|
مريؤم مافيني صبرر اتريااا؟<<تراني بديت انسى...ههه فديت العيؤنج لاتتآخرين زيادةة متى الباررت؟ |
. . . 31-2 كم جئت أحمل من جراحات الهـوى نجوى ، يرددها الضمير ترنُّما سالتْ مع الأمل الشهي لترتمي في مسمعيكِ , فما غمزتِ لها فماً مريم ضغطت بيدي على مسامعي لأقترب من حروفه أكثر وقلبي سيخرج من مكانه: شو؟ نادتني أمي بصوت عال: مريووم رفعت رأسي تحت استفهامات شيخه: لحظه اميه .. ألو .. قولي شو لقيت منو كان؟ محمد بتردد: أأ رجعت تناديني: تعالي شلي عمور خيس عمره بالصالونه ماروم اسبحه انا اقولج مافيني شدة البشكارة مشغوله تعالي شلي ولدج وغسليه لانه خيسنا انزلت الهاتف متأففة.. عليت صوتي باستنفار: امايه ماترومين تصبرين خمس دقايق؟ ارمس فالتيلفون شيخه تنهض: انا بسير أغسله مسحت على كتفها أعبر عن شكري.. رفعت الهاتف فانصدمت من الخط الذي قُطِع ! توترت أكثر.. اتصلت به فلم يردّ حكيت جبهتي بقلق فضيع يقلب فيني ذكرى الفجر المخيف.. من يكون؟ أمن له قلب متحجر مثل هذا, يدخل على امرأه وطفل في مثل وقت كهذا ليخيفهم ويذهب؟ أين وجد مفتاحاً ..أين وجد مدخلاً سهلاً .. لما فعلها ؟ اتصلت بمحمد مراراً وتكراراً لكنه لم يجب.. جسمي يرجف من الحقيقة يامحمد.. أين انت ! ابتلعت ريقي كأن احداً جفف حلقي بمنشفة ! شد عمر ملابسي من الخلف ينشر ضحكاته الجميلة.. ما أجمله ! حملته لاشتم رونق جسده المبتل بعد الاستحمام .. و عقلي يشتعل تفكيراً.. عيناي لم تفارق شاشة الهاتف المظلمة..المخيفة.. تختق بداخلها انتظاراً مميت يقتلع أنفاسي .. بطأ حركة يداي وهزات رجلي.. كل ذاك اشغل قلب شيخة التي قطعت عنها أخباري فالآونة الأخيرة.. خشية قلقها علي فهي الآن تعيش أجمل أيامها.. بعد شفاء عمي وخطبتها من راشد.. ليس لي حق أو لأي أحد أن يعكر صفو سعادتها الذي طالما حلمت به.. كان أملها بقدومه كبيراً .. عكس أمالي التي دفنتها في تربة يابسة لن يصلها الماء ! دخلت أمي تطمئن على عمر.. تربط رأسها بشالٍ يرفع شعرها ويداها مشمرتان .. تبث رائحة المطبخ منها بشدة: ها تسبح هذا الولد الشاطر؟ اجوفه حبيب يدته اللي امه تجلع الجبد من برودها انا اجوفه؟ فديت النظافه انا حبيبي لم اعيرها اهتماماً..انكمش وجه شيخة: اممف يا خالو انتي اللي يبالج سبوح ونظافة امي تتقدم منهم: شو اسوي بعد يالسه اطبخلكم اذا انا ماطبخت منو بيطبخ يا حظظظي (تشير إلي وإلى غرفة شما) مالت اقول عمر يقلدها بيده: هاااه شيخة تبعدها: انزيين يالغالية شو رايج تردين من وين ماييتي لانه ما عندي استعداد اسبح ولدكم مرة ثانية لعوزني أمي تأشر بسبابتها إلي .. لمحتها من طرف عيني دون حراك, تسأل عن سبب سكوتي.. تجاوبها شيخة بهزات من كتفها كل ما يتخلل في بالي الآن.. لو كان شكّ محمد في محله وأظهرت الشرطة أن عبدالله له علاقة بالموضوع.. كيف ستكون ردة فعله باردة بحكم هدوء صوته.. كيف لم يعاتبني .. ؟ لم أنسى قبضة يده المتكورة مثل الجمرة الملتهبة يتوعد لعبدالله .. وحرارتها تلفح بقلبي خوفاً .. وحسرة! خرجت أمي وأخذت معها عمر لتطعمه .. شعرت بالتوتر من جديد! اقتلعتني شيخة من الصمت : مريوم .. عاقه قلبي تراج بلاه محمد مستوي شي؟ ضميت شفاتي ثم قلت موطئة: لا بس احاتيه..انقطع الخط وما رد يتصل ابتسمت مطمئنة تضرب ذراعي: يبوووي .. فاجه حلجج من متى وتفكرين قلت احين شي .. ماتدرين يمكن مسكين خلص رصيده ولا مافي الجرج ولا اتدربح وهو يمشي ولا طاح في حفرة ولا انجلع ضرسه لا سمح الله مثلا عقدت لها حاجبي: شيخووو..بسم الله عليه الله يواليه العافيه وين ماكان تقترب مني بفضول: يا عاشقين اسمعو.. انتي ترى هيمانه على الآخر لو تسمعين عمرج بتضحكين.. بس اتصدقين؟ والله وايد مستانسه انج رديتي لريلج مريوم احسن شي سويتيه تنفست بحزن: رديت .. بس يليتني من الاول مابتعدت شيخوه.. يالسه اعض اصابعي ندم على كل شي سويته -احين ليش الزعل مدام كل شي انتهى.. ومحمد قرر ينسى ويسامح وانتي من قلبج تبينه -عقب شو؟ عقب ما عذبته باهمالي له ولعمر مدة طويلة كان يشكي فيها لنفسه حتى ما اتعب نفسي اسمعه وهو يرمسني او يعاتبني.. تجاهلت طلباته ووجوده وحتى يوعه وعطشه .. لا اهتم متى تغدى ولا وين يكون يوم يتأخر.. يوم يتصل اسكر فويهه لاني مقهورة منه .. وعذبته بسالفتي ويا (ضغطت على شفتاي ندماً) انا ما استاهله..اعرف اني ماستاهله -مريوم لا تزعلين مني ..بس انتي من الأول ليش سويتي جذي؟ كل ما كنتي تطرين عبدالله كنت اخاف اسألج واتعصبين.. اذا محمد مايشكي باس ليش كلمتي عبدالله ؟ ايام الملجة كنتي متمسكة فيه وتبرق عيونج من يطرونه .. وين المشكلة؟ اذا ماكنتي مرتاحه ليش عرستي؟ امسح دمعاتي بقهر: لأن البيت كان بالنسبالي سجن ابا اتحرر منه.. بروحج تذكرين كيف كانت حياتنا باهته أول ماصارت هالمشاكل.. ومانقدر نتشرد منها لأن ولا وحده فينا عنده ليسن ولا سيارة.. كل الي نسويه ندرس وناكل ونرقد ونرجع اليوم الثاني نفس الشي.. ساعات كنت انخش بروحي في الحجرة بس اتخيل كيف حياتي عقب ما اعرس وكيف بتتغير.. علقت احلامي كلها على هالزواج.. وصوت الحشرة بين اميه وابويه واصلة اذني.. عشقت حتى اللحظات اللي اغمض فيها عيوني فأي حصة ماتعيبني واسرح لبعيد.. اتخيل شكلي وانا عروس وصوت الزفة والفستان الأبيض .. حياتي اللي بتتغير .. بين كل هالخيالات غاب عن بالي الانسان اللي بعيش وياه.. ماقولج ماهمني منو بيكون وكيف شكله ولا شو يملك.. بس قلت .. قلت ابغي ذاك اللي يعطيني حريتي بدون ما يتحكم فيني.. عقب مانخطبت وعرفت عن محمد كل شي بحكم سؤال ابويه عنه.. عديت الأيام والليالي لين العرس.. ماعرفته عدل ايام الملجة ,يوم اييني ما كنا نسولف احياناً لأنه وايد كان خجول .. بس حبيت طوله وعرضه ووسامته.. عقب ما تأكدت ان احلامي ماكانت مجرد احلام.. غايضت كل اللي حولي فيه حتى انتي كنتي تعاتبيني لأني وايد خذت على نفسي موقف -اذكر .. بس مدامج كنتي جي تفكرين شو اللي تغير؟ -شيخوه .. انا يوم ظهرت من بيت ابويه كان عمري 19 سنة.. ماعرف عن حياة الزواج شي.. ولأني اول وحدة اتعرس فالعايلة ماكان عندي حد ينصحني ولا يوجهني للطريج الصح.. امي وابويه لاهين .. كان بس بودي لو حد خذ بأيدي وقالي ترى كل انسان فيه عيوب تحملي ريلج على الحلوة والمرة.. بس كان خاطري اسمع هالجملة بين معمعة اليبّاب اللي زفني له عروس.. ماقولج ما حبيته بس .. كنت مثل المسحورة .. اباه عشان اطلع من البيت .. اباه عشان اعيش أميرة.. اباه يخلصني من قيود اللا والتفكير بالمصاريف ويلسة البيت والدراسة والملل اللي عشته.. اليومين اللي قضيناهم في فرنسا كنت بعدني مب مستوعبة اني خلاص استويت حرمة متزوجة.. بعدني مراهقه تركض هني وهناك مثل المينونة اللي ماطلعت من بيتها سنه.. يمكن هذا اللي حببه فيني .. كرهت جديته ورزانته بس ريحتني من صوبه بنفس الوقت ! -عيل ..! -عقب وفاة ابوه الله يرحمه.. كنتي اتجوفيني كيف اييج اشتكيلج انه تغير 180 درجة.. ماييلس فالبيت ولا يدريبي استوى نكدي فجأه.. حنّان .. يصرخ على أي شي.. ينزوي في مكتبه مايبغي يرمس حد.. يطلع ومايرد غير الفير ولا يتصل ولا مسويلي اعتبار .. ماقولج ماكان يسأل عني ولا مهتم بس بطريقة باردة كرهتني فيه.. تم جذي مدة طويلة كل يوم اقول بيتغير.. بس فراق ابوه اثر فيه وايد و اثر فعلاقتنا .. استوى .. (اوطأت رأسي خجلاً) شيخة بفضول: استوى شو؟ تبعثرت كلماتي فحاولت ترتيبها: انتي بعدج ماعرستي مابتفهميني بس.. محمد كان يجوفني أداة ينسى فيها همومه .. لحظات يركل فيها الدنيا وراه ويعيش لذتها .. بس بعدها يتركني بروحي ويرد ينطوي في عالمه .. كان يحز فخاطري الشي وايد.. حسيت بالمهانة.. ايلس اصيح ماعرف اشكي لمنو..وين اسير.. ابا اصرخ فويه ابويه واقوله خلاص ماباه .. ونفس الوقت مابا ارجع البيت .. عذاب محمد اهون.. كنت ابغي ازاعق من غيضي بس محد بيسمعني.. تربت على كتفي تحاول تهدئتي: خلاص اهدي حبيبتي.. ادري ان وياج حق بكل اللي تقولينه.. ادري ان وفاة ابوه بثالث يوم زواجكم كان صعب وايد عليج .. بس انتي بعد هالفتره بديتي تتغيرين عليه وتطلعين وتردين على كيفج.. البنات قامو يرمسون عليج ويقولون مريوم ما وراها ريل يحاسبها .. كانت توصلني الرمسة وتحز في خاطري.. اوقفهم عند حدهم بس صدق مادري شو كان يستوي وياج.. اليوم صح عرفت بس .. مريوم كان لازم توقفين وياه .. هذا ابوه..تخيلي لو لاسمح الله استوى وياج انتي هالموقف احس مابيتركج والله .. قمتي تتنرفزين منه ومن كل شي يسويه .. من عتابه واسئلته ليش انزين؟ .. مب حرام فوق جرحه زدتيه سرحت مغتاضة: لأنه قاهرني .. عقب ماعرف اني حامل اونه تغير وبدا يهتم فيني.. بس بعدني كنت مقهوره منه .. كرهت قربه وكرهت اليلسة وياه الحمدلله ان امي قالت اني اتوحم وقتها عشان جيه يلست بيت ابوي اول الأشهر ويوم اييني انخش فالفراش لاني مابا اجوفه.. تحريته يسوي روحه حنون ويمسح على ظهري ويشتكي لي من وحدته.. كنت اكره كل كلمه منه .. ماباه عايفتنه.. رديت البيت فالشهور الأخيرة بالغصب عشان حنة امايه.. ولا مولية مابغيت ارجع.. عبدالله .. كنت اجوفه من فتره لفتره اول ماداومت .. يراقبني كل ماطلع ويوقف لي لين اروح .. عيبني احساسي اني مرغوبة.. ما يا فبالي محمد مولية لأني كارهتنه.. وحملي خلاني اكره