|
هنوف : بتخوز ولا شووووه ....... حمدان مبتسم اكثر : شووه ؟؟ احين لو انتي مخطوفه .... والخاطف انا .. شو بتسوين ... هنوف رافعه حياتها : بييب الجبريت وبولعه فيك ...... حمدان : اووف !! لهدرجه محتره من حلاتي ..... هنوف : شووووه ! أي حلا يا حسره ؟؟ وايد ماخذ مقلب فنفسك ؟؟ حمدان رد يكرر حركه لسانه بالتقويم ومبتسم ....... حمدان : المشكله اني اعرف اني جميل ...... وعارف ان الكل يجوفني جميل ... بس مادري ليش انتي غايره .. هنوف : اقول حمداان ..... حمدان عاقد حياته : لبيه .... هنوف اطالعته هالمره غير ..... اففف لا يرمس برقه والله بحرقه صدق ... وبيب الملاس ع راسه .. هنوف : لو سمحت خلني بسير اتغسل واصلي .... حمدان : اممم ولو خليتج شوه لي ؟؟ هنوف : لا والله !!!! مالك شي طبعا خوووووز يلا ... حمدان : خلاص عيل مش خايز ... تذكرت كلام قالته لها دنوه مره .... شي ما يحبه ذياب ولا يستحمله .... فجت الثلاجه يابت بيض ..... حمداان : لااااء بيض لاء ...... قمت قمت ....... ويخوز عن الباب ....... ضحكت هالمره من الخاااااطر ...... يلس يطالعها وهيه تضحك ...... اول مره يجوفها تضحك !ّ من جافها لين الحين هاي اول مره تضحك فيها جدامه ..... ناادرا ماتضحك هنوف .... لان مش أي شي يضحكها .... حمدان ابتسم من جاف ضحكتها : يا لبيه هالضحكه .... جان تصخ .... حمدان ابتسم : ليش كملي .... هنوف يوم جافته خااز عن الباب فجته وظهرت بسرعه ..... اما هو تاملها وهيه تمشي بعيد عنه ............ حمدان : والله كيدهن عظيم ... ريااال امشي سيده مايخصني فطريج البنات لازم انعوي شوي يعني !! . . . راشد : وينج عني اليوم ليش مادقيتي ..... ...... : شفييييك ياربي ... قلتلك مشغوله ..... راشد بعصبيه : وانا قلتلج مره لا تنشغلين عني ان شاء الله لو شوه وراج ماتفهمين .... ...... : والله ترا ...... يقاطعها : مااااابا علثه ... وعقب صرخي علي وقوليلي ليش ترمس بنات ... يالله باي باي .,. يوم انج ماتعطيني من وقتج لا تحرجين عقب ........ ويبند فويهها .... ....... : ياااربي شسويله الحين .... . . . مهاري تضحك : ههههههههه يا ذيااااب بس عااد .. ذياب يضحك : ههههههههه والله ماضحك ع النكته كثر ما ضحك ع ضحكتج فديتها .. مهاري قابضه ايدينه من الخاااطر ..... وكل ما يمرن بنات ترص عليه اكثر .... وهو مستانس ... ذياب : هااه مابدشين محل ثاني ؟؟ مهاري : لا بس .. يلا نشتري لنا ماكدونالدز وناكله فالطريج .... ذياب يطالعها : ليش نررد ؟؟ مهاري : تستهبل باااجر دوامك ........ ........ : لو سمحت ..... ذياب يطالع مهاري ...... ... : لو سمحت ...... ذياب : هلا الشيخه .؟ بغيتي شي ؟ ...... : انته مرتبط ؟؟ ذياب مبتسم : هالقمر ماتجوفينها ؟؟ عضت ع شفايفها بغيض .... ذياب يسحبها ويكملون مشي بسرعه ...... ذياب يطالع مهاري : لوث حبيبي لوث ...... ماعليج من حد .... المهم اني وياج الحين ... مهاري سكتت انقلب مزااجها .... ذياب: غنااااتيه ما بتخرب مودنا عسبت لوث اوكي ؟؟ مهاري تتنهد : زين .... ذياب : فديت هالويه والله لولا المكان جان لويت عليج .... مهاري ابتسمت ... ذياب : لا تتبسمين ماريد حد يطااااالعج بيتخبلون لو جافو بسمتج .... مهاري: بس عاااد وايد تبالغ انته .... ذياب : افاااا والله .. ماتدرين بروحج قمر ؟؟؟! مهاري: ادري ادري .... ذياب : خلينا نتعشا فالشاميات ؟؟ داق فراسي .... مهاري : زيين .... ذياب يبتسم : فديت الي يطااوعني .... ويسيرون جدا شاميات ... . ... ....... حصوه : الووه ؟؟ نوره : هلا والله ... حصوه : شحالج نوره ؟؟ نوره : بخير شحالج انتي ؟؟ حصوه : تماام ...... اقولج خواتي اهني ؟؟ نوره : لا والله سايرات بيت مهره ... حصوه : اهاا انزين خلي وداوي ترمسني يوم بترد ... نوره : ان شاء الله الغاليه يوصل ... حصوه : مع السلامه ..... بو الود : امنو عند التلفون ؟؟؟ نوره : هاي ربيعه الود ... بو الود : اتصلتي في البنات انتي ؟؟؟ نوره : هيه يتعشون الحين ...... بو الود : وانا وين عشاااي .... يلا حطيلي اياه ابا اسير ارقد .. نوره : ان شاااء الله من هالعيين .... . . . |
. . . حمداان ياكل بشهيه ........ ماخلى شي .. من خااااطر خاطره .... دنوه : اعصااااابك ما بيطير العشا .... الود تضحك : خلييييه بالعافيه عليه ...... حمدان غص .... ع طول شهقت هنوف وعطته الماي ... ابتسم لها ..... ام ذياب : شوي شوي يا حمدااان ..... حمدان : شبلاكم علي ..... " يطالع هنوف جنه قصده ترمس وتدافع عنه " .... هنوف : ما بيطير الاكل ... حمدان عقد حياته " ها الي ظهر منج " : اصلا الاكل مول مش حلو .... هنوف : هيه عسبت جيه مابجا شي من الاكل.... حمدان قام : الحمدلله .... نعمه دايمه .... دنوه : انت خليت نعمه !! بلعت كل شي ... هنووف تضحك من قلب .... عقد حياته " اوكي يا هنوفو تضحكين علي .... ماعليه " ..... ام ذياب : تسلم ايدج يا هنوف والله انج اكلتينا اليوم .. هنوف : يعله بالعافيه ان شاء الله ..... دنوه : حمداااان ... تعال بييب السويت .... حمدان : ماريد ... دنوه : لا تدلع تعااال ... حمدان يشغل التلفزيون : ماريد اقولج ... هنوف : ليش هو بقا مكاان حق السويت .. صدقه .... حمداان الي سمعها وعنااااد يا عند الطاوله مره ثانيه : شي مكاااان ..... حطيلي دنوه .. هنوف اطالعته بتعجب بس سكتت ....... . . . بو احمد : والله انك ونستني بهالطله ... والله ... راشد : انا كنت بييك المطاار .... ام احمد : يعني كنت تدري يالهرم هااااه .... راشد : احم هيه ... احمد يطالعه : كيف قدرت تيود عمرك ... راشد : افا عليك خلاص رياال ... عزوه : فديييييتك والله الحين ردتلنا الروووح ... احمد يتنهد : بس روحي ما نردت لي ... ام احمد : دخيلك بويه لا تعذبني ... دخيلك .... ولا تسويها مره ثانيه .. حرام لا تحرق قلب امك ... احمد : ان شاء الله امايا ماعليج ..... يالله خلوني ارتااح شوي ..... " يطالع عزوه " ترا ريلج سلم عليج واايد . بس ماقدر يي ... بيبج باجر .... عزوه : شوووفتك تسد ..... راشد : هيه مايحتاي ... تلاقيها في خاطرها تدعي عليه وليشششششش ماااااياااااني .... واهله اولى مني ... وسوالف حريم مانخلص ... احمد يضحك : ههههههه يوز عنها ... عزوه : ايييه يا بو سول ميت .... راشد يغمز لها : يا عيونه امريني ... عزوه : والله انك ما تستحي ... راشد : افا عليج اعجبج ..... يرن تلفونه .... ام احمد : والله لو اشل هالتلفون واكسرره .... بو احمد : والله بتسوين خير ...... عزوه تضحك : ههههههههههههههههههههه ....... اما احمد قبل لا يسمع هالسالفه صعد فووق ... يريح شوي ... ولحقته امه عشان ترتب غرفته شوي ... . . . حمدان : امايا انا ظاهر .. تبين شي من برع .... هنوف تطالع الساعه " حد يطلع هالوقت صدق صايع " .... حمدان ابتسم يوم جافها تطالع الساعه بس ماعلق .... : يالله فمان الله .... الود : يالله نحن بعد بنسير الحين ..... دنوه : يلسوووووو والله يلستكم ما تنمل ... شهد : تعالي انتي بيتنا ...... دنوه : ياربي منكن ,..... الود : لالا بس ابويه بيعصب استوت 10 ..... وينشون .......... ام ذياب طلعت لهم من المطبخ : وين ساااايرات ؟؟ الود : بنسير عموه ..... خلاص ابوي بيحرج علينا والوقت اتاخر ..... ام ذياب : زين بااتن عندنا ..... الود : لا ماعليه خلوها مره ثانيه .... ام ذياب : لالا لاثانيه ولا ثالثه ..... الحين الساعه 10 وين تفزعن لين بيتكن ... ماسمعتن شو الي يصيير فليل من حوااادث ... انا برمس ابوج ..... شهد : عموه مااتعرفينه ابوي بيحرج . ام ذياب : ويدييه .. ماعليج بكلمه ....... تعالي ندى عطيني الرقم .... وسارن حجرتهم ... هنوف : لااااء ماباااا .. الود تطالعها : ماتبين شوه ... هنوف : اباااات !!!! شهد : ولا انا فشيله ... هنوف : مش سالفه الفشيله .... اففف ,,,, الود : شبلاج خبله انتي .... . . . . مهاري مبتسمه : متى ناوي تردني يعني .. ياخي ورى باجر رمضان اصطلب بس .. ذياب يبوس خشمها : وانتي حرمتي مش غريبه ... مهاري تنزل راسها .,,, ذياب : احبج ...... مهاري تطالعها بعيون وسيعه : والله انا بعد احبك ..... ذياب يحطها ع صدره : الله يحفظج لي ..... مهاري مبتسمه : ويحفظك لي ..... ,.......: انت ذياب صح !!!! ذياب يفج عن مهاري شوي .... ومهاري تعدل شيلتها ... ذياب ارتبك ........... ...... : وتلاقينا عقب هالسنين ! هاي الي ودرت عيالك عشانها .؟؟ مهاري تعض ع شفاتها .... ذياب : ريم حشمي روحج .... ريم : لا ما بحشم ..... " وتطالع مهاري من فوق لين تحت " هااي الي بدييتها علينا .... ذياب يصرخ : لا تستهبلين انا مودرنج من زمااان ... مهاري تدز صدره : خلاص حبيبي .. يالله نروح ..... ريم : الله لا يهنييك يا ذياب .... الله يحرق لك قلبك مثل ما حرقته لي .... ذياب فاتح عينه : تجتليين الجتيل وتمشين بجنااااااازته .. صدق انج بنت كلب ..... مهاري : حبيبي .... يالله نروووح يلا ..... " وتدزه بالقو " .,,,, قبضت ايديينه ... وحضنت ظهره وهيه تمشي وياه ........ ذياب يتنهد : لوث والله لوث ....... مهاري مبتسمه : عادي حبيبي .... خلاص انسى .,,,,,, ماصار شي ..... ذياب يرص ع مهاري ويخليها تجابله : مهااري ... عمرج لا تصدقينها في شي .... والله بتجذب عليج جذب محترف .... دخييلج .. اوعديني ما تصدقييينها ... مهاري مبتسمه : اصدقك انته بس .. لا تحاتي ..... ذياب يتنهد : عكرت مزاجي حسبي الله عليها .... نزلت دمعه من مهاري طيرتها نسمه الهوا القويه .... رصت ع شفايفها عسبت تقوي روحها شوي .. بتكثر هالاشياء ... لازم اتعود ..... ذياب : كان خاطري اتم وياج اهنه ..... لكن دام هالسحليه اهني بنرد راك ...... مهاري تطالعه : لا ما بنرد ....... ابا اتم وياك ... روااحنا ... ذياب مبتسم ومستغرب : شوو !! مهاري تنزل راسه : صدق مابا ارد .... ذياب يضحك : الحين عرفت ..... عشان باجر دوامي ههههههههههه ... مهاري تطالعه بحزن ..... ذياب : ماعليه حبييييبي انتي وياج بكون والله وياج ....... واوعدج بني اهني مره ثانيه ...... مهاري حاست ثمها .... ذياب : غنااتي عاد تعرفيني ماقدر اردلج طلب ... لا تسوين جي ... خليها مره ثانيه .... مهاري : انزيين خلاص ... ذياب : يالله فديت هالويه .... والله ما ارد مارد .. يلتعن الدوااام .... بس رضاج ولا اجوف هالويه .... مهاري مبتسمه : يعني ؟؟؟ ذياب بخبث : بنرد راك ... مهاري : شوووو ..... وصلو صوب السياره ..... ذياب يفج ايدها بس ترد تزخه : تعااااال وين ساير ... ذياب مبتسم : بسوق شفيج .. مهاري : لااااء حدد اول وين ... ذياب يخوز ايدها عناد ...... وهيه تمشي وراه ... : يا ذياب اوقف شووي .... مهآآآآري صرخت بالقووووو : آآآآآآآآآآآآآآآآآ ...... ....... وتمت ترتجف ........ وتغمض عينها .... ذياب .: حبيييبي شفيج .. رمسيني طالعيني .... مهاري تصييح وبعدها ترتجف ..... ذياب : مهوووور ردي علي بتخبليبي ..... مهاري تأشر له من غير ما يطالع ....... ذياب : شووه ... شفيج ؟؟ شو الي يخوف .... هاي صخره ..... مهاري تفج عينها بهدووء وتطالع .... هيه والله صخره ... بس عليها قطعه بيضاا فوق مخرسه بشي احمر .. هيه شافته شي ثاني ..... نقع ذياب من الضحك : هههههههههههههههههههه يالخوااااافه .... مهاري : خلاص خلاص مابا اتم اهني ... ردني البيت .... وتركب السياره .... ركب عقبها ... وابتسم .,,,,, : لا الغاليه بنتم ....... مهاري تطالعه : ,,,,,,, ذياب يبتسم : شوه حددي تبين اتمين ولا نسير.... مهاري تفكر : انته حرك من هالمكاان ..... واقفل البااب .... ضحك ذياب وسوا الي قالته .... ومشى عن المكاان ,,, ذياب يشل ايدينها من حظنها : فديت الخوافه ..... . . . عزوه : احمد انت ارقد الحين وباجر بتصللهم ... ماتجوفني كل شوي اتصل يقولولي محد محد ... احمد : دخيلج اخر مره ...... عزوه تتصل : انزيين ... . . . راشد : لا والله .... شووه يعني ؟؟؟؟ يعني ما بكلمج اليووووم .... اقولج شي .... باي باي ..... . . . سعيد : امايا انا ساير ارقد عسب باجر انش نشيط ... بو سعيد : ما يبت يديد .... . . . عزوه : بااااايتين عند مهاري ...... احمد : يعني ما بيردون ؟ عزوه : لاء .... قالتلي نوره بينامون اهناك ..... احمد : وعمي رضا ..... عزوه : مزاااجي ماتعرفه .... احمد : الا مزاجه الزفت علي انا .... بس ماعليه ... انا بشلها بالغصب .... عزوه : عن الخبال احمد ... احمد : أي خبال .... لين اهني وبس ..... بس .... سكت عنه وايد .......واايد .... . . . دنوه : عااد كلكن شرات قياسي الحين هنوف ههههههه ..... هنوف تحط ايدها ع خصرها : تبيني ارقد جييي .... مايخصني دبريلي ..... دنوه : بسير وبرررجع ..... شهد تتنهد : غريبه ابويه رضا ..... الود : تدرين احسن من جو البيت .. اهنه اريح بوايد .. ع الاقل ماحس ابويه بيطب علي بأي وقت ... شهد تبتسم ...... هنوف : لا منو قالج ..... اهني ان شاء الله وين اجوف تلفزيون .. تدرون كم مسلسل وفلم فووت اليوم !! بحدود ال 5 ... اااخ ما بسامح روحي ..... الود : ههههههههههههههه عبيطه ...... دنوه يت وفايدها جلابيه : دوووج ,,,, هنوف : شو هاي ..؟؟ دنوه : جلابيه ... هنوف عاقده حياتها : هيه بس رجاليه ..... دنوه تضحك : هههههههه زين عاادي ..... يلا لاااااااه لبسي .. مهور قافله حجرتها من ويين اييبلج ... الود : عااادي الا فالغرفه منو بيجوفج .... هنوف " ماتدرين الصدف الي تستوي بحياتي تخليني اتوقع أي شي " .... شلت الجلابيه عنها ودخلت الحماام تتغسل وبتلبسها ... دنوه : انا وشهوود بنرقد اهني .... وانتي وهنووف بوديكن حجره فاضيه امايا توها زهبتها ... شهد : والله كلفنا عليكم وايد ...... دنوه : لا تقولييييين جي والله مستانسه بكم .... ع الاقل احس ان عندي خواات ... وحليلي مجابله ريااييل طول وقتي ...... ضحكو ..... عقب ربع ساعه ظهرت هنوف .... طالع شكلها كووووووووول ... الجلابيه سوداء ... جلابيه ريااييل من الخاطر ... ههه اماراتيه طبعا .. الجيب ع الصدر ع اليمين .... وعلامه سبعه من جداام ..... شكلها خبال ..... الود منبهره : روووووووووعه تخبلين .. دنوه : والله لالبس دوم جي عيل ههههههههه ..... هنوف عاقده حياتها : الله يعينكن ... " ترمس دنوه " يلا ابا ارقد مافيني ع السهر اليوم .. الود : غريبه وين الي بيجوف افلام ... دنوه : عادي بنيلس فالصاله بنجوف افلام .. هنوف : استرييييحي االا اهني مستحيل اسوي شي }..... تعقدت خلاص .... دنوه : ههههههههههههههههههههههههه ... حليلج والله ... يلا قومي نسير ... " ترمس شهد " برجع لج شهود براويهم الغرفه وبرد ... شهد مبتسمه : اوكيييك .. وطلعن سايريين الحجره .... هنوف عاقده حياتها : حذال حجره هالخسف !!!!!! ... دنوه : هههههه يلا عاد اخوي حلو ... الود : تسلمين دنوه ..... دنوه : افا عليج ماسويت شي ....... يالله تصبحون ع خير لو تبون أي شي تعالولي .. " ترمس هنوف " انتي اتصلي ههههه مافي داعي تين ... هنوف : هاهاهاها برع برع ... . . . ذياب مبتسم : وسويتي الي براسج ... احين بشوه نرقد ... انا عادي ريال بتم بوزاري .. " يطالعها بخبث " انتي بتتلعوزين ... مهاري بحيا : ماااابتلعوز ..... لابسه تراني شلحه .... وباخذ قميصك .... ذياب يضحك : ((((((((.......................................... .............................)))))) مهاري فاجه عيناه : ايييييييه يا الماصخ والله لاااء ........ ذياب : (((((............................................. ....... )))))))) مهاري تضربه ع صدره : والله طفس ...... دخلو تغسلو .... ولما دخل ذياب يتغسل .... فصخت مهاري عبايتها .... ولبست قميصه الداخلي ... " الفانيله " مادري بلاهم الخوات كلهن اليوم ع لبس الريايييل ههههههههه ...... . . . . |
. . . . حمدان يدندن : تعال ... تعال يا بعد عمري في حظني اقرب ....... تعال ارجووك لا تغيب عن العين ... ابيك بقربي دايم ودايم ودااايم .... وابيك اقرب من انفاسي قريب ..... انسدح ع الغنفه الي فالصاله الفوقيه ...... < حمدان .. وحشتني الخايسه ... افف لو اجوفها الحين والله ماهدها .... اخ لو عندي فانوس سحري .. جان طبيت عليها الغرفه ..... هههههه .. بكسات بالقو انا وهيه .... كشخه .. سحرتني والله ... انا الي ما افكر فحد خلتني افكر فيها .... لا وبنيه بعد !!! اخ منج .... ع هالافكار غمض عينه من غير لا يحس ... < هنوف .... ياربيه وين الليت الحين ... كيف اجوف جدامي ...... اففف مافي حد كلهم رقود .. شوه سحره بينشون الساعه 3 ونص !! بشرب ماي بسرعه بس ..... وين الثلاجه احيد اهني مكاانها .... طااااااااااااااااااااخ ...... حمدان يقوم ويطالع صوب الصوت : منو !َ هنوف ترتجف وبصوت واااطي : شت ... رووح روح انا مش متغطيه ... حمدان عاقد حياته وساير صوب الليت : وانتي منوه !!!!! هنوف : دنووه انا دننووووووه لا تشغل الليت اييه ... مش متغطيه .... حمدان : شوه مش متغطيه " يشغل الليت " ويفج عينه ع وسعهن .... < توني تمنيتج تكونين ويايه واجوفج الحين ...... " يطالع الساعه الي بيده " انتي شوه اتسوين اهني .. هنوف متلووووووووومه بالقو .... من شكلها ولبسها وشعرها كاشف ..... هنوف : لوووعت جبدي في كل مكان تظهر لي ..... حمدان مبتسم : خل عنج !! " يطالعها من فوق لي تحت ويبتسم اكثر " شوه هالكشخه ... هنوف عاقده حياتها وسايره صوب الحجره ... بس يجابلها بسرعه وبكل لهفه : وين ؟ هنوف بهمس : شوه وين .. بسير ارقد ... حمدان : وجي ظاهره عيل .. ؟ " مبتسم " تبين تجوفيني ... هنوف حايسه ثمها : نعم !! لا طبعا ... بشرب ماي .. بس انسدت نفسي ... حمدان : افاا .. شوفتي تسد نفسج ! >> المكار يحاول يطول السالفه عسبت يتم وياها ..... وهو متخبل عينه تلف ع اكثر من مكان فيها .. والنور خفيف هيه مش ملاحظه .... هنوف : حل عني ... قوم بدخل ارقد ... حمدان يقبض ايدينها : مابتدخلين .. ياخي ولهت عليج ..... هنوف ارتجفت من قبضته وحاولت تخوز ايده بس وين تروم ع راعي العضلات .. حمدان : ما بفجج .... مشتاقلج ... هنوف تخوز ايده باقوا شي عندها : بس عااااد عن قله الادب الزااايده ... حمداان يخوز ايدها ويلم ايديينه الهنتين ويحطهم ع بعض : في ذمتج مش متولهة عليه .. هنوف : لاااا والله لا .... حمدان مبتسم : هيه واضح .. والدليل لابسه جلابيتي بعد .... هنوف تعض ع شفاتها : مايايبه ثياب ... قوووم يلا ... ويجاابلها اكثر وهيه ترجع ع ورا .. واتم ترجع وترجع وترررجع ..... هنوف يايه بتصاآرخ : آآ سكر ثمهااا بايديينه و قبضها بالقو من خصرها مع ابتسامه .... هنوف تدزه ورا وتجدم شوي : كنت بطيييح من فووق لين تحت يالظالم !!! حمدان بنص ابتسامه : لااه ؟ والفضل لي .. ماخليتج اطيحين .... هنوف : اصطلب ... ماتحشم انته ... ياخي ربيعت اختك انا .. استح ع ويهك ..... حمدان : والله ولهان عليج شبلااااج مش حاسه .... هنوف : هيه ما بحس ... لان هالحركاات عيب .... حمدان عاقد حياته : عيب ؟؟ هنوف : هيه .... حمدان يعض ع شفاته وينزل عينه : اووكي عيب ... يالله نوم العوافي ..... ومشى عنها قبضته بسرعه من ايده : تعاااال ..... حمدان من غير ما يصد بس ابتسامه انرسمت ع ويهه ... : خير .؟ هنوف : وين ساير ؟ حمدان : وين بسير .. بترقدين ترا .... " ويلف ويهه ويجابلها " هنوف خوزت ايدها عنه : زين لاتزعل .... حمدان يكتم ابتسامته : لا زعلاان انا ... هنوف : عن البزا الزايد ... حمدان : وليش ماتبيني ازعل ؟؟ هنووف : وليش تزعل ... حمدان : لانج زعلتييني .... هنوف : لا والله مازعلتك ... انت روحك زعلت ...... حمدان : زين خلاص خليني زعلااان عيل ...... هنوف : حمداان ما يسوا علينا عااد ... حمدان : زين ما يسوا عليج خلاص فجيني .... هنوف مانتبهت لروحها وهيه قابضته وتترجاه ...... هنوف : افففف برايك " وفجت ايده " ... تم يطالعها وهيه تمشي عنه .... ويوم وصلت باب الحجره بتدخل صدت له ... جافته بعده واقف مكانه ماتحرك ... اطالعها كم نظره ونزل تحت ....... جنه مضايج ومعصب ..... دخلت دااخل ...... وهيه مضايجه بعد ........ < يشتاقلي !! يتوله علي !! اول مره احس بهالكلمات ... اطالعها كل يوم ... وما اتاثر ! اثر فيني ليش ؟؟. مع ان هالانسان مادااااااانيه .... لكن ليش اثرت فيني يوم قالي اشتقتلج ....... افففف هنوفوه !! شوه ياج اول مره تفكرين بوااحد .... ما بغيت افكر الا بهالخقاق الي جايف حاله ... هاااا اصلا موته ويذلني ويحقرني .. يااااربي بس ماااابا افكر ... خل يخوز عن مخييييي ابا اررررررررقد .........بس توه ضااج مني و زعل اخاف بعد يستويله شي ... وليش اخااف !! كيييييييفه ..... ياااااربببببببييييييي .> ؛ > > حمدان : مارقدتي عيل !!!! هنوف تعدل الشيله : مارقدت .... طيرت رقادي ..... حمدان : .............. هنوف : حمدان والله اذا حد نش بنروح فيها انا وانته بس عاد لا تزعل .... حمدان يطالعها بقهر : انتي الي تلاحقيني من مكان لين مكان .... هنوف وقفت فـ نص الزراعه ... : الحين انا ماقدرت ارقد عسبت انته زعلان واتقولي جيي ... الشره مش عليك ... الشره عليه الي ييت عندك .... وغيضت من الخاااااطر ....... صدت الصوب الثاني ويايه بتررد داخل بس لحقها ... حمدان : تعالي والله ماتسييييرين ... حلفت انا تبيني اموووت ..... هيه تمشي اسررع .... حمدان : والله ما تسيرين اقولج .... اوكي اوكي بموت خلاص .... توقف ...... ابتسم حمداان بمكر ........ تصد له : هاااااااه شوه ؟؟ حمدان يعض ع شفاته ويلعب بشعره : احين في بنت تكلم ووااحد جييه ... هنوف عاقده حياتها : وان شاء الله كيف تباني اكلمك .. حمدان : يعني !! ... شوي غير ... هنوف : كيف غير ... حمدان : ادلعي .. اتمااايعي شويه ... هنوف : نعـــــــــــــم !!!! ماعرفت تختاااار عيل ... حمدان عقد حياته : اختار شوه ... هنوف : البنت الي تدلع ... حمدان مبتسم : كل هذا ومش دلع !! هنوف : عفوا ؟ حمدان : هيه .. ماتدرين انج بالنسبه لي دلوعه ... هنوف فاجه حلجها بغباء : مش جنك تبالغ شوي .... حمدان يضحك ع شكلها : هههههههههههههه لا ابالغ وايد ... هنوف : هيه جي زين لا تجامل لاني بكرهك ... حمدان بلهفه : ليش الحين شوه ؟؟ هنوف بحيره : شوه الي شوه !! حمدان : انتي ليش طمه !!!ّ! هنوف : وانته ليش حناااااان وحشري ... حمدان : انا حشري . !َ هنووف : هيه حشري وايد بعد ..... حمدان : مقبوله منج ..... الله واكبر الله واكبر ....................... حمدان : الله واكبر واعظم " يطالع الساعه " هنوف : الساعه كم ... حمدان : ماتصلين انتي ؟ هنوف : نعم ؟؟ شوه الي ما اصلي تستهبل حمدان : عيل شقايل ماتعرفين متى ياذن الفجر ؟ هنوف : يااااااربي منك ..... حمدان : زين زهبي حالج رمضان بااجر ... اباج تسويلي شي حلو من ايدينج .. هنوف : لااا والله ! انا مادش المطبخ وايد .. حمدان : ليش ان شاء الله ؟؟ هنوف : عشان يشتاقلي الجمهور .. حمدان بابتسامه : اكثر عن جي ,.. هنوف : لا جمهور اكثر .. حمدان بقهر ضربها ع راسها: جمهور في عينج ... ماشي جمهور غيري ... هنوف تضحك : هههههههههههههههه حمدان تخبل : لبييه ...... تجتلي هالضحكه ..... هنوف تسكت : لا تغازل هاا . حمدان : اغاااازل !! والله عمري ماغازلت ..... هنوف : هيه محد يمزر عينك ... حمدان عاقد حياته ويلعب باطراف شعره : طبيعي .. شوه ابا الملوثه ... بس الزين ملا عيني ... وطزه بالقوه بعد ... هنوف : وايد مغازلجي ... اشك فيك .. حمدان : والله ماغازلت حد غيرج ...... هنوف ارتبكت : زين زين قوم سير صل ... حمدان مبستم : ياويلي ع الي يستحون .... هنوف : بس عااااد ..... سير صل ... حمدان : بجوفج عقب الصلاه ؟ هنوف :لا طبعا بسير ارقد .. حمدان : واذا قلتلج عن خااطري ؟؟؟ هنوف تبتسم " لاول مره لحمدان الي رفع حايبه وارتجف من حلاتها " : ماعليه بجوف .. حمدان مبتسم : اذا اهون عليج اتم بررع طول الوقت اترياج .. مش مشكله ... يلا بروح المسيد .. هنوف : الله وياك .... دشت دااخل صلت وعقب دقاايق نزلت ... < هنوف .. بعده مايا .. بسير اسوي عصير بارد شوي ..... دخلت المطبخ تمت ادور ع الاشياء لانها ماتعرف .... سوت اخر شي تاانج بارد .. وتمت تتنفن تدمج المانجو مع الليمون وحطت شوي فراوله ... تطلع لذيييييييذ ... كثرت من الثلج ... وطلعت بالعصيرين بررع .. اول ماوصل جافها ماسكه العصيرين بصينه ... ابتسم ... ويلست ع الطاوله الي فالزراعه وهو يلس مجابلنها ..... حمدان : بايدج صح ؟! هنوف : هيه !! ليش ... حمدان مبتسم : اها شربيه روحج عيل ماشرب من ايد شغالات ... هنوف : لاااااا والله !!!!! وتقوم ..... قبض ايدينها وعقد حياته : محد يمزح وياج !! يلسي مكانج ما تسيرين ... هنوف : بتم تتصمخر واتحط عليه ماريد ... حمدان مبتسم : يلسي عاد .. يلست .... حمدان : امممم هنوفه لو تقدمت لج بتوافقين ؟؟ هنوف : نعم ؟ حمدان : جاوبي ؟! هنوف : مادري حمدان : كيف ماتدرين هنوف : يعني مادري حمدان : في احتمال ترفضين هنوف : يمكن حمدان : صدق ؟ هنوف : هيه انا ماعرف عنك شي للحين حمدان : زين انا بخبرج كل شي عني هنوف : ما ينفع لازم اسال انت اكيد بتمدح روحك .. حمدان : ههههه لاه ؟ هنوف : هيه .. حمدان : زين ... مد ايده ع العصير وشربه .... : ناويه تعذبيني ؟؟ عقب بتعود ع ايدينج وما باكل من ايد دنوه وامايا !َ ابتسمت هنوف ... حمدان بذوق : ويل حالي .. نزلت راسها .... صد فوق يطالع الشمس وهيه تطلع ... منظر الشروق عذاب ... هنوف : خلاص حمدان سطلت ابا ارقد .. حمدان : حرام عليج مابجوفج مره ثانيه ؟! هنوف : بس حمدان : لا تكسرين بخاطريه .. هنوف : تعبااانه والله ياخي بتم ساكت وتجابلني واجابلك حمدان مبتسم ويلعب بشعره : وفي احلى .؟ هنوف : هيه الرقاد .. حمدان يغطي ايده بويهه : مش ويه رومنسيه .. روحي روحي ... هنوف قامت ... حمدان : ماصدقتي انتي ! هنوف : هييييه .. حمدان : زين تصبحين ع خير .. هنوف : وانته من اهله .... وراحت عنه ترقد ... ومن جافها غابت عن عيونه نش بيرقد بعد ... . . . . |
. . . . ذياب يلعب بشعرها : حبيبي ... مهاري بكسل : همممم ..... ذياب : نشي حبيبي ... " ويبوس صبعها الي ع شفاته وينزلها .... " مهاري تتمدد .... ذياب مبتسم : صباح الخير غناتيه ... مهاري: صباح النور .... ذياب : ولهت عليج .. مهاري تبتسم : خرط من الصبح .. ذياب مبتسم : والله ولهت عليج .... من امس راقد ماجفتج ... مهاري تبتسم ..... ذياب يطالع الساعه : يلا غناتيه قومي عسبت نرد راك . لازم اروح الشغل .. مهاري : ذياااب !! ذياب : ياااروحه ... عمري انتي .. لازم حبيبي .... والله وياج لاتخافين ماهدج بس الشغل لازم ماقدر اودره .. مهاري تحيس بوزها : انزيين .... ذياب يبتسم : يلا سيري فصخي فانيلتي .... مهاري :ههه زين ... . . . مشعل : ايييه ايييه متعلمتلي تباتين برع البيت ... الود حاطه ايدها ع راسها : يااااربي ... مشعل والله مارقدت البارحه عدل خلني بخلص شغلي وبرد بنتغدا عندهم وبنرررد البيت .... مشعل : لا عيوني بيحلفوون عليج تناامين عندهم وانتي ما بتكسرين خاطرهم .. الود : مشعل حل عني !!! مشعل معصب : ايييه اييييه الحين احل عنج .. ماتحشمين اهنااك شباب .. الود : يا مشعلللللل .... مشعل : ايييه اوكي انا مالي شغل فيج الي تبينه سويه ..... الود : مشعل والله مارمت اردهم ليش ماتفهم ... مشعل : اييه تقدرين ترديني وماتخليني اخطبج ... الود مبتسمه : شدخل ها في هاه ...... مشعل : معنااااه واحد ..... يالله قلبي وجهج وخلصي شغلج .... وظهرر عنها .... الود : ياربيه منك ..... . . . ندى : صباح النور .... ماشاء الله نا ش من وقت !! ... : هيه بسير التقنيه .. زين سمعت صوتج الصبح شوه ياينج ! ندى : مارقدت اصلا ...بناات عمك ياايات عندنا ... رشود : غريبه عمي خلاهم !! ندى : مادري والله !! بس استاانسنا ... رشود : دوم حياتو دوم .... انزين يالله بقوم اتريق انسه دنوه ... دنوه : هههه اوكي .... اتريق اليوم اخر يوم باجر صياام ... رشود : هيه والله ... اااخ مسطل باخذ اجااااازه من الكولج .... دنوه : اول مره اسمع بها اجااااازه من الكولج .. رشود : افا عليج بس انا كل شي اروم اسويه ... حبيبج قدها ... دنوه : هيه وايد قدها يلا سير سير عن يسجلونك ابست ههه .. رشود : ما يرووومون الاساتذه يحبوووني .... دنوه : هييه مرره .. رشود : والله افا عليج بس .. دنوه : اونه ليش عاد ؟ رشود : اضبط لهم عند البنات ... دنوه : ماااااالت عليك هههههههههههههههههه يالله يالله سير ... رشود مبتسم : تحملي ع روحج ويوم بتصلبج ردي هااه .. دنوه : ان شاء الله . رشود : هيه ان شاء الله وادريبج طاف عقب ... اسمع صوتج بالقطاره ... يالله فمان الله .. دنوه : ههه فمان الله .. . . . . ام الود : يا سعيييد ...... سعيد : عيوووونه .....امايا دخيلج اخر لقطه فالحلم ...... ام الود : ياااالله صبرني ع هالولد .... سعيد : والله وااعي حصو وبنش والله ... حصو تدخل : انا واعيه من زمااان ... ام الود : هيه من قلنا لها بنسكر الوايرلس من وقت تنش ..... حصو : افا عليج اعجبج امايا .... يلا سعوووود نش لا تنسى بتودييني بيت خواتي اليوم ... سعيد ببرود : امايا ظهرو برع شوي بس ..... بو سعيد يدخل : سعيييد .. سعيد ينقز من ع السرير : قااااايم قايم ..... بوسعيد : يلا بسرعه اجوف ..... حصو تلوي ع ابوها : صباح الخير الغالي ..... بو سعيد يبوس راس بنته : فديت هالويه صباح الورد ...... سعيد : شمعنى انا الي كله يصارخون علي ... الله يعينيي ... . . . دنوه : يالله ابلع ..... حمدان مبتسم : ماببلع ... واعي هنوفوه باكل من ايدينها ... يلا قوليلها تسويلي شي ... دنوه : هييه يعني ما بتخون فيييها ؟؟؟؟ حمدان : وانتي شلج .. يالله قومي قوميها .... دنوه : شووووو اقومها فضيحه ... حمدان : جوفي الود ترا محد لا تخليني ادخل عليها ترا عادي عندي .... دنوه عاقده حياتها : حمداااااااان عن قله الادب .... حمدان : بتقومين ولا لاء !! دنوه: اففففف قمت قمت ..... . . . . راشد يدق الباب ع احمد : احمدوووو واعي ولا ؟؟ ويدخل عليه ...... يجوفه متعمق فالرقاد ... : حليله قيس ..... ويظهر من الحجره .... يجوف عزوه فويهه : ماشاء الله واعيه ... عزوه : هييه عبدالله بييني اليوم ... راشد : زيين بيج العصر شحقه من 10 ناشه !! عزوه : كيييييفي والله ... راشد : عشان ويهج ما يتصفع حليلج والله ... عزوه : روح روح .... راشد يغني : روح وروح ابعد بدنياااك .... عزوه تسكر اذنها : واااااع اطلع نشاز ... راشد يطالعها : ريلج النشاز ... طمبحله وحده ... عزوه : اتظهرلنا مصطلحات الصراحه مادري من وين .... راشد يحطي ايده ع مخه : من اهنيه ... مخي شغالج عبالج شرات مخج " ويعيب عليها " عبدالله آآه حبيبي شو تسوي وااااه اشتقتلك " انجلعي بس ...... ويظهر من البيت ... . . . هنوف معصبه : وييينه هاااه وينه !!! دنوه فاجه عينها : لامستحيل سواها فيني مستحيل!!! هنوف : تتمصخريييين انتي صح .؟ منششتني عسبت تلعوزينييييي .!!! دنوه : لااااااااااء والله لاااء كااان مووووووجود مادريبه وين ساااار .... وتطلع عند الدريشه ... سوالها بايده علامه النصر وحرررك .... دنوه : هاااااااايوو النذل رووح ... صدت جافت هنوف مروحه عنها من زمان ..... دنوه تتصل فيه .... وهو يجوف رقمها ويضحك من خاطره ...... طااف بالقو .... . . . . |
. . . . مهاري : هيييه ..... لا الحين نحن فالشارجه .... هيه ان شاء الله .. لا والله ما يسرع .... ههه الله يسلمج .... ان شا ءالله يووصل .... فمان الله ........ مهاري : سلمت عليك وداوي ... ذياب : الله يسلمها .... " يحطي ايده ع راسه " .... مهاري : شي فيك حبيبي ؟؟ ذياب يصدلها : هاااه ؟ حتى لو فيني طااااااار .... خااااز .... مهاري تبتسم : ياااربي صدق شوه فيك ؟؟ ذياب مبتسم : ماشي حبيبي مصدع بس ... عندج بندول ... مهاري : هيه بس ما بعطيك مش ماكل شي ....... ذياب : حبيبي والله مصدع .. مهاري : مايفيد وما بياثر لازم تكون ماااكل .. ذياب يطالعها بنص عين ..... ووقف عند الشيشه ..... مهاري : بنزل وياك ... ذياب مبتسم : عسبت جفتي بنات هاه ؟ مهاري مبتسمه : هيه ...... بنزل ... ذياب متشقق : نزلي حبيبي نزلي ..... ياويلي ع الي يغاارون .... نزلت وياه وقبضت ايديينه بقو ... ذياب متعمد : شفيج ؟ وخري ... مهاري :ااييييه عاد لا تسوي جي ..... ذياب يرص ع ايدها : الواحد ماياخذ راحته فجيني ..... مهاري : ذياب والله بكسر غرشه الديو ع راسك ..... ذياب بصوت واطي : بقل ادبي جدام الناس ترا .. مهاري فاجه عينها : اقولك خووووز عني ... وتخوز ايده بس ع طول رد قبضها ... واشترو لهم توست جبن ... ونسكاافيه ... وجبس لاايزز وو اورنامين وديو وماي .... ذياب : جلكسي حقج !! مهاري مبتسمه : ماشتهي .... ودفعو الحساب وردو ركبو السياره ...... . . . . الود : يالله عاد والله ماقدر ع زعلك ... مشعل : اييه قصي علي بهالكلام .... الود : والله برد البيت حلفت لك خلاص ما بنتغدا عندهم ... مشعل : لا عيب ..... شوه بيقولون .. اكلي عندهم وتطلعين سمعتي ؟؟ الود مبتسمه : سمعت .... مشعل : ايه جيه انتي اوكي .. مو توج ..... الود تضحك : غصب ترمس اماراتي ... مشعل : ايه اتعلم لج صليمه تصكج .... الود : هههههههههههه يالله كمل شغلك ...... . . . احمد : وين سارت ؟!! نوره : اممم مش موجوده فالبيت اول ما توصل بخليها ترمسج .... احمد : عمي حذالج ؟ نوره : هييه ... احمد : اففف ... انزين قوليلها اني رديت وخلي الود تيبها باقرب وقت ابا اجوفها ... نوره : ان شاء الله ماعليج ... فمان الله ... بو الود : منوووو ؟ نوره : ربيعت شهد ..... بو الود : حد يتصل هالحزه .!!! نوره : تعرف عااد بنات .... بو الود : متى بيردون اجوف عيبتهم اليلسه ..؟؟ نوره : بيتغدون وبيردون بو الود : وانتي ماودج تطلعين نوره : اممم ناوي تظهرني ؟؟ بو الود : جان ودج نوره : عادي ع راحتك بو الود : يلا قومي بدلي بعزمج ع الغدا برع ..... نوره مستانسه : صدددددق ؟؟؟؟؟ بو الود : هيه صدق وفالشااارجه بعد شوه تبين اكثر .... بس خبري البنات عشان ما يدورونج نوره : ان شاء الله تسلملي والله .... الله لا يحرمني مننننننننننننك ان شاء الله ..... . . . ذياب : بتسيرين بيتكم ولا بيتنا ؟؟ مهاري : امم بيت اميه ... ذياب يطالعها : تبين تزورين امج ؟ مهاري تحرك ايدينها مع بعض : ليش ما يصيير ؟ ذياب : بلى حياااتي .. امممممم خلاص بكنسل الدوام وبتم وياج .... ولا تبين اتمين ويا امج روحج .؟؟ مهاري بانفعال : لااااا تعال ..... احسن تعال وياايه .... ذياب مبتسم ويقبض ايدها : فديت هالويه .... ماقلتلج اليوم ؟؟؟؟ مهاري مبتسم : احبك احبك احببببببك احبك احبك احبك احبببببك ...... ذياب بتعجب يلوي عليها : عيل تعااااااالي .......... مهاري: ذيااااب ياعبيط بندعم .... ذياب يطالع الشارع : بسرعه قربي ببوسج ماشي حد ........ احم احم ........ ذياب : يلا نزلي ... مهاري : امم ماكان لازم ادقلها قبل ؟! ذياب : عادي حبيبي بيت امج ..... يالله .... دخلي .... دقو الجرس ..... وفجتلهم الخدامه ودخلو ...... اول ما نفج الباب ... لوت عليها ام الود وصااحت ...... مهاري تمت ترتجف ماتدري ليش ..... هالحظن انحرمت منه اكثر عن 13 سنه ... عذااب عااااشته ... ام الود تمسح دموعها وتسلم ع ذياب الي باس راسها : شحالك الغااالي وشحال مهره وياك ... ذياب : الحمدلله كلنا بخير ..... قالت بتي تزورج قلت انزل اسلم عليج وبروح ... ام الود : والله ماترووووح منور بيتيييي ادخل والله تتغدا وتسير ..... ذياب مبتسم ...: تسلمين امايا والله ... بس لازم اسير ..... بخليلج مهره ترمسج وتشكيلج عني ... مهاري تطالعه ومبتسمه : لا امايا فديته ماشي منه .... ام الود ترفع ايدها : الله يهنيييكم ياربي ان شاء الله ماشوف فيكم يوم حزن ياااااااارب ... ذياب و مهاري : امين ان شاء الله ... ام الود : والله ماتسير وانا حلفت .... هاي اول مره تدخل فيها بيتي وتروح لا والله ماتظهر ... مهاري تطالعه : خلاص عاد اجبر في خاطري امايا ... ذياب مبتسم : وانا اقدر اردج انتي واماياتج ... ام الود مبتسمه : دخلو دخلوووو ..... مهاري !! شو اوصف شعورها !! مستاااااااااااااااانسه من الخاطر ..... ودها تصااااارخ من وناستها ... مرتااحه وودها اطيييير ..... واخيرا بتجوف امها متى ماتبا ..... محد بيمنعها .... وذياب ّ! حليله ذياااب .... مستاانس اكثر لانه يجوف السعاده في عيون مهاري .... يحبها ويحب سعادتها من قلبه ........ . . . عمور : وكيف بتوصللها ... حمدان : اقولك ظهرت من الاهل من بعيد ... بوصللها ماعليك ... عمور : زين .... اماانه هاه .. حمدان مبتسم : مااعليك ....... . . . مشعل : مو تيلسين ويا شباااابهم ؟ سمعتي ؟؟ الود : ما بيلس والله ..... يالله بااي ... مشعل : حرمه شكبرج وتقولين لي باي ... استحي ع ويهج قوليلي الله يحفظك مع السلامه ... الود : يااااالله منك ... الله وياك مع السلامه .... مشعل: ايه ايه مامنج فايده ركبي ركبي سيارتج .... وركبت وسارت عنه ...... . . . شهد : دنوو !!! دنوه تتلحف : ااهممممممم ؟؟؟ شهد : امم ارقدي برايج بس قوليلي الحمام أي صوب ؟! دنوه تحاول تضغط ع روحها وتنش ....: صبري .... شهد بتلوم : اسفه جان واعيتج والله اسفه ... دنوه : شووووه هالكلام اافا عليييييج ....... . . . . الود : هنوووووووف !! عيب علييييكن للحين رااااااقداات !! شوه بتقول الحرمه فضيييحه ... ام ذياب تدق الباب : امايا الود ادخل ؟؟ الود تسير صوب الباب : هيه دخلي عمووووه ... سمحليي والله عن البنات تعرفيينهن شكلهن سهرانات للصبح .. ام ذياب : لا امااااايا عادي .... شو دوامج اليوم ؟؟ ان شاء الله كل شي زين ... الود مستغربه من هالتغير .. وين قبل فالمستشفى شكلها غيير بس استانست عليها : الحمدلله كل شي تمام ... ام ذياب : زين يا بنتي ... واعي البنات وخل يصلن عسبت نحطي الغدا .... الود : ان شاء الله ..... وصلها مسج ..... " ااخ ودووه شوو اقولج بس ... تخيلي انا وين " ردت عليها " شوه بلاج رمسي بسرعه خوفتيني ؟؟ انتي وين " " في صاله اماااايا والله مستانسه وايد وايد وايد " " فديت روحج والله .... استاااانسي وسلمي عليها واااايد خاطري اكون وياااكم والله بس لو درا ابويه بيجتلنا " " ماعليه مره ثانيه بخلي ذياااب ييبكم " ابتسمت الود وماعلقت ..... استانست ...... الود : هنوف نشي بقولج شي مهم .......... هنوف : ..................... الود : شاروخ خاااان .... هنوف فاجه عينها وتقوم بسرعه : شووووووه بلاه !!!!!!! الود : الله يعينا عليج .... تخيلي مهاري سايره عند امايا .!! هنوف : وشاروخ شوه يخصه .!! الود : عن الغبااااء .... هنوف تحجج راسها : أي غباااء شدخل شاروخ فمهور ؟! الود : يااااربي .... "ادقق ع راسها " صحصحي .... مهور سايره عند امايا .. وشاروخ انا يبتلج طاريه عشان تنشين ..... هنوف تثاوب : والله مهور ماعندها سالفه ؟.... شو مودنها عند امايا .... الود : شوه هالكلام بتبقى امنا .. هنوف : امكم بس .... انا ماعندي ام ... الود : عن هالكلاااام يالله عاد .... هنوف : بس بس لا تبديين ... اذا كانت لي ام فهي انتي ... انتي امي وابوي وكل شي ... ولا هيه ماسوت شي يستاهل ان نقولها ام حتى .. هه ... وقامت عنها لبست شيلتها وطلعت برع الحجره بتدخل الحماام .... . . ام ذياب : عيل ييت حق الغدا ؟! حمدان : هييه خذت بريكي هالوقت ... ام ذياب : انته شي وراك ... دنوه تي ورا امها : الا اشياااااااء .... شهد : مساء الخير عموه ... دنوه : يلسي هني ..... " وتيلسها " ام ذياب : مساء النور الغلا ... شمسيتي ؟ شهد مبتسمه : الحمدلله .. حمدان شحالك ؟ حمدان : بخير ربي يعافيج .... ينزلن هنوف والود ..... الود و هنوف : السلام عليكم والرحمه . حمدان وعيونه ع هنوف ومبتسم : وعليكم السلام ..... ام ذياب : تعالي اميه يالله يلسو اتغدو ... ييلسون ع الطاوله كلهم .... . . . |
| الساعة الآن 04:46 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir