|
الجزء الثــاني عشـر ••.•°¯`•.••..عـابر سبيل..••.•°¯`•.•• حبــك اللي تدعـــي هو حـــب ذاتك ومن يحب الذات مايخلص لغـــيره غرنــي فيــك ظـــاهـــر صفاتـــــك غــلطــتي ياللأسف كانت كـبـــيـره مات حبك والبقيه في حــــــــــياتك في حنايا خافقي لاقي مصـــــــيره خذ مع الجثمان باقي ذكريـــــــاتك تجربه حبي معك كانت مـــــــريره تبقى صدمــة سيف فريدة وقويــة من نوعهـا..ياللأسف عقله خانه فاللي سواه..السيف اللي معروف عنه بالعقل والرزانه..ظهر ما يفهم شي فالحــب..؟؟؟ كيف سمحلها اتسويله جيه..وكيف رامت اتخليه يتعلق فيها..كل يوم اكثر عن الثاني..كيف غرته بحلات منكوقها وجمال اسلوبهــا..عمره كا كان يتوقـع ان في حد بيخدعه..بس اللي يخدع بلمر..؟؟؟شو يصير فيه...؟؟؟!! شيخه ما سوت الشي السهـل..سوت الشي..اللي يمكن تتعاقب بسبته طول عمرهـا..لا تنصدمون..هي خدعت سيف..والسيف ما تعود ع الخداااع..؟؟؟!!! ثواني..والا السيف يزقر شيخوووه..ورد وحدر المطبــخ.. شيخه طاعته وردت بخطواتها البطيئــة للمطبـخ..ع بالها ان سيف يبا شي ولا شي..ما كانت متوقعه انها بتدخل حرب..؟!! حدرت شيخه المطبــخ..وهي مســتانسه ويالسه الأخت اترمش بعيوناتها.. سيف:ممكن تيلسين ع الكرسي.. وأشرلها ع الكرسي اللي جداامه..؟؟!!حتى شيخوه استغربت..بس طبعاً هي ابد ما اتحب تعارض..فيلست.. سيف"بابتسامه اتذووب":شحــالج مها..؟؟ربح الا بخير وعافيه..؟؟اووف اخييرن اتحقق حلمي بشوووفتــج...؟؟ فجت شيخوه اعيونهــا ع وسعهــن..وبغت اتمووووووووت من الزيغه..اسلوب سيف طيح قلبها..ورمسته كانت قويه..وخافت انها تنفظــح اللحينه..ولأن ماشي بيروم يحميهــا..الا انها تنكر ولا تعترف بشي اسمه مهــا.. شيخه"كلمة تظهر وكلمه تسرطها":منـ..و مهـ....؟؟ــــا....<<ما تعرف ترمس.. سيف:شيخوووه يالسباله الحقيرة لا اتخلني اقوم اتؤفس بطنــج..عنلااااتــج انتي ما تحشمين..جيه سواتـــج..اترمسيني تيلفووووون؟؟ كــان صووووت سيف عاااااااااالي...وكان يصارخ ع راسهــا..وشيخوه بتموت من الزيغه..وما كانت تعرف شو تسوي..فنشت من مكانها..وعطت سيف ظهرها..بس ما تحركــت..كانت تسمع وحابسه ادمووعهــا..صوت سيف من صج ايزيــغ.. وقف سيف وسار صوبهــا..ومجابلنها بالضبط.. سيف"بهدوؤ ولا جنه كان يصارخ من شوي":باختصار..شو افسر هالحركه يالعنــز.. شيخه:أي حركـــه...؟؟ سيف:لا انتي من صج ناويه حد يترفس افبطنــج..منو احسن انا ولا سلطان..؟؟ شيخه"رفعت نظرها لسيف":سلطــان... سيف:هيه سلطان..ولا بعد ما تعرفينه..ولا اقول لا يكون واحد من الشباب اللي اترمسينهم اسمه سلطان.....؟؟؟!!!! شيخه"مــاتت من الزيغه":سيف انته شو تقول....شو من واحد من الشباب.. سيف:اكيد دامج رمستيني ..رمستي غيري....؟؟؟ شيخه:سييف بلا هالرمسسسسه ..انته شو عندك..<<<<اوني اوني قويه..؟؟ سيف:ليش كنتي محتله اسم مها..وترمسيني ليش..؟؟ شيخه:انا ما رمست حد..ومنو مهــا.. سيف"يصارخ":خلااااص اهنيه وبس..انتوووو شووو؟؟حيووواااانه..شيخوووه قسم بالله ان ما اعترفتي انج مها شوفي شو بيستوي بج.. هنيه..حدرن روضه وفطـامي وهن منصدمات من الوضـع اللي فيه سيف وشيخوه..سيف اصراخه واصل نص الحوي..وهن عاد من سمعنه ين يربعن صوب المطبـخ..... فطامي: شو السالفه؟؟ سيف:انتي جب مـالج خص.. صدت روضه صوب فطامي مستغربات.. روضه:شو مالها خص..انته ليش يالس اتصارخ؟؟شو مستوي..؟؟ سيف: ماالكن خص..انقققلعن يلا.. روضه:اييه انته عدل اسلوبـك..وطالع امنو ترمس.. سيف:الروض هب فايجلج اللحينه..؟؟؟صخي احسن لج.. فجت روضه ثمها بترد عليه..لأنه بكل بساطه قهرها..بس فطامي حطت يدها ع ثم روضه..ما تباها ترمس..اهي تعرف اخوها يوم يكون معصب..مستعد ايسوي أي شي..ولا يهمه النتااايــج.. فطامي"تهمس لروضه": سكتي انتي خلينا نيلس بنشوف سالفتهــم.. سارن وبكل هدووء يلسن ع الكراسي..كأنهن يشوفن فيلم... شيخه:انا ما برمس بكلمه وهااييل يالسات عندنــا.. فجت روضه ثمها تبغي اتعق قنابل..بس فطامي بسرعه ضربتها ع جتفها.. فطامي:لا ترمسين.. سيف ما علق.. شيخه:خلهن يظهرن وانا برمسـك..جدامهن ما بظهر كلمه من ثميه.. روضه وفطامي كانن متوقعات ان سيف بيقولهن ظهرن.. سيف:بترمسين وهن يالسات وغصب عنــج.. شيخه:اوكي فطامي وقلنا أختك..بس روضه..مالها خص.. روضه:الروض تاج راسج وبترمسين جدامهــا..دامج اتسوين الفضايح اتحملي نتايجهــا..... اهنيه التفــتت فطامي لسيف..وعلامة استفهام ع ويهها.. سيف:اعترفي انج انتي مهــا..؟؟؟ انصدمت فطامي..معقوووولــه..شيخووه هي مهــا..؟؟؟؟؟؟؟؟؟؟؟؟؟؟؟؟؟؟!!! عكس روضه اللي يالسه شرات البقره ..شو دخل مها في شيخه....ومنو هاي مهــا..؟؟ شيخـه:هيه أنــا مهــا.. صخ سيف..وصوت انفاسه تنسمــع.. روضه"بلقافه":ومنو هاي مها....؟؟؟!!!!!فطامي ردي علي.. صخت فطامي..ما تعرف شو تقول..او شو توضح وتفسر.. سيف:انا اللي بقولــج..اني كنت غشييم وما افهم شي فالحب..اتشوفين الشيخه شيخه هاللي جدامج..اللي اتكوون بنت عمتــج..ادق علي ليل ونهــار..ع اساس انها وحده اسمهـا مها...كانت اتمثل علي..انها اتحبني وتمووت فيني..وتهتم فيني.. انا الغبي..كنت مصدق..وكنت ما ابات الا اذا سمعت صوتهــا..وما استانس الا اذا شفت مسج منها..او حتى اتصال..كنت اطير من الوناسه..يوم اشوفها تقترب مني..وكنت واثق انها ما ترمس الا غيري..بس ظهرت تلعـب علي..وانا اللي في بحر المحبه غرقـــان... سكتت روضه..ما كانت متوقعه ان في حد من هلها بتسوي هالحركـه..صح انها ما رمست الا ولد خالتها...بس هالشي بحد ذاته هب زين لهــا..ولا لهلهــا..وحست ان سيف ياهل..وما يفهم شي..وما صدق انـه لقـى احد يهتم فيه..ويبين له المحبه..وبسرعه السيف صدق..وحب مها بهالطريقه..جيه فسرتها روضه.. سيف:هاه السباله شو رايج فالرمسه اللي قلتها.. شيخه:لا اتسب ..وصفت عمرك انك غرقــان..انزين ليش ما زودت عليها انك مقصه و ينقص عليـك بسرعه.. انصدم سيف من اللي قالته شيخه..وما حس بعمره الا ويمد يده..وناوي يعطي شيخوه الحيوانه هاذاك الكف اللي بيرد لها حسها..وبيخليها هي تعرف ترمس ويا منووو.. بس ما حس الا بيدات ناعمــه تضعط على صدره بكل قوة..واترده على ورى..عن ايسوي هالشي ويضرب شيخــاني وينفضح سيف انه مد يده ع بنوتة صغيرونه ما تعدت الثنويــة.. روضه"ويداته لازالت على صدر سيف ومغمضه اعيونها بقوو": دخييلك سيف..طلبتك لا اتنزل مستواك لمستواها.. وقف سيف منصدم في مكــانه..ما كان متوقع ان روضه بتوقفه في هاللحظــه..وتمنعه انه يضرب شيخووه...؟؟؟!!!!!!!!! خوزت رواضي يداتها عن سيف بكل بطء..وفجت اعيوناتهــا..وتمت اتطالع سيف..ما تعرف بشو كانت اتفكر..الا انها ما ودها هالسالفه تكبر وتكبر.. روضه:انتي لج ويــه توقفين للحينه..انقفضي داخل.. سيف:لأ وين تسير..ابغي اضربهــا.. روضه:السيف بلاك انته..ريال شو كبرك..اتمد يدك ع هالياهل اللي ما كملت 17 سنه...؟؟؟ سكت سيف..وحس بإحراج من رمسة روضه..فالوقت اللي ظهرت شيخوه..وكانت النظرات بين سيف وروضه.. روضه:خلاص ما صار شي.. سيف:كيف ما صار شي..؟؟ روضه:امممم..اقول شو رايك تيلس وترتــاح اللحينه..وفليل لا ترقد..تم اتفكر فالسالفه لين ويــه الفير.. سيف:تتمصخرين؟؟ روضه:لأ..انا يالسه ارمس من صج..بعد اللي صار ارتاح اشويه..وخلاف بتروم اتفكر على راحتــك..وبتشوف وين اغلاطك في هالسالفه كلهــا.. يلس سيف عدال فطامي اللي كان وجودها مثل عدمهـا..وحطت روضه قلاص الماي جدام سيف..وتوها بتظهر الا وسيف يزقرها.. سيف:روضه وين بتسيرين؟؟ روضه:بظهر خاري صوب البنات.. سكت سيف..وتم ايطالع الماي اللي جدامه.. روضه: شو تبى؟ سيف:ماشي يلا فارجي.. روضه:سخييف... سيف:وانتي اسخف.. روضه:هههههههه..والله انك يا سيف سوالف.. ابتسم سيف فالوقت اللي ظهرت روضه من عند فطامي وسيف..وهي تدري ان سيف مكسور وهاذا هو سبب تصرفاته الغريبه..؟؟!!! ويا حسافة ما مضى والله..ياحسافة هالغلا كله ليت قلبي ليت متوله..وليتنا في يوم ما اغلينا.. " " .. :: ::أحداث ثـاني أيام العيد:: :: .. " " صبرت وماقدرت اصبر... وانا اتحمل بعد اكثر ودمعي تفجــر اتفجــر … وبلل دمعي رسومك الرمـــاااح.. الســاعه3ونص.. جدام باب الميلس.. الشيخ حمد..واقف جدام باب الميلس..كاشخ وشاد حيله فالكشخه..ومستوي برج مراقبه..للأخت شمســه اللي كـانت من دقايق حادرة الحجرة..فكر بتمثيلية فيها اشويـة اكشن..ومووول ما تردد انه ينفذهــا.. مشى جدا المطبــخ وتم يتريــا شموس تظهر منه..ودقايق الا شموس ظاهره ووراها بشكارتهــم..ميودة صينيه عوده..فيها غرشه كبيرة مال البيبسي..وشيتوز..وحلويات اشكال وانواع..شكلهن البنوتات ناويات ايدقن العيشه دق محترم.. حمد:مرحبا مليووون ولا يسدن افذمتيه.. شموس"ويهها احمر":مرحبااابــك زود.. حمد:شحالج شموس ربج الا بخير وعافيه؟ شموس:يسرك حالي ومن صوبــك؟؟ حمد:ما نشكي بااس..شو عايبنج عيدنا ولا؟؟ شموس:هيه اكيد عايبني دامني بين هليه.. حمد:زين بعد.. وتم ايطالع فووق..ويسوي عمره انه راسه يعوره..عاد شموس زاغت من الخاطر..تمت اتطالع فيه..وهي فاجه اعيوناتها ع وسعهـا..