|
بررررررررررررررررررررررب |
شي يقهر اففففففففففففففففففففففففففففففففففففف وين طلع بعد هذا ركان يقهر يرفع الضغط والسكر والقلب والله حرام عليه يسوي جي في عاشة هذا ركان يباله :00::090::522: يسلمو ونتريا البارت الياي على احر من الجمر :522: :522::522::522: ..^^.. |
هههههههههههههه اشووفكم وااايد انفعلتوووا !! لوووول خلص ها بارت لعيووووووون احلى منفعلين ^.^ الجـــــزء التـــــاااســـــع .. صرخت فيه : انت ستخفيــــــــــــــت .. اخوووك زووجي .. انا احبـــــه وهو يحبـني .. راكان : وانـــــااا ؟ قلت له بعدم اهتماام : دور لك بنت الحلال الي تسعدك .. وصديت الصوب الثاني علشان ماشوف ويهه الزفـــــــت .. ظليت فتره على هالوضع ويوم التفت على راكان ابي اشوفه شفيه ليش مايقوم عني ويخليني ارووح ؟ شفته يطالعني من فوق لين تحـــت ..يقزني ... لاحظت روحي ..كان سااقي يبـــين .. بسرعه غطيـته بالعباايه ..ورفع راكان راسه .. راكان : من كان الي وياج في السياره ؟ حبيبــــج ؟ قلت له : اي حبيــــبي .. زين راكان : وبكل وقااحه تقولينهااا ؟ ولاا وبعد بايسته في السياره !! قلت : اي كيــــفي انت مالك خــــص ابوسه ولا مابوسه ..انت مو زوجي عشان تتحكم فينــــــي .. راكان : ليش تخونين احمد ليــــش ؟ ضربته بكــــل قوتي على صدره ..ووبعد شوي ..وصرخت عليه وقلت : مااااايخـــــصك ..مااااااايخصــك .. ورحت ركـــــض الدري .. بس تذكرت شنطتي وجوتيي الي نســـيتهم .. نزلت اركض باخذهم ..شفت راكان جاي بيمسكهم .. سبقته وخذت الجوتي وتوني باخذ الشنطه ألا وهو مااسكها عني .. مسكتها اجرهاا منه ..وبعدين صرخت عليه : عطـــــــني ايااهااااااا .. راكان بخبث : اول شي ابي مقاابل .. صرخت عليه : طرااااار ويتشرررررط .. راكان : هههه ..احترميني ..ماني بطراار .. بس ابي بوسه .. ليش الغريب احق مني ؟ انا اخو زوجج .. انصدمت من وقااحتـــه ..معقووله في نااس جي .. معقوووووله !! واخو زوجي !! صرخت عليه : انت مااااتســـــوى قااع ريـلي ..وضربت يده بقوه وهد الشنطه خذيتها وطلعت ركض الغرفه .. وحسيت بحد يمشي ع الدري ..التفت وراي شفته جاي لي يركض .. انتفضت من الخوف ..ورحت ارررررركض الغرفه وقفلت على نفسي الباب .. قعدت ورى البـــااب اصيـــــــح ..ليش يسووي جي ..حرام انا زوجه اخووه ...؟ معقووله يحبــني !! كانت وايد تساؤلات في باالي .. مالقيت لهم جوااب . رحت تسبحت ولبست بجامتي وانسدحت ع الكرسي افكـــر .. افزعني صووت طـــق الباب بقووه .. كان في شخـص يقول : عووش ..عووووووش فتــــحي .. صرخت وقلت : مااااااااااااااااابي .. .....: عوش فتــحي .. ملااااكي عيووني .. انا احمد فتحـــــــي .. صحصحـــت ..وطالعت الساعه كانت 2 الفجر .. قمت بسرعه وفتحت الباب وكان احمد ويا مريم وشوق .. شوق : عوووووش شفيـــج خرعتينا عليج ..؟ ماتكلمت وطالعت احمد ..كأني اقول له ماعندي شي اقوله .. احمد : خلاااص شوق ومريم ..روحوا نااموا .. راحوا مريم وشوق ..وانا دخلت الغرفه واحمد جاا وراي وسكر الباب .. قعدت ع الكنـــبه ضامه ريولي .. كنت ارتجـف .. معقوله راكان بيقول حق احمد .. بيقول له اني كلمــــته .. بيقول له كل شي صاار بينـا ..لاا لاا مستحيـل يدمر حيااة اخووه ..مستحيـــل .. بس ليش لاا .. اهو نذل ..طلب مني اتطلق من اخوه عشان يتزوجني .. بس قطع علي تفكيري ضربة احمد لي على خدي .. احمد : حبـــي شفيــــج ؟ طالعت احمد ..فدييييتك يااحمد ..مااتدري عن اخووك وسوواد ويهه .. ماتدري انه يحبــني ويبي يتزووجني ..دمعت عيـــني وماقدرت استحمل وغرقت ويهي بدمووعي .. احمد ضمني وقال : عووش خرعتيــني شفيــــج .. عيووني قولي لي ؟ حد مضاايقج ؟ حد قال لج شي في بيتكم .. منـــيه . شوق مريم نور ..قالوا لج شي ؟ هزيت راسي بلااء .. احمد : عيل شفيــــج ؟ قلت : ماااادري ياحمد ماااااادري .. ظل احمد يطاالعني وقال : عيوني روحي الحيـــن ناامي ..والصباح ربااح ..زين .. هزيت راسي مثل الاطفااال ..ومشيت ويااه لين السرير وانسدحت وعلى طول من غمضت عيووني ..رحــــــت عاالم ثــــاااااااااااني .. فتحت عيوني وانا احس بحد يتأملني ..طالعت شفت احمد منسدح ع السرير وحاط يده تحت ذقنه ويطالعني .. احمد بأبتساامه تهبل : احلــــــى صبـــااح دامــــني مصبـــح ع القمـــر .. حمرت خدودي ..الله يهدااك ياحمد مغااازل من صبـــااح الله خير .. قلت : صبـــاح النور .. وقمت عشان اروح الحماام احمد : انطرج تحـــــــت .. صرخت عليه وقلت : لاااااااااااااااا مادري ليش قلت جي .. ابي اظل ويااه على طوول ..مابي انزل تحت ..مابي اشووف ركاااان... احمد جا صوبي : شفييييج ؟ قلت اغطي على روحي : لاا بس خلنا ننزل ويا بعض .. ثواني بس انطرني .. ورحت ركض للحماام وغسلت وجهي ع السريع فرشت اسنااني وطلعت شفت احمد قاعد ع السريــر ويده بين شعره .. رحت لبســـت جلابيـــه عنـــابيه مخوره .. وشيلتها مثلهاا ..حطيت لي كحـل بطريقه غجريه ..وقلوس شفاف .. والتفت على احمد ..كان على نفس وضعه .. استغربت ..رحت له وحطيت يدي على كتفه : حبيبي شفيك ؟ احمد رفع عينه وشافني من فوق لين تحت : متى لبستي ؟ قلت وانا مبتسمه : من مسااعه .. احمد وهو يوقف : مااحسيـــت فيج .. ضحكت وقلت : وين تحس وانت في عالم ثااني ..يلا يلا ننزل تراني يوعانه .. " قلتها الطف الجوو .. معني مو يوعانه .. صج هالشي مايتصدق بس ركون سد نفسي الله يسد نفســـه .." نزلت انا واحمد تحت وشفنــا الكل متجـمع وشوق تاكل بسرعه بسرعه انا واحمد : صباح الخير .. الكل : صباح النور .. شوق : يلااااااااا نويــر قومي .. نور تاكل ببرود : ليش مستعيله .. النادي مو طاير .. شوق : اوووووه .. اليوم عنهم حصه آيروبيك .. ابي الحق عليها .. نور : زييين .. ووقفت نور عشان توصل شوق وهي تروح الجامعه وشوق لبست عبايتها وطلعت .. اما انا قعدت احذى احمد وعيوني في حظني .. ماابي اشووفه ياربي ماابي .. ولااا الدقـس مكاانه جداامي ..اووف يااربي ..وتجمعت الدموع في عيـني .. لاا يااربي لاااا لااا تنزليـــن لاااااااااا .. نزلوا دمووعي ..وبطرف صبـعي مسحتهم بسرعه .. رفعت راسي عشان امد يدي وآكل .. انصدمت بـ عيــونهم الي كانت علي .. ويييييه شفيهم كلهم يطاالعوني ..مريم سعيد احمد عمي راكان ..!!! سألت بصوت واطي : شفيكم ؟ احمد همس لي : شفيج تصيحيـن .. انصبغ ويهي الواان .. اووف ..يعني كلــهم شاافوني وانا اصيـح .. قلت وانا اتصنع : مادري احس بغبار دخل بعيووني .." وقمت بسرعه ورحت المطبخ عشان ماانفضـــح .. غسلت وجهي شوي شوي .. وخذت لي كلينكس عدلت كحلــتي .. وضبطت شكلي ... والفت ورى شفت احمد يطالعني احمد : اكيد غبره ؟ ضحكت وقلت : اكيــد عمـــري .. احمد : عوش اذا فيج شي قولي لي .. لاا تخبـــين علي .. شاقول لك ياحمد ..اقول اخووك يبيني اتطلق منك ..اخووك نذل ..اخوك ..شنو شااقول : لااا حبيــبي ماافيـني ألا العاافيه ..وقلت لك غبره .." وبعدت عنه عشان خاطري فـ نسكافيه .. صخنـــت الماي .. وطلعت االنسكافيه والتفت على احمد شفته يطالعني .. طرشت له بوسـه وضحكت .. اما احمد استخف جاني بسرعه ومسك يدي .. بس جانا صوت افزعنا : احم احم .. التفتنا بسرعه كان سعيد : سووري ..مادريت ان عندنــا عصااافير حب في البيـــت .. حتـــرق وجهي وبسرعه صديت ع النسكافيه .. احمد : وقــــــــــتك غلــــــط ..اوقااتك غلـــط يااهادم الذااات .. سعيد : ههههههههههه ع الصبـــح عاد .." تنهد بعبط " اصبحنا واصبح الملك لله .. فطست من الضحك عليه وعلى شكل احمد الي معصــــب مووت .. وطلع سعيد يركض من باب الطبخ وهو يكمل : ولا أله ألا الله .. وحده لا شريكه له له الملك وله الحمد وهو على كل شي قديـــــــــــــــــر .. واحمد يلحقـــــــه .. ضحكت عليهم وخذت كوبي وطلـــعت .. بس انصدمت بـ راكان قاعد على طاوله الطعام وماسك بطنـــه وكأنه يتألـم بقووه .. خـفت عليه .. اي خـــفت لاا طاالعوني جي .. حتى ولو ..هو بشـــر ..ومااقدر اقسي قلبي .. تنحنحت ابيه ينتبه لي .. رفع راسه بسرعه وشافني ..حسيـــت بنظرته نظره ألم ..حزن .. مأسااه ..ماادري مافهمت غير هذاا منهااا .. سألته بتردد ملحوظ : فـ ..ففيك شـ ششي ؟ راكان وقف وهو يجدم مني بس انا ابعد بسرعه : ليش يهمج ؟ قلت بسرعه وانا ابتعد عنه : لاا ..مالي خص فيك ... " ومسكت طريجي بسرعه بركب فووق .. بس وقفني صوته وهو يقول : ان مارجعــــتي لـــي زحـــف تطلبيـــــني مني اتزوجج بعد مايطلقج احمد ..ماكون انا راكـــــااان .. انصدمـــت وكنت بطيـــح من طولي بس مسكت بقبضه الدري والتفت عليه .. وشفته يطالعني بخبث قلت له وانا عيوني تدمع : حقيــــــــــــــر نـــــذل .. راكان : ههههههههههه ..شكرا ع المغازل الحلوو .." وطلــع " انفجرت مراارتي وطلعت الدري ودموعي سيـــل على خدي ..شفت الكوب الي فيدي .. ماعرفت شاسوي من الحره صفقته بالجداار وانكســر ..تأففت ودخلت الغرفه على طووول .. قعدت ع السرير افكـــر واصيـــح .. يااربي شاااسوي في هالمصيبــه راكان ..شااسوي ..؟ اقوول لـ احمد ؟ لاااا لااا ..يمكن راكان ماينفذ وعده ويلعب علي ..واخااف اقول لـ احمد واخرب بينهم .. امممم ..اقول لـ مريم ولا شووق ..؟ اووف ..لاا يااااربي ماابــــي .. وقطع علي صوت التلفون .. صدفه ومن بين كل النـاس علقني من يوم شفته وعيني جات في عينه ..حسيت شي بعيونه حيل يجذبني .. لما ابتسم وبانت في وجهي تلاوينه .. رديت بكسل : الوو .. نوره : ويعوووه .. وينج لا تتصلين ولا شي .. حشى حشى احمد نسااج ربعج .. مقيووله من لقى احباابه نسى اصحاابه .. ضكت عليها وقلت : ماكل من يتمناه المرء يدركهُ تجري الرياح بما لاتشتهيه السفنُ .. نوره : هههههه اقول ياازينج سااكته .. قلت وانا اضحك ..فديتها النوري هي الي تضحكني : اقول اخباارج ؟ نوره : بخير ربي يسلمج وانتي ؟ قلت : يسرج الحال حرمـة اخووي نوره : بس عااد استلمتني .. قلت : مو انتي حرمه اخوي ؟ نوره : اي بـس .. قلت : لا تبسبسين ولا شي .. حرمه اخووي كيــــــفي .. عاجبني الاسـم ^_^ نوره : هههههه ..تدريـــن أجلوا الملجه .. شهقت وقلت : ليش ؟ نوره : ههههههه مادري .. بس مو واايد ..يعني الخميس الي بعده .. قلت : اهاا ..يعني اسبوع ونص .. صح ؟ نوره : اي .. قلت : يلاااااا الله يعيــــن اخووي .. نوره بخجل اعرفه : اوووووونج يالســـــــباله ,.,.اصلا اخوج يتمناااني .. قلت : هاهاهاهااي تحلميــــن ..اخوي ماخذج لاني انا الي غاصبته .. نوره : العبي على غيررررري .. ضحكت عليها : لو تجري جري الوحوش غير رزقك مااتحووش ,.. نوره : اقووووول انطمـــــي من يوومج ماتعرفين تركبيـــن الامثاال في الموااقف .. فطست عليها من الضحك ..لاني انا جي ..اعرف واايد امثاال ..بس ماعرف اركبهم في الوقت الصحيح .. نوره : يلا باي ..اسمع امي تناديني .. قلت : سلمي عليهاا .. نوره : يبلغ ان شالله ..ولا تقطعين .. قلت : من عيووني ياحرمه علي .. بايو .. نوره : بايو .. سكرت من عندهااا ..ومايمديني انســـدح ع السرير ابي اغمض عيوني رن تلفوني ..غمض عيونك حبيبي غمض عيونك .. بقول لك شي بس اسمعني بقلبك مجتاج لك في حياتي مقدر بدونك او بختصر لك واقول احبك احبك .. فدييييييييتك .. رديت : هلااا بالغــــاالي .. احمد : فدييييتج والله .. شفيج مارديتي بسرعه ؟ قلت : هههههه خربت علي ..كنت بناااام .. احمد شهق : توج قااعده .. ضحكت وقلت : ياخي ملل .. شااسوي .. احمد : اجيـــــــج .. قلت : لااا خلك في شغلك .. احمد : لا والله ..بجيـــــج .. قلت : احمممممممد ..اقعد في شغلك ..توك راايح .. احمد : وحشتيــــــــني شااسوي .. قلت : فدييتك انت بعد وحشتيني .. احمد : آآآه ..شمقعدني انا في مكااني .. قلت : ههههههه احمـــــد عشــاان خاطري ..اقعد توك راايح .. احمد : يـــااه يولي الشغـــــل .. قلت : اي بعدين قولي من قله تدابيري بعيري كل شعيري . احمد : هااااااااااااااا ..!! شقلــــــــتي !! اووووول مــــره عوش تقول مثل في محلــــه .. عووش في حد حذااج منقلج ايااه . ؟ ههههههه قلت : هيهيهي ..تتمصخر ويا ويهك .. انا اصــــلاً طوول عمري امثــاال عدله .. احمد : ههههههههه اي معلـــــــيه .. قلت : احممممممد ..يلا بناااااام .. احمد : مالت عليج ..مو منج مني انا الي متصل لج .. قلت : وقتك غلــــط شااسوي ..هههههه يلا يلا باارقد ... احمد : صيري خووش حرمه وقومي طبــخي .. تراااني ماذقت ولا طبخه من يدج من تزووجناا .. يااالله ..شنو هالووهقه .. يااربي سااعدني .. لااتخليه يجبرني اسووي ..اووف قلت : اممم ..الخدااامه طبااخها احلــــــى .. احمد : لاا لااا اليوم ابي اكل من يدج ملاكي .. يلا يلا روحي المطبخ وطبخي لي .. اوووووف شالبلشه هااي .. وين اطبخ لك وانا مااعرف .. احمد : تدرين في خااطري مجبوس دياي .. سوي لي اووكي .. يلا عشان ماعطلج .. باي قلت وانا شوي واصيح : باي .. اووووووووووووف .. الحين وين اطبــــخ له هذااا ..لاااااا ويبـــي مجبووس دياااي .. ويني انا وين المجبوس ديااي .. انا آكـــــل بس مااطبـــخ ..اووف طلعت من الغرفه بعد مالبست شيلتي وخذت جوالي ..نزلت وشفت عمي قاعد في الصاله ... رحت سلمت عليه وقعد اسوولف ويااه شوي ..وبعدين رحت المطبخ .. اي نسيت اقول لكم ..ان راكان رجع ممرضة عمي ..وقال ان مو لازم اهتم فيه ..الممرضه تعرف شغلهاا .. تدروون فقع مراارتي يوم قال جي ..الله يااخذه ..اووف استغفر الله استغفر الله ..الدعااوي على طرف لسااني .. قعدت ادوور في المطبخ ..الحين شااسوي ..يبتدون في شنو ؟؟ آآه ياايمه ..وينج .؟ تعااااالي سااعديـــني .. صدق لي قال المثل ثوبي احمر يصرخ وماعندي جدر يطــبخ .. اوووف .. اتصلت ع البيت ورد علي بدالتنا ..اوه قصدي فصول اخوي .. فصول : الوو .. قلت : احلــــــــى الوو .. حبيبي وين امي ؟ فصول : منو ؟ قلت : انا عووش ..عيوونك .. فصول : عووووث .. قلت : لاااااا تقول عووث ..قول عووش ..اش اش ..انطق حرف الشين ارجوووك .. فصول بصرااخ بطل طبله اذني : مااااااااااااااامااااااااااااااااااااا ..عوووث تبييييييييييييييس شوي وردت علي امي : هلااااا حبيبتي هلا يــمه .. قلت : اهلين يمه ..شلونج وشلون ابوي وخواني واخواتي ؟ امي : بخير الله يسلمج حبيبتي ..كلنا بخير ..انتي شلوونج . ؟ وشلون ريلج ؟ قلت : بخيـــــر الحمدالله .. " وبعدين قلت بنبره ترجي " يمــــــااااااه .. امي : نعم عيووني .. قلت : يمااااااااااه احمد طالب مني اسوي مجبووس ديااااااي ..الحقيــــني .. امي : ههههه مااقول لج تعلمي الطبااخ ..صيري حرمه سنعه .. قلت : يمه الحين عرفت قيمه نصاايحج .. امي : زين بقول لج .. اول شي طلعي الدياي ونقعيه في الماي ..وووووو وقاامت امي تقول لي شااسوي ..انا كنت حاطه السماعات في اذني والجوال في مخبااي ..وناديت وحده من الخداامات تجي عشان ترااويني مكان الاغراض الي ابــــيهم ..وامي ع التلفوون تشرح الي شااسوي وشااحط .. قعــــدت في المطبخ احووس وشتغـــل .. بصرااحه تعــــب .. بس حلوو الطبخ .. خلصت الغدا تقريبا الساعه 12 ونـص .. طلعت من المطبخ ورحت فوق غرفتي ..اووف ريحـــــــتي طبااااخ .. رحت الحماام تسبحت ولبست لي تنوره بيضــاا غجريه ..وقميـص اسوود ولبســـت شيله سووده كبيره شووي .. ونزلت تحت .. واول مانزلت شفت سعيد وشوق ومريم ونور في الصاله ..سلمت عليهم وقعدت .. شوق : نرجع لمحور حديثنــــا .. شنو مواصفااتهاا ؟ جاني فضوول اعرف .. موااصفاات منو ..فـ فتحت اذووني وركزت ع السالفه .. نور بسرعه : شووق .. في غرب منيـه .. فـ لو سمحتي سكري الموضوع .. سمعتوا الي سمعتــه تقصدني انا النحييييســه .. سعيد : محد غريب يااانوور ..وعايشه صاارت من اهل البيت .. نور : ومايشرفنـــا تصيـر من اهلنــا .. عصبت عليهاا وحسيت روحي بنفجر وقلت : لو سمحتي اخت نور ..احترميــني مثل ما انا محترمتج .. ولا تغلطيـــن لاني ماغلطت عليج ..ولا تضنيني سااكته ماقدر ارد عليج .. لا بس انا محترمتج لانج اكبر مني واهلي ماعلمووني اغلط ع الي اكبر مني .. " ووقفت " عن اذنكم .. ورحت وانا اشوف الصدمه والذهوول على وجيهم كلهم .. بس بصراحه مادري من وين طلع ويااي هالكـــلااام ..ياي كشخــه يوم تحسيـــن انج قلتي شي مفيـــد ..خخخخ .. رحت المطبخ وشيكت ع الطبااخ ..وقررت اسوي سلطه ..طلعت الخيار والخس والجزر ..ويعني شغلات السلطه ..وقعدت اقطع ..دخلت علي شوق وهي فااطسه من الضحك .. ابسمت : شفيج .؟ ضحكيني وياج .. شوق : ههههههههههههههه ..ماشفتي شكل نوور ..تحفــــــــــه ..هههههههههه قلت : ليش ..؟ شسووت ؟ شوق : يوم حذفتي عليها القنبله .. ظلت سااااااكــــته .. اما انا كنت اكتم ضحكتي .. ويوم شافتني ماقدرت اسكت وانفجرت من الضحك ..عصبـــــت وقاامت غرفتهاا ..والناار تطلـــــع من وراااهاااا .. ضحكت بكل ماافيني .. تستاااااااااهل ..دوااااهااا .والله كان في خااطري امسح فيها الارض .. بس مانزل مستوااي لحثااله مثلهااا .. شوق : اووه دااخله المطبخ شعندج ؟ قلت : ههههه اخوج قال لي اطبخ اليوم .. شوق : اهاااااااا .. يعني امر من الحبـــــــيب .. قلت : ههههههه اي امر .. شوق : جهزتي لـ ملجه مريم ؟ قلت : ليش متى الملجه ؟ شوق منصدمه : ماقال لج احمد ..؟ قلت وانا اكل الخيال الي اقطعه : لاا ماقال لي .. شوق : الخميس .. شهقت : يعني بعد يووووووميــــــن !! شوق : اي .. قلت : وي وي وي ..ماعندي لبس .. شوق : عيل لحقــــــــي ..طيران السوق .. قلت : يبيلي والله .. وفي هالحظه دخلوا مريم وسعيد .. سعيد يكلم مريم : ابيها متعلمه .. تحب الدرااسه .. مريم : هههههههه صج لي قال ..الطيور على اشكاالها تقع ...خخخ سعيد : والله طيوور مثقفـــه الحمدالله .. ضحكت انا وشوق عليه .. وقلت : تتكلمون عن من . ؟ شوق : الله يسلمني ..نبي نخطب حق سعيـد .. بس الحين نبي الموااصفاات الي يبيها سعيد في البنت .. التقت على سعيد الي يفتح الجدر وقلت : وشنو موااصفاات فارسة احلااامك ؟. سعيد: هههههههههههههه امـــــاا فارسه احلااامي .. قلت : يعني زووجتك المستقبليه ؟ سعيد وهو يقعد ع الكرسي الي يمي ويااكل من الجزر : امممم .. مو ضعيفه ولا متينه .. لا بيضا ولا سمــره .. شوق نطت : يعني مثل رشااقتي ولووني ..^_^ سعيد : والله لو مثلــج .. عفـــــت الزوااج بكبــــره .. قلت : هههههههههه حراام عليـــك ..شوق تهــبل ..وجسمها حلوو .. سعيد : بس مايعجبـني ..المهم .. ابيها متعلمــــه .. عشاان تعلم عيالي طبعاا ... تبي تشتغل مو مشكله .. بس يوم بتحمـل ..نو وي .. عيالي مايربوونهم خدم .. مريم : بهاذي صدقت .. وقعدنا نسوولف ونضحك على خباال سعيد وشووق .. وشوي ودخل عليـنا احمد .. احمد : اوووووه متجمعيــــن في المطبخ اليووم .. شوق : نسااعد حرمتك .. احمد جاني وحط يده على كتفي ..وطالع سعيد ..اما سعيد ابتسم بخبث ..وانا عااد دووروني ..مادري سحــت ووصلت تحت الطاااوله .. احمد يشم : آآآآآه .. ريحة الطبااخ تهبـــل من الي طاابخ يستعبط الاخ ..مو كأنه هو الي قايل لي.. سعيد : الخداامه بعد منو ؟ عاد منيه انا نقزت ..آيـه قااعد يهيني ..انا الي طابخه ..نقزت : لاااااااااا انا الي طااااابخه .. سعيد : اووووه تعرفين تطبخيــــــن ؟ قلت بثقه : عيــــــــل شلووووووووون ؟ سعيد : يلااا ناكل ونحكم .. احمد : طبعـــــا اكل حرمــــــتي حلوو .. ولو مو حلوو .. بيطلع حلو دام هي الي طابخته سعيد : احححححححححححم .. اخ احمد ..نسيت ان المطبخ ملياان وفي صغاااااااااااااااار... حمرت خدودي وقلت : يلا يلااا طلعوا برع .. احمد روح بدل ..وانزل ..وانتوا روحوا غرفه الطعام ..بيجيكم غدااكم راحوا كلهم ..وانا رحت انجب الغدا ..وطبعا بمسااعده الخدااماات ..حطيت السلطه في صحون .. وصخنت الشوربه شوي ..وبعدين حطيتها في المله الكبيره ..والمهم عدلت السفــــره ونااديهم .. شوق : قبـــــــــل كـــــل شي .. الي عنده وصيــــه يقوولهاا .. استغربت ..وقلت : ليش ؟ وفي هالوقت دخل راكان : السلاام عليكم .. الكل : وعليكم السلاام .. شوق : تعال تعال ركوون لا يفووتك ..عوش طاابخه .. راكان يطالعني : صج .. اما انا لفيت نظري وحطيت حق عمي الاكــل .. شوق : اي والله ..تعال .. قعد راكان جداامي .. شوق : صبرواااا لاا تااكلــــــوون .. قلت : ليييش ؟ شوق : اي حد عنده وصيـــه ,,كلمه اخيـــره حاابب يقولهااا ... يعني قبل لا نمووت .. الحين فهمت قصد شووق ..والكــــل قعد يضحك ويعلق .. قلت : لاااااااااااااااااا ؟ انتي اطبخــــــي وبعدين تكلـــــمي .. شوق : هههههههههه مااعرف .. قلت : اكلوا اكلوا ماعليكم منهااا .. سعيد : لوسمحتوا اتصلوا بسياره الاسعاف خلوهاا تووقف عند الباب .. يمكن في اصاباات .. انقهــــــرت وحســيت الدخاان بيطلع من خشمي ..التفت على احمد شفته مااسك بطنــه ورااسه على طااوله الاكل ويضــــــــــــــــحك .. احتررررررررريت وقلت : اي اي اضحك مخليــــني مصخررررره .. احمد : ههههههههههههههه يتعشمروووون ..هههههه والله ..ههههههههه قلت : انتوا بس اكلوا حبـــه ان ماكلتوا اصاابع يدكم ورااهااا ... راكان وهو يرفع كم ثووبه : يلااا بسم الله .. سمو كلهم ..ونجبت لـ احمد ..وسعيد وراكان غصب عني .. بس البنات نجبوا بروحهم .. قعدت اشووفهم .. شبيقولون عن اكلـي .. كنت قاعده العب بعيش اكلـي .. التفت على احمد لانه اول واحد كل وقلت : هاا حلوو .. احمد ظل سااكت ..وبعدين بلع لقمته وقال : ايييييي ..يهبـــل تسلم يدج عمري .. حمرت خدوودي وسكت .. التفت على مريم وسألتها : عجبج ..؟ مريم : هههههه اي تسلميـــن ..حلوو .. طرت من الفررحه .. وسألت سعيد : ها سعيد حلوو الاكل ؟ سعيد وهو يشرب لبـن : اي روووعه .. والتفت على راكان وقال لي قبل لا اسأله : يهبـــــل دااام انتي مسويته .. عم الصمـــت ع السفره ..وحبيت اقطعه وقلت لـ شووق الي كانت تاكل سلطه : ها شووااقه عجبج ؟ شوق : هوو بصرااحه بصراااحه .. يعني ..انتي شووفي صحوونهم وبتعرفيـن .. التفت اشووف صحوونهم .شفتها مترووسه ..وكلهم ياكلون سلطه او يشربون شوربه .. بس احمد يوم التفت عليه مسك الملعقه ودعس في حلجه لقمه عيش وابتسم لي .. قلت : عجبــــكم ؟ سعيد : هههههه ذووقيـه .. بلعت ريجي .. اوف ياربي يارب حلو ... يارب حلوو ..خذت لي لقمه وحطيتها في حلجي ..ثواني ظليت ساااكته .. والكل يطااالعني ..ينطر مني اقول شي .. بعدين بلعت القمه وقلت وانا ابتسم : مو حلـوو .. احمد : لااا عمـــــري طبااخج حلوووو .. تبوون الصج ..زعلت وتضاايقت .. يعني الحين انا مسويه الاكل وتااعبه عليه وبعد مايطلع حلوو ..اوف يااربي .. صج منحووسه ... ابتسمت لـ احمد وقلت : زين اكل .. احمد بلع ريجه ..وخذ لقمه ودعسها في حلجه .. الكل ضحك على حركته وقلت : حبيبي لا تغصب رووحك .. بسك بسك .. مريم : معليه حياتي ..اول تجربه .. قلت : وانتي شدرااج ؟ مريم : ههههه يعني مااسمعتج وانتي تطلبيـن المسااعده من امج .. انحرررررررجت والكل ضحك علي .. كاان الاكل متروووووووووووس ملــــــح وبهاااااراااااات كثيـــــره .. قاموا كلهم بعد ماشبعوا من الشوربه والسلطه ..وطبعا محد زخ المجبوس ..لانه لووعه ..استغفر الله العظيم .. قمت ورحت الغرفه وشوي واحمد جاا وقعد حذااي .. احمد : تسلم لي الاياادي الي طاابخه اليوم .. ضحكت وقلت : زين مااتسممتوا ..ههههههههههه احمد : ههههههههه ..شدعووه .. تثاوبت : اووف ..في رااسي النووم .. احمد : ههههه قوي قوي يلا نرقد .. قمت ورحت السرير ..غمضت عيووني ألا انا ناايمـــه .. قمت على حس بنت .. قلت : شوق ! شوق تصيح : عووش احمد وراكان يتضااربوون .. شهقت وصحصحت وقلت :شنوووووووووووو ؟! شوق تصيح : قوووومي قوووومي .. وطلعت تركض من الغرفه .. غسلت وجهي وخذت شيلتي وطلعت اركض شفــــت احمد ماسك راكان من رقبــــته ويصرخ عليــــه .. رحت اركض صوبه وقلت : احمــــــد ارجووووووووووك .. احمد التفت علي والشرار يتطاير من عينه وقال : ماااااااالج شغـــــل ..انطمــــــــــــي .. انصدمت ..احمد يصرخ علي ..؟ ليش ..؟ شسوويت .. راكان : كلــــه من هاذي العقربه " واشر علي " هي الي لــــفت علي .. وقالت لي .. صرخت عليه : شنووووو تقوول ؟ لااااا تجذب .. راكان : انا ماااجذب .. انتي الي جيتيني ذااك اليووم وقلتي انج تحبيــني ..وبتتطلقيـن من احمد وتبيني اتزووجج .. صرخت عليه ودموعي على خدي .. نور : عرفتووووووا انها عقربـــــه ..هااذي ماتقعد في البيت ولا دقيقه .. شنو ؟ شنو يقووووولون لــــيش مااسويت شي .. التفت على مريم ..شفتها تصيح بسكاات .. قلت لها : مريـــــــم .. انا مااسويت شي ..مريم .. مريم طلعت تركض .. التفت على سعيد ..هز راسه بالنفي وطلع من البيت .. التفت على شووق شفتها تصيح .. رجعت اشووف احمد .. احمد : اطــــــــــلعي من بيــــــــــــــتي .. اطلــــــــــــــــعي .. صرخت عليه اصيح : لاااااااااا ..احمد لاااا تقوول ..لااااا تقول .. هااا شووو رايكم .. ويين الردوود ؟؟؟ |
لا لا حراام اللي يصير لا تخلين احمد يطلقها بلييز صدق انه نذل >>راكان يسلموو و بنتظاار التكمله بأسرع وقت |
صـــج صج حقيــــــــــــر ابن اللذين والله القصه هذي مادري كيف خيال على وااقعيه الله يخسه بس <===لاتصدقين قصه يابنت الناااس :77: مسكينه عااشوه منحوووسه :02: We ArE wAiTiNg nEw pArTs :84: |
| الساعة الآن 03:10 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir