تسلمونـ عـ المرور الـ طررررر
والحينـ راح انزل البارتااات..
وسموحهـ

×[......... البارت 12 ][


[ ليــش تعمد تعذبني ؟!! ,,, لــــيش زادت منك طعونــــك ؟!! ,,, ما كفاأاإاك جرووحـــــي وهمي ,,, ما يكفــــي سيل غلطاتكـ ؟!! تدري انــــك حيل سالبني ... وتدري أنك فالحشـــا امبوني ]




حميد ( مستغرب من الرقم ) : الووووه ..

*** : مرحباااا ..

حميد ( منصدم ) : انا فحلم ولا بعلم ؟!!!!!!!!!!

*** : لا اصحى حبيبي .. انت بعلم .. وياك الهام نفسها ..

حميد ( حن لصوتها وجنه حس بشي غريب ) : ليش سويتي فيني جذي يا الهام ؟!! لييييـــــش ؟!!!

الهام ( عصبت ) : أنا ولا انت ؟!! ها قولي .. اخ يالقهر .. ما ادري كيف انخدعت فيك يا حميد .. والله قهر ..

حميد ( منصدم ) : انتي شو تقولين ؟!! شو انخدعتي فيني ما انخدعتي فيني ؟!!!!!! الهام .. انا شو سويتلج ..

الهام ( بضحكه استهزاء ) : لا فديتك .. ما سويت شي .. بس ع العموووم انا مادقيتلك الا عشان اقولك شي ..

حميد : واللي هو ؟!!!

الهام ( وبنبرة حزن وجنها بدت تصيح ) : أكرهــــــك يا حميد .. أكرهك .. أكرهك .. ( وعلت نبرة صوتها اكثر ) أكرهك .. تعرف شو يعني أكرهك ؟!!

حميد ( فحالة صدمه ) : حرام عليج .. شو اللي جلبج يالهام !!

الهام ( تمت تصيح ) : أنت ..

حميد : الهام .. حرام عليج .. دخيل الله ارحميني !! شو فيج ؟!! انتي ما تدرين انج تقطعين قلبي بكلامج هذا ؟!!

الهام : وانت ما تدري انك قطعت قلبي بعد ؟!!

حميد ( انفعل من الخاطر ) : انتي شو فييييج ؟!!!!!!!

الهام : سلامتك ما فيني الا العافيه دام اني بعيده عنك .. بس العموم .. تراني انخطبت .. حبيت اقولك اياهاااا .. وانا وافقت .. فهمت ؟!! وااااااااافقت

حميد ( دمعه نزلت من عينه غصب ) : منو هالنذل الخسيس الحقييييييييير ؟!!

الهام : مو شغلك .. المهم خلاص انساااااااااني .. انسى وحده اسمها الهام .. الهام رااحت .. خلاص .. كل شي انتهى يا حميد .. انتهـــــــى

حميد : وبكل سهولة تقولينها ؟!! ليش تتعمدين تعذيبي ؟!! ليش يالهام !! انا شو سويتلج

الهام ( وتصيح بدون صوت بس يبين من نبرة صوتها انها تصيح ) : اللي عندي وقلته .. يالله مع السلامه ..

حميد : لحظه !! بس انا ما خلصت

الهام : نعم ؟!!! في شي !!

حميد : جاوبيني على سؤالي بس ؟!! متأكده انج تكرهيني !!

الهام : هي متأكده .. وفوق ما تتصور بعد .. بس خلاااااص خلني بحالي .. حرام عليك اللي تسويه فيني !! والله حرام ( وتمت تصيح بصوت عالي )

حميد : حبيبي دخيلج لا تصيحين .. دخيييييييلج .. اترجاج يالهاام .. اترجااااج

الهام : اسمي لا اتيبه على لسانك مره ثانيه !! فاهم ؟!! باي

طووووووط طوووووووط طوووووووووط

حميد واللي انفجر حزتها من القهر رد دق مره ثانيه وثالثه بس محد يرد .. وعلى هالمنوال ظهر محمد من الحمام ..

محمد : باسم الله .. بلاه ويهك جي غادي خخخخخخخخخخ

حميد ( وكالعاده طلع حرته فمحمد ) : هذا وقتك ؟!! اطااع ويهك انت اول ..

محمد : باسم الله .. توك تسولف وتظحك .. انت شوفيك حميد ؟!! انا للحين محترمك .. تظحك وقت ما تبي !! تعصب وقت ما تبي .. واتطلع حرتك فيه !!!! الدنيا مب فالتوووووووه ..

حميد : اووووووووووووووووووووووووووووووووووووووووووووف .. قوم عن ويهي يالجلب .. قووم لا بركة فيك ولا فالساعه اللي كنت فيها ولد عمي !! ( وظهر من الغرفه )

محمد ( اتصنم فمكانه .. وما كان منه الا انه يكتم قهره لان عرف ان حميد فيه شي )


..
..


فغرفغه يوسف وحمدان .. كانوا يالسين يسولفون .. وفجأة وصل يوسف مسج .. وبنفس الوقت حمدان وصله مسج ..

يوسف : اطااع هالمخبل .. اكيد هم طرشولك مسج ..

حمدان : انت بعد خخخخ ؟!! شو مطرشينلك انت ؟!!

يوسف : تعال تحت بسرعه .. ظروري .. لا تتأخر خخخخخخخ صدق متفيجات .. ما يندرى شو وراهم ؟!!

حمدان : اووه .. عيل انا مطرشينلي .. تحمي تنزل ويا يوسف ..

يوسف : يا الله هاييل ما صدقوا عطيناهم ويه مره وحده .. اقولك شي طووف طووف وياي .. نشوف شو يبون هالمخبل !!

حمدان : خخخخخ يالله عيل سرينا ..


بعد ما طلعوا حمدان ويوسف نزلو ا لتحت .. وهناك يوم مالقوا شي تمو يدقون على مبايل فاطمه لان منه مطرشين مسج .. بس محد يرد .. وااخر شي يوم طفروا ردوا للغرفه .. ولقو الباب مفتوح ..

يوسف : اييه انت .. جي خليت الباب مفتوح ؟!!

حمدان : انا ولا انت ؟!

يوسف : اووهوو .. طوف ادخل الحييين .. خخخخ

بعد ما دخلو يوسف وحمدان الغرفه .. تمو يسوولفون شوي وما كملت النص ساعه الا وهم فسابع نومه ... وفجأة .. ما يقوم حمدان الا على صوت الماي اللي فالحمام .. فالبدايه كان ع باله يوسف فالحمام بس انصدم لما شاف يوسف حذاله ..

حمدان ( خايف ) : يووسفووه ؟!! يووسفووه ؟!! منو فالحمام ؟!!

يوسف : هممممممم .. خلني ارقد لاه ..

حمدان وبعد ما سار الحمام عشان يسكر الماي زادت فيه الصدمه يوم شاف الشامبو طايح فصوب والصابون كل فالارض .. والديكورات كلها منكسره وحاله .. فزاد خوفه .. وعلى طول ظهر من الحمام .. وسار صوب يوسف

حمدان : يوووسفوووه وصمخ .. الحق .. الغرفه اللي نحن فيها مسكونه !!

يوسف : اوووووووف .. حشرتني تراك .. خلك رياال .. ولا اقول ارقد ارقد .. بسك احلام ..

حمدان ( وهو حايس بوزه ) : اووووووووف .. انزين انزين .. برقد

سار حمدان صوب سريره بيرقد .. بس خوفه ما قل .. على خوفه هذا غفلت عيوونه !! .... وفجأة ما قام حمدان مره ثانيه الا على صوت المسجل اللي كان عالي وايد فالغرفه ..

حمدان ( نقز من مكانه ) : استغفر الله .. استغفر .. ياربي شو سويت انا فحياتي عشان جي يستويبي !! ( وتم يقرا المعذات بعد ما سار سكر المسجل ... وبعد ما هدا ] : انتوو شو تبوون مني ؟!! ليش تلعوزوون فيني ؟!!

يوسف ( قام على صوت حمدان ) : باسم الله عليك حمدانووه .. شوفيك ؟!

حمدان : يااخوووي خبلوو بي ..

يوسف ( مستغرب ) : منو هم ؟!!!!!!

حمدان : ياخي يوم اقولك الغرفه مسكونه ما تصدق ..

يوسف : رووح زيييين .. ( ورد يوسف رقد )

حمدان : اوووف .. ها ليش مب طايع يصدق ما ادري !! .... يا ربي اخاف ارد ارقد ويردون يخبلون فيني .. ااخ .. لا لا خلني ارقد احسن ..


وبعد ما استسلم حمدان لرقاده .. وبعد ساعتين تقريبا .. اشتغلت الليتات فجأه .. رد اشتغل المسجل .. والماي فالحمام بعد جنه حد مبطلنه .. وقام حمدان وانصدم من هالاشياء وقوم يوسف وياه اللي جنه توه استوعب ..

يوسف ( منصدم ) : لا بالله رحنا فيها ..

وفجأة يطلع شي اسود من ورا الستاره ..

حمدان : وا يمااااااااااااااااااااااااااه .. الله يخليكم خلونا فحالنا .

يوسف : وااااااااااااااااااااااااع .. يلعن ابلييييييس ويومه ..

..
..

وفصباح اليوم الثاني .. وبالتحديد في يوم الاثنين وفدار الحي
فبيت أبو علي الكل قاعد فالصالة .. وكانو يناقشون زواج علي

أبو علي : خلاص يا علي انا بتصل لعمك اليوم وبخبره ان ملجتك يوم الاربعاء شرايك؟

علي : رايي من رايك يا بوي .. وخير البر عاجله ..

سيف : يا سلااام .. عقبالي ان شاءالله

سلطان : هي هي وانا بعد .. ياخي حلاته .. شعور رائع خخخخخخ

علي : أطاااع منو يرمس انتوا ؟!! خلنا نخلص من الهام اول عقب ارمسوا انتوا ..

الهام ( اللي انقهرت ) : شقصدك يعني ؟!! تبي الفكه !!

ابو علي : ماعاش من يبي الفكه منج يا بنتي .. انتي نور هالبيت اصلا .. ما ادري شبنسوي اذا عرستي ورحتي عنا ..

الهام : فديتك ابووويه .. انا لو عرست .. بعسكر 24ساعه عندكم ..

سلطان : ياحيييج والله .. جي ابااج .. هههههه

سيف : عقب تفلي على ويهي جان ما طلقج ريلج فاول شهر هههههههههههههههه

ابو علي : فالكم قوي !! والله انكم ما تستحون على ويوهكم ..

علي ( اللي حب يفتح موضوع خطبه الهام ) : أأ..أأ. اقوول ابوي .. عن طاري خطبة الهام .. ترا ربيعي راشد طلب ايد اختي الهام .. وانا موافق .. والهام بعد موافقه .. شرايك يا ابوي ؟!!

ابو علي ( انصدم .. وعصب فنفس الوقت ) : اشووووووه ؟!!! وانا يعني خلاص مالي راي هني .. بكيفك توافق .. وبكيفها توافق بدون رايي .. يعني خلاااص انا مالي قيمه عندكم !!

علي : محشووم يا ابوي .. انت رايك هو اللي يمشي .. بس الولد بعد ما يعابه شي ولا توقعتك ترفضه ..!

ابو علي : يعابه ولا ما يعابه .. مو شغلي .. وبعدين الهام بعدها صغيره .. ولازم تكمل دراستها ..


الهام هني ما عرفت شو تسوي كانت تسمع الرمسه وتحس بمثل السجاجين تقطع يوفها لين دمعت عينها .. دمعة الم وحسره وخاصة لما افتكرت حميد اللي تمنت انه يكون هو اللي خاطبنها .. وعلى هالدمعه استسلمت الهام وتوجهت لغرفتها وخلت ابوها واخوها على موضوع الخطبه ...

اما ابو علي وعلي فهم تموا يتناقشون فالمسألة لين ما علي اقنع ابوه فالمسألة بأن الحين مجرد خطبه ولين ما تخلص الثانويه يملج عليها ...


..
..


في شوارع لندن الزاحمه كان حميد يتمشى بين الناس وكان وده انه يختلي بنفسه .. من امس وهو قاعد يمشي .. ما يعرف وين يروح !! .. بس وده يسافر لابعد مكان ممكن .. وده يسافر لمكان يبقى فيه بروحه .. حااس بضيجه ما مثلها ضيجه .. حاس بألم وحزن ما يعادله حزن هالناس كلهم .. طرت فباله الهام .. وعلى طاريها تم يراجع الكلام اللي قالته له بالتلفون .. ولا دمعت عينه الا لما تذكر يوم قالتله اكرهك !! كم تذبح هالكلمه !! [ ااه يا الهام .. والله حراماات .. لي جي تسوين فيني ؟!! شو اللي خلاج تقولين هالكلمه ؟!! يعني معقوله صدق كلام عليا !! معقوله انج من البدايه ما كنتي تحبيني .. وبس كان همج انج تلعبين عليه وتعذبيني !!!! معقووووووله !! .. لا لا .. مستحيل .. الهام تحبني !! انا متأكد .. بس يمكن سالفة علي هي اللي مخربه كل شي ... ولا يمكن الله يجازيني عاللي سويته فبنات خلق الله .. هيه الله ما يضرب بعصا .. انا عذبت بنات .. وخليتهم يتعلقون فيه واخر شي هديتهم مثل اللعبه لي مل منها الطفل لاحها .. يارب سامحني .. يا رب سامحني ...... ] وعلى هالتفكير ما حس حميد بعمره الا وهو فساحه ايدجاوروود اللي كانت فيها المطاعم العربيه والمقاهي .. وهناك قرر حميد انه ييلس شوي .. ويرتاح من بعد ما مشى وايد .. ومن بعد ما طلب له شي يشربه قرر انه يدق ليده اللي كان دايم يحب يلجأ له فاي شي يصير ..


..
..

حميد ( وبعد ما اتصل ليده ) : الووووه .. هلا يوووبه ..

اليد : مرحب حميد .. اشحالك ؟

حميد : الله يسلمك ويبقيك .. الحمدلله ع كل حال .. الحال صوبك يدي ؟!

اليد : طيب يا ولدي .. الحمدلله .. ( وهني تم يكح اليد ويكح .. وما وقف الا بعد دقيقتين تقريبا ]


حميد : حلوو .. حلووو .. سلامات يدي .. عسى ما شر ..

اليد : حلااك .. ماشر يا حميد .. بس شوية برد .. المهم قولي انت شو مسوي ؟! وشو النفسية !!

حميد : هييه .. والله شقولك يدي !! الهام انخطبت يا ابوي .. انخطبت ودقتلي عشان تحرني يا ابوي .. تخيل عشان تحرني ..

اليد : لاحوووول .. لاحوووول .. قلتلك يا ولدي .. لا تقربها .. هاي مو من نصيبك .. مدام اخوها مو راضي لا تقربها ..

حميد : يدي .. والله عمري ما تعذبت هالكثر يا يدي !! والله ..

اليد ( وبعد ما تنهد وبكل حسره ) : تبي شوري يا حميد ؟!

حميد : دخيل الله .. انا مالي الا شوورك .!

اليد : روح يا ولدي واتسامح من رفيجك .. ترا مهما كان هذا رفيق صباك .. ولا تنسى هالرفجه كلها !!

حميد : والهام !!!!!!

اليد : الله يهداك يا حميد .. تراها تقولك انخطبت ! خلها فحالها .. خلها تعيش حياتها
حميد ( انصدم .. وكنه مو قادر يستوعب !! ) : بس؟!!

اليد ( وهو يقاطع حميد ) : لا بس ولا شياته .. ( وهني رد يكح .. وبعد ما وقف .. وبصوت متغير مبين عليه التعب ) : والحين يا ولدي .. اباك تسكر عني وتدق لعلي وتستسمح منه !! اذا صدق كنت تبي شوري !!

حميد ( يتنهد ) : اللي تشووفه !

اليد : يالله عيل مع السلامه ..

حميد : الله يحفظك ..


سكر حميد عن يده ودق لعلي بس ماكان يرد عليه .. فتم يدق ويدق لين ما رد عليه : نعم .. انت شو تبا تراك حشرتني ؟!!!!

حميد ( متصنم ) : علي يااخوي .. انت بلاك عليه ؟!! ها يزاي اني داقلك استسمح منك !

علي : ع شووو تستسمح مني ؟! ع سواد ويهك !

حميد : حرام عليك .. والله حرام عليك .. تظلمني وتظلمها وياي !!

علي : انت ليش قاعد تحط علي .. تظلمني وتظلمني اذا انا شفت المسج !!!!!!!

حميد : هذا مسج واحد وجي سويت !! والله ان ماصار غير هالمسج .. ليش تكبر الموضووع

علي (" عصب ) : موووووووو شغلك .. وعلى فكره احب اقولك .. انها انخطبت .. يعني ارتاح لو رضيت عنك ولو شو يستوي ما بتكون لك فاهم !!

حميد ( يحاول يخفي حزنه ودموعه ) الله يوفقها للي فيه الخير ..

علي ( استغرب من رد حميد .. ماكان يتوقع هالرد ) : يعني خلاص ما يهمك ان كانت لك ولا لغيرك !!

حميد ( يتنهد ) : الله يعيني ويصبرني .. اذا انت ما تبي هالشي .. واذا هي ما تبيني !! انا شو موقعي من الاعراب ؟! خلاص يا علي .. انا الحين داقلك انت استسمح منك .. اتمنى انك تسامحني .. وان هانت عليك العشره يا اخوووي .. تراها ابد ما تهون علي !

علي ( حاز بخاطره ... بس بعد ...! ) : يصير خير .. والله يسامحك !

حميد : يعني طاح الحطب خلاص ؟!

علي : انا ما اقدر اقول شي .. بس الله يسامحك ..

حميد : المسامح كريم يا علي .. وانا الصراحه ما ترتضي نفسي مذله وحقران .. ع العموم اتمنى انك تسامحني مره ثانيه .. ويالله مضطر اخليك .. شي فالخاطر ؟!

علي : الله وياك ..

حميد : فمان الله .

علي : فمان الكريم ..

..
..

فالفندق .. محد كان له خلق يظهر .. اما جواهر وحصه وفاطمه وحمدان ويوسف فكانوا يتمشون صوب الفندق بس على انهم يغيرون جو شوي ..

حمدان : اااخ يالقهر .. عيل انتو يالبنااات تسوين فينا جي ها ؟! والله ما قدرت ارقد امس

فاطمه : ههههههههههههههاااااااااااااي .. دواكم .. عشان تتعلمون مره ثانيه انتو ويا منو ترمسون ؟!

يوسف : هههههههههه لو تشوفون شكل حمدانووه امس .. اسميه مصخره ..

حصه : ههههههه .. شفنا كل شي ... شفنا ..

حمدان : جب يالله جب ..

جواهر : همممم اقول يوسف وين يعقوب ؟!

يوسف : اظني ويا ريمووو ..

حصه : فديته والله .. ها مووول ماله حس !

جواهر : انزين عيل انا بسير عند ريمو ويعقوب !

حمدان : وين !! تعالي خلج ويانا

جواهر ( استغربت ) هااه ؟!!

فاطمه : همبا .. تعالي لاه .. بنستوي اثنين .. ما بنقدر عليهم خخخخخخخ

جواهر : فديتج فطامي .. تكفين وتوفيييين .. انا بسير .. اكيد ريمو متضايجه كله يالسه بروحها ..


حصه : همممم خلاص عيل .. تعالو كلنا نسير ..

يوسف : وليش كلنا نسير .. خلينا هي اتي ويانا !

فاطمه : لا لا يعقوب ما يقدر برد عليه ..

جواهر : خلاص خلاص .. خلكم انتو هني .. انا بسيرلها بروحي ..

..
..

من صوب الريم كانت يالسه فالغرفه هي ويعقوب يسولفون ..


الريم : اووف والله ملل هني .. خاطري ارد البلاد .. ولهت ع يدي

يعقوب ( ماد البوز ) : هي انا بعد ولهت ع ابوي العود .. هني قوم يوسف ما يسوولي سالفه .. اوف حتى حمود الحين .. كله معصب .. كله معصب .. شوها ؟!

الريم ( جاسها فظول ) : معصب ؟! ليش بلاه ؟!

يعقوب : ما اعرف .. اليوم نش حتى يوم رمسته قلتله ابا بيزات بشتري سيدي تم يعصب عليه .. ويعق رمسه .. والله العظيم !

الريم : يحليييله .. ماعليه .. لا تزعل .. محمد ما يعصب من شي .. اكيد شي صاير !

وهني حد يدق الباب ..

وبعد ما قامت الريم تبطل الباب

الريم ( بعد ما فتحت الباب استغربت ) عمرك طويـــل .!!

محمد : احم .. اعترفوا شو كنتوا تقولووون ؟! خ

يعقوب : كانت ريمو تقول ( وهو يعيب عليها ) يحليله محمد ما يعصب من شي وما ادري شو

محمد : خخخخخخخخخ .. ليش شو السالفه ؟!

الريم : يقولوون محرج وحالتك حاله .. وتعق عليهم رمسه خخخخ

محمد ( وتذكر حميد بس ما بغا يكبر الموضوع او يبين لهم ان حميد السبب ) : اهاا .. لا ما عليكم .. بس متضارب ويا واحد من الربع

الريم : اهاااا .. جي السالفه .

محمد : همم تدرون خاطري اسير السينما .. شرايكم ؟!

يعقوب : الله .. حلااااته ..

وهني تدخل جواهر .

جواهر : احم احم .. جني سمعت طاري السينما خخخخخ

محمد : حياااج .. اقربي خخخخ

جواهر : قريبه .. افا عليك انت بس مدام السالفه فيها السينما

محمد : خلاص عيل .. انتو يالله ازهبوا .. ويالله يعقوب جدامي انت بعد عشان تبدل ..

الريم : خلاص ربع ساعه ونكون زاهبين ..

يعقوب : بلللللللللل .. ربع ساعه ..

محمد : بنات شو تبا منهم خخخخخخخخ

بعد ما طلعوا محمد ويعقوب من الغرفه تموا جواهر والريم يزهبون .. ومن بعدها توجهوا للسينما .. وطبعا حصه وفاطمه ويوصف وحمدان انقهروا عقب ما دروا .. واتحلفو كلهم ع جواهر اللي تسمت بالخاينه الارهابيه ههههه .. اما فالسينما فهناك دخلوا فلم اجنبي حزين .. وطبعا الريم هناك كانت مسويه مناحه (متأثره بالفلم ) وعلى هالحال خلص الفلم .. والكل كان يعلق ع الريم .. اما الريم فهي كانت ماده البوز شبرين وبالاخير راضاها محمد بآيس كريمها المفضل

..
..


وعلى هالحال مر يوم الاثنين .. وغردت طيور لندن على صباح يوم الثلاثاء .. يوم قام حميد من رقاده وبعد ما تأمل محمد اللي كان راقد ع السرير الل حذاله [ يحليلك يا محمد .. طلعت حرتي كلها فيك .. وانت مالك ذنب !! .. يالله .. الله يسامح ] وبعد ما صد حميد لصوب الدريشه وتذكر الهام .. [ ااه .. صدق مخطووبه يا فلانه ؟!! وصدق باجر يزفونج .. عسى ان لا يجي باجر واشوف الدمعه بعيونج ! لحظه أي دمعه ؟!! الله يصبرني عليج يا الهام .. ما اتمنى لج غير السعاده فحياتج ! لو كانت على حساب حزني وجرحي ] ....


قام حميد وسار اغتسل وبدل ثيابه وبعد ما نزل .. سار صوب امه وابوه وسلم عليهم ..

حميد : اشحالهم الغاليين ؟!

ابو سعود ( سرحان ) .. ام سعود : الحمدلله يا ولدي .. انت شخبارك؟

حميد : الحمدلله امايووه .. وانت يالغالي شو شاغل بالك ؟!

ابو سعود ( ووتوه استوعب ) : أ..أأ.أ لا لا ماشي يا ولدي ماشي .. ( وهو يرمس ام سعود ] : ما ادري ليش لين الحين ما اتصل .. اللهم اجعله خير !

ام سعود : لا حول ولا قوه الا بالله .. هو متى دقلك ؟!

ابو سعود : دقلي ع الفجر جي وهو فالمستشفى .. وقال بيطمني عقب ..

حميد ( مستغرب ) : شو السالفه !!! منو فالمستشفى ؟!
وهني يرن مبايل ابو سعود ..

ابو سعود : الووووه // هلااا سعود .. ها بشر .. شو صار ؟!! // اشوووووووووووووه ؟!! لا تقوول ! .. ( وبعد ما دمعت عينه ) انا لله وانا اليه راجعون .. أنا لله وانا اليه راجعون .. // يالله مع السلامه ..

ابو سعود : ام سعود .. خبري الكل .. خلهم يزهبون شنطهم بنرد باول طياره !!






كـــــــــــــــــــــــــــــــــــــــــــــــــ ــت

الباااااااااااارت رووووعه


اتوقع ان ابوهم العوووووود اللي مااااااات

:12::12::12::12::12::12:

تسلمونـ عـ المرور