تبغيه يرمـس يقول شي..بس هو ساكت..تمـت اتطالعه. شموس:حمد تانس شي.. حمد:ها؟ شموس:اقولك تانس شي..؟؟ حمد:لا بس احس بدوخــه..احس راسي واايد يعورني.. شموس:انزين شو رايك تخطف جدامي للمطبــخ بعطيك بندول.. مشى حمد وهو مستانس افداخله..بس ويهه موول ما يبين شي..وعالدري اللي كان بيرقيه عسب يحدر المطبـخ..سوى عمره انه بيتخرطف..عاد شموس يودته من يده..وخلته يعدي الدري ..حاولت تفج يدهـا..بس ما رامت..حمود كان ميودنها بقووو..لين ما يلس ع الكرسي وفج يده وعلى طول عق سفرته على الطــاوله..عاد حركات عسب شموس اتشوف شعره الحلوو..<<<شبااااب عليهم حركات قرعه.. البشكارة:هاه شموس ودي هاذا وين.. شموس"اتذكرت سالفة العيشه":هيه وديهـا فوق عند قوم روضه.. البشكارة:جين..<<<يالسه اتذكر رمست بشكارتنا..لووول.. ظهرت البشكارة فالوقت اللي يابت شموس حبة بندول لحمد..وميودة بيدها الثانيه قلاص ماي بارد.. شموس:هاه حمد يود البندول عسب ترتـاح.. حمد"ياخذ البندول":مشكورة شموس..والسموحه منــج.. شموس:بالحل .. وتمت واقفه تتريـا حمد ينش.. شموس:هاه حمد شو ارتحت اللحينه؟؟ حمد:هيه.. شموس:شو اللي حل عليك؟ حمد:مادري بس انا دووم اييني صداع.. شموس:سلامات وما اتشوف شر.. حمد"علني فدااا هالمنطووق":الشرما اييج..السموحه غثيتج .. شموس:لا حمد احن ما بينا هالرمسـه..احن اخوان.. اول شي استانس يوم قالت"احن ما بينا هالرمسه"..بس من قالت "احن اخوان"..حس بخيبة أمل..ههههههههههههههههه.. شموس:يلا انا بسير تامر بشي..؟؟ حمد:لا تسلمين.. شموس:الله يسلمك.. وظهرت شموس ومخليه حمود وراهاه فاج عيونه ويفكــر...؟؟؟!!! من وصلت شموس فوق ..اقصد الصاله..انصدمت يوم شافت العيشه ع الطاوله ومحد مسها..جان اتسير صوب حيرة غبوش لأنها سمعت حشرة.. شموس:هااااي.. الكل:هاايييين.. شموس:شو اتسون.. شجون:كنا نتريـاج .. غبوش:حشى يا خويتي ما استوت عيشه.. شموس"ويهها محمر":لا البشكارة هاي ما تفهم الرمسه..نشن يلا.. خلودي: هياا الى العيشه.. سلامي:عند هاي ما اتصدق.. شجون:الله يعينه هالسلطون..ما بيعين الا الخساير من ورى عرسه.. الكل:ههههههههههههههههههههه.. خلودي: وده هو بس بأي شي حتى لوكانت خساير.. موزاني:الأخت واايد وااثقه بعمرها.. غبوش:خلوها على عماها..اول شهر بيدلعها سلطون خلاف بيخليها تعيش الويل.. شجون:يمكن جدامنا مسوي عمره طيب واحليله.. سلامه : انا خووفي يكون شرات اخته شيخوووه.. خلودي:لا حشى عليه افديت قلبه محد شراته.. سلامي:هيه بنشوف.. غبوش:الا قوم عموتي ليش ساروا من بعد ما تريقوا.. موزاني:عموتي قالت ان ريلها عنده موعد ع الساعه 10 ونص..ولازم ايسيرله.. شجون:مسكين هالشايب بس عليه الا يرابع عند الدخاتره..الله يشفيه ان شالله .. الكل:ان شالله.. ظهرن كلهن صوب الصاله..وقعدن من بعدن ما حطن قناة نجوم..ونشت شموس تزقر فطامي وروضه اللي كانن في حيرة رواضي.. شموس:اقوول الشيخات تعالن كلن لكن شي ويانا.. روضه:دقايق وبنييكن... شموس:اوكيك.. سارت شموس.. روضه:فطامي..السالفه اللي قلتيها عن سيف..من سوي..مادري احس سيف.. فطامي"تقاطعها":اللي يقهرني سيف..كيف رام ايحبها بهالسهوله وتعلق قيها.. روضه:شو انسوي..هاه قلبه.. صخت فطامي.."وانتي بعد رواضي سهيل يقص عليج وانتي ما تدرين..انتي وسيف تغمضوووني".. روضه:فطامي بلاج صااخـه..؟؟ فطامي:.............................. روضه:سو في خاطرج؟ فطامي:اممممممم... روضه"بشك":خاسه عني سي صح..؟؟<<اونه خاشه.. فطامي:................ روضه:رمسسسسي حرقتي اعصابي.. فطامي"متشجعه":روضه انا بقولــج شي..بس ابغيج تفهميني عدل..وما تاخذين افخاطرج..والأهـم..ابغيج اتصدقيني.. روضه:شو اتقولين انتي..وانا من متى اجذبج..رمسي فطامي شو في داخلــج.. تشجعت فطامي انها ترمس..بس ما رامت..لأنها تمت تتأمل اعيون روضه..اللي كانت تبتسم وتبين الفرحه من اعيونهـا..فرحه..بس لو تعرف عن سهيل..هالفرحه اللي في عيونها بتروح وما بتترك الا دموع تنذرف ليل ونهــار.. لمحت فطامي هالإبتسـامه العذبه للي ع ويه روضه..اتخاف ان هالإبتسامه اترووم وتودع رواضي ان درت عن سهيل..ردت مرة ثانيه وطالعت اعيون روضه..اللي كانت اترمش برموشها الطويله وتسوي حركات استهباليه ..خافت فطامي ان هالروح المرحه وحركات الإستهبال يودرون روضه لو درت عن سهيل.. خافت فطامي ان كل شي حلو في حياة روضه يختفي ..خافت ان روضه تتغير..ويندفن فرحهـا ووناستهــا..خافت من كل شي..فسكتت.. روضه:يلا بلاج ما ترمسين؟؟ فطامي:خلاف بقولج..؟؟ روضه:أمممممممممم.."شافتها متضايجه وما حبت انها اتحن عليها"..اوكيك الغلا ع راحتج.. وقفت رواضي جدام المنظرة وشلت الجحال اللي كانت فارتنه ع التواليت..وتمت اتجحل عيوناتها "ناسيه شلة البنات اللي فالصاله"..ومن خلصت ردت الجحال مكانه وطاحت عينها ع الورقه اللي ملصقتنها ع المنظرة..وقرتها بصووت مسموع.. "لازال القلب ينبض بحبــج" روضه:تدرين فطامي كل ما اشوف هالستكر الصغيرون"الورقه الصغيرونه الملون..أكيد تعرفونه؟؟"اتذكر سهيل افديت قلبه..تدرين توني امس شايفتنه ..افدييييت روحه كيف كان كاشخ..وفديت عيونه كيف سلبن قلبي..يالله يعلنيي ما ذووق حزنه.. كيف اتقولهــا؟؟وطاري سهيل ما يفج لو دقايق عن لسـانها..كيف وروضه ما اتشوف الا سهيل..كيف..؟وهي حياتها اسهيل..كيف وقلب روضه ما ينبض الا بمحبة سهيل.. صعب..صعب انها تصدمها واتقول ان سهيل يقص عليها ويلعب باحاسيسهـا..صعـــــــ!!ـــــــــــب؟؟ طنشت فطامي كل هاللي غزى فكرها.. فطامي:يلا بنش عن ياكلن عن كل شي..ويلهفن ابووه.. روضه:هيه والله ايسونهـا..انتي ما تعرفين بنانا"موزاني" كيف نذله.. وسارن يربعن صوب البنوتات.. . . . . . . . . . رووح ابتعد وانســى عناي..واترك عذاب امولعــك.. مسموح ابعد عن هواي..مقدر اجامل واخدعك.. عــراقيب الرمــاح.. السـاعه 4ونص.. نزل من سيارته ..وهو متضايج ومهموم..معقوله هو ايصير فيه هالشي..كيف سمــح لشيخه تلعب لعبتها عليــه..كيف..وهو السيف تندم على كل لحظه فيه سمع صوت شيخه..وتندم على هالمشاعر اللي تسكن قلبه..تندم على كل شي حلو كان بينه وبين شيخه.. السيف..اللي يسرق اقلوب العذارى..اللي لاخطف..ترك شي فقلوبهــن..كلن تتمنـاه..وودها بس بنظرة من اعيونه.. .. \ / .. ~ :: ₪:: صعب ::₪::~ .. .. صعب انك ما تعطي الا المحبه والوفا والود لشخص تغليه..ولكن ياللأسف فالأخير تنصدم فيه.. صعب يوم انك تكتشف ان الصدق ولا المشاعر البسيطه عاشت افقلبه..مثل ما عاشت افقلبــك.. صعب..تعيش وانته تعرف انك مخدوع.. صعب..تنسى من جرحـك.. صعب..تنسى حبن عاش ايام فيك..حبن كان من اولياتك.. صعب..تعيش الفراق.. صعب..تمنع الدمعه.. .. \ / .. ~ :: ₪:: قهــر ::₪::~ .. .. يوم تكتشف ان قلبك مخدووع..وان قلب اللي تعزه خدعك... قهر..يوم اتحس عمرك وحيد..مفتقد شي ثمين.. قهر..يوم تقتنع ان خلك الي لعب بمشاعرك..وباحاسيسك..كان جذاب.. قهر..يوم تعرف ان خلك اللي كنت ما تحيا الا بسماع صوته..وما اترقد الليل بسبته..خلك اللي مالك قلبك..مستحل شجونك..فارض وجوده بقوه في عالمك..كان يلعب عليك.. قهر..يوم تعرف انك ولا في يوم هميته.. قهر يوم تتذكر انك حبيته... قهر يوم يفارجك وهو مبتسم.. قهر..يوم تلمس كفينك الدمعه ..وينجرح منها خدك.. .. \ / .. ~ :: ₪:: تنـــدم :: ₪::~ .. .. على أيـامك الحلوة.. تندم..على ذكرياتك المرة.. تندم..يوم انك طريت طاريه..و انك عشقت شوفته.. تندم..على الحب اللي في قلبك.. تندم..على هالتجربه القاسيه.. تندم..على قلبك المجروح.. وتندم..على الدمعه اللي طاحت.. .. \ / .. ~ :: ₪:: تفهم ::₪::~ .. .. ان الحزن لا بد في يوم يروح.. وبتفهم ان الأيام الحلوة بترجع..والإبتسامه بترد.. بتفهم انك بتلاقي الصعوبه في دربك.. وبتفهم انك بتلاقي شخصن يفهمك.. وبتفهم ان شموخك تعدى مفارقيـنك.. وبتفهم ان الدمعه غاليــة.. \ / منو هي شيخه عسب تحتل هالتفكير كله..وحده لا راحت ولا يت..انا ما يخصني فيها..واذا عن اللي في قلبي..شي سهل..بنساها..ومستحيل اذكرها.. هاي ياهل وما تعرف شو اتسوي..بس الأيام دواره..مثل ما ودرتني اليوم..وقصت علي..بييها اليوم اللي بتعاني.. \ / . . . دق تيلفونــه..وكان المتصل حمد.. سيف"مبتسم":مرحبااااااااااااااااا مليووووون ولا ايسدن افذمتيه.. حمد:منو انته؟؟هههههههههههههههههههههه.. سيف:ههههههههههههه..تستهبل..؟؟ حمد:لا احاول..شحالك يا ريال؟ سيف:يسرك حالي ومن صوبك؟؟ حمد:ما نشكي باس.. حمد:وينك من بعد الغدى ما شفتك؟ سيف:شخطت بالموتر صوب العراقيب.. حمد:ياهي مصيبه..توها الشمس حاره.. سيف:ماعليك اللحينه بتهب نسايم العصير.."يقصد العصر".. حمد:المهم الوعد فالعزبه.. سيف:غايته.. حمد:يلا خلاف برمسك.. سيف:الله يحفظك.. بند سيف عن حمد..وتنقلت اعيونه اتناظر هالعراقيب اللي يعشقها..ما غيرها هي اللي تواسيه.. يأ في باله انه يرمس فطامي..بس غير رايـه.. والله لولا رمش عينك وعهدن مضى وياك وانك تساوي روحي يا بعد روحي وقلبي يداريك ارخصت لك عمري وعيني تتمنى شوفك ولقياك وعندي امل بالحب يا قلب لا خابت رجاويك.. بيت بو خليفه.. حيرة موزانــي.. موزاني:هاه خلودي طالعي شو رايــج؟؟ خلودي"مييته على صورة سلطان":وااايه افدييت هالصوورة..خوزي غبوش خليني اشووف.. غبوش:حشى عن تــاكلني...اقول بنانا ما مداج اتسوينها..توها الا امس عاطتنج اياها.. موزاني:تراني نشيت من وقت..فقلت دام ما عندي شغله اعدل صورة حبيب خلودي.. خلودي:واايه والله انج احلى بنانا فالعالم..ربايعي بيتخبلن عليه.. غبوش:عاد هاي تباه حق الخقه.. خلودي:انقققلعي ومااالج خص.. موزاني:بلااج سلامي مويمه..؟؟ سلامي:هاه ما فيني شي... غبوش:اووونه.. خلودي:مسكينه وااقع ما شافت خلوووف.. غبوش:اممم..هاذا هو السبب..اكيد ماشي غيره.. سلامي:يالله كيف متفيجــات.. خلودي:طالعن ويهها شقايل ...هع هع هع .. سلامي:ضحكتي بليا ضرووس يالسباله.. خلودي:ما عليه ...يالعنز.. موزاني:بسسسسسكن.. وشوي الا يدق تيلفون خلودي..ومن غيرها رواضي"أم الأخبار".. روضه:اقوول حطي ع السبيكر.. خلودي:لييش؟؟ روضه:ياخي اللحينه بتعرفين.. خلودي:ياخي..؟؟حشى جنها الا ترمس واحد من الشباب.."وتحط ع السبيكر"..حطينا يا الآنسه الحلوة..غردي غردي.. روضه:سو قالولج عصفور..؟؟ موزاني:رمسي .. روضه:منو انتي بنانا...هلا والله كيف الحال ربج الا بخير.. غبوش:وااايه الترااب..رواضي عن الإستهبال.. روضه:لا وغبوس بعد..يامرحبا مليون..شحالج غبوس وسو علومج..<<طالعوا مرة شين ومرة سين.. سلامي:اوووهووو الرووض رمسي عاد شو عندج؟؟ روضه:مرررررررررررحبا وسلامي بعد..اسميييكن..شحالج خلووف ربج الا ما تسكين بااس.. سلامي:ماا تسكين؟؟مااااا تشششششكين.. روضه:اوووه عن المصخره..لا اظهرلج اللحينه والعن خيرج.. سلامي:لا اذا السالفه فيها لعن بصخ ابرك لي.. روضه:زين بعد..اقوول ما دريتوووووا..؟؟<<هاي كلمتها قبل ما اتقول أي خبر..!!!!!؟؟!!! الكل:شوووووووووووووو..؟؟؟ روضه:بما ان الشيخه روضه بنت راشد بن سهيل الـ........ـي ..اقنعت يدتها انهم اليوم العصير يسيرون العزبه وييلسون فيها لين المغرب.. الكل تم يصارخ لأنهن من زمان ما طبن المرة.. غبوش:يااااااااااالله علني فدى سوسو.. روضه:امنو هاي؟؟ غبوش:انتي.. روضه:شو بعد سوسو..؟؟ خلودي:سهيل بعد ما يباله.. روضه:عنلااااااااااتكن يا مسودات الويه .. قسم بالله انكن ما تنعطن ويه..جب جب ماشي سيرة الا انا وشجون وفطامي..انقلعن.. سلامي:افاااااااااا..وانا سلامي اخت سهيل... روضه:جب انتي اخر من يرمس..انقلعي.. موزاني:وانا؟؟ روضه:لا..محد بيسير.. خلودي:وانا؟؟ روضه:لالا.. غبوش:يا غبيه انا يالسه اسولف فياج..انا اعلق عليج يوم اتقولين سو..ما اتقولين شو.. موزاني:هيه صدقيني غبوش ما اتحب تجذب.. سلامي:تدرين بها انتي.. روضه:اونتي موزاني متى وقفتي افصفهن.. موزاني:هاه؟؟في صف منو.. روضه:شو هالبقره..هب انا وانتي فريق وهاييل البقرات فريق.. موزاني:قسم بالله نسيييتج.. روضه:كنت افكر انيه اخليج اتسيرين وياي..لأنج كنتي في يوم من االأيام في فريقي..بس اللحينه غيرت رااييي ومااشي سيييرة.. الكل:ذلليييييييييييييييتييييييييييييييينا.. موزاني:حشى ما ينرزى علينا.هب عزبه..لندن مغبرة..<<اونه عليها غبار..لووول.. روضه:نيااهااهاههاهاهاهاهاا...يلا يلا اتزهبن كلكن وبنسير اربااعه..ياخي والله خاطريه اسرق سيارة من زمممممااااان ما سرقت.. موزاني:افديييييييييييييييييييت هالخشم الله..والله انا خاطريه اتسمع ميحد ويااج.. روضه:امممرة بنت العم ما طلبتي..بس خلينا نسير شوفي الأكشن اللي بيستوي.. خلودي:انتن اييه بلا فظايح... غبوش:هييييييييها ما تدرين بهن انتي شو يسون.. سلامي:بس عليهن يسرقن فالسيايير وحمد وسعيد يراكضون ورانا..وانا وغبوش اقلوبنا متقطعه من الزيغه.. روضه:هههههههههه..ابحث عن فضووولي.. غبوش:كح كح كح كح..اغبااااااااااار.. موزاني:مازالت متسمكه بمجلة ماجد.. روضه:لا افديتج بس اتذكرها..انقلعن.. ورقعت الخط في ويهن...جان يتناقعن ضحك..ويربعن صوب بيت قوم روضه.. . . . . . . . . هاذا هو الزمن..يلف ويدور.. اليوم انت جرحت.. اصبر ايام وعليك الدور.. بيت بوسلطـان.. السـاعه 5.. الصــاله.. كانت شيخاني طايحه ع الغنفه اللي جدام التي في بالضبط..ويالسه اتجلب فالقنوات ..ومن غنيه لغنيه..ومستانسه ع الأغاني وشاد حيلها وهي اتغني"اوني صوتي حلو"...اقوولكم تراها الأخت قااصه على عمرها..يلا عاد انتوا ايلسوا اضحكوا عليها..هع هع هع هع .. الموووهيــم..<<يالله يا هالكلمه ما تفارجني.. كانت الأخت ناسيه سالفة سيف..يعني ولا هامنها..واثقه ان سيف ما بيسويبها شي..مع انه كان عصبي يوم رمسهـا..وبعدين حتى لوكشفها وقال لسلطان عن سواياها..كيف بيروم ايقول لسلطان انه كان ايرمس اخته..؟؟!! وبعدين عادي عند شيخوه مسودة الويه تنكر..واتقول ان سيف يتبلى عليها..شفتوا كيف الناس..؟!! فاللحظة اللي شيخاني مرتبشه بالأغاني ومستانسه..انفـج باب الصاله وحدرت امهـا.. أم سلطان:السلام عليكم.. شيخاني:وعليكم..وين ابويه..؟؟ أم سلطان:شيخوه علني فداااج..اللحينه اخوج يوم يدق عليج ليش ما تردين.. شيخاني:يمايه التيلفون فارتنه فووق<< أكيد مالها حايه فيه من بعد سيف.. أم سلطان:وشله فارتنه فوق..الله يهداج ابغيج اتزهبين اثياب حق ابوج.. اللحين انا صاكه خط دبي رايحه راده بسبة اثياب؟؟!!! شيخاني:وليش اثياب لبويه..تراج قايله انه موعد وبتيون.. أم سلطان:تراه تعب اهنــاك..وقالوا لازم ايرقدونه..وانتي ليش ما دقيتي تتطمنين على ابوج..؟؟ شيخاني:اممم..نسيييت.. أم سلطان:نشي نشي ييبيلي ماي ابغي ارتـاح اشويه..سلطان نزلني ومادري وين سار..قال نص ساعه وبييني..بتسيرين ويايه عسب اتيلسين عند ابوج؟؟ شيخاني: لالالا..انا ماداني ادبي..بيلس اهنه.. أم سلطان: جيه..اقولج انا برقد عند ابوج..وسلطان عنده زام..بترقدين اروحج؟ شيخاني: يالله يمايه دومي الا ارقد اروحي..وجدكم ولا عدمكم واحد..شو بيستوي ابيه.. سكتت ام سلطان يوم سمعت ان وجودهم وعدمهم واااحــد عند شيخوه..وحست بالعبرة خانقتنها.. شيخاني: جاارينا..جاارينا.يالعنز تعالي...<<هاي بشكارتهم اسمها جارينا.. ام سلطان:شو تبيغين ابها..؟؟ شيخاني:اتييبلج الماي.. ام سلطان:هكوه المطبخ جدامج خطوتين وحدرتيه.. كانت تقصد المطبخ التحظيري.. شيخاني:مافيني انش..هي بتييبه..<<<عملااات صدااج متعايزة اتييبين ماي لأمج.. نشت ام سلطان وهي ميهوده من المرابع للدخاتر وصك خطووط دبي وبوظبي..ويوم تبغي اترد البيت واتلاقي الراحه.. ما اتشوف الا شيخوه ورمستها وحركاتها اللي تغثها.. سارت للمطبــخ وشربت لها ماي..وسارت لحيرتها وصلت العصر وتمت تدعي ان الله يشفي ريلها ويهدي شيخوه.. "ومن صوب ثـاني"..كانت شيخوه مجابله التي في..لين ما يتها حصوه الخبله...بس ما خبرتها عن اللي استوى بينها وبين سيف..عن يحترق ويهها جدام حصه.. بس اللي قالته لها..انها ما استوت اترمس سيف وايد..وسوتله طااف نهائي..يعني للأبد.. . . . . . . . . . يذكرك مشتاق ولا مره نساك اشعر بقربك ولو انك بعيد يا حبيبي مالي بالدنيا سواك لاجلك اسهر وانظم بيوت القصيد.. الرمــــاح.. "العــزب" الساعه5 ونص.. صدت روضه صوب شموس وموزاني.. روضه:ييها العيوز الللحينه بتلعن حير البيادير..الله يعينهم.. تناقعن البنات ضحك..اليوم روضه هب ناويه ع خير..كل ساعه طايحه ع وحده من العاييز ..لووول.. فطامي:يلا الرووض نشي بنسرق لنا سيارة.. شموس:شوووو؟؟ فطامي:نسرق سيااااااااارة..انتي ما تعرفينها هاي الروضه اكبر سراقة سيااايير.. روضه:انزين نشن شوفن الأوضاااع..وشو من السياايير موجوده.. موزاني:اشراايكن انطيح ع النيسان الأسود.. روضه:"تتذكر صراخ سيف ع شيخوه"لالالالا..هاذا مال سيف.. موزاني:وشو يعني..ذيج المرة سرقنا استيشن محمد.. فطامي:صج يلا..سيف ما بيقول شي.. موزاني:نششي رواضي قسم بالله سهيل سار من شوي ويا خلوووف وحميد.. روضه:يلا يلا..فطامي عليج اتييبين السويج.. فطامي:يلا بسيرله بقوله ان ناسيه شي في السيارة ما ظهرته وياي.. سلامي:هاه المسترغدات ناويات تسرقن.. ام راشد:يسرقن شووو؟؟ روضه:نسرق الحلويات اللي عندها ..تدرين ابها سلامي كيف نذله..موول مامدت بشي صوبنا.. ام راشد: يييها ع بالكن ما فهمت..الروض يا ان مديت يدج ع سويج وحده من السيايير اسمييني بوسمج في يدج..عسب تتأدبين.. روضه:لا امايه حليمه تركت عاداتها القديمه..<<مثل من راسهــا.. تمن البنات ايشوفن فطامي وهي تاخذ السويج من عند سيف..لأن الرياييل كانوا قاعدين امممرة جدام الحرمـات..عاد فيه نظرات بين شموس وحمد..لووول.. تمت العمليـة بنجــاح..ويتهن فطوم سالمه غانمه..ونشن الروض وفطامي وموزاني.. فطامي:يلا انتن تعالن.. غبوش:الروض يوم اتسوق تسرع بتنفدنــا.. روضه:لالالا صدقيني بخفف السرعه.. غبوش:وعد؟؟ روضه:وعد..نشي يلا.. ونشت غبوش وياهن.. روضه:يلا شموس شجون شو تترين.. شجون:لا انا ما احب اركب وياج.. روضه:لييش؟؟ شجون:بس جيه..اخاف تدعمين ولا شي..واحن الضحايا... موزاني:يلا عاده نشن.. شجون:لا والله انا مالي خاطر.. فطامي:يلا سلامي.. سلامي:لالالا مستحيييييييييييييل مستحيييييييييييييييل اسير..ذيج المرة ادموووعــي كانت اربع اربع.. موزاني:وانتي خلودي.. خلودي:حبيبتي انا ورايه عرس وورايه شخص يموت فيني..ما بسير بيلس عندهــن.. روضه:قسم بالله سخيفات ولا عندكن سالفه..يلا غبوش فطامي موزاني براايهن ينقعن.. وسارن هاييل الشله وركبن السيارة"النيسان الأسود"وبما ان السيايير صافينهن ورى شبوج"أكيد تعرفونه" الرجـاب..محد لاحظ ان النيسان ودع..لوووول.. كانت السرقه ولا احلـى..شلة رواضي ابتعدن عن العزبة.. رواضي:انا مالي خص تشغلوون اف ام يعني اف ام.. فطامي"كانت يالسه جدااام":انزين اه من قلب والله ربششششه.. رواضي:ملليييت منها..بنحط اف ام.. وحطت رواضي اف ام عاد حاطين آآه من قلب.. رواضي:شووووو؟؟لالالا ويهي احترق..<<وتصد صوب فطامي.. فطامي:ههههههههههههههههههه.. موزاني:عنلاتــج رواضي سرعي..شو هالسرعه الميته.. فطامي:صح والله ليش اتسوقين بشوي شوي.. روضه:تبوني اسرع؟؟ فطامي وموزاني:اكيدددددد.. عاد اللحينه طاار النيسان ورواضي مسرعه وغبوش وشوي بتصيييييح.. غبوش:وووووووووووووووووووواااااااااااااايه وقفن عنلااااااااااتكن ووقققققفن.. روضه:ياليتها قالت خففن قالت وقفن.. موزاني:لوووووووووووووووووووووووووول.. فطامي:يعني بتتريييين واااااايــد ..هع هع هع .. روضه:انا الغبيه اللي يبتج يالياااهــل..بتسكتين ولا اتشوفين هااييج السمرة بعقج اهناكي..<<<اكيد تعرفون السمرة..شيرة صغيرووونه.. الكل ماعادا غبوش :هههههههههههههههههه غبوش:رووضه عاده تركي الإستهبال وخففي اشويه..شيلتيه بتطيير. فطامي:عادي سوي دعاية بانتين.. الكل:ههههههههههههههههههههههههه.. ويلسن ايغنن ويا الأغنيــة..ومرتبشات وموطيات الجامات..وحالتهن لله من زوود الوناسه..اشوي الا موزاني اتصاااارخ.. موازني"منصدمه":واااااااااااااااايه الترااااااب بوشهاب البوليسي يأ بيلقي القبض عليييييينا.. غبوش:وياه واحد ..منوو هاذا..لابس كندورة سودا وسفره حمرا.. فطامي"اتصاااارخ":ياااااااااااااالسباااالاااااااااا ااااااااااااات هاذا سيف ااااخووووووووويــــــه.. روضه"اتسولف":شووو اخوج يطقم ويا نيسانه..؟؟؟هع هع هع "استوعبت السالفه"..شووووووو ..سيف..يا ويلي يا ويلي..والله بيذبحني هالريال.. غبوش:وقفي وقفي السياااارة.. روضه:بوقفها وبهف ورى بيلس عندكن..يا ويلي بفتنون عند يدوووه.. وقفت السيارة..وفطامي على طوول نطت من مكانها ويلست ورى عندهن..تدرونبه عاده النيسان الكراسي اللي ورى صغيرونات.. روضه:يااويلي..الريال بيي بيشوفني يالسه مكاني.. غبوش:تستاااهلين يالمقوي.. روضه:جب يالعنز..خوزن سولي مكان بيلس عندكن..موزاني:يلسي على هالكرسي..الريال يأ.. روضه:يا ويلي.. وتنط من مكانها وتيلس ع الكرسي اللي عدل كرسي السواق..وخلت كرسي السواق فاظي..هع هع هع هع هع.. وقف النيسان الأبيض..وظهر منه حمد اللي كان لابس كندورة بيج وسفرة على لون الكندورة..يشد حيله..لووول..وشيف مثل ما تعرفون كان لابس كندورة سودا وسفره حمرا..غاااديه عليه اتغرم.. وقف سيف عدال جامة السواق ..ونظراته بين رواضي واللي يالسات ورى...ورافع واحد من حيـاته.......................؟؟!!؟؟!!!؟؟؟!!!. . . . . . " انتهي البارت " . . . أدري معصبين وودكـم اتكفخــوني.. لوووول لأني دوووم أوقف عند لحظــات.. تحمس حق الباارت اليـاي.. الموووهيـــم.. تتوقعــون بن المر شو بيسوي فيهــــن؟؟ وهـل بينسى شيخووه"مهــا"ولا بس قاعد ايقص ع عمره..؟؟ تتوقعون فطامي بعد الأفكار اللي يت في بالهــا هـل بتقول لروضــه..؟؟!!ولا بتخلي القدر يلعب لعبته بدون أي تدخل..؟؟!! تتوقعون هـل حمد وشموس بيي اليووم وبيجتعووون..؟؟ وووبس.. ما عنــدي اسئلــة..لووول.. ترقبوونــي في البارت اليـــاي.. ترى بعد فيه أكشن.. هالمرة ثلاث بارتات اكشن..دفعه وحده.. هع هع .. ذياب له دور فالقصه ... وبتعرفون شخصيته من خلال البارت اليــاي.. وشو بعــد..؟؟!! وبس.. تحياااااتي |
تسلم ونتريا الباارت الياااي بس بسرررررعة لا تبطي علينا |
.. ياااااي البااارت كشـخه .. يسلمووو ... ونتتـرقب آلبآآرت آليآآآي ,, |
الــ ج ــزء الثــالث ع ـشــر.. ••.•°¯`•.••فقدتـــك••.•°¯`•.•• آه من قلــب(ن) غ ـدا ح ـبــه ج ــنوني وآه من خ ـل(ن) ع ـلى بالي طرى لي سطــا فالروووووح و تملك شـ ج ــونـي من صدوده يا مـلــى دمـ ع ــي جرى فالمحبــه يا عـرب لا تـ ع ـذلونـــــــــي لانه ح ــبـه في فؤادي قد سرى ح ــبه الي صار لـي ع ــمـري وكوني ما نسيتــه لو ج ــرالي ما ج ـــرا يا بدر نوار ما بيــن المـزونـــــــــــي منـزلك فوق الثــريا والثرى لو يهــون الــ ح ــب قدرك ما يـ هـ ــوني لأنه ع ــينــي غ ـيرك انت ما تـرا من غ ـلاك اتخيلــك دوم فـ ع ـيونــي شوف ح ـالي كيف ع ــقبــك مـ خ ـطرى لك غ ـلا لك حب في دمــي مـ خ ــزوني يا لزيمــي حتى في نومــي ترى بس رج ــوى لا تـ خ ـيــب لي ظنــوني لا تشمـــت بي ع ـدون) مادرى) آه من قلــب(ن) غ ـدا ح ـبــه ج ـنونــي وآه من خ ـلــن(ن) ع ـلى بالي طــرا وقف سيف عدال جامة السواق ..ونظراته بين رواضي واللي يالسات ورى...ورافع واحد من حيـاته.......................؟؟!!؟؟!!!؟؟؟!!! سيف:منو اللي كان يسووق؟؟ كلهن سكتن ومحد رامت ترمس..الا بعد مووت.. روضه:محد كان يسوق.. سيف"يطالعها بنص عين":لا ..؟؟حلوة الصراحه..كل يوم عيديهــا..ومنو ياب الموتر اهنه.. روضه:مدري.. سيف:يأ اروحه.....؟؟؟؟ روضه"بغباء":هيه.. سيف"يصارخ":رمسسسسسسسن منو اللي صارقه الموتر.. البنات من سمعن صراخه كلهن نقزن من الروعه"الخوف".. ومارامن يرمسن..متروعـات عن ايسوي فيهن شي... سيف من شاف اشكــالهن تم ناااااقع ضحـــــك ..--->>> عـــاد اتخيلوا الشكــل..ادري اللي يحبن السيف ذايبات ع الكيبورد نشن خلونا انكمل البارت..نياهااههاهاهاهاها.. الموووهيم.. يأ بوشهاب في هاللحظه..عاد بوشهاب زام خشمه من الخاطر..ع باله شموس عندهن..هع هع هع .. حمد"بابتســامه تسحر وعاد لو شفتوا النظرات":شو السالفه..؟؟ سيف:ماشي يديد سراقة السيااييير ردت وسرقت من يديد.. روضه:سوووووووووووووو؟؟انا ما سرقت شي..--->>أكبر جذابه فالعالم.. عاد من قالت سووو..تم سيف ميود ضحكتــه..وفجأه تم يضحك.. روضه"عاقده حياته":ليش تضحك؟؟ سيف:سوووو..ههههههههههههههههههه.. حمد: احن متعودين عليهــا..امنو من اللصوص ويــاج.. ودخل راسه من الجامه ويطالع منو ورى.. فطامي:لا اتخاف شموس محد....هع هع هع هع هع.. اهنه احترق ويه حمد وصد صوب سيف..عاد سيف تم يرقص حياته فوق تحت.. سيف:من ورانــا.. حمد:لا الشيخ من جدامكــم..بتخبركم انتن ليش جيه زايغات..؟؟ سيف"بخقه":مني.. حمد:امححححق ليل في ذمتيه..يلا بوهنــاد اتســابق..؟؟ سيف:ياخي لا تحرج عمرك جدام البنــات.. حمد:انته اللي لا تحرج عمرك واعتذر عنه من اللحينه.. سيف:اوكي..بنشوف اللحينه.. سار حمد فالوقــت اللي سيف فج الباب وركب سيارته .. عاد روضه ويهها أحمر ليش انها راكبه جدام وعدااااااااااااااااااااااالــه..!!!غيرج يتمنى..هع هع ..فهمتووا صح؟؟ أمــا فطامي شاااقه الحلج ..لأنها تستاانس واايد يوم اتشوف روضه وسيف ويا بعض..هع هع هع.. موزاني مستاانسه..الأخت بتشهد سباااق..عكس غبوش اللي دموعها ع طرف اعيونهــا تتريا سيف يسرع اشوي ويطيحن على طووول..لووول.. بدى السبــاق..وكل واحد شـاد حيله..اتفقوا انهم ياخذوون لفــه ع عزبهــم كلهــا..يعني 3 عزب.. ××× فــي سيــارة سيــف××× روضـه:مب كأنه اخوويــه احرجك جدامنــا.. سيف"يطالعها ويتمعــن في جمالها اعيونه زايغه هالريـال":اللحينه بخليه ينحرج جدامكن وجدام اللي قــاعدين كلهــم.. وأشر علــى الرياييل اللي يالسين"بومحمد وبوسهيل وبوخليفه..وسعيد ومحمد وحمدان"..وأشر علـى الحرمــات واللي عندهن قعدن شـجون وسلامي وخلودي.. سكتت روضه..فالوقت اللي رمست فطامي.. فطامي"تضرب رواضي ع جتفها":اييييه شغلوا المسجل نبغي نرتبش.. موزاني:صج والله ليش جيه.. مدت روضه يدها ع المسجل فالوقـــت اللي سيف حط يده ع يدهــا..ع اساس انه بيبطل المسجل..وبسـرعه..كل واحد منهم سحب يـده..وطبعاً محد انتبه لهالحركه الا فطامي الا تمت تضحك مستانسه بس ع السايلنت.. روضه"اتطالعه":يلا شغلــه.."تصد صوب فطامي"فطامي شو تبين..؟؟ فطامي:ما يبالــه آآه من قلــب.. وحط سيف آآه من قلب..ورواضي كل ما اتصد صوب فطامي..واللي ورى اتطيح عيونهــا ع سيف تلقائيـاً.. روضه:حشى هب اسبــاق..وانته ليش متأخر..لو ادري جان سرت ويا حمــد..انا احب افووز.. سيف:واللحينه بتفوزيــن.. اهنيه طـــــاااااااااار النيســان الأسووووود..وغبوش ميودة موزاااانــي بقووو..وموزاني وفطامي ورواضي مســتانســات.. انتهــى السبـاق وطبعــاً السيف بن المر فــاز"اكيد استاانستـن حزب السيافي"..روضه بعد كـانت مستانسه..لأنها ما اتعودت ع الهزيمــة......؟؟!!!!!! وقفوا حمد وسيف سيايير عدال يلستهـم..يعني ما وقفوها مكــانهن الأولـي.. روضه"تحرك حياتها":هع هع هع ..حموود ويهــك محترق جدام شموووس... حمد"خايف":هاه..؟؟لا شو اتقولين انتي؟؟اكيد شموس ما انتبهت.. روضه:اها..انزين لا اتصيحين.. حمد"يضربها ع راسهـا":انا اصيح ؟يالبقره.. فطامي:اييه انا ما ارضى على رواضي.. حمد:جب انتي لا انهي وجودج عن الكرة الأرضيه.. سيف"ظاهر من السيارة وسمعهم":تنهي وجود امنو؟؟لا يكون فطامي.. حمد:هيه عيل منو غير هالملسونه.. سيف:انهي وجودك قبل لا تنهي وجودهــا..:77: الكل:ههههههههههههههههههه.. "هاي كلها السوالف عند سياييرهم..وغبوش وموزاني سارن صوب البنات.." حمد:اقول بن المر شفت ويهك فالمنظرة قبل لا اترمسني.. سيف:اقول لم ثمك بنسير عند الريايييل..خلني اتخقق (عاد انتو فهموهااا )اللحينه..:78650: حمد:الله يعيني بس..يلا باي.. و مشو سيف وحمد صوب الرياييل وهناك حصلوا سعيد اللي يلس يتمصخر عليهم وع الي عنده.. فالوقــت اللي روضه وفطـامي ســارن صوب الحرمــات..عاد من يلست رواضي..استلمتها يدوتها.. أم راشد:انا هب قايلتلج ما تمسين السياايير... روضه:امايه من شفت النيــسان ما قاومت.. سلامي: ليش النيسان كافي.. الكل:هههههههههههه.. روضه:هاهاها..نكيته الأخت سلامه..ويا ويهــج..انزين امايــه هاي اخر مرة خلاص ما بعيدهــا.. ام راشد:يا ان عدتيها يا رويض شوفي شو بيستويبج..ان ما وسمـتـج في يداتج ..عسب اتوووبين وما اتسوينهــا.. فطامي:اممممرة عااااده..تونا قبل ما نسرق قلتي هالرمسه واللحينه اشوفــج ما سويتي شي..اللهم انج عدتيها بس.. روضه:جب انتي يالعنز..انا ومامايه متفاهمات..انتي شو لج امبينا واتحبين اتخربين بينا واتحبين اتخربين بينا واتحبين اتخربين واتحبين اتخربين بينا إلى مالا نهايه..حشمي عااده ولمي ثمــج ومــالج خص بيني وبين امايه العوده..وبعدين انا ما اهووون على امايه افديتتتهــــــا.. ام محمد:ياهالبنيه عليها رمســه..ما انقول غير الله يعينــــا.. وتمن البنوتات يالسات عند الحرمـات سوالف وضحك ورببشه..ويوم قريب الشمس بتغيب ركبوا سياييرهم وصووب بيتهم على طوول..أمــا هل سويحـان ساروا الرمـاح وشلوا ثيابهم وقشارهم وعطنوا لسويحــان..وفطامي امعصبه الا تبغي تيلس عند قوم رواضي.. كاانن البنات ناويات انهن يسيرن صوب سهيله..لأنهن ضاريات كل عيد يتيمعن فاليوم الثاني عند وحده من ربايعهن..وهاك العيد كانن متيعمات عند موزاني..وهالمرة عند سهيلوووه..وطبعــاً كل وحده بتكشخ زوود عن الثاانيه.. × في بيت بو خليفه × كــانت موزاانــي وااقفه عند باب حيرتهــا واتصارخ عسب حد من اللي يالسين تحت يسمعهــا..لأنها من متى تتريــا البشكارة اتيي عسب تعطيهــا عبايتها اتكويهــا.. موزاني:حوووووووووووووووووووووووه ياعرب يا ناس هل من مجيب؟؟ حمد"شال البيت بصوته":نعم نعم نحن هووونــــــــــــــــا.. موزاني:بلييييييييييز حمووودي طرشلي وحده من البشاكير يعلهن النفاد.. حمد:لا انا استحي ارمسهن.. خلوف وحمد:هههههههههههههههههههههههههههههههههه موزاني:وووواااييييه يالسخافه اوصلت حدهـــا..خلوف انته اهنيه؟؟ خلوف:اااااااامري ياااااا عيووون خلووووف.. مووزاني:فديييت راااعي الأسلوب والله..دخييلك طرشلي وحده من البشاكير.. خلوف:لالالا... موزاني:ليييييييييييش؟؟ خلوف:كنت بساعدج بس اللحينه غيرت رااايي.. موزاني:ماا عليه يالنذل..قسم بالله بترودون اليه بعدييين انا ما سويتلكــم طاااف.. أماااااااااااااااايـــــــــــــــــــه..امااايه فديييييتج وينج..؟ حمد:اووه العيوز من اشوي شخطت سيارتها وما انشوف الا غبارهــا.. خلوف وحمد:هههههههههههههههههههههههه.. موزاني:تتمصخرون عليها والله اخبرهــا.. خلوف:عاادي عااادي..نش يلا بنسير صوب سهيل.. خلوف:يلا.. ونشوا.. موزاني"اتصارخ عسب يسمعونها":والبشكاااااااااااااااااااااره..؟؟ حمد:اكيد فالمطبخ.. موزاني:انزين ازقرها شو بيستويبك ياااخي.. حمد"يغلس عليها":مااااارييييييد.. موزاني:خلووووف؟؟ خلوف:................... موزاني:ماااعليه تتلاعبون ابيه... بس قسم بالله ارويكـــم.. خلوف:اووف حشرتينا ارويكم ارويكــم.. عصبت موزااانـــي ورفعت خشمهـــا فووووووق..اتقول سارية علم..هع هع هع ..تشبيه بلييغ..المووهيم..من نزلــت..اخوانها كل واحد منهم فج ثمه زوود عن الثــاني.. كــانت موزاني لابســه تنورة زينونيــة وفيها دانتيلات ورديه من تحت..وبدي وردي وعليه جاكيت سويتر زيتوني..ورافعه شعرها كله فووق بشباصه ورديه نازله منها سلاسل..ومنزله خصلات ع الطرف..وحاطه ميكب وردي خفيف وقلوس شفاف مخليهــا اتغغغرررررم..وخصوصاً موزاني بما انها قزوم اشويه من بينهن كلهن ومليانه اشويه غااديه عليها التنورة كشششخه وكيوووووووووت..وموزاني موول ما اتسوي شي في ويههــا...وطبيعي اذا رسمت اعيونها بس يتغير شكلهــا.. خلوف:انتي موزاني.. موزاني:لا هب موزاني.. حمد:عيل ظهري من بيتنا احن نتعذر الحرمات الغريبــات وما نستقبلهن..؟؟ خلوف:اييه ظهري بلاج واقفه.. حمد:خلوف خلها ترمس يمكن هاي موزاني.. خلوف:يلا رمسي.. موزاني"اتصارخ":شووووو أقوووووول؟؟؟؟؟ حمد:لالالا هاي موزاني.. خلوف:هيه والله من صراخهــا.. حمد:اقوول امايه قالت انج بتظهرين مع قوم رواضي صوب قوم منصور بن خلفــان..مب ظاهرات عرس.. موزاني"فجت اعيونها دون حاسية يوم قال منصور":اتحيد حد من هلنا بيعرس..وكل من هب ودب عرّس بنسير عرسه..شو من تفكير عليــك>>كااش فالويه وبدون اهتمام.. وبعدين انا كاشخه كشخه عاديه..مالت عيد..لو سايرة عرس بتذووبون من حلاتي.. خلوف:حشى هاذا كلها كشخه ومالت عيد..عيل والله من صج انتن فالأعراس شو اتسون؟؟ حمد:هيهاااا يبالنا انشوفهن قبل ما ايسيرين أي عرس..عجايب وغراايب وانا أخووك.. موزاني:اقوول ودروا الرمسه اللي مالها معنى..ليش النذاله فييكم..ياااخي انا اختكم..؟؟ خلوف:انزين لا اتصيحين.. حمد:هع هع هع هع.. موزاني:اوكيه اوكيه..بظهر الحوي جيه عسب ترتــاحوون.. خلوف:حووه حوووه وين ظاهره وانتي لابسه هالتنورة وبليا وقايه ..لا الشيخه قري مكــانج..ربج لا ظهرتي ولا شي حد من الشباب ميلس جدام الباب ولا حدر الحوي.. حمد:وليش ما اتدقين ع تيلفون حيرتهن هاييل البشاكير بينج كلهن ايرابعن"يركضن".. موزاني:والله يالسه ادق عليهن من فووق..محد يشل السمــاعه.. خلوف:خلاص احن بنظهــر وبنزقر وحده منهن.. موزاني"بهدووء":اوكيه اتسوون خير فيني.. حمد:هههه..اقول خليفه انته رمسن انا استحي.. الكل:هههههههههههههههههههه.. وجيه..ظهروا خلوف وحمد وزقروا وحده من البشاكير عسب اتسير صوب موزاني فالوقت اللي ظهروا خلوف وحمد صوب سهيل و"سيف"اللي كانوا يالسين في حوي بيت بوسهيــل.. ردت موزاني فوق صوب حيرتهــا..ويابت شيلتها ولبست اكسسوارتهــا..ويابت تيلفونهــا وحطتها في شنطتهــا..ونزلت تحت وهي فكرها في منصور..ما بقولكم اتحبــه..شو هب فلم هندي..بس اتحس عمرها عندها الرأة الكافيه اللي بتخليها تسأله هو ليش كان يلاحقها من مكان لمكــان.. بس الشي اللي لاحظتــه..انه من بعد ما استوت السالفه عند باب المدرســة..استوت ما اتشوفه الا ناادرن شو اتفسر هالشي..هو اصلن ما يهمهــا..بس فيها فظوول..وفظوول موزاني غير شكــل.. نزلت الصاله..ويابتلها البشكارة عباتهــا..ووصتهـا اتييب كيكــة الشوكلاته اللي سوتها البشكــارة اليووم.."اتذكر شوكلااته..وصورتها الرمزيــة" ولبست موزاني عباتهــا..ومن ظهرت ويا البشكارة اللي كانت وراها..شافت دريول قوم رواضي وموقف جدام البــاب..سارت وخلت البشكارة اتوطي الكيكه فالسيــارة وحدرت الحوي..شافت رواضي واقفه عند امهــا وعليا وشموس اللي واقفه وياها.. روضــه:اووكيك ماما لا اتوصين ما بنبطــي.. أم محمد:وسلمن على ام منصور .. روضه:يبلغ يبلغ.. وتلف روضه شيلتها..وسحبت شموس من يدهــا..رواضي وشموس كانن مطقمـات فاللبس..تنانير فوشيــة فيها دانتيلات سودا..تقريبن ديزاين الدانتيلات شرات ديزاين تنورة موزاانــي امبونهن شاريتنهن اربــاعه..بس كالعاده روضه اللي اتكون مميزة من بينهن بجمــالها ..مع انها ما بالغت بالمكيب ابداً.. من شافن موزاني استعلين فالمشيــة..وركبن السيارة..ووقف الدريول جدام باب قوم سلامي.. روضه:يلا وحده منكن تظهــر تزقر سلااامي.. موزة:انا ما بظهر.. شموس:ولا انا.. روضه"تفج الباب":تدرن؟؟ شموس وموزاني:شو...؟؟!! روضه:انكن اكبر سبالات شفتهن في حياتي..نياهاهاهااهاها.. مدت موزاني يدها عسب تضربهــا..بس روضه كانت اسرع وبندت الباب بقوو.. شموس:سلمت يدج من الباب.. موزاني"اتهز راسها بتأسف":سااحره هالبنيه.الله يصلح حالها.. شموس"اتسوي عمرها مسكينه وبصوت هادي ومتأسف":آآمييين.. موزاني:طالعوواااا هااااي.. شموس:هههههههههههههههه.. × عند رواضي× كــانت توها بتحدر الحوي..شافت الشباب كلهــم ميلسين ع القعده..حمد خليفه سهيل سيف سعيد حميد ..اللي ياكله تمر...والثاني ايقصله فواله..واللي يشربله قهوه..واللي ميود تيلفونه..واللي يسولف رواضي استااانست واايد يوم شافت اسهيل..بس هو بالأصل ما انتبهلهــا..لأنه امبوونه اسهيل يوم حد عنده ايسوي اكبر طااااف لروضه..بس اذا محد..يلعب ويبين مهااراااته فالتمثيــل...؟؟؟!! بس خاافت من شااافت سيف..ما تدري ليش احساس الخوف يحل ع قلبها من اتشوفــه..اتحسه فأي لحظه بيي وبيصارخ فوق راسها بسبب ولا بدون سبب..في قرارة نفسهــا تعرف ان سيف انسان قلبه طيب ومعدنه اصيل..بس هي ما جمعت من بينهــم الا المواقف اللي يتضاربون فيهــا..واللي يكون فيها سيف عديم أسلوب "حلوه عديم أسلوب" ونادرن ما تجمعهم مواقف يكون فيها سيف عادي وومتفـيـج وهب معصب..ومع هاذا ما تخلو من مواقعه بسيطه وع الطاير..؟؟!!لو تلاحظوون..؟؟؟ سمت بسم الله ويت صوبهــم..عاد فظيحــه تحدر وتخطفهم ولا اتسويلهم أي اعتبار..منقووووووود..بيقولون عنها متكبرة وما تعرف المواييب .. روضه:سلاااااااااامن عليييييييييييكم.. الكل:وعليــــــكم السلاااااااام.. حمد:أسفرت ونورت..مرحبااا مليوون ولا يسدن افذمتيه للشيخه روضه..يابنت الحلال اتولهت عليــج..من زمـان ما شفتــج.. سيف:هيهــا يانا الشايب بوشهاب وصواريخته..توك الا شايفنهــا العصير"العصر".. خلوف:هاه وصلنــي انج سرقتي النيســان.. روضه:اووه وقسم بالله انها هالسرقه رقيييييييييص طرت"تحدت" سرقة استيشن محمد..والله انها رهيبه..ياغير هالنيسـان اسميه عليه سرعـه .. سعيد:هيه انتن عاده ما يباله..وااقع الا شالات العراقيب بصرييخكــن وصقييعكــن.. روضه:يالله لو شفت ويه غبوش اسميك بتمووت من الضحك.. حمد:ما ياهن الرعب الا من شافن السيف..يتنافضن جن ان الموت جدامهن.. سعيد:هيه عاده هاه من هيبة سيف.. سيف:اووف اووف بخق انا اللحيــنه..بعدووا عني.. ومد يداته وجدم ظهره جدام اشويه وتم يهز راسه بتكبر ومبتسم ابتشــامه واحد خااااااااق بعمره من الخاطر..نقع الكل ع حركتــة فالوقت اللي حدرت روضه البيت وهي ميته ضحــك.. شافت في ويههــا ام سلامي..اللي كـانت اترمس تيلفون..من شافت رواضي سارت صوبها تتخبرها جان امها فالبيت ..عسب ايسيرن ارباعه صوب أم نعوم"نعوم اربيعة رواضي لو تذكرونهــا ..مثل ما خبرتكم من قبل انهن من جبيله وحده وبيوتهن عدال بعض".. سارت رواضي فوق صوب حيرة سلامي..ولقتها واقفه جدام دريشتها اتوايق .. روضه:زخييييييييييتج... سلامي"اتفز من مكانها":حشششششششششى زيغتيني يالسباله.. روضه:اتطالعين خلوووفــي..حبيب القلب.. سلامي:هيه اطالعه فديته اتولهت ع سوالفه اليوم فالعزبه ما شبعت من شوفته .. روضه:يياوييل حااليه ع اللي يحبوون.. سلامي:بس بس يلا بنسير.. سلامي كانت لابسه عباتها لأنها تدري انهن بيخطــفن عليــها وبجيه ظهرن بسرعه صوب بيت قوم سهيلــه..وكانن متأكدات انهن بيكونن اخر من وصل..لأنهن رمسن مريوم وخبرتهن انها يت ونعوم بعد.. وصلن بيت سهيله..ومن حدرن الحوي..لقنها فالإستقبال..سلمت عليهن وحدرن كلهــن الصاله وتمن ايسولفن ومستانسات بوجود شموس..وخلاف سارن فوق.. مريوم"اتطالع عمرها فالمنظرة":جيه سهيلوووه ما بتشغلين المسيل.. سهيله:هيه والله ذكرتيني..بسير بييب السي ديهات وبييكــن.. روضه:لوسمحتوا حررررررربي..وآآه من قلب.. سهيله:بدوووووور.. سارت سهيله فالوقت اللي هن يلسن ع الغنفــات ومشغلــات التلفزيون ومشتغلات بالسوالف والأكــل..وشوي الا البشكاره يابت لهن كيكــة موزانــي.. روضه:هم هم هم ..انا يووووعــــانه.. سلامي:وأنا أكثر.. نعوم:عنلاااتــكن اتريييين سهيله اللحينه بتيي.. روضه:للللللاااااااااا.. مريوم:قسم بالله نذلااات.. روضه"تااكل":هممم طعمها يغغغغغرم..كلن كلن سهيله ما بتزعــل..سموس فديتج كلي.. شموس:لا اتريي سهيله اتيي.. مريوم:هيه جيه البنات هب شراتج يالـ............... روضه"اتقاطعهها":هيييييييي انتي عن الغلط لا اقوم اترقص البرتقالــة افبطنــج.. نعوم:حشششى برتقــاله مرة وحده.. موزاني:ابشري بالموت يا خويتيه.. مريوم:فااال الله ولا فالج..جب.. موزاني:اييي انا محد ايقولي جب يالعنز شايفتني اصغر عيالج.. روضه:ضرااابه ضرااابه..ضرااابه ضراابــه.. اقا مريوم ردي عليهــا خليج قويه اتقولــج عنز وانتي ساكته.. مريوم:تراها هي العنز.. روضه:افااا موزاني سمعتيها سو قالت.. موزاني:اها سمعتها بس انتي مالج خص.. الكل"ما غير روضه":ههههههههههههههههههههههههههههههههه.. سلامي:خخخخخخخخخ..دوااااااااااااااااااااااااااااااا ااااااااااج.. شموس:ويــهج محترق.. مريوم:بنزقر المطااافي.. روضه:جــــــــــــــــــــــــــــــــــــــــــــ ـــــــــب.. موزاني:حشى هب صوت..طريتي اذوونــي... روضه:احم احم..تفووو تفوووو بسم الله منج ومن عين الحسوود..قولي مشااللله عن تتقطــح الأحبال الصوتيه عنديه.. موزاني:نحسد ع شو؟؟ع صريخــج وصقيــعج.. روضه:هيه عيل ع سو؟؟ الكل:هههههههههههههههههههههههه.. روضه:سو بلاكن تضحكن.. سلامي:نضحك ع السو مالتج.. روضه:قسم بالله سخيفــات ولا تنعطن ويه..اقوول مادريتوووووووووووووا؟؟؟ الكل:شوووو؟؟ روضه:ورى بااجر امتحانات..لووووووووووووووووووووووووول.. الكل"ماغير شموس":وووووووووووووووووعععععععع... شموس:هع هع هع ..مساااااااااااااكيييييييييييييييييين.. مريوم ومووزاني"معصبات ع شموس":نذذذذذذذذذله.... روضه:خخخخخخخ.. وتظهر سهيله من حيرتهــا.. سهيله:شو شو السالفه.. روضه:ابشرج يالشيخه ورى باجر امتحاااااااناااااااات... سهيله:ييها عاده اول امتحان تاريخ وابدن ما فجيت الكتاب.. موزاني:أنا اعديبه من آخر حصه خذنا فيها تاريخ.. الكل:ههههههههههههههههههههه روضه:يلا احن بنشد حيلنــا..عسب انييب نسب ترفع الراااس.. سلامي:سمعوا من يرمس عن الدراسه؟؟.. روضه:قسم بالله بتشوفيـــن.. سهيله: يلا بنات رققققققص.. شغلــت السي دي..وعلى غنية حربــي.."ذيك العيون"..عاد مريوم اممممرة اتمووت فهالغنيــة..لأن حربي ابدع فيهــا ابدااع..وتمن يرقصن وييولــن..واشوي دق تيلفون روضه ..ولأنها طبيعي ما بتسمع شي اهنه فهالحشرة..سارت حيرة سهيله.. روضه:ألووووو..هلا امايه... ام محمد:اهليييـــن..شحـالج.. روضه:يسرج الحال ومن صوبــج..؟؟ أم محمد:ما نشكي باس.هاه وينكــن افديتج.. روضه:والله موقعنا المتواجدين فيه حاليــاً هو الصاله في بيت قوم سهيله.. أم محمد:تعيشتن ولا بعدكــن..؟؟ روضه:لا..بنتعسسسى وبنييكم ما بنتأخر.. أم محمد:هيه جي تعيبيني..يلا فداعة الله.. روضه:الله يحفظــج.أممممممممممووووووووواح... أم محمد:ياللوتيــه.. وبندت عنهــا..وحطت تيلفونها ع التواليت وتمت تتعطر من عطورات سهيله...وظهرت من الحيرة ناسيه تيلفونهــا.......؟؟؟!!! فالصــاله.من بعد ما ملن البنــات من الرقص..يلسن وكملن سوالفهــن اللي معظمها ضحــك ومصخره وخررييط وجذب..خخخخخ..وتمن يرمســن عواش اللي سارت الشمــال ويا هلهم وبيردون باااجر..عسب جيه عواش ما رامت اتيي اللمه اللي عند قوم سهيله..وكــانت منقهره المسكينــه.. ع الســاعه عشر..نزلن تحــت..عسب يتعشــن..وكان العشا حاطينه فالصاله تحــت..بس صاله صغيرونــه وع الطرف..ومن بعد ما خلصن العشــا..يلســن كلهــن تحت..دق تيلفون موزااني.. موزاااني:هلااااا والله.. روضه:امنوو امنوو؟؟؟ موزاني:عمي ذياب.. من قالت عمي ذياب على طول روضه صدت صوب مريوم اللي فزت من سمعــت الإسم..من بعد ما بندت موزاني استلتها الروووض.. روضه:شو يقول.. ذياب:ايقوول انه بخطف علينـأ بسيارته الهمر الأسوووود... روضه:خساره هالسياره ما كانت فالعزبه اليوم ولا جان قسم بالله سرقتهــا.. الكل:هههههههههههه.. واشوي تمن البنات ايسولفـــن..ورواتهن مــوزة صور اخوهــاوهمره الأسوود..في موبايلهـا...وهن متخبلات عليــه..لأنه حليوو وكشيخ.. وع السـأعه عشر ونص..حدر الهمر الأسود حوي بيت قوم سهيله.. موزاني:هاذا اكيد اخوج لأنه عمي ذياب قال انه بيي بعد 10 دقايق.. مريوم:عيل هاذ خوويه فديته..يلا الشيخات تامرن بشي؟؟ الكل:سلامتــج.. تشيلت موزاني وحطت طرف شيلتها ع ويهها ..وظهرت من الحوي وسوت للبنــات باي..ومن حدرت السيــارة بندت البــاب ..وشلت الشيله عن ويههــا..ومن صدت صوب اخوهــأ.. انصصصصصصصصددددددددددممممممممممت.. وكــأنت اشوي وبتصـارخ بس يودت عمرهــا.. مريوم:ذيــاب؟؟ أصلاً اذياب ارووحــه منصدم..ما اتوقـع انه يشوف مريوم..ما اتشوقع انه يشوف نظر عيونــه..اسميييه استاانس من الخاطر الااا مات من زود الونااسه..ولا الأخت موزاني فاجه اعيونها وثمهــا..ظهرت بسرعه من السيارة وما عطت ذياب أي مجال للرمســه..هع هع هع هع..ويوم ظهرت برع لقت اخوها فوق الهمر الأسود ماله..يعني الأصلي..لووول..وبجيه سارت بيتهم فالوقت اللي قوم رواضي ظهرن برع صوب عمهــن.. . . . . . ناظر عيون الدنيــا.. لا تحسب انها تحبــك.. اليوم وقفت معــك.. يومين واتشوفها ضدك.. أبوظبي.. بيت بــو سلطان.. الســاعه 8 ونــص.. وقفت شيخــاني عند باب الصاله تتريــا حصوه الخبله تحدر.. شيخاني:اييييييييه انتي يلا بسرعه اخويه سلطان اهنه.. حصه:واااايه علني فداى هالطاري.. شيخاني:هع..مسكينه خويه ما درى بهوى دااارج.. حدرت حصوه وسلمت على شيخــاني وكانت يايبه وياها كــتاب التاريخ..ع اساس انها تدرس ويا شيخوه..ترى باجر أول امتحان من امتحــانات نصف السنه.. شيخاني:شو يايبه ويااج.. حصه:شو يايبه ..؟؟كتاب..عسب ندرس.. شيخاني:اووه هب فايجه.. حصه:هاه اتولهتي ع سيااافي.. شيخاني: جب جب ولا تطرينه جدامي ولا بزوالج.. حصه:حووووه..بلاج عليه انا ما قلت شي.. شيخاني:انزين لا تطرينه جدامي..اووف مليت منه.. حصه:يلا يلا خلينا ندرس.. شيخـاني:انتي درسي انا ما بدرس.. حصه:تراج بترسبين... شيخاني:وشو يعني..انا اصلن ابغي افنش من المدرسه مليييت الصراااحـه..كله هزاب المس وتوقيع انذارات وتعهدات فالمدرســه..وآخر شي بعيد السنه..فليش اتعب عمريه؟؟ حصه:عيل باجر شو بتسوين؟؟ شيخاني:بكتب اسمي وبسلم الورقه ..اقول درسي يلا غثيتيبي..؟؟ حصه:زين.. نشت شيخاني من مكانهــا..وسارت صوب الدريشه اتوايج ع الشباب اللي كانوا فالميلس ويلسوا اللحينه فالحوي..وطبعن سلطون امبينهم.. شيخاني بغت تموووت من شافت هزااع..وهاذي اتكون ثاني مرة اتشوفه..تتخبل اتين من حلااااااتــه..وبطريقتها الخاصه عرفت ان اسمه هزااع..وشو من جبيله..عاد هاي ما تقصر.. حصه:شو اتطالعين..؟؟ شيخه"متضايجه منها":اووف انتي اتضايجبين بس..صخي عنلات صدااج.. صخت حصه وحزت افخاطرها هالرمســه..فالوقت اللي تمت شيخوه تتفدى هزااع.. تتوقعون هل هزاع له دور في قصتنــا..؟؟ |
غلاك بداخل أعروقي ولا يوصل غلاك انسان يمر الوقت ويثبت لك غلاك ان الله أحياني أضحي بعمري لعيونك تنام انته وانا سهران ونادي جروحك لقلبي تجي واحد ورى الثاني أول يوم في الإمتحــانات.. الساعه 12.. سويحـــان .. الصــاله.. كــانت خلودي يالسه فالصاله..اما امها في حيرتهــا..وسيف راقد..اليوم ما سار الشركـه..عسب يغايض فطامي يوم ترد..نذل هالسيف.. خلودي:اقوول سلطون..انا ببند.. سلطان:لاااااااااا .. خلودي:حشى ليش اتصارخ..؟؟ سلطان:لا ما بتبندين..ابغي ارمس في اشيااء واايده ما قلت لج عنها.. خلودي:برمسـك بعد الغدى.. سلطان:الساعه كم غداكم اتحطونه..؟؟ خلودي:ليش؟؟ سلطان:عسب اعرف متى بدقين لي.. خلودي:ههههههه..على حسب.. سلطان:انزين غلاي بتخبرج انتي يوم تيلسين تاكلين كم دقيقه..اممم..خمس دقايق اتكفيج..؟؟ خلودي:ليش؟؟ سلطان:عسب اعرف الساعه كم بدقيلي.. خلودي:هع هع هع..ويا هالراااس.. سلطان:من زين رااســج.. خلودي:بنكمل ضراابه بعدين..فطامي يت.. سلطان:اوكيك فمان الله.. خلودي:مع السلامه.. بندت خلودي عن سلطون..وفطامي فصخت عباتها وفرتها فوووق من الضيحه.. خلودي:شو سويتي.. فطامي:لا تتخبرين..صعب صعب صعب صععععععب موووت..ولا كأني اعرف شي اسمه كيميا في حياتي.. خلودي:تستااهلين لأنج ما ذاكرتي.. فطامي:جب يالسباله..وامس من سار المعهد وصك خط العين ويلس في المعهد من الساعه 4 العصر لين 10 فليل..لا يكون انتي..؟؟ "مرة كان علي امتحان فيزيا ..وهالماده معقده جداً بالنسبه لي..قعدت من الساعه 4 العصر لين الساعه 10..اهئ اهئ..بس حليت زين هب شرات الخبله فطامي.." فطامي:اييه العنيدي لا تسبيني.. .."جب فطامي خلونا انكمل".. خلودي:لا انا ما اتعامل ويا معاهد..فديتني شاااطرة.. فطامي:هيه وااضح الصراحه من النسبه اللي يبتيها فالثنويه العامه.. حمرت خلودي ..وحرجت..لأنها اتذكرت مأساتها..يابت نسبه هب زينه .. بالنسبه لدراستها اللي درستهــا..صحيح انها ما سارت ولا معهد..بس صج لازمت حيرتها ولا ظهرت منها..فالأخير..ما يابت شي..لووول..ما بخبركم..كاافي فضاايــح.. فطامي:خخ..عصبتي؟؟ خلودي:جب يالسباله قلت لج لا اتذكريني فهالشي..مـــالت.. ونشت من مكانها فالوقت اللي ظهرت ام سيف من حيرتها.. ام سيف:مرحبااا مليووون ولا يسدن..يالله علني فدى هالطله.. فطامي"بصوت يهالووه وتمد يداتها صوب امها وتربع":ماماااااااااتي..امممممممممممممممممممممممممم وووووووووووواح.. فديتج اتولهت علييييييج موووووووت.. ام سيف:يالله علني ما خلا منج..هاه بشري شو سويتي فالامتحان.. فطامي:يالله يمااايه كيف حليت..اممممممممرة ما خليت جواب الا سألته"من كثر الجذب غلطت فالرمسه"..اوووه..اقصد ما خليت سؤال ما جاوبته...واخر وحده ظهرت من اللجنه..الأدعيه اللي من عند سواافي ظهرتهن وقريتهــن..وان شالله اييب علامه كاامله.. ام سيف:يالله علني فدا قلبج..ادريبج انتوا فطامي هب ذيج البقره اللي ما تييب شي..يلا غناتيه سيري تسبحي وصلي ونزلي عسب تتغدين.. فطامي:من عنونييه.. وباست امها وطييررراااان على فووق..وبسرعه بطلت الكمبيوتر وسيده اتسبحت وصلت وردت شيكت من اللي حادر المسن ونزلت تحت..وأول ما نزلت لقت سيف ظاهر من قسمه..لأن قسمه تحت.. سيف:اوووه ييتي من المدرسه؟؟ ويتوايهون.. فطامي:شو وانته اللحينه ييت من الشركه.. سيف:انا اصلن ما داومت اليوم..خليت سهيل يداوم.. فطامي:اففف..لاااا تطريه جدامي مسود الويه..الموهيم..ليش ما داومت تانس شي..؟؟ سيف:لا بس لأنه عندج امتحانات قلت اغايضح واكمل رقادي وانتي اتيين تعبااانه..نياهاهاهاهاهاهاهاها"هاذي ضحكة الأشرار" --->>>نذذذذذذل من الخــاطر.. فطامي"مععصبه":يااااااا سباااااااال ياللي ما تخيل..جيه اتسوي.. سيف:كيييييييييييييييييييييفي..انتي شو دخلج.. فطامي:انا اصلن مستانسه..تدري كم امتحان باجي علينا ونفتك.. سيف:كم.. فطامي"اتعد بأصباع يداتها":فيزيا..عربي..دين..احياء..رياضيات..انقليزي. .جيولوجيا..جغرافيا..تاريخ....سبببببببع موواد ونخلص.. سيف:ع بالي خمس مواد..خطفي خطفي بنتغدى بدال خريطج يالعيوز فطامي:بطوفها لك يالشايب.. ظحك سيف عليها وخلاها تنقهر وتخبرها عن الإمتحان وقالت له صعععب موووووووووت..وما رامت اتحل شي..وبعدين سارو يتغدوون.. ع الغدى.. أم سيف:واايه يعلني ما خلى من فطــامي اسميها هالبنيه محد شراتها........... فطامي فهمت أن امها بتمدحها وبتخليها ملكه جدام خوانها..ولامت عمرها لأنها قالت لسيف وخلودي ان الأمتحان صعب ..فشلت بعمرها قبل ما تنكشف.. أم سيف:بلااااج..؟؟ما تغديتي يمااايه..؟؟ فطامي:الحمدالله ترست بطني.. وربعت فووق..هع هع هع..الشرده نص المريله.. . . . . . . . . . . وكل دمعه من عيوني طاوعت فيه اكتئاب ليتها تطاوع سعاده أو تعايد فيه عيد واعتبر في كل مره إن ذاك الجرح طاب واعتمد في كل مره بس على نفسي واعيد المـــووول.. صوب المطـااعــم.. الســاعه 8 .. . . . . . "أحمد:احم احم السلام عليكم..شحاالكم القرااء الكرام..ربكم الا بخير؟ياخي هاي العنيده ما تظهرني فالبااارتات واايد..بس آخر مرة اقنعتها اتظهرني..وقال ان شالله..وخبرتني ان الأعضااء دووم يتخبرووون عني..تعالوا شوفووني..شاق الحلج اللحينه..مكشخ ضرووسي..يلا بنكمل القصه.." . . . . .صد حمد صوب أحمد..حمد ناقع من الضحك ومارام ايود عمره..اما احمد مكتفي بالإبتسامه.. أحمد:طالع طالع شقايل اتطالع فيني.."ويصد صوب البنيه"..الشيخه في شي..؟؟تامرين بشي..؟؟ حمد"بصووت عالي":هههههههههههههههههههههههههههااااااااي.. البنيه:لا مافي شي..انت اللي شوفيك؟؟ أحمد:طااع هااي..اقول جب جب..اخر زمن..بنات ويغازلن.. نش حمد من مكانه ويود يد أحمــد.. أحمد:حوه يا ريال وين بها..؟؟ حمد:نش نش بندق لحمدااان..وبنتحوط فالموول.. أحمد:لااا والله..وأكلي اخليه حق منووو؟؟حق البنيه السباله اللي يالسه جدامي..؟؟ حمد:ههههههه..يا ريال وشو دخل البنيه نش.. أحمد:لا حرام قلبي ما يطاوعني اترك عيشتيه.. حمد:ما عليك يوم بيي حمدان بنفلسه..نششششش.. أحمد:واكلي.. حمد"معصب":شوو انته ما تفهم؟؟ أحمد:خخخخخخخ..هد اعصاابك اسولف اسوولف ويااك.. نش أحمد وعطى البنيه نظرة.. والبنيه مستغربه من حركاته الإستهباليه والجرييئة.. وتموا حمد وأحمد يتحوطون فالموول..ومستاانسين..أحمد يعلق..وحمد يضحكك..وبعدين انقلب الموجه..حمد يعلق..وأحمد يضحك..ليين ما ملوووا من التعليقااات.. أحمد:اقوول دق دق على حمداان..خله ايي بنسولف فياه.. حمد"يغمزله بخبث":بتسولف فياه ولا بتهف فلوسه.. أحمد:جب لا اسدحك اللحينه وادبك فوقك.. حمد:جب في عينك.. وتم يدق لحمدان وحمدان امسوي اكبر طااف..لييش؟؟وهو فالعين يعني هب في بوظبي مدااوم.. حمد:ماادري بلااااه ما يرد..دقله انت.. أحمد:ياخي تيلفوني مفضي وما شرشته"البطاريه فااضيه"شكله عارف اني بهف منه..ههههههههههه حمد:هع هع هع هع ..شكله والله..بدق على الرووض..بشوفها جان تعرف وينه.. حمد:آلووووو.. روضه:هلا والله بوشهاب شحالك ربك الا بخير..؟؟ حمد:يسرج الحال ومن صووبــج... روضه:مااادريتتتتتووووووا...>>هاي كلمتها.. حمد:شو مستوي.. روضه:ريسووه ولدت ويااابت بنوته وسموها قصايد واللحينه احن في توام ماخذين جنـاح خااص وحمداان مستاانس..والعرب كلهم عندنا وانا قابضه كتابي ادرس بس سجون وغبوس السبالات ما ين..وهاي ريسوه السباله السخيفه ما يابت بنتها الا في الإمتحاانات..محد الا سموس فديتهــا.. حمد:حشششى نشرة جويه ع الطاااير..مبرووك مبرووك ماياهم.. ويتربى في عزهم...انا واحمد اللحينه بنيي.. روضه:هيه صح موزاني بنت خالتيه اهنه..من متى ادق ع تيلفون احمد الغبي اللي ميلس عندك..شبلااه ما يرد.. حمد:حششى لعنتي خير الريال..بطارية تيلفونه فاضيه..يلا بااي اللحينه بنيي.. بند حمد التيلفون في ويهها..هع هع هع..بالمختصر المفيد طفرتبه ترمس بسسسرعه جنه حد يربع وراها ولا الرمسه بتخلص.. حمد:اوووف من هالبنيه ما تنعطى ويه.. أحمد:بخبرهــا.. حمد:خبرها بس تدري شو بتسويبي..بطالعني بعيونها وخلاف بتضربني ع جتفي بتقول يالسخيف.. أحمد:هههههههه..حافظ حركاتها.. حمد:لو تباني اسمعها حاضر.. أحمد:بتاخذ عشره على عشره..هههههههه.. ضحك حمــد وظهروا من المول وويهوا صووب توام .. . . . . . . . . . في غيبتك يا لهفتي ليلي معاناة وصراع.. وحدي امني وحدتي بأحلام واصدق والرجوع.. ابحر وطيفك والأمل والشوق والذكرى شراع.. وارسي على مرسى الوله ما بين قلبك والضلوع.. العيـــن داار الزيـــــن.. مستشفــى توام.. الســاعه 8 وربــع.. ابتسمــت روضــه وهي تقرى المكتوب في كتابها الجغرافيــا..ترى باجر عليها غرافيـا..وهي سارت وياهم المستشفى مع انه عليها امتحان باجر..بس شموس ما عندها لاشغل ولا مشغله عسب جيه يت ويــاهم.. هويته بصادق احساسي وغنيت الهوى مـــوال شكيت جروحي والامي وهم ٍ في الحشا باقي يعلمني الهجر والصد بكل فنونـــه والأشكــال ويحرمني من احساسه ويقتل فينــي اشواقي سلبني بنظرة عيونه وغير لحظه الأحــوال لحظة اعجابٍ و زود نبض خفاقــي ملكني فـ أنا ظنيت أحب غيره وغيره ما طرى ع البـال ولا غيره من احبابي سكن في داخل اعماقي تمنيت العمر قربه أعيشه في دفــى ووصال ولكن فارس أحلامــــــي قتلها واحرق اوراقي يعذبني وينساني ولا ينشد أبد ع الحـــال أبد ما يهمه احساسي ولا حبي ولا اشواقـي وعدني بكلمته يبقى وكلمات الهوى تنقال وعدني وللأسف أخلف وعوده وخان ميثاقي حسافة طالت دروبه وليلي بالمواجع طال وأنا تهزمني الدمعة وتترك لي الأسى باقي حبيبي لا تعذبني ولاتسمع من العذال وراعي قلبي واحساسي ويكفي بعد وفراقي من خلصت قراايــة عطت شموس اكتابها وتمت شموس تقرى..وما غيره حمد طرى ع بالهــا..ونشت الرووض اتصب قهوه للحرمـات اللي يالسات عندهــن..ويابت اقلاص كبير وصبت لريسوه قهوة مكسرات..وسارت وودتها صوب ريسوه.. ريسه:تسلمين رواضي.. روضه:الله يسلمــج.. ريسه:شو شفتوا البنوتــه.. روضه:اللحينه بيبونهــا..البنيه اغغغغغغغغرااااااااااااااام.. ريسه:اتشابه منو؟؟ روضه:احس ملامحها نسخخخه من حمدان..اقول بعدين بعدين شوفيهـا .. يلست الروض مكانها.. شموس:اووف رووعــه الكلمــات.. روضه:فديتها مريوم كتبتها لي.. شموس:سيري راويهـا عمي ذياب.. روضه:هع هع هع ..سكلي "شكلي" والله بسويهــا..ماادريتوووا؟؟ شموس:شو مستوي.. روضه"تهمس لشموس عسب محد يسمع":حممممد بيي اللحينه.. شموس"ويهها احم":وشو اسويلــج أنــا.. روضه:ماشي بس يبسي..لووول..بعدين نشي ويولي..لووول..وبعدين قعدي..هههههههههههههههههههههههههه.. شموس:قسم بالله سخيفه.. روضه:انتي الظريفه.. شموس:اقول درسي باجر علج امتحان.. روضه:ذكرتني به..اللي اكرهه.. شموس:لا اتشوهين اغاني ميحد.. روضه:هههه..بلييييز سامحيني اخر مرة.. شموس:انزين لا اتصيحين سامحتج.. روضه:صدقت اني اترجاها..وااحليييلج ياليااهل.. شموس:الرووض درسي هذا جغرافيا.. روضه:انا ادرس وانتي ما تدرسين..والله انه ظلم.. شموس:يااخي كيفي كيفي انا ما احب الدراسه.. روضه:عيل بنقول لحمد يستعيل ويخطب دااامج ما تدرسين.. شموس"محرجه ويهها حمر ":جحججججب يالسباله.. روضه:ويهج ذكرني باشارة المرور خخخخخخخخخ.. سكتت شموس عن روضه..لأن روضه محد يغلبها فالرمسه.. وشـويه الا حمد واحمد يحدرون..ورواضي ع بالها اسهيل وياهم..بس خاب ظنها يوم ما شافته..لأنها اتولهت عليه واايد.. وبعد مرور نص ساعه..ردوا للرمــاح..ويا حمد..وروضه طايحه تعليقــات... . . . . . . ×××××××××××××××××× مرت فترة الإمتحانات بشكل سريــع.. الكل كان منشغــل بالدراســه.. روضه وموزاني..كانن شادات حيلهن ويدرسن وكل يوم والثاني طايحات في المعاهد..وشالات وياهن شجون اللي بتدرس الكورس الثاني في مدرسة قوم رواضي.. غبوش..ما يباله..حابسه عمرهــا في حيرتهــا وتاكل الكتب أكــل..وما اترمس حــد؟؟ اما سلامي كانت تدرس بس خلوف مطفرنبهـا.. بزيارته المتتابعه..وكل يوم ياينها بأوراق للمراجعه..شكله الريال يباها تدرس وتنجح ويعرس..مل المسكين.. والمشكله انه ما اييب لقوم رواضي.. بس اييب حق سلامي..ورواضي دوم اتصارخ عليه..وهو مسوي أكبر طاااااااااااااف.. ياغير حمد المسكين اللي ايرابع من مكتبه لمكتبه اييبلهن اوراق ويصور ومادري شوو عسبهــن.. شموس فهالفتره كانت متضايجه حييل.. لأن الكل مشغول عنهــا.. فكان معظم وقتهــا ع النت. واذا ملت اتم اتطالع التي في ولا تظهر للحوي وتيلس عند الأهل وتستانس بشوفة الأخ حمـــــــــــ×××ــــد.. وفي هالفتره كانت القدر يجمعهم في مكان وااحد.. بالنسبه لسهيل كان ضاارب مخفي.. يا مطيح سويحــان.. عند سيف... ولا صاك خط دبي..واستوى ناادر ايسير صوب أحمد وحمد ويقعد وياهم فالموول.. بس عليه ايي يرقد في الرمـاح.. وكــان مقااطــع روضه .. حتى السلام ما يسلم عليهــا.. بس روضه كانت متجاهله هالأشياء..مع انها اتيي ع بالها.. بس اتحاول تشغل عمرها بالدراســه.. عبودي وعنودي..هالبارتات ما ذكرناهم.. بس كانوا مستانسين في فترة الأمتحانات.. لأنهم ابتدائيـة وبدت اجازتهم من زمــان.. بس عليهم ايرابعون فالحوي ولا يظهرون فالحوي ويا العياييز.. حمدان وريسه..اتغيرت حياتهم بوجود قصايد.. ومستاانسين واااااااااااايد.. وحمدان صار ملازم البيت بس عشان بنوتته.. وكل ساعه ايبوسها ويلعبها ومزر حيرتهم العاب حقها.. والبنوته بعدها صغيره .. حتى ما اتفج اعيوناتها زيين..لوووول.. اسعيد هالفتره طنش النت..مع انه ربيعه فاتج موقع يديد..والإقبال عليه من الأعضااء واايد.. فعسب جيه سعيد تعب منهم وتفرغ لدراسته.. يعني سوى برب.وبيردلهم بعد ما اتخلص الإمتحانات.. "مسكين راعي كليه" بالنسبه لهل سويحــان.. سيف كان معظم تفكيره في شيخوه.. وكان يتجبن الروحه لبيتهــم.. و استوى دووم يرقد عند هل الرمـاح.. بحكم الظروف والشغل.. اللي مرتبط بينه وبينه سهيل.. خلودي..متضايجه شرات شموس.. 24 ميوده السماعه واترمس سلطون.. وفطامي حالتها حاله شرات موزاني وراضي.. الدريول وامها متلعوزين وياها.. يوطونها في معهد ام سلمه"هل العين اكيد يعرفونه.. هاذا معهد معروووف للطالبات وعدااال العين موول بالضبط" فكـانت ام سيف اتوطي بنتها المعهد وتسير تتقضالها من المول.. وخلاف تخطف ع بنتها ويردون لسويحـان.. اما هل بوظبي.. اقصد شيخووه.. كانت ما اتعب عمرها بالمذااكره.. ومسويه اكبر طااف.. وعايشه حياتها.. بس عليها مجابله النت والتي في.. والمواقعه ويا سلطان .. وتغث بامها وتعق الرمسه اللي مالها معنى..وكل ما يأ هزاع اتفز صوب الدريشه واتواايج واتم تتفدى.. وهااااااذي علووومهــم طولي بعمااركــم.. وانكمــل أحدااث الباارت..أقصد الحدث الأخير فالبارت.. لووول.يعني البارت اللحينه بيخلص..هع هع هع.. ×××××××××××××××××× . . . . . . . بســــمـ الغــــلا برســل مع الشوق .. وردة .. ارويتهاا .. من مــاي عيني .. غـــــــلاهااا .. عطّرتهااا .. وحــي الغـــلا .. والمــوده .. وضميتـــهااا .. لصدري ولامس عطاهااا .. " أمنتك الله " ضمّــــهاا .. كل مــــده .. حـــتى أحــس ضمّيـــت قلبي .. معااهاا .. الرمـــــــاح.. بيت بو محمـــد.. الســاعه 8 الا ربــع.. هالوقــت..روووضه رااااااقــــده..ونااسيــه ان عليهــا امتحــان..رقدت امس الســاعه 3ونص.. ومحد وعاها للحينه..لوووول..حست عمرها عطشانه..جان اتنش اونها بتشرب ماي وبترد اتكمل رقادها.. بس من طاحت عينها ع الساعه..لا ياهل الرقاد ولا هم يحزنون..نشت من مكانها وتغسلت وبدلت ابسرعه..ومع انه اخر يوم..وحطت في بلها تكشخ وبترسم اعيونها ومادري شو..سحبت الجحال من فوق التواليت وشلت القلم اللي على الأرض مفرور ويا ادفاتر والكتاب واوراق المراجعه.. ويو ظهرت من حيرتها ردت وشلت اوراق المرجعه..وبسرعه طييييييراااااااااان تحت.. روضه:اماااايه اماااااااااايه.. ام محمد:الروووووووض؟؟ويديه انتي ما سرتي المدرسه ويا قوم موزاني.. روضه:أي موزاني واي تفااحي..يمايه الإمتحان بيبدأ.. ويـــــــن الدريول.. أم محمد:لحوول..الدريول طرشتــه ايسير صوب ام خــالد..ايودي تمر عندها يبناه من المزرعه.. روضه:دريول قوم عمي محمد.. أم محمد:تراه هو اللي ودى البنات المدرسه..والدريول مال قوم سلامي وصل شجون مدرستهــا.. روضه:يمايه الإمتحان بيفوتني وما بيدخلوني اذا تأخرت عنه حتى لو بخمس دقايق..خلي عمي ذياب اينش..محمد..حمداااااااان..أي حد يلا قسم بالله بصييييييييح...... أم محمد:لحظه توها البشكاره اتقول واحد من الشباب نش..بسير بشوفهــم.. سارت أم محمد دقايق وردت..وروضه يالسه فالصاله ودموعها اشوي وبتطييح..حدرت ام محمد.. أم محمد:يلا يلا ظهري ..السيف بن المر فالسيارة يتريـــااااج؟؟ "تراني قلت لكم السيف استوى هالأيام يرقد عند هل الرمـاح بسبة شغله ويا سهيل اللي يسهرون عليه..لووول..". . . . . . . . . . انتهههىىىىى البـــارت خوااااااني..:5: . . . . تتوقعون شو بيستوي بين روضه وسيف..؟؟ هل بيتواقعون ولا بيكونون عاادي؟؟ تتوقعون شو بيستوي لشيخوه وخصوصن بعد دخول هزاع لحياتها.. وامممممم.. وبــس.. . . وثاانكس ع المتابعه.. . . . البارت طووووويل.. ما ريد أي اعتراض .. عسب ماظهرلكم من الشاشه.. ..لووول.. . . . وشو بعد..؟ . . . وبس.. . . . تحيــاتي.. |
| الساعة الآن 06:57 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir