|
وين الباارت دبووه تأخرتي علينا |
.. في مركز البستان.. على الساعة 5,6 العصر وصلوا المول المول كان ممزور بالناس، وهذا الشي ضايج حارب شوي لأنه ما يحب مكان فيه زحمة المهم.. مسك حارب ايد شهد ومشوا جدام سارة وحصة اللي يتبعوهم وبعد شوي دخلوا واحد من المحلات.. .. كان اليشمك .. بس سارة ما عيبها شي.. كان اللون الغالب عليهم الفوشي.. وسارة ملت من هاللون.. عسب جذه ما عيبها حارب: ها.. شو الحينة؟ سارة وهي صادة عنه الصوب الثاني: ما عيبني شي حارب: خلاص عيل.. اظهروا.. عقبها دخلوا المحل الثاني والثالث وبعد ما عيبهم شي عقبها أشرت حصة حق فستان عيبها وساروا صوبه عسب يشوفونه سارة وهي ترمس حارب: أنا وحصة بنسير هالمحل شويه.. حارب: ما عليه سيرن وأنا بودي شهد مكان الألعاب ومثل ما قال حارب سارن حصة وسارة محل الفساتين أما حارب وشهد فساروا صوب الألعاب بعد ما شافت حصة الفستان وايد عيبها وقررت أنها تاخذه.. كان عبارة عن فستان حريري ذهبي رقيق.. بلا أكمام.. مع ذيل طويل.. وخذت له صندل ذهبي من لون الفستان وايد حلو سارة: وايد حلو.. بس لو ما لقيت أحلا عنه بذبحج حصة: هههههههههه لا والله سارة وهي تتلفت: والله ما عيبني شي حصة: انزين خلينا نسير محل ثاني.. وإن شاء الله تلاقين شوي ويرن موبايل سارة.. سارة: ألو.. حارب: وينكم؟ وبعد ما خبرته سارة عن مكانهن يا حارب ومعاه شهد حارب: ها ... خلصتن؟ سارة: حصة لقت لها فستان حارب: وأنتي؟ سارة: ما عيبي شي صرخ عيها حارب : ألين متى يعني ؟ .. سارة وهي مقهورة من صراخه عليها: ما عيبني شي.. شسوي يعني؟ .. حارب : من ساعتين الحينة ونحن في المول سارة: أوكي هب مشكله.. نظهر هب لازم آخذ لي فستان.. والا أقول هب لازم أحضر العرس بكبره حصة: حارب.. سارة.. شفيكم؟ ليش كل هالصراخ؟ وأنتي سارة.. تعالي نسير هالصوب في محلات نحن ما شفناها سارة: أنا جذه ما أعرف أشتري حارب: لا تعرفين.. وصدقيني اذا يت الساعة 8 و انتي ما اخذتي شي .. بـ نمشي .. و أخذي لج من مكان ثاني.. سارة : يكون أحسن بعد.. مسكتها حصة ويرتها قبل لا يضاربون جدام الناس.. دخلوا محل الصراحة فساتينه تهبل.. حتى أن سارة .. احتارت شو تاخذ.. كل فستان أحلى عن الثاني.. وبعد مشاورات طويلة.. اختارت فستان لونه أسود .... موديله قصير لـ الركبة .. و من ورى وايد طويل .. عاري شوي .. بس فيه من فوق خيط ينربط في الرقبة .. وايد حلو موديله .. سارة: حصوه.. شو رايج؟ حصة: تبين الصراحة.. عجــــــــــــــيب بس.. سارة: بس شو؟ حصة: ما أتوقع حارب .. بـ يرضى تلبسين جذه .. سارة: شو؟ أونه ما يرضى.. بس عناد له .. باخذه .. .. حصة: والله كيفج بس سارة عنيدة وسوت اللي في بالها.. خذت الفستان وعقبها ظهروا حصة: وينهم؟ سارة وهي تتلفت.. وجنها لمحتهم.. كان حارب ويا شهد في محل للعطور واللي تبيع وحدة لبنانية .. انقهرت سارة.. ما تعرف ليش؟ حصة: مو جنه هذا حارب؟ سارة: يعني منو غيره شوي انتبه لهم حارب وزقرهم.. وسارن صوبه ودخلوا المحل حارب وهو يرمس اللبنانية اللي تبيع في المحل: هذي المدام سوزان: عن جد..؟ حارب: جيه؟ هب مصدقة؟ سوزان: لا بس بحس أنها كتير صغيري اسم الله عليها سارة كانت واصلة حدها.. هذا ما يستحي لا وقاعد يدق سوالف وياها والمصيبة يرمسون عنها حارب وهو يبتسم: ابيج تختارين لي أحلى عطر نسائي في المحل عسب أقدمه حق زوجتي سوزان: بس أنا ما بعرف شو زوأ المدام؟ حارب: دام أنه من اختيارج فأكيد فيعيبها سارة وهي داشة عرض وبنبرة حادة: ما بي حارب كان متوقع هالرد من سارة.. اصلا هو كان قاصد يزقرها عسب تشوفه وهو قاعد يرمس ويا سوزان.. يمكن عسب يشوف سارة تغار عليه والا؟؟ وشوي ظهرت سارة من المحل حارب وهو يرمس حصة: وين سارت؟ حصة: تقول أنها تبي تسير الحمام (تكرمون) شوي ظهروا من المحل وساروا صوب الحمامات (تكرمون) حارب: تأخرت.. حصة: لحظة بدخل أطالعها دخلت حصة وقعدت تزقر سارة شوي وتظهر سارة وعيونها غاديات جمر.. كان واضح عليها أنها كانت تصيح حصة: كنت تصيحين؟ سارة وخانقتنها العبرة: لأ.. حصة: من حقج تنقهرين سارة: شو؟ وليش انقهر؟ حصة: سارة.. لا تكابرين.. أنتي تحبين حارب.. ولو ما تحبينه ما غرتي عليه سارة خلاص ما رامت تتحمل زيادة وامتزرن عيونها بالدموع جربت منها حصة ولوت عليها وعقب ما هدت شوي مسحت سارة دموعها ولبست غشوتها وظهروا من الحمام (تكرمون) حارب: سارة شفيج؟ سارة: راسي يعورني أبي أظهر بسرعة حارب: سارة.. ارمسج أنا.. طالعيني سارة رغم القهر بس ما حبت تبين لحارب ورفعت راسها عسب تبين له أنها ولا هامنها.. وأول ما شاف حارب عيونها قدر يقرا فيهن كل الألم والحزن يعني انت تظلمني وانا ما اتكلم .. واذا انا اخطيت صارت جريمه .. يعني انت تتالم وانا ما اتألم .. انا على فكره حياتي أليمه .. انا حياتي كلها هم في هم .. وصدمات عمري من زماني عظيمه ..؟ حارب: خلاص الحينة بنظهر حارب كان شاك في الموضوع.. وحس أنه السبب في ألم سارة ورغم ذلك كان مستانس .. يعني سارة تغار عليه.. وهو يقول في خاطره..(ما عليه يا سارة.. وللحينة ما شفتي شي) أتعبت قلبي من جفاك وتغليك وتاهت بي الشرهة ولاأحد ذكرها المشكله قلبي حلف مايخليك ومدري متى ظروفك توقف ضررها قلبي وعقلي والمشاعر تباريك روحي هوت وروحك وحبك سحرها الذنب ذنب الحب ماهو خطا فيك هذا خطا نفسي وقدرها .................................................. .......... في السيارة.. حارب: وين تبون تتعشون؟ شهد: أنا ابي تنتاكي (أنا أبي كنتاكي) حارب وهو يبتسم: وين؟ شهد: تنتاكي حارب: تنتاكي؟؟ شهد: اممممم حارب: وين هذا بعد؟ شهد: سالة تعلفه كل مله تستريلي منه (سارة تعرفه.. كل مرة تشتري لي منه) حارب: صج سارة؟ سارة اللي كانت هب منتبها حقهم وساندة راسها عالسيت حارب: ســـــــــــــــارة.. سارة وتوها تنتبه: نعم.. حارب: للحينه راسج يعورج؟ سارة: الحمد الله.. أحسن الحينة حارب: انزين ما خبرتيني.. شو ها تنتاكي اللي ترمس عنه شهد؟ سارة وهي عاقدة حياتها: تنتاكي؟ اللي أحيده كنتاكي حارب: هههههههههههههه ما اردي عنها شهد: انزين أنا قلت حارب: لا.. لا تحاولين.. انتي قلتي تنتاكي شهد تضحك على حركات حارب وكيف يلعوزها حارب: وانتي سارة؟ سارة: أي مكان ما يهمني حارب: وحصة؟ حصة: والله كيفكم حارب: انزين شو رايكم نسير تشيليز؟ شهد: سيليز؟ نقع حارب من الضحك: سيليز ؟؟؟؟؟؟؟؟ شهد: أنا أبي حارب: من عيوني حبيبي.. بس الله يخليج شهوده لا تقولين سيليز عن يطردونا وكملوا سوالف ألين ما وصلوا المطعم وبعد ما سجل الجرسون كل واحد شو يبا.. رن موبايل سارة سارة وهي ترد: هلا أمايا أم سهيل: هلا يما سارة.. شحالكم؟ سارة: الحمد الله أم سهيل: وينكم؟ سارة: نحن الحينة في المطعم بنتعشى وبنيي أم سهيل: شهودة شحالها؟ سارة وهي تبتسم: فديتها مستانسة أم سهيل: ديروا بالكم عليها سارة: وشمة شحالها؟ أم سهيل: الحمد الله أحسن عن قبل سارة: الحمد الله وعقبها سكرت أم سهيل وقعدوا يتعشون حارب بعد ما دفع الحساب:ها خلصتن؟ حصة: هي الحمد الله حارب: وينها سارة؟ حصة: تغسل ايدها حارب: خلاص انتوا سيروا اركبوا السيارة وانا بوقف سارة وسارن حصة وشهد وركبوا السيارة عقب شوي ظهرت سارة بس ما لقت أحد.. قعدت تتلفت يمين ويسار سارة: أفففففففف وين ساروا؟؟؟ حتى حارب ماكان موجود.. قعدت سارة ادور عليهم بس ما لقتهم سارة انهد حيلها وهي خلاص تحس أن راسها بينفجر وخاصة أنهم طول اليوم قاعدين يتحوطون في المول فجأة حست أن الدنيا تدور فيها وما حست بعمرها ألا وهي طايحة .. ........................................ كـــــأأت شو تتوقعوون يصير في ساره..؟ و حارب و حصه وين سارو عنها..؟؟ وشو رايكم في البارت..؟؟ |
البااارت رووووووعه تسلمين الغلا |
تسلميين ع البااارت الروووعة ونترقب الياااي بس لا تبطيين فديتج |
السلام عليكم البارت حلو بس ابي اعرف لين متى بتكابر سارة شو تتوقعوون يصير في ساره..؟ اعتقد ان حارب بيشلها ويمكن يوديها المستشفى و حارب و حصه وين سارو عنها..؟؟ حصة سارت السيارة اما حارب اعتقد انه يبي يشوف سارة شو بسوي وشو رايكم في البارت..؟؟ روووووووووووووووووووووووووووووعة |
| الساعة الآن 12:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir