخرزمن وهو طالع من باب المطبخ حمد : ترى اتريا الكيكه فالصاله هاااا لاتنسن ( وطبعاً هو رايح يرقد ) اسماء وعائشه : اوكييييه وردن عائشه واسماء يعدلن الكيكه عقب ماخلصن راحت عائشه تتطعم ولقتها رووووعه كلن منها وخلن الباقي فالثلاجه للي يبا بعدين للأنها طالعه دلشز ( لذيذه ) .... نروح لراشد : عقب ماخلص مرمس مزنه راح الخيمه هو وسالم اللي سالم يلس يقوله طول الطريج ان شكلها ينضحك عليها وهذا اللي كانت خيفانه منه مزنه ... وراشد كان طول السهره وياربعه يفكر فيها ... سالم : اقوووول سلطان : قول سالم : ليش باجر مانسير الرمله بالدراجات سلطان : والله انا ماعندي مانع حمد : ولا انا عندي مانع سالم : حوووو راشد مب وياهم .... سالم : بوووو سنييييده راشد : هاااااااااااا ( بعد مانتبه لسالم ) سالم : وييين الحبيب راشد : ويااااك سالم : بااااين .. انزين شو رايك راشد : رايي فالشو سالم : والله باين انك كنت وياي عشا السيرة قلت شو رايك انسير باجر الرمله بالدراجات راشد : هيييه انزين سلطان : ( غيران للأنه يعرف ان راشد يكلم وهو لاء ) يوييييل حالهااا اللي ماخذه عقلك راشد : اتجب اتجب حمد : افااااا بو سنيده منوه هاي اللي مظوتنك .. راشد : اسير ارقد احسن شكلكم بتعلقون عليه ... وقام من مكانه وركب سيارته عطى ويل وسار بيتهم يرقد وطبعاً اول ماحط راسه فالفراشه رقد من التعب ...... سهيل كان يالس فالصاله للأنه ماكان ياينه رقاد وكان يالس ايطالع التلفزيون ... شوي ألا ويدخل سعيد البيت سعيد شاف سهيل انه يالس فالصاله بس سوى طاف وراح حجرته يرقد للأنه يعرف انه إذا راحله بيسويله محاضرات عالسهرة الفليل اللي مايحبها سهيل ... نرد لمزنه : الصبح وكان اليوم اليمعه يعني ماشي دوام ومبسووووطه من الخاطر ويوم يت تقيمها الخدامه ردت ترقد للأنها تعرف انه مافيه دوام واصلت الرقاد لييين الساعه هنتين الظهر وعقب يت امها وطبعاً قامت وهي معصبه للأنهم ماخلوها ترقد كل هذا ومارقدت حليلها .... ههههههه .... ونزلت تحت بعد ماتسبحت وتعدلت وهي نازله لقت امها وابوها وسيف وعلي وناصر و حمد !!! شو ياي يسوي !! مزنه : السلام عليكم الجميع ماعدا علي : وعليكم السلام ابو سيف : هلااااا هلااااا سحوووبه مزنه : ( وهي طالع حمد ) هلااا ابوي شحالك ؟ ابو سيف : بخييير دامج بخيير مزنه : الحمدلله وسارت تيلس عند ابوها وحمد كان مجابلنها وهي ماحبت هالشي بس للأنها متعوده تيلس عند ابوها الصبح ... حمد : صباااح الخيييير مزنه :( مستغربه ولكأنه مستوي شي عنده ) ههههه صباح النور سيف : جييه ألحيين الظهر شوو صباح الخييير وانتي الثانيه صباااح النور مزنه : ترى هو استهبل فالستهبلت وياااه ههههههههههه سيف : اهاااا سبحان الله مزنه : وهي تصب الجاي ... شو سبب هالزياره المفاجىءه حمد : يااااي اخطبج ( طبعاً الكل متعودله وعارفين ان مزنه لحمد وحمد لمزنه بس هي وااااايد اتضيج ) ... مزنه : ماااالقيييت ... نصووور وين شمه ناصر : فالمطبخ تسوي اندومي مزنه : احسلي اسير عن هالويه ابو سيف : هههههههه تعالي يلسي خلاص مبيقولج شي مزنه : بدلع ... ابووووي جييه مب اول مررره .. وقامت وسارت المطبخ والكل ناقع ضحك عليهاااا .. وهي طول الوقت تفكر فالراشد وفالنفس الوقت ترتجف ولا عارفه كييف توقفها وطووول الوقت سرحانه ... حمد كان ياي ياخذ اغراض من ام سيف امه مطرشتنه وزخه ابو سيف وحلف عليه يتغدى عندهم حمد فالبدايه رفض بس بعدين ماقدر يقاوم ابو سيف اللي إذا قال شي يستوي .. مزنه عرفت السبب من شمه وارتاحت انه مب شي ثاني ... نروح لبيت ام سعيد : كانوا كلهم متولفيين عائشه لطيفه ونوره وامهم وابوهم كان عنده شغل وسعيد كان معزوم عند واحد من ربعه وكانوا حاطيين الغدى بعد الغدى والسوالف والضحك راحن عائشه ولطيفه كل وحده فالحجرتها .. وبقن نوره وامها .. ام سعيد : هااا بنتي شو قلتي عشان ولد خالتج نوره : امممممم شورج وهدايه الله ام سعيد :(وهي طايره من الفرحه ) صدق كللللللللللللللللللوش نوره : اميه سكتي لاين ألحين يسمعن لطيفه وعائشه ام سعيد : انزين تراهن ألا خواتج .. ألا وين يترابعن لطيفه وعائشه من فوق .. لطييفه : هااااا شو صااااير ام سعيد : اختكن اخيييراً بتعرس عائشه : صدق اميه منوووه بتاخذ ام سعيد : ولد خالتها منوه غيره عائشه وراحت اتحب اختها : مبرررووووووووك ألف ألف مبرووووك نوره : عالقبالج عائشه : ( وهي تفكر فالراشد ) انشاء الله لطيفه : مبرووك ( وراحت فووق تصييح للأنها وااايد تحب ختها وماتباها تعرس وتروح عنهم ) نوره شافتها وراحت وراها وهي تركب الدري قالت للأمها : بس ترى اكمل الدراسه ( للأنها تعرف انها اول ماتطلع فوق بدق لختها تخبرها ) .. ام سعيد وفعلاً داقه لختها ومستناااااااااسه ... قوم سهيل كانوا يتغدوا كلهم بس راشد وسعيد راقدين .. ام سهيل : مرحببااااااااااا الساااع ام سعيد : هلااا هلااا بختيه ام سهيل : شحالج ام سعيد : حمدلله بخييير يعلج بخيير ام سهيل : علووومج ام سعيد : تسرج علووومي يأم سهيييل ام سهيل : غريبه داقه وقت الغدى ام سعيد : لبشااارة... لبشاارة يأم سهيييل ام سهيل : قولي سرعه شو صاير !! ام سعيد : نوره ام سهيل : شفييها نوره ام سعيد : وافقت ام سهيل : كللللللللوش سهيل كان عدال امه ويدقق في كل كلمه تقولها وابو سهيل نفس الشي .. ابو سهيل : شو صاااير شو السالفه ؟! ام سهيل : نوره وافقت سهيل ( ومب عارف شو يسوي شو يقول يطير من الفرحه ولا يمووت ) : اميه صدق والله ولا تمزحيين ويايه ام سهيل : وينمزح هاللأمور سهيل : عطيني خالتيه اتأكد سهيل : هلااااا خالوه ام سعيد : اهليد ولديه شحالك سهيل : بخيير ربي يسلمج ... خالووه صدق اللي تقوله اميه ام سعيد : لو مب صدق ماقلتلها سهيل : اللي يوفقج خالوه ويديم علييج الفرحه قولي آاااامين ام سعيد : آأأاامين سهيل : يلا مع السلامه خالوه مابنطول عليج ام سعيد : مع السلامه ويسير سهيل ويحب راس امه وابوه ويستأذن منهم وبلا حسيه ركب سيارته وراح دبي وهو موده انه مايوقف السياره وطول الوقت وهو يدق للأمه يتأكد إذا صدق الخبر ولا لاء للأنه ليين ألحييين مامصدق وسارصوب الممزر نزل من السياره ويلس يفكر إذا هذا حلم ولا لاء وإذا كااان حلم بعد بيفرح هالفرحه بس المهم انه يكوون قريب منها إذا هو ألحيين مااات من الفرحه عيل الله يعين يوم بياخذهااا .. نرد لمزنه : كانت الساعه خمس ونص العصر .. مزنه كانت عالكمبيوتر تيلس عليه ليين أذاان المغرب عقب تبنده وترد تيلس علييه الفلييل الساعه عشر بس الفليل مررات مب دووم .. ويت الخدامه تزقرها آشي : ماما تلفوون مزنه : منووه آشي : نوره مزنه : انزيين ألحيين بيجي بندت مزنه التلفون وسارت تكلم نوره مزنه : هلاااا والله نوره : هليييين شحالللج مزنه : بخييرربي يسلمج نوره : اخبارج مزنه : حمدلله نوره : علومج مزنه : يسرج الحال نوره : اقووووول مزنه : آااامري نوره : اباااج تسويلي تقرير مزنه : لا تقولي نوره : شو مااقول مزنه : ان ما عندكم نت نوره : ماعدنا ليش ؟ مزنه : للأن حتى نحن ماعدنا انا كنت ابااج انتي تسويلي نوره : والحل ؟؟!! مزنه : اممممممم خلاص انا بدبر نوره : كيفف ؟؟!! مزنه : انتي مايخصج قتلج انا بدبر نوره : اوكيييييه دبري المهم تسويلي تقرير ترى الأحد آااخر يوووم مزنه : اعررف نوره : يحيييج مزنه : يلاااا باااي نوره : بااايااات وسكرت مزنه عن نوره وراحت مباشرةً صوووب امها وقالتلها انها تبا تسير بيت عماه سالم عشان تسوي تقرير ام سيف مامانعت بالعكس فرحة ان بنتها مهتمه فالدراسه ماتعرف انها محتشره تبا تسويه بس عشان تسير بيت عمها عند عائشه واسووم ... ام سيف سارت وقالت لسيف يشلها وسيف مامانع بعد بس هو كان يعرف انها تبا تسير هناك عشان عائشه واسوووم بس هو بعد حب يشوووف عائشه !!!!؟؟؟ هيييه سيف بعد يحب عائشه نفس ماعائشه تحبه ويمكن اكثر بعد بس امرره مايبين للأحد هالشي ولا حتى لعائشه .... المهم وصل مزنه بيت عمها ونزل هو يسلم على عمه وحرمته ويشوف عائشه وبالفعل شافها وكااان مبسووووط وهي بعد نفس الشي وااااايد فرحت يوووم شافته للأنها قليل تشوفه ... وعقب ماسلمت مزنه على عمها وحرمته على فكره حرمته واااااااااايد طيبه ولا خصها فالدنيا عشان جيه اسوم وعواش لاعبات لعايبهن فيها المسكينه وحمد وياهن مدوخلها راسها ... عواش :شو سبب هالزياره المفاجأه ؟! مزنه : والله مايايه عشان سواد عيونج انا يايه عشان اسوي تقرير لي ولنونو .. عواش : وهااي النونو مالتج ليش ماتسوي اروحها ؟! مزنه : إذا بتمي ذالتنا على هالتقريرين تراني مابسوي عواش : هيه بتم ذالتنج مزنه : ألحييين ازقرلج حمد عواش : علي ألا منه انا وفالهلحظه يدخل حمد عليهن وسمع عائشه شو تقول .. حمد : عليج من منوه ؟! عواش : اااه لا محد سلامتك حمد : على بالي .. والحلوه ليش فالبيتنا اليوم ؟ مزنه : اعرف اني حلوه مايحتاي تقول وبعين انتوا ليش مستغربين اني يايه بيتكم اليوم ترا مب اول مره .. حمد :ههههه حياج والله أي وقت تبينه البيت بيتج مزنه : اعرف عواش: مالت عليج حمد : إإإإإه انتي عيب تقوليت لعمتج مالت عليج مزنه : شكراً ولد عمي حمد حط على خاطره هالحظه للأنها هي تكلمه على اساس عادي يعني مايعنيلها شي مجرد ولد عم مب على اساس زوج المستقبل وهو غيييير فالضيج منها بس حاول يكون عادي جدامها ... حمد : يلا عيل تامرون على شي ؟ مزنه : سلامتك عواش : انا ابا فتامين سي مزنه : وعععع حمد : عيل خلاص مابييبلج للأن مزنه ماتحبه عواش : مزنه دخيلج قوليله مزنه : حبي ريلي عواش : وععععععععععععع حمد : انا بحبهن مزنه : حمممممممد حمد : عيوووونه مزنه : خااايس حمد : يحظي مزنوووتي قالتلي خايس ثرني خطييييير مزنه : هههههههههه مينوون حمد : فيييييج عوااش : انزين يلا جلب ويهك حمد : مزنه تبيني اسير مزنه : هييييييييييه حمد : خيييبه فالويه مزنه : هههههههههه حمد : انزين يلا شاو شاو وطلع عنهن وراحن مزنه وعائشه ايلسن عالكمبيوتر عشان ايسون التقريرين .. عائشه : مزنووه مزنه ( ومب فاضيه اتسوي التقرير ) : هااااا عائشه : اشوف انتي وحمد ألحين اوكيييه لايكون اللي استوى يوم الخميس له علاقه ؟؟!! مزنه : لا اوكيييه ولا غيره انا مثل الأول بس اتعاطف ويااه عقب ماعرفت انه يحبني .. عائشه : وكيف عرفتي ؟؟ ودرت مزنه الكميوتر وجابلت عائشه اللي ما اتخبي عليها شي وخبرتها كل اللي استوى .. عائشه : حلفي ان حمد سوى جييه مزنه : والله حتى انا استغربت منه بس حسيت فيه انه يحبني .. عائشه : يعني انا ماكنتي تصدقيني يوم كنت اقولج مزنه : لا اصدق بس ماكنت اعرف انه لهدرجه يحبني عائشه : انزين ويوم عرفتي ليش ماتحبينه مزنه : انا قتلج ليش وماله داعي اعيد الكلام .. عائشه : الله يعينه مزنه : اتجب اتجب خليني اسوي التقرير قومي جلبي ويهج عائشه : عيل والله مااسير مزنه : للأنج سباله عائشه : اعرف شكراً .. المهم ردت مزنه اتكمل التقريير وطبعاً ماخبرت عائشه عن سالفة راشد للأنها عقب ماتخبرها لا مزنه تعرف عائشه ولا عائشه تعرف مزنه عشان جييه مستحييل تخبرهااا .. نرد لسهيل : رد البيت عالساعه سبع وامه كل خمس دقايق ادقله للأنها قالت اخاف يسوي شي فالعمره من الفرحه لييين ما وصل البيت ... شاف امه طمنها عليه عقب راح حجرته يرد للأحلامه السعيده كااان واااااااااااااايد فرحااان محد كان يقدر انه يوصف شعوره للأنه هاذي اول بنت دخلت قلبه وكيانه وهي اللي خلته يحب للأول مره فالحياته وبترياها لييين عقب مايمووووت ... وغفت عينه بدون مايحس ورقد .... نرد لبيت ام سعيد : نوره عقب ماهدت لطيفه وقالتلها انه بيي يوم كلنا بنعرس وبنروح من هالبيت بس هذا مب معناه ان نفترق وانها بتزورهم اربع وعشرين ساعه تولفوا كلهم فالصاله خواتها اخوها وابوها وامها والكل باركلها وفرح للأنها اخيراً بتعرس وحزن للأنها بتروح عنهم .. منوه بيي يقيمهم كل صبح ؟؟ منوه بيضحك وياهم ؟؟ منوه بيحل مشاكلهم ؟؟ منوه بيسمع شكواهم ؟؟؟؟!! نوره كانت تسوي كل هذا لخوانها وهم معتبرينها امهم الثانيه للأنها اكبر وحده واعقل وحده فيهم واحلاهم لييين ألحيين وهي احلا عن عائشه ولطيفه ... امها مارامت تمسك عمرها فالنزلت دمعه من عينها ومسحتها ألها نوره يوم شافتها للأنها كانت يالسه عدال امها وقالتلها : ترى بهون ام سعيد : كله ولا هذا هاذي دموع السعاده عالقولتهم عائشه : علموها هنيه يدق تلفون ام سعيد .. ام سعيد : مرحبا الساااع ام سهيل : مرحبا والله شحالج ام سعيد : بخييير ربي يسلمج ام سهيل : اخبارج ام سعيد : حمدلله وكملوا السلام المعتاد .......... ام سهيل : ترانا بنييكم باجر عشان نخطب مدام البنت موافقه لاتغير رايها ام سعيد : والله توها تقولي لاتصيحي ولا اهون ام سهيل : لا لاااا كله ولاتهون مابغييناها من الله ام سعيد : هيييه والله صدقج خلاص عيل تعالوا باجر ام سهيل : يلاااا عيل بخلييج اشوفج باجر انشاء الله ام سعيد : انشاء الله ام سهيل : يلا مع السلامه ام سعيد : مع السلامه وسكرت ام سعيد عن ام سهيل ونوره ويهاااا احمر كانت وااايد مستحيه .. ام سعيد : بو سعيد باجر بيون قوم سهيل عدنا بو سعيد : البيت بيتهم لاكن شو المناسبه غريبه ايون ألا يوم نعزمهم ام سعيد : بيون يخطبون نوره وهنيه نوره استوت طماطه وشلت عمرها وراحت فوق الكل يلس ناقع ضحك عليها سعيد : ماتنلام سمعت سهيل هههههههههههههه بو سعيد : كله ولا نوره ههههههههههههه وهو الروحه يضحك عليها .. نرد المزنه : كانت الساعه 11 ضبط ومزنه اتريا على احر من الجمر عشان ادق لراشد امها راحت ترقد خوانها بعد ألا شمه اللي يلست اطالع فلم ومزنه اطالع الفلم وتقول فالخاطرها متى يخلص ؟؟ وبعد ربع ساعه خلص الفلم وراحت شمه ترقد وبعد ربع ساعه يعني استوت الساعه 11 ونص رد سيف من عند ربعه وكالعاده سولف ويامزنه اشوي عقب راح يرقد وابوها طبعاً يرد الفير .. وسوالف مزنه وسيف خذن ربع ساعه يعني استوت الساعه 12 بس مزنه قالت اتثيقل شوي ... وراحت اطالع التلفزيون وهي عقلها كامل عند التلفون ... بعد نص ساعه بالضبط راحت مزنه ادق ... مزنه كل ماتسمع التلفون يدق قلبها يدق وياه.. التلفون يسوي تووووت وقلبها نفس الشي ...هههههه.... مزنه :( بصوت خفيف ) هلااا راشد : اهليين مزنه : ................. راشد : اشحالج مزنه : حمدلله راشد : اخبارج مزنه : تماااام راشد: علومج مزنه : زييينه راشد : زين دقيتي مزنه : هههه راشد : انتي ليش ماتكلمين مزنه : ماعندي شي اقوله راشد : عيل ليش داقه ( مزح) مزنه : بس جيه راشد : رزه يعني مزنه : هيييه راشد : اشتقتيلي مزنه : مااعرف راشد : كيف يعني ماتعرفين مزنه : ألا امس مرمستنك راشد : انزين عادي انا الوحده تشتاقلي من اول مره ترمسني مزنه : ههههه راشد :اقوول مزنه : هاااا راشد : تعرفين اليوم واحد من ربعي ماخذ فتك شو حلاتها مزنه : انا مااحب الفتك يعني مب اني مااحبها مره بس انا اكثر سياره احبها الهمر راشد : شو همر ماعندج ذوق ( سالم ربيعه كان عنده ويسمعه شو يقول لمزنه حرف حرف ) سالم : إإااه الخايس شو ماعندج ذوق والله ماعندك سالفه البنت متعرف عليها من يوم وتقولها ماعندج ذوق انت شو يالغبي راشد : شو غبي تقولي تحب الهمر سالم : انزين كيفها البنت راشد : انت تجب احسن تسكت والأفضل تجلب ويهك ويرد لمزنه .. راشد : ألحين انتي صدق تحبين الهمر ولا تتمسخرين مزنه : شو فيها الهمر يعني راشد : لا سلامتج مافيها شي خليني نغير الموضوع احسن ....انزين علومج مزنه : ( وهي يايتنها ضحكه عليه للأنه معصب على الهمر ) زيينه سالم : راشد عطني مزنه شوي راشد : شو تباها سالم : عطني شوي بكلم البنت راشد : انزين بس خمس دقايق سالم : هلااا والله مزنه : اهلين سالم : شحالج ......... السلام المعتاد .......... ألحين اونه راشد وسالم مسوين خطه لمزنه نشوف شو هالخطه ... سالم : اقووولج مزنه : هااا سالم : تبين تعرفين راشد يحبج ولا لاء مزنه : اكيييد سالم : عيل تمي ساكته وبقوله سكرت عنج وبتسمعين شو يقول اوكيييه مزنه : اوكيييه سالم : يلا باااي سالم يكلم راشد ويتحسبون خطتهم ماشيه لاكن مزنه كانت كاشفتهم من اول ماقالها سالم شو بيسوي .. سالم : راااااااشد راشد : هااا شو تبا سالم : اقولك انت ألحين تحبها مزنه ولا لاء راشد : مااعرف سالم : شو ماتعرف قول تحبها ولا لاء راشد : مااعرف سالم : شو ماتعرف تحبها قول هييه ماتحبها قول لاء راشد : مااعرف انا توني عارفنها البنت ماواحيت اعرفها وبعدين لو انا احبها مااعرف إذا هي تحبني ولا لاء يمكن هي ماتحبني سالم : انزين امسك التلفون وسئلها إذا تحبك ولا لاء راشد(يستهبل ): الله يلعنك لا تقول انها كانت عالخط وسمعت شو قلت سالم : هههههه هيه ( والثاني بعد يستهبل ) راشد : انت شو بسئلك سالم : حمدلله انسان مزنه تكلم راشد : راشد انا قايلتله يسوي جيه مب هو راشد :(يكمل استهباله ) بس لو ليش مايقول انا ألحين لو قلت شي يزعلج بعدين شو بيستوي مزنه : يعني انت لو ماتحبني مابتقولي صح راشد : لاا اكييد بقولج بس خلينا ما نفتح موضوع مابينتهي مزنه : (عناد ) لا انا ابا اعرف راشد : مابقولج مزنه : انزين انت ألحين لا تحبني ولا ماتحبني عادي صح راشد : صح بعدين انا مااعرف انتي تحبيني ولا لاء عشان احبج مزنه : انا احبك واموت عليك بعد راشد : ( هنيه راشد استانس ) صدق مزنه : لا امزح وياك راشد : وانا بعد احبج مدامج تحبيني مزنه : لا والله يعني لو مااحبك مابتحبني راشد : لاء بعد بحبج بس اكثر يوم يكون الشعور متبادل مزنه : اهااااا راشد : انزين مزنه دامج انتي تحبيني وانا احبج عادي اقولج حبيبي صح مزنه : ممم هيييه راشد : وانتي شو بتسميني مزنه : ههههه مااعرف ( تقول فالخاطرها شو ها سميني واسميج شدراها فالهشي مزنه ) راشد : شو ماتعرفين انا حبيبي انتي شوه مزنه : ( تبا تقول حياتي بس الكلمه مب قادره اطلعها) ماااعررف راشد : يلا تعرفين مزنه : حبيبي راشد : لا مايوز انا حايزنه قبلج مزنه : ههههههه عيل مااعرف راشد : انا بقولج انا بقولج حبيبي وانتي حبي مزنه : انزين ( وطبعاً مابتقوله ) راشد : حبيبي مزنه : هاااا راشد : شو هاااا قولي هااا حبي انزين مزنه : انزين راشد : حبيبي مزنه : هااا ههههههه راشد : ليش ماتقولين مزنه : مابا اقول راشد : حبيبي يلا قولي مزنه : مااابا راشد : حبيييبييي مزنه : هااا حبي راشد : فديتج مزنه يوم قال فديتج اتلخبط ويها وتم يتقلب من الأحمر إلى الأزرق والأخضر والأصفر ..... الخ .. واستححححت المهم كملوا سوالف وطبعاً راشد هو اللي يسولف ومزنه ولا تضحك ولا تعلق على سوالفه ... شو بيتجدد فالعلاقة راشد ومزنه ؟؟؟؟؟؟؟!! نوره وسهيل بيتوفقون فالعرسهم ؟؟؟؟؟؟؟!! |
[motr]السلام عليكم ورحمة الله وبركاته [/motr] [read]تسلمين اختي على الطرح ... وقواااج الله ... يشرفني اني اكون اول واحد ارد على موضوعج ....[/read] [glint]اخوج مطـــر[/glint] |
اولا: تسلمين اخيته ع البارت الغاوي .. شو بيتجدد فالعلاقة راشد ومزنه ؟ اممم .. اكيد بيحبون بعض .. وبيجوفون بعش .. نوره وسهيل بيتوفقون فالعرسهم ؟ هي اكيد .. بس بيصير شي .. شواخ هاي يبالها ضرب .. مزنه ما توقعت منها جي .. حمد الله يعينه .. تسلمين فديتج ..ونتريا البارت الياي ..{ |
اقتباس:
وعليكم السلام و الرحمهــ ...~* الله يسلمك خيوو ... اللهــ يقوييكــ .. تسلم ...~* تسلم خيو ع المرور منور ^.^. ..~* |
^.^...~* الجزء الخامس عشر ...~* ^.^....~* جفني جفا نوم الليالي ... متصوب والقلب ممحون يظويني طيفه في خيالي ... واسوي مع الأشواق مطعون .. كل ما ظوى ليلي طرالي ... غر جميل وباهي اللون ياللي هدب عينه ظلالي ... ينزع فوادي بحد مسنون .. نايم عوده وميالي ... هايف وانا بالخصر مفتون دوم يتغلى وهو غالي ... وارخص لعينه كل مزيون .. نروح لسهيل : قام من الفير روح المسيد صلى هو وابوه وردوا البيت ابوه رد ينام لاكن سهيل ماقدر ينام وهو اليوم بيسير يخطب البنت اللي كان يتمناها واللي ماحب غيرها ... كان يحس انه اسعد إنسان فالدنيا وين فالدنيا ... الدنيا شوي فالكون الواسع كان اسعد إنسان فالكون ومحد يقدر يوصف شكثر هو مستااااااااااااانس ... يلس لييين الساعه ثمان وهو يفكر بنوره نوره اللي نورت له حياته .. قامت امه وابوه سون الخدامات الريوق وحطنه بره فالحصير وكانو ام سهيل وابو سهيل وسهيل يالسين فالحصير تريقوا وسولفوا وضكوا وعقب فتح سهيل موضوع السيره لبيت خالته ... ام سهيل : انشاء الله بنسير عالساعه اربع ونص العصر سهيل : ليش مب قبل ؟ ام سهيل : اقوول... ترى يمدحونه الصبر .. سهيل : ههههه انشاء الله عيل عالساعه اربع ونص بشلج وبنسير عند قوم خالتيه ام سهيل : لا فديتك انا ماسير ألا عند بو سهيل ولا شو تقول يبو سهيل ابو سهيل ( سرحان فالعزبه وحلاله ولا مركز وياهم ) : اللي تشوفونه سهيل : على راحتج اميه ... ألا اقول راشد وسعيد عندهم علم بأنا بنسير نخطب بنت خالتهم اليوم ام سهيل : لا والله ماعندهم خبر اصلن هاذيل يقرون فالبيت عشان نخبرهم .. سهيل : لا حولة ولا قوه ألا بلله خلاص يكون خيير انا بخبرهم ام سهيل : زين إذا حصلتهم ... مااقول ألا الله يهديهم سهيل : انشاء الله ابو سهيل : يلا عيل انا بخليكم بسير صوب لعزب اجابل حلالي ام سهيل : فمان الله سهيل : ابوي انا بخاويك ابو سهيل : يلا عيل قم سرعه تراني مستعيل مواعد ريال سهيل : يلااا .. وراحوا سهيل ابوه صوب العزبه وام سهيل راحت صوب يارتها ام علي اللي دوم هي وياها مع بعض لازم يتلاقن الصبح وكل وحده تخبر الثانيه شو ستوى ويتوقعن شو بيستوي.. والله المستعاااان .... نرد لمزنه : اليوم اليمعه يعني مستمره الإجازه ومزنه قايمه الساعه 12 بعد سوالف وضحك عند راشد وهو نفس الشي قايم الساعه 12 وكل واحد قايم ومدوخ وغصبن عنه مزنه موعتنها ختها شمه ماخلتها ترقد من حشرتها وراشد موعنه سهيل اللي ياب الماي وجبه على راشد ... المهم قامت مزنه اتسبحت وتكشخت نزلت تحت لقت امها وابوها سلمت عليهم وسارت صوب المطبخ سوت كبتشينو اللي مايعدل مزاج مزنه ألا الكبتشينو والبيبسي ... واللي تعتبره امها وسخ واللي تعتبره مزنه دوى ... عقب ماشربت الكبتشينو سارت تسولف ويا ابوها وعقب سوالف وضحك راحت مزنه ترمس عائشه عالتلفون وتخبرها انها بتغيب يوم الأحد عشان تبا تسير السوق ويا امها وامها ماتحب تسير السوق ألا الصبح يوم يكون محد فالسوق زحمه عكس الفليل مايندخل السوق .. وقالت عائشه انها بتسير وياها وافقت مزنه على هالشي ... وعقب سولفت شوي وسكرت عنها وردت ترقد .. مضن اسبوعين.... سهيل ونوره خطبوا وموعد ملجتهم بعد اسبوع وطبعاً نوره هي اللي مأخره الموعد ولا سهيل يبا اليوم قبل باجر .. مزنه استمرت ويا راشد ويوم ورى يو يزداااد حبها له اكثر واكثر استوت ماتفكر بشي ألا راشد وحبها له اللي ماكان ينوصف لكبارالشعراء ماكان يقدر يفسره أي مفسر فالعالم ولا كان يقدر يشعربه أي حبيب لحبيبته للأن كان عد مزنه وراشد غير الحب غير العشق غير أي شي من هالكلام يمكن راشد ماكان حبه لمزنه لهدرجه لاكن مزنه كانت اكثر بكثير من انه ينكتب او يوصف ... تعلقت فيه ونست كل اللي حواليها ابوها مايلست وياه من اسبوع بعد ماكانت طول اليوم وهي فالحضنه ربايعها تغيرت وياهن بعد ماكانت سوالف وضحك صارت طول الوقت سرحانه وتتأمل كلامه وصوته اللي كان يحرك كل شعره فالراس مزنه يوم يتكلم درجاتها فالمدرسه نزلن بدرجه غير متوقعه بعد ماكانت تطلع من ثلاثة اوائل صارت تطلع من عشر اوائل امها وابوها سئلوها عن السبب ردت عليهم بأن المنهج صعب ومايدخل عقلها بس هو مب عشان جيه المنهج كان وايد سئل بس للأن راشد كان مستولي على عقلها ولا مخلي أي شي يدخل فالعقلها غيره حتبه من كل قلبها وماكان احد يعرف بالهحب غير قلبها اللي غيرت اسمه من قلب إلى راشد استوى قلبها اسمه راشد استوت الليل ماترقد لازم قبل ماترقد تاكل حبة منوم بالهطريقه كانت تنيم عمرها للأنها غير جيه مستحيل ترقد ... لاتكتب همومي وترسم عذابي .. وانا تركت الناس واخترتك انته قلبي فتح لعيونك السود بابي .. من عقب مافي ويه غيرك غلقته لاتقول ماعلنت الغرام انسحابي .. وانا لجل حبك فوادي فتحته حباً خطف قلبي وضيع صوابي .. واضح ولو عنك شعوري كتمته والله لو تعلم بحباً غدابي .. ان جان عمرك لجل عيني نثرته لاكنني اخفي عن الناس ماابي .. والحب ترخص جيمته لو نشرته .. نروح لبيت ابو سالم : عائشه ومزنه كانن فالصاله ويالسات فالصوب عن لحريم ويسولفن سوالف مدرسه ... مزنه : عطشانه شو هاا ليش الخدامات مب يايبات الماي عائشه : افااا عليج بنت عمي انا اسير اييبلج ..( طبعاً للأنها سمعت صوت سيف بره ) وهي توها طالعه من الباب كان سيف توه دخل الميلس ماواحت تشوف ألا طرف سفرته تأففت وراحت المطبخ تييب ماي واستغربت يوم مالقت خادامات فالمطبخ على كثرهن .. وهي تصب الماي لمزنه تسمع صوت من عند الباب يتحمحم .. سيف : احم احم عائشه : ( وستوى ويها احمررر ) مرحباا ولد عمي سيف : مرحبتين عائشه : شحالك سيف : الحمدلله بخيير عائشه : بغييت شي ولد عمي سيف : ماعليج اماره الشيخه لو ترسين هالجيك ماي ماعرف الخدامات ويين سارن عائشه : انشاء الله سيف : مشكوره الشيخه عائشه : العفووو وسارت وترست الجيك ماي وسيف يتأمل كل انش فيها ويتأمل حركاتها وهي تترس الجيك ماي وكان وده ماينترس الجيك من الماي ويتم هو يتأمل عائشه طول حياته بس المشكله ان الجيك انترس في اقل من عشر ثواني اللي كانن عند سيف احلا عشر ثواني فالحياته ... عائشه عطت سيف الجيك وهي ترتجف سيف لاحظ هالشي مسك الجيك بسرعه وروح الميلس .. عائشه ردت داخل الصاله وهي فالعالم ثاني يلست عدال مزنه تمت ماسكه كوب الماي مزنه : إإإإإه ويييين وصلتي عائشه : هاااااا مزنه : شو هااا اقول ويين وصلتي عائشه : شو وين وصلتي انتي الثانيه مسكي الماي مزنه : بعد الماي يمسكونه ولا دريت عائشه : ها ها ها سخيفه مزنه : ههههههه اعرف عائشه وهي تنهد من الخاطر : اااااااااااه ياقلبي يامزنه مزنه : وووب ووب شفيه قلبج عائشه : شفت مزنه : (وقبل ماتكلم كلامها ) شفتي سيف اعرف عائشه : لا ماشفت سيف شفت قلبي حياتي عمري سيف مزنه : إإإه انتي ترا ألحين اسير اخبره عشان يكنسلج عائشه : جيه شو قالولج خدامه ينكسلني مزنه : حمدلله يوم اعترفتي اخيراً عائشه : خدامه لسيف عادي يعلني اخدم ريوله واحب الأرض اللي يمشي عليها وانظفها له قبل لايمشي عليها ( فالهلحظه مزنه تذكرت راشد ويلست تفكر فيه وعائشه لاحظت هالشي بس ماحبت التكلم للأن تعرف لو مزنه فيها شي بتخبرها واصلن عائشه مب فضوليه عشان جيه سكتت وماسئلت مزنه شو فيها ) ... قامت عائشه ويلست عند لحريم ومزنه يلست طول الوقت تفكر براشد ويلسن لحريم سوالف وضحك ومزنه فالعالم ثاني عنهم واخيراً وبعد هاللأجتماع الخطير قررن لحريم يسيرن يتغدن فالبر باجر يعني يوم السبت ..وطبعاً من دون مايشاورن الريال للأن مدامهن موافقات فالرياييل موافقين غصبن عنهم .. والبنات طارن من الفرحه للأنهن من زمان يترين طلعه للبر ألا مزنه اللي ماسمعت ولا كلمه من اللي قالنها الحريم عشان سيرة البر بس سمعت فرحة البنات وردت لعالمها الخاص عالم راشد ... الجزء السادس عشر ....~* قررت اموت فالحبك ...... وامشي معاك فدربك انته ياساكن قلبي ........ اسمحلي اعيش فقلبك قربك ترى يحييني ........ وصوتك انا يهديني بعدك ترى يبكيني ......... لا تغيب عني وربك شو بيستوي بين مزنه وراشد من تطورات ؟؟؟؟!!؟؟؟؟؟!!! ملجة سهيل ونوره بتعدي على اخير ؟؟؟؟؟؟؟؟؟؟؟؟؟!!! شو بيستوي بين عائشه وسيف من تطورااااات ؟؟؟؟؟؟؟؟!!! يوم السبت كانوا عائلة ابو سيف وابوسالم وابومحمد ويدتهم والباقين قايميين من الصبح عشان روحة البر جهزوا اغراضهم وخلصوا ركبوا سياييرهم وروحوا فالدرب طبعاً لازم يخطفون الدكان عشان قشرة البنات وقفوا الدكان نزلت مزنه الدكان ولقطت من كل شي خمسه للي يبا زياده للأنه اكييد بياخذون عنها إذا مايابتلهم سيف نزل وخذ فيتامين سي له ولعمته سلامه للأنه يعرف انها تحب الفيتامين سي .. وراحوا صوب دبي فالمنطقة الشويب ...وهم رايحين صوب هناك خطفوا عالهير مزنه ماخازت عينها عن الهير يوم خطفوا عنها قالت فالخاطرها يمكن اشوفه صدفه لاكن القدر ماشاء انها تشوفه ولو صدفه ... المهم وصلوا الشويب وكانوا هناك وايد شباب يلعبون بالدرجات مزنه نزلت عند ابوها من سيارة سيف وقالتله انها تبا تسوق دراجه طبعاً ابوها مابيرفضلها أي طلب وعلى طول قال للباقين انه بيسير يستأجر دراجات وبيي شوي ألا انه راد .. مزنه : هاااا ابوي ويين الدراجات ابو سيف : ماطاعوا يأجرونهن لو يايبين دراجاتنا مب زين !... مزنه : ؤؤؤه شو هالنحس سيف : شو نسويبج إذا انتي نحسه ابو سيف : انزين حمد بعده ماوصل ليش ماادقله واقوله اييب دراجتين على الأقل من العزبه فالعربانه مالتهن .. مزنه : هييييه والله فكره يلا دقله ابوي ابو سيف : انشاء الله ودق لحمد .... ابو سيف : هلاااا حمد حمد : اهليين ابو سيف : ويين وصلت حمد : شوي وكون عندكم ابو سيف : هيييه زين حمد : ليش عمي ابو سيف : لا ماشي بس كنا نباك اتييب الدراجات اللي فالعزبه مزنه حاشرتنا عليهن لاكن ألحين مدامك وصلت ماله داعي الدراجات حمد : لا والله عيل ماوصل عندكم ألا والدرجات عندي ابو سيف : مب زين منك حمد : يلا مع السلامه وطبعاً الحبيب رد اييب الدراجات لمزنه مب لشي ثاني .. مزنه : هااا ابوي شو قال ابو سيف : الله يهديه واصل عدنا ومن قتله نبا الدراجات حلف مايوصل عدنا ألا والدراجات عنده مزنه : عاااادي اصلن هو اربع وعشرين ساعه يحوط شو فقرت هالمره ابو سيف : مزنه شو هالرمسه الولد متعب عمره يرد اييب الدراجات وانتي عادي مزنه : آآآآآآآسفه ابوي فديتك وراحت وحبة راس ابوها ابو سيف : خيستي راسي مزنه : ابوووووي ابو سيف : اتمسخر وياج مزنه : عااادي سيف : انتي شفيج معلقه على عااادي مزنه : مايخصك عائشه وهي بين الحريم وسمعت مزنه تقول لسيف مايخصك وكان ودها لو مزنه عدالها عشان تعطيها كف محتتتترم عشان ماتقول جيه لسيف ... الحبيبه ماترضى على زوج المستقبل .. المهم نزلوا الأغراض وزهبوا الغدى عالنار والبنات راحن يتمشن صوب العراقيب اللي كانن على يسار الشارع بس شويه بعيد ... وعقب ماردن من المشي صار دور الحريم بعد ماخلصن تجهيزات الغدى راحن يتمشن والبنات ردن ايلسن وكل وحده طلعت القشرى اللي يابتها ويلسن ياكلن منها لييين مايجهز الغدى.. ويلسن سوالف وضحك مزنه وعائشه واسوم وسلامه عمتهن .... مزنه وعائشه مايحبن الغدى اللي جيه يتسوى عشان جيه بعد ماجهز الغدى عائشه ومزنه خذن على بيبسي وسارن صوب ليبال وكانن مب مرتفعات وااايد وايد ولا منخفضات وسط .... عائشه بعد ماوصلن جدام اليبل : شو رايج نتسابق ليين فوق واللي يسبق له كف محترم .. مزنه : ماعندي مانع للأن اليبل مب مرتفع عائشه : عيل يلا انتي سيري هناك وانا هنيه عشان يوم اسبقج مايطيح الحصى عليج من وراي مزنه : ها ها ها ضحكتيني عائشه : بنشوووف .. يلا .. واادحد ..اثنين .. ثلاثة وتخطف تركض عائشه قبل مزنه ومزنه متأخره عن عائشه بوايد .. اسوم شافتهن يوم يتسابقن فالطلعت التلفون ويلست التصور .. عائشه كانت متجدمه على مزنه وتركض وهي اطالع الحصى تحتها ويوم توها وصلت دعمت ف................ نروح لسهيل : كان سهيل فالحجرته يعدل سفرته للأنها يبا يطلع يشتري هدية لنوره على قولته عشان الملجه ... وهو طالع من حجرته شاف راشد طالع من حجرته سهيل : السلام عليكم راشد : على وين سهيل : انزين رد السلام اول راشد : وعليكم السلام ورحمة الله وبركاته سهيل : نقمه ..رايح السوق شي فالخاطرك راشد : لا سلامتك الشيخ سهيل : يلا عيل مع السلامه راشد : انزين ماتباني ارابعك سهيل : لا مشكور ماتقصر ارتااااح راشد : من اللي يقول يبا يسير عندك سهيل : ادريبك ماتبا تسير بس جيه تبا تفلسف ولو قتلك يلا نسير بتقول ؤؤه نسيت ربيعي عازمني مااقدر اسير وياك صح ولا لاء راشد : صح .. قصدي اكيييييييد خطأ لو تباني اسير عندك بسير بس انت ماتباني اسير وياك سهيل : انزين يلا اباك تسير بتسير ؟ راشد : اكييد لاء للأن كلمه الحق تسبق وانت قلت اول شي انك ماتباني اسير وياك سهيل :ههههه بتجلب ويهك ولا شووه راشد : شووه سهيل يفسخله نعاله ولن راشد رابع حجرته وقافل الباب ... يستاهل لو انضرب ...ههههههه نرد عند قوم مزنه : فمنوه دعمت عائشه ..... سيف!! ..كان سيف اللي دعمت فيه عائشه !!! عائشه شافت كندوره يايه عالحليبي وكانت منزله راسها والشيله طايحه .. اول مارفعت راسها شافت اللي ماتبا تشوفه وتشهق ذيج الشهقه وتمت مبطله عيونها وطالع فالعيونه جنها تقول انت سيف ولا انا احلم ؟؟!! سيف مسكها من ايدها ووقفها للأنها كانت طايحه وقفت وكانت الأرض تحتهم رفيعه يعني كانوا واايد متقاربين من بعض ويوم مسك سيف ايدها تحرك فالقلبها شعور ماكد حستبه من قبل كان قلبها يدق بقووو ويدينها ترتجف وسيف لاحظ هالشي .. سيف : سلمتي الشيخه عائشه : الله يسلمك سيف لاحظ انها ميته من الخوف ومنحرجه منه .. عائشه عقب مانتبهت ان الشيله طايحه عدلتها وتحجبت وسيف فهم انها مانتبهت للشيله من الخوف ... سيف : شو مركبنج بتتعورين عائشه : عادي سيف : انزين ترومين تنزلين ولاانزلج عائشه : لا بنزل اروحي سيف : انزين بس ديري بالج على نفسج لا طيحين عائشه : انشاء الله نزلت عائشه ومزنه توها واصله فوق مالقت عائشه ويلست اتزاقرها حصلت سيف وقالها انها توها نازله وقالتله شو تسوي هنيه وقالها ان مايخصها .... نزلت مزنه ولقت عائشه يالسه فآخر اليبل وسرحانه .. مزنه : حيييييييييو عائشه : هاااا مزنه : وييين عائشه خبرت مزنه عالموقف اللي استوالها ومزنه يلست ناقعه ضحك عليها طول درب الرده وهي ناقعه ضحك على فكره مزنه إذا كان فيه شي ضحكها من الخاطر مابتسكت .... ويوم ردن من وين يالسات لحريم لقن الكل ناقع ضحك على عائشه طبعاً للأن اسوم صورت كل شي والكل شاف اللي مصورتنه ... عائشه فالهلحظه تمنت انها تموت ولا تشوف الكل يشوفها ويضحك عليها وعلى شو على موقفها هي و سيف مزنه كانت يالسه اطالع الفيديو بس ماشافت اللي استوى بين عائشه وسيف وشافت عائشه معصبه للأنها اتحسب ان الكل شاف هالشي عشان جيه راحت وطمنتها ان اللي يضحكون عليه هو يوم نتسابق لا غيير ... لاكن اللي طلع ان اسوم مصوره اللي استوى بين عائشه وسيف بس محد شافه غيرها هي وسلامه عمتها وعائشه عادي عندها هالهنتين ... حمد ياب الدراجات عقب الساعه ثلاث ومزنه واااايد استانست البنات خذن دراجه والأولاد دراجه للأنه ماقدر اييب اكثر عن هالهنتين ... مزنه كانت اول وحده من البنات بتسوق ولحسن الحظ كانت لابسه جنز تحت العباه شلت العباه وربطتها فالخصرها وركبت الدراجه والشيله تحجبت ولوتها عالثمها وكانت راسمه عيونها من تحت وحاطه شدوا ابيض خفيف فالعيونها وكااان شكلهاااا رهيييييييييييب.. عذاااااااب بالنسبه لحمد يوم شافها تخبببببل عليهااا.... مزنه يوم تسوق دراجه تتخبل تسرع آآآخر شي ولا تبطي السرعه وابوها كم مره نازعها على هالشي بس مامنه فايده!.. وفالدور مزنه كان دور حمد وكان حمد مسوي نفس الحركه اللي مسوتنها مزنه بكندورته ونفس حركة الشيله بس هو بسفرته عن الهوى ولغبار ... مزنه سارت بعييييد بدراجه تريوها بس بطت يلست ربع ساعه ومايت ابو سيف قال لحمد يروح يشوفها حمد على طول نفذ ... وروح المكان اللي سارتله مزنه وشاف مزنه وهي نازله من الدراجه ويالسه فالأرض شكلها كان واايد يضحك .. حمد : شو السالفه مزنه : ماعرف بندت علي حمد بند دراجته ونزل يشوف دراجة مزنه ويوم شافها لقى ان مافيها بترول معبر .. شغل درجته وقال لمزنه : ركبي مزنه : اركب ويين حمد : وراي مزنه : لا والله حمد : إذا تبين تيلسين اروحج فالحر يلسي انا ماعندي مشكله تبين تركبين ركبي بعد ماعندي مشكله ... مزنه ( معصبه ) : بركب وركبت مزنه ورى حمد وطبعاً متمسكه بالحديده اللي ورى .. حمد كان ميييت من الفرحه وماكان يسرع للأنه يخاف يطيحون ومزنه عنده ومزنه مب عايبنها انه مايسرع مزنه : ماتروم تسرع شوي سيف : لا اخاف اتطييحييين مزنه : لا عادي مابطييح سيف : ماشي مابسرع مزنه : افففففففففففف سيف خاف مزنه تزعل وهو كله ولا تزعل مزنه اصلن هو يعتبر نفسه عايش لراحتها فاليسير ويسرع آآآآآآآآآآآآآخر شي ومزنه طاااااايره من الفرحه ويوم وصل صوب من وين يالسين خفض سرعته عشان ماينازعه عمه اللي هو ابو مزنه .... نزلت مزنه وسار سيف اييب الدراجه اللي موقفه وشل عنده بترول عشان يعبيها وشل وياه عائشه عشان تردها من هناك وهي تسوقها ... وفالنفس الوقت كان سيف يسوق الدراجه الثانيه ... عائشه استحت وراحت بعيييد لاحد يشوفها من الرياييل وخاصةً سيف .. عقب ساقن البنات اللي عقب والأولاد اللي باقيين ألا اسماء اللي ماتحب تسوق الدراجات فالحه بس فالتصوير .. وعلى الساعه ست ألا عشر ردوا البيت وصلوا صلاة لمغرب فالدرب........ ............... نكمل فالجزء السابع عشر ........... الساعه 12 ونص ومزنه ترمس راشد ( حبيب القلب ).. راشد : يعني تبين ترمسينه ؟ مزنه : هييييه راشد : ( معصب ) اوكيييه كيفج مزنه : .............. راشد : كلميييه ................. سلطان : هلااا مزنه مزنه : اهلييين سلطان : شحالج ؟ مزنه : بخييير حمدلله سلطان : علومج مزنه : زييينه مزنه تبا تكلم سلطان عشان تغيظ راشد وعشان تخليه يغار مب اكثر لاكن راشد خذ السالفه جد وعصب ويوم طلبت منه انها تكلم سلطان اكثر عصب لاكن مزنه ماخذه السالفه مزح وماكانت تعرف ان راشد بيعصب للأنها دايم اطفربه بسلطان وحمد .. مزنه مخبره راشد عن حمد كل شيء بس هي قالتله ان حمد مايعنيلها أي شيء مجرد ولد عم لاكن مرات يوم تبا طفربه تقوله انها تحبه ... مزنه : سلطان انا احبك سلطان : ( مستغرب بس فالنفس الوقت فرحان عشان يغيظ راشد ) ............. مزنه : شفيك سلطان ؟ سلطان : وراشد ؟ مزنه : راشد انا ماحبه ولا بحبه بس لعب انا انت اللي احبه ولا احب غيرك سلطان : ويمكن تظحكيين علي مزنه : لا اضحك عليك ولا شي وإذا ماتباني مايحتاي كل هاللأعذار سلطان : لااا بس اخاف تخبرين راشد مزنه تقول فالخاطرها يويييلي عالصداقه ... مزنه : لا لا تخاف مابخبر بس اخاف انت تخبره سلطان : لا مابخبره مزنه : اوكيييه عيل ظبطت سلطان : مزنه بسكر عنج وبدقلج من تلفوني للأن هذا تلفون راشد ويبا يسير بيشله وياه مزنه : ويين بيسير سلطان : ماعرف مزنه تسمع راشد يقول : يلا ياخي خلصنا انا بنزل كلمها من تلفونك .. وكان من صوته انه واايد معصب ومزنه واايد خافت علييه للأنها تعرفه مينوون وعااادي يسوي أي شي .. مزنه : سلطان راشد شو فييه ؟ ( وقلبها شوي وبيطيح من مكانه من الخوف عليه بس ماحبت تبين لسلطان عشان مايكشف انها تحب راشد بس هو كشفها للأن من طريقة سؤالها عن راشد بينتله انها تحبه ..) سلطان : ماعرف شو فيه معصب ويبا يسير البيت يقول مزنه هنيييه ماتت من الخوف علييه ... وشوي وتسمع سيارة راشد يلعبها لعب تسمع الويلات جنها هي راكبه عنده وهنيه مزنه شوي وبتصيح ومب قادره تتحمل تبا تعرف شو فيه وسلطان عرف هالشي بس حب انه هو بعد يضحك عليها وكانت شيخه وياه عالخط وتسمع كل شي ... سلطان يلس يسولف ويا مزنه .. ومزنه ماكان لها خاطر تسولف وياه وتضحك بس غصبن عنها ... شافت مزنه ليت سيارة ابوها من الدريشه وسكرت سرعه عن سلطان وقالتله بدقله بعد خمس دقايق .. وربعت فوق قبل لا يي ابوها وكانت ميته من الخوف ... بعد ربع ساعه نزلت تحت وشافت عالكاشف سلطان داق وضاق خلقها كانت تتمنا تشوف رقم راشد حست انه واايد عصب وخافت عليه توها تبا تدق دق التلفون وكانت شيخه داقه ... ردت عليها مزنه .. مزنه : هلا شواخ شيخه : اشحالج ؟ مزنه : الحمدلله شيخه : علومج ؟ مزنه : ( بحزن ) زييينه شيخه : شفييييج ؟؟ مزنه : خبرت شيخه اللي استوا وطبعاً شيخه كانت تعرف اللي صاير شيخه : يحليله سلطان وصدق مزنه : هيييييه شيخه : تريي سلطان قاعد يطرشلي مسج يقول ويين مزنه ماترد عالتلفون مزنه : افففففف وقته هذا بعد وانا بالي كله عند راشد شيخه : تريي طرش مسج ثاني يقول إذا انت ألحين تكلمينها خليها دقلي يقول يباج فالموضوع ضروري مزنه : مابدق شيخه بخليج ابا ادق لراشد اشوف شو فيه شيخه : وسلطان حرااام عشان خاطري دقيله مزنه : انزين بدقله بس عقب ماادق لراشد شيخه : راشد دقيتله انا ودقله سلطان بس مايرد على احد مزنه : اوكيييه انا بدقله هو اكيييد بيرد علي انا شيخه : كيفج بس دقيلي عقب اوكيييه مزنه : اوكييه يلا باي شيخه : باي ودقت مزنه لراشد بس راشد مارد عليها ومزنه وااايد عصبت من هالشي لييييش مايرد عليهااا شيخه وسلطان قلنا مايرد عليهم وانا لييييييييش ؟؟؟!! وااااااااااااايد عصبت مزنه من راشد وكانت شوي وبتصيح بس مسكت عمرها للأنها ماتحب تصيييح تحس نفسها ضعيفه ..... دقت مره مرتين ثلاث اربع ... حرقت تلفونه ومارد عليها وهنيييييييييه مزنه تخبببببلت كانت بدخل ايدها فالثمها وتاكلها من الخوف على راشد ... دقت لسلطان ... مزنه : هلاا سلطان سلطان : اهللييييييين مزنه : سلطان راشد مايرد عالتلفون سلطان : وانتي شو تبينه راشد انا عندج ألحيين مزنه : سلطان انا مااحبك يعني مب اني اكرهك عااادي ومااحب غييير راشد ومستحيييل احب غيره شيخه : ضحكناااا علييييج هههههههه مزنه : ............... شيخه : نحن كنا مسويلج مقلب انا وسلطان وكنت عالخط وياج يوم ترمسينه مزنه : أي مقلب أي خراببيط تراني انا اللي قتله قبل يعني وحده بوحده ماااالت عليييج ربايع عالفاضي شيخه : ههههههههههههههه مزنه : المهم ألحييين ترا صدق راشد لا يرد علي ولا عليكم سلطان دخيلك دقله عشان خاطري سلطان : مايرد دقيتله مييت ألف مرره مزنه : اففففففف شو هذا شيخه : يلا انا بخليكم مزنه : يلا مع السلامه سكرت شيخه وتمت مزنه مطفره بالسلطان انه يدق لراشد وسلطان يهديها ويقولها راشد يحبج وهي تبا تسكر عن سلطان عشان تيلس ادق لراشد لاكن سلطان لزقه وقال انه مابيسكر ألا عقب الأذان وكان باقي ساعه لا يأذن الأذان ومزنه حلفت إذا راشد مارد عليها مابتكلمها عقب اليوم بس هي مستحيل تسوي هالشي بس لحظه غضب عالقولتهم .. مزنه : سلطان راسي يعورني بسكر بسير أخذ بندول سلطان : انزين عادي خلج عالخط سيري وتعالي ادريبج إذا سكرتي مابتردين أدقييين مزنه : لا بدق بس انت سكر سلطان : مابسكر سيري خذي بندول وتعالي مزنه : اوكيييييه راحت مزنه المطبخ خذت بندول وردت لسلطان وهي اصلن ماشي معور راسها ألا سلطان للأنه لزقه وهي ماتحب جييه .. اذن الأذان سكرت مزنه عن سلطان وطبعاً بصعوبه ...و وكااان فيهاااا رقاد غييير طبيعي جنها من مييت سنه ماراقده على قولتها حطت راسها عالمخده وحست ان كل شبر من جسمها متكسر من التعب بس مع ذلك اول مامر راشد على بالها طااار النوم من عيونها وتمت تفكر فيييه وفالخاطرها تكلمه تحس واااااااااايد اشتاقتله ... الله المستعاااان .. بعد ساعتين وعتها امها من النوم على اساس تروح المدرسه لاكن مزنه مب قادره تفتح عينها من التعب وقالت للأمها انها وااايد تعباانه وتحس عمرهااااا محمومه امها بعد الكلااام اللي عقته فالمزنه راحت ومزنه طبعاً ولا فاللأحلاااام راااقده ومسويه طاااااااااف للأمها اللي قاعده التكلم من ساعه ... نروح لبيت ابو سعييد : نوره قايمه من الصبح وراحت تشوف الخدامات شو سون فالريوق وعقب سارت التريق هي وامها اللي يت بعد ماقيمت كل اللي فالبيت وألحيين بيون .. نوره : اميه وعيتي الباقين ام سعيد : هي وعيتهم زألحيين بينزلون اليوم بتكون ملجة نوره وبعد اسبوعين العرس ونوره واايييييييد خيفانه انها بتفارق هالبيت اللي تربت فيه وعاشت فيه طووول حياتها الذكريات الحزينه والسعيده .... من صوب سهيل : سهيل نفس الشي قايم من الصبح خذ الهدايا اللي شارنهن لنوره وركب السياره عشن يوصلهن قبل الملجه ... وصل بيت خالته وكانت خالته ونوره وسعيد اخوها يالسين رباعه يسولفون وابو سعيد طلع العزبه والبنات ماقامن من الرقاد للأنهن كانن رامسات .. سهيل وهو داخل بيت خالته : هووود ام سعيد :هدى هدى نوره قامت تبا تدخل داخل لاكن اخوها سعيد مسكها من ايدها وقالها تيلس ..ويلست ام سعيد : مرحباااا الساع بشيخ الريايييل سعيد : امييه وانا طاااح كرتي هااا سهيل : ههههههه مرحباااا خالووه شحالج ؟ ام سعيد : بخييير دامني شفتك سعيد : اميه بس من هالكلام ترى ناس غاروا ( يقصد نوره ) نوره فهمت عليه عشان جيه قرصته قرصه خفيفه بدون ميشوفونها امها وسهيل ... سعيد حب يضيجبها اكثر وكمل كلامه وقال : ولا شو يانوره نوره : لااااء سعيد : اففف الله يعينك يسهيل فالويه سهيل : هههه انت خلا البنت لحالها سعيد : يويلي من ألحيين ام سعيد : ( حبت تخوزه عنهم ) سعيد ولدي سير وعي خواتك سعيد : اعرف انها طرده ام سعيد : زين يوم عرفت هنيه نوره وسهيل ضحكوا مع بعض ويوم شافوا هالشي وقفوا ضحك ... سهيل نزل الهدايا من السياره وكان شارلها دبدووووب ابيض كبييييييييييير وباقه ورد كبييييييره وسويره من ذهب شو حلاتها تخبلن عائشه ولطيفه عليها يوم شافنها نوره وايد عيبتها الهديه الباقه والدبدوب واحلا شي السويره ... عالساعه خمس راحن نوره وخواتها الصالون عشان يتعدلن وخلصن عالساعه ثمان ال ربع ردن البيت وكااان البيت متروس حريم وريال .... المهم مضت ملجت نوره على خير سهيل مسك لطيفه عند المطبخ وقبضها ورقه مكتوب فيها رقمه وقالها تقول لنوره دقله الساعه 12ونص وانه استئذن من اخوها وابوها عشان هالموضوع وهم وافقوا ..لطيفه اول ماراحوا الحريم والناس اجمعين ... ربعت لنوره عطتها رقم سهيل وقالتلها اللي قالها عليه سهيل ... نوره ترددت ادق فالبدايه بس قالت مب حلوه انه قايلها ادق ولا دقت .... المهم ودقتله .. نوره : هلاااا سهيل : مرحبااا الساااع نوره : مرحبتين السلام المعتاد ... سهيل : نوره ممكن سؤال ؟ نوره : تفضل سهيل : انتي ليش وافقتي علي انا بالذات من بين هالناس كلهم اللي يوا يخطبونج؟ نوره طبعاً استحت تقوله للأنها حبته وافقت عليه فقالتله : للأنك ولد خالتيه سهيل : بس عشان جيه نوره : ............. سهيل كان يباها تقول للأنها تحبه بس هو عرف انها مستحيه تقول جيه سهيل : يعني بس للأني ولد خالتج وافقتي يعني انا ألحين مغصوب عليج نوره : لااا ء اكيييد مب مغصوبه عليك سهيل : تراج انتي تقولين جييه نوره : بعد للأني احبك هنيه سهيل تفاجأ من رد نوره له وتم ساكت ...! نوره : يلا سهيل بخليك تعبانه شوي سهيل : يلااا مع السلامه نوره : فمان الله سهيل : تصبحين على خيير نوره : وانت من اهله سكرت نوره التلفون وهي منصدمه من اللي قالته ومن جرأتها ... حطت راسها عالمخده ويلست تفكر فالحياتها ليديده اللي بتعيشها ويا واحد غير امها وابوها وخواتها واخوها كيف بتكون حياتها ؟؟؟؟؟؟ وبعد نص ساعه غفت عينها ونامت ... نروح لمزنه : الساعه خمس العصر وكانت اطالع الميدان (الإعاده ) وكانت امها ويا ختها ( خالت مزنه ) فالميلس الحريم ... ومزنه مندمجه فالتلفزيون وشوي وتسمع التلفون راحت ترد عليه .. مزنه : هلااا سلطان : اهلييين مزنه : ( ماتبا تكلمه ) ............ سلطان : شحالج ؟ مزنه : زييينه سلطان : علومج ؟ مزنه : بخييير سلطان : امس مارقدت كله افكر فييج مزنه : يا بابا انا قتلك امزح وياك امس فالمقلب وانا مااحب غير راشد ولا بحب غييره سلطان : هييه بس انتي تراج قلتي انج مابترمسينه للأنه مارد علييج مزنه : اوكيييه مابكلمه ولا بكلم غييره سلطان : انزين انا بس بسولف وياج مزنه : وانا ماابا اسولف ويا احد وطبعاً سلطان لززززقه يلس يسولف وياها ومزنه تغير السالفه وتقول لسلطان شكثر هي تحب راشد وسلطان متضيج للأنه عرف ان مزنه تموووت على مزنه للأنها حشرته عليه يعني مافيه فرصه وياها لاكنه ماستسلم وهي كله تكلمه عن راشد وتسأله عنه ... شوي تدخل ام سيف .. مزنه حطت hold وقالت للأمها تطلع عشان تعرف تكلم وردت ترمس سلطان وعالساعه ست المغرب مزنه قالت لسلطان يدق لراشد ويخليها عالخط عشان بس يسمعها راشد شو بتقول عنه وسلطان ماعارض هالشي وقالها تسكر عشان يدق لراشد ويخبره انه بيشبكه ويا مزنه بس مايتكلم عشان مزنه ماتعرف انه عالخط قال سلطان لمزنه تسكر عشان يدق لراشد ودق سلطان لراشد قاله وشكت مزنه في انه يقول كل شي حتى انه يعرف انها تعرف ان راشد عالخط ويا سلطان .. رد سلطان يدق لمزنه .. مزنه : هلاااا سلطان : اهليين وسلموا على بعض مره ثانيه ... سلطان : شو الجو عندكم ؟ مزنه : ( ومرتبكه للأن راشد عالخط وكانت فرحانه من الخاطر ) زييين لاكن بيكون احلا لو انت تكون هنييه سلطان : انااا مزنه : هييييه ( عنااد لراشد ) راشد رد يعصب وحط غنية عيضه : وش تبغي اكثر عطيتك كل ماعندي إهداء من حب من شوق من اخلاص من طيبه خليتك تقول يالمزيون من قدي يامن لقلبي غديت اغلا محابيبه لو جيت اعاتب ترى ودي وماودي معتاد قلبي انا يعاتب معازيبه ولا اريد اوضح واكشف للملا سدي بعض الخفايا إذا تتوضح مصيبه كل شي بيدي وقلبي ماهو بيدي في وسط كفك وضعته وانته تدريبه وان شفت من الخطايا خلها تعدي مايدمر الحب ألا الشك والريبه ...... وسكر راشد عنهم ومزنه يوم سمعت الغنيه شويه وبتصيح وواااايد تأثرت فيها وكان ودها انها تقول لراشد انها تحبه ومايسكر لاكن اللسانها مارام ينطق هالكلمتين قبل لا يسكر راشد ذيج الساع حست انها وااايد اشتاقت لراشد وقالت لسلطان ان امها يت وامها صح يت بس عادي عندها بس عشان تفتك من سلطان وتسكر عنه اول ماسكرت عن سلطان دقت لشيخه .... ردت شيخه .. شيخه : هلااااوالله مزنه : اهلييين كملوا السلااام .... مزنه : شيخه .. احبه شيخه : ترى سالم عالخط مزنه : يالخايسه سالم : هلاااااا والله بمزنه شحالج ؟ مزنه : بخيير ( وهي منحرجه ) كملوا السلام .... مزنه : سالم لو سمحت بقول شي خصوصي لشيخه .. سالم : انزين بس خمس دقايق .. مزنه : انزين بس شو فوا النذاله اللي فالشيخه خلت سالم عالخط وماسكرت عنه ... مزنه خبرت شيخه باللي استوى وسالم طبعاً سمع كل شي شيخه : انزين مزنه برد لسالم اوكيييه مزنه : شوو هذااا رزه شيخه : مزنه ترى سالم على الخط وسمع كل شي مزنه : اااااااااااااااه ( شهقه )يالخااااااااااايسه سالم : رزه هاااااا مزنه : لااا والله ماكنت اقصد بعدين انا عادي اقولها من وراك وقدامك شو فرقت . سالم : ( معصب ) انزين ماعليه .. بس تعرفين ان راشد هذا اللي تحبينه يكلم مييييت وحده غيرج .. بنت جميرا .. ساره ........ وانتي فوقهن مزنه : ( وكانت محرقه وشوي وبتصيح) اوكيييه انزيين يلا مع السلامه شيخه : مزنووه اشفييج ؟ مزنه : لا مافيني شي يلا مع السلامه شيخه : مع السلامه مزنه كانت وااااايد منحرجه من سالم و عرفت ان سالم وااايد عصب على هالشي بس هي ماكان قصدها انها تزعله للأنها ماتكره سالم بالعكس تحسبه نفس اخوها للأنه هو اللي يحل المشاكل اللي تستوي بينها و بين راشد بس هو فهمها غلط واكيييييييييد كان وااااااااااايد معصب والدليل انه قال لمزنه ان راشد يكلم غيرهااا وهو عارف ان هالشي بيهز كيانها وبيخليها تموت داخلياً يعني من القلب لاكن مزنه ماهمها هالشي واااايد للأنها تعرف ان راشد يكلم غيرها وهو مخبرنها بس تعرف انه يضحك عليهن لاكن عصبت شوي للأنه يكلم ولا يخبرها ودواه بعد متحل سالفة سالم اللي وااااااااااااااااااااااااااااااااااااايد كانت منحرجه منه ولاتعرف شو تسوي وهي عارفه انه عصب عليها وزعل يعني لو كان راشد عندها كانت بتقول فاللي صار وبتقوله يكلمه وبتهدى الأمور لاكنها كانت ماتكلم راشد عشان جيه ماعرفت شو تسوي وآخر شي قالت انها بدقله الفليل وبتتفاهم وياه .... الساعه عشر الفليل : وقامن عائشه واسماء من الرقاد عائشه على طول راحت تيلس على اللاب واسوم راحت المطبخ هي وخالد اللي مارقد من يوم قايم الساعه ثمان الصبح ولاكن اسماء غصبت عليه وقالتله بعطيك كافي إذا ييت عندي المطبخ للأنها تروع تروح اروحها وتخاف واحد من الرياييل اللي فالميلس يطلعون ويشوفونها اروحها عشان جيه زخت المسكين خالد عشان يسير عندها سوت سندويج جبن وخيار وطماط وطرشت الدكان بيبسي والقشرى الباقيه عشان السهره خالد بعد ماخذله سندويجة و سار يرقد ونسى الدكان واسماء بعد نست وكانت اطالع التلفزيون .. .. .. وشوي وتسمع الدكان يدق هررن عشان احد يطلعله اسماء يوم سمعته حطت ايدها فالثمها وهي تقول : منوووووه بيطلع لدكان ؟؟ والدكان مستعيل وقيم الشعبيه بالصوت الهررن المزعج ماله ربعت اسماء لخالد تقيمه وكان خالد فالسابع نومه ويوم قالتله ان الدكان برة قالها خليه يروح مب لازم خلييه يروح .. وتسير اسماء لبست شيلتها وتحجبت وطلعت للدكان وهي توها تبا تاخد القشرى من عند الدكان ألا وتسمع صوت ريال ياي من صوب الميلس وتخطف تربع داخل ويزقر عليها الدكان انه يبا فلوسه نست وردت تربع عشان تعطيه الفلوس وهي راده كان هناك الريال واقف عند راعي الدكان ويسئله كم له من لفلوس .. اسماء للريال : السلام عليكم اخوي مبارك : وعليكم السلام والرحمه شحالج ختيه اسماء : ( وهي ميته من الخوف ان واحد من خوانها يشوفونها ) بخيير وراح مبارك يبا يعطي الدكان فلوسه ألا واسماء تقوله : لاااوالله ماتدفع مشكور ماتقصر بس عادي انا بدفع وتمد لفلوس لدكان مبارك : عيل انا بعد بدفع وعطى الدكان كثر لفلوس اللي عطتهن اسماء للدكان اسماء بتسمت ودخلت داخل تربع فالمشيتها ومبارك من شافها وهو حالته حاله تخبببببببببببببل وسئل عمره هااي شوه؟!! من البشر ؟؟؟؟؟؟؟؟!!!!!!!!! واسماء اول مادخلت راحت لعائشه وعقت عمرها عليها وهي تقول : ذبحنننننننني عائشه : تف تف باسم علييج شفيييييييييج منوه هااذا اللي ذبحج وانتي جدامي ويايه تربعين اسماء : ذبحنننننننننننننني عائشه : حمدلله وشكر .. عفانا الله ( مستخبله اسماء ) اسماء خبرت عائشه باللي استوى ....... عائشه : بخبرررر علييج اسماء : والله لروي الكل الفيديو اللي استوى بينج وبين سيف يوم رايحيين البرفوق اليبل عائشه : الله اكبر علييج مامسحتيييه .. انزين آآآآسفيييين مابخبرعليييج رحمتج اسماء : انزيين والله لو شفتيييه يتقولييين مابا سيف من حلاته عائشه : لااا عيوني شو قالولج سيف شيخ الرياييل وعمهم واحلى رياااال فالعالم العربي والإسلامي والا نجليزي تفهمييييين اسماء : ( وهي تقلد صوت عائشه ) افهم ويلست اسماء توصف لعائشه مبارك وعائشه يوم عيزت يلست اطالع التلفزيون وخلت اسماء تكلم ليدار اللي مجابلنها ....... ومبارك فالصوب الثاني طووول الوقت سرحاان وفهد اخو اسماء اللي مبارك هو ربيعه يالس عداله وانتبه ان مبارك سرحاااان وفالعالم ثاني لاكن مبارك مب منتبه لهشي ... فهد : حييييييييييو ..ويييين مبارك : فالميلسكم والله فهد : سخيييف مبارك : انت قلت على وييين وقتلك ههههههههههههه فهد : انا قصد فالويييين سرحااان مبارك : سرحااان فالسويحاااان ههههههههههههه فهد : الله ياخذ هالويه مبارك : ليش مب عايبنك فهد : قوم سير بيتكم فكنااا منك مبارك وهو واقف : اصلن بوووني بسير ادريبك من متى اطالعني تباني اسير من عمري لاكن يوم ماسرت عطيتني فالويه وقتلي قوم اجلب ويهك صح ولا لا ء لاتقول لاء ترا مسجل وفيه شهود فهد : ههههههههههههههه انزين ايلس ولا خذييت السالفه جد مبارك : جد ولا جده ههههههههه فهد : ولا اقول جلب ويهك وطلع مبارك من الميلس وقام فهد عشان يوصله ليين السياره لاكن مبارك قاله لاتعب عمرك ويلس فهد للأنه صدق كان تعبان ولا لو مب تعبان بيوصله حتى ولو قاله لاتعب عمرك ... وصل مبارك بيتهم اللي كان جريب من بيت قوم اسماء هو طول الطريج يفكر فيها ويتذكر كل شبر من ويها للأنه تم وااايد يدقق فالويه وهي ماشاء الله عليهااااااااا احلى من القمر ... واسماء نفس الحال .... نرد لمزنه : كانت فالحجرتها وتفكر فالسالفه اللي استوت بينها وبين سالم وخيراً قررت انها تسير تكلمه وتوضحله وتفهمه اللي استوى وانها ماكان قصدها ... نزلت تحت اول شي دقت للكفتيريا للأنها كانت ميته من اليوع وعقب مادقت للكفتيريا دقت لسالم .. سالم : هلااااااوالله مزنه : اهلين السلام المعتاد .... مزنه : سالم انت معصب للأني قتلك رزه سالم طبعاً قال لاء لاكن هو معصب وكان هالشي باين سالم يلس يسولف عند مزنه عااادي لاكن مزنه كانت حاسه انها معصب لاكن ماحبت تقول ... بعد شوي سالم قال لمزنه تكلم اللي يقول انه عمه سالم لاكن هو ربيعه ومزنه ماكانت تعرف هالشي وهم الأثنين كانوا متفقين عليها ان سالم يعرف مزنه على ربيعه سالم اللي يقول انه عمه ويلسوا يسوون مقدمات واغرائات ويقردنوها لاكن مامنه فايده مزنه مستحيييل تحب غييير راشد اصلن هي وتكلمهم كانت وااايد مشتاقه لراااشد وتتمنى لو هو كان اللي يالس يرمسها .. المهم ويلسوا يخبرونها عن راشد انه يكلم مييت وحده غيرها وانه في مره يوم كنت داقتله قالي صبر شوي حبيبي وراح يقول لثانيه اللي يكلمها فالتلفون ثاني هااا حبيبي اكلمج بعدين لاكن مزنه ماصدقت أي شي قالوه عن راشد عدا انه يكلم وحده غيرها للأنها كانت شاكه فالهشي المهم منيه مناك مامنه فايده مزنه سكرت عن سالم بعد ماوصل الكافتيريا خلت الخدامه تسيرله للأن الخدامه كانت تكوي الثياب ليين هالوقت ... حطت زباله الكافتيريا (عالقولت حرمة عمها اللي هي ام عائشه )فالصاله وقبل لا تاكل تذكرت راشد راحت للتلفون ويلست جدامه وهي تقول ادقله ولا لاء آخر شي قالت بدقله دقه وبسكر مسكت التلفون دقت دقه وسكرت راشد مانتبه لهدقه عشان جيه مارد يدق وهالشي زعل مزنه كلت شوي من اللي مطرشتنه بعدين عقته فالزباله وبعدين راحت تمسح رقم سالم من التلفون عشان محد يشوفه وهي كل مره تمسح الرقم .. وراحت فوق تيلس عالكمبيوتر تسمع اغاني وكانت طوووول الوقت تفكر فالراشد اللي ماحبت انسان كثره ولا بتحب وحطت غنية عيضه وفالخاطرها يسمعها راشد ويحس باللي فيهاا : "ينام مريح خالي مستريح .. وانا بايت مشكيني الغرام عليه فالهوى غادي شحيح .. وانا من دون حسك ماانام تحت ضلعي غدى قلبي جريح .. وعوقي سار يسري فالعظام تكاثربي العنا واخشا ابيح .. وتسعابي مودين الخصام تأمل شوف جرحي بك يصيح .. ينادي فيك لحظات الهيام يجيك وانت عن نبضه تشيح .. هداك الورد وهديته سهام بدعت العين كالشعر الفصيح .. وبالشعبي كتبت احلا كلام مليحي ساق لك كل المديح .. جمالك وقع اسراب الحمام ترفق بي وألطف يا مليح .. ترا قتلي بهجرانك حرام تعال وبين لشواق استريح ..ووصل حبنا دنيا السلام " دمعت عينها لاكن ماصاحت ويلست تفكر فيه وتحس انها من سنين ماكلمته ولاسمعت صوته اللي يروي عطشها ويسكت يوعها ويملي قلبها حب .. كانت وااااايد ولهااااانة علييه ومشتاقتله وتسمع صدى صوته فالراسها يتردد .. بندت الكمبيوتر حطت راسها عالمخده لاكنها مانامت ولاخطف صوبها النوم كان كل تفكيرها راشد وشوي وتتذكر الكلام اللي قالوه سالم وربيعه سالم عن راشد وهي تقول .. يمكن راشد ألحين ولاحاس فاللي انا فيه ومبسوط يكلم هااي بنت جميرا اللي يقول عنها سالم ولا ساره ولا أي بنت ثانيه .. بس شويقولها؟ وهو صدق يكلم اللي يكلمهن نفس يوم يكلم مزنه؟ وعااادي انه يحب وحده من اللي يكلمها ؟... افففففف شو اسوي انا ألحين اقتنع بحبه لي ولا هو يحب غيري .. والله مااعرف ( كانت مزنه وااايد محتاره فالراشد بس الشي الوحيد اللي هي تعرفه انها مستحيل تخلى عنه بسهوله.. الأنسان الوحيد اللي حبته تتخلى عنه عالسبة كلام سمعته من ناس يبون الشر ألها تعبت من التفكيير وغمضت عيونها وقالت الصباح رباح وهي توها تبا ترقد تسمع الأذان يأذن قامت صلت وردت تنام ) .... مشكلتي اهواه وحبه هو مجنني والمشكله عن هواي ماهو بداري اخاف ابوح بالهواي لايخجلني واخــاف يزعـل علي ويزيد في نـــــاري ............... محتار مدري شسوي حيل شاغلني مليت افكرولا هي نافع افكاري مدري اعذره عشان ماهو فاهمني ولااللومه عشـــان ســــبة مـــــاري .................. ساعات ارضى واقول كافي يكلمني كافي انه يسئل علي وياخذ اخباري ساعات اطمع ابيه كاليوم يقابلني جننـــي حبه ولاهو بحـــــالتــــــــــي داري .. و السموووجهــ ...~* |
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir