منتدى استراحات زايد - انتـِﮧ تقول انآ آخر انسآن تغليـِـِﮧ ۈانآ اقول انتـِـِﮧ اۈل انسآن احبـِـِـﮧ ~*

Part 15

ام مايد : شمامي فديتج تجهزو بنسير دبي عند خالتج ..
بنبات عندهم كمن يوم..
شمامي ( استانست ) : قوووووووولي والله ؟..
ام مايد : والله ,,
شمامي : انزين منو بيودينا ؟
ام مايد : الدريول وميود اخوج ..
شمامي : يس يس .. يلا برب بسير اتجهز ..
ام مايد : ههه اسميج انتي حركاات ..
شمامي سارت طرر غرفة ميود هع ..
ودقت الباب ..
ميود : whaat ??
شمامي : open the door please ?
ميود : هههه اوكيه ويت ..
وفتحلها البااب ..
شمامي فجت عيونها على وسعهن ..
شمامي : ميوووووود شو مسوي فـ عمرك ؟؟
ميود تحرى فيه شي غلط: بسم الله ما سويت شي ليش ؟؟
شمامي : محلوووو .. والله ازقرررت ظااهر .. اللحيه مرتبنها
وظااهره كووول ياا رياال ..
ميود : يااا ريااال .. قوول والله ؟
شمامي : والله << وتمسكه من خدوده خخ ..
ميود : ههه اييييه خوووزي اييدج ..
شمامي : اليوم بتودينا داار الحي عند القلب ..
ميود : آآه فديت هالطااري .. ادري بوديكم يلا سيري تجهزي ..
شمامي : اوجيج .. يلا جااو ..
وسارت غرفتها وتمت تتلبس وجيه وعقب يا ع باالها
ادق على عزوز لانها من متى ما رمسته ..

عزوز بتعب : الووو
شمامي خافت عليه : الوو .. عزووزي بلاااااك ؟؟
عزوز وبدون نفس : ماشي ماشي ..
شمامي : شو ماشي .. من صوتك يبين انك تعبان ..
منو مضيج فيكـ ؟؟
( تره محد يدري عن سالفة فطوم )
عزوز بانفعال : اقووولج ماااااااااشي انتي شو فيج ..
شمامي انصدمت من اسلوبه لانه اول مره يرمسها جيه :
انته شو فيك ؟ ليش جيه ترمسني ؟
عزوز بانفعال وعصبيه : يعني شووو .. كيف تبيني ارمسج .. اففف
شمامي : اقولك انا بسكر الحين بس حبيت اقولك اني بسير دبي عند خالتي وبنبات هناك كمن يوم يلا باي
( ما عطته المجال انه يرمس وسيده سكرت فـ ويها ) ..
عزوز معصب وفخاطره ( افف هاي متفيجه تراها .. بس حليلها ليش رمستها جيه .!!
وهي شو ذنبها اظهر حرتي فيها .. حليلج شموه ..
هب قصدي بس شسوي من القهرر اللي فيني )
شمامي فحاطرها ( ها ليش جيه يرمسني ؟.. وانا شو سويتله !!
حتى لو معصب .. هب يظهر حرته فيني .. الله يسامحه بس ) ..

...................................
................
.....

علآيه : مامااا صدق قم شمامي بيون عندناا ؟
ام حمدان : هيه ماما صدق ..
حمدان : ماامااا ابا حواوه
حواوه=حلاوه
ام حمدان : علايه عطي اخوج حلاوه ..
علآيه : اوكيه .. حبيبي حمودي تعال وياي ..
وسار وياها .. وتمت ام حمدان يالسه فـ الصالهـ ..
وشوي نزلت مياري من الدري ومتكشخه
ظااهره قمممر ما شا الله عليها ..
مياري : هآآآآآي ..
ام حمدان : وابوي شو مسويه ف عمرج انتي ؟
مياري : جيه شو ؟؟
ام حمدان : محلوووه اليوووم ..
مياري : كح كح تثلمين والله .. انا دومي حلوه بث محد
ملاحظ .. خخ
ام حمدان : تعالي بقرا عليج ..
وسارت مياري جدا امها ويلست حذاها .. وتمت تقرا عليها ..
مياري : امييه وين ابويه ؟؟
ام حمدان : ابوج سار بوظبي عنده اجتماع وبيتم هناك
اسبوع ..
مياري : اهااا ..
( مياري يا ع بالها تسير ادق لميود وتشوفهم وين وصلو )

وسارت غرفتها .. ودقتله ..
مياري بدلع : آآلووو
ميود : آآلوويين .. هلا بالدلع كله ..
مياري : ههه هلا والله بالغلا كله .. حبيبي ظهرتو والا بعدكم ؟
ميود : بعد شوي بنظهر .. اتريا شمووه .. لاني انا وياها بنسير ارواحنا وقم اميه بيون ويا الدريول ..
مياري : اهاا .. انزين تحمل على عمرك لا تسرع ..
ميود : تخافين علي حبيبي ؟
مياري : هييه يعني اونك ما تعرف.. اصلا محد كثري يخاف عليك ..
ميود : فدددديييييييت روووووووحج ميااااري ..
مياري : فديتكـ والله ..
ميود : فدييييييييت اللي تخااف علي ..
مياري : ميوود بس عاااااد .. شو خليت حق عقب خخ
ميود : بلااااااااااوي طال عمرج هع
مياري استحت : جب جب ..
ميود : لييش جب هههه
مياري : بس جب
ميود : افااا ,, لييييش انزيين ههه
مياري : ميووود بس خلاااص .. جينج السالفه بلييز ..
Change جينج =
ميود : تستحين فديت رووحج
مياري : يااا ربي .. ميوووووووووود
ميود : اوكيه اوكيه .. انزين ليش ما تدلعين ؟
مياري : ههه كيف بعد ادلع ؟
ميود : ادلعي بعد كيف يدلعون ..
مياري : ماعرف ماعرف .. انته دلعني ههه
ميود : لااا والله ههه
مياري : هييه والله .. انا ادلع بروحي مافي داعي حد يقولي .. خخ
ميود : امم انزيين حبيبي .. هذييه شموه يت ..

شموه افتحت الباب وشافت ميود يرمس فـ الفون ..
ويلست ع الكرسي وما رمست وهي بروحها كانت مضايجه من عزوز ..

مياري : ميوودي لا تقول حق شموه اني وياك ع الخط ..
اذا قالتلك منو ترمس .. قولها ربيعتك .. ابا اشوف
ردة فعلها خخ ..
ميود : هآع اوكيه ..

مياري : انزيين .. قول وينج حبيبي متوله عليج من متى ما رمستج ههه
ميود : وينج حبيبي متوله عليج من متى ما رمستج ..
مياري : ههه قول يزوووي عاااد
ميود : يزوووي عاااد
( هنيه شموه صدت صوب ميود وطالعته بنظره بس ما قالت شي )
ميود بصوت واطي : اوييه ميروه الحقي طالعتني بنظره خخ
مياري : ههه قوول والله
ميود : والله ..
مياري :انزين كمل كمل .. انته بروحك تكلم ..
ميود : اوكيه ... فدديييييت هالبووسه يا ربي ..
مياري : هههه حسبي الله ع بليسك..آي بوسه بعد هه
ميود : حياااتي زوزوو .. بتسيرين مكان بعدين ؟
مياري : اوييه زوزو بعد ههه
ميود : زين بعد ما بتسيرين مكان عشان انا ياي الحين
دبي وبمر عليج اوكيه حبيبي ..
( شموه هنيه رمست : اييه منو ترمس انته ؟
هنيه ميود ما رام يمسك عمره : هههههههههههه
شموه : منوو ترمس ؟؟
ميود : ارمس ميروووه بعد منوو ..
شموه : الحين ميروه تقولها يزوي و زوزو .. عطني
بسمع صوتها ..
ميود عطاها سماعه وخله السماعه الثانيه عندهـ
عشان يسمع شو يقولون ..
شموه : الوو
مياري : ههه الووو هلا شماامي
شموه : اهلين .. وليش جيه تسوون .. وانا اتحرا صدق يرمس وحده ..
ميود : اييه جب انا مااخوون ميرووتي ..صح عنووني ؟
مياري : هييه صح ...ماا يخووني ميود ..
الموهيم شحالج شمامي .؟
شموه : خخ والله تماام ومن صوبج ؟
مياري : بخير ربي يعافيج .. ها وين وصلتو الحين ؟
شموه : بعدنا .. قبل ما نوصل بنقولج ..
مياري : اهاا اوكيه ..
ميود يرمس شموه: بسج هالكثر تسولفين وياها
هاتي السماعه ..
شموه : اطااع هااه كيف يغاااار ..
ميود : هيه كيفي اغاار مابااها ترمسج وايد ..
وير السماعه عنها ..
ميود يرمس ميروه : انزين اقولج وهاي السالفه عيل !!
مياري : هههه لا والله احلف انته بس ..
ميود : جآآآآآآآآب << اونه عصب خخ
مياري : جب انته ..
ميود : جآآآآآب فديتج ..
مياري : جآآآب فدييت رووحكـ .. بس حبيبي انجب مابا اسمع صوتكـ .. اسكت حيااتي هههه
ميود : ههههههه لا والله ..
مياري : اثوولف ميوودي ..
ميود : آدري ميمي ..
مياري : شو ؟؟ ميمي ؟؟؟
ميود : هيه ههه
مياري : هاي يديدهـ ..
ميود : هيه حسيتي خخ..اقولج حبيبي ابا املج عليج ؟
مياري :حبيبي هب الحين .. انته خلص دراستكـ ..
وانا بعدني ما خلصت وراي دررب ..
ميود : انزين عاادي .. بملج عليج .. بس بعد سنتين
العرس لين ما تخلصين المدرسه ..
مياري : اممم ماادري والله ..
ميود : يلا عاااد .. شو مادري .. انا هب ناقصني شي ..
مياري: انزين انا ما قلت ناقصنك شي .. بس مادري
اذا ابويه بيوافق ؟
ميود : ابوج خليه علي .. والله مااقدر اتحمل اكثر عن جيه
مياري : ههه بس عااد .. وين بسير يعني .. تراك
خطبتني خلاص ..
ميود : حبيبي لا تخليني انزين؟
مياري : ما بخليك ,, وانته بعد لا تخليني ؟
ميود : كيف اخليج وانتي فـ عيوني فديتج ^^
مياري : تثلملي فديتكـ ..
ميود : انتي مالي صح ؟
مياري: وانا لك كلي بكملي ههه
ميود : فديتج اناا ..

( احم
اشوف عيبتكم السالفه ..
بسكم عاد عيب عيب ههه
بنخليهم ياخذون راحتهم بالسوالف ..
ما نبا نخرب عليهم .. خخ )

............................................
........................
.........

ام ناصر ويا مريوم فـ المستشفى ..
اغمى عليها وقالو استوالها هبووط لانها ما تاكل زين ..
وتمت عندها .. بس هي كانت فـ مستشفى
غير المستشفى اللي فيه عمور ..
ناصر اتصل على امه

ناصر : الوو
ام ناصر بتعب : الو هلا ناصر
ناصر : اميه بلاج ؟
ام ناصر .قالتله السالفه ..
ناصر : اوهوو الحين هي شحالها ؟
ام ناصر : بخير الحمدالله .. شو سويتو ف المستشفى ؟
ناصر : اميييه عموور نش من الغيبوبه ..
ام ناصر استانست من الخااطر : قوول والله .
ناصر : والله ... بس بعدهم بيسووله عمليه ؟
ام ناصر ( يا فرحة ما تمت ) : عمليه حق شووو ؟؟

<<< تتوقعون عملية شوو يسووله ؟؟

..................................
................
....

فطوم : خاليه وين برقد انا ؟
عبدالله : شوفي تره هالبيت كبير اختاريلج غرفه وارقدي فيها ..
فطوم : مشكور خالي .. مع اني ما استاهل اللي تسويلي اياه ..
عبدالله : لا تقولين جيه .. يعني كل ما احاول انسى تذكريني ..
فطوم : آنا اسفه ..
عبدالله : لا تتأسفين .. شوفي انا بظهر شوي وبرد
هب تسيرين مكان .. واذا بغيتي شي
تره الخدامه موجودهـ ..
فطوم : اوكيه ..
وسارت تتحووط فالفيلا .. هالفيلا كانت مال يدها ويدتها
بس من توفو تم خالها عبدالله عايش بروحه هناك ..
وشافت صورة امها محطايه ع الطاوله الموجوده ف الممر
شلت الصوره وتمت تصييح وتقول فخاطرها
( امييه ليش خليتيني برووحي .. انا ضعت من دونج ..
تولهت على حضنج وعلى حناانج ..) <<وترد تصيح ..

................................
...............
....

عزوز يحوط فهالشوارع ومايدري وين يسير ...
حتى شكله مستوي مبهدل واخوه سيف يدقله
وهو طاااااف ما يرد ..
(( والله لراااوييج يا فطووم .. افف .. والله خااطري ازغدها ..
اصفعها .. اذذبحهاااااااااا ... << كان يمشي ع البحر ..
وقال بصووت عاالي : اكرررررررررررررررهـــج يالحيووااااانه
ورفس التراب اللي تحته .. ويلس وحط ايده ع راسه ..
( بتشووفيين شو بسوي فيج .. كل النااس بيسمعون
عبدالعزيز بن صقر ...... شو سوى !!!
.. بس اصبري علي .. لانه الوضع هالايام حساس ..
لانه اللي بسويه يباله تخطيط مرتب .. بتشوفين بس
والله لتندمييييييين .. بخليج تتمنين المووت
وانتي حيهـ .. بخليج تصيحين دمــ بس اتريا
اليوم الموعوود ,, بس اترياا !!!! )

<<< شيييييت شو تتوقعون يسوي ؟؟

..................................
................
....

ميود وشمامي وصلو دبي قبل امهم ..
وشمامي طرشت مسج حق ميروه انهم قريب البيت..

مياري من شافت المسج ... ركيييييييييييض
نزلت تحت ..
مياري ترمس امها : امييييييه شموه وميود وصلو ..
ام حمدان : هاا زيين والله .. خليهم يقربوون ..

وقفو السيارهـ ونزلت شموه قبل ميود وسارت تسلم عليهم وما تريت ميود خخ

شمامي : هااااااااي ميااري ..
مياري من شافت شموه سييده سارت حضنتها :
يالجلبه حلووييتي .. والله قمرر مستويه ..
شمامي : ههه وانتي بعد محلوه ..
وتقربت من اذن ميروه وقالت : الله يعينه ميود ..
مياري استحت ..
وسارت شمامي صوب خالتها ( ام حمدان ) :
خالو شحالج ..
وسارت تسلم عليها ..
مياري : شموه قومي نسير غرفتي شوي .
شموه : اوكيه ..
يوم ساروه شموه وميروه الغرفه .. حدر ميود الفيلا ..
ميود : هوود هوود
ام حمدان : هدا هدا .. حياااكـ ..
ميود سار سلم على خالته ويلس يسولف وياها
ميود : عيل وينها ميروه ؟
ام حمدان : تقصد حرمتك ؟
ميود قفط : هاا .. هيه هه
ام حمدان : سارت فوق ويا شموه الغرفه ..
ميود : اها .. انزين خالو انا بظهر الحين ..
ام حمدان : وين بتسير بعدنا ما شبعنا من سوالفكـ ..
ميود : ههه ربعي يتريوني .. متواعد وياهم ..
ما بتأخر ..
ام حمدان : انزين تحمل على عمرك ..
ميود : ان شا الله ..

وظهر ميود وركب سيارته ودقها سلف ورووح
وسييده اتصل حق ميروه ..

مياري ويا شمامي ف الغرفه
مياري : اوييه هذوه ميود يتصل ما سلمت علييه ..
شمامي : اووه الله يعينج عليه .. الحين بيسويلج محاضره
ههه ..
مياري : جب جب .. خليني ارد عليه قبل لا يسكر ويسويلي سالفه ..

مياري ردت عليه ..

ميود اونه زعلان : الوو شو تبين ؟
مياري : اطااع انته اللي متصل .. شو شو تبين ؟ ههه
ميود : جب انا زعلان منج .. يعني ما تسلمين علي هاا ..
مياري : حبيبي سووري ..
ميود : لا مااباا .. بعدني ذعلان ؟
مياري : ميوووودي حبيبي حياتي عمري وروحي احبك انا
يلا عاااد ؟
ميود : هيه كوني جيه حنونه ههه
مياري : ها ها ها اسميك لووتي ومزااجي كيوتي ههه جني اسمع صوت سياره تمشي وين ساير ؟؟
ميود : برد رااك .. لانج ما استقبلتيني ولا سلمتي علي ..
مياري : اييييييييه عن الاستهباال ..!!!!!
ميود : ههه اسوولف فديتج .. بسير عند الربع ..
مياري : اهاا .. انذين ممكن ثؤآل ؟
ميود : آآمري تدللي ..
مياري : ما يامر عليك عدوو .. حتاتي عادي اثير
الامارات مول .. بثير انا وشمامي ثويه ..
ميود : اوكيه حبيبي.. تيك كير بس ..
مياري : ثآآآآآآآنكسوو ميوودي .. يلا عيل اخليك انا ..
ميود : ولكمسوو مياااري .. اوكيه يلا جاااااو
مياري : جااواااات ..

مياري ترمس شموه : يلا بنسير الامارات مول ..
شمامي :انزين خبري امج ؟
مياري : هيه صح ههه نسيت خخ

مياري سارت عند امها وقالتلها انها تبا تسير الامارات مول
ويا شمامي .. وافقت وقالتهم لا يتأخرون ..

وسارو تكشخو وكل وحده لبست جاكيت فوق عباتها
اونه ستاااااااااايل خخ .. وسارو الامارات مول ..

وتمو يتمشون فـ المول ويتشرون وما خلو محل ما دشوه
وما اشترو من عندهـ .. وشوي يدق ميود حق شموه

شموه : هلا ميود
ميود : اهلين وين انتو ؟
شموه : بعدنا فـ الامارات مول ..
ميود : ايوااه انزين بييكم انا الحين ..
شموه : بتييناا ؟؟
ميود : هيييه بييكم وعقب بنرد البيت مع بعض ..
خلو الدريول يرد ..
شموه : اوكيه << وقالتله مكانهم وسارلهم ..
ميود : اهاا اوكيه يلا باي
شموه : باي ..

ميروه: بلاه ميود ؟
شموه : يقول بيي صوبنا ..
ميروه : قوولي والله ..
شموه : والله ..
ميروه : فديته من زمان ما شفته ..
شموه : خخ اهاا ..

وشوي وصل ميود صوبهم .. وسلم عليهم ..
وصد صوب مياري وقالها ..
ميود : يا ويل حالي ع الكشخه .. ها كله حقي ؟
مياري : ههه شفت عااد ..
ميود : اممم اقولكم انا بخليكم الحين ..
شموه : اييه لييش .. تم هنيه ..
ميود : بتشوفوني فـ البيت تراكم ..
مياري : لاا تم ..
ميود : اوكيه بتم لعنونج بس ..
مياري مستحيه : تسلم ...
وسارو ايلسو فـ مطعم ..
ميود : هاا ميرووه .. وينه حمدان ؟
ميروه : فـ البيت حليله خخ
ميود : وحليله ليش ما يبتوه ؟
ميروه : ما فينا ع الحشره ..
ميود : اهاا .. شو رايج فـ اللحيه ههه
ميروه : اشوف صد صوبي ..
ميود صد صوبها ..
ميروه : ازقررت والله ..
ميود : يعني حبتين ؟؟
ميروه : كرااتيين حبوب بعد ههه
ميود : ههه احم خخ ..
شموه : ميوود ..
ميود : هاا ميود ؟
شموه : شو هالجاكيت اللي لابسنه ؟
( كان لابس جاكيت فوق الكندوره .. وكان متعصم
بغتره حمرا .. وشعره كان ظاهر من تحت الغترهـ ..
وكان شكله كيوووت .. طرر .. كان متغير 180 درجه )
ميود : هييه .. شو رايج ؟
شموه : كووول ..
ميود : ادري ادري خخ..
ميود : انزين بخليكم انا الحين ... بسير عند ربعي ..
يوم بتخلصون دقولي عشان نرد البيت اوكيه ؟
مياري وشمامي : اوكييييه ..

وسار ميود صوب ربعه ..

.............: اووه ميوود موااعد هاا .؟
ميود: اييه شو مواعد .. هااييل من الاهل ..
.............: علييينااا ..
ميود : قسسم بالله .. من الاهل .. اقولهم
يوم بتخلصون قولولي .. عشان نرد البيت ..
..............: اهااااااا.. انزين قم خلنا نتمشى ..
ميود : يلاا..

...................................
..................
.....

فطوم يالسه فـ غرفتها ..
( افف ملااانه اناا .. وخالييه لين الحين ما ياا .. شو اسوي !!
بسير اتمشى .. فـ الحديقه ..)

اترا هم عندهـم .. حديقه فـ الفيلا .. وفيها ورود
ومرتبه يعني .. واايد رووعه شكلها ..
وسارت فطوم تتمشى فـ الحديقه وكاان ظلام فـ الليل
.. وهي تتمشى .. سمعت صووت ..

من بين الحشيش ..

( يمكن اتخيل ) ..

وردت سمعت نفس الصوت ..

( يااربي اخااف ) ..

وكل شوي تحس الصوت يعلى ..

ويعلى

فطوم صدت وراهاا ..::

آمييييييييييييييييييييييييييييييييييييه

St0o0o0o0o0o0o0o0o0o0o0o0o0oP

تتوقعون عمليه شو .. بيسوون حق عمر ؟؟
وعزوز شو يخطط يسوي ؟؟
وخطبه عزوز من شمامي بتم والا بتنلغي والسبة تهوره؟؟
ميود ومياااري ( آحلى ثنآئي ) هع
شو تتوقعون يصيرلهم ؟؟.. بيملجون ؟؟ والا ؟؟
فطوم شو شافت ؟؟..وصوت شو اللي كانت تسمعه ؟؟

وشو رايكم فـ البارت ؟؟..

وبــــــــث ..
ان شا الله عيبكم البارت .. وترقبو البارت الياي باقرب وقت..

و السموحـهـ ع القصـور ..