قربه زياده.. وعقب ما ربيت اهتم في عمر ونساني جني انا ربيته ومت.. بس اكتشفت انه بالعكس كان مهتم فينا نحن الاثنين.. بس انا اتضايج من كل شي يسويه.. كنت اقول فخاطري انا مب عيوز عشان يبوس راسي كل مارد من الدوام.. وهداياه بايخه ماعنده ذوق مع انه اييبلي من ارقى الأماكن.. ماعتبرت كل هذا حب.. وتعرفت على عبدالله لأني ابا انحب .. ابا حد يسأل عني كل صبح ومسا.. مابتصدقين اني كنت استانس من غياب محمد عشان ارمس عبدالله.. اعلقه فيني مع اني ماكنت احبه بس ميته على الكلام اللي يقوله لي والقدر اللي يسويه عشاني.. وقتها..كنت اجوف بعيون محمد عذابه.. واحتياجه بس اتجاهل.. حتى يوم سار العمرة ما سألت عنه بالعكس استغليت غيابه.. ومره خليته يوصلني لين بيت عبدالله بس عشان احس بالمغامرة .. كنت اسوي اشيا بس عشان احاسيسي .. جفتي كيف انا كنت ياهل؟ تتنفس: مب بس ياهل .. احس انج ادمية مول مب صاحية وما فيج عقل ماتعرفين شو تبين ومب قادرة تعرفين تذكرت مبتسمة: تدرين؟ اليوم اللي سكر محمد فيه الباب بويهي .. كانت اول صفعة توعيني للمهزلة اللي انا عشتها يوم ياني يكلمني بلهجة قاسية وعذبني بغيابة وغياب عمر .. الكلام اللي قاله لي عن ابوه ..وحياته كيف كانت حببتني فيه حتى العذاب اللي حسيت فيه وهو بعيد..والغيرة اللي قطعتني من قرب عفرا له حسيت اني كبرت فجأه واستويت اعرف معنى الأم..معنى الزوجة عرفت معنى الخوف من الفراق.. عرفت كيف انخذل عرفت .. اني ماقدر اعيش ولا ثانية بدونه .. أفعال عبدالله اللي كرهتني فيه زيادة خلتني ابطل الغمامة اللي مربوطة على عيوني.. من بعّدت عنه طلع على حقيقته جنه كان يمثّل علي طول الوقت .. قهررررني موتني غيض يوم يود ايدي بدون حيا وقال اني حرمته.. مواقفه كلها كريهه واتخليني اجز منه ومن نفسي وياه ساعات اضحك على ماضيي واقول انا شو كنت اسوي؟ من كل عقلي؟ اخون ريلي ويا واحد مثل هذا؟ تمنيت من قلبي ان ربي يسامحني على كل شي سويته.. ويسامح امي وابوي اللي خلو الزواج بعيني السما اللي اطير لها بعيد عن قفصهم.. وارض الاحلام اللي انثر عليها امنياتي.. و ايد الساحر اللي يقولي شبيك لبيك.. كنت البنية اللي مب مستعدة ترضخ للحياة اللي اهلها اختاروها و عاشوها .. وعيشوها بتفاصيلها المرة ! تعتدل مبتسمة: ولو .. احس لو انا مكانج بستحمله على الحلوه والمرة.. اصلاً رشود يحبني ويفهمني ومستحيل نختلف تنفست: الحين تقولين جيه بس لازم بتستوي بينكم شوية خلافات لين تتعودون على بعض.. انا ماعطيت محمد مجال يعرفني حتى ولا هو بادر .. أول الأيام كانت اتعس ايام مرت عليه (ابتسمت براحة) بس جوفي الحين كيف .. تفتح يدها للسماء مستنشقه: وااااي احببببه اشكر مستااانسة ابا اصفعه تصففيع واصقع راسه فالايدار من الوناسة مسكت يدها: ههه..نصيحة مني شيخوه .. لا تهملين بيتج اسمعيه يوم بيتكلم حاولي تتفهمين أي ظرف هو بيطيح فيه .. اوقفي وياه فأصعب أوقاته.. خلي مشاعرج ثابته وياه لا تغيرين حبج له .. (أوطئت رأسي) انا ما ضيعني غير اللخبطة اللي كنت عايشة فيها بحماس: يااي مب مصدقة اني بسير لندن بااخذ كل شي اجوفه جدامي بخمها خمم قطع حديثها رنين هاتف البيت, بعدما نسيت أمر الرنين .. تنفست بحبّ : يمكن هو شيخه: ليش بيتصل ع البيت.. المهم بندي فويهه وخليني اكمل قفزت من مكاني إليه متلهفة لتظهر لي أرقام ..علي؟ وقفت يشدُّ حاجبيّ استغراباً شديداً .. شيخة باستفهام: ردي لا أشرت بيدي بعلامات تعجب: هذا علي ريل شموه قفزت إليّ وعيناها تسترق الرقم: اونننه..هذا وين كان غااط هزيت كتفي: مادري بس ليش يتصل ؟ خاطري اهزبه هزاب شيخه تضع يدها على السماعة: افف احين ردي قولي ألو رفعت شفتي: انا ارد ليش وين شموه؟.. رفعتها: ردي عن يبند الحين رمقتها بغضب..ثم غضضت من نبرتي: الو ! بصوت مبحوح: السلام عليكم .. دفعتني شيخه لأرد: عليكم السلام .. عرفني: اشحالج مريم؟ بغيض: الحمدلله علي ,انت وين مختفي؟ ناسي ان عندك حرمة وولد محتايينك ليش هديتهم وروحت؟ كل ها عشان رضى اهلك ؟ الله يرضى باللي تسويه؟ شيخه بهمس: بلاج انتي بلاج انجلبتي له المحقق كونان .. خلي الريال يرمس بتحشرج: تقبل الله صيامكم..اسف ازعجتكم بس انا .. اليوم واصل من السفر وابغي اجوفهم..بس شما رافضة تكلمني .. رديت بحدة: لازم بترفض.. كل اللي يسوونه اهلك فيها وبعد تسكت عشانك بس انت شو سويت؟ هديتها و روحت شيخه بفضول: شوووو قال مرتبك:..مريم دخيلج خليها تكلمني ضروري انا دقايق بطلع من المطار وبيي عندها البيت .. حاولي تخلينها تلين بعصبية: انا مابتدخل بينكم علي بس اختي صدق تعبانة.. ودها ترضيك بس لا من اهلك ولا منك كم بتتحمل.. اذا ماسمعت منك اكيد مابتسمع مني بحزن: طلبتج تساعديني مريم.. امج ما بتفهمني لاني اتصلت وبندت فويهي.. انا شارنها ومستعد ارضيها واحطها بعيوني.. خواتي بحاسبهن وحدة وحدة وبخليهن يبوسون راسها.. بس لا تكابر اباهم يرجعون وياي تراني مشتاقلهم حيل اشفق قلبي على حالهما .. شيخة : شو يقووول؟ سكت افكر بكلامه.. فاجأتني شيخة تسحب السماعة: هاتي خل اعطيه شموه انتي مامنج فايدة فتحت عيناي اهمس: هدي خل اكلم الريال سحبته بقوة عني فأغلقته ثم فرّت تركض للخارج: شمممووووه ركضت خلفها: وويع اسكتي بتخربين كل شي دخلت غرفتها بحماس ولم تجدها.. حكت رأسها بإحباط تخصرت:احسن احسن يالملقوفه دفعتني: قومي مناك ..شممممموووووه! مسكت طرف ملابسها: خفي حسج عن تسمعج امييه بتحشرنا وقفت تصرخ في منتصف الصالة: شمممووه ريييييلج اتصللللل شموووه ريلج اتصلل شمـ... خرجت بوجهنا أمي ترسم العبوس..وبيدها ملعقة الطبخ: شو قلتي؟ شيخة تبلع ريقها بصوت: أأأأأأ همست: زين لج الحين؟ امي: انا اسألكن.. منو اللي متصل ان شالله؟ سكتنا ننظر لبعض بخوف.. ضيقت فتحة عيناها: ومنو اللي ردت عليه بالله؟ شيخه: مريوم انا: شيخو توجه أصابع الاتهام إلي: يالجذابة لا اتجذبين في رمضان رفعت أصبعي بوجهها: منو اللي تفلسف ورفع سماعة التيلفون واتعنتر ها شما من خلف أمي..تحمل خالد و كيسَ سكر: امايه ماحصلت حد فبيت ام عيسى طلعت لي البشكارة عطتني الشكر يودي أمي بنظرات غاضبة تهز الملعقة بوجوهنا: يا ويلكم اذا رن التيلفون وجفت وحدة منكم شالتنه بقطع ايدها تسمعون؟ شيخة ترجع للخلف: تسمعون .. آاقصد نسمع شما باستغراب: شو السالفة ليس من المعقول ان نبعد الرجل عن عائلته حتى لو كان مخطئاً.. فقلت بوضوح: علي اتصل ..وقال انه ياي من المطار ويبغي يشوفج لمعت بعينيها فرحة قاتمة.. بإلتفاتة إلى نظرات أمي غيرت مسارها و اوطئت رأسها: بس انا مابا اجوفه وخبرته لا يتصل مرة ثانية أمي ترفع يدها لي: ارتحتي؟ يلا فارجو المطبخ جهزو السفرة ووعو عليو بيأذن كسر قلبي ضعفها و رضخها لأمر أمي.. بـ تدخل امي في مشاكلهم سيتفاقم الأمر وتكبر الفجوة بينهم مهما كانت ردة افعالنا او حزننا على شما.. هناك خالد في النصف وقفت بوجه أمي: بنسير وياج المطبخ .. بس شموة بتيلس فالصالة تتريا ريلها بغضب واضح: ياسلااام.. لا رتبيله المكان بعد عدليه وبخريه وافرشي له الزولية الحمرا.. (تتقدم مني وانا ثابتة) انا بنتي مب لعبة عنده وعند اهله وقت ما بغاها ياا ويلس يستسمح ووقت ما بغى سافر ولا سأل عن حد.. وانتي بعدين مايخصج قومي من ويهي اجوف شيخة تحاول ابعادي: طوفي نسير المطبخ راقبت شما التي تمسح طرق دمعاتها قهراً.. وخالد يركل الهواء محتاجاً لحنان لم يعد يشعر به بجدية: خلي الحرمة وريلها يتفاهمون واللي يبونه هم بيقررونه اممايه مب من حقج تمنعينهم تصرخ: لا من حقي.. لآني مابا اجوفها تتعذب من واحد ماعنده لا ذمة ولا ضمير مخلنها هي وهالياهل من مدة ولا سأل عنهم.. ولا اباها تعيش الضيم اللي انا عشته ويا ابووج.. ولا وحدة فيكم تسمع رمستي وعقب ماتطيحون فالمشاكل ييتو وانخشيتو هني تصيحون (بلعت ريقي).. خليه يتحرقص طلعة ياشموه ماتطلعيله وانا مب امج اذا تحركتي .. هاه بجوف مريم هانم اتكأت شما على الجدار تلملم شتات ذرفها .. حملت عمر و رجعت غرفتي ابدل ملابسه بعد الفطور سأتصل لمحمد ونرجع البيت.. تصرفات امي اصبحت لا تطاق جلسنا على المائدة ننتظر .. قلبي على هاتف ساكن.. ويد امي تقسو على الطعام الساخن شيخة تحاول ايقاظ علياء الغارقة في سابع احلامها و مكابر دبي تصرخ بصوت واحد: الله أكبر ! وتخيل إن قلبي فارغ رغم إنك فيه، وإن هالسهر والله أكل عيني، وإني جد أحس بقلبي مهدود حيله، وصعب أشكيك، وﻻ حتى صرت أعرف أكتب أبد |
جميييييل جمااال ماشاء الله ..... ماشاء الله عليييج كاتبتنا الجميله مبدعه |
تسلمييييييييييييين على البااااارت رااااااااااااااااااااااااااااااااااااااااااااااااا ئع وضح إلنااااااااااااا أشيااااااااااااء وااااااايدددد و الأهم السبب الي كان للخيااااانة علي و شما حراااااااام لاتدخل أمها بينهم صح معاها الحق لكن لازم تسمعه بالأول و هوالأهم شيخةالله يهنيها يا رب علياء مالها دور فهالبارت أتمنى تمشين فالأحداث و نترياااااااااا البارت على أحرمنالجمر و الله يوفقج |
تسلمين مريؤمم انا مقهووورة من ام مريم يعني هي شدخلها بين الريال وحرمتة والله تقهر اخاف بعدد تقؤلة البنت ماتباك هات ورقة طلاقهااا...كفف اعطيهاا خخخخ |
| الساعة الآن 08:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir