..

هونتها لكنها عيت تهون
لاقلت راح الهم ألقاه قدام

فيني ألم مامر في قلب مطعون
وفيني حزن مامر بعيون الايتام

..

ســـــاهر(ن) ليل الهوى لين الصباحي الصباحي

من غلاتك صاحت جروحي غلا
ياهلا بالجرح دامه في رضاك

في عيوني غير حبك ما حلا
أدعي الله .. الله لا يبين غلاك

من سكنت القلب ماعنك سلا
شفت انا كل السـعاده في هواك

كلما تقبل .. أناديلك هلا
وكل ما ترحل رحل قلبي معاك

اعتلا حبك بقلبي .. اعتلى
يا هــلابك قد ما تاطي ثراك

.
.
.
http://www.t7mel.com/upfiles/pQB32538.bmp

السنين القشر تخلف هقاوي من هقا && والدهر مركز تجارب وميدان فسيح



وش بقى ما علمتنا الليالي وش بقا && كل يوم درس باسلوب ولسان فصيح



ياهل المعروف كل شقى باللي لقا && والحظيظ اللي من الهم قلبه مستريح



بين لحظات المفارق ولحظات اللقا && تتضح لك صورة الود بالمعنى الصريح



زبدة الخافي تبين ليا خض السقا && والصدور اللي بها شر يفضحها الكحيح



صحبة ما هيب تبنى على عز ونقا && اخرتها لو تطول مبانيها تطيح



الموفق من تخير صديقه وانتقا && صاحب قلبه سليم ومنهاجه سميح